Bibliotheca Polyglotta

[Saṃghāvaśeṣa 6]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || (2) de’i tshe na dge sloṅ rnams la khaṅ ba ’di lta bur maṅ ba ñid du gyur te | kha cig ni khaṅ pa ’di ha caṅ riṅs so źes de bor nas gźan byed du ’jud do || kha cig ni khaṅ pa ’di ha caṅ thuṅs so || ’di ha caṅ yaṅs so || ’di ha caṅ dog go || ’di ha caṅ rñiṅs so || ’di ha caṅ stobs (3) chuṅ ṅo || ’di ha caṅ brtsigs ñes so źes de bor nas | gźan byed du ’jug go || de dag khaṅ pa byed pa daṅ | byed du ’jud pas bya ba daṅ | byed pa maṅ bar gyur nas luṅ mnod pa daṅ | klog pa daṅ | kha ton daṅ | rnal ’byor daṅ | yid la byed pa gtoṅ źiṅ | yaṅ daṅ yaṅ du rtsa (4) ba daṅ | śiṅ daṅ | mi blas daṅ | śiṅ rta’i las sloṅ bar byed pas bram ze daṅ | khyim bdag rnams kyis kha bya bar gyur to || de’i tshe na tshe daṅ ldan pa ’od sruṅ chen po mñan yod na śar gyi kun dga’i ba ri dgas ’dzin gyi ma’i khaṅ bzaṅs na ’dug go || de nas tshe daṅ ldan pa ’od sruṅ (5) chen pos dge sloṅ rab tu maṅ po dag la khaṅ pa de lta bur maṅ ba ñid du gyur pa thos so || thos nas kyaṅ phyi dro naṅ du yaṅ dag ’jog las laṅs nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu (6) ’dug go || mtha’ gcig tu ’dug nas | bcom lden ’das la tshe daṅ ldan pa ’od sruṅ chen pos ’di skad ces gsol to || btsun pa da ltar dge sloṅ rnams la khaṅ pa ’di lta bur maṅ ba ñid du gyur te | kha cig ni khaṅ ba ’di ha caṅ riṅs so || źes de bor nas gźan bgyid du (7) stsal to || kha cig ni khaṅ pa ’di ha caṅ thuṅs so || ’di ha caṅ yaṅs so || ’di ha caṅ dog go || ’di ha caṅ rñiṅs so || ’di ha caṅ stobs chuṅ ṅo || ’di ha caṅ brtsi gnoṅs so || źes de bor nas gźan bgyid du stsal to || de dag khaṅ pa bgyid pa daṅ | bgyid du stsal bas (240b1) bya ba daṅ | byed pa maṅ bar gyur nas luṅ mnod pa daṅ | klog pa daṅ | kha ton daṅ | rnal ’byor daṅ | yid la byed pa gtoṅ źiṅ | yaṅ daṅ yaṅ du ran daṅ | źugs śiṅ daṅ | mi blas daṅ | śiṅ rta’i las sloṅ bar bgyid pas bram ze daṅ | khyim bdag rnams kyis kha (2) bgyi bar gyur na | bcom ldan ’das kyis thugs brtse ba’i slad du dge sloṅ rnams la khaṅ ba daṅ | khaṅ pa’i gźi legs par bstan du gsol | bcom ldan ’das kyis tshe daṅ ldan pa ’od sruṅ chen po la caṅ mi gsuṅ bas gnaṅ ṅo || de nas tshe daṅ ldan pa ’od sruṅ chen pos bcom ldan ’das (3) kyis caṅ mi gsuṅ bas gnaṅ bar rig nas bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas tshe daṅ ldan pa ’od sruṅ chen po de ñid kyi mtshan mo ’das pa daṅ tshaṅs pa mtshuṅs par spyod pa rnams kyi sems bsruṅ ba’i phyir lhuṅ (4) bzed daṅ | chos gos thogs te ljoṅs rgyur soṅ ṅo || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das kyis dge sloṅ rab tu maṅ po dag la (5) rmas pa | dge sloṅ dag khyed cag la khaṅ pa ’di lta bur maṅ ba ñid du gyur te | kha cig ni khaṅ pa ’di ha caṅ riṅs so źes de bor nas gźan byed du ’jud | kha cig ni khaṅ pa ’di ha caṅ thuṅs so || ’di ha caṅ yaṅs so || ’di ha caṅ dog go || ’di ha caṅ rñiṅs so || ’di ha caṅ (6) stobs chuṅ ṅo || ’di ha caṅ brtsigs ñes so źes de bor nas gźan byed du ’jud pa bden nam | btsun pa mad do || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ dgaṅ dka’ ba rnam par smad do || de nas bcom ldan ’das kyis (7) ’dod pa chuṅ ba’i bsṅags pa brjod de | chog śes pa daṅ | gso sla ba daṅ | dgaṅ sla ba daṅ | phri ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | tshod śes pa ñid kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas (241a1) na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis bdag gis bslaṅs (2) pa bdag po med pa | bdag gi phyir khaṅ pa rtsig tu ’jud na dge sloṅ des khaṅ pa tshad bźin du rtsig tu chug śig | de la khaṅ pa’i tshaṅ ni ’di yin te | naṅ srid du bde ba ra gśegs pa’i mtho’i mtho bcu gñis | źeṅ du mtho bdun no || gźi blta ba’i phyir dge sloṅ dag bkri (3) bar bya’o || khrid pa’i dge sloṅ dag gis kyaṅ gźi ruṅ ba daṅ | rtsod pa med pa daṅ | brtsam du ruṅ bar blta bar bya’o || gal te dge sloṅ gis gźi mi ruṅ ba ’am | rtsod pa daṅ bcas pa ’am | brtsam du mi ruṅ bar bdag gis bslaṅs pa bdag po med pa bdag gi phyir khaṅ (4) pa rtsig tu ’jud dam gźi blta ba’i phyir dge sloṅ dag kyaṅ mi khrid dam | dge sloṅ khrid pa dag la gźi mi ston tam | tshad las ’das na dge ’dun lhag ma’o || dge sloṅ gis źes bya ba ni chos ’di pas so || bdag gis bslaṅs pa źes bya ba ni ’dun pa las byuṅ ba’i sloṅ mo la la (5) las ni śiṅ | la la las ni rtswa | la la las ni mi blas | la la las ni śiṅ rta’i las bslaṅs pa’o || bdag po med pa źes bya ba ni gaṅ la bdag po skyes pa’am bud med dam ma niṅ med pa’o || bdag gi phyir źes bya ba ni bdag ñid la bsṅos te’o || khaṅ pa źes bya ba ni gaṅ du (6) spyod lam bźi po ’chag pa daṅ | ’greṅ ba daṅ | ’dug pa daṅ | ñal ba dag śoṅ ba’o || rtsig tu ’jug na źes bya ba ni bdag ñid kyis sam gźan gyis so || dge sloṅ des khaṅ pa tshad bźin du rtsig tu chug śig | de la khaṅ pa’i tshad ni ’di yin te | naṅ srid du bde bar gśegs (7) pa’i mtho’i mtho bcu gñis źeṅ du mtho bdun no źes bya ba la bde bar gśegs pa źes bya ba ni ston pa ste | de’i mtho bcu gñis gaṅ dag yin pa de dag la ni tshad daṅ ldan pa’i khru’i khru bcwa brgyad de | naṅ gi srid du tshad daṅ ldan pa’i khru bcwa brgyad do || bde bar gśegs pa’i mtho (241b1) bdun gaṅ dag yin pa de dag yin pa de dag la ni tshad daṅ ldan pa’i khru’i bru phyed daṅ bcu gcig ste | naṅ gi źeṅ du khru phyed daṅ bcu gcig go || gźi blta ba’i phyir dge sloṅ des dge sloṅ dag bkri bar bya’o źes bya ba la | gźi ba lta ba’i phyir źes bya ba ni sa gźi ruṅ ba daṅ | rtsod pa med pa daṅ | (2) brtsam du ruṅ pa ñid blta ba’i phyir ro || dge sloṅ des źes bya ba ni dge sloṅ gaṅ yin pa des so || dge sloṅ dag bkri bar bya’o źes bya ba ni de na dge sloṅ gaṅ dag yod pa dag yin gyi ji tsam gyis gźi de mig gis bltas par ’gyur ba’i dge sloṅ de tsam bkri bar bya ba ni ma yin no || (3) gal te de na sprul gyi gnas sam | sdig pa’i gnas sam | sril gyi gnas sam | grog ma’i gnas yod pa yin na mi ruṅ ba yin pa’i phyir bstan par mi bya’o || gal te ruṅ ba’i yin na de’i ’og tu ñe bar brtag par bya ste gal te rgyal po’i gźi ’am | mchod rten gyi gźi ’am | khyim (4) bdag gi gźi ’am | mu stegs can gyi gźi ’am | dge sloṅ ma’i dbyar khaṅ dam | śiṅ ljon pa gcad par bya ba yod na | rtsod pa daṅ bcas pa yin pa’i phyir bstan par mi bya’o || gal te gźi ruṅ ba daṅ | rtsod pa med pa yin na de’i ñen kor ’dom gaṅ kho ra khor yug ñe bar (5) brtag par bya ste | gal te de na gźi chu kluṅ la rten tam | khron pa la rten tam | lam la rten tam | dam grog la rten pa yin na | brtsam du mi ruṅ ba’i phyir bstan par mi bya’o || gal te gźi de ruṅ ba daṅ | rnam pa thams cad yoṅs su rdzogs pa yin na dge sloṅ des (6) gtsug lag khaṅ du soṅ ste | gnas mal bśam pa byas nas gaṇ+śī brduṅs te | dris pa’i tshig gis dge sloṅ dag la bskul nas dge ’dun thams cad ’dug ciṅ mthun par gyur pa la mchil lham phud de | bla gos phrag pa gcig tu byas nas rgan rims bźin du phyag ’tshal te (7) rgan pa’i mtha’ logs su cog pur ’dug nas thal mo sbyar te ’di skad ces brjod par bya’o || dge ’dun btsun pa rnams gsan du gsol | bdag dge sloṅ lag gi bla miṅ ’di źes bgyi bas khaṅ pa’i gźi ruṅ ba | rtsod pa ma mchis pa | brtsam du ruṅ ba źig btsal te | (242a1) bdag dge sloṅ lag gi bla miṅ ’di źes bgyi ba dge ’dun las khaṅ pa’i gźi ruṅ ba | rtsod pa ma mchis pa | brtsam du ruṅ ba bstan pa gsol na | thugs brtse ba can dge ’dun btsun pa rnams kyis thugs brtse ba’i slad du bdag dge sloṅ lag gi bla miṅ ’di (2) źes bgyi ba la khaṅ pa’i gźi ruṅ ba rtsod pa ma mchis pa | brtsam du ruṅ ba bstan ba stsal du gsol | de bźin du lan gñis lan gsum du bzlas | dge sloṅ de dag gis kyaṅ dge sloṅ de la dad pas sam yid ches pas ’gro bar mi bya bar ’di ltar dge ’dun thams cad der ’gro (3) bar bya ba’am | dge ’dun gyis bskos pa’i dge sloṅ dag gtaṅ bar bya’o || de dag gis gźi de mig gis blta bar bya źiṅ | gal te de na sbrul gyi gnas sam | sdig pa’i gnas sam | sril gyi gnas sam | grog ma’i gnas yoṅs pa yin na mi ruṅ ba yin pa’i phyir bstan (4) par mi bya’o || gal te ruṅ ba yin na de’i ’og tu ñe bar brtag par bya ste | gal te rgyal po’i gźi ’am | mchod rten gyi gźi ’am | khyim bdag gi gźi ’am | mu stegs can gyi gźi ’am | dge sloṅ ma’i dbyar khaṅ ṅam | śiṅ ljon pa gcad par bya ba yod na rtsod pa daṅabacasa (5) ba yin pa’i phyir bstan par mi bya’o || gal te gźi ruṅ ba daṅ | rtsod pa med pa yin na de’i ñen kor ’dom gaṅ kho ra khor yug ñe bar brtag par bya ste | gal te de na gźi chu kluṅ la rten tam | khron pa la rten tam | lam la rten tam | ṅam grog la rten pa yin na brtsam du (6) mi ruṅ ba’i phyir bstan par mi bya’o || gal te gźi de ruṅ ba daṅ | rnam pa thams cad yoṅs su rdzogs pa yin na de’i tshe dge sloṅ de dag gis rgan pa’i mtha’ logs su gus pa daṅ bcas pas ’dug ste ’di skad ces brjod par bya’o || gnas brtan dag gźi de ruṅ ba daṅ | (7) rtsod pa ma mchis pa daṅ | brtsam du ruṅ ba lags kyis da de’i dus la bab par mkhyen par mdzod cig de’i ’og tu dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ lag gi bla miṅ ’di źes bgyi ba ’dis khaṅ pa’i gźi (242b1) ruṅ brtsod pa ma mchis pa | brtsam du ruṅ ba źig btsal te | dge sloṅ lag gi bla miṅ ’di źes bgyi ba ’di dge ’dun las khaṅ pa’i gźi ruṅ ba | rtsod pa ma mchis pa | brtsam du ruṅ ba bstan pa gsol na | gal te dge ’dun gyi dus la bab ciṅ bzod na dge ’dun gyis (2) gnaṅ bar mdzod cig daṅ | dge ’dun gyis dge sloṅ lag gi bla miṅ ’di źes bgyi ba la khaṅ pa’i gźi ruṅ ba rtsod pa ma mchis pa | brtsam du ruṅ ba bstan pa stsol to || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ lag gi (3) bla miṅ ’di źes bgyi ba ’dis khaṅ pa’i gźi ruṅ ba | rtsod pa ma mchis pa brtsam du ruṅ ba bstan pa gsol te | dge sloṅ lag gi bla miṅ ’di źes bgyi ba ’di dge ’dun las khaṅ pa’i gźi ruṅ ba | rtsod pa ma mchis pa brtsam du ruṅ ba bstan pa gsol te | de’i slad du dge ’dun gyis dge sloṅ (4) lag gi bla miṅ ’di źes bgyi ba la khaṅ pa’i gźi ruṅ ba | rtsod pa ma mchis pa brtsam du ruṅ ba bstan pa stsol na tshe daṅ ldan pa gaṅ dag dge sloṅ lag gi bla miṅ ’di źes bgyi ba la khaṅ pa’i gźi ruṅ ba | rtsod pa ma mchis pa brtsam du ruṅ ba bstan pa stsal bar bzod pa de dag ni caṅ (5) ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ lag gi bla miṅ ’di źes bgyi ba khaṅ pa’i gźi ruṅ ba | rtsod pa ma mchis pa brtsam du ruṅ ba bstan pa stsal lags te | ’di ltar caṅ mi gsuṅ (6) bas de de bźin du ’dzin to || dge ’dun gyis dge sloṅ lag gi bla gaṅ la khaṅ pa’i gźi ruṅ ba | rtsod pa med pa brtsam du ruṅ ba bstan pa byin pa des khaṅ pa rtsig tu gźug par bya ste ’di la ’gyod par mi bya’o || khrid pa’i dge sloṅ dag gis kyaṅ źes bya ba ni der dge sloṅ gaṅ (7) dag khrid pa dag gis kyaṅ ṅo || gźi źes bya ba ni khaṅ pa’i dbaṅ du byas pa’i gźi gaṅ yin pa’o || ruṅ ba źes bya ba ni sprul gyi gnas daṅ | sdig pa’i gnas la sogs pa daṅ bral ba’o || rtsod pa med pa źes bya ba ni thab mo daṅ | mtshaṅ ’dru ba la sogs pa daṅ bral ba’o || (243a1) brtsam du ruṅ bar źes bya ba ni de’i ñin kor ’dom gaṅ khor khor yug na skyon med par ro | blta bar bya’o źes bya ba ni so sor brtag par bya ba’o || gal te dge sloṅ gis gźi mi ruṅ ba ’am źes bya ba ni sprul daṅ sdig pa la sogs pa’i gnas kyi śas che ba’o || (2) rtsod pa daṅ bcas pa ’am źes bya ba ni thab mo daṅ bcas pa daṅ | mtshaṅ ’dru ba daṅ bcas pa daṅ rtsod pa daṅ bcas pa daṅ | ’gyed pa daṅ bcas pa’o || brtsam du mi ruṅ bar źes bya ba ni gaṅ gi ñen kor ’dom gaṅ kho ra khor yug med par ro || bdag gis bslaṅs pa bdag (3) bo med pa bdag gi phyir khaṅ pa rtsig tu ’jud dam | gźi ba lta ba’i phyir dge sloṅ dag kyaṅ mi khrid dam | dge sloṅ khrid pa dag la gźi mi ston tam | tshad las ’das na źes bya ba ni tshad ji skad bstan pa de las lhag par rtsig tu ’jud na’o || dge ’dun lhag ma’o źes bya ba ni sṅa ma (4) bźin te | des na dge ’dun lhag ma’o źes gsuṅs so || de la ltuṅ bar ji ltar ’gyur źe na dge sloṅ gis khaṅ pa byed du ’jud ciṅ mi ruṅ bar byed du ’jud na ñes pa sbom por ’gyur ro || rtsod pa daṅ bcas par byed du ’jud na ñes pa sbom por ’gyur ro || brtsam du mi (5) ruṅ bar byed du ’jud na ñes pa sbom por ’gyur ro || ma bstan par byed du ’jud na ñes pa sbom por ’gyur ro || tshad las ’das par byed du ’jud na ñes pa sbom por ’gyur ro || thams cad las ’das pa byed du ’jud na dge ’dun lhag mar ’gyur ro || dge sloṅ gis dge (6) sloṅ gi gan du soṅ sta ’di skad ces kho bo’i phyir khaṅ par ruṅ ba | rtsod pa med pa brtsam du ruṅ ba bstan pa tshad daṅ ldan pa byed du chug śig ces smras pa las des de’i phyir khaṅ pa byed du ’jud ciṅ mi ruṅ bar byed du ’jud na byed pa po la ñes pa sbom por ’gyur ro || rtsod pa daṅ (7) bcas par byed du ’jud na byed pa po la ñes pa sbom por ’gyur ro || brtsam du mi ruṅ bar byed du ’jud na byed pa po la nes pa sbom por ’gyur ro || ma bstan par byed du ’jud na byed pa po la ñes pa sbom por ’gyur ro || tshad las ’das par byed du ’jud na byed pa po la ñes pa (243b1) sbom por ’gyur ro || thams cad las ’das par byed du ’jud na byed pa po la dge ’dun lhag mar ’gyur ro || gal te de de’i gan du soṅ ste ’di skad ces legs par byas so || śin tu byas so || ṅas khyod la ’di skad bsgo’o źes zer źiṅ des kyaṅ de la śiṅ ṅam | rtswa ’am | (2) lci ba ’am | sa ’jim ’bul bar byed la | gal te des mi ruṅ bar byed du ’jud na gñi ga la ñes pa sbom por ’gyur ro || rtsod pa daṅ bcas par byed du ’jud na gñi ga la ñes pa sbom por ’gyur ro || brtsam du mi ruṅ bar byed du ’jud na gñi ga la ñes pa sbom por ’gyur ro || ma bstan (3) par byed du ’jud na gñi ga la ñes pa sbom por ’gyur ro || tshad las ’das par byed du ’jud na gñi ga la ñes pa sbom por ’gyur ro || thams cad las ’das par byed du ’jud na gñi ga la dge ’dun lhag mar ’gyur ro || gal te de de gan du soṅ ste ’di skad ces legs par ma byas so || (4) śin tu ma byas so || ṅas khyod la ’di ltar ma bsgo ’o źes zer źiṅ des de la śid ṅam | rtswa ’am | lci ba ’am | sa ’jim ’bul bar mi byed la | gal te des mi ruṅ bar byed du ’jud na byed pa po la ñes pa sbom por ’gyur ro || rtsod pa daṅ bcas par byed du ’jud na byed pa po la ñes (5) pa sbom por ’gyur ro || brtsam du mi ruṅ par byed du ’jud na byed pa po la ñes pa sbom por ’gyur ro || ma bstan par byed du ’jud na byed pa po la ñes pa sbom por ’gyur ro || tshad las ’das par byed du ’jud na byed pa po la ñes pa sbom por ’gyur ro || thams cad las (6) ’das par byed du ’jud na byed pa po la dge ’dun lhag mar ’gyur ro || byas pa rñed pa daṅ | byas pa la loṅs spyod pa dag la ni ltuṅ ba med do || rñiṅ pa ’chos pa la yaṅ ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la (7) ltuṅ ba med do || khaṅ pa’i dge ’dun lhag ma ste drug pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=004758e1-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display