You are here: BP HOME > TLB > MSV 6,07: Muktaka > fulltext
MSV 6,07: Muktaka

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
DiacriticaDiacritica-helpSearch-help
ā ī ū ṛ ṝ ḷ
ḹ ’ ṃ ḥ ṅ ñ
ṭ ḍ ṇ ṣ ś ź
š č ǰ γ    
Note on the transliteration:
The transliteration system of the BP/TLB is based on the Unicode/UTF-8 system. However, there may be difficulties with some of the letters – particularly on PC/Windows-based systems, but not so much on the Mac. We have chosen the most accepted older and traditional systems of transliteration against, e.g, Wylie for Tibetan, since with Unicode it is possible, in Sanskrit and Tibetan, etc., to represent one sound with one letter in almost all the cases (excepting Sanskrit and Tibetan aspirated letters, and Tibetan tsa, tsha, dza). We thus do not use the Wylie system which widely employs two letters for one sound (ng, ny, sh, zh etc.).
 
Important:
We ask you in particular to note the use of the ’ apostrophe and not the ' representing the avagrāha in Sanskrit, and most important the ’a-chuṅ in Tibetan. On the Mac the ’ is Alt-M.
 
If you cannot find the letters on your key-board, you may click on the link "Diacritica" to access it for your search.
Choose specific texts..
MSV 6,07: Muktaka
    Click to Expand/Collapse Option Complete text
Click to Expand/Collapse OptionMuktaka
Back to library
[Muktaka]
(140a7) rkyaṅ pa’i sgo’i mdor na |
phyag ni thog mar bya ba daṅ ||
gñis pa’i snod rnams ma ṅes pa ||
gsum du yo byad rnams kyaṅ ste ||
de ni rkyaṅ (141b1) par btags pa’o || 
. 
mdor bsdus pa na |
phyag ’tshal ba daṅ gsiṅ ma daṅ ||
de bźin ’jog daṅ ñal daṅ khyi ||
de bźin btuṅ phor bu ram śiṅ ||
de bzin mar daṅ rtsa ba sdoṅ po rnams ||
mdo rnams bsdus par gsuṅs pa’o || 
. 
saṅs rgyas bcom ldan (2) ’das mñan du yod pan dze ta’i tshal mgon med zas sbyin gyi kun dga’ ra ba na bźugs so ||  de’i tshe na dge sloṅ gñis śig rnam par gdon mi za ba’i gtam smra ba las gcig la gcig tshig rtsub po smras nas de la gźon nus rgan po la rab tu spyos te | de gnas khaṅ (3) du źugs te ’dug pa daṅ | gźon nus bdag gis rgan pa la rab tu spyos kyis soṅ ste bzod par gsol lo sñam bsams nas | des de’i gnas khaṅ du soṅ ste rkaṅ pa gñis la gtugs nas btsun pa bdag gis khyod la rab tu spyos pa bzod par mdzod cig ces (4) bzod pa gsol bar byed pa daṅ | de cher khros nas gtses te gnod pa byas so źes smras pa daṅ | dge sloṅ dag gis thos nas brgyugs te tshe daṅ ldan pa ci’i phyir ’o dod ’bod ces dris pa daṅ | des smras pa | tshe daṅ ldan pa ’di ’di ltar bdag gi gnas khaṅ du (5) ’oṅs te gnod pa byed pa la ltos | de dag gis de la tshe daṅ ldan pa ci’i phyir khyod kyis dge sloṅ rgan pa ’di la gtses źes smras pa daṅ | des kyaṅ ji ltar gyur pa smras nas de dag caṅ mi smra bar ’dug go ||  des bsams pa de’i phyir na bcom ldan ’das kyis phyag byos (6) śig par gsuṅs te | ji nas ba’i ñan thos rnams byams pa’i sems daṅ | phan pa’i sems daṅ | brtse ba’i sems kyis raṅ gi don sgrub par ’gyur ro źes gsuṅs na ’di ltar ’di ni bdag mthoṅ nas mi dga’ ba daṅ | khros par gyur na bdag gis ’di la bzod (7) par byas te ci ruṅ gis ’gro’o sñam bsams nas de soṅ nas phyis de la phyag kyaṅ mi byed na bzod par byed pa lta ci smos | 
.  .  . 
de nas dus phyi źig na dge sloṅ rgan pa de dge sloṅ gźan źig daṅ lhan cig ’chag ciṅ gtam zer źiṅ ’khod pa daṅ | dge sloṅ de yaṅ dge sloṅ (142a1) dag la phyag ’tshal ba las phyogs der ’oṅs pa daṅ | ’chag pa’i grogs kyi dge sloṅ des de la smras pa | tshe daṅ ldan pa ’di lta bu’i dge sloṅ tshul khrims daṅ ldan pa ’di la ci’i phyir bzod par ma byas | rgan pa des ’di ni ’di ltar sdig pa’i sems (2) khro ba can te | ltos śig daṅ da yaṅ khyod la phyag byed kyi ṅa la mi byed do źes smras pa daṅ | de bźin des phyag byas pa daṅ | des smras pa | tshe daṅ ldan pa khyod kyis sdig pa’i sems can de mthoṅ ṅam | tshe daṅ ldan pa mthoṅ ṅo || 
. 
de nas des de la tshe daṅ ldan pa bdag (3) gis gźan du thos na gźan du mthoṅ ste | khyod ni ṅo tsha źes ’gyod pa can bslab pa la mos pa’o źes thos na | khyod ci’i phyir de ltar ma yin źes smras pa daṅ | des btsun pa bdag gis ji ltar bgyi | tshe daṅ ldan pa dge sloṅ tshul khrims daṅ ldan pa ’di lta bu la khyod kyis (4) ci’i phyir bzod pa mi bya źes smras pa daṅ | des ji ltar gyur pa rgyas par smras pa daṅ | de ’phya bar gyur nas | de ltar gyur pa dge sloṅ rnams kyis bcom ldan ’das la gsol te | bcom ldan ’das kyis bka’ stsal pa | dge sloṅ rnams dge sloṅ de ’phya ba ni yus kyis | (5) gaṅ rnam par ’khon pa de bzod par bya’o ||  bcom ldan ’das kyis gaṅ ’khon pa de bzod par bya’o źes gsuṅs pa daṅ | gźan źig gis bzod par byas kyaṅ ma bzod nas | bcom ldan ’das kyis bka’ stsal pa | gaṅ mi spyod pa de ñe spyod du phyin pa daṅ phyag byos śig | des (6) kyaṅ nad med cig ces smra ’am yaṅ na phyag byos śig | de ltar mi byed na gñis ka la ’das pa daṅ bcas par ’gyur ro ||  bcom ldan ’das kyis ’khon pa’i dge sloṅ la bzod par bya’o źes gsuṅs pa daṅ | dge sloṅ gñis śig rnam par gdon mi za ba’i gtam smra (7) ba las ’khrugs pa daṅ | mtshaṅ ’dru ba daṅ | ’thab pa daṅ | rtsod par gyur te | de gñis las dge sloṅ gźon pas dge sloṅ rgan pa la tshig drag po mi sñan pas bloṅ źiṅ khros te smras pa daṅ | rab tu khros nas gnas khaṅ du źugs te sgo bcad nas des ṅan (142b1) du smras pa’i tshig de lta bu sgom źiṅ ’dug go ||  de’i bar du saṅs rgyas bcom ldan ’das kyis mi mkhyen pa daṅ | ma gzigs pa daṅ | ma chud pa daṅ | rnam par mi mkhyen pa med de saṅs rgyas bcom ldan ’das dag ni chos ñid kyis thugs rje chen po can ’jig rten (2) la phan ’dogs pa la źugs pa | sruṅ ba gcig pu dpa’ ba | gcig pu źi gnas daṅ lhag mthoṅ la gnas pa | gdul ba’i dṅos po gsum la mkhas pa | chu bo gźi las rgal ba | rdzu ’phrul gyi rkaṅ pa bźi’i mthil la rab tu brtan pa | mi ’jigs pa (3) bźis ’jigs pa med pa | yan lag lṅa rab tu rnam par spaṅs pa | ’gro ba lṅa las yaṅ dag par ’das pa | yan lag drug daṅ ldan pa | pha rol tu phyin pa drug yoṅs su rdzogs pa | rtag tu drug la gnas pa | byaṅ chub kyi yan lag bdun gyi me tog gis (4) brgyan pa | lam yan lag brgyad pa ston pa | mthar gyis gnas śiṅ sñoms par ’jug pa dgu la mkhas pa | stobs bcu’i stobs daṅ ldan pa | phyogs bcur sñan par grags pa | brgya phrag bcu las dbaṅ sgyur ba’i mchog tu byuṅ bas gaṅ ’gribs | gaṅ (5) ’phel | gaṅ sdug bsṅal du gyur | gaṅ dog par gyur | gaṅ gnod par gyur | gaṅ sdug bsṅal daṅ dog pa daṅ gnod par gyur | gaṅ ṅan soṅ la gźol | gaṅ ṅan soṅ la ’bab | gaṅ ṅan soṅ la rab tu bstan | gaṅ ṅas ṅan soṅ las btod te mtho (6) ris su thar ba’i ’bras bu la so sor dgod par bya | gaṅ dge ba’i rtsa ba ma bskyed pa rnams ni bskyed par bya | gaṅ gis bskyed pa rnams ni yoṅs su smin par bya | gaṅ yoṅs su smin pa rnams ni rnam par dgrol bar bya’o źes ñin lan gsum mtshan lan gsum (7) du saṅs rgyas kyi spyan gyis ’jig rten la gzigs śiṅ ye śes snaṅ ba la ’jug go ||  yaṅ gsuṅs pa | chu srin gnas pa’i rgya mtsho ni | dus las ’da’ bar ’gyur srid kyi | gdul bar bya ba’i bu rnams la | saṅs rgyas dus ’da’ mi srid do || 
.  .  .  .  . 
de nas (143a1) bcom ldan ’das gnas gźan źig tu ’dzum pa mdzad do ||  chos ñid kyis gaṅ gi tshe saṅs rgyas bcom ldan ’das rnams ’dzum pa mdzad pa de’i tshe na źal nas ’od zer sdon po daṅ | ser po daṅ | dmar po daṅ | dkar po la sogs pa byuṅ (2) ste | la la ni ’og tu ’gro’o ||  la la ni steṅ du ’gro ste | de la gaṅ ’og tu soṅ ba des ni yaṅ ’tshe ba daṅ | thig nag po daṅ | ’dus pa daṅ | ’o dod ’bod pa daṅ | ’o dod ’bod pa chen po daṅ | gduṅ ba daṅ | rab tu gduṅ ba daṅ | bstir med pa daṅ | chu bur daṅ | (3) rgyun du chu bur daṅ | a ṭa ṭa daṅ | ha ha pa daṅ | hu hu ba daṅ | ut+pa la daṅ | pad mo daṅ | pad mo chen po la sogs pa’i sems can dmyal bar soṅ ste | gaṅ tsha ba’i sems can dmyal ba la des bab pa ni bsil bar gyur | gaṅ graṅ ba’i sems can dmyal ba (4) de la bab pa ni dro bar gyur te | des sems can de dag de lta bus gzir ba’i khyad par de dag bde bar byas pa daṅ | de dag ’di sñam du kye bdag cag rnams ’di nas śi ’phos sam ’on te gźan du skyes źes bsams na | de dag la rab tu dad pa bskyed pa’i phyir (5) bcom ldan ’das kyis sprul pa btaṅ nas de dag gis sprul pa mthoṅ ba daṅ | ’di sñam du kye bdag cag rnams ’di nas śi ’phos bar gyur ba yaṅ med | gźan du skyes pa yaṅ med kyis | sdon ma byuṅ ba’i sems can ’di mthoṅ ba’i mthus na bdag cag gzir ba’i (6) khyad par rnams bde bar gyur to sñam du bsams nas de dag sprul pa la sems mṅon par dga’ bar gyur pa daṅ | dmyal bas gzir ba’i las zad par byas te gaṅ du bden par gyur pa’i snod du der lha daṅ mi’i mtshams ’dzin to ||  gaṅ steṅ du sog ba des ni rgyal chen (7) bźi’i ris kyi lha daṅ | sum bcu rtsa gsum daṅ | mtshe ma daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs lha ñe phan daṅ | tshaṅs chen daṅ | chuṅ snaṅ daṅ | tshad med snaṅ daṅ | kun snaṅ daṅ | dge (143b1) ba daṅ | tshad med dge ba daṅ | dge rgyas daṅ | sprin med daṅ | bsod nams ’phel daṅ | ’bras bu che ba daṅ | mi che ba daṅ | mi gduṅ ba daṅ | śin tu mthoṅ ba daṅ | gya nom snaṅ ba daṅ | ’og min gyi lha ra soṅ nas mi rtag pa daṅ | sdug bsṅal pa (2) daṅ | stoṅ pa ñid daṅ | bdag med pa rnams bsgrags te tshigs su bcad pa gñis kyaṅ brjod do || 
.  .  .  . 
’byuṅ bar bya phyir brtsams par byos || saṅs rgyas bstan la brtson par byos ||
’dam bu’i khyim la glaṅ chen bźin || ’chi bdag sde rnams gźom par byos || 
. 
(3) gaṅ źig rab tu bag yod par || chos ’du la ’di la spyod ’gyur ba ||
skye ba’i ’khor ba rab spaṅs nas || sdug bsṅal tha mar ’byin par ’gyur || 
. 
de nas ’od zer des stoṅ gsum gyi stoṅ chen po’i ’jig rten gyi khams bskor nas bcom ldan ’das kyi phyi bźin du (4) ’braṅ ṅo ||  de dag gal te bcom ldan ’das kyis ’das pa’i las la luṅ ston bźed par gyur na bcom ldan ’das kyi rgyab tu nub po ||  ma ’oṅs pa’i dus la luṅ ston par bźed par gyur na mdun du nub bo ||  dmyal bar luṅ ston par bźed par gyur na źabs kyi (5) mthil du nub bo ||  byol soṅ du skye bar luṅ ston par bźed par gyur na rtiṅ bar nub bo ||  yi dgas su skye bar luṅ ston par bźed par gyur na źabs kyi mthe bor nub bo ||  mir skya bar luṅ ston par bźed par gyur na bus mor chub bo ||  stobs kyi ’khor los sgyur ba’i (6) rgyal por luṅ ston bźed par gyur na phyag g-yon pa’i mthil du nub po ||  ’khor los sgyur ba’i rgyal por luṅ ston bźed par gyur na phyag g-yas pa’i mthil du nub bo ||  lhar skye bar luṅ ston bźed par gyur na lte bar nub bo ||  ñan thos kyi byaṅ chub tu luṅ ston bźed par (7) gyur na źal du nub bo ||  raṅ byaṅ chub tu luṅ ston bźed par gyur na smin mtshams su nub bo ||  bla na med pa yaṅ dag par rdzogs pa’i byaṅ chub tu luṅ ston bźed par gyur na spyi bo’i gtsug tu nub bo || 
.  .  .  .  .  .  .  .  .  .  .  .  . 
de nas ’od zer des bcom ldan ’das la lan gsum bskor ba byas (144a1) nas bcom ldan ’das kyi źabs kyi rtiṅ par nub pa daṅ | 
. 
de nas saṅs rgyas bcom ldan ’das la tshe daṅ ldan pa kun dga’ bas źus pa | ji ltar snaṅ bar byed pa śar ba bźin | źal gyi naṅ nas byuṅ ba maṅ po ni | kha dog rnam pa sna tshogs stoṅ (2) ldan pa | gaṅ gis phyogs bcu kun tu snaṅ gyur pa’o || yaṅ tshigs su bcad de gsol pa | 
. 
rgod pa źum rgyags spaṅs nas bral gyur pa || skye bo rnams kyi rgyur gyur saṅs rgyas te ||
rgyal ba dgra rgyal dud daṅ pad mo bźin dkar ba || rgyu med ’dzum pa ñe bar (3) ston mi mdzad || 
. 
brtan pa’i thugs mṅa’ de dus raṅ gis mkhyen mdzod cig || rgyal ba’i dbaṅ la thos ’tshal ñan rnams la ||
brtan źiṅ thub pa’i khyu mchog dam pa yis || the tshom byuṅ ba dge bas rnam par bsol || 
. 
don med par ni rgya mtsho ri rgyal bstan || rdzogs (4) pa’i saṅs rgyas ’dzum pa mi ston te ||
brtan pas gaṅ phyir ’dzum pa bstan pa de || skye bo maṅ po ’di dag thos par mos || 
. 
de nas bcom ldan ’das kyis bka’ stsal pa | kun dga’ bo de de bźin te | de de bźin no ||  kun dga’ bo de bźin gśegs pa dgra bcom (5) pa yaṅ dag par rdzogs pa’i saṅs rgyas ni rgyu med rkyen med par ’dzum pa mi mdzad do ||  kun dga’ bo gaṅ dge sloṅ gźon pa des dge sloṅ la tshig ṅan pas mtshaṅ brus śiṅ smras pas khros pa mthoṅ ṅam | bcom ldan ’das mthoṅ ṅo ||  de gnas khaṅ du źugs te sgo (6) bcad nas de’i tshig ṅan du smras pa de phyi phyir sgom źiṅ ’dug go ||  de khros pas kun tu khebs nas phyi byin bsgoms pas na źe sdaṅ gi sa bcu rab tu byuṅ ste | de dus ’das te śi ’phos nas de’i gnas khaṅ de ñid du sprul gdug par skye bar ’gyur ro ||  (7) ’dul ba gźuṅ dam pa | bam bo sum bcu rtsa brgyad pa | de ltar bcom ldan ’das tshe daṅ ldan pa kun dga’ bo daṅ lhan cig gtam gsuṅ ba’i bar du dge sloṅ de yaṅ tshig ṅan du smras pa de lan maṅ du bsgoms śiṅ śin tu khro bas kun tu khebs te maṅ du byas (144b1) pas źe sdaṅ gi sa bcu po thob pas na de ’chi ’phos dus ’das te de’i gnas khaṅ ñid du sprul gdug par skyes so || 
.  .  .  .  .  . 
de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo skyes bu gti mug can de ni gnas khaṅ de ñid du sprul gdug (2) bar skyes kyis der soṅ la druṅ du phyin na ṅa’i tshigs gis nad med cig ces byos la | ’di skad du ’di ltar khyod ṅa’i bstan pa la rab tu byuṅ ste | dge sbyoṅ gi ’bras bu bźi las gaṅ yaṅ ruṅ dge sbyoṅ gi ’bras bu rtogs par ’gyur ba las da khyod khros pa’i dbaṅ gis (3) na ’dir sprul gdug par skyes kyis dge sloṅ de la bzod par byos śig | ’di las yaṅ dus ’das na sems can dmyal bar skyes sa re źes sgo śig | btsun pa bka’ bźin ’tshal źes nas tshe daṅ ldan pa kun dga’ bos bcom ldan ’das las mñan nas dge (4) sloṅ de khrid de dge sloṅ de’i gnas khaṅ du soṅ nas sgo la dal nas bags kyis brduṅs te smras pa | bźin bzaṅs khyod la bcom ldan ’das nad med cig ces gsuṅs te | ’di ltar khyod ṅa’i bstan pa la rab tu byuṅ la dge sbyoṅ gi ’bras bu bźi las gaṅ (5) yaṅ ruṅ dge sbyoṅ gi ’bras bu rtogs par ’gyur ba las da khyod khros pa’i dbaṅ gis na ’dir sprul gdug par skyes kyis dge sloṅ ’di la bzod par byos śig | ’di nas dus byas nas kyaṅ sems can dmyal bar skyes sa re źes gsuṅ ṅo || 
. 
de nas de ñid du (6) khros pa’i dug btaṅ nas gnas khaṅ nas phyir ma byuṅ źiṅ ’dug pa daṅ | 
. 
de nas bcom ldan ’das kyis tshe daṅ ldan pa maud gal gyi bu chen po la maud gal gyi bu tshur śog | khyod kyis sprul gdug pa gaṅ na ba der soṅ la phyin pa daṅ | ’di skad du dge sloṅ de (7) la bzod par byos śig ces bka’ stsal pa daṅ | des kyaṅ der soṅ ste smras pa daṅ | de lde mig kyog po’i bu ga nas mgo tsam bstan te phyir naṅ du źugs so ||  dge sloṅ gis dge sloṅ la sems kyis gnod par byas pas raṅ gi gnas khaṅ du sprul du skyes (145a1) so źes sgra de lta bu mñan du yod par kun du grags pa daṅ | ko sa la’i rgyal po gsal rgyal naṅ gi btsun mo daṅ | gźon nu daṅ | blon po daṅ | groṅ mi daṅ | gźoṅs su bcas pas gaṅ sgra de thos pa daṅ ltad mo lta ’dod pas de’i yid bskyod (2) nas dze ta’i tshal du doṅ ṅo || 
.  . 
de nas bcom ldan ’das kyaṅ ñan thos chen po kun śes kauṇ+ḍa n+yi daṅ | rlaṅs pa daṅ | miṅ chen daṅ | ma ’gags pa daṅ | śā ri’i bu daṅ | maud gal gyi bu chen po daṅ | ’od snaṅ daṅ | kun dga’ bo daṅ | nam grul sogs pas bskor te (3) rgyal po gsal rgyal daṅ de’i gnas khaṅ du bźud nas bcom ldan ’das kyis de ñid kyi skad du gsuṅs pa daṅ | te rtabs bźin du gnas khaṅ nas phyir byuṅ ṅo || 
. 
de nas bcom ldan ’das kyis de khrid nas gtsug lag khaṅ nas phyir phyuṅ ste dze ta’i tshal gyi sgor ’khor brgya phrag (4) du ma daṅ | dge sloṅ gi dge ’dun gyi mdun na gdan btiṅ ba de la bźugs pa daṅ | 
. 
de nas sprul gdug pa de phan tshun kun du skye bo maṅ po la bltas te skra gnas bcom ldan ’das kyi gdan logs su rgan rims kyi mthar bcom ldan ’das la lta bźin du ’khyil te (5) ’dug go ||  bcom ldan ’das kyis de la bka’ stsal pa | bźin bzaṅs ’di ltar khyod ṅa’i bstan pa la rab tu byuṅ nas dge spyod gi ’bras bu bźi las gaṅ yaṅ ruṅ dge spyod gi ’bras bu rtogs par ’gyur ba las da khyod ’dir śin tu khro bas kun tu khebs nas lan maṅ du (6) bsgoms la dge sloṅ la yaṅ sems gdug pa bskyed pas da ltar sprul gdug par skyes te | ’tshe ba daṅ gsod pa la chags śiṅ gźan gyi srog ’phrog ciṅ gźan ’tsho ba daṅ phral nas ’tsho bar byed de ’di nas śi ’phos na rgyud gaṅ du skye | gaṅ du skye bar ’gyur | gaṅ du (7) mṅon par skye bar ’gyur | bcom ldan ’das kyis gaṅ gi tshe de’i rigs dran par byas pa de’i tshe du bar gyur to || 
.  . 
de nas bcom ldan ’das kyis de’i tshe tshigs su bcad de gsuṅs pa | 
. 
khyod ni byol soṅ skye gnas gyur ||
mi dal par yaṅ skyes gyur na ||
don med bar (145b1) ni ci phyir du ||
da ni ci źig byar yod kyis ||
rgyal ba thugs rje ldan mṅa’ la ||
sems kyis legs par dad skyes daṅ ||
byol soṅ skye gnas ’di spaṅs te ||
de nas mtho ris ’gro bar ’gyur || 
. 
saṅs rgyas bcom ldan ’das kyis chos bstan pa chud mi zos pas (2) de’i kun du gnas pa de daṅ bral bar gyur te | 
. 
de nas bcom ldan ’das kyis dge sloṅ de la bka’ stsal pa | tshur śog dge sloṅ khyod kyis sprul gdug pa de la bzod pa byos śig | bcom ldan ’das bdag gis ji ltar bzod par bgyi | ci de’i rkaṅ ba la gtug bar (3) bgyi’am źes gsol pa daṅ | bcom ldan ’das kyis de la ji ltar sṅon gyi dge sloṅ yin par mṅon du byas te the tshom du mi bya bar bya | gtug par bya’o źes bka’ stsal pa daṅ | ston pa’i bka’ bźin des rkaṅ pa la gtugs pa daṅ | des de’i mgo bo la reg par byas (4) pa daṅ | de gñis skye bo maṅ pos mthoṅ ba daṅ rab tu ṅo ma char skyes nas bcom ldan ’das kyis skye bo maṅ po de dag la de’i phyir de lta bu’i tshul du chos bśad de | de thos pas na srog chags brgya stod du ma rnams kyis ni khyad par chen po rtogs par gyur to ||  sprul gdug (5) pa de yaṅ bcom ldan ’das la sems mṅon par dad nas de dus ’das pa daṅ sum bcu rtsa gsum gyi lha’i gnas bzaṅ por skyes so || 
.  . 
de nas bcom ldan ’das kyis dge sloṅ rnams la bka’ stsal pa | de bas na dge sloṅ rnams ’di daṅ gźan dag kyaṅ khro bas kun (6) tu khebs na ñes pa’i dmigs su ’gyur te | de bas na dge sloṅ gis khros pa’i dge sloṅ la ji ltar de’i khros pas khebs par gnas pa | rnam par byaṅ bar gnas pa de lta de lta bur gsol lo ||  des kyaṅ sems kyis bzod par byos śig | gaṅ sṅa dro khros (7) pa la des phyi dro bzod par gsol cig | gaṅ phyi dro khros pa la ni des nub mo’o ||  gaṅ nub mo khros pa la ni des phyi de ñin mo bzod par gsol cig ces gsuṅs nas | bcom ldan ’das gdan las bźeṅs te nad du yaṅ dag ’jog la ’jug pa’i phyir gtsug (146a1) lag khaṅ du gśegs so ||  chos ñid kyis lha’i bu’am lha’i bu mo yaṅ ruṅ skyes nas riṅ po ma lon par gaṅ nas śi ’phos gaṅ du skyes | las gaṅ yin źes sems pa rnam pa ’di gsum skyes te | sprul gdug pa las śi ’phos nas | sum (2) bcu rtsa gsum gyi lha’i ris bzaṅ por skyes te bcom ldan ldan ’das la sems mṅon du dad pa bskyed par mthoṅ ṅo || 
.  .  .  . 
de nas sṅon gyi sprul gdug pa lha’i bu des ’di sñam du bdag ’dir źag lon te | bcom ldan ’das ltar ’gro bar mi rigs kyi | bdag ’dir źag ma lon (3) par bcom ldan ’das la ltar ’gro’o sñam du bsam sra nas | 
. 
de nas lha’i bu sṅon sprul gdug pa de dri ma med pa’i rna tsha ’phyaṅ bźin du thogs śiṅ do śal daṅ | se mo dos lus brgyan te | de ñid kyi nub mo lha’i me tog ut+pa la daṅ | pad mo daṅ | ku mu da daṅ | pu ṇ+ḍa (4) rī ka daṅ | man dā ra ba la sogs pas pad ba bkaṅ ste snaṅ ba chen pos dze ta’i tshal thams cad du snaṅ bar byas nas bcom ldan ’das la me tog gis gtor te chos ñan pa’i phyir bcom ldan ’das kyi spyan sdar ’dug go ||  bcom ldan ’das kyis de’i bsam pa (5) daṅ | bag la ñal pa daṅ | khams daṅ | raṅ bźin mkhyen nas de ’dra ba’i ’phags pa’i bden pa bźi yaṅ dag par rtogs par ’gyur ba’i chos bstan nas lha’i bu sṅon gyi sprul gdug pa des thos pa daṅ | ’jig tshogs su lta ba’i ri’i rtse mo ñi śu ye śes kyi (6) rdo rjes bcom ste rgyun du źugs pa’i ’bras bu mṅon du byas so ||  des bden pa mthoṅ bas dga’ ba’i tshig gsum smras te | btsun pas phan btags pa ’di lta bu ni mas kyaṅ ma bgyis | phas kyaṅ ma bgyis | rgyal pos kyaṅ ma bgyis | lhas kyaṅ ma (7) bgyis | sdug pas kyaṅ ma bgyis | bdag gi gñen maṅ pos kyaṅ ma bgyis | sṅon gyi pha mes rnams kyis kyaṅ ma bgyis | dge spyod daṅ bram zes kyaṅ ma bgyis te | bcom ldan ’das kyis bdag gi khrag daṅ mchi ma’i rgya mtsho ni bskams | rus ba’i ri (146b1) las ni brga la | ṅan soṅ gi sgo ni bcad | mtho ris daṅ thar pa’i sgo ni phye nas lha daṅ mi’i gnas su bźag go ||  khyod mthus śin tu mi bzad ṅan soṅ gi | ñes pa maṅ du ldan pa’i lam rnams bcad | mtho ris ’gro ba’i lam phyir ba’i lam phyir bsod nams mchog (2) mya ṅan ’da’ lam bdag gis de riṅ thob | khyod la brten pas ñes pa med pa yi | bdag deṅ śin tu gtsaṅ ba rnam dag mig | ’phags pa’i yid du ’oṅ ba’i źi gnas thob | bdag gis sdug bsṅal rgya mtsho pha rol rgal | skye bo lha daṅ lha min mi yis mchod | (3) skye rgan daṅ ’chi daṅ ’chi las rnam par bral | srid ba stoṅ du’aṅ mthoṅ bar śin tu dka’ | thug khyod deṅ bdag mthoṅ bas ’bras bur bcas | 
.  .  .  . 
de nas se mo do ni ’phyaṅ bźin du | źabs gñis la ni phyag byas dga’ ba skyes | dgra thul de la g-yas su bskor nas ni | lha yi (4) ’jig rten lha yi yul der soṅ | 
. 
de nas lha’i bu sṅon sprul gdug pa de tshoṅ pa khe thob pa ltar | chun pa lo legs pa ltar | dpa’ bo g-yul las rgyal ba ltar | nad pa nad thams cad las thar ba ltar | ji lta bu’i loṅs spyod daṅ | bcom ldan ’das kyi druṅ du ’oṅs (5) pa de lta bu’i loṅs spyod daṅ | raṅ gi gnas su soṅ ba daṅ | dge sloṅ dag srod daṅ tho raṅs la mi ñal bar thub par brtson par spyod pa rnams kyis mthoṅ ba bcom ldan ’das kyi druṅ na rgya cher snaṅ ba mthoṅ nas the tshom du gyur te | bcom ldan ’das la bcom ldan (6) ’das cim daṅ mtshan mo bcom ldan ’das la tshaṅs pa ’khor gyi bdag po ltar mchis sam | lha’i dbaṅ po brgya byin daṅ | ’jig rten skyoṅ ba bźi dag blta ba’i phyir mchis sam źes źus pa daṅ | dge sloṅ rnams tshaṅs pa’i ’khor gyi bdag po yaṅ ma yin | lha’i (7) dbaṅ po brgya byin yaṅ ma yin | ’jig rten skyoṅ ba bźi la sogs pas da la ba lta ba’i phyir ’oṅs pa yaṅ ma yin gyi | gaṅ sprul gdug pa dge sloṅ gis bzod par byas pa deṅ la sems mṅon du dad nas dus las ’das pa daṅ | sum bcu rtsa gsum ris kyi lha’i (147a1) gnas bzar por skyes nas de ’di ltar mdaṅ ṅa’i druṅ du ’oṅs te ṅas de la chos bstan pa daṅ | bden pa mthoṅ nas raṅ gi gnas su soṅ ṅo ||  de bas na dge sloṅ rnams kyis ’di ltar bslab par bya ste | gaṅ gis bzod par bya ba daṅ | bzod (2) pa’i yon tan brjod par bya ba de ltar dge sloṅ dag khyed kyis bslab par bya’o ||  bcom ldan ’das kyis de skad ces bka’ stsal pa daṅ | dge sloṅ de dag yid mgu nas bcom ldan ’das kyis gsuṅs pa la mṅon par dga’o || 
.  .  . 
gleṅ gźi ni mñan du yod pa na ste | 
. 
bcom (3) ldan ’das la tshe daṅ ldan pa u pā lis źus pa | btsun pa bsñen par rdzogs par bgyid na tshe daṅ ldan pa rnams bdag la bsñen par rdzogs par ma byed cig ces mchi bźin dge sloṅ rnams kyis bsñen par rdzogs par bgyis na bsñen par rdzogs pa źes bgyi ’am | bsñen (4) par ma rdzogs pa źes bgyi | u pā li bsñen par rdzogs pa źes mi bya ste | bsñen par rdzogs par byed pa rnams kyaṅ ’das pa daṅ bcas par ’gyur ro ||  u pā li de ci’i phyir źe na | bsñen par rdzogs pa ñid kyaṅ bslab pa ’bul na bsñen par ma rdzogs źes bya na (5) bsñen par rdzogs par byed pa’i tshe lta ci smros | yaṅ bcom ldan ’das la tshe daṅ ldan pa u pā lis źus pa | bcom ldan ’das kyis dge tshul pha rnams lo ñi śu lon nas bsñen par rdzogs par byos śig ces gsuṅs na | dge tshul pha gźan dag bdag gi lo (6) graṅs ni ma ’tshal | de lus poṅ ni che ste | de dge sloṅ rnams kyis lo graṅs ma rtogs pas the tshom skyes te bsñen par rdzogs par mi bgyid na de dag la ji ltar nan tan bgyi źes źus pa daṅ | bcom ldan ’das kyis bka’ stsal pa | u pā li de lta bu ni mtshan las (7) so sor rtogs la bsñen par rdzogs par byos śig | de la the tshom du ma byed cig | bcom ldan ’das kyis de ltar mtshan las rtogs la bsñen par rdzogs par gyis śig ces gsuṅs pa daṅ | dge sloṅ rnams kyis de gcer bur phyuṅ ste mtshan rtog ba la źugs (147b1) pa daṅ | de śin tu ṅo tsha nas bcom ldan ’das kyis bka’ stsal pa | gcer bur ma dbyuṅ bar ba so ’am gos kyi gdaṅ la lhuṅ bzed dam chos gos kyi snod źog la ’di pho ba śig ces smros la | de ni mtshan khuṅ daṅ mtshan la rtogs te de ste yod na bsñen par rdzogs (2) par bya’o ||  de ste med na bsñen par rdzogs par mi bya’o ||  yaṅ źus pa | btsun pa dge sloṅ rnams kyis dge sloṅ la dge sloṅ ma’i las kyis bsñen par rdzogs par bgyis na bsñen par rdzogs pa źes bgyi ’am | bsñen par ma rdzogs pa źes bgyi | u pā li (3) bsñen par rdzogs pa źes ni bya ste bsñen par rdzogs par byed pa rnams ni ’das pa daṅ bcas par ’gyur ro ||  btsun pa dge sloṅ ma la dge sloṅ daṅ | dge sloṅ ma rnams kyis dge sloṅ gi las kyis bsñen par rdzogs par bgyis na bsñen par rdzogs pa źes bgyi ’am (4) bsñen par ma rdzogs pa źes bgyi | u pā li bsñen par rdzogs pa źes bya ste | dge ’dun gñig yaṅ ’das pa daṅ bcas par ’gyur ro || 
.  .  .  .  . 
rkyaṅ ba’i sgo daṅ po’i mdo’i tshigs su bcad pa thog ma’o || 
. 
mdor na |
gsiṅ ma groṅ daṅ bsdus pa daṅ ||
sems (5) bskyed pas ni gso sbyin daṅ ||
gsad pa gsum yaṅ de bźin te ||
rnam ’byed dge ’dun lhag ma’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  dge sloṅ dag cig ’gron pa maṅ po (6) daṅ lhan cig ljoṅs spyod du doṅ ba daṅ | de dag de’i tshe gso sbyin la bab nas de dag gis sa gsiṅ ma’i phyogs śig mthoṅ nas de dag gis smras pa | tshe daṅ ldan pa dag tshur śeg | sa gsiṅ ma’i phyogs pha bi la gso sbyin bya’o źes der de dag gso sbyin byed pa (7) la źugs pa daṅ | ’gron pa maṅ po dag ’das nas de dag kyaṅ phyi bźin ’dod ba las bar du rkun pos bcom ste gtsug lag khaṅ du phyin pa daṅ | dge sloṅ rnams kyis mthoṅ ste bde bar ’oṅs sam | tshe daṅ ldan pa dag bde bar ’oṅs sam | ci bde bar spyad dam (148a1) źes smras pa daṅ | bde bar ga la spyad | ci ñes | bdag cag ni rkun pos bcom mo ||  de ltar bur gyur pa dge sloṅ rnams la smras pa daṅ | dge sloṅ rnams kyis bcom ldan ’das la gsol nas | bcom ldan ’das kyis bka’ stsal (2) pa | gsiṅ ma la chags pa’i phyir gso sbyin ma byed cig | bcom ldan ’das kyis groṅ daṅ ñe ba’i ’khor du gso sbyin byos śig ces gsuṅs pa daṅ | de las dge sloṅ phyed ni groṅ du źugs phyed ni phyi rol du ’khod pas de dag ma ’dus par gyur nas gso sbyin ma (3) byas te | de ltar gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | gaṅ groṅ na gnas pa rnams ni groṅ du gso sbyin byos śig | de bźin du dge sloṅ rnams gso sbyin bya ste gso spyin la ma sdod cig | sdod (4) na ’das pa daṅ bcas par ’gyur ro ||  dge sloṅ dag cig tshoṅ pa’i ’gron pa maṅ po daṅ lhan cig tu lam du źugs pa daṅ | dge sloṅ gis tshoṅ pa la bźin bzaṅs bdag cag gso sbyin byed kyis de’i bar du skad cig sdod cig ces smras pa daṅ | de dag gis ’phags (5) pa rnams ’di phyogs na rkun pos ’jigs kyis phyi bźin spyon cig bsdad do źes smras pa daṅ | der sdod graṅ der sdod graṅ sñam nas dge sloṅ rnams phyi bźin du ’braṅ źiṅ de dag doṅ ba las nam naṅs so ||  dge sloṅ rnams kyis de ltar gyur pa bcom ldan ’das la (6) gsol nas | bcom ldan ’das kyis bka’ stsal pa | dge sloṅ rnams gso sbyin gyi tshe gso sbyin ma byas par ma ’gro śig | yaṅ na ’gro bźin du gso sbyin byos śig | dge sloṅ dag gis ’gro bźin du gso sbyin byed pa la źugs pa daṅ | tshoṅ pa rnams kyis (7) ’phags pa bdag cag ni rkun pos ’jigs pas caṅ mi smra bar ’gro na khyed ci’i phyir ca co byed ces smras nas | de ltar gyur pa dge sloṅ de dag gis bcom ldan ’das la gsol pa daṅ | bcom ldan ’das kyis bka’ stsal pa | gso sbyin rgyas par ma byed par (148b1) mdor byos śig | dge sloṅ rnams kyis mdor byed pa la źugs pa daṅ | ’on kyaṅ tshoṅ pa de dag gis dpyas nas | bcom ldan ’das kyis bka’ stsal pa | sems bskyed pa tsam gyis byin gyis rlobs śig | de bas na dge sloṅ rnams chos gos byin gyis brlab (2) pa daṅ | gos bsṅo ba daṅ | gso sbyin daṅ | tshul nas byuṅ ba ’di bźi ni sems bskyed pa tsam gyis ’grub bo ||  de yaṅ ’di ltar bya ste | saṅs rgyas la dmigs pa’i dran pa ñe bar bźag ste | sems bskyed par byos la gso sbyin byin gyis rlobs śig | 
.  .  .  .  .  . 
de nas (3) tshig tu yaṅ brjod par bya ste | deṅ dge ’dun rnams kyi bco lṅa’i gso sbyin te | bdag dge sloṅ miṅ ’di źes bya ba’i yaṅ bco lṅa’i gso sbyin te | bdag miṅ ’di źes bya ba’i bar chad kyi chos rnams kyaṅ yoṅs su dag go źes raṅ gis brjod de gso sbyin byin gyis (4) brlabs la | gaṅ gi tshe dge ’dun ’dus pa phrad pa de’i tshe dge ’dun daṅ lhan cig tu gso sbyin bya’o ||  de ltar lan gñis de ltar lan gsum du brjod de gso sbyin de ltar bya’o ||  gso sbyin mi bya ba ni ma yin no ||  ma byas na ’das pa daṅ bcas par ’gyur ro || 
.  .  .  . 
(5) gleṅ gźi ni mñan du yod pa na ste | 
. 
dge sloṅ dag cig gźoṅs spyad pa spyod pa na rkun pos zin nas de dag gis kye bsam rlag tu ’khod de ci byed kyis | mgo reg ’di dag gsad do źes smras pa daṅ | dge sloṅ dag gis bsams pa | bdag cag ni gsad par (6) chad par lta sñam nas de dag gis rkun po la kye ci’i phyir ṅed gsad ces smras pa daṅ | rkun pos smras pa | khyed la rgyal po daṅ | phyug po daṅ | tshoṅ dpon daṅ | ded dpon rnams rab tu dad pas khyed kyis de dag la smras pa daṅ | de dag gis ṅed la gnod par byed de źes (7) smras pa daṅ | de na dge sloṅ gźon nu cig gis brdzun du smras pa las byuṅ ba’i ñes pa ltuṅ ba byuṅ ste | des tshe daṅ ldan pa rnams bdag gis ltuṅ ba byuṅ ba bśogs pa de’i bar du bsdad par cig naṅ źes smras pa daṅ | de dag gis de ltar na gnas ’di ñid du śogs (149a1) śig ces smras pa daṅ | des dge sloṅ gi mdun du ’chags pa la źugs te | dgoṅs śig tshe daṅ ldan pa rnams | bdag miṅ ’di źes bgyi ba śes bźin gyi brdzun smras pa las byuṅ ba’i ltuṅ ba’i ñes pa mchis te | bdag gis tshe daṅ ldan pa’i (2) mdun du bśags so || mthol lo || mi ’chab bo ||  bśags śiṅ mthol na bdag la bde bar ’gyur gyi | ma bśags ma mthol na ni ma yin no ||  des smras pa | ñe bar mthoṅ ṅam | mthoṅ ṅo ||  phyin chad sdom par dam ’cha’ ma dam ’cha’o ||  de ltar lan (3) gñis lan gsum du smras pa daṅ | rkun po de thams cad kyis thos nas de dag gis smras pa | ’phags pa khyed rnams brdzun mi smra ’am | bźin bzaṅs mi smra’o źes smras pa daṅ | de dag mṅon du dad nas ’phags pa rnams de ltar na | deṅ la su la yaṅ ma smra śig (4) ces smras pa daṅ | nad med cig su la yaṅ mi smra’o źes smras te doṅ nas de dag gtsug lag khaṅ du lhags pa daṅ | the tshom skyes nas de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ rnams (5) nags tshal gyi dbaṅ po rkun po’i druṅ du bśags pa yin gyis de la the tshom du ma byed cig | 
.  .  .  .  . 
gleṅ gźi ni mñan du yod pa na ste | 
. 
dge sloṅ gźan źig ljoṅs spyad pa spyod pa la rkun pos zin nas de dag gis bsam rlag tu ’khod de ci byed kyis mgo reg ’di dag gsad (6) do źes smras pa daṅ | dge sloṅ dag gis bsams pa | bdag cag ni gsad par chad par lta sñam nas de dag gis rkun po la kye ci’i phyir ṅed gsad ces smras pa daṅ | rkun pos smras pa | khyed la rgyal po daṅ | phyug po daṅ | tshoṅ dpon daṅ | ded dpon rnams (7) mṅon par dad pas na khyed kyis de dag la smras pa daṅ | de dag gis ṅed la don med par byed do źes smras nas | dge sloṅ rnams kyis smras pa | thoṅ śig daṅ su la yaṅ mi smra’o ||  de dag gis de ste khyed kyis bco lṅa’i dus na gcig tu ’dus śiṅ ’don pa de ṅed cag la (149b1) rgyas par smra bar dam ’cha’ na gtaṅ ṅo źes smras pa daṅ | de na dge sloṅ cig gźuṅ kha don du lobs pas de bsad kyis ’jigs pas skrag pas so sor thar pa myur du bton pa daṅ | de dag mṅon par dad nas ’phags pa khyed kyis de thams cad yaṅ dag par bzuṅ (2) ste sruṅ ṅam | źes smras pa daṅ | de dag gis tshe daṅ ldan pa ’di ni ston pa’i bka’ yin na ci’i phyir yaṅ dag par ’dzin ciṅ mi sruṅ źes smras pa daṅ | de dag gis ’phags pa rnams legs kyis bźu ṅal su la yaṅ ma gsuṅs śig ces smras pa daṅ | nad (3) med cig mi smra’o źes smras te doṅ nas de dag gtsug lag khaṅ du phyin pa daṅ | de dag the tshom skyes te de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge sloṅ rnams nags tshal gyi dbaṅ po rkun (4) po’i druṅ du kha thon bklags pa ni legs par bklags pa yin gyis de la the tshom du ma byed cig | 
.  . 
gleṅ gźi ni mñan du yod pa na ste | 
. 
dge sloṅ dag cig yul be’u źes bya ba nas ljoṅs spyad pa spyod ciṅ doṅ ba daṅ | rkun pos zin nas de dag gis kye bsam rlag (5) tu ’khod de ci byed kyis mgo reg ’di dag gsad do źes smras pa daṅ | de la rkun po cig dge sloṅ gi rgyus śes pas des de dag mthoṅ ba daṅ | sñiṅ rje skyes nas des de dag thar par bya ni ma nus kyi sñiṅ brtse ba’i phyir kye ’di dag gsad de ci ruṅ gis rtswa ma brdas pa la (6) bciṅs te rdzas phrogs la doṅ daṅ de ñid raṅ bkres śiṅ ñe ma chuṅ bas gduṅs te srog daṅ bral graṅ źes smras pa daṅ | de’i naṅ nas gcig gis smras pa | kye ’di de skad smra na ji ltar bya źes smras pa daṅ | kha cig gis smras pa | de ltar bya ba ni legs so źes (7) nas de dag gis de la phrogs nas rtswa ma brṅas pa la bciṅs te doṅ ṅo ||  yul be’u źes bya ba’i rgyal po ’char po dpuṅ gi tshogs yan lag bźi pa daṅ ri dgas śor ba’i phyir doṅ ba daṅ | de dag gis de dag rgyaṅ riṅ po nas mthoṅ nas des blon po la kye snaṅ ba pha bi (150a1) ri dgas ma yin nam źes dris pa daṅ | des lha ma ’tshal to źes smras nas rgyal po der ñe bar soṅ nas mi yin par mthoṅ ba daṅ | des kye mu stegs gcer bu ba yin nam ci źes smras pa daṅ | de dag las gcig gis lha de bźin no źes smras (2) pa daṅ | de dag la dge sloṅ gi rgyus śes pa źig gis smras pa | lha de ni mu stegs gcer bu pa ma lags kyis | lha śākya ’i bu’i dge sloṅ ṅo ||  ji ltar śes | lha de ltar logs gcig ni gnag | gñis pa ni dkar ro źes smras pa daṅ | 
.  .  . 
de nas rgyal pos de la (3) dris pa | ’phags pa khyod ci’i phyir ’di ltar ’dug | lha bdag cag rkun pos bcom mo ||  ’phags pa ’o na ci’i phyir de ltar ’dug | lha ’di ltar bciṅs so ||  ’phags pa ’di ’dra bar bciṅs pa ci’i phyir gcad de mi ’doṅ ||  lha bcom ldan ’das kyis bdag cag gi (4) bslab par bcas pas bon gyi groṅ daṅ srog chags kyi groṅ bśig gam bśig tu bcug na ltuṅ ba’o źes bya ba’i bslab pa’i bciṅs pas bciṅs so źes smras pa daṅ | rgyal po de dad ciṅ mṅon par dga’ nas des de dag bkrol te re re la yaṅ chos gos gsum gsum (5) bskon no ||  de dag gtsug lag khaṅ du phyin pa daṅ | bdag cag gis rgyal po’i mdun du de ltar ltuṅ ba smras so źes te the tshom skyes pa daṅ | des de ltar gyur pa dge sloṅ rnams la rgyas par smras nas dge sloṅ rnams kyis bcom ldan ’das la gsol te | bcom ldan (6) ’das kyis bka’ stsal pa | rgyal po ’di ni rgyal rigs spyi bo nas dbaṅ bskur ba | ’jig rten pa thams cad kyi gtso bo yin pas na gaṅ smras pa de ni legs par smras pa yin gyis de la the tshom du ma byed cig | 
.  .  .  .  . 
gleṅ gźi ni mñan du yod pa na ste | 
. 
saṅs rgyas bcom (7) ldan ’das la tshe dag ldan pa u pā lis źus pa | btsun pa noṅs pa daṅ bcas pas noṅs pa daṅ bcas pa’i mdun du noṅs pa bśags su ruṅ dam u pā li mi ruṅ ṅo ||  de ste dṅos po mi mthun na ni ruṅ ṅo || 
.  . 
gleṅ gźi ni mñan du yod pa na ste | 
. 
dge sloṅ gcig la dge (150b1) ’dun gyi lhag ma’i ñes pa byuṅ nas de ’gyod pa skyes pa daṅ | de skya bo bseṅ bseṅ por gyur la rid ciṅ ñam chuṅ ste | rmya la lus ma brtas par gyur nas de la dge sloṅ dag gis smras pa | tshe daṅ ldan pa khyod ci’i phyir skya bo bseṅ bseṅ bor gyur la rid ciṅ ñam chuṅ (2) la rmya ste lus ma brtas par gyur pa de’i nad smros śig ces smras pa daṅ | de caṅ mi smra nas nam de daṅ mdza’ ba’i dge sloṅ gis mthoṅ ste dris pa daṅ | des de la rgyas par snras pa daṅ | des tshe daṅ ldan pa de lta na dge sloṅ rnams la brjod kyis śogs śig ces smras (3) so ||  de ltar brjod na bdag ñid mchi’o źes smras pa daṅ | des de ltan tshur śog | yul gźan du do ṅal der de dag bśags so ||  źes smras pa daṅ | des kyaṅ khas blaṅs nas de daṅ de lhan cig tu yul gźan du soṅ ba las de lam phyed du dus ’das (4) pa daṅ | dge sloṅ des bsams pa | gaṅ gis don gyi phyir bdag ’gro ba de ni dus ’das na da ci’i phyir ’gro ||  phyir ldog go sñam nas de phyir log pa daṅ | de la dge sloṅ dag gis bde bar ’oṅs sam | tshe daṅ ldan pa bde bar ’oṅs sam | ci khyed bde bar spyad dam źes (5) smras pa daṅ | de du bar gyur nas de la dge sloṅ dag gis tshe daṅ ldan pa ci’i phyir du źes smras pa daṅ | gaṅ bdag daṅ lhan cig tu soṅ pa’i dge sloṅ de dus ’das pa’i phyir ro źes smras pa daṅ | de dag gis tshe daṅ ldan pa ci’i phyir du | ’dus byas thams cad ni chos (6) ñid kyis de bźin no źes smras so ||  des de ni ñes pa daṅ bcas bźin du dus ’das sa źes smras pa daṅ | dge sloṅ rnams kyis des dmyal bar riṅ du gnas par gyur pas na du ba ’di ni rigs so źes smras pa daṅ | de ltar gyur pa dge sloṅ rnams kyis bcom ldan (7) ’das la gsol pa daṅ | bcom ldan ’das kyis bka’ stsal pa | dge sloṅ rnams rigs kyi bu de ni ñes pa de las phyin te | ṅas ni bsam pa las ñes pa phyin par gsuṅs kyis chad pa’i las kyis ni ma yin no ||  de lta bas na gaṅ de ltar raṅ bźin gyis ṅo tsha ba daṅ (151a1) ldan pa des gcig gi mdun du śogs śig par gnaṅ ṅo ||  des ni gcig gi mdun du śogs śig | de la the tshom ma byed cig ces gsuṅs pa daṅ | ’dod chags daṅ bral ba ma yin pa skye bo tha dad pa mdo sde ’dzin pa daṅ | ’dul ba ’dzin pa (2) daṅ | ma lta bu ’dzin pa kha cig daṅ | dge ’dun gyi gnas brtan daṅ | grags pa daṅ | bsod nams chenama po kha cig gis ma brtags pas na dge ’dun gyi lhag ma’i ñes pa byuṅ ste | de dag chad par spyod pa la lhan cig spyod pa daṅ | ñe gnas daṅ bram ze daṅ khyim (3) bdag daṅ gźan yaṅ ruṅ ñuṅ ṅu thos pa’i dge sloṅ rnams kyis kyaṅ dpyas | kha cig ni mi dga’ bar gyur te | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de dag gis kyaṅ phyis mi bya bar śin tu (4) bsam pa brtun te gcig po’i mdun du śogs śig | ’di la the tshom ma byed cig | 
.  .  .  .  .  .  . 
rkyaṅ pa’i naṅ nas sgo daṅ po’i mdo’i tshigs su bcad pa gñis pa’o || 
. 
mdor na |
gźag pa’i rigs pa gźag par bya ||
bdun lon nas kyaṅ ’gro bar bya ||
mñam du (5) ma zin de bźin te ||
gaṅ gi ko ba mi ruṅ ba’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  tshe daṅ ldan pa kun dga’ bo la gtsug lag khaṅ skyoṅ gi res bab bo ||  yul ko sa la’i rgyal (6) po gsal rgyal dze ta’i tshal du ’oṅs nas bcom ldan ’das kyi źabs la phyag ’tshal te | tshe daṅ ldan pa kun dga’ bo gaṅ na ba der soṅ ste druṅ du phyin pa daṅ | rkaṅ pa la phyag ’tshal nas chos ñan pa’i phyir mdun du ’dug go || 
.  .  . 
de nas tshe daṅ ldan pa kun dga’ phos mdo (7) sde la źugs nas de las phye nas cuṅ zad tsam źig rgyas par bśad nas | mdor ’chad pa la źugs pa daṅ | rgyal pos ’phags pa bdag la brel ba med kyis mdor ma bśad cig ces smras so ||  de bźin du lan gñis lan gsum du smras pa daṅ | tshe daṅ ldan (151b1) pa kun dga’ bos rgyal po chen po khyod la brel ba med kyaṅ bdag la brel ba yod do źes smras pa daṅ | ’phags pa kun dga’ bo ci źig brel ces smras pa daṅ | khaṅ skyoṅ bya dgos so źes smras pa daṅ | ’phags pa kun dga’ bo yaṅ las kyi res mdzad dam | (2) lha bdag ni dge ’dun gyi naṅ du gtogs pas na las bgyi ’tshal lo źes smras pa daṅ | rgyal pos ’di bdag gis bya ba yin no sñam du bsams nas | de bcom ldan ’das gaṅ na ba der soṅ ste phyin pa daṅ | bcom ldan ’das kyi źabs la phyag ’tshal nas (3) ’di skad ces gsol to ||  btsun pa bdag ni rgyal po rgyal thabs spyi bo nas dbaṅ bskur ba ste | gaṅ bdag gis bgyi ba’i las ni bdag bgyid do ||  gaṅ naṅ gi btsun mos bgyi ba’i rigs pa yaṅ naṅ gi btsun mos bgyid do ||  gaṅ gźon nus bgyi ba’i rigs pa (4) yaṅ gźon nus so ||  gaṅ blon po ’am | blon po chen po ’am | dmag dpon nam | groṅ mi ’am | gźoṅs pa yaṅ ruṅ ste gźoṅs pa ñid kyis las bgyid do ||  bcom ldan ’das kyaṅ bla na med pa’i chos kyi rgyal po ste | e ma’o bcom ldan ’das brtse ba can (5) gyis kyaṅ gźag par ’os pa gźag la las kyi res mi bsko bar ci gnaṅ źes gsol pa daṅ | rgyal po gsal rgyal gyis gsol pa bźin bcom ldan ’das kyis caṅ mi gsuṅ bas źal gyis bźes so ||  rgyal po gsal rgyal gyis kyaṅ caṅ mi gsuṅ bas źal (6) gyis bźes par rig nas rgyal po gsal rgyal bcom ldan ’das kyi źabs la phyag ’tshal nas bcom ldan ’das kyi druṅ nas soṅ ṅo || 
.  .  .  .  .  .  .  . 
de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la mñan du yod pa na gnas śiṅ (7) ’khod pa’i dge sloṅ thams cad ’dun khaṅ du sdus śig ces gsuṅs pa daṅ | btsun pa bka’ bźin ’tshal źes nas tshe daṅ ldan pa kun dga’ bos bcom ldan ’das las mñan te mñan du yod pa na dge sloṅ ji sñed gnas pa de thams cad ’dun khaṅ du bsdus (152a1) nas | bcom ldan ’das gaṅ na ba der soṅ ste phyin nas bcom ldan ’das kyi źabs la mgo bos phyag ’tshal te phyogs gcig tu ’dug go ||  tshe daṅ ldan pa kun dga’ bos bcom ldan ’das la ’di skad ces gsol to ||  btsun pa mñan du (2) yod pa na dge sloṅ ji sñed gnas śiṅ mchis pa de thams cad ’dun khaṅ du ’dus te mchis lags na | bcom ldan ’das kyis da dus la bab par dgoṅs śig | 
.  .  . 
de nas bcom ldan ’das ’dun khaṅ gaṅ na ba der bźud de byon nas dge sloṅ gi dge ’dun gyi mdun na (3) gdan btiṅ bal bźugs te bźugs nas bcom ldan ’das kyis dge sloṅ dag la bka’ stsal pa | dge sloṅ dag deṅ ko sa la’i rgyal pa gsal rgyal ṅa’i druṅ du ’oṅs te | e ma’o bcom ldan ’das gźag pa’i rigs pa rnams ni źog la | las kyi res la bka’ stsal pa’i (4) mi rigs so źes zer gyis khyed cag gis deṅ phan chad gźag pa’i rigs pa rnams las la ma bsko bar źog cig | bcom ldan ’das kyis gźag pa’i rigs pa rnams las la ma bsko śig ces gsuṅs pa daṅ | dge sloṅ dag gis gaṅ gźag par rigs pa ma (5) śes nas | bcom ldan ’das kyis bka’ stsal pa | mdo sde ’dzin pa daṅ | ’dul ba ’dzin pa daṅ | ma lta bu ’dzin pa daṅ | maṅ po ’chad pa daṅ | dge ’dun gyi gnas brtan dag ni gźag par rigs pa’o ||  de la mdo sde ’dzin pa ni de ñid las so ||  de (6) bźin du ’dus ba ’dzin pa daṅ | ma lta bu ’dzin pa daṅ | maṅ po la ’chad pa daṅ | dge ’dun gyi gnas brtan dag kyaṅ de ñid las yin no ||  bcom ldan ’das kyis mdo sde ’dzin pa daṅ | ’dul ba ’dzin pa daṅ | ma lta bu ’dzin pa de ni de ñid las yin no (7) źes gsuṅs pa daṅ | drug sde dag gis mdo sde’i le’u gcig gñis bklags nas ṅed cag ni mdo sde ’dzin pa yin pas na ṅed la las kyi res ma dbaṅ cig ces smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom (152b1) ldan ’das kyis bka’ stsal pa | gaṅ mdo sde thams cad ’dzin pa de ni mdo sde ’dzin pa ste | de ni las la ma bsko śig de bźin du phas pham pa gcig gam gñis lhogs pa dag gis ṅed kyaṅ ’dul ba ’dzin pa’o ||  de bźin du rab tu byed pa gñis bklags pas (2) kyaṅ ṅa ni ma lta bu ’dzin pa yin gyis las kyi res la ma bsko śig ces smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | gaṅ ’dul ba thams cad ’dzin pa daṅ | ma lta bu thams cad (3) ’dzin pa ni las la ma bsko śig | 
.  .  .  .  . 
gleṅ gźi ni mñan du yod pa na ste | 
. 
de’i tshe yul ko sa la’i rgyal po gsal rgyal ri brags kyi groṅ dag cig log nas dmag ru gcig btaṅ ba daṅ | de dag gis slar bcom btags nas lhags so ||  de bźin du lan gñis (4) lan gsum du btaṅ yaṅ slar btags bcom nas lhags so ||  blon po dag gis gsol pa | lha ri brags kyi groṅ dag gi mthu ni cher gyur | lha’i mthu ni ’gribs na de la lha ñid gśegs na ni ri brags kyi groṅ de dag kyaṅ gdod khugs par ’gyur gyi gźan gyis (5) mi nus so źes smras pa daṅ | rgyal pos ṅa’i yul na ji sñed mtshon cha’i mthus ’tsho ba de thams cad ma ’khod par śeg śig ces dril chen po bsgrags so || 
.  .  . 
de nas rgyal po mthu chen po daṅ lhan cig tu groṅ rdal der lhags nas thams cad bskor te ’khod do ||  ’on (6) kyaṅ de dag nags tshal stug po la brten nas ma phebs pa daṅ | blon pos lha khyim bdag mgon med zas sbyin de bsod nams rab tu rgyas śiṅ lha rnams kyis yoṅs su zin bas de ’dir mchis na gdon mi ’tshal bar ri brags kyi groṅ phebs par ’gyur ro źes smras (7) pa daṅ | 
.  . 
de nas rgyal pos khyim bdag mgon med zas sbyin la bsti staṅ cher byas nas khyim bdag khyod kyi ṅo blta bar ’dod do źes yi ge spriṅ ṅo ||  de yi ge de thos ma thag tu riṅs bźin du soṅ ste ri brags kyi groṅ rdal der phyin to ||  ’on kyaṅ groṅ rdal de ma phebs nas (153a1) khyim bdag mgon med zas sbyin de riṅ du thogs par gyur nas | de dge sloṅ rnams ma mthoṅ ba’i phyir skya bo bseṅ bseṅ po riṅ ciṅ lus ma brtas par gyur nas | rgyal pos mthoṅ ste dris ba | khyim bdag khyod bu dag dran nam źes smras pa daṅ | (2) des lha bdag bu dran pa ni ma lags kyi | ’phags pa rnams blta bar ’tshal ba’i slad du’o źes smras pa daṅ | rgyal pos blon po dag la ṅas bka’ stsal pa skad du ma zer bar ci nas ’phags pa rnams ’dir byon pa’i thabs su sbyor cig ces yi ge spriṅ pa daṅ | blon po (3) dag gis yi ge bklags nas gros byed pa la źugs te | kye de la thabs ji ltar bya źes smras pa daṅ | blon po rgan po gźan źig gis de lta blas de’i thabs śig bdag gis sbyar la dgye bar bya’o źes smras nas | des dze ta’i sgo na ar ḍa tshaṅs sbyin gyi skyed mos tshal źig (4) yod pa rñiṅs te | mdal lta bu’i tshal du gyur pa de bcos legs byas | mchod rten gyi dag ra nas skyed mos tshal der yur ba draṅ ṅo źes srad bu bres ba daṅ | de dag ñid la gnod pas na lha lta źiṅ ’dod par ’gyur ro źes te | 
.  .  . 
de nas de dag gis skyed mos tshal (5) rñiṅ pa de ’chos pa la źugs ||  dbu skra daṅ sen mo’i mchod rten gyi dbus su srad bu bres na srad bu ’di’i rgyud bźin du yur ba brko’o źes smras pa daṅ | dge sloṅ gtsug lag khaṅ na gnas pa daṅ | ñin par spyod du doṅ ba de dag ’dus te blon po de’i gan du doṅ nas bźin bzaṅs (6) ’di ci źig rtsom źes smras pa daṅ | ’phags pa rnams lhas bdag cag la ṅa’i pha’i skyed mos tshal rñiṅ pa chos śig daṅ | ṅa der ’oṅ ṅo źes yi ge mchis pas na ’di dag bdag cag gis phyi bdar bgyis te der chu draṅ ba’i yur ba brko’o źes smras pa daṅ | ci khyed kyis (7) bcom ldan ’das kyi dbu skra daṅ sen mo’i mchod rten gźig gam | de ltar ma byed cig ces smras pa daṅ | ’phags pa dag lha’i bka’ bźin ni bdag cag gis mi bgyir mi ruṅ ste | bdag cag la mgo gñis su ma mchis kyis lha’i bka’ bcag tu mi ruṅ ṅo źes smras (153b1) pa daṅ | bźin bzaṅs ṅed kyis lha la gsol gyis de’i bar du sdod cig ces smras pa daṅ | ’phags pa bdag cag gis bsṅad kyis gsol ba mdzad du gsol źes smras pa daṅ | bźin bzaṅs lha ’dug pa der ji srid yod | ’phags pa lam riṅ ṅo ||  bźin (2) bzaṅs źag gcig nas bdun gyis slar ’khor tam | slar mi ’khor to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ltar na dge sloṅ dag saṅs rgyas daṅ chos daṅ dge ’dun gyi phyir źag bźi (3) bcur byin gyis rlobs la mtshams kyi phyi rol du ’doṅ bar gnaṅ ṅo ||  dge sloṅ dag gis ji ltar byin gyis brlab pa ma śes nas | bcom ldan ’das kyis bka’ stsal pa | stan rnams thiṅ ste gaṇ+ḍī rduṅs la dris pa’i lan glon pa’i dge sloṅ cig bskos te dge ’dun thams cad (4) ’dus nas ’khod pa daṅ | sṅar dge sloṅ gcig gam gñis sam | gsum yaṅ ruṅ dad par gyis te | saṅs rgyas sruṅ daṅ chos byin daṅ | dge ’dun sde khyed rnams gnas ’di’i mtshams kyi naṅ du dbyar sṅa ma ’am | phyi ma yaṅ ruṅ tshul du źugs pa las dge (5) ’dun gyi don gyi phyir źag bźi bcur byin gyis brlabs te | mtshams kyi phyi rol du doṅ la khyed dbyar gyi gnas ’dir te | dbyar ’dir gnas par dad dam źes bsgol | de ste dad na  de’i ’og tu dge sloṅ gcig gis gsol ba daṅ las byos śig | gson cig btsun pa’i dge (6) ’dun rnams | saṅs rgyas sruṅ daṅ | chos byin daṅ | dge ’dun sde ’di dag mtshams kyi naṅ gnas ’dir dbyar sṅa ma ’am phyi ma tshul du źugs pa las | ’di dag dge ’dun gyi don gyi phyir źag bźi ba cur byin gyis brlabs te | mtshams kyi phyi rol du ’dod źiṅ ’di (7) dag dbyar gnas ’di lags te | dbyar ’dir gnas na de ste dge ’dun rnams kyis bzod ciṅ dus la bab na dge ’dun gyis gnaṅ la | dge ’dun gyis saṅs rgyas sruṅ daṅ | chos byin daṅ | dge ’dun sde dag źag bźi bcur skos śig | saṅs rgyas sruṅ daṅ | chos (154a1) byin daṅ | dge ’dun sdes dge ’dun gyi don gyi phyir źag bźi bcur byin gyis brlabs te mtshams kyi phyi rol du doṅ la | de dag dbyar gnas ’di lags te dbyar ’dir gnas so ||  ’di ni gsol ba’o ||  las kyaṅ ’di bźin du byos śig | (2) gson cig btsun pa’i dge ’dun rnams | saṅs rgyas sruṅ daṅ | chos byin daṅ | dge ’dun sde ’di dag dge ’dun gyi don gyi phyir źag bźi bcur byin gyis brlabs te mtshams kyi phyi rol du ’doṅ źiṅ | ’di dag dbyar gnas ’di lags te | tshe daṅ ldan pa rnams (3) las gaṅ la saṅs rgyas sruṅ daṅ | chos byin daṅ | dge ’dun sde dag gis dge ’dun gyi don gyi phyir źag bźi bcur bsko bar bzod pa de dag ni caṅ ma gsuṅ śig | gaṅ mi bzod pa de dag ni smros śig | dge ’dun gyis saṅs rgyas sruṅ daṅ | chos byin daṅ | dge (4) ’dun sde ’di dag dge ’dun gyi don gyi phyir źag bźi bcur byin gyis brlabs te mtshams kyi phyi rol du mchis la de dag dbyar gnas ’di lags te dbyar ’dir gnas par dge ’dun gyis bzod ciṅ gnaṅ bsan caṅ mi gsuṅ ste de de bźin du ’dzin to ||  gaṅ la dge ’dun gyis źag (5) bźi bcur bskos pa de dag byin gyis rlobs te | mtshams kyi phyi rol du doṅ śig de la the tshom du ma byed cig | byin gyis brlab pa ni ’di bźin du gyis śig | dge sloṅ gcig gi mdun du thal mo sbyor la ’dug ste tshig ’di skad du dgoṅs śig | tshe daṅ ldan pa bdag (6) miṅ ’di źes bgyi ba mtshams kyi naṅ gnas dbyar sṅa ma’am phyi ma yaṅ ruṅ zla ba gsum mtshuṅs pa las | bdag miṅ ’di źes bgyi ba dge ’dun gyi don gyi phyir źag bźi bcur byin gyis brlabs te mtshams kyi phyi rol du mchis la bdag gi dbyar ’di lags te dbyar (7) ’dir gnas so ||  de bźin du la na gñis lan gsum du smros śig | saṅs rgyas bcom ldan ’das la tshe daṅ ldan pa u pā lis źus pa | btsun pa źag gcig tu byin gyis brlabs la mtshams kyi slad rol du mchi bar ruṅ ṅam | u pā li ruṅ ṅo ||  de bźin (154b1) du źag gñis sam | źag gsum mam | źag bźi’am | źag lṅa ’am | źag drug gam | źag bdun nam | źag brgyad dam | źag dgu ’am | źag bcu’am | źag ñi śu’am | źag sum cu ’am | źag bźi bcu’i bar du byin gyis brlabs te mtshams kyi (2) phyi rol du ’gro bar ruṅ ṅo ||  btsun pa źag bźi bcu phan chad byin gyis brlab par ruṅ ṅam | u pā li mi ruṅ ṅo ||  de ci’i phyir źe na | u pā li mtshams kyi naṅ du ni źag maṅ du gnas par bya’i mtshams kyi phyi rol du ni źag ñuṅ du gnas par bya’o ||  yaṅ gsol pa | (3) btsun pa bcom ldan ’das kyis źag gcig tu byin gyis brlab par byos śig ces gsuṅs na | su’i mdun du byin gyis brlab par bgyi | u pā li de ni dge sloṅ gcig gi gan du’o ||  de bźin du źag gñis sam | źag gsum mam | źag bźi’am | źag (4) lṅa’am | źag drug gi bar du byin gyis brlab par bya’o ||  źag drug phan chad nas źag bźi bcu’i bar du ni dge ’dun la gsol te bskos na dge ’dun nam gaṅ zag gi mdun du yaṅ ruṅ ci dga’ bar byin gyis rlobs śig | saṅs rgyas bcom ldan ’das la tshe daṅ ldan (5) pa u pā lis źus pa | btsun pa pags pa mi ruṅ ba de’i śa yaṅ mi ruṅ ba lags sam | u pā li pags pa mi ruṅ ba de’i śa yaṅ mi ruṅ ba’o ||  de’i rgyus pa daṅ | rus pa dag kyaṅ mi ruṅ ba’o || 
.  .  .  .  .  .  .  .  .  .  .  .  .  .  .  .  . 
rkyaṅ pa’i sgo daṅ po’i mdo’i tshigs su bcad pa gsum pa’o || 
. 
(6) ’dul ba gźuṅ dam pa | bam po sum bcu rtsa dgu pa | mdor na |
gzugs can sñiṅ po mal gos daṅ ||
phyi mo dus ’das de bźin te ||
bya rog ’ug pa bya rgod daṅ ||
de dag bza’ bar mi bya’o || 
. 
saṅs rgyas bcom ldan ’das rgyal po’i khab ’od ma’i tshal bya ka lan (7) da ka gnas pa na bźugs pa’i tshe gaṅ gi tshe rgyal po ma skyes dgra lha sbyin gyis bslus nas de’i pha chos can chos bźin du rgyal po byed pa ’tsho ba daṅ phral ba de’i tshe mal gos dag mthoṅ ba daṅ du bar gyur nas | blon po dag gis lha rgyal po bgres po ni ’phags pa dag la dgyes (155a1) na gzigs cha ’di dag kyaṅ dge ’dun la dbul pa’i rigs so źes smras pa daṅ | des mal gos de dag gtsug lag khaṅ du phul lo ||  dge sloṅ dag gis de sgo khaṅ du btiṅ ste bźag go ||  de dus phyi źig na rgyal pos gtsug lag khaṅ du (2) ’oṅs nas des de mthoṅ ba daṅ du par gyur to ||  blon po dag gis ’phags pa dag khyed la sbyin pa ni mi mthoṅ bar bya ba’i phyir na sgo khaṅ du btiṅ ba ’di ni ñes pa’i dmigs su gyur to źes smras pa daṅ | de dag caṅ mi zer bar ’dug go ||  de ltar gyur pa dge sloṅ dag gis (3) bcom ldan ’das la gsol pa daṅ | bcom ldan ’das kyis sgo khaṅ du ma gdiṅ śig ces bka’ stsal nas | yaṅ thog tu btiṅ ba daṅ | de ñid ñes pa’i dmigs su gyur nas | bcom ldan ’das kyis yaṅ thog tu gdiṅ bar ma byed cig ces bka’ stsal pa (4) daṅ | gnas khaṅ du btiṅ ste bźag go ||  ma dad pa dag gis rgyal po’i mal gos ni dge sloṅ dag gis ṅes par btsoṅs te zos pas na de sṅon snaṅ nad mi snaṅ ṅo źes dpyas pa daṅ | bcom ldan ’das kyis bka’ stsal pa | tshes brgyad dam | bcu bźi’i (5) tshe yaṅ thog tu thiṅ la źog śig | ma dad pad dag gis mthoṅ nas lha’i mal stan dag ni dge sloṅ dag gis btsoṅs nas zos te med do źes smyas pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | (6) yon du phul pa’i dṅos po ’di ni rgyal po gzugs can sñiṅ po’i yin no źes mtha’ ma la yi ge ra bris te źog śig | 
.  .  .  .  .  . 
gleṅ gźi ni mñan du yod pa na ste | 
. 
de’i tshe na yul ko sa la’i rgyal po gsal rgyal gyi phyi mo sdug ciṅ yid du ’oṅ ba źig dus ’das pa daṅ | de phyir (7) phyuṅ ste ba sregs nas | śi ba’i chog byas te naṅ par sṅar gos kyaṅ gśer | skra yaṅ gśer bźin du | bcom ldan ’das gaṅ na ba der soṅ ste phyin nas | bcom ldan ’das kyi źabs la mgo bos phyag ’tshal nas | phyogs gcig tu ’dug (155b1) go ||  phyogs gcig tu ’dug pa daṅ | bcom ldan ’das kyis yul ko sa la’i rgyal po gsal rgyal la ’di skad ces bka’ stsal to ||  rgyal po chen po naṅ par sṅar skra yaṅ gśer | gos kyaṅ gśer bźin du ’dir ci la ’oṅs | btsun pa bdag gi phyi mo rab (2) tu sdug ciṅ yid du ’oṅ ba źig dus ’das pa daṅ | de phyir phyuṅ ste bsregs nas śi ba’i chog bgyis te | de’i phyir naṅ par sṅar gos kyaṅ gśer | skra yaṅ gśer bźin du ’dir mchis so ||  rgyal po chen po phyi mo rab tu sdug gam | btsun pa rab tu sdug ciṅ yid du (3) mchi ste | btsun pa phyi mo sos par byas bal glaṅ maṅ po ’tshal źes mchi ba źig mchis na yaṅ bdag gis bal glaṅ maṅ po yaṅ gtoṅ ṅo ||  de bźin du rta maṅ po daṅ | śiṅ rta maṅ po daṅ | rgyal srid phyed ’tshal na yaṅ phyi mo sos na rgyal srid phyed kyaṅ gtoṅ phod (4) do ||  btsun pa bdag gis de la de bźin du mya ṅan daṅ | de bźin du ñon moṅs pa daṅ | de bźin du mya ṅan gyis gzir bźin du bsgrims kyaṅ phyi mo sdug ciṅ yid du ’oṅ ba dus ’das pa daṅ | bdag gis ’di sñan du bsams so ||  bcom ldan ’das kyis legs (5) par gsuṅs pa ni ṅo mtshar che ste | sems can thams cad daṅ | srog chags thams cad daṅ | ’byuṅ po thams cad ’tsho ba’i mtha’ ni ’chi bar ’gyur ro ||  mthar ni ’chi ba la thug pas na skyes na ’chi’o źes bcom ldan ’das kyis gsuṅs pha ni ṅo mtshar (6) che’o źes gsol pa daṅ | rgyal po chen po de de bźin no ||  de de bźin te | sems can thams cad daṅ | srog chags thams cad daṅ | ’byuṅ po thams cad kyaṅ ’tsho ba’i mtha’ ni ’chi bar ’gyur te | mthar ’chi ba la thug pas na skyes phan chad mi ’chi ba med (7) do ||  rgyal po chen po gaṅ rgyal rigs che źiṅ mtho ba daṅ | bram ze’i rigs che źiṅ mtho pa daṅ | khyim bdag gi rigs che źiṅ mtho ba de dag kyaṅ ’tsho ba’i mtha’ ni ’chi bar ’gyur te | mthar ’chi ba la thug pas na skyes phan chad mi ’chi ba med do ||  yaṅ rgyal po (156a1) chen po rgyal thabs spyi bo nas dbaṅ bskur pa skye bo maṅ po la dbaṅ źiṅ brtson ’grus thob pa | sa gźi chen po’i dkyil ’khor yaṅ rab tu btul ciṅ gnas par byed pa de lta bu dag kyaṅ ’tsho ba’i mtha’ ni ’chi bar ’gyur te | mthar ’chi ba la thug (2) pas na skyes phan chad mi ’chi ba med do ||  rgyal po chen po yaṅ ’di ltar rgyal pa las draṅ sroṅ du gnas na gnas pa ’bras bu raṅ lhuṅ za ba rtsa ba daṅ ’bras bus ’cho ba de lta bu yaṅ ’tsho ba’i mtha’ ni ’chi bar ’gyur te | mthar ’chi ba la thug pas na skyes phan chad mi ’chi (3) ba med do ||  rgyal po chen po ’di ltar yaṅ lha tshe riṅ po kha dog daṅ ldan pa maṅ ba gźal med khaṅ mthon po na ’dug kyaṅ de dag gnas 
.  .  .  .  .  .  .  .  .  .  .  .  . 
de nas ’chi ’pho ba’i chos su ’gyur ro ||  ’di ltar yaṅ rgyal po chen po dgra bcom pa zag pa zad pa | bya ba bsgrubs pa khur bor ba | raṅ (4) gi don thob pa | srid par spyor bzad pa | yaṅ dag pa’i bka’ la sems kyis rnam par grol ba de dag gi lus kyaṅ rje ba’i chos su ’gyur ro ||  yaṅ ’di ltar rgyal po chen po raṅ saṅs rgyas bse ru ’dra ba | bdag gcig pu dul ba | bdag gcig pu źi pa | bdag (5) gcig pu mya ṅan las zlo ba de dag kyaṅ lus rje ba’i chos su ’gyur ro ||  yaṅ ’di ltar rgyal po chen po de bźin gśegs pa dgra bcom pa yaṅ dag par rdzogs pa’i saṅs rgyas stobs bcu daṅ ldan pa | mi ’jigs pa bźis mi ’jigs pa | khyu mchog gi da ma pa | (6) seṅ ge’i sgra sgrogs pa de lta bu’ sku yaṅ rje pa’i chos su ’gyur ro ||  rgyal po chen po rnam pa de lta bu thams cad kyaṅ de bźin du rig par gyis śig | gaṅ sems can thams cad daṅ | srog chags thams cad daṅ | ’byuṅ po thams cad kyaṅ ’tsho ba’i mtha’ ni (7) ’chi bar ’gyur te | mthar ’chi ba la thug pas na skyes phan chad mi ’chi ba med de | sems can thams cad kyaṅ ’tsho ba’i mtha’ ni ’chi bar ’gyur te | ji ltar las byas de yis ni | bsod nams sdig pa’i ’bras bur ’gro ||  sdig pa’i las ni dmyal par ltuṅ | (156b1) bsod nams byas pas mtho ris ’gro ||  kha cig lam la bsgoms pas ni | zag pa med par mya ṅan ’da’ | saṅs rgyas daṅ ni raṅ saṅs rgyas | saṅs rgyas kyi ni ñan thos rnams | lus ni rnam par ’dor ’gyur na | skye dgu ma rabs smos ci dgos | (2) 
.  .  .  .  .  .  . 
de nas yul ko sa la’i rgyal po gsal rgyal bcom ldan ’das kyis gsuṅs pa la mṅon par dga’ ste rjes su yi raṅs nas | bcom ldan ’das kyi źabs la mgo bos phyag ’tshal te | bcom ldan ’das kyi druṅ nas soṅ ste | bdag gi khyim du phyin pa daṅ | phyi mos (3) mal gos stoṅ par mthoṅ nas yaṅ sdug pa śi ba’i mya ṅan gyis sems ’khrugs nas blon po dag la smras pa | kye ṅas mal gos ’di mthoṅ nas rab tu mi dga’ ba skyes kyis soṅ la ’phags pa’i dge ’dun dag la ’di phul cig | de dag gis kyaṅ dze ta’i ’tshal du ’phags (4) pa’i dge ’dun dag la phul ba daṅ | dge sloṅ dag gis sgo khaṅ du btiṅ ste bźag go || 
. 
de nas dus phyi źig na rgyal po de gtsug lag khaṅ du ’oṅs nas des de mthoṅ ba daṅ | de jus so ||  blon po dag gis ’phags pa dag gis ’di mi bstan pa’i phyir khyed la dpul na (5) sgo khaṅ du btiṅ ba de ñid ñes pa’i dmigs su gyur to źes smras pa daṅ | de dag caṅ mi zer bar ’dug nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | sgo khaṅ du ma gdiṅ par yaṅ thog tu thiṅ (6) śig | de yaṅ ñes pa’i dmigs su gyur nas | bcom ldan ’das kyis bka’ stsal pa | yaṅ thog tu ma gdiṅ par gnas khaṅ du thiṅ śig | de gnas khaṅ du btiṅ ba daṅ | ma dad pa dag gis rgyal mo’i mal gos ni dge sloṅ rnams kyis btsoṅs te zos gor (7) mchag | sṅa na ni snaṅ nad mi snaṅ ṅo źes ’phya ba daṅ | bcom ldan ’das kyis bka’ stsal pa | tshes brgyad dam bcu bźi’i dus su yaṅ thog tu thiṅ la źog śig | ma dad pa dag gis mthoṅ nas | ’di ni lha mo’i mal gos ma yin gyi | dge sloṅ dag gis (157a1) des par btsoṅs te zos so źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | yul ko sa la’i rgyal po gsal rgyal gyis phul ba’i gos so źes yi ger bris te źog (2) śig | 
.  . 
gleṅ gźi ni mñan du yod pan ste | 
. 
de’i tshe mñan du yod par sar ba drag po źig bab nas der ri dgas daṅ bya maṅ źig śi’o ||  skye bo maṅ po dag to raṅs sṅar laṅs nas ri dgas daṅ bya gaṅ bzar ruṅ ba la sogs pa ni bsdus te khyer | bya rog la sogs te (3) bzar mi ruṅ ba ni bor ro ||  drug sde rnams chos kyis maṅ du za źiṅ riṅ du ñal lo ||  de dag riṅ źig nas nam laṅs te thos ma thag tu myur du riṅs par doṅ nas de dag gis bya rog daṅ | ’ug pa daṅ | bya rgod daṅ | bya chu skyar mo dag blaṅs te ’oṅ pa bram ze daṅ khyim bdag (4) gis mthoṅ nas de dag gis ’phags pa ’dis ci źig bya źes smras pa daṅ | de dag gis bza’o źes smras nas | ’phags pa ’di dag ni bzar mi ruṅ gis bor cig kye gźan rñed na yaṅ blaṅ na ’di ci’i phyir mi bza’ | de ltar gyur pa dge sloṅ dag gis bcom ldan ’das (5) la gsol pa daṅ | bcom ldan ’das kyis bka’ stsal pa | dge sloṅ dag bya rog la sogs pa śa bzar mi ruṅ ba’i śa ma za śig | zos na ’das pa daṅ bcas par ’gyur ro || 
.  .  .  . 
rkyaṅ ba’i sgo daṅ po’i mdo’i tshigs su bcad pa bźi pa’o || 
. 
mdor na |
khyi daṅ khra daṅ (6) ’ug pa daṅ ||
mi śa za ba’i bya dag daṅ ||
rta daṅ dre’u wa daṅ ni ||
spre’u rnams bza’ bar mi bya’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  mu ge byuṅ nas khyim pa dag khyi’i śa za ba la (7) źugs pa daṅ | drug sde dag mñan du yod par bsod sñoms la doṅ ste | khyim gaṅ nas gaṅ du ’oṅs pa de daṅ der ’phags pa cuṅ zad tsam yaṅ ma mchis so źes smras pa daṅ | 
.  . 
de nas yaṅ khyim bdag gźan źig tu ’oṅs pa daṅ | de na rje’u naṅ du khyi śa źig ’tshod (157b1) de khol źiṅ ’dug go ||  khyim bdag gi chuṅ mas ’phags pa cuṅ zad kyaṅ ma mchis kyis bźud cig ces smras pa daṅ | de dag gis smras pa | rje’u naṅ na khol źiṅ ’dug pa de ci yin | ’phags pa ’di ni khyi śa’o ||  ci khyed cag khyi śa za ’am | ’phags pa mu (2) ge byuṅ bsan ’tshal lo ||  de ltar na ṅed cag kyaṅ byin cig | ’phags pa khyed kyaṅ gsol lam | kye ṅed cag gi srog khyed la rten na khyed cag zan ṅed cag kyaṅ ci’i phyir mi bza’ | de dag gis byin no ||  de byin pa daṅ khyer te soṅ ṅo ||  khyi dag gis snar bsnams pa (3) tshor nas de dag gis bskor ciṅ | bdag pa dag gi skad kyis zugs śiṅ du ste phyi bźin du ’braṅ pa bram ze daṅ khyim bdag gis mthoṅ nas de dag gis smras pa | ’phags pa ci’i slad du khyi dag gis gtses bźin du ’doṅ ||  de dag gis smras pa | bdag cag bsod (4) sñoms khyi śa cuṅ zad cig rñed do ||  ’phags pa ci khyed cag khyi’i śa za’am | kye ’di lta bu bsod sñoms mi rñed pa’i dus na ṅed cag ci ltogs bźin du ’chi ’am | de ltar gyur pa dge sloṅ dag gis bcom ldan ’das la gsol to ||  bcom ldan ’das kyis dgoṅs pa | (5) gaṅ dge sloṅ dag gis khyi śa zos pas ni ñes pa’i dmigs su gyur te | de bas na dge sloṅ dag khyi śa ma za śig | dge sloṅ dag gis khyi śa zos na ’das pa daṅ bcas par ’gyur ro || 
.  .  .  .  .  .  .  .  . 
gleṅ gźi ni mñan du yod pa na ste | 
. 
drug sde dag gis khra daṅ | ’ug pa daṅ | bya mi (6) śa za ba de dag gi śa yaṅ za ba daṅ | bram ze daṅ khyim bdag ma dad pa dag ’phya bar gyur nas | de ltar gyur pa dge sloṅ dag gis bcom ldan ’das la gsol to ||  bcom ldan ’das kyis bka’ stsal pa | dge sloṅ dag khra daṅ | ’ug pa daṅ | mi śa za ba dag gi bya’i (7) śa ma za śig | dge sloṅ dag gis khra daṅ | ’ug pa daṅ | mi śa za ba dag gi bya’i śa zos na ’das pa daṅ bcas par ’gyur ro || 
.  . 
gleṅ gźi ni mñan du yod pan ste | 
. 
ma byin par len pa dag gis yul ko sa la’i rgyal po gsal rgyal gyi dre’u źig brkus te khrid nas (158a1) nags stug po’i naṅ du bsad de śa khyer nas mgo sug bor te doṅ ṅo ||  drug sde rnams chos kyis goms pa ni naṅ par sṅar laṅs nas khaṅ steṅ du byuṅ ste phyogs bźir bltas nas dud pa gaṅ na che pa daṅ | bya rgod gaṅ na ldiṅ ba phyogs bźir bltas nas der doṅ (2) ṅo ||  de dag gis nags stug po na bya rgod ldiṅ ba mthoṅ nas | de dag nags sdug por rgyug ciṅ riṅs par doṅ ba daṅ | nags sdug po de ni dre’u’i mgo daṅ rkaṅ lag daṅ mjug ma dag mthoṅ nas | de dag gis smras dga’ bo ñahe dga’ bo rdul khrod pa źig rned na blaṅ (3) dam źes pa daṅ | legs kyis blaṅ ṅo źes nas de dag gcig tu ba spus pa daṅ | dre’u rji yan man tsol bas mthoṅ nas de dag gis smras pa | ’phags pa dag ni drag sroṅ gi rgyal mtshan ’dzin na ci’i phyir ṅan du spyod pa mdzad | ṅed cag gis ci źig ñes źes smras (4) pa daṅ | rgyal po’i dre’u ni khyed ga gis bsad do źes smras pa daṅ | sdig pa źi bar gyur cig ṅed cag ni mi gsod do ||  ’o na sus bsad ces pa daṅ | ma byin par len pa dag gis bsad de | ṅed cag gis ni mgo daṅ | rkaṅ ba daṅ | ma jug ma dag rdul khrod (5) par byin gyis brlabs so ||  de dag gis ci ’phags pa khyed cag khri’u śa bsnams sam źes smras pa daṅ | za’o źes smras pas de dag ’phya bar gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | (6) gaṅ dge sloṅ dag srog chags dre’u śa zos pa ni ñes pa’i dmigs su ’gyur te | de bas na dge sloṅ dag gis srog chags rmig zlum gyi śa ma za śig | de ste zos na ’das pa daṅ bcas par ’gyur ro || 
.  .  .  .  .  . 
gleṅ gźi ni mñan du yod pa na ste | 
. 
drug sde dag gis wa’i śa (7) zos pa daṅ | bram ze daṅ khyim bdag gis mthoṅ nas smras pa | btsun pa ’di ci lags | wa’i śa’o ||  ci ’phags pa dag kyaṅ wa’i śa bsnams sam | za’o źes smras pa daṅ | de dag ’phya bar gyur nas de ltar gyur pa dge sloṅ dag gis bcom ldan ’das la (158b1) gsol to ||  bcom ldan ’das kyis bka’ stsal pa | dge sloṅ dag bram ze daṅ khyim bdag rnams ’phya ba ni yus te | dge sloṅ dag de bas na wa’i śa ma za śig | dge sloṅ dag gis wa’i śa zos na ’das pa daṅ bcas par ’gyur ro || 
.  .  . 
gleṅ gźi ni mñan du yod pa (2) na ste | 
. 
dze ta’i tshal na spre’u źig śiṅ ka nas śiṅ kar rgyu pa las lhuṅ nas dus ’das te | drug sde dag gis rje’u źig gi naṅ du bcug ste ’tshed pa daṅ | bud med gźan źig bu chuṅ du źig stor nas de tshol źiṅ dze ta’i tshal du ’oṅs na | drug sde rnams rje’u’i naṅ du (3) spre’u bcos pa mthoṅ ṅo ||  mthoṅ nas des drug sde dag gis bdag gi bu ’dir ma btsos sam sñam bsams te rtog pa la źugs pa daṅ | ji tsam źig na lhuṅ lhuṅ khol ba daṅ spre’u’i lag pa gyen du byuṅ ba daṅ | des braṅ brduṅs te kyi hud bu kyi hud bu kyi hud bu źes smras pa daṅ | de’i (4) rkaṅ pa yaṅ byuṅ ste | kyi hud bu kyi hud bu źes yaṅ smras pa daṅ | drug sde dag gis ci’i phyir de ltar byed ces smras pa daṅ | des rkaṅ lag byuṅ pa ’di ni bdag gi bu’o źes smras pa daṅ | ji tsam nas mjug ma yaṅ byuṅ ṅo ||  drug sde dag gis ci khyod kyi bu ’jug ma yod (5) dam źes smras pa daṅ | de skyeṅs te smras pa | ’phags pa ’di ni spre’u ’am | de dag gis smras pa spre’u’o ||  ’phags pa dag spre’u śa yaṅ bsnams sam | des za’o źes smras pa daṅ | de dag ’phya bar gyur nas de ltar gyur pa dge sloṅ dag gis bcom ldan ’das (6) la gsol to ||  bcom ldan ’das kyis bka’ stsal pa | dge sloṅ dag spre’u ni mi śa daṅ ’dras | de bas na dge sloṅ dag spre’u’i śa ma za śig | dge sloṅ dag gis spre’u’i śa zos na ’das pa daṅ bcas par ’gyur ro ||  rkyaṅ pa’i sgo daṅ po’i mdo’i tshigs su (7) bcad pa lṅa pa’o || 
.  .  .  .  .  . 
mdor na |
phor bu gos daṅ pa gas pa daṅ ||
’dab ma’i phor bus mi sbyin no ||
lcags kyi sbu bu ma gtogs par ||
nor bu khar bas btaṅ ba’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun (159a1) dga’ ra ba na bźugs so ||  de’i tshe na mñan du yod pa na dge sloṅ gźan źig na ste | de rab tu nad kyis gzir nas de sman pa’i druṅ du soṅ ste nad med cig ces nas bźin bzaṅs bdag ni rnam pa ’di lta bu źig tu na bar gyur na sman gyi thabs ston cig (2) ces smras pa daṅ | sman pas ’phags pa mas gtaṅ ba’i sman gyis śig ces smras pa daṅ | des bźin bzaṅs bcom ldan ’das kyis ma gnaṅ ṅo źes smras pa daṅ | ’phags pa khyed kyi ston pa ni thugs rje can lags kyis rjes su gnaṅ bar ’gyur ro źes (3) smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste sman pas bsgo la des sos par ’gyur na mas gtaṅ ba byos śig de la the tshom du ma byed cig | bcom ldan ’das kyis mas gtaṅ (4) pa’i sman thoṅ śig ces gsuṅs pa daṅ | de dag gis phor bus blugs pa daṅ | bo ste ma ruṅ nas | bcom ldan ’das kyis bka’ stsal pa | phor bus ma blugs śig ces gsuṅs pa daṅ | gos kyi mtha’ mas blugs pa daṅ de yaṅ ñes pa’i dmigs su gyur (5) nas | bcom ldan ’das kyis bka’ stsal pa | gos kyi mtha’ mas ma blugs śig ces gsuṅs na | pags pa’i naṅ nas blugs pa daṅ de yaṅ ñes pa’i dmigs su gyur nas bcom ldan ’das kyis bka’ stsal pa | pags pa’i naṅ nas ma blugs śig (6) ces gsuṅs pa daṅ | ’dab ma’i phor bu’i naṅ nas blugs te | de yaṅ ñes pa’i dmigs su gyur nas | bcom ldan ’das kyis bka’ stsal pa | ’dab ma’i phor bu’i naṅ nas ma blugs par sbu bu’i naṅ nas blugs par gyis śig | des lcags kyi sbu (7) bu nas blugs pa daṅ | de naṅ du bcug na rab tu tsha źiṅ rtsub par gyur nas | bcom ldan ’das kyis bka’ stsal pa | lcags kyi sbu bu ma gtogs par nor bu’i sbu bu’am | khar ba’i sbu bus gtaṅ bar gyis śig | rkyaṅ pa’i sgo daṅ po’i mdo’i tshigs (159b1) su bcad pa drug pa’o || 
.  . 
mdor na |
bu ram śiṅ daṅ źog ’bru mar daṅ ||
gso ma bsregs pa’i thug pa daṅ ni mar ||
rtsa ba ’bras bu sdoṅ po lo mar bcas ||
thug pa thams cad blud par bya || 
. 
saṅs rgyas bcom ldan ’das mñan du yod pa’i dze ta’i (2) tshal mgon med zas sbyin gyi kun dga’ ra ba na bźugs so ||  saṅs rgyas bcom ldan ’das la tshe daṅ ldan pa u pā lis źus pa | btsun pa sman gcig las de ñid sṅa dro ba de ñid phyi dro ba de ñid źag bdun pa | de ñid nam ’tsho’i bar du ruṅ bar ’gyur ba mchis sam (3) u pā li bur ma śiṅ ni sṅa dro’i’o ||  de’i khu ba ni phyi dro ba’o ||  phur ma ni źag bdun pa’o ||  bu ram śiṅ daṅ bu ram bsregs pa’i thal ba ni nam ’tsho’i par du’o ||  u pā li źo ni sṅa dro ba’o ||  źo’i chu ni phyi dro ba’o ||  mar ni bdun pa’o ||  źo bsregs pa’i thalaba ni nam (4) ’tsho’i bar du’o ||  u pā li śa ni sṅa dro ba’o ||  tshil bu ni bdun pa’o ||  śa bsregs pa’i thal ba ni nam ’tsho’i bar du’o ||  u pā li ti la ni sṅa dro ba’o ||  til gyi mar ni bdun pa’o ||  til bsregs pa’i thal ba ni nam ’tsho’i bar du’o || 
.  .  .  .  .  .  .  .  .  .  .  .  .  .  . 
gleṅ gźi ni mñan du yod (5) pa na ste | 
. 
dge sloṅ źig na bar gyur nas sman pas mthoṅ ste | ’phags pa gso ma’i thug pa byos la ’thuṅ śig ces smras pa dag | des de ltar gyur pa dge sloṅ rnams la smras pa daṅ | dge sloṅ dag gis bcom ldan ’das la gsol nas | bcom ldan (6) ’das kyis bka’ stsal pa | de ltar sman pas bsgo ba de bźin du gyis śig de la the tshom du ma byed cig | 
. 
gleṅ gźi ni mñan du yod pa na ste | 
. 
dge sloṅ gźan dag cig yaṅ na bar gyur nas de dag kha cig la ni sman pas yuṅs ka ra gyi thug pa ’thuṅ śig ces (7) bsgo ||  kha cig la ni rtsa ba’i thug pa ’thuṅ śig ces bsgo ||  kha cig la ni sdoṅ bu’i thug kha ’thuṅ śig ces bsgo ||  kha cig la ni ’bras bu’i thug pa ’thuṅ śig ces bsgo ba daṅ | de ltar gyur pa dge sloṅ dag gis bcom ldan ’das la gsol pa daṅ | bcom (160a1) ldan ’das kyis bka’ stsal pa | de lta bas na ṅas rjes su gnaṅ gis sman pas nad pa la luṅ bsgo na thams cad kyi thug pa’aṅ ’thuṅ śig de la the tshom du ma byed cig | 
.  .  .  . 
rkyaṅ pa’i sgo daṅ po’i mdo’i tshigs su bcad pa bdun pa’o || 
. 
mdor na |
(2) bur ma chu daṅ btuṅ ba de bźin te ||
źag bdun bźag par gyur pa daṅ ||
gźan gyi phyir yaṅ bsṅo ba daṅ ||
rjes su phan gdags mya bar bya || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  bcom (3) ldan ’das ñan thos kyi dge ’dun daṅ bcas te gźoṅs spyod ciṅ gśegs pa daṅ | de dag ri brags kyi groṅ gźan źig tu phyin te | ri brags kyi groṅ de na khyim bdag gźan źig gnas pa de gdul ba’i dus la bab par mkhyen nas | bcom ldan ’das ri brags kyi groṅ der (4) byon pa daṅ | khyim bdag des bcom ldan ’das mthoṅ nas de dad pa skyes te bcom ldan ’das kyi druṅ du ’oṅs so ||  bcom ldan ’das kyis de’i bsam pa daṅ | bag la ñal pa daṅ | khams daṅ raṅ bźin mkhyen nas ji ltar ’phags pa’i bden pa bźi rtogs par ’gyur (5) ba’i chos de lta bu bśad nas khyim bdag des thos pa daṅ ’jig tshogs su lta ba’i ri’i rtse mo ñi śu mtho ba ye śes kyi rdo rjes bcom nas rgyun du źugs pa’i ’bras bu mṅon du byas so ||  ji tsam dge sloṅ de dag lam gyi ṅal bas gzir nas log pa’i lha khaṅ daṅ | bkad sa daṅ | (6) skyed mos tshal daṅ | śiṅ druṅ dag tu glos phab ste ñal źiṅ ’khod pa daṅ | khyim bdag de rab tu dad pa thob pas na bkad sa daṅ | lha khaṅ daṅ | śiṅ druṅ dag tu rim gyis dge sloṅ dag la phyag bya ba’i phyir soṅ ba daṅ | dge sloṅ dag gnas na ñal źiṅ ’dug pa des (7) mthoṅ nas | ’phags pa dag bstan pa la śin tu brtson par bgyi ba la ci’i slad du na gzims śiṅ ’khod cas smras pa daṅ | de dag gis khyim bdag lam gyi ṅal bas gzir źiṅ ñam chuṅ ste dge ba’i phyogs spyod par mi nus so źes smras pa daṅ | des ’phags pa rnams de (160b1) ltar na ni phyi dro bur ma gsol bar bcom ldan ’das kyis gnaṅ na | bdag ’tshal te mchis gsol cig ces smras pa daṅ | de dag las kha cig na de khyim bdag de lags kyis bza’ bar bgyi’o ||  kha cig gis tshe daṅ ldan pa khyim bdag ’ber tra si dag gis bu ram bza’ ba (2) la brten sa des dgra bcom pa mṅon du gyur te | bcom ldan ’das kyis de bźin rjes su gnaṅ na bdag cag ni de ltar lam gyi dal bas gzir te | ’jig rten na ma dad pa dag ni groṅ na ’khod bźin du za’o źes mi dga’ bar ’gyur gyis gud du ’doṅ ṅo źes smras pa daṅ | kha cig (3) gis yaṅ tshe daṅ ldan pa de ltar ’doṅ na bcom ldan ’das la źu’o źes smras nas | de ltar gyur ba dge sloṅ dag gis bcom ldan ’das la gsol to ||  bcom ldan ’das kyis bka’ stsal pa | bur ma ni thams cad du bza’ bar bya ste | de la the tshom du ma byed cig | bcom ldan (4) ’das kyis thams cad du bu ram zo śig ces bka’ stsal nas | dge sloṅ de dag gis zos pa daṅ | de dag lam gyi dal bas skom gyis gduṅs par gyur nas | bcom ldan ’das kyis bka’ stsal pa | bu ram gyi chu gyis la ’thuṅ śig | saṅs rgyas bcom ldan (5) ’das la tshe daṅ ldan pa u pā lis źus pa | btsun pa bu ram chu źag bdun par byin gyis brlabs te ’tshal na ruṅ ṅam | u pā li mi ruṅ ṅo ||  btsun pa ji tsam gyi bar du bźag la btuṅ bar bgyi | u pā li ji tsam na daṅ bar gyur te sgyur por ma gyur ciṅ raṅ bźin ma (6) ñams pa’i bar du’o || 
.  .  .  .  .  .  . 
gleṅ gźi ni mñan du yod pa na ste | 
. 
bcom ldan ’das kyis gso sbyin daṅ | tshul nas byuṅ ba daṅ | chos gos byin gyis brlabs pa daṅ | gos bsṅo ba daṅ | gaṅ zag gcig po mgron du bos pa daṅ | ’di lṅa ni raṅ gis bsams pas (7) ’grub bo || źes gsuṅs so ||  dge sloṅ de dag gaṅ du mgron du bos pa der de las gźan du yaṅ mgron du bos sam de las lhag par yaṅ ruṅ ste | gcig tu ni bdag ñid | gñis su ni bdag gi sems btaṅ nas gźan gtaṅ ba’o ||  mu ge’i dus la bab ste (161a1) dge sloṅ rnams bsod sñoms kyis śin tu phoṅs par gyur to ||  dad pa’i bram ze daṅ khyim bdag dag gis dge sloṅ gnas brtan dag zas la mgron du bos pa daṅ | khyim bdag cig la khas blaṅs te gźan btaṅ ṅo ||  bcom ldan ’das kyis (2) bka’ stsal pa | de lta bas naṅs mu ga byuṅ źiṅ sdug bsṅal la rñed dka’ ba’i dus na | ji sñed du mgron du bos pa de thams cad bdag gir bya bar gyis de la bdag kyaṅ zo śig | dge sloṅ dag kyaṅ bgo par bya’o ||  dge sloṅ dag bram ze daṅ khyim bdag gźan gyi (3) der doṅ ba daṅ | de dag gis ’phags pa khyed ni bdag cag gis mgron du ma bos kyi ’di źes bgyi ba’i gnas brtan bdag cag gis spyan draṅs so źes smras so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ (4) stsal pa | bdag ñid soṅ la byin len byas te kham gñis sam gsum zo la ’di skad du khyim bdag dge sloṅ ’di dag zas kyis brel te | ’di la sbyin gyis rjes su yi raṅ bar gyis śig ces smros śig | de bźin du gñis sam gsum mam ji sñed mgron du bos pa (5) thams cad la byin cig | thams cad de ltar byas nas tha mar mgron du bos pa ni ji tsam ’graṅs par bza’ bar bya ste | ’di la the tshom du ma byed cig | 
.  .  .  .  .  .  . 
rkyaṅ pa’i sgro daṅ po’i mdo’i tshigs su bcad pa brgyad pa’o || 
. 
mdor na |
mar ram de ste ’bru mar ram ||
gźan (6) yaṅ bźag par gyur pa daṅ ||
mig sman gyi ni gab tshe daṅ ||
yaṅs pa can daṅ ruṅ ba’i gnas || 
. 
saṅs rgyas bcom ldan ’das mñan du yod pa’i dze ta’i tshal mgon med zas spyin gyi kun dga’ ra ba na bźugs so ||  dge sloṅ gźan źig rluṅ nad kyis btab (7) pa des sman pa’i gan du soṅ ste | bźin bzaṅs bdag la ’di ’dra ba’i nad kyis btab na sman ston cig ces smras so ||  des ’phags pa mar ’di tsam źig gsol daṅ ’tsho bar ’gyur ro źes smras so ||  de ltar gyur pa dge sloṅ dag la smras pa daṅ | dge sloṅ dag (161b1) gis bcom ldan ’das la gsol nas | bcom ldan ’das kyis bka’ stsal pa | de ste sman pas mar ’thuṅ śig par bsgo na btaṅ bar bya’o ||  dge sloṅ des ’thuṅs pa daṅ ñin par bed yaṅ mtshan mo yaṅ rluṅ nad laṅs so ||  dge sloṅ dag gis sman pa la dris pa (2) daṅ | des mtshan mo yaṅ ’thuṅ śig ces smras so ||  dge sloṅ dag gis bcom ldan ’das la gsol ba daṅ | bcom ldan ’das kyis mtshan mo yaṅ ’thuṅ śig ces bka’ stsal pa daṅ | des maṅ du bsags nas źag bdun du byin gyis brlabs te de sos (3) par gyur to || 
.  .  .  .  .  .  . 
gleṅ gźi ni mñan du yod pa na ste | 
. 
dge sloṅ gźan źig nad kyis btab nas de yaṅ sman pa’i druṅ du soṅ ste | nad med cig ces byas nas bźin bzaṅs bdag la ’di ’dra ba’i nad cig gis btab na sman gyi thabs ston cig ces smras so ||  des ’phags (4) pa ’bru mar ’di tsam źig ’thuṅs na sos par ’gyur ro źes bsgo ba daṅ | de ltar gyur pa dge sloṅ dag la smras pa daṅ | dge sloṅ dag gis kyaṅ bcom ldan ’das la gsol nas | bcom ldan ’das kyis bka’ stsal pa | de ste sman pas ’bru mar ’thuṅ śig ces bsgo (5) na ’bru mar ’thuṅ śig | dge sloṅ des ’thuṅs pa daṅ | ñin par sos kyaṅ mtshan mo yaṅ rluṅ nad de laṅs so ||  dge sloṅ dag gis sman pa la dris pa daṅ | des mtshan mo yaṅ ’thuṅ śig ces bsgo’o ||  dge sloṅ dag gis bcom ldan ’das la gsol nas | (6) bcom ldan ’das kyis bka’ stsal pa | mtshan mo yaṅ ’thuṅ śig | des ’bru mar bsags te źag bdun du byin gyis brlabs nas ’thuṅs pa daṅ sos par gyur to || 
.  .  .  . 
gleṅ gźi ni mñan du yod pa na ste | 
. 
dge sloṅ gźan źig nad kyis btab pa daṅ | de yaṅ (7) sman pa’i druṅ du soṅ nas nad med cig ces smras nas | bźin bzaṅs bdag la nad ’di lta bu źig gis btab na sman gyi thabs ston cig ces smras so ||  des mar ram ’bru mar ’di tsam źig ’thuṅs na sos par ’gyur ro źes smras pa daṅ | de bśes ñuṅ bas btsal (162a1) kyaṅ ma rñed nas yaṅ sman pa’i druṅ du soṅ nas bźin bzaṅs khyod kyis bsgo yaṅ kho bos ’bru mar yaṅ ma rñed na mar lta ga la rñed gźan lta cuṅ zad ci ruṅ ston cig ces smras pa daṅ | des ’phags pa ’di źes bya ba’i dge sloṅ źig gis ’bru mar sgyar na | (2) ’di źes bya ba źig gis mar sbyar gyis de’i gan du soṅ daṅ | gal te sbyar ba de’i lhag pa yod kyaṅ srid do źes smras pa daṅ | de dag gi druṅ du soṅ nas bslaṅs na | de dag gis tshe daṅ ldan pa de źag bdun las ’das te sbags par gyur pas med do źes smras pa daṅ | (3) de de ltar gyur pa dge sloṅ dag la smras pa daṅ | dge sloṅ dag gis bcom ldan ’das la gsol nas | bcom ldan ’das kyis bka’ stsal pa | nad pa’i thabs rtogs la mar ram ’bru mar gźan ci yaṅ ruṅ bźag pa yaṅ blas bza’ bar bya ste | de la the tshom du ma (4) byed cig | bcom ldan ’das kyis mar ram ’bru mar ram gźan ci yaṅ ruṅ bźag pa yaṅ blas zo śig | de la the tshom du ma byed cig ces bka’ stsal na byin len byed pa med do ||  bcom ldan ’das kyis bka’ stsal pa | byin len byed pa’i mi med na byin len ma byas kyaṅ (5) blas zo śig | gaṅ gi tshe na ba na gnaṅ ba de sos nas ma spyod cig | spyad na ’das pa daṅ bcas par ’gyur ro ||  gleṅ gźin mñan du yod pa na ste | saṅs rgyas bcom ldan ’das la tshe daṅ ldan pa u pā lis źus pa btsun pa bcom ldan ’das kyis mig sman gyi snod (6) gaṅ tshe choṅs śig ces bka’ stsal na | ci ’dra ba bcaṅ bar bgyi | u pā li rin po che las byas pa ma gtogs so ||  yaṅ źus pa | btsun pa bcom ldan ’das kyis yul yaṅs pa na mi ruṅ ba rnam pa bcu spoṅ la | ruṅ ba’i khaṅ ba byin gyis brlab par gyis (7) śig ces bka’ stsal na | ci btsun pa khaṅ ba ’og ruṅ par byin gyis brlabs na khaṅ pa’i steṅ yaṅ ruṅ bar byin gyis brlabs par ’gyur ram | u pā li ji ltar steṅ gi bźin du ṅos kyi yaṅ brjod par bya’o || 
.  .  .  .  . 
rkyaṅ ba’i sgo daṅ po’i mdo’i tshigs su bcad pa dgu pa’o || 
. 
(162b1) mdor na |
rtsa sdoṅ lo ma ’bras bu rnams ||
thams cad chaṅ gis sbags pa daṅ ||
kha zas med par bkrus pa daṅ ||
yaṅ na zas ṅan de bźin no || 
. 
saṅs rgyas bcom ldan ’das ser skya’i dṅos po śiṅ n+ya gro d+ha’i kun dga’ ra ba na bźugs so ||  gaṅ gi tshe rgyal po (2) zas gtsaṅ mas śākya ’i rigs re re źiṅ yaṅ śākya lṅa brgya źig bcom ldan ’das kyi g-yog tu phul ba daṅ | de dag kyaṅ bcom ldan ’das kyis rab tu phyuṅ ṅo ||  de dag sṅon lus chaṅ gis gsos pas na de dag chaṅ med nas lus la nad źugs so ||  bcom ldan ’das (3) kyis gzigs nas | saṅs rgyas bcom ldan ’das kyis tshe daṅ ldan pa kun dga’ bo la kun dga’ bo ci’i phyir na śākya dag | rñi rñi bor gyur ces bka’ stsal pa daṅ | de ltar gyur pa bcom ldan ’das la źi ba mor gsol nas | bcom ldan ’das kyis bka’ stsal (4) pa | de ltar na ṅas gnaṅ ba ni chaṅ du ’gyur ba rtsa ba daṅ sdoṅ po la sogs pa bskams la phye mar gyis te ras dkar po’i naṅ du thum por gyis la chaṅ gi mthu źil ba rdza ma ma gaṅ ba’i naṅ du lhugs śig 
.  .  .  . 
de nas slar phyuṅ ste lag ba khrus la chu kha zas med pa daṅ bsres te (5) ’daṅ bar chogs la ’thuṅ śig | de skom na sṅa dro yaṅ ruṅ | phyi dro yaṅ ruṅ ste the tshom ma byed par ’thuṅ śig | de ltar byos daṅ de dag chaṅ la sred pa daṅ ’bral bar ’gyur ro ||  dge sloṅ khyed ston pa ṅa la dmigs na ni chaṅ ma ’thuṅ śig | ma blud cig | rtsa mchog (6) gis kyaṅ ma reg śig | 
.  . 
gleṅ gźi ni mñan du yod pa na ste | 
. 
dge sloṅ gźan źig na par gyur nas de la sman pas zas ṅan pa byin cig ces bsgo ba daṅ | de la dge sloṅ kha cig gis ni śes kyi kha cig gis mi śes pa de dag gis tshe daṅ ldan pa u pā li la dris pa daṅ | (7) des de dag źib tu smras so ||  saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das dge sloṅ swa te la zas ṅan pa byin cig ces gsuṅs pa ni ci de yaṅ byin len bgyi ’tshal lam | u pā li de yaṅ byin len byos śig | su las byin (163a1) len bgyi | u pā li de ni dge bsñen dad pa las so || 
.  . 
rkyaṅ ba’i sgo daṅ po’i tshigs su bcad pa bcu pa ste | sgo daṅ po rdzogs so || 
. 
mdor bsdus par na |< br/>snod daṅ chos gos gñi gdaṅ ||< br/>ko sa la daṅ sar pa de bźin te ||< br/>bsgrags daṅ (2) chos gos sna tshogs daṅ ||< br/>lhan cig pa yaṅ dge sloṅ ma rnams ni ||< br/>tha mar byas te bsdus pa’i mdor gsuṅs so || 
. 
mdor na |
snod daṅ yo byad gtsug lag khaṅ ||
’gron pa maṅ bcom gos rnams daṅ ||
gos daṅ gdugs daṅ de bźin śiṅ ||
dur khrod pa daṅ de bźin (3) spaṅs || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  de’i tshe na khyim bdag gźan źig gis ri brags kyi groṅ gźan źig tu yo byad thams cad daṅ ldan pa’i gtsug lag khaṅ źig brtsigs nas phyogs bźi’i (4) dge ’dun la phul lo ||  de na mal stan daṅ | snod spyad maṅ du gyur | dge sloṅ ni ñuṅ ṅu gnas te | de’i naṅ nas kha cig gis tshe daṅ ldan pa dag mal stan daṅ snod spyad daṅ | yo byad ma spyad na de dag chud zos par ’gyur gyis | de dag las bdag cag la spyad par ci tsam dgos (5) pa de tsam źig bcaṅs la | de’i lhag rnams ni gtsug lag khaṅ gźan du dṅul lo źes smras nas | de dag gis de bźin byas so ||  ji tsam źig na bsod sñoms pa gźan źig gźoṅs spyad pa spyod ciṅ gtsug lag khaṅ der ’oṅs pa daṅ | dge sloṅ de dag gis ṅal (6) bsor bcug nas de yaṅ dge ’dun de dag gi naṅ na rgan pa źig ste | gtsug lag khaṅ du lam gyi ṅal bso nas des de dag la tshe daṅ ldan pa mal stan mchis sam źes smras na | med do źes smras pa daṅ | dge sloṅ dag gis ji ltar yin pa de la źib tu smras so ||  de gdiṅ ba med (7) par sal de bźin du ñal nas naṅ par sṅar laṅs te | lde mig kyog po daṅ | lde mig khyer nas khyim bdag de’i khyim du soṅ ba daṅ | 
.  .  .  .  . 
de nas khyim bdag des de la bde bar byon tam źes pa’i tshig brjod nas stan khyer te phyir byuṅ ba daṅ | bsod sñoms pa de spyod lam źi ba’i (163b1) tshul du ’dug go ||  bsod sñoms pas kyaṅ de la nor las bsod nams bya ba’i dṅos po bdun gyi yon tan rgyas par brjod pa daṅ | khyim bdag gis ’phags pa bdag gis de thams cad ’gyis so źes smras pa daṅ | bsod sñoms pas khyim bdag khyod kyi gtsug lag (2) khaṅ na mal stan dag yoṅ med do ||  mdaṅ ṅa yaṅ gdiṅ ba med par sa’i steṅ na de bźin du ñal te ’di ra ’oṅs so ||  khyed na re de thams cad bdag gis de bźin du bgyis so źes zer na | ’di ci ñes źes smras pa daṅ | khyim bdag gis ’phags pa kho bos ni der mal (3) stan daṅ snod spyad daṅ | yo byad rnams maṅ du sbyar na ’phags pa de dag gis gtsug lag khaṅ gźan du gdon ma zos par btaṅ ṅo źes smras pa daṅ | des khyim bdag ñid kyis gtsug lag khaṅ gi lde mig kyog po daṅ | lde mig ṅo śes sam źes smras pa daṅ | (4) ’phags pa śin tu ’tshal to ||  des de bstan pa daṅ | des ’phags pa bźud cig bdag kyaṅ mchi’o źes smras so ||  des bsod sñoms bsod pa daṅ | khyim bdag kyaṅ rjes bźin du ’oṅs nas | des dge sloṅ rnams bsdus nas ’phags pa bdag gis ’dir (5) mal stan daṅ | snod spyad daṅ | yo byad maṅ du phul na de dag gar mchis źes smras pa daṅ | des ji ltar gyur pa de dag thams cad khyim bdag la smras pa daṅ | des ñes pa dor brjod de smras pa | khyod kyis ma legs par byas te | de yaṅ der bas na da ci slar blaṅ (6) du ruṅ ṅam ’on te mi ruṅ de dag gas smras pa | mi ruṅ ṅo ||  ’phags pa kho bos ni der ma phul gyis soṅ la slar loṅ śig | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gtsug lag khaṅ gźan du ma (7) dbul cig | ji ltar dmigs pa de bźin spyad par bya’o ||  gźan du na gaṅ gis byin pa la rin thaṅ bźin du phob śig | 
.  .  .  .  .  .  .  . 
gleṅ gźi ni mñan du yod pa na ste | 
. 
drug sde rnams ’gron pa maṅ po daṅ lhan cig tu gźoṅs spyad pa spyod ciṅ doṅ ba daṅ | de dag chos kyis rdul (164a1) gyis ’jigs pa na yaṅ na ni ’gron pa dag gi mdun du doṅ | yaṅ na phyi bźin doṅ ṅo ||  ji tsam na ’gron pa maṅ po rnams rkun pos bcom nas skye bo maṅ po rnams kyis nor bor te dros pa daṅ | rkun po rnams kyis nor kun bkur ma nus nas de dag gis bza’ (2) ba bdams te khyer te doṅ ṅo ||  drug sde rnams ’gron pa maṅ po’i phyi bźin du ’braṅs te doṅ ba las gnas der phyin pa daṅ | de dag gis nor maṅ po bor ba mthoṅ ste | 
.  .  . 
de nas dga’ bo ñe dga’ bo phyag daṅ khrod pa rñed kyis blaṅ ṅo źes smras pa daṅ | de dag gis de las kyaṅ (3) gos rnams bdams te khyer ro ||  ’gron pa maṅ po ram mda’ daṅ lam sruṅs su bcas te slar log pa de dag gis drug sde dag gis khyer ba rnams ṅo śes nas | de dag gis gaṅ rkun po rnams kyis bor ba de yaṅ dge sbyoṅ mgo reg rnams kyis brkus so źes bsams so ||  (4) drug sde rnams la khaṅ na du ’phags pa dag draṅ sroṅ gi rgyal mtshan ’dzin pa de lta bu’i log par spyod pa dag spyod pa źes spyos te ñes pa dor brjod pa daṅ | de dag gis ’gron pa maṅ po rnams rkun pos bcom ste ṅed kyis ni ma yin gyi | ṅed kyis phyag dar khrod kyi gos rñed do (5) źes smras pa daṅ | de dag gis phyag dar khrod kyi gos ni ma lags so źes smras pa daṅ | de lan med nas caṅ mi smra bar ’dug go ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ rnams (6) ’gron pa maṅ po ’phya ba ni yus te | de bas na dge sloṅ dag gis ’gron pa maṅ po bcom pa’i gos ma bkur cig | dge sloṅ dag gis ’gron pa maṅ po bcom pa’i gos khyer na ’das pa daṅ bcas par ’gyur ro || 
.  .  .  . 
gźan yaṅ dad par gyur pa de dag gis ’phags pa dag (7) ci bder snoms śig ces smras na dge sloṅ dag the tshom du gyur nas mi len to ||  bcom ldan ’das kyis bka’ stsal pa | de ste ci bder khyer cig ces smras na | loṅ la the tshom du ma byed cig | 
.  . 
gleṅ gźi ni rgyal po’i khab na ste | 
. 
dge sloṅ drug sde dag gis bsil ba (164b1) tshal gyi dur khrod du doṅ ba daṅ | śi ba’i yo byad gdugs daṅ | śaṅ daṅ | gos dag maṅ po bor ba de dag gis mthoṅ nas de’i naṅ nas gcig gis dga’ bo ñe dga’ bo phyag dar khrod kyi gos rñed kyis bkur ro źes smras pa daṅ | dga’ bo legs so legs kyis (2) bkur ro źes smras nas de dag gis blaṅs te doṅ ṅo ||  dur khrod kyi sruṅ ma rigs ṅan dag ’oṅs nas des bsams pa | dur khrod ’di na cuṅ zad kyaṅ med pas na kha cig gis dur brkus par gdon mi za’o sñam bsams nas | yaṅ ’di sñam du gaṅ gis brkus pa de brñogs (3) pas slar yaṅ ’oṅ bar gdon mi zas mṅon par gab ste ’dug go sñam du bsams te nags stug po’i naṅ du źugs nas ñin gcig bźin du sdod ciṅ ’dug pa daṅ | drug sde dag źag bdun nam brgyad lon te dga’ bo ñe dga’ bo bdag cag gis dur khrod du ma doṅ nas da riṅ (4) źig lon te cuṅ zad tsam rñed kyaṅ srid kyis yaṅ ’deṅ ṅo źes smras pas de dag doṅ ṅo ||  ji tsam de na gos daṅ | gdugs daṅ | śiṅ dag bor ba de dag gis blaṅ bar brtsams pa daṅ rigs ṅan nags tshal stug po na ’dug pa des mthoṅ nas brgyugs te ’oṅs nas | des ’phags (5) pa dag bdag cag phu nu daṅ | gñen daṅ grogs po dag rgyal po’i bka’ bźin du byed ba yaṅ dur khrod kyi gos ’di’i phyir yin na khyed cag gis ci’i phyir bdag po yoṅ ba’i dur khrod kyi śi ba’i yo byad dag bkur par bya źes smras pa daṅ | de dag gis bźin bzaṅs ṅed cag (6) gis ni phyag dar khrod pa’i gos blaṅs so ||  des ’phags pa ’di la de dag phyag dar khrod kyi gos yin na rab tu legs so źes smras pa daṅ | de dag lan med nas caṅ mi zer bar ’dug go ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis (7) bka’ stsal pa | dge sloṅ dag rigs ṅan ’phya ba ni yus te | de bsan dge sloṅ dag bdag po yod pa’i dur khrod nas phyag dar khrod kyi gos ma len cig | dge sloṅ dag gis bdag po yod pa’i dur khrod kyi phyag dar khrod pa’i gos blaṅs na ’das pa ṅaṅ bcas par (165a1) ’gyur ro || 
.  .  .  .  . 
gźan yaṅ dad par gyur pa dag gis de la ’phags pa dag ci bde bar khyer cig ces smras pa daṅ | dge sloṅ dag the tshom du gyur te ma blaṅs pa daṅ | bcom ldan ’das kyis bka’ stsal pa | de ste bde bar loṅ śig ces zer na blaṅ bar (2) bya ste de la the tshom du ma byed cig | 
. 
rkyaṅ pa’i sgo gñis pa’i mdo’i tshigs su bcad pa daṅ po’o || 
. 
’dul ba gźuṅ dam pa | bam po bźi bcu pa | 
. 
mdor na |
gos la sogs pa śiṅ bal daṅ ||
lha khaṅ nas ’phrog de bźin te ||
dge ’dun gyi ni chos (3) gos gsum ||
gaṅ zag dag las bslaṅ mi bya || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs te | drug sde dag bźon pa maṅ po’i śiṅ rta daṅ lhan cig lam du źugs nas lam gyi phyed du phyin pa daṅ | (4) śiṅ rta gcig gi srog śiṅ chag nas tshoṅ pa des srog śiṅ yaṅ brjes nas srog śiṅ chag pa por te soṅ ṅo ||  ñe dga’ bos śiṅ rta’i srog śiṅ de blaṅs te lam po che’i bźi mdor bor nas smras pa | dga’ bo ñe dga’ bo ’di ni bdag cag gis srog śiṅ dbaṅ phyug ces bya ba’i (5) lha rten du bca’ ba’i phyir bcugs so źes byas te doṅ ba las khyim bdag gźan dag gis kyaṅ der stegs bu brtsigs so ||  gźan źig gis kyaṅ de la gsol ba btab ste | gal te bdag gis don ’di daṅ ’di lta bu źig grub na bdag gis ’dir khaṅ pa brtsigs la (6) bram ze brgya rtsa brgyad la ston par bya’o źes smras pa las de yaṅ rten ciṅ ’drel par ’byuṅ ba daṅ ldan pas de’i de yaṅ grub nas des de ji ltar dam bcas pa thams cad bsgrubs nas de log pa’i lha khaṅ du gyur te lha khaṅ pas kyaṅ byin gyis brlabs so || 
.  .  . 
de nas tshoṅ pa ’gron pa (7) maṅ po dag cig lam der źugs pa daṅ der gos daṅ | bal daṅ | śiṅ bal dag maṅ du phul lo ||  drug sde dag slar log pa’i tshe lta khaṅ de rab tu rgyas par mthoṅ nas de dag gis smras pa | dga’ bo ñi dga’ bo śiṅ rta’i srog śiṅ dbaṅ phyug gos daṅ | bal daṅ | śiṅ (165b1) bal dag rab tu maṅ śiṅ phun sum tshogs pa de bkur ro źes de dag gis blaṅ bar brtsams pa daṅ | lha khaṅ pa dag lhags te | de dag gis ’phags pa dag lha khaṅ ’di ni bdag cag gi steṅ ’di ni las daṅ byi dor bdag cag gis bgyis na lha’i gos rnams ci’i phyir lan (2) ciṅ dbrog | khyed cag ma byin par len pa ma spaṅs sam źes smras pa daṅ | de dag gis bkren pa ’di ji ltar khyed kyi lha khaṅ ṅed cag gis śiṅ rta srog śig chag pa źig rten thabs su btsugs te bźag go ||  źes smras so ||  lha khaṅ pa des ku tshe bton pa daṅ | 
.  .  .  . 
de nas ñe dga’ (3) bo bros nas de rdog pa gcig brgyab nas bskyel bar byas so || 
. 
de nas de sñems śiṅ dregs pa rnams spa goṅ nas ’phags pa khyed dam gźan gyis byas bar gyur nas yaṅ bdag cag ni ’di la rten ciṅ ’tsho ba yaṅ ’di la bltas na ci’i phyir khyed kyis ’phags pa’i chos ma yin pa byed (4) ces smras pa daṅ | de dag ma spobs te caṅ mi zer bar ’dug go ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag log par lta ba’i lha khaṅ na gnas pa dag ’phya ba ni yus te | de lta (5) bas na dge sloṅ dag gis lha khaṅ bdag po yod pa’i gos la sogs pa blaṅ par mi bya’o ||  dge sloṅ dag gis lha khaṅ bdag po yod pa’i gos la sogs pa blaṅs na ’das pa daṅ bcas par ’gyur ro ||  log pa’i lha khaṅ pa dad pa gźan źig gis ci bder spyod cig ces (6) smras pa daṅ | dge sloṅ de dag the tshom skyes te ma blaṅs nas | bcom ldan ’das kyis bka’ stsal pa | gal te ci bder byas pa ni blaṅ bar bya ste | de la the tshom du ma byed cig | 
.  .  .  . 
gleṅ gźi ni mñan du yod pa na ste | 
. 
bcom ldan ’das kyis nad pa la skul cig ces gsuṅs (7) pa daṅ | ji tsam źig na dge sloṅ źig na bar gyur pa de’i nad g-yog gis tshe daṅ ldan pa dge ’dun la cuṅ zad cig phul cig ces smras pa daṅ | des kyaṅ bdag la cuṅ zad tsam yaṅ med mod kyi chos gos gsum dbul lo źes smras pa daṅ | de caṅ mi zer bar ’dug go ||  de chos gos (166a1) gsum phul nas de dag gis btsoṅs te bgos so ||  dge sloṅ de phyir sos te laṅs nas chos gos gsum gyis phoṅs par gyur te | de ltar gyur pa bcom ldan ’das la dge sloṅ dag gis gsol pa daṅ | bcom ldan ’das kyis bka’ stsal pa | dge (2) sloṅ dag gis dge sloṅ la dge ’dun gyi phyir chos gos gsum ma bslaṅ śig bslaṅs na ’das pa daṅ bcas par ’gyur ro ||  dge ’dun gyis kyaṅ ma blaṅ śig | de ste blaṅs na yaṅ ma ’ged cig | bgos na ’das pa daṅ bcas par ’gyur ro || 
.  .  .  . 
rkyaṅ pa’i sgo gñis (3) pa’i mdo’i tshigs su bcad pa gñis so || 
. 
mdor na |
gñi ga la yaṅ gnaṅ ba daṅ ||
rnam pa tha dad rjes su gnaṅ ||
sum cha daṅ yaṅ dge tshul daṅ ||
dge slob ma daṅ dge tshul ma || 
. 
saṅs rgyas bcom ldan ’das ’das mñan du yod pa na dze ta’i tshal mgon med (4) zas sbyin gyi kun dga’ ra ba na bźugs so ||  dge sloṅ drug bcu źig ljoṅs rgyu ba spyod ciṅ ri brags kyi groṅ źig tu phyin nas de na khyim bdag dad pa źig gnas pas des de dag de’i khyim du bśos la spyan draṅs nas des dge sloṅ re re źiṅ ras yug re re dbul lo sñam du bsams (5) so ||  de dag zan za ba la źugs pa daṅ | dge sloṅ ma drug bcu źig kyaṅ ljoṅs rgyu ba spyod ciṅ ri brags kyi groṅ der phyin pa daṅ | bsod sñoms sloṅ ba la źugs so ||  gźan źig gis khyim bdag ’di’i khyim na dge sloṅ dag bśos gsol gyis der bźud cig ces (6) smras pa daṅ | de dag der doṅ ste de dag gis kyaṅ zan zos pa daṅ | 
.  .  .  . 
de nas khyim bdag des ras yug drug bcu źig rgan rims kyi mdun du bźag go ||  dge sloṅ dag ji lta bur bgo ba mi śes nas | de ltar gyur pa dge sloṅ dag gis bcom ldan ’das la gsol pa daṅ (7) bcom ldan ’das kyis bka’ stsal pa | dge ’dun sde gñis kyis ’thob pa yin gyis | dge ’dun sde gñis su gos śig | 
.  . 
gleṅ gźi ni mñan du yod pan ste | 
. 
mñan du yod pan khyim bdag gźan cig gis gtsug lag khaṅ źig brtsigs te | des de’i źal (166b1) bsros te | dge ’dun sde gñis bśos gsol nas rñed pa yaṅ maṅ du phul te dge sloṅ dag gis bgos pa daṅ | dge sloṅ dag ṅed cag la ni chos gos gsum dgos kyis | dge tshul pha dag gi stod g-yogs daṅ mthaṅ gos su zad na | ji ltar bdag cag daṅ (2) mñam par bgo źes ’phya’o ||  de ltar gyur ba dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ daṅ dge sloṅ ma ni skal ba mñam par bgos śig | dge tshul pha daṅ | dge tshul ma daṅ | dge slob ma dag la (3) ni sum cha cig byin cig | bcom ldan ’das kyis dge tshul pha dag la sum cha cig byin cig ces bka’ stsal pa daṅ | ji tsam źig na dge tshul pha gźan źig lo ñi śu yaṅ tshaṅ źiṅ bsñen par rdzogs par yaṅ ’dod na de la dge sloṅ gis tshe daṅ ldan pa lo ñi śu tshaṅ na ci’i phyir (4) bsñen par rdzogs par mi byed ces smras pa daṅ | des kyaṅ bcom ldan ’das kyis ni bdag cag gi rñed pa ’di lta bur bcas na stod g-yogs daṅ mthaṅ gos su mi ldaṅ na chos gos gsum lta ci smos | ji ltar bsñen par rdzogs par bya źes smras so ||  de ltar gyur pa dge (5) sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge tshul pha bsñen par rdzogs par ’dod pa daṅ | dge slob ma la sum gñis byin cig | dge tshul pha daṅ dge tshul ma gźan ni skal pa sum char zad do || 
.  .  . 
rkyaṅ ba’i sgo gñis kyi (6) mdo’i tshigs su bcad pa gsum pa’o || 
. 
mdor na |
kos lan drug bcu daṅ ||
brgya phrag phyed daṅ bcu gsum daṅ ||
sgra can zin daṅ dpal sbed daṅ ||
gtsug lag khaṅ daṅ mchod rten de bźin te ||
gdugs daṅ bris pa de bźin sbyar ||
zan la mgron du bos (7) pa’o || 
. 
saṅs rgyas bcom ldan ’das ko sa lar ljoṅs rgyu źiṅ spyod pa na ri brags kyi groṅ gźan źig tu byon nas ri brags kyi groṅ de na khyim bdag cig gnas pas bcom ldan ’das ñan thos kyi dge ’dun du bcas par khyim du bśos la spyan draṅs so ||  dge sloṅ ma drug bcu (167a1) źig ljoṅs rgyu ba spyod pa na ri brags kyi groṅ der phyin nas de dag kyaṅ der zan zos pa daṅ | bcom ldan ’das ’khor brgya phrag phyed daṅ bcu gsum daṅ lhan cig tu bśos gsol nas | khyim bdag des ras yug brgya phrag phyed daṅ bcu gsum źig rgan (2) rims kyi mdun du bźag go ||  dge slog dag gis ji ltar bgo ba mi śes nas dge sloṅ ma dag gis de la gźan byar ci yod ||  sṅon yaṅ dge ’dun sde gñis bśos gsol ba las bdag cag gis rñed pa’i phyed thob na da yaṅ bdag cag la rñed pa’i phyed byin cig ces smras (3) so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gaṅ du dge sloṅ ma maṅ la dge sloṅ pha ñuṅ na der rñed pa dge ’dun gñi gar bgos śig | gaṅ na dge sloṅ pha maṅ la dge sloṅ ma ñuṅ na der mgo graṅs (4) bźin du bgos śig | 
.  .  .  .  . 
gleṅ gźi ni mñan du yod pan ste | 
. 
khyim bdag cig gis saṅs rgyas la sogs pa dge sloṅ gi dge ’dun dag bśos la spyan draṅs so ||  dge sloṅ gi dge ’dun dag ni doṅ | bcom ldan ’das ni gtsug lag khaṅ na bźugs te bśos tshur (5) ma nos so ||  rnam pa lṅa’i phyir saṅs rgyas bcom ldan ’das gtsug lag khaṅ na bźugs śiṅ bśos mnos te gsol lo ||  lṅa gaṅ źe na | lha rnams la chos ’chad par bźed pa yin | nad pa dag gzigs par bźed pa yin | mal stan dag gzigs par (6) bźed pa yin | naṅ du yaṅ dag ’jog la ’jug par bźed pa yin | ñan thos rnams kyi ’dul ba la bslab pa’i gnas ’cha’ bar bźed pa yin no ||  don ’di ni bcom ldan ’das kyis ñan thos rnams kyi ’dul ba la bslab pa’i gnas bca’ bar bźed pa’i phyir gtsug (7) lag khaṅ na bźugs śiṅ bśos mnos te gsol lo ||  khyim bdag de rgan bdag la mṅon par dad nas der rgan rims su mar daṅ | mar las btsos pa’i bca’ ba rnams brims | bar ma dag la ni ’bru mar daṅ ’bru mar las btsos pa’i bca’ bdag brims | (167b1) gźon nu la ni ’bru mar gyi tshigs ma dag brims so ||  de’i tshen tshe daṅ ldan pa sgra can zin bcom ldan ’das kyi bśos mnos te | des bcom ldan ’das kyi bśos mnos nas ’oṅs pa daṅ | bcom ldan ’das kyis sgra can zin la dge sloṅ gi dge ’dun bsod (2) ba’i zas kyis tshim par byas sam źes smras pa daṅ | des gsol pa | btsun pa rgan pa’i rnams tshim mo ||  sgra can zin khyod ci’i phyir rid ciṅ ñam chuṅ źiṅ de skad zer ba smros śig | 
.  .  .  .  .  .  .  . 
des tshigs su bcad de smras pa | 
. 
’bru mar gyis ni mthur ’gyur te ||
mar (3) gyis kyaṅ ni mdaṅs su ’gyur ||
’bru mar tshigs kyi tshod mas ni ||
mdaṅs ma mchis na stobs lta źig || 
. 
bcom ldan ’das kyis bka’ stsal pa | sgra can zin ci yin pa de smros śig | des de ltar gyur pa bcom ldan ’das la źib mor gsol to ||  bcom (4) ldan ’das kyis sgra can zin la de na gnas brtan su źig ’dug ces bka’ stsal pa daṅ | bcom ldan ’das mkhan po mchis so ||  sgra can zin la dge sloṅ śā ri’i bus ni ’og ma dag ma brtags pas na ṅan du zos pa yin no ||  de lta bu byuṅ ba’i phyir bcom ldan (5) ’das kyis dge sloṅ gi dge ’dun dag bsdus nas | dge sloṅ gi dge ’dun gyi mdun du gdan btiṅ ba la bźugs te | ñan thos rnams kyi ’dul ba la bslab pa’i gnas bca’ ba’i phyir dge sloṅ daṅ dge ’dun gyi gnas brtan dge sloṅ gis mtshuṅs par spyad pa’i (6) chos ṅas bca’ ste | dge ’dun gyi gnas brtan dge sloṅ gis zan ’brim pa’i tshe sñoms par brims śig ces bsgo śig des tshod ma sna re re la ’aṅ smras pa daṅ | bcom ldan ’das kyis bka’ stsal pa | lan tshwa’am daṅ por gaṅ brims pa de’i tshe smros śig | (7) thams cad la ni ma yin no ||  dge ’dun gyi gnas brtan dge sloṅ gis ji lta bur mtshuṅs par spyad pa’i chos bźin ma byas na ’das pa daṅ bcas par ’gyur ro ||  tshe daṅ ldan pa śā ri’i bus bcom ldan ’das kyis bdag gis zan zos pa smad do źes thos nas | des (168a1) bdag gis zan zos pa ston pas smad na ’di ltar ’dug pa’i mi rigs so źes bsams nas des skyugs te btaṅ ṅo ||  dge sloṅ dag the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa bcom ldan (2) ’das kyis tshe daṅ ldan pa śā ri’i bu la zan zos pa smad pa daṅ | des slar skyugs pa la gzigs su gsol | bcom ldan ’das kyis bka’ stsal pa | dge sloṅ dag ’di ’ba’ źig ma yin gyi sdon ’das pa’i dus na yaṅ ṅas de la zan zos basmada pa daṅ | de’i phyir (3) skyugs so ||  dge sloṅ dag ñon cig | sṅon byuṅ ba ni groṅ khyer gźan źig na maṅ po ’chad pa’i bram ze źig gnas te | de bram ze’i bu daṅ lhan cig tu ljoṅs rgyu źiṅ spyod pa na ri brags kyi groṅ źig tu phyin nas de rdziṅ źig gi ’gram du bram ze’i bu der bźag nas cuṅ (4) zad cig sdod | ṅa groṅ du phye la sogs pa bslaṅs te slar ’oṅ ṅo ||  de de na ’dug pa daṅ | khyi śa can źig rdziṅ du chu grog ’thuṅ du ’oṅs so ||  de la bram ze’i bus kye skyes bu bdag kyaṅ chu grog cig gsol cig ces smras so ||  des kyaṅ lo ma la snod dru bas śig ces smras (5) pa daṅ | des snod drubs so ||  des de la khyi’i bags pa las byas pa’i skye’u’i naṅ nas byuṅ ba’i phye byin no ||  de snum pa daṅ bram ze’i bus phye ’di snum na mi źig ces dris pa daṅ | ’di ni pags pa las sgye’u byas ba’i mthu ste | des skye’u dag ci las byas pa źib mor byas na | (6) bram ze’i bu des mgo’o ||  bram ze de slar ’oṅs nas des bram ze’i bu khyod soṅ la chu grog rgyu sloṅs śig ces smras pa daṅ | des chu grog ’tshal lags so źes smras so ||  sus byin mi pha bis byin no ||  des pa bi ni khyi śa can te | des khyod la phye byin na de khyod kyis sdig (7) par gyur to źes smras nas | des de la rab tu smad pa daṅ | des zos ba slar skyugs so ||  dge sloṅ dag mi śes sam | gaṅ maṅ po ’chad ba’i bram ze de ni da ltar gyi ṅa ñid yin no ||  de’i tsha de’i dus na bram ze’i bu de ni da ltar gyi dge sloṅ śā ri’i bu ste | de’i tshe na (168b1) yaṅ ṅas zas zos pa la rab tu smad nas des skyugs so ||  da ’dir yaṅ ṅas zos pa la rab tu smad nas ’dir yaṅ skyugs par gyur to || 
.  .  .  .  .  .  .  .  .  .  .  .  .  .  .  .  .  .  . 
gleṅ gźi ni rgyal po’i khab na ste | 
. 
de’i tshe na rgyal po’i khab kyi groṅ khyer na khyim bdag me skyes kyi sriṅ mo’i khyo gcer bu pa’i dge (2) bsñen dpal sbed ces bya ba źig ’dug ste | khyim bdag me skyes dad pa des ’di sñam du dpal sbed ’di dge ’dun dag la yon ’bul du bskul lo sñam bsams nas | des de la dpal sbed dge ’dun dag la mchod pa daṅ | yon phul cig daṅ khyod kyi bsod nams su (3) ’gyur ro źes smras so ||  dpal sbed kyis smras pa | ṅas kyaṅ dge ’dun dag la mchod ciṅ yon dbul bar bya | khyod kyis kyaṅ gaṅ po la sogs te rab tu byuṅ ba’i dge ’dun dag la mchod ciṅ bśos gsol cig | me skyes kyis ’di sñam du bsams pa | de ste khas (4) ma blaṅs na dpal sbed kyis kyaṅ dge ’dun la mchod pa’i bar chad du ’gyur na | sems can thams cad la sbyin pa lta ñes pa med kyis gcer bu pa’i dge ’dun dag zas byin te bdag gis des dge ’dun la mchod ciṅ yon ’bul ba’i bar chad mi bya’o sñam du bsams nas | (5) des zas sbyin no źes khas blaṅs nas dpal sbed kyis ’di sñam du bdag gis daṅ por saṅs rgyas la sogs te dge sloṅ gi dge ’dun dag sṅar bśos gsol na ni me skyes kyis phyis zan mi sbyin gyis gaṅ po la sogs te rab tu byuṅ ba’i dge ’dun dag bśos sṅar gsol pa (6) daṅ | ṅas phyis zas sbyin no sñam bsams nas | me skyes la ’di skad ces smras so ||  me skyes khyod kyis daṅ po zan byin cig daṅ | ṅas kyaṅ phyis dge sbyoṅ gau ta ma daṅ ñan thos kyi dge ’dun dag la zan sbyin no ||  des kyaṅ khas blaṅs nas 
.  .  .  . 
de nas khyim bdag (7) me skyes kyis gaṅ po dag gaṅ na ’dug ba der phyin nas gaṅ po daṅ lhan cig rab tu dga’ źiṅ mgu ba’i gtam sna tshogs dag byas nas phyogs gcig tu ’dug go ||  phyogs gcig tu ’dug nas khyim bdag me skyes kyis gaṅ po la ’di skad ces smras so ||  gaṅ po (169a1) khyod saṅ bdag gi khyim du gcer bu pa maṅ po daṅ | dge ’dun daṅ lhan cig tu bśos gsol gyis khas loṅ śig | gaṅ pos bsams pa | khyim bdag ’di ni gor ma chag par dge sbyoṅ gau ta ma la sun par gyur nas bdag cag la rab tu (2) dad par gyur te de ni bdag cag gi rñed pa rab tu rñed pa ste | gaṅ po bdag cag gi dge ’dun gyi rigs la rab tu dad par gyur to sñam nas des khas blaṅs so || 
.  .  . 
de nas khyim bdag me skyes de dag spyan draṅs nas soṅ ṅo || 
. 
de nas khyim bdag me skyes kyis de’i nub mo (3) rab tu bsod pa’i bca’ ba daṅ bza’ ba’i kha zas dag sbyar nas | naṅ par sṅar laṅs te laṅs nas stan btiṅ | ril pa dag chus bkaṅ ste bźag nas gaṅ po dag la spyan ’dren pa’i dus gsol pa | kye gaṅ po bśos rnams bśams kyis dus mkhyen par mdzod (4) cig | de dag doṅ ba daṅ | dpal sbed kyis de’i gnas su ’oṅs te smras pa | ’phags pa gaṅ po dge sbyoṅ gau ta ma ni khyim bdag gi khyim du bźud de de naṅ du bźud kar sgo’i them pa la źabs bźag nas ’dzum pa ston te | 
. 
de nas ñan thos kun dga’ bo źes bya bas sdod (5) g-yogs phyogs gcig tu gzar | pus mo g-yas pa’i lhaṅ sal btsugs te thal mo sbyar nas de bźin gśegs pa daṅ de bźin gśegs pa’i ñan thos dag ni rgyu ma mchis rkyen ma mchis par ’dzum pa mi mdzad na | btsun pa ci’i rgyu ci’i rkyen gyis ’dzum pa mdzad (6) ces źus pa daṅ | des kyaṅ kun dga’ bo de de bźin no ||  de de bźin te | kun dga’ bo de bźin gśegs pa ṅaṅ de bźin gśegs pa’i ñan thos dag ni rgyu med rkyen med par ’dzum pa ston par mi mdzad de | de ji lta bur dgoṅs pa bźin luṅ bstan to źes smras (7) nas | de la skye bo maṅ po dag kyaṅ rab tu dad par gyur gyis khyod kyis kyaṅ khyim bdag me skyes kyi khyim du ’gro ba’i tshe de ltar bya ba’i rigs so ||  ’on kyaṅ skye bo maṅ po dag rab tu dad par ’gyur ro ||  des khas blaṅs so || 
.  .  .  . 
de nas gaṅ po gcer bu pa maṅ pos bskor nas (169b1) khyim bdag me skyes kyi khyim du phyin pa daṅ | khyim bdag me skyes kyi sgo’i them pa la rkaṅ pa bźag ste rta gad du ba gad pa daṅ | de’i naṅ nas gcer bu pa gcig cig gis rkaṅ pa la btud de bcom ldan ’das skyes bu dam pa khyod lta bu rgyu med rkyen med par ’dzum pa mi mdzad do źes dris (2) pa daṅ | kye chu bo dregs bral gyi ’gram na spre’ pho źig gis spre’u mo źig mthoṅ nas de la sems rab tu chags te spre’u mo de la rgal lo sñam nas brgyugs pa daṅ gred de śiṅ gi rtse mo nas rdeg ’chos nas dus ’das so ||  de’i tsheṅ ’di sñam du sems te | sems can ’di ni ’dod (3) pa’i rgyus sdug bsṅal ba cher gyur to sñam mo ||  de skad du kha nas byuṅ ma thag tu khyim bdag me skyes kyis thos nas des bsams pa | bu zan mo’i bu gaṅ po ni khab ’choṅ pa slar khab rduṅ pa’i khyim du khab ’tshoṅ bar sems pa bźin te | ji nas ’di la kya la ka źig bya’o sñam nas (4) de dag dbyug gu can maṅ po thams cad bde bar ’dug pa daṅ | khyim bdag des gtsaṅ źiṅ bsod pa’i bca’ ba daṅ bza’ bas phor pa bkaṅ nas steṅ du tshod ma blugs te byin no ||  gaṅ po gcig po la ni phor pa’i źabs su tshod ma blugs nas steṅ du ’bras chan gyis g-yogs te byin (5) no ||  gcer bu pa phal dag za źiṅ ’dug pa daṅ gaṅ pos bsams pa | gor ma chag par des ni ṅa la ston par dmigs te | des tshod ma źim po daṅ kha zas bzaṅ po sbyin par bsams so sñam nas ji tsam tshod ma brims zin pa daṅ | des bsams pa | de ni brel bas (6) brjod kyis bdag gis bskul lo sñam nas des bos nas khyim bdag ṅa la ni ’bras chan ’ba’ źig ’oṅs kyis tshod ma ni med do źes smras pa daṅ | des slar tshigs su bcad de smras pa | 
.  .  .  .  . 
mi mthoṅ ba ni mthog bar byed ||
mthoṅ bar bya ba mi mthoṅ ste ||
dregs bral ’gram (7) gyi spre’u mthoṅ la ||
phor bu’i naṅ gi tshod ma min || 
. 
gaṅ po yaṅ de’i gdoṅ bltas pa daṅ | des phor bu’i źabs na tshod ma ’dug pa bstan te | gaṅ po khyod kyis chu bo dregs bral gyi ’gram na spre’u ’dug pa ni mthoṅ | phor bu’i naṅ na tshod ma ’dug pa ni ma mthoṅ ṅo źes smras (170a1) pa daṅ | des bsams pa | ’dis bdag skyeṅs par byas kyis ci nas kyaṅ ’jig rten ’di nas pha rol gñi gar phan par mi ’gyur ba de ltar sbyin pa’i yon tan brjod ṅo sñam du bsams pa daṅ me skyes kyis de skyeṅs par śes nas sbyin pa’i yon tan brjod pa’i (2) tshe di’i mdun du ma ’dug go ||  des zan zos nas sbyin pa’i yon tan bklags pa | sbyin bdag gis ni sbyin pa’i dus | dge sbyoṅ gźan ni za pa’i dus | lhag ma gźan la ’oṅ ba’i dus | bsod nams mi dge yod ma yin | sgo ba źig ’dug pa des sbyin pa’i yon tan (3) brjod ba la ñan ñan te thos nas khros pa ’di ’dra ba’i sdig can zas zos la bsruṅ yaṅ mi nus te | ’di ’dra ba’i sbyin pa’i yon tan lta ga la srid kyis bu zan mo’i bu ’di la kyal ka źig bya’o sñam nas des ’bras khu bum pa gaṅ sgo druṅ du pho’o ||  sgo gtan gyi gdaṅ phyed tsam draṅs (4) te bźag ba ṅaṅ gcer bu pa de phyir byuṅ ba daṅ ’bras khu las gred de klad pa sgo gtan la phog nas khrag byuṅ ṅo || 
.  .  . 
de nas sgo ba des mthoṅ ste | tshigs su bcad de smras pa | 
. 
sgo gtan phyuṅ pa’i dus la bab ||
’bras khu pho ba’i dus bab pas ||
mgo bo snad pa’i dus yin gyis ||
(5) dge daṅ mi dge’i dus med do || 
. 
de klad pa la khrag zag bźin du khyim bdag dpal sbed gaṅ na ba der soṅ ste druṅ du phyin pa daṅ | dpal sbed kyis mthoṅ nas btsun pa gaṅ po ci ñes źes dris pa daṅ | des smras pa | me skyes kyis ’di ’dra bar gnod pa byas so ||  (6) dpal sbed kyis spras pa daṅ | khyod ni gson por thar gyis sdod cig daṅ | ci nas ’di ltar dge sbyoṅ gau ta ma ñan thos kyi dge ’dun daṅ bcas par kho bo’i khyim nas gson bźin du phyir mi ’byuṅ bar byas mi dgar ma byed cig | dpal sbed kyis bsams pa | ’di’i dgra (7) la lan glan gyis spyan ’dren du ’gro’o ||  de ste dge sbyoṅ gau ta ma de thams cad mkhyen pa yin na ni mgron du bos kyaṅ khas len du mi btub bo ||  de ste thams cad mkhyen pa ma yin na ni khas len to sñam du bsams nas | bcom ldan ’das ga la ba der soṅ ste phyin pa (170b1) daṅ | bcom ldan ’das daṅ lhan cig tu dga’ pa’i gtam sna tshogs byas nas phyogs gcig tu ’dug go ||  phyogs gcig tu ’dug nas khyim bdag dpal sbed kyis bcom ldan ’das la ’di skad ces gsol to ||  kye gau ta ma saṅ bdag gi khyim du deg sloṅ gi (2) dge ’dun daṅ lhan cig bśos la gśegs par źal gyis bźes śig ces spyan draṅs pa daṅ | bcom ldan ’das kyis dgoṅs pa | gaṅ gis ṅa las bden pa mthoṅ bar ’gyur ba de ’di ltar byed do ||  de ste ṅas khas ma blaṅs na ni bden pa’i bar chad dag tu ’gyur te | (3) ji nas khas blaṅ ṅo sñam nas gśegs par źal gyis bźes so ||  dpal sbed kyis bsams pa | ’di ni thams cad mkhyen pa ma yin te | de ste thams cad mkhyen pa yin na ni ’di ltar khas mi len pa’i rigs na | ji nas ’di thams cad mkhyen du mi ’gyur bar dgra’i lan (4) glan no sñam nas 
.  .  .  .  .  .  .  . 
de nas de byim du soṅ ste | de’i khyim gyi sgo kar doṅ chen po brkos nas naṅ du śiṅ ka di da’i me mdag dud pa med pas bkaṅ nas de’i steṅ du rtswas g-yogs nas sas bkab ste bźag go ||  dug rnon pos bza’ ba daṅ btuṅ ba sbyar to || 
.  . 
de nas me skyes kyi (5) srid mos dpal sbed la jo bo ci źig mdzad ces dris pa daṅ | des smras pa | dgra gsad par bya’o ||  jo bo la dgra su mchis | dge sbyoṅ gau ta ma’o ||  ji ste jo bo khyod kyi dgra bcom ldan ’das yin na mdza’ bo su źig mchis kyis jo bo ’di lta bu ’phags pas chos (6) ma yin pa’i las bya bar mi rigs phar soms śig ces smras pa daṅ | 
.  .  . 
de nas dpal sbed kyis bsams pa | ’di yaṅ me skyes kyi gñen du ’oṅ ste dge sbyoṅ gau ta ma la dad pas na gsad śor bar ’gyur ro sñam nas des mo mdzod kyi naṅ du bcug ste sgo lcags bcug nas (7) bźag go ||  gaṅ po la sogs pa gcer bu pa thams cad bos nas ṅas dgra bsad pa la ltar śog śig | dge sbyoṅ gau ta ma gsad pa’i phyir sgor dod chen po brkos nas naṅ du seṅ ldeṅ gi me ma dag gis bkaṅ ste bźag | kha zas daṅ skom gyi naṅ du’aṅ dug rnon pos (171a1) bkaṅ ṅo ||  de dag yid rab tu dga’ nas myur źiṅ riṅs su doṅ ste yaṅ thog gi steṅ du ’dzegs te ’khod nas deṅ bdag cag bde bar ’khod do ||  dge sbyoṅ gau ta ma me’i doṅ gi naṅ du ji ltar tshig pa daṅ | dug rnon pos rab tu źen pa daṅ | yan (2) man dus la ji ltar ’gyel ba dag blta’o ||  dpal sbed kyis gdan btiṅ nas bcom ldan ’das spyan ’dren pas dus gsol te | gau ta ma bśos kyaṅ sbyar lags kyis | kye gau ta ma dus la bab bar dgoṅs śig | 
.  .  .  .  . 
de nas bcom ldan ’das kyis tshe daṅ ldan pa kun dga’ (3) bo la bka’ stsal pa | kun dga’ bo khyod soṅ la dge slog dag la ’di skad du dpal sbed kyi khyim du de bźin gśegs pa ma gśegs par dge sloṅ su yaṅ sṅar ma ’doṅ śig | btsun pa de bźin du bgyi’o źes tshe daṅ ldan pa kun dga’ bos bcom ldan ’das las mñan te | dge (4) sloṅ dag la tshe daṅ ldan pa dag bcom ldan ’das kyis dpal sbed kyi khyim du de bźin gśegs pa ma gśegs par sṅar dge sloṅ su yaṅ ma ’doṅ śig ces bka’ stsal to źes bsgo’o || 
. 
de nas bcom ldan ’das sṅa dro’i dus na śa ma thabs man bas | lhuṅ bzed daṅ | chos gos bsnams (5) te | dge sloṅ maṅ pos bskor nas dge sloṅ gi dge ’dun gyis mdun du byas te dpal sbed kyi khyim gaṅ na ba de logs su gśegs so || 
. 
de nas ’od ma’i tshal na gnas pa’i lha bran rnams sdug bsṅal źiṅ yid mi dga’ bas gzir te | myur źiṅ riṅs par bcom ldan ’das gaṅ na (6) ba der soṅ ste phyin pa daṅ | bcom ldan ’das kyi źabs la gtugs te sñiṅ rje’i tshig gis ’di skad du bcom ldan ’das dpal sbed kyi khyim du gśegs pa’i mi rigs so źes gsol pa daṅ | bcom ldan ’das kyis bka’ stsal pa | lha de na gnod pa ci źig yod | bcom (7) ldan ’das dpal sbed ni bcom ldan ’das lam ruṅ bar bgyi ba’i slad du bśams so źes smras pa daṅ | bcom ldan ’das kyis bka’ stsal pa | lha de bźin gśegs pa ni gnod pa thams cad daṅ bral na des ṅal gnod pa ci źig byar yod | lha bran gyis gsol ba | (171b1) bcom ldan ’das des bcom ldan ’das dgroṅs pa’i slad du doṅ chen po’i naṅ du seṅ ldeṅ gi me ma dag gis bkaṅ ṅo źes smras pa daṅ | bcom ldan ’das kyis bka’ stsal pa | lha gaṅ ’dod chags kyi me daṅ | źe sdaṅ gi me daṅ | gti mug gi me dag kyaṅ ye śes kyi (2) chus btab na źi bar ’gyur | me’i naṅ na tha ma des ci źig byar yod kyis mya ṅan ma byed par ’dug śig | lha bran gyis gsol pa | de gcig pu ma lags kyi gźan dag gis kyaṅ bcom ldan ’das dgroṅs pa’i slad du bya ba sbyar te | dug rnon po mi bzad pas kha zas (3) daṅ btuṅ ba’i naṅ du sbyar to źes smras pa daṅ | bcom ldan ’das kyis bka’ stsal pa | lha dug gi gñen po ye śes kyis ’dod chags kyi dug daṅ | źe sdaṅ gi dug daṅ | gti mug gi dug kyaṅ rab tu btaṅ | rab tu skyugs | rab tu bor na dug gi naṅ na tha ma des (4) byar ci źig yod | bdag slar log la bdag gi las la nan tan byos śig | 
. 
de nas bcom ldan ’das rgyal po’i khab tu byon pa daṅ | rgyal po’i khab na gnas pa’i lha dag gis sṅa ma bźin du gsol pa daṅ | lha de dag la bcom ldan ’das kyis lha sṅa ma bźin du bsgo ste (5) slar bkye’o || 
. 
de nas dpal sbed kyi khaṅ pa’i sgor byon pa daṅ dpal sbed kyi khyim gyi lhas sṅa ma bźin du gsol pa daṅ | bcom ldan ’das kyis lha de dag kyaṅ lha sṅa ma bźin du bsgo ste slar bkye’o || 
. 
de nas dpal sbed kyi chuṅ mas bsams pa | da ni bcom ldan ’das (6) sgo daṅ por phyin ciṅ da tsam ni doṅ gi steṅ du źabs gźog go ||  da tsam ni doṅ gi kha rtswas g-yogs pa’i steṅ nas lhuṅ ste da tsam ni bcom ldan ’das me’i naṅ du lhuṅ pas dud pas kyaṅ ’tshal | mchi ma yaṅ byuṅ | me lces chos gos tshig pa’i dud pa’aṅ byuṅ ṅo sñam nas mi (7) dga’ ba des khaṅ pa’i naṅ du bcug pas yid mi dga’ ba skyes nas mig mchi mas gaṅ źiṅ ṅo ’dzum gnags nas brtabs mi dge ba la rtog ste du źiṅ ’dug go || 
.  . 
de nas bcom ldan ’das sems can thams cad la phan pa la rab tu ’jug pa’i yid kyis sgo bar mar (172a1) byon nas me’i doṅ gi steṅ du źabs bźag pa daṅ | 
. 
de nas me’i doṅ gi steṅ du źabs bźag ma thag tu de thams cad kyaṅ mtshe’u pad mo can du gyur te | ud pa la daṅ | pad mo daṅ | ku mu da daṅ | buṇ+ḍa rī ka dag gis ni khebs bya ṅaṅ pa daṅ | kāra ṇ+ḍa daṅ | (2) dur pa la sogs pa chu na spyod pa’i bya rnams kyis brgyan te | byed dag kyaṅ skad sna tshogs ’byin pa ni ji ltar lha’i rdziṅ man da ka bźin no ||  nam mkha’ la gnas pa’i lha dag gis kyaṅ lha’i me tog ku mu da daṅ | lha’i me tog kha dog daṅ ldan pas steṅ nas gtor to ||  (3) 
.  .  . 
de nas bcom ldan ’das pad ma’i sñiṅ po’i steṅ dag tu źabs bźag ste dpal sbed kyi khyim du byon pa daṅ | khyim bdag dpal sbed ṅo mtshar che ba’i mig gis bgrad de bltas nas | btsun pa gaṅ po bcom ldan ’das kyi rdzu ’phrul daṅ cho ’phrul la ltos śig ces smras (4) pa daṅ | gaṅ po mi dga’ ba’i bźin du bsgyur nas | khyim bdag dge sbyoṅ gau ta ma la dad dam de’i sgyu ma la dad dam źes smras pa daṅ | dpal sbed kyis smras pa | btsun pa gaṅ po de ltar ’di lta bus bsgrub du ruṅ na ni khyod kyaṅ thams cad mkhyen pa na sgyu ma de lta bu byos (5) la ston cig | de lta bus da daṅ ṅa’i mdza’ bo daṅ phu nu dag kyaṅ bsgrub par gyis śig | gaṅ pos bas mas pa dgos pa ma grub par gyur te | slar ’gro’o sñam nas des de la spyos te khaṅ pa’i steṅ nas babs te skyeṅs nas bcom ldan ’das la mṅon du ’byuṅ bar ma (6) nus te | 
. 
de nas ’gros dal źiṅ bags kyis soṅ nas gdoṅ yaṅs la bltas te dpal sbed kyi khyim nas byuṅ ste bros te soṅ ṅo || 
. 
de nas khyim bdag dpal sbed khyim bdag me skyes kyi srid mo gaṅ na ba der soṅ ste phyin nas | sgo lcags phye ste bzaṅ mo tshur śog | de (7) bźin gśegs pa’i źabs la phyag ’tshol cig ces smras pa daṅ | des bsams pa | ’di bdag la slu bar byed do sñam nas sñiṅ rje ba’i tshig gis dal nas smras pa | sdig pa’i grogs pos bslus te bsaṅ na bdag la bag ma du ci źig yod ces smras pa daṅ | des (172b1) bzaṅ mo bden par zer te bag ma pa ni ma yin gyis | bcom ldan ’das dgroṅs par ma nus pas | da bcom ldan ’das la mṅon du ’byuṅ bar mi nus kyis | da khrid la soṅ śig ces smras pa daṅ | 
. 
de nas dpal sbed kyi chuṅ ma de dga’ ba skyes nas mgu ba’i yid (2) kyis dpal sbed khrid de bcom ldan ’das gaṅ na ba der soṅ nas phyin pa daṅ | bcom ldan ’das kyi źabs la mgo bos phyag ’tshal te | bcom ldan ’das la ’di skad ces gsol to ||  btsun pa bzod par mdzod cig | khyim bdag ’di mi dge ba’i grogs pos bslus (3) pas na bcom ldan ’das la mi dge ba’i rnam pa ’di lta bu dag bgyis so źes smras pa daṅ | 
.  . 
de nas bcom ldan ’das kyis glaṅ po che’i sna ’dra ba’i phyag brkyaṅ nas gsuṅs pa | khyim bdag loṅs śig daṅ bzod do ||  de bźin gśegs pa la ni mdza’ ba dag dgrar bye (4) brag mi ’byed | de bźin gśegs pa dgra bcom pa yaṅ dag par rdzogs pa’i saṅs rgyas ni mdza’ ba daṅ | dgrar bye brag mi ’byed | tsan dan daṅ ste’ur mtshuṅs so źes gsuṅs pa daṅ | 
.  . 
de nas khyim bdag dpal sbed de bźin gśegs pa la rab tu dga’ ba (5) skyes nas | mos pa’i yid kyis bcom ldan ’das la cuṅ zad cig gźes śig | bdag gis bśos da gdod sbyar ro źes gsol pa daṅ | bcom ldan ’das kyis bka’ stsal pa | khyim bdag de bźin gśegs pa la spyan ’dren pas dus gsol te | gau ta ma (6) bśos dag kyaṅ sbyar lags kyis | kye go ta ma dus mkhyen par mdzod cig ces zer na da yaṅ ci’i phyir na ’di skad du smra | des gsol pa | btsun pa bdag ni mi dge ba’i grogs po la lta bar gyur pa’i blos log par lta ba gsum du ’gro ba’i sdig pas de la gźol te (7) kun la sdug par ’gro ba gñis kyaṅ bgags nas bcom ldan ’das la gnod par bya ba’i phyir źugs so źes smras pa daṅ | bcom ldan ’das kyis bka’ stsal pa | khyim bdag de bźin gśegs pa ni gnod pa thams cad daṅ bral na ci’i phyir ṅa la gnod par ’gyur (173a1) btsun pa bdag gis dug rnon pos źal zas daṅ | skye mas kyi naṅ du sbyar gyis de dag phol gdod sbyar ro źes smras pa daṅ | bcom ldan ’das kyis bka’ stsal pa | khyim bdag gaṅ ’dod chags kyi dug daṅ | źe sdaṅ gi dug daṅ | gti mug gi dug kyaṅ (2) rab tu skyugs śiṅ bor na dug ṅan pa ’di lta bu ci źig byar yod kyis gaṅ sbyar ba de khyer te śog śig | 
. 
de nas bcom ldan ’das dge sloṅ gi dge ’dun gyi mdun du gdan btiṅ ba la bźugs te | bźugs nas | tshe daṅ ldan pa kun dga’ bo la bka’ stsal pa | kun dga’ bo (3) soṅ la dge sloṅ dag la ’di skad du nam rgan rims su ’byor tshogs so źes skad ma phyuṅ gi bar du su yaṅ zan ma za źig par sgo śig | 
. 
de nas tshe daṅ ldan pa kun dga’ bos dge sloṅ dag la tshe daṅ ldan pa dag bcom ldan ’das kyis bka’ stsal pa ni rgan rims su ’byor tshogs (4) so źes skad ma phyuṅ gi par du su yaṅ zan ma za źig ces byuṅ ṅo || 
. 
de nas dag sloṅ gi dge ’dun de dag bde bar ’khod nas | kha zas dag bsñen pa daṅ | ’phrul daṅ | rdzu ’phrul daṅ | cho ’phrul gyis dpal sbed kyi khyim du rgan rims su ’byor tshogs źes skad phyuṅ ba (5) daṅ | kha zas daṅ skom dag kyaṅ dug med par gyur to ||  dpal sbed de dogs bźin du kha zas daṅ skom dag ’brim źiṅ bsams pa | rgan rims nas gźon nu dag gi druṅ du ’oṅs pa daṅ | da tsam dge sloṅ rgan rims dag ni dug rnon pos ’gyel gor ma chag go ||  gźon (6) nu nas yaṅ rgan rims kyi druṅ du ’oṅs nas yaṅ ’di sñam du sems te | de’i blo yaṅ de lta bur skyes nas | bcom ldan ’das ni ’dod chags daṅ | źe sdaṅ daṅ | gti mug gi dug spaṅs kyi | ñan thos thams cad kyi ma yin sñam du bsams nas | de ltar dge sloṅ (7) dag thams cad kyis bśos gsol na gcig la yaṅ gnod par ma gyur to ||  chuṅ du na de’i lhag ma zos pa dag la yaṅ gnod par ma gyur to || 
.  .  .  . 
de nas khyim bdag dpal sbed phyi phyir dad pa skyes so ||  de chuṅ ma daṅ gñis kyis bcom ldan ’das bśos gsol nas | (173b1) lhuṅ bzed byuṅ ste phyag bcabs par śes nas stan dma’ bźig blaṅs te | bcom ldan ’das kyi spyan sṅar chos ñan pa’i phyir ’dug go || 
.  . 
de nas bcom ldan ’das kyis dpal sbed daṅ chuṅ ma’i bsam pa daṅ | bag la ñal daṅ | khams daṅ | raṅ bźin dag mkhyen (2) nas ’phags pa’i bden pa bźi’i chos rab tu rtogs par ’gyur ba de lta bu’i chos bśad do ||  khyim bdag dpal sbed kyis de thos nas ’jig tshogs su lta ba’i ri’i rtse mo ñi śu ye śes kyi rdo rjes bcom nas rgyun du źugs pa’i ’bras bu mṅon du byas so ||  des bden pa mthoṅ (3) nas dga’ ba’i tshig lan gsum smras te | btsun pa bcom ldan ’das kyis phan btags pa ’di lta bu ni bdag la phas kyaṅ ma bgyis | mas kyaṅ ma bgyis | sdug pa daṅ | mdza’ bo daṅ | gñen daṅ | ’khor gyis kyaṅ ma bgyis | rgyal pos kyaṅ ma bgyis | lhas (4) kyaṅ ma bgyis | sṅa ma’i mi dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis te | bcom ldan ’das kyis bdag gi mchi ma daṅ khrag gi rgya mtsho ni bskams | rus pa’i ri las ni bsgral | ṅan soṅ gi sgo ni bcad | mtho ris kyi sgo ni phye ste | (5) bdag ni lha daṅ mi’i gnas su bźag go źes smras nas | yaṅ gsol pa | ñes pa maṅ ba ma ruṅs pa | ṅan du ’gro ba’i lam rnams te | khyod kyi mthus ni de dag bcad | mtho ris ’gro ba’i sgo phye bsod nams can | mya ṅan ’da’ ba’i mal yag bdag gis thob | (6) khyod la brtan pas thob pa ñes bral ba’i | bdag gi mig ni dag ciṅ rnam par dag | ’phags pa dgyes pa’i gnas bźi thob | sdug bsṅal rgya mtsho pha rol rgal | skye bo lha min lha dag mi yis mchod | skye ba na ba rga śi rnam par bral | srid pa stoṅ du’aṅ rñed par (7) śin tu dka’ | thub pa khyod mthoṅ deṅ ni ’bras bur ldan | btsun pa bdag ni mṅon bar rgal te mṅon par rgal lo da ni bdag bcom ldan ’das daṅ | chos daṅ | dge sloṅ gi dge ’dun la skyabs su mchis | deṅ phan chad nam mtsho’i bar du srog daṅ bsdos te skyabs su (174a1) mchi nas mṅon du daṅ kyis | bdag la dge bsñen du zuṅ śig | btsun pa deṅ phan chad mu stegs can gcer bu pa daṅ | gcer bu ma daṅ | gcer bu pa’i ñan thos rnams la ni sgo bcad | bcom ldan ’das kyi ñan thos daṅ | dge sloṅ daṅ | dge (2) sloṅ ma daṅ | dge bsñen pha daṅ | dge bsñen ma la ni sgo dbye’o || 
.  .  . 
de nas bcom ldan ’das kyis khyim bdag dpal sbed la chos kyi gtam gyis yaṅ dag par bstan | yaṅ dag par bstabs | yaṅ dag par gzeṅs bstod | rab tu dga’ bar byas nas gad na las (3) bźeṅs te bźud do || 
. 
de nas bcom ldan ’das gtsug lag khaṅ du byon nas dge sloṅ gi dge ’dun gyi guṅ du gdan btiṅ ba la bźugs so ||  bźugs nas bcom ldan ’das kyis dge sloṅ dag la bka’ stsal pa | dge sloṅ dag khyim bdag dpal sbed kyi khyim du de lta bu’i (4) gnod bdag byuṅ bdel der de bźin gśegs pas mkhyen par ma gyur na gor ma chag par dge sloṅ rab tu maṅ po źig dug gis dus byas par ’gyur | khyim bdag des ṅan du spyad pas mtshams med pa’i sems can dmyal bar ltuṅ ṅo ||  de bas na dge ’dun gyi gnas (5) brtan gyi dge sloṅ la mtshuṅs par spyod pa’i chos bca’o ||  dge ’dun gyi gnas brtan dge sloṅ gi rgan rims su ’dug nas kha zas dag bśams te ’oṅs pa daṅ | sṅar chuṅ du na lan tshwa tsam yaṅ ma blaṅ śig | rgan rims su ’byor tshogs źes skad ma byuṅ bar (6) blaṅs na ’das pa daṅ bcas par ’gyur ro || 
.  .  .  . 
gleṅ gźi ni mñan du yod pa na ste | 
. 
de’i tshe na khyim bdag gźan źig gis gtsug lag khaṅ chen po źig rtsig pa la źugs pa las | des phyed tsam brtsigs pa daṅ dus ’das so ||  de’i bu khyim gyi bdag por gyur nas dge (7) sloṅ dag gis de’i gan du sog ste bźin bzaṅs khyod kyi phas gtsug lag khaṅ rtsig pa la źugs pa daṅ | de yaṅ phyed tsam zin pa daṅ dus ’das so ||  de ni khyod kyis mjug bsgrub pa’i rigs so zes smras pa daṅ | de ṅad pa chuṅ ste gtsug lag khaṅ de ni che bas na (174b1) de tsam rtsig sus nus kyis | de ste bcom ldan ’das kyis gnaṅ na ni chen po de bśig la chuṅ dur bskyuṅs te bgyi’o źes smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste rtsig mi nus na (2) śig la chuṅ dur byos śig | de la the tshom du ma byed cig | 
.  .  . 
gleṅ gźi ni mñan du yod pa na ste | 
. 
khyim bdag gźan źig gis gtsug lag khaṅ chuṅ du źig rtsig bar źugs pa las | de yaṅ phyed tsam zin pa daṅ dus ’das so ||  de’i bu yaṅ khyim gyi bdag por gyur nas | (3) de la dge sloṅ dag gis de la bźin bzaṅs khyod kyi phas gtsug lag khaṅ phyed brtsigs nas lus pa de khyod kyis mjug sgrubs śig ces smras pa daṅ | de rab tu dad pa źig ste ’phags pa dag bdag ni cher bgyid par dad na de ni chuṅ ste | bcom ldan ’das kyis rjes su (4) gnaṅ na sṅa ma bśig la chen po źig brtsig go źes smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste nus na chuṅ du bśig ste cher brtsig par gnaṅ gis de la the tshom du ma byed cig | (5) de bźin du khyim bdag gźan źig gis mchod rten chen po źig brtsig par byas ba las phyed tsam zin pa daṅ de dus ’das so ||  de’i bu yaṅ khyim gyi bdag por gyur nas de la dge sloṅ dag gis bźin bzaṅs khyod kyi phas mchod rten phyed tsam brtsigs śiṅ ’dug na de khyod kyis mjug (6) sgrubs śig ces smras pa daṅ | de yaṅ ma dad pa źig ste ’phags pa de tshe chos pas rtsig par mi nus na | de ste bcom ldan ’das kyis gnaṅ na de la bdag gis de slar bśig la chuṅ dur bgyi’o źes smras pa daṅ | de ltar gyur pa dge sloṅ dag gis bcom ldan ’das la (7) gsol pa daṅ | bcom ldan ’das kyis bka’ stsal pa | dge sloṅ dag gtsug lag khaṅ ni chen po las chuṅ dur bsgyur du yaṅ ruṅ cher yaṅ ruṅ gi | mchod rten ni chen po las chuṅ dur ma skyuṅ śig | chuṅ dur byas na ’das ba dad bcas par ’gyur ro ||  khyim bdag (175a1) gźan źig gis yaṅ mchod rten chuṅ du źig rtsig tu źugs pa las phyed tsam zin pa daṅ de dus ’das so ||  de’i bu yaṅ khyim gyi bdag por gyur nas dge sloṅ dag gis de la bźin bzaṅs khyod kyi phas mchod rten rtsig tu źugs pa las phyed tsam zin pa daṅ (2) de bar dus las ’das na | da khyod kyis mjug sgrubs śig ces smras pa daṅ | de yaṅ rab tu dad pa źig ste | bdag ni cher dad pa lags kyis | de ste bcom ldan ’das kyis gnaṅ na bdag gis cher bskyed par bgyi’o źes smras pa daṅ | de ltar gyur ba dge sloṅ dag gis bcom (3) ldan ’das la gsol pa daṅ | bcom ldan ’das kyis bka’ stsal pa | de ste chuṅ du bśig ste chen por byed nus na gnaṅ gis byos śig | de la the tshom du ma byed cig | mchod rten daṅ gdugs rñiṅs śiṅ źig ba yaṅ de bźin no ||  bcom ldan ’das kyis chos śig ces bka’ (4) stsal pa daṅ | gźan źig gis gdugs phab nas slar ma bsgrubs kyi bar du dus ’das pa daṅ | bcom ldan ’das kyis bka’ stsal pa | rjes ma ma zin gyi bar du sṅa ma dbab par ma byed cig | de bźin du sku gzugs ’jim pa la byas pa dag rñiṅs nas | dge (5) sloṅ dag the tshom skyes nas ma byas pa daṅ | bcom ldan ’das kyis bka’ stsal pa | de daṅ ’dra ba’am | de las lhag par ni byos śig | chuṅ du ni ma yin no ||  de bźin du ri mor bris pa dag kyaṅ ri mo byed pa daṅ | dge sloṅ dag the tshom skyes nas ri mor ma bris nas | (6) bcom ldan ’das kyis bka’ stsal pa | byid na de ñid kyi rgyud slar bris śig | de bźin du saṅs rgyas kyi.i bka’i glegs bam dag byid par gyur nas | dge sloṅ dag gis the tshom skyes nas ma bris pa daṅ | bcom ldan ’das kyi bka’ stsal pa | byid na saṅs rgyas kyi (7) bka’ slar bris śig | de la the tshom du ma byed cig | 
.  .  .  .  .  .  . 
rkyaṅ pa’i sgo gñis pa’i mdo’i tshigs su bcad pa bźi pa’o || 
. 
’dul ba gźuṅ dam pa | bam po bźi bcu rtsa gcig pa | mdor na |
gsar bus ’jug par bya ba daṅ ||
’khor rnams rnam pa lṅa yis (175b1) daṅ ||
yon daṅ snod daṅ rol mo daṅ ||
dge bsñen dag ni bsgrags pa’o || 
. 
gleṅ gźi ni mñan du yod pa na ste | 
. 
bcom ldan ’das kyis ’dzam bu’i gri ba ma na bźugs pa’i sku gzugs la dus kyi mchod rten chen po daṅ bcas par byos la | groṅ khyer gyi naṅ du bkur bar gyis (2) śig ces bka’ stsal pa daṅ | dge sloṅ dag gis sus bkur bar mi śes nas | bcom ldan ’das kyis bka’ stsal pa | dge sloṅ gźon nu dag gis khyer cig | bcom ldan ’das kyis dge sloṅ gźon nu dag gis khyer cig par bka’ stsal pa daṅ | de ’khor med (3) par gyur bsan mi mdzes nas | bcom ldan ’das kyis bka’ stsal pa | dge sloṅ daṅ | dge sloṅ ma daṅ | dge slob ma daṅ | dge tshul daṅ | dge tshul ma’i ’khor lṅa daṅ chos śig | dad pa’i bram ze daṅ khyim bdag gis yon phul na sus kyaṅ ma blaṅs pa daṅ | bcom (4) ldan ’das kyis bka’ stsal pa | dge sloṅ dag gis blaṅ bar byos śig | gźon nus blaṅ dam rgan po rnams kyis blaṅ ba de dag gis ma śes nas | bcom ldan ’das kyis bka’ stsal pa | rgan po rnams kyis loṅ śig | bcom ldan ’das kyis bka’ stsal pa | dge (5) sloṅ de dag gis bkur par byos śig daṅ | dge sloṅ gnas brtan dag gis khyer te ṅal bar gyur nas | bcom ldan ’das kyis bka’ stsal pa | dge sloṅ gnas brtan dag gis bsruṅs la gźan gyis bkur bar gyis śig | dge sloṅ dag gis rol mo med (6) par doṅ ba daṅ | khyim bdag mgon med zas sbyin gyis bcom ldan ’das kyis gnaṅ na ni sku gzugs gśegs ba’i tshe bdag gis rol mo sbyar ro źes smras pa daṅ | bcom ldan ’das kyis bka’ stsal pa | khyim bdag de ltar na gnaṅ gis sbyor cig | saṅs rgyas (7) bcom ldan ’das la tshe daṅ ldan pa u pā lis źus pa | btsun pa dge sloṅ rol mo bgyir ruṅ ṅam | u pā li mi ruṅ ṅo ||  nam mchod pa’i dus na ’di skad du bźin bzaṅs ston ba la mchod par byos śig ces sgo śig | 
.  . 
rkyaṅ pa’i sgo gñis pa’i mdo’i tshigs su bcad pa (176a1) lṅa pa’o || 
. 
mdor na |
sgrogs par byed daṅ snod sbed daṅ ||
śiṅ rta tha dad byed pa daṅ ||
snod rnams bged ba dad pa daṅ ||
mdo’i tshigs su bcad par brjod pa’o || 
. 
saṅs rgyas bcom ldan ’das mñan du yod pa na dza ta’i tshal mgon med zas (2) sbyin gyi kun dga’ ra ba na bźugs so ||  bcom ldan ’das kyis dus ston chen po gyis la śiṅ ’dzam bu’i grib ma na bźugs pa’i sku gzugs groṅ khyer du gśegs par rgyas par byos śig ces bka’ stsal pa daṅ | dge sloṅ dag gis bram ze daṅ khyim bdag dag la ma (3) spran par doṅ ṅo ||  de dag gis e ma’o ’phags pa dag ṅed cag la sṅar spran na ni ṅed kyis yon rnams sta gon bya ba źig ces smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | źag bdun (4) nam brgyad kyi sṅa rol nas dus kyi mchod ston chen po byed do źes groṅ khyer daṅ | tshoṅ dus daṅ | sraṅ daṅ | lam daṅ | lam gyi bźi mdo dag tu bsgrag par byos śig | de dag gis dus ston no dus ston no źes bsgrags pa daṅ | bcom ldan ’das kyis bka’ stsal pa | źag dus (5) thab la źag ’di sñed cig na dus ston byed do źes spron cig | de ltar byas kyaṅ ’jig rten thams cad kyis ma thos nas | bcom ldan ’das kyis bka’ stsal pa | gro ga la bris la bal glaṅ gi steṅ du źog ste | tshoṅ dus daṅ | sraṅ daṅ | lam daṅ | lam gyi bźi mdo (6) dag tu bsgrags par gyis śig | gaṅ gi ñin mo bcom ldan ’das kyi dus ston chen po byed ba na | bcom ldan ’das kyis dge sloṅ gnas brtan daṅ | gnas brtan dag gis ni yon rnams sruṅ śig | gźon nu rnams kyis ni khyer cig ces bka’ stsal pa daṅ | des (7) khyer te bab bab tu bor ba daṅ | ma byin par len pa dag gis brkus nas | bcom ldan ’das kyis bka’ stsal pa | snod spyad sbed pa’i dge sloṅ skos śig | bsko ba ni ’di ltar bsko’o ||  stan btiṅ la gaṇ+ḍi brduṅs śiṅ dris pa la lan glon pa’i dge sloṅ bskos te | (176b1) dge sloṅ gi dge ’dun rnams tshogs śiṅ ’khod pa daṅ | sṅar ni dad par byos śig | khyod miṅ ’di źes bya ba dge ’dun gyi snod sbed par bskon dad dam źes dris te | dad na des kyaṅ dad do źes smros śig |  de’i ’og tu dge sloṅ cig gis gsol ba daṅ las byos śig | (2) gson cig btsun pa’i dge ’dun rnams | miṅ ’di źes bgyi ba ’di dge ’dun gyi snod sbed bar dad na | de ste de dge ’dun gyi dus la bab ciṅ bzod na dge ’dun gyis gnaṅ śig daṅ miṅ ’di źes bgyi ba snod sbed par bskos te | snod sbed pa miṅ ’di źes bgyi ba dge ’dun (3) gyi snod sbad de | ’di ni gsol ba’o ||  las kyaṅ ’di ltar bya ste | gson cig btsun pa’i dge ’dun rnams miṅ ’di źes bgyi ba ’di dge ’dun gyi snod sbed par dad de | dge ’dun gyis miṅ ’di źes bgyi ba ’di snod sbed bar bsko ste miṅ ’di źes bgyi ba ’di dge ’dun gyi (4) snod sbed na tshe daṅ ldan pa’i rnams las gaṅ la miṅ ’di źes bgyi ba snod sbed du bsko par bzod pa de dag ni caṅ ma gsuṅ śig | gaṅ la mi bzod pa dag ni smros śig | dge ’dun gyis miṅ ’di źes bgyi ba ’di snod sbed par bsko ste | dge ’dun gyis bzod ciṅ (5) gnaṅ bsan caṅ mi gsuṅ ste | de de bźin du ’dzin to ||  der yaṅ rñed pa dag maṅ du byuṅ nas dge sloṅ ma dag gis ’phags pa dag bdag cag la rñed pa’i skal ba stsol cig ces smras kyaṅ dge sloṅ dag gis ma byin no ||  de dag gis phyi de ñid mo śiṅ rta gźan źig (6) bśams pa daṅ | bram ze daṅ khyim bdag dag gis ’phags ma dag śiṅ rta ’di ñid dam ’on te gźan źig ces dris na | dge sloṅ ma de dag gis kyaṅ rñed pa maṅ du gyur to ||  dge sloṅ ma dag gis rñed pa daṅ bkur sti la ṅoms par gyur pa dge sloṅ dag gis mthoṅ (7) nas ’phags pa khyed kyis kho mo cag la rñed pa ma byin mod kyi | bdag cag gis kyaṅ śiṅ rta logs śig tu bśams pas bdag cag la yaṅ rñed pa maṅ du thob par gyur to źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom (177a1) ldan ’das kyis dgoṅs pa | dge sloṅ dag gaṅ ñes pa’i dmigs su gyur pa ni dge sloṅ ma dag gis dus ston gyi tshe śiṅ rta gud du bśams pas de bas na dge sloṅ daṅ dge sloṅ ma dag gis śiṅ rta logs śig tu mi bśam par dgoṅs nas | (2) bcom ldan ’das kyis bka’ stsal pa | dge sloṅ dag dge sloṅ mas ni mi rigs par byas te | de bas na dge sloṅ mas dus ston gyi tshe śiṅ rta logs śig tu ma śom śig | dge sloṅ ma dag gis dus ston gyi tshe śiṅ rta logs śig tu bśams na dbyen byas pa daṅ | (3) ñe ba’i ñes pa sbom por ’gyur ro ||  snod de dag de bźin du ’dug pa daṅ dge sloṅ dag gis ji ltar bya ba mi śes nas | bcom ldan ’das kyis bgos śig ces gsuṅs pa daṅ | de dag ji ltar bgo ba mi śes nas | bcom ldan ’das kyis bka’ stsal pa | snod bged ba’i (4) dge sloṅ cig sko śig | bsko ba ni ’di ltar bya’o ||  stan thiṅ ste gaṇ+ḍī rduṅs la dris pa la lan glon pa’i dge sloṅ skos la dge ’dun thams cad ’dus te ’khod pa daṅ sṅar dad par byos śig | khyod dge ’dun gyi snod bged par bskon dad dam źes dris la | de ste dad do źes zer na de’i ’og (5) tu dge sloṅ gcig gis gsol pa daṅ las byos śig | gson cig btsun pa’i dge sloṅ rnams | snod bged pa miṅ ’di źes bgyi ba ’di dge ’dun gyi snod bged par dad na | de ste dge ’dun gyi dus la bab ciṅ bzod na | dge ’dun gyis gnaṅ la dge ’dun gyis miṅ ’di (6) źes bgyi ba ’di snod bged par skos śig | miṅ ’di źes bgyi ba dge ’dun gyi snod bged de ’di ni gsol ba’o ||  las kyaṅ ’di ltar byos śig | gson cig btsun pa’i dge ’dun rnams miṅ ’di źes bgyi ba snod bged par dad nas dge ’dun gyi snod bged de | dge ’dun (7) gyis miṅ ’di źes bgyi ba dge ’dun gyi snod bged par tshe daṅ ldan pa rnams gaṅ bzod pa ni caṅ ma gsuṅs śig | mi bzod pa ni smros śig | dge ’dun gyis miṅ ’di źes bgyi ba ’di snod bged par bskos te | dge ’dun gyis bzod ciṅ gnaṅ bas na ciṅ mi gsuṅ ste de de bźin (177b1) du ’dzin to || 
.  .  .  .  .  .  .  .  .  .  .  . 
rkyaṅ pa’i sgo gñis kyi mdo’i tshigs su bcad pa drug pa’o || 
. 
mdo par ma ste |< br/>rnam pa tha dad byas daṅ yon ||
gaṅ gi chen gcig las lhag ||
gaṅ gi tshe na gñis las gcig ||
bdag gir bya bar mi ruṅ ṅo || 
. 
saṅs rgyas bcom ldan ’das (2) mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  gaṅ gi tshe dus ston chen po byuṅ ba na rñed ba maṅ bo daṅ ldan par gyur nas | dge sloṅ dag gis ji ltar bya ba’i thabs mi śes nas | bcom ldan ’das kyis bka’ stsal pa | gos (3) sbed pa’i dge sloṅ gis stan thiṅ la gaṇ+ḍī brduṅs te dris pa la lan glon pa’i dge sloṅ bskos la dge ’dun thams cad ’dus śiṅ ’khod pa’i naṅ du btsoṅ bar bya’o ||  de dag gis sus rin thaṅ gdab par ma śes nas | bcom ldan ’das kyis bka’ stsal pa | dge ’dun gyi (4) gnas brtan gyis thob śig | de dag gis de ñid ñor bcug pa daṅ | de ñid la ñor ma gźug śig | dge ’dun gyi gnas brtan gyis rin cher btab ste sus kyaṅ mam ños nas | bcom ldan ’das kyis bka’ stsal pa | cher ma gdab śig ces gsuṅs pa daṅ śin tu chuṅ (5) du btab bo ||  śin tu chuṅ du yaṅ ma gaṅ ba bar ran bar thob śig | gaṅ gis thog mar rin thaṅ bskyed pa de ñid ñor chug ces smras pa daṅ de la ma btsoṅ par gad gi tshe rin thaṅ sus kyaṅ ma bskyed na gdod de ñid la tshoṅ śig | drug sde dag gis rin cher btab ste (6) rin cher bslaṅs na dge ’dun gyi don gyi phyir ṅed kyis rin thaṅ bskyed do źes smras pa daṅ | bcom ldan ’das kyis bka’ stsal pa | gaṅ ño ba des rin thaṅ skyed cig | gźan gyis rin thaṅ bskyed na ’das pa daṅ bcas par ’gyur ro ||  drug sde dag gis rin thaṅ bskyed de (7) ños nas bkrus śiṅ bgos so ||  rin len pa la de ñid slar byin no ||  bcom ldan ’das kyis bka’ stsal pa | rin ma ’oṅs kyi bar du de lam sbyin cig | rin ma byin par bgos na ’das ba daṅ bcas par ’gyur ro || 
.  .  .  .  .  .  . 
rkyaṅ pa’i sgo gñis kyi mdo’i tshigs su bcad pa bdun ba’o || 
. 
(178a1) mdor na |
gtsug lag khaṅ ni źig pa daṅ ||
lci ba’i phyer ni dben par bya ||
nam źig ’jigs par gyur ba na ||
skad cig brñab dge ’dun gyi || 
. 
saṅs rgyas bcom ldan ’das dze ta’i tshal mgon med zas sbyin gyi kun dga’ ra ba na (2) bźugs so ||  bcom ldan ’das kyis dge sloṅ dag gnas khaṅ lṅa rtseg tu byos śig | dri gtsaṅ khaṅ ni bdun rtseg sgo khaṅ yaṅ bdun rtseg tu byos śig ces bka’ stsal to ||  dge sloṅ ma’i gnas khaṅ ni sum rtseg go ||  dri gtsaṅ khaṅ ni lṅa rtseg go ||  sgo khaṅ (3) yaṅ lṅa rtseg go ||  steṅ gi lcid kyis rtsig pa ’jig tu byed de | de ltar gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | steṅ ma’i rim gcig phri śig | ’on kyaṅ ’jig bar gyur ba daṅ | bcom ldan (4) ’das kyis bka’ stsal pa | de bźin du rim gñis nas bźi’i bar du phri la ’og khaṅ gcig bu źog śig | 
.  .  .  .  .  . 
gleṅ gźi ni mñan du yod pa ste | 
. 
dge sloṅ rnams la ’jigs pa dag byuṅ nas | gtsug lag khaṅ stoṅ bar byas te | dge ’dun gyi mal stan (5) yaṅ bor nas bros te doṅ ba daṅ | ma byin par len pa dag gis brkus so ||  brkus pas dge sloṅ dag phoṅs par gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi mal (6) stan bor te ma ’doṅ śig | gaṅ du doṅ ba der khyer cig | bcom ldan ’das kyis gaṅ du ’doṅ bar khyer cig ces bka’ stsal pa daṅ | dge sloṅ źig gis bgo ba dag khyer te dge sloṅ dag daṅ lhan cig tu bros te doṅ ba daṅ | de na nub mo dge sloṅ źig gis tshe daṅ (7) ldan pa ’di ni dge ’dun gyi naṅ na ṅa ni rgan te ji ltar rgan rims su dbaṅ ṅo źes smras pa dad de byin no ||  des de byin nas ji tsam nam naṅs ba daṅ | des bsgo ba ’dis khyer cig ces smras pa daṅ | des smras ba gaṅ gi tshe bsgo bar bgos pa de’i tshe na ni khyod rgan pos (178b1) khyer la da bkur ba’i tshe ni ṅa la sbyin nam khyod ñid khyer cig | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gaṅ gis ’jigs pa’i tshe khyer khyer ba de ñid kyi’o ||  gaṅ gi tshe ’jigs pa med par gyur na yaṅ (2) bcom ldan ’das kyis gnaṅ ṅo źes slar ma phul ba daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag re źig ṅas dge ’dun gyi mal stan dag gnaṅ gi gtan du ni ma yin gyi | ’jigs pa (3) daṅ bral na slar phul la rgan rims su byin cig | 
.  .  .  .  . 
rkyaṅ pa’i sgo gñis kyi mdo’i tshigs su bcad pa brgyad pa’o || 
. 
mdor na |
dze ta’i tshal du mchod ston tshe ||
rṅa chen gyis ni ’du bar bya ||
gral ni chol bar ’khod pa daṅ ||
dge sloṅ las ni źal tar bsgo || 
. 
saṅs rgyas bcom (4) ldan ’das dze ta’i tshal mgon med zas sbyin gyi kun dga’ ra ba na bźugs te ||  khyim bdag mgon med zas sbyin pas bcom ldan ’das la de ste bcom ldan ’das kyis gnaṅ na bdag gis dus ston chen po bgyi’o źes gsol ba daṅ | bcom ldan ’das kyis bka’ stsal pa | (5) khyim bdag ṅas gnaṅ gis byos śig | de dze ta’i tshal du dus ston byas pa daṅ | dge sloṅ dag ma ’dus par gyur nas bcom ldan ’das kyis mchod ston chen po byed na gaṇ+ḍī daṅ | rṅa daṅ | duṅ bus śig daṅ | dge sloṅ dag gdugs tshod la bab par dus rig par ’gyur (6) ro źes bka’ stsal pa daṅ | dge sloṅ dag rṅa daṅ duṅ dag gi sgras brdegs na tshol bar ’khod do ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ las źal ta ba bskos te ci nas rgan rims su ’khod (7) cig | ji ltar rgan rims su ’khod pa daṅ | nam zas dag rgan rims nas brims te | gźon nu’i gan du phyin tsam nas gdugs tshod kyaṅ yol te | dge sloṅ dag zas kyi bar chad du gyur to ||  de ltar gyur pa dge sloṅ dag gis bcom ldan ’das la gsol pa daṅ | (179a1) bcom ldan ’das kyis bka’ stsal pa | lṅa brgya phreṅ du gyis la kha zas ni rgan rims kyi mdun du źog śig | dge sloṅ dag gis de bźin du byas pa daṅ khyim bdag ni bza’ ba ’phrim pa la rku’o ||  de ltar gyur pa dge sloṅ dag gis bcom ldan (2) ’das gsol pa daṅ | bcom ldan ’das kyis bka’ stsal pa | ’brim pa’i spyan pa dge sloṅ skos śig | de dag kyaṅ kha zas kyi bar chad du gyur nas | bcom ldan ’das kyis bka’ stsal pa | de dag sṅar zan byin la phyis źal ta byed du chug śig | 
.  .  .  .  . 
rkyaṅ ba’i (3) sgo gñis pa’i mdo’i tshigs su bcad pa dgu pa’o || 
. 
mdor na |
dge sloṅ ma ni maṅ du gyur ||
dge sloṅ daṅ po yi raṅ daṅ ||
gcig daṅ gñis daṅ maṅ po daṅ ||
bu chuṅ rab tu dgar gyur pa’o || 
. 
saṅs rgyas bcom ldan ’das dze ta’i tshal mgon med zas sbyin gyi (4) kun dga’ ra ba na bźugs te | ri brags kyi groṅ gźan źig na khyim bdag źig gnas pa des dge sloṅ ma maṅ źig bśos la spyan draṅs nas ji tsam źig na dge sloṅ gcig cig ’gron pa maṅ po daṅ lhan cig tu ljoṅs rgyu ba spyod ciṅ ri brags kyi groṅ der phyin pa daṅ | de der (5) bsod sñoms la źugs na de na gźan źig gis de la ’phags pa khyim ’di na dge sloṅ ma dag bśos gsol źiṅ ’khod kyis der bźud cig ces smras pa daṅ | de yaṅ der soṅ nas dge ’dun ma’i gnas brtan sbom mo dga’ ldan ’dug ste | des ’phags pa de ste sbyin (6) pa’i yon tan brjod nus na ni rgan rims su bźugs śig | de ste mi nus nu phyogs gcig tu bśos bsnoms la bźud cig ces smras pa daṅ | de skyeṅs nas des bsams pa de ste bdag gis sbyin pa’i yon tan brjod kyi bar du ’dug na ni ’gron pa maṅ po dag kyaṅ daṅ bar (7) ’gyur gyis phyogs gcig tu zan zos te ’gro’o sñam nas phyogs gcig tu zan zos te soṅ ṅo ||  rim bźin du mñan du yod par phyin pa daṅ | dge sloṅ dag gis tshe daṅ ldan pa bde par ’oṅs sam | ci bde bar spyad dam źes smras pa daṅ | des smras pa | ga la źig (179b1) bde bar spyad | dge sloṅ mas kyal ka byas so ||  de ji ltar byas źes smras pa daṅ | de ltar gyur ba rgyas par dge sloṅ dag la smras so ||  dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gaṅ na dge sloṅ gcig daṅ (2) dge sloṅ ma gcig gnas pa de na dge sloṅ de gral kyaṅ daṅ ṅo ||  chu yaṅ daṅ po ||  zan yaṅ daṅ por zo śig | gaṅ na dge sloṅ ma gñis sam | gsum mam | de las lhag pa źig la dge sloṅ gcig cig ’oṅs na dge sloṅ gcig pu de stan yaṅ daṅ po ||  chu yaṅ daṅ ṅo ||  (3) zan yaṅ daṅ por zo śig | gaṅ de ste dge sloṅ ma dag ’ba’ źig na yaṅ rtag tu gral gyi daṅ por stan cig lhag par źog la ’khod cig de ste dge tshul pha źig ’oṅs na yaṅ de der ’dug la zo śig | de ste des mi nus par gyur na yaṅ dge sloṅ mas sbyin pa’i yon tan lhogs (4) śig | dge sloṅ mas de ltar ma byas na ’das pa daṅ bcas par ’gyur ro || 
.  .  .  .  .  .  .  . 
gleṅ gźi ni mñan du yod pa na ste | 
. 
khyim bdag mgon med zas sbyin pas dze ta’i tshal du dus ston chen po byas nas bu daṅ chuṅ ma dge ’dun la yon du phul pa daṅ | dge sloṅ dag gis ji (5) ltar bya ba mi śes nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | khyim bdag la dris śig | dris pa daṅ | pha des smras pa | ’phags pa dag rin thaṅ chod cig daṅ bdag gis gluṅ gsol lo ||  (6) drug ste dag gis dal ’gran ciṅ sbel ba la źugs pa daṅ | de’i naṅ nas chuṅ ma bu chuṅ du ma can gyis khyim bdag mgon med zas sbyin gyi rkad pa la btud de jo bo bdag gi bu chuṅ gis bdag ma gtaṅ śig ces smras pa daṅ | de ltar gyur pa dge sloṅ dag gis bcom ldan ’das (7) la gsol pa daṅ | bcom ldan ’das kyis bka’ stsal pa | dge sloṅ dag sems can gyi naṅ na bud med las sñiṅ chur ba med kyis ’jigs par ma bya śig | de bas dge sloṅ gis bud med kyi rin thaṅ ma gcod cig | bcad na ’das pa daṅ bcas par ’gyur ro ||  sbyin (180a1) bdag gis ji ltar dga’ źiṅ dga’ ste byin bźin du loṅs śig | 
.  .  . 
rkyaṅ pa’i mdo’i tshigs su bcad pa bcu ba rdzogs sto || 
. 
mdor bsdus par na |< br/>yo byad bus ba blun pa daṅ ||
gaṅ gi ba daṅ de yi ste ||
de ltar khye’u las bslaṅ mi bya ||
mgon med (2) zas sbyin de bźin te ||
spu gri daṅ ni ’khor rnams daṅ ||
chu daṅ bsdus par gsuṅs ba’o || 
. 
mdor na |
yo byad rnams daṅ gnaṅ ba daṅ ||
u pā lis ni dris pa ste ||
ji ltar byin gyis brlab par bya ||
yid gcugs tshigs bcad mdor gsuṅs pa’o || 
. 
saṅs (3) rkyas bcom ldan ’das mñan du yod ban dze ta’i tshal mgon med zas sbyin gyi kun dga’ ra ba na bźugs te | dge sloṅ dag ljoṅs rgyu ba spyod pa nan par gyur te | kha cig la sman med nas lhuṅ bzed btsoṅs kyaṅ khyim bdag gis ma ños nas dus ’das par gyur to ||  de ltar (4) gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de lta bas na gnaṅ gis yo byad daṅ gos choṅs śig | bcom ldan ’das kyis yo byad daṅ gos choṅs śig ces gsuṅs pa daṅ | dge sloṅ dag gis bkrus nas (5) kha bsdur te bcaṅs pa daṅ rin chuṅ dur gyur to ||  bcom ldan ’das kyis bka’ stsal pa | ma bkrus kha ma bsgyur | sar ba btags ma thag choṅs śig | saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis dge sloṅ (6) dag gis yo byad bcu gsum choṅs śig ces bka’ stsal ni ji ltar byin gyis brlab par bgyi | u pā li so sor byin gyis brlab par bya ste | chos gos ’di ni sbyar mar byin gyis brlab ste | bya ba zin pa yoṅs su spyad pa’o ||  de bźin du stod g-yogs daṅ mthaṅ gos (7) daṅ | śam thabs daṅ | śam thabs kyi ’theb daṅ | stod chags daṅ | stod chags kyi ’theb daṅ | gdoṅ phyis daṅ | lus phyi ba daṅ | g-yan pa’i gos daṅ | skra bzed daṅ | g-yogs ma daṅ | ras chen te gos ’di ni yo byad kyi gos su byin gyis brlabs (180b1) te | na ba la dgos te bdag daṅ tshaṅs pa mtshuṅs par spyod pa’i phyir byin gyis brlab bo ||  yaṅ saṅs rgyas bcom ldan ’das la tshe daṅ ldan pa u pā lis źus pa | btsun ba bcom ldan ’das kyis yo byad bcu gsum byin gyis rlobs śig ces bka’ stsal na | de las lhag (2) pa’i gos rnams ji ltar bgyi | bcom ldan ’das kyis bka’ stsal pa | u pā li de ni slob dpon daṅ | mkhan po daṅ | yid gcugs ba rnams la bsdos la bcad par bya ste | de yaṅ ’di ltar bsṅo bar bya’o ||  dge sloṅ gcig gi mdun du ’dug la ’di skad smros śig | (3) dgoṅs śig tshe daṅ ldan pa bdag miṅ ’di źes bgyi pa la gos ’di lhag par bsṅo ste | bsṅo ba’i rigs pas na mkhan po la bsṅo ste | mkhan po yid bcugs pas bcaṅ par bgyi’o ||  de bźin du lan gñis lan gsum du brjod par bya’o || 
.  .  .  .  .  .  . 
rkyaṅ pa’i naṅ na sgo gsum (4) pa’i mdo’i tshigs su bcad pa daṅ po’o || 
. 
mdor na |
bus pa blun la sogs śes pa ||
bcu gñis kyi ni gaṅ zag daṅ ||
de bźin rnam par dbye ba daṅ ||
tshul bźin ba ni gsum pa’o || 
. 
saṅs rgyas bcom ldan ’das mñan du yod pa na dze ta’i tshal mgon med zas (5) sbyin gyi kun dga’ ra ba na bźugs so ||  bcom ldan ’das la cho daṅ ldan pa u pā lis źus pa | btsun pa gaṅ zag du’i slar bzlog pa mi brtsan | bcom ldan ’das kyis bka’ stsal pa | u pā li bcu gñis te | bus pa daṅ | glun po daṅ | mi gsal ba daṅ | (6) mi mkhas pa daṅ | ṅo tsha med pa daṅ | khon du ’dzin pa daṅ | mtshams kyi phyi rol na ’dug pa daṅ | spraṅs pa daṅ | tshig mi brtan pa daṅ | spyod lam las ’gal ba daṅ | tshul bźin du mi gnas pa daṅ | bslab pa byin pa’o ||  yaṅ źus pa btsun pa ji tsam gyis (7) na byis pa lta bu nas ji tsam gyis na bslab pa stsal pa’i bar du lags | u pā li gaṅ log par bsam pa sems pa daṅ | log par smra ba log par smra ba daṅ | bzlog dka’ bar bzlog pa yin te | u pā li da ltar bgyis par ’gyur ro ||  btsun pa ji tsam na glen (181a1) pa lags | mdo sde mi ’dzin pa | ’dul ba mi ’dzin pa | ma lta bu mi ’dzin pa ste | ’di tsam gyis na | u pā li glen pa yin no ||  btsun pa ji tsam gyis na mi gsal ba lags | u pā li gaṅ mdo sde yaṅ ’dzin | ’dul ba yab ’dzin | ma lta bu yaṅ (2) ’dzin mod kyi | ’on kyaṅ mdo sde daṅ | ’dul ba daṅ | chos mṅon du bya ba’i don mi śes pa ste | ’di tsam gyis na u pā li mi gsal ba yin no ||  btsun pa ji tsam gyis na mi mkhas pa lags | u pā li gaṅ mod sde daṅ | ’dul ba daṅ | ma lta bu yaṅ ’dzin | de (3) dag gi don kyaṅ śes mod kyi | gźan śes par byed mi nus pa ni u pā li mi mkhas pa ste | ’di tsam gyis na u pā li mi mkhas pa yin no ||  btsun pa ji tsam gyis na ṅo tsha med pa lags | u pā li de ni phas pham ba bźi las gaṅ yaṅ ruṅ ñes pa byuṅ bar gyur pa ste | u (4) pā li de ni ṅo tsha med par gyur pa’o ||  btsun pa ji tsam gyis na khon du ’dzin pa lags | u pā li de khro ba daṅ | thab mo daṅ | gźan yaṅ gaṅ daṅ gaṅ du ’thab pa’i sgor gyur pa ste | u pā li de tsam gyis na khon du ’dzin pa’o ||  btsun pa ji tsam gyis na mtshams kyi slad rol na (5) mchis pa lags | de ni u pā li dge sloṅ gi mtshams kyi phyi rol na ’dug pa ste | u pā li de tsam gyis na mtshams kyi phyi rol na ’dug pa’o ||  bcun pa ji tsam gyis na spaṅs pa lags | u pā li de ni dge ’dun gyi gsol pa daṅ bźi’i las kyis spaṅs pa ste | u pā li (6) de tsam gyis na spaṅs par gyur pa źes bya’o ||  btsun pa ji tsam gyis na tshig mi brtan par gyur pa lags | u pā li de ni tshig mi brtan par gyur pa daṅ | brdzun du smra ba daṅ | phra ma daṅ | tshig rtsub po daṅ | tshig khyal par smra ba’o ||  u pā li de tsam gyis na tshig mi (7) brtan par gyur pa’o ||  btsun pa ji tsam gyis na spyod lam las ga la bar gyur pa lags | u pā li de ni dge ’dun gyi naṅ nas laṅs te soṅ ba’o ||  u pā li de ltar na spyod lam las gal bar gyur pa’o ||  btsun pa ji tsam gyis na tshul bźin la mi gnas par gyur pa źes (181b1) bgyi | u pā li de ni mi spyod pa ni spyod dge sloṅ gi bslab pa la mi slob pa’o ||  u pā li de tsam gyis na tshul bźin la mi gnas par gyur pa źes bya’o ||  btsun ba ji tsam gyis na bslab pa stsal par gyur pa źes bgyi | u pā li de ni dge sloṅ la dge ’dun gyis gsol ba (2) daṅ bźi’i las kyis nam ’tsho’i bar du bslab pa byin par gyur ba ste | u pā li de lta bu ni bslab pa byin par gyur pa’o ||  yaṅ gsol pa | btsun pa ji tsam gyis na gaṅ zag gis slar bzlog pa la brtsan pa lags | bcom ldan ’das kyis bka’ stsal pa | u pā li rnam pa gsum (3) ste | tshul bźin la gnas pa daṅ | tshig brtan pa daṅ | spyod lam las ma gal pa’o || 
.  .  .  .  .  .  .  .  .  .  .  .  .  .  .  .  .  . 
rkyaṅ pa’i sgo gsum pa’i mdo’i tshigs su bcad pa gñis pa’o || 
. 
mdor na |
gaṅ gi phyir ni bya ba daṅ ||
gaṅ zag kyaṅ ni bcu gñis ni ||
bsñen par rdzogs par byed pa daṅ ||
(4) khyim pa yin par khas blaṅs pa’o || 
. 
saṅs rgyas bcom ldan ’das dze ta’i tshal mgon med zas sbyin gyi kun dga’ ra ba na bźugs so ||  saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis gaṅ la las bya ba de’i slar bzlog (5) pa mi brtsan no źes bka’ stsal na | btsun pa gaṅ zag bcu gñis so sor bsgo ba’i tshe de dag ’di skad du mchi ste | tshe daṅ ldan pa dag ṅed cag la ni ma sgo śig ces mchin ci de dag gis slar bzlog pa yaṅ mi brtsan nam | u pā li brtsan no ||  de’i chad pa’i las la ṅas dgoṅs te (6) gsuṅs so ||  btsun pa bsñen par rdzogs par bgyid pa khyim pa lags par khas blaṅs na bsñen par rdzogs pa źes bgyi ’am bsñen par ma rdzogs pa źes bgyi | u pā li bsñen par rdzogs par brin kyaṅ khyim pa yin par khas blaṅs na | de yaṅ bsñen par ma rdzogs (7) pa źes byan bsñen par rdzogs par byed pa’i tshe lta smos kyaṅ ci dgos | 
.  .  .  . 
rkyaṅ pa’i sgo gsum pa’i mdo’i tshigs su bcad pa gsum pa’o || 
. 
mdor na |
tshil bu dag ni mi ruṅ ba ||
lṅa po gaṅ gis rkaṅ mi bsku ||
dbaṅ phyug bsgrag bar bya ba daṅ ||
źiṅ gi dṅos po dge (182a1) ’dun gyi’o || 
. 
saṅs rgyas bcom ldan ’das dze ta’i tshal mgon med zas sbyin gyi kun dga’ ra ba na bźugs so ||  saṅs rgyas bcom ldan ’das kyis mi ruṅ ba rnam pa lṅa’i lha ma ma ’chaṅ śig ces bka’ stsal pa daṅ | drug sde dag gis mi ruṅ ba rnam (2) lṅa po de dag gi tshil bus rkaṅ pa byugs nas yul ko sa la’i rgyal po gsal rgyal gyi ba la glaṅ gi druṅ du doṅ ste | rdzi phyogs su ’khod pa daṅ | bal glaṅ dag gis dri tshor nas bros pa daṅ | de dag gis tshe daṅ ldan pa dag zuṅ śig ces smras pa daṅ | de dag gis smras pa (3) bdag cag gis gzuṅ par mi nus so ||  bźin bzaṅs ṅed kyis gzuṅ ṅam | ’phags pa dag zuṅ śig ged la ci sbyin | bca’ ba’i rin sbyin no ||  des de dag gi mdun du soṅ ste rdzi mi lṅad ba’i phyogs su ’dug pa daṅ | bal glaṅ de dag kyaṅ ’khod do ||  de dag gis (4) smras pa | ’phags pa dag ci khyed rig pa mkhyen nam | bźin bzaṅs ṅed rig pa mi śes mod kyi | ṅed kyi bal glaṅ caṅ śes kyi tshil bus rkaṅ ba bskus pas so ||  ’phags pa dag rgyal po’i bal glaṅ mchog dag bros par gyur nas | khyed kyis rgyal po la gnod (5) pa byas par mi ’gyur ram źes smras nas de dag ñes pa ṅor brjod ciṅ ’phyas ’dogs te mi sñan par zer ro ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis bal glaṅ caṅ śes kyi tshil (6) gyis rkaṅ pa byug par ma byed cig | dge sloṅ gis bal glaṅ caṅ śes kyi tshil gyis rkaṅ pa la byug na ’das pa daṅ bcas par ’gyur ro ||  ji ltar bal glaṅ caṅ śes pa bźin du rta caṅ śes daṅ | seṅ ge daṅ | stag daṅ | gzig la sogs pa rgyas par brjod par (7) bya’o || 
.  .  .  .  .  .  .  . 
gleṅ gźi ni rgyal po’i khab na ste | 
. 
de nas rgyal po gzugs can sñiṅ po tshe daṅ ldan pa kun dga’ bo gaṅ na ba der soṅ ste druṅ du phyin pa daṅ | tshe daṅ ldan pa kun dga’ bo’i rkaṅ pa la mgo bos phyag ’tshal nas phyogs gcig tu ’dug go ||  phyogs gcig tu (182b1) ’dug nas rgyal po gzugs can sñiṅ pos tshe daṅ ldan pa kun dga’ bo la ’di skad ces smras so ||  ’phags pa kun dga’ bo seṅ ge’i gdan bśams pa ’di ci źig bgyi ci deṅ chos bsgrags sam | de’i tshe gso sbyin gyi dus la bab ste | de rgyal po chen po dge sloṅ gis (2) mtshuṅs par bzuṅ pa lags kyi khyim pas mchuṅs par bzuṅ pa ma lags so ||  źes smras pa daṅ | rgyal pos rkaṅ pa la phyag ’tshal te soṅ ṅo ||  mkhyen bźin du ’dri ba ni saṅs rgyas bcom ldan ’das te | saṅs rgyas bcom ldan ’das kyis tshe daṅ ldan pa kun (3) dga’ bo la ci’i phyir rgyal po chos ma mñan par soṅ źes smras pa daṅ | de ltar gyur ba bcom ldan ’das la źib mor gsol pa daṅ | bcom ldan ’das kyis bka’ stsal pa | kun dga’ bo khyod kyis ñes so ||  de ste rgyal po gzugs can sñiṅ po so ser thar pa thos par (4) gyur na ṅes par de sdon pas kyaṅ mṅon du dga’ bar ’gyur te | dga’ nas dga’ ba’i dbaṅ gis bya ba byed du gdon mi za’o ||  de bas na ṅas gnaṅ gis ’di ’dra ba’i skyes bu dam pa dad pa de dag la ni thos par gyis śig | gźan yaṅ rab tu phyug la ma dad | dbul la rab (5) tu dad de | bcom ldan ’das kyis bka’ stsal pa | de lta bu dag la’aṅ thos par gyis śig | gaṅ gi tshe tshe daṅ ldan pa gro źin bye ba ñi śu pa źes bya ba skya bo bseṅ bseṅ po skem źiṅ riṅ la rmya źiṅ lus ñam chuṅ bar gyur pa daṅ | bcom ldan ’das kyis gzigs te | tshe daṅ (6) ldan pa kun dga’ bo la bka’ stsal pa | kun dga’ bo ci’i phyir na gro źin bye ba ñi śu pa źes bya ba skya bo pa seṅ bsed po skem źiṅ riṅ la rmya źiṅ ñam chuṅ bar gyur | des bcom ldan ’das de daṅ po btsas nas thug pa ’ba’ źig gis lus bskyed pa lags so źes gsol (7) pa daṅ | bcom ldan ’das kyis bka’ stsal pa | kun dga’ bo de lta bas na ṅas gnaṅ gis gro źin bye ba ñi śu pa la thug pa lud cig | 
.  .  .  .  .  .  . 
de nas tshe daṅ ldan pa kun dga’ bos gro źin bye ba ñi śu pa la tshe daṅ ldan pa gro źin bcom ldan ’das kyis khyod ni thug pa ’thuṅ (183a1) śig par gnaṅ po źes bsgo ba daṅ | des smras pa | btsun pa kun dga’ bo bdag gcig pu la’am | de ste dge ’dun thams cad des smras pa | khyod gcig bu’o ||  btsun pa kun dga’ bo ’dis gleṅs pas na tshaṅs pa mtshuṅs par spyod ba (2) dag gis kyaṅ ’di skad du gro źin bye ba ñi śu ba bstan pa la rab tu byuṅ nas sṅon groṅ khyer tsam pan lo lags par gyur pa’i tshe | bal glaṅ bdun gyis draṅ ba yaṅ spaṅs te rab tu byuṅ na da thug btsam la yaṅ chags so źes zer gyis | bcom ldan ’das kyis bdag gi phyir (3) dge ’dun thams cad kyaṅ thugs gnaṅ na bdag kyaṅ gzod ’tshal bar bgyi’o źes gsol pa daṅ | de ltar gyur pa dge sloṅ dag gis bcom ldan ’das la gsol to ||  bcom ldan ’das kyis bka’ stsal pa | de ltar na gnaṅ gis gro źin bye ba ñi śu ba’i phyir dge (4) ’dun thams cad kyaṅ thug pa ’thuṅ śig | gaṅ gi tshe rgyal po gzugs can sñiṅ po bcom ldan ’das kyis dge ’dun rnams thug pa ’thuṅ bar gnaṅ ṅo źes thos nas des dge ’dun la so bon bum pa stoṅ gis btab pa’i źiṅ dag phul ba daṅ | dge sloṅ dag gis ma (5) blaṅs nas | bcom ldan ’das kyis bka’ stsal pa | dge ’dun gyi phyir na blaṅ bar bya ste de la the tshom du ma byed cig | de bas na źiṅ las byuṅ ba rnams dge ’dun gyis spyad par gyis śig | 
.  .  . 
rkyaṅ pa’i sgo gsum pa’i mdo’i tshigs su bcad pa bźi pa’o || 
. 
mdor na |
(6) gdiṅ daṅ bsñen par rdzogs pa daṅ ||
dge tshul pha daṅ gsar bu daṅ ||
sñoms źugs daṅ ni mi gnaṅ ba ||
bslab pa byin pa gñis pa’o || 
. 
saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so ||  saṅs (7) rgyas bcom ldan ’das la tshe daṅ ldan pa u pā lis źus pa | btsun pa dge sloṅ daṅ khyim pa gñis lhan cig tu gdiṅ ba gcig la mchis su ruṅ ṅam | u pā li de ni mi ruṅ mod kyi | de lta bu’i rkyen cig byuṅ na gnaṅ ṅo ||  btsun pa dge tshul pha daṅ | dge sloṅ gsar bu daṅ | (183b1) ma niṅ daṅ | za ma daṅ | dge sloṅ ma sun phyuṅ ba daṅ | pha bsad pa daṅ | ma bsad pa daṅ | dgra bcom pa bsad pa daṅ | de bźin gśegs pa la ṅan sems kyis khrag phyuṅ ba daṅ | mu stegs can daṅ | mu stegs can du soṅ ba daṅ | (2) rkun gnas daṅ | so sor gnas pa daṅ | mi gnas pa dag la sogs pa daṅ gdiṅ ba gcig gi steṅ na lhan cig tu mchis par ruṅ ṅam | u pā li de ltar ni mi ruṅ mod kyi | de lta bu’i rkyen cig byuṅ na gnaṅ ṅo de bźin du stan gcig gam | khri gcig gam | khri’u gcig gam | (3) par tad gcig tu mi ruṅ mod kyi | de lta bu’i rkyen cig byuṅ na ruṅ ṅo ||  btsun pa khyim pa daṅ stegs bu la stan btiṅ ba’i steṅ na lhan cig tu mchis par ruṅ ṅam | mi ruṅ mod kyi | de lta bu’i rkyen cig byuṅ na ruṅ ṅo ||  par taṅ dag btiṅ yaṅ mi ruṅ mod kyi de lta bu’i rkyen cig byuṅ (4) na par taṅ dag btiṅ par gyur ba’aṅ de bźin no ||  de bźin du dge tshul pha daṅ | dge sloṅ gsar bu nas so sor gnas pa’i bar du ste | de bźin du gnas la ñes pa’i dmigs ma byuṅ gi bar du lhan cig tu ’dug na ’das pa daṅ bcas par ’gyur ro ||  btsun pa bslab (5) pa stsal ba gñis śig stan gcig gi steṅ na lhan cig mchis su ruṅ ṅam | u pā li de ni mi ruṅ ṅo || 
.  .  .  .  .  .  . 
rkyaṅ ba’i sgo gsum pa’i mdo’i tshigs su bcad pa lṅa pa’o || 
. 
’dul ba gźuṅ dam pa | bam po bźi bcu rtsa gñis pa | mdor na |
mi bslaṅ pa daṅ khri’u (6) gcig ||
brel bar gyur ba’aṅ de bźin te ||
cuṅ zad brel bar gyur pa daṅ ||
rtswa daṅ śiṅ yaṅ dge ’dun gyi’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs pa’i tshe | dge sloṅ dag khri’u’i (7) steṅ na bco blag gi las byed ciṅ ’dug pa daṅ | drug sde dag de ñid du ’dug ciṅ gnod par byed de | de dag brel bźin du bslaṅ pa daṅ de dag la gnod par gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis (184a1) bka’ stsal pa | dge sloṅ btso blag gi las byed ciṅ brel bal dge sloṅ dag gis ma bslaṅ śig | bslaṅ na ’das pa daṅ bcas par ’gyur ro || 
. 
gleṅ gźi ni mñan du yod pan ste || 
. 
dge sloṅ dag zas za źiṅ ’khod pa rnams la drug sde dag (2) gis rgan rims bźin du bya’o źes bslaṅ ba daṅ | dge sloṅ dag ldaṅ du ma btub nas | bcom ldan ’das kyis bka’ stsal pa | ji ltar rgan rims bźin du ’dug śig | bcom ldan ’das kyis ji ltar rgan rims bźin du ’dug śig ces bka’ stsal pa daṅ | (3) drug sde dag phyis ’ogaśa nas dge slog sṅa ma zas za źiṅ brel ba dag bslaṅ ba daṅ | bcom ldan ’das kyis bka’ stsal pa | dge sloṅ gis dge sloṅ zas za źiṅ brel ba dag ma bsgaṅ bar gud du ’dug par bya ste | bslaṅ na ’das pa daṅ bcas pa’o ||  saṅs rgyas bcom (4) ldan ’das la tshe daṅ ldan pa u pā lis źus pa | btsun pa ji tsam gyis na dge sloṅ dag zan za źiṅ brel ba źes bgyi | bcom ldan ’das kyis bka’ stsal pa | chuṅ du lan tshwa’am | śaṅ ce’am | la phug kyaṅ ruṅ brims par gyur pa’o ||  bcom ldan ’das kyis dge sloṅ (5) zas za źiṅ brel ba la ma bslaṅ śig ces bka’ stsal pa daṅ | drug sde dag rgan rims kyis daṅ por ’dug nas | zas za źiṅ ched du brel bar byed pa daṅ | bcom ldan ’das kyis bka’ stsal pa | dge sloṅ dag gis gral ma yin par ’dug la zas za źiṅ brel bar (6) ma byed cig | byas na ’das pa daṅ bcas par ’gyur ro ||  dge sloṅ dag gral rims la mkhas par gyis śig | de las gźan du na ’das pa daṅ bcas par ’gyur ro ||  dge ’dun gyi btso blag gi bu ma pa daṅ | gźoṅ khuṅ dag dge sloṅ gis blaṅs nas btso blag gi (7) las byed pa daṅ | drug sde dag gis tshe daṅ ldan pa dag ṅed rgan pas ṅed sṅar dbaṅ ṅo źes smras nas | tshon rtsi dag pho ste khyer ba daṅ | dge sloṅ dag brel bar gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das (184b1) kyis bka’ stsal pa | dge sloṅ dag gis bum pa ’am | gźoṅ khuṅ dag brel ba la ma blaṅ bar bya ba rnams zin nas gdoṅ loṅ śig | bcom ldan ’das kyis dge sloṅ dag gis bum pa ’am | gźoṅ khuṅ dag brel ba la ma bslaṅ śig ces bka’ stsal pa daṅ | (2) drug sde dag gis bsams bźin du snod rnams tshon cuṅ zad tsam źig gis brel bar byas te bźag pa daṅ | bcom ldan ’das kyis bka’ stsal pa | tshon rtsi thams cad snod gcig gi naṅ du blugs la dgos na blaṅ bar gyis śig | dge sloṅ gis snod dag gi naṅ du (3) tshon rtsi cuṅ zad kyis brel bar bya ste ma bźag śig | bźag na ’das pa daṅ bcas par ’gyur ro || 
.  .  .  .  . 
gleṅ gźi ni mñan du yod pa na ste || 
. 
khyim bdag mgon med zas sbyin gyis dze ta’i tshal śiṅ thags kyis bskor ba daṅ | khyim bdag dag gis bcag ciṅ bcag (4) ciṅ khyer nas | bcom ldan ’das kyis bka’ stsal pa | ma bkur cig ces bsgo śig | de dag gis bsgo ba daṅ | śiṅ daṅ rtswa yaṅ bor te doṅ ṅo ||  de dag chuṅ zos nas | bcom ldan ’das kyis bka’ stsal pa | spyad du mi ruṅ ba dag na tshaṅ maṅ du skyol cig | (5) lhag ma dag ni las gsar du byar ruṅ ba’i śiṅ dag gśegs nas mer bus te btso blag gi las byed pa daṅ | bcom ldan ’das kyis bka’ stsal pa | las gsar du byar ruṅ ba’i śiṅ dag ni ma bud cig | bus (6) na ’das pa daṅ bcas par ’gyur ro || 
.  . 
rkyaṅ ba’i sgo gsum pa’i mdo’i tshigs su bcad pa drug pa’o || 
. 
mdor na |
mgon med zas sbyin gyi ni rgyan ||
’dug ba blaṅ bar mi bya’o ||
snod spyad lag na thogs pa daṅ ||
lha ma yaṅ phyi bar bya ba’o || 
. 
saṅs rgyas bcom ldan (7) ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so || 
. 
de nas khyim bdag mgon med zas sbyin gyis bcom ldan ’das kyis de ste gnaṅ na bdag gis dze ta’i tshal yaṅ dbul bar bgyi’o źes gsol pa daṅ | bcom ldan ’das (185a1) kyis bka’ stsal pa | khyim bdag ṅas gnaṅ gis phul cig | des śiṅ gaṅ pho’i miṅ du bya ba la ni pho’i rgyan gyis brgyan | gaṅ mo’i miṅ du bya ba la ni mo’i rgyan gyis brgyan pa daṅ | dge sloṅ dag gis ji ltar bya ba mi śes nas | de ltar gyur pa dge sloṅ (2) dag gis bcom ldan ’das la gsol pa daṅ | bcom ldan ’das kyis bka’ stsal pa | khyim bdag ñid la dris śig | de dag gis khyim bdag ñid la dris pa daṅ | des smras pa | ’phags pa ji ltar bsṅes pa de bźin du mdzod cig | de ltar gyur ba dge sloṅ dag (3) gis bcom ldan ’das la gsol pa daṅ | bcom ldan ’das kyis bka’ stsal pa | gaṅ śiṅ pho’i miṅ du bya ba daṅ | gaṅ śiṅ mo’i miṅ du bya ba rnams kyi rgyan so sor bsdus la phum por byos te źog śig | nam dus ston gyi tshe yaṅ de bźin du brgyan par gyis śig | (4) rtsig pa’i ni ri mo’i yo byad du byos śig | bsro khaṅ gi rtsig pa daṅ | ka ba dag gi ni las gsar du byos śig | de’i sa’i ni dge ’dun gyi snaṅ mar byos śig | nad pa’i sman khaṅ gi rtsig pa daṅ | ka ba’i de dag ni las gsar du byos śig | de’i sa’i sman gyi yo byad (5) byos śig | tshaṅ maṅ gi rtsig pa daṅ ka ba’i ni de dag las gsar du byos śig | de’i sa’i ni dge ’dun gyi bśos su gyis śig | chu gaṅ gi rtsig pa daṅ | ka ba’i las gsar du gyis śig | de’i sa’i ni skom du brims śig | dugs khaṅ gi rtsig pa daṅ | (6) ka ba’i ni de’i las gsar du gyis śig | de’i sa’i ni dugs khaṅ du gyis śig | bkad sa’i khaṅ pa’i rtsig pa daṅ | ka ba dag gis ni las gsar du gyis śig | de’i sa’i ni snum pa’i zoṅ gyis śig | khyams daṅ | stegs bu daṅ | ’chag sa daṅ | sgo (7) khaṅ daṅ | yaṅ thog gi rtsig pa daṅ | ka ba dag gis ni las gsar du gyis śig | de’i sa’i ni dge ’dun spyir bgos śig | gaṅ rdziṅ bu’i ba de ni phyogs bźi’i dge sloṅ gi dge ’dun gyi sbyir źog śig | dge sloṅ spoṅ ba’i khaṅ bu’i naṅ na ’dug ciṅ dge ba’i (185b1) tshogs spyod pa daṅ | drug sde dag der ’oṅs nas ṅed rgan no źes zer nas de dag bslaṅ ste btaṅ ba daṅ | bcom ldan ’das kyis bka’ stsal pa | rgan rims so źes dge sloṅ gis dge sloṅ ’khod pa la ma bslaṅ śig | bslaṅ na ’das pa daṅ bcas par (2) ’gyur ro ||  dge sloṅ dag bya ba byas nas stan las laṅs te ’chag ciṅ ’dug bźin du gźan gyis stan blaṅs nas ma ster nas dge sloṅ dag brel bar gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa (3) bya ba byas nas stan las laṅs na stan ma ’dzin cig | dge sloṅ dag riṅ źig tu stan las ’dug nas laṅs te ’chag pa daṅ | de’i sar drug sde dag ’dug nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | (4) der ma ’dug śig | laṅs te ’chag tu ’gro na yaṅ de’i steṅ du chos gos sam | bus ’khyud cig źog la tshogs śig | 
.  .  . 
gleṅ gźi ni mñan du yod pa na ste | 
. 
dge sloṅ dag snod rnams thogs bźin du gtsug lag khaṅ du ’oṅs pa daṅ | 
. 
de nas dge sloṅ gcig gis (5) thogs bźin du phyag byas pa daṅ | de’i ril ba chag par gyur to ||  gźan źig kyaṅ khaṅ bzaṅs kyi ka ba la lha ma brdabs pa daṅ | dge sloṅ dag ’phya bar gyur nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ (6) stsal pa | ṅas dge sloṅ lam du ’jug pa’i mtshuṅs par spyod pa’i chos bca’o ||  dge sloṅ lam du ’jug pas chu mthoṅ na lhuṅ bzed daṅ chos gos phog ste phyogs gcig tu źog la | 
.  .  . 
de nas gos dag kyaṅ sbrugs te khrus la (7) chu yaṅ chu chags kyis tshogs te ra da gśer bas lham phyis la  de’i ’og tu lag pa bsñal nas bla ’og gi ba go ba legs par gyon la spyod lam źi bźin gtsug lag khaṅ du ’gro bar bya’o | de las gźan du na ’das pa daṅ bcas par ’gyur ro || 
.  . 
rkyaṅ pa’i sgo gsum (186a1) pa’i mdo’i tshigs su bcad pa bdun pa’o || 
. 
mdor na |
spu gri’i bdar daṅ sen mo bcad ||
smaṅ tsher rkaṅ ba’i rten daṅ ni ||
bśaṅ bar bya daṅ gci ba’i gnas ||
bya ba byas pa mi bcaṅ ṅo || 
. 
saṅs rgyas bcom ldan ’das mñan du yod pa’i dze ta’i (2) tshal mgon med zas sbyin gyi kun dga’ ra ba na bźugs so ||  bcom ldan ’das kyis dge ’dun gyi phyir spu gri’i snod choṅs śig ces bka’ stsal pa daṅ | drug sde dag gis dge ’dun gyi spu gri khyer te bya ba byas kyaṅ spu gri blaṅs nas da duṅ bya ba yod ces zer nas spu gri ma ster ro ||  de ltar (3) gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | spu gri bya ba byas nas ma ’chaṅ śig | bcaṅs na ’das pa daṅ bcas par ’gyur ro ||  spu gri ji lta ba de bźin du bdar daṅ | sen mo bcad pa daṅ | smaṅ tsher daṅ | rkaṅ pa (4) brten pa rnams so ||  drug sde de dag gis gci ba’i gnas su źugs te bya ba byas kyaṅ da duṅ yaṅ slar ’jug go źes smras nas | dge sloṅ lhags pa’i rnams ’jug tu mi ster to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das (5) kyis bka’ stsal pa | dge sloṅ gis gci ba’i gnas su źugs te bya ba byas na dge sloṅ dag la ma bgags śig bgags na ’das pa daṅ bcas par ’gyur ro ||  bśaṅ ba’i sar yaṅ de bźin no || 
.  .  .  .  .  .  . 
rkyaṅ pa’i sgo gsum pa’i mdo’i tshigs su bcad pa brgyad pa’o || 
. 
mdor na |
(6) g-yog daṅ dus ston chen po daṅ ||
rñog pa can gyi chu daṅ ni ||
phye las brdzis daṅ skyo ma daṅ ||
sder bsdus de bźib bsgrags pa’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  khyim bdag mgon (7) med zas sbyin gyis bcom ldan ’das kyis de steg nag na bdag gis sen mo daṅ dbu skra’i mchod rten la dus ston chen po bgyi’o źes gsol pa daṅ | bcom ldan ’das kyis bka’ stsal pa | de ltar na gnaṅ gis gyis śig | bcom ldan ’das kyis dbu skra daṅ sen mo’i mchod (186b1) rten la dus ston gsol cig ces bka’ stsal pa daṅ | dge sloṅ dag dus ston chen po’i tshe ’dus nas de dag rdziṅ bu’i naṅ du lhuṅ bzed rnams bkrus pa daṅ | gtsug lag khaṅ na gnas pa daṅ | dge bsñen dag gis kyaṅ mar daṅ | ’bru mar daṅ | źo daṅ | sbruṅ rtsi’i (2) bum pa rnams kyaṅ rdziṅ du bkrus pas na lhuṅ bzed rnams daṅ bum pa de rnams kyi snum dag gis chu’i steṅ du źag chags par gyur te | de la dge sloṅ dag the tshom skyes nas chu mi ’thuṅ ṅo ||  de ltar gyur pa dge sloṅ dag gis bcom ldan ’das la gsol pa daṅ | bcom ldan (3) ’das kyis bka’ stsal pa | des zas kyi bya ba byed mi nus kyis dkrugs la ’thuṅ śig | de la the tshom du ma byed cig | chu de kho ra kho ra yug tu skye bo maṅ po dag gis dkrugs pas na thams cad kyaṅ rñog pas gaṅ ste gdoṅ gi gzugs brñan yaṅ mi snaṅ bar gyur | chu (4) tshags kyaṅ rñeg pas ’gags nas chu mi zag pa daṅ | de dag la gnod par gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gaṅ na gdoṅ gi gzugs brñan mi snaṅ ba der lhuṅ bzed chuṅ ṅu’am (5) snod gźan gyi chus la śiṅ tog ka ta ka’i ’bras bu chug ste skad cig sdod la rtogs śig daṅ ṅes par gdoṅ gi gzugs brñan yaṅ snaṅ bar ’gyur ro ||  de lta bu med na zan gyi chaṅ bu chug śig | de snum med pas źigs pa daṅ | bcom ldan ’das kyis bka’ stsal pa | (6) phyi mar du gyis la der chug śig | chu ba tshwa can du gyur nas dge sloṅ dag the tshom skyes pa daṅ | bcom ldan ’das kyis bka’ stsal pa | de ste des lan tshwa’i bya ba byed nus na byin len byos la ’thuṅ śig | de ste bya ba byed mi nus na chus la ’thuṅ śig | de la the tshom (7) du ma byed cig | 
.  .  .  .  . 
rkyaṅ pa’i sgo gsum pa’i mdo’i tshigs su bcad pa dgu ba’o || 
. 
mdor na |
chu daṅ źo las chur gyur daṅ ||
bum pa bum bu’aṅ de bźin te ||
lag pa bsñal nas ’thuṅ ba daṅ ||
dge tshul pha la’aṅ rnam bźir bya ||
lhuṅ bzed daṅ ni gdoṅ (187a1) bkru daṅ ||
bsod sñoms pa la rnam pa gñis ||
rgyags daṅ ’bras bu me tog dag ||
phoṅs na ruṅ gis bza’ bar bya’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  (2) dge sloṅ dag khron pa’i naṅ nas chu bcus te de dag gis btsags na ’bras can brul ma daṅ khur pa’i du ma bu dag byuṅ ṅo | de dag the tshom skyes nas chags pa daṅ du ma bu dag kyaṅ ’khru bar gyur nas de ltar gyur pa dge sloṅ dag gis bcom ldan ’das la gsol pa daṅ | bcom (3) ldan ’das kyis bka’ stsal pa | ṅes kha zas kyi bya ba byed mi nus kyis phyuṅ ste bor la tshogs śig | de la the tshom du ma byed cig | dge sloṅ dag rdziṅ nas chu ’chu ba daṅ der chu’i bum pa daṅ sbraṅ rtsi’i bum pa dag bkrus pa daṅ | dge sloṅ dag gis kyaṅ lhuṅ bzed snum (4) can dag bkrus so ||  de dag gi snam gyis chu’i steṅ źag tu chags par gyur | źo’i ’brum bu dag kyaṅ snaṅ bar gyur nas | dge sloṅ dag the tshom skyes te ma bcus pa daṅ | bcom ldan ’das kyis bka’ stsal pa | des kha zas kyi bya ba byed mi nus kyis chus śig | (5) phyi dro mi’i ’thuṅ nas bcom ldan ’das kyis bka’ stsal pa | ’thuṅ śig bum pa daṅ rim bdag gi naṅ du mi ldugs te | bcom ldan ’das kyis bka’ stsal pa | der lugs śig dge sloṅ dag cag lam du źugs te doṅ ba daṅ | de na chu med de khyim bdag gis snod nas chu (6) ’gron pa maṅ po la byin pa daṅ | dge sloṅ dag gis ’thuṅ du ma btub ste | bcom ldan ’das kyis bka’ stsal pa | de ste gźan med na rtogs la ’thuṅ śig | de dag bum pa daṅ ril ba’i naṅ du mi ldugs pa daṅ | bcom ldan ’das kyis bka’ stsal pa | der yaṅ (7) lugs śig | phyi dro mi ’thuṅ ba daṅ | bcom ldan ’das kyis bka’ stsal pa | ’thuṅ śig lam na rdo chu sgrom yod pa daṅ | dge sloṅ dag the tshom skyes te chu ma blaṅs pa daṅ | bcom ldan ’das kyis bka’ stsal pa | dge sloṅ rnams rdo chu sgrom ni bkru bkru ba yin (187b1) gyis | rtogs la ’thuṅ śig | ril ba daṅ bum pa dag tu mi ldugs pa daṅ | bcom ldan ’das kyis bka’ stsal pa | der yaṅ lugs śig | phyi dro mi ’thuṅ ba daṅ | bcom ldan ’das kyis bka’ stsal pa | ’thuṅ śig | de la the tshom du ma byed cig | de (2) bźin du śiṅ sgrom daṅ rgyal pa’i naṅ na ’dug pa yaṅ rtogs la ’thuṅ śig | phyi dro daṅ | ril pa daṅ | bum pa’i naṅ du yaṅ lugs śig | de la the tshom du ma byed cig | dge sloṅ dag gis dge ’dun la chu brims pa daṅ | de na dge sloṅ dag gis tshe daṅ ldan pa chu rgyun lhuṅ (3) bzed gyi naṅ nas ma chad pas na bźag par gyur to źes smras te | de dag gis ma blaṅs so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khu ba thams cad kyi rgyud ni thur du ’bab kyi sñeṅ du mi ’gyur (4) gyis ’thuṅ la de la the tshom ma byed cig | de bźin du ’o ma daṅ | źo daṅ | źo’i chu daṅ | dar ba daṅ | rtsab mo daṅ | tshwa la sogs pa la rgyas par brjod do || 
.  .  .  . 
gleṅ gźi ni mñan du yod pa na ste | 
. 
dge sloṅ dag ljoṅs rgyu źiṅ spyod pa las ba laṅ gi lhas su phyin pa daṅ | de dag la (5) de na chu med de | de dag gis źo’i chu byin pa daṅ | dge sloṅ de dag the tshom skyes nas mi ’khru’o ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gaṅ na chu med pa źo’i chu daṅ | dar ba daṅ bas khrus śig | de (6) la the tshom du ma byed cig | dge sloṅ dag gis pa laṅ rdzil bum pa brñas pa daṅ | de dag gis mar gyi bum pa daṅ | ’o ma’i bum pa dag rñed na de dag the tshom skyes nas ma blaṅs so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das (7) kyis bka’ stsal pa | dge sloṅ dag bum pa la rnam pa lṅa ste | bśaṅ ba’i bum pa daṅ | gci ba’i bum pa daṅ | chaṅ gi bum pa daṅ | ’bru mar gyi bum pa daṅ | mar gyi bum pa’o ||  de la sṅa ma gsum ni ma bźag pa yaṅ ma bźag śig | gźag na ni rgyaṅ riṅ (188a1) por bor cig | ’byu mar gyi bum pa daṅ | mar gyi bum pa ni me’i naṅ du bsregs la 
.  .  .  . 
de nas lci ba’i ril bu’am | ba laṅ gi lci bas ruṅ bar gyis la chu chus te | de sṅa dro daṅ phyi dro yaṅ spyod cig | de la the tshom du ma byed cig | 
. 
gleṅ gźi ni mñan du yod (2) pan ste | 
. 
dge sloṅ gźan źig gis bum pa’i naṅ nas chu ’thuṅs pa daṅ | buṅ pas zos so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag bum bu’i naṅ nas chu ma ’thuṅ śig | ’thuṅ (3) na ’das pa daṅ bcas par ’gyur ro ||  sṅar lag pa sñol la kha khrus te | gdod chu ’thuṅ śig | bum bu’i kha gab med par ma bźag śig | de bas na ṅas gnaṅ gis bum pa’i kha gab choṅs śig bcom ldan ’das kyis bum bu’i kha gab choṅs śig ces bka’ stsal na | (4) dge sloṅ dag gis kha gab ji lta bu bcaṅ ba mi śes nas | bcom ldan ’das kyis bka’ stsal pa | śiṅ las byas pa’am | rdo las byas pa’am | sa las byas pa’o ||  bcom ldan ’das kyis lag pa sñol la chu ’thuṅ śig ces bka’ stsal na | lam du źugs pa dag (5) gcig pha chu ñuṅ bar gyur nas | bcom ldan ’das kyis bka’ stsal pa | ’dab ma raṅ lhags pa tshol la de’i naṅ nas ’thuṅ śig | de yaṅ med par gyur nas | bcom ldan ’das kyis bka’ stsal pa | bag yod bźin du śiṅ la chags pa las ’thuṅ śig | de yaṅ (6) med par gyur nas | bcom ldan ’das kyis bka’ stsal pa | dben par ’dug la bum bu ñid nas ’thuṅ śig | gźan gyis ma mthoṅ ba daṅ mdzes par gyis śig | dge sloṅ dag ṅas phoṅs pa na gnaṅ pa de ma phoṅs pa’i tshe nam spyod cig | spyad na ’das pa daṅ (7) bcas par ’gyur ro || 
.  .  .  . 
gleṅ gźi ni mñan du yod pan ste | 
. 
dge sloṅ dag ljoṅs rgyu ba spyod ciṅ doṅ ba las de dag gis rgyags dge tshul pha dag la bskur ba de dag ma theg nas de dag gis theg la bskur cig ces smras pa daṅ | dge sloṅ dag the tshom skyes nas ma bteg (188b1) go ||  der ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | theg śig dge tshul pha dag ṅal nas phog ste slaṅ źes smras pa daṅ | dge sloṅ dag gis ma phog nas | de ltar gyur pa dge sloṅ dag gis bcom ldan (2) ’das la gsol pa daṅ | bcom ldan ’das kyis bka’ stsal pa | phog śig dge tshul phas ma bzuṅ bźin gdeg pa daṅ | dbab pa dag byas nas | bcom ldan ’das kyis bka’ stsal pa | dge tshul phas ma gzuṅ bar gdeg pa daṅ | dbab pa ma byed cig | dge (3) tshul pha dag gis bdag cag chad de ṅal bsos khyed kyis cuṅ źig khyer cig ces smras pa daṅ | dge sloṅ dag gis ma khyer pa daṅ | bcom ldan ’das kyis bka’ stsal pa | tha gus bciṅs la tha gu’i rtse mo dge tshul phas zuṅ ste phyi bźin ’braṅ du chug la dge sloṅ gis (4) khyer cig | dge sloṅ dag the tshom skyes nas de la mi za ba daṅ | bcom ldan ’das kyis bka’ stsal pa | de la the tshom du ma byed par zo śig | dge sloṅ ’gron pa maṅ po daṅ lhan cig tu ’grogs te lam du źugs pa daṅ | ’gron pa maṅ po dag rkun pos bcom pa daṅ | (5) dge tshul gyis rgyags rnams por nas bros te doṅ ṅo ||  dge sloṅ dag gi rgyags ma khyer nas de ñid na bor źiṅ ’dug pa daṅ | ’gron pa maṅ po dag gis ’phags pa khyed kyi rgyags ni rkun pos ma khyer ro źes smras pa daṅ | dge sloṅ dag dge tshul pha dag la deṅ la rgyags (6) loṅ ste śog śig ces smras pa daṅ | de dag skra gnas ’doṅ du ma btub ste khyed ñid ci’i phyir mi ’doṅ | ṅed cag rkun pos gsad med ces smras pa daṅ | de ltar gyur pa dge sloṅ dag gis bcom lan ’das la gsol pa daṅ | bcom ldan ’das kyis bka’ stsal pa | (7) loṅ la gzod dge tshul phas byin cig | dge sloṅ dag gis the tshom skyes nas de dag ma zos pa daṅ | bcom ldan ’das kyis bka’ stsal pa | de la the tshom du ma byed par zo śig | kluṅ rgal bar gyur pa daṅ | bcom ldan ’das kyis bka’ stsal pa | dge tshul pha dag (189a1) la khyed ñid kyis khyer te rgal bar nus sam źes dris la de ste nus źes zer na legs so ||  de ste mi nus so źes zer na rgyags bdag cag gis khyer la rgo la cig | de la dge sloṅ dag gis rgyags ṅag pha rol du bsgral bar bya na dge tshul phas bsgral ba (2) gyis la brtag par gyis śig | de ste dge tshul pha yaṅ mi nus na dge sloṅaja dag gis rgyags pha rol du sgrol la |  de’i ’og tu dge tshul pha yaṅ bsgral bar gyis śig | de ste gñi gar nus na dge tshul pha daṅ | rgyags lhan cig tu bsgral bar gyis śig | gñi ga lhan (3) cig tu bsgral pa dge sloṅ rnams the tshom skyes nas ma zos so ||  de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de la the tshom du ma byed par bza’ bar gyis śig | bcom ldan ’das kyis dge sloṅ (4) dag lhuṅ bzed du tho śig ces bka’ stsal pa daṅ | dge sloṅ źig gis lhuṅ bzed bkrus nas mthe bos brdabs na sgra mi gsaṅ nas | dge sloṅ de la the tshom skyes nas | bcom ldan ’das kyis bka’ stsal pa | skyu med par lan gñis lan gsum du bkru bas (5) khrus la mthe bos brdabs na sgra gsaṅ bar byuṅ na | de la the tshom du ma byed par zo śig | dge sloṅ gźan źig gis lhuṅ bzed bkrus te | de bu ga na zas kyi tshigs ma źig mthoṅ ba daṅ | de the tshom skyes nas | bcom ldan ’das kyis bka’ stsal pa | de la śiṅ (6) bus brus te lan gsum gyi bar du rab tu khrus la de la the tshom du ma byed cig | dge sloṅ gźan źig gis yaṅ lhuṅ bzed gas pa źig gi naṅ du khu ba dron po źig blaṅs pa daṅ | de’i ’phro nas snum byuṅ ba daṅ | źag steṅ du byuṅ ba daṅ | dge sloṅ de the tshom skyes nas | (7) bcom ldan ’das kyis bka’ stsal pa | steṅ gi źag źoms la btuṅ bar gyis śig | dge sloṅ cig rluṅ nad kyis btab nas des phyi dro khu ba źig ’thuṅs te | nub kar lhuṅ bzed de’i naṅ du skom btuṅ źes byas pa daṅ | lhuṅ bzed kyi naṅ du snum laṅs nas (189b1) de’i steṅ du źag chags pa daṅ | dge sloṅ de the tshom skyes nas skom yaṅ ma ’thuṅs so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | lag pa daṅ kha bkrus nas snam źoms te ’or te de la the tshom du ma (2) byed par ’thuṅ śig | bcom ldan ’das kyis kha khrus śig ces bka’ stsal na | dge sloṅ dag kha cis bkru ba mi śes nas | bcom ldan ’das kyis bka’ stsal pa | lci ba’am sa ’am śiṅ gi śun phrags la sogs pa gźan gyis so ||  saṅs rgyas bcom ldan ’das (3) la tshe daṅ ldan pa u pā lis źus pa | btsun pa ji tsam gyis kha bkrus pa źes bgyi | bcom ldan ’das kyis bka’ stsal pa | kha daṅ rma gñis mtshuṅs te rtag tu zag pas ma ’bags pa mi nus mod kyi lan gsum du kha bkrus te chu bor ba ni kha bkrus pa źes bya’o ||  dge (4) sloṅ cig gis bsod sñoms bslaṅs te gnas khaṅ du bźag nas phyi rol du byuṅ ba daṅ | khyim bdag gźan źig gis de’i steṅ du zas śig blugs te bźag pa daṅ | ji tsam bsod sñoms pa de slar ’oṅs na bsod sñoms kyi steṅ na zas gźan źig blugs par mthoṅ (5) ste | de the tshom skyes te zan ma zos so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste byin len byed pa yod na byin len byos la zo śig | de ste med na steṅ gi sar pa de log śig tu ’or la the (6) tshom du ma byed par zo śig | dge sloṅ gźan źig gis bsod sñoms blaṅs nas gnas khaṅ du bźag ste | phyi rol du soṅ ba daṅ | de khyim pa źig gis reg par mthoṅ ste dge sloṅ de the tshom skyes nas ma zos so ||  de ltar gyur pa dge sloṅ dag gis bcom ldan ’das la (7) gsol pa daṅ | bcom ldan ’das kyis bka’ stsal pa | khyim bdag de la ci’i phyir reg ces dris la | des rtswa sbraṅs ma dag bsal ba’i phyir re gces zer na byin len byos la zo śig de ste ’dod pa’i phyir reg go źes zer na de yaṅ phyed mar gos la byin len byos te de la (190a1) the tshom du ma byed par zo źig | bcom ldan ’das kyis dge sloṅ dag rgya gas khyer cig ces bka’ stsal na | khyim pa daṅ dge tshul pha dag med nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis (2) bka’ stsal pa | sbyin pa’i bdag po spro ba skyed cig | sbyin bdag kyaṅ med na bdag ñid kyis slar khyer la de khyim pa daṅ rjes la zo śig | de ste de la med na skal ba gñis su chod la khyim pa la byin te | des khyer na ni de’i skal ba slar sloṅs te byin len byos la zo śig | (3) bdag gi skal pa ni de la byin cig | de ste de ltar yaṅ ma ’byor na ñi ma daṅ po’i tshe ni bsñuṅ bar ’dug śig | phyi de ñin par byin len byed pa med na stag gi spar thabs gcig zo śig | yaṅ phyi de ñin mo yaṅ byin len byed pa med na stag gi spar thabs gñis zo śig | de ste źag (4) bźi’i ñin mo yaṅ byin len byed len byed pa med na ji tsam ’graṅs pa’i bar du zo śig | de la the tshom du ma byed cig | de ste rgyags med na ’bras bu raṅ lhuṅ ba de loṅs la gdugs tshod la bab kyi bar du khyer te soṅ la de ste khyim pa daṅ phrad na skal pa gñis su chod la gcig ni de la byid (5) te | de’i skal bslar bdag gis sloṅs la ruṅ bar byos te zo śig | bdag gi de phyin cig | de ste ma phrad na sṅa dro ’am | phyi dro yaṅ ruṅ | ruṅ bar bya ba’i phyir sgyu mid na srog daṅ ’bral bas | the tshom du ma byed par zo śig | de ste yaṅ lhuṅ ba med na śiṅ la ’dzegs te (6) thogs śig | yaṅ na sprugs la byad phyogs kyi dus su bsṅos te zo śig | de bźin du rtsa ba la sogs pa yaṅ sa la sa raṅ gis brkos te phyuṅ la the tshom du ma byed par zo śig | ṅas khyed la phoṅs pa’i tshe gnaṅ pa de ma phoṅs pa’i tshe ma spyod cig | spyad na ’das pa daṅ (7) bcas par ’gyur ro || 
.  .  .  .  .  .  .  .  .  .  . 
rkyaṅ pa’i sgo gsum pa’i mdo’i tshigs su bcad pa bcu ste sgo gsum pa rdzogs sto | 
. 
mdor bsdus pa ste |< br/>sa bon bum pa rkun po rku ba daṅ ||< br/>lus kyis reg pa de bźin te ||< br/>’bras can lan tshwa soṅ ba daṅ ||< br/>bu ram śiṅ daṅ rkun (190b1) ’bru daṅ ||< br/>glo bur ’oṅs daṅ gnas pa’o || 
. 
mdor na |
sa bon dum pa śiṅ rta gru ||
khur daṅ ’o ma tshoṅ pa de bźin te ||
bya rog sgraṅ ma btso blag las ||
u pā li bźi chog kun śes pa’o || 
. 
saṅs rgyas bcom ldan ’das rgyal po’i khab bya ka lan da ka gnas | (2) na bźugs te | gaṅ gi tshe rgyal po gzugs can sñiṅ pos bum pa stoṅ gis bon btab pa phul ba de’i tshe dge sloṅ dag gis de’i thog zos nas źiṅ yaṅ tha bar bor te rtswa ku śa’i gnas su gyur to || 
. 
de nas rgyal po gzugs can sñiṅ po phyi rol du byuṅ bas de dag mthoṅ nas | (3) des blon po la kye sus ’di ltar źiṅ kun tha bar por nas ku śa’i gnas su gyur ces smras pa daṅ | des lhas ’phags pa dag la bum pa stoṅ gi sa bon gyis btab pa phul ba da de dag gis legs par blaṅs pa de dag gzigs mod ces smras pa daṅ | rgyal bos ji ’phags pa de dag (4) gis thun śas su yaṅ ma btaṅ ṅam źes de dag gis dge sloṅ dag la smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge ’dun gyi źiṅ dag ni thun śas su thoṅ śig | dge sloṅ dag gis thun (5) śas su byin no ||  źiṅ pas źiṅ gśin pa’i rnams ni thams cad bdag cag khyer yaṅ de dag gis skal ba ma blaṅs pa daṅ | de ltar gyur pa dge sloṅ dag gis bcom ldan ’das kyis bka’ stsal pa | źiṅ śas kyi skal ba loṅ śig | (6) dge sloṅ dag gis blaṅs te de ñid du bźag nas | bcom ldan ’das kyis bka’ stsal pa | skal pa gtsug lag khaṅ du skyos śig ces gsuṅs pa daṅ | sṅar źiṅ pa ñid kyis der bskyas so || 
.  . 
de nas bcom ldan ’das kyis bka’ stsal pa | sṅon du źiṅ bdag gis der (7) stsos śig | de dag skyed pa na yaṅ brkus so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | sruṅ ba’i dge sloṅ gis grogs ma (191a1) byas pa daṅ | khyim pa dag mi dga’ bar gyur nas smras pa | ’phags pa ’di ni ci khyed cag gi na khyed kyis ci’i phyir grogs mi bya | des smras pa | bcom ldan ’das kyis ma gnaṅ ṅo ||  de ltar gyur pa dge sloṅ dag gis bcom ldan ’das la (2) gsol pa daṅ | bcom ldan ’das kyis bka’ stsal pa | śiṅ rta la phyugs ’debs pa’i sa ma gtogs par der bskyab daṅ źiṅ pa’i grogs gyis śig | dge sloṅ gźan źig na bar gyur nas | śiṅ rta pa dag gis śiṅ rta’i steṅ du źon cig ces smras pa daṅ | de the tshom (3) skyes nas bźon nas | bcom ldan ’das kyis bka’ stsal pa | nan śiṅ rta la źon cig | de la the tshom ma byed cig | gru’i naṅ na ’thun śas kyi skal pa skyed pa las gru yaṅ chag par gyur nas | dge sloṅ dag gis grogs ma byas pa daṅ | khyim bdag mi dga’ bar gyur (4) nas smras pa | ’di ni khyed kyi na | khyod kyis ci’i phyir grogs mi bya | de dag gis smras pa | bcom ldan ’das kyis ma gnaṅ ṅo ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | gru’i dṅo ma gtogs (5) bar phul ba’i grogs daṅ źiṅ ba’i grogs gyis śig | dge sloṅ gźan źig yaṅ kluṅ gi ’gram nas soṅ ba las na bar gyur nas mñan pas ’phags pa ’di’i naṅ du źugs źes smras pa daṅ | de the tshom skyes nas naṅ du ma źugs so ||  de ltar gyur pa dge sloṅ dag gis (6) bcom ldan ’das la gsol pa daṅ | bcom ldan ’das kyis bka’ stsal pa | dṅo ma gtogs par naṅ du źugs pa de la the tshom ma byed cig | gźan yaṅ khur gyis bskyas pa las de chad par gyur nas | des ’phags pa ’di mar phob śig ces smras pa daṅ | dge (7) sloṅ dag the tshom skyes nas ma phog go ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | phog cig | dge sloṅ dag gis phab nas slar ma bteg pa daṅ | bcom ldan ’das kyis bka’ stsal pa | ji ltar phog (191b1) pa bźin du theg cig | lha gaṅ gi sgor por te doṅ ba daṅ | ma byin par len pa dag gis brkus nas | bcom ldan ’das kyis bka’ stsal pa | naṅ du skyos śig | dge sloṅ gis sus naṅ du bskya ba mi śes nas | bcom ldan ’das kyis bka’ stsal pa | khyim (2) bas so ||  khyim pa med na dge tshul phas so ||  dge tshul pha yaṅ med nas | bcom ldan ’das kyis bka’ stsal pa | bdag cag ñid kyis naṅ du skyos śig | dge sloṅ dag gis bskyas nas bdag gis bskyas pa yin no sñam nas ma zos pa daṅ | de ltar gyur pa dge sloṅ (3) dag gis bcom ldan ’das la gsol nas | bcom ldan ’das kyis bka’ stsal pa | de la the tshom ma byed par zo śig | dge ’dun gyi zaṅs kyi naṅ du me cher ’bar bas ’o ma la sogs pa ni khol | ruṅ bar byed pa ni sgor soṅ nas bo ba daṅ | bcom ldan ’das kyis (4) bka’ stsal pa | de phyi rol du ma ’gro śig | de ste rkyen cig byuṅ nas phyi rol du soṅ na mgal pa dag phyir droṅs śig | ’on kyaṅ de bźin du lud pa daṅ | bcom ldan ’das kyis bka’ stsal pa | mdag ma dag phyir dbyuṅ bar gyis śig | mdag ma phyir phyuṅ yaṅ lud pa daṅ | (5) bcom ldan ’das kyis bka’ stsal pa | chos gos kyi tha mas g-yobs śig | ’on kyaṅ lud par gyur nas bdag ñid kyis gzar bu loṅ la dkrug par gyis śig | dge sloṅ dag ṅas phoṅs pa la gnaṅ ba de ma phoṅs pa’i tshe ma spyod cig | spyad na ’das pa daṅ bcas par (6) ’gyur ro ||  de bźin du sman dag kyaṅ dge tshul pha’am | lha gaṅ na gnas pas dkrug par gyis śig | de yaṅ phyi rol du soṅ na de’i thabs sṅa ma bźin no || 
.  .  .  .  .  .  .  .  . 
gleṅ gźi ni mñan du yod pa na ste | 
. 
tshoṅ pa maṅ po dag cig gis saṅs rgyas daṅ | dge sloṅ gi dge ’dun la (7) sogs pa bśos la spyan draṅs so ||  de dag gis bśos sbyar te dro sar bskyas nas ma draṅs kyi bar du tshoṅ khaṅ du me śor te de dag me gsod du soṅ ba daṅ | gdugs tshod yol la thug nas | dge sloṅ dag gis ji ltar gyur pa bcom ldan ’das la gsol pa daṅ | bcom ldan (192a1) ’das kyis bka’ stsal pa | de’i sems kyis yoṅs su btaṅ bas na | dge sloṅ dag de la the tshom ma byed par bza’ bar bya’o ||  zos nas byaṅ gi sgra mi sñan gyi dus su byin gyis rlobs śig | dge ’dun gyis dro sar bya rog mchus zas la reg pa daṅ | (2) dge sloṅ dag the tshom skyes nas zan ma zos so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | mchu’i than kor ’or la de la the tshom ma byed par zo śig | dge sloṅ dag gis lhuṅ bzed kyi kha zas kyi naṅ du bya rog (3) gis reg nas de dag kha zas ma zos pa daṅ | bcom ldan ’das kyis bka’ stsal pa | de’i mchu’i than kor ’or la the tshom ma byed par bza’ bar gyis śig | tshe daṅ ldan pa nam gru ci la yaṅ the tshom za ste | nam gru the tshom can nam gru the tshom can źes miṅ du gyur to ||  de bśaṅ (4) sar ’oṅs pa daṅ | spraṅ ma źig mthoṅ ṅo ||  phyis yaṅ de daṅ ’dra ba źig bskos na zas kyi steṅ na ’dug pa mthoṅ ba daṅ | des tshe daṅ ldan pa dag bśaṅ sa na mthoṅ ba’i spraṅ ma des ’dir ’oṅs te kha zas la ’bags te ma ruṅ bar byas so źes smras pa daṅ | de thos pa daṅ (5) dge sloṅ maṅ źig gis zas ma zos par gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ rnams sbraṅ ma ni mthon dman kun du rgyus des gaṅ du reg pa de ’or la de la the tshom du ma byed par (6) zo śig | dge sloṅ dag tshon rtsi’i las byed de | de dag sems ’khrul pas tshon rtsi’i bum pa yin no sñam nas des dge ’dun gyi ’bru mar gyi bum pa daṅ | mar gyi bum pa dag steṅ du bteg ste khyer ba daṅ | de na gaṅ gi tshe ṅo śes pa de’i tshe na ’greṅ bźin du bor nas chag pa (7) pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | thaṅ ma skas la ’dzegs pa las cuṅ zad tsam źig ni ’dzegs maṅ du las na slar bo bas la gnas gar bde bar ma ’gyel bar źog śig | de ste (192b1) thaṅ ma skas la maṅ du ’dzegs la thuṅ du ’dzeg dgos na steṅ du ’dzegs la gnas bde par ma ’gyel par źog śig | dge sloṅ dag the tshom skyes nas ma zos pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | (2) de la the tshom ma byed par zo śig | saṅs rgyas bcom ldan ’das la tshe daṅ ldan pa u pā lis źus pa | btsun pa bźag pa rnam pa du ’tshal du ruṅ | u pā li rnam pa gñis kyis te | ṅo tsha ba med ciṅ bslab pa la mi mos pa daṅ | gaṅ la ṅo tsha yod kyaṅ dran pa ñams pa ste | (3) de gñis kyis bźag pa ruṅ gis gñi ga zo śig | bcom ldan ’das kyis bka’ stsal pa | byol soṅ gi skye gnas su gyur pa’i sems can la sbyin pa byin na ni rnam par smin pa brgyar re bar bya’o ||  tshul khrims ṅan pas zin pa’i mi la sbyin pa byin na ni rnam par smin pa stoṅ du re (4) bar bya’o ||  tshul khrims daṅ ldan pa’i skyes bu gaṅ zag la sbyin pa byin na ni rnam par smin pa brgya phrag stoṅ du re bar bya’o ||  phyi rol gyi draṅ sroṅ ’dod pa’i ’dod chags daṅ bral ba dag la sbyin pa byin na ni rnam par smin pa sa ya brgya stoṅ du re bar bya’o ||  rgyun du źugs pa’i ’bras (5) bu mṅon du byed par źugs pa la ni tshad med do ||  rgyun du źugs pa la de pas kyaṅ tshad med do ||  lan gcig phyir ’oṅ ba’i ’bras bu mṅon du byed par źugs pa la de bas kyaṅ med do ||  lan gcig phyir ldog par rgyun du źugs pa la de bas kyaṅ tshad med do ||  phyir (6) mi ’oṅ ba’i ’bras bu mṅon du byed par źugs pa la de bas kyaṅ tshad med do ||  phyir mi ’oṅ ba’i rgyun du źugs pa la de bas kyaṅ tshad med do ||  dgra bcom pa’i ’bras bu mṅon du byed par źugs pa la de bas kyaṅ tshad med do ||  dgra bcom pa la debs kyaṅ tshad med na raṅ saṅs rgyas (7) daṅ | de bźin gśegs pa dgra bcom pa yaṅ dag par rdzogs pa’i saṅs rgyas la lta smos kyaṅ ci dgos bram ze daṅ khyim bdag dad pa dag gis dge sloṅ dag mchod rten la phyag ’tshal du doṅ ba la gdugs daṅ | rgyal mtshan daṅ | pa dan dag bskur ba daṅ | dge sloṅ dag (193a1) rnam pa de lta bu’i rkyen byuṅ nas de dag gis gaṅ du bskur bar bskur ma nus so ||  de dag gi naṅ nas kha cig gis smras pa | tshe daṅ ldan pa dag bcom ldan ’das kyis bka’ stsal pa ni gźan du bsṅos la gźan du dbul bar ma byed cig ces byuṅ | kha cig (2) gis yaṅ smras pa | de la gźan byar ci yod | bcom ldan ’das la źu’o ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ rnams rnam pa bźi la ni ṅes par dbul dgos te byaṅ chub pa daṅ | chos (3) kyi ’khor lo daṅ | cho ’phrul chen po dag | lha yul nas gśegs pa’o ||  ’di dag la bsṅos nas gźan du sṅo bar ma byed cig | de las gźan du bsṅos pa’i rkyen rnam pa de lta bus na gźan dag tu bsṅor ruṅ gis de la the tshom ma byed cig | dge sloṅ rnams ṅas (4) phoṅs pa’i tshe gnaṅ bde bźin du ma phoṅs pa’i tshe ma spyod cig | de ltar spyad na ’das pa daṅ bcas par ’gyur ro ||  saṅs rgyas bcom ldan ’das la tshe daṅ ldan pa u pā lis źus pa | btsun pa dge sloṅ gñis śig ’khrug par gyur | rtsod par gyur | ’thab (5) par gyur pa de la gaṅ mad par gzuṅ | bcom ldan ’das kyis bka’ stsal pa gaṅ tshul khrims daṅ ldan pa’o ||  gñi ga tshul khrims daṅ ldan pa na gaṅ maṅ du thos pa’o ||  gñi ga maṅ du thos na gaṅ chog śes pa’o ||  gñi ga chog śes na gaṅ cher chog śes pa’o ||  (6) gñi ga cher chog śes na u pā li gñi ga cher chog śes pa las cher chog śes pa ni med de mi srid do ||  gnas med de de gñis lta bu la ni ’khrug pa’am | rtsod pa ’am | ’thab par ’gyur ba ’byuṅ ba’i gnas ma yin no || 
.  .  .  .  .  .  .  .  .  .  .  .  .  .  .  .  .  .  .  .  .  .  .  .  .  .  . 
rkyaṅ pa’i sgo’i mdo bźi pa’i tshigs su bcad (7) pa daṅ po’o || 
. 
’dul ba gźuṅ dam pa | bam po bźi bcu rtsa gsum pa | 
. 
mdor na |
rkun po gnas daṅ za ma daṅ ||< br/>sṅar ’khrugs pa la rnam pa bźi ||< br/>bslab pa byin pas tshul śiṅ brims ||< br/>de dag dge ’dun dbyen mi ’gyur || 
. 
saṅs rgyas bcom (193b1) ldan ’das mñan du yod pa’i dze ta’i tshal mgon med pa la zas sbyin gyi kun dga’ ra ba na bźugs so ||  saṅs rgyas bcom ldan ’das la tshe daṅ ldan pa u pā lis źus pa | btsun pa tshul śiṅ brims pa rkun gnas kyis tshul śiṅ brims na dge ’dun gyi dbyen du ’gyur ram | (2) u pā li mi ’gyur ro ||  btsun pa ma niṅ daṅ zam daṅ | dge sloṅ ma sun phyuṅ ba daṅ | pha bsad pa daṅ | ma bsad pa daṅ | dgra bcom pa bsad pa daṅ | de bźin gśegs pa la ṅan sems kyis khrag phyuṅ ba daṅ | mu stegs can daṅ | mu stegs can du skor (3) ba daṅ | tha dad du gnas pa daṅ | mi gnas pa dag gis tshul śiṅ brims na dge ’dun gyi dbyen du ’gyur ram | u pā li mi ’gyur ro ||  btsun pa sṅar ’khrugs pa bźis tshul śiṅ brims na dge ’dun gyi dbyen du ’gyur ram | u pā li mi ’gyur ro ||  btsun pa bslab (4) pa byin pas tshul śiṅ brims na dge ’dun gyi dbyen du ’gyur ram | u pā li mi ’gyur ro || 
.  .  .  .  . 
rkyaṅ ba’i sgo bźi pa’i mdo’i tshigs su bcad pa gñis pa’o || 
. 
mdor na |
lus la reg daṅ rdul zan daṅ ||
char pa ’bab par bcaṅ mi bya ||
tshaṅ maṅ daṅ ni bśaṅ gci sa ||
(5) ma ruṅ nas ni mi dor pa’o || 
. 
saṅs rgyas bcom ldan ’das mñan du yod pa’i dze ta’i tshal mgon med pa la zas sbyin pa’i kun dga’ rab na bźugs so ||  drug sde dag gis dge ’dun gyi mal stan dag kyaṅ lus la reg par bgos | rkaṅ pa nas mgo’i bar du thaṅ chad (6) par bgos pa daṅ | de ltar gyur pa dge sloṅ dag gis bcom ldan ’das la źus nas | bcom ldan ’das kyis bka’ stsal pa | dge sloṅ dag gis dge ’dun gyi mal stan lus la reg par ma bgo śig | bgos na ’das pa daṅ bcas par ’gyur ro ||  bcom ldan (7) ’das kyis dge sloṅ dag dge ’dun gyi mal stan lus la reg par ma bgo śig ces bka’ stsal pa na | dge sloṅ dag gis ji ltar bgo ba mi śes nas | de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | (194a1) gaṅ zag gis rdul zan gyi steṅ du śes bźin du ṅal nas khaṅ kyis bgo bar gyis śig | drug sde dag gis dge ’dun gyi gos bgos nas dbyar char gyi naṅ na bla gab med par ’dug go ||  de char gyis ma ruṅ bar gyur nas | de ltar gyur pa dge sloṅ dag (2) gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge ’dun gyi gos gyon la dbyar char gyi naṅ na bla gab med par ma ’dug śig | ’dug na ’das pa daṅ bcas par ’gyur ro ||  drug sde dag gis dge ’dun gyi gos (3) bgos nas tshaṅ maṅ du ’jug ste | de dud bas ma ruṅ bar gyur nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge ’dun gyi gos gyon nas tshaṅ maṅ du ’gro bar ma byed cig | soṅ na (4) ’das pa daṅ bcas par ’gyur ro ||  drug sde dag gis dge ’dun gyi mal stan dag bgos nas bśaṅ gci’i sar soṅ ba daṅ | bśaṅ gci’i gzer ma dag gis phog nas ma ruṅ bar gyur to ||  de ltar gyur pa dge sloṅ dag gis bcom ldan ’das la gsol pa daṅ | (5) bcom ldan ’das kyis bka’ stsal pa | dge sloṅ dag dge ’dun gyi mal stan gyon nas bśaṅ gci’i sar ma ’gro śig | soṅ na ’das pa daṅ bcas bar ’gyur ro || 
.  .  .  .  .  .  . 
gleṅ gźi ni mñan du yod pa na ste | 
. 
dge sloṅ rnams dge ’dun gyi mal stan rdo la ba daṅ | ral ba rnams (6) gar bab bab tu ’dor te de dag mi spyod ba daṅ | de ñid ma ruṅ bar gyur nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi mal stan cuṅ zad rdo la tam | ral na mdor bar rdol na ni lhan (7) pas glon cig ral na ni slar drub par gyis śig | de’i naṅ na rñiṅs pa dag ni khol phyuṅ la sar pa glon cig | de rñiṅ pa las ruṅ ba yod na me mar gyi sñiṅ por gyis śig | der yaṅ mi ruṅ na ba glaṅ gi lci ba’am sa daṅ bsres la ka ba’i ser ga’am | rtsig pa’i ser ga dag (194b1) gi źal źal du gyis śig | sbyin par byed pa daṅ | yon bdag gi yun riṅ du spyad par ’gyur ro || 
. 
rkyaṅ pa’i sgo bźi pa’i mdo’i tshigs su bcad pa gsum pa’o || 
. 
mdor na |
kha zas da stam mar daṅ ||
byug par bya daṅ lham rnams daṅ ||
gas daṅ gdugs (2) daṅ śiṅ dag daṅ ||
rtsa ba sman rnams tha ma’o || 
. 
saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  mñan du yod ba na khyim bdag gźan źig ’dug ste | des yo byad thams cad daṅ ldan pa’i gtsug lag (3) khaṅ brtsigs te ’khor maṅ po’i dge sloṅ dag cig la phul lo ||  de ’khor drug bcu daṅ der dbyar tshul du źugs so ||  tshul nas byuṅ nas lhan cig spyod pa daṅ | ñe gnas dag ljoṅs daṅ | phyogs gaṅ daṅ gaṅ du ’khod pa de daṅ de dag nas de’i rkaṅ pa la phyag bya bar (4) lhags nas | de dag gis de’i rkaṅ pa la phyag byas te doṅ pa daṅ | des tshe daṅ ldan pa rnams ṅa khyim bdag ’di źes bya bas mgron du bos kyis khyed ’di ñid du ’khod cig ces smras pa daṅ | de dag gis smras pa mkhan po mchi’o ||  des smras pa | ’o na ’khod de zan zo (5) la deṅ śig | de dag gis smras pa | zas daṅ yo byad khyer te mchis la | de ñid bdag cag ’tshal lo | des ’o na legs kyis de bźin du byos śig ces smras pa daṅ | zas daṅ yo byad dag khyer te doṅ ṅo ||  de bźin du kha cig gis me mar gyi mar | kha cig gis (6) ni rkaṅ pa byug pa | kha cig gis ni lham dag | kha cig gis ni gos dag | kha cig gis ni gdugs daṅ | kha cig gis ni śiṅ dag | kha cig gis ni rtsa ba daṅ | sdoṅ bu daṅ | lo ma daṅ | me tog daṅ | ’bras bu’i sman rnams khyer te doṅ ba daṅ | riṅ po ma lon (7) par gtsug lag khaṅ de yo byad kyis brel bar gyur nas dge sloṅ de khyim bdag gaṅ na pa der soṅ ste phyin pa daṅ | khyim bdag khyod kyi yo byad dag ni zad do źes smras pa daṅ | ’phags pa de na dge sloṅ ñuṅ la yo byad maṅ du phul na ci’i phyir myur du bas źes smras pa (195a1) daṅ | de dag gis rgyas par smras nas | des ’phags pa bdag gis ni de na bźugs pa rnams kyi phyir phul na | de dag gźan na gnas la ci’i phyir gźan du spyod ces ñes pa ṅor brjod do ||  de ltar gyur ba dge sloṅ dag gis bcom ldan ’das (2) la gsol pa daṅ | bcom ldan ’das kyis bka’ stsal pa | dge sloṅ rnams yon bdag de ’phya ba ni yus te | de bas na dge sloṅ dag gis gźan du gnas śiṅ gźan gyi khyer ba ma spyod cig | dge sloṅ dag gźan du gnas la gźan gyi spyad daṅ | de dag ji tsam (3) spyad pa thams cad rin thaṅ bźin du phob śig | 
.  .  .  .  .  .  . 
rkyaṅ pa’i sgo bźi pa’i meda’i tshigs su bcad pa bźi pa’o || 
. 
mdor na |
mtshan ma daṅ yaṅ mṅon mtshan daṅ ||
bar taṅ dag daṅ ri mo can ||
khri’u rkaṅ pa ri mo can ||
ral tshems bya ba dbyar mo khaṅ || 
. 
saṅs (4) rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so ||  mñan du yod pa na mi spun gñis śig rab tu byuṅ ste | de las gcig ni źal ta’i gnas khaṅ na ’dug go ||  gcig ni dze ta’i tshal na’o ||  ji tsam na źal ta ba de don (5) źig gi phyir ri brags kyi groṅ du soṅ ṅo ||  dge sloṅ de phu nu po blta ba’i phyir bgo ba de bgos nas de’i thad du soṅ ṅo ||  des dge ’dun gyi bgo ba’i naṅ du gaṅ zag gi bgo ba de bźag nas gtam ’dzer ciṅ ’khod do || 
.  .  .  .  .  . 
de nas nor te dge ’dun gyi bgo ba źig gyon te soṅ ṅo ||  (6) 
.  . 
de nas źal ta ba de slar ’oṅs nas de na bgo ba chuṅ du źig mthoṅ ste | des tshe daṅ ldan pa ci dge ’dun gyis rñed pa grub pa’am źes smras pa daṅ | des smras pa | dge ’dun gyi rñed pa caṅ med do ||  bgo ba ’di su’i ’di dag dge ’dun gyi’o ||  des smras pa | ṅed cag ni (7) che | ’di chuṅ na | ’dir su yaṅ bgo ba gyon te ma ’oṅs sam | ’dir bdag gi phu nu po źig ’oṅs so ||  soṅ la dris śig de soṅ nas dris te des bltas na dge ’dun gyi yin nas | des smras pa | bdag gis nor te dge ’dun gyi ni bdag gis khyer | bdag gi (195b1) ni de na ’dug pa’i rigs so ||  des ge khyer de ’oṅs so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi ni mtshan ma thob śig | dge sloṅ dag gis ji ltar mtshan ma gdab pa mi śes na | (2) bcom ldan ’das kyis bka’ stsal pa | dge sloṅ ’di źes bya bas phul ba’o źes yi ger bris śig | dge sloṅ gis dge ’dun gyi daṅ | gaṅ zag gi gñi ga de bźin du bris so ||  de ltar gyur pa dge sloṅ dag gis bcom ldan ’das la gsol nas | bcom ldan ’das (3) kyis bka’ stsal pa | gaṅ zag gi ni mṅon mtshan thob śig | 
.  .  .  .  .  .  . 
gleṅ gźi ni mñan du yod pa na ste | 
. 
bcom ldan ’das kyis dge ’dun gyi’am | gaṅ zag gi yaṅ ruṅ ste | ri mo can ni gdiṅ ba med kyi bar du ma spyod cig ces bka’ stsal pa | dge sloṅ dag gaṅ zag gi (4) pata taṅ stan byed pa la źugs pa daṅ | de’i naṅ nas kha cig gis smras pa | bcom ldan ’das kyis ni ri mo can las rñed pa ni gnaṅ gi | bdag ñid kyis byas pa ni ma yin no źes gsuṅs so ||  gźan źig gis yaṅ byas pa’i dṅos po spoṅs śig ces smras pa daṅ | de ltar (5) gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de bas na dge ’dun gyi ni par taṅ ri mo can rñed dam byas na yaṅ ruṅ ṅo ||  gaṅ zag gis ni gźan gyis byin na yon bdag ñid la bsṅos na ’chaṅ bar gnaṅ gi | naṅ (6) byed du ne mi gnaṅ ṅo ||  bcom ldan ’das kyis dge ’dun la ni par taṅ ri mo can rñed pa’am | byas pa’aṅ ’chaṅ du gnaṅ gi | gaṅ zag la ni gźan gyis byin pa de ñid la bsṅos na ’chaṅ du gnaṅ ṅo źes bka’ stsal nas | dge sloṅ gźan źig gis khri’u rkaṅ pa ri mo can źig (7) bdag gis ni ma byas gźan gyis byin pa ’chaṅ ṅo ||  de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag ṅas ri mo can ni dgoṅs te gsuṅs gyi | khri’u rkaṅ pa ri mo can la ma yin gyis | de bas na (196a1) dge ’dun gyis khri’u rkaṅ pa ri mo can rñed dam byas kyaṅ ruṅ gnaṅ gi | gaṅ zag la ni rjes su mi gnaṅ ṅo ||  bcom ldan ’das kyis dge sloṅ ma dbyar tshul nas byuṅ nas ljoṅs spyod cig ces gsuṅs pa daṅ | dbyar tshul du źugs nas khaṅ ba’i ral (2) tshems dag ma byas par doṅ nas de dag gis ral tshems ma byas pas ma ruṅ bar gyur to ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ ma dbyar tshul du źugs na ral tshems ma byas na ’das pa daṅ (3) bcas par ’gyur ro || 
.  .  .  .  .  .  . 
rgyaṅ pa’i slo bźi pa’i mdo’i tshigs su bcad pa lṅa pa’o || 
. 
mdor na |
soṅ nas slar ’oṅs sbyin pa med ||
byin nas phyir yaṅ ’oṅs par gyur ||
dge ’dun gyis kyaṅ sbyin par bya ||
gaṅ las bskyis par gyur ba’o || 
. 
saṅs rgyas bcom ldan ’das (4) mñan du yod pa’i dze ta’i tshal mgon med zas sbyin gyi kun dga’ ra ba na bźugs so ||  khyim pa źig gis gñen źig dus ’das te mchod pa’i phyir rgyal mtshan daṅ | ba dan gyis draṅs nas dur khrod du bskyal te | de slar khyer te ’oṅs nas | dge sloṅ dag la phul pa daṅ | (5) dge sloṅ dag gis ma blaṅs so ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | soṅ na slar ’oṅs pa źes byos la loṅ śig | kha cig ni dbul te phul ba de slar yaṅ brñas pa daṅ | dge sloṅ dag gis (6) ma ster to ||  bcom ldan ’das kyis bka’ stsal pa | de ste slar sloṅ na byin cig | des brñas nas de slar ’gyod pa skyes nas mi des slar yaṅ phul ba daṅ | dge sloṅ dag gis ma blaṅs te | de ltar gyur pa dge sloṅ dag gis bcom ldan ’das la gsol pa daṅ | (7) bcom ldan ’das kyis bka’ stsal pa | 
.  .  .  . 
de nas slar yaṅ ’oṅs so źes byos te loṅ śig | de la the tshom daṅ khro bar ma byed cig | gleṅ gźi ni mñan du yod pa na ste | źal ta byed pa’i dge sloṅ źig gis dge ’dun gyi phyir khyim pa źig la nor źig bskyis pa daṅ | de dus (196b1) las ’das so ||  de dus las ’das so źes thos nas des gtsug lag khaṅ du ’oṅs nas dris pa | dge sloṅ miṅ ’di źes bgyi ba źig ga re źes smras pa daṅ | dge sloṅ dag gis smras pa | de dus las ’das so ||  des smras pa | ’phags pa bdag gi nor źig des (2) bskyis so ||  dge sloṅ dag gis smras pa | soṅ la de ñid la dos śig | des dge ’dun gyi phyir khyer gyi pha ma daṅ bdag gi phyir ma lags kyis khyed kyis stsol cig | de ltar gyur ba dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal (3) pa | de ste dge ’dun gyi phyir des khyer par śes na | dge ’dun gyis skyin pa byin cig | dge sloṅ rnams ṅas las gsar du byed pa’i mtshuṅs pa’i dge sloṅ gi chos bca’o ||  las gsar du byed pa’i dge sloṅ gis bskyi ba dag rgan pa dag la dris la loṅ śig | (4) las gsar du byed pa rnams kyis mtshuṅs par spyad pa’i chos bcas pa bźin du ma byas na ’das pa daṅ bcas par ’gyur ro || 
.  .  .  .  . 
rkyaṅ ba’i sgo bźi pa’i mdo’i tshigs su bcad pa drug pa’o || 
. 
mdor na |
bu ram śiṅ daṅ dge sloṅ rnams ||
za źiṅ bgo ba phan gdags pa ||
(5) mi bgo ba daṅ bźi pa daṅ ||
skar ma bstan par mi bya’o || 
. 
saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so ||  dge ’dun dag gis bca’ ba bu ram śiṅ źig rñed de | bcom ldan ’das kyis dge tshul pha dag (6) la sum cha byin cig ces bka’ stsal nas | de dag la bu ram śiṅ gsum cha re re byin no ||  dge sloṅ dag rgan rims su ’khod nas gral ñis rim du gyur pas | slar yaṅ rgan rims kyi thog tu ’oṅs so ||  tshe daṅ ldan pa sgra can ’dzin bcom ldan ’das kyi spyan sṅar ’dug (7) ste | de bur ma śiṅ gi dum bu za źiṅ bcom ldan ’das kyi źal du mig lta źiṅ ’dug go ||  bcom ldan ’das kyis bka’ stsal pa | tshe daṅ ldan pa sgra can ’dzin bu ram śiṅ ’dod dam | des smras pa | bcom ldan ’das ’tshal lo || 
.  .  .  .  . 
de nas bcom ldan ’das kyi sku (197a1) skal las bcad de du ma bu gcig de la byin nas | dge sloṅ gi dge ’dun rnams bu ram śiṅ gi bya ba byas te | gtsug lag khaṅ du ’oṅs pa daṅ | tshe daṅ ldan pa sgra can ’dzin bcom ldan ’das kyi źabs la phyag ’tshal ba’i phyir | bcom ldan ’das kyi (2) druṅ du ’oṅs pa daṅ | bcom ldan ’das kyis bka’ stsal pa | tshe daṅ ldan pa sgra can ’dzin bu ram śiṅ gi bza’ bas tshim par gyur tam | des gsol ba | bcom ldan ’das kyis bdag cag gi rñed pa ni sum cha cig stsol cig ces bka’ stsal bas gal tshim mod kyi | (3) bcom ldan ’das kyis bka’ stsal pa des na gdoṅ tshim par gyur to ||  bcom ldan ’das kyis dge sloṅ gi dge ’dun dag bsdus nas dge sloṅ dag la ’di skad ces bka’ stsal pa | ṅas gos kyi thob pa ni dge tshul pha dag sum cha cig byin cig ces byas kyi | kha zas kyi (4) ’thob bdag ni mtshuṅs par bgos śig | chuṅ du na śiṅ bu lasa’i lo ma tsam yaṅ mñam par bgos śig | de las che chuṅ du bgos na ’das pa dag bcas par ’gyur ro || 
.  . 
gleṅ gźi ni mñan du yod pa na ste | 
. 
mñan du yod pa na khyim bdag gnas pa de dus dus su (5) dze ta’i tshal du ’gro ba las dge sloṅ źig gis de la nor las byuṅ ba’i bsod nams kyi dṅos po bdun rgya cher sñan par bśad pa daṅ | de dad pa skyes nas gtsug lag khaṅ źig brtsigs te | der dge sloṅ gaṅ dag gnas pa de dag kha zas ’phral ’phral du sbyor bar (6) byed pa las des de dag gi kha zas kyi rgyur kār ṣā pa ṇa dag cig byin pa las | de dag gis smras pa | tshe daṅ ldan pa bdag cag bsod sñoms la ’gro bas chos gos kyis brel gyi zas kyis ni ma yin gyis | kār ṣā pa ṇa ni chos gos kyi phyir bgo’o ||  dge sloṅ bdag cag (7) las su yaṅ khyim bdag de’i khyim du ma ’doṅ śig tses de dag gis dam bcas so || 
.  . 
de nas dus phyi źig na bsod sñoms pa źig ljoṅs rgyu ba spyod ciṅ mñan du yod par phyin te | de khyim bdag de’i gtsug lag khaṅ du ’oṅs nas | dge sloṅ dag gis de ṅal sor (197b1) bcug ste | gnas daṅ mal stan dag byin nas dres bsams pa de riṅ la ṅal bso źiṅ zan yaṅ gral du zos la naṅ par nas bsod sñoms bslaṅ ṅo sñam du sems śiṅ ’dug pa las | dge sloṅ gźi na ’khod pa dag lhuṅ bzed daṅ chos gos khyer te bsod sñoms la doṅ (2) ba daṅ | bsod sñoms pa des bsams pa | gźin gnas pa’i dge sloṅ dag ni de ltar phoṅaśa pa lta na | bdag kyaṅ de ’dra bar ’gyur gyis bsod sñoms sloṅ du ’gro’o sñam nas | des lhuṅ bzed daṅ chos gos daṅ lde mig daṅ | lde mig kyog bo daṅ | sgo lcags (3) kyaṅ khyer nas mñan du yod par ri ma gyis bsod sñoms la źugs pa las khyim bdag de’i khyim du ’oṅs nas | des de la bde bar phyin ta ma źes tshig tu smras | stan btiṅ | rkaṅ pa la phyag byas nas de’i mdun du ’dug go ||  de de’i mdun du ’dug nas des de la nor las (4) byuṅ ba’i bsod nams kyi dṅos po bdun du yon tan bśad pa daṅ | khyim bdag des smras pa | ’phags pa bdag gis de thams cad bsgrubs lags so ||  bsod sñoms pas smras pa | khyim bdag khyod kyis cuṅ zad kyaṅ sbyar ba med de | khyod kyi gtsug lag (5) khaṅ na thog mar kha zas med do ||  des smras pa | ’phags pa ci gsuṅ | bdag gis der maṅ du phul na | ’phags pas gźan źig tu byon te nor pa sñam | bsod sñoms pa des smras pa | khyim bdag khyod kyis gtsug lag khaṅ gi lde mig dag lde mig kyog (6) por gśes sam | ’phags pa ’tshal lo ||  des lde mig daṅ lde mig kyog po dag bstan pa daṅ | des smras pa | ’phags pas de’i don glo bar chud do źes smras pa daṅ | bsod sñoms pas de khyer nas slar soṅ ṅo ||  khyim bdag kyaṅ da’i phyi bźin du soṅ ste (7) gtsug lag khaṅ du ’dug nas ji tsam dge sloṅ dag bsod sñoms khyer te ’oṅ pa mthoṅ ste mthoṅ nas des ’phags pa khyed cag gaṅ nas byon ces smras pa daṅ | de dag gis smras pa | khyim bdag spyod yul gyi dad pa bskyed pa’i phyir ro ||  ’phags pa kār ṣā pa ṇa (198a1) gar mchis | khyim bdag gnas khaṅ na yod do snoms te spyon | de dag gis phyuṅ ste byin no ||  des smras pa | da spyod yul gyi dad pa skyed du bźud cig | de dag gis ma spobs nas | caṅ mi zer bar ’dug nas | de ltar gyur pa dge sloṅ dag gis bcom | (2) ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyim bdag de ’phya ba ni yus te | de bas na rnam pa bźis ni ma bgo śig | de ni mchod rten tams cad kyi daṅ | phyogs bźi’i dge ’dun thams cad kyi daṅ | nad gsos kyi rin thams (3) cad daṅ | zas nar ma thams cad do || 
.  .  .  .  .  .  .  . 
gleṅ gźi ni mñan du yod pa na ste | 
. 
drug sde dag ljoṅs rgyu ba spyod ciṅ skar ma śar tsam źig na gtsug lag khaṅ źig tu phyin pa daṅ | dge sloṅ de dag gis gaṅ du mdza’ ba’i gnas su ṅal bso źiṅ ’dug tu bcug pa daṅ | de dag gis (4) smras pa | tshe daṅ ldan pa dag ci źig bsdad du yod | ston pa bźugs bźin du bstan pa źig par bya’am | rgan rims bźin du ci’i phyir mi bgo ||  de dag ji ltar rgan rims bźin du bgod pa la źugs pa daṅ | gsar bu dag ma bgos par nam naṅs so ||  de dag nam (5) naṅs pa daṅ laṅs te | tshe daṅ ldan pa dag ṅad cag ’doṅ gis mal stan loṅ śig | dge sloṅ dag gis smras pa | tshe daṅ ldan pa dag khyed cag skad cig ’khod pa’i phyir khyed kyis dge ’dun thams cad la gnod pa byas so ||  de dag gis smras pa | de ni ston pa’i bka’ luṅ (6) bźin no ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag skar ma śar phan chad mal stan ma bgo śig | bgos na ’das pa daṅ bcas par ’gyur ro ||  mal stan bged pas kyaṅ ma bgo (7) śig | bgos na ’das pa daṅ bcas par ’gyur ro || 
.  .  .  .  .  . 
rkyaṅ pa’i sgo bźi pa’i mdo’i tshigs su bcad pa bdun pa’o || 
. 
mdor na |
rgun ’bru daṅ yaṅ ’bra go gźan ||
mes ruṅ ba yaṅ de bźin te ||
źugs thab mar me sdoṅ bu daṅ ||
draṅ sroṅ chen pos gnaṅ (198b1) pa’o || 
. 
saṅs rgyas bcom ldan ’das yul kun nas ljoṅs rgyu ba spyod ciṅ ro hi ta kar gśegs te | ro hi ta ka’i gnod spyin bal glaṅ ldan źes bya ba’i gnas na bźugs so || 
. 
de nas gnod sbyin bal glaṅ ldan bcom ldan ’das gaṅ na ba der soṅ ste phyin pa daṅ | bcom ldan (2) ’das kyi nabs la mgo bos phyag ’tshal nas ’di skad ces gsol to ||  btsun pa do nub bdag gi gnas su dge sloṅ gi dge ’dun daṅ thabs cig tu bźugs par ci gnaṅ | 
.  . 
de nas gnod sbyin bal glaṅ ldan la bcom ldan ’das caṅ mi gsuṅ bar źal gyis bźes so || 
. 
de nas (3) gnod sbyin pal glaṅ ldan bcom ’das caṅ mi gsuṅ par źal gyis bźes par rig nas | des gtsug lag khaṅ lṅa brgya sprul | stan naṅ chaṅs can daṅ | la ba daṅ | sṅas gru bźi ba dag kyaṅ lṅa brgya lṅa brgya sprul | me ma dag dud pa med pa bkaṅ pa lṅa brgya yaṅ (4) sprul te | 
. 
de nas bcom ldan ’das la ni gtsug lag khaṅ chen po bskos | de’i lhag ma dag ni dge sloṅ dag la bskos te gtsug lag khaṅ gi lhag ma dge sloṅ dag la bskos nas | bcom ldan ’das gaṅ na ba der soṅ ste phyin pa daṅ | bcom ldan ’das kyi źabs la (5) mgo bos phyag ’tshal nas | bcom ldan ’das la ’di skad ces gsol to ||  bcom ldan ’das saṅ bdag gi khyim du dge sloṅ gi dge ’dun daṅ thabs cig tu bśos gsol bar ci gnaṅ | bcom ldan ’das kyis gnaṅ bas na gnod sbyin bal glaṅ ldan la caṅ mi (6) gsuṅ bas źal gyis bźes pa dag | gnod sbyin bal glaṅ ldan gyi grogs po kha che’i yul na gnod sbyin u ni ko źes bya ba źig yod de | des de la saṅ bdag gis bcom ldan ’das ñan thos kyi dge ’dun daṅ bcas par bśos la spyan draṅs kyis | stoṅ phyogs (7) kyi nags kyi śiṅ tog las skur ces spriṅ ba daṅ | des rgun ’bru daṅ | bal po’i se’u daṅ ’bra go la sogs pas snod bkaṅ ste gnod sbyin gyi lag tu bskur ro ||  des gtsug lag khaṅ gi dag rar spuṅs te bźag go ||  dge sloṅ dag gis bcom ldan ’das la (199a1) gsol nas | bcom ldan ’das ’di ci źig lags | bcom ldan ’das kyis bka’ stsal pa | dge sloṅ rnams ’di ni stod phyogs kyi nags kyi śiṅ tog go ||  dge sloṅ dag gis ji ltar bgyi źes gsol pa daṅ | bcom ldan ’das kyis bka’ stsal (2) pa | mes ruṅ bar gyis la zo śig | dge sloṅ dag gis re re nas ruṅ bar byas pa daṅ | bcom ldan ’das kyis bka’ stsal pa | phuṅ por spuṅs la kha gsum mam bźir mes rag par byas pas ruṅ bar ’gyur ro ||  dge sloṅ rnams kyis de dag ruṅ bar byas nas dge (3) ’dun dag la khrims pa daṅ lhag nas | dge sloṅ rnams kyis ji ltar bya ba mi śes nas | bcom ldan ’das kyis bka’ stsal pa | de dag kun ñes la naṅ du chus lugs te der tshags kyis tshogs la phyi dro’i skom du ’thuṅ śig | de dag gis phyi dro’i skom du brims pa na | ’on kyaṅ (4) lhag nas bcom ldan ’das kyis bka’ stsal pa | skol te źog la de’i phyi de ñin skom du bri mas śig | 
.  .  .  .  .  . 
gleṅ gźi ni mñan du yod pa na ste | 
. 
dgun gyi dus la bab pas dge sloṅ rnams graṅ ste | gźi bstar ba’i steṅ du me bus pa daṅ | gźi bstar ba dag ma ruṅ bar gyur (5) nas | bcom ldan ’das kyis bka’ stsal pa | gźi bstar pa’i steṅ du me ma bud par źugs liṅ gi steṅ du me bus śig | źugs liṅ gi steṅ du me bus pa daṅ dud par gyur nas | bcom ldan ’das kyis bka’ stsal pa | phyi rol du źugs liṅ gi naṅ du bus la dud pa (6) med pa daṅ | mdag ma la ci bder spyod cig | gleṅ gźi ni mñan du yod pa na ste | bzo bo źig gis dge sloṅ rnams la me mar gyi sdoṅ bu yal ga gcig ba źig byin pa daṅ | de dag gis ma blaṅs so ||  de ltar gyur pa dge sloṅ dag gis bcom ldan ’das la gsol (7) pa daṅ | bcom ldan ’das kyis bka’ stsal pa | dge ’dun la mar me’i sdoṅ bu yal ga gcig pa grub na gnaṅ ṅo ||  gaṅ zag la yaṅ gnaṅ ṅo ||  yal ga gñis pa’am | yal ga maṅ po dag ni dge ’dun la gnaṅ gi gaṅ zag la ni mi gnaṅ ṅo || 
.  .  .  . 
rkyaṅ (199b1) pa’i sgo bźi pa’i mdo’i tshigs su bcad pa brgyad pa go || 
. 
mdor na |
glo bur gñis po bya ba daṅ ||
chu kluṅ pha rol gñis po daṅ ||
maṅ du ma ruṅ byas pa daṅ ||
lus kyi tshad ni chos gos so || 
. 
saṅs rgyas bcom ldan ’das mñan du yod pa na dze ta’i tshal mgon med (2) zas sbyin gyi kun dga’ ra ba na bźugs so ||  dge sloṅ glo bur du lhags pa dag cig gtsug lag khaṅ du phyin pa daṅ | gźi na gnas pa’i dge sloṅ gis ṅal bsor bcug go ||  de dag ṅal bsos zin pa daṅ | de dag gis ci yoṅ pa de brkus te doṅ ṅo ||  de ltar gyur pa dge sloṅ (3) dge gis bcom ldan ’das la gsol pa daṅ | bcom ldan ’das kyis bka’ stsal pa | gaṅ ṅo mi śes ’i rnams ṅal bsor ma gźug śig | bcom ldan ’das kyis ṅo mi śes par ṅal bsor ma gźug śig ces bka’ stsal nas | ṅo śes pa źig ṅal bsor bcug pa daṅ | (4) de’i phyi bźin du ṅo mi śes pa’i dge sloṅ źig ’oṅs te | dge sloṅ de phyi rol du soṅ ba daṅ | des de’i lhuṅ bzed daṅ chos gos dag len pa la źugs pa daṅ | gźi de na gnas pa’i dge sloṅ gis bsams pa | ’di ni gdon mi za bar de’i grogs po źig go sñam nas | des de ma bgags (5) nas des de khyer te bros so ||  phyis dge sloṅ de slar ’oṅs na chos gos daṅ lhuṅ bzed mi snaṅ nas | des smras pa | tshe daṅ ldan pa bdag gi lhuṅ bzed daṅ chos gos dag sus khyer | gźi na gnas pa’i dge sloṅ gis smras pa | khyod kyi grogs pos khyer ro ||  des smras pa | ṅa daṅ ṅo (6) śes pa ni med kyi ṅa’i lhuṅ bzed daṅ chos gos khyod kyis por gyis | khyod kyis skyin pa byin cig | de daṅ dge sloṅ gźi na gnas pa daṅ lhan cig tu gcig la gcig rtsod par gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ (7) stsal pa | glo bur du ’oṅs pa’i dge sloṅ la ’di su źig ces dris śig | de ste dge sloṅ de ṅas ṅo śes so źes zer na | dge sloṅ de la de ste khyod kyis lhuṅ bzed daṅ chos gos sam | ṅa’i yaṅ ruṅ ’di brña źes zer na sbyin nam mi sbyin źes dris śig | de ste ma sbyin cig ces (200a1) zer na rin thaṅ bźin du chod la pob śig | de ste byin cig ces zer ba las khyer na khyer du zad do || 
.  .  .  .  .  . 
gleṅ gźi ni mñan du yod pa na ste | 
. 
dge sloṅ glo bur du ’oṅasapa gźan źig gźi na ’dug pa’i dge sloṅ źig gis ṅal bsor bcu gnas de’i phyi bźin ṅo ma (2) śes pa’i dge sloṅ źig ’oṅs te | ji tsam na gźi na gnas pa’i dge sloṅ de so śiṅ ’dor du phyi rol du soṅ ṅo || 
. 
de nas de’i lhuṅ bzed daṅ chos gos dag des khyer ba daṅ | glo bur du ’oṅs pa’i dge sloṅ dag gis bsams pa | ’di yaṅ sṅon khyim ’di na gnas pa źig yin (3) no sñam nas des kyaṅ cuṅ zad kyaṅ ma smras nas | des khyer te bros so ||  gźin gnas pa’i dge sloṅ de slar ’oṅs pa daṅ | lhuṅ bzed daṅ chos gos mi snaṅ nas | des smras pa | tshe daṅ ldan pa ṅa’i lhuṅ bzed daṅ chos gos sus khyer | des smras pa | gnas khaṅ na ’dug (4) pas khyer ro ||  ṅa’i gnas khaṅ na gnas pa gaṅ yin | khyod kyis lhuṅ bzed daṅ chos gos khyer gyis skyin pa byin cig | de daṅ de gñis lhan cig rtsod par gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal (5) pa | glo bur du ’oṅs pa’i dge sloṅ gis gźin gnas pa’i dge sloṅ la dge sloṅ ’di khyod kyi cuṅ zad ci yaṅ ruṅ ba sloṅ na sbyin nam mi sbyin źes dris śig | de ste ma sbyin cig ces zer na rin thaṅ bźin du phob śig | de ste byin cig ces zer ba las khyer na khyer du zad do ||  gleṅ gźi (6) ni mñan du yod pa na ste | dge sloṅ źig gis gźin gnas pa’i dge sloṅ źig la chos gos bźag nas chems bźag pa | de ste da soṅ gi ’og tu ṅa’i slob ma dag ’oṅs te ’dod ces zer na byin cig ces smras nas soṅ ṅo ||  de’i slob ma źig gis chos gos khyer te bros so ||  (7) de la dge sloṅ des blaṅs pa daṅ | phan tshun rtsod par gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste slob ma la byin cig ces zer na | des khyer ba ni khyer rgyal du zad mod kyi gtan tshigs (200b1) yod na byin cig | bcom ldan ’das kyis gtan tshigs yod na byin cig ces bka’ stsal pa daṅ | gtan tshigs kun gyis śes śiṅ grags par sbriṅs te gźan gyis thos nas brkus pa daṅ | bcom ldan ’das kyis bka’ stsal pa | gsaṅ ste gtan tshigs smros śig | (2) de yaṅ gtan tshigs ’di ’dra bar śes ba źig ’oṅs na de la byin cig ces bsgo śig | dge sloṅ dag cig lam du źugs nas kluṅ gi ’gram du phyin te de gru’i naṅ du źugs pa daṅ | de na dge sloṅ gźan źig ’dug pa la gru’i naṅ du źugs pas smras pa | bdag gi tshaṅ thura’o ni (3) tshur stsol ces smras pa daṅ | des tshad thur byin pa la źugs pa las lhuṅ ste chus khyer ba daṅ | des smras pa | kho bo’i tshaṅ thur khyod kyis bor gyis | khyod kyis skyin pa byin cig | de gñis rtsod par gyur pa daṅ | dge sloṅ dag gis bcom ldan ’das la gsol pa daṅ | (4) bcom ldan ’das kyis bka’ stsal pa | khyod kyi lag tu ’oṅs sam źes smros la ’oṅs so źes zer na gdod byin cig | de las gźan du na rin thaṅ bźin du chod la phob śig | yo byad gźan dag kyaṅ de bźin du sbyor cig | ji ltar kluṅ bźin du ri la ’dzegs pa daṅ | (5) ’obs la sogs pa la yaṅ de bźin du sbyar te | lag tu ’oṅs kyis thoṅ źes zer te btaṅ ba las stor na ni stor du zad do || 
.  .  .  .  .  . 
gleṅ gźi ni mñan du yod pa na ste | 
. 
gtsug lag khaṅ źig na gtsug lag khaṅ skyoṅ gis sgo rab tu ma bsdams nas rab tu ma brtags pas rkun po dag gis (6) glags rñed de brkus so ||  dge sloṅ dag źiṅ de’i skyin pa ni gtsug lag khaṅ skyoṅ la dbab bo źes ’phya’o ||  de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag sgo bsdam pa ni rnam pa lṅa ste | lṅa (7) gaṅ źe na | rgya gtan daṅ | sgo gtan daṅ | ’khor lo daṅ | sgo lcags daṅ | lde mig kyog po dag go ||  gal te de thams cad gtsug lag khaṅ na yod la gtsug lag khaṅ skyoṅ gis bźi ni bcug la gcig ma bcug na cha gcig de la phob śig | gsum bcug la (201a1) gñis ma bcug na gsum de la phob śig | gñis bcug la gsum ma bcug na sum cha de la phob śig | gcig ma bcug la bźi bcug na bźi cha de la phob śig | de ste thams cad ma bcug na ji tsam stoṅ ba de thams cad de la phob śig | de ste bsdam (2) pa rnam pa lṅas bsdams na stoṅ ba ni stoṅ du zad do ||  gtsug lag khaṅ na gtsug lag khaṅ skyoṅ la skyin pa ma dbab śig | 
.  .  .  .  . 
gleṅ gźi ni mñan du yod pa na ste | 
. 
saṅs rgyas bcom ldan ’das la tshe daṅ ldan pa u pā lis źus pa ||  btsun pa bcom ldan ’das kyis dge sloṅ dag (3) gi cho gos khru tshad du gyis śig ces bka’ stsal na | btsun pa khru thuṅ la lus riṅ na de yaṅ chos gos khru tshad du bgyi ’am | u pā li de ni lus kyi tshad du gyis śig | gaṅ lus thuṅ la khru riṅ na ji de yaṅ lus kyi tshad du bgyi ba’am | bcom ldan ’das kyis bka’ stsal pa | u (4) pā li lus thuṅ la khru riṅ na de yaṅ lus kyi tshad du gyis śig | lus kyaṅ che la khru yaṅ riṅ na khru tshad du gyis śig | gźan du na ’das pa daṅ bcas pa ste | ji ltar bcas pa las lhag pa źig rñed na yaṅ ||  de la ni byin gyis mi brlab mod kyi ’on kyaṅ ruṅ la byin gyis brlabs te ruṅ (5) ba byas na | slob dpon nam | mkhan po’am | mdza’ bo’i yin par sṅos la spyod cig | 
.  .  . 
rkyaṅ pa’i sgo bźi pa’i mdo’i tshigs su bcad pa dgu pa’o || 
. 
mdor na |
śam thabs rjes su gnaṅ ba daṅ ||
śam thabs ’theb kyaṅ de bźin te ||
stod chags mchod pa (6) bya ba daṅ ||
byin len ma byas de bźin te || 
. 
rṅul daṅ rkyaṅ pa bstan pa brjod ||  saṅs rgyas bcom ldan ’das mñan du yod pa na dze ta’i tshal mgon med pa la zas sbyin gyi kun dga’ ra ba na bźugs so ||  dge sloṅ dag dpyid kyi dus la bab pas śam thabs rnams rdul gyis dri (7) ma mi źim par gyur na | bcom ldan ’das kyis bka’ stsal pa | śam thabs kyi ’theb choṅs śig | sbyar ma yaṅ rdul te dri mi źim par gyur nas | bcom ldan ’das kyis bka’ stsal pa | stod chags choṅs śig | de yaṅ de bźin du dri mi źim par gyur nas | (201b1) bcom ldan ’das kyis bka’ stsal pa | stod chags kyi ’theb bcaṅ bar bya ste | de yaṅ dus su khrus śig | 
.  .  . 
gleṅ gźi ni mñan du yod pa na ste || 
. 
dge sloṅ rnams chos gos gyon te mchod pa’i las dag byed pa na de dag dri daṅ phye ma daṅ ’bru mar dag gis ma ruṅ bar gyur nas (2) bcom ldan ’das kyis bka’ stsal pa | gaṅ dri dag gis ma ruṅ bar gyur pa ni khrus la gyon cig | gaṅ phye mas ma ruṅ ba ni sprugs la gyon cig | gaṅ ’bru mar gyis ma ruṅ bar gyur ba la ni snum ’dag pa gaṅ yin pas khrus la gyon cig | 
. 
gleṅ gźi ni mñan du yod pa na ste || 
. 
dge (3) sloṅ rnams zan za ba la byin len ma byas par lhuṅ bzed du lhuṅ nas the tshom skyes te mi za ba daṅ | bcom ldan ’das kyis bka’ stsal pa | byin len byos la loṅ śig | byin len byed pa med nas | bcom ldan ’das kyis bka’ stsal pa | de’i than kor cher loṅ ste ’or la the tshom du (4) ma byed bar zo śig | bu ba’i naṅ du lhuṅ nas | bcom ldan ’das kyis bka’ stsal pa | de yaṅ than kor cher ’or la zo śig | gaṅ dge sloṅ dag phoṅs pa’i tshe ṅas gnaṅ ba de ma phoṅs pa’i tshe de ltar ma spyod cig | spyad na ’das pa daṅ bcas bar ’gyur ro ||  dge sloṅ (5) rnams bsod sñoms la źugs pa daṅ | rluṅ daṅ char pa dag babs nas lhuṅ bzed kyi naṅ du rdul soṅ ste | the tshom skyes nas ma zos te gral na za ba’i tshe yaṅ de bźin du gyur nas ||  bcom ldan ’das kyis bka’ stsal pa | dge sloṅ rnams rdul ni rnam pa ’di lṅa ste | (6) ruṅ ba’i rdul daṅ | mi ruṅ ba’i rdul daṅ | bźag pa’i rdul daṅ | ma bźag pa’i rdul daṅ | rdul gyi rdul daṅ lṅa’o || 
.  .  . 
gźan yaṅ rdul rnam pa lṅa ste | bza’ ba’i rdul daṅ | btuṅ ba’i rdul daṅ | gos kyi rdul daṅ | me tog gi rdul daṅ | ’bras bu’i rdul te | (7) mṅon par gsal ba med pa na de thams cad kyaṅ ruṅ ba yin gyis ||  the tshom du ma byed par zo śig | 
.  . 
rkyaṅ pa’i sgo bźi pa’i mdo’i tshigs su bcad pa bcu pa’o || 
. 
rkyaṅ pa’i sgo rnams rdzogs s+ho || || 
. 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login