de nas lha sbyin ’di sñam du sems te | ci bag gis ’dzam bu źes bya ba’i miṅ gis ’dzam bu’i gliṅ źes bya bar btags pa gaṅ yin pa de las ’dzam bu’i sñe ma kha dog daṅ dri daṅ ro phun sum tshogs pa rnams las lhuṅ bzed bkaṅ ste blaṅs nas bdag ñid loṅs (5) spyod ciṅ | lhag ma yaṅ dge sloṅ yod pa rnams la bgo bar bya ’am | gźan yaṅ ’di’i ne ’khor na bil ba’i tshal lam | ka pid tha’i tshal lam | skyur rtsi’i tshal gaṅ yin pa de las skyur rtsi’i ’bras bu kha dog daṅ dri daṅ ro phun sum tshogs pa rnams las lhuṅ bzed bkaṅ (6) ste blaṅs nas bdag ñid loṅs spyod ciṅ | lhag ma yaṅ dge sloṅ yod pa rnams la bgo bar bya’am | braṅ gi sgra mi sñan gyi gliṅ du soṅ la ma rmos ma btab pa’i ’bras sā lu’i ’bru las lhuṅ bzed bkaṅ ste blaṅs nas źes bya ba’i bar goṅ ma bźin du’o ||

.