Bibliotheca Polyglotta

[Saṃghāvaśeṣa 10]
saṅs rgyas bcom ldan ’das rgyal po’i khab na ’od ma’i tshal ka lan dka’i gnas na (3) bźugs so || de’i tshe na mu ge ñam ṅa ba dgon pa sloṅ mo pas bsod sñoms rñed par dka’ ’byuṅ ṅo || de na dge sloṅ gaṅ dag rdzu ’phrul thob pa de dag ni gaṅ gi miṅ gis ’dzam bu’i gliṅ źes bya bar śes pa’i śiṅ ’dzam bu de la ’dzam bu’i ’bras bu lhags pa kha dog daṅ | dri daṅ | (4) ro daṅ ldan pa dag daṅ | de’i ñen kor na skyu ru ra’i tshal daṅ | bil ba’i tshal daṅ | ka pid tha’i tshal nas de dag gi ’bras bu lhags pa kha dog daṅ | dri daṅ | ro daṅ ldan pa dag gis lhuṅ bzed bkaṅ ste khyer nas bdag ñid kyaṅ yoṅs su loṅs spyod par byed | lhag ma yod na dge sloṅ (5) rnams la yaṅ bgo bśa’ byed do || śar gyi lus ’phags daṅ | nub kyi ba laṅ spyod du yaṅ soṅ | byaṅ gi sgra mi sñan du yaṅ soṅ ste | ma rmos ma btab pa’i ’bras sā lu’i ’bru dag gis lhuṅ bzed bkaṅ ste khyer nas bdag ñid kyaṅ yoṅs su loṅs spyod par byed lhag ma yod na dge sloṅ (6) rnams la yaṅ bgo bśa’ byed do || rgyal chen bźi’i ris kyi lha rnams kyi naṅ du yaṅ soṅ | sum bcu rtsa gsum pa’i ris kyi lha rnams kyi naṅ du yaṅ soṅ ste lha’i bdud rtsi dag gis lhuṅ bzed bkaṅ ste khyer nas bdag ñid kyaṅ yoṅs su loṅs spyod par byed | lhag ma yoṅ na dge sloṅ (7) dag la yaṅ bgo bśa’ byed do || yul gaṅ dag ’byor pa rgyas pa bde ba lo legs pa | skye bo daṅ mi maṅ pos gaṅ bde dag tu yaṅ soṅ ste bca’ ba daṅ | bza’ ba gtsaṅ ba bsod pa dag gis lhuṅ bzed bkaṅ ste khyer nas bdag ñid kyaṅ yoṅs su loṅs spyod par byed | lhag ma (286b1) yod na dge sloṅ dag la yaṅ bgo bśa’ byed do || de nas lhas byin ’di sñam du sems te | da ltar mu ge ñam ṅa ba dgon pa sloṅ mo pas bsod sñoms rñed par dka’ ba byuṅ ste | ’di na dge sloṅ gaṅ dag rdzu ’phrul thob pa de dag ni gaṅ gi miṅ gis ’dzam bu’i gliṅ źes bya bar śes pa’i (2) śiṅ ’dzam bu de las ’dzam bu’i ’bras bu lhags pa | kha dog daṅ | dri daṅ | ro daṅ ldan pa dag daṅ | de’i ñe na kor na skyu ru ra’i tshal daṅ | bil ba’i tshal daṅ | ka pid tha’i tshal nas de dag gi ’bras bu lhags pa kha dog daṅ | dri daṅ | ro daṅ ldan pa dag gis lhuṅ bzed bkaṅ ste khyer nas (3) bdag ñid kyaṅ yoṅs su loṅs spyod par byed | lhag ma yod na dge sloṅ rnams la yaṅ bgo bśa’ byed | śar gyi lus ’phags daṅ | nub gyi ba laṅ spyod du yaṅ soṅ | byaṅ gi sgra mi sñan du yaṅ soṅ ste | ma rmos ma btab pa’i ’bras sā lu’i ’bru dag gis lhuṅ bzed bkaṅ ste khyer nas (4) bdag ñid kyaṅ yoṅs su loṅs spyod par byed | lhag ma yod na dge sloṅ rnams la yaṅ bgo bśa’ byed | rgyal chen bźi’i ris kyi lha rnams kyi naṅ du yaṅ soṅ | sum bcu rtsa gsum pa’i ris kyi lha rnams kyi naṅ du yaṅ soṅ ste | lha’i bdud rtsi dag gis lhuṅ bzed bkaṅ ste khyer nas bdag (5) ñid kyaṅ yoṅs su loṅs spyod par byed | lhag ma yod na dge sloṅ dag la yaṅ bgo bśa’ byed | yul gaṅ dag ’byor ba rgyas pa | bde ba lo legs pa | skye bo daṅ mi maṅ pos gaṅ bde dag tu yaṅ soṅ ste bca’ ba daṅ bza’ ba gtsaṅ ba bsod pa dag gis lhuṅ bzed bkaṅ ste khyer nas bdag (6) ñid kyaṅ yoṅs su loṅs spyod par byed | lhag ma yod na dge sloṅ dag la yaṅ bgo bśa’ byed kyis | bdag gis kyaṅ gal te rdzu ’phrul thob par gyur na bdag gis kyaṅ gaṅ gi miṅ gis ’dzam bu’i gliṅ źes bya bar śes pa’i śiṅ ’dzam bu de las ’dzam bu’i ’bras bu lhags pa kha (7) dog daṅ | dri daṅ | ro daṅ ldan pa dag daṅ | de’i ñen kor na skyu ru ra’i tshal daṅ | bil ba’i tshal daṅ | ka pid tha’i tshal nas de dag gi ’bras bu lhags pa kha dog daṅ | dri daṅ | ro daṅ ldan pa dag gis lhuṅ bzed bkaṅ ste khyer nas bdag ñid kyaṅ yoṅs su logs spyad par bya | lhag (287a1) ma yod na dge sloṅ rnams la yaṅ bgo bśa’ bya | śar gyi lus ’phags daṅ | nub kyi ba laṅ spyod du yaṅ soṅ | byaṅ gi sgra mi sñan du yaṅ soṅ ste | ma rmos ma btab pa’i ’bras sā lu’i ’bru dag gis lhuṅ bzed bkaṅ ste khyer nas bdag ñid kyaṅ yoṅs (2) su loṅs spyad par bya | lhag ma yod na dge sloṅ rnams la yaṅ bgo bśa’ bya | rgyal chen bźi’i ris kyi lha rnams kyi naṅ du yaṅ soṅ | sum bcu rtsa gsum pa’i ris kyi lha rnams kyi naṅ du yaṅ soṅ ste | lha’i bdud rtsi dag gis lhuṅ bzed bkaṅ ste khyer nas bdag (3) ñid kyaṅ yoṅs su loṅs spyad par bya | lhag ma yod na dge sloṅ dag la yaṅ bgo bśa’ bya | yul gag dag ’byor pa rgyas pa | bde ba | lo legs pa | skye bo daṅ | mi maṅ pos gaṅ ba de dag tu soṅ ste bca’ ba daṅ bza’ ba gtsaṅ ba bsod pa dag gis lhuṅ (4) bzed bkaṅ ste khyer nas bdag ñid kyaṅ yoṅs su loṅs spyad par bya | lhag ma yod na dge sloṅ dag la yaṅ bgo bśa’ bya na | de’i phyir bdag ñid la rdzu ’phrul gyi lam ston par nus pa su yod sñam mo || de nas lhas byin bcom ldan ’das ga la ba der soṅ ste (5) phyin nas | bcom ldan ’das kyi źabs gñis la mgo bos phyag ’tshal te | mtha’ gcig tu ’dug go || mtha’ gcig tu ’dug nas bcom ldan ’das la lhas byin gyis ’di skad ces gsol to || bcom ldan ’das kyis bdag la rdzu ’phrul gyi lam (6) bstan du gsol | de nas bcom ldan ’das kyis lhas byin la sdig pa can gyi ’dod pa’i rnam pa de lta bu de byuṅ bar thugs su chud nas | lhas byin la ’di skad ces bka’ stsal to || gau ta ma’i bu khyod kyis lhag pa’i tshul khrims la mṅon par brtson par gyis (7) śig daṅ | khyod la rdzu ’phrul daṅ gźan yaṅ ’byuṅ bar ’gyur ro || gau ta ma’i bu khyod kyis lhag pa’i sems daṅ | lhag pa’i śes rab la mṅon par brtson par gyis śig daṅ | khyod la rdzu ’phrul daṅ gźan yaṅ ’byuṅ bar ’gyur ro || de nas lha sa byin ’di (287b1) sñam du sems te | bcom ldan ’das kyis bdag la rdzu ’phrul gyi lam mi ston to sñam du rig nas | bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas soṅ nas tshe daṅ ldan pa kun śes kauṇ+ḍi n+ya ga la ba der (2) soṅ ste phyin nas | tshe daṅ ldan pa kun śes kauṇ+ḍi n+ya la ’di skad ces smras so || gnas brtan gyis bdag la rdzu ’phrul gyi lam bstan du gsol | de nas tshe daṅ ldan pa kun śes kauṇ+ḍi n+yasa bcom ldan ’das kyi thugs la yaṅ rnam par bltas | lhas (3) byin la sdig pa can gyi ’dod pa’i rnam pa de lta bu de byuṅ bar yaṅ rig nas lhas byin la ’di skad ces smras so || lhas byin khyod kyis gzugs tshul bźin yid la gyis śig daṅ | khyod la rdzu ’phrul daṅ | gźan yaṅ ’byuṅ bar ’gyur ro || lha sa byin khyod (4) kyis tshor ba daṅ | ’du śes daṅ | ’du byed rnams daṅ | rnam par śes pa tshul bźin yid la gyis śig daṅ | khyod la rdzu ’phrul daṅ | gźan yaṅ ’byuṅ bar ’gyur ro || de nas lhas byin ’di sñam du sems te | gnas brtan kun śes kauṇ+ḍi n+ya (5) yaṅ bdag la | rdzu ’phrul gyi lam ston par mi byed do sñam du rig nas | tshe daṅ ldan pa rta thul daṅ | bzaṅ po daṅ | rlaṅs pa daṅ | miṅ chen daṅ | grags pa daṅ | gaṅ po daṅ | dri mid daṅ | ba laṅ bdag daṅ | lag bzaṅs la sogs pa (6) gnas brtan lṅa brgya po dag ga la ba der soṅ ste phyin nas | gnas brtan lṅa brgya po dag la ’di skad ces smras so || gnas brtan dag gis bdag la rdzu ’phrul gyi lam bstan du gsol | de nas gnas brtan lṅa brgya po dag gis bcom ldan ’das daṅ dge sloṅ (7) gnas brtan gnas brtan rnams kyi thugs yid la rnam par bltas | lhas byin la sdig pa can gyi ’dod pa’i rnam pa de lta bu de byuṅ bar yaṅ rig nas lhas byin la ’di skad ces smras so || lhas byin khyod kyis gzugs tshul bźin du yid la gyis śig daṅ | khyod (288a1) la rdzu ’phrul daṅ | gźan yaṅ ’byuṅ bar ’gyur ro || ltas byin khyod kyis tshor ba daṅ | ’du śes daṅ | ’du byed rnams daṅ | rnam par śes pa tshul bźin du yid la gyis śig daṅ | khyod la rdzu ’phrul daṅ | gźan yaṅ ’byuṅ bar ’gyur (2) ro || de nas lhas byin ’di sñam du sems te | gnas brtan lṅa brgya po dag kyaṅ bdag la rdzu ’phrul gyi lam mi ston te | ’di ltar tshe daṅ ldan pa ’di dag gis sṅar bcom ldan ’das daṅ lhan cig yaṅ dag par ’gros par gyur pas des na ’ga’ yaṅ bdag la rdzu (3) ’phrul gyi lam ston par mi byed na bdag la rdzu ’phrul gyi lam ston par nus pa gźan su yod sñam mo || de’i tshe na tshe daṅ ldan pa ’od sruṅ stobs bcu pa rgyal po’i khab na sde can ma’i phug na ’dug go || de nas lhas byin ’di sñam du sems te | gnas brtan ’od (4) sruṅ stobs bcu ba ’di ni yun riṅ po nas g-yo med pa | sgyu med pa | draṅ po draṅ po’i raṅ bźin can bdag gi phu nu po rgan pa kun dga’ bo’i mkhan po yin pas gnas brtan ’od sruṅ stobs bcu pas bdag la rdzu ’phrul gyi lam ston par nus so sñam du rig nas | (5) tshe daṅ ldan pa ’od sruṅ stobs bcu pa ga la ba der soṅ ste phyin nas | tshe daṅ ldan pa ’od sruṅ stobs bcu pa’i rkaṅ pa gñis la mgo bos phyag ’tshal te | mtha’ gcig tu ’dug go || mtha’ gcig tu ’dug nas | tshe daṅ ldan pa ’od sruṅ stobs (6) bcu pa la lhas byin gyis ’di skad ces smras so || gnas brtan gyis bdag la rdzu ’phrul gyi lam bstan du gsol | de nas tshe daṅ ldan pa ’od sruṅ stobs bcu pas | bcom ldan ’das daṅ | dge sloṅ gnas brtan gnas brtan rnams kyi thugs (7) yid daṅ | lhas byin la sdig pa can gyi ’dod pa’i rnam pa de lta bu de byuṅ ba la | rnam par ma ltas par lhas byin la rdzu ’phrul gyi lam bstan to || de nas lhas byin gyis nam gyi cha stod daṅ | nam gyi cha smad la mi ñal bar sbyor ba’i rjes su (288b1) brtson pas | spyod ciṅ bsam gtan daṅ po la brten nas | ’jig rten pa’i lam gyis rdzu ’phrul mṅon par bsgrubs nas de gcig tu gyur nas maṅ por ’gyur ro || maṅ por gyur nas gcig tu ’gyur ro || śes pa daṅ | mthoṅ bas snaṅ ba daṅ | (2) mi snaṅ ba yaṅ ñams su myoṅ bar byed do || ṅos kyi rtsig pa daṅ | ṅos kyi ra ba daṅ | ri la yaṅ lus kyis mi thogs par ’gro ste | dper na nam mkha’ la bya ba bźin no || sa la yaṅ steṅ du ’byuṅ ba daṅ | bye’u zul byed de | dper na chu la (3) bya ba bźin no || chul yaṅ mi nub par rgyun phyogs sasu ’gro ste | dper na sa chen po la bya ba bźin no || nam mkha’ la yaṅ skyil mo kruṅ gis ’gro ste | dper na ’dab chags bya bźin no || du ba ’thul bar yaṅ byed | ’bar bar yaṅ byed de | dper na (4) me’i phuṅ po chen po bźin no || lus las chu’i rgyun chen po ’byin te | dper na sprin chen po bźin no || ñi ma daṅ | zla ba ’di gñis ’di ltar rdzu ’phrul che ba | ’di ltar mthu che ba | ’di ltar gzi brjid che ba la yaṅ lag pas no ma źig ñug par (5) byed do || de nas lhas byin ’di sñam du sems te | bdag la gaṅ gi miṅ gis ’dzam bu’i gliṅ źes bya bar śes pa’i śiṅ ’dzam bu de las ’dzam bu’i ’bras bu lhags pa | kha dog daṅ | dri daṅ | ro daṅ ldan pa rnams daṅ | de’i ñe na kor na skyu ru ra’i tshal (6) daṅ | bi la ba’i tsha la daṅ | ka pid tha’i tshal de las de dag gi ’bras bu lhags pa | kha dog daṅ | dri daṅ | ro daṅ ldan pa rnams kyis lhuṅ bzed bkaṅ ste khyer nas | bdag ñid kyaṅ yoṅs su loṅs spyad par bya | lhag ma yod na dge sloṅ (7) dag la yaṅ bgo bśa’ bya ba daṅ | śar gyi lus ’phags daṅ | nub kyi ba laṅ spyod du yaṅ soṅ | byaṅ gi sgra mi sñan du yaṅ soṅ ste | ma rmos ma btab pa’i ’bras sā lu’i ’bru dag gis ’bru dag gis lhuṅ bzed bkaṅ ste khyer nas | bdag ñid kyaṅ (289a1) yoṅs su loṅs spyad par bya | lhag ma yod na dge sloṅ dag la yaṅ bgo bśa’ bya ba daṅ | rgyal chen bźi’i ris kyi lha rnams kyi naṅ du yaṅ soṅ | sum bcu rtsa gsum pa’i ris kyi lha rnams kyi naṅ du yaṅ soṅ ste | lha’i bdud (2) rtsi dag gis lhuṅ bzed bkaṅ ste khyer nas | bdag ñid kyaṅ yoṅs su loṅs spyad par bya | lhag ma yod na dge sloṅ dag la yaṅ bgo bśa’ bya ba daṅ | yul gaṅ dag ’byor ba | rgyas pa | bde ba | lo legs pa | skye bo daṅ | mi maṅ pos gaṅ ba de (3) dag nas bca’ ba daṅ | bza’ ba gtsaṅ ba bsod pa ga gis ltuṅ bzed bkaṅ ste khyer nas | bdag ñid kyaṅ yoṅs su loṅs spyad par bya | lhag ma yod na dge sloṅ dag la yaṅ bgo bśa’ bya bas ci źig byas | bdag gis ma ga d+hā’i źiṅ ’di na mi gtso (4) bo gaṅ yin pa | rjes su ’jug par bya na | ma ga d+hā’i źiṅ ’di na gaṅ rjes su ’jug par byas na | tshegs chuṅ dus skye bo phal po che’i tshogs kyaṅ rjes su ’jug par ’gyur ba’i mi gtso bo rjes su ’jug par bya ba gaṅ yod sñam mo || de nas lhas byin ’di sñam (5) du sems te | gźon nu ma skyes dgra ’di ni pha ’das nas | pha’i rgyal srid kyi dbaṅ phyug gi bdag po la gnas par ’gyur ba yin gyis | bdag gis gźon nu ma skyes dgra rjes su ’jug par bya ste | de rjes su źugs pa na | tshegs chuṅ dus skye bo phal po che’i (6) tshogs kyaṅ rjes su ’jug par ’gyur ro lham mo || de nas lhas byin gyis glaṅ po chen po mthu daṅ ldan pa’i bu rigs btsun par bsgyur nas gźon nu ma skyes dgra’i khyim du sgo nas źugs te | sge’u cuṅ nas phyir byuṅ źiṅ sge’u cuṅ nas źugs te sgo nas phyir byuṅ ṅo || (7) rta mthu daṅ ldan pa’i bu rigs btsun par bsgyur nas sgo nas źugs te sge’u cuṅ nas phyir byuṅ źiṅ | sge’u chuṅ nas źugs te sgo nas phyir byuṅ ṅo || de nas dge sloṅ mgo bregs pa snam sbyar gyon par bsgyur nas gźon nu ma skyes dgra’i khyim du sgo na sa źugs te | sge’u cuṅ (289b1) nas phyir byuṅ źiṅ | sge’u cuṅ nas źugs te sgo nas phyir byuṅ ba daṅ | gźon nu ma skyes dgras kyaṅ kye ma ’di ni ’phags pa lhas byin yin no sñam du śes so || de nas lhas byin gyis skyes phran gźon nu gser gyi ’og pa gcan du bsgyur nas gźon nu ma skyes dgra’i paṅ pa na (2) ’gre bar byed | ldog par byed ciṅ gźon nu ma skyes dgra yaṅ de la ’khyud par byed | kha sbyor bar byed | kun tu ’khyud par byed ciṅ | de’i khar mchil ma yaṅ ldugs par byed pa na yaṅ ’di lta ste | lhas byin rñed pa daṅ | bkur stis zil gyis gnon ciṅ sems yoṅs su gtugs (3) pas de yaṅ mid par byed do || gźon nu ma skyes dgras kyaṅ kye ma ’di ni ’phags pa lhas byin yin no sñam du yaṅ śes so || de na gźon nu ma skyes dgras kye ma ’phags pa lhas byin ni ston pa bas kyaṅ ches rdzu ’phrul che ba yin no sñam pa’i sdig ba can gyi lta ba rgya chen po thob (4) par gyur ciṅ de la dad par gyur nas dad pa’i ched du bya ba byed par gyur te naṅ bar daṅ | dgoṅs kar śiṅ rta lṅa brgya tsam daṅ ldan cig ’byuṅ źiṅ de la bsñen bkur byed do || de la snod du btsos pa lṅa brgya tsam gyi zas kyi tshom bu tshom bu dag kyaṅ ’bul bar byed do || lhas byin yaṅ (5) dge sloṅ lṅa brgya tsam daṅ lhan cig zas kyi gal du bkad par byed do || de nas dge sloṅ rab tu maṅ po dag sṅa dro śam thabs bgos lhuṅ bzed daṅ | chos gos thogs te rgyal po’i khab tu bsod sñoms la źugs pa na dge sloṅ rab tu maṅ po dag rgyal po’i khab na bsod sñoms (6) rgyu bas lhas byin la rñed pa daṅ | bkur sti rnam pa ’di lta bu ’di byuṅ ste | lus ’phags ma’i bu ma ga d+gāra byuṅ ba’i rgyal po ma skyes dgra naṅ par daṅ | dgoṅs kar śiṅ rta lṅa brgya tsam daṅ lhan cig ’byuṅ źiṅ de la bsñen bkur byed do || de la snod du bcos pa lṅa brgya (7) tsam gyi zas kyi tshom bu tshom bu dag kyaṅ ’bul bar byed do || lhas byin yaṅ dge sloṅ lṅa brgya tsam daṅ lhan cig zas kyi gral du bkad par byed do źes thos so || thos nas kyaṅ rgyal po’i khab tu bsod sñoms brgyus nas | zas kyi bya ba byed de | phyi ma’i zas kyi bsod (290a1) sñoms las phyir log pas lhuṅ bzed ṅaṅ chos gos mkhos su phab ste | rkaṅ pa gñis bkrus nas | bcom ldan ’das ga la ba der doṅ ste phyin nas bcom ldan ’das kyi źabs gñis la mgo bos phyag ’tshal te | mtha’ gcig tu ’khod do || (2) mtha’ gcig tu ’khod nas | bcom ldan ’das la dge sloṅ rab tu maṅ po dag gis ’di skad ces gsol to || btsun pa ’di na bdag cag dge sloṅ rab tu maṅ po dag sṅa dro śam thabs ’tshal | lhuṅ bzed daṅ | chos gos thogs te rgyal po’i khab tu bsod sñoms (3) la źugs pa na bdag cag dge sloṅ rab tu maṅ po dag rgyal po’i kha ba na bsod sñoms rgyu bas lhas byin la rñed pa daṅ | bkur sti rnam pa ’di lta bu ’di byuṅ ste | lus ’phags ma’i bu ma ga d+hāra byuṅ ba’i rgyal po ma skyes dgra naṅ par daṅ | dgoṅs kar śiṅ rta lṅa brgya tsam daṅ (4) lhan cig byuṅ źiṅ de la bsñen bkur bgyid do || de la snod du bsgral ba lṅa brgya tsam gyi zas kyi tshom bu tshom bu dag kyaṅ ’bul bar bgyid do || lhas byin yaṅ dge sloṅ lṅa brgya tsam daṅ lhan cig zas kyi gral du bkad par bgyid do źes thos so || dge sloṅ dag khyed cag lhas byin (5) gyi rñed pa daṅ bkur sti la dga’ bar ma byed cig | de ci’i phyir źe na | dge sloṅ dag lhas byin gyi rñed pa daṅ bkur sti ni gsod par ’gyur ba daṅ | lhas byin gyi rñed pa daṅ bkur sti ni zil gyis gnon par ’gyur ba yin pa’i phyir ro || dge sloṅ dag ’di lta ste | dper na chu śiṅ (6) ’bras bu rgyas pa ni gsod par ’gyur ba daṅ | chu śiṅ ’bras bu rgyas pa ni zil gyis gnon par ’gyur ba de bźin du lhas byin gyi rñed pa daṅ bkur sti yaṅ gsod par ’gyur ba daṅ | lhas byin gyi rñed pa daṅ bkur sti yaṅ zil gyis gnon par ’gyur ba yin no || ’di lta ste dper na ’od ma (7) daṅ | ’dam bu’i ’bras bu rgyas pa ni gsod par ’gyur ba daṅ | ’od ma daṅ | ’dam bu’i ’bras bu rgyas pa ni zil gyis gnon par ’gyur bde bźin du lhas byin gyi rñed pa daṅ bkur sti yaṅ gsod par ’gyur ba daṅ | lhas byin gyi rñed pa daṅ | bkur sti yaṅ zil gyis (290b1) gnon par ’gyur ba yin no || ’di lta ste | dper na dre’u mos mṅal na gnas pa ’dzin pa ni gsod par ’gyur ba daṅ | dre’u mos mṅal na gnas pa ’dzin pa ni zil gyis gnon par ’gyur ba de bźin du lhas byin gyi rñed pa daṅ bkur sti yaṅ gsod par ’gyur pa daṅ | lha sa byin (2) gyi rñed pa daṅ bkur sti yaṅ zil gyis gnon par ’gyur ba yin no || dge sloṅ dag lhas byin la ji tsam du rñed pa daṅ | bkur sti rnam pa de lta bu de ’byuṅ bar ’gyur ba de ni mi gti mug can de la yun riṅ por don med pa daṅ | gnod pa daṅ | sdug bsṅal du ’gyur ro || dge (3) sloṅ dag de lta bas na | khyed kyis ’di ltar bslab par bya ste | rñed pa daṅ | bkur sti zil gyis mnan par bya źiṅ rñed pa daṅ | bkur sti byuṅ bas sems yoṅs su gtugs śiṅ gnas par mi bya ste | dge sloṅ dag khyed kyis de ltar bslab par bya’o || bcom ldan ’das kyis (4) de skad ces bka’ stsal te | bde bar gśegs pas de skad gsuṅs nas | ston pas gźan yaṅ ’di skad ces bka’ stsal to ||

chu śiṅ ’bras bus gsod par byed || ’od ma’i ’dam bu ’bras bus gsod ||
dre’u mo raṅ gi mṅal gyis ltar || mi ṅan bkur (5) stis gsod par byed ||

byis pa ji tsam grags gyur pa || don med ñid du ’gyur ba yin ||
byis pa’i dkar cha gsod byed ciṅ || rtse mo las kyaṅ ltuṅ bar ’gyur ||

de nas lhas byin rñed pa daṅ | bkur stis zil gyis non ciṅ sems yoṅs su gtugs (6) pa la sdig pa can gyi ’dod pa’i rnam pa ’di lta bu ’di byuṅ ste | da ltar bcom ldan ’das ni rgan po rgas pa dgog tu gyur pas ’khor bźi po dge sloṅ daṅ | dge sloṅ ma daṅ | dge bsñen daṅ | dge bsñen ma la ’doms pas ṅal bar ’gyur bas | kye ma bcom ldan (7) ’das kyis dge sloṅ gi dge ’dun bdag la btaṅ bar gyur na bdag gis kyaṅ dge sloṅ gi dge ’dun yoṅs su draṅ bar bya źiṅ | bcom ldan ’das kyaṅ tshe ’di la bde bar gnas pa la sbyor ba’i rjes su brtson pas thugs las chuṅ ṅur gnas par ’gyur ro sñam mo || sems bskyed (291a1) ma thag tu de’i rdzu ’phrul yoṅs su ñams par gyur ciṅ yoṅs su ñams kyaṅ bdag yoṅs su ñams so sñam du mi śes par gyur to || de’i tshe na bcom ldan ’das kyi ñan thos kauṇ+ḍi n+ya’i bu dge sloṅ nog can gyis bcom ldan ’das kyi druṅ du tshaṅs par spyod pa spyad pa (2) de tshaṅs pa’i gnas pa bźi po dag bsgroms nas | ’dod pa dag la ’dod pa la ’dun pa spaṅs te des maṅ du gnas pas tshaṅs pa’i ’jig rten du las daṅ ris mthun pas skyas so || de’i tshe na tshe daṅ ldan pa maud gal gyi bu chen po ṅan spoṅ gi bu dag na chu srin byis pa gsod kyi ri la (3) ’jigs ruṅ gi tshal ri dgas kyi nags na ’dug go || de nas tshaṅs pa nog can gyis lhas byin rdzu ’phrul de las yoṅs su ñams par rig nas ’di lta ste | dper na skyes bu stobs daṅ ldan pas lag ṅar bskums pa las rkyoṅ ba’am | brkyaṅ ba las skum par byed pa de bźin du (4) tshaṅs pa nog can tshaṅs ba’i ’jig rten nas mi snaṅ bar gyur nas ṅan spoṅ gi bu dag tu chu srin byis pa gsod kyi ri la ’jigs ruṅ gi tshal ri dgas kyi nags su tshe daṅ ldan pa maud gal gyi bu chen po’i mdun du ’dug go || de nas tshe daṅ ldan pa maud gal gyi bu chen po la tshaṅs pa nog (5) can gyis ’di skad ces smras so || ’apagasa pa maud gal gyi bu chen po mkhyen par mdzod cig | ltas byin rñed pa daṅ bkur stis zil gyis gnon ciṅ sems yoṅs su gtugs pa la sdig pa can gyi ’dod pa’i rnam pa ’di lta bu ’di byuṅ ste | da ltar bcom ldan ’das ni rgan po rgas pa dgog tu (6) gyur pas ’khor bźi po dge sloṅ daṅ | dge sloṅ ma daṅ | dge bsñen daṅ | dge bsñen ma la ’doms pas ṅal bar ’gyur bas | kye ma bcom ldan ’das kyis dge sloṅ gi dge ’dun bdag la btaṅ bar gyur na bdag gis kyaṅ dge sloṅ gi dge ’dun draṅ bar bya źiṅ bcom ldan ’das kyaṅ tshe ’di la bde bar (7) gnas pa la sbyor ba’i rjes su brtson pas thugs las chuṅ ṅur gnas par ’gyur ro sñam nas sems bskyed ma thag tu de’i rdzu ’phrul yoṅs su ñams par gyur ciṅ yoṅs su ñams kyaṅ bdag yoṅs su ñams so sñam du mi śes par gyur gyis | btsun pa maud gal gyi bu chen po bcom ldan ’das ga la ba der (291b1) bźud de byon nas don de bcom ldan ’das la rgyas par gsol na legs so || tshe daṅ ldan pa maud gal gyi bu chen pos tshaṅs pa nog can la caṅ mi smra bas daṅ du blaṅs so || de nas tshaṅs pa nog can gyis tshe daṅ ldan pa maud gal gyi bu chen pos caṅ mi smra bas daṅ du blaṅs par rig nas tshe daṅ ldan pa maud gal gyi bu chen (2) po’i rkaṅ pa gñis la mgo bos phyag ’tshal te de ñid du mi snaṅ bar gyur to || de nas tshe daṅ ldan pa maud gal gyi bu chen pos tshaṅs pa nog can soṅ nas riṅ po ma lon par rig nas ji ltar sems mñam par bźag na | ’di lta ste dper na | skyes bu stobs daṅ ldan pas lag ṅar bskums pa las rkyoṅ ba ’am | brkyaṅ ba las (3) skum par byed pa de bźin du tshe daṅ ldan pa maud gal gyi bu chen po ṅan spoṅ gi bu dag nas mi snaṅ bar gyur ciṅ rgyal po’i khab tu ’od ma’i tshal ka lan dka’i gnas su gnas par ’gyur ba de lta bu’i tiṅ ṅe ‘dzin la sñoms par źugs so || de nas tshe daṅ ldan pa maud gal gyi bu chen po bcom ldan ’das gal ba der soṅ (4) ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas | tshe daṅ ldan pa maud gal gyi bu chen pos de la tshaṅs pa nog can daṅ lhan ciṅ bar du gtam brjod pa ci byuṅ bar gyur pa de dag thams cad bcom ldan ’das la rgyas par (5) gsol to || de skad ces gsol ba daṅ | bcom ldan ’das kyis tshe daṅ ldan pa maud gal gyi bu chen po la ’di skad ces bka’ stsal to || maud gal gyi bu khyod kyis ches sṅar lhas byin gyis sems la tsems kyis khyab par byas te rig nas de’i ’og tu tshaṅs pa nog can gyis ma brjod dam | btsun pa de lags te | bdag gis (6) ches sṅar lhas byin gyis sems la sems kyis khyab par bgyis te rig nas de’i ’og tu tshaṅs pa nog can gyis brjod lags so || bcom ldan ’das che daṅ ldan pa maud gal gyi bu chen po daṅ thabs cig bar du bka’ mchid ’di gsuṅ ba’i skabs su lhas byin grogs dge sloṅ bźi po ko ka li ka daṅ | (7) khan+ḍa dra ba bya daṅ | ka ta mo ra ka ti ś+ya daṅ | rgya mtshos byin daṅ lhan cig bcom ldan ’das ga la ba der soṅ ṅo || bcom ldan ’das kyis lhas byin thag riṅ po kho na nas gzigs so || gzigs nas kyaṅ tshe daṅ ldan pa maud gal gyi bu chen po la bka’ stsal pa | maud gal gyi bu ltas byin de (292a1) ’oṅ źiṅ dmi gti mug can de ṅa’i mdun du bdag ñid kyis bdag ñid luṅ ston par byed kyis tshig sruṅs śig | de nas tshe daṅ ldan pa maud gal gyi bu chen pos bcom ldan ’das kyi źabs gñis la mgo bos phyag ’tshal te | ji ltar sems mñam par bźag na | ’di lta ste dper na | skyes bu stobs (2) daṅ ldan pas lag ṅar bskums pa las rkyoṅ ba’am | brkyaṅ ba las skum par byed pa de bźin du tshe daṅ ldan pa maud gal gyi bu chen po rgyal po’i khab kyi ’od ma’i tshal ka lan dka’i gnas nas mi snaṅ bar gyur ciṅ ṅan spoṅ gi bu dag tu chu srin byis pa gsod kyi ri la ’jigs ruṅ gi tshal ri dgas kyi nags su gnas par (3) gyur pa de lta bu’i tiṅ ṅe ‘dzin la sñoms par źugs so || de nas lhas byin bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te | mtha’ gcig tu ’dug go || mtha’ gcig tu ’dug nas | bcom ldan ’das la ltas byin gyis ’di skad ces (4) gsol to || da ltar bcom ldan ’das ni bgres po ’gres pa | dgog tu gyur pas ’khor bźi po dge sloṅ daṅ | dge sloṅ mdaṅ | dge bsñen daṅ | dge bsñen ma la ’doms pas mñel bar ’gyur bas bcom ldan ’das kyis dge sloṅ gi dge ’dun bdag la btaṅ na legs te | (5) bdag gis dge sloṅ gi dge ’dun yoṅs su draṅ bar bgyi źiṅ bcom ldan ’das kyaṅ tshe ’di la bde bar gnas pa la sbyor ba’i rjes su brtson pas thugs las chuṅ dur gnas par ’gyur ro || mi gti mug can śā ri’i bu daṅ | maud gal gyi bu tshaṅs pa mtshuṅs par spyod pa des pa des pa dag la yaṅ ṅa re (6) źig dge sloṅ gi dge ’dun gtoṅ bar mi byed na | ro ’dra ba mchi lam za ba khyod la gtoṅ re skan | de nas lhas byin ’di sñam du sems te | bcom ldan ’das kyis | śāri’i bu daṅ | maud gal gyi bu gñis kyi bsṅags pa brjod ciṅ | bdag la ro daṅ ’dra ba | mchil ma za ba źes brjod pas (7) kun du spyad do sñam nas | de na lhas byin gyis de’i daṅ por bcom ldan ’das la kun nas mnar sems daṅ | mi bzod pa daṅ | yid mi ces pa byas par gyur to || de nas lhas byin gyis sdod cig ces brjod de mgo lan gsum lcogs nas bcom ldan ’das kyi spyan sṅa nas soṅ ṅo || ||

Volume cha
(1b1) || ’dul ba rnam par ’byed pa | bam po ñi śu gñis pa |

de’i tshe na tshe daṅ ldan pa kun dga’ bo bcom ldan ’das kyi snam logs na bsil yab thogs te (2) bcom ldan ’das la bsil yab kyis g-yo ba ciṅ ’dug go || de nas bcom ldan ’das kyis lhas byin soṅ nas riṅ po ma lon par thugs su chud nas tshe daṅ ldan pa kun dga’ bo (3) la bka’ stsal pa | kun dga’ bo soṅ la ’od ma’i tshal ka lan dka’i gnas na dge sloṅ ji sñed ñe bar rten ciṅ gnas pa de dag thams ca dpoṅ sa’i khaṅ par sdus śig | tshe (4) daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas | ’od ma’i tshal ka lan da ka’i gnas na dge sloṅ ji sñed ñe bar rten ciṅ gnas (5) pa de dag thams cad dpoṅ sa’i khaṅ par bsdus nas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu (2a1) ’dug go || mtha’ gcig tu ’dug nas bcom ldan ’das la tshe daṅ ldan pa kun dga’ bos ’di skad ces gsol to || btsun pa ’od ma’i tshal ka lan da ka’i gnas na dge sloṅ ji sñed ñe bar rten ciṅ gnas pa de dag thams cad (2) dpoṅ sa’i khaṅ par mchis śiṅ mthun par gyur na bcom ldan ’das da de’i dus la bab par dgoṅs su gsol | de nas bcom ldan ’das dpoṅ sa’i khaṅ pa ga la ba der gśegs te byon nas | dge sloṅ gi dge ’dun gyi goṅ du gdan bśams pa (3) ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag lṅa po ’di dag ni ’jig rten na yod ciṅ srid pa’i ston pa dag yin te | lṅa gaṅ źe na | ’di na ston pa gcig ni tsul khrims yoṅs su (4) ma dag bźin du bdag gi tshul khrims yoṅs su dag ciṅ kun nas ñon moṅs pa med do źes dam ’cha’ bar byed de | de la ñan thos rnams kyis lhan cig ’grogs pa’i rgyus ston pa śes ldan ’di ni tshul khrims yoṅs su ma dag bźin du bdag gi (5) tshul khrims yoṅs su dag ciṅ kun nas ñon moṅs pa med do źes dam ’cha’ bar śes mod kyi | bdag cag gis gal te ston pa ’di gźan la brjod par gyur na | des ’di yid mi dga’ bar ’gyur bas bdag cag la gaṅ gis ’di yid mi dgra’ (6) bar gyur pa des ston pa la kun du spyad pas ci bya ste | ston pa śes ldan ’di raṅ ñid kyis śes par zad do || ’di bdag cag la ’di lta ste chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis sems (2b1) par byed do sñam pas ñan thos rnams kyaṅ de la tshul khrims kyi sgo nas rjes su bsruṅ ba bya bar sems so || ston pa de lta bu ni ñan thos rnams las tshul khrims rjes su sruṅ bar re bar byed de | ’di ni ’jig rten na yod ciṅ srid pa’i ston pa daṅ po yin no || gźan yaṅ ’di na ston pa (2) gcig ni ’tsho ba yoṅs su ma dag bźin du bdag gi ’tsho ba yoṅs su dag ciṅ kun nas ñon moṅs pa med do źes dam ’cha’ bar byed de | de la ñan thos rnams kyis lhan cig ’grogs pa’i rgyus ston pa śes ldan ’di ni ’tsho ba yoṅs su ma dag bźin du bdag gi ’tsho ba yoṅs su dag ciṅ (3) kun nas ñon moṅs pa med do źes dam ’cha’ bar śes mod kyi | bdag cag gis ston pa ’di gal te gźan la brjod par gyur na des ’di yid mi dga’ bar ’gyur bas bdag cag la gaṅ gis ’di yid mi dga’ bar gyur pa des ston pa la kun du spyad pas ci bya ste | ston pa śes (4) ldan ’di raṅ ñid śes par zad do || ’di bdag cag la ’di lta ste | chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis sems par byed do sñam pas ñan thos rnams kyaṅ de la ’tsho ba’i sgo nas rjes su bsruṅ ba bya bar (5) sems so || ston pa de lta bu ni ñan thos rnams las ’tsho ba rjes su sruṅ ba re bar byed de | ’di ni ’jig rten na yod ciṅ srid pa’i ston pa gñis pa yin no || gźan yaṅ ’di na ston pa gcig ni śes pa daṅ mthoṅ ba yoṅs su ma dag bźin du bdag gi śes pa daṅ mthoṅ ba (6) yoṅs su dag ciṅ kun nas ñon moṅs pa med do źes dam ’cha’ bar byed de | de la ñan thos rnams kyis lhan cig ’grogs pa’i rgyus ston pa śes ldan ’di ni śes pa daṅ mthoṅ ba yoṅs su ma dag bźin du bdag gi śes pa daṅ mthoṅ ba yoṅs su dag ciṅ kun nas ñon moṅs (7) pa med do źes dam ’cha’ bar śes mod kyi | bdag cag gis ston pa ’di gźan la brjod par gyur na des ’di yid mi dga’ bar ’gyur bas | bdag cag la gaṅ gis ’di yid mi dga’ bar gyur pa des ston pa la kun du spyad pas ci bya ste | ston pa śes ldan ’di raṅ ñid (3a1) śes par zad do || ’di bdag cag la ’di lta ste | chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis sems par byed do sñam pas ñan thos rnams kyaṅ de la śes pa daṅ mthoṅ ba’i sgo nas (2) rjes su bsruṅ ba bya bar sems so || ston pa de lta bu ni ñan thos rnams las śes pa daṅ mthoṅ ba rjes su sruṅ ba re bar byed de | ’di ni ’jig rten na yod ciṅ srid pa’i ston pa gsum pa yin no || gźan yaṅ ’di na ston pa gcig ni brda sprod pa phun sum tshogs pa ma yin bźin (3) du bdag ni brda sprod pa phun sum tshogs śiṅ | kun nas ñon moṅs pa med do źes dam ’cha’ bar byed de | de la ñan thos rnams kyis lhan cig ’grogs pa’i rgyus ston pa śes ldan ’di ni brda sprod pa phun sum tshogs pa ma yin bźin du bdag ni brda sprod pa phun sum (4) tshogs śiṅ kun nas ñon moṅs pa med do źes dam ’cha’ bar śes mod kyi | bdag cag gis ston pa ’di gźan la brjod par gyur na des ’di yid mi dga’ bar ’gyur bas ba dag cag la gaṅ gis ’di yid mi dga’ bar gyur pa des ston pa la kun du spyad pas ci bya ste | (5) ston pa śes ldan ’di raṅ ñid śes par zad do || ’di bdag cag la ’di lta ste | chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis sems par byed do sñam pas ñan thos rnams kyaṅ de la brda sprod pa (6) phun sum tshogs pa’i sgo nas rjes su bsruṅ ba bya bar sems so || ston pa de lta bu ni ñan thos rnams las brda sprod pa phun sum tshogs pa rjes su sruṅ ba re bar byed de | ’di ni ’jig rten na yod ciṅ srid pa’i ston pa bźi pa yin no || gźan yaṅ ’di na ston pa gcig ni (7) chos ’dul ba ñes par bśad pa daṅ ldan bźin du bdag ni chos ’dul ba legs par gsuṅs pa daṅ ldan źiṅ kun nas ñon moṅs pa med do źes dam ’cha’ bar byed de | de la ñan thos rnams kyis lhan cig ’grogs pa’i rgyus ston pa śes ldan ’di ni chos ’dul ba ñes (3b1) bar bśad pa daṅ ldan bźin du bdag ni chos ’dul ba legs par gsuṅs pa daṅ ldan źiṅ kun nas ñon moṅs pa med do źes dam ’cha’ bar śes mod kyi | bdag cag gis ston pa ’di gźan la brjod par gyur na | des ’di yid mi dga’ bar ’gyur bas bdag cag la gaṅ (2) gis ’di yid mi dga’ bar gyur pa des ston pa la kun du spyad pas ci bya ste | ston pa śes ldan ’di raṅ ñid śes par zad do || ’di bdag cag la ’di lta ste | chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis (3) sems par byed do sñam pas ñan thos rnams kyaṅ de la chos ’dul ba legs par gsuṅs pa’i sgo nas rjes su bsruṅ ba bya bar sems so || ston pa de lta bu ni ñan thos rnams las chos ’dul ba legs par bśad pa rjes su sruṅ ba re bar byed de | ’di ni ’jig rten na yod (4) ciṅ srid pa’i ston pa lṅa pa yin no || dge sloṅ dag ṅa ni tshul khrims yoṅs su dag pa kho na yin pas ṅa’i tshul khrims yoṅs su dag ciṅ kun nas ñon moṅs pa med do źes dam ’cha’ bar byed de | ṅa la ñan thos rnams tshul khrims kyi sgo nas rjes su bsruṅ ba bya bar (5) mi sems śiṅ ṅa yaṅ ñan thos rnams las tshul khrims rjes su sruṅ ba re bar mi byed do || dge sloṅ dag ṅa ni ’tsho ba yoṅs su dag pa kho na yin pas ṅa’i ’tsho ba yoṅs su dag ciṅ kun nas ñon moṅs pa med do źes dam ’cha’ bar byed de | ṅa la ñan thos rnams ’tsho ba’i sgo (6) nas rjes su bsruṅ ba bya bar mi sems śiṅ ṅa yaṅ ñan thos rnams las ’tsho ba yoṅs su sruṅ ba re bar mi byed do || dge sloṅ dag ṅa ni śes pa daṅ mthoṅ ba yoṅs su dag pa kho na yin pas ṅa’i śes pa daṅ mthoṅ ba yoṅs su dag ciṅ kun nas ñon moṅs pa med do źes dam ’cha’ (7) bar byed de | ṅa la ñan thos rnams śes pa daṅ mthoṅ ba’i sgo nas rjes su bsruṅ ba bya bar mi sems śiṅ ṅa yaṅ ñan thos rnams las śes pa daṅ mthoṅ ba rjes su sruṅ ba re bar mi byed do || dge sloṅ dag ṅa ni brda sprod pa phun sum tshogs pa kho na yin pas ṅa’i brda sprod pa phun sum tshogs (4a1) śiṅ kun nas ñon moṅs pa med do źes dam ’cha’ bar byed de | ṅa la ñan thos rnams brda sprod pa phun sum tshogs pa’i sgo nas rjes su sruṅ ba bya bar mi sems śiṅ | ṅa yaṅ ñan thos rnams las brda sprod pa phun sum tshogs pa rjes su sruṅ ba re bar mi byed (2) do || dge sloṅ dag ṅa ni chos ’dul ba legs par gsuṅs pa daṅ ldan pa kho na yin pas ṅa’i chos ’dul ba legs par gsuṅs pa yin źiṅ kun nas ñon mogs pa med do źes dam ’cha’ bar byed de | ṅa la ñan thos rnams chos ’dul ba legs par gsuṅs pa’i sgo nas (3) rjes su bsruṅ ba bya bar mi sems śiṅ | ṅa yaṅ ñan thos rnams las chos ’dul ba legs par bśad pa rjes su sruṅ ba re bar mi byed do || dge sloṅ dag ṅa ni khyed la tshar bcad ciṅ tshar bcad ciṅ smra bar byed zil gyis mnan ciṅ zil gyis mnan ciṅ smra bar byed de | khyed la (4) dbyig tu mi ’dzin ciṅ rdza mkhan gyi snod so ma btaṅ ba dag bźin du gaṅ sñiṅ po yod pa de ’jog par byed kyis ṅa’i tshig gi lam dag la bzod par gyis śig | de nas lhas byin gyis ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag la smras pa | (5) ko ka li ka | kha na daṅ bya | ka ṭa mo ra ka ti ś+ya | rgya mtshos byin dag khyed cag tshur śeg | dge sbyoṅ gau ta ma ’dug bźin du ñan thos kyi dge ’dun mthun pa dbye bar bya źiṅ ’khor lo yaṅ dbye bar bya ste | des na bdag cag śi źiṅ | dus la bab pa dag la dge sbyoṅ gau ta (6) ma de tsam du rdzu ’phrul che ba | de tsam du mthu che ba ’dug bźin du lhas byin daṅ | ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin gyis ñan thos kyi dge ’dun mthun pa phye źiṅ ’khor lo yaṅ dbye ba byas so źes phyogs daṅ phyogs mtshams (7) rnams su sñan pa’i sgra’i tshogs rgya chen po dge ba mṅon par grags par ’gyur ro || lhas byin bdag cag gis de ltar byar mi nus te | de ci’i phyir źe na | bcom ldan ’das kyi ñan thos mthu che ba | rdzu ’phrul che ba | lha’i mig daṅ ldan pa | gźan gyi sems (4b1) śes pa gaṅ dag yod pa de dag ni thag riṅ po yaṅ mthoṅ la druṅ na ’dug pas kyaṅ mi mthoṅ źiṅ de dag gi sems kyis bdag cag gi sems la khyab par bya ste | yid kyis kyaṅ bdag cag rnam par śes par byed pas de dag gis bdag cag ’phags pa ñid kyaṅ śes (2) par ’gyur ba’i phyir ro || ko ka li ka thabs ’ga’ źig yod do || lhas byin thabs de gaṅ yin | tshur śeg daṅ bdag cag dge sloṅ gnas brtan gnas brtan rnams kyi druṅ du doṅ ste | gnas brtan dag thugs las chuṅ ṅur mdzod cig daṅ bdag cag gis (3) gnas brtan rnams yo byad thams cad kyis mi brel bar bgyi’o źes yo byad thams cad kyis bstab par bya’o || gźon nu rnams la ni lhuṅ bzed daṅ chos gos daṅ dra ba daṅ phor bu daṅ ska rags daṅ luṅ dbog pa daṅ | bklag pa daṅ kha ton daṅ | rnal ’byor daṅ yid la (4) bya bas bsñen bkur daṅ stoṅs mo bya’o || lhas byin gal te thabs de lta bu yod na de ltar bya’o || de nas lhas byin gyis dge ’dun mthun pa dbye ba’i phyir brtul ba daṅ | dge sloṅ gnas brtan gnas brtan rnams kyis ’phags ma thag tu lhas byin gyis dge ’dun (5) mthun pa dbye ba’i phyir brtul to || źes rnam par śes par gyur nas | dge sloṅ rnams kyis skabs de bcom ldan ’das la gsol ba daṅ | de nas bcom ldan ’das kyis dge sloṅ rnams la bka’ stsal pa | dge sloṅ dag lhas byin daṅ gźan yaṅ de lta bu gaṅ (6) yin pa la bźams te bsgo bar bya’o || ’di skad ces bsgo bar bya ste | tshe daṅ ldan pa lhas byin khyod dge ’dun mthun pa dbye ba’i phyir rtul bar ma byed cig | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ma ’dug śig | tshe daṅ ldan pa lhas (7) byin khyod dge ’dun daṅ mthun par gyis śig | dge ’dun mthun mi phyed kun du dga’ mi rtsod mchog gcig ’don pa gcig ciṅ | chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ (5a1) ldan pa lhas byin khyod dge ’dun ’byed par byed pa’i gźi ’di lta bu ’di thoṅ śig ces bsgo bar bya’o || dge sloṅ rnams kyis btsun pa bka’ bźin ’tshal źes bcom ldan ’das las mñan nas lhas byin la tshe daṅ ldan pa lhas byin khyod dge ’dun mthun pa dbye (2) ba’i phyir rtul bar ma byed cig | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ma ’dug śig | tshe daṅ ldan pa lhas byin khyod dge ’dun daṅ mthun par gyis śig | dge ’dun mthun mi phyed kun du dga’ mi rtsod mchog gcig ’don pa (3) gcig ciṅ | chu dag ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa lhas byin khyod dge ’dun ’byed par byed pa’i gźi ’di lta bu ’di thoṅ śig ces bźams te bsgo’o || dge (4) sloṅ rnams kyis de la bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par byed pa’i skabs de dge sloṅ rnams kyis bcom ldan ’das la rgyas par gsol pa daṅ | bcom (5) ldan ’das kyis bka’ stsal pa | dge sloṅ dag khyed kyis lhas byin daṅ gźan yaṅ de lta bu gaṅ yin pa la gsol ba daṅ bźi’i las kyis bsgo bar bya’o || ’di ltar bsgo bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la (6) yaṅ dag par bsgo nas dge ’dun thams cad ’dug ciṅ mthun par gyur pa la dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ lhas byin ’dis dge ’dun mthun pa dbye ba’i slad du brtul te | dbyen bgyid par (7) ’gyur pa’i rtsod pa yaṅ dag par blaṅs nas rab tu bzuṅ ste mchis nas | ’di la dge sloṅ maṅ pos bźams te bsgo na ’dil dge sloṅ maṅ pos bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha (5b1) sñad ’dogs par bgyid na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis lhas byin la tshe daṅ ldan pa lhas byin khyod dge ’dun mthun pa dbye ba’i phyir rtul bar ma bye da cig | dbye na byed par ’gyur ba’i rtsod (2) pa yaṅ dag par blaṅs nas rab tu bzuṅ ste ma ’dug śig | tshe daṅ ldan pa lhas byin khyod dge ’dun daṅ mthun par gyis śig | dge ’dun mthun mi phyed kun du dga’ mi rtsod mchog gcig ’don pa gcig ciṅ | chu daṅ ’o ma gcig tu ’dres pa lta bur gyur la | ston (3) pa’i bstan pa gsal bar byed na bde bal reg par gnas par ’gyur gyis | tshe daṅ ldan pa lhas byin khyod dge ’dun ’byed par byed pa’i gźi ’di lta bu ’di thoṅ śig ces gsol ba daṅ bźi’i las kyis bsgo ba mdzad do || ’di ni gsol ba’o || las ni ’di ltar (4) bya ste | dge ’dun btsun pa rnams gsan du gsol | dge sloṅ lhas byin ’dis dge ’dun mthun pa dbye ba’i slad du brtul te dbyen bgyid par ’gyur ba’i rtsod pa yaṅ dag par blaṅs nas rab tu bzuṅ ste mchis nas | ’di la dge sloṅ maṅ pos bźams te bsgo na ’di (5) la dge sloṅ maṅ pos bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ni bden gyi gźan ni brdzun pa’o źes rjes su tha sñad ’dogs par bgyid de | de’i slad du dge ’dun gyis lhas byin la tshe daṅ ldan pa lhas byin khyod dge ’dun (6) mthun pa dbye ba’i phyir rtul bar ma byed cig | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ma ’dug śig | tshe daṅ ldan pa lhas byin khyod dge ’dun daṅ mthun par gyis śig | dge ’dun mthun mi phyed kun du dga’ mi rtsod mchog gcig (7) ’don pa gcig ciṅ | chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa lhas byin khyod dge ’dun ’byed par byed pa’i gźi ’di lta bu ’di thoṅ śig ces gsol ba daṅ bźi’i (6a1) las kyis bsgo ba mdzad na | tshe daṅ ldan pa gaṅ dag lhas byin la gsol ba daṅ bźi’i las kyis bsgo ba mdzad par bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | ’di ni las brjod pa daṅ po ste | de bźin du (2) lan gñis lan gsum du bzlas | dge ’dun gyis bzod ciṅ gnaṅ nas dge ’dun gyis lhas byin la gsol ba daṅ bźi’i las kyis bsgo ba mdzad lags te | ’di ltar caṅ mi gsuṅ bas de de bźin du ’dzin to || dge sloṅ rnams kyis btsun pa bka’ bźin ’tshal (3) źes bcom ldan ’das las mñan nas lhas byin la gsol ba daṅ bźi’i las kyis bsgo’o || gsol ba daṅ bźi’i las kyis bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par (4) byed do || de’i grogs byed pa’i dge sloṅ mi mthun par smra ba’i rjes su phyogs pa bźi po ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin de dag kyaṅ dge sloṅ rnams la ’di skad ces tshe daṅ ldan pa dag khyed cag dge yaṅ ruṅ sdig kyaṅ (5) ruṅ dge sloṅ ’di la ci yaṅ ma smra śig | de ci’i phyir źe na | tshe daṅ ldan pa dag dge sloṅ ’di ni chos smra ba ’dul ba smra ba | dge sloṅ ’di ni chos daṅ ’dul ba yaṅ dag par blaṅs nas rab tu bzuṅ ste rjes su tha sñad ’dogs par byed pa dge sloṅ ’di ni śes bźin du smra’i | mi (6) śes par ma yin pa’i phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do źes zer ba’i skabs de dge sloṅ rnams kyis bcom ldan ’das la rgyas par gsol ba daṅ | bcom ldan ’das kyis bka’ stsal pa | dge sloṅ dag ko (7) ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin daṅ | gźan yaṅ de lta bu gaṅ yin pa la bźams te bsgo bar bya’o || ’di skad bsgo bar bya ste | tshe daṅ ldan pa ko ka li ka | kha na da dra bya | ka ṭa mo ra ka ti ś+ya | rgya mtshos byin khyed śes (6b1) bźin du dge sloṅ gaṅ dge ’dun mthun pa dbye ba’i phyir rtul bar byed ciṅ | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ’dug pa de’i grogs byed ciṅ mi mthun par smra ba’i rjes su phyogs par ma byed cig | dge sloṅ rnams la ’di skad ces tshe (2) daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ ma smra śig | de ci’i phyir źe na | tshe daṅ ldan pa dag dge sloṅ ’di ni chos smra ba | ’dul ba smra ba | dge sloṅ ’di ni chos daṅ ’dul ba yaṅ dag par blaṅs nas rab tu bzuṅ ste rjes su tha sñad ’dogs (3) par byed pa | dge sloṅ ’di ni śes bźin du smra’i | mi śes par ma yin pa’i phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do źes ma zer cig | de ci’i phyir źe na | tshe daṅ ldan pa dag dge sloṅ ’di ni chos smra ba ma yin | ’dul (4) ba smra ba ma yin gyi | tshe daṅ ldan pa dag dge sloṅ ’di ni chos ma yin pa smra ba | ’dul ba ma yin pa smra ba | dge sloṅ ’di ni chos ma yin pa daṅ ’dul ba ma yin pa yaṅ dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni mi śes bźin du (5) smra’i śes par ma yin pa’i phyir te | dge sloṅ ’di gaṅ la ’dod ciṅ bzod pa de la tshe daṅ ldan pa dag ’dod ciṅ bzod par ma byed cig | tshe daṅ ldan pa dag khyed dge ’dun ’byed ’dod par ma byed par tshe daṅ ldan pa dag dge ’dun mthun pa ñid du ’dod par gyis śig | tshe daṅ (6) ldan pa dag dge ’dun daṅ mthun par gyis śig | dge ’dun mthun mi phyed kun du dga’ mi rtsod | mchog gcig ’don pa gcig ciṅ chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe (7) daṅ ldan pa dag dge ’dun ’byed pa’i rjes su phyogs śiṅ mi mthun par smra ba ’di lta bu ’di thoṅ śig ces bsgo bar bya’o || dge sloṅ rnams kyis btsun pa bka’ bźin ’tshal źes bcom ldan ’das las mñan nas de’i grogs byed pa’i dge sloṅ mi mthun par smra ba’i rjes su (7a1) phyogs pa bźi po ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams la ’di skad ces tshe daṅ ldan pa dag khyed śes bźin du dge sloṅ gad dge ’dun mthun pa dbye ba’i phyir rtul bar byad ciṅ dbyen byed par ’gyur ba’i (2) rtsod pa yaṅ dag par blaṅs nas rab tu bzuṅ ste ’dug pa de’i grogs byed ciṅ mi mthun par smra ba’i rjes su phyogs par ma byed cig | dge sloṅ rnams la ’di skad ces tshe daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ ma smra śig | de (3) ci’i phyir źe na | tshe daṅ ldan pa dag dge sloṅ ’di ni chos smra ba | ’dul ba smra ba | dge sloṅ ’di ni chos daṅ | ’dul ba yaṅ dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni śes bźin du smra’i mi śes par ma yin pa’i (4) phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do źes ma zer cig | de ci’i phyir źe na | tshe daṅ ldan pa dag dge sloṅ ’di ni chos smra ba ma yin | ’dul ba smra ba ma yin gyi | tshe daṅ ldan pa dag dge sloṅ ’di ni chos ma yin pa smra ba | ’dul (5) ba ma yin pa smra ba | dge sloṅ ’di ni chos ma yin pa daṅ | ’dul ba ma yin pa yaṅ dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni mi śes bźin du smra’i śes par ma yin pa’i phyir te | dge sloṅ ’di gaṅ la ’dod ciṅ (6) bzod pa de la tshe daṅ ldan pa dag ’dod ciṅ bzod par ma byed cig | tshe daṅ ldan pa dag khyed dge ’dun ’byed ’dod par ma byed par tshe daṅ ldan pa dag dge ’dun mthun pa ñid du ’dod par gyis śig | tshe daṅ ldan pa dag dge ’dun daṅ mthun par gyis śig | dge ’dun (7) mthun mi phyed kun du dga’ mi rtsod | mchog gcig ’don pa gcig ciṅ chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa dag dge ’dun ’byed pa’i rjes su phyogs (7b1) śiṅ mi mthun par smra ba ’di lta bu ’di thoṅ śig ces bsgo’o || dge sloṅ rnams kyis de dag la bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par byed pa’i skabs (2) de dge sloṅ rnams kyis bcom ldan ’das la rgyas par gsol pa daṅ | bcom ldan ’das kyis bka’ stsal pa | dge sloṅ dag khyed kyis ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams daṅ | gźan yaṅ de lta bu (3) gaṅ yin pa la gsol ba daṅ bźi’i las kyis bsgo bar bya’o || ’di ltar bsgo bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la dge (4) sloṅ gcig gis gsol ba byas te las bya’o || dge ’dun btsun pa rnams gsan du gsol | ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin ’di dag dge sloṅ gaṅ dge ’dun mthun pa dbye ba’i slad du rtul bar bgyid ciṅ dbyen (5) bgyid par ’gyur ba’i rtsod pa yaṅ dag par blaṅs nas rab tu bzuṅ ste mchis pa de’i grogs bgyid ciṅ mi mthun par smra nas | ’di dag la dge sloṅ rnams kyis bźams te bsgo na ’di dag la dge sloṅ rnams kyis bźams te bsgo yaṅ gźi de ñid la nan gyis mchog (6) tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par bgyid na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ ko ka li ka daṅ | khan da dra (7) bya daṅ | ka ṭa mo ra ka ti ś+ya daṅ | rgya mtshos byin rnams la tshe daṅ ldan pa dag khyed śes bźin du dge sloṅ gaṅ dge ’dun mthun pa dbye ba’i phyir rtul bar byed ciṅ dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ’dug pa de’i grogs byed ciṅ mi mthun (8a1) par smra ba’i rjes su phyogs par ma byed cig | dge sloṅ rnams la ’di skad ces tshe daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ smra śig | de ci’i phyir źe na | tshe daṅ ldan pa dag dge sloṅ ’di ni chos smra ba | ’dul ba (2) smra ba | dge sloṅ ’di ni chos daṅ | ’dul ba yaṅ dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni śes bźin du smra’i mi śes par ma yin pa’i phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ (3) bzod do źes ma zer cig | de ci’i phyir źe na | tshe daṅ ldan pa dag dge sloṅ ’di ni chos smra ba ma yin | ’dul ba smra ba ma yin gyi | tshe daṅ ldan pa dag dge sloṅ ’di ni chos ma yin pa smra ba | ’dul ba ma yin pa smra ba | dge sloṅ ’di ni chos ma yin pa daṅ | ’dul (4) ba ma yin pa yaṅ dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni mi śes bźin du smra’i śes par ma yin pa’i phyir te | dge sloṅ ’di gaṅ la ’dod ciṅ bzod pa de la tshe daṅ ldan pa dag ’dod ciṅ bzod par ma byed cig | tshe (5) daṅ ldan pa dag khyed dge ’dun ’byed ’dod par ma byed par tshe daṅ ldan pa dag dge ’dun mthun pa ñid du ’dod par gyis śig | tshe daṅ ldan pa dag dge ’dun daṅ mthun par gyis śig | dge ’dun mthun mi phyed kun du dga’ mi rtsod | mchog gcig ’dod pa gcig ciṅ | (6) chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa dag dge ’dun ’byed pa’i rjes su phyogs śiṅ mi mthun par smra ba ’di lta bu ’di thoṅ śig ces gsol ba daṅ bźi’i las kyis (7) bsgo ba mdzad do || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin ’di dag dge sloṅ gaṅ dge ’dun mthun pa dbye ba’i slad du rtul bar (8b1) bgyid ciṅ dbyen bgyid par ’gyur ba’i rtsod pa yaṅ dag par blaṅs nas rab tu bzuṅ ste mchis pa de’i grogs bgyid ciṅ mi mthun par smra nas ’di dag la dge sloṅ rnams kyis bźams te bsgo na | ’di dag la dge sloṅ rnams kyis bźams te bsgo yaṅ gźi de ñid la (2) nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par bgyid de | de’i slad du dge ’dun gyis ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams la | tshe daṅ ldan (3) pa dag khyed śes bźin du dge sloṅ gaṅ dge ’dun mthun pa dbye ba’i phyir rtul ba ra byed ciṅ dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ’dug pa de’i grogs byed ciṅ mi mthun par smra ba’i rjes su phyogs par ma byed cig dge sloṅ rnams la ’di skad (4) ces tshe daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ ma smra śig | de ci’i phyir źe na | tshe daṅ ldan pa dag dge sloṅ ’di ni chos smra ba | ’dul ba smra ba | dge sloṅ ’di ni chos daṅ ’dul ba yaṅ dag par blaṅs nas rab tu bzuṅ ste rjes su (5) tha sñad ’dogs par byed pa | dge sloṅ ’di ni śes bźin du smra’i mi śes par ma yin pa’i phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do źes ma zer cig | de ci’i phyir źe na | tshe daṅ ldan pa dag dge sloṅ ’di ni chos smra ba (6) ma yin | ’dul ba smra ba ma yin gyi | tshe daṅ ldan pa dag dge sloṅ ’di ni chos ma yin pa smra ba | ’dul ba ma yin pa smra ba | dge sloṅ ’di ni chos ma yin pa daṅ | ’dul ba ma yin pa yaṅ dag par blaṅs nas rab tu bzuṅ ste rjes su tha sñad ’dogs par byed pa | (7) dge sloṅ ’di ni mi śes bźin du smra’i śes par ma yin pa’i phyir te | dge sloṅ ’di gaṅ la ’dod ciṅ bzod pa de la tshe daṅ ldan pa dag ’dod ciṅ bzod par ma byed cig | tshe daṅ ldan pa dag khyed dge ’dun ’byed ’dod par ma byed par tshe daṅ ldan pa dag dge ’dun (9a1) mthun pa ñid du ’dod par gyis śig | tshe daṅ ldan pa dag dge ’dun daṅ mthun par gyis śig | dge ’dun mthun mi phyed kun du dga’ mi rtsod | mchog gcig ’don pa gcig ciṅ chu daṅ ’o ma gcig tu ’dres pa lta bur gyur la | ston pa’i (2) bstan pa gsal bar byed na bde ba la reg par gnas par ’gyur gyis | tshe daṅ ldan pa dag dge ’dun ’byed pa’i rjes su phyogs śiṅ | mi mthun par smra ba ’di lta bu ’di thoṅ śig ces gsol ba daṅ bźi’i las kyis bsgo ba mdzad na | tshe daṅ ldan pa gaṅ dag ko ka (3) li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams la gsol ba daṅ bźi’i las kyis bsgo ba mdzad par bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | ’di ni las brjod pa daṅ po ste | de bźin (4) du lan gñis lan gsum du bzlas | dge ’dun gyis bzod ciṅ gnaṅ nas dge ’dun gyis ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams la gsol ba daṅ bźi’i las kyis bsgo ba mdzad lags te | ’di ltar caṅ mi gsuṅ bas (5) de de bźin du ’dzin to || dge sloṅ rnams kyis btsun pa bka’ bźin ’tshal źes bcom ldan ’das las mñan nas ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin rnams la gsol ba daṅ bźi’i las kyis bsgo’o || gsol ba daṅ (6) bźi’i las kyis bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par byed pa’i skabs de dge sloṅ rnams kyis bcom ldan ’das la rgyas par gsol to || de nas bcom ldan ’das (7) kyis dge sloṅ rnams la bka’ stsal ba | dge sloṅ dag lhas byin gyis ṅa’i ñan thos kyi dge ’dun mthun pa dbye ba daṅ ’khor lo yaṅ ’byed par nus te | ’di ltar ṅe’i grogs byed pa’i dge sloṅ mi mthun par smra ba ñid kyi rjes su phyogs pa bźi po ko ka li ka daṅ | (9b1) khan da dra bya daṅ | ka ṭa mo ra ka ti ś+ya daṅ | rgya mtshos byin dag yod pa’i phyir ro || lhas byin gyis dge sbyoṅ gau ta mas dge sloṅ dag lhas byin gyis ṅa’i ñan thos kyi dge ’dun mthun pa dbyeb daṅ ’khor lo yaṅ ’byed par nus te | ’di ltar de’i grogs byed pa’i dge (2) sloṅ mi mthun par smra ba ñid kyi rjes su phyogs pa bźi po ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag yod pa’i phyir ro źes bdag la luṅ bstan to źes thos so || thos nas kyaṅ ko ka li ka daṅ | khan dra bya daṅ | ka ṭa mo ra ka (3) ti ś+ya daṅ | rgya mtshos byin rnams la smras pa | ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag śes par gyis śig | dge sbyoṅ gau ta mas lhas byin gyis ṅa’i ñan thos kyi dge ’dun mthun pa dbye ba daṅ ’khor lo yaṅ ’byed par nus te | (4) ’di ltar de’i grogs byed pa’i dge sloṅ mi mthun par smra ba ñid kyi rjes su phyogs pa bźi po ko ka li ka daṅ | khan da dra bya daṅ | ka ṭa mor ka ti ś+ya daṅ | rgya mtshos byin dag yod pa’i phyir ro źes kho bo la luṅ bstan to || de dag gis smras pa | lhas byin ga la te de lta (5) na legs so || des rgya cher dge ’dun mthun pa dbye ba’i phyir brtul bar brtsams pa’i skabs de dge sloṅ rnams kyis macoma ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge (6) ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das kyis lhas byin la smras pa | lhas byin khyod kyis dge ’dun mthun pa dbye ba’i phyir brtul źiṅ dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ’dug (7) pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes bya ba la sogs pas rnam par smad pa (10a1) sṅa ma bźin no || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par rjes su gzigs pas ’dul ba la ñan thos rnams kyi bslab pa’i gźi (2) bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge ’dun mthun pa dbye ba’i phyir rtul bar byed ciṅ dbyen byed par ’gyur pa’i rtsod pa yaṅ dag par blaṅs nas rab (3) tu bzuṅ ste ’dug na | dge sloṅ de la dge sloṅ rnams kyis ’di skad ces tshe daṅ ldan pa khyed dge ’dun mthun pa dbye ba’i phyir rtul bar ma byed cig | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ma ’dug śig | tshe daṅ ldan pa dge ’dun daṅ mthun (4) par gyis śig | dge ’dun mthun mi phyed kun du dga’ mi rtsod | mchog gcig ’don pa gcig ciṅ chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa khyed dge ’dun ’byed (5) par byed pa’i gźi ’di lta bu ’di thoṅ śig ces bsgo bar bya’o || dge sloṅ de la dge sloṅ rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo bar bya | yaṅ dag (6) par bstan par bya’o || lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na dge ’dun lhag ma’o || yaṅ dge sloṅ gaṅ źes bya ba ni lhas byin nam gźan yaṅ de lta bu gaṅ yin pa’o || dge (7) ’dun źes bya ba ni de bźin gśegs pa’i ñan thos kyi dge ’dun no || mthun pa źes bya ba ni ro gcig pa’o || dbye ba’i phyir źes bya ba ni gñis su bya ba’i phyir ro || rtul bar byed ciṅ źes bya ba ni rtsol bar byed ciṅ ṅo || dbyen byed par ’gyur pa’i rtsod pa yaṅ dag par (10b1) blaṅs nas rab tu bzuṅ ste ’dug na źes bya ba ni ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag yaṅ dag par blaṅs nas rab tu bzuṅ ste ’dug na’o || dge sloṅ de la źes bya ba ni lhas byin la’o || dge sloṅ rnams kyis źes bya ba ni (2) chos ’di pa rnams kyis so || ’di skad ces źes bya ba ni bźams te bsgo ba ji skad sṅar bstan pa ltar bsgo bar bya’o || dge sloṅ de la dge sloṅ rnams kyis de skad bsgo ba na źes bya ba ni bźams te bsgo ba na’o || gal te gźi de gtoṅ na źes bya ba ni lta ba de yoṅs su (3) gtoṅ na’o || de lta na legs źes bya ba ni de lta na bzaṅ ba’o || gal te mi gtoṅ na źes bya ba ni yoṅs su mi gtoṅ na’o || lan gñis lan gsum du yaṅ dag par bsgo bar bya | yaṅ dag par bstan par bya’o źes bya ba ni gsol ba daṅ bźi’i las kyis bsgo ba (4) ji skad sṅar bstan pa ltar bsgo bar bya ste | yaṅ dag par bsgo ba de ni de yin | yaṅ dag par bstan pa de ni de yin no || dge ’dun lhag ma’o źes bya ba ni sṅa ma bźin du ltuṅ ba de dge ’dun la rag las pa yin te | des na dge ’dun lhag ma’o źes gsuṅs so || de (5) la ltuṅ bar ji ltar ’gyur źe na | dge sloṅ gis cuṅ zad ji tsam du dge ’dun mthun pa dbye ba’i phyir rtul bar byed na thams cad du ñes byas su ’gyur ro || dge sloṅ gis bźams te bsgo ba na gźi de gtoṅ na de lta na legs | gal ti mi gtoṅ na ñes pa sbom por ’gyur ro || (6) gsol ba daṅ bźi’i las kyis bsgo ba na gźi de gtoṅ na de lta na legs | gal te mi gtoṅ na gsol ba byas pa na ñes pa sbom por ’gyur ro || las brjod pa daṅ po brjod pa na ma rdzogs par gźi de gtoṅ na de lta na legs | gal te mi gtoṅ na rdzogs par brjod pa (7) na ñes pa sbom por ’gyur ro || las brjod pa gñis pa brjod pa na ma rdzogs par gźi de gtoṅ na de lta na legs | gal te mi ga toṅ na rdzogs par brjod pa na ñes pa sbom por ’gyur ro || las brjod pa gsum pa brjod pa na ma rdzogs par gźi de gtoṅ na de lta na (11a1) legs | gal te mi gtoṅ na ñes pa sbom por ’gyur ro || rdzogs par brjod pa na gal te mthun pa daṅ chos ma yin pas bsgo bar byed na ltuṅ ba med do || mi mthun pa daṅ chos kyi bsgo bar byed na ltuṅ ba med do || mthun pa daṅ chos ltar bcos (2) pas bsgo bar byed na ltuṅ ba med do || mi mthun pa daṅ chos ma yin pa ltar bcos pas bsgo bar byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar bsgo bar mi byed na ltuṅ ba med do || chos ji lta ba daṅ | (3) ’dul ba ji lta ba daṅ | ston pa’i bstan pa ji lta ba de ltar mthun pas bsgo bar byed na rdzogs par brjod pa na dge ’dun lhag mar ’gyur ro || dge sloṅ des stan de la ’dug bźin du ’di skad ces tshe daṅ ldan pa dag bdag la dge ’dun lhag ma’i ltuṅ ba byuṅ ṅo źes brjod (4) par bya ste | gal te de skad brjod na de lta na legs | gal te mi brjod na de phyin chad nas de la ’chab pa’i ñes pa ’byuṅ bar ’gyur ro || de bas na dge sloṅ gis ji tsam du gźi des ma bśags śiṅ so sor ma bśags par gsol ba daṅ | gsol ba daṅ (5) gñis daṅ | gsol ba daṅ bźi’i las ñams su myoṅ bar byed na thams cad du ñes byas su ’gyur ro || las daṅ po ba daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dge ’dun gyi dbyen byed pa’i dge ’dun (6) lhag ma ste bcu pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=005b5985-0039-11e4-a105-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ