60. BONIS CORPORIS . HOMINES NON AEQUARI BESTIIS.
Iam uero qui pre se ferunt bona corporiis . quam exigua . quam fragili possessione nituntur. Tîe des lîchamen fróma fúre-sézzent tîen frómôn dero sêlo . ze uuîo lúzzelemo dínge síh tîe hábent. Fóne dien simiis . tîe uuír héizên áffen . íst táz kespróchen . pre se ferunt. Ter áffo guuínnet îo zuéi uuélfer . únde déro zuéio . íst ímo daz éina lîebera . dánne daz ánder. Taz lîebera chêret îo fúre síh . taz ánder fólgêt ímo. Sô man ín iágôn gestât . sô héuet er daz lîebera ûf zû-se sînên brústen . daz léídera sprínget ûf án ín . únde hábet síh . ze sînemo hâre. Sô ímo dára-nâh nôten gestât . sô uerlâzet er daz lîebera . únde indrínnet mít témo . dáz ímo léidera uuás.