Agit cuiusque rei natura . quod proprium est. Állero díngoliches natura . uuírchet táz íro gesláht íst ze uuúrchenne. Tíu argumenta sínt a causa . uuánda qualitates . sô fortitudo íst . únde uelocitas . dîe sínt cause . dáz chît ´machunga . únde uuúrcheda dero qualium . sô fortes . únde ueloces sínt. Nec miscetur effectibus contrariarum rerum. Nóh sî nemískelôt síh nîeht tîen uuíderuuártigên uuúrchedôn . sô ignauia íst fortitudini . únde tarditas uelocitati. Et ultro depellit quȩ aduersa sunt. Únde gérno uuéret si síh tîen . díu íru uuídere sínt.