de dag bud med dag daṅ lhan cig ’dug | lhan cig kha dpya zer | lhan cig rtse bar byed | lhan cig ca co ’don | (227b1) phyar g-yeṅ daṅ | lus kyis sñogs par byed | stan gcig la ’dug par byed | snod gcig tu loṅs spyod par byed | phor bu gcig tu chaṅ rnam pa maṅ po ’thuṅ bar byed | me tog ’thog par byed | ’thog tu ’jug | phreṅ ba rgyud par byed | rgyud du ’jug | me tog rgyan dag ’chiṅ źiṅ ’chiṅ du (2) ’jug par byed | byed du ’jug | glu len par byed | glu len par byed | rol mo’i cha sbyad ’bud par byed | ’bud du ’jug | gar mkhas pa daṅ | glu sñan pa daṅ | rol mo cha spyad ’bud mkhas pa la gla sbyin par byed | gos rnams brdzes nas rgyug par byed | mchoṅ bar byed | rgal bar byed | rkaṅ ba (3) gcig bskums te skor bar byed | lag ’gros kyis kyaṅ skor bar byed | ña tshar gyis kyaṅ skor bar byed | chu bgags śiṅ gtoṅ bar byed | chu la spal ba’i skad kyaṅ ’byin | chu la rṅa’i sgra yaṅ ’byin | glaṅ po che’i sgra skad kyaṅ ’byin | khruṅ khruṅ gi skad kyaṅ ’byin | rta’i skad (4) kyaṅ ’byin | khyu mchog ’gyiṅ ba’i skad kyaṅ ’byin | khas rdza rṅa’i sgra yaṅ ’byin | khas duṅ daṅ | khas rṅa daṅ | rma bya’i skad kyaṅ ’byin | khu byug gi skad kyaṅ ’byin | glaṅ po che’i ’thab mo yaṅ byed | rta’i ’thab mo daṅ | khyu mchog gi ’thab mo daṅ | ma he’i ’thab mo daṅ | (5) ra’i ’thab mo daṅ | lug thug gi ’thab mo daṅ | bud med kyi ’thab mo daṅ | skyes pa’i ’thab mo daṅ | gźon nu ma’i ’thab mo daṅ | bya gag gi ’thab mo daṅ | sreg pa’i ’thab mo daṅ | ’ur pa’i ’thab mo daṅ | bya gag daṅ | sreg pa daṅ | ’ur pa dag gi ’thab mo yaṅ (6) byed du ’jug ciṅ | gźan yaṅ dge sbyoṅ gi las ma yin pa byed de | de dag gi tshul daṅ | spyod pa daṅ | log par sgrub pa des ri nag po la dge sloṅ ma ’oṅs pa rnams kyis thos nas | bcom ldan ’das la gsol pa daṅ | bcom ldan ’das kyis bka’ stsal | (228a1) pa | dge sloṅ dag bram ze daṅ | khyim bdag dag kha zer źiṅ ’phya ba daṅ | phyar ka gtoṅ ba ni gnas yin te | de ltabs na dge sloṅ gis dge sbyoṅ gi tshul ma yin pa’i las de lta bu mi bya źiṅ byed du mig źug go ||

.