tshe daṅ ldan pa kun dga’ bo chos ’chad pa la chags pas de la ’dug ces ma smras pa daṅ | de riṅ źig ’greṅ bas ñi ma’i ’od zer tsha bas rmya ste brgyal bar gyur nas sa la ’gyel ba daṅ ma dad pa dag (2) gis smras pa | kye dge sloṅ ma ut+pa la’i kha dog ma ’dod chags daṅ bral lo źes thos na śākya gźon nu gzugs sdug pa mthoṅ ba daṅ ’dod chags kyis bskyod pa’i rtog pas sa la ’gyel to źes ’dzer ba dge sloṅ dag gis thos te bcom ldan ’das la gsol nas | bcom ldan (3) ’das kyis bka’ stsal pa | dge sloṅ dag bram ze daṅ khyim bdag dag rigs par ’phya ste | de lta bas na dge sloṅ dag chos ’chad na ’phags ma ’dug ces smros śig | de ste dge sloṅ brel te ma dran na dge sloṅ mas źus la ’dug śig | ’phags pa mkhyen par mdzod cig (4) bdag mchis so źes brjod cig | saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs te | der bcom ldan ’das kyis dge sloṅ dag la bka’ stsal ba | dge sloṅ dag ñim ni śar | bya rog ni skad ’byin | źiṅ (5) pa ni źiṅ rmed | mi rgod ni du’o ||

.