kun dga’ bo soṅ (4) la groṅ khyer rtswa can gyi gyad rnams la gnas ’jog dag khyed kyi ston pa ni deṅ gi mtshan mo’i guṅ thun la phuṅ po lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ bar ’gyur bas gyad khyed kyi bya ba daṅ sgrub pa dag der byos la | dbyin chad groṅ gi ñen kor pa bdag (5) cag gi ston pa phuṅ po lhag ma med pa’i mya ṅan las ’das pa’i dbyiṅs su mya ṅan las ’das te | bdag cag gis de la blta ba daṅ bsñen bkur bya ba’i phyir ’gro ma nus so źes ’gyod par ma byed cig ces smros śig | bka’ bźin ’tshal źes tshe daṅ ldan pa kun dga’ bos bcom ldan ’das (6) gyi ltar mñan nas snam sbyar blaṅs te | dge sloṅ gźan dag daṅ | phyi bźin ’braṅ ba’i dge sbyoṅ daṅ bcas te | groṅ khyer rtswa can gyi gyad rnams kyi ’dun khaṅ ga la bar soṅ ste | phyin pa daṅ | de’i tshe groṅ khyer rtswa can gyi gyad rnams kyi ’dun khaṅ na gyad lṅa brgya tsam źig bya ba dag (7) cig gi don du ’dus śiṅ ’dug par gyur to ||

.