de nas bcom ldan ’das kyis dri za’i cha byad mi snaṅ bar mdzad de | bcom ldan ’das skyes bu chen po’i mtshan sum bcu rtsa gñis daṅ | dpe byaṅ bzaṅ po brgyad bcu (7) daṅ ldan źiṅ | sku ñi ma stoṅ gi ’od bas lhag pa ’od ’dom gaṅ gis brgyan pa | rin po che’i ri ltar kun nas bzaṅ ba | raṅ gi sku ñid du bźugs pa daṅ | dri za’i rgyal po rab dga’ sa mthoṅ ste | de dad pa skyes nas bcom ldan ’das kyi źabs la phyag ’tshal te | chos mñan pa’i phyir spyan sṅan ’dug (279a1) pa daṅ | bcom ldan ’das kyis de’i bsam pa daṅ | bag la ñal ba daṅ | khams daṅ | raṅ bźin mkhyen nas ’phags pa’i bden pa bźi rtogs par ’gyur ba de lta bu’i chos bśad de | gaṅ thos pas dri za’i rgyal po rab dga’ sa ’jig tshogs la lta ba’i ri’i rtse mo ñi śu (2) mtho ba ye śes rdo rjes bcom ste rgyun du źugs pa’i ’bras bu mṅon sum du byas nas | des bden pa mthoṅ ste lan gsum du ched du brjod pas ched du brjod pa | btsun pa ’di lta bu ni bdag la phas ma bgyis te | mas kyaṅ ma lags | rgyal pos ma lags | lhas ma lags | mdza’ bos ma (3) lags | raṅ gi skye bo dag gñen gyi tshogs kyis ma lags | sṅon gyi ’das pas ma lags | dge sbyoṅ daṅ bram ze rnams kyis ma lags bgaṅ lags pa de bcom ldan ’das kyis bdag la mdzad de | khrag daṅ mchi ma’i rgya mtsho ni bskams | rus pa’i ri bo las ni bsgral | ṅan soṅ gi sgo ni (4) bkum | mtho ris daṅ thar pa’i sgo ni phye ste | bdag lha daṅ mi’i gnas su bźag pas | btsun pa bdag nam bcom ldan ’das daṅ | chos daṅ | dge ’dun la skyabs su mchi lags kyis | dge bsñen du gzuṅ du gsol | deṅ slan chaṅ nas ji srid ’tsho’i bar du srog gcod pa las log (5) ste | mṅon par dad nas skyabs su mchi lags so ||

.