khyod nad med par gyur cig | gnas brtan gtsug lag khaṅ ’din (72b1) nub gcig kyaṅ mi gnas par mchis par mi bgyi ba’i khrims su mdzad pa mchis na bdag gi gnas mdzad du gsol | bźin bzaṅs dge ’dun gyis de lta bu’i khrims su bca’ ba mdzad pa legs te | gal te ma mdzad na kho bos ’char gźug pa źig de’i tshe ni po bo snod maṅ źiṅ yo byad maṅ ba yin (2) la | ṅa ni gnas brtan yin nam | khyod ma gus pa byas kyaṅ gnas ster ba gaṅ yin ba del gnas chos śig | de spobs pa med par gyur nas caṅ mi smra bar ’dug ste | de’i gnas bar chad du gyur pa’i skabs de dge sloṅ dag gis bcom ldan ’das la gsol pa daṅ | bcom ldan ’das (3) kyis bka’ stsal pa | gnas med par ljoṅs rgyu źiṅ ’gro bar mi bya | dge sloṅ gis seṅ ge bźin gtum por mi bya | dge ’dun gyis kyaṅ dge sloṅ rnams la gnod par ’gyur ba’i khrims bca’ bar mi bya ste | dge sloṅ gnas ma bcas par ljoṅs rgyu źiṅ ’gro’am | seṅ (4) ge bźin gtum por byed dam | dge ’dun gyis khrims su bya ba de lta bu bcas na thams cad ’gal tsabs can du ’gyur ro ||

.