des spoṅ byed pa rnams ’byor pa daṅ | rgyas pa daṅ | bde ba daṅ | lo legs pa daṅ | skye bo daṅ | mi maṅ pos gaṅ ba ’di gźom par bya | thal mar bya | tshul ma yin pas rmeg med par bya’o źes mchi (7) na | de la bcom ldan ’das kyis bka’ ci stsal źes źus la | bcom ldan ’das kyis ji ltar luṅ bstan pa de bźin du zuṅ źig | dbyar byed | de ci’i phyir źe na | de bźin gśegs pa dgra bcom pa yaṅ dag par rdzogs pa’i saṅs rgyas rnams ni log par gsuṅ ba ma (228b1) yin no źes smras nas | yul ma ga d+hā’i chen po la gtogs pa bram ze dbyar byed kyis lha bka’ bźin ’tshal źes lus ’phags ma’i bu yul ma ga d+hā’i rgyal po ma skyes dgra’i ltar mñan nas rta rgod ma daṅ ldan pa’i śiṅ rta thams cad nas dkar ba’i naṅ du źugs te | gser gyi khar (2) ba daṅ | ril pa sbyi blugs thogs bźin du rgyal po’i khab nas byuṅ nas bcom ldan ’das la blta ba daṅ | bsñen bkur bya ba’i phyir bcom ldan ’das kyi spyan sṅar soṅ ste | de ji tsam bźon pa’i sa de’i bar du bźon bas soṅ nas | bźon pa las babs te rkaṅ pas bya rgod phud po’i (3) ril ’dzegs nas | bcom ldan ’das gaṅ na bder soṅ ste phyin nas bcom ldan ’das daṅ lhan cig mṅon du yaṅ dag par dga’ ba daṅ | yaṅ dag par mgu bar ’gyur ba’i gtam rnam pa sna tshogs byas te phyogs gcig tu ’dug go ||

.