Omnis vero parallilogrammi spatii eorum que circa diametrum ipsius parallilogrammorum unumquodlibet cum duobus supplementis gnomon appellatur.

Omnis figure equidistantium laterum si una ex superficiebus equidistantium laterum, que super ipsius diametrum consistunt et quas diametrus per medium secat, duabus superficiebus equidistantium laterum que dicuntur supplementa adiungatur et sunt ab utraque parte diametri, totum hoc vocatur gnomo.

Omnis superficiei equidistantium laterum due superficies supra diametrum cadentes equidistantium laterum erunt diametro dividente illas per medium. Quod si una earum cum duabus complentibus coniungatur que ex utraque parte diametri cadunt omnia ista elaalem vocabuntur.

Omnis equidistancium superficiei ea spacia, que diametro divisa, circa diametrum consistunt laterum sunt equidistancium. Cum autem terminalibus diametro collateralibus equum unum additur, tocius comprehensio nominatur alalem, quod in arabica sermone idem est quod latine vexillum. Vult autem esse alalem semicirculus quidam terminales circa diametrum conducens, quod quidam gnomonem interpretati sunt. Nos vero quid gnomonis sit, non ignoramus, itaque propter extremorum quendam ambitum rectius umbonem appellandum arbitramur.

IN omni parallelogrammo spatio, vnumquodlibet eorum, quæ circa diametrum illius sunt, parallelogrammorum, cum duobus complementis, Gnomon vocetur.