Bibliotheca Polyglotta

[Pāyantika 2]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ drug sde dag dge (6) sloṅ rnams la ’di lta ste | źar ba dag | theṅ po dag | smad ’chal dag | lag sor rṅum po dag | sgur bo dag | mi’u thuṅ dag | lba ba can dag | lkugs pa dag | ’on pa dag | rten ’phyed dag | rkaṅ ’bam dag | gyol po dag | mchu ’phyaṅs dag | mgo bo ched gces (7) mi’i skyon nas smra bas kun du spyod par byed do || mi’i skyon nas smra bas kun du spyod pa na dge sloṅ dag spa goṅ ba daṅ | gzeṅs dmas pa daṅ | źum par gyur nas luṅ mnod pa daṅ | bklag par daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ źiṅ (228b1) sdug bsṅal daṅ | yid mi bde ba maṅ bar gnas so || dge sloṅ don ñuṅ ṅu dag ci’i phyir dge sloṅ dag dge sloṅ rnams la ’di lta ste | źar ba dag | theṅ po dag | smad ’chal dag | lag sor rdum po dag | sgur po dag | mi’u thuṅ dag | lba ba can dag | lkugs pa dag | ’on bdag | (2) rten ’phye dag | rkaṅ ’bam dag | gyol po dag | mchu ’phyaṅs dag | mgo bo che dag ces mi’i skyon nas smra bas kun tu spyod par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das ’das la gsol to || de nas bcom ldan (3) ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || saṅs rgyas (4) bcom ldan ’das kyis dge sloṅ drug sde dag la rmas pa | dge sloṅ dag khyed dge sloṅ rnams la ’di lta ste | źar ba dag | theṅ po dag | smad ’chal dag | lag sor rdum po dag | sgur po dag | mi’u thuṅ dag | lba ba can dag | lkugs pa dag | ’on pa dag | (5) rten ’phye dag | rkaṅ ’bam dag | gyol po dag | mchu ’phyaṅs dag | mgo bo che dag ces mi’i skyon nas smra bas kun tu spyod par byed pa bden na ma | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ (6) ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || dge sloṅ dag sṅon byuṅ ba ’das pa’i dus na ri brags śig na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | (7) dga’ mgur spyod par byed do || de la bu mo źig byuṅ nas de bsriṅs bskyed nas chen mor gyur to || khyim bdag de źiṅ pa yin pas raṅ ñid źiṅ rmed par byed do || khyim bdag cig gi bu pha ma daṅ bral nas dgon pa nas śiṅ khur thogs te de’i źiṅ daṅ ñe bar śiṅ ljon pa’i druṅ du khur (229a1) bźag ste ṅal bso nas des smras pa | źaṅ po ci’i phyir khyod raṅ ñid źiṅ rmo bar byed | khyod kyis groṅ du groṅ gi bya ba bya ba’i rigs na khyod dgon par dgon pa’i bya ba byed dam | tsha bo kho bo la bu yaṅ med | phu nu yaṅ med do || źaṅ po gśol ’on cig daṅ kho bos rmos (2) khyod re źig ṅal so śig ces des źiṅ rmo bar brtsams pa daṅ | khyim bdag des de’i zan khyer te ’oṅs nas smras pa tsha bo tshur śog zan za’o || de gñis kyis zan zos nas khyim bdag gi bu des smras pa | źaṅ po kho bos khyod kyi khyim mi śes kyis khyod soṅ śig daṅ | kho bos źiṅ (3) rmos dgoṅs kar su śig | khyim bdag de soṅ ba daṅ | khyim bdag gi bu des kyaṅ yud tsam źig gi rmos nas źiṅ tshigs kyi phyogs su glaṅ gñis zar bcug ste | dgoṅs kar rtswa khur gcig thogs nas ri brags der ’jug par brtsams pa daṅ | khyim bdag des kyaṅ de bsu nas (4) khyim bdag des de khyim du khrid do || khyim bdag gi bu des glaṅ brags su stsal te gcal bkram nasadu ba btul te glaṅ gñis kyi mdun du rtswa bkram pa daṅ | khyim bdag des bsams pa | bdag khyim bdag gi bu ’dis bde bar byas kyis bdag gis bu mo ’di ’di la chuṅ mar sbyin no (5) sñam nas des de la smras pa | tsha bo mṅon par dga’ bźin du las gyis śig daṅ bu mo ’di khyod la chuṅ mar sbyin no || des der khyim brtsig par brtsams pa daṅ | de’i glaṅ źiṅ zan cig źiṅ la bros nas des de bzlog kyaṅ ma bzlogs nas des de la sbyos te śiṅ tshal źig ’phaṅs (6) pa daṅ | des de’i rwa chag nas de’i miṅ rwa chag ces bya bar btags so || dus gźan źig na de yaṅ źiṅ la bros nas des de bzlog kyaṅ ma bzlogs nas des de la spyos te zor ba ’phaṅs pa daṅ des de’i mjug ma chad nas de’i miṅ mjug rdum źes bya bar btags so || de ltar de’i (7) miṅ rwa chag daṅ mjug rdum źes btags nas | de phyin chad glaṅ de’i miṅ chag rdum źes bya bar btags so || dus gźan źig na khyim bdag gi bu des khyim bdag de la smras pa | źaṅ po ji ltar khas blaṅs pa bźin gyis śig | khyim bdag des chuṅ ma la smras pa | bzaṅ mo (229b1) bag rdzaṅs sta gon gyis śig | bu mo bag mar gtaṅ bar bya’o || chuṅ mas smras pa | rje’i sras bu mo ’di su la yaṅ ma stsal na ji ltar bag mar gtaṅ bar bgyi des smras pa | kho bos ’di gźan la sbyin no || su la stsal | khyim bdag gi bu ’di la’o || chuṅ mas smras pa | kho mos (2) na le źam dkar po bźin du ji ltar byuṅ gtol med pa gaṅ yin pa ’di la bu mo sbyin re ska na | ’di ltar gaṅ du kho mo bgo bar bya ba daṅ | bza’ bar bya ba yod pa der kho mos bu mo sbyin par bya’o || des smras pa | bzaṅ mo khyim bdag gi bu ’dis kho bo bde bar gyur te | gal te ’di ’gro (3) bar gyur na yaṅ kho bos źiṅ rmo dgos par ’gyur ro || chuṅ mas smras pa | kho mos lto gol ba ’di la bu mo sbyin par mi nus so || khyim bdag gis bsams pa | gal te bdag gis khye’u ’di la kho bos khyod la bu mo mi sbyin no źes smras na deṅ ñid du ’di ’gro bar ’gyur źiṅ bdag (4) sdug bsṅal bar ’gyur ro sñam nas de la sbyoṅ ba byas so || khyim bdag gi bu des khyim bdag de la yaṅ smras pa | źaṅ po ji ltar khas blaṅs pa bźin gyis śig | des smras pa | tsha bo kho bo ñe du’i ’khor rgya chen po dag la zan sbyar dgos kyis re źig sā lu dag sgrubs śig | des sā lu (5) dag bsgrubs nas smras pa | źaṅ po bag ma rdzoṅs śig | des smras pa | tsha bo de la bu ram dag kyaṅ dgos kyis re źig bu ram śiṅ dag sgrubs śig | des bu ram śiṅ dag bsgrubs nas smras pa | źaṅ po da bag ma rdzoṅs śig | des smras pa | tsha bo de la khur (6) ba dag kyaṅ dgos kyis re źig gro dag sgrubs śig | des gro dag kyaṅ bsgrubs nas smras pa | źaṅ po da bag ma rdzoṅs śig | khyim bdag des smras pa | tsha bo sā lu sṅa ma dag zad kyis da yaṅ re źig sā lu sgrubs śig | khyim bdag gi bu des bsams pa | de gsum ni raṅ (7) bźin gyis dus gcig tu bsgrub par mi nus pas ’di sgyoṅ bar byed kyis skye bo phal po che’i naṅ du soṅ ste khas lan du bcug la gal te mi ster na rgyal po’i pho braṅ nas bde bar sbyin du gźug go sñam nas des skye bo phal po che’i naṅ du de la smras pa | źaṅ po bag ma rdzoṅs śig | khyim bdag des spyos te (230a1) smras pa | śes ldan dag mi ’di kho bo’i lto gol ba lto glas las khyed pa yin na kho bos ’di la bu mo sbyin re skan | khyim bdag gi bu des bsams pa | bdag gis kār ṣā pa ṇa dag kyaṅ ma thob la bu mo yaṅ ma thob pas ’di la gnod pa cuṅ źig byas te ’gro’o sñam nas des (2) glaṅ de dag ñin par źiṅ rmos nas lcag maṅ pos gźus te ñi ma la śiṅ skam la btags te soṅ ṅo || chos ñid kyis na ’jig rten gnas par chags nas riṅ po ma lon pa’i tshe na dud ’gro dag kyaṅ smra śes pa yin pas glaṅ de dag gis de la smras pa | kye mi khyod kho bo cag gi pha ma ’dra (3) bar ’dug ’dug ste | rtag tu kho bo cag legs par bdebs yoṅs su skyoṅ bar byed na da ci’i phyir ñin par źiṅ rmos nas lcag maṅ pos gźus te ñi ma la śiṅ skam la btags te ’gro || ci kho bo cag gis khyod la ñes pa źig byas sam | khyed cag gis kho bo la ñes pa cuṅ (4) zad kyaṅ ma byas te | ’di ltar khyed cag gi bdag pos kho bo la ñes pa byas so || des ci byas | kho bol bu mo sbyin par khas blaṅs nas ma ster ro || ’o na rgyal po’i pho braṅ du ci’i phyir mi ’gro || che gźi drag med do || soṅ śig daṅ kho bo cag gis che gźi dbye’o || ci mi’i skad du smra bar (5) ’gyur ram | ma yin te | ’di ltar khyod kyis bden pas gsol bar bya ste | kho bo cag źag bcun gyi bar du brags su btags ste | rtswa yaṅ sbyin par mi bya | chu yaṅ blud par mi bya bar gźag par bya źiṅ ñi ma bdun pa la rtswa phun sum tshogs pa daṅ | chu phan sam tshogs pa’i phyogs su gtaṅ bar bya (6) ste | de’i tshe khyod kyis rgyal po’i mdun du gal te bdag bden na glaṅ ’di dag rtswa yaṅ mi ’thuṅ bar gyur cig ces bden pa’i tshig gis gsol cig daṅ | kho bo cag ji srid du rgyal po yid ches par ma gyur gyi bar du rtswa yaṅ mi za chu yaṅ mi ’thuṅ ṅo || khyim bdag gi bu des rgyal po’i pho braṅ du soṅ (7) ste rgyal po la gsol pa | lha khyim bdag che ge mo źig gis bdag la bu mo stsal bar mchid kyis ’tshal nas mi ster ro || rgyal pos smras pa | khyod la che gźi ’ga’ yod dam || lha mchis so || ci mi dag gam | mi ma yin pa dag | mi ma lags pa glaṅ dag go || ci mi’i skad du (230b1) smra bar ’gyur ram | ma lags te ’di ltar bdag gis bden pas gsol bar bgyi ste | bdag gis dguṅ bdun gyi bar du glaṅ de dag brags su btags te ran yaṅ stsal bar mi bgyi | chab kyaṅ stsal bar mi bgyi bar gźag par bgyi źiṅ | gdugs bdun pa la (2) ran phun sum tshogs pa daṅ | chab phun sum tshogs pa’i phyogs su gtaṅ bar bgyi ste | de’i tshe bdag gis lha’i spyan sṅar gal te bdag mad na glaṅ ’di dag ran yaṅ mi ’tshal chab kyaṅ mi ’tshal bar gyur cig ces bden pa’i tsig gis gsol na ji srid du lha thugs ches (3) par ma gyur gyi bar du de dag ran yaṅ mi ’tshal | chab kyaṅ mi ’tshal bar ’gyur ro || rgyal pos blon po rnams la bsgo ba śes ldan dag de ltar gyis śig | de dag gis glaṅ de dag brags su btags te bźag pa daṅ | chag rdum gyis smras pa | nub phyogs nas ñi ma śar ram | (4) ci na gaṅ gis bdag cag gtoṅ bar mi byed | gźan dag gis smras pa | ma yin te | bdag cag gis khyim bdag gi bu de la ’di ltar khyod kyis bden pas gsol bar bya ste | kho bo cag źag bdun gyi bar du brags su btags te rtswa yaṅ sbyin par mi bya | chu yaṅ blud par mi bya bar (5) gźag par bya źiṅ | ñi ma bdun pa la rtswa phun sum tshogs pa daṅ | chu phun sum tshogs pa’i phyogs su gtaṅ bar bya ste | de’i tshe khyod kyis rgyal po’i mdun du | gal te bdag bden na glaṅ ’di dag rtswa yaṅ ma ze | chu yaṅ mi ’thuṅ bar gyur cig ces bden pa’i tshig gis gsol cig (6) daṅ | kho bo cag ji srid du rgyal po yid ches par ma gyur gyi bar du rtswa yaṅ mi za chu yaṅ mi ’thuṅ ṅo źes khas blaṅs so || chag rdum gyis smras pa | kho bo ni gal te btaṅ bar gyur na rdo ba yaṅ za na rtswa lta smos kyaṅ ci dgos | de dag gis smras pa | khyim bdag gi bu de bdag cag (7) gi pha ma daṅ ’dra bar ’dug ’dug gis | de ltar ma byed cig | chag rdum gyis smras pa | de bdag cag gi pha ma daṅ ’dra bar ’dug ’dug pa yaṅ bden mod kyi ’on kyaṅ de kho bo la chag rdum źes ’bod pas kho bo ni de ltar mi ’dod de | ’di ltar kho bo ni de’i lto ’dral bar yaṅ ’dod do || (231a1) khyim bdag gi bu de dus daṅ dus su glaṅ de dag gi gan du soṅ ste dris pa | kwa’i glaṅ dag ji ltar khyod cag ruṅ ṅam | de dag gis smras pa | kho bo cag ni ruṅ na | khyod kyi mi ruṅ ṅo || ci ñes cha ga rdum ’di na re kho bo ni gal te btaṅ bar gyur na rdo ba yaṅ za (2) na rtswa lta smos kyaṅ ci dgos źes zer ro || ’o na ci kho bo ’bros par bya’am | ma ’bros par ’di ltar chag rdum ’di’i sna phug śig daṅ | gal te ’di rtswa za bar ’gyur ram | chu ’thuṅ bar ’gyur ba na kho bo cag gis rwa dag gis ’di’i sna blaṅs te bgyen du gzuṅ bar byas | khyod (3) kyis kyaṅ de’i tshe ’di dag ’jig rten skyoṅ ba lṅa pa ñi ma yaṅ che bźir yod ces ñi ma ston par byed do źes smra bar bya’o || des de’i sna dbug par brtsams pa daṅ | des smras pa | śes ldan dag ’di ltar kho bo la mtho ’tsham par byed pa la ltos śig | de dag gis smras pa | ’di khyod la (4) rgyun ’dogs par byed kyis kha rog śig | de nas ñi ma bdun pa la rgyal po blon po rnams daṅ thabs cig tshogs pas glaṅ de dag rtswa phun sum tshogs pa daṅ | chu phun sum tshogs pa’i phyogs su btaṅ ba na chag rdum des rtswa’i kham blaṅ bar brtsams pa daṅ | glaṅ de dag gis rwa dag gis (5) de’i sna blaṅs te ñi ma la lta źiṅ ’dzin to || rgyal pos blon po rnams la smras pa | śes ldan dag ci’i phyir glaṅ ’di dag ñi ma la lta źiṅ ’khod | de na blon po gcig gis smras pa | lha ’di dag don gyis na lha la gsol bar bgyid de bdag cag ’ba’ źig che bźi lags (6) par ma bas kyi ’jig rten skyoṅ ba lṅa pa gdugs ’di yaṅ che bźi gźan lags so źes mchi’o || rgyal po ṅo mtshar skyes nas blon po rnams la bsgo ba | śes ldan dag mi ma yin pa dag gis che bźi phyes khyim bdag gi bu ’di la de’i bu mo spyin du chug śig | khyim bdag gi bu (7) des khyim bdag de pham par byas nas de la bu mo byin no || dge sloṅ dag re źig dud ’gro’i skye gnas su skyes pa’i srog chags de dag kyaṅ mis skyon nas smra bas kun du spyod pa na gsod par sems na mi rnams lta smos kyaṅ ci dgos | de lta bas na dge sloṅ gis dge sloṅ la mi’i (231b1) skyon nas smra bas kun tu spyod par mi bya’o || dge sloṅ dag sṅon byuṅ ba ’das pa’i dus na ri brags śig na khyim bdag śiṅ rta spyod pa źig ’dug pa de la ba dga’ byed daṅ sa ri źes bya ba gñis śig yod pa de gñis las dpyid kyi zla ba la be’u khra bo daṅ | ñe bkra gñis śig ’braṅs (2) so || de nas dga’ byed kyi be’u ni ru ’del źig yin la | sa ri’i be’u ni khu yu źig yin nas des gcig gi miṅ ni dga’ byed du ’del źes bya bar btags | gcig gi miṅ nis ri khu yu źes bya bar btags te | de gñis dus gźan na glaṅ chen po gñis su gyur to || (3) dus gźan źig na śiṅ rta spyod pa dag chaṅ gral ’tshogs te gtam zer ba na śes ldan dag bdag cag las su’i glaṅ dag bzaṅ źes smras pa daṅ | de na gcig na re kho bo’i bzaṅ ṅo źes zer ro || yaṅ gźan źig na re kho bo’i bzaṅ po źes zer ro || śiṅ rta spyod pa de na re kho bo’i (4) bzaṅ po źes zer ro || de dag gis smras pa | ji ltar śes | des smras pa | lam dma’ ba nas śiṅartara khal ’di tsam bźag ste kār ṣā pa ṇa lṅa brgya skugs su btsugs la glaṅ gñis bda’ bar bya’o || de dag gis lam dma’ ba nas śiṅ rtar khal de tsam bźag ste kār ṣā (5) pa ṇa lṅa brgya skugs su btsugs nas glaṅ de gñis ded du bcug go || śiṅ rta spyod pa des dga’ byed ru ’del soṅ śig | sa ri khu yu soṅ śig ces bda’ bar brtsams pa daṅ | glaṅ de gnis mi ’gul bar ’khod nas des glaṅ de gñis la khag pas btsag par brtsams pa daṅ | (6) śiṅ rta spyod pa gźan dag gis smras pa | khyod pham gyis ba laṅ ma gsod par glaṅ ’di gñis thoṅ la skugs ’jol cig ces de dag gis de kār ṣā pa ṇa lṅa brgya ’jal du bcug go || śiṅ rta spyod pa des glaṅ de gñis la spyos te lcag maṅ pos gźus nas ñi ma la śiṅ skam la btags (7) te gźag go || chos ñid kyis na ’jig rten gnas pa chags nas riṅ po ma lon pa’i tshe na dud ’gro dag kyaṅ mi’i skad smra śes pas de gñis kyis smas pa | khyod bdag cag gi pha ma daṅ ’dra bar ’dug ’dug na bdag cag gis khyod la ñes pa byas sam | ci na khyod kyis da bdag (232a1) cag lcag maṅ pos gźus te ñi ma la śiṅ skam la btags te ’jog par byed des smas pa | khyod gñis kyis nus bźin du sgyu byas te kho bo kār ṣā pa ṇa lṅa brgya’i skugs ’jal du bcug go || de gñis kyis smras pa | khyod raṅ gi lces skugs ’jal du bcug go || (2) ji ltar gyur | bdag cag gñis kyi gcig gi miṅ ni dga’ byed ces bya | gcig gi miṅ ni sa ri źes bya na | khyod ci’i phyir kho bo cag gñis la ru ’del daṅ | khu yu źes miṅ mi sñan par rjod par byed | de lta mod kyi da lam ches dma’ ba nas śiṅ rtar khal de’i ñis gyur (3) źog ste kār ṣā pa ṇa de’i ñis gyur skugs su tshugs la kho bo cag gñis dos śig | ci khyed gñis yaṅ kho bo skugs ’jal du gźug par ’dod dam | bdag cag gñis la miṅ mi sñan par ma brjod cig daṅ khyod skugs nod du gźug go || dus gźan źig na śiṅ rta spyod pa de (4) dag yaṅ chaṅ gral du tshogs te gtam zer ba na śes ldan dag bdag cag las su’i glaṅ dag bzaṅ źes smras pa daṅ | de na gcig na re kho bo’i bzaṅ ṅo źes zer ro || yaṅ gźan źig na re kho bo’i bzaṅ ṅo źes zer ro || śiṅ rta spyod pa de na re yaṅ kho bo’i bzaṅ ṅo źes zer ro || de (5) dag gis smras pa | kye naṅ rje khyod yaṅ bdag ñid skugs ’jal du gźug par ’dod dam | des smras pa | khyed cag la ci gnod da lam ches dma’ ba nas śiṅ rtar khal de’i ñis gyur bźag ste | kār ṣā pa ṇa stoṅ skugs su btsugs la glaṅ dag bda’ bar bya’o || de dag gis lam (6) ches dma’ ba nas śiṅ rta ra khal de’i ñis gyur bźag ste | kār ṣā pa ṇa stoṅ skugs su btsugs nas glaṅ de gñis ded du bcug go || śiṅ rta spyod pa des dga’ byed soṅ śig | sa ri soṅ śig ces bda’ bar brtsams pa daṅ | de gñis kyis khal de myur ba myur ba kho nar thaṅ la bskyal te (7) śiṅ rta spyod pa des skugs kār ṣā pa ṇa stoṅ thob pa daṅ | lhas tshags su bcad pa dag smras pa |

gaṅ tshe khal ni ches lci źiṅ || gaṅ tshe lam yaṅ ches dma’ ba ||
de tshe de gñis khal khyer źiṅ || de tshe śiṅ rta ’dren par byed ||

yid du ’oṅ ba brjod byas na || (232b1) śin tu lci ba’i khal khyer źiṅ ||
de yaṅ rñed daṅ ldan gyur la || de gñis kyaṅ ni yid dgar gyur ||

de bas yid ’oṅ brjod bya źiṅ || yid du mi ’oṅ nam yaṅ min ||
yid du ’oṅ brjod byed na || dge bar ’gyur źiṅ sdig med yin ||

dge sloṅ dag re źig dud ’gro’i (2) skye gnas su skyes pa’i srog chags de dag kyaṅ mis skyon nas smra bas kun du spyad pa na byams pa’i rgyun gcod par byed na mi rnams lta smos gyaṅ ci dgos | de lta bas na dge sloṅ gis dge sloṅ la mi’i skyon nas smra bas kun du spyod par mi bya’o || de nas bcom ldan ’das kyis rnam graṅs (3) du mas rnam par smad nas dge sloṅ rnams la bka’ stsal ba | dge sloṅ dag de lta bas na | phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la (4) bslab pa’i gźi ’di ltar gdon par bya ste | mi’i skyon nas smra na ltuṅ byed do || mi’i skyon nas smra na źes bya ba ni mi’i skyon nas smra ba’i bsam pas ṅag daṅ tshig daṅ | tha sñad daṅ skad daṅ brjod pa daṅ | ṅes pa’i tshig daṅ tshig gi lam daṅ | tshig gi sgra daṅ | ṅag gi las (5) daṅ | ṅag gi rnam par rig byed smra na’o || ltuṅ byed do źes bya ba ni sems can dmyal ba daṅ | dud ’gro daṅ yi dgas ṅan soṅ daṅ | ṅan ’gro daṅ log par ltuṅ ba dag tu sreg par byed | ’tshed par byed | ltuṅ bar byed ba’o || gźan yaṅ ltuṅ ba de ma bśags śiṅ so sor ma (6) bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na || ||

bar sdom la |
rigs daṅ bzo daṅ las daṅ ni ||
rtags naṅ ltuṅ ba sde lṅa daṅ ||
ñe ba’i ñon moṅs rnams daṅ ni ||
spyo bar byed pa tha ma yin ||

dge (7) sloṅ gis mi’i skyon nas smra ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ (233a1) la ñes byas su ’gyur ro || dge sloṅ gis mi’i skyon nas smra ba’i bsam pas rgyal rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rgyal rig las rab tu byuṅ ba yin no (2) źes smra na dge sloṅ sba goṅ ba ñid du gyur kyaṅ ruṅ ma gyur kyaṅ ruṅ dge sloṅ la ñes byas su ’gyur ro || dge sloṅ gis mi’i skyon nas smra ba’i bsam pas rje’u rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ (3) ldan ba ni rje’u rigs las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas dmaṅs rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | (4) bram ze’i tshul ga la yod | tshe daṅ ldan pa ni dmaṅs rigs las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas | thag pa las rab tu byuṅ ba’i gan du soṅ ste (5) ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni thag pa las rab tu byuṅ ba yin no źes smras na dge sloṅ sba goṅ ba ñid du gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam (6) pas khab ris mkhan las rab tu byuṅ ba’i gan du soṅ ste ’di skad ces tshe daṅ ldan ba la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khab ris mkhan las rab tu byuṅ ba yin no źes smras na dge sloṅ sba goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du (7) ’gyur ro || dge sloṅ gis mi’i skyon nas smra ba’i bsam bas bzaṅ mkhan las rab tu byuṅ ba’i gan du soṅaste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bzaṅ mkhan las rab tu byuṅ ba yin no źes smras na dge sloṅ spa goṅ ba ñid du gyur (233b1) kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam bas lcags mgar las rab tu byuṅ ba’i gan du soṅ sta ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las (2) rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas rduṅs mgar las rab tu byuṅ ba’i gan du soṅaste ’di skad ces tshe daṅ ldan pa la dge sbyoṅ gi tshul ga la yod | (3) bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin no źes smras na | dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam bas ko lpags mkhan las rab tu byuṅ (4) ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ko lpags mkhan las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i (5) skyon nas smra ba’i bsam bas rdza mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rdza mkhan las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ (6) ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas ’dreg mkhan las rab tu byuṅ ba’i gan du soṅaste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ’dreg mkhan la rab tu byuṅ (7) ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas śiṅ mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul (234a1) ga la yod | tshe daṅ ldan pa ni śiṅ mkhan las rab tu byuṅ ba yin no źes smra na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas smyig ma mkhan las rab tu byuṅ ba’i gan du (2) soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ phyed du ’gyur ro || dge sloṅ (3) gis mi’i skyon nas smra ba’i bsam bas bran las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bran las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur (4) kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ ba yin gyis tshe daṅ (5) ldan pas raṅ gi bzo ’di lta ste | bram ze’i spyod tshul daṅ | spyod pa daṅ | gtsuṅ sbra daṅ | kun tu spyod pa daṅ | thal ba blaṅ ba daṅ | bya ma bum blaṅ ba daṅ | sa blaṅ ba daṅ lag staṅs daṅ | thor tshugs daṅ | rab bsṅags bya ba daṅ | kye źes bya ba daṅ | ṅes brjod (6) kyi rig byed daṅ | mchod sbyin gyi rig byed daṅ | sñan tshig gi rig byed daṅ | srid sruṅ gi rig byed daṅ | mchod sbyin byed pa daṅ | mchod sbyin byed du ’jug pa daṅ | klog pa daṅ | klog tu ’jug pa daṅ | sbyin pa daṅ | lan pa dag bslab par bya’o źes smras na dge sloṅaspa (7) goṅ ba ñid du gyur kyaṅ ruṅ ma gyur kyaṅ ruṅ dge sloṅ la ñes byas su ’gyur ro || dge sloṅ gis mi’i skyon nas smra ba’i bsam pas rgyal rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni (234b1) rgyal rigs las rab tu byuṅ ba yin gyis | tshe daṅ ldan pas raṅ gi bzo ’di lta ste | glaṅ po che’i gñar bźon pa daṅ | rta la bźon pa daṅ | śiṅ rta’i thabs daṅ | ral gri’i thabs daṅ | ’phoṅ daṅ phyir bsnur ba daṅ | mdun du bsnur ba daṅ | lcags kyus sgyur thabs daṅ | (2) źags pa gad ba daṅ | mda’ bo che ’phen thabs daṅ | ’dzin staṅs daṅ gom staṅs daṅ | thor tshugs daṅ | gcad pa daṅ dral ba daṅ dbug pa daṅ | rgyaṅ nas phog pa daṅ | sgra grag par phog pa daṅ | gnad du phog pa daṅ | mi ’chor bar phog pa daṅ | tshabs (3) che bdag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ñes byas su ’gyur ro || dge sloṅ gis mi’i skyon nas smra ba’i bsam pas | rje’u rigasalasa rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la (4) yod | bram ze’i tshul ga la yod | tshe daṅ ldan pa ni rje’u rigs las rab tu byuṅ ba yin gyis | tshe daṅ ldan pa raṅ gi bzo ’di lta ste | źiṅ rmo ba daṅ ba laṅ bsruṅ ba daṅ | tshoṅ bya ba bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅala ltuṅ (5) byed du ’gyur ro || dge sloṅ gis mi’i skyon nas smra ba’i bsam pas dmaṅs rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni dmaṅs rigs las rab tu byuṅ ba yin gyis | tshe daṅ (6) ldan pas raṅ gi bzo ’di lta ste zor ba daṅ | phrag gdaṅ bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas tha ga pa las rab tu byuṅ ba’i gan du soṅ ste ’di (7) skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni thag pa las rab tu byuṅ ba yin gyis | tshe daṅ ldan pas raṅ gi bzo ’di lta ste | dar dag daṅ | Rasa yug chen dag daṅ | be’u ras dag daṅ | dar la dag daṅ | du gu la dag daṅ | ko ta ma (235a1) pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas khab ris mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul (2) ga la yod | bram ze’i tshul ga la yod | tshe daṅ ldan pa ni khab ris mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | be’u ras daṅ ras yug chen daṅ | par thaṅ daṅ | khab ris daṅ | khre’u tshe daṅ gor bu bslab par bya’o źes smras na dge sloṅ spa goṅ ba (3) ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas bzaṅ mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bzaṅ mkhan las (4) rab tu byuṅ ba yin gyis | tshe daṅ ldan pas raṅ gi bzo ’di lta ste | źwa daṅ źwa sgre bo daṅ | byis pa’i gos dag daṅ | śi ṅa dpuṅ bcad dag daṅ | dor maṅ dag daṅ | dor thuṅ dag daṅ | bzaṅ mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur (5) kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas lcags mgar las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las rab tu (6) byuṅ ba yin gyis | tshe daṅ ldan pas raṅ gi bzo ’di lta ste lhuṅ bzed daṅ lhuṅ bzed chuṅ ṅu daṅ | khab daṅ | gri dag daṅ | sen gri dag daṅ | lcags mgar gyi bzo gźan gaṅ yin pa de dag bslab par bya’o źes smras na dge sloṅ spa goṅ ba ñid du gyur kyaṅ ruṅ dge sloṅ la (7) ltuṅ byed du ’gyur ro || dge sloṅ gis mi’i skyon nas smra ba’i bsam pas rduṅs mgar las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin gyis | tshe daṅ (235b1) ldan pas raṅ gi bzo ’di lta ste | khar gźoṅ dag daṅ | gźoṅ bu dag daṅ | cha laṅ dag daṅ | skom phor dag daṅ | ril ba dag daṅ | rduṅs mgar gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ (2) la ltuṅ byed du ’gyur ro || dge sloṅ gis mi’i skyon nas smra ba’i bsam pas ko lpags mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ko lpags mkhan las rab tu byuṅ ba yin (3) gyis | tshe daṅ ldan pas raṅ gi bzo ’di lta ste | lham sgrog gu can dag daṅ | lham yu chad dag daṅ | mchil lham dag daṅ | sga dag daṅ | doṅ pa dag daṅ | ko lpags mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma (4) gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas rdza mkhan las rabatu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rdza mkhan las rabatu byuṅ ba (5) yin gyis | tshe daṅ ldan pas raṅ gi bzo ’di lta ste | rdza ma dag daṅ | bum pa dag daṅ | ril ba dag daṅ | rdze’u dag daṅ | kham phor dag daṅ | rdza mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge (6) sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas ’breg mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ’breg mkhan las rab tu byuṅ ba yin gyis | (7) tshe daṅ ldan pas raṅ gi bzo ’di lta ste | skra ’breg pa daṅ | sen mo ’breg pa daṅ | kha spu ’breg pa daṅ | byin pa bcos pa daṅ | ’breg mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltaṅ (236a1) byed du ’gyur ro || dge sloṅ gis mi’i skyon nas smra ba’i bsam pas śiṅ mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni śiṅ mkhan las rab tu byuṅ ba yin gyis | tshe daṅ ldan (2) pas raṅ gi bzo ’di lta ste | khri dag daṅ | khri’u dag daṅ | an dag daṅ | an khri’u dag daṅ | sgo glegs dag daṅ | śiṅ mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || (3) dge sloṅ gis mi’i skyon nas smra ba’i bsam pas smyig ma mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | (4) skon bu dag daṅ | sprog ma dag daṅ | gdugs dag daṅ | bsil yab dag daṅ | duṅ gzeb dag daṅ | smyig ma mkhan gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ (5) gis mi’i skyon nas smra ba’i bsam pas bran las rab tu byuṅ ba’i gan du soṅ ste | ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bran las rab tu byuṅ ba yin gyis | tshe daṅ ldan pas raṅ gi bzo ’di ste | sku mñe daṅ | dril phyi daṅ | (6) khrus daṅ | pho ñar ’gro ba daṅ | mṅag pa daṅ | bran gyi bzo gźan gaṅ yin pa dag bslab par bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || || ’dul ba rnam par ’byed pa | bam po sum bcu rtsa dgu pa | dge sloṅ (7) gis mi’i skyon nas smra ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ ba yin gyis | tshe daṅ ldan pas raṅ gi las ’di lta ste | bram ze’i spyod (236b1) tshul daṅ | spyod pa daṅ gtsaṅ sbra daṅ | kun tu spyod pa daṅ | thal ba blaṅ ba daṅ | bya ma bum blaṅ ba daṅ | sa blaṅ pa daṅ | lag staṅs daṅ | thor tshugs daṅ | rab bsṅags bya ba daṅ | kye źes bya ba daṅ | ṅes brjod kyi rig byed daṅ | mchod sbyin gyi rig byed daṅ | sñan (2) tshig gi rig byed daṅ | srid sruṅ gi rig byed daṅ | mchod sbyin byed pa daṅ | mchod sbyin byed du ’jud pa daṅ | klog pa daṅ | klog tu ’jud pa daṅ | sbyin pa daṅ | len pa daṅ | bram ze’i las gźan gaṅ yin ba dag kyaṅ bya’o źes smras na dge sloṅ spa goṅ ba ñid du gyur kyaṅ ruṅ ma (3) gyur kyaṅ ruṅ dge sloṅ la ñes byas su ’gyur ro || dge sloṅ gis mi’i skyon nas smra ba’i bsam pas rgyal rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rgyal rigs las rab tu byuṅ (4) ba yin gyis | tshe daṅ ldan pas raṅ gi las ’di lta ste | glaṅ po che’i gñar bźon pa daṅ | rta la bźon pa daṅ | śiṅ rta’i thabs daṅ | ral gri’i thabs daṅ | ’phoṅ daṅ | phyir bsnur ba daṅ | mdun du bsnur ba daṅ | lcags kyus sgyur thabs daṅ | źags pa gdab pa daṅ | mda’ bo che ’phen (5) thabs daṅ | ’dzin staṅs daṅ | gom staṅs daṅ | thor tshugs daṅ | gcad pa daṅ | dral ba daṅ | dbug pa daṅ | rgyaṅ nas phog pa daṅ | sgra grag par phog pa daṅ | gnad du phog pa daṅ | mi ’chor bar phog pa daṅ | tshabs che ba daṅ | rgyal rigs kyi las gźan gaṅ yin (6) ba dag kyaṅ bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ñes byas su ’gyur ro || dge sloṅ gis mi’i skyon nas smra ba’i bsam pas rje’u rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul (7) ga la yod | tshe daṅ ldan pa ni rje’u rigs las rab tu byuṅ ba yin gyis | tshe daṅ ldan pas raṅ gi las ’di lta ste | źiṅ rmo ba daṅ | ba laṅ bsruṅ ba daṅ | tshoṅ bya ba daṅ | rje’u rigs kyi las gźan gaṅ yin pa dag kyaṅ bya’o źes smras na dge sloṅ spa goṅ ba ñid du gyur kyaṅ ruṅ ma gyur (237a1) kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas dmaṅs rigs las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni dmaṅs rigs las (2) rab tu byuṅ ba yin gyis | tshe daṅ ldan pas raṅ gi las ’di lta ste | zor ba daṅ | phrag gdaṅ daṅ dmaṅs rigs kyi las gźan gaṅ yin pa dag kyaṅ bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon (3) nas smra ba’i bsam pas tha ga pa las rab tu byuṅ ba’i gan du soṅaste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni tha ga pa las rab tu byuṅ ba yin gyis | tshe daṅ ldan pas ’di lta ste | thags bzaṅs daṅ | son pa daṅ | dru bu (4) daṅ | snas la sogs pas raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas khab ris mkhan las rab tu byuṅ ba’i gan du soṅ ste ’di skad ces tshe daṅ ldan (5) pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khab ris mkhan las rab tu byuṅ ba yin gyis | tshe daṅ ldan pas ’di lta ste rgyaṅ śiṅ daṅ | skud pa daṅ | tshon daṅ | phur pa daṅ | so maṅs kyis raṅ gi las bya’o źes smras na dge sloṅ spa goṅ ba (6) ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas bzaṅ mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa (7) ni bzaṅ mkhan las rab tu byuṅ ba yin gyis | tshe daṅ ldan pas ’di lta ste | khab daṅ | skud pa daṅ | gri daṅ chan pa daṅ | lcug mos raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon (237b1) nas smra ba’i bsam pas lcags mgar las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las rab tu byuṅ ba yin gyis | tshe daṅ ldan pas ’di lta ste sbud pa daṅ | sbud du daṅ | (2) ti tsa daṅ skam pa daṅ | tho bas raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas rduṅs mgar las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ (3) gi tshul ga la yod | bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin gyis | tshe daṅ ldan pas ni ’di lta ste | sbud pa daṅ | sbud ru daṅ | ti tsa daṅ | skam pa daṅ | thobs raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ (4) dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas ko lpags mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ko lpags mkhan las rab tu byuṅ ba yin gyis | tshe (5) daṅ ldan pas ’di lta ste | rgyus pa daṅ | rgyi’u daṅ | ’breṅ bu daṅ | dra gri daṅ | smyuṅ daṅ smyuṅ bus raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas rdza mkhan las rab tu (6) byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rdza mkhan las rab tu byuṅ ba yin gyis | tshe daṅ ldan pas ’di lta ste ’khor lo daṅ | dbyig gu daṅ | tha gu daṅ | ’khor lo’i rten ma daṅ | gsal gyis raṅ gi (7) las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas ’breg mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | (238a1) tshe daṅ ldan pa ni ’breg mkhan las rab tu byuṅ ba yin gyis | tshe daṅ ldan pas ’di lta ste | spu gri daṅ | chan pa daṅ | bdar daṅ | smaṅ tser daṅ | sen gris raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || (2) dge sloṅ gis mi’i skyon nas smra ba’i bsam pas śiṅ mkhan las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni śiṅ mkhan las rab tu byuṅ ba yin gyis | tshe daṅ ldan pas ’di lta ste ste’u daṅ | (3) sta re daṅ gzoṅ daṅ | sog le daṅ | tho bas raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas smyig ma mkhan las rab tu byuṅ ba’i gan du soṅ ste ’di skad (4) ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin gyis | tshe daṅ ldan pas ’di lta ste | smyig ma daṅ | gri daṅ | tshon daṅ | smyug tho daṅ | lhaṅ tsher gyis raṅ gi las bya’o źes smras na (5) dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas bran las rab tu byuṅ ba’i gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan (6) pa ni bran las rab tu byuṅ ba yin gyis | tshe daṅ ldan pas ’di lta ste | bsku mñe daṅ dril phyi daṅ | khrus daṅ | pho ñar ’gro ba daṅ | mṅag pas raṅ gi las bya’o źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || dge sloṅ (7) gis mi’i skyon nas smra ba’i bsam pas dge sloṅ gi gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni theṅ po daṅ | smad ’chal daṅ | źar ba daṅ | la gsor rdum po daṅ | sgur po daṅ | mi’u thuṅ (238b1) daṅ | lpa ba can daṅ | glen pa daṅ | lkugs pa daṅ | grum po daṅ | ’on pa daṅ | rten ’phye daṅ | rkaṅ ’bam las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ deg sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam (2) pas dge sloṅ gi gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul gal yod | tshe daṅ ldan pa ni mdze can daṅ | ’brum bu phra mo can daṅ | ṅal skyen pa daṅ | śu ba can daṅ | g-yan ba can daṅ | khyi rṅo can daṅ | glog pa can daṅ | rkaṅ śu (3) can daṅ | skyigs bu can daṅ | skyug bro ba daṅ | khoṅ skem can daṅ | rims can daṅ | rims drag po can daṅ | lud pa can daṅ | dbugs mi bde ba can daṅ | skem nad can daṅ | brjed byed can daṅ | bkres ṅa ba can daṅ | skya rbab can daṅ | tshil po che daṅ | skran can daṅ | (4) khrag nad can daṅ | mkhris nad can daṅ | mtshan bar rdol ba las rab tu byuṅ ba yin no źes smras na dge sloṅ spa goṅ ba ñid du gyur kyaṅ ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas dge sloṅ gi gan du soṅ ste ’di skad ces tshe daṅ (5) ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni pham par ’gyur ba daṅ | dge ’dun lhag ma daṅ | ltuṅ byed daṅ | so sor bśags par bya ba daṅ | ñes byas kyi ltuṅ ba byuṅ ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ (6) ruṅ dge sloṅ la ltuṅ byed du ’gyur ro || dge sloṅ gis mi’i skyon nas smra ba’i bsam pas dge sloṅ gi gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khro ba daṅ | khon du ’dzin pa daṅ | ’chab pa daṅ | dṅan (7) dus can daṅ | phrag dog can daṅ | ser sna can daṅ | g-yon can daṅ | sgyu can daṅ | ṅo tsha med pa daṅ | khrel med pa daṅ | sdig pa ’dod pa daṅ | log par lta ba yin no źes smras na dge sloṅ spa goṅ ba ñid du gyur kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || (239a1) dge sloṅ gis mi’i skyon nas smra ba’i bsam pas dge sloṅ gi gan du soṅ ste ’di skad ces tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ro lta bu yin no źes bya ba la sogs pa’i spyo ba dag gis spyo bar byed na dge sloṅ sba goṅ (2) ba ñid du gyuṅ kyaṅ ruṅ ma gyur kyaṅ ruṅ dge sloṅ la ltuṅ byed du ’gyur ro || gal te miṅ de lta bu maṅ po dag yod par gyur na de la lan gdab par smra ba saṅs rgyas skyoṅ gaṅ yin źes zer ba la bram ze las rab tu byuṅ ba gaṅ yin pa de’o źes bya ba la sogs pa sṅa ma lta bu dag brjod pa la (3) ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || mi’i skyon nas smra pa’i ltuṅ byed de gñis pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00b19ba4-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display