de nas seṅ ge ’gram gyis legs par rab sad la pho ña btaṅ nas kho bos tshogs la (7) brtags zin gyis | bu mo cig śos kyaṅ bkri śib | des de yaṅ ’khor lṅa brgya daṅ bkri ste gźon nu zas gtsaṅ gis gñis ka blaṅs so | ji tsam na dus gźan źig na rgyal po seṅ ge ’gram śi nas ser skyī gźin rgyal po zas gtsaṅ rgyal srid byed du ’jug ste | (275b1) ’byor pa daṅ | rgyas pa daṅ | bde pa daṅ | lo legs pa | skye po daṅ | mi maṅ pos gaṅ ba | ’thab pa daṅ | rtsod pa daṅ | ’gyed pa daṅ | chom rkun med ciṅ nad rab tu źi bar gyur pa | ’bras daṅ | bu ram śiṅ gi phreṅ ba daṅ | ba laṅ daṅ | (2) ma he phun sum tshogs pa na bu gcig pa la sdug pa bźin rgyal srid skyoṅ bar byed do | des dus gźan źig na btsun mo sgyu ’phrul chen mo daṅ | lhan cig steṅ gi khaṅ bzaṅ sa kyi gźi skyes ba med par doṅ nas rol mos rtse bar byed | dga’ bar byed | dga’ mgur (3) spyod par byed do | ’di ni chos ñid yin te | byaṅ chub sems dpa’ dga’ ldan gyi gnas na bźugs pan ’jig rten la gzigs pa ldas gzigs par mdzad de | rigs la gzigs pa daṅ | yul la gzigs pa daṅ | dus la gzigs pa daṅ | rgyud la (4) gzigs pa daṅ | bud med la gzigs pa’o | byaṅ cub sems dpa’ rnams rgyu gaṅ gis rigs la gzigs par mdzad ce na | byaṅ chub sems dpa’ dga’ ldan gyi go nas na bźugs pa ni ’di sñam du dgoṅs te | byaṅ chub sems dpa’ rnams rigs ji lta (5) bu źig tu ñiṅ mtshams sbyor ba len sñam na | bram ze’i rigs sam | rgyal rigs kyi rigs su yin la | de la res ’ga’ ni bram ze’i rigs btsun par bkur | res ’ga’ ni rgyal rigs te | da lta ni rgyal rigs btsun par bkur bar gzigs nas | ma la (6) bdag la gźan dag byaṅ chub sems dpas rigs ṅan par ñiṅ mtshams sbyor ba blaṅs so źes gźi ’dis kha zer bar mi ’gyur bar bdag gis rgyal rigs su ñiṅ mtshams sbyor ba blaṅ bar bya’o sñam mo | ’di ltar byaṅ chub sems dpas thog ma med pa’i dus nas | smad (7) bar mi ’gyur ba’i las byas śiṅ bsags pa daṅ | saṅs rgyas bcom ldan ’das rnams ni chos bśad pa ’bras bu med pa ma yin pas rgyu ’dis na byaṅ chub sems dpa’ rnams rigs la gzigs par mdzad do | byaṅ chub sems dpa’ rnams rgyu gaṅ (276a1) gis yul la gzigs par mdad ce na | byaṅ chub sems dpa’ dga’ ldan gyi gnas na bźugs pa ni ’di sñam du dgoṅs te | byaṅ chub sems dpa’ rnams yul ji lta bu źig tu ñiṅ mtshams sbyor ba len sñam na | ’bras daṅ | bu ram (2) śiṅ daṅ | ba laṅ daṅ | ma he phun sum tshogs pa | sloṅ mo pa brgya ’du ba | mtha’ ’khob kyi skye bo med pa | dbus pa’i skye bo gnas pa’i yul yin par gzigs nas ’di sñam du dgoṅs te | yul dbus ’di ni bu ram śiṅ gi phreṅ ba daṅ | ’bras daṅ | (3) bu ram śiṅ daṅ | ba laṅ dag | ma he phun sum tshogs pa | sloṅ mo pa brgya ’du ba | mtha’ ’khob kyi skyu.e bo med pa | dbus pa’i skye bo gnas pa yin gyis ma la bdag la gzan dag byaṅ chub sems dpa’ yul ’tha’ ’khob rnams su ñiṅ mtshams sbyor pa (4) blaṅs so źes gźi ’dis kha zer bar mi ’gyur bar bdag gis yul dbus su ñiṅ mtshams sbyor ba blaṅ bar bya sñam mo | ’di ltar byaṅ chub sems dpas thog ma med pa’i dus nas smad par mi ’gyur ba’i las byas śiṅ bsags pa daṅ | saṅs rgyas bcom (5) ldan ’das rnams ni chos bśad pa ’bras bu med pa ma yin pas rgyu ’dis na byaṅ chub sems dpa’ rnams yul la gzigs par mdzad do | byaṅ chub sems dpa’ rnams rgyu gaṅ gis dus la gzigs par mdzad ce na | byaṅ chub sems dpa’ dga’ ldan gyi gnas (6) na bźugs pa ni ’di sñam du dgoṅs te | byaṅ chub sems dpa’ rnams dus ji lta bu źig tu ’dzam bu’i gliṅ du ñiṅ mtshams sbyor ba len sñam na | skye dgu’i tshe lo yar skye ba na brgyad khri thub pa yan chad ñiṅ mtshams sbyor ba mi len la mi rnams kyi tshe lo mar ’grib ba na brgya (7) thub pa man chad ñiṅ mtshams sbyor ba mi len no | byaṅ chub sems dpa’ rgyu gaṅ gis mi rnams kyi tshe lo brgyad khri thub pa yan chad ñid mtshams sbyor ba len par mi mdzad ce na | mi rnams tshe lo brgyad bri thub pa na yid ’byuṅ bar dka’ źiṅ skyo bar bya bar dka’ la | (276b1) blun źiṅ dbaṅ po rtul kha daṅ | bag med ciṅ bde ba maṅ bas bden ba rnams kyi snod du mi ’gyur ba’i phyir ro | mar ’grib pa lo brgya man chad du yaṅ sñigs ma lṅa po ’di lta ste | tshe’i snigs ma daṅ | ñon moṅs pa’i sñigs ma daṅ | sems can gyi sñigs ma (2) daṅ | lta ba’i sñigs ma daṅ | dus kyi sñigs ma śas che ba yin bas bdag la gźan dag byaṅ chub sems dpas sñigs ma lṅa śas che ba’i dus su ñiṅ mtshams sbyor ba blaṅs so źes gźi ’dis kha zer bar mi ’gyur ro sñam mo | ’di ltar byaṅ chub sems (3) dpas thog ma med pa’i dus nas smad par mi ’gyur pa’i las byas śiṅ bsags pa daṅ | saṅs rgyas bcom ldan ’das rnams ni chos bśad pa ’bras bu med pa ma yin pas rgyu ’dis na byaṅ chub sems dpa’ rnams dus la gzigs pa yin no | byaṅ chub sems (4) dpa’ rgyu gaṅ gis rgyud la gzigs par mdzad ce na | byaṅ chub sems dpa’ dga’ ldan gyi gnas na bźugs pa ni ’di sñam du dgoṅs te | byaṅ chub sems dpa’ rnams rgyud ci ’dra ba źig tu ñiṅ mtshams sbyor ba len sñam na | rigs gaṅ źig btsun par bkur (5) źiṅ ma mes daṅ pha mes zuṅ bdun gyi bar spyod pa la skyon med pa yin par gzigs nas de ’di sñam du dgoṅs te | śākya ’i rigs brgyud ’di ni btsun par bkur ba yin źiṅ maṅ pos bkur ba nas bzuṅ ste spyod pa skyon med pa yin gyis ma la bdag la gźan dag byaṅ (6) chub sems dpa’ rgyud ṅan pa las ñid mtshams sbyor pa blaṅs so źes gźi ’dis kha zer bar mi ’gyur bar bdag gis rgyal po zas gtsaṅ gi rgyud du ñiṅ mtshams sbyor ba blaṅ ṅo sñam mo | ’di ltar byaṅ chub sems dpas thog ma med pa’i dus nas smad par mi (7) ’gyur ba’i las byas śiṅ bsags pa daṅ | saṅs rgyas bcom ldan ’das rnams ni chos bśad pa ’bras bu med pa ma yin pas rgyu ’dis na byaṅ chub sems dpa’ rnams rgyud la gzigs par mdzad do | byaṅ chub sems dpa’ rnams rgyu gaṅ gis bud med la gzigs (277a1) par mdzad ce na | byaṅ chub sems dpa’ dga’ ldan gyi gnas na bźugs pa na ’di sñam du dgoṅs te | byaṅ chub sems dpa’ rnams bud med ci ’dra bźig gi rum du ñiṅ mtshams sbyor ba len sñam na | bud med gaṅ źeg gzugs bzaṅ mo daṅ ldan pa | (2) tshul daṅ ldan pa | rigs daṅ ldan pa | rgod bag can ma yin la rigs ’phel baRa ’agyuRa źiṅ sṅon gyi saṅs rgyas rnams la kye ma bdag saṅs rgyas kyi yum du gyur cig ces smon lam btab pa daṅ | byaṅ chub sems dpa’ rum du zla ba bcur ’dzin nus pa daṅ | (3) raṅ gi don yag ñams par mi byed pa yin par gzigs nas ’di sñam du dgoṅs te | sgyu ’phrul chen mo’i ni ma mes daṅ | pha mes zuṅ bdun gyi bar spyod pa la skyon med ciṅ gzugs daṅ ldan pa daṅ | tshul daṅ ldan pa daṅ | rgod bag can ma yin pa daṅ | rigs (4) ’phel par ’gyur ba daṅ | byaṅ chub sems dpa’ rum du zla ba bcur ’dzin nus pa daṅ | raṅ gi don yaṅ mi ñams pa yin la | ’di ltar sgyu ’phrul chen mos sṅon saṅs rgyas rnams la kye ma bdag saṅs rgyas kyi yum du gyur cig ces smon lam btab pa yaṅ yin (5) pas bdag la gźan dag byaṅ chub sems dpa’ mtshan ṅan pa daṅ ldan pa’i bud med kyi rum du ñiṅ mtshams sbyor ba blaṅs so źes gźi ’dis kha zer bar mi ’gyur ro sñam mo | ’di ltar byaṅ chub sems dpas smad par mi ’gyur ba’i las byas śiṅ bsags pa (6) daṅ | saṅs rgyas bcom ldan ’das rnams ni chos bśad pa ’bras bu med pa ma yin pas rgyu ’dis na byaṅ chub sems dpa’ rnams bud med la gzigs par mdzad do |

.