dge sloṅ dag de lta bas na khyed kyis ’di ltar bslab par bya ste | ka ba tshig pa gaṅ yin pa la yaṅ sems rab tu sdaṅ bar mi bya na | rnam (191a1) par śes pa daṅ bcas pa’i lus la lta smos kyaṅ ci dgos te | dge sloṅ dag khyed kyis de ltar bslab par bya’o || ko.o śām+bī na gnas pa daṅ | pho braṅ ’khor gyi mi dag ’dus te gros bya bar brtsams pa | śes ldan dag rgyal po la gnod pa ’di lta bu byuṅ (2) na de bdag cag las gaṅ gis rgyal po la brjod par bya | de na kha cig gis smras pa | mi sñan smra gaṅ yin pa de rjod du gźug gis de bod do || gźan dag gis smras pa | ma ñes kyis de ltar bya’o źes de dag gis de bos te smras pa | lha la mi sñan pa ’di go rims (3) bźin du gsol cig | des smras pa | de’i tshe khyed cag na re ci’i phyir mi sñan smra la ’tsho ba skyin par ba źes zer na | da de’i dus ’di yin gyis khyed cag ñid kyis gsol cig | de dag gis smras pa | de’i don ñid du khyod la ’tsho ba byin pa yin na gźan su źig gsol bar byed | (4) khyod kyis gsol cig | des smras pa | dam tshig gis gsol bar bya ste | kho bo zer ba de bźin gyis śig daṅ gsol bar bya’o || smros śig daṅ | de bźin bya’o || go rims ’di ltar gsol bar bya ste | kho bo la glaṅ po che lṅa brgya daṅ | bal glaṅ mo lṅa (5) brgya daṅ | rta lṅa brgya daṅ | rgod ma lṅa brgya daṅ | gźon nu lṅa brgya daṅ | gźon nu ma lṅa brgya daṅ | gser ’bum daṅ | ras la ko.o śām+bī’i gnas daṅ | khaṅ bzaṅs me tog gi so daṅ | ji ltar ma dus gro ba daṅ | ’bru mar daṅ | snag tsha daṅ | smyu gu daṅ | śiṅ ba la (6) bskyas śiṅ gro ba’i khur phyi ma’i naṅ du me bcug pa daṅ | ji ltar sgo khaṅ la me mched pa daṅ | ji ltar kau śām+bī na gnas pa’i skye bo’i tshogs kyis me gsod du brgyugs pa na ma dus ral gri śubs nas phyuṅ ste | phyir ’azloga pa daṅ | ji ltar ’khrul ’khor gyi sgyu rtsal gyi slob dpon (7) gyis sgo khaṅ la me mched pa ’khrul ’khor gyis gnas gźan du spo’i źes zer ba na ma dus de bźin du phyir bzlog pa daṅ | ji ltar sṅo bsaṅs can la sogs pa bud med lṅa brgya phye ma leb bźin du gyen du mchod źiṅ mer lhuṅ ba dag ri mor bris te byin cig | de dag (191b1) gis smras pa | de ltar bya’o źes de dag gis de la glaṅ po che lṅa brgya daṅ | bal glaṅ mo lṅa brgya daṅ | rta lṅa brgya daṅ | rgod ma lṅa brgya daṅ | gźon nu lṅa brgya daṅ | gźon nu ma lṅa brgya daṅ | gser ’bum daṅ | ras la ko.o śām+bī’i gnas daṅ | khaṅ bzaṅs me tog gi (2) so daṅ | ji ltar ma dus gro ba daṅ | ’bru mar daṅ | snag tsha daṅ | smyu gu daṅ | śiṅ bal bskyas śiṅ gro ba’i khur phyi ma’i naṅ du mi bcug pa daṅ | ji ltar sgo khaṅ la me mched pa daṅ | je ltar kau śām+bī na gnas pa’i skye bo’i tshigs kyis me gsod du brgyugs pa na ma dus ral (3) gri śubs nas phyuṅ ste phyir bzlog pa daṅ | ji ltar ’khrul ’khor gyi sgyu rtsal gyi slob dpon gyis sgo khaṅ la me mched pa ’khrul ’khor gyis gnas gźan du spo’o źes zer ba na ma dus de bźin du phyir bzlog pa daṅ | ji ltar sṅo bsaṅs can la sogs pa bud med lṅa brgya phye ma leb (4) bźin du gyen du mchoṅ źiṅ mchoṅ źiṅ mer lhuṅ ba dag ri mor bris te byin no || de nas mi sñan smras blon po rnams la yi ge spriṅ ste | rgyal po la gnod pa ’di lta bu byuṅ ba kho bos thabs ’dis brjod par byas | khyed kyis grogs kyis śig ces byas so || des de dag la (5) yi ge spriṅ nas dpuṅ gi tshogs yan lag bźi pa go bskon te phyogs gźan źig tu soṅ nas der bsdad de | rgyal po śar pa la phrin yig ’di skad ces lha bdag ni yul ga ge mo źig gi rgyal po ste | bdag gi bu ’chi bdag gis phrogs nas de’i phyir bdag de daṅ lhan cig g-yul (6) sprod par byed de | gal te re źig g-yul sprad pas de pham par nus na de lta na legs | gal te ma nus na glaṅ po che lṅa brgya daṅ | rta lṅa brgya daṅ | rgod ma lṅa brgya daṅ | gźon nu lṅa brgya daṅ | gźon nu ma lṅa brgya daṅ | gser ’bum phul nas (7) bu blaṅs te ’oṅ ṅo źes bris te bskur ro || rgyal po śar ba’i ri brags pa de dpuṅ daṅ ldan pas ma phebs nas | des blon po rnams la smras pa śes ldan dag rgyal po de ’di ltar blun pa la ltos || ’chi bdag gis bu phrogs pa phyir ’khrug par nus pa ’ga’ yaṅ yod re skan | (192a1) de ni mjal gyis de la phrin yig ’di skad ces kho bo’i ri brags pa źig log pa ma phebs kyis je kho bo’i grogs gyis śig daṅ | kho bos kyaṅ phyis khyod kyi grogs bya’o źes bris te skur cig | blon po rnams kyis de la phrin yig de skad ces bris te bskur ba (2) daṅ | des phrin yig bklags nas bklags ma thag tu ri brags der ’oṅs nas de ha caṅ thag mi riṅ ba źig na ’dug pa daṅ | ri brags pa dag gis thos nas bsams pa | bdag cag rgyal po dag gis phyogs bcu dag nas bskor bar chad de | rgyal po gñis pa ’di (3) yaṅ ñe bar ’oṅs kyis yul ni rnam pa thams cad du phyir ’thob par yaṅ ruṅ gi | srog ni phyir ’thob par mi ruṅ gis phyir ’byuṅ ṅo sñam nas | de dag ral gri mgul nas phog ste phyir byuṅ nas | rgyal po śar pa’i rkaṅ pa gñis la gtugs pa daṅ | rgyal po śar (4) bas de dag lo thaṅ daṅ | dpya ’jal du bcug go || de nas mi sñan smra rgyal po’i yo laṅ gis rgyal po śar pa’i gan du soṅ ste smras pa | lha bdag gi bu ’chi bdag gis phrogs te lhas bdag gi grogs gyis śig daṅ | bdag de daṅ lhan cig g-yul sprod par byed (5) do || gal te re źig g-yul sprad pas de pham par nus na de lta na legs | gal te ma nus na de la glaṅ po che lṅa brgya daṅ | bal glaṅ mo lṅa brgya daṅ | rta lṅa brgya daṅ | rgod ma lṅa brgya daṅ | gźon nu lṅa brgya daṅ | gźon nu ma lṅa brgya daṅ | gser ’bum phul te (6) blaṅ bar bya’o || rgyal po śar pas smras pa | śed mthun khyod glen pa źig ste | ’chi bdag las phyir len par nus pa ’ga’ yaṅ yoṅ re skan | des smras pa | lha mi nus sam | mi nus so || gal te de lta na ri mo ’di ltos śig | des ri mo brkyaṅ ste | rgyal pos (7) ri mo brtags nas gnad du bsnun pa daṅ ’dra bar gduṅ bźin du smras pa | kye ji skad sṅo bsaṅs can la sogs pa bud med lṅa brgya mes tshig ces zer ram | des cod pan daṅ | thor tshugs phog ste tshigs su bcad pa smras pa |

.