Dico quoniam earum quidem que ad AEZG curvam periferiam accidunt rectarum maxima quidem est recta DA que per centrum. Minima vero que inter D et diametrum AI. Maior vero recta quidem DE quam recta DZ, recta vero ZD quam recta DG. Earum autem que ad TLKI convexam periferiam accidunt rectarum semper que propinquior DI minime minor est remotiore, recta quidem DK quam DL, recta vero DL quam DT.

Dico ergo quod ipsa est longior intrinsecis lineis et quod linea GE linea GZ extat maior et etiam quod linea GZ est longior linea GA. Et dico etiam quod lineis extrinsecis minor est linea GB que coniungit quod est inter punctum et extremitatem diametri, et quod linea GK minor est linea GL, et linea GL minor linea GT. Sic ergo lineis que a puncto G protracte circulum ingredientes per ipsum transeunt longior est que per centrum transit, que autem reliquarum diametro propinquior existit est longior ea que plus ab ea elongatur. Sed lineis exterius super circumferentiam cadentibus brevior est linea que coniungit quod est inter punctum et diametri extremitatem. Reliquarum vero que ei magis vicina est ea que est magis remota ab ea est brevior. Due quoque que sunt ab utraque parte minoris tantum sunt equales.

Extrinseca vero inter punctum et diametrum omnium brevissima, reliquarum vero linearum infra circulum meantium linea diametro propinquior ceteris longior. Unde linea GH linea GZ et GZ GA longior. Linearum vero que extrinsecus circumferentie applicantur omnium minima linea GH intra punctum G et circuli diametrum collocata. Reliquarum vero que brevissime propinquiores remotioribus breviores. Erit itaque GK brevior GL et GL GT. Due vero linee brevissime circumiacentes equales.

De tribus itaque propositis primum ut in superiori datum est sumimus. Eductis enim a centro, ad singula priorum puncta lineis triangulisque hoc modo compositis, angulis supra centrum collocatis idem argumentorum insident loci et genus.

No Latin