Bibliotheca Polyglotta

[Pāyantika 11]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na sṅon śiṅ mkhan rgan źugs byis pa | rmoṅs pa | mi gsal ba mi (4) mkhas pa źig gis śiṅ ljon pa bcad nas dge ’dun gyi gtsug lag khaṅ byed du bcug go || de nas śiṅ ljon pa de la gnas pa’i lta kha dog śin tu ’das pa gaṅ yin pa de mtshan mo nam sros pa daṅ bcom ldan ’das ga la ba der soṅ ste phyin pa daṅ | bcom ldan ’das kyi (5) źabs gñis la mgo bos phyag ’tshal te mtha’ gcig tu ’dug pa daṅ | ’di ltar lha de’i kha dog gi mthus rgyal byed kyi tshal thams cad snaṅ ba rgya chen pos khyab par ’gyur to || mtha’ gcig tu ’dug nas bcom ldan ’das la lha des ’di skad ces gsol to || btsun pa (6) sṅon śiṅ mkhan rgan źugs byis pa | rmoṅs pa | mi gsal ba | mi mkhas ba źig gis bdag gi gnas pa daṅ | gliṅ daṅ | skyob pa daṅ | skyabs daṅ | dpuṅ gñen daṅ | gnas mal daṅ | gźi daṅ | rten gyi źugs śiṅ lṅon pa gaṅ lags pa de bkum nas dge ’dun gyi (7) gtsug lag khaṅ bgyid du stsal te | btsun pa dgun gyi dguṅ ni riṅ | dgun smad kyi dus kyi tshe ni tshes brgyad kyi bar la ’od ma ’gas pa’i bser ma dag ldaṅ źiṅ btsun pa bdag gi bu daṅ phrug gu dag ni chuṅ na bdag gis ji ltar bgyi | de nas bcom ldan ’das kyis lha źig (280a1) la bka’ stsal pa | lha khyod kyi gnas su lha ’di’i gnas byin cig | lha des ’di lta ste | ston pa’i bka’ luṅ gis raṅ gi gnas su lha de’i gnas byin no || de nas bcom ldan ’das de ñid kyi mtshan mo ’das pa daṅ dge sloṅ gi dge ’dun gyi goṅ du gdan (2) bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag ma daṅ lha kha dog śin tu ’das pa źig mtshan mo nam sros pa daṅ ga la ba der ’oṅs te phyin nas | ṅa’i źabs gñis la mgo bos phyag ’tshal te (3) mtha’ gcig tu ’dug pa daṅ | ’di ltar lha de’i kha dog gi mthus rgyal byed kyi tshal thams cad snaṅ ba rgya chen pos khyab par gyur to || mtha’ gcig tu ’dug nas ṅa la lha de ’di skad ces btsun pa sṅon śiṅ mkhan rgan źugs byis pa | rmoṅs pa | mi gsal ba | mi (4) mkhas pa źig gis bdag gi gnas daṅ | gliṅ daṅ | skyob pa daṅ | skyabs daṅ | dpuṅ gñen daṅ | gnas mal daṅ | gźi daṅ | rten gyi źugs śiṅ ljon pa gaṅ lags pa de bkum nas dge ’dun gyi gtsug lag khaṅ bgyid du stsal te | btsun pa dgun gyi dguṅ (5) ni riṅ | dgun smad kyi dus kyi tshe ni tshes brgyad kyi bar la ’od ma ’gas pa’i bser ma dag ldaṅ źiṅ | btsun pa bdag gi bu daṅ phrug gu dag ni chuṅ na bdag gis ji ltar bźi źes zer bas dge sloṅ dag ’di ltar lha dag de skad ces | kye ma śākya ’i bu’i dge sbyoṅ rnams (6) ni ’di lta ste | dge ba’i chos rnams kyis yoṅs su ñams par ’gyur ro źes smod par byed | phyar ka gtoṅ bar byed | kha zer bar byed pa de ni mi mdzes śiṅ tshul daṅ mthun pa ma yin no || de nas bcom ldan ’das ’di sñam du dgoṅs te | ñes dmigs gaṅ cuṅazada ci byuṅ ba de ni (7) dge sloṅ dag śiṅ ljon pa gcod par byed pa las gyur pa yin no sñam du dgoṅs nas dge sloṅ rnams la bka’ stsal pa | dge sloṅ dag de lta bas na dge sloṅ gis śiṅ ljon pa gcad par mi bya’o || gcod na ’gal tshabs can du ’gyur ro || saṅs rgyas bcom ldan ’das ’brog gnas na (280b1) ’brog gi nags mchog na bźugs so || bcom ldan ’das kyis dge sloṅ gis śiṅ ljon pa gcad par mi bya’o źes bka’ stsal nas | dge sloṅ lag gi bla dag gis śiṅ med pas mkhar lan dag btaṅ bar gyur to || saṅs rgyas bcom ldan ’das rnams ni mkhyen bźin du (2) rmed par mdzad pas saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo ci’i phyir dge sloṅ lag gi bla dag gis mkhar lan dag btaṅ bar gyur | btsun pa bcom ldan ’das kyis dge sloṅ gis śiṅ ljon pa gcad par mi bya’o źes bka’ stsal (3) nas | dge sloṅ lag gi bla dag gis źugs śiṅ ma mchis pas mkhar lan btaṅ bar gyur to || kun dga’ boṅs dge sloṅ lag gi bla’i kun du spyod pa’i tshes dag bca’ bar bya ste | dge sloṅ lag gi blas źag bdun nam brgyad kyis śiṅ ljon pa gcod par ’gyur ba na (4) śiṅ ljon pa de’i druṅ du dkyil ’khor bya źiṅ | spos daṅ | me tog daṅ | gtor ma yaṅ sbyin par bya | rgyud chags gsum pa yaṅ bklag par bya | yon bśad pa yaṅ bya źiṅ dge ba bcu’i las kyi lam dag ñe bar gźag par yaṅ bya | mi dge ba bcu’i las kyi lam dag gi bsṅags pa (5) ma yin dag kyaṅ brjod par bya | ’di skad ces śiṅ ljon pa ’di la lha gaṅ gnas pa de gnas gźan tshol cig | śiṅ ljon pa ’dis mchod rten gyi’am | chos kyi’am | dge ’dun gyi bya ba byed par ’gyur ro źes kyaṅ brjod par bya’o || de’i ’og tu ñi ma bdun nam brgyad (6) kyis śiṅ ljon pa de gcad par bya’o || gal te ’gyur ba ston na gcad par mi bya’o || ’on te mi ston na gcad par bya’o || dge sloṅ lag gi blas kun du spyad pa’i chos ji ltar bcas pa yaṅ dag par blaṅs te ’jug par mi byed na ’gal tshabs can (7) du ’gyur ro || ’di ni re źig byuṅ ba yin te | saṅs rgyas bcom ldan ’das re źig ’dul pa la ñan thos rnams kyi bslab pa’i gźi bca’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun (281a1) dga’ ra ba na bźugs so || de’i tshe na dge sloṅ drug sde dag raṅ gi lag gis śiṅ ljon pa gcod cig gcod du ’jud par yaṅ byed | rtswa sṅon po rṅa źiṅ rdar ’jud par yaṅ byed | me tog dag ’thog ciṅa’athoga tu ’jud par yaṅ (2) byed nas gźan mu stegs can dag śes ldan dag śākya ’i bu’i dge sbyoṅ ’di dag ni raṅ gi lag gis śiṅ ljon pa gcod ciṅ gcod du ’jud par yaṅ byed | rtswa sṅon po rṅa źiṅ rṅar ’jud par yaṅ byed | me tog dag ’thog ciṅ ’thog tu ’jud par yaṅ (3) byed de | bram ze daṅ | khyim bdag ’di dag kyaṅ raṅ gi lag gis śiṅ ljon pa gcod ciṅ gcod du ’jud par yaṅ byed | rtswa sṅon po rṅa źiṅ rṅar ’jud par yaṅ byed | me tog dag ’thog ciṅ ’thog tu ’jud par yaṅ byed pas śes ldan dag śākya ’i bu’i (4) dge sbyoṅ ’di dag daṅ | bram ze daṅ | khyim bdag ’di dag la bye brag ni ci yod | bsam pa ni ci yod | tha dad du bya ba ni yod | su źig dge sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ (5) bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la (6) sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed cag raṅ (7) gi lag gis śiṅ ljon pa gcod ciṅ gcod du ’jud par yaṅ byed | rtswa sṅon po rṅa źiṅ rṅar ’jud par yaṅ byed | me tog dag ’thog ciṅ ’thog tu ’jud par yaṅ byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma (281b1) yin ma | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ (2) stsal pa | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa yaṅ sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar (3) gdon par bya ste | sa bon gyi tshogs daṅ | ’byuṅ po’i gnas ’jig gam | ’jig tu ’jud na ltuṅ byed do || sa bon gyi tshogs źes bya ba ni sa bon lṅa ste | rtsa ba’i sa bon daṅ | sdoṅ bu’i sa bon daṅ | tho gu’i sa bon pa daṅ | ’gas pa’i sa bon daṅ | sa (4) bon gyi sa bon ñid ni lṅa pa’o || rtsa ba’i sa bon gaṅ źe na | bla sgaṅ daṅ | śu dag daṅ | yuṅ daṅ | sge’u gśer daṅ | bod da dkar po daṅ | gźan yaṅ rtsa ba btab pa las rtsa ba ñid skye ba gaṅ yin pa’o || sdoṅ bu’i sa bon gaṅ źe na | śiṅ kan tsa (5) na daṅ | ka pi ta la daṅ | a śwat+tha daṅ | u dum bā ra daṅ | n+ya gro d+ha daṅ | gźan yaṅ sdoṅ bu btab pa las sdoṅ bu ñid skye ba gaṅ yin pa’o || tho gu’i sa bon gaṅ źe na | bur ma śiṅ daṅ | ’dam bu daṅ | smig mdaṅ | rgya mtsho nas ’byuṅ ba daṅ | (6) gźan yaṅ tho gu btab pa las tho gu ñid skye ba gaṅ yin pa’o || ’gas pa’i sa bon gaṅ źe na | ardza ka daṅ | sardza ka daṅ | pha ni na rdza ka daṅ | b+hu s+t+rina daṅ | dzam b+ha ri daṅ | gźan yaṅ ’gas pa btab pa las ’gas pa ñid skye ba gaṅ yin pa’o || (7) sa bon gyi sa bon gaṅ źe na | sā lu daṅ | nas daṅ | gro daṅ | mon sran sṅe’u daṅ | mon sren gre’u daṅ | yuṅs kar daṅ | gźan yaṅ sa bon btab pa las sa bon ñid skye ba gaṅ yin pa’o || ’byuṅ po’i gnas źes bya ba la ’byuṅ po źes bya ba ni (282a1) grog sbur dag daṅ | phye ma leb dag daṅ | sbraṅ bu dag daṅ | til daṅ phub ma zab dag daṅ | sbrul dag daṅ | sdig pa dag daṅ | sgraṅ bu tre ma pu ka dag daṅ | trai la ta ka dag go || de dag gi gnas źes bya ba ni śiṅ ljon (2) pa la sogs pa’o || de dag ’jig gam ’jig tu ’jud na źes bya ba ni ’byin pa daṅ | sñol ba daṅ | gcod pa daṅ | ’bigs pa daṅ | ’tsheg pa daṅ | ’tsheg tu ’jug na ’o || ltuṅ byed do źes bya ba ni sems can dmyal ba daṅ | dud ’gro daṅ | yi (3) dgas ṅan soṅ daṅ | ṅan ’gro daṅ | log par ltuṅ bar dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bźags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do (4) źes gsuṅs so || de la ltuṅ bar ji ltar ’gyur źe na || ||

bar sdom la || sa bon lṅa daṅ ñams byed daṅ ||
ljon śiṅ gcod daṅ rtswa rṅa daṅ ||
sṅo daṅ ’chag daṅ rtswa rgyun daṅ ||
ña lcibs śa so rlam ñid do ||

dge sloṅ gis rtsa ba’i sa bon la (5) rtsa ba’i sa bon du ’du śes śiṅ sṅon po la sṅon por ’du śes nas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | (6) gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis rtsa ba’i sa bon la sdoṅ bu’i sa bon du ’du śes śiṅ sṅon po la sṅon por ’du śes pas gcod dam | (7) gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za (282b1) bas gcod dam | gcod du ’jud na ñes byas su ’gyur ro || dge sloṅ gis rtsa ba’i sa bon la tho gu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | (2) gcod du ’jud na ltuṅ byed du ’gyur ro || skam pos sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis rtsa ba’i sa bon la (3) ’gas pa’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | (4) gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis rtsa ba’i sa bon la sa bon gyi sa bon du ’du śes śiṅ sṅon po la sṅon por ’du śes pas gcod dam | gcod du ’jud (5) na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod (6) du ’jud na ñes byas su ’gyur ro || de bźin du dge sloṅ gis sdoṅ bu’i sa bon la sdoṅ bu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du (7) ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sdoṅ bu’i sa bon la rtsa ba’i (283a1) sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis zabs gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod (2) du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sdoṅ bu’i sa bon la tho gu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na (3) ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis zabs gcod dam | gcod du (4) ’jud na ñes byas su ’gyur ro || dge sloṅ gis sdoṅ bu’i sa bon la ’gas pa’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud (5) na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sdoṅ bu’i sa bon las bon gyis (6) bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod (7) du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || de bźin du dge sloṅ gis tho gu’i sa bon la tho gu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na (283b1) ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod (2) du ’jud na ñes byas su ’gyur ro || dge sloṅ gis tho gu’i sa bon la rtsa ba’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du (3) ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis tho gu’i sa bon la sdoṅ (4) bu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du (5) ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis tho gu’i sa bon la ’gas pa’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na (6) ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du (7) ’jud na ñes byas su ’gyur ro || dge sloṅ gis tho gu’i sa bon la sa bon gyi sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed (284a1) du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || de bźin du dge sloṅ gis ’gas pa’i (2) sa bon la ’gas pa’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas (3) gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis ’gas pa’i sa bon la rtsa ba’i sa bon du ’du śes śiṅ sṅon po la sṅon por ’du śes pas (4) gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid (5) gñis za bas gcod dam | gcod du ’jud na ñes byas su ’gyur ro || dge sloṅ gis ’gas pa’i sa bon la sdoṅ bu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid (6) gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge (7) sloṅ gis ’gas pa’i sa bon la tho gu’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du (284b1) śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis ’gas pa’i sa bon la sa bon gyi sa bon ’du śes śiṅ sṅon po la sṅon por ’du śes (2) pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis (3) za bas gcod dam | gcod du ’jud na ñes byas su ’gyur ro || de bźin du dge sloṅ gis sa bon gyi sa bon la sa bon gyi sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod (4) dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sa bon gyi (5) sa bon la rtsa ba’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas (6) gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sa bon gyi sa bon la sdoṅ bu’i sa bon du ’du śes śiṅ sṅon po la sṅon por ’du śes pas gcod dam | (7) gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za (285a1) bas gcod dam | gcod du ’jud na ñes byas su ’gyur ro || dge sloṅ gis sa bon gyi sa bon la tho gu’i sa bon ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid (2) gñis za bas gcod dam | gcod du ’jud na ltuṅ byed du ’gyur ro || skam po la sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || (3) dge sloṅ gis sa bon gyi sa bon la ’gas pa’i sa bon du ’du śes śiṅ sṅon po la sṅon por ’du śes pas gcod dam | gcod du ’jud na ltuṅ byed du ’gyur ro || sṅon po la yid gñis za bas gcod dam | gcod du ’jud na ltuṅ byed du ’gyur ro || skam po la (4) sṅon por ’du śes pas gcod dam | gcod du ’jud na ñes byas su ’gyur ro || skam po la yid gñis za bas gcod dam | gcod du ’jud na ñes byas su ’gyur ro || dge sloṅ gis sa bon ñams par gyur cig | sa bon rnam par nams par gyur cig (5) sñam pas sa bon gyi rigs lṅa po dag mer ’jud par byed cig | sa bon ñams pa daṅ | sa bon rnam par ñams par gyur na dge sloṅ la ltuṅ byed lṅaRa ’gyur ro || sa bon ñam par ma gyur ciṅ | sa bon rnam par ñams par ma gyur na ñes byas lṅar (6) ’gyur ro || dge sloṅ gis sa bon ñams par gyur cig | sa bon rnam par ñams par gyur cig sñam pas sa bon gyi rigs lṅa po dag chur ’jud ciṅ | sa bon ñams pa daṅ | sa bon rnam par ñams par gyur na dge sloṅ la ltuṅ byed lṅar (7) ’gyur ro || sa bon ñam par ma gyur ciṅ | sa bon rnam par ñams par ma gyur na ñes byas lṅar ’gyur ro || dge sloṅ gis sa bon ñams par gyur cig | sa bon rnam par ñams par gyur cig sñam pas sa bon gyi rigs lṅa po dag gtun du blugs te (285b1) gtun bus brduṅs nas sa bon ñams pa daṅ | sa bon rnam par ñams par gyur na dge sloṅ la ltuṅ byed lṅaRa ’gyur ro || sa bon ñam par ma gyur ciṅ | sa bon rnam par ñams par ma gyur na ñes byas lṅaRa ’gyur ro || dge sloṅ gis sa bon ñams par (2) gyur cig | sa bon rnam par ñams par gyur cig sñam pas sa bon gyi rigs lṅa po dag sa skam po la ’jog ciṅ sa bon ñams pa daṅ | sa bon rnam par ñams par gyur na dge sloṅ la ltuṅ byed lṅaRa ’gyur ro || sa bon ñam par ma gyur ciṅ | sa bon rnam par ñams par (3) ma gyur na ñes byas lṅar ’gyur ro || dge sloṅ gis sa bon ñams par gyur cig | sa bon rnam par ñams par gyur cig sñam pas sa bon gyi rigs lṅa po dag tshwa rgo’am | ’gyur byed dam | lci ba’am | sas ’gebs par byed ciṅ sa bon ñams pa daṅ | sa bon rnam (4) par ñams par gyur na dge sloṅ la ltuṅ byed lṅar ’gyur ro || sa bon ñams par ma gyur ciṅ | sa bon rnam par ñams par ma gyur na ñes byas lṅar ’gyur ro || dge sloṅ gis sa bon ñams par gyur cig | sa bon rnam par ñams par gyur cig sñam pas sa (5) bon gyi rigs lṅa po dag la khu tshan nam | ’bras khu’am | sran tshod ldugs par byed ciṅ | sa bon ñams pa daṅ | sa bon rnam par ñams par gyur na | dge sloṅ la ltuṅ byed lṅar ’gyur ro || sa bon ñams par ma gyur ciṅ | sa bon rnam par ñams par ma (6) gyur na ñes byas lṅar ’gyur ro || dge sloṅ gis sbyor ba gcig gis śiṅ ljon pa gcig gcod na ñes byas gcig daṅ | ltuṅ byed gcig tu ’gyur ro || dge sloṅ gis sbyor ba gcig gis śiṅ ljon pa gñis gcod na ñes byas gcig daṅ ltuṅ byed gñis su (7) ’gyur ro || dge sloṅ gis sbyor ba gcig gis śiṅ ljon pa rab tu maṅ po gcod na ñes byas gcig daṅ | ltuṅ byed rab tu maṅ por ’gyur ro || dge sloṅ gis sbyor ba gñis kyis śiṅ ljon pa gcig gcod na ñes byas gñis daṅ | ltuṅ byed gcig tu ’gyur ro || (286a1) dge sloṅ gis sbyor ba gñis kyis śiṅ ljon pa gñis gcod na ñes byas gñis daṅ | ltuṅ byed gñis su ’gyur ro || dge sloṅ gis sbyor ba gñis kyis śiṅ ljon par tu maṅ po gcod na ñes byas gñis daṅ | ltuṅ byed rab tu maṅ por ’gyur ro || dge (2) sloṅ gis sbyor ba rab tu maṅ pos śiṅ ljon pa gcig gcod na ñes byas rab tu maṅ po daṅ | ltuṅ byed gcig tu ’gyur ro || dge sloṅ gis sbyor ba rab tu maṅ pos śiṅ ljon pa gñis gcod na ñes byas rab tu maṅ po daṅ | ltuṅ byed gñis su ’gyur ro || dge sloṅ gis (3) sbyor ba rab tu maṅ pos śiṅ ljon pa rab tu maṅ pos śiṅ ljon pa rab tu maṅ po gcod na ñes byas rab tu maṅ po daṅ | ltuṅ byed rab tu maṅ por ’gyur ro || dge sloṅ gis sbyor ba gcig gis rtswa gcig rṅa na ñes byas gcig daṅ | ltuṅ byed gcig tu ’gyur ro || dge sloṅ gis sbyor ba gcig gis rtswa (4) gñis rṅa na ñes byas gcig daṅ | ltuṅ byed gñis su ’gyur ro || dge sloṅ gis sbyor ba gcig gis rtsa rab tu maṅ po rṅa na ñes byas gcig daṅ | ltuṅ byed rab tu maṅ por ’gyur ro || dge sloṅ gis sbyor ba gñis kyis rtswa gcig rṅa na ñes byas gñis daṅ | (5) ltuṅ byed gcig tu ’gyur ro || dge sloṅ gis sbyor ba gñis kyis rtswa gñis rṅa na ñes byas gñis daṅ | ltuṅ byed gñis su ’gyur ro || dge sloṅ gis sbyor ba gñis kyis rtswa rab tu maṅ po rṅa na ñes byas gñis daṅ | ltuṅ byed rab tu maṅ por ’gyur ro || dge sloṅ gis sbyor (6) ba rab tu maṅ pos rtswa gcig rṅa na ñes byas rab tu maṅ po daṅ | ltuṅ byed gcig tu ’gyur ro || dge sloṅ gis sbyor ba rab tu maṅ pos rtswa gñis rṅa na ñes byas rab tu maṅ po daṅ | ltuṅ byed gñis su ’gyur ro || dge sloṅ gis sbyor ba rab tu maṅ pos rtswa rab tu maṅ po rṅa na (7) ñes byas rab tu maṅ po daṅ | ltuṅ byed rab tu maṅ por ’gyur ro || ut+pala daṅ | pad ma la sogs pa la yaṅ de bźin du rgyas par sbyar ro || dge sloṅ gis sṅo ñams par gyur cig | sṅo rnam par ñams par gyur cig sñam pas sdo’i phyogs su tshwa rgo’am | ’gyur byed dam | (286b1) lci ba’am | sas ñug par byed ciṅ | sṅo ñams pa daṅ | rnam par ñams par gyur na ltuṅ byed du ’gyur ro || sṅo ñams par ma gyur ciṅ rnam par ñams par ma gyur na ñes byas su ’gyur ro || ñug pa’i bsam pa la ni ltuṅ ba med do || dge sloṅ gis sṅo ñams par gyur cig | sṅo rnam par ñams par (2) gyur cig sñam pas sṅo’i phyogs su khu tshan nam | ’bras khu’am | sran tshod ’thoṅ bar byed ciṅ | sṅo ñams pa daṅ | rnam par ñams par gyur na ltuṅ byed du ’gyur ro || sṅo ñams par ma gyur ciṅ rnam par ñams par ma gyur na ñes byas su ’gyur ro || ’dor ba’i bsam pa la ni ltuṅ ba med do || (3) dge sloṅ gis sṅo ñams par gyur cig | sṅo rnam par ñams par gyur cig sñam pas sṅo’i phyogs su ’chag par byed ciṅ sṅo ñams pa daṅ | rnam par ñams par gyur na ltuṅ byed du ’gyur ro || sṅo ñams par ma gyur ciṅ sṅo rnam par ñams par ma gyur na ñes byas su ’gyur ro || ’chag pa’i bsam pa la ni (4) ltuṅ ba med do || dge sloṅ gis sṅo ñams par gyur cig | sṅo rnam par ñams par gyur cig sñam pas sṅo’i phyogs su yal ga’am | seg gam | re lde ’drin par byed ciṅ | sṅo ñams pa daṅ | sṅo rnam par ñams par gyur na ltuṅ byed du ’gyur ro || sṅo ñams par ma gyur ciṅ sṅo rnam par ñams par ma gyur (5) na ñes byas su ’gyur ro || ’drud pa’i bsam pa la ni ltuṅ ba med do || dge sloṅ gis śa bal ñams par gyur cig | śa bal rnam par ñams par gyur cig sñam pas śa bal chags pa’i phyogs su ’chag pa’i par byed ciṅ | śa bal ñams pa daṅ | rnam par ñams par gyur na ñes byas su ’gyur ro || (6) śa bal ñams par ma gyur ciṅ rnam par ñams par mgyur na yaṅ ñes byas su ’gyur ro || ’chag pa’i bsam pa la ni ltuṅ ba med do || dge sloṅ gis śa pa la ñams par gyur cig | śa bal rnam par ñams par gyur cig sñam pas śa bal chags pa’i phyogs su khu tshan nam | ’bras (7) khu’am | sran tshod ’dor bar byed ciṅ śa ba la ñams pa daṅ | śa bal rnam par ñams par gyur na ñes byas su ’gyur ro || śa bal ñams par ma gyur ciṅ rnam par ñams par ma gyur na ñes byas ñid du ’gyur ro || ’dor ba’i bsam pa la ni ltuṅ ba med do || dge sloṅ gis śa bal ñams par gyur cig (287a1) śa bal rnam par ñams par gyur cig sñam pas śa bal chags pa’i phyogs su tshwa rgo’am | ’gyur byed dam | lciba’ama | sas ñug par byed ciṅ śa bal ñams pa daṅ | śa bal rnam par ñams par gyur na ñes byas su ’gyur ro || śa bal ñams par ma gyur ciṅ rnam par ñams par ma gyur na yaṅ ñes (2) byas ñid du ’gyur ro || ñug pa’i bsam pa la ni ltuṅ ba med do || dge sloṅ gis śiṅ ljon pa’i rtsa rgyun ’byin bar byed na ñes byas su ’gyur ro || dge sloṅ gis śiṅ ljon pa’i rtsa ba ’byin par byed na ltuṅ byed du ’gyur ro || dge sloṅ gis śiṅ ljon pa’i śun pa ’chu bar byed na ñes byas su ’gyur ro || dge sloṅ gis (3) śiṅ ljon pa’i pri ’chu bar byed na ñes byas su ’gyur ro || dge sloṅ gis śiṅ ljon pa’i sñiṅ po ’chu bar byed na ltuṅ byed du ’gyur ro || dge sloṅ gis śiṅ ljon pa’i lo ma rlon pa rlog par byed na ltuṅ byed du ’gyur ro || dge sloṅ gis śiṅ ljon pa’i lo ma ser po rlog par byed na ñes byas su ’gyur ro || dge sloṅ (4) gis śiṅ ljon pa’i me tog kha ma bye ba rlog par byed na ltuṅ byed du ’gyur ro || dge sloṅ gis śiṅ ljon pa’i me tog kha bye ba rlog par byed na ñes byas su ’gyur ro || dge sloṅ gis śiṅ ljon pa’i ’bras bu ma smin pa rlog par byed na ltuṅ byed du ’gyur ro || dge sloṅ gis śiṅ ljon pa’i ’bras bu smin pa rlog par (5) byed na ñes byas su ’gyur ro || dge sloṅ gis ña lci bas ’byin par byed na ji srid du chu nas skam la ’don par mi byed kyi bar du ñes byas su ’gyur ro || chu nas skam la ’don par byed na ltuṅ byed du ’gyur ro || dge sloṅ gis ña tshaṅ ’don par byed na ji srid du chu nas skam la ’don par mi byed kyi bar du ñes byas su (6) ’gyur ro || chu nas skam la ’don par byed na ltuṅ byed du ’gyur ro || dge sloṅ gis śa mo ’thog par byed na ñes byas su ’gyur ro || dge sloṅ gis pha ba gol gol ’thog par byed na ñes byas su ’gyur ro || dge sloṅ gis rdza ma’am | phru ba’am | ril ba’am | gos sam | gos kyi gdaṅ la rlam (7) chags pa bskyod par byed na ñes byas su ’gyur ro || ruṅ bar byas te spyod pa la ni ltuṅ ba med do || las daṅ po ba daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || sa bon daṅ skye ba ’jig pa’i ltuṅ byed de bcu gcig pa rdzogs s+ho || ||

Volume ja
(1a1) || ’dul ba rnam par ’byed pa | bam po bźi bcu rtsa gsum pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00c83d2f-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display