lat 524 A.D. V,6pSed crastinum quidem nondum adprehendit; hesternum uero iam perdidit; in hodierna quoque uita non amplius uiuitis quam in illo mobili transitorioque momento.
ger Notker ca. 950-1022 A.D.Sed nondum quidem apprehendit crastinum . iam perdidit hesternum. Núbe fóre íst ímo nóh táz mórgeniga . ingángen íst ímo daz késteriga. In hodierna quoque uita. Ióh án demo híutigen lîbe . dér únder demo géstrigen íst . únde únder demo mórgenigen. Non amplius uiuitis. Nelébent ir mêr. Quam in illo mobili et transitorio momento. Tánne án demo stéte-lôsen . únde hína-fértigen stúpfe. Uuír nelébeên nîeht an preterito . nóh an futuro . án demo presenti bírn uuír îo. Nóh státôn nemúgen uuír nîeht an démo sélben. Chómendo ferlóufet iz. Únde úbe iz îoman uuíle zéigôn demo ándermo . dér mág échert éinêst chéden chûmo . íz íst nû . sâr ánderêst chît er nôte . iz uuás nû . úbe er dáz sélba zéigôn sól. Sô getân íst únsêr presens.
http://www2.hf.uio.no/common/apps/permlink/permlink.php?app=polyglotta&context=record&uid=0c150a5d-1c9b-11e2-b349-001cc4ddf0f4