bcom ldan ’das kyis bka’ stsal pa | khyim bdag gnaṅ gis gyis śig | yul ko sa la’i rgyal po gsal rgyal gyis ji ltar | khyim bdag mgon med zas sbyin gyis bcom ldan ’das la ’phags (5) pa śā ri’i bu’i mchod rten gyi dus ston gzugs par gsol pa las | bcom ldan ’das kyis ’jugs par gnaṅ ba thos nas | ma la bdag gis kyaṅ de’i grogs bya’o sñam nas | des ’di ltar dril bsgrags nas | śes ldan mñan yod na gnas pa’i groṅ khyer pa rnams daṅ | (6) yul gźan nas lhags pa’i skye bo’i tshogs dag ñon cig | ’phags pa śā ri’i bu’i mchod rten gyi dus ston la bab pa’i tshe zoṅ thogs nas ’oṅs pa gaṅ yin ba de la śo gam yaṅ med la gcan kyaṅ med | gru btsas kyaṅ med kyis de bag yaṅs su ’dir śog śig | bar skabs (7) der rgya mtsho chen po nas tshoṅ pa lṅa brgya źig gru bo che’i nor grub ste | mñan yod du phyin pa de dag gis ji ltar rgyal pos mñan yod du dril bsgrags te | ’di skad du gaṅ źig ’phags pa śā ri’i bu’i mchod rten gyi dus ston la bab pa’i tshe zoṅ thogs te ’oṅ ba de la śo gam yaṅ med la (247a1) gcan yaṅ med | gru btsas kyaṅ med kyis de bag yaṅs su ’dir śog śig | ces bsgo ba thos nas re źig rgyal po ’di raṅ gi bsod nams kyi ’bras bu la gnas kyaṅ bsod nams dag gis ṅoms mi śes te | sbyin pa dag sbyin | bsod nams dag byed (2) na bdag gis ci’i phyir sbyin pa dag mi sbyin | bsod nams dag mi bya sñam nas | de dag yid rab tu daṅ ba skyes te | dus ston de’i dus su duṅ daṅ | nor bu daṅ mu tig la sogs pa phul ba daṅ | dge sloṅ dag gis ji ltar bsgrub pa mi śes nas | bcom ldan ’das kyis bka’ stsal (3) pa | bud dud gaṅ yin pa de dag ni śiṅ ’dzam bu’i gri ba man bźugs pa’i sku gzugs la dbul bar bya’o ||

.