groṅ khyer lhas bstan du rgyal po legs par rab sad ces bya ba rgyal srid byed du ’jug ste | ’byor pa dag rgyas pa daṅ | bde (3) pa daṅ | lo legs pa | skye po daṅ | mi maṅ pos gaṅ ba | ’thab pa daṅ | ’thab mo daṅ | rtsod pa daṅ | ’gyed pa daṅ | chom rkun med ciṅ nad rab tu źi bar gyur pa | ’bras daṅ | bu ram śiṅ gi phreṅ ba daṅ | ba laṅ daṅ | ma he phun sum tshogs (4) ba na bu gcig pa la sdug pa bźin du rgyal srid skyoṅ bar byed do | rgyal po legs par rab sad kyi btsun mo dam pa gzugs bzaṅ ba | blta na sdug pa | mdzes pa yul gyi bzaṅ mo lum bi ni źes bya ba yod do | lhas bstan na khyim bdag phyug ciṅ nor (5) maṅ pa loṅs spyod che ba yoṅs su gzuṅ ba yaṅs śiṅ rgya che ba | rnam thos kyi bu’i nor daṅ ldan pa | rnam thos kyi bu la nor gyis ’gran pa źig gnas pa de’i kun dga’ ra ba me tog phun sum tshogs pa daṅ | ’bras bu phun sum tshogs pa daṅ | chu phun sum (6) tshogs pa daṅ | bya sna tshogs skad ’byin pas de’i kun dga’ ra ba dga’ dga’ ltar ’dug pa der rgyal po dus su btsun mo’i ’khor daṅ lhan cig lhags nas de na dga’ ba’i rtsed mo ñams su myoṅ par byed do | lum bi nis de mthoṅ nas ’dod pa skyes (7) te | des smas pa | lha kun dga’ rab ’di bdag la stsal du gsol | rgyal pos smras pa | kun dga’ ra ba ’di khyim bdag gi yin na ji ltar sbyin | gal te khyod la kun dga’ ra ba dgos na khyod kyi phyir de bas lhag par bzaṅ ba gźan źig bya’o |

.