lha daṅ mi rnams maṅ po yis ||
bkra śis pas ni bsam gyur pa ||
bkra śis pa la the tshom skyes ||
bkra śis mchog ni gsuṅ du gsol ||
lha’i yaṅ lha yis bka’ (2) stsal pa ||
sdig pa thams cad rnam par ’joms ||
’jig rten kun la phan pa’i don ||
bkra śis de rnams khyed la bśad ||
byis pa rnams la bsñen mi bya ||
mkhas pa rnams la bsñen par bya ||
mchod la mchod pa’i lan bya ba ||
’di ni mchog gi bkra (3) śis so ||
sṅar byas pa yi bsod nams kyis ||
’thun pa’i yul du gnas pa daṅ ||
bdag ñid mchog gi smon lam bya ||
’di ni mchog gi bkra śis so ||
bden daṅ lag pa’i bzo daṅ ni ||
’dul ba’i sbyor bas legs par bslab ||
gaṅ gis legs par bśad (4) pa’i tshig ||
’di ni mchog gi bkra śis so ||
pha daṅ ma la bsñen bkur bya ||
bu daṅ chuṅ ma rjes su bzuṅ ||
mi ’thun pa yi las mi bya ||
’di ni mchog gi bkra śis so ||
sbyin pa chos kyi spyod pa daṅ ||
gñen ’dun rnams ni rjes su gzuṅ ||
kha na ma tho’i las mi byed ||
’di ni mchog (5) gi bkra śis so ||
sdig la dga’ ba spaṅ bar bya ||
chaṅ gi btuṅ ba rnam par spaṅ ||
gaṅ źig chos la bag yod pa ||
’di ni mchog gi bkra śis so ||
glo bur bla ma gus par bya ||
byas pa śes śiṅ gus par bya ||
dus su chos ni mñan par bya ||
’di ni mchog gi bkra (6) śis so ||
tshig ṅan pa ni bzod par bya ||
dge sbyoṅ rnams ni mthoṅ bar bya ||
dus su chos kyi ’bel gtam bya ||
’di ni mchog gi bkra śis so ||
dka’ thub daṅ ni tshaṅs spyod bya ||
’phags pa’i bden pa mthoṅ bar bya ||
mya ṅan ’das pa mṅon sum bya ||
’di ni mchog gi bkra śis so ||
(7) ’jig rten chos la dris pa na ||
gaṅ źig sems ni g-yo mi bya ||
mya ṅan mi dga’ med bzod bya ||
’di ni mchog gi bkra śis so ||
de ltar bśad par byas pa rnams ||
thams cad du ni rgyal ba daṅ ||
thams cad du ni źi bar ’gro ||
de rnams de la mchog bkra śis ||
