Bibliotheca Polyglotta

[Saṃghāvaśeṣa 3]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || drug sde dag gi kun tu spyod pa ni ’dir bdag cag gis bram ze daṅ | khyim bdag ’oṅs śiṅ lhags pa rnams la yaṅ chos bstan par bya | rgol (4) bdag kyaṅ tshar gcad par bya | raṅ gi grags pa yaṅ bsgrag par bya’o sñam pas drug sde las gaṅ yaṅ ruṅ bas rgyal byed kyi tshal gyi sgo stoṅ par mi ’dzeg pas tshe daṅ ldan pa ’char ka naṅ par sṅar laṅs te so śiṅ bor nas snam sbyar dmar ser gyon te | rgyal byed kyi tshal gyi sgo (5) na ’chag ciṅ ’dug go || mñan yod na gnas pa’i bram ze daṅ | khyim bdag gi chuṅ ma rnams kyi kun du spyod pa ni | skyed mos tshal du soṅ ste rgyal byed kyi tshal du ’jug pa daṅ gtsug lag khaṅ blta ba daṅ bcom ldan ’das daṅ | dge sloṅ gnas brtan gnas brtan (6) rnams kyi źabs la phyag ’tshal du ’gro bas bram ze daṅ | khyim bdag gi chuṅ ma rab tu maṅ po dag skyed mos tshal du byuṅ ste | gtsug lag khaṅ lta ’dod pas rgyal byed kyi tshal gal ba der doṅ ṅo źes bya ba nas | des de dag la chos bstan par brtsams so źes bya ba’i (7) bar du dge ’dun lhag ma gñis pa’i skabs su bstan pa bźin no || ji lta ji ltar ston pa de ltar kun du chags so || ji lta ji ltar kun du chags pa de lta de ltar dral to || ji lta ji ltar dral ba de lta de ltar de dag la gnas ṅan len gyi tshig sdig pa can tshogs par mi (215b1) dbyuṅ ba ’khrig pa daṅ ldan pa dag skyes bus na chuṅ la ji lta ba bźin du smra bar brtsams so || ’di lta ste dper na mi gsaṅ sṅags ñid rjod par byed pa ’byuṅ po ’am | śa zas thal lcag gi snun pas bsnun par gyur pa de bźin du de yaṅ de dag la ji lta ji ltar chos ston par (2) byed pa de lta de ltar kun du chags so || ji lta ji ltar kun du chags pa de lta de ltar dral to || ji lta ji ltar dral ba de lta de ltar de dag la gnas ṅan len gyi tshig sdig pa can tshogs par mi dbyuṅ ba ’khrig pa daṅ ldan pa dag skyes bus na chuṅ la ji lta ba bźin du smra bar brtsams (3) so || de na gaṅ dag bdag gir byed pa de dag ni de daṅ lhan cig gźogs stegs daṅ | phyar g-yeṅ daṅ | tho ’tsham pa daṅ | kun du rtse ba daṅ | kun du ca co ’don pa daṅ | dgod pa daṅ | dregs pa daṅ | lus sgyur bar byed de | gaṅ dag bdag gir mi byed pa de dag (4) ni de nas phyir byuṅ ste ’chags daṅ | dag ra daṅ | sgo khaṅ dag na | gaṅ las chu ’byuṅ de las ’bar || gaṅ las skyob pa de las ’jigs || ’jigs pa med las ’jigs pa skyes || skyabs las ’jigs pa skyes par gyur || bdag cag gi phyogs gcig tu bde ba | źi ba (5) bde legs brjod pa | bde legs su ’gyur ba gaṅ yin pa de las ’jigs pa daṅ | yams daṅ | gnod pa daṅ | ’go ba’i nad daṅ | ’khrug pa byuṅ bar gyur to || źes smod par byed | phyar ka gtoṅ bar byed | kha zer bar byed do || de dag smod ciṅ | ’doṅ ba na dge sloṅ (6) dag gi mṅon sum du gyur nas | de dag gis de dag smod pa thos pa daṅ | de dag gis smras pa | sriṅ mo dag khyed cag su la smod | ’phags pa dag khyed cag la’o || ṅed kyis ci byas | ’phags pa dag bdag cag gis dwa rnams daṅ | rgyan po pa rnams daṅ | nal gyi bu rnams las (7) kyaṅ tshig gaṅ dag sṅon ma thos pa de dag ’phags pa ’char ka las thos so || gal te bdag cag gi pha ma daṅ | phu nu mo dag gis thos par gyur na rgyal byed kyi tshal ga la ba der ltar yaṅ mi ster na mchi bar lta smos kyaṅ ci ’tshal | sriṅ mo dag kha rog śig dge sloṅ de ni mdun na (216a1) ’don gyi bu las rab tu byuṅ ba tshul khrims daṅ ldan pa yin mod kyi ’on kyaṅ ’dod chags śas che ba yin pas rtsom pa des ñon moṅs pa sel bar byed do || ’phags pa dag ci lags glaṅ bu gaṅ la rwa rnon po gñis mchis pa des bdag ñid kyi dku ’dral bar bgyid dam | (2) de ni mi rigs so || sriṅ mo dag kha rog śig daṅ | bzlog par bya’o || ’phags pa dag gal te zlog na de lta na legs | gal te zlog par mi mdzad na bdag cag slan chad rgyal byed kyi tshal du mi mchi’o || sriṅ mo dag kha rog śig daṅ ci nas kyaṅ phyin chad de ltar byed par mi (3) ’gyur bar bzlog par bya’o || dge sloṅ rnams kyis de dag la basgoste doṅ ba daṅ | lhag ma rnams kyaṅ gtsug lag khaṅ nas byuṅ ste doṅ ṅo || de nas tse daṅ ldan pa ’char ka yaṅ | dgod bźin du gtsug lag khaṅ nas byuṅ ba daṅ | dge sloṅ rnams kyis de mthoṅ nas smras (4) pa | tshe daṅ ldan pa ’char ka khyod mi mdzes pa de lta bu de byas nas da ci dgod | ’char kas smras pa | kho bos chaṅ ’thuṅs sam | kun doṅ zos sam ci | tshe daṅ ldan pa ci de yaṅ byas sam | gźan ci źig byas | bram ze daṅ | khyim bdag gi chuṅ ma rab tu maṅ po de (5) dag smod ciṅ doṅ ṅo || ’char kas smras pa | tshe daṅ ldan pa dag lhuṅ bzed nag po can rnams kyi raṅ bźin ni ser snas gaṅ la yaṅ tshig bźi pa’i tshigs su bcad pa gcig tsam mi ston la | de dag ni gaṅ gźan la ston pa de la smod par byed do || de dag gis smras pa | (6) ci khyod kyis de dag bden pa dag la bkod dam | des smras pa | je de dag gi dbaṅ po yoṅs su smin par bya ba brtsams na mthar gyis bden pa yaṅ mthoṅ bar ’gyur ro || dge sloṅ don ñug du dag ci’i phyir dge sloṅ dag yan lag gaṅ gis ṅo tsha bar bya ba’i yan lag de ñid kyis (7) kheṅs par byed ces smod par byed | phyar ka gtoṅ bar byed | kha zer bar byed pa’i skabs de dge slog rams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || (216b1) źes bya ba la sogs pa sṅa ma bźin no || saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod kyis mi mdzes pa de lta bu de byas par gyur pa bden nam | btsun pa med do || saṅs rgyas bcom ldan ’das kyis dge sbyoṅ gi tshul ma yin pa | (2) rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || źes rnam par smad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas (3) na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste | źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dral ciṅ gyur (4) pa’i sems kyis bud med kyi yul la gnas ṅan len gyi tshig sdig pa can tshogs par mi dbyuṅ ba ’khrig pa daṅ ldan pa dag skyes bus na chuṅ la ji lta ba bźin du smras na dge ’dun lhag ma’o || yaṅ dge sloṅ gaṅ źes bya ba ni ’char ka ’am | gźan yaṅ de lta bu gaṅ yin pa’o || dral (5) ciṅ gyur pa’i sems kyis źes bya ba ni sems dral ciṅ ma gyur pa yaṅ yod | gyur ciṅ ma dral ba yaṅ yod | dral ciṅ gyur pa yaṅ yod | ma dral ciṅ ma gyur pa yaṅ yod do || de la re źig sems dral ciṅ ma gyur pa ni sems chags pa daṅ | kun tu chags pa daṅ | kun nas (6) dkris pa gaṅ yin pa’o || gyur ciṅ ma dral ba ni sems ltos pa daṅ bcas śiṅ ’drel pa gaṅ yin pa’o || dral ciṅ gyur pa ni sems chags pa daṅ | kun tu chags pa daṅ | kun nas dkris pa daṅ | sems ltos pa daṅ bcas śiṅ ’brel pa gaṅ yin pa’o || ma dral ciṅ ma (7) gyur pa ni rnam pa de dag ma gtogs pa’o || bud med kyi yul la źes bya ba ni bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa la’o || gnas ṅan len ces bya ba la | gnas ṅan len ni gñis (217a1) te | pham par ’gyur ba kun nas sloṅ ba daṅ | dge ’dun lhag ma kun nas sloṅ ba’o || ci’i phyir de dag gnas ṅan len ces bya źe na | ṅo bo ñid las daṅ kun nas sloṅ ba las so || tshig ces bya ba ni brjod pa’o || sdig pa can źes bya ba la | sdig pa źes (2) bya ba ni kha na ma tho pa’o || tshogs par mi dbyuṅ ba źes bya ba ni dbus pa’i mtshams las ’das pa ste tshul daṅ mi mthun pa’o || ’khrig pa daṅ ldan pa źes bya ba ni mi tshaṅs par spyod pa daṅ ldan pa’o || skyes bus na chuṅ la ji lta ba bźin du źes bya ba la | skyes bu źes bya ba ni (3) skyes pa’o || na chuṅ źes bya ba ni bud med do || smras na źes bya ba ni ma smras pa la smras pa daṅ | smras pa la phyir smra na’o || dge ’dun lhag ma’o || źes bya ba ni sṅa ma bźin no || de la ltuṅ bar ji ltar ’gyur źe na | gźi dgus te | bsṅags pa byed pa daṅ | bsṅags (4) pa ma yin pa byed pa daṅ | gsol ba byed pa daṅ | ñe bar gsol ba byed pa daṅ | ’dri bar byed pa daṅ | yoṅs su ’dri bar byed pa daṅ | rjod par byed pa daṅ | smon par byed pa daṅ | gśe bar byed pas so || de la ji ltar bsṅags pa byed pas śe na | dge sloṅ gis (5) dral ciṅ gyur pa’i sems kyis bud med dam | gźon nu ma legs par smras pa daṅ ñes par smras pa’i chos rnams kyi don kun śes par nus pa gaṅ yin pa de’i gan du soṅ ste | ’di skad ces sru khyod kyi rma’i sgo gsum po dag ni te por legs par dod pa daṅ | legs (6) par gnas pa daṅ | legs par gyur pa dag yin no źes zer źiṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru’i źes bya ba’i miṅ rjod par mi byed na ñes pa sbom por ’gyur te | de ltar bsṅags pa byed pas so || (7) ji ltar bsṅags pa ma yin pa byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de’i gan du soṅ ste | ’di skad ces sru khyod (217b1) kyi rma’i sgo gsum po dag ni te por ma legs par dod pa daṅ | ma legs par gnas pa daṅ | ma legs par gyur pa dag yin no || źes zer źiṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod (2) par mi byed na ñes pa sbom por ’gyur te | de ltar bsṅags pa ma yin pa byed pas so || ji ltar gsol ba byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ | ñes par smras pa’i chos rnams kyi don kun (3) śes par nus pa gaṅ yin pa de’i gan du soṅ ste | ’di skad ces sru tshur śog de daṅ de bya’o źes zer źiṅ | ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar (4) gsol bar byed pas so || ji ltar ñe bar gsol ba byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de’i gan du soṅ ste | ’di skad (5) ces sru bud med daṅ | skyes pa de dag de byed pa gaṅ yin pa de ni de’i dga’ ba daṅ yid du ’oṅ ba yin gyis sru bdag cag kyaṅ de daṅ de byas na sru bdag gi dga’ ba daṅayida du ’oṅ bar ’gyur ro || źes zer źiṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag (6) mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar ñe bar gsol bar byed pas so || ji ltar ’dri bar byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ ñes par smras pa’i (7) chos rnams kyi don kun śes par nus pa gaṅ yin pa de’i gan du soṅ ste | ’di skad ces sru skyes pa gaṅ bud med gaṅ la de daṅ de byed pa de ni de’i dga’ ba daṅ yid du ’oṅ bar ’gyur na | kho bos kyaṅ sru la de daṅ | de bya na sru kho bo’i dga’ bar daṅ yid du ’oṅ bar ’gyur ram źes zer źiṅ (218a1) ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar ’dri bar byed pas so || ji ltar yoṅs su ’dri bar byed pas śe na | dge sloṅ gis (2) bral ciṅ gyur pa’i sems kyis bud med dam | gźon nu ma legs par smras pa daṅ ñes par smras pa’i chos rnams kyi don kun śes par nus pa gaṅ yin pa de’i gan du soṅ ste ’di skad ces sru skyes pa gaṅ bud med daṅ de daṅ de byed pa de ni de’i dga’ ba daṅ | yid du ’oṅ bar ’gyur (3) na kho bos kyaṅ srul de daṅ de bya na sru kho bo la dga’ ba daṅ yid du ’oṅ bar ’gyur ba de de bźin nam ’on te ma yin | de la sru ji sñam byed ces zer źiṅ ’khrig pa daṅ ldan pa | rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i (4) miṅ rjod par mi byed na ñes pa sbom por ’gyur te | de ltar yoṅs su ’dri bar byed pas so || ji ltar rjod par byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ | ñes par smras pa’i chos rnams kyi don kun (5) śes par nus pa gaṅ yin pa de’i gan du soṅ ste ’di skad ces sru mdaṅ sum kho bo’i gan du skyed mos tshal lam | lha’i gnas sam | dus mal che ge mo źig tu bud med de lta bu źig don de’i phyir ’oṅs par gyur nas | kho bos mal me tog gis bkram pa bśams śiṅ mtshan (6) thog thag ’bru mar gyi mar me btsugs nas kho bos de daṅ lhan cig bca’ ba de daṅ de lta bu ’chos śiṅ bza’ ba de daṅ de lta bu yaṅ zos | btuṅ ba de daṅ de lta bu yaṅ ’thuṅs śiṅ | kho bos de daṅ lhan cig de daṅ de yaṅ byas te | sru don de’i phyir ’oṅs par gyur na kho bos (7) mal me tog gis bkram pa bśams śiṅ mtshan thog thag ’bru mar gyi mar me btsugs nas kho bos sru daṅ lhan cig bca’ ba de daṅ de lta bu ’chos śiṅ bza’ ba de daṅ de lta bu yaṅ zos | btuṅ ba de daṅ de lta bu yaṅ ’thuṅs śiṅ | kho bos sru daṅ lhan cig de daṅ de (218b1) yaṅ byas par ’gyur ro źes zer źiṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar rjod par byed pas so || ji ltar smon par byed pas śe na | dge (2) sloṅ gisadrala ciṅ gyur pa’i sems kyis bud med dam | gźon nu ma legs par smras pa daṅ ñes par smras pa’i chos rnams kyi don kun śes par nus pa gaṅ yin pa de’i gan du soṅ ste | ’di skad ces su gaṅ dag daṅ sru daṅ lhan cig de lta de ltar byed pa de dag ni bde bar gyur (3) ciṅ mtho ris thob pa yin pas kho bo yaṅ gal te sru daṅ lhan cig de daṅ de byas na | bde bar ’gyur źiṅ mtho ris kyaṅ thob par ’gyur ro || źes zer źiṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod (4) par mi byed na ñes pa sbom por ’gyur ro || de ltar smon par byed pas so || ji ltar gśe bar byed pas śe na | dge sloṅ gis dral ciṅ gyur pa’i sems kyis bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin (5) pa de’i gan du soṅ ste ’di skad ces ro lta bu źes bya ba la sogs pas spyo ba dag gis spyo bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar gśe (6) bar byed pas so || gźan yaṅ ji ltar bsṅags pa byed pas śe na | bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa khyod kyi rma’i sgo gsum po dag ni te (7) bor legs par dod pa daṅ | legs par gnas pa daṅ | legs par gyur pa yin no źes zer ba na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar phyir (219a1) smra bar byed ciṅ ’khrig pa daṅ ldan pa’i rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar bsṅags pa byed pas so || ji ltar bsṅags pa ma yin pa byed pas śe na (2) bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa khyod kyi rma’i sgo gsum po dag ni te por ma legs par dod pa daṅ | ma legs par gnas pa daṅ | (3) ma legs par gyur pa dag yin no || źes zer ba na dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru (4) źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar bsṅags pa ma yin pa byed pas so || ji ltar gsol bar byed pas śe na | bud med dam | gźon nu ma legs par smras pa daṅ | ñes (5) par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa tshur sbyon | de daṅade bgyi’o źes zer ba na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags (6) par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar gsol ba byed pas (7) so || ji ltar ñe bar gsol bar byed pas śe na | bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa bud med daṅ | skyes pa de daṅ de bgyid pa gaṅ (219b1) lags pa de ni de’i dga’ ba daṅ yid du ’oṅs pa lags kyis | ’phags pa bdag cag kyaṅ de daṅ de bgyis na ’phags pa bdag gi dga’ ba daṅ yid du ’oṅ bar ’gyur ro źes zer ba na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag (2) par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa spom por ’gyur te | de ltar ñe bar gsol ba (3) byed pas so || ji ltar ’dri bar byed pas śe na | bud med dmas | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa skyes pa gaṅ bud med gaṅ la de daṅ de byed pa de ni de’i (4) dga’ ba ṅaṅ yid du ’oṅ bar ’gyur na | kho mos kyaṅ ’phags pa la de daṅ de bgyi na ’phags pa kho mo’i dga’ ba daṅ yid du ’oṅ bar ’gyur ram źes zer ba na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | (5) lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa spom por ’gyur te | de ltar ’dri bar byed pas so || ji ltar yoṅs (6) su ’dri bar byed pas śe na | bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa skyes pa gaṅ bud med la de daṅ de bgyid pa | de ni de’i dga’ ba daṅ yid du ’oṅ bar (7) ’gyur na | kho mos kyaṅ ’phags pa la de daṅ de ’gyi na ’phags pa kho mo la dga’ ba daṅ | yid du ’oṅ bar ’gyur ba de de bźin nam | ’on tam lags | de la ’phags pa ji sñam mdzad ces zer ba na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs (220a1) par byed | lhag par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por (2) ’gyur te | de ltar yoṅs su ’dri bar byed pas so || ji ltar rjod par byed pas źe na | bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa mdaṅ sum (3) kho mo’i gan du skyed mos tshal lam | lha’i gnas sam | dus mal che ge mo źig tu skyes pa de lta bu źig don de’i slad du mchis par gyur nas | kho mos mal me tog gis bkram pa bśams śiṅ mtshan thog thag tu ’bru mar gyi mar me btsugs nas kho mos de daṅ lhan cig bca’ ba de (4) daṅ de lta bu ’chos śiṅ bza’ ba de daṅ de lta bu yaṅ ’tshal | btuṅ ba de daṅ de lta bu yaṅ ’tshal ciṅ kho mos de daṅ lhan cig de daṅ de yaṅ bgyis te ’phags pa yaṅ don de’i slad du byon par gyur na | kho mos mal me tog gis bkram pa bśams śiṅ mtshan thog thag ’bru mar gyi mar (5) me btsugs nas kho mos ’phags pa daṅ lhan cig bca’ ba de daṅ de lta bu ’chos śiṅ bza’ ba de daṅ de lta bu yaṅ ’tshal btuṅ ba de daṅ de lta bu yaṅ ’tshal ciṅ kho mos ’phags pa daṅ lhan cig de daṅ de yaṅ bgyis par ’gyur ro źes zer ba na | dge sloṅ gis dral ciṅ gyur pa’i sems (6) kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod (7) par mi byed na ñes pa sbom por ’gyur te | de ltar rjod par byed pas so || ji ltar smon par byed pas śe na | bud med dam | gźon nu ma legs par smras pa daṅ | ñes par smras pa’i don kun śes par nus pa gaṅ yin pa de dge sloṅ gi gan du ’oṅs te ’di skad ces ’phags pa gaṅ dag (220b1) ’phags pa daṅ | lhan cig de lta de ltar bgyid pa de dag ni bde bar gyur ciṅ | mtho ris thob pa lags pas | kho mos yaṅ gal te ’phags pa daṅ | lhan cig de daṅ de bgyis na bde bar ’gyur źiṅ mtho ris kyaṅ thob par ’gyur ro źes zer ba na | dge sloṅ gis bral ciṅ gyur pa’i sems (2) kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par (3) mi byed na ñes pa sbom por ’gyur te | de ltar smon par byed pas so || ji ltar gśe bar byed pas śe na | bud med dam | gźon nu ma legs par smras pa daṅ | ñes par smras pa’i chos rnams kyi don kun śes par nus pa gaṅ yin pa de dge sloṅ gi gan du ’oṅs te ’di skad ces ro lta bu (4) źes bya ba la sogs pas spyo bdag gis spyo bar byed pa na | dge sloṅ gis dral ciṅ gyur pa’i sems kyis de’i ro myoṅ bar byed | ṅes par rtogs par byed | lhag par chags par byed | lhag par chags śiṅ ’dug par byed pa de lta de ltar phyir smra bar byed ciṅ ’khrig pa daṅ ldan pa rgya’i rna ru (5) źes bya ba’i miṅ rjod par byed na dge ’dun lhag mar ’gyur ro || rgya’i rna ru źes bya ba’i miṅ rjod par mi byed na ñes pa sbom por ’gyur te | de ltar gśe bar byed pas so || nus pa la dge ’dun lhag ma gaṅ yin pa de ni mi nus pa la ñes pa sbom po’o || skyes pa daṅ | za ma daṅ | ma niṅ (6) daṅ | mtshan gñis pa la ñes pa sbom po’i || nus pa la ñes pa sbom po gaṅ yin pa de mi nus pa la ñes byas so || skyes pa daṅ | za ma daṅ | ma niṅ daṅ | mtshan gñis pa la yaṅ ñes byas ñid do || dud ’gro’i skye gnas su skyes pa la yaṅ ñes byas ñid do || nus pa la ñes byas gaṅ (7) yin pa de mi nus pa la yaṅ ñes byas ñid do || skyes pa daṅ | za ma daṅ | ma niṅ daṅ | mtshan gñis pa la yaṅ ñes byas ñid do || dud ’gro’i skye gnas su skyes pa la yaṅ ñes byas ñid do || skad kyi ṅes pa’i tshig daṅ | yul gyi ṅes pa’i tshig daṅ | ljoṅs kyi ṅes pa’i tshig gis ni ltuṅ ba (221a1) med do || nas kyi miṅ daṅ | rtswa’i miṅ daṅ | yol ba’i miṅ brjod pa la ni ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ni ltuṅ ba med do || ’khrig pa daṅ ldan pa smra ba’i dge ’dun lhag ma ste gsum pa rdzogs (2) s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=004268af-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display