de nas tshe daṅ ldan pa rab bzaṅ gis ma la bdag (5) gis gnas lṅa byin gyis brlabs te mya ṅan las ’da’ bar bya’o sñam du bsams nas bdag tshaṅs pa mtshuṅs par spyod pa rnams kyis ni skra bregs te snam sbyar gyon pa daṅ | mu stegs can rnams kyis ni mu stegs kyi rgyal mtshan thogs pa mthoṅ bar gyur cig | bdag gi khyogs (6) mu stegs can rnams kyis ni ’degs mi nus par gyur cig | tshaṅs pa mtshuṅs par spyod pa rnams kyis ni ’degs nus par gyur cig | rdziṅ bu gcig sprul nas bsams pa | ’di ltar mu stegs can rnams kyis ni rdziṅ bur byiṅ źiṅ spyod par mi nus par gyur cig | tshaṅs (7) pa mtshuṅs par spyod pa rnams kyis ni spyod nus par gyur cig | mu stegs can rnams la ni ña daṅ ru spal gyis gnod pa byed nus par gyur cig | tshaṅs pa mtshugs par spyod pa rnams la ni gnod pa byed mi nus par gyur cig | mu stegs can rnams kyis ni bdag sreg ciṅ me spor mi (282b1) nus par gyur cig | tshaṅs pa mtshuṅs par spyod pa rnams kyis ni me spor nus par gyur cig ces des gnas ’di lṅa byin gyis brlabs te | phuṅ po lhag ma med pa’i mya ṅan las ’das so ||

.