Bibliotheca Polyglotta

[Pāyantika 80]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun (5) dga’ ra ba na bźugs so || ri brags śig na bram ze źig ’dug pa des mñan yod pa’i bu mo źig bag mar blaṅs nas | de de daṅ lhan cig rtse bar byed | dga’ bar byed | dga’ mgur spyod par byed do || de la bu mo źig byuṅ nas de bsriṅs śiṅ bskyed de chen mor gyur to || (6) bram ze de la re źig mñan yod du bya ba źig byuṅ nas des śiṅ rta bcas te ’phags pa daṅ | bu mo des mthoṅ nas des smras pa | yab gar bźud | bram zes smras pa | bu mo mñan yod du’o || bu mos smras pa | yab bdag kyaṅ mchi’o || bram zes smras pa | bu mo khyod (7) da mchog thob pa yin pas khyod kyi lag pa ’am rkaṅ pa la ’ga’ źig gis reg par gyur na | bdag cag la mi sñan par ’gyur gyis khyod ’di ñid na ’dug śig | bu mo des du bar brtsams pa daṅ | bram ze mos smras pa | bu mo ci’i phyir du | bu mos smras pa | yab (37a1) mñan yod du bźud na | bdag der khrid par mi bźed do || bram ze mos smras pa | rje’i sras bu mo yaṅ khrid cig daṅ ñe du dag mthoṅ bar ’gyur ro || bram zes smras pa | bu mo da mchog thob par ’gyur bas ’di’i lag ba’am | rkaṅ pa la ’ga’ źig gis (2) reg par gyur na bdag cag la mi sñan par ’gyur gyis ’di ñid du źog śig | bram ze mos smras pa | rje’i sras daṅ thabs cig mchis na legs par sbas pa daṅ | legs par bsruṅs par ’gyur ro || bram ze des bu mo de śiṅ rtar bcug ste ’phags pa daṅ | bu mo de (3) ltad mo’i raṅ bźin can yin pas pha la dris pa | yab ’di su’i kun dga’ ra ba lags | ’di su’i rdziṅ bu lags | ’di su’i lha khaṅ lags | ’di su’i skyes mos tshal lags | ’di su’i khron pa lags | ’di su’i gtsug lag khaṅ lags | bram zes smras pa | (4) bu mo ’di ni śākya ’i bu’i dge sbyoṅ rnams kyi bsti gnas yin no || bu mos smras pa | yab ltar mchi’o || bram zes smras pa | bu mo bsti gnas ’di na rigs sna tshogs daṅ | rus sna tshogs las rab tu byuṅ ba dag ’khod pas khyod kyi lag pa’am rkaṅ pa la ’ga’ źig gis (5) reg par gyur na bdag cag la mi sñan par ’gyur gyis | tshur śog ’doṅ ṅo źes de ’phags pa daṅ | ji tsam na groṅ bar de ñid nas bram ze daṅ khyim bdag gi chuṅ ma rab tu maṅ po gtsug lag khaṅ lta ’dod pa dag mñan yod kyi phyi rol du byuṅ ba de dag gis bram ze de mthoṅ (6) nas de dag gis smras pa | snam zuṅs byon pa legs so || byon pa legs so || khyod yun riṅ mo riṅ mo źig gis gar bźud | bram zes smras pa | kho bo khyod cag ñid ltar ’oṅs na khyod cag gar ’doṅ | rgyal byed kyi tshal du gtsug lag khaṅ ltar mchi’o || sru cag tsha mo (7) ’di yaṅ khrid de deṅ la | ’di la yaṅ gtsug lag khaṅ ston cig | bu mo de yaṅ de dag daṅ lhan cig rgyal byed kyi tshal du soṅ ṅo | drug sde dag gi kun du spyod pa ni ’dir bdag cag gis bram ze daṅ khyim bdag ’oṅs śiṅ lhags pa rnams la yaṅ chos bstan par bya || rgol ba (37b1) dag kyaṅ tshar gcad par bya | raṅ gi grags pa yaṅ bsgrags par bya’o sñam pas drug sde dag las gaṅ yaṅ ruṅ bas rgyal byed kyi tshal gyi sgo stoṅ par mi ’jog pas | tshe daṅ ldan pa ’char ka nas par sṅar laṅs te so śiṅ bor nas snam sbyar dmar ser gyon te || rgyal byed kyi tshal (2) gyi sgo na ’chag ciṅ ’dug go | drug sde dag gis groṅ khyer chen po drug po dag na ’khod pa’i mi rnams ’di lta ste | rigs las sam | rus las sam | rgyud las sam | miṅ las sam | gzugs las sam | bzo las sam | ’tsho ba las mi śes pa’am | ma mthoṅ (3) ba’am | ma thos pa’am | ma rig pa’am | rnam par mi śes pa ’ga’ yaṅ med pas tshe daṅ ldan pa ’char kas bram ze daṅ khyim bdag gi chuṅ ma rab tu maṅ po de dag thag riṅ po kho na nas mthoṅ ste | mthoṅ nas kyaṅ ’di skad ces smras so || che ge mo’i ma | che ge mo’i chuṅ ma | (4) che ge mo’i mna’ ma | che ge mo’i bu mo | che ge mo’i sriṅ mo ’oṅs pa legs so || ’oṅs pa legs so || khyed cag ci’i phyir yun riṅ mo riṅ mo nas zla ba ltar rgyu bar byed | de dag gis smras pa | btsun pa ’char ka bcom ldan ’das kyis mi khom pa brgyad ni gaṅ zag gi tshaṅs (5) par spyad pa’i dus ma lags so źes legs par gsuṅs na | bdag cag ni ’di lta ste | khyim gyi ’du ’dzi daṅ ldan pas mi khom pa dgu pa lags so || ’char kas smras pa | sriṅ mo dag khyed kyis ’ga’ źig gis ’di skad ces | dug can la sogs rgyal po yis || (6) bya ba dag ni ma byas par | de dag ñid daṅ bya ba rnams | źig pa ñid du gyur pa yin | bya ba de dag ñid kyaṅ ni | yoṅs su rdzogs par ma gyur par | ’jig rten dgra bo ’chi bdag de | ’oṅ ba ñid ’gyur ba yin || źes smras pa ma thos sam || de dag gis smras (7) pa | btsun pa ’char ka de’i slad du bcag cag skyed mos tshal du mchis te rgyal byed kyi tshal du ’jug pa daṅ | gtsug lag khaṅ blta ba daṅ | bcom ldan ’das daṅ dge sloṅ gnas brtan gnas brtan rnams kyi źabs la phyag ’tshal ba’i slad du mchis pa lags so | (38a1) ’char kas smras pa | sriṅ mo dag gal te khyed cag de’i phyir ’oṅs na | bcom ldan ’das kyis kyaṅ sñiṅ po med pa’i lus las sñiṅ po blaṅ bar bya’o źes gsuṅs pas legs so legs so || sriṅ mo dag de ni mjal gyis ’di ltar ltad mo ji ltar blta ba dri bar bya’o | (2) sriṅ mo dag khyed cag gaṅ du ’jug par byed || btsun pa ’char ka bdag cag kun dga’i ra bar ’jug ciṅ gtsug lag khaṅ blta bar ’tshal lo || sriṅ mo dag bcom ldan ’das kyis || mkhas pa gaṅ źig rab tu sems dad pas || saṅs rgyas mchod rten dag la gom (3) ’dor na || ’dzam bu chu bo gser gyi sruṅ tshad ni || stoṅ phrag brgya yaṅ de daṅ mñam pa mi na || źes gsuṅs pas de yaṅ legs so || sriṅ mo dag khyed kyis gaṅ khyed cag la gtsug lag khaṅ ston par byed pa’i dge sloṅ ’ga’ źig btsal tam | ’phags pa ci bdag cag sgron (4) ma sug pa na thogs bźin du źugs gźan du ’tshol lam | btsun pa ’char ka spaṅs te dge sloṅ gźan ga la tshol | khyod pas gźan khyad par du ’phags pa su źig mchis kyis khyod ñid kyis bstan du gsol | de nas tshe daṅ ldan pa ’char ka ’di sñam du sems te | gal te ’di (5) dag gdug la khaṅ bstan par bya na ni bdag gi dge ba’i phyogs yoṅs su ñams par yaṅ ’gyur || gal te bstan par mi bya na ni tshig pa’i bsod sñoms kyaṅ ster bar mi ’gyur la | bcom ldan ’das kyis kyaṅ ma dad pa rnams dad pa phun sum tshogs pa yaṅ dag par ’dzin du (6) gźug par bya | gdul bar bya | gzuṅ bar bya | rab tu dgod par bya’o źes gsuṅs pas | de’i phyir ’di dag dge ba la ṅes par sbyar bar byas | rnam pa thams cad du bstan par bya’o sñam du rig nas des me tog daṅ | bdug spos la sogs pa mchod pa sna tshogs thogs (7) te phog por yig tu blaṅs nas go rims ji lta ba bźin du bstan par brtsams te | sriṅ mo dag ’di ni bcom ldan ’das kyi dri gtsaṅ khaṅ ste | gaṅ du bcom ldan ’das ñid lan gsum mtshan lan gsum saṅs rgyas kyi spyan gyis ’jig rten la rnam par gzigs nas gaṅ ni (38b1) ñams par gyur | gaṅ ni ’phel bar gyur | gaṅ ni gnod par gyur || gaṅ ni ñam ṅa bar gyur || gaṅ ni mi bde bar gyur | gaṅ ni gnod pa daṅ ñam ṅa ba daṅ mi bde bar gyur || gaṅ ni ṅan sog la gźol | gaṅ ni ṅan soṅ la ’bab | gaṅ ni ṅan soṅ la bab | gaṅ ni (2) ṅan soṅ gi ’dam nas bslaṅ ste mtho ris daṅ | thar pa daṅ ’bras bu la gźag par bya | ’dod pa’i ’dam du byiṅ ba gaṅ gi lag nas ni draṅ bar bya | ’phags pa’i nor gyi dbyig daṅ bral ba gaṅ ni ’phags pa’i nor gyi dbaṅ phyug la gźag par bya | gaṅ gi saṅs rgyas (3) ’byuṅ bas brgyan pa’i ’jig rten ni ’bras bu daṅ bcas par bya | gaṅ gi dge ba’i rtsa ba dag ma bskyed pa ni bskyed par bya | dge ba’i rtsa ba dag bskyed pa gaṅ ni yoṅs su smin par bya | yoṅs su smin pa gaṅ ni rnam par grol bar bya źes mkhyen pa daṅ gzigs pa ’jug ciṅ ’di ltar (4) chu srin gnas kyi du can pa | dus las ’da’ bar ’gyur srid kyi | saṅs rgyas gdul la byams pa ni || dus las ’da’ bar mi ’gyur ro || ji ltar ma ni bu sdug gcig pu la | rtog ciṅ de srog sruṅ bar byed pa ltar | de bźin gśegs pa’aṅ gdul ba’i skye bo la (5) rtog par mdzad ciṅ de srog sruṅ bar mdzad | kun mkhyen rgyud la mṅa’ ba’i thugs rje yi | bźon ma gdul ba’i be’u tshol mi skyo ste | srid daṅ ṅan ’gros ñams la byams pa ni | rab ñams be’u la byams pa’i ba bźin no || źes bya ba ’jug pa bcom ldan (6) ’das de bźin gśegs pa dgra bcom pa yaṅ dag par rdzogs pa’i saṅs rgyas stobs bcu’i stobs daṅ ldan pa | mi ’jigs pa bźis bsñeṅs pa mi mṅa’ ba | khyu mchog rlabs po che’i gnas su dam ’cha’ ba | ’khor gyi naṅ du seṅ ge’i sgra yaṅ dag par sgrog pa (7) gaṅ yin pa de’i yin gyis ’di’i źabs la phyag dag ’tshol cig | ’di ni tshe daṅ ldan pa kun śes kauṇ+ḍi n+ya’i gtsug lag khaṅ ste | bcom ldan ’das kyis ’jig rten mi śes pa’i mun pa daṅ | ’dren pa med pa daṅ | yoṅs su ’dren pa med pa na de’i daṅ por ye śes (39a1) kyi mig sman gyi thur mas gaṅ gi chos kyi mig rnam par sbyaṅs pa bcom ldan ’das kyis gnas brtan rnams daṅ | rgyal tshab lta bu rnams daṅ | yun riṅ po nas rab tu byuṅ ba rnams daṅ | tshaṅs par spyod pa mṅon par spyod pa rnams daṅ | snam sbyar gyi rgyal mtshan (2) thogs pa rnams kyi mchog tu luṅ bstan pa gaṅ yin pa gaṅ gi rgyud la de’i daṅ por bcom ldan ’das kyis ’jig rten du dge sbyoṅ dam | bram ze’am | lha’am | bdud dam | tshaṅs pa’am | sus kyaṅ chos daṅ mthun bar bskor mi nus pa chos daṅ ldan pa’i chos kyi ’khor lo skye (3) bo mad po’i don daṅ | skye bo mad po la phan pa daṅ | bde ba daṅ | ’jig rten la rjes su thugs brtse ba daṅ | lha daṅ mi rnams kyi don daṅ | phan pa daṅ bde ba’i phyir lan gsum du bzlas te rnam pa bcu gñis su bskor ba de’i yin gyis || ’dar yaṅ źabs la phyag dag (4) ’tshol cig | ’di ni tshe daṅ ldan pa ’od sruṅ chen po’i gtsug laṅ khaṅ ste | bram ze śiṅ sāla chen po lta bu rmon pa dor stoṅ du gcig gis mchod pa spaṅs te rab tu byuṅ ba | dbyig bye ba phrag drug bcu daṅ ldan pa | gser gyi nas baṅ chuṅ brgyad bcu bdog pa | bran gyi groṅ (5) bcwa brgyad bdog pa | sbyor ba’i groṅ bcu drug bdog pa | ser skya bzaṅ mo lus gser bas lhag pa daṅ ldan pa mchil ma’i thal ba smin pa ltar spaṅs te | mtshan mo’i thun tha ma la ras sbyar ma’i snam sbyar rin thaṅ ’bum ri ba thogs te ’jig rten na dgra bcom pa gaṅ dag (6) bźugs pa de dag gi phyir rab tu byuṅ ba || bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug pa bskyed pa’i phyir nags na brten pa gaṅ yin pa | gaṅ mthoṅ na spos kyi glaṅ po che dag kyaṅ rgyags pa daṅ bral bar ’gyur ba | gaṅ gis bu maṅs (7) kyi mchod rten du ston par khas blaṅs nas dge sloṅ gi sdom pa thob pa | bcom ldan ’das kyis kyaṅ dge sloṅ dag ṅa’i ñan thos kyi dge sloṅ ’dod pa chud ba | chos śes pa | sbyaṅs pa’i yon tan smra ba rnams kyis naṅ na mchog ni ’di yin te | ’di lta ste | dge sloṅ ’od sruṅ (39b1) chen po’i źes gsuṅs śiṅ bcom ldan ’das kyis rjes su bsṅags pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa śā ri’i bu’i gtsug lag khaṅ ste | mchog thob pa’i bu gaṅ yin pa | gaṅ lo brgyad gñis su dbaṅ po’i brda (2) sprod pa bklags pa | rgol ba thams cad tshar bcad pa | bcom ldan ’das kyi bstan pa la rab tu byuṅ nas | bcom ldan ’das kyis śes rab chen po rnams daṅ | spobs pa chen po rnams kyi mchog tu bstan pa gaṅ yin pa | bcom ldan ’das kyis ’jig rten thams (3) cad gaṅ gi cha bcu drug par bźag ciṅ | bcom ldan ’das kyis | de bźin gśegs pa ma gtogs par || ’jig rten kun gyi śes rab gaṅ | śā ri’i bu yi śes rab kyi || bcu drug char yaṅ mi chog go | gal te lhar bcas ’jig rten ’di || śā ri’i bu (4) daṅ mñam gyur pas || de bźin gśegs pa’i śes rab kyi || bcu drug char yaṅ mi chog go || źes gsuṅs pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa maud gal gyi bu chen po’i gtsug lag khaṅ ste | mdun (5) na ’don gyi bu cod pa na med pa’i rgyal srid spaṅs te rab tu byuṅ ba gaṅ yin pa gaṅ gis lha’i dbaṅ po brgya byin gyi khaṅ bzaṅs rnam par rgyal byed rkaṅ pa g-yas pa’i mthe bos lan gsum du bsgul | kun du bsgul | kun du rab tu bsgul ba gaṅ gi rdzu ’phrul gyis bcom (6) ldan ’das ’jig rten gyi khams ’od zer can du ñin mtshan bdun gyis gśegs pa | bcom ldan ’das kyis rdzu ’phrul chen po rnams daṅ | mthu chen po rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni (7) tshe daṅ ldan pa ma ’gags pa’i gtsug laṅ khaṅ ste | mi skal ba bzaṅ po las rab tu byuṅ ba gaṅ yin pa bcom ldan ’das kyi yab kyi mched kyi sras gaṅ gi miṅ yaṅ dag par bsgrags pas | tshoṅ pa dag rgya mtsho chen po nas bźon pa’i snod legs par grub ciṅ ’oṅ bar (40a1) ’gyur ba bcom ldan ’das kyis lha’i mig can rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa kun dga’ bo’i gtsug lag khaṅ ste | yun riṅ po nas bcom ldan ’das kyi bsñen (2) bkur ba gaṅ yin pa saṅs rgyas bcom ldan ’das kyi źabs ’briṅ na ñer bar spyod pa | ston pas yaṅ dag par bsṅags pa | tshaṅs pa mtshuṅs par spyod pa | mkhas pa rnams kyis yaṅ dag par bkur ba gaṅ yin pa bcom ldan ’das kyi yab kyi mched kyi sras las rab tu byuṅ (3) ba bcom ldan ’das kyis maṅ du thos pa rnams daṅ | thos pa ’dzin pa rnams daṅ | thos pa bsags pa rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol cig | ’di ni tshe daṅ ldan pa mdzes dga’i gtsug lag khaṅ ste | bcom (4) ldan ’das kyi gcuṅ po sru’i sras las rab tu byuṅ ba gal te rab tu ma byuṅ na stobs kyi ’khor los sgyur ba’i rgyal por ’gyur ba | bcom ldan ’das kyis dbaṅ po dag gi sgo bsdams pa rnams kyi mchog tu bstan pa gaṅ yin pa de’i yin gyis ’dir yaṅ źabs la phyag dag ’tshol (5) cig | ’di ni tshe daṅ ldan pa sgra can zin gyi gtsug lag khaṅ ste | bcom ldan ’das kyi sras las rab tu byuṅ ba | gal te rab tu ma byuṅ na mthu daṅ ldan pa’i rgyal por ’gyur ba gaṅ yin pa gaṅ rab tu byuṅ na rgyal po maṅ pos bkur gyi rgyud gcig nas gcig tu rgyud pa yaṅ (6) dag par rgyun chad pa | bcom ldan ’das kyis bslab pa ’dod pa rnams daṅ | bslab pa la gus pa rnams daṅ | bslab pa la yo byad bsñuṅs pa thob pa rnams kyi mchog tu bstan pa gaṅ yin gyis ’dir yaṅ źabs la phyag dag ’tshol cig | ’di ni tshe daṅ ldan (7) pa dga’ bo’i gtsug lag khaṅ ṅo | ’di ni ñe dga’i ’o || ’di ni ’dun pa’i ’o || ’di ni ’gro mgyogs kyi’o || ’di ni nab so’i’o || ’di ni kho bo’i gtsug lag khaṅ ṅo || ci ’di yaṅ lta bar byed dam | ’phags pa ci bdag cag gis gtsug lag khaṅ thams cad (40b1) bltas nas | gdod ’phags pa ’char ka’i gtsug lag khaṅ blta bar mi bgyi’am | bdag cag gis ’phags pa ’char ka’i gtsug lag khaṅ ’di da śin tu blta bar bgyi’o || sriṅ mo dag de bźin gyis śig | tshe daṅ ldan pa ’char ka de ’dod chags spyad pa yin pas (2) de’i gtsug lag khaṅ nas sa gźi mon sran gre’u’i phye mas bskus pa daṅ | rtsig pa bkra źiṅ ñe bar bkra ba daṅ | mal stan be’u phrug gi sñiṅ po can bśams pa daṅ | bum pa btuṅ bas bkaṅ pa bcu snod daṅ bcas pa bźag pa daṅ | skon pa’i naṅ na bca’ ba sna tshogs (3) kyis gaṅ ba dag yod do || che daṅ ldan pa ’char kas bram ze daṅ khyim bdag gi chuṅ ma rab tu maṅ po raṅ gi gtsug lag khaṅ du ’oṅs pa rnams la smras pa | sriṅ mo dag ci je khye’u sus bya’am | ’on te btuṅ ba ’thuṅ | ’phags pa ci chu kluṅ zlog phyogs su ’bab bam | (4) bdag cag gis ’phags pa la gsol bar bgyi pa gaṅ lags pa de ñid ’phags pas bdag cag la stsol tam | ’di ltar bdag cag la gaṅ dkon pa de stsol cig | sriṅ mo dag khyed cag la ci źig dkon | ’phags pa chos mñan pa’o || sriṅ mo dag bcom ldan (5) ’das kyis gnas drug po dag ’jig rten du byuṅ ba ni ṅo mtshar rmad du byuṅ ba yin te | drug po de dag gaṅ źe na | de bźin gśegs pa dgra bcom pa yaṅ dag par rdzogs pa’i saṅs rgyas daṅ | de bźin gśegs pas gsuṅs pa’i chos ’dul ba daṅ | mi ñid daṅ | (6) dbus pa’i gnas su skye ba daṅ | dbaṅ po ma tshaṅ ba med pa daṅ | dge ba’i chos la ’dun pa’o źes legs par gsuṅs pas de’i phyir khyed cag dge ba’i chos la ’dun pa skyes pa ’di ni saṅs rgyas ’byuṅ ba daṅ ’dra ste | legs so legs so || sriṅ mo dag ’khod cig (7) daṅ kho bos khyed la chos bstan par bya’o | de dag gis de’i rkaṅ pa gñis la phyag ’tshal te chos mñan pa’i phyir mdun du ’khod pa daṅ | des de dag la chos bstan par brtsams so || || ’dul ba rnam par ’byed pa | bam po drug bcu rtsa drug pa | bu (41a1) mo de yaṅ ltad mo’i raṅ bźin can yin pas ri mo lta źiṅ gźan du soṅ ṅo || de dag gis kyaṅ chos mñan nas | tshe daṅ ldan pa ’char ka’i rkaṅ pa gñis la phyag ’tshal te gtsug lag khaṅ nas byuṅ ṅo || bu mo des gźan dag byuṅ ba ma tshor nas sgo khaṅ de ñid na ri mo (2) lta źiṅ ’dug go | tshe daṅ ldan pa ’char kas de dag bskyal nas gtsug lag khaṅ du ’jug par brtsams pa daṅ | des bu mo de sgo khaṅ na ’dug pa mthoṅ nas des de la smras pa | bu mo khyod ma soṅ ṅam | des ’dzum phyuṅ ba daṅ ’char kas de la ’o byas te yan lag daṅ ñiṅ (3) lag dag mnams | kun du mnams so || bu mo de ṅu źiṅ phyir byuṅ nas pa’i gan du soṅ ste smras pa | yab bdag dge sbyoṅ ’char kas gźon nu ma daṅ bral bar bgyis so || bram ze des bsams pa | gal te da cuṅ zad smrar ni bdag gcig pu yin la | ’di dag (4) ni maṅ bas bdag la gnod pa byed par ’gyur ba gaṅ yin pa de lta bu’i gnas yod par gyur gyis | gaṅ du grogs rñed par gyur pa nar mda’ ba bzlog par bya’o sñam mo || rgyal byed kyi tshal daṅ mñan yod kyi bar na gnas kyi śiṅ ljon pa źig yod pa de’i druṅ na bram ze źig (5) bram ze’i khye’u lṅa brgya tsam bram ze’i gsaṅ tshig klog tu ’jug ciṅ ’dug nas | bram ze des de dag la smras pa | śes ldan dag dge sbyoṅ ’char kas kho bo’i bu mo gźon nu ma daṅ bral bar byas kyis | khyed cag kho bo’i tshaṅs pa mtshuṅs par spyod pa yin gyis grogs (6) gyis śig | bram ze dag ni yoṅs su mi rtog pa yin pas de dag dbyug pa dag thogs te der doṅ ṅo | tshe daṅ ldan pa ’char ka rgyal byed kyi tshal gyi sgo na ’chag ciṅ ’dug pa de de dag gis bzuṅ źiṅ bkri bar brtsams pa daṅ | de dag gis de bsgul bar yaṅ ma nus so || (7) bcom ldan ’das kyis gdul ba’i dus mkhyen nas de’i stobs dbri bar mdzad pa daṅ | de dag gis tshe daṅ ldan pa ’char ka phar draṅs tshur draṅs te khrid do || tshe daṅ ldan pa ’char kas bsams pa | bcom ldan ’das kyis bdag gnod pa daṅ | ñam ṅa ba daṅ | mi (41b1) bde ba byuṅ ba la mi dgoṅs sam sñam pa daṅ | bcom ldan ’das kyis dgoṅs pa ’di la gdams pa’i tha ma ni ’di yin pas khrid kyaṅ bla’o sñam du dgoṅs so | de nas bcom ldan ’das kyis ko sa lar byuṅ ba’i rgyal po gsal rgyal steṅ gi khaṅ bzaṅs kyi gźir gtogs pa na (2) gñid log ciṅ ’dug pa se gol gyi sgras sad par mdzad nas bka’ stsal pa | rgyal po chen po khyod kyis gya tshom du mi bya bar legs par brtag par bya’o źes go bar mdzad do || bcom ldan ’das kyis ko sa lar byuṅ ba’i rgyal po gsal rgyal steṅ gi khaṅ bzaṅs kyi gźir gtogs (3) pa na gñid log ciṅ ’dug pa lan gñis lan gsum du se gol gyi sgras sad par mdzad nas bka’ stsal pa | rgyal po chen po khyod kyis gya tshom du mi bya bar legs par brtag par bya’o źes go bar mdzad do || bram ze de dag gis kyaṅ tshe daṅ ldan pa ’char ka rgyal po’i pho braṅ gi (4) sgor khrid do || de nas rgyal po’i pho braṅ gi sgo na skye bo phal po che’i tshogs dag bram ze rnams kyis dge sbyoṅ ’char ka bzuṅ ste rgyal po’i sgor khrid de ’oṅs so źes sgra mthon po daṅ | sgra chen po ’byin to || ko sa lar byuṅ ba’i rgyal po gsal rgyal steṅ gi khaṅ bzaṅs kyi gźir (5) gtogs pa na gñid log pa skye bo phal po che’i sgra des sad nas | des źo śas ’tsho ba dag la smras pa | śes ldan dag ci’i phyir skye bo phal po che’i tshogs ’di dag sgra mthon po daṅ | sgra chen po ’byin par byed | de dag gis smras pa | lha btsun pa ’char ka daṅ | bram ze’i bu mo (6) źig daṅ | bram ze źig daṅ | bram ze’i khye’u lṅa brgya tsam rgyal po’i pho braṅ gi chab sgo na blag cor mchi źiṅ mchis so || ko sa lar byuṅ ba’i rgyal po gsal rgyal gyis bsams pa | bcom ldan ’das kyis ’di las dgoṅs nas bdag la rgyal po chen po khyod kyis gya tshom (7) du mi bya bar legs par brtag par bya’o źes bka’ stsal to sñam du rig go || mñan yod na chos ñid kyis gaṅ gi tshe rtsod pa chen po byuṅ ba de’i tshe na rṅa bo che rduṅ źiṅ duṅ sgril ma yaṅ ’bud par byed pas rgyal po gsal rgyal gyis źo śas ’tsho bar dag la bsgo ba | śes ldan dag (42a1) rṅa bo che yaṅ rduṅs śig | duṅ sgril ma yaṅ bus śig | de dag gis rṅa bo che brduṅs śiṅ duṅ sgril ma bus pa daṅ | rgyal po daṅ bcas pa’i ’khor ’dus par gyur to | rgyal po daṅ bcas pa’i ’khor ’dus par gyur to || rgyal pos smras pa | bram ze de daṅ btsun pa ’char ka naṅ du thoṅ śig | de gñis (2) naṅ du ’oṅs pa daṅ | rgyal pos bram ze de la smras pa | bram ze khyed ci zer | lha dge sbyoṅ ’char kas bdag gi bu mo gźon nu ma daṅ bral bar bgyis so || rgyal pos smras pa | btsun pa ’char ka bram ze ’di de skad mchi na khyod ci gsuṅ | lha bdag gis de la sdig (3) pa’i las ma bgyis so || rgyal pos blon po rnams la smras pa | śes ldan dag ’di ji ltar dpyad par bya | blon po rnams kyis smras pa | lha bcom ldan ’das kyis khyod ñid spobs pa can rnams kyi mchog tu bstan pa lags pas lha ñid kyi źal mchu ’di dgum du gsol | (4) rgyal pos smras pa | śes ldan dag ’di la ji ltar śes par bya | mig gi rnam par śes pas ni gzugs dag mthoṅ mod | btsun mo’i ’khor gyis ni bu mo brtag mod | bu mod btsun mo’i ’khor gyi naṅ du thoṅ la rtog tu chug śig | de dag gis bu mo de btsun mo’i ’kho (5) gyi naṅ du btaṅ ba daṅ | btsun mo phraṅ ldan mas su mo de paṅ par bsñal te smras pa | bu mo bden par smros śig | gal te khyod btsun pa ’char kas gźon nu ma daṅ bral bar byas na yaṅ de ni bram ze mdun na ’don gyi bu las rab tu byuṅ ba yin pas | khyod kyi khyim thab kyi thab kyi rir (6) ’bab par ’gyur ro | ’on te khyod phyugs cuṅ ma smras pa tshul khrims daṅ ldan pa yin na ni dge sloṅ la yaṅ dag pa ma yin pas skur na sems can dmyal ba chen por ’gro bar ’gyur ro | bu mo des smras pa | jo mo bdag des gźon nu ma daṅ bral bar ma bgyis te | ’di ltar (7) des ’o bgyis śiṅ yan lag daṅ ñiṅ lag dag mnams | kun du mnams so | btsun mo phreṅ ldan mas smras pa | bu mo khyod kyis don de tsam źig la rgyal po daṅ bcas pa’i ’khor kun du dkrugs so || ci pha dag kyaṅ bu mo dag la ’o byed ciṅ yan lag daṅ ñid lag dag la (42b1) nam | kun du mi nam mam | de nas bud med rgan mo rnams kyis bu mo de brtags na ji tsam na phyugs chud ma ñams par gyur nas | de dag gis rgyal po la smras pa | lha bu mo ’di phyugs chuṅ ma ñams so || rgyal pos blon po rnams la smras pa | śes ldan dag ’di la gaṅ (2) yus | blon po rnams kyis smras pa | lha btsun pa ’char ka yus so | rgyal bos smras pa | śes ldan dag deṅ la bram ze ’di rgya skyegs kyi khaṅ par chug la mes sregs śig | bu mo de yaṅ rte’u dmu rgod kyi rkaṅ pa gñis la thogs śig | bram ze’i khye’u lṅa brgya po de (3) dag kyaṅ lag pa daṅ rkaṅ pa dag chod cig | tshe daṅ ldan pa ’char kas smras pa | lha de gal te bdag las brten te sems ca de sñed cig chab stsal bar gyur na | don gyis lhas bdag bcom ldan ’das kyi bstan pa las phyuṅ lags so | rgyal pos smras pa | śes ldan (4) dag ’o na deṅ la bram ze’i khye’u lṅa brgya po de dag thoṅ la | bram ze ’di ni rgya skyegs kyi khaṅ par chug la mes sregs śig | bu mo de yaṅ rte’u dmu rgod kyi rkaṅ pa gñis la thogs śig | tshe daṅ ldan pa ’char kas smras pa | lha gal te bdag las brten te tha na grog ma (5) phra mo ’ga’ źiṅ la gnod par gyur na yaṅ | don gyis lhas bdag bcom ldan ’das kyi bstan pa las phyuṅ ba kho na lags so || rgyal pos blon po rnams la smras pa | śes ldan dag bcom ldan ’das kyi ñan thos ’dod chags daṅ ma bral na yaṅ so sor rtog pa’i stobs (6) la ltos | gal te bram ze dag gis btsun pa pa ’char ka thub par gyur na ni rdo gcig gis kyaṅ bsad par ’gyur ro || śes ldan dag deṅ la thams cad khye śig | de dgab khye nas gyes | rṅa brduṅs śiṅ yol bas bcad pa daṅ | skye bo phal po che’i tshogs dag so sor (7) gyes so || rgyal po daṅ | btsun mo phreṅ ldan ma daṅ | tshe daṅ ldan pa ’char ka gsum ’dug pa na | rgyal pos btsun mo phreṅ ldan ma la smras pa | phreṅ ldan ma | btsun pa ’char kas ji lta bu’i phun phun byas pas rgyal po dag bcas pa’i ’khor kun du dkrugs pa la ltos | btsun (43a1) mo phreṅ ldan mas tshe daṅ ldan pa ’char ka la smras pa | btsun pa ’char ka khyod pas slad kyis rab tu byuṅ ba dge sloṅ ma ut+pa la’i mdog daṅ | dge tshul ma skul byed daṅ | dge tshul ma tsi ri ka daṅ | gźan yaṅ maṅ po gaṅ lags pa de dag thams cad kyis (2) ñon moṅs pa thams cad spaṅs pas | dgra bcom pa ñid mṅon du bgyis na | khyod kyis ni rgyal po daṅ bcas pa’i ’khor gyi naṅ du mi mdzes pa ’di lta bu bgyis par gyur kyaṅ | da duṅ skyo ba mi mṅa’ ’am | tshe daṅ ldan pa ’char kas smras pa | phreṅ ldan ma | da phyin chad ’khor bar (3) ’khor ba na ñon moṅs pa de lta bu kun du spyod par mi ’gyur ba de ltar bya’o źes smras nas de stan las laṅs te soṅ ṅo | de ṅo tsha bas bcom ldan ’das daṅ phrad par ma nus nas | tshe daṅ ldan pa śā ri’i bu ga la ba der soṅ ste phyin nas | tshe daṅ ldan pa śā ri’i bu la ’di skad ces (4) smras so | mkhan po ji ltar bdag ’khor bar ’khor ba na | ñon moṅs pa de lta bu dag kun du spyod par mi ’gyur ba de ltar bdag la chos bstan du gsol | tshe daṅ ldan pa śā ri’i bus bsams pa | ltuṅ ba lhag ma med pa byuṅ bar ma gyur tam sñam na | ji tsam na des lhag (5) ma yod par mthoṅ nas | des de bśags par bya ba’i ltuṅ ba gaṅ dag yin pa de dag kyaṅ ’chags su bcug | bsdam par bya ba’i ltuṅ ba gaṅ dag yin pa de dag kyaṅ sdom du bcug nas | des de la ’di daṅ ltar yid la gyis la bag yod pas sgrubs śig ces gdams (6) ṅag byin no || de nas tshe daṅ ldan pa ’char ka gcig pu dben pa bag yod pa | rtun pa daṅ ldan pa | bdag ñid btaṅ bar gnas pa na rigs kyi bu dag gaṅ gi phyir skra daṅ kha spu bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu ’byuṅ (7) bar byed pa | tshaṅs par spyod pa’i mtha’ bla na med pa de tshe de ñid la raṅ gi mṅon par śes pas mṅon sum du byas te bsgrubs nas bdag gi skye ba zad do || tshaṅs par spyod pa spyad do || bya ba byas so || srid pa ’di las gźan mi śes so źes go bar byed ciṅ | dgra bcom (43b1) pa khams gsum pa las ’dod chags daṅ bral ba | bod pa daṅ gser du mñam pa | nam mkha’ dad lag mthil du ma chud sa ba’i sems daṅ ldan pa | tsan dan bźag pa lta bu rig pas sgo ṅa’i sbubs dral bar gyur ciṅ | rig pa daṅ mṅon par śes pa daṅ | so so yaṅ dag (2) par rig pa thob pa | srid pa daṅ ’dod pa’i rñed pa daṅ | bkur stil rgyab kyis phyogs pa | dbaṅ po daṅ ñe da bdad po tsam pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to | de nas tshe daṅ ldan pa ’char ka dgra bcom pa ñid (3) thob ciṅ rnam par grol ba’i dga’ ba daṅ bde ba ñams su myoṅ ba na ’di sñam du sems te | bcom ldan ’das ni bdag la phan pa mdzad pa | bde bar gśegs pa ni bdag la legs par mdzad pa ste | ’di ltar bcom ldan ’das de ni bdag gi sdug bsṅal gyi chos maṅ po (4) dag sel par mdzad pa | bcom ldan ’das de ni bdag gi bde ba’i chos maṅ po dag sgrub par mdzad pa | bcom ldan ’das de ni bdag gi sdig pa mi dge ba’i chos rnam pa du ma dag sel bar mdzad pa | bcom ldan ’das de ni bdag gi dge ba’i chos rnam pa du ma dag sgrub (5) par mdzad pa lags na | bdag gis ci źig byas na des bdag gis bcom ldan ’das la lan byas pa daṅ | ñe bar byas pa daṅ | rab tu byas par ’gyur sñam nas | des yaṅ bsams pa | saṅs rgyas bcom ldan ’das rnams ni dka’ ba mdzad pa brgya stoṅ du ma (6) dag gis bskal pa graṅs med pa gsum gyis pha rol tu phyin pa drug yoṅs su rdzogs par mdzad nas bla na med pa’i mkhyen pa thugs su chud pa gaṅ yin pa de dag thams cad ni sems can la phan pa’i phyir yin pas | bdag gis kyaṅ sems can la phan pa bya’o sñam mo | (7) des bsams pa | bcom ldan ’das kyis khyim pa dag par byed pa rnams kyi mchog tu bstan pa ’ga’ yod dam sñam na | des ji tsam na med par mthoṅ ṅo || su la ltos sñam na bdag ñid la ltos par mthoṅ nas legs kyis bdag gis ston pa’i thugs la dgoṅs pa yoṅs (44a1) su rdzogs par bya’o sñam mo || gaṅ gdul ba’i dus yin sñam na | mñan yod na bram ze źi ba la dad pa | źi ba la bsñen bkur byed pa źig ’dug nas | tshe daṅ ldan pa ’char kas bsams pa | bram ze de gdul ba’i dus yin no sñam nas de de’i gan du soṅ ba daṅ | (2) bram ze des kyaṅ źi ba la bsñen bkur byas nas | kye bram ze bram ze źes bram ze tshol bar byed do || tshe daṅ ldan pa ’char kas smras pa | kho bo bram ze yin no | des smras pa | bram ze ni thor tshugs can yin gyi khyod ni dge sbyoṅ mgo reg yin no || tshe daṅ ldan pa ’char kas (3) smras pa | ’di ltar kho bo bram ze yin źiṅ | kho bo’i ston pa yaṅ bram ze’i mchog yin na khyod źi ba ’di la mṅon par dad dam | des smras pa | mṅon par dad do || tshe daṅ ldan pa ’char kas smras pa | kwa’i źi ba smros śig | ji ltar kho bo bram ze yin źiṅ kho bo’i ston pa (4) yaṅ bram ze’i mchog yin nam | źi bas smras pa | ’phags pa ’char ka de de bźin te | khyod ni bram ze lags śiṅ khyod kyi ston pa yaṅ bram ze’i mchog lags so | bram ze des bsams pa | bdag gis yun riṅ po nas źi ba la bsñen bkur byas nas | ’dis lan (5) ’ga’ rmi lam du yaṅ ma bstan na | btsun pa ’char kas smras na tshig smra bar byed pas | kye ma btsun pa ’char ka ni rdzu ’phrul che ba | mthu che ba yin no sñam nas des smras pa | btsun pa ’char ka ci’i slad du byon | khyod ñid gdul ba’i don du’o || btsun pa ’char ka de’i (6) slad du ’di ñid du bźugs te źal zas kyi bya ba mdzod cig | tshe daṅ ldan la ’char ka de ñid du ’dug ste | zas kyi bya ba byas pa daṅ | bram ze de chuṅ ma daṅ bcas pa tshe daṅ ldan pa ’char ka’i mdun du chos mñan pa’i phyir ’dug nas | tshe daṅ ldan pa ’char kas de’i bsam (7) pa daṅ | bag la ñal daṅ | khams daṅ raṅ bźin khoṅ du chud nas ’di ltar bram ze de chuṅ ma daṅ bcas pa stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon du byas pa de ltar chos (44b1) bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’chaṅ ka la brten nas btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha (2) rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las (3) ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis || thog ma ma mchis pa’i dus na (4) bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das (5) daṅ | chos daṅ | dge sloṅ gi dge ’dun la skyabs su mchi yis | bdag dge bsñen du gzuṅ du gsol || deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | (6) na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos (7) so źes smras te daṅ du ma blaṅs so || de nas tshe daṅ ldan pa ’char kas mñen yod du bram ze’i khyim daṅ po gñi ga nas btul ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze źi ba la dad pa | źi ba la (45a1) bsñen bkur byed pa źig ’dug nas | tshe daṅ ldan pa ’char kas bsams pa | bram ze de gdul ba’i dus yin no sñam nas de de’i gan du soṅ ba daṅ | bram ze des kyaṅ źi ba la bsñen bkur byas nas | kye bram ze bram ze źes bram ze tshol bar byed do || tshe (2) daṅ ldan pa ’char kas smras pa | kho bo bram ze yin no | des smras pa | mgo reg ’di lta bu bram ze ga la yin | źe daṅ ldan pa ’char kas smras pa | bram ze ji lta bu yin | des smras pa | bram ze ni ral pa can yin no || tshe daṅ ldan pa ’char kas ral pa can du sprul pa (3) daṅ | ji tsam na bram ze de ṅo mtshar skyes nas | des smras pa | btsun pa ’char ka ci’i slad du byon | khyod ñid gdul ba’i don du’o || btsun pa ’char ka de’i slad du ’di ñid du bźugs te źal zas kyi bya ba mdzod cig | tshe daṅ ldan pa ’char ka der ’dug ste zas kyi bya ba byas (4) pa daṅ | bram ze de chuṅ ma daṅ bcas pa tshe daṅ ldan pa ’char ka’i mdun du chos mñan pa’i phyir ’dug nas | tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar | bram ze de chuṅ ma daṅ bcas pa stan (5) de ñid la ’dug bźin du ’jig chogs la lta ba’i ri’i rtse mo ñi śu ma tho ba ye śes kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthon nas smras pa | btsun pa bdag gis dge ba’i bśes gñen btsun pa ’char (6) ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag (7) gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can (45b1) dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun (2) du źugs pa’i ’bras bu ni thob ste | btsun pa ’char ka bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag dge (3) bsñen du gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo (4) byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || de na tshe daṅ ldan pa ’char kas mñan yod (5) du bram ze’i khyim gñis pa gñi ga nas btul ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze ser sna can źig ’dug pa de’i chuṅ ma nor bu la dga’ nas | tshe daṅ ldan pa ’char kas bsams pa | bram (6) ze de gdul ba’i dus yin no sñam nas | tshe daṅ ldan pa ’char ka nor bu mkhan gyi cha lugs su byas te de’i khyim du soṅ nas | nor bu su ño nor bu su ño źes byas pa daṅ | bram ze mo des thos nas des smras pa | nor bu dag rin ji tsam du ’tshod | tshe daṅ ldan pa ’char kas (7) smras pa | nor bu ’di dag rin che mod kyi | ’on kyaṅ rin chuṅ ṅu’i phyir sbyin no źes tshe daṅ ldan pa ’char kas nor bu mkhan gyi cha lugs mi snaṅ bar byas te | raṅ gi cha lugs kyis ’dug pa daṅ | bram ze de ṅo mtshar skyes nas des smras pa | btsun pa ’char ka ci’i slad (46a1) du ’dir byon | khyod ñid gdul ba’i don du’o | btsun pa ’char ka di’i slad du ’di ñid du bźugs te źal zas kyi bya ba byas pa daṅ | bram ze de chuṅ ma daṅ bcas pa tshe daṅ ldan pa ’char ka’i mdun du (2) chos mñan pa’i phyir ’dug nas | tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas | ’di ltar bram ze de chuṅ ma daṅ bcas pas | stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes (3) kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la (4) phas kyaṅ ma bgyis | mas kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma (5) bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni (6) bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa (7) bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag dge bsñen du gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su (46b1) mchi’o | btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su (2) ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || de nas tshe daṅ ldan pa ’char kas mñan yod du bram ze’i khyim gsum pa gñi gnas btul ciṅ bźag go | tshe daṅ ldan pa ’char kas bsams pa | gaṅ gdul (3) ba’i dus yin sñam na | mñan yod na bram ze nad pa źig ’dug pa | de sman pa dag gis sman kha ba daṅ | tsha ba daṅ | bska bdag gis yid byuṅ nas | des sgo bal khyod kyis sman pa ’ga’ yaṅ naṅ du ma btaṅ śig ces bsgo nas | tshe daṅ ldan pa ’char kas bsams (4) pa | bram ze de gdul ba’i dus yin no sñam nas | tshe daṅ ldan pa ’char ka sman pa’i cha lugs su byas te | bram ze de’i khyim sgor sman pa ’oṅs so źes byas te bsdad pa daṅ | sgo bas smras pa | kho bo la bram zes khyod kyis sman pa ’ga’ yaṅ naṅ du ma btaṅ śig ces (5) bsgo ste | kho bo de ñid kyi phyir bźag go | tshe daṅ ldan pa ’char kas smras pa | khyod soṅ la bram ze la sman pa ’oṅs te de na re sman yaṅ mi sbyin | bya dga’ yaṅ mi sloṅ bar gsaṅ sṅags dag gis so sa par bya’o źes zer ro źes byos śig | sgo ba soṅ ste bram ze de la de (6) skad rgyas par brjod pa daṅ | des smras pa | naṅ du thoṅ śig | tshe daṅ ldan pa ’char ka naṅ du źugs nas | des gsaṅ sṅags dag gis de sos par byas nas | tshe daṅ ldan pa ’char kas sman pa’i cha lugs mi snaṅ bar byas te | raṅ gi cha lugs kyis ’dug pa daṅ | (7) bram ze de ṅo mtshar skyes nas ṅes smras pa | btsun pa ’char ka ci’i slad du ’dir byon || khyod ñid gdul ba’i don du’o || btsun pa ’char ka de’i slad du ’di ñid du bźugs te źal zas kyi bya ba mdzod cig | tshe daṅ ldan pa ’char ka der ’dug ste zas kyi bya ba byas pa daṅ | bram (47a1) ze de chuṅ ma daṅ bcas pa tshe daṅ ldan pa ’char ka’i mdun du chos mñan pa’i phyir ’dug nas | tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas | ’di ltar bram ze de chuṅ ma daṅ bcas pas (2) stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i gśes gñen btsun pa ’char (3) ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma (4) bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni (5) rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu ni thob ste | btsun pa bdag ni (6) mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis || bdag dge bsñen du gzuṅ du gsol || deṅ slan chad nas ji srid ’tsho’i bar (7) du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | (47b1) rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || de na tshe daṅ ldan pa ’char kas mñan yod du bram ze’i khyim bźi pa gñi gnas btul ciṅ bźag go | tshe daṅ ldan pa (2) ’char kas bsams pa | gaṅ gdul ba’i dus yin sñam na | mñan yod na bram ze phyug pa | nor maṅ ba | loṅs spyod che ba | yoṅs su gzuṅ ba yaṅs śiṅ rgya che ba | ser sna can mig phra ba | bya rog la yaṅ gtor ma mi ster ba | yo byad kun du ’dzin pa źig (3) ’dug pa de sgo druṅ na bram ze’i khye’u lṅa brgya tsam bram ze’i gsaṅ tshig dag klog tu ’jud nas | tshe daṅ ldan pa ’char kas bsams pa | bram ze de gdul ba’i dus yin no sñam nas | tshe daṅ ldan pa ’char kas gdul ba la ltos pas | yaṅ daṅ yaṅ du der bsod sñoms la (4) źugs na | des der lan ’ga’ yaṅ bsod sñoms ma thob nas | de de nas phyir byuṅ ba bram ze des mthoṅ nas | des smras pa | kye dge sbyoṅ khyod yaṅ daṅ yaṅ du der ’jug na rñed pa cuṅ zad yod dam | tshe daṅ ldan pa ’char kas de’i dad pa’i nor las bsams te smras (5) pa | bram ze khyod ñid la yaṅ med na ci źig sbyin par byed | bram ze des spyos te smras pa | dge sbyoṅ khyod khyim mi daṅ bcas pa thams cad la sbyin par bya’o || tshe daṅ ldan pa ’char kas thabs yin no źes smras te soṅ ṅo || de na bram ze’i khye’u dge sloṅ gi rgyus śes (6) pa źig gis bram ze de la smras pa | mkhan pos de dag gi thabs yin no źes bgyis de’i don ci lags mkhyen tam | des smras pa | mi śes so | skol gyis daṅ du blaṅ ṅo źes smras pa gaṅ lags pa de’i don ni de dag gi thabs yin no źes smras pa de lags so || des (7) yaṅ smras pa | mkhan pos de dag gi khyim mi daṅ bcas pa thams cad ces bgyi ba de’i don ci lags mkhyen tam | des smras pa | mi śes so || de dag gi khyim mi daṅ bcas pa thams cad ces bgyi ba ni | rgyal rigs dge sbyoṅ gau ta ma ’khor stoṅ ñis brgya lṅa (48a1) bcu daṅ bcas pa lags te | de ltar na mkhan pas dan gyis saṅs rgyas la sogs pa dge sloṅ gi dge ’dun spyan draṅs par gyur to || bram ze des smras pa | kho bos bram ze rig byed gsum daṅ ldan pa dag ma mthoṅ ṅam | ci na gaṅ gi phyir | dge (2) sbyoṅ mgo reg dag la sbyin par byed | des smras pa | dge sbyoṅ des deṅ mkhan po’i mtshan gyis saṅs rgyas la sogs pa | dge sloṅ gi dge ’dun saṅ mkhan po’i sdum par spyan ’dren par bgyid do || bram zes smras pa | ci’i phyir de de ltar byed | des smras (3) pa | mkhan po gal te bdag la thugs mi ches na | bram ze’i khye’u źig rtog tu gtaṅ du gsol || des bram ze’i khye’u źig rtog tu btaṅ ba daṅ | ji tsam na tshe daṅ ldan pa ’char kas saṅs rgyas la sogs pa dge sloṅ gi dge ’dun tshogs pa na | rgan pa’i (4) mtha’ logs su ’dug ste | bram ze che ge mo źig saṅs rgyas la sogs pa dge sloṅ gi dge ’dun khyim gźan du gdugs tshod la spyan ’dren no źes | bram ze de’i miṅ gis saṅs rgyas la sogs pa dge sloṅ gi dge ’dun khyim gźan du spyan draṅs pa des thos so || bram (5) ze’i khye’u des de thos nas phyir ’oṅs te | bram ze la smras pa | mkhan po de bźin te | btsun pa ’char kas mkhan po’i mtshan gyis saṅs rgyas la sogs pa | dge sloṅ gi dge ’dun saṅ mkhan po’i sdum par spyan draṅs kyis | źal zas sta gon bgyid (6) du stsol cig | des smras pa | kho bos bram ze rig byed gsum daṅ ldan pa dag ma mthoṅ ṅam ci na | gaṅ gi phyir dge sbyoṅ mgo reg dag la sbyin par byed | de dag khyim bdag mgon med zas sbyin gyi khyim du za bar ’gyur graṅ | ji tsam de naṅ par laṅs pa (7) daṅ | dge sloṅ chu’i gtsaṅ sbyor dag bram ze de’i khyim du lhags te smras pa | bram ze chu gaṅ du gźag par bya | bram ze des smras pa | khyim bdag mgon med zas sbyin gyi sdum par ro || de bźin du bśos kyi gtsaṅ sbyor dag lhags te smras pa | bram ze (48b1) źal zas gaṅ du brtag par bya | bram ze des smras pa | khyim bdag mgon med zas sbyin gyi sdum bar ro || bcom ldan ’das kyis gaṅ gi ṅor mgron du bos pa des | dus sṅar ’gro bar bya źiṅ ma zin pa dag zin par bya’o źes bka’ stsal pas | tshe daṅ ldan pa (2) ’char ka naṅ par sṅar laṅs te ’phags pa daṅ | khyim bdag mgon med zas sbyin gyis lam kar de mthoṅ nas smras pa | btsun pa ’char ka gar bźud | des smras pa | bram ze źig gis bdag la brten te | saṅs rgyas la sogs pa dge sloṅ gi dge (3) ’dun khyim gźan du gdugs tshod la spyan draṅs pas der ’gro’o | khyim bdag gis smras pa | bram ze de ni ma dad pa lags kyis | saṅs rgyas la sogs pa dge sloṅ gi dge ’dun gyi gdugs tshod bcad par gyur na mi ruṅ gis bdag kyaṅ mchi’o || de gñis der (4) doṅ ba daṅ | ji tsam na bram ze de sñiṅ las chuṅ ṅur ’dug nas | khyim bdag mgon med zas sbyin gyis de la smras pa | bram ze khyod kyis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs na | ci’i phyir sñiṅ las chuṅ dur (5) ’dug | źal zas sta gon byed na ci ñes | bram ze des smras pa | kho bos bram ze rig byed gsum daṅ ldan pa dag ma mthoṅ ṅam ci na | dge sbyoṅ mgo reg dag la sbyin par byed || khyod bdag gi khyim du zan zo źig | khyim bdag gis smras pa | bram (6) ze ci kho bo la ’byor pa med sñam mam | kho bos saṅs rgyas la sogs pa dge sloṅ gi dge ’dun la ji srid ’tsho’i bar du bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag gis bsñen bkur byed par yaṅ spro mod (7) kyi | ’on kyaṅ kho bo khyod la phan gdags pa’i phyir smras | khyed sñiṅ las chuṅ dur ma ’dug par źal zas sta gon gyis śig | ’di ltar saṅs rgyas la sogs pa dge sloṅ gi dge ’dun ni ko sa lar byuṅ ba’i rgyal po gsal rgyal daṅ | btsun mo phreṅ ldan ma (49a1) daṅ | rgyal rigs dbyar tshul ma daṅ | bla mkhyen daṅ sroṅ byin daṅ | sñiṅ pa daṅ | kho bo daṅ | gźan yaṅ bram ze daṅ | khyim bdag rgya che dgu dag gis bkur stir byas | bla mar byas | ri mor byas | mchod par byas pa yin pas (2) gal te khyod la brten nas | saṅs rgyas la sogs pa dge sloṅ gi dge ’dun gdugs tshod bcad par gyur na | khyod la rgyal po gdon mi za bar gnod pa byed par ’gyur źiṅ | khyod phyag sbal du bcug pas ’chi dgos par ’gyur ba gaṅ yin pa de lta bu’i gnas (3) kyaṅ yod par ’gyur ro || bram ze de skrag ste bsams pa | de ltar ’gyur ro sñam nas des smras pa | khyim bdag bdag gis źal zas sta gon ma byas nad ji ltar bya | khyim bdag gis smras pa | bram ze mñan yod na gaṅ ño bas mi rñed pa’i rdzas de lta bu med (4) kyis | kāR+śā pa ṇa dag ’on cig daṅ kho bos źal zas sta gon bya’o || bram zes smras pa | khyim bdag kāR+śā pa ṇa ji sñed dag gis saṅs rgyas la sogs pa dge sloṅ gi dge ’dun gyi gdugs tshod ’byor par ’gyur | khyim bdag gis smras pa | kāR+śā pa ṇa lṅa (5) brgyas so || bram ze des khyim bdag la kār+śā pa ṇa lṅa brgya phul nas | khyim bdag mgon med zas sbyin gyis de dag gi steṅ du kāR+śā pa ṇa gźan dag gis kyaṅ bsnan te źal zas sta gon byas so || bram ze des smras pa | khyim bdag bdag la bstsaṅ sder dag kyaṅ mi (6) bdog go || khyim bdag mgon med zas sbyin gyis smras pa | bram ze khyod bstsaṅ sder dag gis ma ’tsher par sñiṅ las chuṅ ṅur ’dug śig daṅ | de dag draṅ sroṅ gi snod daṅ bcas te gśegs par ’gyur ro || de nas saṅs rgyas la sogs pa dge sloṅ gi dge (7) ’dun gśegs te bźugs nas | dge sloṅ rnams kyis lhuṅ bzed dag byi dor byas pa bram ze des mthoṅ nas | des bsams pa | re źig snod dag kyaṅ bdag gis byi dor bya mi dgos so sñam nas de mṅon par dad par gyur te | tshe daṅ ldan pa ’char ka la smras (49b1) pa | btsun pa ’char ka khyod bdag gi dge ba’i bśes gñen lags kyis | khyod kyis kyaṅ brim pa mdzod la slad kyis bśos gsol cig | saṅs rgyas la sogs pa dge sloṅ gi dge ’dun gsol nas | bcom ldan ’das kyis yon bśad pa mdzad de gdan las (2) bźeṅs te gśegs so || de nas bram ze des smras pa | btsun pa ’char ka da khyod bźugs te źal zas kyi bya ba mdzod cig | de ’dug pa daṅ | bram ze des zas brims te des zas kyi bya ba byas pa daṅ | bram ze de chuṅ ma daṅ bcas pa tshe daṅ ldan pa ’char ka’i (3) mdun du chos mñan pa’i phyir ’dug nas | tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas | ’di ltar bram ze de chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo (4) ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la (5) gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ (6) bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas (7) dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa (50a1) bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag dge bsñen du gzuṅ du gsol | deṅ (2) slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas srid ’tsho’i bar du bdag gi bsod sñams daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe (3) daṅ ldan pa ’char kas smras pa | rab tu byuṅ ba ni gźan phan pas rjes su ’dzin pa la źugs pa yin pas | bram ze gźan dag la yaṅ than pa bya dgos so źes smras te daṅ du ma blaṅs so | de na tshe daṅ ldan pa ’char kas mñan yod du bram ze’i khyim lṅa pa gñi ga nas btul (4) ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze źig ’dug bde’i chuṅ ma gzugs bzaṅ ba | bltan sdug pa mdzes pa yin nas | de de la śin tu lhag par chags pas khyim du ’ga’ yaṅ ’jug tu (5) mi ster nas | tshe daṅ ldan pa ’char kas bsams pa | bram ze de gdul ba’i dus yin no sñam nas | de bram ze de’i khyim du soṅ ba daṅ | ji tsam na bram ze de gcig gci źiṅ ’dug bas tshe daṅ ldan pa ’char ka mthoṅ nas ṅas smras pa | dge sbyoṅ ma ’jug par sdod cig | (6) tshe daṅ ldan pa ’char kas ’di ltar bram ze’i gcin gyi rgyun mi ’chad pa de ltar byin gyis brlabs nas | tshe daṅ ldan pa ’char ka naṅ du źugs te bram ze de’i chuṅ ma de yaṅ ’di ltar de’i lton naṅ grol gaṅ dag yod pa de dag thams cad phyi rol nas snaṅ bde ltar byin gyis brlabs (7) nas | tshe daṅ ldan pa ’char ka phyir byuṅ ba daṅ | bram ze des smras pa | btsun pa ’char ka khyod kyis bdag gi mchis ’braṅ gzigs sam | des smras pa | mthoṅ ṅo | ci ’dra khyod kyis ji ltar mthoṅ bar gyur pa de ’dra’o || de źugs te bltas na de ltar mi sdug par (50b1) mthoṅ nas des de la smras pa | bram ze mo khyod kyis btsun pa ’char ka la cuṅ źig ma smras sam | des smras pa | cuṅ zad kyaṅ ma smras te | ’di ltar des bdag spyos te dmod mo bgyis kyis bźud la de la bzod pa gsol cig | de soṅ ste smras pa | btsun pa (2) ’char ka bdag gi mchis ’braṅ la bzod pa mdzad du gsol | tshe daṅ ldan pa ’char kas smras pa | bzod par bya’o || des de sṅon ji lta ba bźin du gyur pa daṅ | bram ze de daṅ par gyur nas des smras pa | btsun pa ’char ka ci’i slad du byon | khyod ñid gdul (3) ba’i don du’o || btsun pa ’char ka de’i slad du ’di ñid du bźugs te źal zas kyi bya mdzod cig | tshe daṅ ldan pa ’char ka der ’dug ste zas kyi bya ba byas pa daṅ | bram ze de chuṅ ma daṅ bcas pa tshe daṅ ldan pa ’char ka’i mdun du chos mñan pa’i phyir ’dug nas | (4) tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas | ’di ltar bram ze de chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | (5) rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma (6) bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis || dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma (7) bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams (51a1) kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa (2) lags so | btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag dge bsñen du gzuṅ du gsol || deṅ slan chad nas ji srid ’tsho’i bar du glo ba thag pa nas (3) rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba (4) ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || de na tshe daṅ ldan pa ’char kas mñan yod du bram ze’i khyim drug pa gñi ga nas btul ciṅ bźag go | tshe daṅ ldan pa ’char kas (5) bsams pa | gaṅ gdul ba’i dus yin sñam na | mñan yod na bram ze źig ’dug pa de’i chuṅ ma gzugs bzaṅ ba | blta na sdug pa | mdzes pa yin te | bram ze de me tog daṅ | yam sreg śiṅ gi phyir rol du byuṅ ba daṅ | tshe daṅ ldan pa ’char kas bsams (6) ba | bram ze de gdul ba’i dus yin no sñam nas | de bram ze’i khyim du soṅ ba daṅ | de’i chuṅ ma des tshe daṅ ldan pa ’char ka sgo khaṅ du mthoṅ nas | de naṅ du źugs pa daṅ | tshe daṅ ldan pa ’char ka yaṅ khyim gyi naṅ du źugs so || de gnas khaṅ du źugs pa daṅ | (7) tshe daṅ ldan pa ’char ka yaṅ de’i phyi bźin gnas khaṅ steṅ du ’dzeg par brtsams pa daṅ | tshe daṅ ldan pa ’char kas kyaṅ de’i phyi bźin skas las khaṅ steṅ du ’dzeg par brtsams so || des skas phul ba daṅ | (51b1) tshe daṅ ldan pa ’char ka sa la sgyel nas de ’gog pa la sñoms par źugs pa daṅ | des bsams pa | ma śi’am sñam nas de babs te bslaṅ bar brtsams na ’gul bar yaṅ ma nus so || bram ze ’oṅs nas dris pa | ’di ci yin | bram ze mos rgyas par brjod pa daṅ | des (2) smras pa | khyod kyis ’di de ltar phul ba ni ma legs par byas te | ’di ni bram ze mdun na ’don gyi bu las rab tu byuṅ ba | rgyal po gsal rgyal gyi chuṅ po grogs | btsun mo phreṅ ldan ma’i slob dpon yin te | ’di dag gis rgyal po las gźon nu’i yoṅs su spaṅ ba thob (3) pas bdag cag rgyal pos phyag spal du bcug pas ’chi bar bya dgos pa gaṅ yin pa de lta bu’i gnas yod par ’gyur ro || bram ze mos tshe daṅ ldan pa ’char ka’i rkaṅ pa gñis la gtugs te | ’phags pa khyod kyis mi mkhyen pa daṅ | mi gzigs pa daṅ | mi rig pa daṅ | (4) rnam par mi mkhyen pa ci yaṅ ma mchis kyis bzod par gsol źes bzod pa gsol ba daṅ | tshe daṅ ldan pa ’char ka laṅs te smras pa | bzod par bya’o || bram ze de ṅo mtshar skyes nas des smras pa | btsun pa ’char ka ci’i slad du byon | khyod ñid gdul ba’i don du’o || (5) btsun pa ’char ka de’i slad du ’di ñid du bźugs te źal zas kyi bya ba mdzod cig | tshe daṅ ldan pa ’char kas des ’dug ste zas kyi bya ba byas pa daṅ | bram ze de chuṅ ma daṅ bcas pa tshe daṅ ldan pa ’char ka’i mdun du chos mñan pa’i phyir ’dug nas tshe daṅ ldan pa ’char kas (6) de’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar bram ze de chuṅ ma daṅ bcas pas stan de ñid la ’dug bźin du | ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon du (7) byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos (52a1) kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis || dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni (2) bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma (3) mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan (4) ’das daṅ | chos daṅ | dge sloṅ gi dge ’dun la skyabs su mchi yis | bdag dge bsten du gzuṅ du gsol || deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na (5) bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te | (6) daṅ du ma blaṅs so || de nas tshe daṅ ldan pa ’char kas mñan yod du bram ze’i khyim bdun pa gñi ga nas btul ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze źig ’dug pa de’i chuṅ ma gzugs bzaṅ ba | blta (7) na sdug pa | mdzes pa yin te | bram ze de me tog daṅ yam sreg śiṅ gi phyir phyi rol du byuṅ ba daṅ | tshe ldan pa ’char kas bsams pa | bram ze de gdul ba’i dus yin no sñam nas | de bram ze de’i khyim du soṅ ba daṅ | bram ze mo de gzugs kyi rgyags pa daṅ | laṅ tsho’i (52b1) rgyags pa daṅ | rigs kyi rgyags pa daṅ | dbaṅ phyug gi rgyags pas rgyags nas tshig kyaṅ mi ster ro || tshe daṅ ldan par ’char kas de’i sṅon gyi las zad pa las bsams nas tshigs su bcad pa smras pa |

sriṅ mo rñiṅ pa zad byed ciṅ ||
sar pa chuṅ zad skyed mi byed ||
bag med (2) brgyan pa mthoṅ nas ni ||
mchi mas brnaṅs pa’i bźin gyis du ||

źes smras te soṅ ṅo | bram ze mo de ’dis bdag spyos so źes gśe źiṅ des gos dri ma can gyon te khri źigs pa’i steṅ du ñal te ’dug go || bram ze de ’oṅs pa daṅ | des de mthoṅ nas smras pa | bram ze mo (3) ’di ci ñes | bram ze mos gśes te smras pa | gal te khyod lag ṅag sgo na ’greṅ ba’i mi gcig la yaṅ bza’ ba daṅ | bgo ba sbyin pa’i ’byor pa med na khyod la khyim mi mo blaṅs pas ci bya | dge sbyoṅ ’char ka gaṅ yin pa des kho mo spyos so || bram zes smras pa | bzaṅ mo de (4) ni bram ze mdun na ’don gyi bu las rab tu byuṅ ba yin gyis de la bzod par gyis śig | bram ze mos smras pa | gal te de gson na kho mo mi gson no || bram zes smras pa | bzaṅ mo de ni ko sa lar byuṅ ba’i rgyal po gsal rgyal gyi chuṅ po grogs | btsun mo phreṅ ldan ma’i slob (5) dpon yin te | de dag gis rgyal po las gźon nu’i yoṅs su spaṅ ba thob pas | gal te bdag gis de la sdug bsṅal cuṅ zad bskyed par gyur na | bdag cag rgyal pos phyag sbal du bcug pas ’chi bar bya dgos pa gaṅ yin pa de lta bu’i gnas yod par ’gyur gyis bzod par (6) gyis śig | bram ze mos smras pa | bram ze maṅ du smras te ci ruṅ | gal te de gson na kho mo mi gson no || ’dod pa sten pas ni sdig pa’i las mi bya ba ci yaṅ med pas bram ze de ral gri mchan du bcug ste ’phags pa daṅ | tshe daṅ ldan pa ’char kas thag riṅ po kho na (7) nas de mthoṅ na | de sems ji lta bus ’oṅ sñam na | ji tsam na gsod pa’i sems kyis ’oṅ bar mthoṅ nas | tshe daṅ ldan pa ’char kas lo ma ma yin pa’i spyil bu mṅon par sprul nas der źugs te ’dug go | bram ze des smras pa | btsun pa ’char ka sgo phye śig | tshe (53a1) daṅ ldan pa ’char kas smras pa | khyod skyes bzaṅ pos ’oṅs par gyur na | kho bos ci’i phyir sgo mi dbye | ral gri bor cig | bram zes bsams pa | bgags te gsad do sñam nas des ral gri bor ro || tshe daṅ ldan pa ’char kas smras pa | sdig pa’i sems de (2) yaṅ bor cig | bram ze des bsams pa | ’di ni bdag ñid chen po źig ste | bdag gi sems kyaṅ śes so sñam nas de mṅon par gyur pa daṅ | tshe daṅ ldan pa ’char kas rdzu ’phrul mṅon par ’du bya ba de phyir bsdus nas de bźin du ’dug go | bram ze des tshe daṅ (3) ldan pa ’char ka’i rkaṅ ba gñis la phyag ’tshal te chos mñan pa’i phyir mdun du ’dug pa daṅ | tshe daṅ ldan pa ’char kas de’i bsam pa daṅ | bag la ñal daṅ | khams daṅ raṅ bźin khoṅ du chud nas | ’di ltar bram ze des stan de ñid la ’dug bźin du ’jig tshogs la lta (4) ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas btsun pa ’char kas bdag la (5) gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ | (6) rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ (7) mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun (53b1) pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag dge bsñen du gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || (2) de nas bram ze des smras pa | btsun pa ’char ka khyod bdag gi sdum par byon tam | son to | btsun pa ’char kas bdag gi bram ze mo la ji skad bka’ stsal | tshe daṅ ldan pa ’char kas smras pa | kho bos de la ’di skad ces |

sriṅ mo rñiṅ pa zad byed ciṅ ||
sar pa cuṅ zad (3) skyed mi byed ||
bag med brgyan pa mthoṅ nas ni ||
mchi mas brnaṅs pa’i bźin gyis ṅu ||

źes smras so | btsun pa tshigs su bcad pa de’i don ci lags | bram ze sṅon byuṅ ba ’das pa’i dus na ri brags śig tu dus ston byuṅ nas | de na khyim bdag gi chuṅ ma rab tu maṅ (4) po dag raṅ gi rgyan dag gis brgyan te skyed mos tshal gyi sar doṅ ba de dag groṅ spraṅ mo źig gis mthoṅ nas | de bdag ñid rgud pa’i mya ṅan byed do || saṅs rgyas rnams ’byuṅ ba med pa’i tshe raṅ saṅs rgyas dman pa daṅ | bkren pa la rjes su sñiṅ brtse ba | bas mtha’i gnas (5) mal la dga’ ba | bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || raṅ saṅs rgyas źig de la phan gdags pa’i phyir phyogs der soṅ ba daṅ | de’i lus mdzes pa daṅ | sems mdzes pa groṅ spraṅ mo des mthoṅ nas des spraṅ mo des mthoṅ nas des spraṅ zan cuṅ (6) zad cig rñed pa daṅ | des bsams pa | bdag gis sbyin gnas ’di lta bu la mchod pa ma byas pas des na gnas skabs ’di lta bur gyur gor ma chag gis | gal te bcom ldan ’das ’di bdag las bsod sñoms cuṅ zad len par ’gyur na bdag gis ’di la dbul bar bya’o (7) sñam mo || raṅ saṅs rgyas des de la sñiṅ brtse ba’i phyir lhuṅ bzed bzed pa daṅ | des de la phul lo || raṅ saṅs rgyas de de la sñiṅ brtse bas ṅaṅ pa’i rgyal po ’dab ma brkyaṅ ba ltar steṅ gi nam mkha’ la mṅon par ’phags nas ’bar ba daṅ | gsal ba daṅ | char ’bebs (54a1) pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas de śiṅ ljon pa rtsa ba nas bcad pa bźin du raṅ saṅs rgyas de’i rkaṅ pa gñis kyi druṅ du ’gyel nas | des smon lam ’di skad ces bdag (2) las ’di’i rnam par smin pas nam yaṅ sdug bsṅal bar ma gyur cig ces btab bo | bram ze de’i tshe de’i dus na groṅ spraṅ mo gaṅ yin pa de ni khyod kyi chuṅ ma de yin te | des raṅ saṅs rgyas la mchod pa byas pa’i las de’i rnam par smin pas da ltar ’di lta bur skyes te kho bos de’i las (3) kyi rnam par smin pa de zad pa las bsams nas ’di skad ces | sriṅ mo rñiṅ pa zad byed ciṅ | sar pa cuṅ zad skyed mi byed | bag med brgyan pa mthoṅ nas ni || mchi mas brnaṅs pa’i bźin gyis du || źes smras so || btsun pa ’char kas don gyis na bdag gi mchis ’braṅ la bskul (4) ba mdzad do || btsun pa ’char kas saṅ bdag gi sdum par gdugs tshod gsol bar ci gnaṅ | tshe daṅ ldan pa ’char kas bram ze de la caṅ mi smra bas daṅ du blaṅs so || de nas bram ze des tshe daṅ ldan pa ’char kas caṅ mi smra bas daṅ du blaṅs par rig nas soṅ ṅo || bram ze mo de (5) yaṅ ’gyod pa skyes te bdag gis bram ze ’char ka sod cig ces mṅags pa ni ma legs pa byas te bram ze des btsun pa ’char ka bsad par ma gyur tam sñam mo || bram ze des ’oṅs pa daṅ chuṅ mas smras pa | rje’i sras khyod kyis btsun pa ’char ka ma bkroṅs sam | bram zes smras (6) pa | de ni bdag ñid chen po yin pas su źig gis bkroṅs par nus | chuṅ mas smras pa | ’o na khyod kyis de spyan ma draṅs sam | bram zes smras pa | kho bos saṅ khyim gźan du gdugs tshod la spyan draṅs kyis źal zas sta gon gyis śig | bram ze mo des źal zas graṅ cha (7) gaṅ dag yin pa de dag ni de ñid kyi ñin mo sta gon byas | drod bag gaṅ dag yin pa de dag ni phyi de ñin par sta gon byas so || tshe daṅ ldan pa ’char ka yaṅ phyi de ñin par sṅa dro śam thabs bgos | chos gos daṅ lhuṅ bzed thogs te bram ze de’i khyim ga la ba der soṅ nas phyin pa daṅ | (54b1) stan bśams pa ñid la ’dug go || de nas bram ze de chuṅ ma daṅ bcas pas tshe daṅ ldan pa ’char ka bde bar ’dug par rig nas bca’ ba daṅ bza’ ba gtsaṅ źiṅ bsod pas raṅ gi lag nas tshim par byed | stobs par byed do || rnam graṅs du mar bca’ ba daṅ bza’ ba gtsaṅ źiṅ bsod (2) pas raṅ gi lag nas tshim par byas śiṅ bstabs nas | tshe daṅ ldan pa ’char ka zan zos śiṅ | lag pa bsñal lhuṅ bzed bźag par rig nas stan ches dma’ ba źig blaṅs te | tshe daṅ ldan pa ’char ka’i mdun du chos mñan pa’i phyir ’dug pa daṅ | tshe daṅ ldan pa ’char kas (3) bram ze mo de’i bsams pa daṅ | bag la ñal daṅ | khams daṅ | raṅ bźin khoṅ du chud nas ’di ltar bram ze mo des stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon du byas pa de ltar (4) chos bstan to || des bden pa pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | (5) lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | (6) ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs (7) la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so | btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ (55a1) gi dge ’dun la skyabs su mchi yis | bdag dge bsñen mar gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | (2) gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas bram ze gźan dag la yaṅ phan pa bya dgos so źes smras te daṅ du ma blaṅs (3) so | |de na tshe daṅ ldan pa ’char kas mñan yod du bram ze’i khyim brgyad pa gñi ga nas btul ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze phyug pa | nor maṅ ba | loṅs spyod che ba | yoṅs su gzuṅ (4) ba yaṅs śiṅ rgya che ba | ser sna can mig phra ba | bya rog la yaṅ gtor ma mi ster ba | yo byad kun du ’dzin pa źig ’dug pa des ri brags śig tu źiṅ blas kyi mtha’ rmor bcug nas | des baṅ ba dag rgyas btab ste chuṅ ma la lto rgyags tsam byin nas dri brags der soṅ ste (5) raṅ gis źal ta byas nas źiṅ blas kyi mtha’ dag byed du ’jud do || tshe daṅ ldan pa ’char kas bsams pa | bram ze de gdul ba’i dus yin no sñam nas | des bsod sñoms brgyus te | bram ze de’i khyim du soṅ nas des smras pa | bram ze mo lhuṅ bzed kyi chu bslaṅ ṅo || des (6) de la ’bras chan phul ba daṅ | phru ba de de bźin du gaṅ bar ’dug go | bram ze mos smras pa | ’phags pa bdag gi khyim thab ser sna can | mig phra ba | bya rog la yaṅ gtor ma mi ster ba | yo byad kun du ’dzin pa lags kyis slan chad ma byon cig | tshe daṅ ldan (7) pa ’char kas smras pa | thabs yin gyis saṅ kho bo bdag ñid daṅ gñis ’oṅ ṅo || tshe daṅ ldan pa ’char ka phyi de ñin par bdag ñid daṅ gñis der soṅ ba daṅ | des de la de bźin du ’bras chan phul lo || de bźin du bdag ñid daṅ drug bcu’i bar du ñin re lan re soṅ ste bram (55b1) ze’i khyim der bsod sñoms zos pa daṅ | ṅos kyi sdum tshes dag śes ldan dag ltos śig | bram ze des lag pas bcal ba brgya dag gis loṅs spyod dag bsgrubs na | de dag bram ze mo des śākya ’i bu’i dge sbyoṅ dag daṅ lhan cig za bar byed do źes smod par byed | (2) phyar ka gtoṅ bar byed | kha zer bar byed do || bram ze’i khye’u źig bya ba ’ga’ źig la mñan yod nas ri brags der soṅ ba daṅ | bram ze des bram ze’i khye’u de thag riṅ po kho na nas mthoṅ nas des bram ze’i khye’u de la dris pa | bram ze’i khye’u khyod ga las ’dir ’oṅs | des (3) smras pa | mñan yod nas so || khyod kyis kho bo’i khyim gyi gtam thos sam | thos te | mñan yod na khyim bdag mgon med zas sbyin gyi khyim ni śākya ’i bu’i dge sbyoṅ dag gi khyim daṅ po lags so || mkhan po’i khyim ni śākya ’i bu’i dge sbyoṅ dag gi khyim gñis pa lags te | (4) śākya ’i bu’i dge sbyoṅ drug bcu ñin re lan re mchis te bsod sñoms ’tshal lo || bram ze des bsams pa | ’dis kho bo ser sna can la tho ’tsham par byed kyis gźan la yaṅ dri bar bya’o sñam nas | de lam gar soṅ ste bsdad pa daṅ | ji tsam na bram ze’i khye’u gźan źig bya ba (5) ’ga’ źig la mñan yod nas ri brags der soṅ ba daṅ | bram ze des bram ze’i khye’u de thag riṅ po kho na nas mthoṅ nas | des bram ze’i khye’u de la dris pa | bram ze’i khye’u khyod ga las ’dir ’oṅs | des smras pa | mñan yod nas so || khyod kyis kho bo’i khyim gyi gtam (6) thos sam | thos te | mñan yod na khyim bdag mgon med zas sbyin gyi khyim ni śākya ’i bu’i dge sbyoṅ dag gi khyim daṅ po lags so || mkhan po’i khyim ni śākya ’i bu’i dge sbyoṅ dag gi khyim gñis pa lags te | bsod (7) sñoms ’tshal lo || bram ze des bsams pa | de daṅ ’dzin mthun pas de ltar gyur gyis bram ze mo de loṅs spyod dag zos par gyur na mi ruṅ gis ’gro’o sñam mo || de nas bram ze de phyir ’oṅs te bram ze mo de la smras pa | bram ze mo ṅan pa kho bos lag pas gźal ba brgya (56a1) dag gis loṅs spyod dag bsgrubs na | khyod de dag śākya ’i bu’i dge sbyoṅ dag daṅ lhan cig za bar byed dam | khyod kyis bram ze rig byed gsum daṅ ldan pa dag ma mthoṅ ṅam ci na | dge sbyoṅ mgo reg de dag la sbyin par byed ces des de brdeg par brtsams pa (2) daṅ | des smras pa | bram ze khyod kyis kho mo la gtad pa’i baṅ ba dag kho mos rgya ñams par byas sam | ci je so sor rtogs śig | bram ze des bag ba dag so sor brtags pa daṅ | ji tsam na de bźin du rgya ma ñams par ’dug pa dag mthoṅ nas | des chuṅ ma la smras pa | (3) khyod kyis zas de sñed ga las rñed | des smras pa | bdag gi phru ba ’dir ’bras chan daṅ | sran tshod btsos na ’bras chan des dge sloṅ drug bcu daṅ bdag kyaṅ ’graṅs par gyur to || bram ze des smras pa | ci’i phyir de ltar gyur | des smras pa | bdag gis khyod kyi mṅon sum du (4) ’gyur bar bya’o źes des phyi de ñin par tshe daṅ ldan pa ’char ka bdag ñid daṅ drug bcu der ’oṅs pa la de bźin du bsod sñoms phul nas des smras pa | bram ze khyod kyis mthoṅ ṅam | bram ze de mṅon par dad par gyur nas | des smras pa | btsun pa ’char kas saṅ bdag gi sdum (5) par gdugs tshod gsol bar ci gnaṅ | tshe daṅ ldan pa ’char kas smras pa | bram ze ci ’di ’dra bas sam | ’on te zas yaṅ dag pas mgron du ’bod || bśos yaṅ dag pas spyan ’dren to || tshe daṅ ldan pa ’char kas bram ze de la caṅ mi smra bas daṅ du blaṅs te soṅ ṅo || de nas (6) bram ze des tshe daṅ ldan pa ’char kas caṅ mi smra bar daṅ du blaṅs par rig nas | de ñid kyi mtshan mo bca’ ba daṅ bca’ ba daṅ bza’ ba gtsaṅ źiṅ bsod pa dag sta gon byas so || tshe daṅ ldan pa ’char ka yaṅ phyi de ñin par sṅa dro śam thabs bgos lhuṅ bzed daṅ chos gos thogs te | bram (7) ze’i khyim ga la ba der soṅ ste phyin nas stan bśams pa ñid la ’dug go | de nas bram ze des tshe daṅ ldan pa ’char ka bde bar ’dug par rig nas bca’ ba daṅ bza’ ba gtsaṅ źiṅ bsod pas raṅ gi lag nas tshim par byed | stobs par byed do || rnam graṅs du mar bca’ ba daṅ (56b1) bza’ ba gtsaṅ źiṅ bsod pas raṅ gi lag nas tshim par byas śiṅ bstabs nas | tshe daṅ ldan pa ’char ka zan zos śiṅ lag pa bsñal lhuṅ bzed bźag par rig nas | stan ches dma’ ba źig blaṅs te tshe daṅ ldan pa ’char ka’i mdun du chos mñan pa’i phyir ’dug go | tshe daṅ (2) ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar bram ze de chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon du (3) byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma (4) bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dgas las ni (5) bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i (6) ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge (7) sloṅ gi dge ’dun la skyabs su mchi yis | bdag dge bsñen du gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas (57a1) mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas bram ze gźan dag la yaṅ phan pa bya dgos so źes smras te daṅ du ma blaṅs (2) so | |de na tshe daṅ ldan pa ’char kas mñan yod du bram ze’i khyim dgu pa gñi ga nas btul ciṅ bźag go || || ’dul ba rnam par ’byed pa | bam po drug bcu rtsa bdun pa | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod (3) na bram ze źig ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do | de la bu źig byuṅ nas de bsriṅs śiṅ bskyed de chen por gyur to || de’i chuṅ ma de gtum pa | brlaṅ ba | rtsub pa | rgya ba | gśe ba | spyo ba (4) źig yin pas rtag tu ṅos kyi sdum tshes dag daṅ lhan cig ’thab grol byed nas | de’i miṅ gtum mo gtum mo źes bya bar gyur to || dus gźan źig na mñan yod du dus ston byuṅ nas bram ze des bu la smras pa | bu khyod kyi ma ’di gtum pas gźan dag daṅ lhan cig ’thab krol (5) byed pas | bdag cag khri mon du bcug pas ’chi bar bya dgos pa gaṅ yin pa de lta bu’i gnas yod par ’gyur gyis | re źig dus ston thal gyi bar du ri brags gźan du ’doṅ źiṅ ’khod la | de’i ’og tu phyir ’oṅ par byas | khyod soṅ la ma la dris śig | bu des ma la smras pa | (6) yum bdag bgyi ba chuṅ źig gi slad du ri brags ga ge mo źiṅ tu mchi’o || gtum mos smras pa | gaṅ du kho mo’i daṅ po’i gos soṅ ba der soṅ śig | bram zes kyaṅ smras pa | kho bo yaṅ ’gro’o || gtum mos smras pa | gaṅ nas yaṅ phyir mi ’oṅ ba der soṅ śig | de gñis (7) doṅ ba daṅ | gtum mos bu mo mṅag gźug ma la smras pa | bu mo khur slaṅ tshugs śig daṅ | je snog zan bya’o || des khur slaṅ btsugs te khur bdag bya bar brtsams pa daṅ | tshe daṅ ldan pa ’char kas bsams pa | gtum mo de gdul ba’i dus yin no sñam nas (57b1) de sṅa dro śam thabs bgos | lhuṅ bzed daṅ chos gos thogs te mñan yod du bsod sñoms la źugs nas | de mthar gyis bsod sñoms la rgyu ba na gtum mo’i khyim du ’jug par brtsams pa daṅ | de ’jug pa gtum mos mthoṅ nas des bu mo mṅag gźug ma la smras pa | (2) bu mo dge sbyoṅ ’di skrod cig | des bskrad pa daṅ | tshe daṅ ldan pa ’char ka ches daṅ por naṅ du źugs śiṅ bu mo mṅag gźug ma phyis źugs so | de gtum mos yaṅ mthoṅ nas des bu mo mṅag gźug ma la smras pa | bu mo khyod kyis dge sbyoṅ ’di ma bskrad dam | des smras pa | (3) bskrad do || ’o na ’di ga las źugs | yaṅ skrod la sgo chod cig | des de bskrad de sgo bcad nas źugs pa daṅ | tshe daṅ ldan pa ’char ka ches daṅ por źugs so | de gtum mos yaṅ mthoṅ nas des bu mo mṅag gźug ma la smras pa | bu mo khyod kyis dge sbyoṅ ’di bskrad de (4) sgo ma bcad dam | des smras pa | bskrad de sgo bcad do || ’o na ’di gaṅ nas źugs | de nas gtum mos smras pa | dge sbyoṅ ci sloṅ | tshe daṅ ldan pa ’char kas smras pa | khur pa’o || gtum mos smras pa | khyod bu thu bor gyur te ’oṅs na khyod la khur ba ci’i phyir mi sbyin | (5) tshe daṅ ldan pa ’char kas bu thu bor sprul te ’oṅs pa daṅ | gtum mos smras pa | gal te lag pa daṅ rkaṅ pa dag ser por byas kyaṅ khyod la khur ba mi sbyin no || tshe daṅ ldan pa ’char kas lag pa daṅ rkaṅ pa dag ser por sprul pa daṅ | gtum mos smras pa | gal te mig (6) gñis khar phor lta bur lta na yaṅ khyod la khur ba mi sbyin no || tshe daṅ ldan pa ’char kas mig gñis khar phor lta bur sprul pa daṅ | gtum mos smras pa | gal te nam mkha’ la dril bu bźin du khra la la ’khrol źiṅ ’dug na yaṅ khyod la khur ba mi sbyin no || tshe daṅ ldan pa (7) ’char kas nam mkha’ la dril bu bźin du khra la la ’khrol źiṅ ’dug pa daṅ | gtum mos smras pa | gal te khyod phyed phyed du dum bu gñis su gas kyaṅ khyod la khur ba mi sbyin no || tshe daṅ ldan pa ’char kas bdag ñid phyed phyed du dum bu gñis su gas par sprul te sa la sgyel ba (58a1) daṅ | bu mo mṅag gźug mas smras pa | jo mo khyod kyis gduṅ bar bgyid pa maṅ po dag bsgrubs pa de dag gi naṅ na ’di ni ches gduṅ bar bgyid pa lags te | dge sbyoṅ ’di ni ko sa lar byuṅ ba’i rgyal po gsal rgyal gyi chuṅ po grogs | btsun mo phreṅ ldan ma’i (2) slob dpon lags pas | bdag ni śin tu thag riṅ por mchis kyaṅ bran mo ñid du bas kyi | jo mos ni gser gyi chu bum gyis rgyal po’i pho braṅ du chab btsu ’tshal bar ’gyur ro || gtum mo skrag ste bsams pa | de ltar ’gyur ro sñam nas des smras pa | bu mo doṅ rkos śig daṅ (3) sba’o | des doṅ rkos te sba bar brtsams pa daṅ | tshe daṅ ldan pa ’char ka ’gog pa la sñoms par źugs nas des bsgul bar yaṅ ma nus so || de nas gtum mos tshe daṅ ldan pa ’char ka’i rkaṅ pa gñis la gtugs te smras pa | ’phags pa khyod kyis mi mkhyen pa daṅ (4) ma gzigs pa daṅ | ma rig pa daṅ | rnam par mi mkhyen pa ci yaṅ ma mchis kyis | bdag la bzod pa mdzod cig daṅ khyod la khur ba gsol lo | tshe daṅ ldan pa ’char ka laṅs te cha lugs tha mal pa bstan pa daṅ | gtum mos bsams pa | ’di la khur (5) ba sbyin no źes khas blaṅs na | khur ba ’di dag ni ha caṅ che ches pas phaṅs kyis | ’di’i phyir khur ba chuṅ du gźan źig bya’o sñam nas | des khur ba chuṅ du źig sreg par brtsams pa daṅ | khur ba des khur bslaṅ thams cad yog par gyur nas | gtum mos (6) bsams pa | bdag gis khur ba ’di mi sbyin par khur ba sṅa ma las gcig sbyin no sñam nas | des khur ba gcig draṅ bar brtsams pa daṅ | ji tsam na khur ba thams cad ’oṅs nas | gtum mos smras pa | ci ’phags pa khur ba thams cad bźed dam | tshe daṅ (7) ldan pa ’char kas smras pa | ’dod do || gtum mos smras pa | bźes su gsol | tshe daṅ ldan pa ’char kas smras pa | sriṅ mo gal te yoṅs su gtaṅ na | khyim bdag mgon med zas sbyin gyis | deṅ saṅs rgyas la sogs pa dge sloṅ gi dge ’dun khyim (58b1) gźan du gdugs tshod la spyan draṅs kyis | der doṅ la raṅ gi lag nas brims śig | gtum mos smras pa | ’phags pa dag gtum mo źes thams cad du rig pas | bdag der ’jug tu ga la chud | tshe daṅ ldan pa ’char kas smras pa | sriṅ mo kho bos khyod (2) ’jug tu gźug go | de nas gtum mos khur ba de dag thogs te | khyim bdag mgon med zas sbyin gyi khyim du ’jug par brtsams pa daṅ | sgo bas smras pa | gtum mo don ci’i phyir ’dir ’oṅs | ma ’jug śig | tshe daṅ ldan pa ’char kas smras pa | bźin (3) bzaṅs ’jug tu chug śig | sgo bas gtum mo naṅ du btaṅ ba daṅ | des saṅs rgyas la sogs pa dge sloṅ gi dge ’dun maṅ po mthoṅ nas | khur ba de dag gtub par brtsams pa daṅ | tshe daṅ ldan pa ’char kas smras pa | ma gtub par raṅs par brims śig | (4) gtum mos smras pa | khyed par mi ’gyur ro || tshe daṅ ldan pa ’char kas smras pa | brims śig daṅ khyed par ’gyur ro źes des ’di ltar saṅs rgyas la sogs pa dge sloṅ gi dge ’dun thams cad la khyed pa’i phyi na lhag kyaṅ byuṅ ba de ltar byin gyis brlabs so || gtum mos saṅs (5) rgyas la sogs pa dge sloṅ gi dge ’dun thams cad la khur bas khyed par brims te gsol nas || bcom ldan ’das kyis yon bśad pa mdzad nas gdan las bźeṅs te gśegs so || gtum mos smras pa | btsun pa ’char ka khyod bdag gi dge ba’i bśes gñen lags (6) kyis tshur gśegs | bdag gi sdum par bźud la khyod der gdugs tshod gsol cig | tshe daṅ ldan pa ’char ka gtum mo’i khyim du soṅ ba daṅ | gtum mos tshe daṅ ldan pa ’char ka la zan byin nas gtum mo tshe daṅ ldan pa ’char ka’i mdun du chos mñan pa’i phyir ’dug pa daṅ | (7) tshe daṅ ldan pa ’char kas de’i bsam pa daṅ | bag la ñal daṅ | khams daṅ | raṅ bźin khoṅ du chud nas | ’di ltar gtum mos stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste || rgyun du źugs pa’i ’bras (59a1) bu mṅon du byas pa de ltar chos bstan to || des bden pa mthoṅ nas smras pa | btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | (2) mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gyis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | (3) khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni (4) bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun (5) pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ dge ’dun la skyabs su mchi yis | bdag dge bsñen mar gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs (6) su mchi’o || de nas tshe daṅ ldan pa ’char kas de la chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par bzeṅs bstod | yaṅ dag par rab tu dga’ bar byas nas stan las laṅs te soṅ ṅo || de nas gtum mos (7) raṅ gi khyim phyag dag legs par byas | chag chag legs par btab | byug pas legs par byugs te me tog dag dgram par byas nas | spyod lam źi bas ’dug go | bram ze de yaṅ dus ston thal nas phyir ’oṅs te skyed mos tshal du bsdad nas | des bu la (59b1) smras pa | bu khyod soṅ la khyod kyi ma khri mon gaṅ du bcug cig ’dug pa ltos śig daṅ dbyuṅ bar bya’o | bu de khyim du soṅ ba daṅ gtum mos thag riṅ mo kho na nas bu mthoṅ nas | des smras pa | bu ’oṅs pa legs so ’oṅs pa legs so || tshur śog ṅal sos śig | khyod (2) kyi pha de ’oṅs sam | bus smras pa | mchis te | skyed mos tshal na sdod ciṅ mchis so || bu de zan zos nas pha’i gan du soṅ ba daṅ | phas dris pa | bu khyim bde’am | bus smras pa | yab yum gyi spyod lam de lta bu ni sṅon lan ’ga’ yaṅ ma mthoṅ ste | ’di ltar spyod (3) lam źi bas mchis so || bram ze de khyim du źugs pa daṅ gtum mos thag riṅ po kho na nas mthoṅ nas | des smras pa | rje’i sras khyon pa legs so byon pa legs so || bźugs su gsol || de ’dug nas bsams pa | bye brag ’di lta bu ni sṅon ma byuṅ ci las gyur (4) sñam nas | des tshigs su bcad pa smras pa | ’di ltar sṅon daṅ mi ’dra bar ||
log pa ñid du khyod snaṅ na ||
khyod ni smyo byed ldan gyur tam ||
’on te myos par gyur tam ci || gtum mos tshigs su bcad pa smras pa |

jo bo bdag ni smyos pa min ||
myos par gyur (5) pa’aṅ lags te ||
bdag gis saṅs rgyas bstan pa la ||
’phags pa’i bden pa mthoṅ bar bgyis ||

rje’i sras bdag la ’phags pa ’char kas ’di ltar bdag slad chad ’khor ba na ’khor ba’i tshe ñon moṅs pa de lta bu dag kun du spyod par mi ’gyur ba de ltar chos bstan pa (6) mdzad do || bram ze de ṅo mtshar skyes te bsams pa | bdag gis brdeg pa daṅ | bciṅ ba daṅ | smad pas dul bar ma nus pa gaṅ yin pa de | btsun pa ’char kas chos bstan pas btul bas | gaṅ gi phyir chos bstan pas ’di btul ba ni ’phags pa ’char (7) kas bdag la phan pa maṅ du mdzad do || ’phags pa ’char kas bdag legs pa maṅ du mdzad kyis | bdag soṅ la ’phags pa ’char ka saṅ khyim gźan du gdugs tshod la spyan draṅ ṅo sñam nas | de tshe daṅ ldan pa ’char ka ga la ba der soṅ ste phyin nas | tshe daṅ ldan (60a1) pa ’char ka’i rkaṅ pa gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas | tshe daṅ ldan pa ’chaṅ kas bram ze de la chos daṅ ldan pa’i gtam gyis yaṅ dag par ston par byed | yaṅ dag par ’dzin du ’jud par byed | (2) yaṅ dag par gzeṅs stod par byed | yaṅ dag par rab tu dga’ bar byed do | rnam graṅs du mar chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ (3) mi smra’o || de nas bram ze de stan las laṅs te | tshe daṅ ldan pa ’char ka ga la ba de logs su thal mo sbyar ba btud nas | tshe daṅ ldan pa ’char ka la ’di skad ces smras so || btsun pa ’char kas saṅ bdag gi sdum par gdugs tshod gsol bar ci gnaṅ | tshe daṅ ldan (4) pa ’char kas bram ze de la caṅ mi smra bas daṅ du blaṅs so || de nas bram ze des tshe daṅ ldan pa ’char kas caṅ mi smra bas daṅ du blaṅs par rig nas | tshe daṅ ldan pa ’char ka’i rkaṅ pa gñis la mgo bos phyag ’tshal te soṅ ṅo || de nas bram ze des de ñid kyi mtshan mo bca’ ba (5) daṅ bza’ ba gtsaṅ źiṅ bsod pa dag sta gon byas so || tshe daṅ ldan pa ’char ka’aṅ phyi de ñin par sṅa dro śam thabs bgos | lhuṅ bzed daṅ chos gos thogs te | bram ze de’i khyim ga la ba der soṅ ste phyin nas stan bśams pa ñid la ’dug go | de nas bram ze des tshe (6) daṅ ldan pa ’char ka bde bar ’dug par rig nas | bca’ ba daṅ bza’ ba gtsaṅ źiṅ bsod pas raṅ gi lag nas tshim par byed | stobs par byed do || rnam graṅs du mar bca’ ba daṅ bza’ ba gtsaṅ źiṅ bsod pas raṅ gi lag nas tshim par byas śiṅ bstabs nas | (7) tshe daṅ ldan pa ’char ka zan zos śiṅ | lag pa bsñal lhuṅ bzed bźag par rig nas stan ches dma’ ba źig blaṅs te | tshe daṅ ldan pa ’char ka’i mdun du chos mñan pa’i phyir ’dug go | tshe daṅ ldan pa ’char kas de’i bsam pa daṅ | bag la ñal daṅ | khams (60b1) daṅ | raṅ bźin khoṅ du chud nas ’di ltar bram ze des stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon du byas pa de ltar chos bstan to || des bden pa mthoṅ nas smras pa | (2) btsun pa bdag gis dge ba’i bśes gñen btsun pa ’char ka la brten nas | btsun pa ’char kas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag (3) gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ (4) thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho (5) ba ye śes kyi rdo rjes bcom ste | rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la (6) skyabs su mchis yis | bdag dge bsñen du gzuṅ du gsol | deṅ slan chad nas ji srid ’tsho’i bar du glo ba thag pa na rab tu daṅ bas skyabs su mchi’o || btsun pa ’char kas ji srid ’tsho’i bar du bdag gi bsod sñoms daṅ | na bza’ daṅ | gnas mal daṅ | (7) bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || bram (61a1) ze des smras pa | gal te btsun pa ’char kas daṅ du mi bźes na | bdag gis draṅ sroṅ gi gdan bśams par bgyi yis | btsun pa ’char ka gśegs te loṅs spyad par gsol | tshe daṅ ldan pa ’char kas bram ze de la caṅ mi smra bas daṅ du blaṅs (2) so|| tshe daṅ ldan pa ’char kas de la chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas stan las laṅs te soṅ ṅo || de ne tshe daṅ ldan pa ’char kas mñan (3) yod du bram ze’i khyim bcu pa gñi ga nas btul ciṅ bźag go | tshe daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze gźon nu dga’ ’dun lṅa brgya tsam chuṅ ma daṅ bcas pa dag bca’ ba daṅ | bza’ ba daṅ | dri daṅ | (4) phreṅ ba rgyu maṅ po thogs te | rtse ba’i phyir skyed mes tshal gyi sar byuṅ ba daṅ | tshe daṅ ldan pa ’char kas bsams pa | ’di dag gdul ba’i dus yin no sñam nas | de de dag gi gan du soṅ ba daṅ | de dag gis smras pa | btsun pa ’char ka khyod bram ze mdun na ’don (5) gyi bu yin na | ci’i phyir śākyī bu’i dge sbyoṅ ’di dag thams cad za ba dag gi naṅ du rab tu byuṅ | tshe daṅ ldan pa ’char kas ’di ltar | de dag gi phreṅ ba gaṅ dag yin pa de dag ni kun doṅ gi phreṅ bar gyur | khur ba gaṅ dag yin pa de dag yin pa de dag ni ba laṅ gi ko bar gyur (6) śa gaṅ dag yin pa de dag ni ba laṅ gi śar gyur | btuṅ ba gaṅ dag yin pa de dag ni chaṅ du gyur pa de ltar byin gyis brlabs nas | tshe daṅ ldan pa ’char kas de dag la lhuṅ bzed bstan te smras pa | śes ldan dag ltos śig | kho bo’i lhuṅ bzed na kun doṅ daṅ | (7) ba laṅ gi ko ba daṅ | ba laṅ gi śa daṅ | chaṅ yod sñam mam | ci khyed cag ni mgo la yaṅ kun doṅ gi phreṅ ba thogs | zas su yaṅ ba laṅ gi ko ba daṅ | ba laṅ gi śa za | btuṅ bar yaṅ chaṅ ’thuṅ bas khyed cag thams cad za ba yin no || de dag gis (61b1) gcig la gcig bltas na ji tsam na bdag cag thams cad kyi mgo la kun doṅ gi phreṅ ba thogs pa daṅ | khur ba thams cad ba laṅ gi ko bar gyur pa daṅ | śa thams cad ba laṅ gi śar gyur pa daṅ | btuṅ ba thams cad chaṅ du gyur par mthoṅ nas | de dag (2) gis smras pa | ’phags pa ’char ka khyod kyis bdag cag la dmod pa bor gyis | bdag cag la bzod par mdzad du gsol | tshe daṅ ldan pa ’char kas smras pa | bzod par bya’o || de nas de dag sṅa mkho bźin du gyur pa daṅ | de dag ṅo mtshar skyes nas (3) de dag gis smras pa | btsun pa ’char ka ci’i slad du byon | khyod cag ñid gdul ba’i don du ’oṅs kyis | ’khod cig daṅ chos bstan par bya’o || de dag tshe daṅ ldan pa ’char ka’i mdun du chos mñan pa’i phyir ’khod pa daṅ | tshe daṅ ldan pa ’char kas de dag (4) chuṅ ma daṅ bcas pa’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar | bram ze de dag chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste || rgyun (5) du źugs pa’i ’bras bu mṅon du byas pa de ltar chos bstan to || de dag gis bden pa mthoṅ nas smras pa | btsun pa bdag cag gis dge ba’i bśes gñen btsun pa ’char ka la brten nas || btsun pa ’char kas bdag cag la gaṅ mdzad pa ’di lta bu ni bdag (6) cag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes rnams kyis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ | rtsa (7) lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni (62a1) rkaṅ pa phyuṅ | lha daṅ mi’i naṅ du ni bźag | ’khor ba ni mthar bgyis | thog ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu ni thob ste | btsun (2) pa bdag cag ni mṅon par źugs pa lags so || btsun pa bdag cag ni mṅon par źugs pa lags te | btsun pa bdag cag bcom ldan ’das daṅ | chos daṅ | dge sloṅ gi dge ’dun la skyabs su mchi yis | bdag cag dge bsñen du gzuṅ du gsol | (3) deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || btsun pa ’char kas ji srid ’tsho’i bar du bdag cag gi bsod sñoms daṅ | na bza’ daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par (4) ci gnaṅ | tshe daṅ ldan pa ’char kas smras pa | rab tu byuṅ ba ni gźan la phan pas rjes su ’dzin pa la źugs pa yin pas | bram ze gźan dag la yaṅ phan pa bya dgos so źes smras te daṅ du ma blaṅs so || bram ze de dag gis smras pa | gal te btsun pa (5) ’char kas daṅ du mi bźes nas | bdag cag gis draṅ sroṅ gi gdan bśam par bgyis | btsun pa ’char ka gśegs te loṅs spyad par gsol | tshe daṅ ldan pa ’char kas bram ze de dag la caṅ mi smra bas daṅ du blaṅs so || de nas tshe daṅ ldan pa ’char kas de (6) dag la chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas stan las laṅs te soṅ ṅo | de na tshe daṅ ldan pa ’char kas mñan yod du bram ze’i khyim lṅa (7) brgya lhag tsam gñi ga nas btul źiṅ bźag go | de nas bcom ldan ’das kyis dge sloṅ rnams la bka’ stsal pa | dge sloṅ dag ṅa’i ñan thos kyi dge sloṅ khyim dad par byed pa rnams kyi naṅ na mchog ni ’di lta ste | dge sloṅ ’char ka nag po ’di yin no || tshe (62b1) daṅ ldan pa ’char kas bsams pa | gaṅ gdul ba’i dus yin sñam na | mñan yod na bram ze źig gsaṅ sṅags dag gis mi ma yin pa dbaṅ du byas nas | śiṅ rta bcas te ’dren du ’jud par byed nas | tshe daṅ ldan pa ’char kas bsams pa | bram ze de gdul (2) ba’i dus yin no sñam nas | tshe daṅ ldan pa ’char ka bram ze de gdul ba’i phyir ’phags pa daṅ | ji tsam na | bram ze de gsaṅ sṅags dag gis mi ma yin pa dbaṅ du byas nas | śiṅ rta bcas te ’dren du bcug nas mñan yod kyi phyi rol du soṅ ba na | bram ze (3) de śiṅ rta las babs nas gcin gci bar brtsams pa daṅ | tshe daṅ ldan pa ’char kas ’di ltar bram ze de’i gcin rgyun mi ’chad pa de ltar byin gyis brlabs nas | tshe daṅ ldan pa ’char kas gsaṅ sṅags kyi phur bu phyuṅ ba daṅ | mi ma yin pa de bros te soṅ ṅo | (4) ji tsam na | bram ze de laṅs pa daṅ mi ma yi na pa bros par mthoṅ nas | des smras pa | sus kho bo’i mi ma yin pa’i phur bu phyuṅ | tshe daṅ ldan pa ’char kas smras pa | kho bos so || ci’i phyir khyod bram zer gyur nas mi ma yin pa spyod dam | des smras pa | (5) su źig bdag gi bsñen bkur byed par ’gyur || tshe daṅ ldan pa ’char kas de la lhuṅ bzed bstan nas smras pa | ’di khyod kyi bsñen bkur byed par ’gyur ro || des smras pa | ’dis ci ’grub par ’gyur | tshe daṅ ldan pa ’char kas smras pa | gaṅ (6) sems pa daṅ | gaṅ ’dod pa de dag thams cad ’grub par ’gyur ro | ji tsam na | bram ze de gaṅ sems pa daṅ | gaṅ ’dod pa de dag thams cad lhuṅ bzed de las grub par gyur pa daṅ | bram ze de ṅo mtshar skyes te des smras pa | btsun pa ’char (7) ka ci’i slad du ’di ltar ’gyur | tshe daṅ ldan pa ’char kas smras pa | kho bos lhuṅ bzed kyi rig pa śes so || des smras pa | btsun pa ’char ka lhuṅ bzed kyi rig pa de bdag la stsol cig | tshe daṅ ldan pa ’char kas tshigs su bcad pa smras pa |

rig (63a1) pa su la’aṅ sbyin mi bya ||
rig daṅ bcas te ’chi bar bya ||
rig pa rig daṅ gus pa daṅ ||
nor gyi phyir ni sbyin par bya ||

bram zes smras pa | bdag khyod la gus par bgyid do || tshe daṅ ldan pa ’char kas smras pa || kho bo khyim pa las (2) bsñen bkur bdag gir mi byed kyi | kho bo ni rab tu byuṅ ba las bsñen bkur bdag gir byed do || des smras pa | bdag rab tu ’byuṅ ṅo | tshe daṅ ldan pa ’char kas smras pa | rab tu phyuṅ śig ces des der rab tu phyuṅ | rdzogs par bsñen par byas te gdams (3) ṅag byin no || de de ltar rab tu byuṅ nas gcig pu dben pa bag yod pa | brtun pa daṅ ldan pa bdag ñid btaṅ bar gnas so || gcig pu dben pa bag yod pa | brtun pa daṅ ldan pa bdag ñid btaṅ bar gnas pa na | rigs kyi bu dag gaṅ gi phyir skra daṅ kha spu bregs (4) te gos ṅur smrig dag bgos nas | yaṅ dag par kho nar dad pas khyim nas khyim med par rab tu ’byuṅ bar byed pa | tshaṅs par spyod pa’i mtha’ bla na med pa | de tshe de ñid la raṅ gi mṅon par śes pas mṅon sum du byas te bsgrubs nas bdag gi skye bzad do || tshaṅs par (5) spyod pa spyad do || bya ba byas so || srid pa ’di las gźan mi śes so źes go bar byed ciṅ | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa || nam mkha’ daṅ lag mthil du mtshuṅs pa’i sems daṅ ldan pa | (6) tsan dan bźag pa lta bur rig pos sgo ṅa’i sbubs dral bar gyur ciṅ | rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ ’dod pa’i rñed pa daṅ | bkur sti la rgyab kyis phyogs pa | dbaṅ po daṅ ñe dbaṅ daṅ bcas pa’i lha (7) rnams kyis mchod par bya ba daṅ | rjed par bya ba daṅ | mṅon du smra bar bya bar gyur to | tshe daṅ ldan pa ’char kas bsams pa | gaṅ gdul ba’i dus yin sñam na | yul mi’i gyad gcig gis yul dag tu gyad rnams brdabs nas mñan yod du ’oṅs te | mñan (63b1) yod na slo khar rkaṅ pa brkyaṅ ste bdug ciṅ | de gaṅ la la ’oṅ ba de la ’di skad ces | yaṅ na ni kho ba la stobs rgol cig | yaṅ na ni kho bo’i rlig bar du soṅ śig ces zer ro || de na skye bo phal po che’i tshogs ’du ba dag las | ’ga’ yaṅ de la stobs kyaṅ mi (2) rgol | de’i rlig bar du yaṅ mi ’gro’o || tshe daṅ ldan pa ’char kas bsams pa | gyad de gdul ba’i dus yin no sñam nas | tshe daṅ ldan pa ’char ka phyogs der soṅ ste smras pa | ’di su źig yin | skye bo phal po che’i tshogs kyis smras pa | gyad ’di’i (3) mchid nas ’di skad ces | yaṅ na ni kho bo la stobs rgol cig | yaṅ na ni kho bo’i rlig bar du soṅ śig ces mchi’o || tshe daṅ ldan pa ’char kas de la smras pa | ci je kho bo daṅ lhan cig stobs bya’am | ’on te kho bos brdabs pa’i gyad gsum po gaṅ dag (4) yin pa de dag daṅ lhan cig stobs ’gyed | des smras pa | khyod kyis brdabs pa’i gyad gsum po gaṅ dag yin pa de dag daṅ lhan cig stobs bya’o || tshe daṅ ldan pa ’char kas smras pa | kho bos ’dod chags kyi gyad brdabs | źe sdaṅ gi gyad brdabs | gti (5) mug gi gyad brdabs kyis | khyod de dag daṅ lhan cig stobs khye śig ces | tshe daṅ ldan pa ’char kas de btul nas des de rab tu phyuṅ | rdzogs par bsñen par byas te gdams ṅan byin no || de de ltar rab tu byuṅ nas gcig pu dben ba bag yod pa | brtun pa (6) daṅ ldan pa bdag ñid btaṅ bar gnas so | gcig pu dben pa bag yod pa | brtun pa daṅ ldan pa bdag ñid btaṅ bar gnas pa na | rigs kyi bu dag gaṅ gi phyir skra daṅ kha spu bregs te | gos ṅur smrig dag bgos nas | yaṅ dag pa kho nar dad pas khyim nas khyim (7) med par rab tu ’byuṅ bar byed pa | tshaṅs par spyod pa’i mtha’ bla na med pa de tshe de ñid la raṅ gi mṅon bar śes pas mṅon sum du byas te bsgrubs na | bdag gi skye ba zad do || tshaṅs par spyod pa spyod do || bya ba byas so || srid pa ’di las gźan mi śes so (64a1) źes go bar byed ciṅ | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bu rig pas sgo ṅa’i (2) sbubs dral bar gyur ciṅ | rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ ’dod pa’i rñed pa daṅ | bkur sti la rgyab kyis phyogs pa | dbaṅ po daṅ | ñe dbaṅ daṅ bcas pa’i lha rnams kyis mchod par bya (3) ba daṅ | rjed par bya ba daṅ | mṅon du smra bar bya bar gyur to | gtum mo des bu’i chuṅ ma blaṅs nas | dus gźan źig na gtum mo yaṅ dus la bab | de’i khyim thab kyaṅ dus la bab bo || gtum mo’i bu de kha ton gyi źor la yul gźan du soṅ ṅo || (4) gtum mo’i mna’ ma de gos daṅ zas bzaṅ źiṅ źim pa la loṅs spyod spyod pas | ñon moṅs pa dag gis gduṅs par gyur nas | des bu mo mṅag gźug ma la smras pa | bu mo soṅ la skyes pa lus brtan pa | mkhraṅ ba | dam pa ’ga’ ci snaṅ tshol cig daṅ de (5) daṅ lhan cig dga’ mgur spyad par bya’o || bu mo mṅag gźug mas smras pa | jo mo khyod kyi gyos po daṅ sgyug mo gñis ni bden pa mthoṅ ba lags na | khyod draṅ sroṅ gi khyim ’di lta bur byon na ñes par spyod pa de lta bu ji ltar bgyir ruṅ | draṅ sroṅ gi khyim gyi mi sñan (6) pa skyed par mdzad dam ci | des smras pa | kwa’i khyod la bsam pa des ci bya | je soṅ la khrid de śog śig | gal te khrid de ma ’oṅs na khyod la mtshams chen po gcad par bya’o || bu mos bsams pa | bu zan ma’i bu mo ’dis draṅ sroṅ gi khyim btsog gis (7) dgaṅ bar chad de | bdag la dka’ ba med kyis dgug go sñam nas | de sraṅ du soṅ ba dag | des de na chom rkun pa’i dmag dpon lus brtan pa | mkhraṅ ba dam pa źig mthoṅ nas | des de la smras pa | kye btsun po khyod kho mo’i jo mo daṅ lhan cig dga’ (64b1) mgur spyod phod dam | des smras pa | phod do || des de khrid de jo mo daṅ sprad nas | de de daṅ lhan cig dga’ mgur spyod par byed do || tshe daṅ ldan pa ’char ka des dus daṅ dus su ’gro bas de mthoṅ nas | tshe daṅ ldan pa ’char kas bsams pa | bud med kyi (2) yul ’di ni ’dod chags spyod pa źig yin no sñam nas | des de la ’dod chags kyi bsṅags pa ma yin pa brjod do || des bsams pa | ’phags pa ’char ka ni gźan gyi sems śes pa la mkhas pa yin pas des bdag ’phrigs kyis | gal te de ma bsad na (3) des bdag gi khyim thab la byas śiṅ | de bdag la gnod pa byed par ’gyur du ’oṅ gis | bdag gis de bsad do sñam nas | des chom rkun pa’i dmag dpon la smras pa | ’phags pa ’char ka ni gźan gyi sems śes pa la mkhas pa yin pas | des bdag (4) cag ’phrigs kyis | gal te de ma bsad na bdag gi khyim thab la byas śiṅ | de bdag cag la gnod pa byed par ’gyur du ’oṅ gis | khyod kyis de sod cig | chom rkun pa’i dmag dpon gyis smras pa | kho bo de mi gsod de | de ni ko sa lar byuṅ ba’i rgyal po (5) gsal rgyal gyi ni chuṅ po grogs | btsun mo phreṅ ldan ma’i ni slob dpon yin gyis | kho bos de bsad par gyur na kho bo rgyal pos rgya skyegs kyi khaṅ par bcug ste | bsregs pas ’chi bar bya dgos pa gaṅ yin pa de lta bu’i gnas yod par ’gyur ro || des smras pa | (6) gal te khyod de gsod na de lta na legs | gal te mi gsod na khyod phyin chad kho mo’i khyim du ’jug par mi bya’o || ’dod pa sten pa dag gis ni sdig pa’i chos mi bya ba ci yaṅ med pas chom rkun pa’i dmag dpon des smras pa | gal te de gźan gyi sems śes pa la mkhas pa (7) yin na kho bos ji ltar gsad par bya | des smras pa | thabs kyi rnam pa źig bya’o źes des dus ma yin par tshe daṅ ldan pa ’char ka’i gan du mṅag pa btaṅ ste | btsun pa ’char ka bdag bro ’tshal bar gyur na khyod kyis bdag gzigs par ci gnaṅ źes spriṅ ṅo || dgra (65a1) bcom pa dag ni ma bsams par śes pa daṅ mthoṅ ba mi ’jug bas | tshe daṅ ldan pa ’char ka yaṅ dus ma yin par źugs te | de la chos bstan pa byas nas de phyir ’byuṅ bar brtsams pa daṅ | des smras pa | ’phags pa bdag khyod mthoṅ na glo ba dga’ (2) bas yud tsam źig bźugs su gsol źes | des tshe daṅ ldan pa ’char ka ji srid kyis śin tu nam sros par gyur pa de srid du bzuṅ nas | chom rkun pa’i dmag dpon yaṅ ral gri śubs nas phyuṅ ste sgo na sdod do || de nas tshe daṅ ldan pa ’char ka phyir byuṅ ba daṅ | chom rkun pa’i (3) dmag dpon sñiṅ rje med pa’i sems daṅ ldan pa | ’jig rten pha rol btad ba des tshe daṅ ldan pa ’char ka’i mgo druṅ ba nas bcad de sa la bsgyel to || de ’phags pa gsod ciṅ ’dug pa bud med rgan mo źig gis mthoṅ nas | des smras pa | gzu lums byed pa ’di su źig yin | (4) chom rkun pa’i dmag dpon gyis smras pa | su la yaṅ ma zer cig | kho bos khyod kyaṅ ’di’i gnas skabs lta bur byas par gyur ta re | de skrag nas ’phral du smra ma phod de | bdag ñid chen po ’di’i rjes gcod pa ’ga’ źig phyis ’oṅ graṅ sñam nas || de ñid na caṅ mi smra bar (5) ’dug go | sñiṅ rje med pa’i sems daṅ ldan pa ’jig rten pha rol btaṅ ba de gñis kyis tshe daṅ ldan pa ’char ka’i lus de phyag dar gyi phuṅ po źig tu sbas te bźag go | de’i ñin mo gso sbyoṅ gi źal ta ba rgan pa’i mtha’ logs su ’dug ste smras pa | ’ga’ źig gis btsun pa (6) ’char ka’i ’dun pa blaṅs sam | btsun pa ’char ka med do || de nas bcom ldan ’das kyis dge sloṅ rnams la bka’ stsal pa | dge sloṅ dag khyim dad par byed pa rnams kyi mchog de bsad kyis | chos gos dag loṅ śig daṅ de’i lus la mchod pa bya’o || bcom ldan (7) ’das ’phags pa daṅ ji tsam na mñan yod kyi sgo chod nas | bcom ldan ’das kyis gser gyi ’od lta bu’i ’od btaṅ ba mdzad pa daṅ | des mñan yod thams cad gser btso ma’i ’od lta bus snaṅ bar gyur to || ko sa lar byuṅ ba’i rgyal po gsal rgyal gyis bsams pa | ci’i (65b1) phyir mñan yod thams cad gser btso ma’i ’od lta bus snaṅ bar gyur sñam nas | des yaṅ bsams pa | bcom ldan ’das gśegs par bźed gor ma chag sñam nas | de btsun mo’i ’khor daṅ bcas pas mñan yod kyi lde mig khyer te | sgo phye ba daṅ bcom ldan ’das (2) mñan yod du gśegs so || ko sa lar byuṅ ba’i rgyal po gsal rgyal gyis bsams pa | ci’i phyir bcom ldan ’das dus ma yin par mñan yod du gśegs sñam na | saṅs rgyas bcom ldan ’das rnams ni bsñen par dka’ ba daṅ | bzod par dka’ ba yin pas (3) des saṅs rgyas bcom ldan ’das la źu bar ma nus so || bcom ldan ’das ñan thos kyi dge ’dun daṅ bcas pa mdun du gśegs nas ko sa lar byuṅ ba’i rgyal po gsal rgyal btsun mo’i ’khor daṅ bcas pa bcom ldan ’das kyi slad bźin slad bźin du rjes su ’braṅ źiṅ soṅ ba daṅ | (4) ji tsam na | phyag dar gyi phuṅ po’i phyogs der byon to || de nas bcom ldan ’das kyis dge sloṅ rnams la bka’ stsal pa | dge sloṅ dag khyim pa dad par byed pa rnams kyi mchog de ’dir sbas kyis phyuṅ śig | de phyuṅ ba daṅ de na gaṅ dag tshe daṅ ldan pa ’char ka la brten nas | (5) ’phags pa’i bden pa dag mthoṅ ba de dag gis gsol pa | ’di bdag cag gi dge ba’i bśes gñen lags na | bcom ldan ’das kyis bdag can ’di’i lus la mchod pa bgyid par ci gnaṅ | bcom ldan ’das kyis ma gnaṅ ṅo || ko sa lar byuṅ ba’i rgyal (6) po gsal rgyal gyis gsol pa | ’di bdag gi chuṅ po grogs lags na | bcom ldan ’das kyis bdag ’di’i lus la mchod pa bgyid par ci gnaṅ | bcom ldan ’das kyis ma gnaṅ ṅo || btsun mo phreṅ ldan mas gsol pa | ’di bdag gi slob dpon (7) lags na | bcom ldan ’das kyis bdag ’di’i lus la mchod pa bgyid par ci gnaṅ | bcom ldan ’das kyis gnaṅ ṅo || de nas btsun mo phreṅ ldan mas | tshe daṅ ldan pa ’char ka’i lus de sa dkar gyis dril phyi byed du bcug nas | spos chus (66a1) ’khrur bcug ste | ras kha dog sna tshogs dag gis khyogs spyil brgyan nas | der bcug ste bźag go | de nas bcom ldan ’das ñan thos kyi dge ’dun daṅ bcas pa mdun du gśegs nas | rgyal po btsun mo’i ’khor daṅ bcas pa de’i phyi (2) bźin phyi bźin du rjes su ’phraṅ źiṅ soṅ ste || sa phyogs go skabs yaṅs pa źig tu bźag nas | btsun mo phreṅ ldan mas spos kyi śiṅ thams cad kyis phuṅ por bcer te bsregs nas | phuṅ po de ’o mas źi bar byas te | rus pa de dag gser gyi bum par bcug nas (3) lam po che’i bźi mdor lus kyi mchod rten rtsig tu bcug ste | gdugs daṅ | rgyal mtshan | ba dan bsgreṅ źiṅ | dri daṅ | phreṅ ba rgyu daṅ | bdug spos daṅ | phye ma daṅ | sil sñan dag gis mchod pa byas | rkaṅ pa gñis la phyag ’tshal nas | (4) bcom ldan ’das kyis yon bśad pa mdzad de gśegs so || de nas bcom ldan ’das gtsug lag khaṅ du byon nas | dge sloṅ gi dge ’dun gyi goṅ du gdan bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal | (5) pa | dge sloṅ dag ñes dmigs ’di daṅ gźan dag kyaṅ | dge sloṅ dag dus ma yin par groṅ du ’jug pa las gyur pas | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste źes bya (6) ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dus ma yin par groṅ du ’jug na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || (7) dge sloṅ nad ṅan can dag ’khod pa dag gis yun riṅ du ’dug par mi nus pa nas | dge sloṅ nad g-yog dag gis kyaṅ nad pa dag gi bya ba ñams par byed | dge sloṅ źal ta byed pa dag gis kyaṅ dge ’dun gyi bya ba ñams par byed pa’i skabs de dge sloṅ rnams kyis bcom ldan (66b1) ’das la gsol ba daṅ | bcom ldan ’das kyis bka’ stsal pa | de lta bas na dge sloṅ ’dug pa la smras te ’gro bar bya’o || bcom ldan ’das kyis dge sloṅ ’dug pa la smra bar bya’o źes bka’ stsal nas | dge sloṅ źig gis khyim gźan du lhuṅ bzed daṅ chos gos (2) bźag nas | ji tsam na der me śor nas dge sloṅ des der ’gro bar brtsams te | de lam gyi phyed du son pa daṅ | bdag gis dge sloṅ ’dug pa lam smras so sñam pa’i dran pa skyes nas de phyir log ste | ji srid du dge sloṅ ’dug pa la smra bar byed pa de srid du de’i lhuṅ bzed (3) daṅ chos gos tshig nas des der soṅ ba daṅ | khyim bdag gis smras pa | ’phags pa khyod ci’i slad du khyod ’phyis te byon | des na khyod kyi lhuṅ bzed daṅ chos gos tshig gi | gal te khyod myur du byon par gyur na khyod kyi lhuṅ bzed daṅ chos gos tshig bar mi ’gyur ro źes zer (4) źiṅ | dge sloṅ de yaṅ phoṅs par gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na de ’dra ba’i rkyen ma gtogs so || de nas bcom ldan ’das kyis bslab pa ’dod pa daṅ | bslab pa la (5) gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham ba’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa (6) yin la | ’di ni gnaṅ ba yin te | ṅa’i ñan thos kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dus ma yin par groṅ du ’jug ciṅ dge sloṅ ’dug pa la mi smra na de ’dra ba’i rkyen ma gtogs te lhuṅ byed do || yaṅ dge sloṅ gaṅ źes bya ba ni chos ’di (7) pa’am | gźan yaṅ de lta bu gaṅ yin pa’o || dus ma yin par źes bya ba ni dus ma yin pa gñis su ste | skya reṅs ma śar ba daṅ phyed yol bar ro || groṅ du źes bya ba ni gaṅ na sraṅ daṅ | bźi mdo daṅ | sum mdo dag yod bar do || ’jug ciṅ źes bya ba ni ’gro (67a1) źiṅ ṅo || dge sloṅ ’dug pa la mi smra na źes bya ba ni de na dge sloṅ gaṅ ’dug ba la’o || de ’dra ba’i rkyen ma gtogs te źes bya ba ni de ’dra ba’i rkyen bźag ste’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | (2) ṅan ’gro log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar (3) ’gyur źe na | dge sloṅ gis dus ma yin pa la dus ma yin par ’du śes pas groṅ du ’jug na ltuṅ byed du ’gyur ro || dus ma yin pa la yid gñis za bas groṅ du ’jug na ltuṅ byed du ’gyur ro || dus la dus ma yin par ’du śes pas | groṅ du ’jug na ñes byas su ’gyur (4) ro|| dus la yid gñis za bas groṅ du ’jug na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba ’khrugs pa daṅ | tshor ba dag gis ñen pa la ltuṅ ba med do || btsun mo phreṅ ldan mas ko sa lar byuṅ ba’i rgyal po gsal rgyal la smras pa | lhas (5) dge sloṅ rnams la ni gźon nu’i yoṅs su spaṅ ba stsal | dge sloṅ ma rnams la ni btsun mo’i ’khor gyi yoṅs su spaṅ ba stsal ciṅ | ’phags pa ’char ka lha’i ni chuṅ po grogs lags | bdag gi ni slob dpon lags te | dge sloṅ rab tu grags pa de lta bu yaṅ btsan thoṅ (6) du bkum na dge sloṅ rab tu ma grags pa gźan dag la bka’ mchid kyaṅ su rmed par ’gyur | ltas ’phags pa ’char ka de sus ’gums su stsal ba daṅ sus bkum pa bkas rma bar ci gnaṅ | ko sa lar byuṅ ba’i rgyal po gsal rgyal gyis źo śas ’tsho ba dag la bsgo ba | śes (7) ldan dag deṅ la ’phags pa ’char ka de sus gsod du bcug pa daṅ | sus bsad pa smros śig | de dag de rmed ciṅ phyogs der doṅ ba daṅ | de dag gis de na bud med rgan mo de mthoṅ źiṅ | des ni de dag mthoṅ źiṅ | des ni de dag ma mthoṅ ba na | bud med rgan mo des byuṅ rgyal du smras pa | phyogs (67b1) ’dir khyim dad par byed pa rnams kyi mchog de sbas pa ni de daṅ de dag gis bsad do || de dag gis de thos nas smras pa | rgan mo ci zer | rgan mo des smras pa | caṅ mi zer ro || de dag gis de bzuṅ ste bsdigs nas | de sus bsad smros śig ces byas pa daṅ | des (2) bram ze’i bu mo ’dis gsoṅ du bcug go | chom rkun pa’i dmag dpon ’dis bsad do || de dag gis kyaṅ bsdigs te | ci de gñis kho nar zad dam źes rmas pa daṅ | des smras pa | gźan yaṅ g-yon can lṅa brgya yod do || rgyal po’i mi de dag (3) gis bram ze’i bu mo de daṅ | chom rkun pa’i dmag dpon de daṅ | g-yon can lṅa brgya po de dag bzuṅ ste rgyal po la phul nas smras pa | lha ’phags pa ’char ka ni bram ze’i bu mo ’dis ’gums su stsal te | chom rkun pa’i dmag dpon ’dis bkum mo || g-yon (4) can lṅa brgya po ’di dag gi dmag dpon ni ’di lags so | rgyal pos smras pa | śes ldan dag deṅ la bram ze’i bu mo ’di rte’u dmu rgod kyi rkaṅ pa gñis la thogs śig | chom rkun pa’i dmag dpon ’di ni rgya skyegs kyi khaṅ par chug la sregs śig | g-yon can (5) lṅa brgya po ’di dag ni lag pa daṅ rkaṅ pa daṅ chod cig | de dag gis bram ze’i bu mo de ni rte’u dmu rgod kyi rkaṅ pa gñis la btags so || chom rkun pa’i dmag dpon de ni rgya skyegs kyi khaṅ par bcug ste bsregs so || g-yon can lṅa brgya po de dag ni lag pa daṅ rkaṅ pa (6) dag bcad do || dge sloṅ rnams the tshom skyes nas | the tshom thams cad gcod pa saṅs rgyas bcom ldan ’aṅs la źus pa | btsun pa tshe daṅ ldan pa ’char kas las ci bgyis na | las de’i rnam par smin pas sdaṅ ba ma mchis pa daṅ | gnod pa ma bgyis (7) bźin du de gñis kyis bkum par gyur ciṅ | de gñis kyaṅ bkum par gyur | g-yon can lṅa brgya po dag kyaṅ pa lag pa daṅ rkaṅ pa dag bkum par gyur | bcom ldan ’das kyis bka’ stsal pa | dge sloṅ dag de dag ñid kyis las tshogs rñed pa | rkyen yoṅs su (68a1) bsgyur ba | ’od pa bźin du ñe bar gnas pa gdon mi za bar ’gyur ba dag byas śiṅ bsags pas | de dag ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi (2) rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ skye mched dag la rnam par (3) smin par ’gyur te | las rnams bskal ba brgyar yaṅ ni || chud mi za ba’aṅ tshogs daṅ dus | rñed na lus can rnams la ni || ’bras bu dag tu ’gyur ba ñid || dge sloṅ dag sṅon byuṅ ba ’das pa’i dus na bā rā ṇa sī na rgyal po tshaṅs byin źes bya bas rgyal srid byed du bcug (4) pa’i tshe ñam ṅa ba daṅ bcas pa’i dus khyud ba na mu stegs can dag gis lo bcu gñis su than pa ’byuṅ ṅo źes luṅ bstan nas | rgyal po tshaṅs byin gis dril bsgrag pa byed du bcug ste | gaṅ la lo bcu gñis kyi zan yod pa de ni ’dug śig | gaṅ la med pa de ni soṅ śig ces (5) bsgo’o || de’i mdun na ’don de bram ze’i khye’u lṅa brgya tsam bram ze’i gsaṅ tshig klog tu ’jud pa de la bram ze’i khye’u de dag gis smras pa | mkhan po bdag cag la lo bcu gñis kyi ’tshal ma la mchis kyis bdag cag mchi’o || des smras pa | bu dag ’khod cig daṅ kho (6) bos khyed la mkho ba bstabs par bya’o || rgyal po tshaṅs byin gyi rmi lam na bdag gi rgyu ma dag gis groṅ khyer thams cad dkris par mthoṅ ṅo || mthoṅ nas kyaṅ de gźi ’dis bdag rgyal srid las ñams pa’am | tshe’i bar chad ’byuṅ ba’am | gcig tu mi ’gyur graṅ sñam du ’jigs pa (7) skyes par gyur nas | des rmi lam de mdun na ’don de la bzlas pa daṅ | mdun na ’don des bsams pa | lhas rmi lam bzaṅ po źig gzigs mod kyis | ’on kyaṅ bram ze’i khye’u dag gi rñed pa’i bar chad du gyur na mi ruṅ gis || ṅan par bsñad par bya’o sñam nas | (68b1) des rgyal po la smras pa | lhas rmi lam ṅan pa źig gzigs pas | gźi ’dis rgyal srid las ñams pa’am | sku tshe’i bar chad ’byuṅ ba ’am gcig tu ’gyur ro || rgyal pos smras pa | ’di la ci źig bya | des smras pa | lha ba laṅ gi mchod sbyin stsal (2) bar bgyi’o || rgyal pos smras pa | de ltar bya’o | des ba laṅ stoṅ phrag du ma dag bsogs pa daṅ | rgyal po phyir byuṅ nas rgyal pos ba laṅ de dag mthoṅ ba daṅ | ba laṅ de dag gis ba laṅ gi’u sgra chen po phyuṅ ṅo || rgyal pos de dag mthoṅ źiṅ thos nas || de sñiṅ (3) rje skyes te mdun na ’don la smras pa | ’di dag thams cad gsad par bya’am | mdun na ’don gyis bsams pa | rgyal po ’di dag thams cad bsad par mi ’dod do sñam nas | des smras pa | lha thams cad dgum par mi bgyi’o || de’i tshe na rṅa bran źig rṅa bran mo (4) źig la rgyab rgal byed nas mdun na ’don gyis smras pa | lha rṅa bran mo ’di gñis dgum par bgyi’o || bram ze’i khye’u de dag gis kyaṅ lag pa brkyaṅ ste | ’di gñis lags so źes bstan nas | de gñis bśas pa na sems g-yos pa | bdag cag (5) gñis sdaṅ ba med pa daṅ | gnod pa ma byas bźin du bsad pa gaṅ yin pa de thams cad ni mdun na ’don ’di daṅ | bram ze’i bu lṅa brgya po ’di dag gi le lan yin gyis | bdag cag gñis gaṅ daṅ gaṅ du skyes pa na | bdag cag gñis kyis mdun na ’don ’di sdaṅ ba (6) med pa daṅ | gnod pa ma byas bźin du gsod pa daṅ | bram ze’i khye’u lṅa brgya po ’di dag kyaṅ lag pa daṅ rkaṅ pa dag gcod du ’jud par gyur cig ces sñam du dam bcas so || dge sloṅ dag de’i tshe de’i dus na rgyal po tshaṅs byin gaṅ yin pa de ni da ltar ko sa lar byuṅ ba’i rgyal (7) po gsal rgyal yin no || de’i tshe de’i dus na rgyal po tshaṅs byin gyi btsun mo gaṅ yin pa de ni da ltar btsun mo phreṅ ldan ma yin no || de’i tshe de’i na mdun na ’don gaṅ yin pa de ni da ltar dge sloṅ ’char ka yin no || de’i tshe de’i dus na bram ze’i khye’u lṅa brgya po gaṅ dag yin (69a1) pa de dag ni da ltar g-yon can lṅa brgya po dag yin no || de’i tshe de’i dus na rṅa bran gaṅ yin pa de ni da ltar chom rkun pa’i dmag dpon yin no || de’i tshe de’i dus na rṅa bran mo gaṅ yin pa de ni da ltar bram ze’i bu mo yin te || mdun na ’don de daṅ bram ze’i khye’u lṅa brgya po de dag (2) gis rṅa bran daṅ rṅa bran mo de gñis sdaṅ ba med pa daṅ | gnod pa ma byas bźin du gsod du bcug pa’i las de’i rnam par smin pas da ltar yaṅ chom rkun pa’i dmag dpon ’di daṅ | bram ze’i bu mo ’di gñis kyis ’char ka daṅ | g-yon can lṅa brgya po dag sdaṅ ba med pa daṅ | (3) gnod pa ma byas bźin du gsod du bcug go | btsun pa tshe daṅ ldan pa ’char kas las ci źig bgyis na | las de’i rnam par smin pas phyug pa | nor maṅ pa | loṅs spyod che ba’i khyim du skyes | las ci bgyis na des bcom ldan ’das kyi spyan sṅar rab tu byuṅ nas | ñon (4) moṅs pa thams cad spaṅs pas dgra bcom pa ñid mṅon sum du bgyis || las ci źig bgyis na des dgra bcom pa ñid thob kyaṅ mtshon gyis yoṅs su mya ṅan las ’das | bcom ldan ’das kyis bka’ stsal pa | dge sloṅ dag rigs kyi bu ’char ka ñid kyis las tshogs rñed (5) pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pas | ’char ka ñid kyis byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa (6) dag ni phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur || rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag (7) la rnam par smin par ’gyur te | las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni | ’bras bu dag tu ’gyur ba ñid || dge sloṅ dag sṅon byuṅ ba ’das pa’i dus na saṅs rgyas rnams ’byuṅ ba med pa’i tshe | raṅ saṅs (69b1) rgyas dman pa daṅ bkren pa la rjes su sñiṅ brtse ba | bas mtha’i mtha’i gnas mal la dga’ ba | bse ru lta bu gcig pu ’jig rten gyi yon gnas su gyur pa ’jig rten du byuṅ ṅo || ji tsam na ri brags śig na rṅon pa źig ’dug ste | ri brags de daṅ ha caṅ mi riṅ ba źig na (2) ri dgas daṅ bya maṅ po dag gi rten du gyur pa mtshe’u źig yod pa der rṅon pa de ñi ma re re źiṅ ri dgas daṅ | bya maṅ po dag druṅs dbyuṅ ba’i phyir daṅ | ñams par bya ba’i phyir daṅ | tshul ma yin pas sdug bsṅal bar bya ba’i phyir rṅon spyad daṅ | rñi daṅ rñoṅ maṅ po dag (3) ’dzugs par byed do || de’i rṅon spyad daṅ | rñi daṅ rñoṅ de dag kyaṅ don yod pa yin no || ji tsam dus gźan źiṅ na raṅ saṅs rgyas śiṅ ljoṅs rgyu źiṅ soṅ ba na ri brags der phyin nas | lha’i gnas śig tu mtshan mo gnas par khas blaṅs nas | de sṅa dro śam thabs (4) bgos | lhuṅ bzed daṅ chos gos thogs te ri brags der bsod sñoms la źugs so || der bsod sñoms brgyus nas bsams pa | lha’i gnas ’di ñin mo rgyun lugs maṅ ba yin gyis || ri brags kyi phyi rol gyi gnas źi ba źig tu bsod sñoms bza’o sñam nas | (5) de ri brags nas byuṅ ste | ’di ni źi ba’o ’di ni źi ba’o źes mtshe’u da ga la ba der soṅ ste phyin nas | lhuṅ bzed daṅ chu tshags mtha’ gcig tu bźag ste | rkaṅ pa gñis bkrus nas lag pa gñis bsñal te chu btsags nas | lo ma lhags pa dag blaṅs te ’dug nas zas (6) kyi bya ba byas te lag pa gñis bsñal nas | kha bkrus te lhuṅ bzed daṅ chu tshags gnas ji lta ba bźin du bźag nas | rkaṅ pa gñis bkrus te śiṅ druṅ źig tu brten nas | braṅ ’gro’i rgyal po ñal ba’i lus bskyil ba ltar skyil mo kruṅ bcas te spyod lam źi bar ’dug pa daṅ | (7) de’i ñin mo mi’i dris ri dgas gcig kyaṅ ma zin to || de nas rṅon pa de naṅ par sṅar laṅs te | mtshe’u de ga la ba der soṅ nas des rṅon spyad daṅ | rñi daṅ | rñoṅ de dag byul bar brtsams pa daṅ | ri dgas gcig kyaṅ ma mthoṅ nas | de ’di sñam du sems te | (70a1) bdag gi rṅon spyad daṅ | rñi daṅ | rñoṅ ’di dag don yod pa yin na || gaṅ gi phyir der ri dgas gcig kyaṅ ma zin pa ’di’i rgyu gaṅ yin sñam nas | des mtshe’u de’i than kor byul bar brtsams pa daṅ | mi’i rjes mthoṅ nas de rjes de’i phyi bźin du soṅ ba daṅ | (2) raṅ saṅs rgyas spyod lam źi bas ’dug pa de mthoṅ nas des bsams pa | rab tu byuṅ ba sems źi ba ’di dag gnas ’di lta bu dag tu mṅon par dga’ bar byed pas | gal te bdag gis ’di’i srog bcad par ma byas nas | ’di dag gis ṅes par bdag gi ’tsho ba gcod par (3) byed kyis | rnam pa thams cad du ’di gsad par bya’o sñam nas | sñiṅ rje med pa’i sems daṅ ldan pa ’jig rten pha rol btaṅ ba des mda’ dug can gyis gźu rṅa’i dbyibs ’dra bar rna druṅ du thug par bkaṅ ste raṅ saṅs rgyas de’i gnad du bsnun to || raṅ saṅs rgyas bdag ñid (4) chen po des bsams pa | rṅon pa ñon moṅs pa ’di ha caṅ smas pa daṅ ñams par gyur na mi ruṅ gis | da ’di la lag nas draṅ ba źig bya’o sñam nas | des daṅ pa’i rgyal po ’dab ma brkyaṅ ba ltar steṅ gi nam mkha’ la mṅon par ’phags nas ’bar ba daṅ | gsal ba (5) daṅ | bar ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas | rṅon pa de śiṅ ljon pa rtsa ba nas bcad pa bźin du raṅ saṅs rgyas de’i rkaṅ pa gñis kyi druṅ du ’gyel nas (6) smras pa | yon gnas yaṅ dag par gyur pa mar gśegs su gsol | mar gśegs su gsol | ñon moṅs pa’i ’dam du byiṅ ba bdag gi sug pa nas draṅ ba stsal du gsol | raṅ saṅs rgyas de rṅon pa de la rjes su sñiṅ brtse ba’i phyir || steṅ gi nam mkha’ (7) las śod du babs so || de nas rṅon pa des zug rṅu med par byas te | rma lhan gyis glan nas smras pa | ’phags pa sdum par gśegs su gsol | gal ta ’dir gser gyi lhan pas glan par mdzad na || de yaṅ bdag gis sbyar bar bgyi’o || raṅ saṅs rgyas kyis (70b1) bsams pa | bdag gis rnag gi lus ’dis thob par bya ba gaṅ yin pa thob zin pas | de’i phyir da ni phuṅ po’i lhag ma med pa’i mya ṅan las ’das pa’i dbyiṅs su ’jug par bya’o sñam nas | de rṅon pa de ñid kyi mdun du yaṅ nam mkha’i dkyil du ’phags te | cho ’phrul (2) rnam pa sna tshogs dag rnam par bstan nas | phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das so || rṅon pa de nor daṅ ldan pa yin pas | des spos kyi śiṅ thams cad kyis phuṅ por bcer te bsregs nas | phuṅ po de ’o mas (3) źi bar byas te | rus pa de dag gser gyi bum par bcu gnas | lam po che’i bźi mdor lus kyi mchod rten rtsig tu bcug ste | gdugs daṅ | rgyal mtshan daṅ | ba dan dag bsgreṅ źiṅ | dri daṅ | phreṅ ba rgyu daṅ | bdug spos daṅ | phye ma daṅ | sil (4) sñan dag gis mchod pa byas nas | rkaṅ pa gñis la phyag ’tshal te smon lam ’di skad ces | bdag yon gnas yaṅ dag par gyur pa ’di lta bu la gnod pa byas pa gaṅ yin pa’i las de’i cha daṅ mthun par ma gyur par mchod par byas pa gaṅ yin pa’i dge ba’i rtsa ba ’dis | (5) bdag phyug ba | nor maṅ ba | loṅs spyod che ba’i khyim du skye bar gyur cig ces btab bo || dge sloṅ dag de la de’i tshe de’i dus na | rṅon pa gaṅ yin pa de ni ’char ka ’di yin te | des raṅ saṅs rgyas kyi gnad du maṅ ’dug can gyis bsnun pa gaṅ yin pa’i las de’i (6) rnam par smin pas | bskal par sems can dmyal ba chen po mnar med par gduṅs nas | las de ñid kyi lhag mas tshe rabs lṅa brgyar mtshe’u ’gram de ñid du ri dgas su skyes śiṅ | mtshon gyis dus la bab ste | da ltar gyi bar du yaṅ dgra bcom pa thob kyaṅ (7) de mtshon gyis yoṅs su mya ṅan las ’das so || mchod pa byas nas smon lam btab pa gaṅ yin pa des ni da ltar phyug pa | nor maṅ ba | loṅs spyod che ba’i khyim du skyes so || btsun pa tshe daṅ ldan pa ’char kas las ci bgyis na | las de’i rnam par smin las (71a1) ’di dus la bab pa’i lus phyag dar gyi phuṅ por sbas pa daṅ | ’dis ston pa mñes par bgyis śiṅ | thugs byuṅ bar ma bgyis pa daṅ | ’di dus la bab pa’i lus la ston pa ñan thos kyi dge ’dun daṅ bcas pa daṅ | rgyal po’i btsun mo ’khor (2) daṅ bcas pas | lus kyi mchod pa bgyis pa de lta bu’i yon tan gyi tshogs thob par gyur | dge sloṅ dag ’char ka ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas (3) śiṅ bsags pas | ’char ka ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni | phyi rol gyi sa’i khams la rnam par smin par mi ’gyur | chu’i khams la mi ’gyur | me’i (4) khams la mi ’gyur | rluṅ gi khams la mi ’gyur gyi | ’di ltar las dge ba daṅ | mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag la rnam par smin par ’gyur te | las rnam bskal ba brgyar yaṅ ni || chud mi (5) za ba’aṅ tshogs daṅ dus | rñed na lus can rnams la ni || ’bras bu dag tu ’gyur ba ñid | dge sloṅ dag sṅon byuṅ ba ’das pa’i dus na saṅs rgyas rnams ’byuṅ ba med pa’i tshe | raṅ saṅs rgyas dman pa daṅ | bkren pa la rjes su sñiṅ brtse ba | bas mtha’i (6) gnas mal la dga’ ba | bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || gaṅs kyi sul źig na raṅ saṅs rgyas lṅa brgya gnas te | de na raṅ saṅs rgyas gcig cig na bar gyur nas gźan dag gis de la smras pa | khyod bźud la (7) sman pa la rmos te cho ga mdzod cig | de ri brags gźan źig tu soṅ nas mtshan mo rdza mkhan gyi ra ba źig tu gnas par khas blaṅs pa daṅ | de mtshan mo na bar gyur nas dus la bab bo || rdza mkhan des de mthoṅ nas des bsams pa | rab tu byuṅ ba ’di rdza so btaṅ ba daṅ | ma (71b1) btaṅ ba dag gi naṅ du dus la bab pas ’jig rten ni gtsaṅ sbra ’dod pa yin pas | gal te skye bo dag gis tshor bar gyur na ’ga’ yaṅ snod ño bar mi ’gyur ro sñam nas | des raṅ saṅs rgyas kyi lus de phyag dag gyi phuṅ po źig tu sbas te bźag go | raṅ saṅs rgyas gźan dag (2) gis bsams pa | bdag cag gi tshaṅs pa mtshuṅs par spyod pa de gar soṅ sñam nas bltas pa daṅ | ji tsam na yoṅs su mya ṅan las ’das par mthoṅ nas de dag gis de ñid nas spos kyi śiṅ dag steṅ gi nam mkha’ las khyer te ’oṅs nas rdza mkhan gyir bar babs pa daṅ | (3) rdza mkhan gyis de dag mthoṅ nas | des smras pa | ’phags pa dag gar gśegs | de dag gis smras pa | tshaṅs pa mtshuṅs par spyod pa la mchod par byed du’o || rdza mkhan gyis smras pa | ’dis kyaṅ khyod kyi yon tan gyi tshogs lta bu dag thob bam | de dag (4) gis smras pa | thob bo || rdza mkhan gyis smras pa | bdag gis ’di la bkur sti ma lags pa bgyis pas | da bkur sti bgyi ba’i bar du yud tsam źig gźes su gsol | de soṅ ste rgyal po la smras pa | lta bdag gi ra bar rab tu byuṅ ba brtul źugs (5) grub pa źig dus la bab kyis | lhas de la bkur sti mdzad du gsol | rgyal po btsun mo’i ’khor daṅ bcas pa phyir byuṅ nas | des raṅ saṅs rgyas kyi lus de spos kyi śiṅ thams cad kyi phuṅ por bcer te bsregs nas phuṅ po de ’o mas źi bar byas te rus pa de (6) dag gser gyi bum par bcug nas lam po che’i bźi mdor lus kyi mchod rten rtsig tu bcug ste | gdugs daṅ | rgyal mtshan daṅ | ba dan bsgreṅ źiṅ | dri daṅ | phreṅ ba rgyu daṅ | bdug spos daṅ | phye ma daṅ | sil sñan dag gis mchod par byas so || rdza mkhan des (7) rkaṅ pa gñis la phyag ’tshal te smon lam ’di skad ces | bdag yon gnas yaṅ dag par gyur pa ’di lta bu la gnod pa byas pa gaṅ yin pa’i las de’i cha daṅ mthun par ma gyur par mchod par byas pa gaṅ yin pa’i dge ba’i rtsa ba ’dis | bdag ’di bas ches khyad par du ’phags (72a1) pa’i ston pa mñes par byed ciṅ thugs byuṅ bar byed par mi ’gyur ba daṅ | bdag dus la bab pa’i lus la yaṅ ston pa ñan thos kyi dge ’dun daṅ bcas pa daṅ | rgyal po’i btsun mo’i ’khor daṅ bcas pa mchod pa mdzad par gyur cig ces btab bo || dge (2) sloṅ dag de’i tshe de’i dus na rdza mkhan gaṅ yin pa de ni da ltar dge sloṅ ’char ka ’di yin te | ’dis de’i tshe raṅ saṅs rgyas de dus la bab pa’i lus de phyag dar gyi phuṅ por sbas pa’i las de’i rnam par smin pas ni da ltar ’di dus la bab pa’i pa’i lus phyag dar gyi phuṅ por sbas so || ’dis (3) de’i tshe raṅ saṅs rgyas kyi lus de la mchod pa byas te smon lam de skad btab pa’i las de’i rnam par smin pas ni da ltar ’dis raṅ saṅs rgyas bye ba phrag ’bum pas ches khyad par du ’phags pa’i ston pa ṅa mñes par byas śiṅ thugs byuṅ bar ma byas te | ’di dus la bab pa’i lus la (4) ston pa ñan thos kyi dge ’dun daṅ bcas pa daṅ | rgyal po’i btsun mo ’khor daṅ bcas pas lus kyi mchod pa byas par gyur to || btsun pa tshe daṅ ldan pa ’char kas las ci bgyis na las de’i rnam par smin pas bcom ldan ’das kyis khyim dad par bgyid pa rnams kyi mchog tu bstan | (5) de ni smon lam gyi dbaṅ gis te | gaṅ du smon lam btab ce na | dge sloṅ dag sṅon byuṅ ba ’das pa’i dus na bskal pa chen po bzaṅ po ’di ñid la skye dgu’i tshe lo ñi khri thub pa na | ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs (6) su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa saṅs rgyas bcom ldan ’das ’od sruṅ ’jig rten du byuṅ ste | de bā rā ṇa sī na draṅ sroṅ smra ba ri dgas kyi nags na ñe bar brten ciṅ bźugs (7) so | de’i bstan pa la ’di rab tu byuṅ nas dge sloṅ de de bźin gśegs pa yaṅ dag par rdzogs pa’i saṅs rgyas ’od sruṅ gis khyim dad par byed pa rnams kyi mchog tu bstan to || de na ’dis tshe ji srid par tshaṅs par spyod pa spyad na yon tan gyi tshogs (72b1) ’gal yaṅ ma thob nas de’i ’og tu mchi ba’i tshe smon lam ’di skad ces | bdag gis bcom ldan ’das de bźin gśegs pa yaṅ dag par rdzogs pa’i saṅs rgyas yon gnas bla na med pa ’od sruṅ la tshe ji srid par tshaṅs par spyod pa spyad kyaṅ yon tan ’ga’ yaṅ ma thob ste | bdag gis (2) tshe ji srid par tshaṅs par spyod pa spyad pa’i dge ba’i rtsa ba ’dis bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag (3) par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa saṅs rgyas bcom ldan ’das śākya thub pa źes bya bar ’gyur ro źes luṅ bstan pa de’i bstan pa la (4) bdag rab tu byuṅ nas ñon moṅs pa thams cad spaṅs pas dgra bcom pa ñid mṅon du byed ciṅ | ji ltar mkhan po ’di bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis khyim dad par byed pa rnams kyi mchog tu bstan pa de bźin du bdag kyaṅ (5) bcom ldan ’das śākya thub pa | śākya ’i seṅ ge | śākya ’i rgyal po’i gtso bo des khyim dad par byed pa rnams kyi mchog tu bstan par gyur cig ces gdab par brtsams pas | smon lam de’i dbaṅ gis da ltar de bźin gśegs pas khyim dad par byed pa rnams kyi mchog (6) tu bstan to || dge sloṅ dag de ltar na las gcig tu gnag pa yin la | gcig tu dkar ba rnams kyi rnams kyi rnam par smin pa yaṅ gcig tu gnag pa yin la | gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams kyi rnam par smin pa yaṅ ’dren ma yin no || dge (7) sloṅ dag de lta bas na las gcig tu gnag pa rnams daṅ | ’dren ma rnams spaṅs te las gcig tu dkar ba rnams la brtsal bar bya ste | dge sloṅ dag khyed kyis de ltar bslab par bya’o || dus ma yin par ’gro ba’i ltuṅ byed de brgyad bcu pa rdzogs s+ho ||| (73a1) | ’dul ba rnam par ’byed pa | bam po drug bcu rtsa brgyad pa |

sdom la |
zas bcas skya reṅs da gdod daṅ ||
khab ral daṅ ni khri rkaṅ daṅ ||
bdal daṅ gdiṅ ba g-yan pa daṅ ||
ras chen bde gśegs chos gos so ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=015fdf3a-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display