Si ergo recta etc.

Si igitur linea recta, quocumque modo accidat, in duas dividatur sectiones, tunc quadratum quod ex tota fit linea duobus quadratis ex duabus sectionibus factis et duplo superficiei rectorum angulorum, que a duabus comprehenditur sectionibus, est equale.

Ostensum est in hoc quia due superficies in superficie quadrata contente, quas diametros per medium secat, ambe quadrate.

Est igitur, quod tota linea ex se generat, equale eis, que utraque pars ex se et altera in alteram deducta producunt; unde procedit, quoniam in omni tetragone due superficies, quas una diameter per medium secat, ambe sunt quadrate.

No Latin