dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa ba lag bdag gis las ci źig bgyis na las de’i rnam par smin pas śa tshugs pa laṅ lta bur gyur lags | bcom ldan (2) ’das kyis bka’ stsal pa | dge sloṅ dag ba laṅ bdag ñid kyis las rnams byas śiṅ bsags pa | tshogs rñed pa | rkyen yoṅs su bsgyur ba | chu bo bźin ñe bar gnas pa ṅes par myoṅ bar ’gyur ba yin te | ba laṅ bdag ñid kyis byas pa’i las rnams gźan su źig gis myoṅ bar (3) ’gyur | dge sloṅ dag las byas śiṅ bsags pa rnams ni phyi rol gyisa’i khams la rnam par smin par mi ’gyur | chu’i khams lam yin | me’i khams lam yin | rluṅ gi khams la ma yin gyi | ’on kyaṅ las dge ba daṅ | mi dge ba byas śiṅ bsags pa rnams ni zin pa’i phuṅ po daṅ | skye (4) mched daṅ | khams dag kho na la rnam par smin par ’gyur ro ||

.