bdud sdig can khyod ci’i phyir na bcom ldan (4) ’das yoṅs su mya ṅan las ’da’ bar mdzod cig | bde bar gśegs pa yoṅs su mya ṅan las ’da’ ba’i dus la bab bo źes zer | btsun pa dus gcig na bcom ldan ’das u ru bil ba’i ’bab chu ne rañ+dza na’i ṅo gas byaṅ chub śiṅ gi druṅ du mṅon bar rdzogs par saṅs rgyas nas (5) riṅ po ma lon par bcom ldan ’das gal ba der bdag mchis te phyin pa daṅ | bcom ldan ’das yoṅs su mya ṅan las ’da’ bar mdzod cig | bde bar gśegs pa yoṅs su mya ṅan las ’da’ ba’i dus la bab po źes bdag gis gsol pa daṅ | bcom ldan ’das kyis (6) bka’ stsal pa | bdud sdig can na ma ṅa’i ñan thos dge sloṅ pha daṅ | dge sloṅ ma daṅ | dge bsñen pha daṅ | dge bsñen ma mkhas pa | gsal ba | śes rab tu lṅan pa | phas kyi rgol ba byuṅ źiṅ byuṅ ba rnams la chos daṅ bcas | ’dul ba daṅ bcas pas tshar gcod (7) pa daṅ | raṅ gis brgal pa yoṅs su dag par byed par ’gyur ba’i tshaṅs par spyad pa lha daṅ mi’i skye bo maṅ po la phan par khyab ciṅ rgyas par yaṅ dag par rab tu bsgrags par ma gyur gyi bar du mya ṅan las yoṅs su mi ’da’o źes na | da ni bcom ldan ’das kyi ñan thos dge sloṅ pa (249a1) daṅ | dge sloṅ ma daṅ | dge bsñen pha daṅ | dge bsñen ma rnams mkhas pa | gsal ba | śes rab daṅ ldan pa byuṅ źiṅ byuṅ ba | pha rol po’i rgol ba la chos daṅ bcas | ’dul ba daṅ bcas pas tshar gcod pa raṅ gis brgal ba yoṅs su dag par byed pa (2) khyod kyis tshaṅs par spyad pa lha daṅ mi’i skye bo maṅ po la phan par khyab ciṅ rgyas par yaṅ dag par rab tu bsgrags par gyur to ||

.