’di ltar yaṅ dbyar gnas par dam bcas pa’i dge sloṅ gi druṅ du bud med dag ’oṅs te mi ’tsham pa’i gsol bas gsol ba ’debs te | ’phags pa bźugs (7) śig | ’phags pa dgyes par mdzod cig | khyod la bdag gis bsñen bkur bgyi’o || khyod la bu mo dbul lo || khyod la mna’ ma daṅ | khyod la bran mo daṅ | las bgyid pa ’bul lo || de na dbyar gnas par dam bcas pa’i dge sloṅ ’di sñam du (245b1) sems te | gnas ’dir bdag dbyar gnas par dam bcas na bud med ’di bdag gi druṅ du ’oṅs nas mi ’tsham ba’i gsol bas gsol ba ’debs te | ’phags pa bźugs śig | ’phags pa dgyes par mdzod cig | khyod la bdag bsñen bkur bgyi’o || (2) khyod la bu mo ’bul lo || khyod la mna’ ma daṅ | khyod la bran mo daṅ | las bgyid pa ’bul lo || źes zer te | gal te gnas ’dir bdag dbyar gnas na gźi des bdag gi srog gi bar chad daṅ | dge sbyoṅ gi tshul gyi bar chad daṅ | tshaṅs par spyod (3) pa’i bar chad du ’gyur gyis | ma la bdag gnas ’di nas ’gro’o sñam ste | des de lta bus rkyen byas nas gnas de nas soṅ ba las dbyar ral na ltuṅ ba med do ||