de nas dge sloṅ ma ut+pa la’i kha dog mas ’di ltar bcom ldan ’das sum bcu rtsa gsum lhin gnas nas ’dzam bu’i gliṅ du babs na de la thabs ci źig gis bdag gis bcom ldan ’das la thog mar phyag bya | de ste (92b1) ’di bźin du soṅ na ni dge sbyoṅ ma mgo reg ma’o źes zer nas che źiṅ che ba’i lha daṅ mis bcom ldan ’das bskor bas naṅ du ’gror yaṅ mi ster gyis ci nas bdag ni rdzu ’phrul gyis ’gro’o sñam du bsams te | de ’khor los sgyur ba’i rgyal po’i cha lugs su bdag ñid mṅon du sprul te rin po (2) che sna bdun gyis thog mar draṅs | blon po stobs kyi mchogs ya phrag bdun bcu rtsa dgus ni bskor | rnam pa sna tshogs kyi rgyan gyis brgyan pa’i bu stoṅ gis kyaṅ zla ba kham pa bźin du bskor | mu stegs can daṅ | bram ze daṅ | phoṅs pa daṅ | dman pa daṅ | mi’i mchog stoṅ (3) gis ni rjes su ’braṅ | rtsibs ma brgya pa’i gdugs spyi bor ’dzin | ñi ma’i ’od zer stoṅ śar ciṅ ’phro ba daṅ | zla ba daṅ | skar ma daṅ | gźal med khaṅ mdzes par bcas pa zil gyis gnon ciṅ bcom ldan ’das kyi druṅ du soṅ ba daṅ | ’khor de dag gis dge sloṅ ma ut+pa la’i (4) kha dog ma rgyaṅ ma nas mthoṅ ṅo | mthoṅ nas ya mtshan gyur te mig tshugs kyis lta źiṅ rtog pa sna tshogs su gyur to ||

.