Bibliotheca Polyglotta

[Saṃghāvaśeṣa 2]
saṅs rgyas bcom ldan ’das mñan yod na rgyal byed kyi tshal mgon (206a1) med zas sbyin gyi kun dga’ ra ba na bźugs so || drug sde dag gi | kun du spyod pa ni ’dir bdag cag gis bram ze daṅakhyima bdag ’oṅs śiṅ lhags pa rnams la yaṅ chos bstan par bya | rgol bdag kyaṅ tshar gcan par bya | raṅ gi grags pa yaṅ bsgrag par (2) bya’o sñam pas drug sde las gaṅ yaṅ ruṅ bas rgyal byed kyi tshal gyi sgo stoṅ par mi ’jog pas tshe daṅ ldan pa ’char ka naṅ par sdar laṅs te so śiṅ bor nas | snam sbyar dmar ser gyon te rgyal byed kyi tshal gyi sgo na ’chag ciṅ ’dug go || mñan yod na gnas pa’i bram ze daṅ khyim (3) bdag gi chuṅ ma rnams kyi kun du spyod pa ni skyed mos tshal du soṅ ste | rgyal byed kyi tshal du ’jug pa daṅ | gtsug lag khaṅ blta ba daṅ | bcom ldan ’das daṅ dge sloṅ gnas brtan gnas brtan rnams kyi źabs la phyag ’tshal du ’gro bas bram ze daṅ | khyim bdag gi chuṅ (4) ma rab tu maṅ po dag skyed mos tshal du byuṅ ste gtsug lag khaṅ lta ’dod pas rgyal byed kyi tshal ga la ba der doṅ ṅo || drug sde dag gis groṅ khyer chen po drug po dag na ’khod pa’i mi rnams ’di lta ste rigs las sam | rus las sam | rgyud las sam | miṅ las sam | gzugs (5) las sam | bzo las sam | ’tsho ba las mi śes pa’am | ma mthoṅ ba’am | ma thos pa’am | ma rig pa ’am | rnam par mi śes pa ’ga’ yaṅ med pas | tshe daṅ ldan pa ’char kas bram ze daṅ khyim bdag gi chuṅ ma rab tu maṅ po de dag thag riṅ po kho na nas mthoṅ ste | (6) mthoṅ nas kyaṅ ’di skad ces smras so || che ge mo’i ma | che ge mo’i chuṅ ma | che ge mo’i mna’am | che ge mo’i bu mo | che ge mo’i sriṅ mo ’oṅs pa legs so ’oṅs pa legs so || khyed cag ci’i phyir yun riṅ mo riṅ mo nas zla ba ltar rgyu bar byed | de dag gis smras pa | btsun pa (7) ’char ka bcom ldan ’das gyis mi khom pa brgyad ni gaṅ zag gi tshaṅs par spyad pa’i dus ma lags so źes legs par gsuṅs na | bdag cag ni ’di lta ste | khyim gyi ’du ’dzi daṅ ldan pas mi khom pa dgu pa lags so || ’char kas smras pa | sriṅ mo dag khyed kyis ’ga’ źig gis (206b1) ’di skad ces | dug can la sogs rgyal po yi || bya ba dag ni ma byas par || de dag ñid daṅ bya ba rnams || źig pa ñid du gyur pa yin || bya ba de dag ñid kyaṅ ni || yoṅs su rdzogs par ma gyur par || ’jig rten dgra bo ’chi bdag de || ’oṅ ba ñid du ’gyur ba yin || źes (2) smras pa ma thos sam | de dag gis smras pa | btsun pa ’char ka de’i slad du bdag cag skyed mos tshal du mchis te rgyal byed kyi tshal du ’jug pa daṅ | gtsug lag khaṅ blta ba daṅ | bcom ldan ’das daṅ | dge sloṅ gnas brtan gnas brtan rnams kyi źabs la phyag ’tshal ba’i slad (3) du mchis pa lags so || ’char kas smras pa | sriṅ mo dag gal te khyed cag de’i phyir ’oṅs na bcom ldan ’das kyis kyaṅ sñiṅ po med pa’i lus las sñiṅ po blaṅ bar bya’o źes gsuṅs pas legs so legs so || sriṅ mo dag de ni mjal gyis ’di ltar ltad mo ji ltar blta ba (4) dri bar bya’o || sriṅ mo dag khyed cag gaṅ du ’jug par byed | btsun pa ’char ka bdag cag kun dga’ ra bar ’jug ciṅ gtsug lag khaṅ lta bar ’tshal lo || sriṅ mo dag bcom ldan ’das kyis | mkhas pa gaṅ źig rab tu sems daṅ bas || saṅs rgyas mchod rten dag (5) la gom ’dor na || ’dzam bu chu bo gser gyi sraṅ tshad ni || stoṅ phrag brgya yaṅ de daṅ mñam pa min | źes gsuṅs pas de yaṅ legs so || sriṅ mo dag khyed kyis gaṅ khyed cag gtsug lag khaṅ ston par byed pa’i dge sloṅ ’ga’ źig btsal tam | ’phags pa ci bdag cag (6) sgron ma sug pa na thogs bźin du źugs gźan du tshol lam | btsun pa ’char ka spaṅs te dge sloṅ gźan ga la tshol | khyod pas gźan khyad par du ’phags pa su źig mchis kyis | khyod ñid gyis bstan du gsol | de nas tshe daṅ ldan pa ’char ga ’di sñam du sems te | gal (7) te ’di dag la gtsug lag khaṅ bstan par bya na ni bdag gi dge ba’i phyogs yoṅs su ñams par yaṅ ’gyur | gal te bstan par mi bya na ni tshig pa’i bsod sñoms kyaṅ ster bar mi ’gyur la | bcom ldan ’das kyis kyaṅ ma dad pa rnams dad pa phun sum tshogs pa yaṅ dag par (207a1) ’dzin du gźug par bya | gdul bar bya | gzuṅ bar bya | rab tu dgod par bya’o źes gsuṅs pas de’i phyir ’di dag dge ba la ṅes par sbyar bar bya | rnam pa thams cad du bstan par bya’o sñam du rig nas des me tog daṅ | bdug spos la sogs pa mchod pa (2) rnam pa sna tshogs thogs te po gsor lag tu blaṅs nas go rims ji lta ba bźin du bstan par brtsams te | sriṅ mo dag ’di ni bcom ldan ’das kyi dri gtsaṅ khaṅ ste | gaṅ du bcom ldan ’das ñin lan gsum mtshan lan gsum saṅs rgyas kyi spyan gyis ’jig rten la rnam par (3) gzigs nas gaṅ ni ñams par ’gyur | gaṅ ni ’phel bar ’gyur | gaṅ ni gnod par gyur | gaṅ ni ñam ṅa bar gyur | gaṅ ni mi bde bar gyur | gaṅ ni gnod pa daṅ | ñam ṅa ba daṅ | mi bde bar gyur | gaṅ ni ṅan soṅ la gźol | gaṅ ni ṅan soṅ la ’bab | gaṅ (4) ni naṅ soṅ la bab | ṅas gaṅ ni ṅan soṅ gi lam nas bslaṅs te mtho ris daṅ | thar pa daṅ | ’bras bu la gźag par bya | ’dod pa’i ’dam du byiṅ ba gaṅ gi lag nas ni draṅ bar bya | ’phags pa’i nor gyi dbyig daṅ bral ba gaṅ ni ’phags pa’i nor gyi dbaṅ phyug la gźag (5) bar bya | gaṅ gi saṅs rgyas ’byuṅ bas brgyan pa’i ’jig rten ni ’bras bu daṅ bcas par bya | gaṅ gi dge ba’i rtsa ba dag me bskyed pa ni bskyed par bya | dge ba’i rtsa ba dag bskyed pa gaṅ ni yoṅs su smin par bya | yoṅs su smin pa gaṅ ni rnam par grol bar bya źes mkhyen pa daṅ | (6) gzigs ba ’jug ciṅ ’di ltar | chu srin gnas kyi dug can pa || dus las ’da’ bar ’gyur srid kyi || saṅs rgyas gdul la byams pa ni || dus las ’da’ bar mi ’gyur ro || ji ltar ma ni bu sdug gcig pu la || rtog ciṅ de srog sruṅ bar byed pa ltar || de bźin gśegs (7) ba’aṅ gdul ba’i skye bo la || rtog par mdzad ciṅ de srog sruṅ bar mdzad || kun mkhyen rgyud la mṅa’ ba’i thugs rje yi || bźon ma gdul ba’i be’u tshol mi skyo ste || srid daṅ ṅan ’gros ñams la byams pa ni || rab ñams be’u la byams pa’i ba bźin no || źes bya ba ’jug (207b1) pa | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas stobs bcu’i stobs daṅ ldan pa | mi ’jigs pa bźis bsñeṅs pa mi mṅa’ ba | khyu mchog rlabs po che’i gnas su dam ’cha’ ba | ’khor gyi naṅ du seṅ ge’i sgra (2) yaṅ dag par sgrog pa gaṅ yin pa de’i yin gyis ’dir źabs la phyag dag ’tshol cig | ’di ni tshe daṅ ldan pa kun śes kauṇ+ḍi n+ya’i gtsug lag khaṅ ste | bcom ldan ’das kyis ’jig rten mi śes pa’i mun pa daṅ | ’dren pa med pa daṅ | yoṅs su ’dren pa med pa na de’i daṅ (3) por ye śes kyi mig sman gyi thur mas gaṅ gi chos kyi mig rnam par sbyaṅs pa | bcom ldan ’das kyis gnas brtan rnams daṅ | rgyal tshab lta bu rnams daṅ | yun riṅ po nas rab tu byuṅ ba rnams daṅ | tshaṅs par spyod pa mṅon par spyad pa rnams daṅ | snam sbyar (4) gyi rgyal mtshan thogs pa rnams kyi mchog tu luṅ bstan pa gaṅ gi rgyud la de’i daṅ por bcom ldan ’das kyis ’jig rten du dge sbyoṅ ṅam | bram ze’am | lha’am | bdud dam | tshaṅs pa ’am | sus kyaṅ chos daṅ mthun par bskor mi nus pa chos daṅ ldan pa’i (5) chos kyi ’khor lo skye bo maṅ po’i don daṅ | skye bo maṅ po la phan pa daṅ | bde ba daṅ | ’jig rten la rjes su thugs brtse ba daṅ | lha daṅ mi rnams kyi don daṅ | phan pa daṅ | bde ba’i phyir lan gsum du bzlas te rnam pa bcu gñis su bskor ba bde’i yin gyis ’dir yaṅ (6) źabs la phyag dag ’tshol cig | ’di ni tshe daṅ ldan pa ’od sruṅ chen po’i gtsug lag khaṅ ste | bram ze śiṅ sā la chen po lta bu rmon pa dor stoṅ du gcig gis mchog pa spaṅs te rab tu byuṅ ba dbyig bye ba phrag drug bcu daṅ ldan pa | gser gyi nas baṅ chuṅ brgyad bcu bdog pa | (7) bran gyi groṅ khyer bcwa brgyad bdog pa | sbyor ba’i groṅ bcu drug bdog pa | ser skya bzaṅ mo lus gser bas lhag pa daṅ ldan pa mchil ma’i thal ba smin par ltaRa spaṅs te mtshan mo’i thun tha ma la ras sbyar ma’i snam sbyar rin thaṅ ’bum ri ba thogs te ’jig rten na dgra bcom pa gaṅ (208a1) dag bźugs pa de dag gi byiṅ rab tu byuṅ ba | bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug pa bskyed pa’i phyir nags na brten pa gaṅ yin pa | gaṅ mthoṅ na spos kyi glaṅ po che dag kyaṅ rgyags pa daṅ bral bar ’gyur ba | gaṅ (2) gis bu maṅs kyi mchod rten du ston par khas blaṅs nas dge sloṅ gi sdom pa thob pa | bcom ldan ’das kyis kyaṅ dge sloṅ dag pa’i ñan thos kyi dge sloṅ ’dod pa chuṅ ba chog śes pa | sbyaṅs pa’i yon tan smra ba rnams kyi naṅ na mchog ni ’di yin te | ’di lta ste | dge sloṅ ’od sruṅ (3) chen po’i źes gsuṅs śiṅ | bcom ldan ’das kyis rjes su bsṅags pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa śā ri’i bu’i gtsug lag khaṅ ste | mchog thob pa’i bu gaṅ yin pa | gaṅ gis lo brgyad gñis su dbaṅ (4) po’i brda sprod pa blags pa | rgol ba thams cad tshar gcad pa | bcom ldan ’das kyi bstan pa la rab tu byuṅ nas | bcom ldan ’das kyis śes rab chen po rnams daṅ | spobs pa chen po rnams kyi mchog tu bstan pa gaṅ yin pa | bcom ldan ’das kyis ’jig rten thams (5) cad gaṅ gi cha bcu drug khar bźag ciṅ bcom ldan ’das kyis | de bźin gśegs pa ma gtogs par || ’jig rten kun gyi śes rab gaṅ || śā ri’i bu yi śes rab kyi || bcu drug char yaṅ mi chog go || gal te lhar bcas ’jig rten ’di || śāri’i bu daṅ mñam gyur (6) bas || de bźin gśegs pa’i ye śes kyi || bcu drug char yaṅ mi chog go || źes gsuṅs pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa maud gal gyi bu chen po’i gtsug lag khaṅ ste | mdun na ’don gyi bu cod pan med (7) pa’i rgyal srid spaṅs te rab tu byuṅ ba gaṅ yin pa gaṅ gis lha’i dbaṅ po brgya byin gyi khaṅ bzaṅs rnam par rgyal byed rkaṅ pa g-yas pa’i mthe bos lan gsum du bskrul | kun du basbula | kun du rab tu bsgul ba | gaṅ gi rdzu ’phrul gyis bcom ldan ’das ’jig rten gyi khams ’od (208b1) zer can du ñin mtshan bdun gyis gśegs pa | bcom ldan ’das kyis rdzu ’phrul chen po rnams daṅ | mthu chen po rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa ma ’gags pa’i gtsug lag khaṅ ste | mi (2) skal ba bzaṅ po las rab tu byuṅ ba gaṅ yin pa | bcom ldan ’das kyi yab kyi mched kyi sras gaṅ gi miṅ yaṅ dag par bsgrags pas tshoṅ pa dag rgya mtsho chen po nas bźon pa’i snod legs par grub ciṅ ’oṅ bar ’gyur ba | bcom ldan ’das kyis lha’i mig can rnams kyi mchog (3) tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa kun dga’ bo’i gtsug lag khaṅ ste | yun riṅ po nas bcom ldan ’das kyi bsñen bkur ba gaṅ yin pa | bcom ldan ’das kyi źabs ’briṅ na ñe bar spyod pa | ston pas (4) yaṅ dag par bsṅags pa | tshaṅs pa mtshuṅs par spyod pa mkhas pa rnams kyis yaṅ dag par bkur ba gaṅ yin pa | bcom ldan ’das kyi ya ba kyi mched kyi sras las rab tu byuṅ ba | bcom ldan ’das kyis maṅ du thos pa rnams daṅ | thos pa ’dzin pa rnams daṅ | thos pa (5) bsags pa rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa mdzes dga’i gtsug lag khaṅ ste | bcom ldan ’das kyi gcuṅ po sru’i sras las rab tu byuṅ ba | gal te rab tu ma byuṅ na stobs kyi ’khor los (6) sgyur ba’i rgyal por ’gyur ba | bcom ldan ’das kyis dbaṅ po dag gi sgo bsdams pa rnams kyi mchog tu bstan pa gaṅ yin pa de’i yin gyis ’dir yaṅ źabs la phyag ’tshol cig | ’di ni tshe daṅ ldan pa sgra can zin gyi gtsug lag khaṅ ste | bcom ldan ’das kyi sras las (7) rab tu byuṅ ba | gal te rab tu ma byuṅ na mthu daṅ ldan pa’i rgyal por ’gyur ba gaṅ yin pa | gaṅ rab tu byuṅ na rgyal po maṅ pos bkur gyi rgyud gcig nas gcig tu brgyud pa yaṅ dag par rgyun chad pa | bcom ldan ’das kyis bslab pa ’dod pa rnams daṅ | bslab pa la gus pa (209a1) rnams daṅ | bslab pa la yo byad bstuṅs pa thob pa rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa dga’ bo’i gtsug lag khaṅ ṅo || ’di ni ñe dga’i ’o || ’di ni ’dun pa’i’o || ’di (2) ni ’gro mgyogs kyi’o || ’di ni naṅ so’i ’o || ’di ni kho bo’i gtsug lag khaṅ ṅo || ci ’di yaṅ lta bar byed dam | ’phags pa ci bdag cag gis gtsug lag khaṅ thams cad bltas nas gdod ’phags pa ’char ka’i gtsug lag khaṅ blta bar mi bgyi’am | bdag cag (3) gis ’bags pa ’char ka’i gtsug lag khaṅ ’di da śin tu blta bar bgyi’o || sriṅ mo dag de bźin gyis śig | tshe daṅ ldan pa ’achaRa ka de ’dod chags spyad pa yin pas de’i gtsug lag khaṅ na gźi mon sran gre’u’i phye mas bskus pa daṅ | rtsig pa cuṅ źig ñe bar bkra ba daṅ | (4) mal stan be’u sprug gi sñiṅ po can bśams pa daṅ | bum pa btuṅ pas bkaṅ ba bcu snod daṅ bcas pa bźag pa daṅ | skon pa’i naṅ na bca’ ba sna tshogs kyis gaṅ ba dag yod do || tshe daṅ ldan pa ’char kas bram ze daṅ khyim bdag gi chuṅ ma rab tu maṅ po Raṅa gi gtsug lag (5) khaṅ du ’oṅs pa rnams la smras pa | sriṅ mo dag ci je khye’u sus bya’am | ’on te btuṅ ba ’thuṅ | ’phags pa ci chu kluṅ bzlog phyogs su ’bab bam | bdag cag gis ’phags pa la gsol bar bgyi ba gaṅ lags pa de ñid ’phags pas bdag cag la stsol tam | ’di ltar (6) bdag cag la gaṅ dkon pa de stsol cig | sriṅ mo dag khyed cag la ci źig dkon | ’phags pa chos mñan pa’o || sriṅ mo dag bcom ldan ’das kyis gnas drug po dag ’jig rten du ’byuṅ ba ni ṅo mtshar rmad du byuṅ ba yin te | drug po de dag ga ba źe na | de bźin gśegs pa (7) dgra bcom pa yaṅ dag par rdzogs pa’i saṅs rgyas daṅ | de bźin gśegs pas gsuṅs pa’i chos ’dul ba daṅ | mi ñid daṅ | dbus pa’i gnas su skye ba daṅ | dbaṅ po ma tshaṅ ba med pa daṅ | dge ba’i chos la ’dun pa’o źes legs par gsuṅs pas de’i phyir (209b1) khyed cag dge ba’i chos la ’dun pa skyes pa ’di ni saṅs rgyas ’byuṅ ba daṅ ’dra ste legs so legs so || sriṅ mo dag ’khod cig daṅ kho bos khyed la chos bstan par bya’o || de dag gis de’i rkaṅ pa gñis la phyag ’tshal te chos mñan pa’i phyir mdun du ’khod pa daṅ | (2) des de dag la chos ston par brtsams so || ji lta ji ltar chos ston pa de lta de ltar kun du chags so || ji lta ji ltar kun tu chags pa de lta de ltar dral to || ji lta ji ltar dral ba de lta de ltar de dag gi yan lag daṅ ñiṅ lag dag la ñug par brtsams so || ’di lta ste dper (3) na mi gsaṅ sṅags ñid rjod par byed pa ’byuṅ po’am | śa zas thal lcag gi bsnun pas bsnun par gyur pa de bźin du de yaṅ de dag la ji lta ji ltar chos ston par byed pa de lta de ltar kun du chags so || ji lta ji ltar kun du chags pa de lta de ltar dral to || ji lta ji ltar dral ba (4) de lta de ltar de dag gi yan lag daṅ ñiṅ lag dag la ñug par brtsams so || de na gaṅ dag bdag gir byed pa de dag ni de daṅ lhan cig gźogs stegs daṅ | phyar g-yeṅ daṅ | tho ’tsham pa daṅ | kun du rtse ba daṅ | kun tu ca co ’don pa daṅ | dgod pa daṅ | dregs pa daṅ | (5) lus sgyur bar byed do || gaṅ dag bdag gir mi byed pa de dag ni de nas phyir byuṅ ste | ’chags daṅ | dgar daṅ | sgo khaṅ dag na | gaṅ las chu ’byuṅ de las ’bar || gaṅ las skyob pa de las ’jigs || ’jigs pa med las ’jigs pa skyes || skyabs las ’jigs (6) pa skyes par gyur || bdag cag gi phyogs gcig tu bde ba źi ba | bde legs brjod pa | bde legs su ’gyur ba gaṅ yin pa de las ’jigs pa daṅ | yams daṅ | gnod pa daṅ | ’go ba’i nad daṅ | ’khrug pa byuṅ bar gyur to źes smod par byed | phyar ka gtoṅ bar (7) byed | kha zer bar byed do || de dag smod ciṅ ’doṅ pa na dge sloṅ dag gi mṅon sum du gyur nas de dag gis de dag smod pa thos pa daṅ | de dag gis smras pa | sriṅ mo dag khyed cag su la smod | ’phags pa dag khyed cag la’o || ṅed kyis ci byas | ’phags pa dag bdag (210a1) cag gi yan lag daṅ ñiṅ lag khyim thab kyis kyaṅ ma byugs pa gaṅ dag lags pa de dag ’phags pa ’char kas byugs so || gal te bdag cag gi pha ma ’am | phu nu mo dag gis thos par gyur na rgyal byed kyi tshal ga la ba der ltar yaṅ mi ster na mchi bar (2) lta smos kyaṅ ciṅ tsal | sriṅ mo dag kha rog śig | dge sloṅ de ni mdun na ’don gyi bu las rab tu byuṅ ba | tshul khrims daṅ ldan pa yin mod kyi | ’on kyaṅ ’dod chags śas che ba yin pas rtsom pa des ñon moṅs pa sel bar byed do || ’phags pa dag ci lags glaṅ bu (3) gaṅ la rwa rnon po gñis mchis pa des bdag ñid kyi dku ’dral bar bgyid dam | de ni mi rigs so || sriṅ mo dag kha rog śig daṅ bzlog par bya’o || ’phags pa dag gal te bzlog na de lta na legs | gal te bzlogs par mi mdzad na | bdag cag slan cad rgyal (4) byed kyi tshal du mi mchi’o || sriṅ mo dag kha rog śig daṅ ci nas kyaṅ phyin chad de ltar byed par mi ’gyur bar bzlog par bya’o || dge sloṅ rnams kyis de dag la bsgo ste doṅ ba daṅ | lhag ma rnams kyaṅ gtsug lag khaṅ nas byuṅ ste doṅ ṅo || de nas tshe daṅ ldan pa ’char ka (5) yaṅ dgod bźin du gtsug lag khaṅ nas byuṅ ba daṅ | dge sloṅ rnams kyis de mthoṅ nas smras pa | tshe daṅ ldan pa ’char ka khyod mi mdzes pa de lta bu de byas nas da ci dgod | ’char kas smras pa | kho bos chaṅ ’thuṅs sam | kun doṅ zos sam ci | tshe daṅ ldan pa ci de (6) yaṅ byas sam | gźan ci źig byas | bram ze daṅ khyim bdag gi chuṅ ma rab tu maṅ po de dag ’phya źiṅ doṅ ṅo || ’char kas smras pa | tshe daṅ ldan pa dag lhuṅ bzed nag po can rnams kyi raṅ bźin ni ser snas gaṅ la yaṅ tshig bźi pa’i tshigs su bcad pa gcig tsam yaṅ mi (7) lton la | de dag ni gaṅ gźan la ston pa de la ’phya bar byed do || de dag gis smras pa | ci khyod kyis de dag bden pa dag la bkod dam des smras pa | rje de dag gi dbaṅ po yoṅs su smin par bya ba brtsams na mthar gyis bden pa yaṅ mthoṅ bar ’gyur ro || dge sloṅ don ñuṅ ṅu (210b1) dag ci’i phyir dge sloṅ dag yan lag gaṅ gis ṅo tsha bar bya ba’i yan lag de ñid kyis kheṅs par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | (2) gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod kyis mi mdzes pa de lta bu de byas par gyur pa bden nam | btsun pa mad do || (3) saṅs rgyas bcom ldan ’das kyis dge sloṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad do || de nas bcom ldan ’das kyis rnam graṅs du mas rnam par smad nas | dge (4) sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || [(bm :: 4 :: Śikṣāpada)]ṅa’i ñan thos rnams kyis ’dul ba la bslab pa’i gźi ’di ltar gdon par bya (5) ste | yaṅ dge sloṅ gaṅ dral ciṅ gyur pa’i sems kyis bud med kyi yul daṅ lhan cig lus la reg par byed dam | lag pa nas bzuṅ ṅam | dpuṅ pa nas bzuṅ ṅam | lan bu nas bzuṅ ṅam | yan lag daṅ ñiṅ lag gaṅ yaṅ ruṅ ba la nom pa daṅ | ñug pa bdag gir (6) byed na dge ’dun lhag ma’o || [(bm :: 4 :: Padabhājana)]yaṅ dge sloṅ gaṅ źes bya ba ni ’char ka’am | gźan yaṅ de daṅ ’dra ba gaṅ yin pa’o || dral ciṅ gyur pa’i sems kyis źes bya ba la | sems dral ciṅ ma gyur pa yaṅ yod | gyur ciṅ ma dral ba yaṅ yod | dral ciṅ gyur pa yaṅ yod | ma dral (7) ciṅ ma gyur pa yaṅ yod do || de la re źig dral ciṅ ma gyur pa ni sems chags pa daṅ | kun du chags pa daṅ | kun nas dkris pa gaṅ yin pa’o || gyur ciṅ ma dral ba ni sems ltos pa daṅ ldan źiṅ sems ’brel pa gaṅ yin pa’o || dral ciṅ gyur pa ni sems chags pa daṅ | (211a1) kun du chags pa daṅ | kun nas dkris śiṅ sems ltos pa daṅ ldan pa daṅ ’brel ba gaṅ yin pa’o || ma dral ciṅ ma gyur pa ni rnam pa de dag ma gtogs pa’o || bud med kyi yul daṅ lhan cig ces bya ba ni bud med dam | gźon nu ma mi tshaṅs par spyod (2) pa la khrig pa’i chos sten nus pa gaṅ yin pa daṅ ṅo || lus reg par źes bya ba ni lus la lus gźol bar ro || byed dam ces bya ba ni byed par gyur tam mo || lag pa nas bzuṅ ṅam źes bya ba ni mkhrig ma man chad kyi lag pa nas so || dpuṅ pa nas bzuṅ ṅam źes bya ba ni (3) ma khrig ma yan chad nas so || lan bu nas bzuṅ ṅam źes bya ba la | lan bu źes bya ba ni skra dag daṅ | de daṅ ’brel pa’i gos so || yan lag daṅ ñiṅ lag gaṅ yaṅ ruṅ ba la źes bya ba ni lag pa nas bzuṅ ba daṅ | dpuṅ pa nas bzuṅ ba ma gtogs pa de las gźan (4) ba’i yan lag gi rnam pa gaṅ yin pa la’o || nom pa daṅ ñug pa bdag gir byed na źes bya ba ni ro myoṅ bar byed na’o || dge ’dun lhag ma’o źes bya ba ni ltuṅ ba de dge ’dun la rag las pa ste | des na dge ’dun lhag ma’o źes gsuṅs so źes bya ba’i bar du sṅa ma bźin (5) no || de la ltuṅ bar ji ltar ’gyur źe na | gźi dgus te | nom par byed pa daṅ | ñug par byed pa daṅ | sprod par byed pa daṅ | ’dzin par byed pa daṅ | ’dren par byed pa daṅ | yoṅs su ’dren par byed pa daṅ | ’og nas ’khyud par byed pa daṅ | steṅ nas (6) ’khyud par byed pa daṅ | dam du sbyor bar byed pas so || ji ltar nom par byed pas śe na | dge sloṅ gis dral ciṅ gyur pa’i sems kyis bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa de’i spyi bo la nom par byed na gos kyis bar (7) du ma chod pal nom na ge ’dun lhag mar ’gyur ro || gos kyis bar du chod pa daṅ bcas pa la nom na ñes pa sbom por ’gyur ro || spyi bo la ji lta ba de bźin du ’phral ba daṅ | mkhur ba daṅ | mchu daṅ | ko sko daṅ | mgrin pa daṅ | rna ba daṅ | sna daṅ | za ’gram daṅ | (211b1) phrag pa daṅ | mtshan khuṅ daṅ | thal goṅ daṅ | glo daṅ | rgyab daṅ | braṅ daṅ | rked pa daṅ | pus mo daṅ | brla daṅ | rje ṅar daṅ | rkaṅ pa’i rtse mo daṅ | tha na rkaṅ pa’i mthe bo la nom par byed na gos kyis bar du mchod pa la nom na dge ’dun lhag mar ’gyur ro || gos (2) kyis bar du chod pa daṅ bcas pa la nom na ñes pa sbom por ’gyur ro || nom par byed pa la ji lta ba bźin du ñug par byed pa daṅ sprod par byed pa daṅ | ’dzin par byed pa la yaṅ de bźin no || ji ltar ’dren par byed pas śe na | dge sloṅ gis dral ciṅ gyur pa’i sems kyis bud (3) med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa de thag riṅ po nas druṅ du ’dren par byed dam | druṅ nas thag riṅ por ’dren par byed na gos kyis bar du chod pa med pa la ’dren na dge ’dun lhag mar ’gyur ro || gos kyis bar du chod pa daṅ (4) bcas pa la ’dren na ñes pa sbom por ’gyur te | de ltar ’dren par byed pas so || ji ltar yoṅs su ’dren par byed pas śe na | dge sloṅ gis dral ciṅ gyur pa’i sems kyis bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa de rkaṅ ba’i (5) mtha’ nas mgo’i mthar ram | mgo’i mtha’ nas rkaṅ pa’i mthar yoṅs su ’dren par byed dam | glo g-yon pa nas glo g-yas par ram | glo g-yas pa nas glo g-yon par yoṅs su ’dren par byed na gos kyis bar du chod pa med pa la yoṅs su ’dren na dge ’dun lhag mar ’gyur (6) ro || gos kyis bar du chod pa daṅ bcas pas yoṅs su ’dren na ñes pa sbom por ’gyur te | de ltar yoṅs su ’dren par byed pas so || ji ltar ’og nas ’khyud par byed pas śe na | dge sloṅ gis dral ciṅ gyur pa’i sems kyis bud med dam | gźon nu ma mi tshaṅs par spyod pa (7) ’khrig pa’i chos sten nus pa gaṅ yin pa des nas rkaṅ pa’i rtse mor ’og nas ’khyud par byed na gos kyis bar du chod pa med par ’og nas ’khyud na dge ’dun lhag mar ’gyur ro || gos kyis bar du chod pa daṅ bcas par ’og nas ’khyud na ñes pa sbom por ’gyur ro || sa nas rkaṅ pa’i (212a1) rtse mor ji lta ba de bźin du rkaṅ pa’i rtse mo nas rje ṅar du daṅ | rje ṅar nas brlar daṅ | brla nas rked par daṅ | rked pa nas braṅ du daṅ | braṅ nas glor daṅ | glo nas rgyab tu daṅ | rgyab nas phrag par daṅ | phrag pa nas mgrin par daṅ | mgrin pa nas ko skor daṅ (2) ko sko nas za ’gram du daṅ | za ’gram nas mkhur bar daṅ | mkhur ba nas ’phral bar daṅa’aphrala ba nas spyi bor daṅ | spyi bo nas khri’ur daṅ | khri’u nas khrir daṅ | khri nas khyogs spyil du daṅ | khyogs spyil nas rta’i rgyab tu daṅ | rta’i rgyab nas glaṅ po che’i rgyab tu daṅ | (3) glaṅ po che’i rgyab nas khaṅ bzaṅs su ’og nas ’khyud par byed na gos kyis bar du chod pa med par ’og nas ’khyud na dge ’dun lhag mar ’gyur ro || gos kyis bar du chod pa daṅ bcas par ’og nas ’khyud na ñes pa sbom por ’gyur te | de ltar ’og nas ’khyud par byed pas so || ji (4) ltar steṅ nas ’khyud par byed pas śe na | dge sloṅ gis dral ciṅ gyur pa’i sems kyis bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa de khaṅ bzaṅs nas glaṅ po che’i rgyab tu steṅ du ’khyud par byed na gos kyis bar du chod pa med par (5) steṅ nas ’khyud par byed na dge ’dun lhag mar ’gyur ro || gos kyis bar du chod pa daṅ bcas par steṅ nas ’khyud na ñes pa sbom por ’gyur ro || khaṅ bzaṅs nas glaṅ po che’i rgyab tu ji lta ba de bźin du | glaṅ po’i rgyab nas rta’i rgyab tu daṅ | rta’i rgyab nas khyogs sbyil du daṅ | (6) khyogs sbyil nas khrir daṅ | khri nas khri’ur daṅ | khri’u nas spyi bor daṅ | spyi bo nas ’phral bar daṅ | ’phral ba nas mkhur bar daṅ | mkhur ba nas za ’gram du daṅ | za ’gram nas ko skor daṅ | ko sko nas mgrin par daṅ | mgrin pa nas phrag par daṅ | phrag pa nas (7) rgyab tu daṅ | rgyab nas glor daṅ | glo nas braṅ du daṅ | braṅ nas rked par daṅ | rked pa nas brlar daṅ | brla nas rje ṅar du daṅ | rje ṅar nas rkaṅ pa’i rtse mor daṅ | rkaṅ pa’i rtse mo nas sa la steṅ nas ’khyud par byed na gos kyis bar du chod pa med par steṅ nas ’khyud na dge (212b1) ’dun lhag mar ’gyur ro || gos kyis bar du chod pa daṅ bcas par steṅ nas ’khyud na ñes pa sbom por ’gyur te | de ltar steṅ nas ’khyud par byed pas so || ji ltar dam du sbyor bar byed pas śe na | dge sloṅ gis dral ciṅ gyur pa’i sems kyis bud med dam | gźon (2) nu ma mi tshaṅs par spyod pa ’khrig pa’i chos sten nus pa gaṅ yin pa de’i spyi bor gos kyis bar du tshod pa med par dam du sbyor na dge ’dun lhag mar ’gyur ro || gos kyis bar du chod pa daṅ bcas par dam du sbyor na ñes pa sbom por ’gyur ro || spyi bor ji lta ba de bźin du ’phral ba (3) daṅ | mkhur ba daṅ | mchu daṅ | ko sko daṅ | mgrin pa daṅ | rna ba daṅ | sna daṅ | za ’gram daṅ | phrag pa daṅ | mchan khuṅ daṅ | thal goṅ daṅ | glo daṅ | rgyab daṅ | braṅ daṅ | rked pa daṅ | pus mo daṅ | brla daṅ | rje ṅar daṅ | rkaṅ pa’i rtse mo daṅ | (4) than rkaṅ pa’i me the bor dam du sbyor bar byed na gos kyis bar du chod pa med par dam du sbyor na dge ’dun lhag mar ’gyur ro || gos kyis bar du chod pa daṅ bcas par dam du sbyor na ñes pa sbom por ’gyur te | de ltar dam du sbyor bar byed pas so || gźan yaṅ ji ltar nom par (5) byed pas śe na | bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa des dge sloṅ gi spyi bo la nom par byed pa na | gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags (6) par byed | lhag mar chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por (7) ’gyur ro || spyi bo la ji lta ba de bźin du ’phral ba daṅ | mkhur ba daṅ | mchu daṅ | ko sko daṅ | mgrin pa daṅ | rna ba daṅ | sna daṅ | za ’gram daṅ | phrag pa daṅ | mchan khuṅ daṅ | thal goṅ daṅ | glo daṅ | rgyab daṅ | braṅ daṅ | rked pa daṅ | pus mo daṅ | (213a1) brla daṅ | rje ṅar daṅ | rkaṅ pa’i rtse mo daṅ | tha na rkaṅ mthe bo la nom par byed pa na gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par (2) byed pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bacasapa la ñe bar gźol na ñes pa sbom por ’gyur ro || nom par byed pa la ji lta ba bźin du ñug par (3) byed pa daṅ | sprod par byed pa daṅ | ’dzin par byed pa la yaṅ de bźin no || ji ltar ’dren par byed pas śe na | bud med dam | gźon ma mi tshaṅs par spyod pa ’khrig pa’i chos sten nus pa gaṅ yin pa des dge sloṅ thag riṅ po nas druṅ du ’dren par byed dam | druṅ nas thag (4) riṅ por ’dren par byed pa na | gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅa’aduga par byed pa de lta de ltar lus ñe bar gźol bar byed na gos kyis bar du chod pa (5) med pa la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅabacasa pa la ñe bar gźol na ñes pa sbom por ’gyur te | de ltar ’dren par byed pas so || ji ltar yoṅs su ’dren par byed pas śe na | bud med dam | gźon nu ma (6) mi tshaṅs par spyod pa ’khrig pa’i chos sten nus pa gaṅ yin pa des dge sloṅ rkaṅ pa’i mtha’ nas mgo’i mthar ram | mgo’i mtha’ nas rkaṅ pa’i mthar yoṅs su ’dren par byed dam | glo g-yon pa nas glo g-yas par ram | glo g-yas pa nas glo g-yon par yoṅs su ’dren (7) par byed pa na | gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa med pa (213b1) la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por ’gyur te | de ltar yoṅs su ’dren par byed pas so || ji ltar ’og nas ’khyud par byed pas śe na | bud med dam | (2) | źon nu ma mi tshaṅs par spyod pa ’khrig pa’i chos sten nus pa gaṅ yin pa des dge sloṅs nas rkaṅ pa’i rtse mor ’og nas ’khyud par byed pa na gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par (3) byad | lhag par chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa me dpal ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por (4) ’gyur ro || sa nas rkaṅ pa’i rtse mor ji lta ba de bźin du rkaṅ pa’i rtse mo nas rje ṅar du daṅ | rje ṅar nas brlar daṅ | brla nas rked par daṅ | rked pa nas braṅ du daṅ | braṅ nas glor daṅ | glo nas rgyab tu daṅ | rgyab nas phrag par daṅ | phrag pa nas mgrin par daṅ | (5) mgrin pa nas ko skor daṅ | ko sko nas za ’gram du daṅ | za ’gram nas mkhur bar daṅ | mkhur ba nas ’phral bar daṅ | ’phral ba nas spyi bor daṅ | spyi bo nas khri’ur daṅ | khri’u nas khrir daṅ | khri nas khyogs spyil du daṅ | khyogs spyil nas rta’i rgyab tu daṅ | rta’i rgyab (6) nas glaṅ po che’i rgyab tu daṅ | glaṅ po che’i rgyab nas khaṅ bzaṅs su ’og nas ’khyud par byed pa na | gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed (7) pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por ’gyur te | de ltar ’og nas ’khyud par byed pas so || (214a1) ji ltar steṅ nas ’khyud par byed pas śe na | bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa des dge sloṅ khaṅ bzaṅs nas glaṅ po che’i rgyab tu steṅ nas ’khyud par byed pa na gal te dge sloṅ gis dral ciṅ gyur pa’i (2) sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar ’gyur ro || (3) gos kyis bar du chod pa daṅ bcas pa la ñe bar gźol na dge sloṅ la ñes pa sbom por ’gyur ro || khaṅ bzaṅs nas glaṅ po’i che’i rgyab tu ji lta ba de bźin du glaṅ po che’i rgyab nas rta’i rgyab tu daṅ | rta’i rgyab nas khyogs spyil du daṅ | khyogs spyil nas khrir daṅ | khri nas khri’ur (4) daṅ | khri’u nas spyi bor daṅ | spyi bo nas ’phral bar daṅ | ’phral ba nas mkhur bar daṅ | mkhur ba nas za ’gram du daṅ | za ’gram nas ko skor daṅ | ko sko nas mgrin par daṅ | mgrin pa nas phrag par daṅ | phrag pa nas rgyab tu daṅ | rgyab nas glor daṅ | glo (5) nas braṅ du daṅ | braṅ nas rkod par daṅ | rked pa nas brlar daṅ | brla nas rje ṅar du daṅ | rje ṅar nas rkaṅ pa’i rtse mor daṅ | rkaṅ pa’i rtse mo nas sa la steṅ nas ’khyud par byed pa na | gal te dge sloṅ gis dral ciṅ gyur pa’i sems kyis de’i ro myoṅ bar byed | ṅes par (6) rtogs par byed | lhag par chags par byed | lhag par chags śiṅ ’dug par byed par byed pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la (7) ñe bar gźol na dge sloṅ la ñes pa sbom por ’gyur te | de ltar steṅ nas ’khyud par byed pas so || ji ltar dam du sbyor bar byed pas śe na | bud med dam | gźon nu ma mi tshaṅs par spyod pa ’khrig pa’i chos sten nus pa gaṅ yin pa des dge sloṅ gi spyi bor dam du sbyor (214b1) bar byed pa na | gal te dge sloṅ gis dral ciṅ gyur pa’i sems kyis ṅe’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa med pa la ñe (2) bar gźol na dge sloṅ la dge ’dun lhag mar ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por ’gyur ro || spyi bo la ji lta ba de bźin du ’phral ba daṅ | mkhur ba daṅ | mchu daṅ | ko sko daṅ | mgrin pa daṅ | rna ba (3) daṅ | sna daṅ | za ’gram daṅ | phrag pa daṅ | mchan khuṅ daṅ | thal goṅ daṅ | glo daṅ | rgyab daṅ | braṅ daṅ | rked pa daṅ | pus mo daṅ | brla daṅ | rje ṅar daṅ | rkaṅ pa’i rtse mo daṅ | tha na rkaṅ pa’i mthe bor dam du sbyor bar byed pa na | gal te dge sloṅ gis (4) dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar lus ñe bar gźol bar byed na gos kyis bar du chod pa med pa la ñe bar gźol na dge sloṅ la dge ’dun lhag mar (5) ’gyur ro || gos kyis bar du chod pa daṅ bcas pa la ñe bar gźol na dge sloṅ la ñes pa sbom por ’gyur te | de ltar dam du sbyor bar byed pas so || nus pa la dge ’dun lhag ma gaṅ yin pa de mi nus pa la ñes pa sbom po’o || skyes pa daṅ | zam daṅ | ma niṅ daṅ | mtshan (6) gñis pa la ñes pa sbom po’i || nus pa la ñes pa sbom po gaṅ yin pa de mi nus pa la ñes byas so || skyes pa daṅ | za ma daṅ | ma niṅ daṅ | mtshan gñis pa la yaṅ ñes byas ñid do || dud ’gro’i skye gnas su skyes pa la yaṅ ñes byas ñid do || nus pa la ñes byas gaṅ yin (7) pa de mi nus pa la yaṅ ñes byas ñid do || skyes pa daṅ | za ma daṅ | ma niṅ daṅ | mtshan gñis pa daṅ | dud ’gro’i skye gnas su skyes pa la yaṅ ñes byas ñid do || ma yaṅ yin la | mar ’du śes pa yaṅ yod pa daṅ | sriṅ mo yaṅ yin la | sriṅ mor ’du śes pa yaṅ yod (215a1) pa daṅ | bu mo yaṅ yin la | bu mor ’du śes pa yaṅ yod pa la ltuṅ ba med do || mer mchod pa daṅ | chur khyer ba daṅ | dug za ba daṅ | mtshon ’byin pa daṅ | g-yaṅ sa nas mchoṅ ba daṅ | thag pas ’chiṅ ba daṅ | ’chi ba la mṅon par phyogs pa ’chi ba (2) las thar bar byed pa la ltuṅ ba med do || las daṅ po ba daṅ | smyos pa daṅ | sems ’khrugs pa daṅ | tshor bdag gis nen pa la ltuṅ ba med do || lus kyis reg pa’i dge ’dun lhag ma ste gñis pa rdzogs s+ho || || ’dul ba rnam par ’byed pa | bam po bcu (3) drug pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00413bbc-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display