Si vus preisez sa manére,
Dunc la devez tenir chére,
Ne li devez porter hange,
Si vers vus se tient estrange.
Si vus despreisez ses murs,
Ostez dunc suspirs e plurs,
Plet ne tenez de ces maus,
Ne des biens ki tant sunt faus.
Fous est ki pur lui s’en deut,
Mès bien part, quant partir veut.
Nus hom, ki entent resun,
Ne deit aver achesun
De duleir, mès k’el s’en part ;
Ne ne deit de l’autre part
Estre léz pur sun repeir :
Matin vient e fuit le seir ;
Dès tut tens se gabe e giwe
Ne ne tient pès ne triwe
A ceus ki lui sunt suget.

---

Se tu la loes, use de ses meurs et ne te complaing pas.