rnam pa de lta bur gyur pa dge sloṅ (2) dag gis thos nas bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag sems ni rgod pa ste | dran pa ñe bar ma gźag pas na bslus par ’gyur | bud med ni phal cher ’dod chags rab tu che ste | de lta bas na dge sloṅ ma dag (3) gcig pu ’breg mkhan gyi druṅ du skra ’breg par ma byed par de’i druṅ du dge sloṅ ma gźan źig źog la de ste ’breg mkhan de chags par gyur na de’i druṅ na dge sloṅ ma ’dug pas ’di skad smros śig | bźin bzaṅs dge sloṅ ma ’di’i lus ni rus pa’i ’khrul ’khor | ’di ni rgyan med la (4) lus dri ma can | ’di ni rab tu byur ba yin gyis de lta bu’i sems zlog śig sems can dmyal bar ltuṅ bar gyur ta re | de ste dge sloṅ ma chags par gyur na yaṅ ’di skad du smros śig | phu nu mo khyim pa’i las ni khyod kyis spaṅs na ci khyod kyis bsñen par rdzogs pa’i tshe dge ’dun (5) sde gñis la khyod kyis khas blaṅs bde sogs śig | ’dod pa ni bde ba chuṅ źiṅ sdug basṅalala maṅ la ñes pa’i dmigs maṅ bar ni bcom ldan ’das kyis bka’ stsal gyis | tshul bźin ma yin pa’i yid la byed pa spaṅs la rab tu byuṅ ba’i sems ñe bar śog śig | des de la (6) de skad du smras na ni legs | de ste ma smras na druṅ na ’dug pa’i dge sloṅ ma la ’das pa daṅ bcas par ’gyur ro ||

.