Si scit . metuat necesse est ne amittat . quod amitti posse non dubitat. Uuéiz er iz áber . sô mûoz er nôte fúrhten ze uerlîesenne . dáz er síh uuéiz múgen uerlîesen. Quare continuus timor . non sinit eum esse felicem. Fóne díu nelâzet ín diu átaháfta fórhta nîeht sâligen uuésen. Sô getân argumentatio . héizet in rhetorica comprehensio . táz chît keuángeni . uuánda er ímo nîeht indrínnen nemág . er negefáhe ín . álso er nû chît . ér uuíze . álde neuuíze fortunam instabilem . ér neíst îo sâlig nîeht. Álso dáz íst in euangelio. Baptismum iohannis de cȩlo erat . an ex hominibus ? So-uuéder sie châdîn de cȩlo . an ex hominibus . sô uuúrtîn sie geuángen.