bcom ldan (150a1) ’das kyis ’phrog ma de ste khyod kyi bu lṅa brgya las gcig cig med pa lta ci ñes | źes gsuṅs pa daṅ | bcom ldan ’das bdag gi dga’ byed ma mthoṅ na khrag dron por skyugs te gdon mi za bar dus bgyid do źes gsol pa daṅ | ’phrog ma khyod kyi bu lṅa (2) brgya las gcig ma mthoṅ na yaṅ ’di ’dra bar sdug bsṅal na gaṅ la bu gcig pu yod pa yaṅ khyod kyis bsad de zos na de’i sdug bsṅal ji ’dra bar ’gyur | des bcom ldan ’das de bas sdug bsṅal ba rab tu che’o źes gsol pa daṅ | bcom ldan ’das kyis bka’ stsal pa | (3) ’phrog mkhyod bu daṅ bral ba’i sdug bsṅal ’di ’dra ba śes bźin du gźan gyi bu ci phyir bza’ | des bcom ldan ’das bdag gis ji ltar ba gyi ba bka’ stsol cig ces gsol ba daṅ | bcom ldan ’das kyis tshur śog ṅal skyabs su soṅ ste bslab ba’i gźi zuṅ la rgyal po’i khab na (4) gnas pa’i skye bo maṅ po la mi ’jigs pa byin cig daṅ | gal te ’di ñid na ’dug bźin du bu dga’ byed mthoṅ bar gdon mi za’o źes bka’ stsal pa daṅ | des btsun pa ’di ltar deṅ phan chad bcom ldan ’das la skyabs su mchi ba daṅ bslab pa’i gźi bzuṅ ste rgyal po’i khab na gnas (5) pa’i skye bo maṅ po la yaṅ mi ’jigs pa stsal to ||

.