Bibliotheca Polyglotta

[Pāyantika 8]
saṅs rgyas bcom ldan ’das yaṅs pa can na spre’u rdziṅ gi ’gram na khaṅ pa brtsegs pa’i khaṅ bzaṅs na bźugs so || de’i tshe na ña pa lṅa brgya chu kluṅ yid ’oṅ ldan la rten ciṅ ’khod do || de dag la rgya mo spyod pa daṅ | (4) spyod pa chen mo źes bya ba gñis źig yod do || de dag lan ’ga’ ni rgya mo spyod pa ’jug par byed la | lan ’ga’ ni spyod pa chen mo ’jud par byed de | gaṅ gi tshe ña dag ño ba med pa de’i tshe ni rgya mo spyod pa ’jud par byed la | gaṅ gi tshe ña dag ño ba yod pa de’i tshe ni (5) spyod pa chen mo ’jud par byed do || ji tsam dus gźan źig na yaṅs pa can du dus ston byuṅ nas de dag gis rgya mo gñis ka bcug ste | ñis brgya lṅa bcus ni rgya mo spyod pa bcug ste | ñis brgya lṅa bcus ni spyod pa chen mo bcug go || gaṅ dag gis rgya mo (6) spyod pa bcug pa de dag gis ni ña daṅ | rus sbal daṅ | sbal pa daṅ | chu srin byis pa gsod pa daṅ | ña khyi ba la sogs pa maṅ po dag ’di lta ste | dper na ti la daṅ | ’bras thug po che daṅ | rgya śug daṅ | rgya sran la sogs pa bźin du phuṅ po chen po rnam par (7) bźag go || gaṅ dag gis rgya mo spyod pa chen mo bcug pa de dag gis ni rgya mtsho chen po nas chu kluṅ yid ’oṅ ldan du źugs pa chu srin ña’i rigs boṅ tshod chen po ñal ba zin nas de dag gis de draṅ bar brtsams so || de dag gis draṅs pa na de sad nas ña pa ñis (266a1) brgya lṅa bcu po de dag daṅ | rgya mo spyod pa chen mo khyer te rgyun phyogs su źugs so || ña ba de dag gis ña pa ñis brgya lṅa bcu po gźan dag la śes ldan dag rgya mo spyod pa chen mo daṅ | bdag cag khyer gyis ram mda’ log śig ces byas so | (2) de dag gis thos nas ña ba ñis brgya lṅa bcu po dag kyaṅ lhags te de ñid la rub pa daṅ | des ña pa lṅa brgya daṅ rgya mo spyod pa chen mo khyer te rgyun phyogs su źugs nas gzuṅ bar ma nus so || skyabs med pa de dag gis kun du śes ldan dag rgya mo spyod pa chen mo daṅ | bdag (3) cag khyer gyis grogs kyis śig ces ram mda’ ba bzlog pa daṅ | las ma mthoṅ ba’i mi ba laṅ rdzi dag daṅ | phyugs rdzi dag daṅ | śiṅ thun dag daṅ | rtswa thun dag daṅ | lam gyis ’tsho ba dag daṅ | lam gol bas ’tsho ba’i mi dag daṅ | gźan yaṅ (4) srog chags brgya stoṅ phrag du ma dag log nas de dag gis lus smras pa daṅ | rnam par smras pa dag gis rgya mo ral ba daṅ | rab tu ral bas chu srin de chu nas skam la phyuṅ ṅo || de la mgo bcwa brgyad daṅ | mig sum bcu rtsa drug yod de | de’i mgo la (5) la ni glaṅ po che’i mgo ’dra | la la ni rta’i mgo ’dra | la la rṅa me’i mgo daṅ | boṅ bu’i mgo daṅ | ba laṅ gi mgo daṅ | spre’u’i mgo daṅ | seṅ ge’i mgo daṅ | stag gi mgo daṅ | dom gyi mgo daṅ | dred mo’i mgo daṅ | guṅ gi mgo daṅ | byi la’i (6) mgo daṅ | ra’i mgo daṅ | lug gi mgo daṅ | ri dgas kyi mgo daṅ | ma he’i mgo daṅ | phag gi mgo daṅ | khyi’i mgo ’dra’o || kun du chu kluṅ yid ’oṅ ldan pa’i ña pa lṅa brgyas rgya mtsho chen po nas chu kluṅ yid ’oṅ ldan du źugs pa’i chu srin ña’i (7) rigs boṅ tshod chen po źig rgya mo spyod pa chen mos zin te chu nas skam la phyuṅ źiṅ de la mgo bcwa brgyad daṅ | mig sum bcu so drug yod do źes sgras khyab par gyur to || de thos nas srog chags brgya stoṅ phrag du ma dag chu kluṅ yid ’oṅ ldan gyi ’gram du lhags te | (266b1) kha cig ni ltaṅ mo skyes par gyur | kha cig ni sṅon gyi dge ba’i rtsa ba dag gis bskul bar gyur to || rdzogs byed la sogs pa ston pa drug po yaṅs pa can na rten ciṅ gnas pa de dag kyaṅ ltad mo skyes te der lhags so || skye bo’i tshogs chen po yaṅ ya (2) mtshan skyes te mig tshugs su rtog ciṅ śes ldan dag ’di’i mgo la la ni glaṅ po che’i mgo ’dra la de nas rtog par byed | ’di’i mgo la la ni khyi’i bar gyi mgo ’dra la de nas rtog par byed do źes kyaṅ zer ro || de’i skabs su saṅs rgyas bcom ldan ’das rnams la (3) ni mi mkhyen pa daṅ | ma gzigs pa daṅ | ma rig pa daṅ | rnam par mi mkhyen pa cuṅ zad kyaṅ mi mṅa’ bas źes bya ba nas | bcom ldan ’das kyis ña pa lṅa brgya po de dag rab tu phyuṅ rdzogs par bsñen par mdzad pa’i bar du sṅar pham par ’gyur ba (4) bźi pa’i skabs su bstan pa bźin du rgyas par sbyar ro || de nas dus gźan źig na chu kluṅ yid ’oṅ ldan gyi ’gram gyi dge sloṅ lṅa brgya po de dag gis gdos bu daṅ | pho loṅ gi sbyor ba spro bar byed | ’bad par byed | rtsol bar byed pa dag gis gcig (5) pu dben pa bag yod pa rtun pa daṅ ldan pa bdag ñid btaṅ bar gnas pa na rigs kyi bu dag gaṅ gi phyir skra daṅ kha spu bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu ’byuṅ bar byed pa | tshaṅs par spyod pa’i mtha’ (6) bla na med pa de tshe de ñid la raṅ gi mṅon bar śes pas mṅon sum du byas te bsgrubs nas bdag gi skye bzad do || tshaṅs par spyod pa spyad do || bya ba byas so || srid pa ’di las gźan mi śes so źes go bar byed ciṅ | dgra bcom pa khams (7) gsum las ’dod chags daṅ bral ba | boṅ ba daṅ gser du mñam pa | nam mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bu rig pas sgo ṅa’i sbubs dral bar gyur ciṅ rig pa daṅ | mṅon par śes pa daṅ | so so (267a1) yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab kyis phyogs pa | dbaṅ po daṅ | ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de’i tshe na mu (2) ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag zas sbyin ba daṅ bya bar sems pa dka’ na sloṅ mo pa dag la lta smos kyaṅ ci dgos pa byuṅ ṅo || de nas bcom ldan ’das kyis dge sloṅ rnams la bka’ stsal pa | dge sloṅ (3) dag da ltar mu ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag la zas sbyin pa daṅ bya bar sems pa dka’ na sloṅ mo pa dag lta la smos kyaṅ ci dgos pa byuṅ gis dge sloṅ dag khyed cag tshur śeg la smos ’drin lta ba daṅ (4) phebs par smra ba ji lta ba daṅ | ’grogs bśes ji lta bas yaṅs pa can gyi ñe ’khor spoṅ byed kyi groṅ du dbyar gnas par khas loṅ śig | ṅa yaṅ ’od ma can gyi groṅ ’di ñid du bsñen bkur ba dge sloṅ kun dga’ bo daṅ dbyar gnas par khas len gyis | (5) thams cad ni bsod sñoms kyis ñon moṅs par gyur na mi ruṅ ṅo || dge sloṅ dag gis btsun pa bka’ bźin ’tshal źes bcom ldan ’das las mñan nas smos ’drin ji lta ba daṅ | phebs par smra ba ji lta ba daṅ | ’grogs bśes ji lta bas yaṅs pa (6) can gyi ñen kor spoṅ byed kyi groṅ du dbyar gnas par khas blaṅs so || bcom ldan ’das kyaṅ ’od ma can gyi groṅ de ñid du bsñen bkur ba tshe daṅ ldan pa kun dga’ bo daṅ dbyar gnas par źal gyis bźes so || de nas dge sloṅ lṅa brgya po de dag ’di sñam du sems te | bcom ldan (7) ’das kyis ’di skad ces bka’ stsal na | ’di na bdag cag la ñe du ’ga’ yaṅ med de ña pa’i groṅ na bdag cag gi ñe du dag ’khod kyis bdag cag ña pa’i groṅ du doṅ ste ñe du rnams bltas nas ña pa’i groṅ gi ñen kor du lo ma daṅ | ’dab ma’i spyil bu dag byas te dbyar gnas (267b1) par khas blaṅ bar bya gor ma chag sñam mo || de nas chu kluṅ yid ’oṅ ldan gyi ’gram gyi dge sloṅ lṅa brgya po de dag ’di sñam du sems te | bdag cag gis sṅon ni ña ba’i groṅ du doṅ ste ñe du rnams la gcig gis gcig gi yaṅ dag pa ma yin pa’i yon tan (2) bsgrag pa byas pas da ni gcig gis gcig gi yaṅ dag pa’i yon tan bsgrag par bya’o sñam nas dge sloṅ lṅa brgya po de dag ña ba’i groṅ du doṅ ste ñe du dag bltas nas ña pa’i groṅ gi ñen kor du lo ma daṅ | ’dab ma’i spyil bu dag byas te dbyar gnas par (3) khas blaṅs so || de dag gi ñe du dag ñe bar ’oṅs par gyur nas de dag gis ñe du ñe bar ’oṅs pa de dag la smras pa | ñe du dag khyed cag gaṅ dag gi groṅ tshigs na dge sloṅ gi dge ’dun yon gyi gnas ’di lta bu ’di ltar dbyar gnas par khas blaṅs par (4) gyur pa’i ñe du de dag gis ni rñed pa legs par rñed pa yin te | dge sloṅ ’di ni mi rtag pa’i ’du śes daṅ | mi rtag pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | zas la mi mthun pa’i ’du śes daṅ | ’jig (5) rten thams cad la mṅon par ma dga’ ba’i ’du śes daṅ | ñes dmigs kyi ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pa’i ’du śes daṅ | ’chi ba’i ’du śes daṅ | mi sdug pa’i ’du śes daṅ | rnam par (6) sṅos pa’i ’du śes daṅ | rnam par rnags pa’i ’du śes daṅ | rnam par bam pa’i ’du śes daṅ | rnam par ’bus gźigs pa’i ’du śes daṅ | rnam par zos pa’i ’du śes daṅ | rnam par dmar ba’i ’du śes daṅ | rnam par ’thor ba’i ’du śes (7) daṅ | rus goṅ gi ’du śes daṅ | stoṅ pa ñid du so sor rtog pa’i ’du śes thob pa yin no || dge sloṅ ’di ni bsam gtan daṅ po daṅ | gñis pa daṅ | gsum pa daṅ | bźi pa daṅ | byams pa daṅ | sñiṅ rje daṅ | dga’ ba daṅ | btaṅ sñoms (268a1) daṅ | nam mkha’ mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched daṅ | rgyun du źugs pa’i ’bras bu daṅ | lan gcig phyir ’oṅ ba’i ’bras (2) bu daṅ | phyir mi ’oṅ ba’i ’bras bu daṅ | rdzu ’phrul gyi yul daṅ | lha’i rna ba daṅ | sems yoṅs su śes pa daṅ | sṅon gyi gnas daṅ | ’chi ’pho daṅ skye ba daṅ | zag pa zad pa thob pa yin no || dge sloṅ ’di ni dgra bcom pa rnam par thar pa brgyad la (3) bsam gtan pa yin no || dge sloṅ ’di ni gñis ka’i cha las rnam par grol ba yin no || de dag gis smras pa | ’phags pa dag khyed kyis yon tan gyi tshogs de lta bu dag thob bam | thob bo || ’jig rten ni yon tan la dga’ ba yin pas re źig raṅ gi bu dag (4) las kyaṅ phrogs te de dag la bsod sñoms sbyin pa daṅ bya bar sems so || saṅs rgyas bcom ldan ’das gson źiṅ bźugs te ’tsho źiṅ gźes pa rnams la chos ñid kyis ñan thos rnams kyi ’dus pa chen po gñis yod de | gcig ni dbyar zla ’briṅ po’i ña (5) la dbyar ñe bar sgrub pa’i tshe’o || gñis pa ni ston zla ’briṅ po’i ña la’o || de la gaṅ dag dbyar zla ’briṅ po’i ña la dbyar ñe bar sgrub pa’i tshe gdams ṅag mnos te | groṅ daṅ | groṅ rdal daṅ | yul ’khor daṅ | rgyal po’i pho braṅ dag tu (6) dbyar gnas par khas len pa de dag ni ston zla ’briṅ po’i zla ba ña la lhags nas ji ltar thob pa ni rjod par byed | ma thob pa ni thob par bya ba’i phyir ’og tu ’dre bar byed do || de nas dge sloṅ gaṅ dag yaṅs pa can gyi ñen kor spoṅ byed kyi groṅ du dbyar gnas par (7) khas blaṅs pa de dag dbyar gyi zla ba gsum po dag ’das nas chos gos byas pa daṅ ldan | chos gos zin pa daṅ ldan źiṅ | rid pa daṅ | ñam chuṅ ba daṅ | rke ba daṅ | skam pa daṅ | lus ma thob pas lhuṅ bzed daṅ | chos gos thogs te ’od ma (268b1) can gyi groṅ ga la ba der rgyu źiṅ ’doṅ ba na | mthar gyis rgyu źiṅ ’doṅ ba’i tshe ’od ma can gyi groṅ du phyin pa daṅ | tshe daṅ ldan pa kun dga’ bos dge sloṅ rab tu maṅ po de dag thag riṅ po kho na nas mthoṅ ṅo || mthoṅ nas kyaṅ tshaṅs pa mtshuṅs par spyod pa la (2) mñes gśin pas bśes pa daṅ bcas pa ñid kyi tshig gis bsu nas lhuṅ bzed daṅ | chos gos daṅ | khar ba daṅ | gtur bu daṅ | ril ba spyi blugs daṅ | ’bru mar snod daṅ | źwa daṅ | lham yu chad daṅ | mchil lham len par byed ciṅ ’di skad ces (3) kyaṅ smras so || tshe daṅ ldan pa dag tshur śeg | ’oṅs pa legs so || che daṅ ldan pa dag khyed cag gaṅ nas da ltar ’dir ’oṅs | khyed cag gaṅ du dbyar gnas par khas blaṅs | tshe daṅ ldan pa kun dga’ bo bdag cag spoṅ byed kyi groṅ nas ’dir ’oṅs (4) so || bdag cag spoṅ byed kyi groṅ du byar gnas par khas blaṅs so || tshe daṅ ldan pa dag ji ltar spoṅ byed kyi groṅ du bde ba la reg par dbyar gnas par khas blaṅs sam | khyed cag bsod sñoms kyis ṅal bar ma gyur tam | tshe daṅ ldan pa kun dga’ (5) bo bdag cag spoṅ byed kyi groṅ du te por bde ba la reg par dbyar gnas par khas blaṅs mod kyi | bdag cag bsod sñoms kyis ṅal bar gyur to || tshe daṅ ldan pa dag de kho na ltar snaṅ ste | ’di ltar bsod sñoms kyis brel bas rid pa daṅ | ñam chuṅ ba daṅ | rke (6) ba daṅ | skam pa daṅ | lus ma thob pa daṅ | pags pa daṅ | śa daṅ | khrag bri bar gyur to || dge sloṅ gaṅ dag ña pa’i groṅ gi ñen kor du dbyar gnas par khas blaṅs pa de dag kyaṅ dbyar gyi zla ba gsum po dag ’das nas chos gos byas pa daṅ ldan | (7) chos gos zin pa daṅ ldan źiṅ | tsho ba daṅ | pags pa daṅ | śa daṅ | khrag rgyas pas lhuṅ bzed daṅ | chos gos thogs te ’od ma can gyi groṅ ga la ba der rgyu źiṅ ’dod pa na mthar gyis rgyu źiṅ ’doṅ ba’i tshe ’od ma can gyi groṅ du phyin pa daṅ | tshe daṅ ldan pa (269a1) kun dga’ bos dge sloṅ rab tu maṅ po de dag thag riṅ po kho na nas mthoṅ ṅo || mthoṅ nas kyaṅ tshaṅs pa mtshuṅs par spyod pa la mñes gśin pas bśes pa daṅ bcas pa ñid kyi tshig gis bsu nas lhuṅ bzed daṅ | chos gos daṅ | khar ba daṅ (2) gtur bu daṅ | ril ba spyi blugs daṅ | ’bru mar snod daṅ | źwa daṅ | lham yu chad daṅ | mchi la lham len par byed ciṅ ’di skad ces kyaṅ smras so || tshe daṅ ldan pa dag tshur śeg ’oṅs pa legs so || tshe daṅ ldan pa dag khyed cag gaṅ nas da ltar ’dir (3) ’oṅs | khyed cag gaṅ du dbyar gnas par khas blaṅs | tshe daṅ ldan pa kun dga’ bo bdag cag ña pa’i groṅ nas ’dir ’oṅs so || bdag cag ña pa’i groṅ du dbyar gnas par khas blaṅs so || tshe daṅ ldan pa dag ji ltar ña pa’i groṅ du bde ba la reg par dbyar gnas (4) par khas blaṅs sam | khyed cag bsod sñoms kyis ṅal bar ma gyur tam | tshe daṅ ldan pa kun dga’ bo bdag cag ña pa’i groṅ du te por bde ba la reg par dbyar gnas par khas blaṅs te bdag cag bsod sñoms kyis kyaṅ ṅal bar ma gyur to || tshe daṅ ldan pa dag de kho (5) na ltar snaṅ ste | ’di ltar bsod sñoms kyis brel ba med pas tsho ba daṅ | pags pa daṅ | śa daṅ | khrag rgyas par gyur to || tshe daṅ ldan pa dag na ltar mu ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag la zas sbyin (6) pa daṅ bya bar sems pa dka’ na sloṅ mo ba lta smos kyaṅ ci dgos pa byuṅ na | ’dir tshe daṅ ldan pa khyed cag bsod sñoms kyis brel ba med par gyur pa’i rgyu ni gaṅ yin | rkyen ni gaṅ yin | tshe daṅ ldan pa kun dga’ bo bdag cag gis ñe du rnams kyi mdun du gcig (7) gis gcig gi yaṅ dag pa’i yon tan bsgrag pa byas te | dge sloṅ ’di ni mi rtag pa’i ’du śes daṅ | mi rtag pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | zas la mi mthun pa’i ’du śes daṅ | ’jig rten thams cad (269b1) la mṅon par mi dga’ ba’i ’du śes daṅ | ñes dmigs kyi ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pa’i ’du śes daṅ | ’chi ba’i ’du śes daṅ | mi sdug pa’i ’du śes daṅ | rnam par sṅos pa’i (2) ’du śes daṅ | rnam par rnags pa’i ’du śes daṅ | rnam par bam pa’i ’du śes daṅ | rnam par ’bus gźigs pa’i ’du śes daṅ | rnam par zos pa’i ’du śes daṅ | rnam par dmar ba’i ’du śes daṅ | rnam par ’thor ba’i ’du śes daṅ | rus goṅ (3) gi ’du śes daṅ | stoṅ pa ñid du so sor rtog pa’i ’du śes thob pa yin no || dge sloṅ ’di ni bsam gtan daṅ po daṅ | gñis pa daṅ | gsum pa daṅ | bźi pa daṅ | byams pa daṅ | sñiṅ rje daṅ | dga’ ba daṅ | btaṅ sñoms daṅ | nam mkha’ (4) mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched daṅ | rgyun du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu (5) daṅ | rdzu ’phrul gyi yul daṅ | lha’i rna ba daṅ | sems yoṅs su śes pa daṅ | sṅon gyi gnas daṅ | ’chi ’pho daṅ | skye ba daṅ | zag pa zad pa thob pa yin no || dge sloṅ ’di ni dgra bcom pa rnam par thar pa brgyad la bsam gtan pa yin no || dge (6) sloṅ ’di ni gñis ka’i cha las rnam par grol ba yin no źes gcig gis gcig gi yaṅ dag pa’i yon tan bsgrag par byas so || ci yaṅ dag pas sam | yaṅ dag pa ma yin pas | yaṅ dag pas so || tshe daṅ ldan pa dag khyed cag gaṅ zag rdzogs (7) par ma bsñen pa la mi’i chos bla ma bden pa brjod du ruṅ ṅam | ruṅ yaṅ srid | mi ruṅ yaṅ srid de | ’di ltar ba dag cag gis ni smras so || dge sloṅ don ñuṅ du dag ci’i phyir dge sloṅ dag gaṅ zag rdzogs par ma bsñen pa la mi’i chos bla ma bden pa brjod ces (270a1) smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gled gźi ’di daṅ | skabs ’di la dge sloṅ gi dge ’dun bsdu ba (2) mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste | źes bya ba la sogs pa yaṅ sṅa ma bźin te | saṅs rgyas bcom ldan ’das kyis chu kluṅ yid ’oṅ ldan gyi ’gram na gnas pa’i (3) dge sloṅ rnams la rmas pa | dge sloṅ dag khyed kyis gaṅ zag rdzogs par ma bsñen pa la mi’i chos bla ma bden pa smras pa bden nam | btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags par spyod pa rnam (4) par smad pa mdzad do || de nas bcom ldan ’das kyis brtson pa daṅ | sbyor ba daṅ | brtags te spyod pa’i bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos (5) rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gaṅ zag rdzogs par ma bsñen pa la mi’i chos bla ma bden pa brjod na ltuṅ byed (6) do || yaṅ dge sloṅ gaṅ źes bya ba ni chos ’di pa’o || gaṅ zag rdzogs par ma bsñen pa la źes bya ba la rdzogs par bsñen pha ni gñis te | dge sloṅ daṅ dge sloṅ ma’o || de las gźan pa ni rdzogs par ma bsñen pa’o || mi’i chos źes bya ba ni mi (7) rnams kyi chos mya ṅan las ’das pa ste | de mi rnams kyis ’thob kyi za ma daṅ | ma niṅ daṅ | mtshan gñis pa dag gis kyaṅ mi ’thob na | sems can dmyal ba daṅ | dud ’gro daṅ | yi dgas rnams kyis lta smos kyaṅ ci dgos pa’i phyir ro || (270b1) bla ma źes bya ba ni ’dod pa’i khams pas gzugs kyi khams bla ma yin la | gzugs kyi khams pas gzugs med pa’i khams bla ma yin pa’o || yaṅ na mi’i chos źes bya ba ni sgrib pa lṅa po dag go || bla ma źes bya ba ni de dag spaṅs pa gaṅ yin pa’o || bden (2) pa źes bya ba ni de’i dṅos po bden pa kho na yin pa’o || smra na źes bya ba ni brjod na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par (3) byed | ltuṅ bar byed pa’o || gźan yaṅ ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na || ||

bar sdom la |
’du śes ma (4) bsgyur dgon pa daṅ ||
khyim rnams su ni stan bkra daṅ ||
raṅ gi mtshan ñid ’dzin pa daṅ ||
bdag ñid ñe bar ston pa’o ||

dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di (5) skad ces lha rnams mthoṅ ṅo źes zer na ltuṅ byed du ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar du mthoṅ ṅo źes zer na ltuṅ byed du ’gyur ro || tha na ’di skad ces rdul khrod kyi śa za rnams mthoṅ ṅo źes zer na (6) ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces lha rnams kyi sgra thos so źes zer na ltuṅ byed du ’gyur ro || klu rnams daṅ | gnod sbyin rnams (7) nas sṅa ma bźin du lus srul po rnams kyi bar gyi sgra thos so źes zer na ltuṅ byed du ’gyur ro || than ’di skad ces rdul khrod kyi śa za rnams kyi sgra thos so źes zer na ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | (271a1) blo gros daṅ | rtog pa daṅ | lta ba ma bsgyur bar ’di skad ces lha rnams blta ba’i phyir ’gro’o źes zer na ltuṅ byed du ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar du blta ba’i phyir ’gro’o źes zer na (2) ltuṅ byed du ’gyur ro || tha na ’di skad ces rdul khrod kyi śa za rnams blta ba’i phyir ’gro’o źes zer na ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur par ’di (3) skad ces lha rnams bdag blta ba’i phyir ’oṅ ṅo źes zer na ltuṅ byed du ’gyur ro || klu rnams daṅ | gnod sbyin rnams nas sṅa ma bźin lus srul po rnams kyi bar dag bdag blta ba’i phyir ’oṅ ṅo źes zer na ltuṅ byed du ’gyur ro || tha na ’di skad ces rdul (4) khrod kyi śa za rnams kyaṅ bdag blta ba’i phyir ’oṅ ṅo źes zer na ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces lha rnams daṅ lhan cig gtam ’dre (5) bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na ltuṅ byed du ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar daṅ lhan cig gtam ’dre bar (6) byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na ltuṅ byed du ’gyur ro || tha na ’di skad ces rdul khrod kyi śa za rnams daṅ lhan cig gtam ’dre bar byed | phebs par smra bar byed | so sor (7) kun dga’ bar byed | rtag tu yaṅ lhan cig gnas par byed ces zer na ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces lha rnams bdag (271b1) daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na ltuṅ byed du ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar yaṅ (2) bdag daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na ltuṅ byed du ’gyur ro || tha na ’di skad ces rdul khrod kyi śa za rnams kyaṅ bdag daṅ lhan cig gtam ’dre bar byed | (3) phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na ñes byas su ’gyur ro || dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur (4) bar ’di skad ces thob bźin du bdag gis mi rtag pa’i ’du śes thob bo źes zer na ltuṅ byed du ’gyur ro || mi rtag pa la sdug bsṅal pa’i ’du śes nas sṅa ma bźin du stoṅ pa ñid du so sor rtog pa’i ’du śes kyi bar du thob bo źes zer na ltuṅ byed du ’gyur ro || dge (5) sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces thob bźin du bdag gis bsam gtan daṅ po thob bo źes zer na ltuṅ byed du ’gyur ro || de bźin du gñis pa daṅ | gsum pa daṅ | bźi (6) pa nas sṅa ma bźin du bdag dgra bcom pa rnam par thar pa brgyad la bsam gtan pa daṅ | gñis ka’i tsha las rnam par grol ba’o źes zer na ltuṅ byed du ’gyur ro || ’di ltar dge sloṅ rab tu maṅ po dag groṅ med pa’i dgon pa’i gnas śin na gnas śiṅ de na de (7) dag la mi ma yin pa dag gis ’tshe ba daṅ | de na dge sloṅ gaṅ rgyun du źugs pa daṅ | lan cig phyir ’oṅ ba daṅ | phyir mo ’oṅ ba | dgra bcom pa yin pa de la de na yin pa dag gis ’tshe bar mi byed nas dge sloṅ gis ’du śes ma bsgyur ciṅ bzod pa daṅ | ’dod (272a1) pa daṅ | blo gros daṅ | rtog pa daṅ | lta ba ma bsgyur bar ’di skad ces bdag kyaṅ groṅ med pa’i dgon pa’i gnas de na gnas te | de na bdag la mi ma yin pa rnams ’tshe bar mi byed do źes zer na ltuṅ byed du ’gyur ro || ’di ltar dge sloṅ rab tu maṅ po (2) dag khyim rnams su mgron du bos te za bar byed ciṅ de na de dag la stan khra bo bkra ba dag bśams śiṅ de dge sloṅ gaṅ rgyun du źugs pa daṅ | lan cig phyir ’od ba daṅ | phyir mi ’od pa daṅ | dgra bcom pa yin pa de la de na stan khra bo ñe bar bkra ba dag śom par (3) byed nas dge sloṅ gis ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces bdag kyaṅ khyim der mgron du bos śiṅ zos te | de na bdag la yaṅ stan khra bo ñe bar bkra ba dag śom par byed do źes zer na | (4) ltuṅ byed du ’gyur ro || ’di ltar dge sloṅ rab tu maṅ po dgon pa na gnas pa dag gis źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas | ’jig rten pa’i lam gyis | ñon moṅs pa dag rnam par mnan pas ’dod pa la ’dod chags (5) daṅ | gnod sems dag rgyud la kun du mi ’byuṅ nas dge sloṅ gis ’du śes ma bsgyur ciṅabazoda pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces bdag kyaṅ groṅ med pa’i dgon pa’i gnas de na gnas śiṅ | bdag gis (6) kyaṅ de na gnas pa na źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten pa’i lam gyis ñon moṅs pa dag rnam par mnan pas ’dod pa la ’dod chags daṅ | gnod sems dag bdag gi rgyud la yaṅ kun du mi ’byuṅ ṅo źes zer (7) na ñes byas su ’gyur ro || dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ gis lha rnams mthoṅ ba de yod do źes zer źiṅ ’di skad ces kho bo’i źes ni si (272b1) zer na ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar du mthoṅ ba de yod do źes zer źiṅ ’di skad ces kho bo’i źes ni mi zer na ñes byas su ’gyur ro || tha na ’di skad ces dge sloṅ gaṅ gis rdul khrod kyi śa za (2) rnams mthoṅ ba de yod do źes zer źiṅ ’di skad ces kho bo’i źes ni mi zer na ñes byas su ’gyur ro || dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces (3) dge sloṅ gaṅ gis lha rnams kyi sgra thos pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar kyi sgra thos pa de yod do źes zer źiṅ (4) ’di skad ces kho bo’i źes ni mi zer na ñes byas su ’gyur ro || tha na ’di skad ces dge sloṅ gaṅ gis rdul khrod kyi śa za rnams kyis sgra thos pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || dge sloṅ gis bdag (5) ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ lha rnams blta ba’i phyir ’gro ba de yod do źes zer źiṅ ’di skad ces kho bo’o źes ni mi zer na (6) ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar du blta ba’i phyir ’gro ba de yod do źes zer źiṅ ’di skad ces kho bo’o źes ni mi zer na ñes byas su ’gyur ro || tha na ’di skad ces dge sloṅ rdul khrod (7) kyi śa za rnams blta ba’i phyir ’gro ba de yod do źes zer źiṅ ’di skad ces kho bo’i źes ni mi zer na ñes byas su ’gyur ro || dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | (273a1) lta ba ma bsgyur bar ’di skad ces kho bo’o źes ni mi zer na ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams (2) kyi bar du blta ba’i phyir ’oṅ ba de yod de źes zer źiṅ ’di skad ces kho bo’o źes ni mi zer na ñes byas su ’gyur ro || tha na ’di skad ces dge sloṅ gaṅ la rdul khrod kyi śa za rnams blta ba’i phyir ’oṅ ba yod do źes zer źiṅ ’di skad ces kho bo’o źes ni mi zer na ñes byas su ’gyur ro || (3) dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ lha rnams daṅ lhan cig gtam ’dre bar byed | phebs par smra bar byed | so (4) sor kun dga’ bar byed | rtag tu yad lhan cig gnas par byed pa de yod do źes zer źiṅ ’di skad ces | kho bo’o źes ni mi zer na ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar (5) daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || tha na ’di skad ces dge sloṅ gaṅ rdul khrod kyi (6) śa za rnams daṅ lhan cig gtam ’dre bar byed | phebs bar smra par byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || dge sloṅ gis bdag ñid la ñe (7) bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ daṅ lhan cig lha rnams gtam ’dre bar byed | phebs par smra bar byed | so sor kun dga’ bar byed | rtag tu (273b1) yaṅ lhan cig gnas par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar yaṅ lhan cig gtam ’dre bar byed | phebs par smra bar (2) byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || tha na ’di skad ces dge sloṅ gaṅ daṅ lhan cig rdul khrod kyi śa za rnams gtam ’dre bar (3) byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || dge sloṅ gaṅ gis bdag ñid la ñe bar ston pas ’du śes ma (4) bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ gis mi rtag pa’i ’du śes thob pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || mi rtag pa’i ’du (5) śes ji lta ba de bźin du gaṅ gis sṅa ma bźin du stoṅ pa ñid du so sor rtog pa’i ’du śes kyi bar du thob pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || dge sloṅ gis bdag ñid la ñe bar ston pas ’du śes ma bsgyur ciṅ bzod (6) pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ gis bsam gtan daṅ bo thob pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || bsam gtan daṅ po ji lta ba (7) de bźin du gaṅ gis sṅa ma bźin du gñis pa daṅ | gsum pa daṅ | bźi pa nas dge sloṅ gaṅ dgra bcom pa rnam par thar pa brgyad la bsam gtan pa daṅ | gñis ka’i cha las rnam par grol ba’i bar de yod do źes zer źiṅ ’di skad ces kho bo ’o źes ni (274a1) mi zer na ñes byas su ’gyur ro || ’di ltar dge sloṅ rab tu maṅ po dag groṅ med pa’i dgon pa’i gnas źig na gnas śiṅ de na de dag la mi ma yin pa dag gis ’tshe ba na de dge sloṅ gaṅ rgyun du źugs pa daṅ | lan cig phyir ’oṅ ba daṅ | phyir (2) mi ’oṅ ba daṅ | dgra bcom pa yin pa de la de na mi ma yin pa dag gis ’tshe bar mi byed nas | dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad (3) ces dge sloṅ gaṅ groṅ med pa’i dgon pa’i gnas de na gnas pa de la de na mi ma yin pa rnams ’tshe bar mi byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || ’di ltar dge sloṅ rab tu maṅ po dag khyim rnams su mgron (4) du bos te za bar byed ciṅ de na de dag la stan khra bo ñe bar bkra ba dag bśams śiṅ | de na dge sloṅ gaṅ rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa yin pa de la de na stan khra bo ñe bar bkra ba dag śom par byed nas | (5) dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad ces dge sloṅ gaṅ khyim der mgron du bos śiṅ zos te de na de la yaṅ stan khra bo ñe bar bkra ba dag śom (6) par byed pa de yod do źes zer źiṅ ’di skad ces kho bo’o źes ni mi zer na ñes byas su ’gyur ro || ’di ltar dge sloṅ rab tu maṅ po dag dgon pa na gnas pa dag gis źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten ba’i lam kyis (7) ñon moṅs pa dag rnam par mnan pas ’dod pa la ’dod chags daṅ | gnod sems dag rgyud la kun du mi ’byuṅ nas dge sloṅ gis bdag ñid la ñe bar ston pas ’du śes ma bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba ma bsgyur bar ’di skad (274b1) ces dge sloṅ gis groṅ med pa’i dgon pa’i gnas de na gnas śiṅ źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten pa’i lam gyis ñon moṅs pa dag rnam par mnan pas ’dod pa la ’dod chags daṅ | gnod sems dag (2) rgyud la kun du mi ’byuṅ ba de yod do źes zer źiṅ ’di skad ces kho bo’o źes ni mi zer na ñes byas su ’gyur ro || mi’i chos bla ma brjod pa’i ltuṅ byed de brgyad pa rdzogs s+ho || || ’dul ba rnam par ’byed pa | bam po bźi bcu rtsa gñis pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00c28900-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display