dge sloṅ ma ’chi ltas daṅ | ñe ba’i ’chi ltas ’di ha caṅ ’dre bas gnas par gyur te | de gñis la dge (5) sloṅ ma maṅ po rnams kyis phu nu mo khyed gñis ha caṅ ’dre bas gnas par ma byed par phu nu mo khyed gñis lhan cig gnas par ma byed cig | phu nu mo khyed gñis mi ’dre bas gnas par gyis śig | de ci’i phyir źe na | khyed gñis mi ’dre bas gnas (6) par byed na dge ba’i chos rnams mi ’grib ciṅ ’phel ba ñid du ’gyur ba’i phyir ro źes dge sloṅ ma de rnams kyis de la bźams te bsgo ba na gźi de ñid nan gyis źes bya ba nas gźan ni brdzun pa’o źes bya ba’i bar gyi slad du dge ’dun gyi dus la bab cig bzod na (7) dge ’dun gyis gnaṅ bar mdzod cig daṅ dge ’dun gyis dge sloṅ ma ’chi ltas daṅ | ñe ba’i ’chi ltas la gsol ba daṅ bźi’i las kyis bsgo ba gaṅ lags pa de mdzad do ||