Bibliotheca Polyglotta

[Pāyantika 69]
saṅs rgyas bcom ldan ’das rgyal po’i khab na ’od ma’i tshal ka lan ka’i gnas na bźugs so || de’i tshe tshe daṅ ldan pa gyad du nor rgyal po’i khab na bya rgod phuṅ po’i ri la ’dug ste | de daṅ ha caṅ mi riṅ ba na rdziṅ bu rdo rtsigs can źes bya ba ’dug pa de’i ’gram (3) na tshe daṅ ldan pa gyad bu nor ñin mo gnas par byed do || gaṅ gi tshe ut+pa la’i mdog dge ba’i bśes gñen tshe daṅ ldan pa maud gal gyi bu chen po la brten te legs par gsuṅs pa’i chos ’dul ba la rab tu byuṅ źiṅ dgra bcom pa rnam par rgyal bar bya ba las rnams par rgyal bar (4) gyur pa de’i tshe na de śes nas daṅ ba daṅ ldan pas bcom ldan ’das daṅ | dge sloṅ gnas brtan gnas brtan rnams la yaṅ daṅ yaṅ du blta ba’i phyir ’gro źiṅ lhag par yaṅ tshe daṅ ldan pa gyad bu nor la ’di ’di ltar dgra bcom pa rnam par rgyal bar bya ba las rnam par rgyal bar (5) kyaṅ bsam gtan daṅ | rnam par thar pa daṅ | tiṅ ṅe ‘dzin la sñoms par ’jug pa’i bde ba dag spaṅs te dge ’dun gyi chos daṅ ldan pa’i źal ta’i las dag la brtson par gyur pa ni dka’ ba byed pa yin no sñam nas yaṅ daṅ yaṅ du de lta ba’i phyir ’gro’o || de dus (6) gźan źig na bcom ldan ’das daṅ | dge sloṅ gnas brtan gnas brtan rnams kyi źabs la phyag ’tshal nas | tshe daṅ ldan pa gyad bu nor ga la ba der soṅ ste phyin nas tshe daṅ ldan pa gyad bu nor gyi rkaṅ pa gñis la mgo bos phyag ’tshal te chos mñan pa’i phyir mdun du ’dug go || (7) de’i tshe na dge sloṅ mdza’ bo daṅ | sa las skyes gñis kyis phyag dar khrod cig rñed ciṅ de gñis tshe daṅ ldan pa gyad bu nor daṅ tshe rabs su kho na byuṅ ste rtag tu klan ka tshol bal brtson pa yin pas mdza’ bos smras pa | sa las skyes phyag dar khrod rñed pa ’di gaṅ du ’khrur (277a1) gźug | sa las skyes kyis smras pa | rdziṅ bu rdo rtsigs can ni rgyun lugs ñuṅ źiṅ ñen kor gtsaṅ ba yin pas der ’doṅ ṅo || de gñis phyag dar khrod khyer te rdziṅ bu rdo rtsigs can du doṅ nas de gñis kyis phrag dar khrod der ’khrur bcug nas ñi ma btiṅ ste ’khod (2) ṅo || de’i tshe na tshe daṅ ldan pas ba gyad bu nor kyi chos gos gyi grwa rluṅ gis bskyod nas dge sloṅ ma ut+pa la’i mdog gi mgo la reg go || de mdza’ bos mthoṅ nas des smras pa | sa las skyes gyad bu nor ’di la dge sloṅ ma ut+pa la’i mdog daṅ lhan cig lus kyis reg pa’i dge ’dun lhag ma byuṅ gis (3) ’doṅ la dge sloṅ rnams la brjod par bya’o || sa las skyes kyis smras pa | tshe daṅ ldan pa mdza’ bo de’i tshe yaṅ re źig bdag cag gñis gnas nas dbyuṅ ba’i las byas na ci da yaṅ gnas nas dbyuṅ ba’i las byas na ci da yaṅ gnas nas dbyuṅ ba’i las byed du ’jud par ’dod dam | mdza’ bos smras pa | tshe daṅ ldan pas las (4) skyes de’i tshe na ni yaṅ dag par ma yin pas yin gyi | da ni yaṅ dag pas yin te | bcom ldan ’das kyis lan bu źes bya ba ni skra dag daṅ de daṅ ’brel ba’i gos yin no źes ma gsuṅs sam | tshe daṅ ldan pa ’di la brdzun du smra ba ga la yod kyis tshur śog ’doṅ la dge sloṅ rnams la (5) brjod par bya’o || sa las skyes de mdza’ bos bslus pa na btub par gyur nas | de gñis gtsug lag khaṅ du doṅ ste dge sloṅ rnams la smras pa | tshe daṅ ldan pa dag ’di ltar bdag cag gñis kyis tshe daṅ ldan pa gyad bu nor la dge sloṅ ma ut+pa la’i mdog daṅ lhan cig lus kyis (6) reg pa’i dge ’dun lhag ma byuṅ ba mthoṅ ste | ’di la bdag cag gñis gaṅ gi dad pa ’am | yid ches pas ’gro bar bya | dge sloṅ rnams kyis smras pa | tshe daṅ ldan pa gñis ci khyed gñis lha daṅ mi rnams gcig tu yoṅs su btaṅ źiṅ sems can dmyal ba daṅ | yi dgas daṅ || (7) dud ’gro rnams su gcig tu gnas sam | ci na dge sloṅ dgra bcom pa rnam par thar pa brgyad la bsam gtan pa mi’i bla ma’i rdzu ’phrul gyi cho ’phrul rnam par ston pa de la khyed gñis gźi med pa’i dge dun lhag ma’i chos kyis skur pa ’debs par byed | de gñis kyis smras (277b1) pa | tshe daṅ ldan pa dag de ni bdag cag gñis kyis ma ñes kyi ’di ltar bdag cag gñis kyi mig dag gis mthoṅ bas mig dbyuṅ bar bya graṅ | bcom ldan ’das kyis de gñis la ci źig mthoṅ | ji ltar mthoṅ | gaṅ du mthoṅ | khyed gñis don mi la der son pas der mthoṅ źes legs (2) par rab tu gleṅ bar gyis śig brtag par gyis śig ces bka’ stsal pas | dge sloṅ rnams kyis de gñis la ci źig mthoṅ | ji ltar mthoṅ | gaṅ du mthoṅ | khyed gñis ci’i phyir der son pas der mthoṅ źes legs par rab tu gleṅs śiṅ brtags so || dge sloṅ rab tu maṅ po (3) dag gis legs par rab tu gleṅs śiṅ brtags pa na | de gñis kyis smras pa | tshe daṅ ldan pa dag tshe daṅ ldan pa gyad bu nor la dge sloṅ ma ut+pa la’i mdog daṅ lhan cig lus kyis reg pa’i dge ’dun lhag ma ma byuṅ ste ’di ltar bdag cag gñis kyis tshe daṅ ldan pa gyad bu nor (4) la ’dun pas smras | źe sdaṅ daṅ | gti mug daṅ | ’jigs pas smras so || dge sloṅ don ñuṅ ṅu dag ci’i phyir dge sloṅ dag pa ltuṅ ba med pa la gźi med par dge ’dun lhag ma’i chos kyis skur pa ’debs par byed ces smod par byed | phyar ka gtoṅ bar byed | (5) kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni (6) mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis mdza’ bo daṅ | sa las skyes gñis la rmas pa | dge sloṅ dag khyed gñis khros śiṅ źe sdaṅ bar gyur nas dge sloṅ dag pa ltuṅ ba med pa la gźi med par dge ’dun (7) lhag ma’i chos kyis skur pa ’debs pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa yin pa de ni rab tu byuṅ bas bya ba ma yin no źes rnam pa mdzad do || (278a1) de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (2) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khros śiṅ źe sdaṅ bar gyur nas dge sloṅ dag pa ltuṅ ba med pa la gźi med par dge ’dun lhag ma’i chos kyis skur na ltuṅ byed do || yaṅ dge sloṅ gaṅ źes bya ba ni mdza’ (3) po’am | sa las skyes sam | gźan yaṅ de lta bu gaṅ yin pa’o || khros śiṅ źes bya ba ni ’khrugs śiṅ ṅo || źe sdaṅ bar gyur nas źes bya ba ni yid mi dga’ bar gyur nas te | ’khrubs pa ma gsal bar ro || dge sloṅ dag pa źes bya ba ni tshe daṅ ldan pa gyad bu nor ram | gźan (4) yaṅ de lta bu gaṅ yin pa’o || ltuṅ ba med pa la źes bya ba ni gźi de’i ltuṅ ba med pa la’o || gźi med par źes bya ba ni gźi gsum po mthoṅ ba’i gźi daṅ || thos pa’i gźi daṅ | dogs pa’i gźi med par ro || dge ’dun lhag ma’ichosa kyis źes bya ba ni bcu gsum po gaṅ yaṅ (5) ruṅ ba ste | de ni chos ma yin pa chos kyi sgrar gsuṅs pa yin no || skur na źes bya ba ni skur pa ’debs na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ || ṅan ’gro daṅ || log par ltuṅ ba dag tu sreg par byed | ’tshod par byed ltuṅ (6) par byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | gaṅ zag dag pa la skur pa ’debs pa la gźi bcus ni ltuṅ bar ’gyur (7) la | gźi lṅas ni ltuṅ bar mi ’gyur ro || ji ltar gźi bcus ltuṅ bar ’gyur źe na | des ma mthoṅ ba daṅ | mthos pa daṅ | mi dogs par des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ṅo || bdag (278b1) gis thos so || bdag dogs so źes zer na brjod do cog ltuṅ byed du ’gyur ro || des thos la de yaṅ brjod pa daṅ | de dogs la de yaṅ brjed bźin du des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis thos te (2) de yaṅ ma brjed do || bdag dogs te de yaṅ ma brjed do źes zer na brjod do źes zer na brjod do cog ltuṅ byed du ’gyur ro || thos pa la yid ches nas bdag gis mthoṅ ṅo źes zer ba daṅ | thos pa la yid ma ches par bdag gis mthoṅ ṅo źes zer ba daṅ | thos pa la dogs pa na bdag gis mthoṅ ṅo (3) źes zer ba daṅ | thos pa la mi dogs pa na bdag gis mthoṅ ṅo źes zer ba daṅ | dogs pa la dogs pa na bdag gis mthoṅ ṅo źes zer na brjod do cog ltuṅ byed du ’gyur te | de ltar gźi bcug ltuṅ byed du ’gyur ro || ji ltar gźi lṅas ltuṅ bar mi ’gyur źe na | des ma mthoṅ (4) ba daṅ | ma thos pa daṅ | mi dogs pa la des ’du śes ma bsgyur ciṅ bzod pa daṅ | ’dod pa daṅ | bla gros daṅ | rtog pa daṅ | lta ba ma bsgyur par ’di skad ces bdag gis mthoṅ ṅo | thos so | dogs so źes zer na ltuṅ bar mi ’gyur ro || des thos la de yaṅabarjeda pa daṅ | (5) de dogs la de yaṅabarjeda pa la des ’du śes ma bsgyur ciṅ bzod pa daṅ | ’dod pa daṅ | blo gros daṅ | rtogs pa daṅ | lta ba ma bsgyur bar ’di skad ces bdag gis thos te de yaṅ brjed do || bdag dogs te de yaṅ brjed do || źes zer na ltuṅ bar mi ’gyur te | de ltar gźi lṅas ltuṅ (6) bar mi ’gyur ro || ji ltar gaṅ zag dag pa la skur pa ’debs pa la gźi bcus ltuṅ bar ’gyur la | gźi lṅas ltuṅ bar mi ’gyur ba de bźin du gaṅ zag dag pa ma dag pa ltar bcos pa la skur pa ’debs pa la yaṅ gźi bcus ltuṅ bar ’gyur la | gźi lṅas ltuṅ bar mi ’gyur ro || (7) gaṅ zag ma dag pa la skur pa ’debs pa la ni gźi bcu gcig gis ltuṅ bar ’gyur la | gźi drug gis ltuṅ bar mi ’gyur ro || ji ltar gźi bcu gcig gis ltuṅ bar ’gyur źe na | des ma mthoṅ ba daṅ | ma thos pa daṅ | mi dogs pa la des ’du śes bsgyur ciṅ bzod pa daṅ | (279a1) ’dod pa daṅ || blo gros daṅ | rtog pa daṅ | lta ba bsgyur te ’di skad ces bdag gis mthoṅ ṅo || bdag gis thos so || bdag dogs sa || źer zer na brjod do cog ltuṅ byed du ’gyur ro || des mthoṅ la de yaṅ brjed pa daṅ des thos la des thos la de yaṅabarjeda pa daṅ | de dogs la de yaṅ (2) brjed pa la des ’du śes bsgyur cig bzod pa daṅ | ’dod pa daṅ | blo gros daṅ | lta ba bsgyur te ’di skad ces bdag gis mthoṅ ste de yaṅ ma brjod do || bdag gis thos te de yaṅ ma brjed do || bdag dogs te de yaṅ ma brjed do || źes zer na brjod do cog ltuṅ byed du (3) ’gyur ro || thos pa la yin tshas nas bdag gis mthoṅ ṅo źes zer ba daṅ | thos pa la yid ma ches par bdag gis mthoṅ ṅo źes zer ba daṅ | thos pa la dogs pa na bdag gis mthoṅ ṅo źes zer ba daṅ | thos pa la mi dogs pa na bdag gis mthoṅ ṅo źes ba daṅ | dogs pa la dogs (4) pa na bdag gis mthoṅ ṅo źes zer na brjod do cog ltuṅ byed du ’gyur te | de ltar gźi bcu gcig gis ltuṅ bar ’gyur ro || ji ltar gźi drug gis ltuṅ ba med par ’gyur źe na | des ma mthoṅ ba daṅ | ma thos pa daṅ | mi dogs pa la des ’du śes ma bsgyur ciṅ bzod pa daṅ | ’dod pa (5) blo gros daṅ | rtog pa daṅ | lta ba ma bsgyur bar ’di skad ces bdag gis mthoṅ ṅo || thos so dogs so źes zer na ltuṅ bar mi ’gyur ro || des mthoṅ la de yaṅ brjed pa daṅ | des thos la de yaṅ brjed pa daṅ | de dogs la de yaṅ brjed pa la des ’du śes ma bsgyur ciṅ bzod pa daṅ | ’dod (6) pa daṅ | blo gros daṅ | rtog pa daṅ | lta ba ma bsgyur bar ’di skad ces bdag gis mthoṅ ste de yaṅ ma brjed do || bdag gis thos te de yaṅ ma brjed do || bdag dogs te de yaṅ ma brjed do || źes zer na ltuṅ bar mi ’gyur te | de ltar gźi drug gis ltuṅ bar mi ’gyur ro || ji ltar gaṅ zag ma (7) dag pa la skur ba ’debs pa la gźi bcu gcig gis ltuṅ bar ’gyur la | gźi drug gis ltuṅ bar mi ’gyur ba de bźin du gaṅ zag ma dag pa dag pa ltar bcos pa la skur pa ’debs pa la yaṅ gźi bcu gcig gis ltuṅ bar ’gyur la | gźi drug gis ltuṅ bar mi ’gyur ro || dril bsgrags (279b1) pa la ni ltuṅ ba med do || ṅos la ri mor bris pa phan cad la yaṅ ltuṅ ba med do || ji ltar bdag gis śes pa de bźin du ’jig rten thams cad kyis kyaṅ śes so sñam na’o || las daṅ po pa daṅ | smyos pa daṅ sems ’khrugs pa daṅ | tshor ba dag gis ñen pa la ltuṅ ba med do || skur pa ’debs (2) pa’i ltuṅ byed de drug bcu rtsa dgu pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0137f82e-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display