lat ClaviusQuod erat demonstrandum.
SCHOLION
EODEM modo demonstrari poterit hoc theorema.
TRIANGVLA æqualia inter easdem parallelas, si non eandem habuerint basin, super æquales bases erunt constituta.
SINT triangula æqualia A B C, D E F, inter parallelas A D, B F, & super bases B C, E F, quas dico esse æquales. Si enim non sunt æquales, sit B C, maior. Abscissa ergo recta C G, æquali ipsi E F, & ducta recta G A; erit triangulum A G C, triangulo D E F, æquale: Ponitur autem & triangulum A B C, eidem triangulo D E F, æquale: Igitur triangula A G C, A B C, æqualia erunt, pars & totum, quod est absurdum. Non ergo inæquales sunt bases B C, E F, sed æquales. Quod est propositum.