de nas dge sloṅ ma rgan mos bsams pa | bu mo ’dis khyim na ’dug bźin du phrin gyis rab tu byuṅ ste slob pa’i sṅom pa daṅ bsñen par rdzogs pa thob | khyim na ’dug bźin du dgra bcom ldan pa mṅon du byas pa de thams cad kyaṅ bdag las gyur te | (6) bdag gis bcom ldan ’das yaṅ dag par rdzogs pa’i saṅs rgyas ’od sruṅ gi tshe tshaṅs par spyad pa’i dge ba’i rtsa bas bcom ldan ’das yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la bram ze’i bu khyod skye dgu lo brgya thub pa’i tshe de bźin (7) gśegs pa bla na med pa dgra bcom pa yaṅ dag par rdzogs pa’i saṅs rgyas śākya thub pa źes bya bar ’gyur ro źes luṅ bstan pa de’i bstan pa la ’di ltar bdag khyim na ’dug bźin du phrin gyis rab tu phyuṅ | bslab pa’i sdom pa daṅ | dge sloṅ ma’i dṅos po thob (170a1) ciṅ khyim na ’dug bźin du dgra bcom pa mṅon du byed pa daṅ | ji ltar bdag gi mkhan mo bcom ldan ’das yaṅ dag par rdzogs pa’i saṅs rgyas ’od sruṅ gis chos kyi gtam smra ba’i naṅ na mchog tu bsdags pa de bźin du bdag kyaṅ śākya thub pa | (2) bcom ldan ’das śākya ’i rgyal pos chos kyi gtam smra ba’i naṅ na mchog tu bsṅags par śog śig ces smras so ||

.