de na ’dis ’chi ba’i dus kyi tshe smon lam btab pa | ’di ltar bdag gis yon gnas bla na med pa bcom ldan ’das yaṅ dag par rdzogs pa’i saṅs rgyas ’od sruṅ gi spyan sṅar tshe ji srid par tshaṅs par spyod pa spyad kyaṅ yon tan gyi (3) tshogs ’ga’ yaṅ thob par ma gyur gyis | bdag dge ba’i rtsa ba ’dis bcom ldan ’das yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la bram ze’i khye’u khyod skye dgu’i tshe lo brgya thub ba na de bźin gśegs pa dgra bcom yaṅ dag par rdzogs pa’i saṅs rgyas śākya (4) thub par ’gyur ro źes luṅ bstan pa gaṅ yin pa de’i gsuṅ rab la rab tu byuṅ nas ñon moṅs pa thams cad spaṅs te dgra bcom pa ñid mṅon du byed par ’gyur ba daṅ | ji ltar bcom ldan ’das yaṅ dag par rdzogs pa’i saṅs rgyas ’od sruṅ gis bdag gi mkhan po dbaṅ (5) po’i sgo bsdams pa rnams kyi mchog tu bstan pa de bźin du bdag kyaṅ bcom ldan ’das śākya thub pa śākya ’i rgyal po gtso bo des dbaṅ po’i sgo bsdams pa rnams kyi mchog tu luṅ ston par gyur ci gces byas te | smon lam de’i dbaṅ gis da ltar de bźin gśegs pas dbaṅ po’i (6) sgo bsdams pa rnams kyi mchog tu bstan to ||

.