gaṅ yaṅ ṅas ñid kyi mṅon par śes pas mṅon par rdzogs par saṅs rgyas te bśad pa’i (6) chos ’di lta ste | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs daṅ | byaṅ chub kyi yan lag bdun daṅ | ’phags pa’i lam yan lag brgyad pa dag khyer te yoṅs su mya ṅan las ’das (7) sam | btsun pa ma lags te | btsun pa tshe daṅ ldan pa śā ri’i bus tshul khrims kyi phuṅ po ’tshal te | yoṅs su mya ṅan las ’das pa ma lags | tiṅ ṅe ‘dzin gyi phuṅ po yaṅ ma lags | śes rab kyi phuṅ po yaṅ ma lags | rnam par grol ba’i phuṅ po yaṅ (241b1) ma lags | rnam par grol ba’i ye śes mthoṅ ba’i phuṅ po ’tshal te mya ṅan las ’das pa yaṅ ma lags | gaṅ yaṅ bcom ldan ’das kyis ñid kyi mṅon par śes pas mṅon par rdzogs par saṅs rgyas te | bśad pa’i chos ’di lta ste | dran pa ñe bar gźag pa (2) bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa dag ’tshal te yoṅs su mya ṅan las ’das pa yaṅ ma lags mod kyi ’on kyaṅ | (3) tshe daṅ ldan pa śā ri’i bu ni tshul khrims daṅ ldan pa | maṅ du thos pa | chog śes pa | ’dod pa chuṅ ba rab tu dben pa | brtson ’grus brtsams pa | dran pa ñe bar gnas pa | mñam par gźag pa | śes rab can | śes rab myur ba | śes rab mgyogs pa | (4) śes rab rno ba | ṅes par ’byuṅ ba’i śes rab can | ṅes par ’byed pa’i śes rab can | śes rab che ba | śes rab yaṅs pa | śes rab zab pa | śes rab mñam pa med pa | śes rab rin po che daṅ ldan pa | yaṅ dag par ston par bgyid pa | yaṅ (5) dag par len du ’jug par bgyid pa | yaṅ dag par gzeṅs stod par bgyid pa | yaṅ dag par rab tu dga’ bar bgyid pa | yaṅ dag par ston pa daṅ | yaṅ dag par len du ’jug pa daṅ | yaṅ dag par gzeṅs stod pa daṅ | yaṅ dag par rab tu dga’ ba’i (6) bsṅags pa brjod pa | ’khor bźi la chos ston pa na dub pa ma mchis pa ste | bdag tshe daṅ ldan pa śā ri’i bu’i chos daṅ | chos kyi loṅs spyod gaṅ dag lags pa de dag rjes su dran na | tshe daṅ ldan pa śā ri’i bu’i yoṅs su mya ṅan las ’das pa de’i slad du dbyar (7) ṅan daṅ | smre sṅags ’don to ||

.