de’i tshe ri ka ta’i dge sloṅ tha skar skyes daṅ nab so daṅ | dge sloṅ dmar skya rnams (6) gnas te | de dag gis ’di lta bu daṅ | ’di ’dra bar ’thab pa daṅ | ’thab tu ’jug pa daṅ | ched du ltar ’doṅ źiṅ ’khod pa de ’di lta ste | bal glaṅ ’thab pa daṅ | rta ’thab pa daṅ | śiṅ rta ’thab pa daṅ | dpuṅ bu chuṅ ’thab pa daṅ | dbyug pas ’thab pa daṅ | khu tshur (7) gyis ’thab pa daṅ | khyu mchog ’thab pa daṅ | ma he ’thab pa daṅ | ra thug ’thab pa daṅ | thug re ’thab pa daṅ | khyi ’thab pa daṅ | bya ’bar ta ka ’thab pa daṅ | byal ba ka ’thab pa daṅ | bya gag ’thab pa daṅ | pud med stobs ’gyed pa daṅ | skyes pa stobs ’gyed pa daṅ | (100a1) gźon nu stobs ’gyed pa daṅ | gźon nu ma rnams stobs ’gyed du ’jug pa daṅ | dad pa’i bram ze daṅ khyim bdag dag ’phya źiṅ smod dam ṅan du zer nas | ’di ltar dge sloṅ legs par bśad pa’i chos ’dul ba la rab tu byuṅ yaṅ bal glaṅ ’thab par byed byed (2) du ’dzug pa’i dge sbyoṅ mgo reg ’di la ci phyir bsod sñoms sbyin pa daṅ | mchod par bya sñam du sems so ||

.