Bibliotheca Polyglotta

[Saṃghāvaśeṣa 7]
saṅs rgyas bcom ldan ’das kau śām+wī na gdaṅs can gyi kun dga’ ra ba na bźugs so || drug sde dag gźan gyis byed du bcug pa’i gtsug lag khaṅ dag na gnas śiṅ de dag de dag na gnas pa na dga’ (244a1) bo ñe dga’ ltos śig | gatsugalaga khaṅ ’di ni gyoṅ grugs su gyur pa yin no || ’di ni gas pa yin no || ’di ni mtshams ñams pa yin no || ’di ni ṅos ñams pa yin no || ’di ni ma mo’i khyim ’dra ba yin no źes ’phya bar byed pa daṅ dge sloṅ rnams kyis de (2) dag la smras pa | tshe daṅ ldan pa dag khyed cag re źig gźan gyis byed du bcug pa’i gtsug lag khaṅ dag na gnas śiṅ | khyed cag gis rdo yaṅ sgreṅ bar mi nus la ’on kyaṅ ’phya bar byed do || de skad ces smras pa daṅ | de dag ṅa rgyal gyis kheṅs par gyur nas | phan tshun smras par (3) brtsams pa | dga’ bo ñe dga’ lhuṅ bzed nag po can ’di dag gis bdag cag la khyed cag re źig gźan gyis byed du bcug pa’i gtsug lag khaṅ dag na gnas śiṅ | khyed cag gis rdo yaṅ sgreṅ bar mi nus la ’on kyaṅ ’phya bar byed do || źes ha caṅ zil gyi mnan gyis tshur (4) śeg | bdag cag gis sṅon lhuṅ bzed nag po can gaṅ gis kyaṅ byed du ma bcug pa’i gtsug lag khaṅ ci ’dra ba’i gtsug lag khaṅ byed du gźug go || gal te bdag cag thams cad lag gi bla ma brtson par gyur na lhuṅ bzed nag po can dag rtag pa kho nar bdag cag la (5) skabs tshol bas | de dag gis drug sde dag thams cad lag gi bla la źugs so źes skabs rñed par yaṅ ’gyur la | bdag cag gi sloṅ mo’i khyim gaṅ dag yin pa de dag tu yaṅ brel ba dag gi skyon brjod nas rjes su ’jug par byed par ’gyur gyis | bdag cag gis bdag cag (6) gi naṅ na mkhas pa | spyod pa gsal ba | khab gźug par gtun bu ’dzud nus pa gaṅ yin pa de’i gan du bdag cag doṅ la spro ba bskyed par bya gor ma chag na | de’i phyir bdag cag gi naṅ na mkhas pa spyod pa gsal ba | khab gźug par gtun bu ’dzud par nus pa gaṅ yin | (7) bdag cag gi naṅ na tshe daṅ ldan pa ’dun pa mkhas pa | spyod pa gsal ba | khab gźug par gtun bu ’jud nus pa yin gyis bdag cag de’i gan du ’doṅ la spro ba bskyed par bya’o || źes de dag ’dun pa’i gan du doṅ ste smras pa | tshe daṅ ldan pa ’dun pa lhuṅ bzed nag po can ’di (244b1) dag gis bdag cag la khyed cag re źig gźan gyis byed du bcug pa’i gtsug lag khaṅ dag na gnas śiṅ khyed cag gis rṅo yaṅ sgreṅ bar mi nus la | ’on kyaṅ ’phya bar byed do źes ha caṅ zil gyis mnan nas | kho bo cag ’di sñam du sems te | lhuṅ bzed nag po can ’di dag gis (2) bdag cag la khyed cag re źig gźan gyis byed du bcug pa’i gtsug lag khaṅ dag na gnas śiṅ khyed cag gis rdo yaṅ sgreṅ bar mi nus la | ’on kyaṅ ’phya bar byed do źes ha caṅ zil gyis mnan gyis tshur śeg | bdag cag gis sṅon lhuṅ bzed nag po can gaṅ gis kyaṅ byed du ma bcug pa’i (3) gtsug lag khaṅ ci ’dra ba de ’dra ba’i gtsug lag khaṅ byed du gźug go || gal te bdag cag thams cad lag gi bla la brtson par gyur na lhuṅ bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la źugs so źes skabs rñed par (4) yaṅ ’gyur la | bdag cag gi sloṅ mo’i khyim gaṅ dag yin pa de dag tu yaṅ brel bdag gi skyon brjod nas rjes su ’jug par byed par ’gyur gyis | bdag cag gis bdag cag gi nag na mkhas pa | spyod pa gsal ba | khab gźug par gtun bu ’jud nus pa gaṅ yin pa de’i gan du (5) bdag cag doṅ la spro ba bskyed par bya gor ma chag na | de’i phyir bdag cag gi naṅ na mkhas pa | spyod pa gsal pa | khab gźug par gtun bu ’dzud nus pa gaṅ yin | bdag cag gi naṅ na tshe daṅ ldan pa ’dun pa mkhas pa | spyod pa gsal ba | khab gźug par gtun bu ’dzud nus pa (6) yin gyis bdag cag de’i gan du doṅ la spro ba bskyed par bya’o sñam nas | bdag cag gis tshe daṅ ldan pa gcug lag khaṅ gi phyir spro bar bya źiṅ khyod la gsol ba ’debs kyis lhuṅ bzed nag po can dag yan lag ’dis zil gyis non par gyis śig | ’dun bas smras pa | thabs yin (7) gyis de ltar bya’o || de dag yid dga’ nas doṅ ṅo || tshe daṅ ldan pa ’dun pa yaṅ gtsug lag khaṅ gi phyir rol du rkaṅ pa gñis bkrus nas gtsug lag khaṅ du źugs te | ’dug nas thabs ci yod na des dge ’dun gyi gtsug lag khaṅ ’grub par ’gyur sñam du sems pa la źugs so || ṅes su (245a1) źig su la mṅon par dad sñam du rnam par dpyad par brtsams pa daṅ | de ’di sñam du sems te | re źig ’jig rten lha daṅ bcas pa na bcom ldan ’das la mṅon par dad pa yin | khyim che ge mo źig ni tshe daṅ ldan pa kun śes kauṇ+ḍi n+ya la | khyim che ge mo źig ni tshe (2) daṅ ldan pa ’od sruṅ chen po la | khyim che ge mo źig ni tshe daṅ ldan pa śā ri’i bu la | khyim che ge mo źig ni tshe daṅ ldan pa maud gal gyi bu chen po la | khyim che ge mo źig ni tshe daṅ ldan pa ma ’gags pa la | khyim che ge mo źig ni che daṅ ldan pa rta thul la | khyim che ge mo źig ni tshe daṅ ldan (3) pa bzaṅ ldan la | khyim che ge mo źig ni tshe daṅ ldan pa rlaṅs pal | khyim che ge mo źig ni tshe daṅ ldan pa miṅ chen la | khyim che ge mo źig ni tshe daṅ ldan pa gaṅ po la | khyim che ge mo źig ni tshe daṅ ldan pa dri ma med pa la | khyim che ge mo źig ni tshe daṅ ldan pa ba laṅ bdag la | khyim (4) che ge mo źig ni tshe daṅ ldan pa kun dga’ bo la | khyim che ge mo źig ni bcom ldan ’das kyi gcuṅ sru’i sras tshe daṅ ldan pa mdzes dga’ la | khyim che ge mo źig ni bcom ldan ’das kyi sras tshe daṅ ldan pa sgra can zin la | khyim che ge mo źig ni tshe daṅ ldan pa gyad bu nor la | khyim che (5) ge mo źig ni tshe daṅ ldan pa dga’ bo la | khyim che ge mo źig ni tshe daṅ ldan pa ñe dga’ la | khyim che ge mo źig ni tshe daṅ ldan pa ’gro mgyogs la | khyim che ge mo źig ni tshe daṅ ldan pa ’char ka la | khyim che ge mo źig ni tshe daṅ ldan pa nab so la mṅon par dad pa yin pas de’i phyir de (6) dag sbyor du gźug tu mi nus kyis | ’di ltar kau śām+bī na bram ze phyug pa | nor maṅ ba loṅs spyod che ba yoṅs su gzuṅ ba yaṅs śiṅ rgya che ba źig ’dug na de ni ser sna can mig phra ba | bya rog la yaṅ gtor ma mi ster ba | yo byad kun ’dzin pa yin la | de la dbyig daṅ | gser (7) maṅ bo bdog pas gal te de rjes su ’jug par byed nus na dge ’dun gyi gtsug lag khaṅ ’grub par ’gyur ro sñam nas | de de ltar sems pa la źugs pas | tshegs chen pos nam naṅs par byas nas | sṅa dro śam thabs bgos lhuṅ bzed daṅ chos gos thogs te | kau śām+bīra bsod (245b1) sñoms la źugs so || des khyim gñis sam | gsum du bsod sñoms brgyus nas phye ñuṅ śas śig khyer te | bram ze de’i khyim du ’jug par brtsams pa daṅ | sgo bas ’phags pa sdod cig | ma ’jug ces bgags so || des smras pa | bźin bzaṅs bcom ldan ’das kyis (2) kho bo cag gi spyod yul ma yin pa ni rnam pa lṅa gsuṅs te | rol mo mkhan gyi gnas daṅ | ’jud mthun ma’i gnas daṅ | chaṅ ba’i gnas daṅ | gdol ba’i gnas daṅ | rgyal po’i pho braṅ yin na ci khyim ’di na rol mo mkhan gyi gnas yin nam | ’on te ’jud mthun ma’i gnas sam | (3) chad pa’i gnas sam | gdol ba’i gnas sam | rgyal po’i pho braṅ yin nam cin de’i phyir kho bo ’gog par byed | sgobs smras pa | ’phags pa khyod maṅ du bkyon par ’gyur mod ’di ni rol mo mkhan gyi gnas kyaṅ ma lags | ’jud mthun ma’i gnas daṅ | chaṅ pa’i gnas daṅ | (4) gdol pa’i gnas daṅ | rgyal po’i pho braṅ yaṅ ma lags te | ’di ltar ’di ni bram ze che ge mo źig gi khyim lags so || ’dun pas bsams pa | gaṅ du re źig ṅo phrad pa yaṅ med pa der gźan ci źig yod par ’gyur sñam nas | de de ltar sgor bagagasasa te | sems khoṅ du chud ciṅ (5) ’dug pa na khyim bdag cig gi du byuṅ bder bcu gñis ’dus pa’i dga’ ’dun gar daṅ | glu daṅ | sil sñan gyis źugs pa daṅ | sgo bdes de dgal te por brtag par brtsams te sgo la mi lta ba’i cho cho daṅ ldan pa ’dun pas ’jug pa thob ste źugs nas de’i spyod lam gyis ’dod chags (6) daṅ bral ba’i sa sbyoṅ bar byed pa de | bram ze des mthoṅ nas smras pa | btsun pa ’dun pa byon pa legs so || gdan ’dil bźugs śig | ’dun pa don yod pas ’dug pa daṅ gtam gyi skabs ma rñed nas ’dun pas smras pa | bram ze kho bos bsod sñoms kyi phye ñuṅ śas śig rñed pa (7) ’di ’tshag tu chug ste byin cig | bram zes bu mo la bsgo ba | bu mo ’phags pa’i bsod sñoms kyi phye tshogs te phul cig | bu mo des btsag par brtsams pa daṅ | tshe daṅ ldan pa ’dun pas phye la brtag par brtsams so || bram zes smras pa ’phags pa ci rtog | srog chags so || (246a1) gal te mchis na ji ltar bgyi | bza’ bar mi bya’o || gal te gsol bar gyur na noṅs pa ci mchis | bram ze bcom ldan ’das kyis srog gcod pa kun tu bsten ciṅ goms par byas lan maṅ du byas pas lus źig ste śi ba’i ’og tu ṅan soṅ daṅ | ṅan ’gro daṅ | log (2) par ltuṅ ba daṅ | sems can dmyal ba rnams su skye bar ’gyur źiṅ | gal te ’di lta bu ñid du mi rnams daṅ skal ba mñam par ’oṅ na yaṅ tshe thuṅ bar ’gyur ro źes gsuṅs so źes bya ba la sogs pa mi dge ba bcu daṅ | dge ba bcu’i las kyi lam dag rgyas par brjod pa daṅ | bram (3) ze de mṅon par dad par gyur nas raṅ ñid kyis bza’ ba daṅ | bca’ ba gtsaṅ źiṅ bsod pas snod bkaṅ ste smras pa | ’phags pa thugs brtse ba’i slad du ’di bźes su gsol | tshe daṅ ldan pa ’dun pas bsams pa | gal te blaṅs par gyur na ’di lta ste dper na śiṅ las byas (4) pa’i snod du bskol ba daṅ ’dra bar bdag gi daṅ po ’di ñid tha mar ’gyur ro sñam du rig nas smras pa | bram ze kho bos bsod sñoms kyi phye ñuṅ śas śig rñed pa ’di ñid yoṅs su loṅs spyad par bya’i | dad pas sbyin par bya ba blaṅs te dor dug la ruṅ | bram zes smras pa | ’phags pa (5) bdag cag bram ze rnams kyi kun tu spyod pa ni gal te ṅan pa rñed nas bzaṅ po rñed par gyur na ṅan pa spaṅs te bzaṅ po yoṅs su loṅs spyod par bgyid pa lags na de khyed cag la ci noṅs | bram ze kho bo cag ni bslab pa’i gźi yaṅ dag par blaṅs pa yin la | khyed bram ze dag ni bslab (6) pa’i gźi yaṅ dag par blaṅs pa ma yin pas khyed cag bram ze dag ni ci dgar ’jug par byed pa yin no || kho bo cag la ni bcom ldan ’das kyis ’phags pa’i rigs bźi bka’ stsal te | bźi gaṅ źe na | chos gos gaṅ yaṅ ruṅ bas chog śes pa ’phags pa’i rigs daṅ | bsod (7) sñoms gaṅ yaṅ ruṅ bas chog śes pa ’phags pa’i rigs daṅ | gnas mal gaṅ yaṅ ruṅ bas chog śes pa ’phags pa’i rigs daṅ | spoṅ ba la dga’ ba daṅ | bsgom pa la dga’ ba ’phags pa’i rigs so || bram ze de śin tu mṅon par dad par gyur nas smras pa | ’phags (246b1) pa ’di ni khyod kyi kha ba lags kyis dus daṅ dus su gśegs su gsol | bram ze khyod kyi sgo ba ’di ni gśin rje’i dbyug pa pa daṅ ’dra ba yin pas su yaṅ ’jug tu mi ster gyis | legs par bsgo ba gyis śig daṅ | des na kho bo la ’gog par mi byed do || bram zes sgob bkug (2) ste legs par bsgo ba | kwa’i naṅ rje khyim ’di ’phags pa ’dun pa’i yin gyis khyod kyis ma bgag cig | naṅ mi la yaṅ bsgo ba | khyed cag gis ’phags pa ’dun pa la mi gus par mi bya’o || tshe daṅ ldan pa ’dun pas bsams pa | bram ze ’di ni mṅon par dad par gyur na ’on kyaṅ (3) gal te ’dir lhuṅ bzed nag po can ’jug par gyur na | des ’di ci nas kyaṅ ’khrug par byed par ’gyur bas thabs kyi rnam pa źig bya’o sñam nas ’dun pas sgo bde la smras pa | kwa’i naṅ rje khyod kyis bram ze de ji ltar kho bo la mṅon par dad par gyur pa mthoṅ ṅam | ’phags pa mthoṅ ṅo || (4) des kho bo ’ba’ źig ’dir ’jug tu gnaṅ gis lhuṅ bzed nag po can su yaṅ ’jug tu ma gźug cig | gal te ’dir lhuṅ bzed nag po can ’ga’ źig ’jug tu bcug na kho bos khyod la khrims chen po ’char gźug par bya’o || ’phags pa śin tu bag yaṅs su bźud cig | khyod ñid kyaṅ re (5) źig de’u ma chud pa lags na lhuṅ bzed nag po can gźan ’jug par ’gyur ba lta smos kyaṅ ci ’tshal | tshe daṅ ldan pa ’dun pa yid bde ba skyes te soṅ nas de dus daṅ dus su bram ze de’i khyim du ’gro bar byedado || bram zes kyaṅ de kho na bźin du yaṅ daṅ yaṅ du stobs par byed pa na tshe daṅ ldan pa (6) ’dun pas daṅ du len par mi byed par sbyin pa daṅ ldan pa’i chos bstan pa ’ba’ źig byas śiṅ ’gro bar byed do || ji tsam dus gźan źig na tshe daṅ ldan pa ’dun pas bram ze de la rdzas las byuṅ ba’i bsod nams bya ba’i gźi bdun po dag gi bsṅags pa brjod ciṅ de dag rgya cher (7) legs par bśad pa daṅ | bram zes smras pa | ’phags pa bdag gis kyaṅ rdzas las byuṅ ba’i bsod nams bya ba’i gźi ’ga’ źig bgyi’o || bram ze de bźin gyis śig | ’phags pa ci źig bgyi | dge ’dun gyi gtsug lag khaṅ byed du chug śig | bram zes bsams pa | (247a1) bdag gis ’phags pa ’dun pa la rnam pa du mar bstabs na ’dis lan ’ga’ yaṅ daṅ du ma blaṅs te | da daṅ du blaṅs pa gaṅ yin pa ’di yaṅ dge ’dun gyi phyir ro sñam nas de ṅo mtshar skyes te smras pa | ’phags pa bdag la kār ṣā pa ṇa dag ni mchis na | ’on (2) kyaṅ sa gźi ni rgyal po dbaṅ bas gaṅ du dge ’dun gyi gtsug lag khaṅ bgyid du stsal ba’i dogs ma mchis so || bram ze khyod sñiṅ las chuṅ dur gyis śig daṅ kho bos rgyal po las sa bslaṅ bar bya’o || ’phags pa gal te de lta na legs so || tshe daṅ ldan pa ’dun pas (3) bsams pa | ji ltar bya je rgyal po la bsten par bya ’am ’on te blon po rnams la bsten par bya sñam nas de ’di sñam du sems te | la la na re ’di skad ces bsten pa la bsten par mi bya bar bsten pa la bsten pa bsten par bya’o źes zer ro sñam nas | des blon po rnams la bsten (4) bar brtsams te | de dag la dus la cuṅ zad cig bsten pa daṅ | blon po rnams kyis smras pa | ’phags pa bka’ stsal pa ci mchis | ’dun pas smras pa | bźin bzaṅs dag bram ze źig gis dge ’dun gyi phyir gtsug lag khaṅ byed du bcug nas gźi rgyal po daṅ dbaṅ bas (5) gaṅ du gtsug lag khaṅ rtsig tu bcug pa’i sa med na de’i phyir sa gźi’i ched du lha’i sñan du gsol ba źig ’dod na de khyed cag gis grogs gyis śig | ’phags pa gaṅ gi tshe rgyal po tshogs ñuṅ du daṅ dben pa na bźugs pa de’i tshe khyod spran par bgyi yis sbyon cig | ji tsam (6) dus gźan źig na rgyal po tshogs ñuṅ du daṅ dben pa na ’dug pa’i tshe blon po de dag gis tshe daṅ ldan pa ’dun pa la | ’phags pa rgyal po tshogs ñuṅ ṅu daṅ dben pa na bźugs kyis sbyon cig ces baṅ chen btaṅ ba daṅ | ’dun pa ’oṅs nas rgyal po la a rog gya źes byas te mtha’ (7) gcig tu ’dug go || blon po rnams kyis rgyal po la gsol pa | lha ’di ni ’phags pa ’dun pa źes bgyi ste | śākya las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i spobs pa daṅ ldan pa lags so || rgyal pos smras pa ’phags (247b1) pa byon pa legs so || ci’i slad du byon | ’dun pas smras pa | lha bram ze źig gis dge ’dun gyi slad du gtsug lag khaṅ bgyid du stsal nas gźi rgyal po mṅa’ bas de’i dog sa ma mchis na lhas dog sa stsal bar rigs so || ’phags pa rgyal po’i pho braṅ ’ba’ źig ma gtogs (2) pa gaṅ du bźed pa der gtsug lag khaṅ rtsig tu stsol cig | tshe daṅ ldan pa ’dun pas lha a rog gya źes smras te | yid bde ba skyes nas rgyal po’i pho braṅ nas phyir byuṅ ste drug sde gźan dag gi gan du soṅ nas des smras pa | dga’ bo ñe dag bram ze che ge mo źig gis dge ’dun gyi phyir (3) gatsulaga lag khaṅ byed du bcug nas kho bos rgyal po la sa gźi’i phyir gsol ba byas na | rgyal po na re ’phags pa rgyal po’i pho braṅ ’ba’ źig ma gtogs pa gaṅ du ’dod pa der gtsug lag khaṅ rtsig tu stsol cig ces zer gyis sa gźi ’doms śig | de dag ’dus te bram ze de’i (4) druṅ du soṅ nas smras pa | bram ze rgyal pos bdag cag la rgyal po’i pho braṅ ’ba’ źig ma gtogs pa gaṅ du ’dod pa ṅer gtsug lag khaṅ rtsig tu chug śig ces dam pa byin gyis kār ṣā pa ṇa dag ’on cig daṅ gtsug lag khaṅ rtsig tu gźug go || bram ze des drug sde dag la kār ṣā pa (5) ṇa dag byin nas | de dag gis kār ṣā pa ṇa dag blaṅs te phan tshun gros bya bar brtsams pa | phyogs gaṅ du gtsug lag khaṅ rtsig tu gźug ces gleṅs so || kau śām+bī daṅ gdaṅs can gyi kun dga’ ra ba’i bar dag na gnas kyi śiṅ ljon pa śiṅ ljon pa źig yod pa de’i druṅ na | bram ze (6) ’khor śin tu maṅ po daṅ ldan pa źig bram ze’i khye’u lṅa brgya bram ze’i gsaṅ tshig dag | klog tu ’jud pa de’i bram ze’i khye’u lṅa brgya po de dag drug sde dag bsod sñoms la ’jug pa daṅ ’byuṅ ba na yaṅ daṅ yaṅ du kye drug sde dag ci bsod sñoms mchog daṅ bsod sñoms daṅ po thob (7) bam | snod kheṅs sam źes co ’dri bar byed pas de’i tshe drug sde dag ’di sñam du sems te | gnas kyi śiṅ ljon pa de’i druṅ na bram ze de’i slob ma bram ze’i khye’u de dag rtag tu bdag cag la kye drug sde dag ci bsod sñoms mchog daṅ bsod sñoms daṅ po thob pas | snod kheṅs (248a1) sa ma źes co ’dri bar byed kyis de dag mi dga’ bar bya źiṅ gnas kyi śiṅ ljon pa de gcod du bcug ste phyogs der gtsug lag khaṅ rtsig tu bcug na des na phyin chad yaṅ daṅ yaṅ du co ’dri bar mi byed do źes de dag gis gros byas nas kār ṣā pa ṇa dag khyer te gla mi’i (2) sraṅ du doṅ nas bźin bzaṅs dag gla sbyin gyis gtsug lag khaṅ du las gyis śig ces smras nas | de dag gis gla mi dag bsgrubs so || drug sde dadaga gis gla mi de dag khye’u sus byin te lus bsku ba daṅ | mgo bsku ba yaṅ byin pa daṅ | de dag mgu nas smras pa | ’phags pa (3) dag bźud la bdag cag la sug yas dag phog śig | drug sde dag gis smras pa | las kyaṅ ’byuṅ bar ’gyur gyis re źig sdod cig ces de dag gis de dag re źig bgags pa daṅ | ji tsam na ñi ma nub nas de dag gis smras pa | ’phags pa dag bdag cag da slar mchi yis (4) deṅ gi gla stsol cig | drug sde dag gis smras pa | khyed cag gis las maṅ po źig byas pas de’i phyir gla ded dam | de dag gis smras pa | ’phags pa dag khyed cag gis bdag cag la bka’ stsal pa gaṅ źig bdag cag gis ma bgyis bźin bzaṅs dag sta re daṅ | gźor (5) daṅ | sle ba dag loṅ śig daṅ las byed du ’doṅ ṅo || gla mi de dag drug sde dag daṅ lhan cig sta re daṅ | gźor daṅ | gle ba dag thogs te | mig lam chad pa daṅ gnas kyi śiṅ ljon pa de’i gan du soṅ nas drug sde dag gis smras pa | śes ldan dag gnas kyi śiṅ ljon pa ’di (6) chod cig | de dag gis smras pa | ’phags pa dag ’di ni gnas kyi śiṅ ljon pa lags pas | cig bdag cag la mgo bo gñis mchis sam mi gcod do || bkren pa dag sa gźi ni rgyal po dbaṅ bas des kho bo cag la rgyal po’i pho braṅ ’ba’ źig ma gtogs pa gaṅ du ’dod (7) pa der gtsug lag khaṅ rtsig tu chug ces dam pa byin pas su źig khyod kyis mgo gcod par byed bag tsha ba med par chod cig | de dag gis gnas kyi śiṅ ljon pa de bcad nas śiṅ de thams cad kyaṅ rtsa ba nas phyuṅ | sa phyogs de yaṅ ci nas kyaṅ gnas kyi śiṅ ljon pa de phyogs gaṅ (248b1) na ’dug par gyur ces bya bar mi śes pa de ltar mñam par byas so || drug sde dag gis phyogs der mig gis brtag par brtsams te | dga’ bo ñe dga’ phyogs ’dir ni bcom ldan ’das kyi dri gtsaṅ khaṅ brtsig par bya’o || phyogs ’dir ni sgo khaṅ bya’o || phyogs (2) ’dir ni me khaṅ bya’o || phyogs ’dir ni ruṅ ba’i khaṅ pa bya’o || phyogs ’dir ni ñe bar gnas pa’i khaṅ pa bya’o || źes mtshan ma byas te doṅ ṅo || bram ze’i khye’u de dag gi kun tu spyod pa ni res kyis res kyis gnas kyi śiṅ ljon pa de’i druṅ du chag chag ’debs par byed | legs (3) par skud par byed | ba laṅ gi lci ba sar pa’i byug pas ñug par byed pas ji tsam na bram ze’i khye’u źig la res bab nas de naṅ par sṅar laṅs te soṅ ba daṅ | des gnas kyi śiṅ ljon pa de ma mthoṅ nas de mkhan po’i gan du ’oṅs nas smras pa | mkhan po gnas kyi śiṅ ljon pa de (4) ma mchis so || bram zes smras pa | kwa’i bram ze’i khye’u ci log par ma soṅ ṅam | mtshan mo gźan gyis śiṅ ljon pa de gar soṅ | bram ze’i khye’u gźan źig kyaṅ de daṅ lhan cig gad mos ’debs śiṅ des smras pa | mkhan po bram ze’i khye’u ’dis mdaṅs sum ’bras bu’i rtsabs (5) ’tshal bas des nam mthoṅ ṅo źes mchi’o || bram zes bram ze’i khye’u ches sgrin pa gźan źig btaṅ na | des kyaṅ de kho na bźin du ma mthoṅ nas | de yaṅ ’oṅs te smras pa | mkhan po de de bźin te gnas kyi śiṅ ljon pa de ye ma mchis so || de nas thams cad ’dus te doṅ (6) ba daṅ | de dag gis de kho na bźin du ma mthoṅ nas | bram ze’i khye’u dran pa daṅ ldan pa źig yod ba de na re phyogs ’di na ni mkhan po gsaṅ tshig ’don par mdzad mdzad do || phyogs ’di na ni bdag spyod spyod na de ci noṅs ci ltar gyur pa ma ’tshal to źes zer ro || de dag de (7) ltar sems khoṅ du chud ciṅ ’dug pa na mi źig ’oṅs nas des smras pa | bram ze ci’i phyir ’khor daṅ bcas pa de ltar sems khoṅ du chud ciṅ ’khod | kye naṅ po phyogs ’di na gnas kyi śiṅ ljon pa źig ’dug par gyur pa de mtshan mo gźan gyis gar soṅ ma śes so || bram ze (249a1) kho bos mdaṅ sum mig lam chad pa na phyogs ’di na drug sde dag mi sta re daṅ | gźor daṅ | gle ba dag gis lag brel ba dag daṅ lhan cig ’dug pa mthoṅ na de dag gis bcad par ma gyur tam | bram zes smras pa | kye naṅ po ’on taṅ de lags so źes de dag (2) de bźin du sems khoṅ du chud ciṅ ’khod pa na drug sde dag lhags nas de dag gis smras pa | bram ze dag ci’i phyir sems khoṅ du chud ciṅ ’khod | ’phags pa dag phyogs ’di na gnas kyi śiṅ ljon pa źig mchis par gyur pa de mtshan mo gźan gyis gar mchis ma ’tshal to || (3) drug sde dag gis bgad par brtsams pa daṅ | bram zes smras pa | ’phags pa dag khyed cag gis ma bkum mam | bkren pa dag khyed cag rtag tu de’i druṅ nas ’khod ciṅ kho bo cag la kye drug sde dag ci bsod sñoms mchog daṅ | bsod sñoms daṅ po thob bam | snod (4) kheṅs sam źes co ’dri bar byed pas | de’i phyir ’di ltar khyed cag mi dga’ bar bya’o || de dag śākya ’i bu’i dge spyod rnams kyi dge sbyoṅ gi tshul ni tshig go || bram ze’i tshul ni tshig ste | ’di ltar gnas kyi śiṅ ljon pa yaṅ gcod par gyur to źes smod par byed | phyar ka gtoṅ (5) bar byed | kha zer bar byed do || thos pa gcig nas gcig tu brgyud pas kau śām+bī na gnas pa’i skye bo’i tshogs daṅ | yul tha dad pa na gnas pa der lhags pa dag gis kyaṅ thos nas de dag kyaṅ lam po che daṅ | srad daṅ | bźi mdo daṅ | sum mdo dag na smod par (6) byed | phyar ka gtoṅ bar byed | kha zer bar byed ciṅ gaṅ dag ma dad pa de dag gis ni bsod sñoms la źugs pa dag la yaṅ bsod sñoms sbyin par mi byed pa’i skabs de dge sloṅ rnams kyisabacoma ldan ’das la gsol to || de nas bcom ldan ’das kyis byuṅ ba ’di daṅ | (7) gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’dir ltar gdon par bya ste | dge sloṅ gis bdag po yod pa dge ’dun gyi phyir gtsug lag khaṅ chen (249b1) po rtsig tu ’jud na gźi blta ba’i phyir dge sloṅ des dge sloṅ dag bkri bar bya’o || khrid pa’i dge sloṅ dag gis kyaṅ gźi ruṅ ba daṅ | rtsod pa med pa daṅ | brtsam tu ruṅ bar blta bar bya’o || gal te dge sloṅ gis gźi mi ruṅ ba ’am | rtsod pa daṅ bcas pa ’am | brtsam du mi ruṅ bar (2) bdag po yod pa dge ’dun gyi phyir gtsug lag khaṅ chen po brtsig tu ’jud dam | gźi blta ba’i phyir dge sloṅ dge sloṅ dag kyaṅ mi khrid dam | dge sloṅ khrid pa dag la gźi mi ston na dge ’dun lhag ma’o || dge sloṅ gis źes bya ba ni drug sde’am | gźan yaṅ chos ’di pas so || bdag (3) po yod pa źes bya ba ni | gaṅ la bdag po skyes pa ’am | bud med dam | ma niṅ yod pa’o || dge ’dun gyi phyir źes bya ba ni de bźin gśegs pa’i ñan thos kyi dge ’dun gyi phyir ro || gtsug lag khaṅ źes bya ba ni gaṅ du spyod lam bźi po ’chag pa daṅ | ’greṅ ba daṅ | ’dug ba (4) daṅ | ñal ba dag śoṅ ba’o || chen po źes bya ba ni chen po gñis po sbyin par bya ba daṅ | tshaṅ kyis te | de las ’dir ni sbyin par bya bas chen por dgoṅs pa yin gyi tshad kyis ni ma yin no || rtsig tu ’jud na źes bya ba ni bdag ñid kyis sam gźan gyis so || gźi blta ba’i phyir dge (5) sloṅ des dge sloṅ dag bkri bar bya’o źes bya ba la | gźi blta ba’i phyir źes bya ba ni sa gźi ruṅ ba daṅ | rtsod pa med pa daṅ | brtsam du ruṅ ba ñid blta ba’i phyir ro || dge sloṅ ṅes źes bya ba ni dge sloṅ gaṅ yin des so || dge sloṅ dag bkri bar bya’o || źes bya ba ni de (6) na dge sloṅ gaṅ dag yod bdag yin gyi | ji tsam gyis gźi ṅe mig gis bltas par ’gyur ba’i dge sloṅ de tsam bkri bar bya ba ni ma yin no || gal te de na sbrul gyi gnas sam | sdig pa’i gnas sam | sril gyi gnas sa ma | grog ma’i gnas yoṅ pa yin na mi ruṅ ba yin (7) pa’i phyir bstan par mi bya’o || gal te ruṅ ba yin na de’i ’og tu ñe bar brtag par bya ste | gal te rgyal po’i gźi’am | mchod rten gyi gźi ’am | khyim bdag gi gźi’am | mu stegs can gyi gźi ’am | dge sloṅ ma’i dbyar khaṅ ṅam | śiṅ ljon pa gcad par bya ba yod (250a1) na rtsod pa daṅ bcas pa yin pa’i phyir bstan par mi bya’o || gal te gźi ruṅ ba daṅ | rtsod pa med pa yin na de’i ñen kor ’dom gaṅ kho ra khor yug ñe bar brtag par bya ste | gal te de na gźi chu kluṅ la rten tam | khron pa la rten tam | lam la rten tam | (2) dam grog la rten pa yin na brtsam du mi ruṅ ba’i phyir bstan par mi bya’o || gal te gźi de ruṅ ba daṅ | rnam pa thams cad yoṅs su rdzogs pa yin na | dge sloṅ des gtsug lag khaṅ du soṅ ste gnas mal bśam par byas nas gaṇ+ḍī brduṅs te dris pa’i tshig gis dge (3) sloṅ dag la bskul nas dge ’dun thams cad ’dug ciṅ mthun par gyur pa la mchil lham phud de bla gos phrag pa gcig tu byas nas | rgan rims bźin du phyag ’tshal te | rgan pa’i mtha’ logs su tsog pur ’dug nas thal mo sbyar te ’di skad ces brjod par bya’o || (4) dge ’dun btsun pa rnams gsan du gsol | bdag dge sloṅalaga gi bla miṅ ’di źes bgyi bas gtsug lag khaṅ gi gźi ruṅ brtsod pa ma mchis pa | brtsam du ruṅ ba źig btsal te | bdag dge sloṅ lag gi bla miṅ ’di źes bgyi ba dge ’dun las gtsug lag khad gi (5) gźi ruṅ ba | rtsod pa ma mchis pa | brtsam du ruṅ ba bstan pa gsol na | thugs brtse ba can dge ’dun btsun pa rnams kyis thugs brtse ba’i slad du bdag dge sloṅ lag gi bla miṅ ’di źes bgyi ba la gtsug lag khaṅ gi gźi ruṅ ba | rtsod pa ma mchis pa | brtsam (6) du ruṅ ba bstan pa stsal du gsol | de bźin du lan gñis lan gsum du bzlas | dge sloṅ de dag gis kyaṅ dge sloṅ de la dad pas sam yid ches pas ’gro bar mi bya bar ’di ltar dge ’dun thams cad der ’gro bar bya ba ’am dge ’dun gyis bskos pa’i dge sloṅ dag (7) gtaṅ bar bya’o || de dag gis gźi de mig gis blta bar bya źiṅ gal te de na sbrul gyi gnas sam | sdig pa’i gnas sam | sril gyi gnas sam | grog ma’i gnas yod pa yin na mi ruṅ ba yin pa’i phyir bstan par mi bya’o || gal te ruṅ ba yin na de’i ’og tu ñe bar (250b1) brtag par bya ste | gal te rgyal po’i gźi ’am | mchod rten gyi gźi ’am | khyim bdag gi gźi ’am | mu stegs can gyi gźi ’am | dge sloṅ ma’i dbyar khaṅ ṅam | śiṅ ljon pa gcad par bya ba yod na rtsod pa daṅabacasa pa yin pa’i phyir bstan par mi bya’o || gal te gźi (2) ruṅ ba daṅ | rtsod pa med pa yin na de’i ñen kor ’dom gaṅ kho ra khor yug ñe bar brtag par bya ste | gal te de na gźi chu kluṅ la rten tam | khron pa la rten tam | lam la rten tam | ṅam grog la rten pa yin na brtsam du mi ruṅ ba’i phyir bstan par mi bya’o || gal te gźi (3) de ruṅ ba daṅ | rnam pa thams cad yoṅs su rdzogs pa yin na de’i tshe | dge sloṅ de dag gis rgan pa’i mtha’ logs su gus pa daṅ bcas pas ’dug ste | ’di skad ces brjod par bya’o || gnas brtan ṅag gźi de ruṅ ba daṅ | rtsoṅ ba ma mchis pa daṅ | brtsam du ruṅ ba lags (4) kyis | da de’i dus la bab par mkhyen par mdzod cig | de’i ’og tu dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ lag gi bla miṅ ’di źes bgyi ba ’dis gtsug lag khaṅ gi gźi ruṅ brtsod pa ma mchis pa | brtsam du ruṅ (5) bźig btsal te | dge sloṅ lag gi bla miṅ ’di źes bgyi ba ’di dge ’dun las gtsug lag khaṅ gi gźi ruṅ ba | rtsod pa ma mchis pa | brtsam du ruṅ ba bstan pa gsol na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis (6) dge sloṅ lag gi bla miṅ ’di źes bgyi ba la gtsug lag khaṅ gi gźi ruṅ ba | rtsod pa ma mchis pa | brtsam du ruṅ ba bstan pa stsol to || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ lag gi bla miṅ ’di źes bgyi ba ’dis (7) gtsug lag khaṅ gi gźi ruṅ ba | rtsod pa ma mchis pa | brtsam du ruṅ ba źig btsal te | dge sloṅ lag gi bla miṅ ’di źes bgyi ba ’di dge ’dun las gtsug lag khaṅ gi gźi ruṅ ba | rtsod pa ma mchis pa | brtsam du ruṅ ba bstan pa gsol te | de’i slad du dge ’dun gyis (251a1) dge sloṅ lag gi bla miṅ ’di źes bgyi ba la gtsugs lag khaṅ gi gźi ruṅ ba | rtsod pa ma mchis pa | brtsam du ruṅ ba bstan pa stsol na | tshe daṅ ldan pa gaṅ dag dge sloṅ lag gi bla miṅ ’di źes bgyi ba la gtsug lag khaṅ gi gźi ruṅ ba rtsod pa ma mchis pa | brtsam du (2) ruṅ ba bstan pa stsal bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ lag gi bla miṅ ’di źes bgyi ba la gtsug lag khaṅ gi gźi ruṅ ba | rtsod pa ma mchis pa | brtsam (3) du ruṅ bstan pa stsal lags te | ’di ltar caṅ mi gsuṅ bas | de de bźin du ’dzin to || dge ’dun gyis dge sloṅ lag gi bla gaṅ la gtsug lag khaṅ gi gźi ruṅ ba | rtsod pa med pa brtsam du ruṅ ba bstan pa byin pa des gtsug lag khaṅ rtsig tu gźug par bya ste | ’di la ’gyod (4) par mi bya’o || khrid pa’i dge sloṅ dag gis kyaṅ źes bya ba ni der dge sloṅ gaṅ dag khrid pa dag gis kyaṅ ṅo || gźi źes bya ba ni gtsug lag khaṅ gi dbaṅ du byas pa’i gźi gaṅ yin pa’o || ruṅ ba źes bya ba ni sbrul gyi gnas daṅ | sdig pa’i gnas la sogs pa daṅ bral ba’o || (5) rtsod pa med pa źes bya ba ni thab mo daṅ | mtshaṅ ’dru ba la sogs pa daṅ bral ba’o || brtsam du ruṅ bar źes bya ba ni de’i ñen kor ’dom gaṅ kho ra khor yug na skyon med par ro || blta bar bya’o źes bya ba ni so sor brtag par bya ba’o || gal te dge sloṅ gis gźi mi ruṅ ba ’am źes (6) bya ba ni sprul daṅ sdig pa la sogs pa’i gnas kyi śas che ba’o || rtsod pa daṅ bcas pa ’am źes bya ba ni thab mo daṅ bcas pa daṅ mtshaṅ ’dru ba daṅ bcas pa daṅ | rtsod pa daṅ bcas pa daṅ | ’gyed pa daṅ bcas pa’o || brtsam du mi ruṅ bar źes bya ba ni gaṅ gi ñen kor ’dom (7) gaṅ kho ra khor yug med par ro || bdag po yod pa dge ’dun gyi phyir gtsug lag khaṅ chen po rtsig tu ’jud dam | gźi blta ba’i phyir dge sloṅ dag kyaṅ mi khrid dam | dge sloṅ khrid pa dag la gźi mi ston na dge ’dun lhag ma’o źes bya ba ni sṅa ma bźin te | des na dge ’dun (251b1) lhag ma’i źes gsuṅs so || de la ltuṅ bar ji ltar ’gyur źe na | dge sloṅ gis dge ’dun gyi phyir gtsug lag khaṅ byed du ’jud ciṅ mi ruṅ bar byed du ’jud ñes pa sbom por ’gyur ro || rtsod pa daṅ bcas par byed du ’jud na ñes pa sbom por ’gyur ro || brtsam du mi ruṅ (2) bar byed du ’jud na ñes pa sbom por ’gyur ro || ma bstan par byed du ’jud na ñes pa sbom por ’gyur ro || thams cad las ’das par byed du ’jud na dge ’dun lhag mar ’gyur ro || dge sloṅ gis dge sloṅ gi gan du soṅ ste | ’di skad ces dge ’dun gyi phyir gtsug lag khaṅ (3) ruṅ ba | rtsod pa med pa brtsam du ruṅ ba bstan pa byed du chug śig ces smras pa las | gal te des dge ’dun gyi phyir gtsug lag khaṅ byed du ’jud ciṅ mi ruṅ bar byed du ’jud na bye pa po ñes pa sbom por ’gyur ro || rtsod pa daṅ bcas par byed du ’jud na byed pa po la (4) ñes pa sbom por ’gyur ro || brtsam du mi ruṅ bar byed du ’jud na byed pa po la ñes pa sbom por ’gyur ro || ma bstan par byed du ’jud na byed pa po la ñes pa sbom por ’gyu ro || thams cad las ’das par byed du ’jud na byed pa po la dge ’dun lhag mar ’gyur ro || (5) gal te de de’i gan du soṅ ste ’di skad ces legs par byas so || śin tu byas so || ṅas khyod la ’di ltar bsgo’o źes zer źiṅ des kyaṅ de la śiṅ ṅam | rtswa ’am | lci ba ’am | sa ’jim ’bul bar byed la | gal te des mi ruṅ bar byed du ’jud na gñi ga la ñes pa sbom por (6) ’gyur ro || rtsod pa daṅabacasa par byed du ’jud na gñi ga la ñes pa sbom por ’gyur ro || brtsam du mi ruṅ bar byed du ’jud na gñi ga la ñes pa sbom por ’gyur ro || ma bstan par byed du ’jud na gñi ga la ñes pa sbom por ’gyur ro || thams cad las ’das par byed (7) du ’jud na gñi ga la dge ’dun lhag mar ’gyur ro || gal te de de’i gan du soṅ ste ’di skad ces legs par ma byas so || śin tu ma byas so || ṅas khyod la ’di ltar ma bsgo’o źes zer źiṅadesa de la śiṅ ṅam | rtswa ’am | lci ba ’am | sa ’jim ’bul bar mi byed lags (252a1) te des mi ruṅ bar byed du ’jud na byed pa po la ñes pa sbom por ’gyur ro || rtsod pa daṅ bcas par byed du ’jud na byed pa po la ñes pa sbom por ’gyur ro || brtsam du mi ruṅ bar byed du ’jud na byed pa po la ñes pa sbom por ’gyur ro || ma bstan par byed du ’jud (2) na byed pa po la ñes pa sbom por ’gyur ro || thams cad las ’das par byed du ’jud na byed pa po la dge ’dun lhag mar ’gyur ro || byas pa rñed pa daṅ | byas pa la loṅs spyod pa la ni ltuṅ ba med do || rñiṅ pa’i chos pa la yaṅ ltuṅ ba med do || las daṅ po pa daṅ | (3) smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gtsug lag khaṅ gi dge ’dun lhag ma ste bdun pa rdzogs s+ho || || ’dul ba rnam par ’byed pa | bam po bcu dgu pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00483407-0039-11e4-a105-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ