Bibliotheca Polyglotta

[Saṃghāvaśeṣa 12]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || de’i tshe na re lde ril dge sloṅ ’gro (7) mgyogs daṅ | nab so gñis daṅ | dge sloṅ dmar ser can khyim sun ’byin pa | sdig pa’i chos kun du spyod pa dag ’khod do || de dag bud med kyi yul daṅ lhan cig tho ’tsham par byed | kun du rtse bar byed | kun tu ca co ’don par byed | rgod pa daṅ | (14a1) dregs pa daṅ | lus sgyur bar byed | stan gcig la ’dug par byed | snod gcig tu za bar byed | phor bu gcig tu myos par ’gyur ba’i btuṅ ba sna tshogs dag ’thuṅ bar byed | me tog dag ’thog par byed | ’thog tu ’jud par byed | (2) phreṅ bdag rgyud par byed | rgyud du ’jud par byed | me tog rna rgyan dag thogs par byed | thogs su ’jud par byed | bro rduṅ bar byed | bro rduṅ du ’jud par byed | glu len par byed | glu len du ’jud par byed | rol mo’i sgra ’byin par byed | rol mo’i sgra (3) ’byin du ’jud par byed | bro mkhas pa daṅ | glu mkhas pa daṅ | rol mo’i sgra ’byin pa mkhas pa la ṅo so las byuṅ ba sbyin par byed | chos gos dag brdzes te rgyug par byed | mchod par byed | rab tu mchod par byed | brla skor bar byed | lag par skor bar (4) byad | ña ltar skor bar byed | chur ’phyo ba ’phen par byed | chu la rṅa ma du ka ltar rduṅ bar byed | glaṅ po che’i skad kyi sgra ’byin par byed | rta’i skad kyi sgra ’byin par byed | khyu mchog gi skad kyi sgra ’byin par byed | rma bya’i skad kyi sgra ’byin par byed | khu (5) byug gi skad kyi sgra ’byin par byed | khas rdza rṅa’i sgra ’byin par byed | khas duṅ gi sgra ’byin par byed | khas rṅa bo che’i sgra ’byin par byed | glaṅ po che’i thab mo yaṅ byed | glaṅ po che’i thab mo byed du ’jud par yaṅ byed | rta’i thab mo daṅ | khyu mchog gi thab mo (6) daṅ | ma he’i thab mo daṅ | ra’i thab mo daṅ | lug gi thab mo daṅ | bud med kyi thab mo daṅ | skyes pa’i thab mo daṅ | gźon nu’i thab mo daṅ | gźon nu ma’i thab mo daṅ | bya gag gi thab mo daṅ | thi ba’i thab mo daṅ | ṅur pa’i thab mo yaṅ byed | byed (7) du ’jud par yaṅ byed de | de dag daṅ gźan yaṅ dge sloṅ gi las ma yin pa dag byed ciṅ byed du ’jud de | de dag gi spyod tshul daṅ | spyod pa daṅ | log par sgrub pa des re lde’i ril dge sloṅ ma ’oṅs pa dag kyaṅ mi ’oṅ la | ’oṅs pa dag kyaṅ mṅon par mi (14b1) dga’ źiṅ re lde’i ri’i gnas spoṅ bar byed do || re lde’i ri la gnas pa’i bram ze daṅ | khyim bdag dag kyaṅ yid mi dga’ źiṅ źe bcil bar gyur nas dge sloṅ gñug mar gnas pa dag la yaṅ bsod sñoms dbul ba daṅ | bya bar sems pa dka’ na | blo bur (2) du lhags pa rnams la lta smos kyaṅ ci dgos par gyur to || ji tsam dus gźan źag na tshe daṅ ldan pa kun dga’ bo yul ka śi ka dag tu ljoṅs rgyu źiṅ ’gro ba na re lde rir phyin nas re lde ri’i nags na ’dug go || de nas tshe daṅ ldan pa kun dga’ bo sṅa dro śam thabs (3) bgos lhuṅ bzed daṅ chos gos thogs te re lde ri la bsod sñoms la źugs pa daṅ | de ji ltar lhuṅ bzed bkrus pa kho nas re lde ri la bsod sñoms la źugs pa de ltar lhuṅ bzed bkrus pa kho na tha na sloṅ mo gcig sbyin pa yaṅ ma thob | phyir gtoṅ ba yaṅ (4) ma thob par phyir byuṅ ṅo || de nas tshe daṅ ldan pa kun dga’ bo ’di sñam du sems te | sṅon ni re lde ri ’di ’byor pa daṅ | rgyas pa daṅ | bde ba daṅ | lo legs pa daṅ | skye bo daṅ | mi maṅ pos kyaṅ gaṅ bar gyur la | ’dir sloṅ mo bas kyaṅ (5) bsod sñoms rñed sla bar gyur na | da ltar yaṅ re lde ri ’di ’byor pa daṅ | rgyas pa daṅ | bde ba daṅ | lo legs pa daṅ | skye bo daṅ | mi maṅ pos kyaṅ gaṅ ba ni yin na | ’on kyaṅ bdag ji ltar lhuṅ bzed bkrus pa kho nas re lde ri la bsod sñoms (6) la źugs pa de ltar lhuṅ bzed bkrus pa kho nas tha na sloṅ mo gcig sbyin pa yaṅ ma thob | phyir gtoṅ ba yaṅ ma thob par phyir byuṅ ba las na ’dir bcom ldan ’das kyi ñan thos byis pa | blun pa | mi gsal ba | mi mkhas pa ’ga’ źig gis ñon moṅs pa’i (7) dbaṅ du gyur pas spyod yul lam spyod yul gyi groṅ ṅam rigs kyi bud med dam | rigs kyi gźon nu ma dag la kun du smras pa’am | nom pa’am | ñug pa byas par ma gyur tam sñam mo || de’i tshe na re lde ri pa’i bram ze daṅ | khyim bdag rnams kyi (15a1) dpoṅ sa’i gnas na bram ze daṅ | khyim bdag lṅa brgya tsam bya ba źig gi phyir ’dug ste mthun par gyur to || de nas tshe daṅ ldan pa kun dga’ bo re lde ri pa’i bram ze daṅ | khyim bdag rnams kyi dpoṅ sa’i gnas ga la ba der soṅ ste phyin nas re lde ri pa’i (2) bram ze daṅ | khyim bdag rnams la ’di skad ces smras so || śes ldan dag sṅon ni re lde ri ’di ’byor ba daṅ | rgyas pa daṅ | bde ba daṅ | lo legs pa daṅ | skye bo daṅ | mi maṅ pos kyaṅ gaṅ bar gyur la | ’dir sloṅ mo bas kyaṅ bsod sñoms rñed sla bar gyur na | (3) da ltar yaṅ re lde ri ’di ’byor pa daṅ | rgyas pa daṅ | bde ba daṅ | lo legs pa daṅ | skye bo daṅ | mi maṅ pos gaṅ ba ni yin na | ’on kyaṅ bdag ji ltar lhuṅ bzed bkrus pa kho nas re lde ri la bsod sñoms la źugs pa de ltar lhuṅ bzed bkrus pa kho nas (4) tha na sloṅ mo gcig sbyin pa yaṅ ma thob | phyir gtoṅ ba yaṅ ma thob par phyir byuṅ bar gyur to || de skad ces smras pa daṅ | re lde ri pa’i bram ze daṅ | khyim bdag de dag dbaṅ po rnams phyir bla na te ’khod do || de’i tshe na dge bsñen chu rgyun can ’khor de ñid du (5) ’dug ciṅ mthun par gyur to || de nas dge bsñen chu rgyun can gyis tshe daṅ ldan pa kun dga’ bo’i lag pa gñis nas bzuṅ ste mtha’ gcig tu khrid nas tshe daṅ ldan pa kun dga’ bo la ’di skad ces smras so || btsun pa kun dga’ bo mkhyen par mdzod cig | re lde ri (6) ’di la dge sloṅ ’gro mgyogs daṅ | nab so gñis daṅ | dge sloṅ dmar ser can khyim sun ’byin pa | sdig pa’i chos kun du spyod pa dag mchis te | de dag bud med kyi yul daṅ lhan cig tho ’tsham par bgyid | kun du rtse bar bgyid | kun du ca co ’don (7) bar bgyid | rgod pa daṅ | dregs pa daṅ | lus sgyur bar bgyid | stan gcig la mchis par bgyid | snod gcig tu ’tshal bar bgyid | phor bu gcig tu myos par ’gyur ba’i btuṅ ba sna tshogs dag ’tshal bar bgyid | me tog dag ’thog par bgyid | (15b1) ’thog tu stsol bar bgyid | phreṅ ba dag rgyud par bgyid | rgyud du stsal bar bgyid | me tog rna rgyan dag thogs par bgyid | thogs su stsal bar bgyid | bro rduṅ bar bgyid | bro rduṅ du stsal bar bgyid | mchid mchi bar bgyid | mchid mchir stsol bar (2) bgyid | rol mo’i sgra ’byin par bgyid | rol mo’i sgra ’byin du stsal bar bgyid | bro mkhas pa daṅ | glu mkhas pa daṅ | rol mo’i sgra ’byin mkhas pa la ṅo so las byuṅ ba stsol bar bgyid | chos gos dag brdzes te rgyug par bgyid | mchoṅ bar bgyid | (3) rab tu mchoṅ par bgyid | brla skor bar bgyid | lag pa skor bar bgyid | ña ltar skor bar bgyid | chab tu ’phyo ba ’phen par bgyid | chab la rṅa ma du ka ltar rduṅ bar bgyid | chab la rṅa bo che ltar rduṅ bar bgyid | glaṅ po che’i skad kyi sgra ’byin par bgyid | rta’i skad kyi (4) sgra ’byin par bgyid | khyu mchog gi skad kyi sgra ’byin par bgyid | rma bya’i skad kyi sgra ’byin par bgyid | khu byug gi skad kyi sgra ’byin par bgyid | khas rdza rṅa’i sgra ’byin par bgyid | khas duṅ gi sgra ’byin par bgyid | khas rṅa bo che’i sgra ’byin par bgyid | (5) glaṅ po che’i thab mo yaṅ bgyid | glaṅ po che’i thab mo bgyid du stsol bar yaṅ bgyid | rta’i thab mo daṅ | khyu mchog gi thab mo daṅ | ma he’i thab mo daṅ | ra’i thab mo daṅ | lug gi thab mo daṅ | bud med kyi thab mo daṅ | skyes pa’i thab mo daṅ | gźon (6) nu’i thab mo daṅ | gźon nu ma’i thab mo daṅ | bya gag gi thab mo daṅ | thi ba’i thab mo daṅ | ṅur pa’i thab mo yaṅ bgyid | bgyid du stsal bar yaṅ bgyid de | de dag daṅ gźan yaṅ dge sbyoṅ gi las ma lags pa dag bgyid ciṅ bgyid du stsal to || de dag gi (7) spyod tshul daṅ | spyod pa daṅ | log par sgrub pa des re lde ri la dge sloṅ ma mchis pa dag kyaṅ mi mchis la | mchis pa dag kyaṅ mṅon par mi dga’ źiṅ re lde ri’i gnas spoṅ bar bgyid do || re lde ri la gnas pa’i bram ze daṅ | khyim bdag dag kyaṅ yid mi (16a1) dga’ źiṅ | źe bcil bar gyur nas dge sloṅ gñug mar gnas pa dag la yaṅ bsod sñoms dbul ba daṅ bgyi bar sems pa dka’ na | glo bur du lhags pa rnams la lta smos kyaṅ ci ’tshal bar gyur gyis btsun pa kun dga’ bo gal te khyod mi (2) dka’ na khyod kyis thugs brtse ba’i slad du don ’di bcom ldan ’das la rgyas par gsol cig | tshe daṅ ldan pa kun dga’ bos dge bsñen chu rgyun can la caṅ mi smra bas daṅ du blaṅs so || de nas dge bsñen chu rgyun can gyis tshe daṅ ldan pa kun dga’ bos caṅ mi smra bas (3) daṅ du blaṅs par rig nas tshe daṅ ldan pa kun dga’ bo la ’di skad ces smras so || btsun pa kun dga’ bo bdag gi sdum par bsod sñoms gcig gsol bar ci gnaṅ | tshe daṅ ldan pa kun dga’ bos dge bsñen chu rgyun can la cad mi smra bas daṅ du blaṅs so || de nas (4) dge bsñen chu rgyun can gyis tshe daṅ ldan pa kun dga’ bos caṅ mi smra bas daṅ du blaṅs par rig nas tshe daṅ ldan pa kun dga’ bo bde bar ’dug pa la raṅ gi lag nas bca’ ba daṅ bza’ ba gtsaṅ źiṅ bsod pas tshim par byed | stobs par byed ciṅ | raṅ gi lag (5) nas bca’ ba daṅ bza’ ba gtsaṅ źiṅ bsod pa rnam graṅs du mas tshim par byas śiṅ bstabs nas tshe daṅ ldan pa kun dga’ bos zos śiṅ lag par bsñal lhuṅ bzed bźag par rig nas sta na ches dma’ ba źig khyer te | tshe daṅ ldan pa kun dga’ bo’i mdun du chos (6) mñan pa’i phyir ’dug go || de nas tshe daṅ ldan pa kun dga’ bo dge bsñen chu rgyun can la chos daṅ ldan pa’i gtam yaṅ dag par ston | yaṅ dag par ’dzin du ’jug | yaṅ dag par gzeṅs stod | yaṅ dag par rab tu dga’ bar byed ciṅ chos daṅ ldan pa’i (7) gtam yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas stan las laṅs te soṅ ṅo || || ’dul ba rnam par ’byed pa | bam po ñi śu gsum pa | de nas tshe (16b1) daṅ ldan pa kun dga’ bos ji ltar yoṅs su spyad pa’i gnas mal mkhos su phab nas lhuṅ bzed daṅ | chos gos thogs te mñan yod ga la ba der rgyu źiṅ soṅ nas mthar gyis rgyu źiṅ ’gro ba na mñan yod du phyin to || de nas tshe daṅ ldan pa kun dga’ bos lhuṅ bzed (2) daṅ | chos gos mkhos su phab ste rkaṅ pa gñis bkrus nas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas tshe daṅ ldan pa kun dga’ bos (3) de la dge bsñen chu rgyun can daṅ lhan cig skabs su gtam brjod pa ji sñed byuṅ bar gyur pa de dag thams cad bcom ldan ’das la rgyas par gsol to || de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ (4) stsal to || kun dga’ bo khyod dge sloṅ gnas brtan gnas brtan rnams daṅ lhan cig re lde’i ri la soṅ la dge sloṅ ’gro mgyogs daṅ | nab so gñis bskrad pa’i las gyis śig | ’di ltar bya ste | lam gyi bar du ’dug la dge sloṅ gleṅ ba po bsko bar bya ste | (5) dge sloṅ gleṅ pa po chos lṅa daṅ ldan pa ni ma bskos pa yaṅ bsko bar mi bya źiṅ bskos pa yaṅ dbyuṅ bar bya ste | lṅa gaṅ źe na | ’dun pas ’gro ba daṅ | źe sdaṅ gis ’gro ba daṅ | gti mug gis ’gro ba daṅ | ’jigs pas ’gro ba daṅ | gleṅs pa daṅ ma gleṅs (6) pa mi śes pa ste | dge sloṅ gleṅ pa po chos lṅa po de dag daṅ ldan pa ni ma bskos pa yaṅ bsko bar mi bya źiṅ | bskos pa yaṅ dbyuṅ bar bya’o || dge sloṅ gleṅ pa po chos lṅa daṅ ldan pa ni ma bskos pa yaṅ bsko bar bya źiṅ bskos pa yaṅ dbyuṅ bar mi bya ste | lṅa gaṅ źe na | (7) ’dun pas mi ’gro ba daṅ | źe sdaṅ gis mi ’gro ba daṅ | gti mug gis mi ’gro ba daṅ | ’jigs pas mi ’gro ba daṅ | gleṅs ba daṅ ma gleṅs pa śes pa ste || dge sloṅ gleṅ ba po chos lṅa po de dag daṅ ldan pa ni ma bskos pa yaṅ bsko bar bya źiṅ bskos pa yaṅ (17a1) dbyuṅ bar mi bya’o || ’di ltar bsko bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la je daṅ po spro bar bya ste | tshe daṅ (2) ldan pa miṅ ’di źes bya ba khyod re lde ri la soṅ ste | dge sloṅ ’gro mgyogs daṅ | nab so la dge sbyoṅ gi chos ma yin pa rnam pa maṅ pos gleṅ par spro’am | gal te spro na des spro’o źes brjod par bya’o || de’i ’og tu dge sloṅ gcig gis gsol ba byas te (3) las bya’o || dge ’dun btsun pa rnams gsan du gsol | dge sloṅ gleṅ ba po miṅ ’di źes bgyi ba ’di re lde ri la mchis te dge sloṅ ’gro mgyogs daṅ | nab so la dge sbyoṅ gi chos ma lags pa rnam pa maṅ pos gleṅ par spro na | gal te dge ’dun gyi dus la (4) bab ciṅ bzod na dge ’dun gyis gnad par mdzod cig daṅ | dge ’dun gyis dge sloṅ gleṅ ba po miṅ ’di źes bgyi ba dge sloṅ ’gro mgyogs daṅ | nab so la gleṅ bar bsko’o || ’di ni gsol ba’o || las ni ’di ltar bya ste | dge ’dun btsun pa (5) rnams gsan du gsol | dge sloṅ gleṅ ba po miṅ ’di źes bgyi ba ’di re lde ri la mchis nas dge sloṅ ’gro mgyogs daṅ | nab so la dge sbyoṅ gi chos ma lags pa rnam pa maṅ pos gleṅ bar spro ste | de’i slad du dge ’dun gyis dge sloṅ gleṅ ba po miṅ ’di źes (6) bgyi ba dge sloṅ ’gro mgyogs daṅ | nab so la gleṅ bar bsko na | tshe daṅ ldan pa gaṅ dge sloṅ gleṅ ba po miṅ ’di źes bgyi ba dge sloṅ ’gro mgyogs daṅ | nab so la gleṅ bar bsko bar mdzad par bzod pa de dag ni caṅ ma gsuṅ śig | gaṅ dag mi bzod (7) pa de dag ni gsuṅ śig | dge ’dun gyis bzod ciṅ gnaṅ nas | dge ’dun gyis dge sloṅ gleṅ ba po miṅ ’di źes bgyi ba dge sloṅ ’gro mgyogs daṅ | nab so la gleṅ bar bskos lags te | ’di ltar caṅ mi gsuṅ bas de de bźin du ’dzin to || dge (17b1) sloṅ dag ṅas dge sloṅ gleṅ ba po’i kun du spyod pa’i chos bca’ bar bya ste | dge sloṅ gleṅ ba pos srin bu can gyi ril soṅ ste gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ (2) mthun par gyur pa na dge sloṅ ’gro mgyogs daṅ | nab so gñis la gleṅ bar bya’o || gal te mthun pa mi sbyin na ma gus pa de ñid kyis gnas nas bskrad pa’i las bya’o || gal te mthun pa ster na skabs ’byed du gźug par bya’o || gal te skabs mi ’byed na (3) ma gus pa de ñid kyis bskrad pa’i las bya’o || gal te skabs ’byed na gleṅ bar bya’o || gal te ltuṅ ba ma mthoṅ ṅo źes zer na ma gus pa de ñid kyis bskrad pa’i las bya’o || gal te ltuṅ ba mthoṅ ṅo źes zer na ’di skad ces de kho na’i phyir dge ’dun gyis khyed (4) gñis la bskrad pa’i phrin las mdzad do źes brjod par bya’o dge sloṅ gleṅ ba pos gleṅ ba po’i chos ji ltar bcas pa yaṅ dag par blaṅs te ’jug par mi byed na ’gal tshabs can du ’gyur ro || tshe daṅ ldan pa kun dga’ bos btsun pa bka’ bźin ’tshal źes bcom (5) ldan ’das las mñan nas dge sloṅ gnas brtan gnas brtan rnams daṅ lhan cig re lde ri la soṅ ste | lam gyi bar du ’dug nas dge sloṅ gleṅ ba po bskos so || de na dge sloṅ dmar ser can gaṅ dag dge sloṅ ’gro mgyogs daṅ | nab so gñis daṅ mtshuṅs par (6) byed pa de dag gis tshe daṅ ldan pa kun dga’ bo dge sloṅ gnas brtan gnas brtan rnams daṅ lhan cig ’dir ’oṅs te lam gyi bar du ’dug nas | dge sloṅ gleṅ ba po bskos te dge sloṅ ’gro mgyogs daṅ | nab so gñis skrod pa’i las byed par ’gyur ro źes thos so || (7) thos nas kyaṅ de dag ’di sñam du sems te | tshe daṅ ldan pa ’di gñis kyis kun du spyad pa daṅ | smras pa daṅ | brtul ba gaṅ yin pa dag las bdag cag gis kun du ma spyad pa daṅ | ma smras pa daṅ | ma brtul ba ci yaṅ med pas de’i phyir ’di gñis la (18a1) skrod pa’i las byed na bdag cag la yaṅ ci’i phyir mi byed de | gaṅ gi tshe tshe daṅ ldan pa kun dga’ bo daṅ dge sloṅ gnas brtan gnas brtan rnams ’dir ’oṅs te daṅ por ’gro mgyogs daṅ | nab so gñis bskrad pa’i las byas nas de’i ’og tu bdag cag la (2) yaṅ skrod pa’i las byed par ’gyur ba’i gnas yod par ’gyur bas bdag cag gtur bu’i khur drags te ñan rna ba bźag ciṅ ’khod nas | tshe daṅ ldan pa kun dga’ bo daṅ | dge sloṅ gnas brtan gnas brtan rnams sgo gcig nas ’jug par ’gyur ba na | bdag (3) cag gtur bu’i khur dag thogs te sgo gcig nas ’byuṅ źiṅ mñan yod du ’doṅ bar bya gor ma chag sñam mo || de nas dge sloṅ gleṅ ba po re lde ril soṅ ste gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas (4) dge ’dun thams cad ’dug ciṅ mthun par gyur pa na dge sloṅ ’gro mgyogs daṅ | nab so gñis kyis mthun pa byin te skabs phye nas dge sloṅ gleṅ ba pos gleṅs pa daṅ | de gñis kyis smras pa | tshe daṅ ldan pa ltuṅ ba mthoṅ ṅo || gleṅ ba pos smras pa | (5) de kho na’i phyir dge ’dun gyis khyed gñis la bskrad pa’i phrin las mdzad do || de nas tshe daṅ ldan pa kun dga’ bo daṅ | dge sloṅ gnas brtan gnas brtan rnams sgo gcig nas źugs par gyur pa na | dge sloṅ dmar ser can dag gtur bu’i khur dag thogs (6) te sgo gcig nas byuṅ źiṅ mñan yod du doṅ nas de dag gis ltuṅ ba bśags par bya ba gaṅ dag yin pa de dag kyaṅ bśags śiṅ | sems kyi rnam par rtog pa sna tshogs bsdam par bya ba dag kyaṅ sems kyis bsdams te | dge sloṅ raṅ bźin du gnas pa (7) dag daṅ lhan cig gnas śiṅ dge ’dun gyi bya ba yaṅ rjes su sruṅ bar byed do || de nas tshe daṅ ldan pa kun dga’ bo daṅ | dge sloṅ gnas brtan gnas brtan rnams kyis dge sloṅ ’gro mgyogs daṅ | nab so gñis la bskrad pa’i las byas nas (18b1) mñan yod ga la ba der soṅ ste | mthar gyis rgyu źiṅ ’dod pa ni mñan yod du phyin to || ’gro mgyogs daṅ | nab so gñis kyis bsams pa | gaṅ sa la sgyel ba de ni sa ñid las brten te ldaṅ ba yin pas bdag cag gñis kyaṅ mñan yod ñid du soṅ ste | (2) bcom ldan ’das daṅ dge sloṅ gi dge ’dun la bzod pa gsol bar bya’o sñam nas ’gro mgyogs kyis smras pa | nab so gaṅ sa la sgyel ba de nis ñid las brten te ldaṅ ba yin pas bdag cag gñis kyaṅ mñan yod ñid du soṅ ste | bcom ldan ’das daṅ (3) dge sloṅ gi dge ’dun la bzod pa gsol bar byas ’doṅ ṅo || nab sos smras pa | ma ñes kyis tshur śog bzod pa gsol du ’doṅ ṅo || de gñis kyis gros byas nas de ñid kyi mtshan mo ’das pa daṅ sṅa dro śam thabs bgos lhuṅ bzed daṅ chos gos (4) thogs te re lde ri la bsod sñoms la źugs nas | re lde ri la bsod sñoms brgyus te zas kyi bya ba byas nas phyi ma’i zas kyi bsod sñoms las phyir log pas ji ltar spyad pa’i gnas mal mkhos su phab ste lhuṅ bzed daṅ chos gos thogs nas mñan yod ga (5) la ba der rgyu źiṅ doṅ ste mthar gyis rgyu źiṅ doṅ ba na mñan yod du phyin nas dge sloṅ gnas brtan gnas brtan rnams kyis de gñis mthoṅ ba daṅ | de dag de gñis la gtam ’dre bar mi byed | phebs par smra bar mi byed do || dge sloṅ dmar ser can dag (6) gis kyaṅ de gñis mthoṅ ba daṅ | de dag kyaṅ de gñis la gtam ’dre bar mi byed | phebs par smra bar mi byed do || de nas dge sloṅ ’gro mgyogs daṅ | nab so gñis kyis dge sloṅ dmar ser can dag la smras pa | tshe daṅ ldan pa dag dge sloṅ (7) gnas brtan gnas brtan dag kho bo cag gñis la gtam ’dre bar mi byed | phebs par smra bar mi byed pa ni rigs na | khyed cag ci’i phyir kho bo cag gñis la gtam ’dre bar mi byed | phebs par smra bar mi byed | kho bo cag gñis kyis kun du spyad pa daṅ | (19a1) smras pa daṅ | brtul ba gaṅ yin pa dag las khyed cag gis kun du ma spyad pa daṅ | ma smras pa daṅ | ma brtul ba ci źig yod | de dag gis smras pa | tshe daṅ ldan pa gñis de yaṅ bden mod kyi | ’on kyaṅ kho bo cag gis ltuṅ ba bśags (2) par bya ba gaṅ dag yin pa de dag kyaṅ bśags śiṅ sems kyi rnam par rtog pa sna tshogs bsdam par bya ba dag kyaṅ sems kyis bsdams te | da ltar dge sloṅ raṅ bźin du gnas pa dag daṅ lhan cig gnas śiṅ dge ’dun gyi bya ba yaṅ rjes su sruṅ bar byed pas kho (3) bo cag phyin cad gnas ṅan len kun du spyod pa dag daṅ lhan cig loṅs spyod par mi byed do || de gñis kyis tshe daṅ ldan pa dag ’di na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | (4) ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do źes ’phya bar brtsams pa daṅ | dge sloṅ rnams kyis de gñis la smras pa | tshe daṅ ldan pa gñis khyed cag gñis su la ’dun pas ’gro ba źes zer | źe sdaṅ (5) gis ’gro ba | gti mug gis ’gro ba | ’jigs pas ’gro ba źes zer | tshe daṅ ldan pa dag dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la doṅ nas bdag cag bskrad pa’i las byas pa dag la’o || dge sloṅ don (6) ñuṅ ṅu dag ci’i phyir dge sloṅ dag dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la doṅ nas bdag cag bskrad pa’i las byas par śes bźin du de dag la ’dun pas ’gro ba źes zer | źe sdaṅ gis ’gro ba | gti mug (7) gis ’gro ba | ’jigs pas ’gro ba źes zer źiṅ | dge sloṅ rnams la yaṅ de skad ces tshe daṅ ldan pa dag ’di na dge sloṅ kha ciṅ ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra (19b1) ba kho na las dge sloṅ kha cig ni skrod par byed | kha cig ni skrod par mi byed do || źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyi bka’ stsal pa | (2) dge sloṅ dag khyed kyis dge sloṅ ’gro mgyogs daṅ | nab so gñis daṅ | gźan yaṅ de lta bu gaṅ yin pa la bźams te bsgo bar bya’o || ’di skad bsgo bar bya ste | tshe daṅ ldan pa ’gro mgyogs daṅ | nab so gñis khyed dge sloṅ tshe daṅ ldan pa kun dga’ (3) bo daṅ | gnas brtan gnas brtan gaṅ dag re lde ri la doṅ nas khyed bskrad pa’i las byas par śes bźin du de dag la ’dun pas ’gro ba źes ma zer cig | źe sdaṅ gis ’gro ba | gti mug gis ’gro ba | ’jigs pas ’gro ba źes ma zer cig | dge (4) sloṅ rnams la yaṅ ’di skad ces tshe daṅ ldan pa dag ’di na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig (5) ni skrod par mi byed do || źes ma zer cig | de ci’i phyir źe na | dge sloṅ de dag ni ’dun pas ’gro ba ma yin | źe sdaṅ gis ’gro ba ma yin | gti mug gis ’gro ba ma yin | ’jigs pas ’gro ba ma yin gyi | ’di ltar tshe daṅ ldan pa dag ñid khyim sun (6) ’byin pa | sdig pa’i chos kun du spyod pa dag yin te | khyed ñid kyis khyim dag sun phyuṅ bar yaṅ mthoṅ źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu śes pa’i phyir te | tshe daṅ ldan pa dge ’dun pas ’gro ba źes (7) bya ba’i tshig gi lam daṅ | źe sdaṅ gis ’gro ba | gti mug gis ’gro ba | ’jigs pas ’gro ba źes bya ba’i tshig gi lam ’di lta bu ’di thoṅ śig ces bsgo bar bya’o || dge sloṅ rnams kyis btsun pa bka’ bźin ’tshal źes bcom ldan ’das las (20a1) mñan nas dge sloṅ ’gro mgyogs daṅ | nab so gñis la tshe daṅ ldan pa ’gro mgyogs daṅ | nab so gñis khyed dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la doṅ nas khyed bskrad pa’i las byas par (2) śes bźin du de dag la ’dun pas ’gro ba źes ma zer cig | źe sdaṅ gis ’gro ba | gti mug gis ’gro ba | ’jigs pas ’gro ba źes ma zer cig | dge sloṅ rnams la yaṅ ’di skad ces tshe daṅ ldan pa dag ’di na dge sloṅ kha cig ’dun pas ’gro ba | źe (3) sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do || źes ma zer cig | de ci’i phyir źe na | dge sloṅ de dag ni ’dun pas (4) ’gro ba ma yin | źe sdaṅ gis ’gro ba ma yin | gti mug gis ’gro ba ma yin | ’jigs pas ’gro ba ma yin gyi | ’di ltar tshe daṅ ldan pa dag ñid khyim sun ’byin pa sdig pa’i chos kun du spyod pa dag yin te | khyed ñid kyis khyim dag sun phyuṅ bar mthoṅ (5) źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu śes pa’i phyir te | tshe daṅ ldan pa dag ’dun pas ’gro ba źes bya ba’i tshig gi lam daṅ | źe sdaṅ gis ’gro ba | gti mug gis ’gro ba | ’jigs pas ’gro ba źes (6) bya ba’i tshig gi lam ’di lta bu ’di thoṅ śig ces bźams te bsgo’o || dge sloṅ rnams kyis de gñis la bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par (7) byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyed kyis dge sloṅ ’gro mgyogs daṅ | nab so gñis daṅ | gźan yaṅ de lta bu gaṅ yin pa la gsol ba daṅ bźi’i (20b1) las kyis bsgo bar bya’o || ’di ltar bsgo bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la dge sloṅ gcig gis gsol ba byas te (2) las bya’o || dge ’dun btsun pa rnams gsan du gsol | dge sloṅ ’gro mgyogs daṅ | nab so ’di gñis dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la mchis nas ’di gñis bskrad pa’i las bgyid par (3) ’tshal bźin du de dag la ’dun pas ’gro ba źes mchi | źe sdaṅ gis ’gro ba | gti mug gis ’gro ba | ’jigs pas ’gro ba źes mchi źiṅ | dge sloṅ rnams la yaṅ ’di skad ces tshe daṅ ldan pa dag ’di na dge sloṅ kha cig ’dun pas ’gro ba | źe (4) sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do || źes mchi nas | ’di gñis la dge sloṅ maṅ pos bźams te (5) bsgo na | ’di gñis la dge sloṅ maṅ pos bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par bgyid na | gal te dge ’dun gyi dus la bab ciṅ bzod na dge (6) ’dun gyis gnaṅ bar mdzod cig daṅ | dge ’dun gyis dge sloṅ ’gro mgyogs daṅ | nab so gñis la tshe daṅ ldan pa ’gro mgyogs daṅ | nab so gñis khyed dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la doṅ (7) nas khyed bskrad pa’i las byas par śes bźin du de dag la ’dun pas ’gro ba źes ma zer cig | źe sdaṅ gis ’gro ba | gti mug gis ’gro ba | ’jigs pas ’gro ba źes ma zer cig | dge sloṅ rnams la yaṅ ’di skad ces tshe daṅ ldan pa dag ’di (21a1) na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ pa ’dra ba kho na las dge sloṅ kha cig ni skrod par byed kha cig ni skrod par mi byed do źes ma zer cig | (2) de ci’i phyir źe na | dge sloṅ de dag ni ’dun pas ’gro ba ma yin | źe sdaṅ gis ’gro ba ma yin | gti mug gis ’gro ba ma yin | ’jigs pas ’gro ba ma yin gyi | ’di ltar tshe daṅ ldan pa dag ñid khyim sun ’byin pa sdig pa’i chos kun du spyod pa dag yin (3) te | khyed ñid kyis khyim dag sun phyuṅ bar yaṅ mthoṅ źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu śes pa’i phyir te | tshe daṅ ldan pa dag ’dun pas ’gro ba źes bya ba’i tshig gis lam daṅ | źe sdaṅ gis ’gro ba | gti mug gis ’gro (4) ba | ’jigs pas ’gro ba źes bya ba’i tshig gi lam ’di lta bu ’di thoṅ śig ces gsol ba daṅ bźi’i las kyis bsgo ba mdzad do || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ ’gro mgyogs daṅ | nab (5) so ’di gñis dge sloṅ tshe daṅ ldan pa kun dga’ bo daṅ | gnas brtan gnas brtan gaṅ dag re lde ri la mchis nas ’di gñis bskrad pa’i las bgyis par ’tshal bźin du | de dag la ’dun pas ’gro ba źes mchi | źe sdaṅ gis ’gro ba | gti mug gis ’gro ba | (6) ’jigs pas ’gro ba źes mchi źiṅ | dge sloṅ rnams la yaṅ ’di skad ces tshe daṅ ldan pa dag ’di na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las (7) dge sloṅ kha cig ni skrod par byed | kha cig ni skrod par mi byed do źes mchi nas | ’di gñis la dge sloṅ maṅ pos bźams te bsgo na ’di gñis la dge sloṅ maṅ pos bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi (21b1) gźan ni brdzun pa’o źes rjes su tha sñad ’dogs par bgyid de | de’i slad du dge ’dun gyis dge sloṅ ’gro mgyogs daṅ | nab so gñis la tshe daṅ ldan pa ’gro mgyogs daṅ | nab so gñis khyed dge sloṅ tshe daṅ ldan pa kun dga’ bo daṅ | gnas brtan gnas brtan (2) gaṅ dag re lde ri la doṅ nas khyed bskrad pa’i las byas par śes bźin du de dag la ’dun pas ’gro ba źes ma zer cig | źe sdaṅ gis ’gro ba | gti mug gis ’gro ba | ’jigs pas ’gro ba źes ma zer cig | dge sloṅ rnams la yaṅ ’di skad ces tshe daṅ ldan (3) pa dag ’di na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do źes ma zer cig | de ci’i (4) phyir źe na | dge sloṅ de dag ni ’dun pas ’gro ba ma yin | źe sdaṅ gis ’gro ba ma yin | gti mug gis ’gro ba ma yin | ’jigs pas ’gro ba ma yin gyi | ’di ltar tshe daṅ ldan pa dag ñid khyim sun ’byin pa | sdig pa’i chos kun du spyod pa dag (5) yin te | khyed ñid kyis khyim dag sun phyuṅ bar yaṅ mthoṅ źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu śes pa’i phyir te | tshe daṅ ldan pa dag ’dun pas ’gro ba źes bya ba’i tshig gi lam daṅ | źe sdaṅ gis ’gro ba | (6) gti mug gis ’gro ba | ’jigs pas ’gro ba źes bya ba’i tshig gi lam ’di lta bu ’di thoṅ śig ces gsol ba daṅ bźi’i las kyis bsgo ba mdzad na | tshe daṅ ldan pa gaṅ dag dge sloṅ ’gro mgyogs daṅ | nab so gñis la gsol pa daṅ bźi’i las kyis bsgo (7) ba mdzad par bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | ’di ni las brjod pa daṅ po ste | de bźin du lan gñis lan gsum du bzlas | dge ’dun gyis bzod ciṅ gnaṅ nas dge ’dun gyis dge sloṅ ’gro (22a1) mgyogs daṅ | nab so gñis la gsol pa daṅ bźi’i las kyis bsgo ba mdzad lags te | ’di ltar caṅ mi gsuṅ bas de de bźin du ’dzin to || dge sloṅ rnams kyis btsun pa bka’ bźin ’tshal źes bcom ldan ’das las mñan nas dge sloṅ (2) ’gro mgyogs daṅ | nab so gñis la gsol ba daṅ bźi’i las kyis bsgo’o || gsol ba daṅ bźi’i las kyis bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs (3) par byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas (4) bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ rab tu maṅ po dag groṅ ṅam | groṅ rdal źig na ñe bar rten (5) ciṅ gnas par gyur la de dag kyaṅ khyim sun ’byin pa sdig pa’i chos kun du spyod par gyur ciṅ | de dag gis khyim dag sun phyuṅ bar mthoṅ ṅam | thos sam | rab tu śes sam | de dag sdig pa kun du spyod par mthoṅ ṅam | thos sam | rab tu śes (6) na dge sloṅ de dag la dge sloṅ rnams kyis ’di skad ces tshe daṅ ldan pa dag khyim sun ’byin pa sdig pa’i chos kun du spyod pa dag yin te | khyed kyis khyim dag sun phyuṅ bar yaṅ mthoṅ źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu (7) śes kyis | tshe daṅ ldan pa dag khyed ’di na gnas pas chog gis gnas ’di nas deṅs śig ces bsgo bar bya’o || gal te de dag dge sloṅ rnams la ’di skad ces tshe daṅ ldan pa dag ’di na dge sloṅ kha cig ’dun pas ’gro ba | źe sdaṅ gis ’gro ba | gti (22b1) mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do źes zer na dge sloṅ de dag la dge sloṅ rnams kyis ’di skad ces tshe daṅ ldan pa dag khyed de skad ces tshe daṅ ldan pa (2) dag ’di na dge sloṅ kha cig ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba dag yin te | ’di ltar ltuṅ ba ’dra ba kho na las dge sloṅ kha cig ni skrod par byed | kha cig ni skrod par mi byed do źes ma zer cig | (3) de ci’i phyir źe na | dge sloṅ de dag ni ’dun pas ’gro ba ma yin | źe sdaṅ gis ’gro ba ma yin | gti mug gis ’gro ba ma yin | ’jigs pas ’gro ba ma yin gyi | ’di ltar tshe daṅ ldan pa dag ñid khyim sun ’byin pa sdig pa’i chos kun du spyod pa (4) dag yin te | khyed ñid kyis khyim dag sun phyuṅ bar yaṅ mthoṅ źiṅ thos la rab tu śes | khyed sdig pa kun du spyod par yaṅ mthoṅ źiṅ thos la rab tu śes pa’i phyir te | tshe daṅ ldan pa dag ’dun pas ’gro ba źes bya ba’i tshig gi lam daṅ | źe sdaṅ gis ’gro ba (5) gti mug gis ’gro ba | ’jigs pas ’gro ba źes bya ba’i tshig gi lam ’di lta bu ’di thoṅ śig ces bsgo bar bya’o || dge sloṅ de dag la dge sloṅ rnams kyis de skad bsgo ba na | gal te gźi de gtoṅ na de ltan legs | gal te mi gtoṅ na gźi de gtaṅ (6) bar bya ba’i phyir lan gñis lan gsum du yaṅ dag par bsgo bar bya | yaṅ dag par bstan par bya’o || lan gnis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na dge ’dun lhag (7) ma’o || dge sloṅ źes bya ba ni ’gro mgyogs daṅ | nab so dag gam | gźan yaṅ de lta bu gaṅ yin pa’o || rab tu maṅ po dag ces bya ba ni gñis las lhag pa ni rab tu maṅ po dag go || groṅ ṅam | groṅ rdal źig na źes bya ba ni re lde ri la’o || (23a1) de dag kyaṅ khyim sun ’byin pa źes bya ba la | khyim źes bya ba ni bram ze daṅ | khyim bdag gi khyim dag go || de dag ni rgyu gñis kyis sun ’byin par byed de | ’grogs pa daṅ loṅs spyod pas so || ji ltar ’grogs pas źe (2) na | bud med kyi yul daṅ lhan cig stan gcig la ’dug par byed | snod gcig tu za bar byed | phor bu gcig tu myos par ’gyur ba’i btuṅ ba sna tshogs dag ’thuṅ bar byed pa ste | de ltar ’grogs pas so || ji ltar loṅs spyod pas źe na | zas (3) kyis daṅ | skom gyis daṅ | gos kyis daṅ | me tog gis daṅ | ’bras bus daṅ | so śiṅ gis te | de ltar loṅs spyod pas so || sdig pa’i chos kun du spyod par gyur ciṅ źes bya ba ni gnas ṅan len kun du spyod par gyur ciṅ ṅo || de dag (4) gis khyim dag ces bya ba ni bram ze daṅ | khyim bdag gi khyim bdag go || mthoṅ ṅam źes bya ba ni mig gi rnam par śes pas so || thos sam źes bya ba ni rna ba’i rnam par śes pas so || rab tu śes sam źes bya ba ni de las gźan pa’i rnam par śes pa’i (5) tshogs dag gis so || de dag sdig pa kun du spyod par źes bya ba ni gnas ṅan len kun du spyod par ro || dge sloṅ de dag la dge sloṅ rnams kyis źes bya ba ni chos ’di pa rnams kyis so || ’di skad ces źes bya ba ni bźams te bsgo ba ji skad sṅar bstan (6) pa ltar bsgo bar bya’o || dge sloṅ de dag la dge sloṅ rnams kyis de skad bsgo ba na źes bya ba ni bźams te bsgo ba na’o || gal te gźi de gtoṅ na źes bya ba ni lta ba de yoṅs su gtoṅ na’o || de lta na legs źes bya ba ni de lta na bzaṅ ba’o || gal te mi gtoṅ (7) na źes bya ba ni yoṅs su mi gtoṅ na’o || lan gñis lan gsum du yaṅ dag par bsgo bar bya | yaṅ dag par bstan par bya’o źes bya ba ni gsol ba daṅ bźi’i las kyis bsgo ba ji skad sṅar bstan pa ltar bsgo bar bya ba ste | yaṅ dag par bsgo ba de ni de (23b1) yin | yaṅ dag par bstan pa de ni de yin no || dge ’dun lhag ma’o źes bya ba ni sṅa ma bźin du ltuṅ ba de dge ’dun la rag las pa yin te | des na dge ’dun lhag ma’o źes gsuṅs so || de la ltuṅ bar ji ltar ’gyur źe na | dge sloṅ gis cuṅ zad ji tsam du (2) dge sloṅ gaṅ dag gis bdag ñid bskrad pa’i las byas par śes bźin du de dag la ’dun pas ’gro ba | źe sdaṅ gis ’gro ba | gti mug gis ’gro ba | ’jigs pas ’gro ba źes zer na thams cad du ñes byas su ’gyur ro || dge sloṅ gis bźams (3) te bsgo ba na gźi de gtoṅ na de lta na legs | gal te mi gtoṅ na ñes pa sbom por ’gyur ro || gsol ba daṅ bźi’i las kyis bsgo ba na gźi de gtoṅ na de lta na legs | gal te mi gtoṅ na gsol ba byas pa na ñes pa sbom por ’gyur ro || las brjod pa (4) daṅ po brjod pa na ma rdzogs par gźi de gtoṅ na de lta na legs | gal te mi gtoṅ na rdzogs par brjod pa na ñes pa sbom por ’gyur ro || las brjod pa gñis pa brjod pa na ma rdzogs par gźi de gtoṅ na de lta na legs | gal te mi gtoṅ na rdzogs (5) par brjod pa na ñes pa sbom por ’gyur ro || gal brjod pa gsum pa brjod pa na ma rdzogs par gźi de gtoṅ na de lta na legs | gal te mi gtoṅ na ñes pa sbom por ’gyur ro || rdzogs par brjod pa na gal te mthun pa daṅ chos ma yin pas bsgo bar byed na (6) ltuṅ ba med do || mi mthun pa daṅ chos kyis bsgo bar byed na ltuṅ ba med do || mthun pa daṅ chos ltar bcos pas bsgo bar byed na ltuṅ ba med do || mi mthun pa daṅ chos ma yin pa ltar bcos pas bsgo bar byed na ltuṅ ba med do || chos ji lta ba daṅ | (7) ’dul ba ji lta ba daṅ | ston pa’i bstan pa ji lta ba de ltar bsgo bar mi byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar mthun pas bsgo bar byed na rdzogs par brjod na dge ’dun lhag mar ’gyur ro || (24a1) dge sloṅ des stan de la ’dug bźin du ’di skad ces tshe daṅ ldan pa bdag la dge ’dun lhag ma’i ltuṅ ba byuṅ ṅo źes brjod par bya ste | gal te de skad brjod na de lta na legs | gal te mi rjod na de phyin cad nas de la ’chab pa’i ñes pa ’byuṅ bar (2) ’gyur ro || de bas na dge sloṅ gis ji tsam du gźi des ma bśags śiṅ so sor ma bśags par gsol ba daṅ | gsol ba daṅ gñis daṅ | gsol ba daṅ bźi’i las ñams su myoṅ bar byed na thams cad du ñes byas su ’gyur ro || las daṅ po (3) pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || khyim sun ’byin pa’i dge ’dun lhag ma ste bcu gñis pa rdzogs so || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=005d2df8-0039-11e4-a105-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ