de nas byaṅ chub sems dpa’ śākya thub (7) pa bźon pa bzaṅ por źugs nas skyed mos tshal gyi gźir byuṅ ba daṅ | byaṅ chub sems dpa’ śākya thub pas mi rgas ’khogs gtugs pa sgur po phyam dgu po ltar kyaṅ kyor can | mdun nas ’khar ba la rten ciṅ ’dar źiṅ ’gro ba | de’i skra se ba | ji ltar (292a1) yaṅ mi gźan dag daṅ mi ’dra ba cig gzigs so | gzigs nas kyaṅ kha lo sgyur ba la gsuṅs pa | kha lo sgyur ba mi rgas ’khogs gtugs pa | sgur po phyam dgu bo ltar kyar kyor can | mdun nas ’khar ba la rten ciṅ | lus ’dar źiṅ (2) ’gro la de’i skra se ba | ji ltar yaṅ mi gźan daṅ mi ’dra ba ’di ci yin | lha mi ’di ni rgas pa źes bya’o | kha lo sgyur ba rgas pa źes bya ba ’di ci yin | lha mi ’di riṅ po mi thogs pa kho nar ’gum par ’gyur bas de rgas pa źes bgyi’o | kha lo sgyur ba ṅa yaṅ (3) rgas pa’i chos daṅ | rgas pa’i chos ñid las ma ’das sam | lha yaṅ rgas pa’i chos daṅ | rgas pa’i chos ñid las ma ’das so | kha lo sgyur ba de’i phyir śiṅ rta phyir sgyur cig | pho braṅ ñid du ’doṅ ṅo | ’di ltar ṅa pho braṅ ñid du phyin nas | ṅa rgas pa (4) las ma ’das źes grag pa’i don de ñid bsam par bya’o | kha lo sgyur bas śiṅ rta phyir bsgyur nas pho braṅ ñid du chas te | der byaṅ chub sems dpa’ śākya thub pa pho braṅ gi naṅ du byon nas | ṅa yaṅ rgas pa las ma ’das pa lta źig ces mi dgyes śiṅ thugs (5) ṅan dgoṅs so | ’dir smras pa | ṅar yol rgas śiṅ sgur la mgo skya ba | lag na ’khor ba thogs pa’i mi gzigs nas | ’di bdag rgas las ma ’das źes grag ces |

.