’di ltar yaṅ dbyar gnas par dam bcas pa’i dge sloṅ gi druṅ du skyes pa źig ’oṅs nas mi ’tsham (4) pa’i gsol bas gsol ba ’debs te | ’phags pa bźugs śig | ’phags pa dgyes par mdzod cig | khyod la bdag bsñen bkur bgyi’o || khyod la bu mo ’bul lo || khyod la mna’ ma daṅ | khyod la bran mo daṅ | las byed pa ’bul lo || de (5) na dbyar gnas par dam bcas pa’i dge sloṅ ’di sñam du sems te | gnas ’dir bdag dbyar gnas par dam bcas na bdag gi druṅ du skyes pa ’di ’oṅs nas mi ’tsham pa’i gsol bas gsol ba ’debs te | ’phags pa bźugs śig | ’phags pa dgyes (6) par mdzod cig | khyod la bdag bsñen bkur bgyi’o || khyod la bu mo ’bul lo || mna’ ma daṅ | bran mo daṅ | las bgyid pa ’bul lo źes zer na | gal te gnas ’dir bdag dbyar gnas na gźi des bdag gi srog gi bar chad daṅ | dge sbyoṅ gi tshul gyi (7) bar chad daṅ | tshaṅs par spyod pa’i bar chad du ’gyur gyis | ma la bdag gnas ’di nas ’gro’o sñam nas | des de lta bus rkyen byas te gnas de nas soṅ ba las dbyar ral na ltuṅ ba med do ||