’di skad bdag gis thos pa dus gcig na | bcom ldan ’das rgyal po’i khab na bya rgod kyi phuṅ po’i ri la bźugs te | (3) dge sloṅ stoṅ ñis brgya lṅa bcu’i dge sloṅ gi dge ’dun chen po dag daṅ thabs cig go ||
thams cad kyaṅ dgra bcom pa | zag pa zad pa | ñon moṅs pa med pa | dbaṅ du gyur pa | sems śin tu rnam (4) par grol ba | śes rab śin tu rnam par grol ba | caṅ śes pa | glaṅ po chen po ||
bya ba byas pa | byed pa byas pa | khur bor ba | raṅ gi don rjes su thob pa | srid par kun tu sbyor ba yoṅs su zad pa | (5) yaṅ dag par kun śes pas sems śin tu rnam par grol ba | sems thams cad kyi dbaṅ dam pa’i pha rol tu son pa thob pa śa stag ste | gaṅ zag gcig ma gtogs pa ni ’di lta ste | tshe daṅ ldan pa kun (2a1) dga’ bo’o ||
de nas bcom ldan ’das kyis gnas brtan tshe daṅ ldan pa rab ’byor la bka’ stsal pa | rab ’byor byaṅ chub sems dpa’ sems dpa’ chen po rnams kyi śes rab kyi pha rol tu phyin pa las brtsams te | ji ltar byaṅ chub sems dpa’ (2) sems dpa’ chen po rnams śes rab kyi pha rol tu phyin pa la ṅes par ’byuṅ bar ’gyur ba de bźin du khyod spobs par byos śig | de nas tshe daṅ ldan pa ś ri’i bu ’di sñam du sems te | ci tshe daṅ ldan pa rab ’byor ’di bdag ñid kyi raṅ gi śes rab kyi spobs pa’i (3) stobs bskyed pa daṅ | raṅ gi śes rab kyi spobs pa’i stobs byin gyis brlabs pas byaṅ chub sems dpa’ sems dpa’ chen po rnams kyi śes rab kyi pha rol tu phyin pa ñe bar ston par ’gyur ram | ’on te saṅs rgyas kyi mthus yin sñam mo ||
de nas saṅs rgyas kyi (4) mthus tshe daṅ ldan pa rab ’byor gyis tshe daṅ ldan pa ś ri’i bu’i de lta bu’i tshul gyi sems kyi rtog pa de sems kyis śes nas tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu bcom ldan ’das kyi ñan thos rnams ni gaṅ ci smra ba daṅ ston pa daṅ | ñe bar ston (5) pa daṅ | rjod par byed pa daṅ | gsal bar bya ba daṅ | yaṅ dag par gsal bar byed pa de dag thams cad ni de bźin gśegs pa’i skyes bu’i mthu yin par rig par bya’o ||
de ci’i phyir źe na | de bźin gśegs pas chos gaṅ bstan pa’i chos bstan pa de la slob (6) pa na de dag gis chos ñid de mṅon sum du byas nas ’dzin to ||
de dag gis chos ñid de mṅon sum du byas śiṅ bzuṅ nas gaṅ daṅ gaṅ ’chaṅ ba daṅ gaṅ daṅ gaṅ ston pa daṅ gaṅ daṅ gaṅ ñe bar ston pa daṅ gaṅ daṅ gaṅ rjed par byed pa daṅ gaṅ daṅ gaṅ gsal bar byed pa daṅ (2b1) gaṅ daṅ gaṅ yaṅ dag par gsal bar byed pa de dag thams cad chos ñid daṅ mi ’gal ba yin no ||
tshe daṅ ldan pa ś ri’i bu rigs kyi bu de dag ’di ltar chos ñid de ñe bar ston pa rnams chos ñid daṅ mi ’gal ba de yaṅ de bźin gśegs pas chos bstan pa’i rgyu mthun pa’o ||
(2) de nas saṅs rgyas kyi mthus tshe daṅ ldan pa rab ’byor gyis bcom ldan ’das la ’di skad ces gsol to | gaṅ bcom ldan ’das kyis ’di skad du rab ’byor byaṅ chub sems dpa’ sems dpa’ chen po rnams kyi śes rab kyi pha rol tu phyin pa las brtsams te | ji ltar byaṅ chub (3) sems dpa’ sems dpa’ chen po rnams śes rab kyi pha rol tu phyin pa la ṅes par ’byuṅ bar ’gyur ba de bźin du khyod spobs par byos śig ces bka’ stsal pa | bcom ldan ’das byaṅ chub sems dpa’ byaṅ chub sems dpa’ źes brjod pa gaṅ lags pa de la bcom ldan (4) ’das ’di lta ste byaṅ chub sems dpa’ źes bgyi ba ’di chos gaṅ gi tshig bla dgas lags | bcom ldan ’das ’di lta ste byaṅ chub sems dpa’ źes bgyi ba’i chos de bdag gis yaṅ dag par rjes su ma mthoṅ ṅo ||
bcom ldan ’das ’di lta ste śes rab kyi pha rol tu phyin (5) pa źes bgyi ba’i chos de yaṅ bdag gis yaṅ dag par rjes su ma mthoṅ ṅo ||
bcom ldan ’das byaṅ chub sems dpa’ ’am byaṅ chub sems dpa’i chos kyaṅ bdag gis ma ’tshal ma dmigs yaṅ dag par rjes su ma mthoṅ śes rab kyi pha rol tu phyin pa yaṅ ma ’tshal | ma (6) dmigs yaṅ dag par rjes su ma mthoṅ na byaṅ chub sems dpa’ gaṅ źig śes rab kyi pha rol tu phyin pa gaṅ la gdams śiṅ rjes su bstan par bgyi | bcom ldan ’das ’on kyaṅ yaṅ gal te ’di ltar smras pa daṅ bstan pa daṅ ñe bar bstan pa la | byaṅ chub sems (7) dpa’ sems dpa’ chen po sems mi ’goṅ kun tu mi źum bag mi tsha | bag ’khums par mi ’gyur ’di’i yid phyir phyogs par mi bgyid bcom źiṅ phyir phyogs par mi ’gyur | mi dṅaṅ kun tu mi skrag kun tu skrag pa daṅ ldan par mi ’gyur na | ’di ñid byaṅ chub sems (3a1) dpa’ sems dpa’ chen po śes rab kyi pha rol tu phyin pa la rjes su bstan par bgyi ba lags so ||
’di ñid byaṅ chub sems dpa’ sems dpa’ chen po de’i śes rab kyi pha rol tu phyin par rig par bgyi’o ||
’di ñid śes rab kyi pha rol tu phyin pa la (2) gdams pa lags so ||
gal te de ltar gnas na de ñid ’di’i gdams pa daṅ rjes su bstan pa lags so ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa bsgoms pas | (3) ci ltar bslabs na ’di byaṅ chub kyi sems des kyaṅ rlom sems su mi bgyid pa de ltar bslab par bgyi’o ||
de ci’i slad du źe na | ’di ltar sems de ni sems ma mchis pa ste | sems kyi raṅ bźin ni ’od gsal ba lags so ||
de nas tshe daṅ ldan pa ś ri’i bus tshe (4) daṅ ldan pa rab ’byor la ’di skad ces smras so ||
tshe daṅ ldan pa rab ’byor yaṅ ci sems gaṅ sems med pa’i sems de yod dam | de skad ces smras pa daṅ | tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu yaṅ ci (5) sems med pa ñid gaṅ yin pa’i sems med pa ñid de la yod pa ñid dam med pa ñid yod pa ’am dmigs par yaṅ ’gyur ram | ś ri’i bus smras pa | tshe daṅ ldan pa rab ’byor de ni med do ||
rab ’byor gyis smras pa | tshe daṅ ldan pa ś ri’i bu gal te sems med pa de la yod (6) pa’am med pa med ciṅ mi dmigs na | tshe daṅ ldan pa ś ri’i bu ’di skad du sems gaṅ sems med pa’i sems de yod dam źes smras pa’i khyod kyi brgal ba gaṅ yin pa de ci rigs par ’gyur ram | de skad ces smras pa daṅ tshe daṅ ldan pa ś ri’i bus tshe daṅ ldan pa rab ’byor la ’di (7) skad ces smras so ||
tshe daṅ ldan pa rab ’byor sems med pa ñid de yaṅ gaṅ yin | rab ’byor gyis smras pa | tshe daṅ ldan pa ś ri’i bu sems med pa de ni ’gyur ba med pa rnam par rtog pa med pa’o ||
de nas tshe daṅ ldan pa ś ri’i bus tshe daṅ ldan pa rab ’byor la legs so źes bya ba (3b1) byin te | tshe daṅ ldan pa rab ’byor ji ltar yaṅ khyod bcom ldan ’das kyis ñon moṅs pa med pa la gnas pa’i mchog tu gsuṅs pa ltar ston pa legs so legs so ||
de bas na yaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub (2) las phyir mi ldog parañe bar brtag par bya’o ||
byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral bar yaṅ rig par bya’o ||
ñan thos kyis la slob par ’dod pas kyaṅ śes rab kyi pha rol tu phyin pa ’di ñid mñan par bya gzuṅ bar bya | (3) bcaṅ bar bya | klag par bya kun chub par bya rab tu gdon par bya’o ||
śes rab kyi pha rol tu phyin pa ’di ñid la bslab par bya’o rnal ’byor du bya’o ||
raṅ saṅs rgyas kyi sa la slob par ’dod pas kyaṅ śes rab kyi pha rol tu phyin pa ’di ñid mñan par bya gzuṅ bar bya bcaṅ bar bya (4) klag par bya kun chub par bya rab tu gdon par bya’o ||
śes rab kyi pha rol tu phyin pa ’di ñid la bslab par bya’o rnal ’byor du bya’o ||
byaṅ chub sems dpa’i sa la slob par ’dod pas kyaṅ śes rab kyi pha rol tu phyin pa ’di ñid mñan par bya gzuṅ bar bya bcaṅ bar bya klag par bya kun chub (5) par bya rab tu gdon par bya’o ||
śes rab kyi pha rol tu phyin pa ’di ñid la thabs mkhas pa daṅ ldan pas byaṅ chub sems dpa’i chos thams cad thob par bya ba’i phyir rnal ’byor du bya’o ||
de ci’i phyir źe na | byaṅ chub sems dpa’ sems dpa’ chen pos gaṅ la bslabs śiṅ rnal (6) ’byor du bya ba’i byaṅ chub sems dpa’i chos thams cad rgyas par śes rab kyi pha rol tu phyin pa ’di ñid las bstan to ||
bla na med pa yaṅ dag par rdzogs pa’i byaṅ chub la slob par ’dod pas kyaṅ śes rab kyi pha rol tu phyin pa ’di ñid mñan par bya gzuṅ bar bya bcaṅ bar (7) bya klag par bya kun chub par bya rab tu gdon par bya’o ||
śes rab kyi pha rol tu phyin pa ’di ñid la thabs mkhas pa daṅ ldan pas saṅs rgyas kyi chos thams cad thob par bya ba’i phyir rnal ’byor du bya’o ||
de ci’i phyir źe na | śes rab kyi pha rol tu phyin pa ’di ñid las (4a1) ni byaṅ chub sems dpa’ sems dpa’ chen pos gaṅ la bslab par bya ba rnal ’byor du bya ba’i saṅs rgyas kyi chos thams cad rgyas par bstan to ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (2) byaṅ chub sems dpa’i miṅ gaṅ lags pa ’di ñid bdag gis ma ’tshal ma dmigs yaṅ dag par rjes su mi mthoṅ ṅo ||
śes rab kyi pha rol tu phyin pa yaṅ ma ’tshal ma dmigs yaṅ dag par rjes su mi mthoṅ ṅo ||
bcom ldan ’das bdag gis byaṅ chub sems (3) dpa’i miṅ ’di ñid ma ’tshal ma dmigs yaṅ dag par rjes su ma mthoṅ śes rab kyi pha rol tu phyin pa yaṅ ma ’tshal ma dmigs yaṅ dag par rjes su ma mthoṅ na byaṅ chub sems dpa’ gaṅ źig śes rab kyi pha rol tu phyin pa gaṅ la gdams śiṅ rjes su bstan par bgyi | (4) bcom ldan ’das gaṅ bdag gis dṅos po ma ’tshal ma dmigs yaṅ dag par rjes su ma mthoṅ na | miṅ tsam gyis ’di lta ste byaṅ chub sems dpa’ źes ’du ba daṅ ’god par bgyid pa ni bdag gi glo ba la gcags lags so ||
bcom ldan ’das ’on kyaṅ miṅ de yaṅ (5) gnas pa ma lags śiṅ mi gnas pa yaṅ ma lags la gnas pa daṅ bral ba ma lags śiṅ gnas pa daṅ bral ba ma lags pa yaṅ ma lags so ||
de ci’i slad du źe na | miṅ de ma mchis pa’i slad du’o ||
de ltar miṅ de gnas pa ma lags śiṅ mi gnas pa yaṅ ma lags la (6) gnas pa daṅ bral ba ma lags śiṅ gnas pa daṅ bral ba ma lags pa yaṅ ma lags so ||
bcom ldan ’das gal te de ltar śes rab kyi pha rol tu phyin pa zab mo bśad pa daṅ bstan pa daṅ ñe bar bstan pa la byaṅ chub sems dpa’ sems dpa’ chen po’i sems mi ’goṅ kun tu mi (7) źum bag mi tsha | bag ’khums par mi ’gyur ’di’i yid phyir phyogs par mi bgyid bcom źiṅ phyir phyogs par mi ’gyur | mi dṅaṅ kun tu mi skrag kun tu skrag pa daṅ ldan par mi ’gyur źiṅ | lhag pa’i bsam pas mos pa’i byaṅ chub sems dpa’ sems dpa’ chen po ni (4b1) śes rab kyi pha rol tu phyin pa daṅ ma bral bar rig par bgyi’o ||
phyir mi ldog pa’i byaṅ chub sems dpa’i sa la gnas pa ste mi gnas pa’i tshul gyis legs par gnas pa lags so ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi (2) pha rol tu phyin pa la spyod ciṅ śes rab kyi pha rol tu phyin pa bsgom pas gzugs la gnas par mi bgyi’o ||
de bźin du tshor ba la ma lags ’du śes la ma lags ’du byed rnams la ma lags rnam par śes pa la gnas par mi bgyi’o ||
ci’i slad du źe na | gal te (3) gzugs la gnas na gzugs mṅon par ’du byed pa la spyod kyi śes rab kyi pha rol tu phyin pa la spyod pa ma lags so ||
de bźin du gal te tshor ba daṅ ’du śes daṅ ’du byed rnams daṅ gal te rnam par śes pa la gnas na rnam par śes pa mṅon par ’du byad pa la spyad kyi (4) śes rab kyi pha rol tu phyin pa la spyod pa ma lags so ||
de ci’i slad du źe na | mṅon par ’du byed pa la spyod na śes rab kyi pha rol tu phyin pa yoṅs su ’dzin pa ma lags śes rab kyi pha rol tu phyin pa la rnal ’byor du bgyid pa yaṅ ma lags śes rab kyi pha rol tu phyin pa yoṅs (5) su rdzogs par bgyid pa yaṅ ma lags so ||
śes rab kyi pha rol tu phyin pa yoṅs su rdzogs par ma gyur na yoṅs su mi gzuṅ ba yoṅs su gzuṅ bas thams cad mkhyen pa ñid la ṅes par ’byuṅ bar mi ’gyur ro ||
de ci’i slad du źe na | śes rab kyi pha rol tu phyin pa la (6) gzugs yoṅs su gzuṅ ba ma mchis so ||
de bźin du śes rab kyi pha rol tu phyin pa la tshor ba daṅ ’du śes daṅ ’du byad rnams daṅ rnam par śes pa yoṅs su gzuṅ ba ma mchis so ||
gzugs yoṅs su gzuṅ ba ma mchis pa gaṅ lags pa de ni gzugs ma lags | de bźin (7) du tshor ba gaṅ lags pa daṅ ’du śes gaṅ lags pa daṅ | ’du byed rnams gaṅ lags pa daṅ rnam par śes pa yoṅs su gzuṅ ba ma mchis pa gaṅ lags pa de ni rnam par śes pa ma lags te | śes rab kyi pha rol tu phyin pa de yaṅ yoṅs su gzuṅ ba ma mchis so ||
(5a1) de bźin du byaṅ chub sems dpa’ sems dpa’ chen pos śes rab kyi pha rol tu phyin pa ’di la spyad par bgyi’o ||
’di yaṅ byaṅ chub sems dpa’ sems dpa’ chen po’i chos thams cad yoṅs su gzuṅ ba ma mchis pa źes bgyi ba’i tiṅ ṅe ’dzin te (2) yaṅs pa mdun du bgyis pa tshad med par ṅes pa ñan thos daṅ raṅ saṅs rgyas thams cad daṅ thun moṅ ma lags pa’o ||
thams cad mkhyen pa ñid de yaṅ yoṅs su gzuṅ ba ma mchis te | mtshan mar gzuṅ ba ma lags so ||
gal te mtshan mar bzuṅ bar gyur na kun (3) tu rgyu phreṅ ba can ’di la dad par mi ’gyur pa źig na | kun tu rgyu phreṅ ba can thams cad mkhyen pa’i ye śes ’di la mos nas dad pas rjes su ’braṅ źiṅ phyogs gcig pa’i ye śes kyis źugs so ||
de źugs nas kyaṅ gzugs yoṅs su mi ’dzin to ||
de bźin du tshor ba ma (4) lags ’du śes ma lags ’du byed rnams ma lags rnam par śes pa yoṅs su mi ’dzin to ||
de la śes pa de dga’ ba daṅ bde bar yaṅ yaṅ dag par rjes su mi mthoṅ ṅo ||
śes pa de naṅ gi gzugs kyi yin par yaṅ dag par rjes su mi mthoṅ ṅo ||
śes pa de phyi rol (5) gyi gzugs kyi yin par yaṅ dag par rjes su mi mthoṅ ||
śes pa de phyi naṅ gi gzugs kyi yin par yaṅ dag par rjes su mi mthoṅ | śes pa de gzugs las gźan du yaṅ yaṅ dag par rjes su mi mthoṅ ṅo ||
de bźin du śes pa de naṅ gi tshor ba daṅ ’du śes daṅ ’du (6) byed rnams kyi ma yin | śes pa de naṅ gi rnam par śes pa’i yin par yaṅ dag par rjes su mi mthoṅ ṅo ||
śes pa de phyi rol gyi rnam par śes pa’i yin par yaṅ dag par rjes su mi mthoṅ ||
śes pa de phyi naṅ gi rnam par śes pa’i yin par yaṅ dag par rjes su mi mthoṅ | (7) śes pa de rnam par śes pa las gźan du yaṅ yaṅ dag par rjes su mi mthoṅ ste | tshig gi rnam graṅs ’dis kun tu rgyu phreṅ ba can mos so ||
de thams cad mkhyen pa’i ye śes ’di la thams cad du dad pas rjes su ’braṅ źiṅ chos ñid tshad mar bgyis te ’di ltar mos pa (5b1) źes bgyi’o ||
des chos gaṅ yaṅ yoṅs su ma bzuṅ ṅo ||
gaṅ gzuṅ ba’am gtaṅ bar bgyi ba’i chos de gaṅ yaṅ ma dmigs so ||
de mya ṅan las ’das par yaṅ rlom sems su mi bgyid do ||
bcom ldan ’das ’di yaṅ byaṅ chub sems dpa’ sems (2) dpa’ chen po’i śes rab kyi pha rol tu phyin par rig par bgyi ste | gaṅ gzugs yoṅs su mi ’dzin | de bźin du gaṅ tshor ba daṅ ’du śes daṅ ’du byed rnams daṅ gaṅ rnam par śes pa yoṅs su mi ’dzin la | de bźin gśegs pa’i stobs bcu daṅ de bźin gśegs (3) pa’i mi ’jigs pa bźi daṅ saṅs rgyas kyi chos ma ’dres pa bcwa brgyad rnams yoṅs su ma rdzogs par bar ma dor yoṅs su mya ṅan las mi ’da’ ba ste | de bas na bcom ldan ’das ’di yaṅ byaṅ chub sems dpa’ sems dpa’ chen po’i śes rab kyi pha rol tu phyin par (4) rig par bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgom pas ’di ltar ñe bar brtag ciṅ ’di ltar ṅas par bsam par bgyi ste | śes rab kyi pha rol tu (5) phyin pa ’di gaṅ yin śes rab kyi pha rol tu phyin pa ’di gaṅ gi yin | ci chos gaṅ med pa daṅ mi dmigs pa de śes rab kyi pha rol tu phyin pa yin nam źes | gal te de ltar ñe bar brtags de ltar ṅes par bsams na | mi ’god kun tu mi źum bag mi tsha | bag ’khums (6) par mi ’gyur ’di’i yid phyir phyogs par mi bgyid bcom źiṅ phyir phyogs bar mi ’gyur | mi dṅaṅ kun tu mi skrag kun tu skrag pa daṅ ldan par mi ’gyur na byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral bar rig par bgyi’o ||
de (7) nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ’di ltar gaṅ gi tshe gzugs ñid gzugs kyi ṅo bo ñid daṅ bral ba | de bźin du gaṅ gi tshe tshor ba ñid daṅ ’du śes ñid daṅ | ’du byed rnams ñid daṅ de bźin du ’di ltar gaṅ (6a1) gi tshe rnam par śes pa ñid kyaṅ rnam par śes pa’i ṅo bo ñid daṅ bral ba | gaṅ gi tshe śes rab kyi pha rol tu phyin pa ñid kyaṅ śes rab kyi pha rol tu phyin pa’i ṅo bo ñid daṅ bral ba | gaṅ gi tshe thams cad mkhyen pa ñid kyaṅ thams cad mkhyen pa’i ṅo bo ñid daṅ (2) bral ba yin na de ci’i phyir byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral bar rig par bya | de skad ces smras pa daṅ | tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i (3) bu de de bźin no ||
de de bźin te | ś ri’i bu gzugs ñid gzugs kyi ṅo bo ñid daṅ bral ba’o ||
de bźin du tshor ba ñid daṅ ’du śes ñid daṅ ’du byed rnams ñid daṅ de gźin du rnam par śes pa ñid kyaṅ tshe daṅ ldan pa ś ri’i bu rnam par śes pa’i ṅo bo ñid daṅ bral ba’i (4) tshe daṅ ldan pa ś ri’i bu śes rab kyi pha rol tu phyin pa ñid kyaṅ śes rab kyi pha rol tu phyin pa’i ṅo bo ñid daṅ bral ba’o ||
tshe daṅ ldan pa ś ri’i bu thams cad mkhyen pa ñid kyaṅ thams cad mkhyen pa’i ṅo bo ñid daṅ bral ba’o ||
śes rab kyi pha rol tu phyin pa ni śes (5) rab kyi pha rol tu phyin pa’i mtshan ñid daṅ yaṅ bral ba’o ||
mtshan ñid ni mtshan ñid kyi ṅo bo ñid daṅ yaṅ bral ba’o ||
mtshan ñid kyi gźi yaṅ mtshan ñid kyi gźi’i ṅo bo ñid daṅ yaṅ bral ba’o | ṅo bo ñid ni ṅo bo ñid kyi mtshan ñid daṅ yaṅ bral ba’o ||
de skad ces (6) smras pa daṅ | tshe daṅ ldan pa ś ri’i bas tshe daṅ ldan ba rab ’byor la ’di skad ces smras so ||
tshe daṅ ldan pa rab ’byor yaṅ ci byaṅ chub sems dpa’ sems dpa’ chen po gaṅ ’di la slob par ’gyur ba de thams cad mkhyen pa ñid la ṅes par ’byuṅ bar ’gyur ram | (7) tshe daṅ ldan pa rab ’byor gyis smras pa tshe daṅ ldan pa ś ri’i bu de de bźin no de de bźin to | byaṅ chub sems dpa’ sems dpa’ chen po gaṅ ’di la slob par ’gyur ba de thams cad mkhyen pa ñid la ṅes par ’byuṅ bar ’gyur ro ||
de ci’i phyir źe na | tshe daṅ ldan pa (6b1) ś ri’i bu chos thams cad ni ṅes par ’byuṅ ba med ciṅ ma skyes pa’o ||
tshe daṅ ldan pa ś ri’i bu de ltar spyod pa’i byaṅ chub sems dpa’ sems dpa’ chen po ni thams cad mkhyen pa ñid la ñe bar ’gyur ro ||
ci lta ci ltar thams cad mkhyen pa ñid la ñe bar (2) gyur pa de lta de ltar sems can yoṅs su smin pa’i phyir | lus daṅ sems yoṅs su dag pa daṅ mtshan yoṅs su dag pa daṅ saṅs rgyas kyi źiṅ yoṅs su dag pa daṅ saṅs rgyas daṅ ñe bar yaṅ ’gyur ro ||
tshe daṅ ldan pa ś ri’i bu byaṅ chub sems dpa’ sems (3) dpa’ chen po de ltar śes rab kyi pha rol tu phyin pa la spyod pa ni thams cad mkhyen pa ñid la ñe ba yin no ||
gźan yaṅ tshe daṅ ldan pa rab ’byor gyis byaṅ chub sems dpa’ sems dpa’ chen po las brtsams te ’di skad ces smras so ||
gal te gzugs la spyod na (4) mtshan ma la spyod do ||
gal te gzugs kyi mtshan ma la spyod na mtshan ma la spyod do ||
gal te gzugs mtshan ma’o sñam du spyod na mtshan ma la spyod do ||
gal te gzugs kyi skye ba la spyod na mtshan ma la spyod do ||
gal te gzugs kyi ’gag pa la spyod na mtshan ma la (5) spyod do ||
gal te gzugs kyi ’jig pa la spyod na mtshan ma la spyod do ||
gal te gzugs stoṅ ba’o sñam du spyod na mtshan ma la spyod do ||
bdag spyod do sñam du spyod na mtshan ma la spyod do ||
bdag byaṅ chub sems dpa’o sñam du spyod na mtshan ma la spyod do ||
bdag byaṅ chub (6) sems dpa’o sñam na de dmigs pa ñid la spyod do ||
de bźin du gal te tshor ba daṅ | ’du śes daṅ ’du byed rnams daṅ gal te rnam par śes pa la spyod na mtshan ma la spyod do ||
gal te rnam par śes pa’i mtshan ma la spyod na mtshan ma la spyod do ||
gal te rnam par śes (7) pa mtshan ma’o sñam du spyod na mtshan ma la spyod do ||
gal te rnam par śes pa’i skye ba la skyod na mtshan ma la spyod do ||
gal te rnam par śes pa’i ’gag pa la spyod na mtshan ma la spyod do ||
gal te rnam par śes pa’i ’jig pa la spyod na mtshan ma la spyod do ||
gal te rnam (7a1) par śes pa stoṅ pa’o sñam du spyod na mtshan ma la spyod do ||
bdag spyod do sñam du spyod na mtshan ma la spyod do ||
bdag byaṅ chub sems dpa’o sñam du spyod na mtshan ma la spyod do ||
bdag byaṅ chub sems dpa’o sñam na de dmigs pa ñid la spyod do ||
(2) gal te yaṅ de ’di sñam du gaṅ de ltar spyod pa de ni śes rab kyi pha rol tu phyin pa la spyod pa ste de ni śes rab kyi pha rol tu phyin pa sgom par byed pa yin no sñam du sems na de mtshan ma ñid la spyod pa ste | byaṅ chub sems dpa’ ’di ni thabs mi mkhas par rig par bya’o ||
de (3) nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor yaṅ byaṅ chub sems dpa’ sems dpa’ chen po ci ltar spyod na śes rab kyi pha rol tu phyin pa la spyod pa yin | de skad ces smras pa daṅ | tshe daṅ ldan pa rab (4) ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu gal te byaṅ chub sems dpa’ sems dpa’ chen po gzugs la mi spyod | gzugs kyi mtshan ma la mi spyod | gzugs mtshan ma’o sñam du mi spyod | gzugs kyi skye ba la mi spyod | (5) gzugs kyi ’gag pa la mi spyod | gzugs kyi ’jig pa la mi spyod | gzugs stoṅ pa’o sñam du mi spyod | bdag spyod do sñam du mi spyod | bdag byaṅ chub sems dpa’o sñam du mi spyod | bdag byaṅ chub sems dpa’o sñam du dmigs pa la mi spyod pa daṅ | de bźin du (6) gal te tshor ba la ma yin | ’du śes la ma yin | ’du byed rnams la ma yin | gal te rnam par śes pa la mi spyod | rnam par śes pa’i mtshan ma la mi spyod | rnam par śes pa mtshan ma’o sñam du mi spyod | rnam par śes pa’i skye ba la mi spyod | rnam par śes pa’i ’gag (7) pa la mi spyod | rnam par śes pa ’jig pa la mi spyod | rnam par śes pa stoṅ pa’o sñam du mi spyod | bdag spyod do sñam du mi spyod do ||
bdag byaṅ chub sems dpa’o sñam du mi spyod | bdag byaṅ chub sems dpa’o sñam du dmigs pa la mi spyod ciṅ | gal te (7b1) yaṅ de ’di sñam du gaṅ de ltar spyod pa de ni śes rab kyi pha rol tu phyin pa la spyod pa ste | de ni śes rab kyi pha rol tu phyin pa sgom par byed pa yin no sñam du mi sems pa ste | da ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la (2) spyod pa yin no ||
de spyod kyaṅ spyod do sñam du ñe bar mi rtogs | mi spyod do sñam du ñe bar mi rtogs | spyod kyaṅ spyod la mi spyod kyaṅ mi spyod do sñam du ñe bar mi rtogs | spyod pa yaṅ ma yin la mi spyod pa yaṅ ma yin no sñam du ñe bar mi rtogs | spyad par bya ba’o sñam du yaṅ ñe bar mi (3) rtogs | spyad par mi bya’o sñam du yaṅ ñe bar mi rtogs | spyad par bya ba yaṅ yin la spyad par mi bya ba yaṅ yin no sñam du ñe bar mi rtogs | spyad par bya ba yaṅ ma yin la spyad par mi bya ba yaṅ ma yin pa ñid do sñam du ñe bar mi rtogs so ||
de ci’i phyir źe na | chos thams cad ni ñe (4) bar ma rtogs śiṅ ma zin pas so ||
’di ni byaṅ chub sems dpa’ sems dpa’ chen po’i tiṅ ṅe ’dzin chos thams cad len pa med pa źes bya ba ste | yaṅs pa mdun du byas pa tshad med par ṅes pa ñan thos daṅ raṅ saṅs rgyas thams cad daṅ thun moṅ ma yin pa’o ||
tiṅ ṅe (5) ’dzin ’dis gnas pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de nas saṅs rgyas kyi mthus gnas brtan tshe daṅ ldan pa rab ’byor gyis ’di skad ces gsol to ||
bcom ldan ’das (6) gaṅ tiṅ ṅe ’dzin ’dis gnas pa’i byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ bstan pa lags so ||
de ni tiṅ ṅe ’dzin de (7) yaṅ yaṅ dag par rjes su mi mthoṅ | tiṅ ṅe ’dzin ṅas kyaṅ rlom sems su mi bgyid bdag ni mñam par bźag pa ste | bdag tiṅ ṅe ’dzin la sñoms par ’jug go ||
bdag tiṅ ṅe ’dzin la sñoms par bźag pa’o ||
bdag tiṅ ṅe ’dzin la sñoms par źugs pa’o sñam (8a1) pa de lta bu de la thams cad nas thams cad rnam pa thams cad du thams cad ma mchis so ||
de skad ces gsol pa daṅ | tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor tiṅ ṅe ’dzin gaṅ gis (2) gnas na byaṅ chub sems dpa’ sems dpa’ chen po de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ ston pa’i tiṅ ṅe ’dzin de bstan par nus sam | rab ’byor gyis smras pa | (3) tshe daṅ ldan pa ś ri’i bu de ni ma yin no ||
de ci’i phyir źe na | rigs kyi bu des ni tiṅ ṅe ’dzin de yaṅ mi śes yaṅ dag par mi śes so ||
tshe daṅ ldan pa ś ri’i bus smras pa | tshe daṅ ldan pa rab ’byor mi śes yaṅ dag par mi śes źes zer ram | tshe daṅ ldan pa rab (4) ’byor gyis smras pa | tshe daṅ ldan pa ś ri’i bu mi śes yaṅ dag par mi śes źes zer ro ||
de ci’i phyir źe na | tiṅ ṅe ’dzin de med pas na mi śes yaṅ dag par mi śes so ||
tiṅ ṅe ’dzin de yaṅ mi śes yaṅ dag par mi śes so ||
de nas bcom ldan ’das kyis tshe daṅ (5) ldan pa rab ’byor la legs so ||
ji ltar yaṅ khyod de bźin gśegs pa’i mthus spobs pa daṅ de bźin gśegs pa’i byin gyis brlabs kyis ston pa ni rab ’byor legs so legs so ||
rab ’byor de de bźin no de de bźin te | byaṅ chub sems (6) dpa’ sems dpa’ chen pos ni de bźin du ’di la bslab par bya’o ||
de ci’i phyir źe na | byaṅ chub sems dpa’ sems dpa’ chen po de ltar slob na śes rab kyi pha rol tu phyin pa la slob bo ||
de nas bcom ldan ’das la tshe daṅ ldan pa ś ri’i bus ’di skad ces gsol (7) to ||
bcom ldan ’das byaṅ chub sems dpa’ sems dpa’ chen po de ltar slob na śes rab kyi pha rol tu phyin pa la slob pa lags sam | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu (8b1) byaṅ chub sems dpa’ sems dpa’ chen po de ltar slob na śes rab kyi pha rol tu phyin pa la slob pa yin no ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems (2) dpa’ chen po de ltar slob na chos gaṅ la slob pa lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la bka’ stsal pa | ś ri’i bu byaṅ chub sems dpa’ sems dpa’ chen po de ltar slob pa ni chos gaṅ la yaṅ mi slob bo ||
(3) de ci’i phyir źe na | ś ri’i bu chos de dag ni byis pa so so’i skye bo thos pa daṅ mi ldan pas ci ltar mṅon par chags pa de bźin du yod pa ma yin no ||
tshe daṅ ldan pa ś ri’i bus gsol pa | bcom ldan ’das ’o na de dag ci ltar mchis | bcom ldan ’das kyis (4) bka’ stsal pa | ś ri’i bu ci ltar med pa de bźin du yaṅ dag par yod de de ltar med pa de’i phyir ma rig pa źes bya’o ||
de dag la byis pa so so’i skye bo thos pa daṅ mi ldan pa rnams mṅon par chags te | de dag gis chos thams cad med pa la brtags so ||
de dag (5) gis de la brtags nas mtha’ gñis la źen pas chos de dag mi śes mi mthoṅ ste | de’i phyir de dag med bźin du chos thams cad la rtog go ||
brtags nas mtha’ gñis la mṅon par chags so ||
mṅon par chags pa de’i gźi dmigs pa la gnas nas (6) ’das pa’i chos la rtog go ma ’oṅs pa’i chos la rtog go da ltar byuṅ ba’i chos la rtog go ||
de dag gis brtags nas miṅ daṅ gzugs la mṅon par źen to ||
de dag gis med pa’i chos thams cad la brtags so ||
de dag gis med pa’i chos de dag thams cad la (7) brtags pas lam yaṅ dag pa ji lta ba bźin du mi śes mi mthoṅ ṅo ||
lam yaṅ dag pa ji lta ba bźin du ma śes ma mthoṅ bas khams gsum las ṅes par mi ’byuṅ yaṅ dag pa’i mtha’ khoṅ du mi chud de de’i phyir de dag byis pa źes bya ba’i graṅs su ’gro’o ||
de dag (9a1) chos bden pa la yid mi ches so ||
ś ri’i bu yaṅ byaṅ chub sems dpa’ sems dpa’ chen po rnams ni chos gaṅ la yaṅ mṅon par źen par mi byed do ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad (2) ces gsol to ||
bcom ldan ’das byaṅ chub sems dpa’ sems dpa’ chen po de ltar slob na thams cad mkhyen pa ñid la slob pa lags sam | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po de ltar slob na (3) thams cad mkhyen pa ñid la slob ste | ś ri’i bu byaṅ chub sems dpa’ sems dpa’ chen po de ltar slob na chos thams cad la slob bo ||
ś ri’i bu byaṅ chub sems dpa’ sems dpa’ chen po de ltar slob na thams cad mkhyen pa ñid la slob par ’gyur thams (4) cad mkhyen pa ñid la ñe bar ’gyur thams cad mkhyen pa ñid du ṅes par ’byuṅ bar ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gaṅ źig ’di skad du ’dri ste ci sgyu ma’i skyes bu ’di thams cad (5) mkhyen pa ñid la slob par ’gyur ram thams cad mkhyen pa ñid la ñe bar ’gyur ram thams cad mkhyen pa ñid la ṅes par ’byuṅ bar ’gyur ram źes de skad du yoṅs su ’dri na bcom ldan ’das de la ji ltar bstan par bgyi | de skad ces gsol pa daṅ | bcom (6) ldan ’das kyis tshe daṅ ldan pa rab ’byor la ’di skad ces rab ’byor de bas na ’dir khyod ñid la dri bar bya yis khyod kyis ci nus pa de bźin du ston ci gces bka’ stsal pa daṅ | bcom ldan ’das legs so źes gsol nas tshe daṅ ldan pa rab ’byor bcom ldan ’das kyi (7) ltar mñan pa daṅ | bcom ldan ’das kyis ’di skad ces bka’ stsal to ||
rab ’byor ’di ji sñam du sems sgyu ma de gźan la gzugs de gźan nam de bźin du sgyu ma de gźan la tshor ba de gźan nam ’du śes de gźan nam ’du byed rnams de gźan nam | (9b1) rab ’byor de ci sñam du sems sgyu ma de gźan la rnam par śes pa de gźan nam | rab ’byor gyis gsol pa | bcom ldan ’das de lta ma lags te sgyu ma de gźan la gzugs de gźan ma lags te | bcom ldan ’das gzugs ñid sgyu ma lags so ||
sgyu ma ñid (2) gzugs lags so ||
bcom ldan ’das de bźin du sgyu ma de gźan la tshor ba de gźan daṅ ’du śes de gźan daṅ ’du byed rnams de gźan yaṅ ma lags te | bcom ldan ’das tshor ba daṅ ’du śes daṅ ’du byed rnams ñid sgyu ma lags so ||
sgyu ma ñid tshor ba (3) daṅ ’du śes daṅ ’du byed rnams lags so ||
bcom ldan ’das sgyu ma de gźan la rnam par śes pa de gźan yaṅ ma lags te | bcom ldan ’das rnam par śes pa ñid sgyu ma lags so sgyu ma ñid rnam paRa śes pa lags so ||
bcom ldan ’das kyis bka’ stsal pa | (4) rab ’byor ’di ci sñam du sems | ñe bar len pa’i phuṅ po lṅa po ’di rnams la ’di lta ste byaṅ chub sems dpa’ źes bya ba’i ’du śes daṅ kun śes pa daṅ rnam par rig pa daṅ tha sñad ’di yin nam | de skad ces bka’ stsal pa daṅ | bcom ldan ’das la tshe daṅ ldan pa (5) rab ’byor gyis ’di skad ces gsol to ||
bcom ldan ’das de de bźin te bde bar gśegs pa de de bźin no ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la slob pa des ni sgyu ma’i skyes bu ltar bla na med pa yaṅ dag par (6) rdzogs pa’i byaṅ chub la bslab par bgyi’o ||
de ci’i slad du źe na | bcom ldan ’das ’di lta ste ñe bar len pa’i phuṅ po lṅa po de dag ñid sgyu ma’i skyes bur gzuṅ bar bgyi’o ||
de ci’i slad du źe na | bcom ldan ’das ’di ltar bcom ldan ’das kyis gzugs ni sgyu ma lta bur (7) gsuṅs te | gzugs gaṅ lags pa de yaṅ dbaṅ po drug daṅ phuṅ po lṅa po de dag lags so ||
bcom ldan ’das ’di ltar bcom ldan ’das kyis tshor ba daṅ ’du śes daṅ ’du byed rnams sgyu ma lta bur gsuṅs śiṅ bcom ldan ’das ’di ltar bcom ldan ’das kyis (10a1) rnam par śes pa yaṅ sgyu ma lta bur gsuṅs te | bcom ldan ’das rnam par śes pa gaṅ lags pa de yaṅ dbaṅ po drug daṅ phuṅ po lṅa po de dag lags so ||
bcom ldan ’das theg pa la gsar du źugs pa’i byaṅ chub sems dpa’ sems dpa’ (2) chen po rnams bstan pa ’di thos na dṅaṅ źiṅ kun tu skrag la kun tu skrag pa daṅ ldan par mi ’gyur ram | bcom ldan ’das kyis bka’ stsal pa | rab ’byor gal te theg pa la gsar du źugs pa’i byaṅ chub sems dpa’ sems dpa’ chen po rnams sdig pa’i grogs po’i (3) lag tu soṅ bar gyur na ni | dṅaṅ źiṅ kun tu skrag la kun tu skrag pa daṅ ldan par ’gyur ro ||
rab ’byor gal te theg pa la gsar du źugs pa’i byaṅ chub sems dpa’ sems dpa’ chen po dge ba’i bśes gñen gyi lag tu soṅ bar gyur na ni mi dṅaṅ kun tu mi skrag (4) kun tu skrag pa daṅ ldan par mi ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das yaṅ byaṅ chub sems dpa’ sems dpa’ chen po’i dge ba’i bśes gñen (5) gaṅ rnams lags par rig par bgyi | bcom ldan ’das kyis bka’ stsal pa | gaṅ de dag la pha rol tu phyin pa rnams ’doms śiṅ rjes su ston pa rnams daṅ | gaṅ de dag la bdud kyi las rnams ñe bar ston pa ste | bdud kyi ñes pa ni ’di lta bur rig par (6) bya | bdud kyi ñes pa ni ’di dag yin | bdud kyi las ni ’di dag yin par rig par bya | bdud kyi las ’di dag khyed kyis rtogs nas spaṅ bar bya’o źes bya ba ste | rab ’byor ’di dag ni byaṅ chub sems dpa’ sems dpa’ chen po go cha chen po bgos pa theg pa chen (7) po la yaṅ dag par źugs pa theg pa chen po la yaṅ dag par gnas pa’i dge ba’i bśes gñen rnams su rig par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kyis (10b1) gaṅ ’di skad du rab ’byor ’di dag ni byaṅ chub sems dpa’ sems dpa’ chen po go cha chen po bgos pa theg pa chen po la yaṅ dag par źugs pa theg pa chen po la yaṅ dag par gnas pa’i dge ba’i bśes gñen rnams su rig par bya’o źes bka’ stsal pa daṅ | (2) bcom ldan ’das gaṅ yaṅ byaṅ chub sems dpa’ sems dpa’ chen po źes bka’ stsal pa de la byaṅ chub sems dpa’ źes bgyi ba’i gźi’i don gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ (3) stsal to ||
rab ’byor byaṅ chub sems dpa’i gźi’i don ni gźi’i don med pa yin no ||
de ci’i phyir źe na | rab ’byor byaṅ chub sems dpa’ sems dpa’ chen po ni chos thams cad kyi chags pa med pa la slob bo ||
rab ’byor byaṅ chub sems dpa’ sems (4) dpa’ chen po ni chos thams cad rjes su rtogs pa’i don du chags pa med pa na bla na med pa yaṅ dag par rdzogs pa’i byaṅ chub mṅon par rdzogs par ’chaṅ rgya ste | rab ’byor byaṅ chub don du gñer bas na byaṅ chub sems dpa’ sems dpa’ chen po źes bya’o ||
(5) rab ’byor gyis gsol pa | bcom ldan ’das kyis gaṅ yaṅ ’di skad du byaṅ chub sems dpa’ sems dpa’ chen po źes bka’ stsal pa | bcom ldan ’das rgyu ci’i slad du byaṅ chub sems dpa’ sems dpa’ chen po źes bgyi | bcom ldan ’das kyis bka’ (6) stsal pa | sems can gyi phuṅ po chen po daṅ sems can gyi ris chen po’i mchog ñid du bya’o sñam pa ste don des na byaṅ chub sems dpa’ sems dpa’ chen po źes bya’o ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan (7) ’das bdag kyaṅ don gaṅ gi slad du byaṅ chub sems dpa’ sems dpa’ chen po źes bgyi bar spobs so ||
bcom ldan ’das kyis bka’ stsal pa | ś ri’i bu de de’i dus la bab par śes na spobs par gyis śig | tshe daṅ ldan pa ś ri’i bus gsol pa | bdag tu (11a1) lta ba daṅ sems can du lta ba daṅ | srog tu lta ba daṅ | gaṅ zag tu lta ba daṅ ’byuṅ bar lta ba daṅ ’jig par lta ba daṅ chad par lta ba daṅ rtag par lta ba daṅ raṅ gi lus la lta ba chen po ’di lta bu la sogs pa’i lta ba de dag spaṅ ba’i slad du chos (2) bstan to sñam ste | don des na byaṅ chub sems dpa’ sems dpa’ chen po źes bgyi’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag kyaṅ don gaṅ gi slad du byaṅ chub sems dpa’ sems (3) dpa’ chen po źes bgyi bar spobs so ||
bcom ldan ’das kyis bka’ stsal pa | rab ’byor de’i dus la bab par śes na spobs par gyis śig | rab ’byor gyis gsol pa | bcom ldan ’das byaṅ chub sems dpa’ sems dpa’ chen po źes bgyi ba ni | (4) bcom ldan ’das de byaṅ chub kyi sems thams cad mkhyen pa’i sems zag pa med pa’i sems mñam pa med pa’i sems mi mñam pa daṅ mñam pa’i sems ñan thos daṅ raṅ saṅs rgyas thams cad daṅ thun moṅ ma lags pa’i sems gaṅ lags pa’i sems de la yaṅ ma chags (5) yoṅs su ma zin to ||
de ci’i slad du źe na | ’di ltar thams cad mkhyen pa’i sems de ni zag pa ma mchis pa yoṅs su ma zin pa’o ||
de ni thams cad mkhyen pa’i sems zag pa ma mchis śiṅ yoṅs su ma zin pa gaṅ lags pa’i sems de la yaṅ ma chags śiṅ yoṅs su ma (6) zin te don des na byaṅ chub sems dpa’ sems dpa’ chen po źes bgyi ba’i graṅs su mchi’o ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci’i rgyus sems de la yaṅ ma chags śiṅ yoṅs su ma zin | rab ’byor (7) gyis smras pa | tshe daṅ ldan pa ś ri’i bu sems med pa’i phyir sems de la yaṅ ma chags śiṅ yoṅs su ma zin to ||
ś ri’i bus smras pa | tshe daṅ ldan pa rab ’byor yaṅ ci sems gaṅ sems med pa’i sems de yod dam | rab ’byor gyis smras pa | tshe daṅ ldan pa ś ri’i bu yaṅ ci sems (11b1) med pa de yod pa’am med pa yod pa’am dmigs par ’gyur ram | ś ri’i bus smras pa | tshe daṅ ldan pa rab ’byor de ni ma yin no ||
rab ’byor gyis smras pa | tshe daṅ ldan pa ś ri’i bu gal te sems med pa de la gaṅ yod pa’am med pa med ciṅ mi dmigs na | tshe daṅ ldan (2) pa ś ri’i bu de ji ltar ’di skad du sems gaṅ sems med pa’i sems de yod dam źes zer | ś ri’i bus smras pa | tshe daṅ ldan pa rab ’byor ltar yaṅ khyod bcom ldan ’das kyis ñon moṅs pa med pa la gnas pa’i mchog tu gsuṅs pa ltar ston pa lags so legs so ||
de nas bcom ldan (3) ’das la tshe daṅ ldan pa gaṅ po byams ma’i bus ’di skad ces gsol to ||
bcom ldan ’das sems dpa’ chen po sems dpa’ chen po źes bgyi ba gaṅ lags pa ’di ni sems dpa’ de go cha chen po bgos pa | sems dpa’ de theg pa chen po la yaṅ dag par źugs pa theg pa chen po la yaṅ (4) dag par gnas pa lags te | de’i slad du sems dpa’ chen po sems dpa’ chen po źes bgyi ba’i graṅs su mchi’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das go cha chen po bgos pa go cha chen po bgos pa źes bgyi ba ’di (5) gsuṅs na | bcom ldan ’das ci tsam gyis na byaṅ chub sems dpa’ sems dpa’ chen po go cha chen po bgos pa lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po ’di sñam du bdag gis sems can gźal du med pa yoṅs su (6) mya ṅan las bzla bar bya’o bdag gis sems can graṅs med pa yoṅs su mya ṅan las bzla’o sñam la | gaṅ gis gaṅ yoṅs su mya ṅan las bzlas pa’i sems can de dag kyaṅ yod pa ma yin no sñam ste | des sems can de sñed pa de dag yoṅs su mya ṅan las zlo bar byed la gaṅ (7) yoṅs su mya ṅan las bzlas pa daṅ gaṅ gis yoṅs su mya ṅan las bzlas pa’i sems can yaṅ ’ga’ yaṅ yod pa ma yin no ||
de ci’i phyir źe na | rab ’byor sgyu ma’i chos ñid ñe bar bzuṅ na chas rnams kyi chos ñid ’di yin pa’i phyir ro ||
rab ’byor dper na sgyu ma byed pa mkhas pa (12a1) ’am sgyu ma byed pa’i ñe gnas kyis lam po che’i bźi mdor skye bo’i tshogs chen po mṅon par sprul te mṅon par sprul nas skye bo’i tshogs chen po de mi snaṅ bar byas na | rab ’byor de ji sñam du sems | de la yaṅ gaṅ gis gaṅ yaṅ bsad pa’am śi ba ’am bśig (2) pa’am mi snaṅ bar byas pa yod dam | rab ’byor gyis gsol pa bcom ldan ’das de ni ma mchis so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen pos sems can gźal du med graṅs med pa rnams yoṅs su mya ṅan (3) las zlo bar byed de gaṅ yoṅs su mya ṅan las bzlas pa daṅ gaṅ gis yoṅs su mya ṅan las bzlas par ’gyur ba’i sems can yaṅ ’ga’ źig yod pa ma yin no ||
gal te byaṅ chub sems dpa’ sems dpa’ chen po bstan pa ’di lta bu ’di thos nas mi dṅaṅ kun tu mi skrag kun tu (4) skrag pa daṅ ldan par mi ’gyur na | ’di tsam gyis rab ’byor byaṅ chub sems dpa’ sems dpa’ chen po de go cha chen po bgos par rig par bya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kye ma bcom ldan (5) ’das kyis ji ltar gsuṅs pa’i don bdag gis ’tshal ba de ltar na bcom ldan ’das byaṅ chub sems dpa’ sems dpa’ chen po ’di ni go cha ma mchis pa bgos pa lags par rig par bgyi’o ||
bcom ldan ’das kyis bka’ stsal pa | rab ’byor de de bźin te byaṅ chub sems (6) dpa’ sems dpa’ chen po ’di ni go cha med par bgos par rig par bya’o ||
de ci’i phyir źe na | rab ’byor thams cad mkhyen pa ñid ni ma byas pa rnamaka par ma bsgyur ba mṅon par ’dus ma byas pa’o ||
sems can gaṅ dag gi don du go cha ’di bgos pa’i sems can de dag kyaṅ (7) ma byas pa rnam par ma bsgyur ba mṅon pas ’dus ma byas pa’o ||
de skad ces bka’ stsal pa daṅ bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de de bźin no bde bar gśegs pa de de bźin no ||
de ci’i slad du źe na | (12b1) bcom ldan ’das ’di ltar gzugs ni ma bciṅs ma grol ba’o ||
de bźin du tshor ba daṅ ’du śes daṅ ’du byed rnams daṅ bcom ldan ’das ’di ltar rnam par śes pa ni ma bciṅs ma grol ba’o ||
bcom ldan ’das gzugs kyi de bźin ñid kyaṅ ma bciṅs ma (2) grol ba’o ||
de bźin du tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid daṅ bcom ldan ’das rnam par śes pa’i de bźin ñid kyaṅ ma bciṅs ma grol ba’o ||
de nas tshe daṅ ldan pa gaṅ po byams ma’i bus tshe daṅ ldan pa rab ’byor (3) la ’di skad ces smras so ||
tshe daṅ ldan pa rab ’byor gzugs ma bciṅs ma grol ba źes zer ram | de bźin du tshor ba daṅ ’du śes daṅ ’du byed rnams daṅ tshe daṅ ldan pa rab ’byor rnam par śes pa ma bciṅs ma grol ba źes zer ram | tshe daṅ ldan pa rab ’byor (4) gzugs kyi de bźin ñid kyaṅ ma bciṅs ma grol ba źes zer ram | de bźin du tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid daṅ tshe daṅ ldan pa rab ’byor rnam par śes pa’i de bźin ñid kyaṅ ma bciṅs ma grol ba źes zer ram | (5) tshe daṅ ldan pa rab ’byor ’on te gzugs gaṅ ma bciṅs ma grol ba źes zer ba’i gzug de gaṅ yin | de bźin du tshor ba de gaṅ yin ’du śes de gaṅ yin ’du byed rnams de gaṅ yin tshe daṅ ldan pa rab ’byor rnam par śes pa yaṅ ma bciṅs ma grol ba źes zer ba’i rnam par (6) śes pa de gaṅ yin | tshe daṅ ldan pa rab ’byor gzugs kyi de bźin ñid ma bciṅs ma grol ba źes zer ba’i gzugs kyi de bźin ñid de gaṅ yin | de bźin du tshor ba’i de bźin ñid daṅ | ’du śes kyi de bźin ñid daṅ ’du byed rnams kyi de bźin ñid de gaṅ yin | (7) tshe daṅ ldan pa rab ’byor rnam par śes pa’i de bźin ñid ma bciṅs ma grol ba źes zer ba’i rnam par śes pa’i de bźin ñid de de gaṅ yin | de skad ces smras pa daṅ | tshe daṅ ldan pa rab ’byor gyis tshe daṅ ldan pa gaṅ po byams ma’i bu la ’di skad ces smas so ||
tshe daṅ ldan (13a1) pa gaṅ po gaṅ gi tshe sgyu ma’i skyes bu’i gzugs gaṅ yin pa de ni ma bciṅs ma grol ba’o ||
de bźin du sgyu ma’i skyes bu’i tshoṅ pa gaṅ yin pa daṅ | sgyu ma’i skyes bu’i ’du śes gaṅ yin pa daṅ | sgyu ma’i skyes bu’i ’du byed rnams gaṅ yin pa daṅ | (2) tshe daṅ ldan pa gaṅ po gaṅ gi tshe sgyu ma’i skyes bu’i rnam par śes pa gaṅ yin pa de ni ma bciṅs ma grol ba’o ||
tshe daṅ ldan pa gaṅ ’o sgyu ma’i skyes bu’i gzugs kyi de bźin ñid gaṅ yin pa de ni ma bciṅs ma grol ba’o ||
de bźin du sgyu ma’i skyes bu’i tshor ba’i de (3) bźin ñid daṅ ’du śes kyi de bźin ñid daṅ ’du byed rnams kyi de bźin ñid gaṅ yin pa daṅ tshe daṅ ldan pa gaṅ po sgyu ma’i skyes bu’i rnam par śes pa’i de bźin ñid gaṅ yin pa de ni ma bciṅs ma grol ba’o ||
de ci’i slad du źe na | yaṅ dag pa ma yin pas na ma bciṅs ma (4) grol ba’o ||
de ban pas na ma bciṅs ma grol ba’o ||
ma skyes pas nam bciṅs ma grol ba ste | ’di dag ni byaṅ chub sems dpa’ sems dpa’ chen po’i go cha chen po bgos pa theg pa chen po la yaṅ dag par źugs pa theg pa chen po la yaṅ dag par gnas pa’i go cha (5) chen po go cha med pa’o ||
de skad ces smras pa daṅ | tshe daṅ ldan pa gaṅ po byams ma’i bu caṅ mi smra bar gyur to ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de ltar byaṅ chub sems dpa’ sems dpa’ (6) chen po go cha chen po bgos par gyur pa theg pa chen po la yaṅ dag par źugs śiṅ theg pa chen po la yaṅ dag par gnas par ’gyur ba’i theg pa chen po de ni gaṅ lags | theg pa chen po de la ji ltar yaṅ dag par źugs par rig par bgyi ba ’am | theg pa chen po des (7) gaṅ nas ṅes par ’byuṅ bar ’gyur ba ’am theg pa chen po de la gaṅ gis yaṅ dag par źugs pa’am | theg pa chen po des gaṅ du gnas par ’gyur ba’am | theg pa chen po des gaṅ źig ṅes par ’byuṅ bar ’gyur | de skad ces gsol pa daṅ | bcom (13b1) ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor theg pa chen po źes bya ba ’di ni gźal du med pa’i tshig bla dgas so ||
rab ’byor gźal du med pa źes bya ba ’di ni tshad med pa’i phyir ro ||
rab ’byor gaṅ yaṅ ’di skad du (2) theg pa chen po de la ji ltar yaṅ dag par źugs par rig par bgyi ba’am | theg pa chen po des gaṅ nas ṅes par ’byuṅ bar ’gyur ba’am | theg pa chen po de la gaṅ gis yaṅ dag par źugs pa ’am | theg pa chen po des gaṅ du gnas par ’gyur ba’am | (3) theg pa chen po des gaṅ źig ṅes par ’byuṅ bar ’gyur źes zer ba ni | pha rol tu phyin pa rnams kyi sgo nas yaṅ dag par źugs nas | khams gsum nas ṅes par ’byuṅ bar ’gyur źiṅ mi dmigs pa gaṅ yin pas yaṅ dag par źugs te thams cad mkhyen pa ñid (4) du gnas par ’gyur la | byaṅ chub sems dpa’ sems dpa’ chen po ṅes par ’byuṅ bar ’gyur te | ’on kyaṅ gaṅ nas kyaṅ ṅes par ’byuṅ ba med gaṅ gis kyaṅ yaṅ dag par ma źugs gaṅ du yaṅ gnas par mi ’gyur mod kyi gnas pa med pa’i tshul gyis thams cad (5) mkhyen pa ñid la gnas par ’gyur la | theg pa chen po des gaṅ yaṅ ṅes par ma phyuṅ ṅes par ’byuṅ bar yaṅ mi ’gyur ṅes par phyuṅ ba laṅ med de | de ci’i phyir źe na | gaṅ ṅes par ’byuṅ ba daṅ gaṅ gis ṅes par ’byuṅ ba’i chos de gñi ga yaṅ med ciṅ mi dmigs (6) te | de ltar na chos thams cad med ciṅ mi dmigs pa la chos gaṅ źig chog baṅ gis ṅes par ’byuṅ bar ’gyur | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das theg pa chen (7) po theg pa chen po źes bgyi ba ’di ni lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ba la rjod do ||
nam mkha’ ltar mñam pa ñid kyi phyir de ni theg pa chen po’o ||
ji ltar nam mkha’ la sems can gźal du ma mchis graṅs (14a1) ma mchis tshad ma mchis pa’i go skabs mchis pa de bźin du bcom ldan ’das theg pa chen po la yaṅ sems can gźal du ma mchis graṅs ma mchis tshad ma mchis pa’i go skabs mchis te | bcom ldan ’das rnam graṅs ’dis na ’di ni byaṅ chub (2) sems dpa’ sems dpa’ chen po rnams kyi theg pa chen po’o ||
’di la ’oṅ ba yaṅ ma mthoṅ ’di la ’gro ba yaṅ ma mthoṅ źiṅ ’di la gnas pa yaṅ ma mchis so ||
bcom ldan ’das ’di ltar theg pa chen po ’di la sṅon gyi mtha’ mi dmigs phyi ma’i mtha’ (3) yaṅ mi dmigs dbus kyaṅ mi dmigs te | bcom ldan ’das theg pa de ni dus gsum du mñam pa’o ||
de bas na theg pa chen po theg pa chen po źes bgyi’o ||
de nas bcom ldan ’das kyis tshe daṅ ldan pa rab ’byor la legs so źes bya ba byin te | rab ’byor (4) legs so legs so ||
rab ’byor de de bźin no de de bźin te | de ltar na ’di ni byaṅ chub sems dpa’ sems dpa’ chen po rnams kyi theg pa chen po yin no ||
byaṅ chub sems dpa’ sems dpa’ chen po rnams kyis ’di la bslabs pas thams cad mkhyen pa ñid rjes (5) su thob par gyur to rjes su thob po rjes su ’thob par ’gyur ro ||
de nas bcom ldan ’das ’tshe daṅ ldan pa gaṅ po byams ma’i bus ’di skad ces gsol to ||
bcom ldan ’das gnas brtan rab ’byor śes rab kyi pha rol tu phyin pa’i slad du byin gyis brlabs pa ’di ni theg pa (6) chen po bśad par bya bar sems lags so ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag ni śes rab kyi pha rol tu phyin pa daṅ ’gal bar theg pa chen po ston par ma gyur lags graṅ | bcom ldan ’das (7) kyis bka’ stsal pa | rab ’byor de ni ma yin te rab ’byor khyod ni śes rab kyi pha rol tu phyin pa la theg pa chen po rjes su mthun par ston to ||
de skad ces bka’ stsal pa daṅ bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das saṅs rgyas (14b1) kyi mthus lags so ||
bcom ldan ’das gźan yaṅ byaṅ chub sems dpa’ sṅon gyi ma bar yaṅ ñe bar ma rtogs byaṅ chub sems dpa’ phyi ma’i mthar yaṅ ñe bar ma rtogs byaṅ chub sems dpa’ dbus su yaṅ ñe bar ma rtogs so ||
ñe bar ma rtogs pa de ci’i slad (2) du źe na | gzugs mu ma mchis pas na byaṅ chub sems dpa’ yaṅ mu ma mchis par rig par bgyi’o ||
de bźin du tshor ba daṅ ’du śes daṅ ’du byed rnams daṅ rnam par śes pa mu ma mchis pas na byaṅ chub sems dpa’ yaṅ mu ma mchis par rig par bgyi’o ||
gzugs (3) byaṅ chub sems dpa’o źes ñe bar ma rtogs te ’di yaṅ ma mchis mi dmigs so ||
de bźin du tshor ba daṅ ’du śes daṅ ’du byed rnams daṅ rnam par śes pa byaṅ chub sems dpa’o źes ñe bar ma rtogs te | ’di yaṅ ma mchis mi dmigs so ||
bcom ldan ’das de (4) ltar bdag gis byaṅ chub sems dpa’i chos thams cad nas thams cad rnam pa thams cad du thams cad mi dmigs pas bcom ldan ’das ’di lta ste | byaṅ chub sems dpa’ źes bgyi ba’i miṅ ’di gaṅ la yod pa’i chos de yaṅ dag par rjes su mi mthoṅ ṅo ||
śes rab (5) kyi pha rol tu phyin pa yaṅ yaṅ dag par rjes su mi mthoṅ mi dmigs thams cad mkhyen pa ñid kyaṅ yaṅ dag par rjes su mi mthoṅ mi dmigs te | bcom ldan ’das bdag gis chos thams cad nas thams cad rnam pa thams cad du thams cad yaṅ dag par ma mthoṅ źiṅ ma (6) dmigs na chos gaṅ źig chos gaṅ gis chos gaṅ la gdams śiṅ rjes su bstan par bgyi | bcom ldan ’das saṅs rgyas źes bgyi ba ’di ni miṅ tsam mo ||
bcom ldan ’das byaṅ chub sems dpa’ źes bgyi ba ’di yaṅ miṅ tsam mo ||
bcom ldan ’das śes (7) rab kyi pha rol tu phyin pa źes bgyi ba ’di yaṅ miṅ tsam mo ||
miṅ de yaṅ mṅon par ma grub ste | bcom ldan ’das ji ltar bdag bdag ces rjod kyaṅ bcom ldan ’das bdag śin tu mṅon par ma grub pa bźin no ||
de ltar chos thams cad ṅo bo ñid ma mchis pa la (15a1) gaṅ źig gzuṅ du ma mchis śiṅ mṅon par ma grub pa’i gzugs gaṅ lags | tshor ba daṅ ’du śes daṅ ’du byed rnams de gaṅ lags | gaṅ źig gzuṅ du ma mchis śiṅ mṅon par ma grub pa’i rnam par śes pa de gaṅ lags | de ltar chos de dag (2) thams cad kyi ṅo bo ñid ma mchis pa gaṅ lags pa de ni mṅon par ma grub pa lags la | gaṅ chos thams cad kyi mṅon par ma grub pa gaṅ lags pa de yaṅ chos ma lags te | des na śes rab kyi pha rol tu phyin pa la mṅon par ma grub pas mṅon par ma grub pa la ci źig (3) gdams śiṅ rjes su bstan par bgyi | bcom ldan ’das mṅon par ma grub pa las gźan na chos thams cad dam saṅs rgyas kyi chos sam byaṅ chub sems dpa’i chos sam gaṅ byaṅ chub tu spyod pa yaṅ mi dmigs so ||
bcom ldan ’das gal te de ltar bśad ciṅ de (4) ltar bstan te de ltar ñe bar bstan pa la | byaṅ chub sems dpa’ sems dpa’ chen po’i sems mi ’god kun tu mi źum bag mi tsha | bag ’khums par mi ’gyur ’di’i yid phyir phyogs par mi bgyid bcom źiṅ phyir phyogs par mi ’gyur | mi dṅaṅ kun tu mi skrag kun tu skrag (5) pa daṅ ldan par mi ’gyur na byaṅ chub sems dpa’ sems dpa’ chen po ’di ni śes rab kyi pha rol tu phyin pa la spyod pa’o ||
byaṅ chub sems dpa’ sems dpa’ chen po ’di ni śes rab kyi pha rol tu phyin pa la bsgom pa’o ||
byaṅ chub sems dpa’ sems dpa’ chen po ’di (6) ni śes rab kyi pha rol tu phyin pa la ñe bar rtog pa’o ||
byaṅ chub sems dpa’ sesama dpa’ chen po ’di ni śes rab kyi pa rol tu phyin pa la ṅes par sems pa’o źes de ltar rig par bgyi’o ||
de ci’i slad du źe na | bcom ldan ’das gaṅ gi tshe byaṅ chub sems dpa’ sems (7) dpa’ chen po śes rab kyi pha rol tu phyin pa la chos ’di dag ñe bar rtog pa de’i tshe | gzugs ñe bar mi rtogs gzugs ñe bar mi ’dzin gzugs skye bar yaṅ dag par rjes su mi mthoṅ gzugs ’gag par yaṅ dag par rjes su mi mthoṅ | de bźin du tshor ba ma yin ’du śes ma yin (15b1) ’du byed rnams ma yin rnam par śes pa ñe bar mi rtogs rnam par śes pa ñe bar mi ’dzin rnamaka par śes pa skye bar yaṅ dag par rjes su mi mthoṅ rnam par śes pa ’gag par yaṅ dag par rjes su mi mthoṅ ṅo ||
de ci’i slad du źe na | ’di ltar gzugs kyi skye ba ma mchis pa gaṅ (2) lags pa de ni gzugs ma lags | gzugs kyi ’jig pa ma mchis pa gaṅ lags pa de ni gzugs ma lags te | des na skye pa ma mchis pa daṅ gzugs źes bgyi ba ’di ni gñis su ma mchis śiṅ gñis su bgyir ma mchis so ||
des na ’jig pa ma mchis pa (3) daṅ gzugs źes bgyi ba ’di yaṅ gñis su ma mchis śiṅ gñis su bgyir ma mchis te | gaṅ yaṅ ’di skad du gzugs źes bgyi ba ’di ni gñis su ma mchis pa’i graṅs su gtogs so ||
de bźin du ’di ltar tshor ba’i gaṅ lags pa daṅ | ’du śes kyi gaṅ (4) lags pa daṅ ’du byed rnams kyi gaṅ lags pa daṅ | ’di ltar rnam par śes pa’i skye ba ma mchis pa gaṅ lags pa de ni rnam par śes pa ma lags | rnam par śes pa’i ’jig pa ma mchis pa gaṅ lags pa de ni rnam par śes pa ma lags te | des na skye ba ma (5) mchis pa daṅ rnam par śes pa źes bgyi ba ’di yaṅ gñis su ma mchis śiṅ gñis su bgyir ma mchis so ||
des na ’jig pa ma mchis pa daṅ rnam par śes pa źes bgyi ba ’di yaṅ gñis su ma mchis śiṅ gñis su bgyir ma mchis te | gaṅ yaṅ ’di skad du rnam par (6) śes pa źes bgyi ba ’di ni gñis su ma mchis pa’i graṅs su gtogs so ||
bcom ldan ’das de ltar śes rab kyi pha rol tu phyin pa la chos thams cad rnam pa thams cad du ñe bar rtog na | de’i tshe gzugs ña bar mi rtogs gzugs ñe bar mi ’dzin gzugs skye bar yaṅ dag (7) par rjes su mi mthoṅ gzugs ’gag par yaṅ dag par rjes su mi mthoṅ | de bźin du tshor ba ma yin ’du śes ma yin ’du byed rnams ma yin | rnam par śes pa ñe bar mi rtogs rnam par śes pa ñe bar mi ’dzin rnam par śes pa skye bar yaṅ dag par rjes su mi mthoṅ rnam (16a1) par śes pa ’gag par yaṅ dag par rjes su mi mthoṅ ṅo ||
de ci’i slad du źe na | ’di ltar gzugs kyi skye ba ma mchis pa gaṅ lags pa de ni gzugs ma lags | gzugs kyi ’jig pa ma mchis pa gaṅ lags pa de ni gzugs ma lags te | des na (2) skye ba ma mchis pa daṅ gzugs źes bgyi ba ’di ni gñis su ma mchis śiṅ gñis su bgyir ma mchis so ||
des na ’jig pa ma mchis pa daṅ gzugs źes bgyi ba ’di ni gñis su ma mchis śiṅ gñis su bgyir ma mchis te | gaṅ yaṅ ’di skad du gzugs źes bgyi ba (3) ’di ni gñis su ma mchis pa’i graṅs su gtogs so ||
de bźin du ’di ltar tshor ba’i gaṅ lags pa daṅ | ’du śes kyi gaṅ lags pa daṅ | ’du byed rnams kyi gaṅ lags pa daṅ | ’di ltar rnam par śes pa’i skye ba ma mchis pa gaṅ lags pa de ni rnam par śes pha ma (4) lags | rnam par śes pa’i ’jig pa ma mchis pa gaṅ lags pa de ni rnam par śes pa ma lags te | des na skye ba ma mchis pa daṅ rnam par śes pa źes bgyi ba ’di yaṅ gñis su ma mchis śiṅ gñis su bgyir ma mchis so ||
des na ’jig pa ma mchis pa daṅ rnam (5) par śes pa źes bgyi ba ’di yaṅ gñis su ma mchis śiṅ gñis su bgyir ma mchis te | gaṅ yaṅ ’di skad du rnam par śes pa źes bgyi ba ’di ni gñis su ma mchis pa’i graṅs su gtogs so || ||
śes rab kyi pha rol tu phyin pa brgyad stoṅ (6) pa | bam po gñis pa | de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
de’i phyir tshe daṅ ldan pa rab ’byor gyis ji skad smras pa’i don bdag gis śes pa de ltar na byaṅ chub sems dpa’ yaṅ skye ba med pa yin no ||
tshe daṅ ldan pa rab ’byor (7) gal te yaṅ byaṅ chub sems dpa’ yaṅ skye ba med pa yin na byaṅ chub sems dpa’ dka’ ba spyad pa spyod pa ’am sems can rnams kyi phyir sdug bsṅal gaṅ yin pa de dag ñams su myoṅ ba’i don du spro ba yaṅ ci źig yod | de skad ces smras pa daṅ | tshe daṅ ldan pa rab ’byor gyis tshe (16b1) daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu kho bo ni byaṅ chub sems dpa’ sems dpa’ chen po dka’ ba spyad pa spyod par mi ’dod do ||
gaṅ źig dka’ ba’i ’du śes kyis spyod pa de ni byaṅ chub sems dpar yaṅ mi ’gyur te | de ci’i phyir źe na | (2) tshe daṅ ldan pa ś ri’i bu dka’ ba’i ’du śes bskyed nas ni sems can gźal du med graṅs med pa’i don bya bar mi nus so ||
’on kyaṅ bde ba’i ’du śes ñid du byas nas de sems can thams cad la mar ’du śes pa daṅ par ’du śes pa daṅ bur ’du śes pa daṅ bu mor ’du śes (3) bskyed par byas śiṅ | de bźin du skyes pa daṅ bud med dag la ’du śes de dag byas nas | byaṅ chub sems dpa’ sems dpa’ chen po byaṅ chub sems dpa’i spyad pa spyod do ||
de bas na byaṅ chub sems dpa’ sems dpa’ chen pos sems can thams cad la mar (4) ’du śes pa daṅ bar ’du śes pa daṅ bur ’du śes pa daṅ bu mor ’du śes pa daṅ bdag ñid kyi bar du yaṅ ’du śes bskyed par bya ste | ji ltar bdag ni thams cad nas thams cad rnam pa thams cad du thams cad sdug bsṅal thams cad las thar bar bya ba de bźin du sems can (5) thams cad thams cad nas thams cad rnam pa thams cad du sdug bsṅal thams cad las thar bar bya’o źes de ltar sems can thams cad la yaṅ ’du śes bskyed par bya ste | bdag gis sems can ’di dag thams cad yoṅs su mi gtaṅ ṅo ||
bdag gis sems can ’di (6) dag thams cad sdug bsṅal gyi phuṅ po dpag tu med pa las thar bar bya’o ||
bdag gi lus brgyar gtubs kyaṅ chub du na ’di dag la bdag gis gnod sems kyaṅ mi bskyed do sñam du | de ltar byaṅ chub sems dpa’ sems dpa’ chen pos sems bskyed par bya’o ||
gal te sems (7) can de ltar gnas na dka’ ba byed pa’i ’du śes su spyod pa ma yin no ||
dka’ ba byed pa’i ’du śes su gnas pa ma yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen pos ci nas kyaṅ bdag ni thams cad nas thams cad rnam pa thams cad du (17a1) thams cad med ciṅ mi dmigs pa de bźin du chos thams cad thams cad nas thams cad rnam pa thams cad du thams cad med ciṅ mi dmigs pa de ltar sems bskyed par bya źiṅ de ltar naṅ daṅ phyi’i chos thams cad la ’du śes bskyed par bya’o ||
gal te sems (2) de ltar spyod na dka’ ba’i ’du śes can du spyod pa ma yin dka’ ba’i ’du śes can du gnas pa ma yin no ||
tshe daṅ ldan pa ś ri’i bus gaṅ yaṅ ’di skad du byaṅ chub sems dpa’ yaṅ skye ba med pa yin no źes smras pa ni de de bźin no tshe daṅ ldan pa ś ri’i bu de de bźin te | (3) byaṅ chub sems dpa’ ni skye ba med pa’o ||
ś ri’i bus smras pa | tshe daṅ ldan pa rab ’byor yaṅ ci byaṅ chub sems dpa’ ñid skye pa med dam ’on te byaṅ chub sems dpa’i chos rnams kyaṅ skye ba med | rab ’byor gyis smras pa | tshe daṅ ldan pa ś ri’i bu byaṅ chub sems dpa’i (4) chos rnams kyaṅ skye ba med do ||
ś ri’i bus smras pa | tshe daṅ ldan pa rab ’byor yaṅ ci byaṅ chub sems dpa’i chos rnams kho na skye ba med dam ’on te thams cad mkhyen pa ñid kyaṅ skye ba med | rab ’byor gyis smras pa | tshe daṅ ldan pa ś ri’i bu thams cad mkhyen pa ñid kyaṅ skye (5) ba med do ||
ś ri’i bus smras pa | tshe daṅ ldan pa rab ’byor yaṅ ci thams cad mkhyen pa ñid kho na skye ba med dam ’on te thams cad mkhyen pa ñid kyi chos rnams kyaṅ skye ba med | rab ’byor gyis smras pa | tshe daṅ ldan pa ś ri’i bu thams cad mkhyen pa ñid kyi chos rnams (6) kyaṅ skye ba med do ||
ś ri’i bus smras pa | tshe daṅ ldan pa rab ’a’abyora yaṅ ci thams cad mkhyen pa’i chos rnams kho na skye ba med dam ’on te so so’i skye bo yaṅ skye ba med | rab ’byor gyis smras pa | tshe daṅ ldan pa ś ri’i bu so so’i skye bo yaṅ skye ba med do ||
ś ri’i bus (7) smras pa | tshe daṅ ldan pa rab ’byor yaṅ ci so so’i skye bo ñid skye ba med dam | ’on te so so’i skye bo’i chos rnams kyaṅ skye ba med | rab ’byor gyis smras pa | tshe daṅ ldan pa ś ri’i bu so so’i skye bo’i chos rnams kyaṅ skye ba med do ||
de skad ces smras pa daṅ | tshe daṅ ldan (17b1) pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor gal te byaṅ chub sems dpa’ yaṅ skye ba med byaṅ chub sems dpa’i chos rnams kyaṅ skye ba med thams cad mkhyen pa ñid kyaṅ skye ba med thams cad mkhyen pa ñid kyi chos rnams (2) kyaṅ skye ba med so so’i skye bo yaṅ skye ba med so so’i skye bo’i chos rnams kyaṅ skye ba med pa yin na | tshe daṅ ldan pa rab ’byor ’o na byaṅ chub sems dpa’ sems dpa’ chen pos thams cad mkhyen pa ñid rjes su thob pa yin nam | de skad ces smras pa daṅ | tshe daṅ ldan pa rab (3) ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu kho bo ni ma skyes pa’i chos la thob par mi ’dod la mṅon par rtogs par yaṅ ma yin te | ma skyes pa’i chos kyis thob pa ma skyes pa ’thob par yaṅ mi ’gyur ro ||
ś ri’i bus smras pa tshe (4) daṅ ldan pa rab ’byor yaṅ ci ma skyes pa’i chos kyis thob pa skyes pa ’thob par ’gyur ram | ’on te skyes pa’i chos kyis thob pa ma skyes pa ’thob par ’gyur | rab ’byor gyis smras pa | tshe daṅ ldan pa ś ri’i bu yaṅ ci ma skyes pa’i chos skyes pa yin nam | ’on te ma skyes pa’i (5) chos ma skyes pa ñid yin | ś ri’i bus smras pa | tshe daṅ ldan pa rab ’byor yaṅ ci skye ba’i chos ñid mi skye ba yin nam ’on te mi skye ba’i chos mi skye ba yin | rab ’byor gyis smras pa | tshe daṅ ldan pa ś ri’i bu skye ba’i chos sam mi skye pa’i chos źes smra bar mi spobs so ||
ś ri’i (6) bus smras pa | tshe daṅ ldan pa rab ’byor khyod kyis skye ba med pa yaṅ smra bar mi spobs sam | rab ’byor gyis smras pa | tshe daṅ ldan pa ś ri’i bu skye ba med pa ñid rjod pa yin la tshe daṅ ldan pa ś ri’i bu skye ba med pa ñid so sor snaṅ ba yin no ||
tshe daṅ ldan pa ś ri’i bu skye ba med pa ñid (7) spobs pa yin te | tshe daṅ ldan pa ś ri’i bu de kho na bźin du śin tu so sor snaṅ ba ñid do ||
de skad ces smras pa daṅ tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ni chos ston pa’i naṅ na mchog tu gźag par bya’o ||
de ci’i (18a1) phyir źe na | ’di ltar gnas brtan tshe daṅ ldan pa rab ’byor ni gaṅ daṅ gaṅ ñid la yoṅs su dri ba byas pa de daṅ de ñid la ṅes par ’byuṅ bar ’gyur źiṅ chos ñid las kyaṅ mi g-yo la chos ñid de daṅ ’gal bar yaṅ mi byed do ||
de skad ces smras pa daṅ tshe daṅ (2) ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu bcom ldan ’das kyi ñan thos mi gnas pa’i chos can rnams kyi chos ñid ni ’di yin te de dag ni gaṅ daṅ gaṅ ñid la yoṅs su dri ba byas pa de daṅ de ñid la ṅes par ’byuṅ bar ’gyur (3) źiṅ chos ñid daṅ ’gal bar yaṅ mi byed la chos ñid las kyaṅ mi ’da’o ||
de ci’i phyir źe na | ’di ltar yaṅ chos thams cad mi gnas pa’i phyir ro ||
de skad ces smras pa daṅ tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa (4) rab ’byor legs so legs so ||
byaṅ chub sems dpa’ sems dpa’ chen po rnams kyi chos thams cad la mi gnas pa’i pha rol tu phyin pa ’di gaṅ yin | rab ’byor gyis smras pa | tshe daṅ ldan pa ś ri’i bu śes rab kyi pha rol tu phyin pa ñid ni theg pa thams cad chos thams (5) cad la mi gnas pa’i phyir chos thams cad la mi gnas pa’i pha rol tu phyin pa yin no ||
de ltar byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di ltar bśad ciṅ ’di ltar bstan pa daṅ ’di ltar ñe bar bstan pa la sems źum par mi ’gyur (6) ba daṅ nem nur du mi ’gyur ba daṅ rmoṅs par mi ’gyur ba daṅ | sems gźan du mi ’gyur na byaṅ chub sems dpa’ sems dpa’ chen po de ni śes rab kyi pha rol tu phyin pa’i gnas pa ’dis gnas śiṅ yid la byed pa ’di daṅ ma bral ba yin no źes rig par bya’o ||
de nas (7) tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po śes rab kyi pha rol tu phyin pa’i gnas pas gnas pa gaṅ yin pa de ci ltar yid la byed pa daṅ ma bral bar ’gyur | tshe daṅ (18b1) ldan pa rab ’byor gal te byaṅ chub sems dpa’ sems dpa’ chen po yid la byed pa daṅ ma bral ba yin na | de lta na ni de śes rab kyi pha rol tu phyin pa’i gnas pa daṅ bral bar ’gyur źiṅ | tshe daṅ ldan pa rab ’byor gal te yaṅ byaṅ chub sems dpa’ sems dpa’ chen po śes rab (2) kyi pha rol tu phyin pa la gnas pa daṅ ma bral na de lta na ni de yid la byed pa de daṅ bral bar ’gyur ro ||
tshe daṅ ldan pa rab ’byor gal te yaṅ byaṅ chub sems dpa’ sems dpa’ chen po yid la byed pa daṅ ma bral yaṅ śes rab kyi pha rol tu phyin pa’i gnas pa daṅ ma bral pa ñid (3) du ’gyur na de lta yin du zin na sems can thams cad kyaṅ śes rab kyi pha rol tu phyin pa’i gnas pa daṅ ma bral bar ’gyur te | de ci’i phyir źe na | sems can thams cad kyaṅ yid la byed pa daṅ ma bral bar gnas so ||
de skad ces smras pa daṅ tshe daṅ ldan pa rab ’byor gyi tshe daṅ ldan pa (4) ś ri’i bu la ’di skad ces smras so ||
tshe daṅ ldan pa ś ri’i bu legs so legs so ||
’on kyaṅ khyod la yaṅ glan gar ’gyur te | tshe daṅ ldan pa ś ri’i bus ni don ’di ñid yaṅ dag pa’i tshig tu brjod par yaṅ yoṅs su gzuṅ ba yin no ||
de ci’i phyir źe na | tshe daṅ ldan pa ś (5) ri’i bu sems can ṅo bo ñid med pas na yid la byed pa ṅo bo ñid med par rig par bya’o ||
tshe daṅ ldan pa ś ri’i bu sems can dṅos po med pas na yid la byed pa dṅos po med par rig par bya’o ||
tshe daṅ ldan pa ś ri’i bu sems can dben pas na yid la byed pa dben par rig (6) par bya’o ||
tshe daṅ ldan pa ś ri’i bu sems can bsam gyis mi khyab pas na yid la byed pa bsam gyis mi khyab par rig par bya’o ||
tshe daṅ ldan pa ś ri’i bu sems can mṅon par rdzogs par byaṅ ma chub pas na yid la byed pa mṅon par rdzogs par byaṅ ma chub par rig par bya’o ||
(7) tshe daṅ ldan pa ś ri’i bu sems can yaṅ dag pa ji lta ba ma yin pa’i don du mṅon par rdzogs par byaṅ chub pas na yid la byed pa yaṅ dag pa ji lta ba ma yin pa’i don du mṅon par rdzogs par byaṅ chub par rig par bya’o ||
tshe daṅ ldan pa ś ri’i bu byaṅ chub sems dpa’ sems dpa’ chen (19a1) po ni de lta bu’i ṅo bo’i yid la byed pa ’di daṅ gnas pa ’dis gnas par ’dod do ||
’phags pa śes rab kyi pha rol tu phyin pa brgyad stoṅ pa las rnam pa thams cad mkhyen pa ñid kyi spyod pa’i le’u źes bya ba ste daṅ po’o || ||
de’i tshe yaṅ (2) lha rnams kyi dbaṅ po brgya byin sum cu rtsa gsum gyi ris kyi lha’i bu bźi khri daṅ lhan cig tu ’khor de ñid du ’dus te ’khod par gyur to ||
’jig rten skyoṅ ba bźi yaṅ rgyal chen bźi’i ris kyi lha’i bu ñi khrir bcas pa daṅ | mi mjed kyi bdag po tshaṅs pa yaṅ tshaṅs ris kyi lha’i bu khrir (3) bcas pa daṅ | gnas gtsaṅ ma’i lha’i bu lṅa stoṅ yaṅ ’khor de ñid du ’dus te ’khod par gyur te | lha rnams kyi raṅ gi las kyi rnam par smin pa las skyes pa’i ’od gaṅ yin pa de thams cad kyaṅ saṅs rgyas kyi mthu daṅ saṅs rgyas kyi gzi brjid daṅ saṅs rgyas kyi byin gyi rlabs (4) kyis zil gyis mnan to ||
de nas lha rnams kyi dbaṅ po brgya byin gyis tshe daṅ ldan pa gnas brtan rab ’byor la ’di skad ces smras so ||
’phags pa rab ’byor lha’i bu stoṅ phrag maṅ po ’khor ’dir ’dus te ’khod pa ’di rnams ’phags pa rab ’byor las byaṅ chub sems dpa’ sems (5) dpa’ chen po rnams kyi śes rab kyi pha rol tu phyin pa la ñe bar bstan pa daṅ gdams pa daṅ rjes su bstan pa ñan par ’dod na | byaṅ chub sems dpa’ sems dpa’ chen po des ci ltar śes rab kyi pha rol tu phyin pa la gnas par bya ci ltar bslab par bya ci ltar rnal ’byor du bya | gnas (6) brtan rab ’byor gyis smras pa | kau śi ka de’i phyir saṅs rgyas kyi mthu daṅ saṅs rgyas kyi gzi brjid daṅ saṅs rgyas kyi byin gyi rlabs kyis ñe bar bstan par bya ste | lha’i bu gaṅ dag gis bla na med pa yaṅ dag par rdzogs pa’i byaṅ chub tu sems ma bskyed pa de dag gis sems bskyed (7) par bya’o ||
gaṅ dag yaṅ dag pa ñid du ṅes pa la źugs pa de dag ni bla na med pa yaṅ dag par rdzogs pa’i byaṅ chub tu sems bskyed pa’i skal ba med do ||
de ci’i phyir źe na | de dag gis ’khor ba’i rgyun las mtshams bcad pas de dag yaṅ daṅ yaṅ du ’khor źiṅ bla na med pa (19b1) yaṅ dag par rdzogs pa’i byaṅ chub tu sems bskyed pa’i skal ba med do ||
’on kyaṅ gal te de dag gis kyaṅ bla na med pa yaṅ dag par rdzogs pa’i byaṅ chub tu sems bskyed na de dag la yaṅ rjes su yi raṅ bar bya’o ||
kho bo ni de dag gi dge ba la bar chad mi byed de khyad par du (2) ’phags pa’i chos rnams las ches khyad par du ’phags pa’i chos rnams la lhag par dmigs par bya’o ||
de nas bcom ldan ’das kyis tshe daṅ ldan pa rab ’byor la bka’ stsal pa | rab ’byor legs so legs so ||
khyod byaṅ chub sems dpa’ sems dpa’ chen po rnams (3) la spro ba skyed pa gaṅ yin pa ni rab ’byor yaṅ khyod legs so ||
de skad ces bka’ stsal pa daṅ bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag cag gis ni bcom ldan ’das kyi bka’ drin gzo bar bgyi ste bka’ drin mi (4) gzo bar mi bgyi’o ||
de ci’i slad du źe na | bcom ldan ’das ji ltar sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyi druṅ du bcom ldan ’das sṅon byaṅ chub sems dpar gyur pa ñid kyis bdag cag rnams kyi don du byaṅ chub kyi phyir tshaṅs (5) par spyad pa spyod pa na ñan thos gaṅ dag gis pha rol tu phyin pa rnams la gdams śiṅ rjes su bstan te | de la bcom ldan ’das kyis spyad pas bla na med pa’i ye śes bskyed pa de bźin du | bcom ldan ’das bdag cag gis kyaṅ byaṅ chub sems dpa’ sems dpa’ chen po rnams (6) rjes su yoṅs su gzuṅ bar bgyi źiṅ rjes su yoṅs su bskor par bgyi’o yaṅ dag par yoṅs su gzuṅ bar bgyi źiṅ yaṅ dag par yoṅs su bskor bar yaṅ bgyi’o ||
de ci’i slad du źe na | bcom ldan ’das ’di la bdag cag gis kyaṅ byaṅ chub sems dpa’ sems dpa’ chen po (7) rnams rjes su yoṅs su bzuṅ źiṅ rjes su yoṅs su bskor ba daṅ yaṅ dag par yoṅs su bzuṅ źiṅ yaṅ dag par yoṅs su bskor bas myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de nas tshe daṅ ldan pa rab ’byor gyis lha (20a1) rnams kyi dbaṅ po brgya byin la smras pa | ko śi ka de’i phyir legs par rab tu ñon la yid la zuṅ śig daṅ | ji ltar byaṅ chub sems dpa’ sems dpa’ chen pos śes rab kyi pha rol tu phyin pa la gnas par bya ba ṅas khyod la bśad par bya’o ||
kau śi ka byaṅ chub (2) sems dpa’ sems dpa’ chen pos stoṅ pa ñid la gnas pas śes rab kyi pha rol tu phyin pa la gnas par bya ste | kau śi ka de’i phyir byaṅ chub sems dpa’ sems dpa’ chen pos go cha chen po bgos par ’gyur bar bya’o ||
gzugs la gnas par mi bya’o ||
tshor ba la ma (3) yin ’du śes la ma yin ’du byed rnams la ma yin rnam par śes pa la gnas par mi bya’o ||
mig la gnas par mi bya’o gzugs la gnas par mi bya’o ||
mig gi rnam par śes pa la gnas par mi bya’o ||
mig gi ’dus te reg pa la gnas par mi bya’o mig gi ’dus te reg (4) pa las byud pa’i tshor ba la gnas par mi bya’o ||
de bźin du rna ba daṅ sna daṅ lce daṅ lus daṅ yid la gnas par mi bya’o ||
sgra daṅ dri daṅ ro daṅ reg daṅ chos rnams daṅ | rna ba’i rnam par śes pa nas yid kyi rnam par śes pa’i bar daṅ yid kyi ’dus te reg pa daṅ | yid kyi ’dus (5) te reg pa las byuṅ ba’i tshor ba’i bar la gnas par mi bya’o ||
sa’i khams la gnas par mi bya’o ||
chu’i khams daṅ me’i khams daṅ rluṅ gi khams daṅ nam mkha’i khams daṅ rnam par śes pa’i khams la gnas par mi bya’o ||
dran pa ñe bar gźag pa la gnas par mi bya’o ||
(6) yaṅ dag par spoṅ ba daṅ rdzu ’phrul gyi rkaṅ pa daṅ dbaṅ po daṅ stobs daṅ byaṅ chub kyi yan lag daṅ lam la gnas par mi bya’o ||
rgyun tu źugs pa’i ’bras bu la gnas par mi bya’o ||
lan cig phyir ’oṅ ba’i ’bras bu daṅ phyir mi ’oṅ ba’i ’bras bu daṅ dgra bcom pa ñid la gnas (7) par mi bya’o ||
raṅ saṅs rgyas ñid la gnas par mi bya’o ||
saṅs rgyas ñid la gnas par mi bya’o ||
de ltar na gzugs so źes gnas par mi bya’o ||
de ltar na tshor ba’o źes bya ba daṅ ’du śes so źes bya ba daṅ ’du byed rnams so źes bya ba daṅ de ltar na rnam par śes pa’o (20b1) źes gnas par mi bya’o ||
de ltar na mig go źes bya ba nas yid kyi ’dus te reg pa las byuṅ ba’i tshor ba’o źes bya ba’i bar du gnas par mi bya’o ||
de ltar na sa’i khams so źes bya ba nas rnam par śes pa’i khams so źes bya ba’i bar du gnas par mi bya’o ||
de ltar na (2) dran pa ñe bar gźag pa’o źes gnas par mi bya’o ||
de ltar na yaṅ dag par spoṅ ba daṅ rdzu ’phrul gyi rkaṅ pa daṅ dbaṅ po daṅ stobs daṅ byaṅ chub kyi yan lag rnams so źes bya ba daṅ de ltar na lam gyi yan lag go źes gnas par mi bya’o ||
de ltar na rgyun tu źugs pa’i ’bras (3) bu’o źes gnas par mi bya’o ||
de ltar na lan cig phyir ’oṅ ba’i ’bras bu’o źes bya ba daṅ de ltar na phyir mi ’oṅ ba’i ’bras bu’o źes bya ba daṅ de ltar na dgra bcom pa’o źes gnas par mi bya’o ||
de ltar na raṅ saṅs rgyas so źes gnas par mi bya’o ||
de ltar na saṅs rgyas so (4) źes gnas par mi bya’o ||
gzugs rtag pa daṅ mi rtag pa’o źes gnas par mi bya’o ||
de bźin du tshor ba daṅ ’du śes daṅ ’du byed rnams daṅ rnam par śes pa rtag pa daṅ mi rtag pa’o źes gnas par mi bya’o ||
gzugs bde ba daṅ sdug bsṅal ba’o źes gnas par mi bya’o ||
(5) de bźin du tshor ba daṅ ’du śes daṅ ’du byed rnams daṅ rnam par śes pa bde ba daṅ sdug bsṅal ba’o źes gnas par mi bya’o ||
gzugs stoṅ pa daṅ mi stoṅ pa’o źes gnas par mi bya’o ||
de bźin du tshor ba daṅ ’du śes daṅ ’du byed rnams daṅ rnam par śes pa stoṅ pa daṅ mi (6) stoṅ pa’o źes gnas par mi bya’o ||
gzugs bdag daṅ bdag med pa’o źes gnas par mi bya’o ||
de bźin du tshor ba daṅ ’du śes daṅ ’du byed rnams daṅ rnam par śes pa bdag daṅ bdag med pa’o źes gnas par mi bya’o ||
gzugs sdug pa daṅ mi sdug pa’o źes (7) gnas par mi bya’o ||
de bźin du tshor ba daṅ ’du śes daṅ ’du byed rnams daṅ rnam par śes pa sdug pa daṅ mi sdug pa’o źes gnas par mi bya’o ||
gzugs stoṅ pa’o źes ñe bar dmigs pas gnas par mi bya’o ||
de bźin du tshor ba daṅ ’du śes daṅ ’du byed rnams daṅ rnam (21a1) par śes pa stoṅ pa’o źes ñe bar dmigs pas gnas par mi bya’o ||
rgyun tu źugs pa’i ’bras bu ’dus ma byas kyis rab tu phye ba’o źes gnas par mi bya’o ||
de bźin du lan cig phyir ’oṅ ba’i ’bras bu daṅ phyir mi ’oṅ ba’i ’bras bu daṅ dgra bcom pa ñid ’dus (2) ma byas kyis rab tu phye ba’o źes gnas par mi bya’o ||
raṅ saṅs rgyas ñid ’dus ma byas kyis rab tu phye ba’o źes gnas par mi bya’o ||
saṅs rgyas ñid ’dus ma byas kyis rab tu phye ba’o źes gnas par mi bya’o ||
rgyan tu źugs pa sbyin pa’i gnas so źes bya bar gnas par (3) mi bya’o ||
rgyun tu źugs pa re ltar thogs na srid pa lan bdun pa’o źes gnas par mi bya’o ||
lan cig phyir ’oṅ ba sbyin pa’i gnas so źes gnas par mi bya’o ||
lan cig phyir ’oṅ ba yoṅs su mthar ma phyin pa’i phyir ’jig rten ’dir lan cig phyir ’oṅs nas sdug bsṅal mthar byed (4) par ’gyur ro źes gnas par mi bya’o ||
phyir mi ’oṅ ba sbyin pa’i gnas so źes gnas par mi bya’o ||
phyir mi ’oṅ ba ’jig rten ’dir phyir mi ’oṅ bar de ñid du yoṅs su mya ṅan las ’da’o źes gnas par mi bya’o ||
dgra bcom pa ñid sbyin pa’i gnas so źes gnas par mi bya’o ||
(5) dgra bcom pa ’di ñid du phuṅ po’i lhag ma ma lus par mya ṅan las ’das pa’i dbyiṅs su yoṅs su mya ṅan las ’das par ’gyur ro źes gnas par mi bya’o ||
raṅ saṅs rgyas sbyin pa’i gnas so źes gnas par mi bya’o ||
raṅ saṅs rgyas ni ñan thos kyi sa las ’das nas saṅs rgyas (6) kyi sa ma thob par yoṅs su mya ṅan las ’da’ bar ’gyur ro źes gnas par mi bya’o ||
saṅs rgyas ni sbyin pa’i gnas so źes gnas par mi bya’o ||
saṅs rgyas ni so so’i skye bo’i sa las ’das pa daṅ ñan thos kyi sa las ’das pa daṅ raṅ saṅs rgyas kyis las ’das nas gźal (7) du med graṅs med pa’i sems can rnams kyi don mdzad de | gźal du med graṅs med pa’i sems can bye ba khrag khrig brgya stoṅ yoṅs su mya ṅan las bzlas | gźal du med graṅs med pa’i sems can rnams ñan thos daṅ raṅ saṅs rgyas daṅ yaṅ dag par rdzogs pa’i saṅs rgyas (21b1) su ṅes par mdzad ciṅ saṅs rgyas kyi sa la bźugs te saṅs rgyas kyi mdzad pa mdzad nas phuṅ po’i lhag ma med pa’i mya ṅan las ’das pa’i dbyiṅs su saṅs rgyas kyi yoṅs su mya ṅan las ’da’ bas yoṅs su mya ṅan las ’da’ bar ’gyur ro źes des ’di ltar yaṅ gnas par mi (2) bya’o ||
de nas tshe daṅ ldan pa ś ri’i bu ’di sñam du sems te | gal te saṅs rgyas ni so so’i skye bo’i sa las ’das pa daṅ ñan thos kyi sa las ’das pa daṅ raṅ saṅs rgyas kyi sa las ’das nas gźal du med graṅs med pa’i sems can rnams kyi don mdzad de | gźal du (3) med graṅs med pa’i sems can bye ba khrag khrig brgya stoṅ yoṅs su mya ṅan las bzlas | gźal du med graṅs med pa’i sems can rnams ñan thos daṅ raṅ saṅs rgyas daṅ yaṅ dag par rdzogs pa’i saṅs rgyas su ṅes par mdzad ciṅ saṅs rgyas kyi sa la bźugs te saṅs rgyas kyi (4) mdzad pa mdzad nas phuṅ ba’i lhag ma med pa’i mya ṅan las ’das pa’i dbyiṅs su saṅs rgyas kyi mya ṅan las ’da’ bas yoṅs su mya ṅan las ’da’ bar ’gyur ro źes des ’di ltar yaṅ gnas par mi bya na des yaṅ ci ltar ’di la gnas par bya ci ltar bslab par bya sñam pa daṅ | (5) de nas saṅs rgyas kyi mthus tshe daṅ ldan pa rab ’byor gyis tshe daṅ ldan pa ś ri’i bu’i sems kyi rtog pa sems kyis śes nas tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu de ji sñam du sems de bźin gśegs pa dgra bcom pa yaṅ dag par rdzogs (6) pa’i saṅs rgyas ci źig la gnas | tshe daṅ ldan pa ś ri’i bus smras pa tshe daṅ ldan pa rab ’byor de bźin gśegs pa dgra bcom pa yaṅ dag par rdzogs pa’i saṅs rgyas ni ci la yaṅ gnas pa ma yin no ||
de ci’i phyir źe na | de bźin gśegs pa dgra bcom pa yaṅ dag (7) par rdzogs pa’i saṅs rgyas kyi thugs ni śin tu mi gnas pa ste de ni ’dus byas kyi khams la yaṅ mi gnas la ’dus ma byas kyi khams la yaṅ mi gnas te de las bźeṅs ba yaṅ ma yin no ||
de nas tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
(22a1) tshe daṅ ldan pa ś ri’i bu de bźin du byaṅ chub sems dpa’ sems dpa’ chen pos ’di lta bu ñid gnas sar bya źiṅ ’di ltar bslab par bya ste | ci ltar de bźin gśegs pa dgra bcom pa yaṅ dag par rdzogs pa’i saṅs rgyas ’ga’ źig la gnas pa ma yin (2) źiṅ mi gnas pa yaṅ ma yin la mi ’thun par gnas pa ma yin źiṅ mi ’thun par mi gnas pa yaṅ ma yin pa de bźin du gnas par bya’o sñam pa daṅ | de bźin gśegs pa’i gnas pa ci lta ba de bźin du gnas par bya’o sñam źiṅ de bźin du bslab par bya’o sñam pa daṅ | de bźin (3) gśegs pa’i gnas pa ci lta ba de bźin du gnas na mi gnas pa’i tshul gyis śes par gnas pa yin no sñam du ’dis de ltar bslab par bya’o ||
’di la byaṅ chub sems dpa’ sems dpa’ chen pos de ltar gnas par bya źiṅ de bźin du bslab par bya ste | de ltar slob (4) pa’i byaṅ chub sems dpa’ sems dpa’ chen po ni śes rab kyi pha rol tu phyin pa’i gnas pa ’dis gnas śiṅ yid la byed pa ’di daṅ ma bral ba yin no ||
de nas ’khor de’i naṅ nas lha’i bu kha cig ’di sñam du sems par gyur te | gnod sbyin rnams kyi gnod sbyin gyi skad daṅ (5) gnod sbyin gyi skra daṅ gnod sbyin gyi tshig daṅ gnod sbyin gyi gtam du byas ba daṅ gnod sbyin gyi rab tu brjod pa gaṅ yin pa de dag smras pa ni śes par ruṅ gi | gnas brtan rab ’byor gaṅ ’chad pa daṅ rab tu rjod pa daṅ ston pa daṅ ñe bar ston pa ’di ni śes par yaṅ mi ruṅ ṅo sñam (6) mo ||
de nas tshe daṅ ldan pa rab ’byor gyis saṅs rgyas kyi mthus lha’i bu de dag gi sems kyi rtog pa’i ṅo bo ñid de lta bu sems kyis yoṅs su śes nas lha’i bu de dag la smras pa | lha’i bu dag śes par mi ruṅ śes par mi ruṅ źes bya ba de ni ’di ltar ’di la cuṅ zad kyaṅ smos pa (7) med de | ’di la cuṅ zad kyaṅ thos pa med do ||
de nas lha’i bu de dag yaṅ ’di sñam sems bar gyur te | e ma’o ’phags pa rab ’byor ’dis źi gsal ba dbyed bar ’gyur ro e ma’o ’phags pa rab ’byor ’dis ni gsal bar byed par ’gyur te | ’phags pa rab ’byor ni (22b1) riṅ ba bas kyaṅ ches riṅ du ’jug pa ’phags pa rab ’byor ni phra ba bas kyaṅ ches phra ba zab pa bas kyaṅ ches zab par ’jug pas ston ciṅ ’chad do sñam mo ||
de nas yaṅ saṅs rgyas kyi mthus tshe daṅ ldan pa rab ’byor gyis lha’i bu de dag gi sems kyi rtog pa sems kyis śes nas (2) lha’i bu de dag la ’di skad ces smras so ||
lha’i bu dag de lta bas na gaṅ rgyun tu źugs pa’i ’bras bu thob par ’dod pa daṅ rgyun tu źugs pa’i ’bras bu la gnas par ’dod pa des bzod pa ’di la ma rten par mi ’grub bo ||
de bźin du sbyar te gaṅ lan cig phyir ’oṅ ba’i ’bras bu thob (3) par ’dod pa daṅ lan cig phyir ’oṅ ba’i ’bras bu la gnas par ’dod pa daṅ | gaṅ phyir mi ’oṅ ba’i ’bras bu thob par ’dod pa daṅ phyir mi ’oṅ ba’i ’bras bu la gnas par ’dod pa daṅ | gaṅ dgra bcom pa ñid thob par ’dod pa daṅ dgra bcom pa ñid la gnas par ’dod pa daṅ | (4) gaṅ raṅ byaṅ chub thob par ’dod pa daṅ raṅ byaṅ chub la gnas par ’dod pa des bzod pa ’di la ma rten par mi ’grub bo ||
gaṅ bla na med pa yaṅ dag par rdzogs pa’i byaṅ chub thob par ’dod ciṅ bla na med pa yaṅ dag par rdzogs pa’i byaṅ chub la gnas par ’dod pa des bzod (5) pa ’di la ma rten par mi ’grub bo ||
de nas yaṅ lha’i bu de dag ’di sñam du sems te | ’phags pa rab ’byor ’di la chos ñan pa raṅ bźin ci lta bu źig btsal bar bya sñam pa daṅ | de nas saṅs rgyas kyi mthus tshe daṅ ldan pa rab ’byor gyis lha’i bu de dag gi sems kyi rtog pa (6) sems kyis śes nas lha’i bu de dag la smras pa | lha’i bu dag kho bo la chos ñan pa ni sgyu ma daṅ sprul pa lta bu dag btsal bar bya’o ||
de ci’i phyir źe na | ’di ltar de dag ni ñan par mi ’gyur mṅon du byed par mi ’gyur ro ||
de nas lha’i bu de dag gis tshe daṅ ldan pa rab ’byor (7) la ’di skad ces smras so ||
’phags pa rab ’byor yaṅ ci sems can de dag sgyu ma lta bu yin gyi de dag sgyu ma ni ma yin nam | de skad ces smras pa daṅ tshe daṅ ldan pa rab ’byor gyis lha’i bu de dag la ’di skad ces smras so ||
lha’i bu dag sems can de dag ni sgyu ma lta bu lha’i bu dag sems (23a1) can de dag ni rmi lam lta bu ste | lha’i bu dag de ltar na sgyu ma daṅ sems can dag ni gñis su med de gñis su byar med do ||
de ltar na rmi lam daṅ sems can dag ni gñis su med de gñis su byar med do ||
lha’i bu dag chos thams cad kyaṅ sgyu ma lta bu rmi lam (2) lta bu’o ||
rgyun tu źugs pa yaṅ sgyu ma lta bu rmi lam lta bu’o ||
rgyun tu źugs pa’i ’bras bu yaṅ sgyu ma lta bu rmi lam lta bu’o ||
de bźin du lan cig phyir ’oṅ ba daṅ lan cig phyir ’oṅ ba’i ’bras bu daṅ | phyir mi ’oṅ ba daṅ phyir mi ’oṅ ba’i ’bras bu daṅ | dgra bcom pa yaṅ sgyu (3) ma lta bu rmi lam lta bu’o ||
dgra bcom pa ñid kyaṅ sgyu ma lta bu rmi lam lta bu’o ||
raṅ saṅs rgyas kyaṅ sgyu ma lta bu rmi lam lta bu’o ||
raṅ saṅs rgyas ñid kyaṅ sgyu ma lta bu rmi lam lta bu’o ||
yaṅ dag par rdzogs pa’i saṅs rgyas kyaṅ sgyu ma lta bu rmi lam lta bu’o ||
yaṅ dag par (4) rdzogs pa’i saṅs rgyas ñid kyaṅ sgyu ma lta bu rmi lam lta bu’o ||
de nas lha’i bu de dag gis tshe daṅ ldan pa rab ’byor la ’di skad ces smras so ||
’phags pa rab ’byor yaṅ dag par rdzogs pa’i saṅs rgyas kyaṅ sgyu ma lta bu rmi lam lta bu’o ||
źes zer ram yaṅ dag par rdzogs pa’i saṅs (5) rgyas ñid kyaṅ sgyu ma lta bu rmi lam lta bu’o źes zer ram | rab ’byor gyis smras pa | lha’i bu dag mya ṅan las ’das pa yaṅ sgyu ma lta bu rmi lam lta bur smra na chos gźan lta ci smos | lha’i bu de dag gis smras pa | ’phags pa rab ’byor mya ṅan las ’das pa yaṅ sgyu ma lta bu rmi lam lta bu’o (6) źes zer ram | tshe daṅ ldan pa rab ’byor gyis smras pa | lha’i bu dag bdag ni gal te mya ṅan las ’das pa las khyad par du ’phags pa’i chos gźan źig yod kyaṅ de yaṅ sgyu ma lta bu rmi lam lta bu’o źes smra’o ||
lha’i bu dag de ltar na sgyu ma daṅ mya ṅan las ’das pa ’di ni gñis su med (7) de gñis su byar med do ||
de ltar na rmi lam daṅ mya ṅan las ’das pa ’di ni gñis su med de gñis su byar med do ||
de nas tshe daṅ ldan pa ś ri’i bu daṅ tshe daṅ ldan pa gaṅ po byams ma’i bu daṅ tshe daṅ ldan pa lto riṅs chen po daṅ tshe daṅ ldan pa k ty ya na chen po daṅ tshe daṅ ldan pa ’od (23b1) sruṅ chen po daṅ ñan thos chen po gźan dag gis byaṅ chub sems dpa’ stoṅ phrag du ma daṅ thabs cig tu tshe daṅ ldan pa gnas brtan rab ’byor la ’di skad ces smras so ||
tshe daṅ ldan pa rab ’byor śes rab kyi pha rol tu phyin pa ’di ltar bstan pa ’di la su dag yaṅ dag par ’dzin par (2) ’gyur | de nas tshe daṅ ldan pa kun dga’ bos gnas brtan de dag la ’di skad ces smras so ||
tshe daṅ ldan pa dag phyir mi ldog pa’i byaṅ chub sems dpa’ sems dpa’ chen po rnams sam | lta ba phun sum tshogs pa’i gaṅ zag rnams sam | dgra bcom pa zag pa zad pa (3) gaṅ yin pa de dag śes rab kyi pha rol tu phyin pa ’di ltar bstan pa ’di la yaṅ dag par ’dzin par ’gyur ro ||
de nas tshe daṅ ldan pa rab ’byor gyis gnas brtan de dag la ’di skad ces smras so ||
tshe daṅ ldan bdag śes rab kyi pha rol tu phyin pa ’di ltar bśad pa ’di la yaṅ dag (4) bar ’dzin pa su yaṅ mi ’byuṅ ṅo ||
de ci’i phyir źe na | ’di ltar ’di la ches gaṅ yaṅ ma smos chos gaṅ yaṅ yoṅs su snaṅ bar ma byas | chos gaṅ yaṅ ma bźag go ||
de bas na ci ltar ’di la chos gaṅ yaṅ ma smos chos gaṅ yaṅ yoṅs su snaṅ bar ma byas chos gaṅ yaṅ ma bźag pa de (5) bźin du śes rab kyi pha rol tu phyin pa ’di ltar bstan pa ’di la yaṅ dag par ’dzin pa gaṅ yaṅ mi ’byuṅ ṅo ||
de nas lha rnams kyi dbaṅ po brgya byin ’di sñam du sems te | ’phags pa rab ’byor gyis de ltar chos kyi rnam graṅs ’di bstan pa la bdag gis kyaṅ mchod pa’i don du ’di ltar me (6) tog dag mṅon par sprul te ’phags pa rab ’byor la mṅon par gtor to sñam mo ||
de nas lha rnams kyi dbaṅ po brgya byin gyis de’i tshe me tog dag mṅon par sprul nas tshe daṅ ldan pa rab ’byor la mṅon par gtor to ||
de nas gnas brtan tshe daṅ ldan pa rab ’byor lha rnams kyi dbaṅ po brgya byin (7) la rjes su brjod pa’i phyir ’di sñam du sems te | yaṅ ’di ltar lha rnams kyi dbaṅ po brgya byin gyis mṅon par gtor ba’i me tog ’di dag ni bdag gis sṅon chad sum cu rtsa gsum lha’i gnas na yaṅ yod par ma mthoṅ ste | me tog ’di dag ni sprul pa’o ||
’di ltar lha rnams kyi dbaṅ pos (24a1) mṅon par gtor ba’i me tog ’di dag ni śiṅ daṅ gel ba daṅ ’khri śiṅ las skyes pa ma yin gyi yid las byuṅ ba’i me tog go sñam pa daṅ | de nas lta rnams kyi dbaṅ po brgya byin gyis tshe daṅ ldan pa rab ’byor gyi sems kyi rtog pa sems kyis śes nas tshe daṅ ldan pa rab (2) ’byor la ’di skad ces smras so ||
’phags pa rab ’byor me tog ’di dag ni ma skyes pa’o ||
de ci’i phyir źe na | yid las skyes pa’i me tog ni gaṅ yaṅ med de śiṅ daṅ gel ba daṅ ’khri śiṅ las skyes ba yaṅ ma yin no ||
de nas tshe daṅ ldan pa rab ’byor gyis lha rnams kyi dbaṅ po (3) brgya byin la ’di skad ces smras so ||
kau śi ka gaṅ khyod ’di skad du me tog ’di dag ni ma skyes pa ste | me tog ’di dag ni yid las skyes pa ma yin śiṅ daṅ gel ba daṅ ’khri śiṅ las skyes pa yaṅ ma yin no źes zer na | kau śi ka gaṅ ma skyes ba de ni me tog ma yin no ||
de nas (4) lha rnams kyi dbaṅ po brgya byin ’di sñam du sems te | e ma’o ’phags pa rab ’byor ni śes rab zab ste miṅ daṅ tshig tu btags pa de yaṅ ston la de daṅ yaṅ ’gal bar yaṅ mi byed | de ñid kyaṅ gsal bar byed ciṅ de ñid kyaṅ ñe bar ston to sñam mo ||
de nas lha rnams kyi dbaṅ po brgya (5) byin gyis tshe daṅ ldan pa rab ’byor la ’di skad ces smras so ||
’phags pa rab ’byor de de bźin no de de bźin te | ’phags pa rab ’byor ci skad du ñe bar ston pa de bźin du byaṅ chub sems dpa’ sems dpa’ chen po rnams kyis ’di la bslab par bya’o ||
de skad ces smras pa daṅ | (6) tshe daṅ ldan pa rab ’byor gyis lha rnams kyi dbaṅ po brgya byin la ’di skad ces smras so ||
kau śi ka de de bźin no de de bźin te | de ltar byaṅ chub sems dpa’ sems dpa’ chen pos ’di la bslab par bya’o ||
kau śa ka byaṅ chub sems dpa’ sems dpa’ chen po de ltar slob na rgyun (7) tu źugs pa’i ’bras bu la mi slob bo ||
lan cig phyir ’oṅ ba’i ’bras bu la mi slob phyir mi ’oṅ ba’i ’bras bu la mi slob dgra bcom pa ñid la mi slob bo ||
raṅ saṅs rgyas ñid la mi slob saṅs rgyas ñid la mi slob ste | gaṅs ’di dag la mi slob pa de ni saṅs rgyas ñid daṅ thams cad (24b1) mkhyen pa ñid la slob bo ||
gaṅ saṅs rgyas ñid daṅ thams cad mkhyen pa ñid la slob pa de ni saṅs rgyas kyi chos gźal du med graṅs med pa la slob bo ||
gaṅ saṅs rgyas kyi chos gźal du med graṅs med pa la slob pa de ni gzugs ’phel bar bya ba daṅ ’grib par bya ba’i phyir mi slob (2) bo ||
de bźin du de tshor ba la ma yin ’du śes la ma yin ’du byed rnams la ma yin de rnam par śes pa ’phel bar bya ba daṅ ’grib par bya ba’i phyir mi slob bo ||
gaṅ gzugs ’phel bar bya ba daṅ ’grib par bya ba’i phyir mi slob pa daṅ gaṅ tshor ba la ma yin ’du śes la ma yin ’du (3) byed rnams la ma yin gaṅ rnam par śes pa ’phel bar bya ba daṅ ’grib par bya ba’i phyir mi slob pa de na gzugs yoṅs su gzuṅ ba daṅ dor bar bya ba’i phyir mi slob bo ||
de bźin du de tshor ba la ma yin ’du śes la ma yin ’du byed rnams la ma yin de rnam par śes pa yoṅs su (4) gzuṅ ba daṅ dor bar bya ba’i phyir mi slob bo ||
chos ’ga’ źig yoṅs su gzuṅ ba’i phyir yaṅ mi slob ste | skye ba’i phyir mi slob nub pa’i phyir mi slob bo ||
gaṅ chos ’ga’ źig yoṅs su gzuṅ ba’i phyir mi slob ciṅ skye ba’i phyir mi slob nub pa’i phyir mi slob pa de ni thams cad mkhyen pa (5) ñid kyaṅ yoṅs su gzuṅ ba’i phyir mi slob ciṅ skye ba’i phyir mi slob nub pa’i phyir mi slob ste | de ltar slob pa’i byaṅ chub sems dpa’ sems dpa’ chen po ni thams cad mkhyen pa ñid la slob ciṅ thams cad mkhyen pa ñid la ṅes par ’byuṅ bar ’gyur ro ||
de nas tshe daṅ ldan pa ś ri’i bus tshe (6) daṅ ldan pa rab ’byor la ’di skad ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po gaṅ chos ’ga’ źig yoṅs su gzuṅ ba’i phyir mi slob ciṅ skye ba’i phyir mi slob nub pa’i phyir mi slob pa de ni thams cad mkhyen pa ñid kyaṅ yoṅs su gzuṅ ba’i phyir mi slob (7) ciṅ skye ba’i phyir mi slob | nub pa’i phyir mi slob na | tshe daṅ ldan pa rab ’byor de ltar slob pa’i byaṅ chub sems dpa’ sems dpa’ chen po thams cad mkhyen pa ñid la slob ciṅ thams cad mkhyen pa ñid la ṅes par ’byuṅ bar ’gyur ram | tshe daṅ ldan pa rab ’byor gyis smras pa | tshe daṅ (25a1) ldan pa ś ri’i bu de de bźin no de de bźin te | tshe daṅ ldan pa ś ri’i bu byaṅ chub sems dpa’ sems dpa’ chen po gaṅ chos ’ga’ źig yoṅs su gzuṅ ba’i phyir mi slob ciṅ skye ba’i byir mi slob nub pa’i phyir mi slob pa de ni thams cad mkhyen pa ñid kyaṅ yoṅs (2) su gzuṅ ba’i phyir mi slob ciṅ skye ba’i phyir mi slob nub pa’i phyir mi slob saṅs rgyas kyi chos rnams kyaṅ yoṅs su gzuṅ ba’i phyir mi slob ciṅ skye ba’i phyir mi slob nub pa’i phyir mi slob ste | tshe daṅ ldan pa ś ri’i bu de ltar slob pa’i byaṅ chub sems dpa’ sems dpa’ chen po ni thams (3) cad mkhyen pa ñid la slob ciṅ thams cad mkhyen pa ñid la ṅes par ’byuṅ bar ’gyur ro ||
de nas lha rnams kyi dbaṅ po brgya byin gyis tshe daṅ ldan pa ś ri’i bu la ’di skad ces smras so ||
’phags pa ś ri’i bu byaṅ chub sems dpa’ sems dpa’ chen pos śes rab kyi pha rol tu phyin pa (4) gaṅ las btsal bar bya | ś ri’i bus smras pa | kau śi ka byaṅ chub sems dpa’ sems dpa’ chen pos śes rab kyi pha rol tu phyin pa ni tshe daṅ ldan pa rab ’byor gyi le’u las btsal bar bya’o ||
de skad ces smras pa daṅ | lha rnams kyi dbaṅ po brgya byin gyis tshe daṅ ldan pa ś ri’i bu (5) la ’di skad ces smras so ||
’phags pa ś ri’i bu ’di ltar ’phags pa rab ’byor śes rab kyi pha rol tu phyin pa ’chaṅ ba gaṅ yin pa ’di su’i mthur rig par bya ’di su’i byin gyi rlabs su rig par bya | tshe daṅ ldan pa ś ri’i bus smras pa | kau śi ka tshe daṅ ldan pa rab ’byor śes rab kyi pha (6) rol tu phyin pa ’chad pa gaṅ yin pa ’di ni de bźin gśegs pa’i mthur rig par bya | ’di ni de bźin gśegs pa’i byin gyi rlabs su rig par bya’o ||
de nas tshe daṅ ldan pa rab ’byor gyis lha rnams kyi dbaṅ po brgya byin la ’di skad ces smras so ||
kau śi ka gaṅ ’di skad du ’phags pa (7) rab ’byor gaṅ śes rab kyi pha rol tu phyin pa ’chad pa gaṅ yin pa ’di su’i mthur rig par bya ’di su’i byin gyi rlabs su rig par bya źes zer ba ni kau śi ka bdag śes rab kyi pha rol tu phyin pa ’chad pa gaṅ yin pa ’di ni de bźin gśegs pa’i mthur rig par bya’o ||
’di ni de bźin (25b1) gśegs pa’i byin gyi rlabs su rig par bya’o ||
kau śi ka gaṅ yaṅ ’di skad du byaṅ chub sems dpa’ sems dpa’ chen pos śes rab kyi pha rol tu phyin pa gaṅ las btsal bar bya źes zer ba ni | kau śi ka byaṅ chub sems dpa’ sems dpa’ chen pos śes rab kyi pha rol tu (2) phyin pa gzugs las btsal bar mi bya gzugs las gźan du yaṅ btsal bar mi bya’o ||
de bźin du tshor ba las ma yin ’du śes las ma yin ’du byed rnams las ma yin rnam par śes pa las btsal bar mi bya rnam par śes pa las gźan du yaṅ btsal bar mi bya’o ||
(3) de ci’i phyir źe na | kau śi ka ’di ltar gzugs ni śes rab kyi pha rol tu phyin pa ma yin | gzugs las gźan na yaṅ śes rab kyi pha rol tu phyin pa med do ||
de bźin du tshor ba ma yin ’du śes ma yin ’du byed rnams ma yin rnam par śes pa śes rab kyi pha rol tu phyin pa ma yin (4) rnam par śes pa las gźan na yaṅ śes rab kyi pha rol tu phyin pa med do ||
de skad ces smras pa daṅ | lha rnams kyi dbaṅ po brgya byin gyis tshe daṅ ldan pa rab ’byor la ’di skad ces smras so ||
’phags pa rab ’byor ’di lta ste | śes rab kyi pha rol tu phyin pa ’di ni pha (5) rol tu phyin pa chen po’o ||
’phags pa rab ’byor ’di lta ste śes rab kyi pha rol tu phyin pa ’di ni tshad ma med pa’i pha rol tu phyin pa’o ||
’phags pa rab ’byor ’di lta ste śes rab kyi pha rol tu phyin pa ’di ni tshad med pa’i pha rol tu phyin pa’o ||
’phags pa rab ’byor ’di lta (6) ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
gnas brtan rab ’byor gyis smras pa de de bźin no kau śi ka de de bźin te kau śi ka ’di lta ste śes rab kyi pha rol tu phyin pa ’di ni pha rol tu phyin pa chen po’o ||
kau śi ka ’di lta ste śes rab kyi pha rol (7) tu phyin pa ’di ni tshad ma med pa’i pha rol tu phyin pa’o ||
kau śi ka ’di lta ste śes rab kyi pha rol tu phyin pa ’di ni tshad med pa’i pha rol tu phyin pa’o ||
kau śi ka ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
de ci’i phyir źe na | gzugs che ba’i (26a1) phyir kau śi ka ’di lta ste śes rab kyi pha rol tu phyin pa ’di ni pha rol tu phyin pa chen po’o ||
de bźin du tshor ba daṅ ’du śes daṅ ’du byed rnams daṅ rnam par śes pa che ba’i phyir kau śi ka ’di lta ste śes rab kyi pha rol tu phyin pa ’di ni pha rol tu phyin pa chen po’o | (2) gzugs tshad ma med pa’i phyir kau śi ka ’di lta ste śes rab kyi pha rol tu phyin pa ’di ni tshad ma med pa’i pha rol tu phyin pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa tshad ma med pa’i phyir kau śi ka ’di lta ste śes rab kyi pha rol tu phyin pa ’di ni tshad ma (3) med pa’i pha rol tu phyin pa’o ||
gzugs tshad med pa’i phyir kau śi ka ’di lta ste śes rab kyi pha rol tu phyin pa ’di ni tshad med pa’i pha rol tu phyin pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa tshad med pa’i phyir kau śi ka ’di lta ste śes rab kyi pha rol tu (4) phyin pa ’di ni tshad med pa’i pha rol tu phyin pa’o ||
gzugs mtha’ yas pa’i phyir kau śi ka ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa mtha’ yas pa’i phyir kau śi (5) ka ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
kau śi ka de bźin du pha rol tu phyin pa chen po źes bya bar mṅon par chags par mi byed de | de bźin du tshad ma med pa’i pha rol tu phyin pa źes bya ba daṅ de bźin du tshad med pa’i pha rol tu phyin (6) bźes bya ba daṅ de bźin du mtha’ yas pa’i pha rol tu phyin pa’o źes mṅon par chags par mi byed do ||
kau śi ka de lta bas na ’di lta ste śes rab kyi pha rol tu phyin pa ’di ni pha rol tu phyin pa chen po’o ||
’di ni tshad ma med pa’i pha rol tu phyin pa’o ||
’di ni tshad med pa’i pha rol tu phyin (7) pa’o ||
kau śi ka ’di ni mtha’ yas pa’i pha rol tu phyin pa’o ||
kau śi ka dmigs pa mtha’ yas pa’i phyir ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
kau śi ka sems can mtha’ yas pa’i phyir ’di lta ste śes rab kyi pha rol tu phyin pa ’di ni (26b1) mtha’ yas pa’i pha rol tu phyin pa’o ||
kau śi ka yaṅ ci ltar na dmigs pa mtha’ yas pa’i phyir ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa yin źe na ||
kau śi ka ’di ltar chos thams cad kyi thog ma daṅ dbus daṅ tha ma mi dmigs te de bas na (2) kau śi ka ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa ste | kau śi ka rnam graṅs ’dis dmigs pa mtha’ yas pa’i phyir ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
kau śi ka gźan yaṅ gaṅ gi phyir ’di (3) ltar chos thams cad mtha’ yas mu med de de rnams kyi thog ma’am dbus sam tha ma yaṅ mi dmigs te | de bas na kau śi ka ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
de ci’i phyir źe na | kau śi ka gzugs kyi thog ma’am dbus sam tha (4) ma yaṅ mi dmigs so ||
kau śi ka de bźin du tshor ba daṅ ’du śes daṅ ’du byed rnams daṅ rnam par śes pa’i thog ma’am dbus sam tha ma yaṅ mi dmigs te | kau śi ka rnam graṅs ’dis kyaṅ dmigs pa mtha’ yas pa’i phyir ’di lta ste śes rab kyi pha rol tu phyin pa ’di ni (5) mtha’ yas pa’i pha rol tu phyin pa’o ||
kau śi ka gźan yaṅ sems can mtha’ yas mu med do ||
de ci’i phyir źe na | sems can la thog ma’am dbus sam tha ma yaṅ mi dmigs so ||
kau śi ka de bas na sems can mtha’ yas pa’i phyir ’di lta ste śes rab kyi pha rol tu (6) phyin pa ’di ni mtha’ yas pa’i pha rol tu phyin pa’o ||
de nas lha rnams kyi dbaṅ po brgya byin gyis tshe daṅ ldan pa rab ’byor la ’di skad ces smras so ||
’phags pa rab ’byor ji ltar na sems can mtha’ yas pa’i phyir ’di lta ste śes rab kyi pha rol tu phyin pa ’di ni mtha’ yas (7) pa’i pha rol tu phyin pa yin | gnas brtan rab ’byor gyis smras pa | kau śi ka bgraṅ ba daṅ mi ldan pa’am bgraṅ ba maṅ pos sems can mtha’ yas pa’i phyir ’di lta ste śes rab kyi pha rol tu phyin pa ’di | mtha’ yas pa’i pha rol tu phyin pa yin no ||
brgya byin gyis smras pa | (27a1) ’phags pa rab ’byor ’o na ci ltar sems can mtha’ yas pa’i phyir ’di lta ste śes rab kyi pha rol tu phyin pa ’di mtha’ yas pa’i pha rol tu phyin pa źes bya | gnas brtan rab ’byor gyis smras pa | kau śi ka ’di ji sñam du sems ’di lta ste sems can sems (2) can źes bya ba ’di chos gaṅ gi tshig bla dgas yin | brgya byin gyis smras pa | ’phags pa rab ’byor ’di lta ste sems can sems can źes bya ba ’di ni chos kyi tshig bla dgas kyaṅ ma yin chos med pa’i tshig bla dgas kyaṅ ma yin te miṅ du btags pa ’di ni blo bur du byuṅ ba’o ||
(3) miṅ du btags pa ’di ni dṅos po med pa’o ||
miṅ du btags pa ’di ni bdag gi ba med pa’o ||
’di lta ste sems can sems can źes miṅ du btags pa ’di ni dmigs su med pa’o ||
gnas brtan rab ’byor gyis smras pa | kau śi ka ’di ji sñam du sems ’di la sems (4) can du yoṅs su brtan par byas pa gaṅ yaṅ yod dam | brgya byin gyis smras pa | ’phags pa rab ’byor de ni ma yin no ||
rab ’byor gyis smras pa | kau śi ka ga ṅa la sems can yoṅs su bstan par byas pa ’ga’ źig med pa de la sems can mtha’ yas pa yod dam | (5) kau śi ka gal te de bźin gśegs pa dgra bcom pa yaṅ dag par rdzogs pa’i saṅs rgyas kyis bskal pa gaṅ g’i kluṅ gi bye ma sñed du yaṅ bźugs te mtha’ las ’das pa rnam par rig par byed pa’i dbyaṅs daṅ gsuṅ dbyaṅs zab mos sems can sems can źes tshig tu (6) brjod du zin kyaṅ de la sems can gaṅ yaṅ skyes pa ’am skye bar ’gyur ba’am skye ba’am ’gag pa’am ’gag par ’gyur ba’am ’gag pa yod dam | brgya byin gyis smras pa | ’phags pa rab ’byor de ni ma yin no ||
de ci’i phyir źe na | sems can thog ma nas dag pa’i (7) phyir daṅ thog ma nas yoṅs su dag pa’i phyir ro ||
rab ’byor gyis smras pa | kau śi ka rnam graṅs ’dis kyaṅ ’di ltar sems can mtha’ yas pa’i phyir ’di lta ste śes rab kyi pha rol tu phyin pa ’di ni mtha’ yas pa’i pha rol tu phyin pa’o ||
kau śi ka de ltar yaṅ sems can mtha’ (27b1) yas pa’i phyir śes rab kyi pha rol tu phyin pa mtha’ yas par rig par bya’o ||
de nas dbaṅ po daṅ bcas pa’i lha rnams daṅ tshaṅs pa daṅ bcas pa daṅ skye dgu’i bdag po daṅ bcas pa daṅ draṅ sroṅ daṅ bcas pa daṅ skyes pa daṅ bud med kyi tshogs daṅ bcas pa rnams kyis lan (2) gsum du ched du brjod pa ched du brjod de | e ma’o chos e ma’o chos rnams kyi chos ñid de bźin gśegs pa ’byuṅ ba gaṅ yin pa de ni ’phags pa gnas brtan rab ’byor gyis legs par smras pas brjod ciṅ bstan te bśad la rab tu bźag go ||
bcom (3) ldan ’das de ṅa slan cad bdag cag ni byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di daṅ ma bral ba daṅ | byaṅ chub sems dpa’ sems dpa’ chen po gaṅ dag śes rab kyi pha rol tu phyin pa’i gnas pa ’dis gnas pa ’di ni de bźin (4) gśegs pa lags par ’dzin to ||
de nas bcom ldan ’das kyis dbaṅ po daṅ bcas pa’i lha rnams daṅ tshaṅs pa daṅ bcas pa daṅ skye dgu’i bdag po daṅ bcas pa daṅ draṅ sroṅ daṅ bcas pa daṅ skyes pa daṅ bud med kyi tshogs de rnams la bka’ stsal pa | lha’i bu (5) dag de de bźin no de de bźin te lha’i bu dag gaṅ gi tshe rgyal po’i pho braṅ ’khor na mar me can źes bya ba’i tshoṅ dus kyi dbus su mar me mdzad de bźin gśegs pa dgra bcom pa yaṅ dag par rdzogs pa’i saṅs rgyas kyi druṅ naṅ śes rab kyi pha rol tu phyin pa ’di daṅ ma bral bar (6) gyur pas | de’i tshe mar me mdzad de bźin gśegs pa dgra bcom pa yaṅ dag par rdzogs pa’i saṅs rgyas kyis | bram ze’i khye’u khyod ma ’oṅs pa’i dus kyi bskal pa graṅs med pa na śkya thub pa źes bya ba de bźin gśegs pa dgra bcom pa yaṅ dag par rdzogs pa’i saṅs rgyas (7) rig pa daṅ rkaṅ par ldan pa bde bar gśegs pa ’jig rten rig pa skyes bu gdul bya’i kha lo sgyur ba bla na med pa lha daṅ mi rnams kyi ston pa saṅs rgyas bcom ldan ’das su ’gyur ro źes pa bla na med pa yaṅ dag par rdzogs pa’i byaṅ chub tu luṅ bstan to ||
de nas bcom ldan (28a1) ’das la lha’i bu de dag gis ’di skad ces bcom ldan ’das byaṅ chub sems dpa’ sems dpa’ chen po rnams kyi śes rab kyi pha rol tu phyin pa ’di thams cad mkhyen pa ñid kyi bar du sgrub par byed pa daṅ rjes su yoṅs su ’dzin par byed pa ṅo mtshar to ||
bde (2) bar gśegs pa śin tu ṅo mtshar to źes gsol to ||
’phags pa śes rab kyi pha rol tu phyin pa brgyad stoṅ pa las brgya byin gyi le’u źes bya ste gñis pa’o || ||
śes rab kyi pha rol tu phyin pa brgyad stoṅ pa | bam po gsum pa | de nas bcom (3) ldan ’das kyis ’khor der lha’i bu gaṅ dag ’dus te ’khod par gyur pa daṅ dge sloṅ daṅ dge sloṅ ma daṅ dge bsñen daṅ dge bsñen ma’i ’khor gaṅ dag ’dus te ’khod par gyur pa daṅ | lha’i bu de rnams ’dus te ’khod par gyur par mkhyen ciṅ ’khor bźi po thams cad ’dus (4) śiṅ ’khod par yaṅ mkhyen nas | ’dod pa na spyod pa daṅ gzugs na spyod pa’i lha’i bu rnams daṅ tshaṅs ris kyi lha’i bu rnams daṅ ’od gsal daṅ dge chuṅ daṅ ’og min gyi lha’i bu rnams dbaṅ du bźag ste | lha rnams kyi dbaṅ po brgya byin la sogs pa ’dod pa na spyod pa’i lha’i (5) bu rnams daṅ tshaṅs pa chen po la sogs pa tshaṅs ris kyi lha’i bu rnams daṅ ’od gsal gyi lha’i bu rnams la bka’ stsal pa | lha’i bu dag rigs kyi bu’am rigs kyi bu mo gaṅ la la śes rab kyi pha rol tu phyin pa ’di ’dzin tam ’chaṅ ṅam klog gam kun chub par byed dam rab tu (6) ’don na | de la bdud dam bdud kyi rigs kyi lha glags lta ba daṅ glags tshol ba dag gis glags rñed par mi ’gyur ro ||
rigs kyi bu ’am rigs kyi bu mo de la mi ’am mi ma yin pa glags lta ba daṅ glags tshol ba rnams kyis glags rñed par yaṅ mi ’gyur ro ||
(7) rigs kyi bu ’am rigs kyi bu mo de yaṅ yaṅ ba ma spaṅs bar ’chi ba’i dus byed par mi ’gyur ro ||
lha’i bu dag gźan yaṅ lha’i bu gaṅ dag bla na med pa yaṅ dag par rdzogs pa’i byaṅ chub tu yaṅ dag par źugs pa rnams daṅ lha’i bu gaṅ dag gis śes rab kyi pha rol tu phyin pa ’di ma (28b1) bzuṅ ba daṅ ma bcaṅs pa daṅ ma klags pa daṅ kun chub par ma byas pa daṅ rab tu mi ’don pa’i lha’i bu de dag rigs kyi bu de’i druṅ du ’oṅ ’dod par ’gyur te | rigs kyi bu śes rab kyi pha rol tu phyin pa ’di ’dzin pa daṅ | ’chaṅ ba daṅ klog pa daṅ kun chub par byed pa daṅ (2) rab tu ’don pa de la ñan par ’gyur te | thos nas kyaṅ ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ro ||
lha’i bu dag gźan yaṅ rigs kyi bu ’am rigs kyi bu mo śes rab kyi pha rol tu phyin pa ’dzin pa daṅ ’chaṅ (3) ba daṅ klog pa daṅ kun chub par byed pa daṅ rab tu ’don pa de dgon par soṅ yaṅ ruṅ śiṅ druṅ du soṅ yaṅ ruṅ khyim stoṅ du soṅ yaṅ ruṅ blag pa med par soṅ yaṅ ruṅ lam du soṅ yaṅ ruṅ lam gol bar soṅ yaṅ ruṅ ’brog dgon par soṅ yaṅ ruṅ rgya mtsho chen por soṅ yaṅ ruṅ | (4) de daṅ der ’gro ba ’am ’chag pa ’am ’dug pa ’am ñal ba na yaṅ ruṅ ste | ’jigs par ’gyur ba ’am reṅs par ’gyur ba ñid mi ’byuṅ mi skye’o ||
de nas bcom ldan ’das la rgyal po chen po bźis ’di skad ces gsol to ||
bcom ldan ’das rigs kyi bu ’am (5) rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don par ’gyur ba de ni theg pa gsum gyis sems can rnams ’dul bar bgyid ciṅ sems can gyi ’du śes kyaṅ mi skyed pa ni ṅo mtshar to ||
bcom (6) ldan ’das bdag cag gis rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don par ’gyur ba de la bsruṅ ba daṅ bskyab pa daṅ sba bar bgyi’o ||
de nas bcom ldan ’das la lha rnams (7) kyi dbaṅ po brgya byin gyis ’di skad ces gsol to ||
bcom ldan ’das bdag gis kyaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don par ’gyur ba de dag la bsruṅ ba daṅ bskyab pa (29a1) daṅ sba bar bgyi’o ||
bcom ldan ’das la tshaṅs pa mi mjed kyi bdag po tshaṅs ris kyi lha’i bu rnams daṅ bcas pas kyaṅ ’di skad ces gsol to ||
bcom ldan ’das bdag cag gis kyaṅ rigs kyi bu ’am rigs kyi bu mo gaṅ śes rab kyi pha rol (2) tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don par ’gyur ba de la bsruṅ ba daṅ bskyab pa daṅ spa bar bgyi’o ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das rigs kyi (3) bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ | rab tu ’don pa de tshe ’di la yon tan ’di dag ṅes par ’thob ciṅ yoṅs su ’dzin par ’gyur ba ṅo mtshar to ||
bcom ldan ’das yaṅ ci śes rab (4) kyi pha rol tu phyin pa ’di bzuṅ na pha rol tu phyin pa drug po thams cad gzuṅ bar ’gyur ram | de skad ces gsol pa daṅ bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | kau śi ka śes rab kyi (5) pha rol tu phyin pa bzuṅ bas pha rol tu phyin pa drug po thams cad gzuṅ bar ’gyur ro ||
kau śi ka gźan yaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don par byed na kau śi ka rigs kyi bu ’am rigs kyi bu mo des tshe (6) ’di la yon tan gaṅ dag ’dzin par ’gyur ba de thams cad legs par rab tu ñon la yid la zuṅ śig daṅ ṅas khyod la bśad do ||
bcom ldan ’das la lha rnams kyi dbaṅ po brgya byin gyis legs so źes gsol nas lha rnams kyi dbaṅ po brgya byin bcom ldan ’das kyi ltar (7) ñan pa daṅ | bcom ldan ’das kyis ’di skad ces bka’ stsal to ||
kau śi ka de la gaṅ źig chos ’di la rtsod par ’dod pa daṅ rgol bar ’dod pa daṅ ’gal bar byed ’dod na | rtsod par ’dod pa daṅ rgol bar ’dod pa daṅ ’gal bar byed ’dod pa de dag gi rtsod pa daṅ rgol (29b1) ba daṅ ’gal bar byed pa skyes śiṅ skyes pa rnams slar nub pa ñid du ’gyur źiṅ gnas par mi ’gyur te | rtsod par ’dod pa daṅ rgol bar ’dod pa daṅ ’gal bar byed ’dod pa de dag gi bsam pa de dag yoṅs su rdzogs par mi ’gyur ro ||
de ci’i phyir źe na | (2) kau śi ka de ni ’di ltar ’gyur te rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ | rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa de’i rtsod pa’i (3) gźi de ltar skyes śiṅ skyes pa de dag slar yaṅ nub pa ñid du ’gyur źiṅ gnas par mi ’gyur te | rtsod par ’dod pa daṅ rgol bar ’dod pa daṅ ’gal bar byed ’dod pa de dag gi bsam pa de dag yoṅs su rdzogs par mi ’gyur ro ||
kau śi ka rigs kyi bu’am rigs kyi (4) bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa de tshe ’di la yon tan ’di dag kyaṅ yoṅs su ’dzin par ’gyur ro ||
kau śi ka ’di (5) lta ste dper na rtsi ma ghi źes bya ba dug thams cad rab tu źi bar byed pa źig yod de der skye bo sprul gdug pa bkres śiṅ zas ’dod de zas tshol ba źig gis srog chags su gyur pa ’ga’ źig mthoṅ ste skye bo sprul gdug pa des zas kyi phyir bza’ bar ’dod nas srog chags su gyur pa de’i (6) dri’i phyogs su ’braṅ źiṅ bsñags pa daṅ de nas srog chags su gyur pa de rtsim ghi gaṅ na yod pa der soṅ nas phyin te ’dug pa daṅ de nas sprul de rtsi de’i dri tsam gyis phyir ldog go ||
de ci’i phyir źe na | de ltar sbrul gyi gdug pa zil gyis gnon pa de ni rtsi de’i sman gyi yon tan du blta bar (7) ba ste rtsi de ni de ltar mthu che’o ||
kau śi ka de bźin du rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin ṅa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa de la ni kau śi ka (30a1) rtsod pa daṅ rgol ba daṅ ’gal bar byed pa’i gźi skyes śiṅ skyes pa gaṅ yin pa de dag śes rab kyi pha rol tu phyin pa’i gzi brjid daṅ stobs daṅ mthu daṅ śes rab kyi pha rol tu phyin pa’i stobs bskyed pas myur du de ñid nas med par ’gyur ñe bar źi źiṅ ’phel bar (2) mi ’gyur te de gaṅ daṅ gaṅ nas byuṅ ba de daṅ de ñid nas ’gag ciṅ nub par ’gyur la gnas par mi ’gyur ro ||
de ci’i phyir źe na | śes rab kyi pha rol tu phyin pa ni ’dod chags la sogs pa nas mya ṅan las ’das pa ñid kyi bar du ’dzin pa dag ñe bar źi bar byed de rnam (3) par ’phel bar byed pa ma yin no ||
kau śi ka rgyal po chen po bźi daṅ lta rnams kyi dbaṅ po brgya byin daṅ mi mjed kyi bdag po tshaṅs pa daṅ saṅs rgyas bcom ldan ’das rnams daṅ byaṅ chub sems dpa’ thams cad kyaṅ | rigs kyi bu ’am rigs kyi bu mo gaṅ śes rab kyi pha (4) rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa de la sruṅ ba daṅ skyab pa daṅ sba bar byed de des tshe ’di la yon tan ’di dag yoṅs su gzuṅ bar ’gyur ro ||
kau śi ka gźan (5) yaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa de’i tshig gzuṅ bar ’os par ’gyur tshig ’jam par ’gyur (6) tshig ran par ’gyur tshig ’chal pa med par ’gyur ro ||
khro bas zil gyis non par mi ’gyur ṅa rgyal gyis zil gyis non par mi ’gyur ro ||
de ci’i phyir źe na | ’di ltar śes rab kyi pha rol tu phyin pas yoṅs su dul bar byed śes rab kyi pha rol tu phyin pas yoṅs su ’dud par (7) byed de khro ba ’phel bar mi byed ṅa rgyal ’phel bar mi byed kho na du ’dzin pa yoṅs su mi ’chaṅ gnod sems yoṅs su mi ’chaṅ la bag la ñal ba mi ’dzin to ||
rigs kyi bu ’am rigs kyi bu mo de ltar spyod pa de la dran pa daṅ byams pa skye bar ’gyur źiṅ | de ’di sñam du (30b1) sems te gal te bdag gis gnod sems bskyed du zin na bdag gi dbaṅ po rnams ’khrugs śiṅ bźin gyi mdog kyaṅ ’gyur bas bdag bla na med pa yaṅ dag par rdzogs pa’i byaṅ chub tu yaṅ dag par źugs źiṅ ’di la slob par ’dod pa khro ba’i dbaṅ du ’gro ba ’di ni mi rigs (2) so sñam nas de myur du dran pa rñed par ’gyur te | kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed (3) par ’gyur ba des tshe ’di la yon tan ’di dag kyaṅ yoṅs su ’dzin par ’gyur ro ||
de skad ces bka’ stsal pa daṅ bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ’di ni de ltar byaṅ chub sems (4) dpa’ sems dpa’ chen po rnams yoṅs su dul ba daṅ kheṅs pa ma mchis pa’i slad du ñe bar gnas pa ṅo mtshar to ||
bcom ldan ’das kyis bka’ stsal pa kau śi ka gźan yaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin par ’gyur ’chaṅ bar (5) ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur źiṅ | gal te rigs kyi bu ’am rigs kyi bu mo de ltar śes rab kyi pha rol tu phyin pa ’di ’dzin pa daṅ ’chaṅ ba daṅ | (6) klog pa daṅ kun chub par byed pa daṅ | rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pas g-yul ’gyed pa’i tshe g-yul du thog mar źugs par gyur na de g-yul du ’jug gam g-yul du źugs sam g-yul las ’das sam g-yul gyi naṅ du ’gro ba ma (7) ’greṅ ṅam ’dug kyaṅ ruṅ ste | kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa ’di yid la ’dzin pa ’am ’chaṅ ba’am klog pa’am kun chub par byed pa ’am rab tu ’don pa ’am ston pa ’am ñe bar ston pa ’am luṅ ’bogs pa ’am kha ton byed pa de srog gi (31a1) bar chad du ’gyur ba gaṅ yan pa ’di ni gnas ma yin źiṅ go skabs med do ||
gźan gyi gnod pa byed pas de srog gi bar chad du ’gyur ba ’di yaṅ gnas ma yin no ||
kau śi ka yaṅ gal te ’ga’ źig gis de la dbyug pa ’am mtshon nam bod pa ’am gźan (2) gaṅ yaṅ ruṅ bas ’phaṅs na de’i lus la phog par mi ’gyur ro ||
de ci’i phyir źe na | kau śi ka ’di lta ste śes rab kyi pha rol tu phyin pa ’di ni rig sṅags chen mo’o ||
kau śi ka ’di lta ste śes rab kyi pha rol tu phyin pa ’di ni tshad ma med pa’i rig sṅags so ||
kau śi ka ’di lta ste śes (3) rab kyi pha rol tu phyin pa ’di ni tshad med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni bla na med pa’i rig sṅags so ||
kau śi ka ’di lta ste śes rab kyi pha rol tu phyin ba ’di ni mñam pa med pa’i rig sṅags so ||
kau śi ka ’di lta ste śes rab kyi pha rol (4) tu phyin pa ’di ni mi mñam pa daṅ mñam pa’i rig sṅags so ||
de ci’i phyir źe na | kau śi ka rig sṅags ’di la slob pa’i rigs kyi bu’am rigs kyi bu mo ni bdag la gnod pa bya bar yaṅ mi sems gźan la gnod pa bya bar yaṅ mi sems gñi ga la gnod pa bya bar yaṅ mi sems so | (5) kau śi ka rig sṅags ’di la slob pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub tu mṅon par rdzogs par byaṅ chub par ’gyur thams cad mkhyen pa’i ye śes thob par ’gyur te | de bla na med pa yaṅ dag par rdzogs pa’i byaṅ chub (6) mṅon par rdzogs par saṅs rgyas nas sems can thams cad kyi sems la rnam par lta bar ’gyur ro ||
de ci’i phyir źe na | kau śi ka rig sṅags ’di la bslabs pa’i byaṅ chub sems dpa’ sems dpa’ chen po la gaṅ ma thob pa ’am ma śes pa ’am mṅon sum du ma byas pa gaṅ yaṅ (7) med de ||
de’i phyir thams cad mkhyen pa’i ye śes źes bya’o ||
kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton (31b1) du byed par ’gyur ba des tshe ’di la yon tan ’di yaṅ yoṅs su gzuṅ bar ’gyur ro ||
kau śi ka gźan yaṅ gaṅ du śes rab kyi pha rol tu phyin pa ’di chuṅ ṅu na bris te glegs bam du chud par byas śiṅ mchod pa sṅon du byas te bźag nas bkur stir byed la | mi ’dzin mi ’chaṅ mi klog (2) kun chub par mi byed rab tu ’don par mi byed ston par mi byed ñe bar ston par mi byed luṅ ’bogs par mi byed kha ton mi byed pa der yaṅ | kau śi ka sṅon gyi las kyi rnam par smin pa ma gtogs par sems can rnams la mi daṅ mi ma yin pa glags lta ba dag gis glags bltas kyaṅ (3) glags rñed par mi ’gyur te de ni gnas med do ||
kau śi ka rigs kyi bu ’am rigs kyi bu mo des tshe ’di la yon tan ’di yaṅ yoṅs su ’dzin par ’gyur ro ||
kau śi ka ’di lta ste dper na gaṅ dag byaṅ chub kyi sñiṅ po na ’dug pa daṅ byaṅ chub kyi sñiṅ po’i khor yug na ’dug pa (4) daṅ byaṅ chub kyi sñiṅ po’i naṅ na ’dug pa daṅ byaṅ chub kyi śiṅ gi rtsa ba na ’dug pa’i mi daṅ mi ma yin pa daṅ byol soṅ yan chad kyaṅ sṅon gyi las kyi rnam par smin pa ma gtogs par mi daṅ mi ma yin pa dag gis gtse ba ’am gnod par bya ba ’am ’bebs par byed mi nus so ||
de ci’i (5) phyir źe na | gaṅ dag sems can thams cad la mi ’jigs pa daṅ kho na med pa daṅ mi skrag pa rab tu sgom par mdzad ciṅ rab tu ston par mdzad pa ’das pa daṅ ma byon pa daṅ da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams der mṅon par (6) rdzogs par saṅs rgyasapa daṅ mṅon par rdzogs par ’tshaṅ rgya bar ’gyur ba daṅ mṅon par rdzogs par ’tshaṅ rgya ba’i phyir ro ||
de bźin du kau śi ka gaṅ du rigs kyi bu’am rigs kyi bu mo śes rab kyi pha rol tu phyin pa ’di ñid ’dzin pa daṅ ’chaṅ ba daṅ klog pa daṅ kun chub par (7) byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa der kau śi ka sṅon gyi las kyi rnam par smin pa ma gtogs par sems can mi daṅ mi ma yin pa dag gis gce ba’am gnod par bya ba ’am ’bebs par byed mi nus so ||
de ci’i phyir (32a1) źe na | kau śi ka śes rab kyi pha rol tu phyin pa ’di ñid kyis sa phyogs de sems can rnams kyi mchod rten du gyur par byas ba daṅ phyag bya ba daṅ rjed par bya ba daṅ | mchod par bya ba daṅ ri mor bya ba daṅ bsñen bkur du bya ba daṅ bkur stir bya ba daṅ bla mar bya ba (2) daṅ der ñe bar phyin pa’i sems can rnams kyi skyob pa daṅ skyabs daṅ gnas daṅ dpuṅ gñen du ’gyur bar byas pas so ||
kau śi ka rigs kyi bu ’am rigs kyi bu mo des tshe ’di la phan yon ’di dag kyaṅ yoṅs su ’dzin to ||
de skad ces bka’ stsal pa daṅ | bcom ldan (3) ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das rigs kyi bu ’am rigs kyi bu mo gaṅ gis śes rab kyi pha rol tu phyin pa ’di bris nas glegs bam du chud par bgyis te bźag la | de la lha’i me tog daṅ lha’i bdug pa daṅ lha’i dri (4) daṅ lha’i phreṅ ba daṅ | lha’i byug pa daṅ lha’i phye ma daṅ lha’i na bza’ daṅ lha’i gdugs daṅ | lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ | lha’i mchod pa rnam pa maṅ po dag gis bkur stir bgyis pa daṅ bla mar (5) bgyis pa daṅ rjed pa daṅ mchod pa daṅ ri mor bgyis pa daṅ bsñen bkur bgyis pa daṅ | gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas yoṅs su mya ṅan las ’das pa’i sku dag mchod rten gyi naṅ du stsal te yoṅs su ’dzin ciṅ ’chaṅ la (6) de dag la yaṅ de bźin du lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ | lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ | lha’i mchod (7) pa rnam pa maṅ po dag gis bkur stir bgyis pa daṅ bla mar bgyis pa daṅ rjed pa daṅ mchod pa daṅ ri mor bgyis pa daṅ bsñen bkur bgyis na | rigs kyi bu ’am rigs kyi bu mo de gñis gaṅ bsod nams ches maṅ du skyed par ’gyur | de skad ces gsol pa daṅ | bcom ldan (32b1) ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de’i phyir ’di khyod ñid sa dri bar bya ste khyod kyis ci ltar nus pa de bźin du luṅ ston cig | kau śi ka ’di ci sñam du sems | de bźin gśegs pa dgra bcom pa yaṅ dag par rdzogs pa’i (2) saṅs rgyas kyi thams cad mkhyen pa ñid kyi bdag gi dṅos po mṅon par grub pa gaṅ yin pa des lam gaṅ źig la bslabs pas de bźin gśegs pa dgra bcom pa yaṅ dag par rdzogs pa’i saṅs rgyas kyis | bla na med pa yaṅ dag par rdzogs pa’i byaṅ chub daṅ thams cad (3) mkhyen pa ñid brñes śiṅ mṅon par rdzogs par saṅs rgyas | de skad ces bka’ stsal pa daṅ | lha rnams kyi dbaṅ po brgya byin gyis bcom ldan ’das la ’di skad ces gsol to ||
bcom ldan ’das śes rab kyi pha rol tu phyin pa ’di ñid la bslabs pas | bcom ldan (4) ’das de bźin gśegs pa dgra bcom pa yaṅ dag par rdzogs pa’i saṅs rgyas kyis bla na med pa yaṅ dag par rdzogs pa’i byaṅ chub daṅ thams cad mkhyen pa ñid brñes śiṅ mṅon par rdzogs par saṅs rgyas so ||
bcom ldan ’das kyis bka’ stsal pa | kau śi ka de lta bas na ’o na ni (5) bdag gi dṅos po’i sku ’di brñes pas de bźin gśegs pa de bźin gśegs pa źes bya ba’i graṅs su mi ’gro’i | thams cad mkhyen pa ñid brñes pas ni de bźin gśegs pa de bźin gśegs pa źes bya ba’i graṅs su ’gro’o ||
kau śi ka de bźin gśegs pa dgra bcom (6) pa yaṅ dag par rdzogs pa’i saṅs rgyas kyi thams cad mkhyen pa ñid gaṅ yin pa ’di ni śes rab kyi pha rol tu phyin pa las byuṅ ba yin źiṅ | kau śi ka de bźin gśegs pa’i bdag gi dṅos po’i sku brñes pa ’di yaṅ śes rab kyi pha rol tu phyin pa daṅ thabs mkhas pa las byuṅ ba (7) yin te thams cad mkhyen pa’i ye śes kyi rten du gyur pa yin no ||
rten ’di la rten nas ni thams cad mkhyen pa’i ye śes rab tu ’byed par ’gyur | saṅs rgyas kyi sku rab tu ’byed par yaṅ ’gyur | chos kyi sku rab tu ’byed par yaṅ ’gyur | dge ’dun gyi sku rab tu ’byed par (33a1) ’gyur ro ||
de ltar na thams cad mkhyen pa’i ye śes kyi rgyu bdag gi dṅos po’i sku brñes pa gaṅ yin pa ’di ni thams cad mkhyen pa’i ye śes kyi rten du gyur pas na | sems can thams cad kyi mchod rten du gyur ciṅ phyag bya ba daṅ bkur stir bya ba daṅ bla mar (2) bya ba daṅ rjed par bya ba daṅ | mchod par bya ba daṅ ri mor bya ba daṅ bsñen bkur bya bar gyur pa yin la | de bźin du ṅa yoṅs su mya ṅan las ’das par gyur kyaṅ sku de dag la yaṅ mchod pa byed par ’gyur ro ||
de bas na kau śi ka rigs kyi bu ’am rigs kyi bu mo gaṅ la la śes (3) rab gyi pha rol tu phyin pa ’di bris nas glegs bam du chud par byas te bźag la | de la lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ | lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ | (4) khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka rigs kyi bu ’am rigs kyi bu mo de dag bsod nams ches maṅ du skyed do ||
de ci’i (5) phyir źe na | kau śi ka rigs kyi bu ’am rigs kyi bu mo des thams cad mkhyen pa’i ye śes la mchod pa byas par ’gyur ro ||
rigs kyi bu ’am rigs kyi bu mo gaṅ gis śes rab kyi pha rol tu phyin pa ’di ’dri ba na glegs bam du chud pa ’di la bkur stir byed bla mar byed rjed par byed | (6) mchod par byed ri mor byed bsñen bkur byed mchod pa rnam pa maṅ po dag byed na ’di ñid de las bsod nams ches maṅ du skyed do ||
de ci’i phyir źe na | kau śi ka gaṅ śes rab kyi pha rol tu phyin pa la mchod pa byed pa des thams cad mkhyen pa’i ye śes la mchod pa byas par ’gyur ro ||
(7) de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ’dzam bu’i gliṅ ’di’i mi gaṅ dag śes rab kyi pha rol tu phyin pa ’di ’dri bar mi bgyid ’dzin par mi bgyid ’chaṅ bar mi bgyid klog par mi (33b1) bgyid kun chub par mi bgyid rab tu ’don par mi bgyid ston par mi bgyid ñe bar ston par mi bgyid luṅ ’bogs par mi bgyid | bton du mi bgyid | śes rab kyi pha rol tu phyin pa ’di la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ | na bza’ daṅ gdugs (2) daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par mi bgyid de | bkur stir mi bgyid bla mar mi bgyid rjed par mi bgyid mchod par mi bgyid ri mor mi bgyid bsñen bkur mi bgyid pa de dag gis | (3) bcom ldan ’das ci bcom ldan ’das kyis gsuṅs pa’i śes rab kyi pha rol tu phyin pa la mchod pa bgyis pa de ltar don chen po can du ma ’tshal lags sam | bcom ldan ’das ci bcom ldan ’das kyis gsuṅs pa’i śes rab kyi pha rol tu phyin pa ’di la mchod pa bgyis pa (4) de ltar phan yon chen po daṅ ldan par rtogs par ma gyur lags sam | de ltar ’bras bu che ba daṅ rnam par smin ba che bar des rig par ma gyur lags sam | ’on te ’tshal ciṅ rtogs la rig kyaṅ slar źiṅ dad par ma gyur pa lags | de skad ces gsol pa daṅ ||
bcom (5) ldan ’das gyis lha rnams kyi dbaṅ po brgya byin la ’di skad ces bka’ stsal to ||
kau śi ka ’di ci sñam du sems ’dzam bu’i gliṅ gi mi de dag las gaṅ dag saṅs rgyas la rtogs nas dad pa daṅ ldan pa daṅ gaṅ dag chos la rtogs nas dad pa daṅ ldan pa daṅ gaṅ dag dge ’dun (6) la rtogs nas dad pa daṅ ldan pa ci sñed cig yod | de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ’dzam bu’i gliṅ gi mi de dag las gaṅ dag saṅs rgyas la rtogs nas dad pa daṅ (7) ldan pa daṅ gaṅ dag chos la rtogs nas dad pa daṅ ldan pa daṅ gaṅ dag dge ’dun la rtogs nas dad pa daṅ ldan pa ni ñuṅ ṅo ||
de skad ces gsol ba daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de (34a1) bźin te | ’dzam bu’i gliṅ gi mi de dag las gaṅ dag saṅs rgyas la rtogs nas dad pa daṅ ldan pa daṅ gaṅ dag chos la rtogs nas dad pa daṅ ldan pa daṅ gaṅ dag dge ’dun la rtogs nas dad pa daṅ ldan pa de lta bu ni ñuṅ ṅo ||
kau śi ka gaṅ dag rgyun tu źugs pa’i ’bras (2) bu thob pa ni ñuṅ ba de dag bas kyaṅ ches ñuṅ ṅo ||
gaṅ dag lan cig phyir ’oṅ ba’i ’bras bu daṅ phyir mi ’oṅ ba’i ’bras bu thob pa ni ñuṅ ba de dag bas kyaṅ ches ñuṅ ṅo ||
gaṅ dag dgra bcom pa ñid thob pa ni ñuṅ ba de dag bas kyaṅ ches ñuṅ ṅo ||
gaṅ dag raṅ byaṅ chub mṅon du byed pa ni (3) ñuṅ ba de dag bas kyaṅ ches ñuṅ ṅo ||
gaṅ dag bla na med pa yaṅ dag par rdzogs pa’i byaṅ chub tu sems bskyed pa de ni ñuṅ ba de dag bas kyaṅ ches ñuṅ ṅo ||
gaṅ dag bla na med pa yaṅ dag par rdzogs pa’i byaṅ chub tu sems bskyed nas sems bskyed pa de rab tu rgyas par byed pa de ni (4) ñuṅ ba de dag bas kyaṅ ches ñuṅ ṅo ||
gaṅ dag bla na med pa yaṅ dag par rdzogs pa’i byaṅ chub tu sems bskyed de sems bskyed pa rgyas par byas nas brtson ’grus brtsams śiṅ gnas pa de ni ñuṅ ba de dag bas kyaṅ ches ñuṅ ṅo ||
gaṅ dag śes rab kyi pha rol tu phyin pa la rnal ’byor (5) du byed pa de ni ñuṅ ba de dag bas kyaṅ ches ñuṅ ṅo ||
gaṅ dag śes rab kyi pha rol tu phyin pa la spyod pa ni ñuṅ ba de dag bas kyaṅ ches ñuṅ ṅo ||
gaṅ dag śes rab kyi pha rol tu phyin pa la spyod ciṅ ’bad de phyir mi ldog pa’i byaṅ chub sems dpa’i sa la gnas pa ni ñuṅ ba de dag bas kyaṅ (6) ches ñuṅ ṅo ||
gaṅ dag śes rab kyi pha rol tu phyin pa la spyod ciṅ ’bad de bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba ni ñuṅ ba de dag bas kyaṅ ches ñuṅ ṅo ||
gaṅ dag śes rab kyi pha rol tu phyin pa la spyod ciṅ ’bad de bla na med pa yaṅ (7) dag par rdzogs pa’i byaṅ chub mṅon par rdzogs par ’tshaṅ rgya ba de dag ni ñuṅ ba de dag bas kyaṅ ches ñuṅ ṅo ||
kau śi ka byaṅ chub sems dpa’ sems dpa’ chen po gaṅ dag phyir mi ldog pa’i byaṅ chub sems dpa’i sa la gnas te bla na med pa yaṅ dag par rdzogs pa’i byaṅ chub mṅon (34b1) par rdzogs par saṅs rgyas nas | rigs kyi bu ’am rigs kyi bu mo lhag pa’i bsam pa phun sum tshogs pa śes rab kyi pha rol tu phyin pa la slob ciṅ ’bad pa gźan rnams la śes rab kyi pha rol tu phyin pa ’di ñe bar ston ciṅ luṅ ’bogs pa daṅ de dag la yaṅ ’dzin du ’jug pa daṅ | (2) ’chaṅ du ’jug pa daṅ klog tu ’jug pa daṅ kun chub par byed du ’jug pa daṅ rab tu ’don du ’jug pa daṅ ston du ’jug pa daṅ ñe bar ston du ’jug pa daṅ luṅ ’bogs su ’jug pa daṅ kha ton byed du ’jug pa de daṅ | de dag ni śes rab kyi pha rol tu phyin pa de la lha’i me tog daṅ lha’i (3) bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ | khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de | bkur (4) stir byed bla mar byed rjed par byed mchod par byed ri mor byed bsñen bkur byed pa dag yin no ||
kau śi ka yaṅ gaṅ dag byaṅ chub kyi sems bskyed pa daṅ byaṅ chub kyi sems bskyed nas byaṅ chub kyi sems rgyas par byed ciṅ byaṅ chub kyi sems rab tu rgyas par byas te byaṅ chub tu spyod pa’i (5) sems can dag ni gźal du med pa graṅs med par yod mod kyi | kau śi ka yaṅ sems can gźal du med pa graṅs med pa byaṅ chub kyi phyir spyod pa de dag las gal te na gcig gam gñis śig phyir mi ldog pa’i byaṅ chub sems dpa’i sa la gnas par ’gyur ro ||
de ci’i phyir źe na | (6) kau śi ka bla na med pa yaṅ dag par rdzogs pa’i byaṅ chub ni brtson ’grus źan pa daṅ le lo can daṅ sems pa dman pa daṅ sems dman pa daṅ ’du śes dman pa daṅ mos pa dman pa daṅ śes rab dman pa rnams kyis bsgrub par dka’o ||
kau śi ka de bas na de ltar rigs kyi bu ’am (7) rigs kyi bu mo gaṅ myur du bde bar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas rgyun mi ’chad par śes rab kyi pha rol tu phyin pa ’di ñid mñan par bya’o gzuṅ bar bya’o bcaṅ bar bya’o klag par bya’o kun chub par bya’o rab tu ’don par bya’o (35a1) bstan par bya’o ñe bar bstan par bya’o luṅ ’bogs par bya’o kha ton du bya’o yoṅs su dri bar bya’o ||
de ci’i phyir źe na | kau śi ka ’di ltar rigs kyi bu ’am rigs kyi bu mo de dag ’di sñam du de bźin gśegs pa dgra bcom pa yaṅ dag par rdzogs pa’i saṅs (2) rgyas sṅon byaṅ chub sems dpa’i spyad pa spyod pa’i tshe ’di ltar śes rab kyi pha rol tu phyin pa ’di la bslabs pas | bdag cag gis kyaṅ ’di la bslab par bya ste śes rab kyi pha rol tu phyin pa ’di ni bdag cag gi ston pa’o źes śes te | kau śi ka de bźin gśegs pa dgra bcom (3) pa yaṅ dag par rdzogs pa’i saṅs rgyas bźugs kyaṅ ruṅ yoṅs su mya ṅan las ’das kyaṅ ruṅ ste | byaṅ chub sems dpa’ sems dpa’ chen pos śes rab kyi pha rol tu phyin pa ’di ñid la brten par bya’o ||
kau śi ka de bas na de ltar rigs kyi bu ’am rigs kyi bu mo gaṅ la la (4) źig gis de bźin gśegs pa dgra bcom pa yaṅ dag par rdzogs pa’i saṅs rgyas yoṅs su mya ṅan las ’das pa mchod pa’i phyir rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can bye ba du ma byed du bcug ste | byas nas (5) kyaṅ des de la nam ’tsho ba’i bar du lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ lha’i mchod pa rnam pa (6) maṅ po dag gis mchod par byed do | bkur stir byed bla mar byed rjed par byed mchod par byed ri mor byed bsñen bkur byed na | kau śi ka de ci sñam du sems | ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol ba | bcom (7) ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di bsod nams ches maṅ du skyed de | gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas (35b1) byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ | ’di’i (2) don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul (3) daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ | (4) na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na kau śi ka rigs kyi bu ’am rigs kyi bu mo (5) ’di ñid de bas ches bsod nams kyi phuṅ po maṅ du bskyed do ||
kau śi ka rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can bye ba du ma lta źog | kau śi ka yaṅ rigs kyi bu ’am rigs kyi bu mo gaṅ la las ’dzam bu’i gliṅ ’di kun tu rin po (6) che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can gyis yoṅs su gaṅ bar byed du bcug ste | byas nas kyaṅ de dag la nam ’tsho ba’i bar du lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ (7) lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de bkur stir byed bla mar byed rjed par byed mchod par byed ri mor byed bsñen bkur byed na | kau śi ka de ci sñam du (36a1) sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am (2) rigs kyi bu mo ’dis bsod nams ches maṅ du skyed de | gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ (3) rab tu ’don pa daṅ ston pa daṅ ñe bar ston pa daṅ | luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ ’di’i don rnam par ’grel ba daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par byed pa daṅ | (4) saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chud du na glegs bam du (5) chud par byas te ’chaṅ ṅam bźags śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod (6) par byed de | bkur stir byed bla mar byed rjed par byed mchod par byed ri mor byed bsñen bkur byed na kau śi ka rigs kyi bu ’am rigs kyi bu mo ’di ñid de bas ches bsod nams maṅ du skyed do ||
kau śi ka ’dzam bu’i gliṅ ’di rin po che sna bdun gyi raṅ bźin gyi mchod rten de bźin (7) gśegs pa’i riṅ bsrel gyi sñiṅ po can rnams kyis yoṅs su gaṅ ba lta źog | kau śi ka yaṅ gal te gliṅ chen po bźi pa’i ’jig rten gyi khams na sems can ji sñed yod pa de dag thams cad las sems can re res rin po che sna bdun gyi raṅ bźin gyi mchod rten de bźin gśegs (36b1) pa’i riṅ bsrel gyi sñiṅ po can re re byed du bcug ste | de dag la nam ’tsho ba’i bar du lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor (2) yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka de ci sñam du sems | ci sems can de dag thams cad de’i gźi las bsod (3) nams maṅ du bskyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo | bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’dis bsod nams ches maṅ du skyed de | gaṅ śes rab kyi pha (4) rol tu phyin pa ’di la mṅon par dad de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton (5) byed pa daṅ | gźan dag la yaṅ rgya cher yaṅ dag par rab tu ston pa daṅ ’di’i don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma (6) gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la | śes rab kyi pha rol tu phyin pa (7) de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod (37a1) par byed ri mor byed bsñen bkur byed na | kau śi ka rigs kyi bu ’am rigs kyi bu mo ’di ñid de’i gźi las bsod nams ches maṅ du bskyed do ||
kau śi ka gliṅ chen po bźi pa’i ’jig rten gyi khams kyi sems can thams cad lta źog | kau śi ka yaṅ stoṅ spyi phud (2) kyi ’jig rten gyi khams kyi sems can ji sñed yod pa de dag thams cad las sems can re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can re re byed du bcug ste | de dag la nam ’tsho ba’i bar du lha’i me tog daṅ lha’i bdug pa daṅ (3) lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de bkur stir byed bla mar byed | rjed (4) par byed mchod par byed ri mor byed bsñen bkur byed na | kau śi ka de ji sñam du sems ci sems can de dag thams cad de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis (5) bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed do ||
gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin (6) pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ | ’di’i don rnam par ’grel pa daṅ yid kyis rjes su rtog pa daṅ ji lta bur grub pa’i (7) śes rab kyis ’dir yoṅs su dpyod par byed pa daṅ saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa (37b1) bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar (2) me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka rigs kyi bu ’am rigs kyi bu mo ’di ñid de’i gźi las bsod nams ches maṅ du skyed do ||
kau śi ka stoṅ spyi (3) phud kyi ’jig rten gyi khams kyi sems can thams cad lta źog | kau śi ka yaṅ stoṅ gñis pa bar ma’i ’jig rten gyi khams na sems can ji sñed cig yod pa de dag thams cad las sems can re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi (4) sñiṅ po can re re byed du bcug ste | de dag la nam ’tsho ba’i bar du lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ (5) ba dag daṅ lha’i mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka de ci sñam du sems ci sems can de dag thams cad de’i gźi las bsod nams maṅ du skyed dam | brgya (6) byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’dis bsod nams ches maṅ du skyed de | gaṅ śes rab kyi pha rol tu phyin pa ’di la mṅon par dad de (7) rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher (38a1) yaṅ dag par ston pa daṅ ’di’i don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i (2) chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ dam bźag la | śes rab kyi pha rol tu phyin pa de la me tog (3) daṅ bdug pa daṅ dri daṅ phreṅ ba daṅ phyug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjod par byed mchod par byed (4) ri mor byed bsñen bkur byed na | kau śi ka rigs kyi bu ’am rigs kyi bu mo ’di ñid de’i gźi las bsod nams ches maṅ du skyed do ||
ko śi ka stoṅ gñis pa bar ma’i ’jig rten gyi khams kyi sems can thams cad lta źog | kau śi ka yaṅ stoṅ gsum gyi stoṅ chen po’i ’jig (5) rten gyi khams na sems can ji sñed yod pa de dag thams cad las sems can de dag re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can re re byed du bcug ste | de dag la nam ’tsho ba’i bar du lha’i me tog daṅ lha’i bdug pa daṅ lha’i (6) dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de | bkur stir byed bla mar byed rjed (7) par byed mchod par byed ri mor byed bsñen bkur byed na | kau śi ka de ci sñam du sems ci sems can de dag thams cad de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis (38b1) bka’ stsal pa | kau śi ka de bas kyaṅ rigs kyi bu ’am rigs kyi bu mo ’dis bsod nams ches maṅ du skyed de | gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas bya ba chub tu sems bskyed nas | lhag pa’i bsam pas ñan pa daṅ (2) ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ ’di’i don rnam par ’grel pa daṅ yid kyis rjes su rtog pa daṅ ci lta bur (3) grub pa’i śes rab kyis ’dir yogs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams (4) la phan gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la | śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan (5) dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka rigs kyi bu ’am rigs kyi bu mo ’di ñid de’i gźi las bsod nams ches maṅ du (6) skyed do ||
kau śi ka stoṅ gsum gyi stoṅ chen po’i ’jig rten gyi khams kyi sems can rnams re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can re re byed du bcug ste | de dag la nam ’tsho’i bar du lha’i me tog daṅ lha’i bdug pa (7) daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ ba dag daṅ lha’i mchod pa rnam pa maṅ po dag gis mchod par byed de | bkur stir byed (39a1) bla mar byed rjed par byed mchod par byed ri mor byed bsñen bkur byed pa lta źog | kau śi ka yaṅ gal te stoṅ gsum gyi stoṅ chen po’i ’jig rten gyi khams na sems can gaṅ su dag yod pa de dag thams cad yoṅs su brtag pa bzuṅ ste | sṅa phyi med par mi’i (2) lus thob par gyur la de dag las kyaṅ sems can re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can re re byed du bcug ste | byed du bcug nas kyaṅ sems can re res kyaṅ mchod rten de dag thams cad bźag ste | (3) bskal pa ’am bskal pa bas lhag par sil sñan thams cad daṅ glu dbyaṅs thams cad daṅ gar thams cad daṅ rol mo daṅ theg rdob pa thams cad daṅ lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs (4) daṅ lha’i rgyal mtshan daṅ lha’i dril bu daṅ lha’i ba dan thams cad daṅ khor yug tu lha’i mar me’i phreṅ ba dag daṅ lha daṅ mi rnams kyi mchod pa rnam pa maṅ po dag thams cad kyis mchod par byed de | bkur stir byed bla mar byed rjed par byed mchod par byed ri mor byed bsñen bkur byed (5) la | sems can de dag thams cad kyis de lta bu’i ṅo bo ñid kyi bsod nams bya ba des mchod rten gźal du med pa graṅs med pa dag byed du bcug la de lta bu’i ṅo bo’i mchod pa dag kyaṅ byed du bcug na | kau śi ka de ci sñam du sems ci sems can de dag thams cad de’i gźi las (6) bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’dis bsod nams ches maṅ du skyed de | gaṅ śes rab kyi (7) pha rol tu phyin pa ’di la mṅon par daṅ de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chad pa daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton (39b1) byed pa daṅ gźan dag la yaṅ rgya cher yaṅ dag par ston pa daṅ de’i don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma (2) gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la | śes rab kyi pha rol (3) tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed (4) par byed mchod par byed ri mor byed bsñen bkur byed na | kau śi ka rigs kyi bu ’am rigs kyi bu mo ’di ñid de’i gźi las bsod nams che ba maṅ du skyed do ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to | (5) bcom ldan ’das de de bźin no bde bar gśegs pa de de bźin te | bcom ldan ’das śes rab kyi pha rol tu phyin pa ’di la bkur stir bgyid pa daṅ bla mar bgyid pa daṅ rjed par bgyid pa daṅ mchod par bgyid pa daṅ ra mor bgyid pa daṅ bsñen bkur bgyid pa’i rigs kyi bu ’am (6) rigs kyi bu mo des ’das pa daṅ ma byon pa daṅ da ltar byuṅ ba’i saṅs rgyas bcom ldan ’das | saṅs rgyas rnams kyis saṅs rgyas kyi ye śes kyis yoṅs su mkhyen pa’i ’jig rten gyi khams thams cad na bźugs pa rnams la śin tu bkur stir bgyis pa daṅ bla mar bgyis pa (7) daṅ rjed par bgyis pa daṅ mchod par bgyis pa daṅ ri mor bgyis pa daṅ bsñen bkur bgyis par ’gyur ro ||
bcom ldan ’das rnam graṅs ’dis stoṅ gsum gyi stoṅ chen po’i ’jig rten gyi khams kyi sems can thams cad lta źog | bcom ldan ’das yaṅ stoṅ gsum (40a1) gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can gaṅ ji sñed mchis pa de dag thams cad kyis kyaṅ sems can re res rin po che sna bdun gyi raṅ bźin gyi mchod rten de bźin gśegs pa’i riṅ bsrel gyi sñiṅ po can re re bgyid du stsal pa | (2) bgyid du stsal nas kyaṅ sems can de dag re res mchod rten de dag thams cad bźag ste | bskal pa ’am bskal pa bas lhag par sil sñan thams cad daṅ glu dbyaṅs thams cad daṅ gar thams cad daṅ rol mo daṅ pheg rdob pa thams cad daṅ lha’i me tog thams cad daṅ lha’i (3) bdug pa daṅ lha’i dri daṅ | lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan thams cad daṅ khor yug tu lha’i mar me’i phreṅ ba dag daṅ lha’i mchod pa rnam pa maṅ po dag thams cad kyis mchod (4) par byed de | bkur stir bgyid bla mar bgyid rjed par bgyid mchod par bgyid ri mor bgyid bsñen bkur bgyid pa bas | bcom ldan ’das rigs kyi bu ’am rigs kyi bu mo ’dis bsod nams ches maṅ du skyed de | gaṅ śes rab kyi pha rol tu phyin pa ’di la mṅon par dad de (5) rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ gźan dag la yaṅ (6) rgya cher yaṅ dag par ston pa daṅ ’di’i don rnam par ’grel pa daṅ yid kyis rdzas su rtog pa daṅ ci lta bur grub pa’i śes rab kyis ’dir yoṅs su dpyod par bgyid pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i (7) chos yun riṅ du gnas par bgyi ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags par sgrub pa bgyis par ’gyur bar chuṅ ṅu na glegs bam du chud par bgyis te ’chaṅ dam bźag la | śes rab kyi pha rol tu phyin pa de la me tog daṅ (40b1) bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir bgyid bla mar bgyid rjed par bgyid mchod par bgyid (2) ri mor bgyid bsñen bkur bgyid na | bcom ldan ’das rigs kyi bu’am rigs kyi bu mo ’di ñid de bas bsod nams ches maṅ du skyed do ||
de nas bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | (3) kau śi ka rigs kyi bu ’am rigs kyi bu mo de ni de’i gźi las bsod nams maṅ po skyed do ||
kau śi ka rigs kyi bu ’am rigs kyi bu mo de de’i gźi las bsod nams gźal du med pa skyed do ||
kau śi ka rigs kyi bu ’am rigs kyi bu mo de de’i gźi las bsod nams graṅs med pa skyed (4) do ||
kau śi ka rigs kyi bu ’am rigs kyi bu mo de de’i gźi las bsod nams bsam gyis mi khyab pa skyed do ||
kau śi ka rigs kyi bu ’am rigs kyi bu mo de de’i gźi las bsod nams mñam pa med pa skyed do ||
kau śi ka rigs kyi bu ’am rigs kyi bu mo de de’i gźi las bsod (5) nams tshad med pa skyed do ||
de ci’i phyir źe na | kau śi ka de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thams cad mkhyen pa ñid ni śes rab kyi pha rol tu phyin pa las skyes śiṅ | de bźin gśegs pa’i sku la mchod pa yaṅ thams (6) cad mkhyen pa ñid las skyes so ||
kau śi ka de lta bas na de ltar rigs kyi bu ’am rigs kyi bu mo gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ (7) klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ ’di’i don rnam par ’grel ba daṅ yid kyis rjes su rtog pa daṅ ci lta bur grub pa’i śes rab kyis ’dir (41a1) yoṅs su dpyod par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan (2) gdags pa bsgrub pa byas par ’gyur bar chuṅ ṅu na glegs bam du chud par byas te ’chaṅ ṅam bźag la | śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan (3) dag daṅ khor yug tu mar me’i phreṅ ba dag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen bkur byed na | kau śi ka bsod nams mṅon par ’du byed pa de la rin po che sna bdun gyi mchod rten (4) de bźin gśegs pa’i riṅ bsrel gyi sñiṅ po can la bkur stir byas pa’i bsod nams mṅon par ’du byas pa sṅa ma des brgya’i char yaṅ ñe bar mi ’gro stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char (5) yaṅ bye ba khrag khrig brgya stoṅ gi char yaṅ ñe bar mi ’gro’o graṅs su yaṅ ñe bar mi ’gro’o char yaṅ bgraṅ bar yaṅ dper yaṅ dpes bstan par bya bar yaṅ rten du yaṅ rgyur yaṅ mi bzod do ||
de nas lha’i bu bźi khri gaṅ dag lha rnams kyi dbaṅ po brgya byin daṅ bcas par ’khor der (6) ’dus te ’khod par gyur pa de dag gis lha rnams kyi dbaṅ po brgya byin la ’di skad ces smras so ||
grogs po śes rab kyi pha rol tu phyin pa zuṅ śig | grogs po śas rab kyi pha rol tu phyin pa gzuṅ bar bya ba yin no ||
grogs po śes rab kyi pha rol tu phyin pa bcaṅ par (7) bya ba yin no ||
grogs po śes rab kyi pha rol tu phyin pa klag par bya ba yin no ||
grogs po śes rab kyi pha rol tu phyin pa kun chub par bya ba yin no ||
grogs po śes rab kyi pha rol tu phyin pa rab tu gdon par bya ba yin no ||
grogs po śes rab kyi pha rol tu phyin pa bstan (41b1) par bya ba yin no ||
grogs po śes rab kyi pha rol tu phyin pa ñe bar bstan par bya ba yin no ||
grogs po śes rab kyi pha rol tu phyin pa luṅ dpog par bya ba yin no ||
grogs po śes rab kyi pha rol tu phyin pa kha ton du bya ba yin no ||
de nas bcom ldan ’das (2) kyis lha rnams kyi dbaṅ po brgya byin la ’di skad ces bka’ stsal to ||
kau śi ka khyod kyis śes rab kyi pha rol tu phyin pa zuṅ śig | kau śi ka khyod kyis śes rab kyi pha rol tu phyin pa choṅs śig | kau śig khyod kyis śes rab kyi pha rol tu phyin pa lhogs śig | kau śi ka (3) khyod kyis śes rab kyi pha rol tu phyin pa kun chub par gyis śig | kau śi ka khyod kyis śes rab kyi pha rol tu phyin pa rab tu zon cig | kau śi ka khyod kyis śes rab kyi pha rol tu phyin pa ston cig | kau śi ka khyod kyis śes rab kyi pha rol tu phyin pa ñe bar ston cig | kau śi ka khyod kyis (4) śes rab kyi pha rol tu phyin pa luṅ po ga śig | kau śi ka khyod kyis śes rab kyi pha rol tu phyin pa kha ton du byos śig | de ci’i phyir źe na | kau śi ka gaṅ gi tshe lha ma yin rnams ’di lta bur sems kyi rgyu ba ’byuṅ ste | ’di sñam du sum cu rtsa gsum pa’i lha rnams daṅ ’thab par bya’o ||
sum (5) cu rtsa gsum pa’i lha rnams daṅ lhan cig tu g-yul ’gyed par bya’o sñam na | de’i tshe kau śi ka khyod kyis śes rab kyi pha rol tu phyin pa ’di dran par byos śig kha ton du byos śig daṅ lha ma yin de dag gi sems kyi rgyu ba de lta bu de dag kyaṅ nub par ’gyur ro ||
de skad ces bka’ (6) stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ’di lta ste śes rab kyi pha rol tu phyin pa ’di ni rig sṅags chen mo’o ||
bcom ldan ’das ’di lta ste śes rab kyi pha rol tu phyin pa ’di ni tshad ma med pa’i rig (7) sṅags so ||
bcom ldan ’das ’di lta ste śes rab kyi pha rol tu phyin pa ’di ni tshad med pa’i rig sṅags so ||
bcom ldan ’das ’di lta ste śes rab kyi pha rol tu phyin pa ’di ni goṅ na med pa’i rig sṅags so ||
bcom ldan ’das ’di lta ste śes rab kyi pha rol tu phyin pa ’di ni bla na (42a1) med pa’i rig sṅags so ||
bcom ldan ’das ’di lta ste śes rab kyi pha rol tu phyin pa ’di ni mñam pa med pa’i rig sṅags so ||
bcom ldan ’das ’di lta ste śes rab kyi pha rol tu phyin pa ’di ni mi mñam pa daṅ mñam pa’i rig sṅags so ||
de skad ces gsol (2) pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | kau śi ka ’di lta ste śes rab kyi pha rol tu phyin pa ’di ni rig sṅags chen mo’o ||
kau śi ka ’di lta ste śes rab kyi pha rol tu phyin pa ’di ni (3) tshad ma med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni tshad med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni goṅ na med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni bla na (4) med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni mñam pa med pa’i rig sṅags so ||
kau śi ka ’di lta ste śes rab kyi pha rol tu phyin pa ’di ni mi mñam pa daṅ mñam pa’i rig sṅags so ||
de ci’i phyir źe na | kau śi ka ’di lta ste śes rab kyi pha rol (5) tu phyin pa’i rig sṅags ’di la brten nas sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
kau śi ka ma ’oṅs pa’i dus na ’byuṅ ba’i de bźin gśegs (6) pa dgra bcom pa yaṅ dag par rdzogs pa’i saṅs rgyas rnams bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba ci sñed pa de sñed kyaṅ kau śi ka ’di lta ste śes rab kyi pha rol tu phyin pa’i rig sṅags ’di ñid la brten nas bla na med pa yaṅ (7) dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
kau śi ka da ltar stoṅ gsum gyi stoṅ chen po’i ’jig rten gyi khams gźal du med graṅs med pa na saṅs rgyas bcom ldan ’das gaṅ su dag bla na med pa yaṅ dag par rdzogs pa’i byaṅ chub mṅon par (42b1) rdzogs par saṅs rgya ba de dag kyaṅ kau śi ka ’di lta ste śes rab kyi pha rol tu phyin pa’i rig sṅags ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par saṅs rgya’o ||
kau śi ka ṅa yaṅ ’di lta ste śes rab kyi pha rol tu phyin pa’i rig (2) sṅags ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
kau śi ka rig sṅags ’di ñid la brten nas dge ba bcu’i las kyi lam rnams kyaṅ ’jig rten du rab tu ’byed do ||
byaṅ chub kyi yan lag daṅ ldan pa’i bsam (3) gtan bźi ’jig rten du rab tu ’byed do ||
byaṅ chub kyi yan lag daṅ ldan pa’i tshad med pa bźi ’jig rten du rab tu ’byed do ||
byaṅ chub kyi yan lag dad ldan pa’i gzugs med pa’i sñoms par ’jug pa bźi ’jig rten du rab tu ’byed do ||
byaṅ chub kyi yan lag daṅ (4) ldan pa’i mṅon par śes pa drug rnams ’jig rten du rab tu ’byed do ||
byaṅ chub kyi phyogs kyi chos sum cu rtsa bdun yaṅ ’jig rten du rab du ’byed do ||
mdor na chos kyi phuṅ po brgyad khri bźi stoṅ yaṅ ’jig rten du rab tu ’byed do ||
saṅs rgyas kyi ye śes daṅ raṅ byuṅ gi ye (5) śes daṅ bsam gyis mi khyab pa’i ye śes kyaṅ ’jig rten du rab tu ’byed do || ||
śes rab kyi pha rol tu phyin pa brgyad stoṅ pa | bam po bźi pa | kau śi ka gaṅ gi tshe yaṅ de bźin gśegs pa dgra bcom pa yaṅ dag par rdzogs pa’i saṅs rgyas rnams (6) ’jig rten du mi ’byuṅ bar ’gyur ba de’i tshe yaṅ kau śi ka ’di lta ste śes rab kyi pha rol tu phyin pa’i rig sṅags ’di ñid la brten nas | kau śi ka byaṅ chub sems dpa’ sems dpa’ chen po rnams śes rab kyi pha rol tu phyin pa’i rgyu ’thun pa sṅon thos pas thabs mkhas pa daṅ | (7) ldan par ’gyur ro ||
kau śi ka sems can rnams la rjes su brtse ba daṅ ldan pa de dag kyaṅ rjes su brtse ba’i phyir ’jig rten ’di la brten te dge ba bcu ’i las kyi lam rnams ’jig rten du rab tu ’byed do ||
byaṅ chub kyi yan lag daṅ mi ldan pa’i bsam gtan bźi ’jig rten du rab tu (43a1) ’byed do ||
byaṅ chub kyi yan lag daṅ mi ldan pa’i tshad med pa bźi ’jig rten du rab tu ’byed do ||
byaṅ chub kyi yan lag daṅ mi ldan pa’i gzugs med pa’i sñoms par ’jug pa bźi ’jig rten du rab tu ’byed do ||
byaṅ chub kyi yan lag daṅ mi ldan pa’i mṅon (2) par śes pa lṅa rnams ’jig rten du rab tu ’byed do ||
kau śi ka ’di lta ste dper na zla ba’i dkyil ’khor la rten nas sman daṅ skar ma thams cad stobs ci lta ba daṅ mthu ci lta bar kun tu snaṅ bar byed | rgyu skar rnams kyaṅ stobs ci lta ba daṅ mthu ci lta ba bźin du snaṅ bar byed do ||
kau śi ka de (3) bźin du de bźin gśegs pa dgra bcom pa yaṅ dag par rdzogs pa’i saṅs rgyas ’das nas dam pa’i chos ’jig par gyur pa daṅ de bźin gśegs pa dgra bcom pa yaṅ dag par rdzogs pa’i saṅs rgyas rnams ’jig rten du ma byuṅ ba na | la la chos spyod pa daṅ mtshuṅs par (4) spyod pa daṅ źi bar spyod pa daṅ dge bar spyod pa gaṅ dag ’jig rten na rab tu ’dogs pa daṅ rab tu sgom pa de dag thams cad byaṅ chub sems dpa’ la raṅ skyes śiṅ byaṅ chub sems dpas rab tu phye ste | byaṅ chub sems dpa’i thabs mkhas pa las ’jug la byaṅ chub sems dpa’ (5) rnams kyi thabs mkhas pa de yaṅ śes rab kyi pha rol tu phyin pa las skyes par rig par bya’o ||
kau śi ka gźan yaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa (6) daṅ kha ton byed pa daṅ yi ger ’dri ba daṅ yid la byed pa daṅ dran par byed pa’i rigs kyi bu daṅ rigs kyi bu mo rnams de’i gźi las tsha ’di la yon tan maṅ po rnams re bar bya’o ||
de skad ces bka’ stsal pa daṅ | lha rnams kyi dbaṅ po brgya byin gyis bcom ldan ’das la ’di (7) skad ces gsol to ||
bcom ldan ’das rigs kyi bu ’am rigs kyi bu mo de dag yaṅ tshe ’di’i yon tan gaṅ dag daṅ ldan par ’gyur | bcom ldan ’das kyis bka’ stsal pa | kau śi ka rigs kyi bu ’am rigs kyi bu mo de dag ni yaṅ ba ma spaṅs pas ’chi ba’i dus byed par (43b1) mi ’gyur | dug gis ’chi ba’i dus byed par mi ’gyur | mtshon gyis ’chi ba’i dus byed par mi ’gyur | mes ’chi ba’i dus byed par mi ’gyur | chus ’chi ba’i dus byed par mi ’gyur | dbyug pas ’chi ba’i dus byed par mi ’gyur | pha rol gyi gnod pa byed pas (2) ’chi ba’i dus byed par mi ’gyur | de dag la rgyal po ’am rgyal po’i bu ’am rgyal po’i blon po chen po ’am rgyal po’i blon po dag gis gnod pa byuṅ źig skyes na yaṅ | śes rab kyi pha rol tu phyin pa ’di dran źiṅ kha ton du byed pa dag la phyir mi snaṅ bar ’gyur ro ||
śes rab kyi (3) pha rol tu phyin pa ’di yaṅ daṅ yaṅ dran źiṅ kha ton byed pa de dag la rgyal po ’am rgyal po’i bu ’am rgyal po’i blon po chen po ’am rgyal po’i blon po der glags lta ba daṅ glags tshol ba gaṅ dag ñe bar ’oṅs par gyur na de dag gis glags rñed par mi ’gyur te | ’di ltar yaṅ śes rab kyi (4) pha rol tu phyin pa yoṅs su bzuṅ ba’i phyir ro ||
der rgyal po ’am rgyal po’i bu ’am rgyal po’i blon po chen po ’am rgyal po’i blon po dag ñe bar ’oṅs na yaṅ de dag smra bar ’dod ciṅ gtam zer bar ’dod de yaṅ dag par dga’ bar bya’o sñam du sems par ’gyur ro ||
de ci’i (5) phyir źe na | kau śi ka śes rab kyi pha rol tu phyin pa ’di ni sems can thams cad kyi druṅ na byams pa’i sems kyis byams pa ñe bar bsgrub pa daṅ sñiṅ rje’i sems kyis sñiṅ rje ñe bar bsgrub pas ñe bar gnas par ’gyur ro ||
kau śi ka de ñid kyi phyir na rigs kyi bu ’am rigs kyi bu mo (6) gaṅ yaṅ gdug pa daṅ sdig sprul maṅ po’i dgon pa’i naṅ du soṅ ba de dag la mi ’am mi ma yin pa glags lta ba daṅ glags tshol ba de dag gis kyaṅ kau śi ka de dag la sṅon gyi las kyi rnam par smin pa ma gtogs par glags rñed par mi ’gyur ro ||
de nas mu stegs can gźan kun (7) tu rgyu brgya klan ka tshol ba’i bsam pas de’i tshe bcom ldan ’das gal ba der ’oṅs bar gyur to ||
de nas lha rnams kyi dbaṅ po brgya byin gyis mu stegs can gźan kun tu rgyu de dag rgyaṅ nas ’oṅ ba mthoṅ nas de dag gi sems la kun tu brtags te | ’di sñam du mu stegs can (44a1) gźan kun tu rgyu ’di dag kla na ka tshol ba’i bsam pas bcom ldan ’das ga la ba der ’oṅs kyis | bdag gis ci nas kyaṅ mu stegs can gźan kun tu rgyu de dag bcom ldan ’das kyi druṅ du ñe bar mi ’oṅ bar bya ba’i phyir | bdag gis bcom ldan ’das kyi (2) thad nas śes rab kyi pha rol tu phyin pa ’di’i phyogs cha ji sñed cig bzuṅ ba de tsam źig bdag gis dran pas bsam par bya ba ton du bya rab tu ’don par bya ste | de ltar byas pa daṅ śes rab kyi pha rol tu phyin pa ’di bśad pa la bar chad du mi ’gyur ro ||
(3) de nas lha rnams kyi dbaṅ po brgya byin gyis bcom ldan ’das kyi thad nas śes rab kyi pha rol tu phyin pa ’di’i phyogs cha ji sñed cig des bzuṅ ba de sñed tsam źig dran pas bsams te kha ton du byas śiṅ rab tu bton par gyur to ||
de nas mu stegs can gźan kun tu rgyu de dag (4) rgyaṅ riṅ ba bas kyaṅ ches riṅ ba nas bcom ldan ’das la bskor ba byas te sgo de ñid daṅ lam de ñid nas phyir log ste doṅ ṅo ||
de nas tshe daṅ ldan pa ś ri’i bu ’di sñam du sems te ’dir ci’i phyir ’di ltar mu stegs can gźan kun tu rgyu de dag rgyaṅ riṅ ba bas kyaṅ ches riṅ ba nas (5) bcom ldan ’das la bskor ba byas te sgo de ñid daṅ lam de ñid nas slar doṅ sñam mo ||
de nas bcom ldan ’das kyis tshe daṅ ldan pa ś ri’i bu’i de lta bu’i sems kyi rtog pa thugs kyis mkhyen nas tshe daṅ ldan pa ś ri’i bu la ’di skad ces bka’ stsal to ||
ś ri’i bu lha rnams kyi (6) dbaṅ po brgya byin gyis mu stegs can gźan kun tu rgyu klan ka tshol ba’i bsam pa can de dag gi sems dag mthoṅ nas śes rab kyi pha rol tu phyin pa ’di ’chad pa la bar chad byed par gyur na mi ruṅ ṅo sñam źiṅ ci nas śes rab kyi pha rol tu phyin pa ’chad par mu stegs can gźi (7) kun tu rgyu de dag ’oṅ bar ma gyur cig sñam pas | mu stegs can gźan kun tu rgyu rtsod par ’dod pa daṅ rgol bar ’dod pa daṅ ’gal bar byed par ’dod pa rnams bzlog pa’i don du | śes rab kyi pha rol tu phyin pa ’di dran pas yid la bsams te kha ton du byas śiṅ rab tu bton te (44b1) lha rnams kyi dbaṅ po brgya byin gyi ltar ṅas kyaṅ gnaṅ ṅo ||
de ci’i phyir źe na | ś ri’i bu mu stegs can gźan kun tu rgyu de dag gcig la yaṅ chos dkar po yod par ṅas ma mthoṅ ste | ś ri’i bu de dag thams cad ni kla na ka tshol ba’i bsam pa daṅ źe ’dras pa’i sems kyis (2) ’oṅ ’dod par gyur to ||
de nas bdud sdig can ’di sñam du sems te de bźin gśegs pa dgra bcom pa yaṅ dag par rdzogs pa’i saṅs rgyas kyi ’khor bźi po ’di dag tshogs śiṅ ’khod de de bźin gśegs pa’i mṅon du gyur ciṅ ’dod pa na spyod pa daṅ gzugs na spyod (3) pa’i lha’i bu ’di dag kyaṅ mṅon du gyur pa las na ’dir ni ṅes par byaṅ chub sems dpa’ sems dpa’ chen po dag bla na med pa yaṅ dag par rdzogs pa’i byaṅ chub tu luṅ ston par ’gyur gyis mig gis mi rtsol bar bya ba’i phyir bdag ñe bar ’gro’o sñam mo ||
de nas bdud sdig (4) can gyis yan lag bźi pa’i dpuṅ gi tshogs mṅon par sprul te | bcom ldan ’das ga la ba der ñe bar ’oṅs so ||
de nas lha rnams kyi dbaṅ po brgya byin ’di sñam du sems te kye ma’o ’di dag ni bdud sdig can yin te yan lag bźi pa’i dpuṅ gi tshogs mṅon par sprul nas | (5) bcom ldan ’das ga la ba der ’oṅs pa yin gyi yan lag bźi pa’i dpuṅ gi tshogs kyi bkod pa gaṅ yin pa ’di ni rgyal po gzugs can sñiṅ po’i yan lag bźi pa’i dpuṅ gi tshogs kyi bkod pa yaṅ ma yin | rgyal po gsal rgyal gyi yan lag bźi pa’i dpuṅ gi tshogs kyi bkod (6) pa yaṅ ma yin no ||
śkya rnams kyi yan lag bźi pa’i dpuṅ gi tshogs kyi bkod pa yaṅ ma yin no ||
li ts bi rnams kyi yan lag bźi pa’i dpuṅ gi tshogs kyi bkod pa yaṅ ma yin gyi | ’di ni bdud sdig can gyis mṅon par sprul pa yin te | bdud sdig can ni yun riṅ po (7) nas bcom ldan ’das la glags lta ba daṅ glags tshol ba daṅ sems can rnams la gnod pa’i bsam pa daṅ rjes su ’brel ba yin no ||
da bdag gis śes rab kyi pha rol tu phyin pa ’di dran pas bsam par bya kha ton du bya rab tu gdon par bya’o sñam mo ||
de nas lha rnams kyi (45a1) dbaṅ po brgya byin gyis śes rab kyi pha rol tu phyin pa ’di ñid dran pas bsams śiṅ kha ton du byas te rab tu bton par gyur to ||
lha rnams kyi dbaṅ po brgya byin gyis ci lta ci ltar śes rab kyi pha rol tu phyin pa dran pas bsams śiṅ kha ton du byas te rab tu bton (2) pa de lta de ltar bdud sdig can sgo de ñid daṅ lam de ñid nas slar log ste soṅ bar gyur to ||
de nas sum cu rtsa gsum pa’i ris kyi lha’i bu rnams kyis lha’i me tog man d ra bdag mṅon par sprul te bar snaṅ gi nam mkha’ la ’dug nas bcom ldan ’das ga la ba der lha’i me tog man (3) d ra ba de dag mṅon par rab tu gtor te | ’di skad du kye ma śes rab kyi pha rol tu phyin pa ’di ni yun riṅ mo źig na ’dzam bu’i gliṅ gi mi rnams kyi naṅ du byuṅ ṅo źes ched du brjod pa ched du brjod nas | yaṅ lha’i me tog rnams bzuṅ nas bcom ldan ’das ga la ba der mṅon par (4) gtor mṅon par rab tu gtor te ’di skad ces gsol to ||
bcom ldan ’das sems can gaṅ dag śes rab kyi pha rol tu phyin pa ’chad pa daṅ sgom pa daṅ śes rab kyi pha rol tu phyin pa la spyod pa de dag la ni bdud dam bdud kyi ris kyi lha rnams kyis glags rñed par mi ’gyur ro ||
(5) bcom ldan ’das gaṅ śes rab kyi pha rol tu phyin pa ’di mñan pa daṅ thos nas ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu gdon pa daṅ ston pa daṅ ñe bar ston pa daṅ luṅ ’bogs pa daṅ kha ton du bgyid pa’i sems can de dag ni ṅan ṅon gyi dge ba’i rtsa ba daṅ (6) ldan pa ma lags so ||
bcom ldan ’das śes rab kyi pha rol tu phyin pa ’di gaṅ dag gi rna lam du grag par gyur pa’i sems can de dag gis kyaṅ sṅon gyi rgyal ba rnams la bgyi ba bgyis pa lags na | gaṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa (7) daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du bgyid pa lta ci smos te | bcom ldan ’das sems can de dag gis ni de bźin gśegs pa la bsñen bkur bgyis pa (45b1) lags so ||
de ci’i slad du źe na | ’di lta ste śes rab kyi pha rol tu phyin pa ’di las thams cad mkhyen pa ñid rab tu ’byed ciṅ ’di las thams cad mkhyen pa ñid btsal bar bgyi’o ||
bcom ldan ’das ’di lta ste dper na rin po che daṅ rin po che chen po gaṅ yaṅ ruṅ ba de dag (2) thams cad ni rgya mtsho chen pos rab tu phye ba lags | de dag thams cad ni rgya mtsho chen po las btsal bar bgyi ba lags so ||
bcom ldan ’das de bźin du thams cad mkhyen pa ñid kyi rin po che chen po ni de bźin gśegs pa dgra bcom pa yaṅ dag par rdzogs pa’i saṅs rgyas (3) rnams kyi śes rab kyi pha rol tu phyin pa’i rgya mtsho chen po las btsal bar bgyi’o ||
de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | de bźin gśegs pa dgra bcom pa (4) yaṅ dag par rdzogs pa’i saṅs rgyas rnams kyi thams cad mkhyen pa ñid kyi rin po che chen po ni ’di lta ste śes rab kyi pha rol tu phyin pa’i rgya mtsho chen po ’di las skyes so ||
de nas bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das (5) ni sbyin pa’i pha rol tu phyin pa’i bsṅags pa mi gsuṅ źiṅ miṅ yoṅs su mi sgrogs | tshul khrims kyi pha rol tu phyin pa’i ma lags | bzod pa’i pha rol tu phyin pa’i ma lags | brtson ’grus kyi pha rol tu phyin pa’i ma lags | bcom ldan ’das ni bsam gtan gyi pha (6) rol tu phyin pa’i bsṅags pa mi gsuṅ źiṅ miṅ yoṅs su me sgrogs kyi | ’on kyaṅ bcom ldan ’das ni śes rab kyi pha rol tu phyin pa gcig pu ñid kyi bsṅags pa yoṅs su gsuṅ ba daṅ miṅ yoṅs su sgrogs par mdzad do ||
bcom ldan ’das kyis bka’ stsal pa | de de bźin no (7) kun dga’ bo de de bźin te | kun dga’ bo ṅa ni śes rab kyi pha rol tu phyin pa kho na’i bsṅags pa smra ba daṅ miṅ yoṅs su sgrogs kyi pha rol tu phyin pa gźan gyi ni ma yin no ||
de ci’i phyir źe na | kun dga’ bo śes rab kyi pha rol tu phyin pa ni pha rol tu phyin pa lṅa po rnams kyi sṅon du ’gro ba ste (46a1) des na pha rol tu phyin pa’i miṅ ’thob bo ||
kun dga’ bo de ci sñam du sems thams cad mkhyen pa ñid du yoṅs su ma bsṅos pa’i sbyin pas sbyin pa’i pha rol tu phyin pa źes bya ba’i miṅ ’thob par ’gyur ram | kun dga’ bos gsol pa | bcom ldan ’das de ni ma lags (2) so ||
bcom ldan ’das kyis bka’ stsal pa | kun dga’ bo de ci sñam du sems de bźin du yoṅs su ma bsṅos pa’i tshul khrims daṅ yoṅs su ma bsṅos pa’i bzod pa daṅ yoṅs su ma bsṅos pa’i brtson ’grus daṅ yoṅs su ma bsos pa’i bsam gtan rnams daṅ | kun (3) dga’ bo ’di ci sñam du sems thams cad mkhyen pa ñid du yoṅs su ma bsṅos pa’i śes rab kyis śes rab kyi pha rol tu phyin pa źes bya ba’i miṅ ’thob par ’gyur ram | kun dga’ bos gsol pa | bcom ldan ’das de ni ma lags so ||
bcom ldan ’das kyis bka’ stsal (4) pa | kun dga’ bo ’di ci sñam du sems dge ba’i rtsa ba rnams thams cad mkhyen pa ñid du yoṅs su bsṅo bas yoṅs su sṅo bar byed pa’i śes rab gaṅ yin pa de bsam gyis mi khyab pa yin nam | kun dga’ bos gsol pa | bcom ldan ’das de de bźin te | bcom ldan (5) ’das dge ba’i rtsa ba rnams thams cad mkhyen pa ñid du yoṅs su bsṅo bas yoṅs su sṅo bar byed pa’i śes rab gaṅ lags pa de ni bsam gyis mi khyab pa’o ||
bcom ldan ’das de ni mchog tu bsam gyis mi khyab bo ||
bcom ldan ’das kyis bka’ stsal pa | kun dga’ bo de (6) lta bas na de ltar dam pa yin pa’i phyir de ni śes rab kyi pha rol tu phyin pa źes bya ba’i miṅ ’thob par ’gyur te | gaṅ gis dag pa’i rtsa ba thams cad mkhyen pa ñid du yoṅs su bsṅos pa rnams pha rol tu phyin pa’i miṅ ’thob bo ||
kun dga’ bo de lta bas na dge ba’i rtsa ba rnams thams (7) cad mkhyen pa ñid du yoṅs su bsṅos pa’i phyir śes rab kyi pha rol tu phyin pa ni pha rol tu phyin pa lṅa’i sṅon du ’gro źiṅ ’dren pa yoṅs su ’dren pa’o ||
tshul ’dis pha rol tu phyin pa lṅa ni śes rab kyi pha rol tu phyin pa kho na’i naṅ du ’dus so ||
kun dga’ bo ’di lta ste śes rab kyi pha rol (46b1) tu phyin pa źes bya ba ni pha rol tu phyin pa drug yoṅs su rdzogs pa’i tshig bla dgas so ||
kun dga’ bo de lta bas na śes rab kyi pha rol tu phyin pa yoṅs su bsgrags na pha rol tu phyin pa drug po thams cad yoṅs su bsgrags par ’gyur ro ||
kun dga’ bo ’di lta ste dper na sa chen po (2) la sa bon btab pa tshogs pa daṅ phrad na skye bar ’gyur te | sa chen po ni sa bon de dag gi gźi yin pas sa chen po la brten nas sa bon de dag skye bar ’gyur ro ||
kun dga’ bo de bźin du pha rol tu phyin pa lṅa ni śes rab kyi pha rol tu phyin pas yaṅ dag par bzuṅ bas thams cad (3) mkhyen pa ñid la brten pa yin te | śes rab kyi pha rol tu phyin pa la brten nas pha rol tu phyin pa lṅa skye bar ’gyur ro ||
śes rab kyi pha rol tu phyin pas yoṅs su bzuṅ ba’i phyir pha rol tu phyin pa źes bya ba’i miṅ ’thob par ’gyur ro ||
kun dga’ bo de lta bas na śes rab kyi (4) pha rol tu phyin pa ’di ñid pha rol tu phyin pa lṅa’i sṅon du ’gro źiṅ ’dren pa yoṅs su ’dren pa’o ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das re śig śes rab kyi pha rol tu phyin pa bzuṅ źiṅ bcaṅs pa daṅ klags pa (5) daṅ kun chub par bgyis pa daṅ rab tu bton pa daṅ bstan pa daṅ ñe bar bstan pa daṅ luṅ phog pa daṅ kha ton du bgyis pas rigs kyi bu ’am rigs kyi bu mos yon tan gaṅ dag yoṅs su ’dzin par ’gyur ba śes rab kyi pha rol tu phyin pa’i yon tan ’di dag thams cad de bźin (6) gśegs pa dgra bcom pa yaṅ dag par rdzogs pa’i saṅs rgyas kyis yoṅs su bsgrags pa ni ma lags te | ’on kyaṅ gaṅ źig bdag gis bcom ldan ’das kyi thad nas śes rab kyi pha rol tu phyin pa ’di’i phyogs gcig bzuṅ źiṅ rab tu bton pa’i lags so ||
bcom ldan (7) ’das kyis bka’ stsal pa | kau śi ka legs so legs so ||
kau śi ka yaṅ gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa de dag ñid (47a1) ’ba’ źig la yon tan ’di dag ’byuṅ ba ’ba’ źig tu ni ma zad kyi | kau śi ka rigs kyi bu ’am rigs kyi bu mo gaṅ gis yaṅ saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | (2) tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar śes rab kyi pha rol tu phyin pa ’di bris nas glegs bam du chud par byas te ’chaṅ ṅam bźag la | śes rab kyi pha rol tu phyin pa de la me tog daṅ bdug (3) pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ bdag daṅ mchod pa rnam pa maṅ po dag gis mchod par byed de | bkur stir byed bla mar byed rjed par byed mchod par byed ri mor byed bsñen (4) bkur byed na | kau śi ka rigs kyi bu ’am rigs kyi bu mo de’i yaṅ tshe ’di ñid kyi yon tan ṅas bśad pa yin no ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das bdag gis kyaṅ (5) gaṅ źig saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bgyi ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa bgyis par ’gyur bar (6) śes rab kyi pha rol tu phyin pa ’di bris nas glegs bam du chud par bgyis te ’chaṅ ṅam bźag la | śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar (7) me’i phreṅ ba dag daṅ mchod pa rnam pa maṅ po dag gis mchod par bgyid de | bkur stir bgyid bla mar bgyid rjed par bgyid mchod par bgyid ri mor bgyid bsñen bkur bgyid pa’i rigs kyi bu ’am rigs kyi bu mo de la bsruṅ ba daṅ bskyab pa daṅ sba ba bgyid par ’gyur na | gaṅ śes (47b1) rab kyi pha rol tu phyin pa ’di ’dri ba daṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du bgyid pa daṅ me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs (2) daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ po dag gis kyaṅ mchod par bgyid de | bkur stir bgyid bla mar bgyid rjed par bgyid mchod par bgyid ri mor bgyid bsñen bkur bgyid pa lta smos kyaṅ ci ’tshal | bcom (3) ldan ’das kyis bka’ stsal pa | kau śi ka legs so legs so ||
kau śi ka yaṅ rigs kyi bu ’am rigs kyi bu mo de śes rab kyi pha rol tu phyin pa ’di kha ton du byed pa na de ñid du lha’i bu brgya phrag maṅ po ’oṅ bar ’gyur | lha’i bu stoṅ phrag maṅ po daṅ lha’i bu brgya stoṅ phrag maṅ po rnams (4) chos ñan pa’i phyir ñe bar ’oṅ bar ’gyur ro ||
lha’i bu de dag chos ñan pa na chos smra ba de’i spobs pa ñe bar sgrub po sñam du sems par ’gyur ro ||
gaṅ gi tshe yaṅ chos smra ba de mi smra bar ’dod par gyur pa de’i tshe yaṅ lha’i bu de dag gis chos la gus pa de ñid kyis rigs kyi bu (5) ’am rigs kyi bu mo de ji ltar sma ba ñid du ’dun pa de ltar spobs pa ñe bar bsgrub par sems so ||
kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa (6) daṅ luṅ ’bogs pa daṅ | kha ton byed par ’gyur ba de dag tshe ’di la yon tan ’di dag kyaṅ yoṅs su ’dzin par ’gyur ro ||
kau śi ka gźan yaṅ rigs kyi bu ’am rigs kyi bu mo de śes rab kyi pha rol tu phyin pa ’di ’chad pa na ṅa la klan ka tshol ba’i bsam pas ’ga’ źig rgol na mi (7) ruṅ ṅo sñam du ’khor gyi mdun du sems źum par mi ’gyur ro ||
de ci’i phyir źe na | ’di ltar de la śes rab kyi pha rol tu phyin pas bsruṅ ba daṅ bskyab pa daṅ sba ba byed de śes rab kyi pha rol tu phyin pa la gnas pa des ni klan ka tshol ba yaṅ yaṅ dag par rjes su mi mthoṅ ṅo ||
śes rab (48a1) kyi pha rol tu phyin pa la gnas pas ni klan ka tshol bar byed pa yaṅ yaṅ dag par rjes su mi mthoṅ ṅo ||
gaṅ la klan ka btsal bar bya ba de yaṅ yaṅ dag par rjes su mi mthoṅ ṅo ||
śes rab kyi pha rol tu phyin pa de yaṅ yaṅ dag par rjes su mi mthoṅ ste | de ltar (2) śes rab kyi pha rol tu phyin pas yoṅs su bzuṅ pa’i rigs kyi bu ’am rigs kyi bu mo la rnam graṅs ’dis rgol ba gaṅ yaṅ mi ’byuṅ ṅo ||
de yaṅ mi dṅaṅ kun tu mi skrag kun tu skrag pa daṅ ldan par mi byad do ||
kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa (3) ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed par ’gyur ba des tshe ’di la yon tan ’di dag kyaṅ yoṅs su ’dzin par ’gyur ro ||
kau śi ka gźan yaṅ rigs kyi bu ’am rigs kyi bu mo dag (4) pha ma daṅ mdza’ bo daṅ blon po daṅ gñen bśes daṅ snag gi gñen mtshams rnams daṅ dge sbyoṅ daṅ bram ze dag la yid du ’oṅ bar ’gyur ro ||
de pha rol rgol ba byuṅ źiṅ skyes pa dag chos daṅ ldan pas tshar gcod pa la stobs yod ciṅ nus pa yod par ’gyur te | pha rol gyis brgal (5) ba na yaṅ brgal ba la luṅ ston nus par ’gyur ro ||
kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed par (6) ’gyur ba’i rigs kyi bu ’am rigs kyi bu mo des tshe ’di la yon tan ’di dag kyaṅ yaṅs su ’dzin par ’gyur ro ||
kau śi ka yaṅ rigs kyi bu ’am rigs kyi bu mo de sa phyogs gaṅ du śes rab kyi pha rol tu phyin pa ’di bris nas glegs bam du chud par byas te mchod pa sṅon du ’gro bas (7) bźag par ’gyur ba der | kau śi ka rgyal chen bźi’i ris kyi lha dag gi naṅ na lha’i bu gaṅ yaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di (48b1) glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | (2) bltas śiṅ phyag byas nas ’dud pa byas gzuṅ ba byas | bcaṅ ba byas klag pa byas kun chub par byas rab tu gdon par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka sum cu rtsa gsum pa’i lha dag gi naṅ na lha’i (3) bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der bod par sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur (4) ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun (5) chub par byas rab tu ’don par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka ’thab bral gyi lha dag gi naṅ na lha’i bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der ñe bar (6) ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chad par ’gyur klog par ’gyur kun chub par byed par ’gyur rab tu ’don par ’gyur ston par (7) ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar (49a1) sems so ||
kau śi ka dga’ ldan gyi lha dag gi naṅ na lha’i bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chud (2) pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ (3) phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka ’phrul dga’i lha dag gi naṅ na lha’i bu gaṅ su dag bla na med pa yaṅ (4) dag par rdzogs pa’i byaṅ chub tu yaṅ dag par źugs pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog (5) par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par (6) byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka gźan ’phrul dbaṅ byed kyi lha dag gi naṅ na lha’i bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der ’oṅ bar sems te | de dag kyaṅ (7) der ’oṅs nas śes rab kyi pha rol tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ (49b1) ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka de (2) bźin du gzugs na spyod pa’i lha rnams la lha’i bu gaṅ ji sñed yod pa nas tshaṅs pa’i ’jig rten na tshaṅs ris kyi lha’i bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol (3) tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed (4) par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas luṅ phog ciṅ kha ton byas te yaṅ phyir ’gro bar sems so ||
kau śi ka khyod kyis ’dir tshaṅs ris pa ñid ji lta (5) ba de bźin du ni mi bsam ste | tshaṅs ris pa ji lta ba de bźin du tshaṅs pa’i mdun na ’don gyi lha dag gi naṅ na lha’i bu gaṅ su dag yod pa yaṅ sṅa ma bźin sbyar ro ||
de bźin du tshaṅs pa chen po daṅ | ’od chuṅ daṅ tshad med ’od daṅ ’od gsal daṅ dge chuṅ daṅ tshad med dge daṅ dge (6) rgyas daṅ sprin med daṅ bsod nams ’phel daṅ ’bras bu che daṅ ’du śes med pa’i sems can daṅ mi che ba daṅ mi gduṅ ba daṅ gya nom snaṅ daṅ śin tu mthoṅ daṅ | kau śi ka ’og min gyi lha dag gi naṅ na lha’i bu gaṅ su dag bla na med pa yaṅ dag par rdzogs pa’i byaṅ chub tu yaṅ dag par źugs (7) pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chud pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par (50a1) ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas (2) luṅ phog ciṅ kha ton byas te yaṅ phyir ’gro bar sems so ||
kau śi ka rigs kyi bu ’am rigs kyi bu mo des sems ’di ltar bskyed par bya ste | gaṅ su dag phyogs bcu’i ’jig rten gyi khams gźal du med graṅs med pa dag na yod pa’i lha daṅ klu daṅ gnod sbyin daṅ dri za daṅ (3) lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi ma yin pa de dag la | glegs bam ’di las śes rab kyi pha rol tu phyin pa la ltos śig phyag ’tshol cig ’dud pa gyis śig zuṅ śig choṅs śig lhogs śig kun chub par gyis śig rab tu thon cig ston cig (4) ñe bar ston cig luṅ phog śig kha ton gyis śig | bltas śiṅ phyag byas te ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston par byas luṅ phog ciṅ kha ton byas nas yaṅ phyir bdag ñid kyi gnas su deṅs śig (5) de dag la chos kyi sbyin pa ’di ñid byin par gyur cig ces bsam par bya’o ||
kau śi ka ’di la khyod ’di sñam du giṅ chen po bźi pa’i ’jig rten gyi khams ’di ñid kyi ’dod pa na spyod pa daṅ gzugs na spyod pa’i lha’i bu gaṅ dag bla na med pa yaṅ dag par rdzogs pa’i byaṅ chub tu yaṅ dag par (6) źugs pa de dag ñid ’ba’ źig der ’oṅ ba sñam du sems par gyur na mi ruṅ ste kau śi ka de ltar mi blta’o ||
kau śi ka ’on kyaṅ yaṅ stoṅ gsum gyi stoṅ chen po’i ’jig rten gyi khams na ’dod pa na spyod pa daṅ gzugs na spyod pa’i lha’i bu gaṅ su dag bla na med pa yaṅ dag par rdzogs pa’i byaṅ chub tu (7) yaṅ dag par źugs pa ci sñed yod pa de dag kyaṅ der ’oṅ bar sems te | de dag kyaṅ der ’oṅs nas śes rab kyi pha rol tu phyin pa ’di glegs bam du chad pa la lta bar ’gyur phyag ’tshal bar ’gyur ’dud pa byed par ’gyur ’dzin par ’gyur ’chaṅ bar ’gyur klog par ’gyur kun chub par (50b1) byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur te | bltas śiṅ phyag byas nas ’dud pa byas gzuṅ ba byas bcaṅ ba byas klag pa byas kun chub par byas rab tu ’don par byas ston par byas ñe bar ston (2) par byas luṅ phog ciṅ kha ton byas te yaṅ phyir ’gro bar sems so ||
kau śi ka yaṅ rigs kyi bu ’am rigs kyi bu mo de’i khyim daṅ gnas khaṅ daṅ khaṅ bzaṅs kyaṅ śin tu bsruṅs par ’gyur źiṅ sṅon gyi las kyi rnam par smin pa ma gtogs par de la su yaṅ ’tshe ba byed par yaṅ mi (3) ’gyur te | kau śi ka de ltar der gzi brjid che ba gzi brjid che ba źes bya ba’i lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi ma yin pa dag ’oṅ bar sems pas so ||
kau śi ka rigs kyi bu ’am rigs kyi bu mo des tshe (4) ’di la yon tan ’di dag kyaṅ yoṅs su ’dzin par ’gyur ro ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das yaṅ rigs kyi bu ’am rigs kyi bu mo des ’di ltar lha ’am klu ’am gnod sbyin nam (5) dri za ’am lha ma yin nam nam mkha’ ldiṅ ṅam mi ’am ci ’am lto ’phye chen po ’am mi ’am mi ma lags pa rnams | śes rab kyi pha rol tu phyin pa ’di la mñan pa daṅ blta ba daṅ phyag bgyi ba daṅ ’dud pa bgyi ba daṅ gzuṅ ba daṅ bcaṅ ba daṅ klag pa daṅ kun chub par bgyi ba daṅ rab tu (6) ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa’i slad du der mchis par ci ltar ’tshal bar bgyi | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka gal te rigs kyi bu (7) ’am rigs kyi bu mos der snaṅ ba chen po dag mthoṅ na de la ’dir ṅes par lha ’am klu ’am gnod sbyin nam dri za ’am lha ma yin nam nam mkha’ ldiṅ ṅam mi ’am ci ’am lto ’phye chen po ’am mi ’am mi ma yin pa dag ’oṅs śiṅ lhags pa yin no źes rigs kyi bu ’am rigs kyi bu mo des śes (51a1) par bya’o ||
kau śi ka gźan yaṅ rigs kyi bu ’am rigs kyi bu mo des mi ma yin pa’i dri sṅon chad ma bsnams pa bro bar gyur na | dri de tshor nas de la ’dir des par lha ’am klu ’am gnod sbyin nam dri za ’am lha ma yin nam nam mkha’ ldiṅ ṅam mi ’am ci ’am lto ’phye (2) chen po ’am mi ’am mi ma yin pa ’oṅs śiṅ lhags pa yin no źes rigs kyi bu ’am rigs kyi bu mo des śes par bya’o ||
kau śi ka gzan yaṅ gal te rigs kyi bu ’am rigs kyi bu mo da kun tu spyod pa gzob par ’gyur kun tu spyod pa gtsaṅ bar ’gyur te | de kun du spyod pa gzob pa (3) daṅ kun tu spyod pa gtsaṅ ba des lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa dag der ’oṅ bar sems so ||
der lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ (4) lto ’phye chen po daṅ mi daṅ mi ma yin pa gaṅ dag der ’oṅs par gyur pa de dag kun tu spyod pa gzob pa daṅ kun tu spyod pa gtsaṅ ba des yi raṅs śiṅ rab tu dga’ ste mgu ba daṅ yid bde ba skye bar ’gyur ro ||
de nas gzi brjid chuṅ ba gzi brjid chuṅ ba’i lha gaṅ dag gnas pa de dag (5) kyaṅ de nas ’byol bar sems so ||
de ci’i phyir źe na | lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa gzi brjid chen po gzi brjid chen po de dag ñid kyi dpal daṅ gzi brjid daṅ btsun pa mi bzod pas | (6) de ltar lha gzi brjid chuṅ ba gzi brjid chuṅ ba de dag ’byol bar sems so ||
kau śi ka yaṅ ci lta ci ltar lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa gzi brjid che ba gzi brjid che ba de dag rtag tu ’oṅ bar sems (7) pa de lta de ltar rigs kyi bu ’am rigs kyi bu mo ṅa yaṅ daṅ pa maṅ bar ’gyur te | kau śi ka rigs kyi bu ’am rigs kyi bu mo des tshe ’di la yon te na ’di dag kyaṅ yoṅs su ’dzin par ’gyur ro ||
kau śi ka yaṅ rigs kyi bu ’am rigs kyi bu mo des de la bla mar bya ba daṅ gus par bya ba daṅ yoṅs (51b1) su rdzogs par bya ba’i phyir chos kyi tshul gyi gnas de’i khor yug tu mi gtsaṅ ba daṅ mi gzob pa’i kun tu spyod pa la ’jug par mi bya’o ||
kau śi ka gźan yaṅ rigs kyi bu ’am rigs kyi bu mo de lus ṅal ba daṅ sems ṅal bar mi ’gyur | de bde bar ñal bar byed par ’gyur | (2) bde bar ’gro bar ’gyur | gñid kyis log na yaṅ sdig pa’i rmi lam mthoṅ bar mi ’gyur | mthoṅ na yaṅ de bźin gśegs pa dgra bcom pa yaṅ dag par rdzogs pa’i saṅs rgyas rnams ñid mthoṅ bar ’gyur mchod rten rnams ñid mthoṅ bar ’gyur | byaṅ chub sems (3) dpa’ rnams ñid mthoṅ bar ’gyur | de bźin gśegs pa’i ñan thos rnams ñid mthoṅ bar ’gyur | sgra thos na yaṅ pha rol tu phyin pa’i sgra dag ñid thos par ’gyur | byaṅ chub kyi phyogs ñid kyi chos rnams thos par ’gyur | byaṅ chub kyi śiṅ dag ñid mthoṅ bar ’gyur | (4) de dag tu yaṅ de bźin gśegs pa dgra bcom pa yaṅ dag par rdzogs pa’i saṅs rgyas mṅon par rdzogs par ’tshaṅ rgya ba dag ñid mthoṅ bar ’gyur | de bźin du mṅon par rdzogs par saṅs rgyas pa rnams chos kyi ’khor lo skor ba mthoṅ bar ’gyur | śes rab kyi pha rol tu phyin (5) pa bgro ba la dga’ ba’i byaṅ chub sems dpa’ sems dpa’ chen po maṅ po dag śes rab kyi pha rol tu phyin pa ’di ñid bgro bar byed pa daṅ | ’di ltar thams cad mkhyen pa ñid yoṅs su gzuṅ bar bya ’di ltar saṅs rgyas kyi źiṅ yoṅs su sbyaṅ bar bya’o źes thabs mkhas pa ñe bar ston pa (6) mthoṅ bar ’gyur ro ||
saṅs rgyas bcom ldan ’das mṅon par byaṅ chub pa’i sgra rgya chen po yaṅ thos par ’gyur ro ||
phyogs gag ge mo źig daṅ phyogs kyi cha gag ge mo źig daṅ ’jig rten gyi khams gag ge mo źig na de bźin gśegs pa dgra bcom pa yaṅ dag par rdzogs (7) pa’i saṅs rgyas che ge mo źes bya ba de ñan thos daṅ byaṅ chub sems dpa’ maṅ po daṅ ñan thos daṅ byaṅ chub sems dpa’ brgya phrag maṅ po daṅ | ñan thos daṅ byaṅ chub sems dpa’ stoṅ phrag maṅ po daṅ | ñan thos daṅ byaṅ chub sems dpa’ brgya stoṅ phrag maṅ po daṅ | ñan thos daṅ (52a1) byaṅ chub sems dpa’ bye ba brag maṅ po daṅ | ñan thos daṅ byaṅ chub sems dpa’ bye ba brgya phrag maṅ po daṅ | ñan thos daṅ byaṅ chub sems dpa’ bye ba stoṅ phrag maṅ po daṅ | ñan thos daṅ byaṅ chub sems dpa’ bye ba brgya stoṅ phrag maṅ po daṅ | ñan thos (2) daṅ byaṅ chub sems dpa’ bye ba khrag khrig brgya stoṅ phrag maṅ bos yoṅs su bskor ciṅ mdun du byas te chos ston to źes saṅs rgyas kyi sgra rlabs po che yaṅ thos par ’gyur ro ||
kau śi ka yaṅ rigs kyi bu ’am rigs kyi bu mo des de lta bu’i tshul gyi rmi lam ’di dag mthoṅ bar ’gyur te | (3) de bde bar ñal bar ’gyur bde bar sad par ’gyur lus kyi naṅ du mdaṅs rab tu bcug zas śin tu bde ba myoṅ bar ’gyur yaṅ źiṅ yaṅ pa ñid myoṅ bar ’gyur | de la ma ’os par kha zas la brkam pa’i sems kyi rgyud mi skye bar ’gyur kha zas kyi ’du śes chuṅ bar ’gyur te | kau śi (4) ka dper na dge sloṅ rnal ’byor spyod pa tiṅ ṅe ’dzin las laṅs pa’i sems yid la byed pas yoṅs su brlan pas kha zas la brkam pa drag po mi ’byuṅ źiṅ zas la ’du śes chuṅ bar ’gyur ba de bźin du | k-i.au śi ka rigs kyi bu ’am rigs kyi bu mo de la yaṅ ka zas la brkam pa (5) drag po mi ’byuṅ bar ’gyur te | de zas kyi ’du śes chuṅ bar ’gyur ro ||
de ci’i phyir źe na | kau śi ka de ni ’di ltar rigs kyi bu ’am rigs kyi bu mo ji ltar yaṅ śes rab kyi pha rol tu phyin pa la bsgom pa’i rnal ’byor la brtson pa de ltar de’i lus la mi ma yin pa dag mdaṅs ñe bar bsgrub par (6) sems par ’gyur ro ||
kau śi ka rigs kyi bu ’am rigs kyi bu mo de mthoṅ ba’i chos la yon tan ’di dag kyaṅ yoṅs su ’dzin par ’gyur ro ||
kau śi ka gźan yaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di bris te glegs bam du chud par byas nas (7) mchod pa sṅon du ’gro bas bźag ste mchod par byed la | ’dzin par mi byed ’chaṅ bar mi byed klog par mi byed kun chub par mi byed rab tu ’don par mi byed ston par mi byed ñe bar ston par mi byed luṅ ’bogs par mi byed kha ton du mi byed pa de bas ni kau śi ka rigs kyi bu ’am (52b1) rigs kyi bu mo ’di ñid bsod nams maṅ du skyed de rigs kyi bu ’am rigs kyi bu mo gaṅ śes rab kyi pha rol tu phyin pa ’di la mṅon par dad de rtog ciṅ mos la sems daṅ bas byaṅ chub tu sems bskyed nas | lhag pa’i bsam pas ñan pa daṅ ’dzin pa daṅ ’chaṅ ba daṅ klog pa (2) daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ gźan dag la yaṅ rgya cher yaṅ dag par ston pa daṅ de’i don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod (3) par byed pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa byas par ’gyur bar chuṅ ṅu (4) na glegs bam du chud par byas te ’chaṅ dam bźag la | śes rab kyi pha rol tu phyin pa de la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug tu mar me’i phreṅ ba dag daṅ mchod pa rnam pa maṅ (5) po dag gis kyaṅ mchod par byed de | śes rab kyi pha rol tu phyin pa la bkur stir byed bla mar byed rjed par byed mchod par byed ri mor byed bsñen bkur byed na | kau śi ka rigs kyi bu ’am rigs kyi bu mo de ñid de bas gźi de la bsod nams ches maṅ du bskyed par ’gyur te | kau śi (6) ka de lta bas na ’di ltar tshe ’di la yon tan khyad par can ’di dag yoṅs su ’dzin par ’dod pa’i rigs kyi bu ’am rigs kyi bu mos śes rab kyi pha rol tu phyin pa ’di ñid la mṅon par dad par bya rab tu brtag par bya lhag par mos par bya sems daṅ bas byaṅ chub tu sems bskyed nas | (7) lhag pa’i bsam pas mñan par bya gzuṅ bar bya bcaṅ bar bya klag par bya kun chub par bya rab tu gdon par bya bstan par bya ñe bar bstan par bya luṅ dpog par bya kha ton du bya gźan dag la yaṅ rgya cher yaṅ dag par bstan par bya de’i don rnam par dgrol bar bya yid kyis rjes su (53a1) brtag par bya ci ltar grub pa’i śes rab kyis ’dir yoṅs su dpyad par bya | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun riṅ du gnas par bya ba daṅ | tshul daṅ ma bral bas byaṅ chub sems dpa’ sems (2) dpa’ chen po rnams la phan gdags pa bsgrub pa byas par ’gyur bar chuṅ ṅu na glegs bam du chud par byas te bcad źiṅ gźag par bya’o ||
don du gñer ba’i rigs kyi bu ’am rigs kyi bu mo de dag la yaṅ dag par bgo bar bya’o ||
bdag daṅ sems can dge ba gźan dag (3) la saṅs rgyas kyi tshul spyan chen po daṅ ma bral bar ’gyur ro źes de la lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma daṅ lha’i na bza’ daṅ lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ khor yug tu lha’i mar me’i phreṅ (4) ba dag daṅ mchod pa rnam pa maṅ po dag gis kyaṅ rtag tu mchod par bya ste ||
bkur stir bya bla mar bya rjed par bya mchod par bya ri mor bya bsñen bkur bya’o ||
’phags pa śes rab kyi pha rol tu phyin pa brgyad stoṅ pa las | pha rol tu phyin pa daṅ mchod rten la bkur stir byed pa (5) gźal du med pa’i yon tan ’dzin pa’i le’u źes bya ba ste gsum pa’o ||
| gźan yaṅ bcom ldan ’das kyis lha rnams kyi dbaṅ po brgya byin la bka’ stsal pa | kau śi ka gal te khyod la ’dzam bu’i gliṅ ’di de bźin gśegs pa’i skus byur bur yoṅs su bkaṅ (6) ste byin la śes rab kyi pha rol tu phyin pa ’di yaṅ bris te gtad nas de las cha gaṅ ruṅ cig bstabs na cha bźag pa de gñis las kau śi ka khyod cha gaṅ len | brgya byin gyis gsol pa | bcom ldan ’das gal te ’dzam bu’i gliṅ ’di de bźin gśegs pa’i skus byur bur bltam ste (7) stsal la śes rab kyi pha rol tu phyin pa ’di yaṅ bris te gtad nas de las cha gaṅ ruṅ cig bstabs na cha gźag pa de gñis las bcom ldan ’das bdag ni śes rab kyi pha rol tu phyin pa ’di ñid len to ||
de ci’i slad du źe na | ’di lta ste de bźin gśegs pa’i tshul la ri mor bgyi ba’i (53b1) slad du ste | ’di ni de bźin gśegs pa’i yaṅ dag pa’i don gyi sku’o ||
de ci’i slad du źe na | bcom ldan ’das kyis saṅs rgyas bcom ldan ’das rnams ni chos kyi sku yin te | dge sloṅ dag ’di la ni sku dam par ma ’dzin par dge sloṅ dag ṅa ni chos kyi skus yoṅs su (2) rdzogs par ltos śig ces bya ba ’di gsuṅs pas | de bźin gśegs pa’i sku ’di yaṅ yaṅ dag pa’i mthas rab tu phye bar blta ste ’di lta ste śes rab kyi pha rol tu phyin pa’o ||
bcom ldan ’das yaṅ bdag de bźin gśegs pa’i sku de rnams la mi gus pa yaṅ ma lags te | (3) bcom ldan ’das de bźin gśegs pa’i sku de dag la bdag gus pa ñid lags so ||
bcom ldan ’das ’on kyaṅ śes rab kyi pha rol tu phyin pa ’di las de bźin gśegs pa’i sku de dag ’khruṅs te mchod pa brñes so ||
bcom ldan ’das de lta bas na śes rab kyi pha rol (4) tu phyin pa ’di ñid mchod pas de bźin gśegs pa’i sku de rnams la yaṅ mchod pa yoṅs su rdzogs par bgyis par ’gyur ro ||
de ci’i slad du źe na | de bźin gśegs pa’i sku rnams śes rab kyi pha rol tu phyin pa las byuṅ ba’i slad du’o ||
bcom ldan ’das ’di lta (5) ste dper na gaṅ gi tshe bdag chos bzaṅ lha’i mdun sa na bdag ñid kyi lha’i stan la mchis pa de’i tshe lha’i bu dag bdag gi rim gro bgyi ba’i slad du mchi’o ||
gaṅ gi tshe bdag ma mchis par gyur pa de’i tshe yaṅ bdag gi stan gaṅ lags pa der lha’i bu de dag bdag la gus pas stan de la (6) phyag bgyis bskor ba bgyis nas yaṅ slar mchi’o ||
de ci’i slad du źe na | lha rnams kyi dbaṅ po brgya byin stan ’di la mchis nas sum cu rtsa gsum pa’i lha rnams la chos ston pa źes bya ba yin no sñam mo ||
bcom ldan ’das de bźin du dbaṅ che bar grags pa rgyu daṅ rkyen du gyur pa’i (7) śes rab kyi pha rol tu phyin pa yaṅ de bźin gśegs pa dgra bcom pa yaṅ dag par rdzogs pa’i saṅs rgyas kyi thams cad mkhyen pa ñid sgrub par byed pa lags so ||
de bźin gśegs pa’i sku rnams ni thams cad mkhyen pa’i gnas su gyur pa lags kyi de dag ni ye śes skye ba’i rgyur (54a1) gyur pa ma lags rkyen du gyur pa ma lags te | bcom ldan ’das de ltar de bźin gśegs pa’i sku la mchod pa ni thams cad mkhyen pa’i ye śes kyi rgyu las byuṅ ba lags so ||
bcom ldan ’das de lta bas na cha bźag pa de gñis las bcom ldan ’das bdag (2) ni śes rab kyi pha rol tu phyin pa ’di ñid len to ||
bcom ldan ’das bdag de bźin gśegs pa’i sku de rnams la mi gus pa yaṅ ma lags te | bcom ldan ’das de bźin gśegs pa’i sku de dag la bdag gus pa ñid lags so ||
’on kyaṅ de bźin gśegs pa’i sku dag ni (3) śes rab kyi pha rol tu phyin pas yoṅs su bsgos pas mchod pa brñes so ||
bcom ldan ’das yaṅ ’dzam bu’i gliṅ de bźin gśegs pa’i skus byur bur bltam pa lta źog | gliṅ chen po bźi pa’i ’jig rten gyi khams de bźin gśegs pa’i skus byur bur bltam pa lta źog | (4) stoṅ gi ’jig rten gyi khams de bźin gśegs pa’i skus byur bur bltam pa lta źog | stoṅ gñis pa bar ma’i ’jig rten gyi khams de bźin gśegs pa’i skus byur bur bltam pa lta źog | bcom ldan ’das stoṅ gsum gyi stoṅ chen po’i ’jig rten gyi khams ’di ñid de bźin (5) gśegs pa’i skus byur bur bltam ste cha gcig tu bgyis te bźag la śes rab kyi pha rol tu phyin pa ’di yaṅ bris la cha gñis par bźag ste cha bźag pa ’di gñis las khyod cha gaṅ ’dod pa cig khyer cig ces cha gcig bstabs na | bcom ldan ’das de la bdag ni śes (6) rab kyi pha rol tu phyin pa ’di ñid len to ||
bcom ldan ’das bdag de bźin gśegs pa’i sku de rnams la mi gus pa yaṅ ma lags te bcom ldan ’das de bźin gśegs pa’i sku de dag la bdag gus pa ñid lags so ||
’on kyaṅ de bźin gśegs pa’i sku dag kyaṅ (7) śes rab kyi pha rol tu phyin pas yoṅs su bsgos pas mchod pa brñes so ||
de bźin gśegs pa’i sku rnams ni thams cad mkhyen pa’i ye śes kyi gnas su gyur pa lags la thams cad mkhyen pa’i ye śes de yaṅ śes rab kyi pha rol tu phyin pa las ṅes par ’byuṅ ba lags so ||
(54b1) bcom ldan ’das de lta bas na cha bźag pa de gñis las bcom ldan ’das bdag ni śes rab kyi pha rol tu phyin pa ’di ñid len to ||
bcom ldan ’das bdag de bźin gśegs pa’i sku la gus par mi bgyid pa yaṅ ma lags te bcom ldan ’das bdag de bźin gśegs pa’i sku de dag (2) la gus pa ñid lags so ||
bcom ldan ’das ’on kyaṅ śes rab kyi pha rol tu phyin pa ’di las de bźin gśegs pa’i sku de dag kyaṅ ’khruṅs te | de bźin gśegs pa’i sku de dag mchod pa brñes pa ni ’di lta ste śes rab kyi pha rol tu phyin pas yoṅs su bsgos pa lags (3) pa’i slad du’o || ||
śes rab kyi pha rol tu phyin pa brgyad stoṅ pa | bam po lṅa pa | bcom ldan ’das ’di lta ste dper na rin thaṅ ma mchis pa’i nor bu rin po che yon tan ’di lta bu’i ṅo bo ’di dag daṅ ldan pa źig mchis te | ’di lta ste de gaṅ daṅ (4) gaṅ du bźag pa de daṅ der mi daṅ mi ma lags pa dag gis glags rñed par mi ’gyur | gaṅ daṅ gaṅ du skyes pa ’am bud med la la mi ma lags pas zin pa de daṅ der nor bu rin po che chen po de stsal ma thag tu mi ma lags pa de de nas ’byer | bser mas gzir ciṅ (5) rgyas pa’i lus la nor bu rin po che bźag na yaṅ de’i bser ma de tshar gcod de mi ’phel ba daṅ źi bar bgyid mkhris pas tsha bar gyur pa’i lus la bźag na yaṅ de’i mkhris pa de yaṅ tshar gcod de mi ’phel ba daṅ źi bar bgyid | bad kan gyis yoṅs su rgyas śiṅ kun tu gzir (6) ba’i steṅ du bźag na yaṅ de’i bad kan de yaṅ tshar gcod de mi ’phel ba daṅ źi bar bgyid | ’dus pa’i nad kyis sdug bsṅal ba’i lus pa bźag na yaṅ de’i ’dus pa’i nad de yaṅ tshar gcod de mi ’phel ba daṅ źi bar bgyid | mtshan mo mun pa mun nag gi naṅ du ni snaṅ bar (7) bgyid | tsha ba’i tshe na yaṅ sa phyogs gaṅ du bźag pa’i sa phyogs de bsil bar ’gyur | graṅ ba’i tshe na yaṅ sa phyogs gaṅ du bźag pa’i sa phyogs de dro bar ’gyur ro ||
sa phyogs gaṅ na sbrul gdug pa mchis pa daṅ de bźin du srog chags phra mo gźan dag mchis pa’i (55a1) sa phyogs der ’dzin ciṅ bźag na sbrul gdug pa de dag daṅ srog chags phra mo de dag kyaṅ ’byor ro ||
bcom ldan ’das gal te skyes pa’am bud med sbrul gdug pas zin na de la nor bu rin po che de bstan na nor bu rin po che de mthoṅ ma thag tu de’i dug bcom nas (2) ma mchis par ’gyur te | bcom ldan ’das nor bu rin po che de yaṅ yon tan de dag daṅ de lta bu’i ṅo bo gźan dag daṅ yaṅ ldan no ||
bcom ldan ’das gaṅ su dag mig la chu bur ram rab rib bam mig nad dam liṅ tog byuṅ na de dag gi mig gi steṅ du nor bu rin po che de bźag na (3) de dag la bźag ma thag tu mig gi skyon de dag byaṅ źiṅ źi bar ’gyur te | bcom ldan ’das nor bu rin po che de yon tan de dag daṅ de lta bu gźan daṅ yaṅ ldan no ||
chab gaṅ gi naṅ du stsal ba’i chab de yaṅ raṅ gi mdog tu mdog gcig par ’gyur | gal te ras dkar pos (4) dkris te chab kyi naṅ du skyal na chab de yaṅ dkar por ’gyur de bźin du gal te ras sṅon po daṅ ser po daṅ dmar po daṅ btson kha daṅ de lta bu dag daṅ gźan dag kyaṅ ruṅ ste ras rnam pa sna tshogs kyi naṅ nas ras gaṅ yaṅ ruṅ pas nor bu rin po che de dkris sam bciṅs te chab kyi naṅ du (5) stsal na ras kyi tshon de daṅ de dag gis chab kyaṅ de daṅ de dag gi raṅ bźin gyi mdog tu ’gyur la | chab de la rñog par gyur pa ci mchis pa de dag kyaṅ daṅ bar ’gyur te | bcom ldan ’das nor bu rin po che de yon tan de lta bu’i ṅo bo dag daṅ ldan no ||
de nas tshe daṅ ldan pa (6) kun dga’ bos lha rnams kyi dbaṅ po brgya byin la ’di skad ces smras so ||
kau śi ka yaṅ ci nor bu rin po che de dag lha’i ’jig rten ’ba’ źig na yod dam ’on te nor bu rin po che de dag ’dzam bu’i gliṅ gi mi rnams la yaṅ yod | brgya byin gyis smras pa | ’phags pa kun dga’ bo (7) nor bu rin po che de dag ni lha’i naṅ na yod de | ’dzam bu’i gliṅ gi mi dag la yaṅ nor bu rin po che yod mod kyi de dag ni lci la chuṅ źiṅ phral yon tan ma rdzogs te de lta bu’i ṅo bo’i yon tan de dag daṅ mi ldan pas | lha’i nor bu rin po che de dag gi brgya’i char yaṅ ñe bar mi ’gro stoṅ gi char (55b1) yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ bgraṅ bar yaṅ dper yaṅ dpes bstan par bya bar yaṅ rten du yaṅ ñe ba’i rgyur yaṅ mi bzod do ||
(2) lha rnams kyi nor bu rin po che gaṅ yin pa de dag ni yaṅ źiṅ yon tan gyi rnam pa thams cad yoṅs su rdzogs pa yin no ||
nor bu rin po che de za ma tog gaṅ gi naṅ du bcug gam phyuṅ na nor bu rin po che de phyuṅ yaṅ des za ma tog de sñiṅ du sdug par ’gyur | nor bu rin po che de’i yon tan de (3) dag gis za ma tog de la śin tu sñiṅ du sdug pa skye’o ||
bcom ldan ’das de bźin du gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas yoṅs su mya ṅan las ’das par gyur kyaṅ de bźin gśegs pa’i sku de dag gis mchod pa brñes pa de ni śes (4) rab kyi pha rol tu phyin pa daṅ thams cad mkhyen pa’i ye śes kyi yon tan lags te | de bźin gśegs pa’i sku ’di dag ni thams cad mkhyen pa’i ye śes kyi snod du gyur pa lags so ||
bcom ldan ’das yaṅ ci lhar saṅs rgyas bcom ldan ’das rnams ’jig rten gyi khams (5) thams cad du chos ston par mdzad pa ni śes rab kyi pha rol tu phyin pa las ’khruṅs pa’i slad du mchod par bgyi ba de bźin du chos smra ba po’i chos ston pa ni śes rab kyi pha rol tu phyin pa las skyes pa’i slad du mchod par bgyi ba lags so ||
bcom ldan ’das dper na rgyal po’i skyes bu (6) ni rgyal po’i mthus skye bo chen po’i tshogs sus kyaṅ mi ’jigs par bkur bar ’gyur ro ||
de bźin du chos smra ba po de chos kyi sku’i mthus skye bo’i tshogs chen po sus kyaṅ mi ’jigs par mchod do ||
ci ltar chos ston pa’i chos smra ba po mchod pa brñes pa de ltar de bźin gśegs pa’i sku (7) ga daṅ de rnams kyis mchod pa brñes so ||
bcom ldan ’das de lta bas na stoṅ gsum gyi stoṅ chen po’i ’jig rten gyi khams de bźin gśegs pa’i skus byur bur bltam pa lta źog | bcom ldan ’das gaṅ yaṅ gaṅ g’i kluṅ gi phye ma sñed kyi ’jig rten gyi khams de dag kyaṅ de (56a1) bźin gśegs pa’i skus byur bur bltam pa cha gcig tu bźag la | śes rab kyi pha rol tu phyin pa ’di bris nas cha gñis par bźag ste | bcom ldan ’das la la źig gis bdag la cha bźag pa ’di gñis las khyod gaṅ ’dod pa cha gcig khyer cig (2) ces bstabs na cha bźag pa de gñis las bdag ni śes rab kyi pha rol tu phyin pa ’di ñid yin to ||
bcom ldan ’das bdag de bźin gśegs pa’i sku de rnams la mi gus pa yaṅ ma lags kyi bcom ldan ’das de bźin gśegs pa’i sku de dag la yaṅ bdag gus pa lags te | (3) bcom ldan ’das ’on kyaṅ thams cad mkhyen pa ñid ni śes rab kyi pha rol tu phyin pa las rab tu phye ba lags la de bźin gśegs pa’i sku la mchod pa ni thams cad mkhyen pa’i ye śes las skyes pa lags so ||
bcom ldan ’das de lta bas na śes rab kyi pha rol tu phyin pa ’di (4) mchod na ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams mchod pa bgyis par ’gyur ro ||
bcom ldan ’das gźan yaṅ ’jig rten gyi khams gźal du ma mchis graṅs ma mchis pa dag na saṅs rgyas bcom ldan ’das rnams da ltar bźugs te ’tsho źiṅ (5) gźes pa de dag chos ñid du lta bar ’dod pa’i rigs kyi bu ’am rigs kyi bu mos śes rab kyi pha rol tu phyin pa ’di la spyad par bgyi’o ||
śes rab kyi pha rol tu phyin pa ’di la rnal ’byor du bgyi’o ||
śes rab kyi pha rol tu phyin pa ’di la bsgom par bgyi’o ||
de skad ces gsol (6) pa daṅ | bcom ldan ’das kyis lṅa rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | kau śi ka ’das pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag byuṅ bar gyur pa de dag kyaṅ (7) kau śi ka śes rab kyi pha rol tu phyin pa ’di ñid la brten te bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
kau śi ka ma ’oṅs pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’byuṅ bar ’gyur ba de (56b1) dag kyaṅ kau śi ka śes rab kyi pha rol tu phyin pa ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
kau śi ka da ltar gyi dus na ’jig rten gyi khams gźal du med graṅs med pa dag na saṅs rgyas bcom ldan (2) ’das gaṅ dag bźugs te ’tsho źiṅ gźes pa de dag kyaṅ kau śi ka śes rab kyi pha rol tu phyin pa ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
kau śi ka da ltar de bźin gśegs pa dgra bcom pa yaṅ dag (3) par rdzogs pa’i saṅs rgyas ṅa yaṅ śes rab kyi pha rol tu phyin pa ’di ñid la brten te bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad (4) ces gsol to ||
bcom ldan ’das ’di lta ste śes rab kyi pha rol tu phyin pa ’di ni pha rol tu phyin pa chen po lags te | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis sems can thams cad kyi sems kyi spyod pa rab tu ma byin ciṅ (5) yaṅ dag par gzigs so ||
bcom ldan ’das kyis bka’ stsal pa | kau śi ka de de bźin no de de bźin te | kau śi ka ’di ltar byaṅ chub sems dpa’ sems dpa’ chen po yun riṅ por śes rab kyi pha rol tu phyin pa la spyad na des sems can thams cad kyi sems kyi spyod pa yaṅ śes (6) rab kyi pha rol tu phyin pas yaṅ dag par śes śiṅ yaṅ dag par mthoṅ ṅo ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ci byaṅ chub sems dpa’ sems dpa’ chen pos śes rab kyi pha rol tu phyin pa ’ba’ źig la (7) spyad kyi pha rol tu phyin pa gźan dag la ma lags sam | bcom ldan ’das kyis bka’ stsal pa | kau śi ka byaṅ chub sems dpa’ sems dpa’ chen po pha rol tu phyin pa drug po thams cad la spyod de | kau śi ka ’on kyaṅ byaṅ chub sems dpa’ sems dpa’ chen po’i śes rab (57a1) kyi pha rol tu phyin pa kho na ’di dag gi sṅon du ’gro ba’o | sbyin pa sbyin par byed pa daṅ tshul khrims sruṅ ba daṅ bzod pa sgrub pa daṅ brtson ’grus rtsom pa dag bsam gtan la mñam par gźog pa daṅ chos la rnam par lta ba’i byaṅ chub sems dpa’ sems dpa’ (2) chen po’i śes rab kyi pha rol tu phyin pa kho na ’di dag gi sṅon du ’gro ba’o ||
kau śi ka pha rol tu phyin pa drug po thabs mkhas pas yoṅs su zin ciṅ śes rab kyi pha rol tu phyin pas yoṅs su bsṅos pa daṅ thams cad mkhyen par yoṅs su bsṅos pa ’di rnams la ni bye brag med ciṅ (3) tha dad du bya ba mi dmigs so ||
kau śi ka ’di lta ste dper na ’dzam bu’i gliṅ gi śiṅ sna tshogs ni kha dog tha dad dbyibs tha dad lo ma tha dad me tog tha dad ’bras bu tha dad chu źeṅ phun sum tshogs pa tha dad kyaṅ śiṅ de dag gi grib ma bye brag med ciṅ tha dad du bya ba mi mṅon te | gźan (4) du na grib ma grib ma źes bya ba’i graṅs su ’gro ba de bźin du | kau śi ka pha rol tu phyin pa drug po thabs mkhas pas yoṅs su zin ciṅ śes rab kyi pha rol tu phyin pas yoṅs su bsṅos pa daṅ thams cad mkhyen par yoṅs su bsṅos pa ’di rnams la ni bye brag med ciṅ tha dad du bya ba (5) mi dmigs sa ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ’di lta ste śes rab kyi pha rol tu phyin pa ’di ni yon tan chen po daṅ ldan no ||
bcom ldan ’das ’di lta ste śes rab kyi (6) pha rol tu phyin pa ’di ni gźal du ma mchis pa’i yon tan daṅ ldan no ||
bcom ldan ’das ’di lta ste śes rab kyi pha rol tu phyin pa ’di ni mu ma mchis pa’i yon tan daṅ ldan no ||
’phags pa śes rab kyi pha rol tu phyin pa brgyad stoṅ pa las | yon tan yoṅs su brjod pa źes (7) bya ba’i le’u ste bźi pa’o || ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa ’di la mṅon par dad de rtog ciṅ mos la (57b1) sems daṅ bas byaṅ chub tu sems bskyed nas | lhag pa’i bsam pas ñan ciṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ gźan dag la yaṅ rgya cher yaṅ dag (2) par ston pa daṅ | ’di’i don rnam par ’grel pa daṅ yid kyis rjes su rtog pa daṅ ci lta bur grub pa’i śes rab kyis ’dir yoṅs su dpyod par bgyid pa daṅ | saṅs rgyas kyi tshul rgyun chad par ma gyur cig dam pa’i chos nub par ma gyur cig ces dam pa’i chos yun (3) riṅ du gnas par bgyi ba daṅ | tshul daṅ ma bral bas byaṅ chub sems dpa’ sems dpa’ chen po rnams la phan gdags pa bsgrub pa bgyis par ’gyur bar chuṅ ṅu na glegs bam du chud par bgyis te ’chad dam ’jog pa daṅ de ltar bstan pa ’di thos nas kye ma śes rab (4) kyi pha rol tu phyin pa ’di ni ’di ltar don che’o ||
kye ma śes rab kyi pha rol tu phyin pa ’di ni ’di ltar phan yon che’o ||
kye ma śes rab kyi pha rol tu phyin pa ’di ni ’di ltar ’bras bu che’o ||
kye ma śes rab kyi pha rol tu phyin pa ’di ni ’di ltar rnam par smin pa che’o ||
kye ma śes (5) rab kyi pha rol tu phyin pa ’di ni ’di ltar yon tan maṅ po daṅ ldan pa ste | śes rab kyi pha rol tu phyin pa ’di ni bdag gis gtad par mi bya’o ||
śes rab kyi pha rol tu phyin pa ’di ni bdag gis bsruṅ bar bya’o ||
śes rab kyi pha rol tu phyin pa ’di ni bdag gis sba bar bya’o ||
(6) śes rab kyi pha rol tu phyin pa ’di ni śin tu rñed par dka’o źes lhag par mos śiṅ | bdag ñid śes rab kyi pha rol tu phyin pa ’di la me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal mtshan daṅ dril bu daṅ ba dan dag daṅ khor yug (7) tu mar me’i phreṅ ba dag daṅ mchod pa rnam pa maṅ po dag gis mchod de | bkur stir bgyid pa daṅ bla mar bgyid pa daṅ rjed par bgyid pa daṅ mchod par bgyid pa daṅ ri mor bgyid pa daṅ bsñen bkur bgyid pa daṅ | yaṅ gźan źig tha na glegs bam du yaṅ chud par bgyis (58a1) nas mchod de | rigs kyi bu ’am rigs kyi bu mo gźan don du gñer źiṅ ’dun nas sloṅ ba la sbyin pa daṅ stob ciṅ ’dul la yoṅs su gtoṅ na | bcom ldan ’das rigs kyi bu ’am rigs kyi bu mo gtoṅ pa’i blo daṅ ldan pa gaṅ lags pa daṅ gtoṅ ba’i (2) blo daṅ mi ldan pa gaṅ lags pa de gñis gaṅ gis bsod nams ches maṅ du skyed | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de’i phyir ’dir khyod ñid la dri ste khyod kyis ci ltar nus pa de (3) bźin du luṅ ston cig | kau śi ka de ji sñam du sems rigs kyi bu ’am rigs kyi bu mo gaṅ de bźin gśegs pa mya ṅan las ’das pa’i sku la bdag ñid kyis bkur stir byas nas bsñen bkur byed ciṅ ’dzin par byed de | bkur stir byed pa daṅ bla mar byed pa daṅ rjed par byed pa (4) daṅ mchod par byed pa daṅ ri mor byed pa daṅ bsñen bkur byed pa daṅ rigs kyi bu ’am rigs kyi bu mo gźan gaṅ źig de bźin gśegs pa’i sku la bdag ñid kyis kyaṅ bkur stir byed bla mar byed rjed par byed mchod par byed ri mor byed bsñen bkur byed la mchod pa rgyas par ’gyur ro sñam (5) pas sems can rnams la yaṅ sñiṅ brtse ba’i phyir gźan dag la yaṅ rgya cher yaṅ dag par ston par byed sbyin par byed kun ’ged par byed na | kau śi ka rigs kyi bu ’am rigs kyi bu mo de gñis gaṅ bsod nams ches maṅ du skyed | ci bdag ñid kyis kyaṅ mchod par byed la (6) gźan dag la yaṅ rgya cher yaṅ dag par ston par byed sbyin par byed kun ’ged par byed pa gaṅ yin pa de ches bsod nams maṅ du skyed dam | ci ’on te gaṅ źig raṅ ñid kho nas bdag ñid so so la mchod pa bsod nams maṅ du skyed | brgya byin gyis gsol pa | bcom ldan (7) ’das rigs kyi bu ’am rigs kyi bu mo gaṅ bdag ñid kyaṅ de bźin gśegs pa’i sku la bkur stir bgyid bla mar bgyid rjed par bgyid mchod par bgyid ri mor bgyid bsñen bkur bgyid la mchod pa rgyas par ’gyur ro sñam pas sems can rnams la glo ba brtse ba’i slad du gźan dag la (58b1) yaṅ rgya cher yaṅ dag par ston par bgyid sbyin par bgyid kun ’ged par bgyid na | ’di gñis las rigs kyi bu ’am rigs kyi bu mo ’di ñid de bas ches bsod nams maṅ du skyed do ||
bcom ldan ’das kyis bka’ stsal pa | kau śi ka de de bźin no de de bźin te | kau (2) śi ka rigs kyi bu ’am rigs kyi bu mo gaṅ de ltar śes rab kyi pha rol tu phyin pa ’di bris nas glegs bam du chud par byas te | ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ | (3) rigs kyi bu ’am rigs kyi bu mo gźan don du gñer źiṅ ’dun nas sloṅ ba dag la | chuṅ ṅu na glegs bam du yaṅ chud par byas te sbyin pa daṅ stob ciṅ ’bul la yoṅs su gtoṅ na kau śi ka rigs kyi bu ’am rigs kyi bu mo de gñis las | rigs kyi bu ’am rigs kyi bu mo gźan rjes (4) su ’dzin par byed pa yoṅs su gtoṅ ba’i blo daṅ ldan pa ’di ñid gźi de las ches bsod nams maṅ du skyed do ||
kau śi ka gźan yaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di’i snod du gyur pa’i rigs kyi bu ’am rigs kyi bu mo gaṅ daṅ gaṅ na ’dug pa de (5) daṅ der soṅ ste de rnams la śes rab kyi pha rol tu phyin pa ’di sbyin par byed yaṅ dag par ’ged par byed na | ’di ñid kau śi ka rigs kyi bu ’am rigs kyi bu mo de bas ches bsod nams maṅ du skyed do ||
kau śi ka gźan yaṅ rigs kyi bu ’am rigs kyi bu mo gaṅ gis ’dzam bu’i gliṅ gi (6) sems can gaṅ ji sñed yod pa de dag thams cad dge ba bcu’i las kyi lam la yaṅ dag par bkod ciṅ bźag na | kau śi ka ’di ci sñam du sems ci rigs kyi bu ’am rigs kyi bu mo de de’i gźi las bsod nams ches maṅ du skyed dam | brgya byin gyis gsol pa | bcom ldan (7) ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du chud par byas te | mṅon par (59a1) dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub (2) tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na ’dri ba daṅ klog pa la yaṅ sñom las med par sgrub ciṅ | brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ (3) yaṅ dag par gzeṅs stod pa daṅ yaṅ dag par rab tu dga’ bar byed pa daṅ tshig gis mtshon pa daṅ rnam par mtshon pa daṅ rjes su mtshon pa daṅ | de la ’di’i don yaṅ dag par ston ciṅ | de la ’di skad du rigs kyi bu khyod tshur śeg byaṅ chub sems dpa’i lam ’di la (4) ’di ltar slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ (5) po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed na | kau śi ka rigs kyi bu ’am rigs kyi bu mo yoṅs su gtoṅ ba’i blo daṅ ldan pa (6) ’di ni rigs kyi bu’am rigs kyi bu mo sṅa ma de bas kyaṅ ches bsod nams maṅ du skyed do ||
kau śi ka yaṅ ’dzam bu’i gliṅ gi sems can thams cad lta źog | kau śi ka rnam graṅs ’dis gliṅ chen po bźi pa’i ’jig rten gyi khams na sems can ji sñed yod pa de dag thams cad (7) kyaṅ rigs kyi bu ’am rigs kyi bu mo gaṅ la la źig gis dge ba bcu’i las kyi lam la yaṅ dag par bkod ciṅ bźag pa daṅ | kau śi ka yaṅ gliṅ chen po bźi pa’i ’jig rten gyi khams na sems can ji sñed yod pa de dag thams cad lta źog | kau śi ka rnam graṅs de lta (59b1) bur stoṅ spyi phud kyi ’jig rten gyi khams na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dge ba bcu’i las kyi lam la yaṅ dag par bkod ciṅ bźag pa daṅ | kau śi ka yaṅ stoṅ spyi phud kyi ’jig rten gyi khams na sems (2) can ji sñed yod pa de dag thams cad lta źog | kau śi ka rnam graṅs de lta bur stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dge ba bcu’i las kyi lam la yaṅ dag par bkod ciṅ (3) bźag pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad lta źog | kau śi ka rnam graṅs de lta bur stoṅ gsum gyi stoṅ chen po’i ’jig rten gyi khams na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ la (4) la źig gis dge ba bcu’i las kyi lam la yaṅ dag par bkod ciṅ bźag pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad lta źog | kau śi ka rnam graṅs de lta bur stoṅ gsum gyi stoṅ chen po’i ’jig rten gyi khams gaṅ g’i kluṅ gi (5) bye ma sñed na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dge ba bcu’i las kyi lam la yaṅ dag par bkod ciṅ bźag na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du (6) skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa (7) ’di chuṅ ṅu na glegs bam du yaṅ chud par byas nas mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la lhag pa’i bsam pa phun sum tshogs pas lhag pa’i bsam (60a1) pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la | lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ (2) yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad du rigs kyi (3) bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems (4) can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed na | kau śi ka rigs kyi bu ’am rigs kyi bu mo (5) yoṅs su gtoṅ ba’i blo daṅ ldan pa ’di ni rigs kyi bu ’am rigs kyi bu mo sṅa ma de bas ches bsod nams maṅ du skyed do ||
kau śi ka gźan yaṅ ’dzam bu’i gliṅ na sems can ji sñed yod pa de dag thams cad rigs kyi bu ’am rigs kyi bu mo gaṅ la la źig gis bsam gtan bźi la (6) bkod na | kau śi ka de ji sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ (7) rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | (60b1) sems daṅ bas sems daṅ pa la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag (2) pa la yaṅ sñom las med par sgrub pa daṅ brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su (3) mtshon pa daṅ de’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par (4) ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems (5) rnam par sbyoṅ ba daṅ the tshom med par byed pa’o ||
kau śi ka yaṅ ’dzam bu’i gliṅ gi sems can thams cad lta źog | kau śi ka rnam graṅs de lta bur gliṅ chen po bźi pa’i ’jig rten gyi khams na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ (6) la la źig gis bsam gtan bźi la bkod pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad lta źog | kau śi ka rnam graṅs de lta bur stoṅ spyi phud kyi ’jig rten gyi khams na sems can ji sñed yod pa de dag thams cad kyaṅ rigs kyi bu ’am rigs (7) kyi bu mo gaṅ la la źig gis bsam gtan bźi la bkod pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad lta źog | kau śi ka rnam graṅs de lta bur stoṅ gñis pa bar ma’i ’jig rten gyi khams na sems can ji sñed yod pa de dag thams cad (61a1) kyaṅ rigs kyi bu ’am rigs kyi bu mo gaṅ la la źig gis bsam gtan bźi la bkod pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad lta źog | kau śi ka rnam graṅs de lta bur stoṅ gsum gyi stoṅ chen po’i ’jig rten (2) gyi khams na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan bźi la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad lta źog | kau śi ka rnam graṅs de (3) lta bur stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ji sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan bźi la bkod na | ko śi ka de ci sñam du sems ci rigs kyi bu ’am rigs kyi bu mo de de’i (4) gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śa ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi (5) pha rol tu phyin pa ’di chuṅ ṅu na glegs bam du yaṅ chud par byas nas mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag (6) pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ | (7) yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de’i don yaṅ dag par ston pa daṅ | de la ’di skad du rigs kyi bu khyod tshur (61b1) śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems (2) can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed pa’o ||
kau śi ka gźan yaṅ (3) ’dzam bu’i gliṅ na sems can ji sñed yod pa de dag thams cad rigs kyi bu ’am rigs kyi bu mo gaṅ la la źig gis tshad med pa bźi la bkod pa daṅ | de bźin du sbyar te tshad med pa la ci lta ba de bźin du gzugs med pa’i sñoms par ’jug pa bźi daṅ mṅon par śes pa lṅa nas (4) bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa ma lus pa’i bar la bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom (5) ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas (6) mṅon par daṅ pas mṅon par daṅ pa la | rab tu rtog pas rab tu rtog pa la | lhag par mos pas lhag par mos pa la | sems daṅ pas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed (7) pas byaṅ chub tu sems bskyed pa’i byaṅ chub sems dpa’ la | lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par bsgrub pa daṅ | brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag (62a1) par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs (2) śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag (3) par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed pa’o ||
kau śi ka yaṅ ’dzam bu’i gliṅ gi sems can thams cad bsam gtan daṅ tshad med par (4) daṅ gzugs med pa’i sñoms par ’jug pa daṅ mṅon par śes pa rnams la bkod pa’i bsod nams mṅon par ’du byed pa lta źog | kau śi ka rnam graṅs de lta bur gliṅ chen po bźi pa’i ’jig rten gyi khams na sems can gaṅ ji sñed yod pa de dag thams cad kyaṅ rigs kyi bu ’am (5) rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod pa daṅ | kau śi ka yaṅ gliṅ chen po bźi pa’i ’jig rten gyi khams na sems can ci sñed yod pa de dag thams cad rigs kyi bu (6) ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod pa’i bsod nams mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can gaṅ ji sñed (7) yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams (62b1) cad rigs kyi bu ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ | mṅon par śes pa dag la bkod pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi (2) khams na sems can gaṅ ji sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śas bdag la bkod pa daṅ | kau śi ka yaṅ stoṅ gñis pa bar ma’i ’jig (3) rten gyi khams kyi sems can thams cad bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes bdag la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na sems can gaṅ ci (4) sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems (5) can thams cad bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod pa’i bsod nams mṅon par ’du byed pa lṅa źog | kau śi ka rnam graṅs de lta bur stoṅ gsum gyi stoṅ chen po’i ’jig rten gyi khams gaṅ g’i kluṅ gi bye (6) ma sñed na sems can gaṅ ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bsam gtan daṅ tshad med pa daṅ gzugs med pa’i sñoms par ’jug pa daṅ mṅon par śes pa dag la bkod na | kau śi ka de ci sñam du sems ci rigs kyi bu ’am (7) rigs kyi bu mo de de’i gźi las bsod nams maṅ du bskyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed (63a1) de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | (2) lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bre ba daṅ klag pa la yaṅ sñom las med par sgrub (3) pa daṅ brtson pas de la ’dzin du ’jug pa daṅ | yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ (4) dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
(5) mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyor ba daṅ the tshom med (6) par byed pa’o ||
kau śi ka gźan yaṅ rigs kyi bu ’am rigs kyi bu mo gaṅ śes rab kyi pha rol tu phyin pa ’di bris nas bdag ñid kyaṅ klog pa daṅ bris nas gźan dag la yaṅ sṅa ma bźin du byin na | kau śi ka rigs kyi bu ’am rigs kyi bu mo sṅa ma de bas ’di ches bsod (7) nams maṅ du skyed do ||
kau śi ka gźan yaṅ rigs kyi bu ’am rigs kyi bu mo gaṅ don la mkhas pas śes rab kyi pha rol tu phyin pa ’di klog pa daṅ | bris nas gźan dag la yaṅ sṅa ma bźin du byin la don daṅ bcas tshig ’bru daṅ bcas par ñe bar ston pa yoṅs su gsal (63b1) bar byed na | kau śi ka rigs kyi bu ’am rigs kyi bu mo ’di ni de bas bsod nams ches maṅ du skyed do ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ’di yaṅ ñe bar bstan par bgyi ba (2) lags sam | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka rigs kyi bu ’am rigs kyi bu mo ma rtogs pa dag la śes rab kyi pha rol tu phyin pa ’di yaṅ ñe bar bstan par bya’o ||
de ci’i (3) phyir źe na | kau śi ka ma ’oṅs pa’i dus na śes rab kyi pha rol tu phyin pa’i gzugs brñan ’byuṅ bar ’gyur te | de la rigs kyi bu ’am rigs kyi bu mo ma rtogs pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa dag | śes rab kyi (4) pha rol tu phyin pa’i gzugs brñan thos nas chud zos par gyur na mi ruṅ ṅo ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa’i gzugs brñan bstan pa de ni ’di lags so źes ji ltar (5) ma ’oṅs pa’i dus na śes rab kyi pha rol tu phyin pa’i gzugs brñan du rig par bgyi | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka ma ’oṅs pa’i dus na | dge sloṅ kha cig lus ma bsgoms pa (6) tshul khrims ma bsgoms pa sems ma bsgoms pa śes rab ma bsgoms pa śes rab ’chal pa lug ltar lkug pa’i raṅ bźin can śes rab yoṅs su ñams pa dag ’byuṅ ste | de dag śes rab kyi pha rol tu phyin pa bstan to sñam nas de’i gzugs brñan ston par ’gyur ro ||
kau śi ka (7) śes rab kyi pha rol tu phyin pa’i gzugs brñan ji ltar ston par ’gyur źe na | gzugs ’jig pa ni gzugs mi rtag pa ñid do źes ston par ’gyur de bźin du tshor ba daṅ ’du śes daṅ ’du byed rnams daṅ rnam par śes pa ’jig pa ni rnam par śes pa mi rtag pa ñid do źes ston par ’gyur (64a1) ro ||
’di skad du gaṅ de ltar tshol ba de ni śes rab kyi pha rol tu phyin pa la spyod par ’gyur ro źes kyaṅ ñe bar ston te | kau śi ka ’di ni śes rab kyi pha rol tu phyin pa’i gzugs brñan du rig par bya’o ||
kau śi ka yaṅ gzugs ’jig pa ni gzugs mi (2) rtag pa ñid du mi blta’o ||
de bźin du tshor ba daṅ ’du śes daṅ ’du byed rnams daṅ kau śi ka yaṅ rnam par śes pa ’jig pa ni rnam par śes pa mi rtag pa ñid du mi blta ste | gal te de ltar lta na śes rab kyi pha rol tu phyin pa’i gzugs brñan la spyod pa yin no ||
kau śi ka de (3) lta bas na rigs kyi bu ’am rigs kyi bu mos śes rab kyi pha rol tu phyin pa ’di’i don ñe bar bstan par bya ste | śes rab kyi pha rol tu phyin pa’i don ñe bar bstan na rigs kyi bu ’am rigs kyi bu mo ’di ni bsod nams ches maṅ du skyed do ||
kau śi ka gźan yaṅ rigs kyi (4) bu ’am rigs kyi bu mo gaṅ la la źig gis ’dzam bu’i gliṅ gi sems can ci sñed yod pa de dag thams cad rgyun tu źugs pa’i ’bras bu la bkod na | kau śi ka de ci sñam du sems | ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya (5) byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de gaṅ śes rab kyi pha rol tu phyin pa ’di chuṅ ṅu na glegs (6) bam du yaṅ chud par byas te | mṅon par dad pas mṅon par dad pa la | rab tu rtog pas rab tu rtog pa la | ltag par mos pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum (7) tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la ltag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ | yaṅ (64b1) dag par ston pa daṅ | yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ | de la ’di’i don yaṅ dag par ston pa daṅ | de la ’di skad (2) du rigs kyi bu khyod tshur śeg | byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs (3) rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed pa daṅ tshig (4) ’di skad du rigs kyi bu khyod ’di lta ste | śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | kau śi ka rigs kyi bu ’am rigs kyi bu mo sṅa ma de bas ’di ñid bsod nams ches maṅ du skyed do ||
de ci’i phyir źe na | kau śi ka ’di las rgyun tu (5) źugs pa’i ’bras bu rab tu ’byed do ||
kau śi ka yaṅ ’dzam bu’i gliṅ gi sems can thams cad rgyun tu źugs pa’i ’bras bu la bkod pa’i bsod nams mṅon par ’du byed pa lta źog | kau śi ka gliṅ chen po bźi pa’i ’jig rten gyi khams na sems can ci sñed yod pa de dag thams (6) cad kyaṅ rigs kyi bu ’am rigs kyi bu mo gaṅ la la źig gis rgyun tu źugs pa’i ’bras bu la bkod pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad rgyun tu źugs pa’i ’bras bu la bkod pa’i bsod nams mṅon par ’du byed pa lta źog | (7) kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis rgyun tu źugs pa’i ’bras bu la bkod pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad rgyun tu (65a1) źugs pa’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis rgyun tu źugs pa’i (2) ’bras bu la bkod pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad rgyun du źugs pa’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na | sems (3) can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis rgyun du źugs pa’i ’bras bu la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad rgyun du źugs pa’i ’bras bu la bkod pa’i (4) bsod nams mṅon par ’du byed pa lta źog | kau śi ka rnam graṅs ’di lta bur stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis rgyun du źugs pa’i ’bras (5) bu la bkod na | kau śi ka de ci sñam du sems | ci rigs kyi bu ’am rigs kyi bu mo de de’i gźi las bsod nams maṅ du bskyad dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de (6) bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par (7) mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba (65b1) daṅ klag pa la yaṅ sñom las med par sgrub pa daṅ brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes (2) su mtshon pa daṅ | de la ’di’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub tu mṅon (3) par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ (4) de ltar de’i sems rnam par sbyoṅ ba daṅ the tshom med par byed pa daṅ | tshig ’di skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | kau śi ka rigs kyi bu ’am rigs kyi bu mo sṅa ma de bas ’di ñid bsod (5) nams ches maṅ du skyed do ||
de ci’i phyir źe na | kau śi ka ’di las rgyun tu źugs pa’i ’bras bu rab tu ’byed do ||
kau śi ka gźan yaṅ rigs kyi bu ’am rigs kyi bu mo gaṅ la la źig gis ’dzam bu’i gliṅ gi sems can ci sñed yod pa de dag thams cad lan cig phyir ’oṅ ba’i (6) ’bras bu la bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | (7) kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag (66a1) par mos pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la (2) lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed (3) pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de (4) ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab (5) tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ pa daṅ the tshom med par byed pa daṅ | tshig ’di skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | (6) kau śi ka rigs kyi bu ’am rigs kyi bu mo sṅa ma de bas ’di ñid bsod nams ches maṅ du skyed do ||
de ci’i phyir źe na | kau śi ka ’di las lan cig phyir ’oṅ ba’i ’bras bu rab tu ’byed do ||
kau śi ka yaṅ ’dzam bu’i gliṅ gi sems can thams cad lan cig phyir ’oṅ ba’i ’bras bu (7) la bkod pa’i bsod nams mṅon par ’du byed pa lta źog | kau śi ka gliṅ chen po bźi pa’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis lan cig phyir ’oṅ ba’i ’bras bu la bkod pa daṅ | kau śi ka (66b1) yaṅ gliṅ chen po bźi pa’i ’jig rten gyi khams kyi sems can thams cad lan cig phyir ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ rigs kyi bu ’am (2) rigs kyi bu mo gaṅ la la źig gis lan cig phyir ’oṅ ba’i ’bras bu la bkod pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad lan cig phyir ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ (3) gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis lan cig phyir ’oṅ ba’i ’bras bu la bkod pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams (4) cad lan cig phyir ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis lan cig phyir (5) ’oṅ ba’i ’bras bu la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can ci sñed yod pa de dag thams cad lan cig phyir ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i (6) ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis lan cig phyir ’oṅ ba’i ’bras bu la bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi (7) las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ (67a1) śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | (2) lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | (3) brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston (4) pa daṅ | de la ’di skad du rigs kyi bu khyod tshur śes | byaṅachuba sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon (5) par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste | yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par (6) byed pa daṅ tshig ’di skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | kau śi ka rigs kyi bu ’am rigs kyi bu ma sṅa ma de bas ’di ñid bsod nams ches maṅ du skyed do ||
de ci’i phyir źe na | kau śi ka ’di las lan (7) cig phyir ’oṅ ba’i ’bras bu rab tu ’byed do ||
| śes rab kyi pha rol tu phyin pa brgyad stoṅ pa | bam po drug pa | kau śi ka gźan yaṅ rigs kyi bu ’am rigs kyi bu mo gaṅ la la źig gis ’dzam bu’i gliṅ gi sems can de dag thams cad phyir mi ’oṅ ba’i (67b1) ’bras bu la bkod na kau śi ka de ci sñam du sems | ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | (2) kau śi ka de bas kyaṅ rigs kyi bu ’am rigs kyi bu mo ’di chos bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag (3) par mos pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i (4) bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig (5) gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i las ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag (6) par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur (7) ro źes smra źiṅ de ltar de’i sems rnam par sbyoṅ ba daṅ the tshom med par byed pa daṅ tshig ’di skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | kau śi ka rigs kyi bu ’am rigs kyi bu mo sṅa med pas ’di ñid bsod (68a1) nams ches maṅ du skyed do ||
de ci’i phyir źe na | kau śi ka ’di las phyir mi ’oṅ ba’i ’bras bu rab tu ’byed do ||
kau śi ka yaṅ ’dzam bu’i gliṅ gi sems can thams cad phyir mi ’oṅ ba’i ’bras bu la bkod pa’i bsod nams mṅon par ’du byed pa lta źog | (2) kau śi ka gliṅ chen po bźi pa’i ’jig rten gyi khams na sems can ci sñad yod pa de dag thams cad kyaṅ rigs kyi bu ’am rigs kyi bu mo gaṅ la la źig gis phyir mi ’oṅ ba’i ’bras bu la bkod pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad phyir mi (3) ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis phyir mi ’oṅ ba’i ’bras bu la bkod pa daṅ | kau śi ka (4) yaṅ stoṅ spyi phud kyi ’jig rten gyi khams kyi sems can thams cad phyir mi ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs (5) kyi bu mo gaṅ la la źig gis phyir mi ’oṅ ba’i ’bras bu la bkod pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad phyir mi ’oṅ ba’i ’bras bu la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen (6) po’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis phyir mi ’oṅ ba’i ’bras bu la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad phyir mi ’oṅ ba’i (7) ’bras bu la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis phyir mi ’oṅ ba’i (68b1) ’bras bu la bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | ko śi ka (2) de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos (3) pas lhag par mos pa la | sems daṅ bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | (4) chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’dug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par (5) mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ sbyaṅ da ’bad na myur du bla na med pa yaṅ dag par rdzogs pa’i byaṅ chub (6) mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de (7) ltar de’i sems rnam par sbyoṅ ba daṅ the tshom med par byed pa daṅ | tshig ’di skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | kau śi ka rigs kyi bu ’am rigs kyi bu mo sṅa ma de bas ’di ñid bsod nams (69a1) ches maṅ du skyed do ||
de ci’i phyir źe na | kau śi ka ’di las phyir mi ’oṅ ba’i ’bras bu rab tu ’byed do ||
kau śi ka gźan yaṅ ’dzam bu’i gliṅ na sems can ci sñed yod pa de dag thams cad rigs kyi bu ’am rigs kyi bu mo gaṅ la la źig gis dgra bcom pa ñid la (2) bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu (3) ’am rigs kyi bu mo ’di ches bsod nams maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ (4) bas sems daṅ ba la | lhag pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med (5) par sgrub pa daṅ brtson pas de la ’dzin du ’jug pa daṅ | yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ tshig gis mtshon pa daṅ rnam par mtshon pa daṅ rjes su mtshon pa daṅ de ya ’di’i don yaṅ dag par (6) ston pa daṅ | de la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs (7) par saṅs rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ pa daṅ the tshom med par byed pa daṅ | tshig ’di (69b1) skad du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | ko śi ka rigs kyi bu ’am rigs kyi bu mo sṅa ma de bas ’di ñid bsod nams ches maṅ du skyed do ||
de ci’i phyir źe na | ko śi ka ’di las dgra bcom (2) pa ñid kyaṅ rab tu ’byed do ||
de la ’di ltar rigs kyi bu khyod ci lta ci ltar śes rab kyi pha rol tu phyin pa la slob pa de lta de ltar khyod kyis mthar gyis saṅs rgyas kyi chos rnams ’thob par ’gyur źiṅ bla na med pa yaṅ dag par rdzogs pa’i byaṅ chub daṅ ñe bar ’gyur ro ||
khyod kyis bslab (3) pa ’di la bslabs śiṅ spyad de ’bad na rgyun du źugs pa’i ’bras bu rab tu ’byed par ’gyur ro ||
lan cig phyir ’oṅ ba’i ’bras bu rab tu ’byed par ’gyur ro ||
phyir mi ’oṅ ba’i ’bras bu rab tu ’byed par ’gyur ro ||
dgra bcom pa ñid rab tu ’byed par ’gyur ro ||
raṅ saṅs rgyas (4) ñid rab tu ’byed par ’gyur ro ||
yaṅ dag par rdzogs pa’i saṅs rgyas ñid rab tu ’byed par ’gyur ro źes spro ba ’phel bar byed par ’gyur ro ||
kau śi ka yaṅ ’dzam bu’i gliṅ gi sems can thams cad dgra bcom pa ñid la bkod pa’i bsod nams mṅon par ’du byed pa lta źog | (5) kau śi ka gliṅ chen po bźi pa’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dgra bcom pa ñid la bkod pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad dgra (6) bcom pa ñid la bkod pa’i bsod nams mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dgra bcom pa ñid la bkod pa daṅ | kau śi ka yaṅ (7) stoṅ spyi phud kyi ’jig rten gyi khams kyi sems can thams cad dgra bcom pa ñid la bkod pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu (70a1) mo gaṅ la la źig gis dgra bcom pa ñid la bkod pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad dgra bcom pa ñid la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ (2) chen po’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dgra bcom pa ñid la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad dgra bcom pa (3) ñid la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis dgra bcom pa ñid la bkod na | (4) kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das bsod nams kyi phuṅ po de’i graṅs su bgyi sla ba ma lags te | (5) bcom ldan ’das bsod nams gyi phuṅ po de bgraṅ bar yaṅ dper yaṅ dpes bstan par bgyi bar yaṅ rten du yaṅ ñe ba’i rgyur yaṅ bgyi bsla ba ma lags so ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed (6) de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | lhag pa’i bsam pa phun sum (7) tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du ’jug pa daṅ | (70b1) yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad du rigs kyi bu (2) khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ sems (3) can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ pa daṅ the tshom med par byed pa daṅ | tshig ’di skad du rigs kyi bu khyod (4) ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | de bas ’di ñid bsod nams ches maṅ du skyed do ||
de ci’i phyir źe na | kau śi ka ’di las dgra bcom pa ñid rab tu ’byed do ||
de la ’di ltar rigs kyi bu khyod ci lta ci ltar śes (5) rab kyi pha rol tu phyin pa la slob pa de lta de ltar khyod mthar gyis saṅs rgyas kyi chos rnams thob par ’gyur ti bla na med pa yaṅ dag par rdzogs pa’i byaṅ chub daṅ ñe bar ’gyur ro ||
khyod ’di la bslabs śiṅ spyad de ’bad na rgyun du źugs pa’i ’bras bu rab tu ’byed par ’gyur ro ||
lan cig (6) phyir ’oṅ ba’i ’bras bu rab tu ’byed par ’gyur ro ||
phyir mi ’oṅ ba’i ’bras bu rab tu ’byed par ’gyur ro ||
dgra bcom pa ñid rab tu ’byed par ’gyur ro ||
raṅ saṅs rgyas ñid rab tu ’byed par ’gyur ro ||
yaṅ dag par rdzogs pa’i saṅs rgyas ñid rab tu ’byed par ’gyur ro (7) źes spro ba ’phel bar byed par ’gyur ro ||
kau śi ka gźan yaṅ ’dzam bu’i gliṅ gi sems can ci sñed yod pa de dag thams cad rigs kyi bu’am rigs kyi bu mo gaṅ la la źig gis raṅ saṅs rgyas ñid la bkod na | kau śi ka de ci sñam du sems ci rigs kyi bu ’am rigs kyi bu mo de (71a1) de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams (2) maṅ du skyed de | gaṅ śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | lhag (3) pa’i bsam pa phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | (4) brtson pas de la ’dzin du ’jug pa daṅ yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de (5) la ’di skad du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs (6) rgyas nas kyaṅ sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed pa daṅ | tshig ’di skad (7) du rigs kyi bu khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na | de bas ’di ñid ches bsod nams maṅ du skyed do ||
de ci’i phyir źe na | kau śi ka ’di las raṅ saṅs rgyas ñid rab tu ’byed do ||
de la ’di ltar rigs kyi bu (71b1) khyod ci lta ci ltar śes rab kyi pha rol tu phyin pa la slob par gyur pa de lta de ltar mthar gyis khyod saṅs rgyas kyi chos rnams thob par ’gyur ro ||
bla na med pa yaṅ dag par rdzogs pa’i byaṅ chub daṅ ñe bar ’gyur ro ||
khyod bslab pa ’di la slob ciṅ spyad de ’bad na rgyun du źugs pa’i (2) ’bras bu rab tu ’byed par ’gyur ro ||
lan cig phyir ’oṅ ba’i ’bras bu rab tu ’byed par ’gyur ro ||
phyir mi ’oṅ ba’i ’bras bu rab tu ’byed par ’gyur ro ||
dgra bcom pa ñid rab tu ’byed par ’gyur ro ||
raṅ saṅs rgyas ñid rab tu ’byed par ’gyur ro ||
yaṅ dag par rdzogs (3) pa’i saṅs rgyas ñid rab tu ’byed par ’gyur ro źes spro ba ’phel bar byed par ’gyur ro ||
kau śi ka yaṅ ’dzam bu’i gliṅ gi sems can thams cad raṅ saṅs rgyas ñid la bkod pa’i bsod nams mṅon par ’du byed pa lta źog | kau śi ka gliṅ chen po bźi pa’i ’jig rten gyi khams na (4) sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis raṅ saṅs rgyas ñid la bkod pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad raṅ saṅs rgyas ñid la bkod pa’i bsod nams mṅon par ’du byed (5) blta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis raṅ saṅs rgyas ñid la bkod pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad raṅ saṅs rgyas (6) ñid la bkod pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis raṅ saṅs rgyas ñid la bkod pa daṅ | kau śi ka yaṅ (7) stoṅ gñis pa bar ma’i ’jig rten gyi khams kyi sems can thams cad raṅ saṅs rgyas ñid la bkod pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu (72a1) mo gaṅ la la źig gis Raṅa saṅs rgyas ñid la bkod pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad raṅ saṅs rgyas ñid la bkod pa’i bsod nams mṅon par ’du byed pa lta źog | kau śi ka stoṅ gsum (2) gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis raṅ saṅs rgyas ñid la bkod na | kau śi ka de ci sñam du sems ci rigs kyi bu ’am rigs kyi bu mo de de’i gźi (3) las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di ches bsod nams maṅ du skyed de | gaṅ (4) śes rab kyi pha rol tu phyin pa ’di chuṅ ṅu na glegs bam du yaṅ chud par byas nas | mṅon par dad pas mṅon par dad pa la | rab tu rtog pas rab tu rtog pa la | lhag par mos pas lhag par mos pa la | sems daṅ bas sems daṅ ba la | lhag pa’i bsam pa (5) phun sum tshogs pas lhag pa’i bsam pa phun sum tshogs pa la | byaṅ chub tu sems bskyed pas byaṅ chub tu sems bskyed pa’i byaṅ chub sems dpa’ la lhag pa’i bsam pas byin nam | chuṅ ṅu na bri ba daṅ klag pa la yaṅ sñom las med par sgrub pa daṅ | brtson pas de la ’dzin du (6) ’jug pa daṅ | yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pa daṅ | tshig gis mtshon pa daṅ rnam par mtshon pa daṅ rjes su mtshon pa daṅ de la ’di’i don yaṅ dag par ston pa daṅ | de la ’di skad (7) du rigs kyi bu khyod tshur śeg byaṅ chub sems dpa’i lam ’di la slobs śig | khyod kyis lam ’di la bslabs śiṅ spyad de ’bad na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
mṅon par rdzogs par saṅs rgyas nas kyaṅ (72b1) sems can gyi khams gźal du med pa rnams phuṅ po yaṅ dag par zad pa bla na med pa ’di lta ste yaṅ dag pa’i mtha’ rab tu ’byed pa la mṅon par ’dul bar byed par ’gyur ro źes smra źiṅ de ltar de’i sems rnam par sbyoṅ ba daṅ the tshom med par byed pa daṅ | tshig ’di skad du rigs kyi bu (2) khyod ’di lta ste śes rab kyi pha rol tu phyin pa daṅ ldan pa’i chos de dag ñid thob par gyis śig ces zer na de bas ’di ñid bsod nams ches maṅ du skyed do ||
de ci’i phyir źe na | kau śi ka ’di las raṅ saṅs rgyas ñid rab tu ’byed do ||
de la ’di ltar rigs kyi bu khyod ci lta ci ltar śes (3) rab kyi pha rol tu phyin pa la slob par ’gyur ba de lta de ltar mthar gyis khyod saṅs rgyas kyi chos rnams thob par ’gyur ro ||
bla na med pa yaṅ dag par rdzogs pa’i byaṅ chub daṅ ñe bar ’gyur ro ||
khyod bslab pa ’di la slob ciṅ spyad de ’bad na rgyun tu źugs pa’i ’bras bu rab tu (4) ’byed par ’gyur ro ||
lan cig phyir ’oṅ ba’i ’bras bu rab tu ’byed par ’gyur ro ||
phyir mi ’oṅ ba’i ’bras bu rab tu ’byed par ’gyur ro ||
dgra bcom pa ñid rab tu ’byed par ’gyur ro ||
raṅ saṅs rgyas ñid rab tu ’byed par ’gyur ro ||
yaṅ dag par rdzogs pa’i saṅs (5) rgyas ñid rab tu ’byed par ’gyur ro źes spro ba ’phel bar byed par ’gyur ro ||
kau śi ka gźan yaṅ ’dzam bu’i gliṅ gi sems can ci sñed yod pa de dag thams cad rigs kyi bu ’am rigs kyi bu mo gaṅ la la źig gis bla na med pa yaṅ dag par rdzogs pa’i byaṅ chub tu sems bskyed (6) du bcug pa daṅ | kau śi ka rigs kyi bu ’am rigs kyi bu mo gźan gaṅ źig gis de dag thams cad bla na med pa yaṅ dag par rdzogs pa’i byaṅ chub tu sems bskyed du bcug nas de dag la śes rab kyi pha rol tu phyin pa ’di bris te byin pa daṅ | kau śi ka rigs kyi bu ’am rigs kyi bu (7) mo gaṅ la la źig gis ’di ni śes rab kyi pha rol tu phyin pa ’di la slob par ’gyur źiṅ rnal ’byor du byed par ’gyur te ’di ñid kyis śes rab kyi pha rol tu phyin pa ’di sgom pa daṅ ’phel ba daṅ rgyas pa daṅ yaṅs par gyur pas saṅs rgyas kyi chos rnams yoṅs su rdzogs par byed par ’gyur (73a1) ro sñam pas | phyir mi ldog pa’i byaṅ chub sems dpa’ sems dpa’ chen po la śes rab kyi pha rol tu phyin pa ’di ñe bar gtad na rigs kyi bu ’am rigs kyi bu mo sṅa ma de bas ’di ches bsod nams maṅ du skyed do ||
de ci’i phyir źe na | ’di ni ṅes pa kho nar bla (2) na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can rnams kyi sdug bsṅal mthar ’byin par ’gyur ro ||
kau śi ka yaṅ ’dzam bu’i gliṅ gi sems can thams cad bla na med pa yaṅ dag par rdzogs pa’i byaṅ chub tu sems bskyed pa’i bsod (3) nams mṅon par ’du byed pa lta źog | kau śi ka gliṅ chen po bźi pa’i ’jig rten gyi khams na sems can ci sñed yod pa de dag thams cad rigs kyi bu ’am rigs kyi bu mo gaṅ la la źig gis bla na med pa yaṅ dag par rdzogs pa’i byaṅ chub tu sems bskyed pa daṅ | kau śi ka (4) yaṅ gliṅ chen po bźi pa’i ’jig rten gyi khams kyi sems can thams cad bla na med pa yaṅ dag par rdzogs pa’i byaṅ chub tu sems bskyed pa’i bsod nams mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad (5) kyaṅ rigs kyi bu ’am rigs kyi bu mo gaṅ la la źig gis bla na med pa yaṅ dag par rdzogs pa’i byaṅ chub tu sems bskyed pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad bla na med pa yaṅ dag par rdzogs pa’i byaṅ chub tu sems bskyed pa’i bsod (6) nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ rigs kyi bu ’am rigs kyi bu mo gaṅ la la źig gis bla na med pa yaṅ dag par rdzogs pa’i byaṅ chub tu sems bskyed pa daṅ | kau śi (7) ka yaṅ stoṅ gñis pa bar ma’i ’jig rten gyi khams kyi sems can thams cad bla na med pa yaṅ dag par rdzogs pa’i byaṅ chub tu sems bskyed pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na sems can ci sñed yod pa (73b1) pa de dag thams cad kyaṅ rigs kyi bu’am rigs kyi bu mo gaṅ la la źig gis bla na med pa yaṅ dag par rdzogs pa’i byaṅ chub tu sems bskyed pa daṅ | kau śi ka yaṅ stoṅ gsum gyi stoṅ chen po’i ’jig rten gyi khams kyi sems can thams cad bla na med pa yaṅ dag par rdzogs pa’i (2) byaṅ chub tu sems bskyed pa’i bsod nams mṅon par ’du byed blta źog | kau śi ka stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad kyaṅ rigs kyi bu’am rigs kyi bu mo gaṅ la la źig gis bla na med pa (3) yaṅ dag par rdzogs pa’i byaṅ chub tu sems bskyed du bcug pa daṅ | kau śi ka rigs kyi bu’am rigs kyi bu mo gźan gaṅ la la źig gis de dag thams cad bla na med pa yaṅ dag par rdzogs pa’i byaṅ chub tu sems bskyed du bcug nas de dag la śes rab kyi pha rol tu phyin pa ’di bris te (4) byin pa daṅ | kau śi ka rigs kyi bu’am rigs kyi bu mo gaṅ la la źig gis ’di ni śes rab kyi pha rol tu phyin pa ’di la slob par ’gyur źiṅ rnal ’byor du byed par ’gyur te | de ltar na ’di’i śes rab kyi pha rol tu phyin pa ’di lhag par sgom pa daṅ ’phel ba daṅ rgyas pa daṅ yaṅs par (5) gyur pas yoṅs su rdzogs par ’gyur ro sñam pas phyir mi ldog pa’i byaṅ chub sems dpa’ sems dpa’ chen po la śes rab kyi pha rol tu phyin pa ’di ñe bar gtad na kau śi ka rigs kyi bu ’am rigs kyi bu mo sṅa ma de bas ’di ches bsod nams maṅ du skyed par ’gyur ro ||
de ci’i phyir źe na | (6) ’di ni ṅes par bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can rnams kyi sdug bsṅal mthar ’byin par ’gyur ro ||
kau śi ka gźan yaṅ ’dzam bu’i gliṅ gi sems can ci sñed yod pa de dag thams cad bla na med pa yaṅ dag par rdzogs pa’i (7) byaṅ chub las phyir mi ldog par gyur la | de dag ñid la rigs kyi bu ’am rigs kyi bu mo gaṅ la la źig gis śes rab kyi pha rol tu phyin pa ’di glegs bam du bri bar byas nas byin źiṅ ñe bar gtad de | don daṅ bcas śiṅ yi ge daṅ bcas pa ston na | kau śi ka de ci sñam du sems ci (74a1) rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das bsod nams kyi phuṅ po de graṅs su bgyi bar sla ba ma lags te | bcom (2) ldan ’das bsod nams kyi phuṅ po de bgraṅ bar yaṅ dper yaṅ dpes bstan par bgyi bar yaṅ rten du yaṅ rgyur yaṅ bgyi bar sla ba ma lags so ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo ’di tshes bsod nams maṅ du skyed de | gaṅ (3) gis phyir mi ldog pa’i byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa de dag la | śes rab kyi pha rol tu phyin pa ’di glegs bam du bri ba byas nas byin źiṅ ñe bar gtad de don daṅ bcas śiṅ (4) yi ge daṅ bcas pa ñe bar ston pa daṅ śes rab kyi pha rol tu phyin pa ’di la ’doms śiṅ rjes su ston pa’o ||
kau śi ka yaṅ ’dzam bu’i gliṅ gi sems can thams cad phyir mi ldog par gyur pa la śes rab kyi pha rol tu phyin pa ’di ñe bar gtad pa’i bsod nams mṅon par ’du byed pa lta źog | (5) kau śi ka gliṅ chen po bźi pa’i ’jig rten gyi khams na sems can ci sñed yod pa de dag thams cad kyaṅ bla na med pa yaṅ dag par rdzogs pa’i byaṅ chub las phyir mi ldog par gyur la de dag la yaṅ rigs kyi bu ’am rigs kyi bu mo gaṅ la la źig gis śes rab kyi pha rol tu phyin pa ’di glegs (6) bam la bri ba byas nas byin źiṅ ñe bar gtad la don daṅ bcas śiṅ yi ge daṅ bcas pa ñe bar ston pa daṅ | kau śi ka yaṅ gliṅ chen po bźi pa’i ’jig rten gyi khams kyi sems can thams cad phyir mi ldog par gyur pa la śes rab kyi pha rol tu phyin pa ’di ñe bar gtad pa’i bsod nams (7) mṅon par ’du byed pa lta źog | kau śi ka stoṅ spyi phud kyi ’jig rten gyi khams na sems can ci sñed yod pa de dag thams cad kyaṅ bla na med pa yaṅ dag par rdzogs pa’i byaṅ chub las phyir mi ldog par gyur la de dag la yaṅ rigs kyi bu ’am rigs kyi bu mo gaṅ la la źig gis śes rab kyi (74b1) pha rol tu phyin pa ’di glegs bam la bri ba byas nas byin źiṅ ñe bar gtad de don daṅ bcas śiṅ yi ge daṅ bcas pa ñe bar ston pa daṅ | kau śi ka yaṅ stoṅ spyi phud kyi ’jig rten gyi khams kyi sems can thams cad phyir mi ldog par gyur pa la śes rab kyi pha rol tu phyin pa ’di ñe bar (2) gtad pa’i bsod nams mṅon par ’du byed pa lta źog | kau śi ka stoṅ gñis pa bar ma’i ’jig rten gyi khams na sems can ci sñed yod pa de dag thams cad kyaṅ bla na med pa yaṅ dag par rdzogs pa’i byaṅ chub las phyir mi ldog par gyur la de dag la rigs kyi bu ’am rigs (3) kyi bu mo gaṅ la la źig gis śes rab kyi pha rol tu phyin pa ’di glegs bam la bri ba byas nas byin źiṅ ñe bar gtad de don daṅ bcas śiṅ yi ge daṅ bcas pa ñe bar ston pa daṅ | kau śi ka yaṅ stoṅ gñis pa bar ma’i ’jig rten gyi khams kyi sems can thams cad phyir mi ldog (4) par gyur pa la śes rab kyi pha rol tu phyin pa ’di ñe bar gtad pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams na sems can ci sñed yod pa de dag thams cad kyaṅ bla na med pa yaṅ dag par rdzogs pa’i byaṅ chub las (5) phyir mi ldog par gyur la de dag la rigs kyi bu ’am rigs kyi bu mo gaṅ la la źig gis śes rab kyi pha rol tu phyin pa ’di glegs bam la bri ba byas nas byin źiṅ ñe bar gtad de don daṅ bcas śiṅ yi ge daṅ bcas pa ñe bar ston pa daṅ | kau śi ka yaṅ stoṅ gsum gyi stoṅ chen (6) po’i ’jig rten gyi khams kyi sems can thams cad phyir mi ldog par gyur pa la śes rab kyi pha rol tu phyin pa ’di ñe bar gtad pa’i bsod nams mṅon par ’du byed pa lta źog | kau śi ka stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci (7) sñed yod pa de dag thams cad kyaṅ bla na med pa yaṅ dag par rdzogs pa’i byaṅ chub las byir mi ldog par gyur la de dag la yaṅ rigs kyi bu ’am rigs kyi bu mo gaṅ la la źig gis śes rab kyi pha rol tu phyin pa ’di glegs bam la bri ba byas nas byin źiṅ ñe bar gtad de don daṅ bcas śiṅ (75a1) yi ge daṅ bcas pa ñe bar ston na | kau śi ka de ci sñam du sems ci rigs kyi bu ’am rigs kyi bu mo de de’i gźi las bsod nams maṅ du skyed dam | brgya byin gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das bsod (2) nams kyi phuṅ po de graṅs su bgyi bar sla ba ma lags te | bcom ldan ’das bsod nams kyi phuṅ po de bgraṅ bar yaṅ dper yaṅ dpes bstan par bgyi bar yaṅ rten du yaṅ rgyur yaṅ bgyi bar sla ba ma lags so ||
bcom ldan ’das kyis bka’ stsal pa | kau śi ka de bas kyaṅ rigs (3) kyi bu ’am rigs kyi bu mo ’di ches bsod nams maṅ du skyed de | gaṅ gis phyir mi ldog pa’i byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa de dag la śes rab kyi pha rol tu phyin pa ’di glegs bam (4) du bri ba byas nas byin źiṅ ñe bar gtad de don daṅ bcas śiṅ yi ge daṅ bcas pa ñe bar ston ciṅ śes rab kyi pha rol tu phyin pa ’di ’doms śiṅ rjes su ston pa daṅ | kau śi ka de nas byaṅ nub sems dpa’ sems dpa’ chen po gźan źig byuṅ ste de ’di skad du bdag ni ’di dag bas ches myur (5) du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o źes zer te | kau śi ka rigs kyi bu ’am rigs kyi bu mo gaṅ źig gis mṅon par śes pa śin tu myur ba’i byaṅ chub sems dpa’ sems dpa’ chen po de la śes rab kyi pha rol tu phyin pa ’di ’doms (6) śiṅ rjes su ston na rigs kyi bu ’am rigs kyi bu mo sṅa ma de bas ’di ñid ches bsod nams maṅ du skyed do ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po ci lta ci ltar bla na med pa (7) yaṅ dag par rdzogs pa’i byaṅ chub tu ñe bar gyur pa de lta de ltar śes rab kyi pha rol tu phyin pa la gdams par bgyi źiṅ rjes su bstan par bgyi ba lags so ||
de lta de ltar śes rab kyi pha rol tu phyin pa la gdams par bgyi ba daṅ rjes su bstan par bgyi ba lags pas de bźin ñid la ñe bar (75b1) ’gyur ro ||
de bźin ñid la ñe bar gyur na gaṅ dag gi gos daṅ bsod sñoms daṅ mal cha daṅ stan daṅ bro ’tshal ba’i gsos sman daṅ yo byad rnams yoṅs su spyad pa de dag gi bya ba byas pa de dag ’bras bu chen po daṅ sman yon chen por bgyid pa des na de bsod nams ches maṅ (2) du skyed do ||
de ci’i slad du źe na | bcom ldan ’das byaṅ chub sems dpa’ sems dpa’ chen po de bla na med pa yaṅ dag par rdzogs pa’i byaṅ chub daṅ ñe bar ’gyur pa ’di ci de lta bu ñid lags pa’i slad du’o ||
de nas tshe daṅ ldan pa rab ’byor gyis lha rnams kyi dbaṅ po brgya (3) byin la ’di skad ces smras so ||
kau śi ka gaṅ khyod byaṅ chub sems dpa’i theg pa pa’i gaṅ zag rnams la spro ba sbyin pa daṅ yoṅs su ’dzin pa daṅ rjes su sten par byed pa ni legs so legs so ||
kau śi ka khyod kyi bya ba ni ’di yin te | ’phags pa ñan thos gaṅ źig sems can (4) thams cad rjes su ’dzin par byed ’dod pa des ni byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub la spro ba ’phel bar byed pa daṅ yoṅs su ’dzin par byed pa daṅ rjes su sten par byed pa de ltar ’di bya ba yin no ||
de ci’i phyir źe na | (5) byaṅ chub sems dpa’ sems dpa’ chen po rnams kyi bla na med pa yaṅ dag par rdzogs pa’i byaṅ chub ni ’di las skyes te | gal te byaṅ chub sems dpa’ sems dpa’ chen po rnams kyis byaṅ chub kyi sems ’di ma bskyed du zin na byaṅ chub sems dpa’ sems dpa’ chen po de rnams bla na (6) med pa yaṅ dag par rdzogs pa’i byaṅ chub la slob par yaṅ mi ’gyur źiṅ pha rol tu phyin pa drug la slob par yaṅ mi ’gyur lam bslabs na ni bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar mi ’gyur ba źig na | gaṅ gi phyir de ltar byaṅ chub sems dpa’ (7) sems dpa’ chen po byaṅ chub sems dpa’i bslab pa pha rol tu phyin pa drug po ’di dag la slob ste de’i phyir byaṅ chub tu sems bskyed do ||
de’i phyir bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
’phags pa śes rab kyi pha rol tu phyin pa (76a1) brgyad stoṅ pa las | bsod nams kyi rnam graṅs kyi le’u źes bya ste lṅa pa’o || ||
de nas byaṅ chub sems dpa’ sems dpa’ chen po byams pas gnas brtan tshe daṅ ldan pa rab ’byor la ’di skad ces smras so ||
’phags pa rab ’byor gźan (2) yaṅ byaṅ chub sems dpa’ sems dpa’ chen po’i rjes su yi raṅ ba yoṅs su bsṅo ba daṅ ldan pa’i bsod nams bya ba’i dṅos po gaṅ yin pa daṅ | gaṅ yaṅ sems can thams cad kyi sbyin pa las byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya (3) ba’i dṅos po daṅ bsgoms pa las byuṅ ba’i bsod nams bya ba’i dṅos po gaṅ yin pa de dag las byaṅ chub sems dpa’ sems dpa’ chen po’i rjes su yi raṅ ba yoṅs su bsṅo ba daṅ ldan pa’i bsod nams bya ba’i dṅos po ’di ñid mchog ces bya’o dam pa źes bya’o gtso bo źes bya’o rab ces (4) bya’o mchog rab ces bya’o gya nom pa źes bya’o bla ma źes bla na med pa źes bya’o ||
goṅ na med pa źes bya’o mñam pa med pa źes bya’o ||
mi mñam pa daṅ mñam pa źes bya’o ||
de skad ces smras pa daṅ | gnas brtan tshe daṅ ldan pa rab ’byor gyis byaṅ chub sems dpa’ (5) sems dpa’ chen po byams pa la ’di skad ces smras so ||
byams pa yaṅ byaṅ chub sems dpa’ sems dpa’ chen po gaṅ gis thams cad nas thams cad du soṅ ba’i phyogs bcu’i ’jig rten na stoṅ gsum gyi stoṅ chen po’i ’jig rten gyi khams gźal du med pa’i gźal du med pa | (6) graṅs med pa’i graṅs med pa | tshad med pa’i tshad med pa | bsam gyis mi khyab pa’i bsam gyis mi khyab pa | mtha’ yas mu med pa yod pa rnams kyi phyogs re re’i stoṅ gsum gyi stoṅ chen po’i ’jig rten gyi khams re rer ’das pa’i dus na gźal du med pa’i gźal du med pa | (7) graṅs med pa’i graṅs med pa | tshad med pa’i tshad med pa | bsam gyis mi khyab pa’i bsam gyis mi khyab pa | mtha’ yas mu med pa’i de bźin gśegs pa dgra bcom pa yaṅ dag par rdzogs pa’i saṅs rgyas | lam chad pa ’jug pa chad pa | spros pa daṅ srid par (76b1) ’dren pa chad pa mchi ma zad pa tsher ma bcom pa khur śin tu bor ba bdag gi don rjes su thob pa srid par sbyor ba yoṅs su zad pa yaṅ dag par kun śes pas sems śin tu rnam par grol ba sems thams cad kyi dbaṅ dam pa’i pha rol tu son pa | phuṅ po lhag ma med pa’i mya ṅan las (2) ’das pa’i dbyiṅs su yoṅs su mya ṅan las ’das pa de dag gi sems daṅ po bskyed pa nas bzuṅ ste bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i bar daṅ | phuṅ po lhag ma med pa’i mya ṅan las ’das pa’i dbyiṅs su yoṅs su mya ṅan las (3) ’das pa’i bar daṅ | dam pa’i chos nub par ma gyur pa’i bar te | de dag gi bar gyi saṅs rgyas bcom ldan ’das de rnams kyi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs (4) pa’i phuṅ pa daṅ | pha rol tu phyin pa drug daṅ ldan pa’i dge ba’i rtsa ba gaṅ dag yin pa dag daṅ | saṅs rgyas kyi yon tan phun sum tshogs pa daṅ ldan pa’i dge ba’i rtsa ba rnams daṅ | stobs daṅ mi ’jigs pa’i pha rol tu phyin pa daṅ ldan pa’i dge ba’i rtsa ba daṅ | de bźin (5) du mṅon par śes pa’i pha rol tu phyin pa daṅ ldan pa daṅ yoṅs su śes pa’i pha rol tu phyin pa daṅ ldan pa daṅ | smon lam gyi pha rol tu phyin pa daṅ ldan pa daṅ | thams cad mkhyen pa’i ye śes phun sum tshogs pa daṅ ldan pa’i dge ba’i rtsa ba gaṅ yin pa rnams daṅ | phan par (6) bźed pa gaṅ yin pa daṅ byams pa chen po gaṅ yin pa daṅ sñiṅ rje chen po gaṅ yin pa daṅ saṅs rgyas kyi yon tan gźal du med pa graṅs med pa gaṅ yin pa daṅ | bla na med pa yaṅ dag par rdzogs pa’i byaṅ chub gaṅ yin pa daṅ | bla na med pa yaṅ dag par rdzogs pa’i byaṅ chub (7) kyi bde ba gaṅ yin pa daṅ | chos thams cad la dbaṅ phyug gi pha rol tu phyin pa gaṅ yin pa daṅ | zil gyis mnon pa dpag tu med pa daṅ thams cad zil gyis non pa’i rdzu ’phrul mṅon par ’du byed pa’i mchog gaṅ yin pa daṅ | sgrib pa med pa ma chags pa thogs pa med pa (77a1) mñam pa med pa mi mñam pa daṅ mñam pa dpe med pa dpag tu med pa de bźin gśegs pa’i yaṅ dag pa ci lta ba’i ye śes kyi stobs gaṅ yin pa daṅ stobs kyi naṅ na saṅs rgyas kyi ye śes kyi stobs gaṅ yin pa daṅ | saṅs rgyas kyi ye śes daṅ gzigs pa (2) gaṅ yin pa daṅ | stobs bcu’i pha rol tu phyin pa gaṅ yin pa daṅ | mi ’jigs pa bźi mchog tu yoṅs su rdzogs par khoṅ du chud pa gaṅ yin pa daṅ | chos thams cad don dam par mṅon par sgrub pas chos khoṅ du chud pa gaṅ yin pa daṅ | chos kyi ’khor lo rab tu (3) bskor ba gaṅ yin pa daṅ | chos kyi sgron ma thogs pa daṅ chos kyi rṅa rduṅ ba daṅ chos kyi duṅ ’bud pa daṅ chos kyi duṅ sgrogs pa daṅ chos kyi ral gri ’debs pa daṅ chos kyi char ’bebs pa daṅ chos kyi mchod sbyin sbyin pa daṅ chos kyi sbyin pas sems can thams cad yaṅ dag par tshim (4) par mdzad ciṅ yaṅ dag par stobs pa daṅ | gaṅ yaṅ chos bstan pa de dag daṅ saṅs rgyas kyi chos rnams sam raṅ saṅs rgyas kyi chos rnams sam ñan thos kyi chos rnams la | gaṅ dag btul ba daṅ bslabs pa daṅ mos par gyur pa daṅ ṅes par gyur pa daṅ rdzogs pa’i byaṅ (5) chub la gźol bar gyur pa gaṅ dag yin pa de dag thams cad kyi dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gis byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub tu luṅ bstan pa de dag gi pha (6) rol tu phyin pa drug daṅ ldan pa’i dge ba’i rtsa ba gaṅ yin pa rnams daṅ | gaṅ zag raṅ saṅs rgyas kyi theg pa can gaṅ dag raṅ saṅs rgyas kyi byaṅ chub la luṅ bstan pa de dag thams cad kyi dge ba’i rtsa ba gaṅ yin pa rnams daṅ | gaṅ zag ñan thos kyi theg pa can rnams kyi sbyin pa (7) las byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya ba’i dṅos po daṅ bsgoms pa las byuṅ ba’i bsod nams bya ba’i dṅos po gaṅ yin pa daṅ | slob pa’i zag pa med pa’i dge ba’i rtsa ba gaṅ yin pa rnams daṅ | mi slob pa’i zag pa med (77b1) pa’i dge ba’i rtsa ba gaṅ yin pa rnams daṅ | so so’i skye bo gaṅ dag gis chos de dag la dge ba’i rtsa ba bskrun pa rnams daṅ | saṅs rgyas bcom ldan ’das de dag gi ’khor bźi po dge sloṅ rnams daṅ dge sloṅ ma rnams daṅ dge bsñen rnams daṅ dge bsñen ma rnams kyi sbyin pa las (2) byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya ba’i dṅos po daṅ bsgoms pa las byuṅ ba’i bsod nams bya ba’i dṅos po gaṅ yin pa rnams daṅ | der saṅs rgyas bcom ldan ’das chos ston pa de dag la lha daṅ klu daṅ gnod sbyin daṅ dri za daṅ lha ma (3) yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa gaṅ dag daṅ byol soṅ gi skye gnas su soṅ ba’i sems can gaṅ de dag thams cad kyis dge ba’i rtsa ba bskrun pa gaṅ yin pa rnams daṅ | saṅs rgyas bcom ldan ’das de dag yoṅs su mya ṅan las ’da’ ba (4) la yaṅ gaṅ gis dge ba’i rtsa ba bskrun pa gaṅ dag yin pa daṅ | saṅs rgyas bcom ldan ’das de dag yoṅs su mya ṅan las ’das pa la yaṅ gaṅ gis dge ba’i rtsa ba bskrun pa gaṅ dag yin pa daṅ | saṅs rgyas bcom ldan ’das la brten pa daṅ chos la brten pa daṅ dge ’dun (5) rnams la brten pa daṅ yid kyis bsgoms pa’i gaṅ zag dag la brten nas dge ba’i rtsa ba bskrun pa gaṅ yin pa’i dge ba’i rtsa ba de dag thams cad ma lus śiṅ lus pa med par gcig tu mṅon par bsdus te bsdoms śiṅ gźal nas rjes su yi raṅ ba’i mchog gis rjes su yi raṅ ste | dam pa daṅ (6) gtso bo daṅ rab daṅ rab mchog daṅ gya nom pa daṅ bla ma daṅ bla na med pa daṅ goṅ na med pa daṅ mñam pa med pa daṅ mi mñam pa daṅ mñam pa’i rjes su yi raṅ bas rjes su yi raṅ la de ltar rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po de bla na med pa yaṅ dag par rdzogs (7) pa’i byaṅ chub tu yoṅs su bsṅo’o źes bla na med pa yaṅ dag par rdzogs pa’i byaṅ chub sgrub par gyur cig sñam pas ṅag tu brjod par bya ba yin te | de la gaṅ zag byaṅ chub sems dpa’i theg pa can dag dṅos po gaṅ dag daṅ dmigs pa gaṅ dag daṅ rnam pa gaṅ dag gis yoṅs su (78a1) bsṅo źiṅ sems de skyed pa na cig dṅos po de dag daṅ dmigs pa de dag daṅ rnam pa de dag ci ltar mtshan mar byas pa de bźin du dmigs sam | de skad ces smras pa daṅ | byaṅ chub sems dpa’ sems dpa’ chen po byams pas gnas brtan tshe daṅ ldan pa rab (2) ’byor la ’di skad ces smras so ||
btsun pa rab ’byor dṅos po de dag daṅ dmigs pa de dag daṅ rnam pa de dag ci ltar mtshan mar byas pa de bźin du mi dmigs so ||
de skad ces smras pa daṅ | gnas brtan tshe daṅ ldan pa rab ’byor gyis byaṅ chub sems dpa’ sems dpa’ chen (3) po byams pa la ’di skad ces smras so ||
gal te de dṅos po med pa daṅ dmigs pa med pa la dmigs par byed ciṅ mtshan mar byed na ci ltar ’di ’du śes phyin ci log pa daṅ sems phyin ci log pa daṅ lta ba phyin ci log par mi ’gyur | de ci’i phyir źe na | ’di ltar ’dod chags (4) kyaṅ dṅos po med bźin du mi rtag pa la rtag pa daṅ sdug bsṅal ba la bde ba daṅ bdag med pa la bdag daṅ mi sdug pa la sdug par rnam par brtags śiṅ kun tu brtags nas ’du śes phyin ci log pa daṅ sems phyin ci log pa daṅ lta ba phyin ci log par ’byuṅ ṅo ||
gźan yaṅ (5) dṅos po ci lta ba daṅ dmigs pa ci lta ba daṅ rnam pa ci lta ba bźin du byaṅ chub kyaṅ de bźin sems kyaṅ de bźin yin na de lta na chos thams cad daṅ khams thams cad kyaṅ de bźin no ||
gal te yaṅ dṅos po ci lta ba daṅ dmigs pa ci lta ba daṅ rnam pa ci lta ba bźin du byaṅ chub kyaṅ (6) de bźin sems kyaṅ de bźin yin na | des na dṅos po gaṅ dag daṅ dmigs pa gaṅ dag daṅ rnam pa gaṅ dag gis sems gaṅ źig ka na med pa yaṅ dag par rdzogs pa’i byaṅ chub tu yoṅs su sṅo bar byed pa’am | rjes su yi raṅ ba daṅ ldan pa’i bsod nams bya ba’i dṅos po gaṅ (7) źig bla na med pa yaṅ dag par rdzogs pa’i byaṅ chub gaṅ du yoṅs su sṅo bar byed | de nas byaṅ chub sems dpa’ sems dpa’ chen po byams pas tshe daṅ ldan pa gnas brtan rab ’byor la ’di skad ces smras so ||
’phags pa rab ’byor ’di ni theg pa la gsar du źugs pa’i (78b1) byaṅ chub sems dpa’ sems dpa’ chen po’i mdun du bśad par mi bya bstan par mi bya’o ||
de ci’i phyir źe na | de la gaṅ dad pa tsam daṅ dga’ ba tsam daṅ mos pa tsam daṅ gus pa tsam dag yod pa de dag thams cad kyaṅ ’jig par ’gyur ro ||
’phags pa rab ’byor phyir mi (2) ldog pa’i byaṅ chub sems dpa’ sems dpa’ chen po’i mdun du ’di bśad par bya’o ñe bar bstan par bya’o ||
byaṅ chub sems dpa’ sems dpa’ chen po gaṅ dge ba’i bśes gñen gyis ñe bar brtan par gyur pa de yaṅ ’di la mi ’goṅ kun tu mi zum bag mi tsha | bag ’khums (3) par mi ’gyur ’di’i yid phyir phyogs par mi byed bcom źiṅ phyir phyogs par mi ’gyur mi dṅaṅ kun tu mi skrag kun tu skrag pa daṅ ldan par mi ’gyur ro ||
de ltar byaṅ chub sems dpa’ sems dpa’ chen pos rjes su yi raṅ bar byas nas rjes su yi raṅ ba daṅ ldan pa’i bsod nams bya ba’i dṅos (4) po thams cad mkhyen pa ñid du yoṅs su bsṅo bar bya’o || ||
śis rab kyi pha rol tu phyin pa brgyad stoṅ pa | bam po bdun pa | de nas gnas brtan tshe daṅ ldan pa rab ’byor gyis byaṅ chub sems dpa’ sems dpa’ chen po byams pa la ’di skad ces smras so ||
(5) byams pa sems gaṅ gis rjes su yi raṅ nas gaṅ yoṅs su sṅo bar byed pa’i sems de yaṅ zad ciṅ ’gags par gyur la bral źiṅ rnam par gyur pa yin te | des na gaṅ gis bla na med pa yaṅ dag par rdzogs pa’i byaṅ chub tu yoṅs su sṅo bar byed pa’i sems de gaṅ źig yin | rjes su yi raṅ (6) pa daṅ ldan pa’i bsod nams bya ba’i dṅos po gaṅ bla na med pa yaṅ dag par rdzogs pa’i byaṅ chub tu yoṅs su sṅo bar byed pa’i sems de yaṅ gaṅ yin la ||
gaṅ gi tshe sems gñis phrad pa med pa daṅ sems de raṅ bźin gyis yoṅs su bsṅo bar yaṅ mi nus na | sems kyis sems yoṅs su (7) bsṅo bar nus par yaṅ ci ltar ’gyur | de nas lha rnams kyi dbaṅ po brgya byin gyis gnas brtan tshe daṅ ldan pa rab ’byor la ’di skad ces smras so ||
’phags pa rab ’byor theg pa la gsar du źugs pa’i byaṅ chub sems dpa’ sems dpa’ chen po de dag gis bstan pa ’di thos nas dṅaṅ (79a1) źiṅ kun tu skrag la kun tu skrag pa daṅ ldan par gyur na mi ruṅ ṅo ||
’phags pa rab ’byor yaṅ ci ltar byaṅ chub sems dpa’ sems dpa’ chen pos rjes su yi raṅ ba daṅ ldan pa’i bsod nams bya ba’i dṅos po de bla na med pa yaṅ dag par rdzogs pa’i byaṅ chub tu yoṅs su (2) bsṅo bar bya | rjes su yi raṅ ba daṅ ldan pa’i bsod nams bya ba’i dṅos po yoṅs su ’dzin pa daṅ rjes su yi raṅ ba daṅ ldan pa’i sems yoṅs su sṅo bar byed pas ji ltar rjes su yi raṅ ba daṅ ldan pa’i sems de legs par yoṅs su bzuṅ źiṅ legs par yoṅs su bsṅos par ’gyur | (3) de nas gnas brtan tshe daṅ ldan pa rab ’byor gyis bya ba chub sems dpa’ sems dpa’ chen po byams pa la brtsams śiṅ byaṅ chub sems dpa’ sems dpa’ chen po byams pa gźir byas te byaṅ chub sems dpa’ sems dpa’ chen po byams pa la smras pa | byams pa ’di la byaṅ chub (4) sems dpa’ sems dpa’ chen pos phyogs bcu’i ’jig rten na stoṅ gsum gyi stoṅ chen po’i ’jig rten gyi khams gźal du med ciṅ graṅs med pa yod pa’i phyogs re re’i stoṅ gsum gyi stoṅ chen po’i ’jig rten gyi khams re rer yaṅ ’das pa’i saṅs rgyas bcom ldan ’das lam chad pa ’jug pa (5) chad pa spros pa daṅ srid par ’dren pa chad pa mchi ma zad pa tsher ma bcom pa khur śin tu bor ba bdag gi don rjes su thob pa srid par sbyor ba yoṅs su zad pa yaṅ dag par kun śes pas sems śin tu rnam par grol ba sems thams cad kyi dbaṅ ṅam pa’i pha rol tu son pa gźal du med ciṅ graṅs med (6) pa yoṅs su mya ṅan las ’das par gyur pa’i saṅs rgyas bcom ldan ’das de dag gi sems daṅ po bskyed pa nas bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i bar daṅ | phuṅ po lhag ma med pa’i mya ṅan las ’das pa’i dbyiṅs su (7) yoṅs su mya ṅan las ’das pa’i bar daṅ | dam pa’i chos nub par ma gyur pa’i bar te | de dag gi bar gyi saṅs rgyas bcom ldan ’das de dag gi dge ba’i rtsa ba pha rol tu phyin pa daṅ ldan pa gaṅ yin pa rnams daṅ | saṅs rgyas bcom ldan ’das de dag gi bsod nams (79b1) mṅon par ’du byed pa daṅ dge ba’i rtsa ba mṅon par ’du byed pa gaṅ yin pa rnams daṅ saṅs rgyas bcom ldan ’das de dag gi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po (2) gaṅ yin pa rnams daṅ | phan par bźed pa gaṅ yin pa daṅ byams pa chen po gaṅ yin pa daṅ sñiṅ rje chen po gaṅ yin pa daṅ saṅs rgyas kyi yon tan gźal du med ciṅ graṅs med pa gaṅ yin pa rnams daṅ | saṅs rgyas bcom ldan ’das de dag gis chos gaṅ bśad pa daṅ | (3) chos de la gaṅ gis bslabs pa daṅ lhag par mos pa daṅ gnas pa de dag gi dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gis byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub tu luṅ bstan (4) pa de dag gi dge ba’i rtsa ba pha rol tu phyin pa drug daṅ ldan pa gaṅ yin pa rnams daṅ | saṅs rgyas bcom ldan ’das de dag gis gaṅ zag raṅ saṅs rgyas kyi theg pa can gaṅ dag raṅ byaṅ chub tu luṅ bstan pa de dag gi dge ba’i rtsa ba gaṅ yin pa rnams daṅ | gaṅ zag ñan (5) thos kyi theg pa can dag gi sbyin pa las byuṅ ba’i dge ba’i rtsa ba daṅ tshul khrims las byuṅ ba’i dge ba’i rtsa ba daṅ bsgoms pa las byuṅ ba’i dge ba’i rtsa ba daṅ slob pa’i zag pa med pa’i dge ba’i rtsa ba gaṅ yin pa rnams daṅ mi slob pa’i zag pa med pa’i dge ba’i rtsa ba gaṅ yin pa rnams (6) daṅ | chos de la so so’i skye bo gaṅ dag gis dge ba’i rtsa ba bskrun pa daṅ | lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi’am ci daṅ lto ’phye chen po daṅ mi daṅ mi ma yin pa gaṅ dag gis chos de thos te thos nas kyaṅ dge ba’i rtsa ba bskrun pa daṅ | (7) byol soṅ gi skye gnas su soṅ ba’i sems can gaṅ dag gis chos de thos te thos nas kyaṅ dge ba’i rtsa ba bskrun pa daṅ | sems can gaṅ dag gis saṅs rgyas bcom ldan ’das yoṅs su mya ṅan las ’da’ ba daṅ yoṅs su mya ṅan las ’das pa de dag la dge ba’i rtsa ba bskrun (80a1) pa ste | de dag thams cad kyi dge ba’i rtsa ba gaṅ dag yin pa de dag thams cad gcig tu bsdus te bsdoms śiṅ gźal nas ma lus par byas te | rjes su yi raṅ bar bya ba ma lus pa la rjes su yi raṅ nas | rjes su yi raṅ ba daṅ ldan pa’i bsod nams bya ba’i (2) dṅos po de bla na med pa yaṅ dag par rdzogs pa’i byaṅ chub tu yoṅs su bsṅos na yoṅs su sṅo bar byed pa’i byaṅ chub sems dpa’ sems dpa’ chen po ci ltar ’du śes phyin ci log tu mi ’gyur sems phyin ci log tu mi ’gyur lta ba phyin ci log tu mi ’gyur | de skad ces smras pa daṅ | byaṅ chub (3) sems dpa’ sems dpa’ chen po byams pas gnas brtan tshe daṅ ldan pa rab ’byor la ’di skad ces smras so ||
’phags pa rab ’byor gal te byaṅ chub sems dpa’ sems dpa’ chen pos sems gaṅ gis gaṅ yoṅs su bsṅo ba’i sems de la sems su ’du śes par ma gyur na de (4) ltar na byaṅ chub sems dpa’ sems dpa’ chen pos rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
ci ltar sems de la sems de ’di yin no źes yaṅ dag par mi śes pa de ltar byaṅ chub (5) sems dpa’ sems dpa’ chen po’i ’du śes phyin ci log par mi ’gyur sems phyin ci log par mi ’gyur lta ba phyin ci log par mi ’gyur ro ||
de ste sems gaṅ gis gaṅ yoṅs su bsṅo ba’i sems de la sems de ni ’di yin no źes yaṅ dag par śes śiṅ | sems su ’du (6) śes par gyur na de ltar na byaṅ chub sems dpa’ sems dpa’ chen po’i ’du śes phyin ci log pa daṅ sems phyin ci log pa daṅ lta ba phyin ci log par ’gyur ro ||
gal te yaṅ byaṅ chub sems dpa’ sems dpa’ chen pos sems gaṅ yoṅs su bsṅo ba’i sems de la ’di ltar yaṅ (7) dag par śes śiṅ ’di ltar sems te | sems de la sems pa na ’di ltar zad pa la zad pa’o źes de ltar yaṅ zad par śes la ’gags pa daṅ bral ba daṅ rnam par gyur pa yin no źes de ltar śes te gaṅ zad pa de yaṅ yoṅs su bsṅo bar mi nus la | sems gaṅ gis yoṅs su (80b1) bsṅo ba’i sems de’i chos ñid kyaṅ de yin | chos gaṅ dag gis yoṅs su bsṅo ba’i chos de dag gi chos ñid kyaṅ de yin | chos gaṅ dag tu yoṅs su bsṅo ba’i chos de dag gi chos ñid kyaṅ de yin no źes gal te de ltar yoṅs su bsṅo na yaṅ dag par yoṅs su bsṅo ba yin gyi log (2) par yoṅs su bsṅo ba ma yin te | de ltar byaṅ chub sems dpa’ sems dpa’ chen pos yoṅs su bsṅo bar bya’o ||
’phags pa rab ’byor gźan yaṅ byaṅ chub sems dpa’ sems dpa’ chen pos ’das pa ci lta ba de bźin du ma byon pa’i saṅs rgyas bcom ldan ’das la ma chad (3) pa ’jug pa chad pa spros pa daṅ srid par ’dren pa chad pa gźal du med ciṅ graṅs med pa de dag gi sems daṅ po bskyed pa nas bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i bar daṅ | phuṅ po lhag ma med pa’i mya (4) ṅan las ’das pa’i dbyiṅs su yoṅs su mya ṅan las ’da’ bar ’gyur ba’i bar daṅ | dam pa’i chos nub par mi ’gyur ba’i bar te | de dag gi bar gyi saṅs rgyas bcom ldan ’das rnams kyi pha rol tu phyin pa daṅ ldan pa’i dge ba’i rtsa ba gaṅ yin pa rnams daṅ | saṅs (5) rgyas bcom ldan ’das de dag gi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po gaṅ yin pa rnams daṅ | phan par bźed pa gaṅ yin pa daṅ byams pa chen po gaṅ yin pa (6) daṅ sñiṅ rje chen po gaṅ yin pa daṅ saṅs rgyas kyi yon tan gźal du med ciṅ graṅs med pa gaṅ yin pa rnams daṅ | saṅs rgyas bcom ldan ’das de dag gis chos gaṅ ’chad par ’gyur ba rnams daṅ chos de la slob par ’gyur ba gaṅ yin pa rnams daṅ | lhag par (7) mos par ’gyur ba rnams daṅ gnas par ’gyur ba de dag gi dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gis byaṅ chub sems dpa’ gaṅ dag bla na med pa yaṅ dag par rdzogs pa’i byaṅ chub tu luṅ ston par ’gyur ba de dag gi pha rol tu phyin pa drug (81a1) daṅ ldan pa’i dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gis gaṅ zag raṅ saṅs rgyas kyi theg pa can dag raṅ saṅs rgyas kyi byaṅ chub la luṅ ston par ’gyur ba de dag gi dge ba’i rtsa ba gaṅ yin pa rnams daṅ | gaṅ (2) zag ñan thos kyi theg pa can rnams kyi sbyin pa las byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya ba’i dṅos po daṅ bsgoms pa las byuṅ ba’i bsod nams bya ba’i dṅos po gaṅ yin pa rnams daṅ slob pa’i zag pa med pa’i dge ba’i rtsa ba gaṅ (3) yin pa rnams daṅ mi slob pa’i zag pa med pa’i dge ba’i rtsa ba gaṅ yin pa rnams daṅ | chos de la so so’i skye bo gaṅ dag gis dge ba’i rtsa ba bskrun par ’gyur ba daṅ | gaṅ yaṅ lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen (4) po daṅ mi daṅ mi ma yin pa gaṅ dag gis chos de thos par ’gyur ba daṅ thos nas kyaṅ dge ba’i rtsa ba bskrun par ’gyur ba daṅ | gaṅ yaṅ byol soṅ gi skye gnas su soṅ ba’i sems can gaṅ dag gis kyaṅ chos de thos par ’gyur ba daṅ thos nas kyaṅ dge ba’i rtsa ba dag bskrun par (5) ’gyur ba daṅ | sems can gaṅ dag gis saṅs rgyas bcom ldan ’das yoṅs su mya ṅan las ’da’ ba daṅ | yoṅs su mya ṅan las ’das pa de dag la dge ba’i rtsa ba bskrun par ’gyur ba de dag thams cad kyi dge ba’i rtsa ba gaṅ dag yin pa de dag thams cad gcig tu bsdus te (6) bsdoms śiṅ gźal nas ma lus par byas te | rjes su yi raṅ bar bya ba ma lus pa la rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po de bla na med pa yaṅ dag par rdzogs pa’i byaṅ chub tu yoṅs su sṅo bar byed pa’i byaṅ chub sems dpa’ sems dpa’ (7) chen po ci ltar ’du śes phyin ci log tu mi ’gyur sems phyin ci log tu mi ’gyur lta ba phyin ci log tu mi ’gyur źe na | gal te byaṅ chub sems dpa’ sems dpa’ chen po de sems gaṅ gis gaṅ yoṅs su bsṅo ba’i sems de la sems su ’du śes par mi ’gyur na de ltar na byaṅ chub (81b1) sems dpa’ sems dpa’ chen pos rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
ci ltar sems de la sems de ’di yin no źes yaṅ dag par mi śes pa de ltar byaṅ chub sems dpa’ sems dpa’ (2) chen po ’du śes phyin ci log par mi ’gyur sems phyin ci log par mi ’gyur lta ba phyin ci log par mi ’gyur ro ||
de ste sems gaṅ gis gaṅ yoṅs su bsṅo ba’i sems de la sems de ni ’di yin no źes yaṅ dag par śes śiṅ sems su ’du śes par gyur na | de ltar na byaṅ chub sems (3) dpa’ sems dpa’ chen po’i ’du śes phyin ci log pa daṅ sems phyin ci log pa daṅ lta ba phyin ci log par ’gyur ro ||
gal te byaṅ chub sems dpa’ sems dpa’ chen po sems gaṅ yoṅs su bsṅo ba’i sems de la ’di ltar śes śiṅ ’di ltar sems te | sems de la sems pa na de (4) ltar zad pa la zad pa’o źes de ltar yaṅ dag par śes śiṅ ’gags pa daṅ pral ba daṅ rnam par gyur pa yin no źes de ltar śes te | gaṅ zad pa de yaṅ yoṅs su bsṅo bar mi nus sems gaṅ gis yoṅs su bsṅo ba’i sems de’i chos ñid kyaṅ de yin chos gaṅ dag gis yoṅs su bsṅo (5) ba’i chos de dag gi chos ñid kyaṅ de yin | chos gaṅ dag tu yoṅs su bsṅo ba’i chos de dag gi chos ñid kyaṅ de yin no źes gal te de ltar yoṅs su bsṅo na yaṅ dag par yoṅs su bsṅo ba yin gyi log par yoṅs su bsṅo ba ma yin te de ltar byaṅ chub sems dpa’ sems dpa’ chen pos (6) yoṅs su bsṅo bar bya’o ||
’phags pa rab ’byor gźan yaṅ byaṅ chub sems dpa’ sems dpa’ chen pos stoṅ gsum gyi stoṅ chen po’i ’jig rten gyi khams gźal du med ciṅ graṅs med pa rnams nad ltar byuṅ ba’i saṅs rgyas bcom ldan ’das lam chad pa ’jug pa chad pa spros pa daṅ srid (7) par ’dren pa chad pa gźal du med ciṅ graṅs med pa bźugs te ’tsho źiṅ gźes pa rnams kyi sems daṅ po bskyed pa nas bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i bar daṅ | phuṅ po lhag ma med pa’i mya ṅan las ’das pa’i dbyiṅs (82a1) su mya ṅan las ’da’ ba’i bar daṅ | dam pa’i chos ma nub pa’i bar te | de dag gi bar gyi saṅs rgyas bcom ldan ’das de rnams kyi pha rol tu phyin pa daṅ ldan pa’i dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gi tshul khrims kyi (2) phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po gaṅ yin pa rnams daṅ | phan par bźed pa gaṅ yin pa daṅ | byams pa chen po gaṅ yin pa daṅ sñiṅ rje chen po gaṅ yin pa daṅ saṅs rgyas kyi (3) yon tan gźal du med ciṅ graṅs med pa gaṅ yin pa rnams daṅ | saṅs rgyas bcom ldan ’das de dag gi chos gaṅ bśad pa daṅ | chos de la gaṅ gis bslabs pa daṅ lhag par mos pa daṅ gnas pa de dag gi dge ba’i rtsa ba gaṅ yin pa rnams daṅ | saṅs rgyas bcom (4) ldan ’das de dag gis byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub tu luṅ ston pa de dag gi pha rol tu phyin pa drug daṅ ldan pa’i dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gis gaṅ zag (5) raṅ saṅs rgyas kyi theg pa can dag raṅ saṅs rgyas kyi byaṅ chub la luṅ ston pa de dag gi dge ba’i rtsa ba gaṅ yin pa rnams daṅ | gaṅ zag ñan thos kyi theg pa can rnams kyi sbyin pa las byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya ba’i dṅos po daṅ bsgoms (6) pa las byuṅ ba’i bsod nams bya ba’i dṅos po gaṅ yin pa rnams daṅ | slob pa’i zag pa med pa’i dge ba’i rtsa ba gaṅ yin pa rnams daṅ | mi slob pa’i zag pa med pa’i dge ba’i rtsa ba gaṅ yin pa rnams daṅ | chos de la so so’i skye bo gaṅ dag gis dge ba’i rtsa ba bskrun pa daṅ | (7) lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa gaṅ dag gis chos de thos te thos nas kyaṅ dge ba’i rtsa ba bskrun pa daṅ | byol soṅ gi skye gnas su soṅ ba’i sems can gaṅ dag gis chos de thos te thos nas kyaṅ (82b1) dge ba’i rtsa ba bskrun pa daṅ | gaṅ dag gis saṅs rgyas bcom ldan ’das de dag yoṅs su mya ṅan las ’da’ ba daṅ yoṅs su mya ṅan las ’das pa la dge ba’i rtsa ba bskrun pa gaṅ yin pa de dag thams cad kyi dge ba’i rtsa ba gaṅ yin pa de dag thams cad gcig tu bsdus te (2) bsdoms śiṅ gźal nas ma lus par byas te rjes su yi raṅ bar bya ba ma lus pa la rjes su yi raṅ nas | rjes su yi raṅ ba daṅ ldan pa’i bsod nams bya ba’i dṅos po de bla na med pa yaṅ dag par rdzogs pa’i byaṅ chub tu yoṅs su sṅo bar byed pa’i byaṅ chub sems dpa’ sems dpa’ (3) chen po ci ltar ’du śes phyin ci log tu mi ’gyur sems phyin ci log tu mi ’gyur lta ba phyin ci log tu mi ’gyur źe na | gal te byaṅ chub sems dpa’ sems dpa’ chen po de sems gaṅ gis gaṅ yoṅs su bsṅo ba’i sems de la sems su ’du śes par mi ’gyur na | de ltar byaṅ chub (4) sems dpa’ sems dpa’ chen pos rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
ci ltar sems de la sems de ni ’di yin no źes yaṅ dag par mi śes pa de ltar byaṅ chub sems dpa’ (5) sems dpa’ chen po ’du śes phyin ci log par mi ’gyur sems phyin ci log par mi ’gyur lta ba phyin ci log par mi ’gyur ro ||
de ste sems gaṅ gis gaṅ yoṅs su bsṅo ba’i sems de la sems de ni ’di yin no źes yaṅ dag par śes śiṅ sems su ’du śes par gyur na de ltar na (6) byaṅ chub sems dpa’ sems dpa’ chen po’i ’du śes phyin ci log pa daṅ sems phyin ci log pa daṅ lta ba phyin ci log par ’gyur ro ||
yaṅ gal te byaṅ chub sems dpa’ sems dpa’ chen po sems gaṅ yoṅs su bsṅo ba’i sems de la ’di ltar śes śiṅ ’di ltar sems te | (7) sems de la sems pa na de ltar zad pa la zad pa’o źes de ltar yaṅ dag par śes śiṅ | ’gags pa daṅ bral ba daṅ rnam par gyur pa yin no źes de ltar śes te gaṅ zad pa de yaṅ yoṅs su bsṅo bar mi nus | sems gaṅ gis yoṅs su bsṅo ba’i sems de’i chos ñid kyaṅ de yin | (83a1) chos gaṅ dag gis yoṅs su bsṅo ba’i chos de dag gi chos ñid kyaṅ de yin | chos gaṅ dag tu yoṅs su bsṅo ba’i chos de dag gi chos ñid kyaṅ ṅa yin no źes gal te de ltar yoṅs su bsṅo na yaṅ dag par yoṅs su bsṅo ba yin gyi | log par yoṅs su bsṅo ba ma yin te | (2) de ltar byaṅ chub sems dpa’ sems dpa’ chen pos yoṅs su bsṅo bar bya’o ||
’phags pa rab ’byor gźan yaṅ byaṅ chub sems dpa’ sems dpa’ chen pos ’das pa daṅ ma byon pa daṅ da ltar gyi saṅs rgyas bcom ldan ’das lam chad pa ’jug pa chad pa spros pa daṅ srid par ’dren (3) pa chad pa gźal du med ciṅ graṅs med pa dag gi sems daṅ po bskyed pa nas bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa daṅ mṅon par rdzogs par ’tshaṅ rgya bar ’gyur ba daṅ mṅon par rdzogs par ’tshaṅ rgya ba’i bar daṅ | phuṅ po (4) lhag ma med pa’i mya ṅan las ’das pa’i dbyiṅs su yoṅs su mya ṅan las ’das pa daṅ yoṅs su mya ṅan las ’da’ bar ’gyur ba daṅ yoṅs su mya ṅan las ’da’ ba’i bar daṅ | dam pa’i chos ma nub pa daṅ nub par mi ’gyur ba daṅ nub par ma gyur pa’i bar te | de dag gi bar gyi (5) saṅs rgyas bcom ldan ’das de rnams kyi pha rol tu phyin pa’i dge ba’i rtsa ba gaṅ yin pa rnams daṅ | saṅs rgyas bcom ldan ’das de dag gi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i (6) phuṅ po gaṅ yin pa rnams daṅ | phan par bźed pa gaṅ yin pa daṅ byams pa chen po gaṅ yin pa daṅ sñiṅ rje chen po gaṅ yin pa daṅ saṅs rgyas kyi yon tan gźal du med ciṅ graṅs med pa gaṅ yin pa rnams daṅ | saṅs rgyas bcom ldan ’das de dag gis chos gaṅ bśad pa daṅ ’chad (7) par ’gyur ba daṅ ’chad pa daṅ chos de dag la gaṅ gis bslabs pa daṅ slob par ’gyur ba daṅ slob pa daṅ | mos pa daṅ mos par ’gyur ba daṅ mos par byed pa daṅ gnas pa daṅ gnas par ’gyur pa daṅ gnas par byed pa de dag gi dge ba’i rtsa ba gaṅ yin pa rnams daṅ | (83b1) saṅs rgyas bcom ldan ’das de dag gis byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub tu luṅ bstan pa daṅ luṅ ston par ’gyur ba daṅ luṅ ston pa de dag thams cad kyi dge ba’i rtsa ba gaṅ yin pa rnams daṅ | saṅs rgyas (2) bcom ldan ’das de dag gis gaṅ zag raṅ saṅs rgyas kyi theg pa can gaṅ dag raṅ byaṅ chub la luṅ bstan pa daṅ luṅ ston par ’gyur ba daṅ luṅ ston pa de dag thams cad kyi dge ba’i rtsa ba gaṅ yin pa rnams daṅ | gaṅ zag ñan thos kyi theg pa can rnams kyi sbyin pa las byuṅ (3) ba’i dge ba’i rtsa ba daṅ tshul khrims las byuṅ ba’i dge ba’i rtsa ba daṅ bsgoms pa las byuṅ ba’i dge ba’i rtsa ba gaṅ yin pa rnams daṅ slob pa’i zag pa med pa’i dge ba’i rtsa ba gaṅ yin pa rnams daṅ mi slob pa’i zag pa med pa’i dge ba’i rtsa ba gaṅ yin pa rnams daṅ | chos de la so so’i (4) skye bo gaṅ dag gis dge ba’i rtsa ba bskrun pa daṅ skrun par ’gyur ba daṅ skrun pa daṅ | lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa gaṅ dag gis kyaṅ chos de thos par gyur pa daṅ thos par ’gyur ba daṅ (5) thos pa daṅ thos nas kyaṅ dge ba’i rtsa ba bskyed pa daṅ skyed par ’gyur ba daṅ skyed pa daṅ | byol soṅ gi skye gnas su skyes pa’i sems can gaṅ dag gis dam pa’i chos de thos par gyur pa daṅ thos par ’gyur ba daṅ thos pa daṅ thos nas kyaṅ dge ba’i rtsa ba bskrun pa daṅ skrun par ’gyur (6) ba daṅ skrun pa daṅ | sems can gaṅ dag gis saṅs rgyas bcom ldan ’das de dag yoṅs su mya ṅan las ’das pa daṅ yoṅs su mya ṅan las ’da’ bar ’gyur ba daṅ yoṅs su mya ṅan las ’da’ ba la dge ba’i rtsa ba bskrun pa daṅ skrun par ’gyur ba daṅ skrun pa de rnams thams cad (7) kyi dge ba’i rtsa ba gaṅ yin pa de dag thams cad gcig tu bsdus te bsdoms śiṅ gźal nas ma lus par byas te rjes su yi raṅ bar bya ba ma lus pa la rjes su yi raṅ ba’i mchog gis rjes su yi raṅ ba dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ | (84a1) goṅ na med pa daṅ mñam pa med pa daṅ mi mñam pa daṅ mñam pa’i rjes su yi raṅ bas rjes su yi raṅ la de ltar rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅo’o (2) źes bla na med pa yaṅ dag par rdzogs pa’i byaṅ chub yoṅs su sgrub par gyur cig sñam pas ṅag tu rjod na byaṅ chub sems dpa’ sems dpa’ chen po de ji ltar ’du śes phyin ci log tu mi ’gyur sems phyin ci log tu mi ’gyur lta ba phyin ci log tu mi ’gyur źe na | gal te yoṅs (3) su sṅo bar byed pa ’di sñam du chos de dag ni zad pa ’gags pa bral ba rnam par gyur pa yin pas gaṅ du chos de zad par mi ’gyur bar yoṅs su bsṅo bar bya’o źes sems pa de lta na bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
gal te yaṅ ’di (4) ltar chos kyis ni chos yoṅs su mi bsṅo’o sñam du ñe bar rtog pa de lta na yaṅ bla na med pa yaṅ dag par rdzogs pa’i byaṅ chub tu yoṅs su bsṅos pa yin te | btsun pa rab ’byor de ltar yoṅs su bsṅo ba’i byaṅ chub sems dpa’ sems dpa’ chen po ni ’du śes phyin ci log tu mi ’gyur (5) sems phyin ci log tu mi ’gyur lta ba phyin ci log tu mi ’gyur ro ||
de ci’i phyir źe na | ’di ltar de ni yoṅs su bsṅo ba de la mṅon par źen pa med do ||
gal te yaṅ ’di sñam du sems kyis sems miṅ śes śiṅ chos kyis chos mi śes so źes yaṅ dag par śes pa de lta na (6) yaṅ bla na med pa yaṅ dag par rdzogs pa’i byaṅ chub tu yoṅs su bsṅos pa yin te ’di ni byaṅ chub sems dpa’ sems dpa’ chen po’i yoṅs su bsṅo ba bla na med pa’o ||
gal te yaṅ byaṅ chub sems dpa’ sems dpa’ chen po de bsod nams mṅon par ’du byed pa de śes na bla na med (7) pa yaṅ dag par rdzogs pa’i byaṅ chub tu yoṅs su bsṅos pa ma yin no ||
de ci’i phyir źe na | ’di ltar de ni yoṅs su bsṅo ba de la mṅon par źen pa’i phyir ro ||
gal te yaṅ de ’di sñam du bsod nams mṅon par ’du byed pa de yaṅ dben pa źi ba’o rjes su yi raṅ ba daṅ ldan pa’i (84b1) bsod nams bya ba’i dṅos po gaṅ yin pa de yaṅ dben pa źi ba’o źes sems pa de ltar na bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
gal te de ’du byed thams cad ni dben pa’o źi ba’o sñam du de ltar yaṅ mi śes pa de ltar na ’di ni byaṅ chub sems (2) dpa’ sems dpa’ chen po de’i śes rab kyi pha rol tu phyin pa yin no ||
gaṅ yaṅ saṅs rgyas bcom ldan ’das yoṅs su mya ṅan las ’das pa de dag gi dge ba’i rtsa ba de ci ’dra ba ltar yoṅs su bsṅo ba de daṅ de’i dge ba’i rtsa ba yaṅ de ’dra ba ñid de | gaṅ gis de yoṅs su bsṅos pa (3) de yaṅ de’i rigs can de’i mtshan ñid can de’i ris su gtogs pa de’i raṅ bźin can yin par gal te de ltar śes na bla na med pa yaṅ dag par rdzogs pa’i byaṅ chub tu yoṅs su bsṅos pa ma yin no ||
de ci’i phyir źe na | saṅs rgyas bcom ldan ’das rnams ni mtshan ma’i tshul (4) gyis yoṅs su bsṅo ba gnaṅ bar mi mdzad do ||
gaṅ ’das pa de ni zad pa ’gags pa bral ba rnam par gyur pa’o ||
gaṅ ma ’oṅs pa de yaṅ ma thob pa’o ||
da ltar byuṅ ba de la ni gnas pa mi dmigs la | gaṅ mi dmigs pa de ni mtshan ma ma yin źiṅ yul ma yin par gal te (5) de ltar mtshan mar byed ciṅ mi sems na bla na med pa yaṅ dag par rdzogs pa’i byaṅ chub tu yoṅs su bsṅos pa ma yin no ||
de ste dran pa daṅ bral bas mtshan mar mi byed ciṅ mi sems pa daṅ | dran pa daṅ bral ba ’am khoṅ du ma chud pas yid la mi byed na de lta na yaṅ bla na med pa yaṅ dag (6) par rdzogs pa’i byaṅ chub tu yoṅs su bsṅos pa ma yin no ||
de ste mtshan ma de la sems śiṅ mtshan mar mi byed na de ltar na byaṅ chub sems dpa’ sems dpa’ chen pos dge ba’i rtsa ba de bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
’di ltar byaṅ chub (7) sems dpa’ sems dpa’ chen pos ’di la bslab par bya ste ’di ni byaṅ chub sems dpa’ sems dpa’ chen po de’i thabs mkhas par rig par bya’o ||
gaṅ thabs mkhas pa ’dis dge ba’i rtsa ba yoṅs su bsṅo ba ’di ni thams cad mkhyen pa ñid la ñe ba yin no ||
thabs (85a1) mkhas pa ’di la slob par ’dod pa’i byaṅ chub sems dpa’ sems dpa’ chen pos ni śes rab kyi pha rol tu phyin pa ’di ñid rgyun mi ’chad par mñan par bya gzuṅ bar bya bcaṅ bar bya klag par bya kun chub par bya rab tu gdon par bya bstan par bya ñe bar bstan par bya luṅ (2) dpog par bya kha ton du bya yoṅs su dri bar bya’o ||
de ci’i phyir źe na | śes rab kyi pha rol tu phyin pa la ma brten par thos pa daṅ mi ldan pas śes rab kyi pha rol tu phyin pa ’di yoṅs su bsṅo ba’i bya ba ’di la ’jug mi nus so ||
de la gaṅ ’di skad du śes rab kyi pha rol tu phyin pa (3) ’di la ma brten kyaṅ bsod nams bya ba’i dṅos po de bla na med pa yaṅ dag par rdzogs pa’i byaṅ chub tu bsṅo bar nus so źes zer na | de la de skad ma zer cig ces brjod par bya ba yin no ||
de ci’i phyir źe na | bdag gi dṅos po de dag ’gags pa daṅ ’du byed de dag kyaṅ (4) ’gags pa ste źi ba dben pa dmigs pa daṅ bral ba yin no ||
’on kyaṅ gaṅ zag de ni yaṅ dag pa ji lta ba ñid la mtshan mar byas śiṅ rnam par brtags nas yaṅ dag pa ci lta ba bźin ma yin pa la yaṅ dag pa ji lta bar ’du śes pas dmigs pa la mi dmigs par yoṅs su sṅo bar (5) byed pa yin te | de’i dge ba’i rtsa ba de ltar bla na med pa yaṅ dag par rdzogs pa’i byaṅ chub tu yoṅs su bsṅos pa ni saṅs rgyas bcom ldan ’das rnams kyis gnaṅ bar mi mdzad do ||
de ci’i phyir źe na | saṅs rgyas bcom ldan ’das rnams kyi yoṅs su mya ṅan las ’das pa la (6) mtshan mar byed ciṅ rnam par rtog pa daṅ mya ṅan las ’das pa la rnam par dmigs pa gaṅ yin pa de ñid de’i dmigs pa chen po yin te | de bźin gśegs pa dgra bcom pa yaṅ dag par rdzogs pa’i saṅs rgyas rnams ni dmigs pa’i ’du śes can gyi yoṅs su bsṅo ba don (7) chen po byed pa’o źes mi gsuṅ ṅo ||
de ci’i phyir źe na | yoṅs su bsṅo ba de ni dug daṅ bcas śiṅ zug rṅu daṅ bcas pa yin no ||
’di lta ste dper na kha zas bzaṅ po dug can źig yod la de bźin du de’i kha dog daṅ dri daṅ ro daṅ reg pa’i sgo nas ’dod par bya ba yaṅ yin (85b1) mod kyi | ’on kyaṅ dug daṅ bcas pa yin pas na mkhas pa rnams kyis yoṅs su spaṅ bar bya ba yin gyi yoṅs su loṅs spyad par bya ba ma yin no ||
de ñid skyes bu byis pa’i raṅ bźin can śes rab ’chal pa’i raṅ bźin can gyis yoṅs su loṅs spyad par bsams te | des zas de (2) za ba na de’i kha dog daṅ dri daṅ ro daṅ reg pa’i sgo nas myaṅs ba na bde bar byed la źu ba’i tshe de la rnam par smin pa sdug bsṅal bar ’gyur te de de’i gźi las śi ba ’am śi ba tsam gyi sdug bsṅal du ’gyur ro ||
’phags pa rab ’byor de bźin du ’di la kha cig log par zin ciṅ log (3) par rig pa daṅ log par kha ton byas pas legs par smras pa’i don ma śes śiṅ don yaṅ dag pa ci lta ba bźin du khoṅ du ma chuṅ pa dag | ’di skad du rigs kyi bu khyod tshur śeg ’jig rten thams cad kyi ’jig rten gyi khams gźal du med ciṅ graṅs med pa’i saṅs rgyas bcom ldan (4) ’das ’das pa daṅ ma ’oṅs pa daṅ da ltar byuṅ ba rnams kyi thugs daṅ po bskyed pa nas ñe bar bzuṅ nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa daṅ rgya bar ’gyur ba daṅ rgya ba’i bar daṅ phuṅ po’i lhag ma med pa’i mya ṅan las ’das pa’i dbyiṅs (5) su yoṅs su mya ṅan las ’das pa daṅ ’da’ bar ’gyur ba daṅ ’da’ ba’i bar daṅ | dam pa’i chos nub par ma gyur pa daṅ nub par mi ’gyur ba daṅ ma nub pa’i bar te | bar de’i ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams daṅ de dag gi ñan thos (6) rnams kyi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po gaṅ yin pa rnams daṅ | saṅs rgyas bcom ldan ’das de dag gis byaṅ chub sems dpa’ sems dpa’ chen (7) po gaṅ dag bla na med pa yaṅ dag par rdzogs pa’i byaṅ chub tu luṅ bstan pa daṅ | luṅ ston par ’gyur ba daṅ luṅ ston pa de dag gis dge ba’i rtsa ba bskrun pa daṅ skrun par ’gyur ba daṅ skrun pa gaṅ yin pa rnams daṅ | gaṅ zag raṅ saṅs rgyas kyi theg pa can gaṅ dag raṅ byaṅ chub (86a1) tu luṅ bstan pa daṅ luṅ ston par ’gyur ba daṅ luṅ stan pa de dag gis dge ba’i rtsa ba bskrun pa daṅ skrun par ’gyur ba daṅ skrun pa gaṅ yin pa rnams daṅ | ñan thos kyi theg pa can gyi gaṅ zag gaṅ dag ñan thos kyi byaṅ chub tu luṅ bstan pa daṅ luṅ ston (2) ’gyur ba daṅ luṅ ston pa de dag gis dge ba’i rtsa ba bskrun pa daṅ skrun par ’gyur ba daṅ skrun pa gaṅ yin pa rnams daṅ | so so’i skye bo gaṅ dag gis der dge ba’i rtsa ba bskrun pa daṅ skrun par ’gyur ba daṅ skrun pa gaṅ yin pa rnams te | de rnams thams cad kyi dge ba’i rtsa ba (3) de dag thams cad gcig tu bsdus śiṅ bsdoms te gźal nas ma lus par byas te ma lus pa la rjes su yi raṅ nas | rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub yoṅs su bsṅo bar gyis śig ces ’doms (4) śiṅ rjes su ston par ’gyur te | de ltar yoṅs su bsṅo ba de ni mtshan ma’i tshul gyis yoṅs su bsṅo bas du gñid du ’gyur te ’di lta ste dper na kha zas de dug daṅ bcas pa bźin no ||
de ltar na dmigs pa’i ’du śes can la yoṅs su bsṅo ba med do ||
de ci’i phyir źe na | (5) dmigs pa ni dug daṅ bcas pa’o ||
de bas na gaṅ zag byaṅ chub sems dpa’i theg pa can gyis de ltar bslab par mi bya’o ||
yaṅ des ci ltar bslab par bya źiṅ ci ltar ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams kyi dge ba’i rtsa ba yoṅs su (6) gzuṅ bar bya ba daṅ | ci ltar yoṅs su bzuṅ na legs par yoṅs su gzuṅ bar ’gyur źiṅ ji ltar yoṅs su bsṅo bar bya ba daṅ ji ltar yoṅs su bsṅos na bla na med pa yaṅ dag par rdzogs pa’i byaṅ chub tu legs par yoṅs su bsṅos par ’gyur źe na | ’di la rigs kyi bu ’am (7) rigs kyi bu mo byaṅ chub sems dpa’i theg pa can de bźin gśegs pa la skur pa mi gdab par ’dod pa des dge ba’i rtsa ba de dag thams cad ’di ltar rjes su yi raṅ bar bya źiṅ ’di ltar yoṅs su bsṅo bar bya ste | dge ba’i rtsa ba de ci ltar de bźin gśegs pa dgra bcom pa yaṅ dag (86b1) par rdzogs pa’i saṅs rgyas rnams kyis saṅs rgyas kyis saṅs rgyas kyi ye śes daṅ saṅs rgyas kyi spyan gyis mkhyen ciṅ gzigs pa daṅ | dge ba’i rtsa ba de rigs gaṅ yin pa daṅ ris gar gtogs pa daṅ ci ’dra ba daṅ raṅ bźin gaṅ yin pa daṅ mtshan ñid gaṅ yin pa daṅ chos ñid gaṅ gis (2) yod pa de bźin du rjes su yi raṅ źiṅ | dge ba’i rtsa ba de ci ltar bla na med pa yaṅ dag par rdzogs pa’i byaṅ chub tu yoṅs su bsṅos na de bźin gśegs pa dgra bcom pa yaṅ dag par rdzogs pa’i saṅs rgyas de dag gis rjes su gnaṅ ba de bźin du bdag gis rjes su yi raṅ bar (3) bya’o sñam pa ste | de ltar rjes su yi raṅ źiṅ de ltar yoṅs su sṅo bar byed pa’i byaṅ chub sems dpa’ sems dpa’ chen po ni saṅs rgyas bcom ldan ’das rnams la gnod par mi ’gyur źiṅ | yaṅ dag par rjes su yi raṅ bar byas pa daṅ dge ba’i rtsa ba de bla na med pa yaṅ (4) dag par rdzogs pa’i byaṅ chub tu legs par yoṅs su bsṅos par ’gyur ba daṅ | de bźin gśegs pa dgra bcom pa yaṅ dag par rdzogs pa’i saṅs rgyas de dag la skur pa mi ’debs pa yin te | lhag pa’i bsam pas mos pas yoṅs su sṅo bar byed pa de’i yoṅs (5) su bsṅo ba de lta bu ni dug med pa’i yoṅs su bsṅo ba yin yoṅs su bsṅo ba chen po yin chos kyi dbyiṅs kyi yoṅs su bsṅo ba yin | yoṅs su rdzogs śiṅ śin tu yoṅs su rdzogs pa yin no ||
gźan yaṅ rigs kyi bu ’am rigs kyi bu mo byaṅ chub sems dpa’i theg pa can gyis | (6) tshul khrims gaṅ yin pa daṅ tiṅ ṅe ’dzin gaṅ yin pa daṅ śes rab gaṅ yin pa daṅ rnam par grol ba gaṅ yin pa daṅ rnam par grol ba’i ye śes gzigs pa gaṅ yin pa ci ltar ’dod pa’i khams su mi gtogs gzugs kyi khams su mi gtogs gzugs med pa’i khams su mi (7) gtogs pa daṅ | ’das pa ma yin ma ’oṅs pa ma yin da ltar byuṅ ba yaṅ ma yin pa de ltar yoṅs su bsṅo bar bya’o ||
de ci’i phyir źe na | dus gsum daṅ khams gsum du ma gtogs pa’i phyir de bźin du yoṅs su bsṅo ba yaṅ ma gtogs pa’o ||
chos gaṅ du yoṅs su (87a1) bsṅo ba des yoṅs su bsṅo ba’i chos de yaṅ ma gtogs pa’o ||
gal te de ltar mos śiṅ de ltar yoṅs su bsṅo na byaṅ chub sems dpa’ sems dpa’ chen po de ltar yoṅs su sṅo bar byed pa de’i yoṅs su bsṅo ba ni chud ma zos pa yin te ma gtogs pa’i yoṅs su (2) bsṅo ba yoṅs su bsṅo ba dug med pa yoṅs su bsṅo ba chen po chos kyi dbyiṅs kyi yoṅs su bsṅo ba yoṅs su rdzogs śiṅ legs par yoṅs su rdzogs pa yin no ||
de ste yoṅs su bsṅo ba de la mṅon par chags śiṅ mtshan mar byed na log par yoṅs su bsṅo ba yin no ||
de (3) la byaṅ chub sems dpa’ sems dpa’ chen po’i yoṅs su bsṅo ba gaṅ źig dge ba’i rtsa ba de ci ltar saṅs rgyas bcom ldan ’das rnams kyis mkhyen ciṅ ci ltar rjes su gnaṅ ba de ltar chos kyi dbyiṅs kyi yoṅs su bsṅo ba ’dis bla na med pa yaṅ dag par rdzogs pa’i byaṅ chub tu yoṅs su (4) bsṅos pa de ltar de legs par yoṅs su bsṅos pa yin no sñam źiṅ | de ltar bdag gis yoṅs su bsṅo’o sñam na ’di ni yaṅ dag par yoṅs su bsṅo ba yin te | de ltar yoṅs su bsṅos pa ni bla na med pa yaṅ dag par rdzogs pa’i byaṅ chub tu legs par yoṅs su bsṅos pa yin no | (5) de nas bcom ldan ’das kyis tshe daṅ ldan pa rab ’byor la legs so źes bya ba byin te | rab ’byor khyod ston pa’i bya ba byed ciṅ gaṅ khyod byaṅ chub sems dpa’ sems dpa’ chen po rnams la chos ston pa ni rab ’byor legs so legs so ||
de ci’i phyir źe na | rab ’byor yoṅs (6) su bsṅo ba gaṅ yin pa ’di ni byaṅ chub sems dpa’ sems dpa’ chen po’i chos kyi dbyiṅs kyi yoṅs su bsṅo ba’o ||
chos ñid ’di ñid la saṅs rgyas bcom ldan ’das rnams kyis ci ltar mkhyen pa daṅ gzigs pa daṅ dge ba’i rtsa ba de rigs gaṅ yin pa daṅ ris gar gtogs pa daṅ (7) ci ’dra ba daṅ raṅ bźin gaṅ yin pa daṅ mtshan ñid gaṅ yin pa daṅ chos ñid gaṅ gis yod pa de ltar rjes su yi raṅ ba daṅ | ci ltar rjes su gnaṅ ba de ltar bdag gis yoṅs su bsṅo’o sñam pa ’di’i bsod nams kyi phuṅ po gaṅ yin pa daṅ | stoṅ gsum gyi stoṅ chen po’i ’jig (87b1) rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad rigs kyi bu ’am rigs kyi bu mo gaṅ la la źig gis dge ba bcu’i las kyi lam la yaṅ dag par bkod ciṅ bźag pa’i bsod nams mṅon par ’du byed pa gaṅ yin pa de las byaṅ chub sems (2) dpa’ sems dpa’ chen po’i chos kyi dbyiṅs kyi yoṅs su bsṅo ba las skyes pa’i bsod nams kyi phuṅ po ’di ñid mchog ces bya’o dam pa źes bya’o gtso bo źes bya’o rab ces bya’o mchog rab ces bya’o gya nom pa źes bya’o bla ma źes bya’o bla na med pa źes bya’o ||
goṅ na med pa źes bya’o ||
(3) mñam pa med pa źes bya’o mi mñam pa daṅ mñam pa źes bya’o ||
rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad dge ba bcu’i las kyi lam la bkod pa’i bsod nams mṅon par ’du (4) byed pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad bsam gtan bźi thob par gyur pa de dag gi bsod nams mṅon par ’du byed pa gaṅ yin pa de bas kyaṅ byaṅ chub sems (5) dpa’ sems dpa’ chen po’i yoṅs su bsṅo ba daṅ ldan pa’i bsod nams kyi phuṅ po ’di ni mchog ces bya’o ||
dam pa źes bya’o gtso bo źes bya’o rab ces bya’o mchog rab ces bya’o gya nom pa źes bya’o bla ma źes bya’o bla na med pa źes bya’o goṅ na med pa źes bya’o mñam pa med pa (6) źes bya’o mi mñam pa daṅ mñam pa źes bya’o ||
rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad bsam gtan bźi rdzogs par gyur pa’i bsod nams mṅon par ’du byed pa lta (7) źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad tshad med pa bźi thob par gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ (88a1) gi bye ma sñed kyi sems can thams cad tshad med pa bźi thob pa’i bsod nams mṅon par ’du byed pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad gzugs (2) med pa’i sñoms par ’jug pa bźi thob par gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad gzugs med pa’i sñoms par ’jug pa bźi thob pa’i bsod nams mṅon par ’du byed pa lta źog | (3) rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad mṅon par śes pa lṅa thob par gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed (4) kyi sems can thams cad mṅon par śes pa lṅa thob pa’i bsod nams mṅon par ’du byed pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad rgyun tu źugs par gyur pa daṅ | rab (5) ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad rgyun tu źugs par gyur pa’i bsod nams mṅon par ’du byed ba lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na (6) sems can ci sñed yod pa de dag thams cad lan cig phyir ’oṅ par gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad lan cig phyir ’oṅ bar gyur pa’i bsod nams mṅon par ’du byed pa lta źog | rab (7) ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad phyir mi ’oṅ bar gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams (88b1) cad phyir mi ’oṅ bar gyur pa’i bsod nams mṅon par ’du byed pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad dgra bcom par gyur pa daṅ | rab ’byor yaṅ stoṅ gsum (2) gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad dgra bcom par gyur pa’i bsod nams mṅon par ’du byed pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci (3) sñed yod pa de dag thams cad raṅ saṅs rgyas su gyur pa daṅ | rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad raṅ saṅs rgyas su gyur pa’i bsod nams mṅon par ’du byed pa lta źog | rab ’byor stoṅ gsum (4) gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can gaṅ dag yod pa de dag thams cad bla na med pa yaṅ dag par rdzogs pa’i byaṅ chub tu źugs par gyur la | de dag thams cad kyis stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma (5) sñed gźan daṅ gźan dag ñid na sems can gaṅ dag yod pa de dag thams cad la | byaṅ chub sems dpa’ re res chos gos daṅ bsod sñoms daṅ | mal cha daṅ na ba’i gsos sman daṅ yo byad daṅ bde bar sbyar ba thams cad daṅ bde ba la reg par gnas pa thams cad kyis bskal pa gaṅ g’i (6) kluṅ gi bye ma sñed du rim gror byas te sbyin pa de yaṅ dmigs pa’i ’du śes kyis byin la | rnam graṅs des na yoṅs su brtags nas sems can de rnams thams cad las re re la yaṅ byaṅ chub sems dpa’ de rnams thams cad las kyaṅ byaṅ chub sems dpa’ re res bskal pa gaṅ g’i (7) kluṅ gi bye ma sñed du chos gos daṅ bsod sñoms daṅ mal cha daṅ na ba’i gsos sman daṅ yo byad daṅ bde bar sbyar ba thams cad daṅ bde ba la reg par gnas pa thams cad kyis rim gror byas te | bkur stir byed bla mar byed rjed par byed mchod par byed ri mor byed bsñen bkur byed de | (89a1) de bźin du re re la yaṅ byaṅ chub sems dpa’ de dag thams cad kyis rnam graṅs ’dis sbyin pa byin źiṅ | de bźin du thams cad la yaṅ sbyin pa byin na rab ’byor de ci sñam du sems ci byaṅ chub sems dpa’ de dag de’i gźi las bsod nams maṅ du skyed dam | (2) rab ’byor gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das gźal du ma mchis so bde bar gśegs pa gźal du ma mchis so ||
bcom ldan ’das de’i bsod nams kyi phuṅ po ni graṅs su bgyi bar yaṅ sla ba ma lags (3) so ||
bcom ldan ’das de’i bsod nams kyi phuṅ po ni bgraṅ bar yaṅ dper yaṅ dpes bstan par bgyi bar yaṅ gźir yaṅ rgyur yaṅ bgyi bar sla ba ma lags so ||
bcom ldan ’das gal te bsod nams kyi phuṅ po de gzugs can źig lags na ni stoṅ gsum gyi (4) stoṅ chen po’i ’jig rten gyi khams gaṅ g’i kluṅ gi bye ma sñed dag tu yaṅ mi śoṅ bar ’gyur ro ||
de skad ces gsol pa daṅ | bcom ldan ’das kyis gnas brtan tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | (5) rab ’byor yaṅ gaṅ gi phyir gaṅ zag byaṅ chub sems dpa’i theg pa can śes rab kyi pha rol tu phyin pa daṅ thabs mkhas pas yoṅs su gzuṅ ba chos kyi dbyiṅs kyi yoṅs su bsṅo ba ’dis dge ba’i rtsa ba bla na med pa yaṅ dag par rdzogs pa’i byaṅ chub tu yoṅs su sṅo bar byed pa de’i phyir de’i (6) bsod nams maṅ du skyed de | rab ’byor chos kyi dbyiṅs kyi yoṅs su bsṅo ba las skyes pa’i bsod nams kyi phuṅ po ’di la ni dmigs pa’i ’du śes can gyi byaṅ chub sems dpa’ sems dpa’ chen po rnams kyi sbyin pa las byuṅ ba’i bsod nams mṅon par ’du byed pa sṅa ma des (7) brgya’i char yaṅ ñe bar mi ’gro | stoṅ gi char yaṅ brgya phrag stoṅ gi char yaṅ bye ba’i char yaṅ bye ba phrag brgya’i char yaṅ bye ba phrag stoṅ gi char yaṅ bye ba brgya phrag stoṅ gi char yaṅ bye ba khrag khrig brgya phrag stoṅ gi char yaṅ ñe bar mi ’gro’o ||
graṅs su yaṅ ñe bar mi ’gro bgraṅ (89b1) bar yaṅ dper yaṅ dpes bstan par bya bar yaṅ gźir yaṅ rgyur yaṅ ñe ba’i rgyur yaṅ mi bzod do ||
de ci’i phyir źe na | ’di ltar sṅa ma dmigs pa’i ’du śes can gyi byaṅ chub sems dpa’ de dag gi sbyin pa ni śin tu maṅ po byin na yaṅ śin tu maṅ por yaṅ graṅs su de ’gyur (2) ro ||
de nas rgyal chen bźi’i ris kyi lha’i bu stoṅ phrag ñi śu rnams thal mo sbyar te phyag ’tshal nas bcom ldan ’das la ’di skad ces gsol to ||
bcom ldan ’das ’di lta ste byaṅ chub sems dpa’ sems dpa’ chen po’i śes rab kyi pha rol tu phyin pa daṅ thabs mkhas (3) pas yoṅs su bzuṅ ba’i dge ba’i rtsa ba thams cad mkhyen pa ñid du yoṅs su bsṅos pa ’di ni yoṅs su bsṅo ba chen po lags te | ’di ltar gaṅ du dmigs pa daṅ bcas pa’i byaṅ chub sems dpa’ de dag gi sbyin pa las byuṅ ba’i bsod nams mṅon par ’du byed pa de (4) sñed kyaṅ zil gyis mnan pa lags so ||
de nas sum cu rtsa gsum gyi ris kyi lha’i bu brgya phrag stoṅ gis lha’i me tog daṅ lha’i bdug pa daṅ lha’i dri daṅ lha’i phreṅ ba daṅ lha’i byug pa daṅ lha’i phye ma rnams kyi char daṅ lha’i rin po che’i char daṅ lha’i na bza’i char gyis bcom ldan (5) ’das la mṅon par gtor mṅon par rab tu gtor nas | lha’i gdugs daṅ lha’i rgyal mtshan daṅ lha’i dril bu daṅ lha’i ba dan dag daṅ lha’i mchod pa rnam pa maṅ po dag gis | bcom ldan ’das la bkur stir byas bla mar byas rjed par byas mchod par byas ri mor byas bsñen (6) bkur byas te lha’i sil sñan rnams rab tu dkrol nas tshig ’di skad ces gsol to ||
kye ma bcom ldan ’das byaṅ chub sems dpa’ sems dpa’ chen po’i chos kyi dbyiṅs kyi yoṅs su bsṅo ba ’di ni bsṅo ba chen po lags te | ’di ltar gaṅ du dmigs pa can gyi byaṅ chub sems (7) dpa’ de dag gi sbyin pa las byuṅ ba’i bsod nams mṅon par ’du bgyid pa’i phuṅ po chen po de sñed kyaṅ zil gyis gnon pa lags so ||
’di ltar śes rab kyi pha rol tu phyin pa daṅ thabs mkhas pas yoṅs su bzuṅ ba’i slad du ’di ni bsṅo ba chen po lags so ||
de bźin du lha’i (90a1) ris gźan dag nas kyaṅ lhags nas bcom ldan ’das la bkur stir bya ba dam pa daṅ bla mar bya ba dam pa daṅ rjed par bya ba dam pa daṅ mchod par bya ba dam pa daṅ ri mor bya ba dam pa daṅ bsñen bkur bya ba dam pa rnams kyis | bkur stir byas bla mar byas rjed (2) par byas mchod par byas ri mor byas bsñen bkur byas nas de skad du sgra byuṅ źiṅ dbyaṅs rjes su bsgrags so ||
de bźin du sbyar bar bya ste ’thab bral daṅ dga’ ldan daṅ ’phrul dga’ daṅ gźan ’phrul dbaṅ byed daṅ chaṅs ris daṅ tshaṅs pa’i mdun na ’don daṅ tshaṅs ’khor (3) daṅ tshaṅs chen daṅ ’od chuṅ daṅ tshad med ’od daṅ ’od gsal daṅ | dge chuṅ daṅ tshad med dge daṅ dge rgyas daṅ sprin med daṅ bsod nams ’phel daṅ ’bras bu che daṅ ’du śes med pa’i sems can daṅ | mi che ba daṅ mi gduṅ ba daṅ gya nom snaṅ daṅ śin tu mthoṅ daṅ ’og (4) min gyi lha de dag kyaṅ de bźin du thal mo sbyar te bcom ldan ’das la phyag ’tshal nas ’di skad ces gsol to ||
bcom ldan ’das de ltar byaṅ chub sems dpa’ sems dpa’ chen po śes rab kyi pha rol tu phyin pa daṅ thabs mkhas pas yoṅs su bzuṅ ba’i dge ba’i rtsa ba yoṅs su (5) bsṅo ba des byaṅ chub sems dpa’ dmigs pa’i ’du śes can gyi yun riṅ po de tsam du bsags pa daṅ | de ltar rgya cher yaṅ dag par bsgrubs pa’i bsod nams kyi phuṅ po de sñed kyaṅ zil gyis gnon pa ṅo mtshar to ||
de nas bcom ldan ’das kyis gnas gtsaṅ ma’i ris kyi lha’i (6) bu la sogs te lha’i bu de dag thams cad la bka’ stsal pa | lha’i bu dag stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag gi sems can thams cad bla na med pa yaṅ dag par rdzogs pa’i byaṅ chub tu yaṅ dag par źugs pa rnams kyi bla na med pa (7) yaṅ dag par rdzogs pa’i byaṅ chub thob par bya ba’i don du sbyin pa byin pa’i bsod nams mṅon par ’du byed pa lta źog | lha’i bu dag rnam graṅs ’dis stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag na sems can gaṅ dag (90b1) yod pa de dag thams cad kyaṅ bla na med pa yaṅ dag par rdzogs pa’i byaṅ chub tu smon lam btab ste byaṅ chub tu sems bskyed nas | stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag gi sems can thams cad la chos gos (2) daṅ bsod sñoms daṅ mal cha daṅ na ba’i gsos sman daṅ yo byad daṅ bde bar sbyar ba thams cad daṅ bde ba reg par gnas pa thams cad kyis | byaṅ chub sems dpa’ re res kyaṅ bskal pa gaṅ g’i kluṅ gi bye ma sñed du ’dug ste sbyin pa byin źiṅ | de bźin du dmigs (3) pa’i ’du śes can de dag thams cad kyis kyaṅ sbyin pa byin pa’i bar daṅ | rnam graṅs ’dis sems can de rnams thams cad daṅ byaṅ chub sems dpa’ de rnams thams cad re re nas yoṅs su brtags nas | byaṅ chub sems dpa’ re re nas byaṅ chub sems dpa’ de rnams (4) thams cad kyi bar gyis bskal pa gaṅ g’i kluṅ gi bye ma sñed du ’dug ste | sems can de dag thams cad la chos gos daṅ bsod sñoms daṅ mal cha daṅ na ba’i gsos sman daṅ yo byad daṅ bde bar sbyar ba thams cad daṅ bde ba la reg par gnas pa thams cad kyis rim gror byed ciṅ (5) sbyin pa de yaṅ dmigs pa’i ’du śes kyis byin la | byaṅ chub sems dpa’ sems dpa’ chen po śes rab kyi pha rol tu phyin pa daṅ thabs mkhas pas yoṅs su zin pa źig gis | ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams daṅ byaṅ chub sems (6) dpa’ daṅ raṅ saṅs rgyas daṅ gaṅ zag ñan thos kyi theg pa can de rnams kye tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes mthoṅ ba’i phuṅ po daṅ | de la sems can gźan dag gis kyaṅ dge ba’i rtsa ba (7) dag bskrun pa daṅ skrun par ’gyur ba daṅ skrun par byed pa de dag thams cad gcig tu bsdus śiṅ bsdoms te gźal nas ma lus par byas te | ma lus pa la rjes su yi raṅ ba’i mchog gis rjes su yi raṅ źiṅ dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ (91a1) bla na med pa daṅ goṅ na med pa daṅ goṅ ma’i yaṅ goṅ ma daṅ mñam pa med pa daṅ | mi mñam pa daṅ mñam pa daṅ rab tu mñam pa med pa daṅ bsam gyis mi khyab pa’i rjes su yi raṅ bas rjes su yi raṅ la | rjes su yi raṅ nas rjes su yi raṅ ba daṅ ldan pa’i (2) bsod nams bya ba’i dṅos po bla na med pa yaṅ dag par rdzogs pa’i byaṅ chub sgrub par gyur cig ces bla na med pa yaṅ dag par rdzogs pa’i byaṅ chub tu yoṅs su bsṅo na rjes su yi raṅ pa yoṅs su bsṅo ba daṅ ldan pa’i bsod nams bya ba’i dṅos po ’di la byaṅ chub sems dpa’ dmigs (3) pa’i ’du śes can dag gi bsod nams mṅon par ’du byed pa sṅa ma des brgya’i char yaṅ ñe bar mi ’gro | stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
(4) graṅs su yaṅ bgraṅ bar yaṅ dper yaṅ dpes bstan par bya bar yaṅ gźir yaṅ rgyur yaṅ mi bzod do ||
de ci’i phyir źe na | ’di ltar byaṅ chub sems dpa’ de dag thams cad ni dmigs pa’i ’du śes can gyis sbyin pa sbyin par byed pa yin pa’i phyir ro || ||
(5) śes rab kyi pha rol tu phyin pa brgyad stoṅ pa | bam po brgyad pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kyis ’di skad du ’das pa daṅ ma byon pa daṅ da ltar byuṅ ba’i saṅs rgyas bcom ldan ’das daṅ byaṅ chub sems dpa’ (6) daṅ raṅ saṅs rgyas daṅ ñan thos kyi dge ’dun thams cad daṅ | sems can thams cad kyi dge ba’i rtsa ba ’das pa daṅ ma ’oṅs pa daṅ da ltar byuṅ ba źes bya ba gaṅ yin pa de dag thams cad gcig tu bsdus śiṅ bsdoms te gźal nas ma lus par byas te | ma lus pa la rjes su yi raṅ ba’i (7) mchog gis rjes su yi raṅ źiṅ dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ goṅ na med pa daṅ goṅ ma’i yaṅ goṅ ma daṅ mñam pa med pa daṅ mi mñam pa daṅ mñam pa daṅ rab tu mñam pa med pa daṅ | bsam gyis mi khyab pa’i rjes su yi raṅ bas rjes (91b1) su yi raṅ la źes gaṅ gsuṅs pa de la | bcom ldan ’das ci tsam gyis na rjes su yi raṅ pa’i mchog tu ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te gaṅ zag byaṅ chub (2) sems dpa’i theg pa can dag ’das pa daṅ ma ’oṅs pa daṅ da ltar gyi chos rnams mi ’dzin rlom sems su mi byed mi dmigs mi rtog rnam par mi rtog yaṅ dag par rjes su mi mthoṅ źiṅ chos de dag la ’di ltar yaṅ yoṅs su rtog ste chos thams cad ni rtog pas rnam par (3) bsgrubs pa ste | ma skyes pa ṅes par ma skyes pa ’oṅ ba med pa ’gro ba med pa’o ||
’di la chos gaṅ yaṅ ma skyes so chos gaṅ yaṅ skye bar mi ’gyur ro chos gaṅ yaṅ mi skye’o ||
’di la chos gaṅ yaṅ ’gags pa med do chos gaṅ yaṅ ’gag par mi ’gyur ro chos gaṅ (4) yaṅ mi ’gag go źes de ltar chos de dag ñe bar brtags nas chos de dag gi chos ñid ji lta ba de ltar rjes su yi raṅ bar byed do ||
de ltar rjes su yi raṅ nas de kho na bźin du bla na med pa yaṅ dag par rdzogs pa’i byaṅ chub tu yoṅs su bsṅo ste | rab ’byor ’di tsam gyis na (5) byaṅ chub sems dpa’ sems dpa’ chen po’i rjes su yi raṅ ba’i mchog tu ’gyur ro ||
rab ’byor dge ba’i rtsa ba yoṅs su bsṅo ba ’di la byaṅ chub sems dpa’ sṅa ma dmigs par ’du śes pa daṅ dmigs par lta ba de dag gi sbyin pa las byuṅ ba’i bsod nams bya ba’i dṅos (6) po des ni brgya’i tshar yaṅ ñe bar mi ’gro stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ bgraṅ bar yaṅ dper yaṅ dpes bstan par (7) bya bar yaṅ gźir yaṅ rgyur yaṅ mi bzod do ||
rab ’byor gźan yaṅ gaṅ zag byaṅ chub sems dpa’i theg pa can ’das pa daṅ ma byon pa daṅ da ltar byuṅ ba’i saṅs rgyas bcom ldan ’das de dag thams cad kyi sbyin pa la rjes su yi raṅ bar ’dod pa daṅ tshul khrims la rjes su yi raṅ (92a1) bar ’dod pa daṅ | bzod pa la rjes su yi raṅ bar ’dod pa daṅ brtson ’grus la rjes su yi raṅ bar ’dod pa daṅ bsam gtan la rjes su yi raṅ bar ’dod pa daṅ śes rab la rjes su yi raṅ bar ’dod pa des ’di ltar rjes su yi raṅ bar bya ste | (2) rnam par grol ba ji lta ba de bźin du sbyin pa’o rnam par grol ba ci lta ba de bźin du tshul khrims so rnam par grol ba ci lta ba de bźin du bzod pa’o rnam par grol ba ci lta ba de bźin du brtson ’grus so rnam par grol ba ci lta ba de bźin du bsam gtan no rnam par grol ba ci lta ba de bźin (3) du śes rab bo rnam par grol ba ci lta ba de bźin du rnam par grol ba’o ||
rnam par grol ba ci lta ba de bźin du rnam par grol ba’i ye śes mthoṅ ba’i phuṅ po’o ||
rnam par grol ba ci lta ba de bźin du rjes su yi raṅ ba’o ||
rnam par grol ba ci lta ba de bźin du rjes su yi (4) raṅ ba daṅ ldan pa’i bsod nams bya ba’i dṅos po’o ||
rnam par grol ba ci lta ba de bźin du yoṅs su bsṅo ba’o ||
rnam par grol ba ci lta ba de bźin du saṅs rgyas bcom ldan ’das rnams daṅ raṅ saṅs rgyas rnams kyaṅ ṅo ||
rnam par grol ba ci lta ba de bźin du de dag (5) gi ñan thos gaṅ dag yoṅs su mya ṅan las ’das pa rnams so ||
rnam par grol ba ci lta ba de bźin du chos gaṅ dag ’das śiṅ ’gags pa de rnams so ||
rnam par grol ba ci lta ba de bźin du chos gaṅ dag ma ’oṅs pa ma byuṅ ba de rnams so ||
rnam par grol ba ci lta ba (6) de bźin du chos gaṅ dag da ltar byuṅ ba gnas bźin pa rnams so ||
rnam par grol ba ci lta ba de bźin du ’das pa’i saṅs rgyas bcom ldan ’das de dag daṅ de dag gi ñan thos rnams so ||
rnam par grol ba ci lta ba de bźin du ma byon pa’i saṅs rgyas bcom ldan ’das de dag (7) daṅ de dag gi ñan thos rnams so ||
rnam par grol ba ci lta ba de bźin du gaṅ dag da ltar ’jig rten gyi khams gźal du med ciṅ graṅs med pa rnams na bźugs te ’tsho źiṅ gźes pa da ltar byuṅ ba’i saṅs rgyas bcom ldan ’das de rnams daṅ de dag gi ñan thos rnams so ||
(92b1) rnam par grol ba ci lta ba de bźin du ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams te | de ltar ma bciṅs śiṅ ma grol la ma chags pa’i chos ’di dag gi chos ñid gaṅ yin pa de la rjes su yi raṅ ba bla na med pas rjes su yi raṅ ṅo ||
rjes su yi raṅ (2) nas rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su mi bsṅo ba’i tshul gyis chos de dag gi chos ñid ji lta ba de ltar mi ’pho ba daṅ mi ’jig pas yoṅs su bsṅo’o źes bya ba’o ||
rab ’byor ’di tsam gyis na byaṅ chub (3) sems dpa’ sems dpa’ chen po’i rjes su yi raṅ ba’i mchog yin no ||
rab ’byor yaṅ gaṅ dag stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag na yod pa’i sems can de dag thams cad bla na med pa yaṅ dag par rdzogs pa’i (4) byaṅ chub tu yaṅ dag par źugs te | bla na med pa yaṅ dag par rdzogs pa’i byaṅ chub tu yaṅ dag par źugs nas stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag na yod pa’i sems can thams cad byaṅ chub tu sems bskyed la | (5) byaṅ chub sems dpa’ de dag thams cad las re ras kyaṅ byaṅ chub sems dpa’ re re la | bskal pa gaṅ g’i kluṅ gi bye ma sñed du ’dug nas sbyin pa byin te | dmigs pa’i ’du śes kyis chos gos daṅ bsod sñoms daṅ mal cha daṅ na ba’i gsos sman daṅ yo byad daṅ bde bar sbyar (6) pa thams cad daṅ bde ba la reg par gnas pa thams cad kyis rim gror byed ciṅ rnam graṅs ’dis thams cad kyaṅ thams cad dag la rim gror byed pa dmigs pa’i ’du śes can gyis sbyin pa byin pa lta źog | rab ’byor gaṅ dag stoṅ gsum gyi stoṅ chen po’i ’jig rten gyi khams gaṅ g’i (7) kluṅ gi bye ma sñed dag na sems can ci sñed yod pa de dag thams cad bla na med pa yaṅ dag par rdzogs pa’i byaṅ chub tu yaṅ dag par źugs par gyur te | bla na med pa yaṅ dag par rdzogs pa’i byaṅ chub tu yaṅ dag par źugs nas bskal pa gaṅ g’i kluṅ gi bye ma sñed du lus kyis (93a1) legs par spyod pa daṅ dag gis legs par spyod pa daṅ yid kyis legs par spyod pa’i tshul khrims dmigs pa’i ’du śes can dag gis yaṅ dag par blaṅs te gnas pa daṅ | rnam graṅs ’dis byaṅ chub sems dpa’ de dag thams cad las byaṅ chub sems (2) dpa’ re res kyaṅ bskal pa gaṅ g’i kluṅ gi bye ma sñed du ’dug ste bskal pa gaṅ g’i kluṅ gi bye ma sñed du lus kyis legs par spyod pa daṅ dag gis legs par spyod pa daṅ yid kyis legs par spyod pa’i tshul khrims dmigs pa’i ’du śes can dag gis yaṅ dag par blaṅs te gnas (3) pa daṅ | rnam graṅs ’dis byaṅ chub sems dpa’ de dag thams cad kyis kyaṅ tshul khrims dmigs pa’i ’du śes can dag gis yaṅ dag par blaṅs te gnas la | byaṅ chub sems dpa’ sems dpa’ chen po śes rab kyi pha rol tu phyin pa daṅ thabs mkhas pas yoṅs su (4) zin pa źig gis ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams kyi tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol pa’i ye śes gzigs pa’i phuṅ po daṅ | raṅ saṅs rgyas de dag gi tshul khrims daṅ tiṅ ṅe ’dzin (5) daṅ śes rab daṅ rnam par grol ba daṅ rnam par grol ba’i ye śes mthoṅ ba’i phuṅ po daṅ | ñan thos de dag gi tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol ba’i ye śes mthoṅ ba’i phuṅ po daṅ | ’das pa daṅ ma ’oṅs pa daṅ da ltar byuṅ ba’i (6) sems can thams cad kyi dge ba’i rtsa ba de dag thams cad gcig tu bsdus śiṅ bsdoms te gźal nas ma lus par byas śiṅ | ma lus pa la rjes su yi raṅ ba’i mchog gis rjes su yi raṅ ste dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ (7) goṅ na med pa daṅ goṅ ma’i yaṅ goṅ ma daṅ mñam pa med pa daṅ mi mñam pa daṅ mñam pa daṅ śin tu mñam pa med pa daṅ bsam gyis mi khyab pa’i rjes su yi raṅ bas rjes su yi raṅ źiṅ | rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po bla na med (93b1) pa yaṅ dag par rdzogs pa’i byaṅ chub tu yoṅs su bsṅo na | rab ’byor rjes su yi raṅ ba daṅ ldan pa’i bsod nams bya ba’i dṅos po ’di la byaṅ chub sems dpa’ dmigs pa can dag gi tshul khrims las byuṅ ba’i bsod nams mṅon par ’du byed pa sṅa ma des ni brgya’i char yaṅ ñe bar (2) mi ’gro | stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char laṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o graṅs su yaṅ ñe bar mi ’gro’o ||
bgraṅ bar yaṅ dper yaṅ dpes bstan par bya bar (3) yaṅ gźir yaṅ rkyur yaṅ mi bzod do ||
de ci’i phyir źe na | ’di ltar byaṅ chub sems dpa’ de dag thams cad ni dmigs pa’i ’du śes can gyis tshul khrims yaṅ dag par blaṅs te gnas pa’i phyir ro ||
rab ’byor yaṅ stoṅ gsum gyi stoṅ chen po’i ’jig rten gyi khams (4) gaṅ g’i kluṅ gi bye ma sñed kyi sems can thams cad bla na med pa yaṅ dag par rdzogs pa’i byaṅ chub tu yaṅ dag par źugs te | bla na med pa yaṅ dag par rdzogs pa’i byaṅ chub tu yaṅ dag par źugs nas bskal pa gaṅ g’i kluṅ gi bye ma sñed du lus kyis legs par spyod pa (5) daṅ ṅag gis legs par spyod pa daṅ yid kyis legs par spyod pa’i tshul khrims dmigs pa’i ’du śes can gyis yaṅ dag par blaṅs te gnas pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can gaṅ dag yod pa de dag (6) thams cad bla na med pa yaṅ dag par rdzogs pa’i byaṅ chub tu yaṅ dag par źugs la | bla na med pa yaṅ dag par rdzogs pa’i byaṅ chub tu yaṅ dag par źugs nas bskal pa gaṅ g’i kluṅ gi bye ma sñed du ’dug ciṅ | stoṅ gsum gyi stoṅ chen po’i ’jig rten gyi khams gaṅ g’i kluṅ gi (7) bye ma sñed gźan dag daṅ gźan dag gi sems can thams cad kyis | byaṅ chub sems dpa’ re re la mtshaṅ brus śiṅ brdegs te spyos kyaṅ ṅa rgyal daṅ bcas pa dmigs pa’i ’du śes can gyis bzod pa yaṅ dag par blaṅs te gnas pa nas | de bźin du dmigs pa’i ’du śes can (94a1) gyi byaṅ chub sems dpa’ de dag thams cad kyis bzod pa yaṅ dag par blaṅs te gnas pa’i bar daṅ | rnam graṅs ’dis byaṅ chub sems dpa’ de dag thams cad las byaṅ chub sems dpa’ re res kyaṅ bskal pa gaṅ g’i kluṅ gi bye ma sñed du ’dug ciṅ | stoṅ (2) gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag na yod pa’i sems can thams cad kyis bskal pa gaṅ g’i kluṅ gi bye ma sñed du mtshaṅ brus śiṅ brdegs te spyos pa daṅ | ṅa rgyal daṅ bcas pa dmigs pa’i ’du śes can gyis bzod (3) pa yaṅ dag par blaṅs te gnas pa daṅ | de bźin du de dag thams cad kyaṅ thams cad kyis mtshaṅ brus śiṅ brdegs te spyos kyaṅ ṅa rgyal daṅ bcas pa dmigs pa’i ’du śes can gyis bzod pa yaṅ dag par blaṅs te gnas par gyur la | byaṅ chub sems dpa’ sems dpa’ (4) chen po śes rab kyi pha rol tu phyin pa daṅ thabs mkhas pas yoṅs su zin pa gaṅ źig ’das pa daṅ | ma byon pa daṅ da ltar byuṅ ba’i saṅs rgyas bcom ldan ’das rnams kyi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam (5) par grol ba’i ye śes gzigs pa’i phuṅ po daṅ | raṅ saṅs rgyas de dag gi tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol ba’i ye śes mthoṅ ba’i phuṅ po daṅ | ñan thos de dag gi tshul khrims daṅ tiṅ ṅe ’dzin daṅ śes rab daṅ rnam par grol (6) ba daṅ rnam par grol ba’i ye śes mthoṅ ba’i phuṅ po daṅ | sems can thams cad kyi ’das pa daṅ ma ’oṅs pa daṅ da ltar byuṅ ba’i dge ba’i rtsa ba de dag thams cad gcig tu bsdus śiṅ bsdoms te gźal nas ma lus par byas śiṅ | ma lus pa la rjes su yi raṅ ba’i mchog (7) gis rjes su yi raṅ ste | dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ goṅ na med pa daṅ goṅ ma’i yaṅ goṅ ma daṅ mñam pa med pa daṅ mi mñam pa daṅ mñam pa daṅ śin tu mñam pa med pa daṅ bsam gyis mi khyab pa’i rjes su yi raṅ bas rjes su (94b1) yi raṅ źiṅ | rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅo na | rab ’byor rjes su yi raṅ pa daṅ ldan pa’i bsod nams bya ba’i dṅos po ’di la byaṅ chub sems dpa’ (2) dmigs pa can sṅa ma de dag gi bzod pa daṅ ldan pa’i bsod nams mṅon par ’du byed pa des ni brgya’i char yaṅ ñe bar mi ’gro | stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig (3) brgya stoṅ gi char yaṅ ñe bar mi ’gro | graṅs su yaṅ bgraṅ bar yaṅ dper yaṅ dpes bstan par bya bar yaṅ gźir yaṅ rgyur yaṅ mi bzod do ||
de ci’i phyir źe na | ’di ltar byaṅ chub sems dpa’ de dag thams cad ni dmigs pa’i ’du śes can gyis bzod pa yaṅ dag par (4) blaṅs te gnas pa’i phyir ro ||
rab ’byor yaṅ stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed kyi sems can thams cad bla na med pa yaṅ dag par rdzogs pa’i byaṅ chub tu yaṅ dag par źugs te bla na med pa yaṅ dag par rdzogs pa’i byaṅ chub tu yaṅ dag (5) par źugs nas | stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed gźan dag daṅ gźan dag gi sems can thams cad kyis mtshaṅ brus śiṅ brdegs te spyos kyaṅ ṅa rgyal daṅ bcas pa dmigs pa’i ’du śes can gyis bskal pa gaṅ g’i kluṅ gi bye ma sñed du (6) bzod pa yaṅ dag par blaṅs te gnas pa lta źog | rab ’byor gaṅ dag stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed na sems can ci sñed yod pa de dag thams cad bla na med pa yaṅ dag par rdzogs pa’i byaṅ chub tu yaṅ dag par źugs par gyur te | (7) bla na med pa yaṅ dag par rdzogs pa’i byaṅ chub tu yaṅ dag par źugs nas bskal pa gaṅ g’i kluṅ gi bye ma sñed du ’dug ciṅ ’chag pas mṅon par gnas te | bskal pa gaṅ g’i kluṅ gi bye ma sñed du yi mi gsod ciṅ rmugs pa daṅ gñid kyis zil gyis mnon par brtson (95a1) ’grus dmigs pa’i ’du śes can gyis yaṅ dag par blaṅs te gnas la | byaṅ chub sems dpa’ sems dpa’ chen po śes rab kyi pha rol tu phyin pa daṅ thabs mkhas pas yoṅs su zin pa gaṅ źig | ’das pa daṅ ma byon pa daṅ da ltar byuṅ ba’i saṅs rgyas (2) bcom ldan ’das rnams kyi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po daṅ | raṅ saṅs rgyas de dag gi yaṅ tshul khrims daṅ tiṅ ṅe ’dzin daṅ śes rab daṅ rnam par (3) grol ba daṅ rnam par grol ba’i ye śes mthoṅ ba’i phuṅ po daṅ | ñan thos de dag gi yaṅ tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol ba’i ye śes mthoṅ ba’i phuṅ po daṅ | sems can thams cad kyi ’das pa daṅ ma ’oṅs pa daṅ da ltar byuṅ ba’i (4) dge ba’i rtsa ba mṅon par ’du byas pa de dag thams cad gcig tu bsdus śiṅ bsdoms te gźal nas ma lus par byas śiṅ | ma lus pa la rjes su yi raṅ ba’i mchog gis rjes su yi raṅ ste | dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ (5) goṅ na med pa daṅ goṅ ma’i yaṅ goṅ ma daṅ mñam pa med pa daṅ mi mñam pa daṅ mñam pa daṅ śin tu mñam pa med pa daṅ bsam gyis mi khyab pa’i rjes su yi raṅ bas rjes su yi raṅ la | rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ (6) dag par rdzogs pa’i byaṅ chub tu yoṅs su bsṅo na | rab ’byor rjes su yi raṅ pa daṅ ldan pa’i bsod nams bya ba’i dṅos po ’di la | byaṅ chub sems dpa’ dmigs pa can sṅa ma de dag gi brtson ’grus las byuṅ ba’i bsod nams mṅon par ’du byed pa des ni brgya’i char yaṅ ñe (7) par mi ’gro | stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ bgraṅ bar yaṅ dper yaṅ dpes bstan par bya bar yaṅ gźir (95b1) yaṅ rgyur yaṅ mi bzod do ||
de ci’i phyir źe na | ’di ltar byaṅ chub sems dpa’ de dag thams cad ni dmigs pa’i ’du śes can gyis brtson ’grus yaṅ dag par blaṅs te gnas pa’i phyir ro ||
rab ’byor yaṅ stoṅ gsum gyi stoṅ chen po’i ’jig rten gyi khams gaṅ (2) g’i kluṅ gi bye ma sñed kyi sems can thams cad bla na med pa yaṅ dag par rdzogs pa’i byaṅ chub tu yaṅ dag par źugs te bla na med pa yaṅ dag par rdzogs pa’i byaṅ chub tu yaṅ dag par źugs nas bskal pa gaṅ g’i kluṅ gi bye ma sñed du ’dug ciṅ ’chag pas mṅon par gnas te (3) bskal pa gaṅ g’i kluṅ gi bye ma sñed du yi mi gsod ciṅ rmugs pa daṅ gñid kyis zil gyis ma non par dmigs pa’i ’du śes can gyis brtson ’grus yaṅ dag par blaṅs te gnas pa lta źog | rab ’byor gaṅ dag stoṅ gsum gyi stoṅ chen po’i ’jig rten gyi khams gaṅ g’i (4) kluṅ gi bye ma sñed kyi sems can de dag thams cad bla na med pa yaṅ dag par rdzogs pa’i byaṅ chub tu yaṅ dag par źugs te de dag thams cad bla na med pa yaṅ dag par rdzogs pa’i byaṅ chub tu yaṅ dag par źugs nas | bskal pa gaṅ g’i kluṅ gi bye ma sñed du dmigs pa’i (5) ’du śes can dag gis bsam gtan bźi la mñam par bźag la | yaṅ byaṅ chub sems dpa’ sems dpa’ chen po śes rab kyi pha rol tu phyin pa ’di daṅ thabs mkhas pas yoṅs su zin pa gaṅ źig | ’das pa daṅ ma byon pa daṅ da ltar byuṅ ba’i saṅs rgyas bcom ldan ’das (6) thams cad kyi tshul khrims kyi phuṅ po daṅ tiṅ ṅe ’dzin gyi phuṅ po daṅ śes rab kyi phuṅ po daṅ rnam par grol ba’i phuṅ po daṅ rnam par grol ba’i ye śes gzigs pa’i phuṅ po daṅ | raṅ saṅs rgyas de dag gi tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol (7) ba’i ye śes mthoṅ ba’i phuṅ po daṅ | ñan thos de dag gi tshul khrims daṅ tiṅ ṅe ’dzin daṅ śes rab daṅ rnam par grol ba daṅ rnam par grol ba’i ye śes mthoṅ ba’i phuṅ po daṅ | sems can thams cad kyi ’das pa daṅ ma ’oṅs pa daṅ da ltar byuṅ ba’i dge ba’i rtsa ba mṅon par (96a1) ’du byed pa de dag thams cad gcig tu bsdus śiṅ bsdoms te gźal nas ma lus par byas śiṅ ma lus pa la rjes su yi raṅ ba’i mchog gis rjes su yi raṅ ste | dam pa daṅ gtso bo daṅ rab daṅ mchog rab daṅ gya nom pa daṅ bla ma daṅ bla na med pa daṅ goṅ na med pa daṅ goṅ (2) ma’i yaṅ goṅ ma daṅ mñam pa med pa daṅ mi mñam pa daṅ mñam pa daṅ śin tu mñam pa med pa daṅ bsam gyis mi khyab pa’i rjes su yi raṅ bas rjes su yi raṅ la | rjes su yi raṅ nas rjes su yi raṅ ba daṅ ldan pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub (3) tu yoṅs su bsṅo na | rab ’byor rjes su yi raṅ ba daṅ ldan pa’i bsod nams bya ba’i dṅos po ’di la | byaṅ chub sems dpa’ dmigs pa can gyi bsam gtan bźi las byuṅ ba’i bsod nams mṅon par ’du byed pa sṅa ma des ni brgya’i char yaṅ ñe bar mi ’gro’o ||
stoṅ gi char yaṅ (4) brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ bgraṅ par yaṅ dper yaṅ dpes bstan par bya bar yaṅ gźir yaṅ rgyur yaṅ mi bzad do ||
de ci’i phyir źe na | (5) ’di ltar byaṅ chub sems dpa’ de dag thams cad ni dmigs pa’i ’du śes can gyis bsam gtan dag la mñam par gźog pa’i phyir ro ||
’phags pa śes rab kyi pha rol tu phyin pa brgyad stoṅ pa las rjes su yi raṅ ba daṅ yoṅs su bsṅo ba’i le’u źes bya ste drug pa’o || ||
(6) de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin pa ni thams cad mkhyen pa’i ye śes yoṅs su sgrub pa lags so ||
bcom ldan ’das śes rab kyi pha rol tu phyin pa ni thams cad mkhyen pa ñid lags so ||
(7) bcom ldan ’das kyis bka’ stsal pa | de de bźin no ś ri’i bu ci skad zer ba de bźin no ||
ś ri’i bus gsol pa | bcom ldan ’das śes rab kyi pha rol tu phyin pa ni gsal bar bgyid pa lags te | bcom ldan ’das śes rab kyi pha rol tu phyin pa la phyag ’tshal lo ||
(96b1) bcom ldan ’das śes rab kyi pha rol tu phyin pa ni phyag bgyi bar ’os pa lags so ||
bcom ldan ’das śes rab kyi pha rol tu phyin pa ni ñe bar gos pa med pa lags so ||
bcom ldan ’das śes rab kyi pha rol tu phyin pa ni ’jig rten thams cad kyis ñe bar mi gos pa (2) lags so ||
bcom ldan ’das śes rab kyi pha rol tu phyin pa ni snaṅ bar bgyid pa lags so ||
bcom ldan ’das śes rab kyi pha rol tu phyin pa ni khams gsum pa thams cad kyi rab rib daṅ bral bar bgyid pa lags so ||
bcom ldan ’das śes rab kyi pha rol tu (3) phyin pa ni ñon moṅs pa daṅ lta ba’i mun pa thams cad sel bar bgyid pa lags so ||
bcom ldan ’das śes rab kyi pha rol tu phyin pa ni brten par bgyid pa lags so ||
bcom ldan ’das śes rab kyi pha rol tu phyin pa ni mchog tu bgyid pa lags so ||
bcom ldan ’das (4) śes rab kyi pha rol tu phyin pa ni byaṅ chub kyi phyogs kyi chos rnams kyi bde legs su bgyid pa lags so ||
bcom ldan ’das śes rab kyi pha rol tu phyin pa ni sems can ldoṅs pa rnams la snaṅ bar bgyid pa lags so ||
bcom ldan ’das śes rab kyi pha rol tu phyin pa ni ’jigs (5) pa daṅ ñe bar ’tshe ba thams cad rab tu spoṅ ba daṅ snaṅ bar bgyid pa lags so ||
bcom ldan ’das śes rab kyi pha rol tu phyin pa ni spyan lṅa yoṅs su ’dzin par bgyid pas sems can thams cad la lam ston pa lags so ||
bcom ldan ’das śes rab kyi pha rol tu phyin pa ni mig (6) lags so ||
bcom ldan ’das śes rab kyi pha rol tu phyin pa ni gti mug daṅ mun pa daṅ rab rib rnams daṅ bral bar bgyid pa lags so ||
bcom ldan ’das śes rab kyi pha rol tu phyin pa ni rab rib daṅ bral bar bgyid pa lags so ||
bcom ldan ’das śes rab kyi pha rol tu phyin (7) pa ni chos thams cad mi bgyid pa lags so ||
bcom ldan ’das śes rab kyi pha rol tu phyin pa ni lam log par mchis pa’i sems can rnams lam du ’dzud pa lags so ||
bcom ldan ’das śes rab kyi pha rol tu phyin pa ni thams cad mkhyen pa ñid lags so ||
bcom ldan ’das (97a1) śes rab kyi pha rol tu phyin pa ni ñon moṅs pa daṅ śes bya’i sgrib pa’i bag chags daṅ mtshams sbyor ba thams cad spoṅ pa’i slad du chos thams cad mi skyed pa lags so ||
bcom ldan ’das śes rab kyi pha rol tu phyin pa ni chos thams cad mi ’gog pa lags so | (2) bcom ldan ’das śes rab kyi pha rol tu phyin pa ni ma skyes pa daṅ ma ’gags pa lags so ||
bcom ldan ’das śes rab kyi pha rol tu phyin pa ni raṅ gi mtshan ñid stoṅ pa ñid kyi slad du byaṅ chub sems dpa’ sems dpa’ chen po rnams kyi yum lags so ||
bcom ldan ’das śes rab (3) kyi pha rol tu phyin pa ni saṅs rgyas kyi chos rin po che thams cad stsol ba’i slad du stobs bcu bgyid pa lags so ||
bcom ldan ’das śes rab kyi pha rol tu phyin pa ni mi ’jigs pa bźi bgyid pa’i slad du mi thul ba lags so ||
bcom ldan ’das śes rab kyi pha rol tu phyin pa ni mgon (4) ma mchis pa’i sems can rnams kyi mgon bgyid pa lags so ||
bcom ldan ’das śes rab kyi pha rol tu phyin pa ni ther zug tu gnas pa ma mchis pa’i slad du ’khor ba’i gñen po lags so ||
bcom ldan ’das śes rab kyi pha rol tu phyin pa ni chos thams cad kyi ṅo bo ñid ston pa lags (5) so ||
bcom ldan ’das śes rab kyi pha rol tu phyin pa ni saṅs rgyas bcom ldan ’das rnams kyi chos kyi ’khor lo lan gsum du bzlas te rnam pa bcu gñis su bskor ba yoṅs su rdzogs pa lags so ||
bcom ldan ’das ci ltar byaṅ chub sems dpa’ sems dpa’ chen pos śes rab kyi pha (6) rol tu phyin pa la gnas par bgyi | bcom ldan ’das śes rab kyi pha rol tu phyin pa la ji ltar yid la bgyi | bcom ldan ’das śes rab kyi pha rol tu phyin pa la ji ltar phyag ’tshal bar bgyi | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces (7) bka’ stsal to ||
ś ri’i bu ston pa la ci lta bar śes rab kyi pha rol tu phyin pa la de ltar gnas par bya’o ||
ś ri’i bu ston pa la ci lta bar śes rab kyi pha rol tu phyin pa la de ltar yid la bya’o ||
ś ri’i bu ston pa la ci lta bar śes rab kyi pha rol tu phyin pa la de ltar phyag bya’o ||
de nas (97b1) lha rnams kyi dbaṅ po brgya byin ’di sñam du sems te | kye ma’o ’phags pa ś ri’i bu ci’i phyir ’di ’dri bar gyur | kye ma ’phags pa ś ri’i bu ci’i gźi las ’di ’dri bar gyur sñam mo ||
de nas lha rnams kyi dbaṅ po brgya byin gyis tshe daṅ ldan pa ś ri’i bu la ’di skad ces smras so ||
(2) ’phags pa ś ri’i bu ci’i phyir ’di ’dri bar ’gyur | ’phags pa ś ri’i bu ci’i gźi las ’di ’dri bar gyur | de skad ces smras pa daṅ | tshe daṅ ldan pa ś ri’i bus lha rnams kyi dbaṅ po brgya byin la ’di skad ces smras so ||
kau śi ka śes rab kyi pha rol tu phyin pa’i thabs mkhas (3) pas yoṅs su zin pa’i byaṅ chub sems dpa’ sems dpa’ chen po rjes su yi raṅ ba daṅ ldan pa’i bsod nams bya ba’i dṅos po thams cad mkhyen pa ñid du yoṅs su sṅo bar byed pas | byaṅ chub sems dpa’ dmigs pa can sṅa ma de dag thams cad kyi sbyin pa las byuṅ ba’i (4) bsod nams mṅon par ’du byed pa gaṅ yin pa daṅ | tshul khrims las byuṅ ba gaṅ yin pa daṅ bzod pa las byuṅ ba gaṅ yin pa daṅ brtson ’grus las byuṅ ba gaṅ yin pa daṅ | bsam gtan las byuṅ ba’i bsod nams mṅon par ’du byed pa gaṅ yin pa de dag thams cad zil (5) gyis gnon te | des na bdag ni gźi ’di las ’di ’dri bar gyur to ||
kau śi ka yaṅ ’on kyaṅ pha rol tu phyin pa lṅa po rnams thams cad mkhyen pa ñid kyi lam du ’jug pa’i phyir śes rab kyi pha rol tu phyin pa ñid sṅon du ’gro ba yin no ||
kau śi ka ’di lta ste dper na dmus loṅ brgya ’am (6) stoṅ ṅam brgya stoṅ yaṅ ruṅ yoṅs su ’dren pa med na lam du ’jug pa’i skal ba med ciṅ groṅ ṅam groṅ khyer ram groṅ rdal du ’gro ba’i skal pa med do ||
kau śi ka de bźin du sbyin pa daṅ tshul khrims daṅ bzod pa daṅ brtson ’grus daṅ bsam gtan rnams śes rab kyi pha rol tu phyin (7) pa daṅ bral bas ni pha rol tu phyin pa’i miṅ mi ’thob ciṅ dmus loṅ du gyur pa yin te | yoṅs su ’dren pa med pa’i phyir thams cad mkhyen pa ñid kyi lam du ’jug pa’i skal pa yaṅ med na thams cad mkhyen pa’i groṅ khyer chen por ’jug pa ’am rjes su thob par lta yaṅ ga la ’gyur | (98a1) kau śi ka yaṅ gaṅ gi tshe sbyin pa daṅ tshul khrims daṅ bzod pa daṅ brtson ’grus daṅ bsam gtan rnams śes rab kyi pha rol tu phyin pas yoṅs su bzuṅ bar byur pa de’i tshe pha rol tu phyin pa’i miṅ daṅ pha rol tu phyin pa’i sgra ’thob ste de’i tshe ni pha rol tu phyin pa lṅa po ’di (2) dag thams cad mkhyen pa’i lam du ’jug pa daṅ thams cad mkhyen pa’i rjes su thob par bya ba’i don du mig rab tu thob pa yin no ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen (3) pos ci ltar śes rab kyi pha rol tu phyin pa mṅon par bsgrub par bgyi | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu gzugs mṅon par mi sgrub par blta’o ||
ś ri’i bu de bźin du (4) tshor ba daṅ ’du śes daṅ ’du byed rnams daṅ rnam par śes pa mṅon par mi sgrub par blta’o ||
ś ri’i bu phuṅ po lṅa rnams mṅon par mi sgrub pa gaṅ yin pa de ni ś ri’i bu śes rab kyi pha rol tu phyin pa la mṅon par sgrub pa źes rjod do ||
de ltar mṅon par ’du mi byed pas phuṅ po (5) lṅa rnams la mṅon par sgrub pa ni śes rab kyi pha rol tu phyin pa la mṅon par sgrub pa ste mṅon par sgrub pa źes brjod de ||
de skad ces bka’ stsal pa daṅ ||
bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu (6) phyin pa de ltar mṅon par bsgrubs pas chos gaṅ źig gtod par bgyid | bcom ldan ’das kyis bka’ stsal pa | ś ri’i bu śes rab kyi pha rol tu phyin pa de ltar mṅon par bsgrubs pas ni chos gaṅ yaṅ gtod par mi byed do ||
ś ri’i bu gaṅ gi tshe chos gaṅ yaṅ gtod par mi byed pa de’i tshe śes (7) rab kyi pha rol tu phyin pa źes bya ba’i graṅs su ’gro’o ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das ci śes rab kyi pha rol tu phyin pa ’dis thams cad mkhyen pa ñid kyaṅ gtod par mi bgyid lags sam | bcom ldan ’das (98b1) kyis bka’ stsal pa | kau śi ka ’di skad du ci śes rab kyi pha rol tu phyin pa ’dis thams cad mkhyen pa ñid kyaṅ gtod par mi bgyid lags sam źes zer ba ni | ci ltar dmigs pa de ltar gtod par mi byed do ||
miṅ ci lta ba de ltar gtod par mi byed do ||
mṅon par ’du byed pa (2) ci lta ba da ltar gtod par mi byed do ||
brgya byin gyis gsol pa | bcom ldan ’das ’on ci ltar gtod par bgyid | bcom ldan ’das kyis bka’ stsal pa | kau śi ka ci ltar gtod par mi byed pa de ltar gtod par byed do ||
brgya byin gyis gsol pa | bcom ldan (3) ’das ci srid du gaṅ gis śes rab kyi pha rol tu phyin pa ’dis chos gaṅ yaṅ mi skyed mi ’gog pa daṅ | chos thams cad skye ba ma mchis pa daṅ ’gog pa ma mchis pa’i slad du ñe bar gnas la gnas pa yaṅ ma lags pa’i śes rab kyi pha rol tu phyin pa ’di ni ṅo mtshar to ||
de nas bcom ldan (4) ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub sems dpa’ sems dpa’ chen po de ltar yaṅ ’du śes par bgyid na śes rab kyi pha rol tu phyin pa ’di riṅ du bgyid śes rab kyi pha rol tu phyin pa ’di gsog tu bgyid śes rab kyi pha rol (5) tu phyin pa ’di gsog tu bgyid de | śes rab kyi pha rol tu phyin pa ’di mi bgyid pa lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
de de bźin no rab ’byor de de bźin te | rab ’byor rnam graṅs (6) gaṅ gis śes rab kyi pha rol tu phyin pa ’di rgyaṅ riṅ du byed pa daṅ śes rab kyi pha rol tu phyin pa ’di gsog tu byed pa daṅ śes rab kyi pha rol tu phyin pa ’di gsob tu byed pa daṅ | śes rab kyi pha rol tu phyin pa ’di mi byed par ’gyur ba’i rnam graṅs ’di ni yod do ||
de ci’i phyir źe na | (7) rab ’byor śes rab kyi pha rol tu phyin pa ’di yoṅs su gsal bar byas na gzugs yoṅs su gsal bar byas pa ma yin | tshor ba ma yin ’du śes ma yin ’du byed rnams ma yin rnam par śes pa yoṅs su gsal bar byas pa ma yin | rgyun tu źugs pa’i ’bras bu yoṅs su gsal (99a1) bar byas pa ma yin lan cig phyir ’oṅ ba’i ’bras bu yoṅs su gsal bar byas pa ma yin phyir mi ’oṅ ba’i ’bras bu yoṅs su gsal bar byas pa ma yin | dgra bcom pa ñid yoṅs su gsal bar byas pa ma yin | raṅ saṅs rgyas ñid yoṅs su gsal bar byas (2) pa ma yin saṅs rgyas ñid yoṅs su gsal bar byas pa ma yin no ||
gnas brtan rab ’byor gyis gsol pa | bcom ldan ’das ’di lta ste śes rab kyi pha rol tu phyin pa ni pha rol tu phyin pa chen po lags so ||
bcom ldan ’das kyis bka’ stsal pa | rab ’byor ’di ci sñam (3) du sems rnam graṅs gaṅ gis ’di lta ste śes rab kyi pha rol tu phyin pa ’di pha rol tu phyin pa chen po yin ||
gnas brtan rab ’byor gyis gsol pa | bcom ldan ’das gzugs chen por mi bgyid chuṅ ṅur mi bgyid gzugs sdud par mi bgyid g-yeṅs par mi bgyid do ||
(4) de bźin du tshor ba ma lags ’du śes ma lags ’du byed rnams ma lags te bcom ldan ’das rnam par śes pa chen por mi bgyid chuṅ ṅur mi bgyid rnam par śes pa sdud par mi bgyid g-yeṅs par mi bgyid do ||
de bźin gśegs pa rnams kyi de bźin gśegs pa’i stobs gaṅ (5) lags pa de dag kyaṅ stobs daṅ ldan par yaṅ mi bgyid stoṅ sam mchis par yaṅ mi bgyid sdud par mi bgyid g-yeṅs bar mi bgyid do ||
thams cad mkhyen pa gaṅ lags pa de yaṅ chen por mi bgyid chuṅ ṅur mi bgyid sdud par mi bgyid g-yeṅs par mi bgyid do ||
de ci’i slad du (6) źe na | bcom ldan ’das thams cad mkhyen pa ñid ni ma bsdus ma g-yeṅs pa lags so ||
bcom ldan ’das byaṅ chub sems dpa’ sems dpa’ chen po gal te de ltar ’tshal na yaṅ śes rab kyi pha rol tu phyin pa la spyod pa ma lags na | bdag ni thams cad mkhyen pa’i ye śes (7) daṅ ldan pa sta ’di ltar sems can rnams la chos bstan par bya’o ’di ltar sems can ’di dag yoṅs su mya ṅan las bzla bar bya’o sñam du ’tshal ba lta smos su ci mchis | de ci’i slad du źe na | sems can ’di dag yoṅs su mya ṅan las bzla’o sñam pa gaṅ lags pa ’di ni śes rab kyi (99b1) pha rol tu phyin pa’i rgyu mthun pa ma lags te sems can du dmigs pa ’di ñid de’i dmigs pa chen por ’gyur ro ||
de ci’i slad du źe na | śes rab kyi pha rol tu phyin pa ni sems can ṅo bo ñid ma mchis pa daṅ skye ba ma mchis pa’i raṅ bźin can du rig par bgyi ste | sems can ṅo bo (2) ñid ma mchis pas na śes rab kyi pha rol tu phyin pa ṅo bo ñid ma mchis par rig par bgyi’o ||
sems can dben pas na śes rab kyi pha rol tu phyin pa dben par rig par bgyi’o ||
sems can bsam gyis mi khyab pas na śes rab kyi pha rol tu phyin pa bsam gyis mi khyab par rig par (3) bgyi’o ||
sems can mi ’jig pa’i chos ñid lags pas na śes rab kyi pha rol tu phyin pa mi ’jig pa’i chos ñid du rig par bgyi’o ||
sems can mṅon par rdzogs par ’tshaṅ mi rgya bas na śes rab kyi pha rol tu phyin pa mṅon par rdzogs par ’tshaṅ mi rgya bar rig par bgyi’o ||
(4) sems can yaṅ dag pa’i don ci lta ba bźin du mṅon par rdzogs par ’tshaṅ mi rgya bas na śes rab kyi pha rol tu phyin pa yaṅ dag pa’i don ci lta ba bźin du mṅon par rdzogs par ’tshaṅ mi rgya bar rig par bgyi’o ||
sems can stobs yaṅ dag par bsgrub pas na | de bźin gśegs pa’i (5) stobs yaṅ dag par sgrub par rig par bgyi ste | bcom ldan ’das rnam graṅs ’dis ’di tla ste śes rab kyi pha rol tu phyin pa ’di ni pha rol tu phyin pa chen po lags so ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub (6) sems dpa’ sems dpa’ chen po gaṅ śes rab kyi pha rol tu phyin pa zab mo ’di la mos śiṅ nem nur mi bgyid the tshom mi ’tshal rmoṅs par mi ’gyur na | bcom ldan ’das de gaṅ nas śi ’phos nas ’dir skyes par rig par bgyi | bcom ldan ’das śes rab kyi pha rol tu phyin pa ’di’i (7) don daṅ chos ñid daṅ don gyi tshul daṅ chos ñid kyi tshul gyi rjes su ’gro bar ’gyur la rjes su ’tshal bar ’gyur źiṅ | rjes su rtogs par bgyid par ’gyur ba’i byaṅ chub sems dpa’ sems dpa’ chen po de yun riṅ po ji srid gcig tu spyad ciṅ tshul bsruṅs par rig par bgyi | (100a1) de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu byaṅ chub sems dpa’ sems dpa’ chen po de ni saṅs rgyas bcom ldan ’das rnams la bsñen bkur byas śiṅ yoṅs su dris nas ’jig rten (2) gyi khams gźan dag nas śi ’phos te ’dir skyes par rig par bya’o ||
de ci’i phyir źe na | ś ri’i bu byaṅ chub sems dpa’ sems dpa’ chen po gaṅ la la saṅs rgyas bcom ldan ’das rnams la bsñen bkur byas śiṅ | yoṅs su dris nas ’jig rten gyi khams gźan dag nas śi (3) ’phos te ’dir skyes par gyur pa de śes rab kyi pha rol tu phyin pa zab mo ’di ’chad pa daṅ ston pa daṅ ñe bar ston pa daṅ luṅ ’bogs pa ñan te śes rab kyi pha rol tu phyin pa ’di thos nas śes rab kyi pha rol tu phyin pa ’di la ston par ’du śes skyed do ||
bdag gi ston pa mṅon sum du gyur (4) te bdag gi ston pa mthoṅ ṅo sñam du sems bskyed do ||
śes rab kyi pha rol tu phyin pa ’di ’chad pa daṅ ston pa daṅ ñe bar ston pa daṅ luṅ ’bogs pa la rna ba blags nas gus par ñan te gtam gyi bar chad mi byed do ||
ś ri’i bu byaṅ chub sems dpa’ sems dpa’ chen po de ni yun (5) riṅ por spyad ciṅ tshul bsruṅs pa de lta bu’i raṅ bźin du rig par bya’o ||
ś ri’i bu byaṅ chub sems dpa’ sems dpa’ chen po de ni saṅs rgyas maṅ po la bsñen bkur byas pa de lta bu’i tshul du rig par bya’o ||
de nas bcom ldan ’das la tshe daṅ ldan pa rab ’byor gyis ’di skad ces (6) gsol to ||
bcom ldan ’das yaṅ śes rab kyi pha rol tu phyin pa ’di mñan pa’am rtogs pa’am bsam pa’am bskyed pa’am ñe bar bzuṅ bar nus sam | śes rab kyi pha rol tu phyin pa de ni ’di’i źe ’am śes rab kyi pha rol tu phyin pa de ’di la’o źe ’am śes rab kyi pha rol tu phyin pa de ni (7) ga ge mo źig na’o źes sam | rnam pa daṅ rtags daṅ mtshan ma ’dis so źes kyaṅ bstan pa ’am mñan par nus sam | bcom ldan ’das kyis bka’ stsal pa | rab ’byor de ni ma yin te rab ’byor śes rab kyi pha rol tu phyin pa ’di ni phuṅ po ’am khams sam skye mched du bstan pa ’am (100b1) mñan pa ’am rtogs pa ’am bsam pa ’am bskyed pa ’am ñe bar gzuṅ bar mi nus so ||
de ci’i phyir źe na | rab ’byor chos thams cad dben pa ñid daṅ chos thams cad śin tu dben pa ñid yin pa’i phyir śes rab kyi pha rol tu phyin pa ni bstan pa ’am mñan pa ’am rtogs pa ’am bsam (2) pa ’am bskyed pa ’am ñe bar gzuṅ bar mi nus so ||
śes rab kyi pha rol tu phyin pa ni phuṅ po daṅ khams daṅ skye mched las gźan na yaṅ med par rig par bya ste | de ci’i phyir źe na | rab ’byor phuṅ po daṅ khams daṅ skye mched ñid stoṅ pa dben pa źibs so ||
de ltar na śes (3) rab kyi pha rol tu phyin pa daṅ phuṅ po daṅ khams daṅ skye mched ’di ni gñis su med de gñis su byar med do ||
stoṅ ba daṅ dben pa daṅ źi ba’i phyir dmigs su med de | chos thams cad kyi mi dmigs pa gaṅ yin pa de ni śes rab kyi pha rol tu phyin pa źes brjod do ||
gaṅ gi tshe (4) ’du śes daṅ kun śes pa daṅ btags pa daṅ tha sñad mi ’byuṅ pa de’i tshe śes rab kyi pha rol tu phyin pa źes bya’o ||
gnas brtan rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di la rnal ’byor du bgyid (5) pa de yun riṅ po ji srid cig spyad ciṅ tshul bsruṅs par rig par bgyi | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po rnams kyi dbaṅ po’i rim pa yod pas ’di ni rnam par phye ste luṅ bstan par bya ba yin no ||
rab ’byor yaṅ rnam graṅs gaṅ (6) gis byaṅ chub sems dpa’ rnams saṅs rgyas brgya phrag maṅ po daṅ saṅs rgyas stoṅ phrag maṅ po daṅ saṅs rgyas brgya stoṅ phrag maṅ po dag mthoṅ nas de dag gi druṅ du tshaṅs par spyod pa spyad kyaṅ śes rab kyi pha rol tu phyin pa ’di lam dad ma mos par ’gyur ba’i rnam graṅs kyaṅ yod do ||
(7) de ci’i phyir źe na | sṅon yaṅ saṅs rgyas bcom ldan ’das de dag gi thad nas śes rab kyi pha rol tu phyin pa zab mo ’di ’chad pa daṅ ston pa daṅ ñe bar ston pa la ma gus so ma gus pas legs par mi ñan to ||
legs par mi ñan pas bsñen bkur mi byed do bsñen bkur mi byed pas yoṅs su mi (101a1) ’dri’o yoṅs su ma dris pas mṅon par mi dad do mṅon par ma dad pas ’khor de nas ’byol te | de dag gźi de las chos kyis phoṅs par ’gyur ba daṅ mthun pa’i las byas śiṅ bsags la kun nas bsags śiṅ ñe bar bsags pas da ltar yaṅ śes rab kyi pha (2) rol tu phyin pa zab mo ’di ’chad pa daṅ ston pa daṅ ñe bar ston pa na ma gus par ’byol źiṅ ma dad la mos par mi byed pas lus daṅ sems kyis tshogs bsgrub par mi byed do ||
tshogs pa sgrub par mi byed pas ni śes rab kyi pha rol tu phyin pa ’di mi śes mi mthoṅ khoṅ du mi chud rig par (3) mi byed de | de dag de ltar śes rab kyi pha rol tu phyin pa la ma dad par ’gyur ro ma dad pa ni mi ñan to mi ñan pa ni mi śes so ma śes pas ni mi mthoṅ ṅo ma mthoṅ bas ni khoṅ du mi chud do ||
khoṅ du ma chud pa ni chos kyis phoṅs par ’gyur ba daṅ mthun pa’i las byed yaṅ dag par sogs (4) par byed | kun du sogs par byed ñe bar sogs par byed do ||
de dag chos kyis phoṅs par ’gyur ba daṅ mthun pa’i las byas pa daṅ bsags pa daṅ kun nas bsags pa daṅ ñe bar bsags pa des śes rab ’chal bar ’gyur ba daṅ mthun pa’i las mṅon par ’du byed par (5) ’gyur ro ||
de dag śes rab ’chal bar ’gyur ba daṅ mthun pa’i las mṅon par ’dus byas pa daṅ bsags pa daṅ kun nas bsags pa daṅ ñe bar bsags pa des śes rab kyi pha rol tu phyin pa ’di ’chad pa daṅ ston pa daṅ ñe bar ston pa na spoṅ bar ’gyur skur bar ’gyur mi sñan pa brjod (6) par ’gyur te | skur nas kyaṅ ’byol bar ’gyur ro ||
rab ’byor yaṅ śes rab kyi pha rol tu phyin pa ’di spoṅ ba daṅ skur pa daṅ mi sñan par brjod pas ni ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams kyi thams cad mkhyen pa ñid spaṅs par ’gyur skur (7) par ’gyur mi sñan par brjod par ’gyur te | de dag ni raṅ gi rgyud bcom źiṅ bsregs nas blo chuṅ ba śes rab chuṅ ba bsod nams chuṅ ba dge ba’i rtsa ba chuṅ ba’i gaṅ zag dad pa tsam daṅ ldan pa dga’ ba tsam daṅ ldan pa | daṅ ba tsam daṅ ldan pa ’dun pa tsam daṅ ldan pa las daṅ po bskal ba med (101b1) pa’i raṅ bźin can gźan rnams kyi yaṅ dad pa tsam daṅ dga’ ba tsam daṅ dad pa tsam daṅ ’dun pa tsam de yaṅ phyir zlog ciṅ ’bral bar byed ldog par byed de | ’di la bslab par mi bya’o źes smra źiṅ ’di ni saṅs rgyas kyi gsuṅ ma yin no źes tshig tu brjod par ’gyur ro ||
de (2) ltar de dag bdag gi rgyud bcom źiṅ phral te gźan gyi rgyud kyaṅ bcom źiṅ phral nas śes rab kyi pha rol tu phyin pa la skur pa ’debs par ’gyur ro ||
śes rab kyi pha rol tu phyin pa la skur pa btab na thams cad mkhyen pa ñid la skur ba btab par ’gyur ro ||
thams cad mkhyen pa (3) ñid la skur pa btab na ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams la skur pa btab par ’gyur ro ||
de ltar de dag saṅs rgyas bcom ldan ’das rnams kyi druṅ nas ’byol bar ’gyur chos kyis yoṅs su btaṅ bar ’gyur dge ’dun las yoṅs su (4) phyi rol du ’gyur ro ||
de ltar de rnams thams cad nas thams cad rnam pa thams cad du thams cad dkon mchog gsum las phyi rol du ’gyur te | de dag sems can rnams la phan pa daṅ bde ba ñe bar gcod par byed pas sems can dmyal ba chen po rnams su rnam par smin (5) par ’gyur ba daṅ mthun pa’i las ñe bar sogs par ’gyur ro ||
de dag de lta bu’i las mṅon par ’du byed pa daṅ ñe bar bźag pa daṅ kun nas bslaṅ ba daṅ chos kyis phoṅs par ’gyur ba daṅ mthun pa daṅ śes rab ’chal bar ’gyur ba daṅ mthun pa’i raṅ bźin de ñid kyis lo (6) brgya phrag maṅ po daṅ lo stoṅ phrag maṅ po daṅ lo brgya stoṅ phrag maṅ po daṅ lo bye ba brgya phrag maṅ po daṅ lo bye ba stoṅ phrag maṅ po daṅ lo bye ba brgya stoṅ phrag maṅ po daṅ lo bye ba khrag khrig brgya stoṅ phrag maṅ por sems can dmyal ba chen po rnams su ltuṅ bar ’gyur ro ||
de dag sems can (7) dmyal ba chen po nas sems can dmyal ba chen por ’gro bar ’gyur te | de dag de ltar yun riṅ por sems can dmyal ba chen po nas sems can dmyal ba chen por ’pho ba na mes ’jig pa’i bskal pa ’byuṅ bar ’gyur ro ||
mes ’jig pa’i bskal pa byuṅ ba na ’jig rten gyi khams gźan (102a1) dag na sems can dmyal ba chen po gaṅ dag yod pa de dag tu ’dor bar ’gyur te de dag sems can dmyal ba chen po de dag tu ltuṅ bar ’gyur ro ||
der bor te sems can dmyal ba chen po de dag tu ltuṅ par gyur pa de dag der yaṅ sems can dmyal ba chen po nas (2) sems can dmyal ba chen por ’pho bar ’gyur ro ||
de dag der yaṅ sems can dmyal ba chen po nas sems can dmyal ba chen por ’pho ba na der yaṅ slar de kho na bźin du mes ’jig pa’i bskal pa ’byuṅ bar ’gyur ro ||
de dag mes ’jig pa’i bskal pa byuṅ ba na de nas śi ’phos (3) ma thag tu ’jig rten gyi khams gźan dag na sems can dmyal ba chen po yod pa der ’dor te de dag sems can dmyal ba chen po de dag tu skye bar ’gyur ro ||
der yaṅ de kho na bźin du sems can dmyal ba chen po nas sems can dmyal ba chen por ’pho bar ’gyur ro ||
de dag (4) der yaṅ yun riṅ por sems can dmyal ba chen po de nas sems can dmyal ba chen por ’pho ba na der yaṅ mes ’jig pa’i bskal pa ’byuṅ bar ’gyur ro ||
de dag mes ’jig pa’i bskal pa byuṅ ba na yaṅ de dag de nas śi ’phos te las ma zad ciṅ lhag ma daṅ bcas pa’i las de (5) ñid kyis slar ’jig rten gyi khams ’dir ’dor bar ’gyur źiṅ bor bar gyur pa na yaṅ sems can dmyal ba chen po rnams su skye bar ’gyur ro ||
de dag slar sems can dmyal ba chen po rnams su sems can dmyal ba’i sdug bsṅal chen po de dag myoṅ bar ’gyur te ji srid du mes ’jig pa (6) ’byuṅ bar ’gyur ba de srid du myoṅ bar ’gyur ro ||
de ltar de dag sdug bsṅal maṅ po myoṅ ba daṅ mthun pa’i las ñams su myoṅ bar ’gyur ro ||
de ci’i phyir źe na | de lta bu’i tshig ñes pa smras pa’i phyir ro ||
de nas bcom ldan ’das la tshe daṅ ldan pa ś ri’i bus ’di skad ces (7) gsol to ||
bcom ldan ’das mtshams ma mchis pa lṅa’i las bgyis śiṅ ñe bar bsags pa rnams ni | yid kyis noṅs par spyad pa daṅ ṅag gis noṅs par spyad pa ’di’i gzugs brñan nam rjes su mthun pa ’am tshul mthun pa tsam yaṅ ma lags so ||
bcom ldan ’das kyis (102b1) bka’ stsal pa | de de bźin no ś ri’i bu de de bźin te | ś ri’i bu mtshams med pa lṅa’i las byas śiṅ ñe bar bsags pa rnams ni yid kyis ñes par spyad pa daṅ ṅag gis ñes par spyad pa’i las byas śiṅ bsags te kun nas bsags pa daṅ ñe bar bsags pa ’di’i gzugs brñen (2) nam rjes su mthun pa ’am tshul mthun pa tsam yaṅ ma yin no ||
gaṅ su dag śes rab kyi pha rol tu phyin pa zab mo ’di ’chad pa daṅ ston pa daṅ ñe bar ston pa la phyir gźil bar sems śiṅ skur bar ’gyur mi sñan par zer bar ’gyur te | ’di la bslab par mi bya’o źes smra bar ’gyur la (3) ’di ni de bźin gśegs pas bśad pa ma yin no źes tshig smra bar ’gyur źiṅ sems can gźan dag kyaṅ de daṅ bral bar byed pa de dag ni raṅ gi rgyud bcom nas gźan gyi rgyud kyaṅ ’joms par ’gyur | raṅ gi rgyud dug can du byas nas gźan gyi rgyud kyaṅ dug can du byed par ’gyur | (4) raṅ ñid brlag nas gźan yaṅ brlag par byed par ’gyur | bdag ñid kyaṅ śes rab kyi pha rol tu phyin pa zab mo ma śes ma rtogs la gźan dag kyaṅ ’di la bslab par mi bya’o źes ’dzin du ’jug pa’o ||
ś ri’i bu gaṅ zag de lta bu’i raṅ bźin can ni blta bar yaṅ ṅas mi gnaṅ na de dag daṅ ’grogs (5) pa lta ci smos rñed pa daṅ bkur sti lta ci smos gnas pa lta ci smos | de ci’i phyir źe na | ś ri’i bu de lta bu’i raṅ bźin can gyi gaṅ zag de dag ni chos la sun ’byin par rig par bya ba yin no ||
ś ri’i bu gaṅ zag de tla bu’i raṅ bźin can de dag ni lo ’dab rul pa lta bur gyur par rig par bya’o ||
(6) ś ri’i bu gaṅ zag de lta bu de dag ni nag po’i raṅ bźin can nag po ñe bar skyed par rig par bya’o ||
ś ri’i bu gaṅ zag de lta bu de dag las gaṅ dag mñan pa daṅ dad par bya bar sems pa de dag thams cad kyaṅ tshul ma yin pas brlag par ’gyur ro ||
ś ri’i bu gaṅ dag śes rab (7) kyi pha rol tu phyin pa la sun ’byin pa de dag ni ś ri’i bu chos la sun ’byin pa’i gaṅ zag tu rig par bya’o ||
ś ri’i bus gsol pa | bcom ldan ’das kyis gaṅ zag der skyes śiṅ sems can dmyal ba chen po na mchis pa de’i lus kyi tshad ma bstan to ||
bcom ldan ’das kyis bka’ (103a1) stsal pa | ś ri’i bu gaṅ zag sems can dmyal ba chen po der skyes pa de’i lus kyi tshad lta źog śig | de ci’i phyir źe na | gaṅ zag de lta bu’i raṅ bźin can gyi lus kyi tshad thos nas khrag dron po kha nas skyug ciṅ ’chi bar ’gyur ba’am ’chi ba tsam ’am sdug bsṅal mi bzad (2) pa daṅ nad kyis reg ciṅ tshig pa ’am de la mya ṅan gyi zug rṅu źugs pa ’am g-yaṅ sa chen por ltuṅ ba ’am skam pa ’am rñis par gyur na mi ruṅ bas na | gaṅ la ñes pa de dag yod pa’i lus de’i tshad ’jigs pa chen po can de lta bu thos par ma gyur cig ces | bcom ldan ’das kyis lus de’i (3) tshad ’di tsam du ’gyur ro źes tshe daṅ ldan pa ś ri’i bu la go skabs ma phye’o ||
lan gñis lan gsum du yaṅ bcom ldan ’das la tshe dad ldan pa ś ri’i bus ’di skad ces gsol to ||
gaṅ zag de’i lus kyi tshad kyis phyi ma’i skye bo la snaṅ bar bgyis par ’gyur bas | ṅag daṅ yid kyi las (4) byas śiṅ bsags pa daṅ kun tu bsags pa daṅ ñe bar bsags pa ’dis sems can dmyal ba chen po’i lus ’di lta bu chen po yoṅs su ’dzin par ’gyur ro źes bcom ldan ’das kyis bdag la bśad du gsol | bcom ldan ’das kyis bka’ stsal pa | ś ri’i bu gaṅ dag daṅ yid kyis (5) ñes par spyad pa mi dge ba’i las mṅon par ’du byed pa mṅon par ’dus byas pa bsags śiṅ kun nas bsags la ñe bar bsags pa ’dis yun riṅ po ’di tsam du sdug bsṅal myoṅ bar ’gyur ro źes bya ba ’di ñid kyis phyi ma’i skye bo la snaṅ ba byas par ’gyur te | ś ri’i bu sdug bsṅal (6) de ñid la gźal du med pa daṅ sdug bsṅal maṅ por bśad pa gaṅ yin pa de ñid kyis rigs kyi bu ’am rigs kyi bu mo gaṅ dag dkar po’i skal ba can rnams skyo bar ’gyur źiṅ de nas de chos kyis phoṅs par ’gyur ba daṅ mthun pa’i las de dag las rnam par ldog ciṅ bsod nams mṅon par ’du byed pa (7) kho na byed de | bdag kyaṅ de daṅ ’dra ba’i sdug bsṅal daṅ phrad par mi ’gyur bar bya ba’i phyir srog gi phyir yaṅ dam pa’i chos spoṅ bar mi byed do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das rigs kyi bu ’am rigs kyi bu mos lus (103b1) kyi lus daṅ ṅag gi las daṅ yid kyi las śin tu bsdam par bgyi’o ||
de ci’i slad du źe na | bcom ldan ’das de ltar ṅag gis noṅs par smras pa de lta bu’i ṅo bos bsod nams ma lags pa’i phuṅ po chen po ’di skyes pa lags so ||
bcom ldan ’das yaṅ las gaṅ gis (2) bsod nams ma lags pa’i phuṅ po chen po ’di skyes par gyur | bcom ldan ’das kyis bka’ stsal pa | rab ’byor dag gis ñes par smras pa de lta bu’i ṅo bos bsod nams ma yin pa’i phuṅ po chen po ’di tsam skyes so ||
rab ’byor gaṅ dag śes rab kyi pha rol tu phyin pa zab mo (3) ’di sun dbyuṅ bar sems par ’gyur | skur bar sems par ’gyur | phyir gźil bar sems par ’gyur ba’i skyes bu gti mug can de dag legs par gsuṅs pa’i chos ’dul ba ’di ñid du rab tu ’byuṅ bar ’gyur ro ||
śes rab kyi pha rol tu phyin pa ’di phyir bcil na saṅs rgyas (4) bcom ldan ’das rnams kyi byaṅ chub kyaṅ phyir bcil bar ’gyur ro ||
saṅs rgyas kyi byaṅ chub phyir bcil na ’das pa daṅ ma ’oṅs pa daṅ da ltar byuṅ ba’i saṅs rgyas bcom ldan ’das rnams kyi thams cad mkhyen pa ñid phyir bcil bar ’gyur ro ||
thams cad mkhyen pa ñid phyir bcil na (5) dam pa’i chos phyir bcil bar ’gyur ro ||
dam pa’i chos phyir bcil na de bźin gśegs pa’i ñan thos kyi dge ’dun phyir bcil bar ’gyur ro ||
de bźin gśegs pa’i ñan thos kyi dge ’dun phyir bcil ba de lta na ni dkon mchog gsum las thams cad nas thams cad rnam pa thams (6) cad du thams cad phyi rol du gyur pa yin pas tshes gźal du med ciṅ graṅs med pa’i mi dge ba’i las chen po mṅon par ’du byed pa yoṅs su ’dzin par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
(7) bcom ldan ’das rigs kyi bu ’am rigs kyi bu mo śes rab kyi pha rol tu phyin pa ’di la phyir gźil bar sems pa de’i rgyu gaṅ lags rkyen gaṅ lags | bcom ldan ’das kyis bka’ stsal pa | rab ’byor rigs kyi bu ’am rigs kyi bu mo de bdud kyis byin gyis brlabs pa ’am | (104a1) śes rab ’chal par ’gyur ba daṅ mthun pa’i ṅag gi las kyis ’di chos zab mo dag la mi dad ciṅ rab tu daṅ par mi ’gyur te | rab ’byor sdig pa’i chos ’di gñis daṅ ldan pas rigs kyi bu ’am rigs kyi bu mo de śes rab kyi pha rol tu phyin pa ’di la phyir ’jil bar ’gyur ro ||
(2) rab ’byor gźan yaṅ śes rab kyi pha rol tu phyin pa zab mo ’di ’chad pa daṅ ston pa daṅ ñe bar ston pa na phyir gźil bar sems par ’gyur ba gaṅ yin pa de ni rnam pa bźi po ’di dag daṅ ldan par ’gyur te | rigs kyi bu ’am rigs kyi bu mo de sdig pa’i grogs po’i lag tu son par ’gyur pa (3) ’am | mṅon par mi brtson par ’gyur ba ’am | phuṅ po la mṅon par źen par ’gyur ba ’am | bdag la stod ciṅ gźan la smod de ñes pa’i skabs tshol bar ’gyur ba’o ||
’phags pa śes rab kyi pha rol tu phyin pa brgyad stoṅ pa las dmyal pa’i le’u źes bya ste bdun (4) pa’o || ||
śes rab kyi pha rol tu phyin pa brgyad stoṅ pa | bam po dgu pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa ni mṅon par mi brtson pa daṅ dge ba’i rtsa ba daṅ bral (5) ba daṅ sdig pa’i grogs po’i lag tu soṅ bas mos par dka’o ||
bcom ldan ’das kyis bka’ stsal pa | de de bźin no rab ’byor de de bźin te | rab ’byor śes rab kyi pha rol tu phyin pa ni mṅon par mi brtson pa daṅ dge ba’i rtsa ba chud pa daṅ blo źan pa daṅ don du mi gñer ba daṅ thos pa ñuṅ ba daṅ (6) śes rab źan pa daṅ sdig pa’i grogs pos ñe bar brtan pa daṅ legs par mi ñan pa daṅ mi ’dri ba’i raṅ bźin can daṅ dge ba’i chos la ni brtson pas mos bar dka’o ||
rab ’byor gyis gsol pa | bcom ldan ’das e ma śes rab kyi pha rol tu phyin pa ni mos par dka’ ba’i slad du ’di ci tsam (7) du zab pa lags | bcom ldan ’das kyis bka’ stsal pa | rab ’byor gzugs ni ma bciṅs ma grol ba’o ||
de ci’i phyir źe na | rab ’byor gzugs ṅo bo ñid med pa’i phyir gzugs ma bciṅs ma grol ba’o ||
rab ’byor de bźin du tshor ba daṅ ’du śes daṅ ’du byed rnams daṅ rnam (104b1) par śes pa ni ma bciṅs ma grol ba’o ||
de ci’i phyir źe na | rab ’byor rnam par śes pa ṅo bo ñid med pa’i phyir rnam par śes pa ma bciṅs ma grol ba’o ||
rab ’byor gzugs kyi sṅon gyi mtha’ ma bciṅs ma grol ba’o ||
de ci’i phyir źe na | rab ’byor gzugs la sṅon gyi mtha’i (2) ṅo bo ñid med pa’i phyir ro ||
rab ’byor gzugs kyi phyi ma’i mtha’ ma bciṅs ma grol ba’o ||
de ci’i phyir źe na | rab ’byor gzugs phyi ma’i mtha’i ṅo bo ñid med pa’i phyir ro ||
rab ’byor gzugs kyi da ltar byuṅ ba ma bciṅs ma grol ba’o ||
de ci’i phyir źe na | rab (3) ’byor gzugs la da ltar byuṅ ba’i ṅo bo ñid med pa’i phyir ro ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa’i sṅon gyi mtha’ ma bciṅs ma grol ba’o ||
de ci’i phyir źe na | rab ’byor rnam par śes pa la sṅon gyi mtha’i ṅo bo ñid med pa’i phyir ro ||
(4) rab ’byor rnam par śes pa’i phyi ma’i mtha’ ma bciṅs ma grol ba’o ||
de ci’i phyir źe na | rab ’byor rnam par śes pa la phyi ma’i mtha’i ṅo bo ñid med pa’i phyir ro ||
rab ’byor rnam par śes pa’i da ltar byuṅ ba ma bciṅs ma grol ba’o ||
de ci’i phyir źe na | rab ’byor rnam par (5) śes pa la da ltar byuṅ ba’i ṅo bo ñid med pa’i phyir ro ||
rab ’byor gyis gsol pa | bcom ldan ’das śes rab kyi pha rol tu phyin pa ni mi brtson pa daṅ dge ba’i rtsa ba ma bsags pa daṅ sdig pa’i grogs po’i lag tu soṅ ba daṅ bdud kyi dbaṅ du gyur pa daṅ le lo can daṅ brtson ’grus źan (6) pa daṅ dran pa ñams pa daṅ śes rab ’tshal pas mos par dka’ źiṅ mchog tu mos par dka’ ba lags so ||
bcom ldan ’das kyis bka’ stsal pa | de de bźin no rab ’byor de de bźin te | rab ’byor śes rab kyi pha rol tu phyin pa ni mi brtson pa daṅ dge ba’i rtsa ba ma bsags pa daṅ (7) sdig pa’i grogs po’i lag tu soṅ ba daṅ bdud kyi dbaṅ du gyur pa daṅ le lo can daṅ brtson ’grus źan pa daṅ dran pa ñams pa daṅ śes rab ’chal bas mos sar dka’ ba yin te | rab ’byor śes rab kyi pha rol tu phyin pa ni mchog tu mos par dka’ ba yin no ||
de ci’i phyir źe na | rab ’byor (105a1) gzugs rnam par dag pa gaṅ yin pa de ni ’bras bu rnam par dag pa ’bras bu rnam par dag pa gaṅ yin pa de ni gzugs rnam par dag pa ste | rab ’byor de ltar na gzugs rnam par dag pa daṅ ’bras bu rnam par dag pa ’di ni gñis su med ciṅ gñis su byar med de tha mi (2) dad ciṅ ma chad pa’o ||
rab ’byor de ltar na ’bras bu rnam par dag pas na gzugs rnam par dag pa gzugs rnam par dag pas na ’bras bu rnam par dag pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa rnam par dag pa gaṅ yin pa de ni (3) ’bras bu rnam par dag pa’o ’bras bu rnam par dag pa gaṅ yin pa de ni rnam par śes pa rnam par dag pa ste | rab ’byor de ltar na rnam par śes pa rnam par dag pa daṅ ’bras bu rnam par dag pa ’di ni gñis su med ciṅ gñis su byar med de tha mi dad ciṅ ma chad pa’o ||
rab ’byor de (4) ltar na ’bras bu rnam par dag pas na rnam par śes pa rnam par dag pa rnam par śes pa rnam par dag pas ’bras bu rnam par dag pa’o ||
rab ’byor gźan yaṅ gzugs rnam par dag pa gaṅ yin pa de ni thams cad mkhyen pa ñid rnam par dag pa thams cad mkhyen pa ñid rnam par dag (5) pa gaṅ yin pa de ni gzugs rnam par dag pa ste | rab ’byor de ltar na gzugs rnam par dag pa daṅ thams cad mkhyen pa ñid rnam par dag pa ’di ni gñis su med de gñis su byar med ciṅ tha mi dad ciṅ ma chad pa’o ||
rab ’byor de ltar na thams cad mkhyen pa ñid rnam par dag pas na gzugs rnam (6) par dag pa gzugs rnam par dag pas na thams cad mkhyen pa ñid rnam par dag pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa rnam par dag pa gaṅ yin pa de ni thams cad mkhyen pa ñid rnam par dag pa’o thams cad mkhyen pa ñid rnam par dag pa gaṅ yin pa de (7) ni rnam par śes pa rnam par dag pa ste | rab ’byor de ltar na rnam par śes pa rnam par dag pa daṅ thams cad mkhyen pa ñid rnam par dag pa ’di ni gñis su med ciṅ gñis su byar med de tha mi dad ciṅ ma chad pa’o ||
rab ’byor de ltar na thams cad mkhyen pa ñid rnam par dag pas na rnam par (105b1) śes pa rnam par dag pa’o rnam par śes pa rnam par dag pas na thams cad mkhyen pa ñid rnam par dag pa’o ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin pa ni zab bo ||
bcom ldan ’das kyis (2) bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni gsal bar bgyid pa’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan (3) ’das śes rab kyi pha rol tu phyin pa ni snaṅ bar bgyid pa’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni mtshams sbyor ba ma mchis pa’o ||
bcom ldan ’das kyis bka’ (4) stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni kun nas ñon moṅs pa ma mchis pa’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom (5) ldan ’das śes rab kyi pha rol tu phyin pa ni thob pa ma mchis pa mṅon par rtogs pa ma mchis pa’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni mṅon par ’grub pa ma (6) mchis pa’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni ’dod pa’i khams daṅ gzugs kyi khams daṅ gzugs med pa’i khams su śin tu skye ba ma mchis pa’o ||
(7) bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ni ma ’tshal yaṅ dag par ma ’tshal ba’o ||
bcom ldan ’das kyis bka’ stsal pa | ś ri’i bu rnam par dag pa’i phyir ro ||
ś ri’i (106a1) bus gsol pa | bcom ldan ’das yaṅ śes rab kyi pha rol tu phyin pa ni ci źig ma ’tshal źiṅ yaṅ dag par ma ’tshal | bcom ldan ’das kyis bka’ stsal pa | ś ri’i bu śes rab kyi pha rol tu phyin pa ni gzugs mi śes yaṅ dag par mi śes so ||
de ci’i phyir (2) źe na | ś ri’i bu rnam par dag pa’i phyir ro ||
ś ri’i bu de bźin du śes rab kyi pha rol tu phyin pa ni tshor ba daṅ ’du śes daṅ ’du byed rnams daṅ rnam par śes pa mi śes yaṅ dag par mi śes so ||
de ci’i phyir źe na | rnam par dag pa’i phyir ro ||
ś ri’i bus gsol pa | (3) bcom ldan ’das śes rab kyi pha rol tu phyin pa ni thams cad mkhyen pa ñid la gnod par yaṅ mi bgyid phan par yaṅ mi bgyid do ||
bcom ldan ’das kyis bka’ stsal pa | rnam par dag pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa (4) ni chos gaṅ yaṅ yoṅs su mi ’dzin yoṅs su mi gtoṅ ṅo ||
bcom ldan ’das kyis bka’ stsal pa | rnam par dag pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag rnam par dag pas | gzugs (5) rnam par dag pa’o ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ’dag rnam par dag pas tshor ba daṅ ’du śes daṅ ’du byed rnams rnam par dag pa’o ||
bcom ldan ’das bdag rnam par (6) dag pas rnam par śes pa rnam par dag pa’o ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das bdag rnam par dag pas ’bras bu rnam par dag pa’o ||
bcom ldan ’das kyis bka’ (7) stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das bdag rnam par dag pas thams cad mkhyen pa ñid rnam par dag pa’o ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
(106b1) rab ’byor gyis gsol pa | bcom ldan ’das bdag rnam par dag pas thob pa ma mchis mṅon par rtogs pa yaṅ ma mchis so ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das bdag (2) mu ma mchis pas na gzugs mu ma mchis pa’o ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das bdag mu ma mchis pas na tshor ba daṅ ’du śes daṅ ’du byed rnams daṅ rnam par śes pa mu (3) ma mchis pa’o ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po de’i de ltar rtogs pa gaṅ lags pa de ni ’di’i śes rab kyi pha rol tu phyin pa lags (4) so ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
tshe daṅ ldan pa rab ’byor gyis gsol pa | bcom ldan ’das yaṅ śes rab kyi pha rol tu phyin pa ’di ni tshu rol gyi ’gram na yaṅ mi gnas pha rol gyi ’gram na yaṅ mi gnas gñi ga’i (5) bar rgyaṅ riṅ po na yaṅ mi gnas so ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
tshe daṅ ldan pa rab ’byor gyis gsol pa | bcom ldan ’das de ltar yaṅ ’du śes na byaṅ chub sems dpa’ sems dpa’ chen po de ni śes rab kyi pha (6) rol tu phyin pa ’di ’dor bar ’gyur ro ||
śes rab kyi pha rol tu phyin pa ’di riṅ du bgyid par ’gyur ro ||
bcom ldan ’das kyis bka’ stsal pa | rab ’byor legs so legs so ||
de de bźin no rab ’byor de de bźin te | de ci’i phyir źe na | rab ’byor miṅ las kyaṅ (7) chags par ’gyur ro mtshan ma las kyaṅ chags par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’di ltar bcom ldan ’das kyis gaṅ du chags pa ’di dag kyaṅ bśad pas ci tsam du (107a1) śes rab kyi pha rol tu phyin pa ’di legs par bśad ciṅ legs par bstan te | śin tu mthar gtugs pa ni ṅo mtshar to ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor chags pa de dag gaṅ (2) yin | rab ’byor gyis smras pa | tshe daṅ ldan pa ś ri’i bu gzugs stoṅ pa’o sñam pa ni chags pa’o ||
de bźin du tshor ba daṅ ’du śes daṅ ’du byed rnams daṅ tshe daṅ ldan pa ś ri’i bu rnam par śes pa stoṅ pa’o sñam pa ni chags pa’o ||
’das pa’i chos rnams la ’das pa’i (3) chos rnams so źes yaṅ dag par śes pa ni chags pa’o ||
ma ’oṅs pa’i chos rnams la ma ’oṅs pa’i chos rnams so źes yaṅ dag par śes pa ni chags pa’o ||
da ltar byuṅ ba’i chos rnams la da ltar byuṅ ba’i chos rnams so źes yaṅ dag par śes pa ni chags pa’o ||
gaṅ (4) zag byaṅ chub sems dpa’i theg pa can sems daṅ po bskyed pas bsod nams kyi phuṅ po ’di tsam skyed do źes yaṅ dag par śes pa ni chags pa’o ||
de nas lha rnams kyi dbaṅ po brgya byin gyis tshe daṅ ldan pa rab ’byor la ’di skad ces smras so ||
’phags pa rab ’byor rnam graṅs (5) gaṅ gis chags par ’gyur | rab ’byor gyis smras pa | kau śi ka gal te ’di ni byaṅ chub kyi sems daṅ po’o źes byaṅ chub kyi sems de yaṅ dag par śes śiṅ bla na med pa yaṅ dag par rdzogs pa’i byaṅ chub tu yoṅs su bsṅo’o źes yoṅs su sṅo bar byed pas te | rigs kyi bu ’am (6) rigs kyi bu mo theg pa chen po la yaṅ dag par źugs pa des sems kyi raṅ bźin yoṅs su bsṅo bar ni mi nus so ||
kau śi ka de bas na gźan la yaṅ dag par ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ bar byed pas ni bla na med pa yaṅ (7) dag par rdzogs pa’i byaṅ chub la yaṅ dag pa ñid rjes su rtogs pas yaṅ dag par bstan par bya yaṅ dag par dgod par bya yaṅ dag par gzeṅs bstod par bya yaṅ dag par rab tu dga’ bar bya ste | de ltar na rigs kyi bu ’am rigs kyi bu mo de bdag ñid la yaṅ gnod par mi byed ciṅ (107b1) saṅs rgyas kyis gnaṅ ba’i yaṅ dag par ’god pas gźan ’god par byed par ’gyur la chags pa’i mtha’ ’di dag thams cad kyaṅ rnam par spaṅs par ’gyur ro ||
de nas bcom ldan ’das kyis tshe daṅ ldan pa rab ’byor la legs so źes bya ba byin te | rab ’byor khyod de ltar (2) byaṅ chub sems dpa’ sems dpa’ chen po dag la chags pa’i mtha’ ’di dag khoṅ du chud par byed pa legs so legs so ||
rab ’byor de’i phyir chags pa rab tu phra ba gźan dag kyaṅ brjod par bya ste legs par rab tu ñon la yid la zuṅ śig daṅ ṅas khyod la bśad do ||
(3) bcom ldan ’das legs so źes gsol nas | tshe daṅ ldan pa rab ’byor bcom ldan ’das kyi ltar ñan pa daṅ bcom ldan ’das kyis ’di skad ces bka’ stsal to ||
rab ’byor ’di la rigs kyi bu ’am rigs kyi bu mo dad pa dag de bźin gśegs pa dgra bcom pa yaṅ dag (4) par rdzogs pa’i saṅs rgyas mtshan mar yid la byed na yaṅ rab ’byor mtshan ma ji srid pa de srid du chags pa yin no ||
de ci’i phyir źe na | rab ’byor mtshan ma las ni chags par ’gyur ro ||
de ltar na de ’das pa daṅ ma ’oṅs pa daṅ da ltar byuṅ ba’i saṅs rgyas bcom ldan ’das (5) rnams kyi zag pa med pa’i chos gaṅ yin pa de dag la rjes su yi raṅ ṅo ||
de ltar rjes su yi raṅ nas rjes su yi raṅ ba daṅ ldan pa’i dge ba’i rtsa ba dag bla na med pa yaṅ dag par rdzogs pa’i byaṅ chub tu yoṅs su bsṅo’o źes yoṅs su sṅo bar byed na | rab ’byor yaṅ chos rnams kyi chos ñid (6) gaṅ yin pa de ni ’das pa ’am ma ’oṅs pa ’am da ltar byuṅ ba ma yin te | gaṅ ’das pa daṅ ma ’oṅs pa daṅ da ltar byuṅ ba ma yin pa de ni dus gsum las ṅes par grol ba | gaṅ dus gsum las ṅes par grol ba de ni yoṅs su bsṅo ba daṅ mtshan mar bya ba daṅ dmigs par bya bar mi nus (7) śiṅ | de ni mthoṅ ba daṅ thos pa daṅ rtogs pa daṅ rnam par śes pa yaṅ ma yin no ||
rab ’byor gyis gsol pa | bcom ldan ’das chos rnams kyi raṅ bźin ni zab bo ||
bcom ldan ’das kyis bka’ stsal pa | rab ’byor dben pa’i phyir ro ||
rab ’byor gyis gsol pa | (108a1) bcom ldan ’das śes rab kyi pha rol tu phyin pa ni raṅ bźin zab pa’o ||
bcom ldan ’das kyis bka’ stsal pa | rab ’byor raṅ bźin rnam par dag pa’i phyir daṅ rab ’byor raṅ bźin dben pa’i phyir śes rab kyi pha rol tu phyin pa ni raṅ bźin zab bo ||
rab ’byor (2) gyis gsol pa | bcom ldan ’das śes rab kyi pha rol tu phyin pa ni raṅ bźin dben pa’i phyir bcom ldan ’das śes rab kyi pha rol tu phyin pa la phyag ’tshal lo ||
bcom ldan ’das kyis bka’ stsal pa | rab ’byor chos thams cad kyaṅ raṅ bźin dben pa ñid de rab ’byor chos (3) thams cad kyi raṅ bźin dben pa ñid gaṅ yin pa de ni śes rab kyi pha rol tu phyin pa’o ||
de ci’i phyir źe na | rab ’byor ’di ltar chos thams cad ni de bźin gśegs pa dgra bcom pa yaṅ dag par rdzogs pa’i saṅs rgyas kyis ma byas par mṅon par rdzogs par saṅs rgyas so ||
(4) rab ’byor gyis gsol pa | bcom ldan ’das de lta bas na de bźin gśegs pa dgra bcom pa yaṅ dag par rdzogs pa’i saṅs rgyas kyis chos thams cad mṅon par rdzogs par saṅs ma rgyas so ||
bcom ldan ’das kyis bka’ stsal pa | rab ’byor ’di ltar raṅ (5) bźin gyis chos de dag gaṅ yaṅ med do ||
raṅ bźin gaṅ yin pa de ni raṅ bźin med pa raṅ bźin gaṅ yin pa de ni raṅ bźin yin te ’di lta ste chos thams cad kyi mtshan ñid med pa’i phyir na mtshan ñid gcig pa’i phyir ro ||
rab ’byor de lta bas na de bźin gśegs pa dgra bcom (6) pa yaṅ dag par rdzogs pa’i saṅs rgyas kyis chos thams cad mṅon par rdzogs par saṅs rgyas so ||
de ci’i phyir źe na | rab ’byor chos kyi raṅ bźin ni gñis su med de rab ’byor chos thams cad kyi raṅ bźin ni gcig tu zad do ||
rab ’byor chos thams cad kyi raṅ bźin gaṅ (7) yin pa de ni raṅ bźin med pa raṅ bźin med pa gaṅ yin pa ni raṅ bźin yin te | rab ’byor de ltar na chags pa’i mtha’ de dag thams cad rnam par spaṅs pa yin no ||
rab ’byor gyis gsol pa | bcom ldan ’das śes rab kyi pha rol tu phyin pa zab lags sam | bcom ldan (108b1) ’das kyis bka’ stsal pa | rab ’byor nam mkha’ zab pa’i phyir śes rab kyi pha rol tu phyin pa zab bo ||
rab ’byor gyis gsol pa | bcom ldan ’das śes rab kyi pha rol tu phyin pa rjes su rtogs par dka’ ba lags sam | bcom ldan ’das kyis bka’ stsal pa | (2) rab ’byor ’di ltar su yaṅ mṅon par rdzogs par ’tshaṅ rgya ba med do ||
rab ’byor gyis gsol pa | bcom ldan ’das śes rab kyi pha rol tu phyin pa ni bsam gyis mi khyab pa lags sam | bcom ldan ’das kyis bka’ stsal pa | rab ’byor ’di ltar śes rab kyi pha rol tu (3) phyin pa ni sems kyis śes par bya ba ma yin sems kyis rtogs par bya ba ma yin no ||
rab ’byor gyis gsol pa | bcom ldan ’das śes rab kyi pha rol tu phyin pa ni ma bgyis pa lags sam | bcom ldan ’das kyis bka’ stsal pa | rab ’byor byed pa po mi dmigs (4) pa’i phyir śes rab kyi pha rol tu phyin pa ma byas pa’o ||
rab ’byor gyis gsol pa | bcom ldan ’das da ltar na byaṅ chub sems dpa’ sems dpa’ chen pos śes rab kyi pha rol tu phyin pa la ci ltar spyad par bgyi | bcom ldan ’das kyis bka’ stsal pa | rab ’byor (5) gal te byaṅ chub sems dpa’ sems dpa’ chen po śes rab kyi pha rol tu phyin pa la spyod pa gzugs la mi spyod na śes rab kyi pha rol tu phyin pa la spyod do ||
de bźin du gal te tshor ba la ma yin ’du śes la ma yin ’du byed rnams lam yin gal te rnam par śes pa la mi spyod na | (6) śes rab kyi pha rol tu phyin pa la spyod do ||
gal te gzugs mi rtag pa’o źes mi spyod na śes rab kyi pha rol tu phyin pa la spyod do ||
de bźin du tshor ba daṅ ’du śes daṅ ’du byed rnams daṅ gal te rnam par śes pa mi rtag pa’o źes mi spyod na śes rab kyi pha rol tu phyin pa la spyod do ||
gal (7) te gzugs stoṅ pa’o źes mi spyod na śes rab kyi pha rol tu phyin pa la spyod do ||
de bźin du tshor ba la ma yin ’du śes la ma yin ’du byed rnams la ma yin gal te rnam par śes pa stoṅ pa’o sñam du mi spyod na śes rab kyi pha rol tu phyin pa la spyod do ||
gal te gzugs ma rdzogs pa daṅ rdzogs (109a1) pa’o sñam du mi spyod na śes rab kyi pha rol tu phyin pa la spyod do ||
gzugs kyi rdzogs pa ma yin pa’am rdzogs pa gaṅ yin pa de ni gzugs ma yin te gal te de ltar yaṅ mi spyod na śes rab kyi pha rol tu phyin pa la spyod do ||
de bźin du tshor ba la ma yin ’du śes la ma yin (2) ’du byed rnams la ma yin gal te rnam par śes pa rdzogs pa ma yin pa daṅ rdzogs pa’o sñam du mi spyod na śes rab kyi pha rol tu phyin pa la spyod do ||
rnam par śes pa rdzogs pa ma yin pa ’am rdzogs pa gaṅ yin pa de ni rnam par śes pa ma yin te gal te de ltar yaṅ mi spyod na śes rab kyi pha (3) rol tu phyin pa la spyod do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gaṅ gi phyir de ltar ci srid du byaṅ chub sems dpa’ sems dpa’ chen po rnams kyi chags pa daṅ bcas pa ñid daṅ chags (4) pa ma mchis pa ñid bśad pa ni ṅo mtshar to ||
bcom ldan ’das kyis bka’ stsal pa | rab ’byor gal te byaṅ chub sems dpa’ sems dpa’ chen po gzugs la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
(5) de bźin du tshor ba daṅ ’du śes daṅ ’du byed rnams daṅ gal te rnam par śes pa la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
rab ’byor gal te byaṅ chub sems dpa’ sems dpa’ chen po mig la chags pa daṅ bcas pa (6) daṅ chags pa med pa’o sñam du mi spyod na śes rab kyi pha rol tu phyin pa la spyod do ||
de bźin du yid kyi ’dus te reg pa las byuṅ ba’i tshor ba’i bar la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
sa’i khams la chags pa daṅ (7) bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
rnam par śes pa’i khams kyi bar la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
sbyin pa’i pha rol tu phyin pa la chags pa daṅ (109b1) bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
de bźin du tshul khrims kyi pha rol tu phyin pa daṅ bzod pa’i pha rol tu phyin pa daṅ brtson ’grus kyi pha rol tu phyin pa daṅ bsam gtan gyi pha rol tu phyin pa daṅ śes rab kyi pha rol tu phyin pa la (2) chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
de bźin du byaṅ chub kyi phyogs kyi chos sum cu rtsa bdun daṅ stobs daṅ mi ’jigs pa daṅ so so yaṅ dag par rig pa daṅ saṅs rgyas kyi chos ma ’dres pa bco brgyad la (3) chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
rgyun du źugs pa’i ’bras bu la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
de bźin du lan cig phyir ’oṅ (4) ba’i ’bras bu daṅ phyir mi ’oṅ ba’i ’bras bu daṅ dgra bcom pa ñid la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
raṅ saṅs rgyas ñid la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu (5) phyin pa la spyod do ||
saṅs rgyas ñid la chags pa daṅ bcas pa daṅ chags pa med pa’o sñam du mi spyod na śes rab kyi pha rol tu phyin pa la spyod do ||
rab ’byor gal te thams cad mkhyen pa ñid la yaṅ chags pa daṅ bcas pa daṅ chags pa med pa’o sñam du mi spyod na śes rab kyi pha rol tu (6) phyin pa la spyod do ||
rab ’byor byaṅ chub sems dpa’ sems dpa’ chen po de ltar spyod pa ni gzugs la chags pa mi skyed do ||
de bźin du tshor ba la ma yin ’du śes la ma yin ’du byed rnams la ma yin rnam par śes pa la chags pa mi skyed do ||
rab ’byor byaṅ chub sems dpa’ (7) sems dpa’ chen po de ltar spyod na mig la chags pa mi skyed pa nas yid kyi ’dus te reg pa las byuṅ ba’i tshor pa’i bar la chags pa mi skyed | sa’i khams la chags pa mi skyed pa nas rnam par śes pa’i khams kyi bar la chags pa mi skyed | sbyin pa’i pha rol tu phyin pa la chags pa (110a1) mi skyed | tshul khrims kyi pha rol tu phyin pa la ma yin bzod pa’i pha rol tu phyin pa la ma yin brtson ’grus kyi pha rol tu phyin pa la ma yin bsam gtan gyi pha rol tu phyin pa la ma yin śes rab kyi pha rol tu phyin pa la chags pa mi skyed | byaṅ chub kyi phyogs rnams la ma yin (2) stobs rnams la ma yin mi ’jigs pa rnams la ma yin so so yaṅ dag par rig pa rnams la ma yin saṅs rgyas kyi chos ma ’dres pa bcwa brgyad rnams la chags pa mi skyed do ||
rgyun tu źugs pa’i ’bras bu la chags pa mi skyed lan cig phyir ’oṅ ba’i ’bras bu la ma yin phyir mi ’oṅ ba’i (3) ’bras bu la ma yin dgra bcom pa ñid la chags pa mi skyed | raṅ saṅs rgyas ñid la chags pa mi skyed | saṅs rgyas ñid la chags pa mi skyed | thams cad mkhyen pa ñid la yaṅ chags pa mi skyed do ||
de ci’i phyir źe na | rab ’byor thams cad mkhyen pa ñid ni ma chags pa ma bciṅs (4) pa ma grol ba yaṅ dag par ma ’das pa’o ||
rab ’byor de ltar chags pa thams cad las rab tu bzla ba’i phyir byaṅ chub sems dpa’ sems dpa’ chen pos śes rab kyi pha rol tu phyin pa la spyad par bya’o ||
rab ’byor gyis gsol pa | bcom ldan ’das ’di ltar śes rab kyi pha (5) rol tu phyin pa źes bgyi ba’i chos ’di ni zab ste | de ni bstan kyaṅ mi ’grib ma bstan kyaṅ mi ’grib bstan kyaṅ mi ’phel ma bstan kyaṅ mi ’phel ba ni ṅo mtshar to ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
(6) rab ’byor legs so legs so ||
rab ’byor de de bźin no de de bźin te | rab ’byor ’di lta ste dper na de bźin gśegs pa dgra bcom pa yaṅ dag par rdzogs pa’i saṅs rgyas ci srid ’tsho ba’i bar du bźugs śiṅ nam mkha’i bsṅags pa brjod kyaṅ nam mkha’ yoṅs su ’phel bar mi (7) ’gyur bsṅags pa ma brjod kyaṅ nam mkha’ yoṅs su ’grib par mi ’gyur ro ||
rab ’byor ’di lta ste dper na sgyu ma’i skyes bu la bsṅags pa brjod kyaṅ rjes su chags par yaṅ mi ’gyur kun nas ñon moṅs par mi ’gyur | bsṅags pa ma brjod kyaṅ khoṅ khro bar mi ’gyur kun nas ñon (110b1) moṅs par mi ’gyur ro ||
rab ’byor de bźin du chos rnams kyi chos ñid gaṅ yin pa de yaṅ bstan kyaṅ de sñed du zad do ma bstan kyaṅ de sñed du zad do ||
gnas brtan rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ śes (2) rab kyi pha rol tu phyin pa zab mo ’di la spyod ciṅ śes rab kyi pha rol tu phyin pa sgom pa gaṅ źig źum par mi bgyid ya ya por mi ’gyur te ’di la rnal ’byor du yaṅ bgyid la phyir mi ldog pa ni dka’ ba bgyid pa lags so ||
bcom ldan ’das ’di lta ste śes rab kyi pha rol tu phyin pa sgom (3) pa ’di ni nam mkha’ sgom pa lags so ||
bcom ldan ’das byaṅ chub sems dpa’ sems dpa’ chen po gaṅ dag gis go cha ’di bgos pa de dag ni phyag bgyi bar ’os pa lags so ||
de ci’i phyir źe na | bcom ldan ’das gaṅ sems can rnams kyi slad du go cha bgo bar (4) ’tshal ba de ni nam mkha’ daṅ lhan cig go cha bgo bar ’tshal pa lags so ||
gaṅ źig nam mkha’ daṅ mtshuṅs pa’i sems can chos kyi dbyiṅs daṅ mtshuṅs pa’i sems can rnams kyi slad du go cha bgo bar ’tshal ba ni bcom ldan ’das byaṅ chub sems dpa’ sems dpa’ chen po go (5) cha chen po bgos pa lags te bcom ldan ’das byaṅ chub sems dpa’ sems dpa’ chen po dpa’ bo lags so ||
bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal ba de ni bcom ldan ’das nam mkha’ yoṅs su thar bar ’tshal ba lags so ||
(6) de ni bcom ldan ’das nam mkha’ ’deg par ’tshal ba lags so ||
bcom ldan ’das byaṅ chub sems dpa’ sems dpa’ chen po gaṅ nam mkha’ daṅ mtshuṅs pa chos kyi dbyiṅs daṅ mtshuṅs pa’i sems can rnams kyi slad du go cha ’tshal ba de ni brtson ’grus kyi pha rol tu (7) phyin pa’i go cha chen po thob pa lags so ||
de nas dge sloṅ gźan źig gis bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to ||
bcom ldan ’das śes rab kyi pha rol tu phyin pa la phyag ’tshal lo ||
(111a1) bcom ldan ’das ’di ltar śes rab kyi pha rol tu phyin pa ni chos gaṅ yaṅ mi skyed chos gaṅ yaṅ ’gog par mi bgyid do ||
de nas tshe daṅ ldan pa rab ’byor la lha rnams kyi dbaṅ po brgya byin gyis ’di skad ces smras so ||
’phags pa rab ’byor gaṅ śes rab kyi pha rol tu phyin (2) pa ’di la de ltar rnal ’byor du byed pa de ci la rnal ’byor du byed par ’gyur | rab ’byor gyis smras pa | kau śi ka gaṅ śes rab kyi pha rol tu phyin pa ’di la rnal ’byor du byed pa de ni nam mkha’ la rnal ’byor du byed par ’gyur ro ||
kau śi ka gaṅ śes rab kyi pha rol tu phyin pa ’di la slob ciṅ (3) rnal ’byor du byed par sems pa de ni bla gab med pa la rnal ’byor du byed par ’gyur ro ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin par ’gyur ba (4) de la bsruṅ ba daṅ bskyab pa daṅ sba ba ci źig bgyi ba bka’ stsal par gsol | de nas tshe daṅ ldan pa rab ’byor gyis lha rnams kyi dbaṅ po brgya byin la ’di skad ces smras so ||
kau śi ka chos gaṅ la bsruṅ ba daṅ bskyab pa daṅ sba bar bya ba’i chos de khyod kyis yaṅ dag par rjes su mthoṅ ṅam | (5) brgya byin gyis smras pa | ’phags pa rab ’byor de ni ma yin no ||
rab ’byor gyis smras pa | kau śi ka gal te de ltar byaṅ chub sems dpa’ sems dpa’ chen po śes rab kyi pha rol tu phyin pa ci ltar bśad pa ’di la gnas na de ñid de la bsruṅ ba daṅ skyob pa daṅ sbed par ’gyur ro ||
(6) de ste śes rab kyi pha rol tu phyin pa daṅ bral bar gyur na ni mi daṅ mi ma yin pa de la glags lta ba daṅ glags tshol pa dag gis glags rñed par ’gyur ro ||
kau śi ka gźan yaṅ byaṅ chub sems dpa’ sems dpa’ chen po gaṅ śes rab kyi pha rol tu phyin pa spyod pa la bsruṅ ba daṅ bskyab pa (7) daṅ sba bar bya bar sems pa de ni nam mkha’ la bsruṅ ba daṅ bskyab pa daṅ sba bar bya bar sems so ||
kau śi ka ’di ci sñam du sems khyod kyis brag ca la bsruṅ ba daṅ bskyabs daṅ sba bar byed par nus sam | brgya byin gyis smras pa | ’phags pa rab ’byor de ni ma yin no ||
rab (111b1) ’byor gyis smras pa | kau śi ka de bźin du byaṅ chub sems dpa’ sems dpa’ chen po śes rab kyi pha rol tu phyin pa ’di la spyod ciṅ gnas pas ni chos thams cad brag ca lta bur yoṅs su śes so ||
de bas na de la rlom sems su mi byed yaṅ dag par rjes su mi mthoṅ mi śes yaṅ (2) dag par mi śes chos de dag kyaṅ med ciṅ yaṅ dag par mi snaṅ la yaṅ dag par med ciṅ mi dmigs so źes gnas te | gal te de ltar gnas na śes rab kyi pha rol tu phyin pa la spyod do ||
de nas saṅs rgyas kyi mthus stoṅ gsum gyi stoṅ chen po’i ’jig rten gyi khams na rgyal po (3) chen po bźi po daṅ lha rnams kyi dbaṅ po brgya byin thams cad daṅ tshaṅs pa chen po thams cad daṅ mi mjed kyi bdag po tshaṅs pa chen po gaṅ dag yod pa de dag thams cad bcom ldan ’das ga la ba der ’oṅs te lhags nas bcom ldan ’das kyi źabs la mgo bos phyag ’tshal te | (4) bcom ldan ’das la lan gsum bskor ba byas nas phyogs gcig tu ’khod do ||
phyogs gcig tu ’khod pa daṅ rgyal po chen po de dag daṅ lha rnams kyi dbaṅ po brgya byin thams cad daṅ tshaṅs pa chen po thams cad daṅ tshaṅs pa chen po mi mjed kyi bdag pos kyaṅ saṅs rgyas kyi (5) mthu daṅ saṅs rgyas kyi byin gyi rlabs kyis saṅs rgyas stoṅ daṅ de dag gis miṅ ’di dag ñid daṅ tshig ’di dag ñid daṅ yi ge ’di dag ñid daṅ rab ’byor ces bya ba’i dge sloṅ ’di dag ñid kyis | śes rab kyi pha rol tu phyin pa ’di ñid daṅ śes rab kyi pha rol tu phyin pa’i le’u ’di ñid ñe (6) bar bstan ciṅ | der yaṅ lha rnams kyi dbaṅ po brgya byin rnams ñid kyis yoṅs su dris śiṅ yoṅs su źus te sa phyogs ’di ñid du śes rab kyi pha rol tu phyin pa ’di ñid bśad pa daṅ | byaṅ chub sems dpa’ sems dpa’ chen po byams pas kyaṅ bla na med pa yaṅ dag par rdzogs pa’i (7) byaṅ chub mṅon par rdzogs par saṅs rgyas nas sa phyogs ’di ñid du śes rab kyi pha rol tu phyin pa ’di ñid ’chad par ’gyur ba śes par gyur to ||
’phags pa śes rab kyi pha rol tu phyin pa brgyad stoṅ pa las rnam par dag pa źes bya ba’i le’u ste brgyad pa’o || ||
(112a1) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa źes bgyi pa ’di ni miṅ tsam mo ||
miṅ de yaṅ ’di’o źes mi dmigs te ṅag gi dṅos po ñid miṅ źes bgyi’o ||
śes rab kyi pha rol (2) tu phyin pa de yaṅ ma mchis mi dmigs te | miṅ ci lta ba bźin du śes rab kyi pha rol tu phyin pa yaṅ de bźin no śes rab kyi pha rol tu phyin pa ci lta bar miṅ yaṅ de bźin te | chos ’di gñis ni ma mchis śiṅ mi dmigs na | bcom ldan ’das ci’i slad du byaṅ chub sems dpa’ sems dpa’ (3) chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | miṅ ’di dag ñid daṅ tshig ’di dag ñid daṅ yi ge ’di dag ñid kyis sa phyogs ’di ñid du śes rab kyi pha rol tu phyin pa ’di ñid ’chad par ’gyur | de skad ces gsol pa daṅ | (4) bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ltar byaṅ chub sems dpa’ sems dpa’ chen po byams pa ni gzugs rtag pa ma yin mi rtag pa yaṅ ma yin | gzugs bciṅs pa ma yin grol ba ma yin pas mtha’ las ’das śiṅ rnam par (5) dag pa’o źes mṅon par rdzogs par ’tshaṅ rgya bar ’gyur te | de bźin du tshor ba la ma yin ’du śes la ma yin ’du byed rnams la ma yin rnam par śes pa rtag pa ma yin mi rtag pa ma yin | rnam par śes pa bciṅs pa ma yin grol ba ma yin pas mtha’ las ’das śiṅ rnam par dag (6) pa’o źes mṅon par rdzogs par ’tshaṅ rgya bar ’gyur ro ||
rab ’byor rgyu ’dis na byaṅ chub sems dpa’ sems dpa’ chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas miṅ ’di dag ñid daṅ tshig ’di dag ñid daṅ yi ge ’di dag ñid (7) kyis sa phyogs ’di ñid du śes rab kyi pha rol tu phyin pa ’di ñid ’chad par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das e ma’o śes rab kyi pha rol tu phyin pa ’di ni yoṅs su dag (112b1) pa’o ||
bcom ldan ’das kyis bka’ stsal pa | rab ’byor gzugs rnam par dag pas śes rab kyi pha rol tu phyin pa yoṅs su dag pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa rnam par dag pas śes rab kyi pha rol tu phyin pa yoṅs su (2) dag pa’o ||
rab ’byor gzugs skye ba med pa daṅ ’gag pa med pa daṅ kun nas ñon moṅs pa med pa daṅ rnam par byaṅ ba med pa rnam par dag pas śes rab kyi pha rol tu phyin pa yoṅs su dag pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par (3) śes pa skye ba med pa daṅ ’gag pa med pa daṅ kun nas ñon moṅs pa med pa daṅ rnam par byaṅ ba med pa rnam par dag pas śes rab kyi pha rol tu phyin pa yoṅs su dag pa’o ||
rab ’byor nam mkha’ rnam par dag pas śes rab kyi pha rol tu phyin pa yoṅs su dag pa’o ||
rab ’byor (4) gzugs gos pa med ciṅ yoṅs su ’dzin pa med pas śes rab kyi pha rol tu phyin pa yoṅs su dag pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa gos pa med ciṅ yoṅs su ’dzin pa med pas śes rab kyi pha rol tu phyin pa yoṅs su dag pa’o ||
(5) rab ’byor nam mkha’ daṅ brag ca smrar med ciṅ brjod du med la | dmigs su med pas śes rab kyi pha rol tu phyin pa yoṅs su dag pa’o ||
rab ’byor ñe bar gos pa daṅ gos pa med pa’i chos thams cad kyis gos pa med pa’i phyir śes rab kyi pha rol tu phyin pa yoṅs su dag (6) pa’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das rigs kyi bu ’am rigs kyi bu mo gaṅ dag gi rna lam du śes rab kyi pha rol tu phyin pa ’di grags par gyur pa de dag kyaṅ rñed pa legs par rñed pa (7) lags na | gaṅ dag ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid par ’gyur ba lta ci smos te | de dag la ni mig gi nad ’byuṅ bar mi ’gyur rna ba’i naṅ ma yin sna’i nad ma yin lce’i nad ma (113a1) yin lus kyi nad ’byuṅ bar mi ’gyur ro ||
rmoṅs pa ñid du mi ’gyur ro ||
de dag ni ñam ṅa ba mi spoṅ bas ’chi ba’i dus mi bgyid do ||
de dag la lha’i bu brgya stoṅ phrag maṅ po dag de’i phyi bźin du ’braṅ bar ’gyur ro ||
tshes brgyad daṅ bcu bźi daṅ baca lṅa la chos smra (2) ba’i rigs kyi bu ’am rigs kyi bu mo de gaṅ daṅ gaṅ du śes rab kyi pha rol tu phyin pa ’chad par ’gyur ba de daṅ der bsod nams ches maṅ du skyed par ’gyur ro ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
de de bźin (3) no rab ’byor de de bźin te | rab ’byor rigs kyi bu ’am rigs kyi bu mo de’i phyi bźin phyi bźin du lha brgya stoṅ phrag maṅ po dag rjes su ’braṅ bar ’gyur ro ||
lha brgya stoṅ phrag maṅ po dag der ’oṅ bar ’gyur ro ||
chos ston pa de śes rab kyi pha rol tu phyin pa ’di ’chad par byed (4) pa’i chos ñan par ’dod pa de dag thams cad kyaṅ bsruṅ ba daṅ bskyab pa daṅ sba ba byed par ’gyur ro ||
de ci’i phyir źe na | rab ’byor śes rab kyi pha rol tu phyin pa na lha daṅ mi daṅ lha ma yin du bcas pa’i ’jig rten gyi rin po che bla na med pa’o ||
rab ’byor de’i phyir yaṅ (5) rigs kyi bu ’am rigs kyi bu mo de de’i gźi las bsod nams maṅ du skyed par ’gyur ro ||
rab ’byor ’on kyaṅ śes rab kyi pha rol tu phyin pa zab mo ’di yi ger ’dri ba daṅ ’dzin pa daṅ ’chad pa daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ (6) luṅ ’bogs pa daṅ kha ton byed pa la bar chad maṅ du ’byuṅ bar ’gyur ro ||
de ci’i phyir źe na | rab ’byor ’di ltar rin po che chen po ni dgra maṅ ba yin te | ci tsam du gces par gyur pa bźin du dgra ches lci bar ’gyur ro ||
rab ’byor ’di lta ste | śes rab kyi pha rol (7) tu phyin pa rin po che chen po ’di ni ’jig rten na bla na med pa’i rin po che ste | ’jig rten la phan pa daṅ bde ba’i phyir źugs pa | chos thams cad mi skye ba daṅ mi ’gag par bya ba’i phyir daṅ kun nas ñon moṅs pa med par bya ba’i phyir mi ’jig pa’i tshul gyis ñe bar gnas pa’o ||
(113b1) rab ’byor śes rab kyi pha rol tu phyin pa ni chos gaṅ la yaṅ mi gnas chos gaṅ la yaṅ mi sbyor chos gaṅ la yaṅ yoṅs su mi ’dzin to ||
de ci’i phyir źe na | rab ’byor ’di ltar chos de dag thams cad ni med ciṅ mi dmigs so ||
rab ’byor ma skyes pa’i phyir śes rab kyi pha (2) rol tu phyin pa ni ma gos pa’o ||
rab ’byor ma gos pa źes bya ba ’di ni śes rab kyi pha rol tu phyin pa ste | rab ’byor ’di ltar gzugs ma gos pas na śes rab kyi pha rol tu phyin pa ma gos pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ma (3) gos pas na rab ’byor śes rab kyi pha rol tu phyin pa ’di ma gos pa’o ||
rab ’byor gal te de ltar yaṅ byaṅ chub sems dpa’ sems dpa’ chen po yaṅ dag par mi śes na śes rab kyi pha rol tu phyin pa la spyod do ||
rab ’byor yaṅ śes rab kyi pha rol tu phyin pa ’di ni chos gaṅ la (4) yaṅ ’jug par byed pa ’am ṅes par ’jug par byed pa ’am yaṅ dag par ston par byed pa ’am ṅes par ston par byed pa ’am yoṅs su thob par byed pa ’am ṅes par thob par byed pa med do ||
de nas lha’i bu stoṅ phrag maṅ po dag par snaṅ la ca co daṅ gźi dag byed de gos dag ’thor źiṅ ’di skad (5) du e ma ’dzam bu’i gliṅ du chos kyi ’khor lo bskor ba lan gñis su byuṅ bar snaṅ ṅo źes kyaṅ zer ro ||
de nas bcom ldan ’das kyis tshe daṅ ldan pa gnas brtan rab ’byor la ’di skad ces bka’ stsal to ||
rab ’byor ’di ni chos kyi ’khor lo lan gñis su bskor ba ma yin te | chos gaṅ la (6) yaṅ rab tu bskor ba ’am ldog pa med do ||
rab ’byor de ltar ’di ni byaṅ chub sems dpa’ sems dpa’ chen po’i śes rab kyi pha rol tu phyin pa yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (7) ’di ni gaṅ źig chos thams cad la chags pa ma mchis pa daṅ | gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal yaṅ chos gaṅ yaṅ mṅon par rdzogs par ’tshaṅ mi rgya ba daṅ | chos kyi ’khor lo rab tu bskor yaṅ chos gaṅ yaṅ yaṅ dag (114a1) par mi ston pa’i byaṅ chub sems dpa’ sems dpa’ chen po de’i pha rol tu phyin pa chen po lags so ||
de ci’i slad du źe na | chos gaṅ źig dmigs par bya ba ’am chos gaṅ źig bstan par bya ba de ni med la ’ga’ źig gis ’ga’ źig bskor bar bya ba yaṅ med do ||
(2) de ci’i slad du źe na | bcom ldan ’das chos thams cad ni śin tu mṅon par ma grub pa ste | chos gaṅ yaṅ ldog par mi ’gyur rab tu skor bar mi ’gyur ro ||
de ci’i slad du źe na | bcom ldan ’das chos thams cad ni thog ma nas mṅon par ma grub pa ste | chos thams cad ni (3) raṅ bźin gyis dben pa’i phyir ro ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | rab ’byor stoṅ ba ñid ni rab tu ’jug pa ’am ldog pa med do ||
rab ’byor mtshan (4) ma med pa yaṅ ’jug pa ’am ldog pa med do ||
rab ’byor smon pa med pa yaṅ ’jug pa ’am ldog pa med do ||
rab ’byor gaṅ ’di ltar bstan pa ’di ni chos thams cad bstan pa yin te | sus kyaṅ bstan pa med la sus kyaṅ thos pa yaṅ med sus kyaṅ mnos pa yaṅ med sus (5) kyaṅ mṅon sum du byed pa yaṅ med | sus kyaṅ mṅon sum du byed pa yaṅ ma yin | sus kyaṅ mṅon sum du byed par yaṅ mi ’gyur ro ||
chos bstan pa ’dis ni su yaṅ yoṅs su mya ṅan las ma ’das yoṅs su mya ṅan las ’da’ bar mi ’gyur yoṅs su mya ṅan las mi ’da’ ste | (6) chos bstan pa ’dis ni su yaṅ sbyin pa’i gnas su byas pa yaṅ med do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das nam mkha’ ma mchis pa’i slad du ’di ni ma mchis pa’i pha rol tu phyin (7) pa’o ||
bcom ldan ’das chos thams cad dmigs su ma mchis par mñam pa’i slad du ’di ni mi mñam pa daṅ mñam pa ñid kyi pha rol tu byin pa’o ||
bcom ldan ’das śin tu stoṅ pa’i slad du ’di ni dben pa’i pha rol tu phyin pa’o | bcom ldan ’das chos thams cad mi (114b1) dmigs pa’i slad du ’di ni mi brdzi ba’i pha rol tu phyin pa’o ||
bcom ldan ’das miṅ ma mchis śiṅ | lus ma mchis pa’i slad du ’di ni gnas ma mchis pa’i pha rol tu phyin pa’o ||
bcom ldan ’das ’gro ba daṅ ’oṅ bam mchis pa’i slad du ’di ni ṅo bo ñid ma mchis pa’i pha rol tu (2) phyin pa’o ||
bcom ldan ’das chos thams cad rtog pa ma mchis pa’i slad du ’di ni brjod du ma mchis pa’i pha rol tu phyin pa’o ||
bcom ldan ’das phuṅ po lṅa dmigs su ma mchis pa’i slad du ’di ni miṅ ma mchis pa’i pha rol tu phyin pa’o ||
bcom ldan ’das chos thams cad (3) ’gro ba ma mchis pa’i slad du ’di ni ’gro ba ma mchis pa’i pha rol tu phyin pa’o ||
bcom ldan ’das chos thams cad gzuṅ ba ma mchis pa’i slad du ’di ni mi ’phrogs pa’i pha rol tu phyin pa’o ||
bcom ldan ’das mi bas pa’i chos daṅ ldan pa’i slad du ’di ni mi bas pa’i pha rol tu phyin (4) pa’o ||
bcom ldan ’das chos thams cad mṅon par ma grub pa’i slad du ’di ni chos thams cad mi skye ba’i pha rol tu phyin pa’o ||
bcom ldan ’das byed pa po mi dmigs pa’i slad du ’di ni byed pa po ma mchis pa’i pha rol tu phyin pa’o ||
bcom ldan ’das chos thams cad (5) bdag ma mchis pa’i slad du ’di ni śes pa po ma mchis pa’i pha rol tu phyin pa’o ||
bcom ldan ’das ’chi ’pho ba daṅ skye ba dag mi skye ba’i slad du ’di ni mi ’pho ba’i pha rol tu phyin pa’o ||
bcom ldan ’das sṅon gyi mtha’ daṅ phyi ma’i mtha’ daṅ da ltar byuṅ ba’i dus mi dmigs pa’i slad (6) du ’di ni ’dul ba med pa’i pha rol tu phyin pa’o ||
bcom ldan ’das skye ba ma mchis pa rnam par śes rab bgyid pa’i slad du ’di ni rmi lam daṅ | sgra brñan daṅ mig yor daṅ smig rgyu daṅ sgyu ma’i pha rol tu phyin pa’o ||
bcom ldan ’das ’dod chags daṅ źe sdaṅ daṅ gti mug ṅo bo ñid ma (7) mchis pa’i slad du ’di ni kun nas ñon moṅs pa ma mchis pa’i pha rol tu phyin pa’o ||
bcom ldan ’das rten mi dmigs pa’i slad du ’di ni rnam par byaṅ ba ma mchis pa’i pha rol tu phyin pa’o ||
bcom ldan ’das nam mkha’ gos pa ma mchis pa’i slad du ’di ni gos pa ma mchis pa’i pha (115a1) rol tu phyin pa’o ||
bcom ldan ’das rlom sems thams cad las ’das pa’i slad du ’di ni spyos pa ma mchis pa’i pha rol tu phyin pa’o ||
bcom ldan ’das g-yo ba ma mchis pa’i slad du ’di ni rlom sems ma mchis pa’i pha rol tu byin pa’o ||
bcom ldan ’das chos (2) kyi dbyiṅs gnas pa ñid kyi slad du ’di ni mi g-yo ba’i pha rol tu phyin pa’o ||
bcom ldan ’das chos thams cad phyin ci ma log pa de bźin ñid kyi slad du ’di ni ’dod chags daṅ bral ba’i pha rol tu phyin pa’o ||
bcom ldan ’das chos thams cad rnam par mi rtog pa ñid kyi slad du ’di ni (3) ldaṅ ba ma mchis pa’i pha rol tu phyin pa’o ||
bcom ldan ’das chos thams cad kyi mtshan ma mi dmigs pa’i slad du ’di ni źi ba’i pha rol tu phyin pa’o ||
bcom ldan ’das yon tan gyi pha rol tu phyin pa’i slad du ’di ni skyon ma mchis pa’i pha rol tu phyin pa’o ||
bcom ldan ’das yoṅs (4) su rtog pa ma mchis pa’i slad du ’di ni ñon moṅs pa ma mchis pa’i pha rol tu phyin pa’o ||
bcom ldan ’das yaṅ dag pa’i mtha’i slad du ’di ni sems can ma mchis pa’i pha rol tu phyin pa’o ||
bcom ldan ’das chos thams cad ldaṅ ba ma mchis pa’i slad du ’di ni tshad ma mchis pa’i (5) pha rol tu phyin pa’o ||
bcom ldan ’das chos thams cad mṅon par ma źen pa’i slad du ’di ni mtha’ gñis mi rtogs pa’i pha rol tu phyin pa’o ||
bcom ldan ’das chos thams cad dbyer ma mchis pa’i slad du ’di ni tha mi dad pa’i pha rol tu phyin pa’o ||
bcom ldan ’das ñan thos (6) daṅ raṅ saṅs rgyas kyis thams cad la ’dod pa ma mchis pa’i slad du ’di ni mchog tu mi ’dzin pa’i pha rol tu phyin pa’o ||
bcom ldan ’das rnam par rtog pa źi ba ñid kyi slad du ’di ni rnam par mi rtog pa’i pha rol tu phyin pa’o ||
bcom ldan ’das chos ñid tshad ma mchis pa ñid kyi (7) slad du ’di ni gźal du ma mchis pa’i pha rol tu phyin pa’o ||
bcom ldan ’das chos thams cad chags pa ma mchis pa’i slad du ’di ni chags pa ma mchis pa’i pha rol tu phyin pa’o ||
bcom ldan ’das chos thams cad ’dus ma bgyis pa’i slad du ’di ni mi rtag pa’i pha rol tu phyin pa’o ||
(115b1) bcom ldan ’das chos thams cad nam mkha’ daṅ mñam pa’i slad du ’di ni sdug bsṅal pa’i pha rol tu phyin pa’o ||
bcom ldan ’das chos thams cad mi dmigs pa’i slad du ’di ni stoṅ pa ñid kyi pha rol tu phyin pa’o ||
bcom ldan ’das chos thams cad mṅon par ma chags pa’i slad (2) du ’di ni bdag ma mchis pa’i pha rol tu phyin pa’o ||
bcom ldan ’das chos thams cad mṅon par ma grub pa’i slad du ’di ni mtshan ñid ma mchis pa’i pha rol tu phyin pa’o ||
bcom ldan ’das mtha’ yas mu ma mchis pa’i slad du ’di ni stoṅ pa ñid thams cad kyi pha rol tu phyin pa’o ||
(3) bcom ldan ’das byaṅ chub kyi phyogs de rnams dmigs su ma mchis pa’i slad du ’di ni dran pa ñe bar gźag pa la sogs pa byaṅ chub kyi phyogs kyi chos rnams kyi pha rol tu phyin pa’o ||
bcom ldan ’das rnam par thar pa’i sgo gsum mi dmigs pa’i slad du ’di ni stoṅ pa ñid daṅ mtshan (4) ma med pa daṅ smon pa med pa’i pha rol tu phyin pa’o ||
bcom ldan ’das ’di rnams dmigs su ma mchis pa’i slad du ’di ni rnam par thar pa brgyad kyi pha rol tu phyin pa’o ||
bcom ldan ’das bsam gtan daṅ po la sogs pa mi dmigs pa’i slad du ’di ni mthar gyis gnas pa’i (5) sñoms par ’jug pa dgu’i pha rol tu phyin pa’o ||
bcom ldan ’das sdug bsṅal la sogs pa mi dmigs pa’i slad du ’di ni bden pa bźi’i pha rol tu phyin pa’o ||
bcom ldan ’das sbyin pa la sogs pa mi dmigs pa’i slad du ’di ni sa bcu’i pha rol tu phyin pa’o ||
bcom (6) ldan ’das mi brdzi ba’i slad du ’di ni stobs kyi pha rol tu phyin pa’o ||
bcom ldan ’das śin tu ma źum pa’i slad du ’di ni mi ’jigs pa’i pha rol tu phyin pa’o ||
bcom ldan ’das ye śes thams cad chags pa ma mchis pa daṅ | thogs pa ma mchis pa’i slad du ’di ni so so yaṅ (7) dag par rig pa’i pha rol tu phyin pa’o ||
bcom ldan ’das bgraṅs las yaṅ dag par ’das pa’i slad du ’di ni saṅs rgyas kyi chos ma ’dres pa thams cad kyi pha rol tu phyin pa’o ||
bcom ldan ’das chos thams cad ma log pa de bźin ñid kyi slad du ’di ni de bźin gśegs (116a1) pa’i de bźin ñid kyi pha rol tu phyin pa’o ||
bcom ldan ’das chos thams cad ṅo bo ñid ma mchis pa’i slad du ’di ni raṅ byuṅ gi pha rol tu phyin pa’o ||
bcom ldan ’das chos thams cad kyi ṅo bo ñid kyi rnam pa thams cad yoṅs su mkhyen pa’i slad du ’di lta ste śes rab (2) kyi pha rol tu phyin pa ’di ni thams cad mkhyen pa’i ye śes kyi pha rol tu phyin pa’o ||
’phags pa śes rab kyi pha rol tu phyin pa brgyad stoṅ pa las bstod pa’i le’u źes bya ste dgu pa’o || ||
śes rab kyi pha rol tu phyin pa brgyad stoṅ pa | bam po bcu pa | de nas lha (3) rnams kyi dbaṅ po brgya byin ’di sñam du sems te | śes rab kyi pha rol tu phyin pa ’di rigs kyi bu ’am rigs kyi bu mo gaṅ dag gi rna lam du snaṅ bar ’gyur ba yaṅ sṅon gyi rgyal ba la lhag par bya ba byas par ’gyur pa daṅ saṅs rgyas maṅ po la dge ba’i rtsa ba bskrun pa daṅ | dge ba’i bśes (4) gñen gyis yoṅs su zin par ’gyur ba yin na gaṅ dag śes rab kyi pha rol tu phyin pa ’di ltar zab pa ’di ’dzin par ’gyur ’chaṅ bar ’gyur klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par (5) ’gyur źiṅ bzuṅ ba daṅ bcaṅs pa daṅ klags pa daṅ kun chub pa daṅ rab tu ston pa daṅ | bstan pa daṅ ñe bar bstan pa daṅ luṅ ’bogs pa daṅ kha ton byas nas de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du byed par ’gyur ba lta ci smos te | de dag ni (6) dge ba’i rtsa ba ṅan ṅon tsam daṅ ldan par mi ’gyur te | rigs kyi bu daṅ rigs kyi bu mo de dag ni saṅs rgyas maṅ po la bsñen bkur byas par ’gyur ro ||
gaṅ dag da ltar yaṅ śes rab kyi pha rol tu phyin pa ’di ñan par ’gyur źiṅ mñan nas kyaṅ ’dzin par ’gyur ’chaṅ bar ’gyur klog par (7) ’gyur kun chub par byed par ’gyur rab tu ’don par ’gyur | ston par ’gyur ñe bar ston par ’gyur luṅ ’bogs par ’gyur kha ton byed par ’gyur de bźin ñid du slob par ’gyur de bźin ñid du sgrub par gyur de bźin ñid du rnal ’byor du byed par ’gyur ba’i rigs kyi bu ’am rigs kyi (116b1) bu mo de dag gis ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyi zad nas kyaṅ śes rab kyi pha rol tu phyin pa ’di thos nas saṅs rgyas bcom ldan ’das rnams la śes rab kyi pha rol tu phyin pa ’di yoṅs su źus śiṅ yoṅs su dris par byas pa (2) yin no ||
gaṅ dag śes rab kyi pha rol tu phyin pa ’di ltar zab pa ’di bśad pa daṅ bstan pa daṅ ña bar bstan pa la ’god par mi ’gyur kun tu źum par mi ’gyur bag tsha bar mi ’gyur bag ’khums par mi ’gyur yid phyir phyogs par mi ’gyur bcom źiṅ phyir phyogs par mi ’gyur mi dṅaṅ (3) kun tu mi skag kun tu skrag pa daṅ ldan par mi ’gyur ba’i rigs kyi bu daṅ rigs kyi bu mo de dag ni saṅs rgyas maṅ po la dge ba’i rtsa ba bskrun par rig par bya’o ||
de nas tshe daṅ ldan pa ś ri’i bus lha rnams kyi dbaṅ po brgya byin gyi ’di lta bu’i sems kyi rtog pa sems kyis śes nas bcom (4) ldan ’das la ’di skad ces gsol to | bcom ldan ’das rigs kyi bu’am rigs kyi bu mo gaṅ śes rab kyi pha rol tu phyin pa zab mo ’di ñid ’chad pa daṅ ston pa daṅ ñe bar ston pa la | mṅon par dad de rtog ciṅ mos la sems daṅ bas byaṅ chub tu sems bskyed de śes rab (5) kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don sa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du bgyid par ’gyur ba de ni (6) phyir mi ldog pa’i byaṅ chub sems dpa’ sems dpa’ chen po ci lta ba de bźin du gzuṅ bar bgyi’o ||
de ci’i slad du źe na | bcom ldan ’das śes rab kyi pha rol tu phyin pa ’di ni zab ste | bcom ldan ’das dge ba’i rtsa ba chuṅ ba daṅ saṅs rgyas bcom ldan ’das rnams (7) la mṅon du ma thos śiṅ yoṅs su ma dris pa’i raṅ bźin can du gyur pa daṅ sṅon spyad pa daṅ ma ldan pa rnams kyis ni ’di ltar zab pa’i śes rab kyi pha rol tu phyin pa ’di la mos par mi nus so ||
bcom ldan ’das yaṅ gaṅ dag ’di la mi mos śiṅ ma rtogs pas spoṅ bar sems pa’i (117a1) rigs kyi bu daṅ rigs kyi bu mo de dag gis ni sṅon gyi mthar yaṅ ’di ltar zab pa’i śes rab kyi pha rol tu phyin pa ’di ñid bśad pa na spaṅs par gyur to ||
de ci’i slad du źe na | bcom ldan ’das ’di ltar dge ba’i rtsa ba chuṅ ba’i slad du sṅon gyi mthar ma spyad pas śes (2) rab kyi pha rol tu phyin pa zab mo ’di la ci ltar yaṅ mos par mi nus so ||
gaṅ dag śes rab kyi pha rol tu phyin pa zab mo ’di ’chad pa na spoṅ bar ’gyur ba de dag kyaṅ de bźin du rig par bgyi ste | de dag gis sṅon gyi mthar yaṅ śes rab kyi pha rol tu phyin pa zab mo ’di ñid bśad pa na (3) spaṅs pa lags te ’di ltar de dag gis śes rab kyi pha rol tu phyin pa zab mo ’di bśad pa la dad pa ma mchis bzod pa ma mchis sred pa ma mchis ’dun pa ma mchis brtson ’grus ma mchis daṅ ba ma mchis mos pa ma mchis so ||
de dag gis ni sṅon gyi saṅs rgyas bcom ldan ’das rnams (4) daṅ saṅs rgyas kyi ñan thos rnams la yoṅs su ma dris te yoṅs su dri ba ma bgyis so ||
de nas lha rnams kyi dbaṅ po brgya byin gyis tshe daṅ ldan pa ś ri’i bu la ’di skad ces smras so ||
’phags pa ś ri’i bu śes rab kyi pha rol tu phyin pa ni zab pa ste | byaṅ chub sems dpa’ (5) sems dpa’ chen po sṅon ma spyad pa dag śes rab kyi pha rol tu phyin pa zab mo ’di bśad pa la mos par mi ’gyur ba de la ṅo mtshar ci źig yod | de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa la (6) phyag ’tshal lo ||
bcom ldan ’das gaṅ śes rab kyi pha rol tu phyin pa la phyag ’tshal ba de ni thams cad mkhyen pa’i ye śes la phyag ’tshal ba lags so ||
bcom ldan ’das kyis bka’ stsal pa | kau śi ka de de bźin no de de bźin te | kau śi ka gaṅ śes rab kyi pha rol tu (7) phyin pa la phyag ’tshal ba de ni thams cad mkhyen pa’i ye śes la phyag ’tshal ba yin no ||
de ci’i phyir źe na | kau śi ka saṅs rgyas bcom ldan ’das rnams kyi thams cad mkhyen pa ñid ni ’di las skyes te | kau śi ka thams cad mkhyen pa ñid kyi ye śes las skyes pas kyaṅ śes rab (117b1) kyi pha rol tu phyin pa rab tu phye ba yin no ||
de ltar śes rab kyi pha rol tu phyin pa ’di la spyad par bya | de ltar śes rab kyi pha rol tu phyin pa ’di la gnas par bya | de ltar śes rab kyi pha rol tu phyin pa ’di la rnal ’byor du bya’o ||
de nas bcom ldan ’das la lha rnams (2) kyi dbaṅ po brgya byin gyis ’di skad ces gsol to ||
bcom ldan ’das ci ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa na śes rab kyi pha rol tu phyin pa la gnas pa lags | ci ltar śes rab kyi pha rol tu phyin pa la spyod pa na śes rab (3) kyi pha rol tu phyin pa la rnal ’byor du bgyid | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka legs so legs so ||
kau śi ka gaṅ khyod de bźin gśegs pa dgra bcom pa yaṅ dag par (4) rdzogs pa’i saṅs rgyas la don ’di yoṅs su ’dri bar bya ba daṅ yoṅs su dri bar byed par sems pa ni yaṅ khyod legs so ||
kau śi ka khyod kyi spobs pa ’di yaṅ saṅs rgyas kyi mthus skyes pa yin no ||
kau śi ka byaṅ chub sems dpa’ sems dpa’ chen po śes rab kyi pha (5) rol tu phyin pa ’di la spyod pa na | gzugs la mi gnas gzugs so źes mi gnas te kau śi ka ’di ltar byaṅ chub sems dpa’ sems dpa’ chen po gzugs la mi gnas gzugs so źes mi gnas pa de ltar na kau śi ka byaṅ chub sems dpa’ sems dpa’ chen po gzugs la (6) rnal ’byor du byed pa yin no ||
de bźin du tshor ba daṅ ’du śes daṅ ’du byed rnams daṅ rnam par śes pa la mi gnas rnam par śes pa’o źes mi gnas te | kau śi ka ’di ltar byaṅ chub sems dpa’ sems dpa’ chen po rnam par śes pa la mi gnas rnam par śes pa’o źes mi (7) gnas pa de ltar na kau śi ka byaṅ chub sems dpa’ sems dpa’ chen po rnam par śes pa la rnal ’byor du byed pa yin no ||
kau śi ka gzugs so źes mi sbyor te | kau śi ka ’di ltar gzugs so źes mi sbyor ’di ltar na gzugs so źes mi gnas pa yin no ||
kau śi ka de bźin (118a1) du tshor ba daṅ ’du śes daṅ ’du byed rnams daṅ rnam par śes pa’o źes mi sbyor te | kau śi ka ’di ltar rnam par śes pa’o źes mi sbyor ba de ltar na rnam par śes pa’o źes mi gnas pa yin te | śes rab kyi pha rol tu phyin pa la de ltar gnas śiṅ de ltar rnal (2) ’byor du byed par ’gyur ro ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin pa ni zab pa’o ||
bcom ldan ’das śes rab kyi pha rol tu phyin pa ni gtiṅ dpag dka’ ba’o ||
bcom ldan (3) ’das śes rab kyi pha rol tu phyin pa ni gzuṅ bar dka’ ba’o ||
bcom ldan ’das śes rab kyi pha rol tu phyin pa ni tshad ma mchis pa’o ||
bcom ldan ’das kyis bka’ stsal pa | ś ri’i bu de de bźin no de de bźin te ś ri’i bu gzugs zab po sñam du mi gnas te | ś ri’i (4) bu ’di ltar gzugs zab po sñam du mi gnas pa de ltar na gzugs la rnal ’byor du byed pa yin no ||
de bźin du tshor pa daṅ ’du śes daṅ ’du byed rnams daṅ | ś ri’i bu rnam par śes pa zab po sñam du mi gnas te | ś ri’i bu ’di ltar rnam par śes pa zab po sñam du mi (5) gnas pa de ltar na rnam par śes pa la rnal ’byor du byed pa yin no ||
ś ri’i bu gzugs zab po sñam du rnal ’byor du mi byed de | ś ri’i bu ’di ltar gzugs zab bo sñam du rnal ’byor du mi byed pa de ltar na gzugs zab po sñam du mi gnas pa yin no ||
de bźin du tshor ba daṅ ’du (6) śes daṅ ’du byed rnams daṅ | ś ri’i bu rnam par śes pa zab po sñam du rnal ’byor du mi byed de | ś ri’i bu ’di ltar rnam par śes pa zab bo sñam du rnal ’byor du mi byed pa de ltar na rnam par śes pa zab po sñam du mi gnas pa yin no ||
de skad ces bka’ stsal pa daṅ | bcom ldan (7) ’das la tshe daṅ ldan pa ś ri’i bus ’di skad ces gsol to | bcom ldan ’das śes rab kyi pha rol tu phyin pa ni zab ste | byaṅ chub sems dpa’ sems dpa’ chen po phyir mi ldog par luṅ bstan pa rnams kyi mdun du bśad par bgyi ba lags so ||
de ci’i slad du źe na | (118b1) bcom ldan ’das de ni nem nur mi bgyid the tshom ’tshal bar mi ’gyur rmoṅs par mi ’gyur rtsod par mi ’gyur ro ||
de nas tshe daṅ ldan pa ś ri’i bu la lha rnams kyi dbaṅ po brgya byin gyis ’di skad ces smras so ||
’phags pa ś ri’i bu yaṅ gal te byaṅ chub sems dpa’ sems dpa’ chen (2) po luṅ ma bstan pa’i mdun du śes rab kyi pha rol tu phyin pa ’di bśad na ñes pa cir ’gyur | de skad ces smras pa daṅ | tshe daṅ ldan pa ś ri’i bus lha rnams kyi dbaṅ po brgya byin la ’di skad ces smras so ||
kau śi ka byaṅ chub sems dpa’ sems dpa’ chen po luṅ ma bstan pa (3) gaṅ śes rab kyi pha rol tu phyin pa zab mo ’di blta ba daṅ phyag bya ba daṅ bsñen bkur bya ba daṅ mñan pa thob par gyur la | thos nas kyaṅ daṅ ṅa bar mi ’gyur kun tu skrag par mi ’gyur kun tu skrag pa daṅ ldan par mi ’gyur ba’i byaṅ chub sems dpa’ sems dpa’ chen po de ni kau śi ka (4) rgyaṅ riṅ po nas ’oṅs par rig par bya ste | yun riṅ po nas thig pa la yaṅ dag par źugs pa dge ba’i rtsa ba yoṅs su smin pa yin par rig par bya’o ||
’di ni da riṅ po mi thogs par bla na med pa yaṅ dag par rdzogs pa’i byaṅ chub tu luṅ bstan pa thob par ’gyur te | de ni luṅ (5) bstan pa la bsñen pa yin par rig par bya’o ||
byaṅ chub sems dpa’ sems dpa’ chen po de ni de bźin gśegs pa dgra bcom pa yaṅ dag par rdzogs pa’i saṅs rgyas gcig gam gñis sam gsum las mi ’da’ ste | de nas bla na med pa yaṅ dag par rdzogs pa’i byaṅ chub tu (6) luṅ bstan pa thob par ’gyur ro ||
’on kyaṅ de bźin gśegs pa dgra bcom pa yaṅ dag par rdzogs pa’i saṅs rgyas de rnams mñes par byed par ’gyur te | mñes par byas nas kyaṅ thugs byuṅ bar byed par mi ’gyur ro ||
de bźin gśegs pa mthoṅ ba yaṅ luṅ bstan pas (7) ’bras bu yod par byad par ’gyur ro ||
de bźin gśegs pa mthoṅ ba de las kyaṅ bla na med pa yaṅ dag par rdzogs pa’i byaṅ chub tu luṅ bstan pa thob par ’gyur ro ||
ji srid du bla na med pa yaṅ dag par rdzogs pa’i byaṅ chub tu luṅ bstan pa thob par gyur pa de srid du de bźin (119a1) gśegs pa blta ba daṅ phyag bya ba daṅ bsñen bkur bya ba daṅ rim gro bya ba nas bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas pa’i bar gyis ’bras bu yod par byed par ’gyur ro ||
de nas bcom ldan ’das la tshe daṅ ldan pa ś (2) ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di blta ba daṅ phyag bya ba daṅ bsñen bkur bya ba daṅ mñan pa thob par gyur pa’i byaṅ chub sems dpa’ sems dpa’ chen po de ni | (3) bcom ldan ’das rgyaṅ riṅ bo nas mchis pa lags te yun riṅ po nas theg pa la yaṅ dag par źugs pa dge ba’i rtsa ba yoṅs su smin pa lags par ’chal bar bgyi na | gaṅ ’di thos nas kyaṅ ’dzin pa daṅ ’chaṅ ba daṅ klog pa daṅ kun chub par byed pa daṅ | rab tu ’don pa (4) daṅ ston pa daṅ ñe bar ston pa daṅ luṅ ’bogs pa daṅ kha ton byed par ’gyur ba rnams lta smos kyaṅ ci ’tshal | de nas bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te ś ri’i bu byaṅ chub sems dpa’ sems (5) dpa’ chen po gaṅ śes rab kyi pha rol tu phyin pa zab mo ’di blta ba daṅ phyag bya ba daṅ bsñen bkur bya ba daṅ mñan pa thob par gyur pa’i byaṅ chub sems dpa’ sems dpa’ chen po de ni ś ri’i bu rgyaṅ riṅ po nas ’oṅs ba yin te | yun riṅ po nas theg pa la yaṅ dag par źugs pa dge (6) ba’i rtsa ba yoṅs su smin pa yin par rig par bya na | gaṅ ’di thos nas kyaṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed par ’gyur ba lta smos kyaṅ ci dgos | de nas bcom (7) ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das dper gsol bar bdag spobs so bde bar gśegs pa bdag spobs so ||
bcom ldan ’das ’di lta ste dper na | rigs kyi bu ’am rigs kyi bu mo byaṅ chub sems dpa’i theg (119b1) pa can gaṅ źig gi rmi lam du yaṅ byaṅ chub kyi sñiṅ po la ’dug pa rmi na | bcom ldan ’das byaṅ chub sems dpa’ sems dpa’ chen po de ni mṅon par rdzogs par byaṅ chub par bgyi ba’i slad du bla na med pa yaṅ dag par rdzogs pa’i byaṅ chub tu bsñen pa lags so ||
bcom (2) ldan ’das de bźin du rigs kyi bu ’am rigs kyi bu mo gaṅ śes rab kyi pha rol tu phyin pa zab mo ’di blta ba daṅ | phyag bgyi ba daṅ bsñen bkur bgyi ba daṅ mñan pa thob par gyur na | bcom ldan ’das byaṅ chub sems dpa’i theg pa pa’i gaṅ zag de ni rgyaṅ riṅ po nas mchis pa lags te | (3) yun riṅ po nas theg pa la yaṅ dag par źugs pa dge ba’i rtsa ba yoṅs su smin pa lags na | thos nas kyaṅ gzuṅ ba daṅ bcaṅ ba daṅ klag pa daṅ kun chub par bgyi ba daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du bgyid pa lta smos kyaṅ ci ’tshal te | (4) byaṅ chub sems dpa’i theg pa pa’i gaṅ zag de ni luṅ bstan pa daṅ bsñen pa lags śiṅ | byaṅ chub sems dpa’ sems dpa’ chen po de ni saṅs rgyas bcom ldan ’das kyis bla na med pa yaṅ dag par rdzogs pa’i byaṅ chub tu mṅon par rdzogs par byaṅ chub par bgyid pa’i slad du luṅ bstan (5) par ’gyur bar rig par bgyi’o ||
gaṅ śes rab kyi pha rol tu phyin pa zab mo ’di tha na mñan pa yaṅ rñed par ’gyur ba’i byaṅ chub sems dpa’ sems dpa’ chen po de ni yun riṅ po nas theg pa la yaṅ dag par źugs pa dge ba’i rtsa ba yoṅs su smin pa lags par rig par bgyi na | bcom (6) ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa zab mo ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton du bgyid par ’gyur ba lta smos kyaṅ ci ’tshal | de ci’i slad du (7) źe na | bcom ldan ’das sems can chos kyis phoṅs par ’gyur ba daṅ mthun pa’i las bsags pa daṅ phal cher ma bral ba de dag gi sems phal cher ni śes rab kyi pha rol tu phyin pa zab mo ’di la mi mthun par ’gyur źiṅ sems ldog par ’gyur ro ||
sems can dge ba’i rtsa ba ma (120a1) bsags pa ni phal cher yaṅ dag pa’i mtha’ ’di la rab tu mi ’jug ciṅ rab tu dad par mi ’gyur te | gaṅ dag yaṅ dag pa’i mtha’ ’di la rab tu ’jug ciṅ rab tu dad par ’gyur ba’i rigs kyi bu daṅ rigs kyi bu mo de dag ni dge ba’i rtsa ba bsags pa lags te (2) bcom ldan ’das de dag ni dge ba’i rtsa ba śin tu bsags par rig par bgyi’o ||
bcom ldan ’das ’di lta ste dper na skyes bu źig ’bog dgon pa dpag tshad brgya pa ’am dpag tshad ñis brgya pa ’am dpag tshad sum brgya pa ’am dpag tshad bźi brgya pa ’am dpag tshad lṅa brgya (3) pa ’am dpag tshad brgya phrag bcu pa’i ’brog dgon pa nas byuṅ ste des byuṅ ba daṅ mtshan ma gaṅ gis groṅ ṅam groṅ bar rab groṅ rdal mchis par mṅon pa’i mtshan ma sṅar gda’ ba ba laṅ rdzi ’am phyugs rdzi ’am mtshams sam kun dga’ ra ba phun sum tshogs pa ’am tshal phun sum tshogs (4) pa ’am de ma lags pa’i mtshan ma gźan dag kyaṅ ruṅ ste | des sṅar mtshan ma de dag mthoṅ pa daṅ | ’di sñam du ’di ltar sṅar gyi mtshan ma ’di dag snaṅ bas | de ltar groṅ ṅam groṅ khyer ram groṅ rdal du ñe bar gyur to sñam nas de ni dbugs phyin pa rñed pa lags te | de la (5) slan chad chom po yid la bgyid bam mchis pa lags so ||
bcom ldan ’das de bźin du byaṅ chub sems dpa’ sems dpa’ chen po gaṅ źig śes rab kyi pha rol tu phyin pa zab mo ’di la ñe bar gnas na bcom ldan ’das byaṅ chub sems dpa’ sems dpa’ chen po ’di ni bla na med pa (6) yaṅ dag par rdzogs pa’i byaṅ chub tu bsñen pa lags te | byaṅ chub sems dpa’ sems dpa’ chen po ’di ni riṅ po mi thogs par bla na med pa yaṅ dag par rdzogs pa’i byaṅ chub tu luṅ bstan pa thob par rig par bgyi’o ||
de yaṅ ñan thos kyi sa ’am raṅ saṅs rgyas kyi sa la skrag (7) par mi ’gyur ’jigs par mi ’gyur ro ||
de ci’i slad du źe na | ’di ltar des sṅar gyi mtshan ma ’di dag mthoṅ ste | ’di lta ste śes rab kyi pha rol tu phyin pa zab mo ’di blta ba daṅ phyag bgyi ba daṅ bsñen bkur bgyi ba daṅ mñan pa thob pa’i slad du’o ||
de skad ces gsol pa daṅ (120b1) bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te | ś ri’i bu ci ltar ’di saṅs rgyas kyi mthus smra ba daṅ smra bar ’gyur ba de bźin du yaṅ gnas ’di la khyod spobs par gyis śig | de skad ces bka’ (2) stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das ’di lta ste dper na ’di na skyes bu la la źig rgya mtsho chen po lta ’tshal bar gyur te | de rgya mtsho chen po ltar mchis pa daṅ ci lta ci ltar de rgya mtsho chen po lta bar (3) mchis pa de lta de ltar gal te des sdoṅ po ’am sdoṅ po’i mtshan ma ’am ri ’am ri’i mtshan ma mthoṅ na des ’di sñam du ’di nas rgya mtsho chen po ni da duṅ riṅ ṅo sñam du ’tshal bar bgyi’o ||
gal te phyis sdoṅ po ’am sdoṅ po’i mtshan ma ’am ri ’am ri’i mtshan ma ma mthoṅ na des ’di sñam du ’di (4) nas ni rgya mtsho chen po daṅ ñe’o sñam du ’tshal bar bgyi’o ||
de ci’i slad du źe na | rgya mtsho chen po ni rim gyis dma’ ba lags pas | rgya mtsho chen po’i naṅ na sdoṅ po ’am sdoṅ po’i mtshan ma ’am ri ’am ri’i mtshan ma gaṅ yaṅ ma mchis te | ’di ltar yaṅ rgya mtsho chen po de mig (5) gis mṅon sum du ma mthoṅ ba de lta na yaṅ rgya mtsho chen po ni bdag gis bsñen te ’di phan chad rgya mtsho chen po mi riṅ ṅo sñam mo ||
bcom ldan ’das de bźin du byaṅ chub sems dpa’ sems dpa’ chen pos śes rab kyi pha rol tu phyin pa zab mo ’di ñan pa na ’di sñam du rig par bgyi ste | (6) ’di ltar yaṅ de bźin gśegs pa dgra bcom pa yaṅ dag par rdzogs pa’i saṅs rgyas de dag gis bdag mṅon sum du ni luṅ ma bstan pa de lta na yaṅ ’di ltar bla na med pa yaṅ dag par rdzogs pa’i byaṅ chub tu bdag luṅ ston pa daṅ bsñen par rig par bgyi’o ||
de ci’i slad du źe na | de (7) ni ’di ltar śes rab kyi pha rol tu phyin pa zab mo ’di blta ba daṅ phyag bgyi ba daṅ bsñen bkur bgyi ba daṅ mñan pa thob pa’i slad du’o ||
bcom ldan ’das ’di lta ste dper na dpyid ka’i dus ñe bar gnas pa na śiṅ sna tshogs kyi yal ga’i lo ma rñiṅ pa rnams lhags pa las lo ma (121a1) sna tshogs byuṅ ste | lo ma rnams byuṅ ba daṅ ’dzam bu’i gliṅ gi mi rnams nags tshal dag la sṅar gyi mtshan ma de dag mthoṅ nas | de ni me tog daṅ ’bras bu rnams riṅ po mi thogs par ’byuṅ ṅo sñam nas yid dga’ bar ’gyur ro ||
de ci’i slad du źe na | (2) de ni ’di ltar sdoṅ po las mtshan ma ’di lta bu dag sṅar gda’ ba’i slad du’o ||
bcom ldan ’das de bźin du gaṅ gi tshe byaṅ chub sems dpa’ sems dpa’ chen pos śes rab kyi pha rol tu phyin pa zab mo ’di blta ba daṅ phyag bgyi ba daṅ bsñen bkur bgyi ba daṅ mñan pa rñed pa’i slad du ñe bar (3) gnas na byaṅ chub sems dpa’ sems dpa’ chen po de ni śes rab kyi pha rol tu phyin pa zab mo ’di la dge ba’i rtsa ba yoṅs su smin pa lags par rig par bgyi ste | śes rab kyi pha rol tu phyin pa zab mo ’di ni de la sṅon gyi dge ba’i rtsa ba de ñid kyis ñe bar bstabs pa lags so ||
(4) de la gaṅ sṅon saṅs rgyas mthoṅ ba’i lha de dag ni ’di sñam du sems te | sṅon gyi byaṅ chub sems dpa’ sems dpa’ chen po de dag la yaṅ bla na med pa yaṅ dag par rdzogs pa’i byaṅ chub tu luṅ bstan pa’i mtshan ma sṅar byuṅ ba yin pas | byaṅ chub sems dpa’ sems dpa’ chen (5) po ’di ni bla na med pa yaṅ dag par rdzogs pa’i byaṅ chub tu riṅ po mi thogs par luṅ bstan pa thob par ’gyur ro sñam nas rab tu dga’ bar ’gyur źiṅ raṅs te yid mgu ba skye bar ’gyur ro ||
bcom ldan ’das ’di lta ste dper na bud med sprum ma mṅal lci bar gyur pa de gaṅ gi tshe lus bskyod na (6) cher sñom par ’gyur te de ’chag pa la dad cher mi ’gyur kha zas chuṅ ṅu ’tshal bar ’gyur rmugs pa daṅ gñid chuṅ bar ’gyur smra ba ñuṅ bar ’gyur stobs chuṅ bar ’gyur sdug bsṅal maṅ bar ’gyur smre bźin du maṅ du gnas par ’gyur ’grogs pa la dad che bar mi ’gyur sṅon gyi tshul bźin ma (7) lags pa yid la bgyid pa bsten ciṅ ṅes par bsten la bsgoms te maṅ du byas pas ’di lta bu’i tshor ba lus kyis myoṅ ṅo sñam pa de’i tshe bcom ldan ’das ci ltar sṅar gyi mtshan ma ’di dag mthoṅ ba de ltar bud med ’di ni riṅ po mi thogs par bu ’byuṅ bar ’tshal bar bgyi’o ||
bcom ldan ’das (121b1) de bźin du byaṅ chub sems dpa’ sems dpa’ chen po dge ba’i rtsa ba yoṅs su smin pa de | gaṅ gi tshe śes rab kyi pha rol tu phyin pa zab mo ’di blta ba daṅ phyag bgyi ba daṅ bsten bkur bgyi ba daṅ mñan pa’i slad du ñe bar gnas la | ñan pa na de la dga’ źiṅ śes rab kyi pha (2) rol tu phyin pa la don du gñer ba’i sems bskyed pa de’i tshe | bcom ldan ’das byaṅ chub sems dpa’ sems dpa’ chen po ’di ni bla na med pa yaṅ dag par rdzogs pa’i byaṅ chub tu riṅ po mi thog ga par luṅ bstan pa thob par ’gyur bar ’tshal bar bgyi’o ||
de skad ces gsol (3) pa daṅ | bcom ldan ’das kyis che daṅ ldan pa ś ri’i bu la ’di skad ces bka’ stsal te ||
ś ri’i bu legs so legs so ||
ś ri’i bu ’di yaṅ saṅs rgyas kyi mthus khyod spobs par gyur to ||
de nas bcom ldan ’das la tshe daṅ ldan pa rab ’byor gyis ’di skad ces gsol (4) to ||
bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis byaṅ chub sems dpa’ sems dpa’ chen po ’di dag ’di ltar legs par yoṅs su gzuṅ ba daṅ legs par sbyaṅs pa daṅ legs par yoṅs su gtad pa’i bar ’di ni ṅo mtshar (5) to ||
bcom ldan ’das kyis bka’ stsal pa | rab ’byor ’di ltar byaṅ chub sems dpa’ sems dpa’ chen po de dag ni skye bo maṅ po la phan pa daṅ skye ba maṅ po la bde ba daṅ ’jig rten la sñiṅ brtse ba daṅ skye bo phal po che’i don daṅ phan pa daṅ bde ba’i phyir źugs pa ste | lha daṅ (6) mi rnams la sñiṅ brtse ba can sñiṅ brtse ba’i phyir | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa | bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas nas bla na med pa’i chos ston par ’dod pa’o ||
(7) rab ’byor gyis gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa ’di la spyod pa na ci ltar śes rab kyi pha rol tu phyin pa sgom pa yoṅs su rdzogs par ’gyur | bcom ldan ’das kyis bka’ stsal pa | rab ’byor gal (122a1) te byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs kyi ’phel pa yaṅ dag par rjes su mi mthoṅ na śes rab kyi pha rol tu phyin pa la spyod do ||
de bźin du tshor ba’i ma yin ’du śes kyi ma yin ’du byed rnams kyi ma (2) yin rnam par śes pa’i ’phel ba yaṅ dag par rjes su mi mthoṅ na śis rab kyi pha rol tu phyin pa la spyod do ||
gzugs kyi ’grib pa yaṅ dag par rjes su mi mthoṅ na śes rab kyi pha rol tu phyin pa la spyod de ||
de bźin du tshor ba’i ma yin ’du śes kyi ma yin ’du byed rnams kyi (3) ma yin | rnam par śes pa’i ’grib pa yaṅ dag par rjes su mi mthoṅ na śes rab kyi pha rol tu phyin pa la spyod do ||
chos yaṅ dag par rjes su mi mthoṅ na śes rab kyi pha rol tu phyin pa la spyod do ||
chos ma yin pa yaṅ dag par rjes su mi mthoṅ na śes rab kyi pha rol tu (4) phyin pa la spyod do ||
de ltar na ’di’i śes rab kyi pha rol tu phyin pa sgom pa yoṅs su rdzogs par ’gyur ro ||
rab ’byor gyis gsol pa | bcom ldan ’das bstan pa ’di ni bsam gyis mi khyab bo ||
bcom ldan ’das kyis bka’ stsal pa | rab ’byor gzugs (5) bsam gyis mi khyab ste | de bźin du tshor ba daṅ ’du śes daṅ ’du byed rnams daṅ rab ’byor rnam par śes pa bsam gyis mi khyab bo ||
rab ’byor gzugs bsam gyis mi khyab ces bya bar yaṅ mi śes na śes rab kyi pha rol tu phyin pa la spyod do ||
de bźin du tshor ba daṅ (6) ’du śes daṅ ’du byed rnams daṅ | rab ’byor rnam par śes pa bsam gyis mi khyab ces bya bar yaṅ mi śes na śes rab kyi pha rol tu phyin pa la spyod do ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha (7) rol tu phyin pa de ltar zab pa ’di la su źig mos par ’gyur | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po gaṅ śes rab kyi pha rol tu phyin pa la spyad par gyur pa de śes rab kyi pha rol tu phyin pa ’di la mos par ’gyur ro ||
(122b1) tshe daṅ ldan pa ś ri’i bus gsol ba | bcom ldan ’das ci ltar na byaṅ chub sems dpa’ sems dpa’ chen po spyad par gyur pa lags | bcom ldan ’das ci ltar na spyad par gyur pa źes bgyi ba’i miṅ ’thob par ’gyur | bcom ldan ’das kyis bka’ stsal pa | (2) ś ri’i bu ’di la byaṅ chub sems dpa’ sems dpa’ chen po stobs rnams la mi rtog mi ’jigs pa rnams la mi rtog saṅs rgyas kyi chos rnams la mi rtog thams cad mkhyen pa ñid la yaṅ mi rtog go | de ci’i phyir źe na | ś ri’i bu stobs rnams bsam gyis mi khyab mi (3) ’jigs pa rnams kyaṅ bsam gyis mi khyab saṅs rgyas kyi chos rnams kyaṅ bsam gyis mi khyab thams cad mkhyen pa ñid kyaṅ bsam gyis mi khyab chos thams cad kyaṅ bsam gyis mi khyab ste | ś ri’i bu de ltar spyad par gyur pa’i byaṅ chub sems dpa’ sems dpa’ chen po gaṅ la (4) yaṅ mi spyod na śes rab kyi pha rol tu phyin pa la spyod de | de ltar spyad par gyur pa źes bya źiṅ spyad par gyur pa źes bya ba’i miṅ ’thob bo ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa (5) zab bo ||
bcom ldan ’das śes rab kyi pha rol tu phyin pa ni rin po che’i phuṅ po’o ||
bcom ldan ’das nam mkha’ dag pa’i slad du śes rab kyi pha rol tu phyin pa ni dag pa’i phuṅ po’o ||
bcom ldan ’das rigs kyi bu daṅ rigs kyi bu mo gaṅ dag śes rab kyi pha rol tu (6) phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger ’dri ba la bar chad bgyid pa maṅ po ’byuṅ ba ’di ni ṅo mtshar to ||
de skad ces gsol pa daṅ | (7) bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | rab ’byor rigs kyi bu ’am rigs kyi bu mo gaṅ dag śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu (123a1) ’don pa daṅ ston pa daṅ ñe bar ston pa daṅ luṅ ’bogs pa daṅ la ton byed pa daṅ yi ge ’dri ba la bar chad byed pa maṅ du ’byuṅ ṅo ||
de ci’i phyir źe na | rab ’byor de ni ’di ltar rigs kyi bu daṅ rigs kyi bu mo dag śes rab kyi pha rol tu phyin pa ’di ’dzin pa daṅ ’chaṅ ba daṅ (2) klog pa daṅ kun chub par byad pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri ba dag la bdud sdig can dag bar chad bya bar brtson par byed do ||
der myur du bri ste gal te zla ba’am zla ba gñis sam zla ba gsum gyis ’dri na yaṅ bri bar (3) bya ba yin no ||
gal te lo gcig gis sam de phan chad ’dri bar ’gyur na de lta na yaṅ rab ’byor rigs kyi bu ’am rigs kyi bu mo de dag gis śes rab kyi pha rol tu phyin pa ’di bri bar bya’o ||
de ci’i phyir źe na | rab ’byor de ni ’di ltar yin te rin po che chen po gaṅ yin pa de la ni bar chad (4) byed pa maṅ du ’byuṅ ṅo ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston (5) pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger ’dri ba la bdud sdig can bar chad kyi las bgyi bar spro ba rnam pa maṅ po skyes nas brtson pa bgyid par ’gyur ro ||
bcom ldan ’das kyis bka’ stsal pa | rab ’byor ’di ltar yaṅ śes rab kyi pha rol tu phyin pa ’di (6) ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri ba la bdud sdig can bar chad kyi las bya bar brtson par ni ’gyur mod kyi | de ltar na yaṅ yid ma mñams pa’i byaṅ chub sems (7) dpa’ sems dpa’ chen po la bar chad byed mi nus so ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das gaṅ gi tshe rigs kyi bu daṅ rigs kyi bu mo dag śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub (123b1) par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger ’dri ba la bdud sdig can dag bar chad bgyi ba la spro ba skye bar ’gyur ba de’i tshe | bcom ldan ’das ci ltar na deṅ saṅ rigs kyi bu daṅ rigs kyi bu mo dag gis śes rab (2) kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ ye ge ’dri bar ’gyur | bcom ldan ’das gaṅ gi mthus rigs kyi bu daṅ rigs kyi bu mo de dag śes (3) rab kyi pha rol tu phyin pa ’di ’dzin pa daṅ ’chaṅ pa daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ge ’dri bar ’gyur | de skad ces gsol pa daṅ | bcom ldan ’das kyis tshe daṅ ldan pa ś (4) ri’i bu la ’di skad ces bka’ stsal to ||
ś ri’i bu rigs kyi bu daṅ rigs kyi bu mo de dag ni saṅs rgyas bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mthus śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ (5) kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ge ’dri bar ’gyur ba daṅ de bźin ñid du gro ba pa daṅ de bźin ñid du sgrub pa daṅ de bźin ñid du rnal ’byor du byed par ’gyur ro ||
de ci’i phyir źe na | ś ri’i bu ’di ni (6) chos rnams kyi chos ñid de gaṅ ’jig rten gyi khams gźal du med graṅs med pa dag na saṅs rgyas bcom ldan ’das gaṅ dag bźugs te ’tsho źiṅ gźes pa de dag śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston (7) pa daṅ ñe bar ston pa daṅ luṅ ’bogs pa daṅ kha ton byed pa daṅ yi ge ’dri ba ya dgoṅs par ’gyur yoṅs su gzuṅ bar ’gyur ro ||
rigs kyi bu daṅ rigs kyi bu mo gaṅ dag śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu (124a1) ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur ba daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du byed par ’gyur ba de dag la yaṅ saṅs rgyas bcom ldan ’das de dag (2) gis dgoṅs par ’gyur yoṅs su gzuṅ bar ’gyur te | ś ri’i bu saṅs rgyas kyis dgoṅs pa daṅ saṅs rgyas kyis yoṅs su gzuṅ ba’i rigs kyi bu daṅ rigs kyi bu mo dag la bar chad byed mi nus so ||
de skad ces bka’ stsal pa daṅ | bcom ldan ’das la tshe daṅ ldan (3) pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa ’di ñan pa daṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs (4) pa daṅ kha ton bgyid pa daṅ yi ger ’dri bar ’gyur ba daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du bgyid par ’gyur ba de dag thams cad ni | bcom ldan ’das saṅs rgyas kyi mthu daṅ saṅs rgyas kyi byin gyi rlabs daṅ saṅs rgyas kyis yoṅs su (5) bzuṅ bas | śes rab kyi pha rol tu phyin pa ’di ñan pa daṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger ’dri bar ’gyur ba daṅ de bźin ñid du slob pa daṅ de bźin (6) ñid du sgrub pa daṅ de bźin ñid du rnal ’byor du bgyid par ’gyur ba de ltar sgrub par ’gyur ro ||
de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te | ś ri’i bu byaṅ chub sems (7) dpa’ sems dpa’ chen po de dag thams cad ni saṅs rgyas kyi mthu daṅ saṅs rgyas kyis byin gyi rlabs daṅ saṅs rgyas kyis yoṅs su bzuṅ bas śes rab kyi pha rol tu phyin pa zab mo ’di ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston (124b1) pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur ba daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du byed par ’gyur ro ||
ś ri’i bu byaṅ chub sems dpa’ sems dpa’ chen po gaṅ śes rab kyi pha (2) rol tu phyin pa ’di ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur ba daṅ | de bźin ñid du slob pa daṅ de bźin ñid du sgrub pa daṅ de bźin ñid du (3) rnal ’byor du byed par ’gyur ba de dag ni de bźin gśegs pas mkhyen te | ś ri’i bu de dag ni de bźin gśegs pas byin gyis brlabs so ||
ś ri’i bu de dag ni de bźin gśegs pas gzigs so ||
ś ri’i bu de dag ni de bźin gśegs pa’i saṅs rgyas kyi spyan (4) gyis rnam par gzigs so ||
thos nas kyaṅ bzuṅ ba daṅ bcaṅs pa daṅ klags pa daṅ kun chub par byas pa daṅ rab tu bton pa daṅ bstan pa daṅ ñe bar bstan pa daṅ luṅ ’bogs pa daṅ kha ton byas pa daṅ yi ger bris nas de bźin ñid du slob pa daṅ de bźin ñid du sgrub pa daṅ de (5) bźin ñid du rnal ’byor du byed pa ni bla na med pa yaṅ dag par rdzogs pa’i byaṅ chub tu ñe bar ’gyur te | bla na med pa yaṅ dag par rdzogs pa’i byaṅ chub daṅ de bźin ñid la gnas par ’gyur ro ||
ś ri’i bu gaṅ dag śes rab kyi pha rol tu phyin pa ’di bris nas ’chaṅ bar ’gyur (6) klog par ’gyur kun chub par byed par ’gyur rab tu ’don par ’gyur ston par ’gyur ñe bar ston par ’gyur luṅ ’bogs par ’gyur kha ton byed par ’gyur yi ger ’dri bar ’gyur gyi de bźin ñid du mi slob de bźin ñid du mi sgrub de bźin ñid du rnal ’byor du mi byed pa de dag ni | de bźin (7) ñid du mi spob pa daṅ de bźin ñid du mi sgrub pa daṅ de bźin ñid du rnal ’byor du mi byed pas | de bźin ñid daṅ bla na med pa yaṅ dag par rdzogs pa’i byaṅ chub tu gnas par mi ’gyur mod kyi | ś ri’i bu de dag kyaṅ de bźin gśegs pas mkhyen de dag kyaṅ de bźin gśegs (125a1) pas byin gyis brlabs de dag kyaṅ de bźin gśegs pas gzigs te ś ri’i bu de dag kyaṅ de bźin gśegs pas saṅs rgyas kyi spyan gyis rnam par gzigs so ||
ś ri’i bu de dag gi ’bad pa daṅ | yoṅs su g-yo ba de yaṅ don chen po daṅ | phan yon chen (2) po daṅ ’bras bu chen po daṅ rnam par smin pa chen po daṅ ldan par ’gyur ro ||
de ci’i phyir źe na | ’di ltar śes rab kyi pha rol tu phyin pa ni chos thams cad kyi don dam pa daṅ ldan pa yin te | sems can thams cad la yaṅ dag pa ci lta ba bźin du rtogs par bya bas ñe bar gnas so (3) ś ri’i bu yaṅ pha rol tu phyin pa drug daṅ ldan pa’i mdo sde ’di dag ni de bźin gśegs pa ’das nas kyaṅ dam pa’i chos ’jig pa’i dus kyi tshe chos ’dul ba sñiṅ po sar pa thob pa na lho phyogs su ’byuṅ bar ’gyur ro ||
lho phyogs nas kyaṅ bar ta nir ’byuṅ bar ’gyur ro ||
par ta (4) ni nas yaṅ byaṅ phyogs su ’byuṅ ste | ś ri’i bu de’i dus na gaṅ źig śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ raṅ tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed par ’gyur źiṅ tha na glegs bam du chud (5) par byas nas ’chaṅ bar ’gyur ba’i rigs kyi bu daṅ rigs kyi bu mo de dag ni de bźin gśegs pas dgoṅs so ||
de dag ni de bźin gśegs pas mkhyen to ||
ś ri’i bu de dag ni de bźin gśegs pas byin gyis brlabs so ||
ś ri’i bu de dag ni de bźin gśegs pas (6) gzigs so ||
ś ri’i bu de dag ni de bźin gśegs pas saṅs rgyas kyi spyan gyis rnam par gzigs so ||
ś ri’i bus gsol pa | bcom ldan ’das śes rab kyi pha rol tu phyin pa ’di lta bur zab mo ’di yaṅ ’di ltar phyi ma’i dus phyi ma’i tshe na byaṅ gi yul daṅ byaṅ gi phyogs (7) kyi char rgyas par ’gyur lags sam | bcom ldan ’das kyis bka’ stsal pa | ś ri’i bu de la byaṅ gi yul daṅ byaṅ gi phyogs kyi cha der gaṅ dag śes rab kyi pha rol tu phyin pa zab mo ’di mñan nas śes rab kyi pha rol tu phyin pa zab mo ’di la rnal ’byor du byed pa de dag rgyas par (125b1) ’gyur ro ||
ś ri’i bu gaṅ śes rab kyi pha rol tu phyin pa zab mo ’di ñan pa daṅ ’dri ba daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed par ’gyur ba daṅ de bźin ñid du slob pa daṅ (2) de bźin ñid du sgrub pa daṅ de bźin ñid du rnal ’byor du byed par ’gyur ba’i byaṅ chub sems dpa’ sems dpa’ chen po de dag ni yun riṅ po nas theg pa la yaṅ dag par źugs par rig par bya’o ||
ś ri’i bus gsol pa | bcom ldan ’das byaṅ gi yul daṅ byaṅ gi phyogs (3) kyi char gaṅ dag śes rab kyi pha rol tu phyin pa zab mo ’di ñan pa daṅ ’dri ba daṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid par ’gyur ba daṅ de bźin ñid du slob pa daṅ de bźin ñid du (4) sgrub pa daṅ de bźin ñid du rnal ’byor du bgyid par ’gyur ba’i byaṅ chub sems dpa’ sems dpa’ chen po de dag ñuṅ ṅu ’am ’on te maṅ ste ci sñed cig ’byuṅ bar ’gyur | bcom ldan ’das kyis bka’ stsal pa | ś ri’i bu byaṅ gi yul daṅ byaṅ gi phyogs kyi char byaṅ chub (5) sems dpa’ sems dpa’ chen po maṅ źiṅ śin tu maṅ du ’byuṅ bar ’gyur ro ||
ś ri’i bu de dag maṅ mod kyi maṅ po de dag las śis rab kyi pha rol tu phyin pa ’di ñan pa daṅ ’di ba daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe (6) bar ston pa daṅ luṅ ’bogs pa daṅ kha ton byed par ’gyur ba daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du byed par ’gyur ba daṅ śes rab kyi pha rol tu phyin pa ’di bśad pa na ’god par mi ’gyur kun tu źum par mi ’gyur bag tsha bar mi ’gyur bag ’khums (7) par mi ’gyur yid phyir phyogs par mi ’gyur dṅaṅ bar mi ’gyur kun tu skrag par mi ’gyur kun tu skrag pa daṅ ldan par mi ’gyur ba’i byaṅ chub sems dpa’ sems dpa’ chen po de dag ni ches ñuṅ bar ’gyur te | byaṅ chub sems dpa’ sems dpa’ chen po de dag ni yun riṅ po nas theg pa (126a1) la yaṅ dag par źugs par rig par bya’o ||
de dag ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyi rjes su ’braṅ źiṅ yoṅs su dris pa daṅ yoṅs su źus pa daṅ yoṅs su dri ba byas śiṅ gaṅ zag byaṅ chub sems dpa’i theg pa (2) can rigs kyi bu ’am rigs kyi bu mo de dag gis sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams la mchod pa yin no ||
de dag ni tshul khrims yoṅs su rdzogs par byed par ’gyur ro ||
de dag ni ’di lta ste bla na med pa yaṅ dag par rdzogs pa’i (3) byaṅ chub ’di ñid las brtsams te skye bo maṅ po’i don byed par ’gyur ro ||
de ci’i phyir źe na | de ni ’di ltar rigs kyi bu daṅ rigs kyi bu mo de dag la ṅa ñid kyis thams cad mkhyen pa ñid daṅ ldan pa’i gtam byas so ||
de dag ni tshe rabs ’phos kyaṅ thams cad mkhyen pa ñid daṅ ldan (4) pa daṅ śes rab kyi pha rol tu phyin pa daṅ ldan pa ’di ñid la yaṅ dag par spyod par ’gyur ro ||
’di lta ste bla na med pa yaṅ dag par rdzogs pa’i byaṅ chub las brtsams nas de ñid kyi gtam byed par ’gyur de ñid kyi gtam la mṅon par dga’ bar ’gyur ro ||
de dag la legs par gnas śiṅ (5) śes rab kyi pha rol tu phyin pa ’di la mñam par gźag par ’gyur te bdud kyis kyaṅ dbye bar byed mi nus na ’di lta ste sems can gźan dag gis ’dun pa ’am sṅags kyi sgo nas dbye ba lta ci smos | de ce’i phyir źe na | de ni ’di ltar bla na med pa yaṅ dag par rdzogs pa’i byaṅ chub tu mthu brtan (6) pa’i phyir ro ||
rigs kyi bu daṅ rigs kyi bu mo dag gis de thos nas śes rab kyi pha rol tu phyin pa ’di la dga’ ba daṅ daṅ ba daṅ rab tu daṅ ba rgya chen po ’thob par ’gyur ro ||
de dag gis ni ’di lta ste bla na med pa yaṅ dag par rdzogs pa’i byaṅ chub la skye bo maṅ po dag gi dge ba’i rtsa (7) ba skyed par ’gyur ro ||
de ce’i phyir źe na | ’di ltar rigs kyi bu daṅ rigs kyi bu mo de dag gis ni ṅa’i mṅon sum du tshig ’di skad du | byaṅ chub sems dpa’i spyad pa spyod pa na bdag gis srog chags brgya phrag maṅ po daṅ srog chags stoṅ phrag maṅ po daṅ srog chags brgya stoṅ phrag (126b1) maṅ po daṅ srog chags bye ba brgya phrag maṅ po daṅ srog chags bye ba stoṅ phrag maṅ po daṅ srog chags bye ba brgya stoṅ phrag maṅ po daṅ srog chags bye ba khrag khrig brgya stoṅ maṅ po rnams bla na med pa yaṅ dag par rdzogs pa’i byaṅ chub la yaṅ dag par gźag par bya’o yaṅ dag par bstan (2) par bya’o yaṅ dag par dgod par bya’o yaṅ dag par gzeṅs bstod par bya’o yaṅ dag par dga’ ba bskyed par bya’o yaṅ dag par rab tu dbye bar bya’o ||
rdzogs pa’i byaṅ chub la gnas par bya’o ||
slar mi ldog par bya’o źes smras so ||
de ci’i phyir źe na | ṅas gaṅ dag (3) gis tshig ’di skad ces byaṅ chub kyi don du spyod pa na bdag gis srog chags brgya phrag maṅ po daṅ srog chags stoṅ phrag maṅ po daṅ srog chags brgya stoṅ phrag maṅ po daṅ srog chags bye ba brgya phrag maṅ po daṅ srog chags bye ba stoṅ phrag maṅ po daṅ srog chags bye ba brgya stoṅ phrag (4) maṅ po daṅ srog chags bye ba khrag khrig brgya stoṅ maṅ po rnams bla na med pa yaṅ dag par rdzogs pa’i byaṅ chub la yaṅ dag par gźag par bya’o yaṅ dag par bstan par bya’o yaṅ dag par dgod par bya’o yaṅ dag par gzeṅs bstod par bya’o yaṅ dag par dga’ bar bya’o yaṅ dag par rab (5) tu dbye bar bya’o rdzogs pa’i byaṅ chub la gnas par bya’o phyir mi ldog par bya’o źes smras pa’i rigs kyi bu daṅ rigs kyi bu mo byaṅ chub sems dpa’i theg pa can de dag gi sems la sems kyis bltas nas rjes su yi raṅ bar byas so ||
de ltar rigs kyi bu daṅ rigs kyi bu mo de dag ni (6) mos pa rgya chen po daṅ ldan pa yin no ||
gaṅ na de bźin gśegs pa dgra bcom pa yaṅ dag par rdzogs pa’i saṅs rgyas mṅon du gyur pa rnams chos ston par ’gyur ba daṅ | gaṅ du de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thad nas śes (7) rab kyi pha rol tu phyin pa ’di rgya cher thos par ’gyur ba gaṅ yin pa’i saṅs rgyas kyi źiṅ gźan daṅ gźan du ’gro bar bya bar sems par ’gyur ro ||
saṅs rgyas kyi źiṅ de dag tu yaṅ de dag gis srog chags brgya phrag maṅ po daṅ srog chags stoṅ phrag maṅ po daṅ srog chags brgya stoṅ (127a1) phrag maṅ po daṅ srog chags bye ba brgya phrag maṅ po daṅ srog chags bye ba stoṅ phrag maṅ po daṅ srog chags bye ba brgya stoṅ phrag maṅ po daṅ srog chags bye ba khrag khrig brgya stoṅ maṅ po dag bla na med pa yaṅ dag par rdzogs pa’i byaṅ chub tu yaṅ dag par ’jog pa daṅ yaṅ dag par (2) ston pa daṅ yaṅ dag par ’god pa daṅ yaṅ dag par gzeṅs stod pa daṅ yaṅ dag par rab tu dga’ ba bskyed pa daṅ yaṅ dag par rab tu ’byed pa daṅ yaṅ dag par byaṅ chub pa la gźog par byed pa daṅ phyir mi ldog par byed par ’gyur ro ||
de skad ces bka’ stsal pa daṅ | bcom ldan (3) ’das la tshe daṅ ldan pa ś ri’i bus ’di skad ces gsol to ||
bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis ’das pa daṅ ma ’oṅs pa daṅ da ltar byuṅ ba’i chos kyi bar rnams lam gzigs pa ’am ma gsan pa ’am mṅon par mi mkhyen (4) pa ’am rnam par mi mkhyen pa gaṅ yaṅ ma mchis śiṅ | chos gaṅ yaṅ rnam par mi mkhyen pa ma mchis sems can gyi spyod pa gaṅ yaṅ rnam par mi mkhyen pa ma mchis pa daṅ | bcom ldan ’das yaṅ de’i tshe gaṅ dag śes rab kyi pha rol tu phyin pa zab mo ’di ’dzin pa daṅ ’chaṅ ba daṅ (5) klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger ’dri bar ’gyur ba | ma ’oṅs pa’i byaṅ chub sems dpa’ sems dpa’ chen po byaṅ chub ’dod pa rnams daṅ lhag pa’i bsam pa phun sum tshogs (6) pa rnams daṅ brtson ’grus brtsams pa rnams kyi yaṅ spyod pa gaṅ du mkhyen pa źes bya ba de ni ṅo mtshar to ||
gaṅ de’i tshe na pha rol tu phyin pa drug po ’di dag gi slad du | sems can thams cad kyi don du brtson pa bskyed de | tshol ba daṅ yoṅs su tshol ba daṅ tshol bar ’gyur pa’i (7) rigs kyi bu daṅ rigs kyi bu mo de dag las | btsal ba daṅ yoṅs su btsal ba daṅ btsal bar ’gyur ba’i byaṅ chub sems dpa’ kha cig gis ni btsa’ ba na rñed par ’gyur śes rab kyi pha rol tu phyin pa zab mo ’di kha cig gis btsal kyaṅ mi rñed śes rab kyi pha rol tu phyin pa zab mo (127b1) ’di kha cig gis ma btsal kyaṅ rñed par ’gyur ba bcom ldan ’das ’di’i rgyu gaṅ lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te | de bźin gśegs pas ni ’das pa (2) daṅ ma ’oṅs pa daṅ da ltar byuṅ ba’i chos rnams la ma gzigs pa ’am ma gsan pa ’am mi mkhyen pa ’am rnam par mi mkhyen pa ni gaṅ yaṅ med do ||
ś ri’i bu yaṅ de’i tshe de’i dus na byaṅ chub sems dpa’ kha cig gis ni śes rab kyi pha rol tu phyin pa ’di btsal źiṅ rjes su btsal la (3) yoṅs su btsal kyaṅ mi rñed la | byaṅ chub sems dpa’ kha cig gis ni ma btsal rjes su ma btsal yoṅs su ma btsal yaṅ rñed par ’gyur ro ||
de ci’i phyir źe na | ’di ltar byaṅ chub sems dpa’ de dag gis śes rab kyi pha rol tu phyin pa ’di sṅon gyi mthar yaṅ brtson pa ma bor bar (4) btsal ba daṅ yoṅs su btsal bas na de dag gis sṅon gyi dge ba’i rtsa ba’i ’dun pa de ñid kyis śes rab kyi pha rol tu phyin pa ’di ma btsal rjes su ma btsal yoṅs su ma btsal yaṅ rñed par ’gyur ro ||
de las gźan pa’i mdo sde śes rab kyi pha rol tu phyin pa ’di ñid mṅon par brjod pa de (5) dag kyaṅ de dag la raṅ ñid ñe bar ’oṅ bar ’gyur ñe bar gźol ba daṅ ñe bar phyogs par ’gyur ro ||
de ci’i phyir źe na | ś ri’i bu de ni ’di ltar yin te byaṅ chub sems dpa’ sems dpa’ chen po gaṅ źig śes rab kyi pha rol tu phyin pa ’di brtson pa ma bor bar tshol ba daṅ yoṅs su tshol ba (6) des ni skye ba ’phos śiṅ tshe rabs rjes kyaṅ śes rab kyi pha rol tu phyin pa ’di rñed par ’gyur źeṅ de las gźan pa’i mdo sde śes rab kyi pha rol tu phyin pa daṅ ldan pa dag kyaṅ de’i druṅ du raṅ ñid ñe bar ’oṅ ba daṅ ñe bar gźol ba daṅ ñe bar phyogs par ’gyur ro ||
de skad ces bka’ stsal pa daṅ | (7) bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das pha rol tu phyin pa drug daṅ ldan pa’i mdo ’di dag ñid rigs kyi bu daṅ rigs kyi bu mo de dag la ñe bar ’oṅ ba daṅ ñe bar gźol ba daṅ ñe bar phyogs par ’gyur gyi gźan dag ni ma lags sam | (128a1) bcom ldan ’das kyis bka’ stsal pa | ś ri’i bu mdo sde zab mo zab pa gźan ci sñed yod pa de dag kyaṅ | bdag ñid rigs kyi bu daṅ rigs kyi bu mo de dag la raṅ ñid ñe bar ’oṅ ba daṅ ñe bar gźol ba daṅ ñe bar phyogs par ’gyur ro ||
de ci’i phyir źe na | ś ri’i (2) bu de ni ’di ltar yin te byaṅ chub sems dpa’ sems dpa’ chen po gaṅ dag sems can rnams bla na med pa yaṅ dag par rdzogs pa’i byaṅ chub la rab tu ’jogs pa daṅ yaṅ dag par ston pa daṅ yaṅ dag par ’god pa daṅ | yaṅ dag par gzeṅs stod pa daṅ yaṅ dag par rab tu dga’ bar byed (3) pa daṅ yaṅ dag par rab tu ’byed par ’gyur ba daṅ yaṅ dag par rdzogs pa’i byaṅ chub la gnas par byed par ’gyur ba daṅ phyir mi ldog par byed par ’gyur źiṅ bdag ñid kyaṅ de la slob par ’gyur na | ś ri’i bu skye ba ’phos nas kyaṅ de dag la mi dmigs pa daṅ ldan pa daṅ stoṅ pa ñid daṅ (4) ldan pa daṅ pha rol tu phyin pa drug daṅ ldan pa’i mdo sde zab mo zab pa dag raṅ ñid ñe bar ’oṅ bar ’gyur raṅ ñid ñe bar gźol bar ’gyur raṅ ñid ñe bar phyogs par ’gyur ro ||
’phags pa śes rab kyi pha rol tu phyin pa brgyad stoṅ pa las | ’dzin pa’i yon tan yoṅs su brjod pa’i (5) le’u źes bya ste bcu pa’o || ||
śes rab kyi pha rol tu phyin pa brgyad stoṅ pa | bam po bcu gcig pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das rigs kyi bu daṅ rigs kyi bu mo de dag gi yon (6) tan ’di dag ni bcom ldan ’das kyis yoṅs su brjod na | bcom ldan ’das yaṅ de dag la bar du gcod pa ci tsam dag ’byuṅ bar ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor bar chad byed (7) pa’i bdud kyi las maṅ du ’byuṅ bar ’gyur ro ||
rab ’byor gyis gsol pa | bcom ldan ’das bar du gcod par bgyid pa’i bdud kyi las maṅ po tshul ci lta bu dag ’byuṅ bar ’gyur | bcom ldan ’das kyis bka’ stsal pa | rab ’byor byaṅ chub sems dpa’ sems (128b1) dpa’ chen po śes rab kyi pha rol tu phyin pa ’chad pa de dag gi spobs pa yun riṅ mo źig na ’byuṅ bar ’gyur te rab ’byor ’di ni bdud kyi las daṅ por rig par bya’o ||
rab ’byor spobs pa de skyes na yaṅ yid g-yeṅs pa ñid du ’gyur te ’di yaṅ bdud kyi las su rig par bya’o ||
rab (2) ’byor de dag glal ba daṅ rgod pa daṅ steg ciṅ yi ger ’dri bar gyur na ’di yaṅ bdud kyi las su rig par bya’o ||
rab ’byor sems rnam par g-yeṅ bas kun chub par byed na ’di yaṅ bdud kyi las su rig par bya’o ||
rab ’byor rnam par śes pa phan tshun daṅ ldan pas yi ger ’dri na ’di (3) yaṅ bdud kyi las su rig par bya’o ||
rab ’byor dran pa mi ’thob na ’di yaṅ bdud kyi las su rig par bya’o ||
rab ’byor phan tshun bźad gad byed ciṅ yi ger ’dri na ’di yaṅ bdud kyi las su rig par bya’o ||
rab ’byor phan tshun co ’dri źiṅ yi ger ’dri na ’di yaṅ bdud kyi las (4) su rig par bya’o ||
rab ’byor mig g-yeṅ źiṅ yi ger ’dri na ’di yaṅ bdud kyi las su rig par bya’o ||
rab ’byor yi ger ’dri ba dag phan tshun tshogs pa daṅ mi mthun par gyur na ’di yaṅ bdud kyi las su rig par bya’o ||
rab ’byor bdag gis ’di’i gtiṅ mi rñed ro mi (5) myoṅ ṅo źes stan las laṅs te ’gro na ’di yaṅ bdud kyi las su rig par bya’o ||
rab ’byor bdag ni śes rab kyi pha rol tu phyin pa ’di las luṅ ma bstan to źes sems ma dad pas stan las laṅs te soṅ na ’di yaṅ bdud kyi las su rig par bya’o ||
rab ’byor bdag gaṅ du skyes (6) pa’i groṅ daṅ groṅ khyer daṅ groṅ rdal gyi miṅ yaṅ ’dir ma smos ’dir bdag gi miṅ daṅ rigs kyaṅ ma smos | bdag gi pha ma’i miṅ daṅ rigs kyaṅ ’dir ma smos | bdag gaṅ du skyes pa’i rigs kyaṅ ma smos so sñam nas | de dag śes rab kyi pha rol tu phyin pa mi ñan par sems (7) śiṅ de nas ’gro bar sems na sems bskyed pa de dag ji sñed kyis de dag ji lta ji ltar ’gro bar ’gyur ba de lta de ltar | gaṅ du de dag gis slar rnal ’byor ñid du bya bar ’gyur ba | bskal pa de sñed du ’khor ba yoṅs su ’dzin par ’gyur ro ||
de ci’i phyir źe na | rab ’byor śes (129a1) rab kyi pha rol tu phyin pa ’di mi ñan pa’i byaṅ chub sems dpa’ sems dpa’ chen po rnams ni ’jig rten pa daṅ ’jig rten las ’das pa’i chos rnams la ṅes par ’byuṅ bar mi ’gyur te rab ’byor ’di yaṅ de dag gi bdud kyi las su rig par bya’o ||
rab ’byor (2) gźan yaṅ gaṅ zag byaṅ chub sems dpa’i theg pa can dag śes rab kyi pha rol tu phyin pa thams cad mkhyen pa’i ye śes sgrub par byed pa ’di spaṅs śiṅ bor nas mdo sde gaṅ dag thams cad mkhyen pa’i ye śes sgrub par byed pa ma yin pa ñid de dag yoṅs su btsal bar sems par ’gyur te (3) rab ’byor ’di yaṅ de dag gi bdud kyi las su rig par bya’o ||
rab ’byor yaṅ ci ltar ’jig rten pa daṅ ’jig rten las ’das pa’i chos dag la slob par mi ’dod pa daṅ ’jig rten pa daṅ ’jig rten las ’das pa’i chos dag la ṅes par ’byuṅ bar mi ’dod pa de ltar śes rab kyi pha (4) rol tu phyin pa ’di la mi slob ste | śes rab kyi pha rol tu phyin pa ’di la ma bslabs pas ’jig rten pa daṅ ’jig rten las ’das pa’i chos dag la ṅes par ’byuṅ bar mi ’gyur ro ||
de ltar blo chuṅ pa de dag ’jig rten pa daṅ ’jig rten las ’das pa’i chos rnams yaṅ dag pa (5) ci lta ba bźin du yoṅs su śes pa’i rtsa ba śes rab kyi pha rol tu phyin pa spaṅs śiṅ bor nas yal ga la ’ju bar sems so ||
rab ’byor ’di lta ste dper na | khyi ni ṅo bo’i thad nas zan goṅ bslaṅ ba btaṅ ste | las byed pa’i mi las zan kham btsal bar sems pa de bźin du rab ’byor (6) phyi ma ma ’oṅs pa’i dus na gaṅ zag byaṅ chub sems dpa’i theg pa can gaṅ la la dag śes rab kyi pha rol tu phyin pa thams cad mkhyen pa’i ye śes kyi rtsa ba ’di bor te ñan thos daṅ raṅ saṅs rgyas kyi theg pa yal ga daṅ lo ma daṅ ’dab ma lta bu las sñiṅ po saṅs rgyas ñid btsal bar sems par (7) ’gyur te rab ’byor ’di yaṅ byaṅ chub sems dpa’ de dag gi bdud kyi las su rig par bya’o ||
de ci’i phyir źe na | blo chuṅ ba de dag ni śes rab kyi pha rol tu phyin pa ’di thams cad mkhyen pa’i ye śes sgrub par byed par mi śes te | de dag gis śes rab kyi pha rol tu phyin (129b1) pa spaṅs śiṅ bor nas de las gźan pa’i mdo sde gaṅ dag ñan thos kyis mṅon par ston pa daṅ raṅ saṅs rgyas kyis mṅon par ston pa de dag la lhag par kun chub par bya bar sems par ’gyur te | de lta bu’i tshul gyi byaṅ chub sems dpa’ de dag ni yal ga daṅ lo ma daṅ ’dab ma lta (2) bu la źugs pa yin par rig par bya’o ||
de ci’i phyir źe na | rab ’byor byaṅ chub sems dpa’ sems dpa’ chen pos ci ltar gaṅ zag ñan thos kyi theg pa can dag daṅ raṅ saṅs rgyas kyi theg pa can dag slob pa de ltar bslab par mi bya’o ||
rab ’byor gaṅ zag ñan thos (3) kyi theg pa can daṅ raṅ saṅs rgyas kyi theg pa can dag ci ltar slob ce na | rab ’byor de dag ’di sñam du sems te | bdag gcig bu dul bar bya’o bdag gcig pu źi bar bya’o bdag gcig pu yoṅs su mya ṅan las bzla bar bya’o sñam ste | bdag ’ba’ źig dul (4) ba daṅ źi ba daṅ yoṅs su mya ṅan las bzla ba’i phyir dge ba’i rtsa ba thams cad mṅon par ’du byed pa’i sbyor ba rtsom ste | rab ’byor yaṅ de ltar byaṅ chub sems dpa’ sems dpa’ chen pos bslab par mi bya’o ||
rab ’byor ’on kyaṅ byaṅ chub sems dpa’ sems dpa’ chen (5) pos ni ’jig rten thams cad la phan gdags pa’i phyir bdag ñid kyaṅ de bźin ñid la gnas par bya sems can thams cad kyaṅ de bźin ñid la dgod par bya ste | sems can gyi khams gźal du med pa rnams yoṅs su mya ṅan las bzla bar bya’o źes de ltar bslab par bya ste | (6) byaṅ chub sems dpa’ sems dpa’ chen pos dge ba’i rtsa ba thams cad mṅon par ’du byed pa’i sbyor ba de ltar brtsam par bya źiṅ des rlom sems su yaṅ mi bya’o ||
rab ’byor ’di lta ste dper na | glaṅ po che ma mthoṅ ba’i skyes bu la la źig glaṅ po che’i kha dog daṅ dbyibs tshol (7) te | des mun khuṅ nas glaṅ po che źig rñed nas snaṅ ba ga la ba der brtags so ||
der brtags nas glaṅ po che’i rjes btsal bar sems śiṅ glaṅ po che’i rjes las glaṅ po che’i kha dog daṅ dbyibs gzuṅ bar sems na | rab ’byor de ci sñam du sems ci skyes bu de mkhas pa’i (130a1) raṅ bźin can yin nam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du gaṅ zag byaṅ chub sems dpa’i theg pa can gaṅ śes rab kyi pha rol tu phyin pa ’di mi śes śiṅ (2) mi ’dri bar de spaṅs te | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas | mdo sde gaṅ dag ñan thos kyis mṅon par ston pa daṅ raṅ saṅs rgyas kyis mṅon par ston pa de dag yoṅs su btsal bar sems pa de dag de lta bu’i tshul (3) du rig par bya ste | rab ’byor ’di yaṅ de dag gi bdud kyi las su rig par bya’o ||
rab ’byor ’di lta ste dper na | skyes bu rin po che don du gñer ba źig rgya mtsho chen po mthoṅ nas | der rin po che dag la mi dpyod ciṅ mi sems la mi ’jug par de rin po che’i rgyur ba laṅ (4) gi rmig rjes kyi naṅ du tshol bar sems śiṅ ba laṅ gi rmig rjes daṅ rgya mtsho chen po mtshuṅs par bya bar sems na | rab ’byor de ci sñam du sems | ci skyes bu de mkhas pa’i raṅ bźin can du rig par bya ’am | rab ’byor gyis gsol pa | bcom ldan ’das de ni ma lags so ||
(5) bcom ldan ’das kyis bka’ stsal pa | rab ’byor de bźin du gaṅ zag byaṅ chub sems dpa’i theg pa can gaṅ śes rab kyi pha rol tu phyin pa ’di rñed kyaṅ ma rtogs śiṅ mi śes pas ’dor bar byed de mdo sde gaṅ dag ñan thos kyis mṅon par ston pa daṅ raṅ saṅs rgyas kyis mṅon par ston (6) pa de dag la brtson pa chuṅ ṅus gnas par ’dod pas btsal bar sems pa de dag ni de lta bu’i tshul du rig par bya’o ||
gaṅ du byaṅ chub sems dpa’i theg pa ma brjod par | bdag gcig pu dul ba daṅ źi bar gnas pa daṅ ’di ltar yoṅs su mya ṅan las ’da’ bar bya ba ñid do źes (7) bya ba daṅ naṅ du yaṅ dag bźag pa daṅ rgyun du źugs pa’i ’bras bu thob par bya’o lan cig phyir ’oṅ ba’i ’bras bu daṅ phyir mi ’oṅ ba’i ’bras bu daṅ dgra bcom pa ñid kyi ’bras bu thob par bya’o raṅ byaṅ chub thob par bya’o ||
tshe ’di ñid la len pa med par zag pa las sems yoṅs su grol (130b1) bar byas nas yoṅs su mya ṅan las ’da’ bar bya’o źes brjod pa de ni ñan thos daṅ raṅ saṅs rgyas kyis daṅ ldan pa źes bya ste | ’di la byaṅ chub sems dpa’ sems dpa’ chen po de ltar sems bskyed par mi bya’o ||
de ci’i phyir źe na | rab ’byor byaṅ chub sems dpa’ (2) sems dpa’ chen po ni theg pa chen po la yaṅ dag par źugs śiṅ go cha chen po bgos pa yin te de dag gis nam du yaṅ spro ba chuṅ ṅu la sems mi bskyed do ||
de ci’i phyir źe na | skyes bu dam pa de dag ni ’jig rten yoṅs su ’dren pa ’jig rten gyi don byed pa yin te | de (3) bas na de dag gis dus rtag tu rgyun mi ’chad par pha rol tu phyin pa drug la legs par bslab par bya’o ||
rab ’byor yaṅ gaṅ zag byaṅ chub sems dpa’i theg pa can gaṅ dag dge ba’i rtsa ba yoṅs su ma smin pa blo chuṅ ba lhag pa’i bsam pa źan pa de dag pha rol tu phyin pa drug daṅ (4) ldan pa’i mdo sde dag mi śes śiṅ khoṅ du ma chud pas | śes rab kyi pha rol tu phyin pa ’di spaṅs śiṅ bor nas mdo sde gaṅ dag ñan thos daṅ raṅ saṅs rgyas kyis mṅon par ston pa de dag yoṅs su btsal bar sems te | rab ’byor gaṅ zag byaṅ chub sems dpa’i theg pa can ’di lta (5) bu’i tshul can de dag gi ’di yaṅ bdud kyi las su rig par bya’o ||
rab ’byor ’di lta ste dper na | śiṅ mkhan nam | śiṅ mkhan gyi slob ma źig rnam par rgyal ba’i khaṅ pa’i tshad du khaṅ pa byed par ’dod pa daṅ sgrub par ’dod nas | de ñi ma daṅ zla ba’i gźal med khaṅ gi tshad daṅ (6) dkyil ’khor yoṅs su tshol te | de yoṅs su tshol bas ñi ma daṅ zla ba’i gźal med khaṅ mthoṅ ba daṅ de de dag gi tshad gzuṅ bar sems na | rab ’byor de ci sñam du sems | rnam par rgyal ba’i khaṅ pa’i tshad kyi khaṅ pa byed par ’dod pa daṅ sgrub par ’dod pas | ñi ma daṅ (7) zla ba’i gźal med khaṅ gi tshad gzuṅ bar bya ba yin nam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du ma ’oṅs pa’i dus na ’byuṅ bar ’gyur ba’i gaṅ zag byaṅ chub sems dpa’i (131a1) theg pa can la la dag śes rab kyi pha rol tu phyin pa ’di thos śiṅ śes rab kyi pha rol tu phyin pa ’di rñed nas śes rab kyi pha rol tu phyin pa ’di spaṅs śes rab kyi pha rol tu phyin pa btaṅ nas ñan thos daṅ raṅ saṅs rgyas kyi sa daṅ ldan pa’i mdo sde dag las thams cad (2) mkhyen pa ñid yoṅs su tshol par sems te | mdo sde gaṅ dag bdag gcig pu dul bar bya’o bdag gcig pu źi bar bya’o bdag gcig pu yoṅs su mya ṅan las ’da’ bar bya’o źes de ltar mṅon par ston pa | bdag ’ba’ źig dul ba daṅ źi ba daṅ yoṅs su mya ṅan las ’da’ ba (3) thob par byed pa de lta bu’i tshul gyis mdo sde dag yoṅs su tshol źiṅ de lta bur slob par sems na | rab ’byor de ji sñam du sems | byaṅ chub sems dpa’ de dag kyaṅ mkhas pa’i raṅ bźin can du rig par bya ’am | rab ’byor gyis gsol pa | bcom ldan ’das de ni ma (4) lags so ||
bcom ldan ’das kyis bka’ stsal pa | rab ’byor ’di yaṅ de dag gi bdud kyi las su rig par bya’o ||
rab ’byor ’di lta ste dper na | skyes bu la la źig ’khor los sgyur ba’i rgyal po lta ’dod par gyur la des ’khor los sgyur ba’i rgyal po mthoṅ ste | mthoṅ nas (5) ’khor los sgyur ba’i rgyal po’i kha dog daṅ dbyibs daṅ gzi brjid daṅ rdzu ’phrul ’di ’dra’o źes mtshan mar bzuṅ nas | des mkhar gyi rgyal po mthoṅ na | des mkhar gyi rgyal po de’i kha dog daṅ dbyibs daṅ gzi brjid daṅ rdzu ’phrul daṅ mtshan ma bzuṅ ste | bye brag śes par mi (6) nus pas ’di skad du ’khor los sgyur ba’i rgyal po de ni kha dog daṅ dbyibs daṅ gzi brjid daṅ rdzu ’phrul daṅ mtshan ma ’di kho na ’dra’o źes zer na | rab ’byor de ci sñam du sems | gaṅ ’khor los sgyur ba’i rgyal po mkhar gyi rgyal po daṅ mtshuṅs par bya bar sems pa’i skyes bu de mkhas (7) pa’i raṅ bźin can du rig par bya ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du ma ’oṅs pa’i dus na ’byuṅ bar ’gyur ba’i gaṅ zag byaṅ chub sems dpa’i theg pa can gaṅ (131b1) śes rab kyi pha rol tu phyin pa ’di thos śiṅ śes rab kyi pha rol tu phyin pa ’di rñed nas śes rab kyi pha rol tu phyin pa btaṅ śes rab kyi pha rol tu phyin pa bor śes rab kyi pha rol tu phyin pa ’di riṅ du byas nas ñan thos daṅ raṅ saṅs rgyas kyi sa daṅ ldan pa’i mdo sde dag las thams (2) cad mkhyen pa ñid yoṅs su btsal bar sems par ’gyur te | rab ’byor ’di yaṅ de dag gi bdud kyi las su rig par bya’o ||
rab ’byor laṅ ñan thos daṅ raṅ saṅs rgyas daṅ ldan pa’i mdo sde ’di dag las byaṅ chub sems dpa’ sems dpa’ chen pos thams cad mkhyen (3) pa ñid yoṅs su btsal bar bya’o źes ṅa mi smra ste | rab ’byor yaṅ ’on kyaṅ de bźin gśegs pas śes rab kyi pha rol tu phyin pa las byaṅ chub sems dpa’ sems dpa’ chen po rnams kyi thabs mkhas pa gaṅ bśad pa de la ma bslabs par byaṅ chub sems dpa’ sems (4) dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar mi ’gyur ro ||
de ci’i phyir źe na | mdo sde gźan dag tu byaṅ chub sems dpa’ yaṅ dag par ’grub pa ni dka’ ba yin no ||
rab ’byor de lta bas na de bźin gśegs pas śes rab kyi pha (5) rol tu phyin pa’i phan yon de dag yaṅ dag par gzigs pas | rnam graṅs du mas byaṅ chub sems dpa’ sems dpa’ chen po rnams la śes rab kyi pha rol tu phyin pa ’di yaṅ dag par ston yaṅ dag par ’god yaṅ dag par gzeṅs stod yaṅ dag par rab tu dga’ bar byed yaṅ dag (6) par ’jug par byed yaṅ dag par ’jog par byed de | de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las phyir mi ldog par ’gyur ro ||
rab ’byor yaṅ de ci sñam du sems | gaṅ dag phyir mi ldog pa’i theg pa theg pa (7) chen po thob ciṅ bsgrubs nas | de lta bu bor te theg pa dman pa yoṅs su btsal bar sems na | byaṅ chub sems dpa’ de dag kyaṅ mkhas pa’i raṅ bźin can yin nam | rab ’byor gyis gsol pa | bcom ldan ’das de ni ma lags so ||
bcom ldan ’das (132a1) kyis bka’ stsal pa | rab ’byor ’di lta ste dper na | skyes bu bkres pa źig gis kha zas ro brgya pa źun phan pa źun bde ba tshe’i mthar thug pa’i bar du bkres pa daṅ skom pa zlog pa źig rñed la | des de bor te źag drug cu pa’i ’bras chan btsal bar sems (2) śiṅ źag drug cu pa’i ’bras chan rñed nas kha zas ro brgya pa bor te | źag drug cu pa’i ’bras chan de za bar sems na | rab ’byor de ci sñam du sems | ci skyes bu de mkhas pa’i raṅ bźin can yin nam | rab ’byor gyis gsol pa | bcom ldan ’das de ni ma lags (3) so ||
bcom ldan ’das kyis bka’ stsal pa | rab ’byor de bźin du ma ’oṅs pa’i dus na ’byuṅ bar ’gyur ba’i byaṅ chub sems dpa’ la la śes rab kyi pha rol tu phyin pa ’di thos śiṅ śes rab kyi pha rol tu phyin pa ’di rñed nas | śes rab kyi pha rol tu phyin pa btaṅ śes (4) rab kyi pha rol tu phyin pa bor śes rab kyi pha rol tu phyin pa ’di riṅ du byas nas ñan thos kyi theg pa daṅ raṅ saṅs rgyas kyi theg pa daṅ ldan pa’i mdo sde dag bcal bar sems śiṅ | mdo sde gaṅ dag ñan thos daṅ raṅ saṅs rgyas kyis mṅon par ston pa de dag gis thams cad mkhyen (5) pa ñid daṅ thabs mkhas pa btsal bar sems na | rab ’byor de ci sñam du sems | byaṅ chub sems dpa’ de dag kyaṅ mkhas pa’i raṅ bźin can du rig par bya ’am | rab ’byor gyis gsol pa | bcom ldan ’das de ni ma lags so ||
bcom ldan ’das (6) kyis bka’ stsal pa | rab ’byor ’di yaṅ de dag gi bdud kyi las su rig par bya’o ||
rab ’byor ’di lta ste dper na | skyes bu la la źig gis nor bu rin po che rin thaṅ med pa źig rñed nas nor bu rin po che rin thaṅ chuṅ źiṅ byin chuṅ ba daṅ lhan cig mtshuṅs par bya bar (7) sems na | rab ’byor de ci sñam du sems | ci skyes bu de mkhas pa’i raṅ bźin can du rig par bya ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du ma ’oṅs pa’i dus na (132b1) ’byuṅ bar ’gyur ba’i gaṅ zag byaṅ chub sems dpa’i theg pa can gaṅ la la śes rab kyi pha rol tu phyin pa zab mo ’od gsal ba rin po che ’di thos śiṅ rñed nas | ñan thos daṅ raṅ saṅs rgyas kyi theg pa daṅ mtshuṅs par bya bar sems par ’gyur te | ñan thos daṅ raṅ (2) saṅs rgyas kyis las thams cad mkhyen pa ñid daṅ thabs mkhas pa yoṅs su btsal bar sems na | rab ’byor de ci sñam du sems | byaṅ chub sems dpa’ de dag kyaṅ mkhas pa’i raṅ bźin can du rig par bya ’am | rab ’byor gyis gsol pa | bcom ldan ’das (3) de ni ma lags so | bcom ldan ’das kyis bka’ stsal pa | rab ’byor ’di yaṅ byaṅ chub sems dpa’ de dag gi bdud kyi las su rig par bya’o ||
rab ’byor gźan yaṅ śes rab kyi pha rol tu phyin pa zab mo ’di ’chad pa daṅ ston pa daṅ ñe bar ston pa daṅ ’dzin (4) pa daṅ ’chaṅ ba daṅ klog pa daṅ luṅ ’bogs pa daṅ kha ton byed pa daṅ chuṅ ṅu na yi ger ’dri ba la yaṅ gaṅ sems rnam par g-yeṅ bar byed par ’gyur pa’i spobs pa maṅ po ’byuṅ bar ’gyur te | rab ’byor ’di yaṅ byaṅ chub sems dpa’ de dag gi bdud kyi las su (5) rig par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das yaṅ śes rab kyi pha rol tu phyin pa yi ger brir nus lags sam | bcom ldan ’das kyis bka’ stsal pa | rab ’byor (6) de ni ma yin no ||
rab ’byor gaṅ su dag śes rab kyi pha rol tu phyin pa yi ge ’brur bris nas | śes rab kyi pha rol tu phyin pa bris par sems pa ’am | med pa’o źes pa ’am | yi ge dag la śes rab kyi pha rol tu phyin par mṅon par chags pa ’am | yi ge med pa’o sñam na (7) rab ’byor ’di yaṅ de dag gi bdud kyi las su rig par bya’o ||
rab ’byor gźan yaṅ śes rab kyi pha rol tu phyin pa yi ger ’dri ba la | yul yid la byed pa dag ’byuṅ bar ’gyur | groṅ daṅ groṅ khyer daṅ groṅ rdal daṅ ljoṅs daṅ yul ’khor daṅ rgyal po’i pho braṅ ’khor yid la byed (133a1) pa dag ’byuṅ bar ’gyur | skyed mos tshal yid la byed pa dag ’byuṅ bar ’gyur | bla ma yid la byed pa dag ’byuṅ bar ’gyur | kun tu ston pa yid la byed pa dag ’byuṅ bar ’gyur | chom rkun yid la byed pa dag ’byuṅ bar ’gyur | lag can yid la byed (2) pa dag ’byuṅ bar ’gyur | bi śi kh yid la byed pa dag ’byuṅ bar ’gyur | śi bi ka yid la byed pa dag ’byuṅ bar ’gyur | smad ’tshoṅ yid la byed pa dag ’byuṅ bar ’gyur | bde ba yid la byed pa daṅ sdug bsṅal yid la byed pa daṅ ’jigs pa yid la byed pa dag ’byuṅ (3) bar ’gyur | bud med yid la byed pa daṅ skyes pa yid la byed pa daṅ ma niṅ yid la byed pa dag ’byuṅ bar ’gyur | mdza’ ba daṅ mi mdza’ ba daṅ ldan pa yid la byed pa dag ’byuṅ bar ’gyur | pha ma daṅ ldan pa’i yid la byed pa dag ’byuṅ bar ’gyur | spun zla daṅ (4) sriṅ mo daṅ ldan pa’i yid la byed pa dag ’byuṅ bar ’gyur | gñen bśes daṅ ldan pa’i yid la byed pa daṅ grogs po daṅ rtsa lag daṅ snag gi gñen mtshams daṅ ldan pa’i yid la byed pa daṅ | chuṅ ma daṅ bu daṅ bu mo daṅ ldan pa’i yid la byed pa daṅ | khyim daṅ zas daṅ (5) btuṅ ba daṅ ldan pa’i yid la byed pa daṅ gos yid la byed pa daṅ mal stan yid la byed pa daṅ | ’tsho ba’i yo byad yid la byed pa daṅ ’phral gyi bya ba yid la byed pa daṅ | ’dod chags yid la byed pa daṅ źe sdaṅ yid la byed pa daṅ gti mug yid la byed pa daṅ dus tshigs (6) yid la byed pa daṅ dus bzaṅ po yid la byed pa daṅ dus ṅan pa yid la byed pa daṅ | glu yid la byed pa daṅ sil sñan yid la byed pa daṅ gar yid la byed pa daṅ sñan daṅ gas daṅ glu tshig daṅ sgruṅ yid la byed pa daṅ | bstan bcos yid la byed pa daṅ tha sñad yid la byed pa (7) daṅ bźad gad yid la byed pa daṅ ’jo sgeg yid la byed pa daṅ | mya ṅan yid la byed pa daṅ ñon moṅs pa yid la byed pa daṅ bdag yid la byed pa ste | rab ’byor yid la byed pa de dag daṅ gźan dag kyaṅ bdud sdig can ñe bar sgrub par ’gyur te | śes rab kyi pha rol (133b1) tu phyin pa ’di ’chad pa daṅ ston pa daṅ ñe bar ston pa daṅ ’dzin pa daṅ ’chaṅ ba daṅ klog pa daṅ luṅ ’bogs pa daṅ kha ton byed pa daṅ chuṅ ṅu na yi ger ’dri ba la yaṅ bar chad byed par ’gyur sems g-yeṅ bar byed par ’gyur te byaṅ chub sems dpa’ sems dpa’ chen pos (2) bdud kyi las ’di dag rtogs par bya ste rtogs nas kyaṅ spaṅ bar bya’o ||
rab ’byor gźan yaṅ rgyal po yid la byed pa daṅ gźon nu yid la byed pa daṅ glaṅ po che yid la byed pa daṅ rta yid la byed pa daṅ śiṅ rta yid la byed pa daṅ lag can gyi cho lo lta ba yid la byed pa dag ’byuṅ (3) bar ’gyur te | rab ’byor ’di yaṅ byaṅ chub sems dpa’ sems dpa’ chen po de dag gi bdud kyi las su rig par bya’o ||
rab ’byor gźan yaṅ me yid la byed pa daṅ | ’dod pa yid la byed pa daṅ nor daṅ ’bru phun sum tshogs pa yid la byed pa dag ’byuṅ bar (4) ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa ’di ’chad pa daṅ ston pa daṅ ñe bar ston pa daṅ luṅ ’bogs (5) pa daṅ kha ton byed pa daṅ chud du na yi ger ’dri ba dag la bar chad byed par rñed pa dag bkur sti daṅ chos gos daṅ bsod sñoms daṅ mal stan daṅ na ba’i gsos sman daṅ yo byad rnams ’byuṅ bar ’gyur ba daṅ | rñed pa daṅ bkur sti daṅ tshigs su bcad pa dag gi ro myaṅ bas (6) sems la gduṅ ba dag ’byuṅ bar ’gyur te | rab ’byor ’di yaṅ byaṅ chub sems dpa’ sems dpa’ chen po dag gis bdud kyi las su rig par bya ste bdud kyi las ’di dag thams cad rtogs par bya ste de dag rtogs nas kyaṅ spaṅ bar bya ba yin no ||
rab ’byor gźan (7) yaṅ byaṅ chub sems dpa’ sems dpa’ chen po rnams śes rab kyi pha rol tu phyin pa ’di ’chad pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ tha na yi ger ’dri ba dag la | ñan thos daṅ raṅ saṅs rgyas kyi sa daṅ ldan pa’i mdo sde gaṅ dag zab (134a1) mo zab pa dag yod pa de dag badadu sdig can dge sloṅ gi cha byad du ’oṅs nas sbyin par byed par ’gyur te | ’di skad du ’di la slobs śig | ’di bris śig ’di luṅ phog śig ’di kha ton du gyis śig daṅ ’di las thams cad mkhyen pa ñid ’grub par (2) ’gyur ro źes zer na | rab ’byor byaṅ chub sems dpa’ sems dpa’ chen po thabs mkhas pas de dag la dga’ ba mi bskyed do ||
de ci’i phyir źe na | rab ’byor ’di ltar yaṅ mdo sde de dag las stoṅ pa ñid daṅ mtshan ma med pa daṅ smon pa med pa dag bśad mod kyi | (3) yaṅ de las byaṅ chub sems dpa’ sems dpa’ chen po’i thabs mkhas pa ma bstan to ||
de la byaṅ chub sems dpa’ gaṅ dag thabs mkhas pa’i ye śes kyi bye brag mṅon par mi śes pa de dag ni śes rab kyi pha rol tu phyin pa zab mo ’di gtaṅ bar sems te | śes rab kyi (4) pha rol tu phyin pa zab mo ’di btaṅ nas | ñan thos daṅ raṅ saṅs rgyas kyi sa daṅ ldan pa’i mdo sde dag las thabs mkhas pa btsal bar sems par ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (5) gźan yaṅ chos ñan pa dag ’dun pa daṅ ldan źiṅ śes rab kyi pha rol tu phyin pa gzuṅ par ’dod la | chos smra ba sñom las byed par ’gyur te chos ston par mi ’dod na | rab ’byor ’di yaṅ byaṅ chub sems dpa’ sems dpa’ chen pos chogs pa daṅ bral bas bdud kyi las su (6) rig par bya’o ||
rab ’byor gźan yaṅ chos smra ba sñom las med par gyur ciṅ śes rab kyi pha rol tu phyin pa sbyin par ’dod la | chos ñan pa sñom las daṅ bya ba maṅ po daṅ ldan par ’gyur te | rab ’byor ’di yaṅ byaṅ chub sems dpa’ sems dpa’ chen pos tshogs pa daṅ bral (7) bas ’dud kyi las su rig par bya’o ||
rab ’byor gźan yaṅ chos ñan pa dag ’dun pa daṅ ldan źiṅ śes rab kyi pha rol tu phyin pa gzuṅ bar ’dod bcaṅ bar ’dod klag par ’dod kun chub par byed par ’dod rab tu ’don par ’dod tha na yi ger bri bar yaṅ ’dod ciṅ | (134b1) rtogs pa daṅ ldan blo daṅ ldan dran pa daṅ ldan par gyur la | chos smra ba yul gźan du ’gro bar ’gyur te mgo smos pas go ba ma yin pa ’am rnam par spros te go ba ma yin pa ’am mṅon par mi śes pa yin na | rab ’byor ’di yaṅ śes rab kyi pha rol tu phyin pa ’di ’chad pa (2) daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ slob pa daṅ chuṅ ṅu na yi ger ’dri ba de la tshogs pa daṅ bral bar ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan (3) yaṅ chos smra ba sñom las med par ’gyur don mṅon par śes par ’gyur źiṅ | śes rab kyi pha rol tu phyin pa ’di sbyin par ’dod klog tu gźug par ’dod la | chos ñan pa yul gźan du ’gro bar ’gyur te mgo smos pas go ba ma yin rnam par spros te go ba ma yin mṅon (4) par mi śes par gyur na | rab ’byor ’di yaṅ byaṅ chub sems dpa’ sems dpa’ chen pos tshogs pa daṅ bral bas bdud kyi las su rig par bya’o ||
rab ’byor gźan yaṅ chos smra ba zaṅ ziṅ lhur byed rñed pa daṅ bkur sti lhur byed chos gos lhur byed par gyur la | (5) chos ñan pa ni ’dod pa chuṅ źiṅ cho ga śes la rab tu dben pa ’am nor sbyin par mi ’dod par gyur na | rab ’byor ’di yaṅ śes rab kyi pha rol tu phyin pa la bslab pa daṅ bri ba de la tshogs pa daṅ bral bar ’gyur te | rab ’byor ’di yaṅ byaṅ chub sems dpa’ sems (6) dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni dad par gyur ciṅ śes rab kyi pha rol tu phyin pa ’di ñan par ’dod don khoṅ du chud par ’dod nor yoṅs su gtaṅ bar ’dod la | chos smra ba ni dad pa med par ’gyur ba ’am nor len (7) par mi ’dod pa ’am ’dod pa chuṅ ba ’am smra bar mi ’dod na | rab ’byor ’di yaṅ tshogs pa daṅ mi ldan pas bdud kyi las su rig par bya’o ||
rab ’byor gźan yaṅ chos ñan pa ni dad pa daṅ ldan par gyur ba daṅ ñan par bya bar ’dod pa daṅ don khoṅ du chud par bya bar ’dod la | (135a1) chos smra ba la chos kyi bar chad du gyur pas mdo sde de dag med pa ’am mi ’jug na | rab ’byor ’di las kyaṅ chos smra ba ma rñed pa’i chos ñan pa po mi mthun par rjod par ’gyur ro ||
rab ’byor ’di yaṅ śes rab kyi pha rol tu phyin pa thos nas ’dzin pa ’am (2) ’chaṅ ba ’am klog pa ’am yi ger ’dri ba de la tshogs pa daṅ mi ldan par ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ’chad par ’dod la | chos ñan pa ñan mi (3) ’dod na | rab ’byor ’di yaṅ śes rab kyi pha rol tu phyin pa thos nas ’dzin pa’am ’chaṅ ba ’am klog pa ’am yi ger ’dri ba de la tshogs pa daṅ mi ldan par ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par (4) bya’o ||
rab ’byor gźan yaṅ chos ñan pa gñid che bar gyur lus lci bar gyur te | de gñid che ba de daṅ ldan pa daṅ lus sñom pa de daṅ ldan pas ñan mi ’dod par gyur la | chos smra ba ni ’chad ’dod par gyur na | rab ’byor ’di yaṅ tshogs pa daṅ mi ldan par ’gyur te | (5) byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba gñid che bar ’gyur lus lci bar ’gyur te | de gñid che ba daṅ ldan pa daṅ lus sñom pa de daṅ ldan pas ’chad mi ’dod par gyur la | chos ñan pa ni ñan ’dod (6) par gyur na | rab ’byor ’di yaṅ yi ger bri ba daṅ klag pa daṅ kun chub par bya ba de la tshogs pa daṅ mi ldan par ’gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ śes rab kyi pha rol (7) tu phyin pa yi ger ’dri ba daṅ ’chad pa daṅ slob pa la la la źig der ’oṅs nas | sems can dmyal ba’i mi bsṅags pa brjod byol soṅ gi skye gnas kyi mi bsṅags pa brjod yi dgas kyi yul gyi mi bsṅags pa brjod | lha ma yin gyi lus kyi mi bsṅags pa brjod | (135b1) de | sems can dmyal ba ni ’di ltar sdug bsṅal ba’o byol soṅ gi skye gnas ni ’di ltar sdug bsṅal ba’o yi dgas kyi yul ni ’di ltar sdug bsṅal ba’o ||
lha ma yin gyi yul ni ’di ltar sdug bsṅal ba’i ’du byed rnams ni ’di ltar sdug bsṅal ba ste ’di ñid du sdug bsṅal mthar (2) dbyuṅ bar bya’o źes zer na | rab ’byor ’di yaṅ byaṅ chub sems dpa’ sems dpa’ chen pos tshogs pa daṅ mi ldan pas bdud kyi las su rig par bya’o ||
rab ’byor gźan yaṅ śes rab kyi pha rol tu phyin pa yi ger ’dri ba daṅ ’chad pa daṅ slob pa la | la la źig der (3) ’oṅs nas lha’i bsṅags pa brjod de lha rnams ni ’di ltar bde’o mtho ris ni ’di ltar bde’o ’dod pa’i khams su ’dod pa ni ’di ltar bsten to gzugs kyi khams su bsam gtan rnams la ’di ltar mñam par gźog go gzugs med pa’i sñoms par ’jug pa rnams la ’di ltar mñam (4) par gźog go ||
’di yaṅ śes rab kyi sa thams cad brtags na skye ba thams cad sdug bsṅal ba yin te bcom ldan ’das kyis kyaṅ ’di skad du gsuṅs te dge sloṅ dag se gol gtogs pa srid du yaṅ srid par ’grub pa’i bsṅags pa mi ston to ||
’dus byas thams cad ni (5) mi rtag pa srid par soṅ ba thams cad ni sdug bsṅal ba khams gsum pa thams cad ni stoṅ pa chos thams cad ni bdag med pa ste | de ltar na de dag thams cad ni mi brtan pa mi rtag pa sdug bsṅal ba ’gyur ba’i chos can du rig par byas nas | mkhas pa dag gis ’di ñid (6) du rgyun du źugs pa’i ’bras bu thob par bya’o ||
lan cig phyir ’oṅ ba’i ’bras bu daṅ phyir mi ’oṅ ba’i ’bras bu daṅ ’di ñid du dgra bcom pa rab tu thob par bya ste | bdag cag slar ’byor pa daṅ rgud pa’i sdug bsṅal maṅ po de dag daṅ phrad par gyur te re źes zer ba de la byaṅ chub (7) sems dpa’ kha cig skyo bar byed par ’gyur na | rab ’byor ’di yaṅ byaṅ chub sems dpa’ sems dpa’ chen pos tshogs pa daṅ mi ldan pas bdud kyi las su rig par bya’o ||
rab ’byor gźan yaṅ dge sloṅ chos smra ba gaṅ yin pa de ni gcig pu la mṅon par dga’ bar (136a1) ’gyur la | chos ñan pa gaṅ yin pa de dag ni ’khor lhur byed par ’gyur pa daṅ | chos smra ba de yaṅ ’di skad du gaṅ ṅa la bsñen par byed pa de dag la ni ṅas śes rab kyi pha rol tu phyin pa ’di sbyin no gaṅ ṅa la bsñen par mi byed pa de dag la ni mi sbyin no źes (2) par ’gyur źiṅ | rigs kyi bu daṅ rigs kyi bu mo de dag de ltar don du gñer ba daṅ ’dod pa daṅ chos la gus pas chos smra ba la bsñen par byed kyaṅ go skabs ’byed par mi ’gyur ba daṅ | chos smra ba de yaṅ zaṅ ziṅ cuṅ zad tsam ’dod la de yaṅ sbyin par mi ’dod pa daṅ | (3) gaṅ dag gaṅ na mu ge daṅ grub pa daṅ bde ba med pa daṅ srog gi bar chad du ’gyur ba yod pa de daṅ der ’gro bar ’gyur te | chos ñan pa de dag kyaṅ gźan las thos nas phyogs der mu ge byuṅ ste | grub pa daṅ bde ba med ciṅ phyogs der srog gi bar chad du yaṅ ’gyur ro źes rig pa (4) daṅ | chos smra ba de yaṅ rigs kyi bu de dag la ’di skad du rigs kyi bu dag phyogs ’di źes bya bar gal te mu ge’i ’jigs pa byuṅ ste | rigs kyi bu khyod der doṅ na mu ge’i ’jigs pas phyis ’gyod par gyur te re źes zer nas | de dag de ltar chos smra ba des thabs pra (5) mos spoṅ ste | de dag kyaṅ yid byuṅ nas ’di ltar śes te | ’di dag ni spoṅ ba’i mtshan ma yin gyi ’di dag ni sbyin par ’dod pa’i mtshan ma ma yin te | ’di ni sbyin mi ’dod do źes rig pas bsñen par mi byed par ’gyur te | rab ’byor ’di yaṅ śes rab kyi pha rol tu (6) phyin pa ’di ’dri ba daṅ slob pa daṅ ston pa daṅ ñe bar ston pa daṅ luṅ ’bogs pa daṅ | kha ton byed pa de la tshogs pa daṅ mi ldan par gyur te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra (7) ba de gaṅ na srog chags kyi ’jigs pa yod pa daṅ gaṅ na gcan gzan gyi ’jigs pa yod pa daṅ | gaṅ na mi ma yin pas ’jigs pa yod pa der ’jug par ’gyur te | der ’gro ’am ’dug pa daṅ | gcan gzan gyi dgon pa ’am | sdig sbrul gyi dgon pa daṅ | (136b1) chom rkun gyi dgon pa daṅ chu’i dgon pa daṅ mu ge’i dgon pa gaṅ na yod pa der ’gro bar ’gyur te de chos ñan pa de dag la ’di skad du rigs kyi bu dag śes par gyis śig | ṅa ni yul gaṅ na srog chags kyis ’jigs pa daṅ gcan gzan gyis ’jigs pa daṅ śa (2) zas ’jigs pa daṅ sdig sbrul gyi dgon pa daṅ chom rkun gyi dgon pa daṅ chu’i dgon pa daṅ mu ge’i dgon gaṅ na yod pa der ’gro’o ||
rigs kyi bu dag śes par gyis śig | khyod sdug bsṅal ’di dag myoṅ bar nus sam źes zer źiṅ de dag thabs phra mos spoṅ (3) bar ’gyur te | de nas de dag kyaṅ yid ’byuṅ bar ’gyur ro ||
yid byuṅ nas de la bsñen par mi byed ciṅ phyir ldog par ’gyur te | rab ’byor śis rab kyi pha rol tu phyin pa luṅ ’bogs pa daṅ kha ton byed pa daṅ yi ger ’dri ba’i bar la bar chad ’di dag ’byuṅ bar ’gyur ro ||
(4) rab ’byor ’di yaṅ byaṅ chub sems dpa’ sems dpa’ chen pos tshogs pa daṅ mi ldan par ’gyur bas bdud kyi yas su rig par bya’o ||
rab ’byor gźan yaṅ dge sloṅ chos smra ba ni mdza’ bo’i khyim daṅ sloṅs mo ster ba’i khyim lhur len par ’gyur te | de mdza’ ba’i khyim daṅ (5) sloṅs mo ster ba’i khyim lhur len pa des rtag tu mdza’ bo’i khyim daṅ sloṅs mo ster ba’i khyim la blta bar ñe bar ’gro bar sems te | de rtag tu lta ba des bya ba maṅ ba’i phyir chos ñan pa de dag spoṅ bar ’gyur te re śig ṅa la cuṅ zad blta bar bya ba źig yod do ||
ṅa la cuṅ zad (6) ’gro dgos pa źig yod do źes zer na | rab ’byor ’di yaṅ śes rab kyi pha rol tu phyin pa bri ba daṅ kun chub par bya ba de la tshogs pa daṅ mi ldan par ’gyur te | rab ’byor ’di yaṅ byaṅ chub sems dpa’ sems dpa’ chen pos tshogs pa daṅ mi ldan pas bdud kyi las su rig (7) par bya’o ||
rab ’byor de ltar bdud sdig can ni ci nas śes rab kyi pha rol tu phyin pa ’di su yaṅ mi ’dzin pa daṅ mi ’chaṅ ba daṅ mi klog pa daṅ kun chub par mi byed pa daṅ rab tu ’don par mi byed pa daṅ mi ston pa daṅ ñe bar mi ston pa daṅ luṅ ’bogs par mi byed pa daṅ kha ton du (137a1) mi byed pa daṅ yi ger mi ’dri ba daṅ yi ger ’drir mi ’jug pa de ltar rnam pa de daṅ de dag gis de lta de ltar rtsol bar ’gyur ro ||
rab ’byor de lta bas na bar chad ci sñed tshogs pa daṅ mi ldan par ’gyur ba de dag thams cad byaṅ chub sems dpa’ sems dpa’ (2) chen pos bdud kyi las su rig par bya ste rig nas spaṅ bar bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das rgyu ci’i slad du ’di ltar bdud sdig can ci nas śes rab kyi pha rol tu phyin (3) pa ’di su yaṅ mi ’dzin pa daṅ mi ’chaṅ ba daṅ mi klog pa daṅ kun chub par mi bgyid pa daṅ rab tu ’don par mi bgyid pa daṅ mi ston pa daṅ ñe bar mi ston pa daṅ luṅ ’bogs par mi bgyid pa daṅ kha ton du mi bgyid pa daṅ yi ger mi ’dri ba daṅ yi ger ’drir mi ’jug pa de lta de ltar thabs su (4) sbyor źiṅ ’bad pa cher rtsol | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor saṅs rgyas bcom ldan ’das rnams kyi thams cad mkhyen pa ñid ni śes rab kyi pha rol tu phyin pa las skyes so ||
(5) de bźin gśegs pa’i bstan pa ni thams cad mkhyen pa ñid las byuṅ ṅo ||
de bźin gśegs pa’i bstan pa las ni sems can gźal du med graṅs med bsam gyis mi khyab pa’i ñon moṅs pa spoṅ ba ’byuṅ ṅo ||
ñon moṅs pa spaṅs pa la ni bdud sdig can gyis glags (6) mi rñed do ||
ma rñed pas sdug bsṅal gyis yid gzir ciṅ yid mi bde ste mya ṅan gyi zug rṅu khoṅ du chud par ’gyur ro ||
de’i phyir śes rab kyi pha rol tu phyin pa yi ger ’dri ba ’am kun chub par byed pa ’am slob par byed pa la rab tu mi dga’ źiṅ ’bad pa chen pos brtson pa cher (7) byed de | ci nas śes rab kyi pha rol tu phyin pa ’di su yaṅ mi ’dri ba daṅ kun chub par mi byed slob par mi byed pa de lta de ltar thabs su sbyor źiṅ brtson pa cher byed do ||
rab ’byor gźan yuṅ bdud sdig can dge sbyoṅ gi cha byad du ’oṅs nas ’byed par byed par ’gyur te | rab (137b1) ’byor byaṅ chub sems dpa’ theg pa la gsar du źugs pa blo chuṅ ba blo źan pa blo dman pa ldoṅs par gyur pa bla na med pa yaṅ dag par rdzogs pa’i byaṅ chub tu luṅ ma bstan pa’i rigs kyi bu de dag ’di ltar ’bral bar byed de | gaṅ tshe daṅ ldan pa khyed ñan pa ’di ni śes rab (2) kyi pha rol tu phyin pa ma yin te | yaṅ ci ltar ṅa’i mdo sde’i naṅ du chud ciṅ mdo sde’i naṅ du gtogs pa ’di ni śes rab kyi pha rol tu phyin pa yin no źes rab ’byor de ltar bdud sdig can gyis the tshom za bas spoṅ du ’jug ste | rab ’byor yaṅ de ltar bdud sdig can dge sbyoṅ (3) gi cha byad du ’oṅs nas dbye ba byas nas byaṅ chub sems dpa’ theg pa la gsar du źugs pa blo chuṅ ba blo źan pa blo dman pa ldoṅs par gyur pa bla na med pa yaṅ dag par rdzogs pa’i byaṅ chub tu luṅ ma bstan pa dag the tshom zar ’jug go ||
de dag the tshom du gyur nas śes rab kyi (4) pha rol tu phyin pa ’di mi ’dzin mi ’chaṅ mi klog kun chub par mi byed rab tu ’don par mi byed mi ston ñe bar mi ston luṅ ’bogs par mi byed kha ton du mi byed yi ger mi ’dri yi ger ’drir mi ’jug par ’gyur te | rab ’byor ’di yaṅ byaṅ chub sems dpa’ sems dpa’ chen pos bdud (5) kyi las su rig par bya’o ||
rab ’byor gźan yaṅ bdud sdig can gyis dge sloṅ du sprul te saṅs rgyas kyi cha byad du ’oṅs nas byaṅ chub sems dpa’ gaṅ chos zab mo dag la spyod pa de ni yaṅ dag pa’i mtha’ mṅon du byed ciṅ de ñan thos su ’gyur gyi byaṅ chub sems dpar mi ’gyur te | (6) dper na byaṅ chub sems dpa’ ’di bźin no źes bdud kyi las ñe bar sbyor te | rab ’byor ’di yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor de ltar śes rab kyi pha rol tu phyin pa ’di yi ger ’dri ba daṅ kun chub par byed pa daṅ slob (7) par byed pa la bdud sdig can gyi bdud kyi las gźan daṅ gźan dag maṅ du ’byuṅ bar ’gyur te | de dag byaṅ chub sems dpa’ sems dpa’ chen pos rtogs par bya’o rtogs nas yoṅs su spaṅ bar bya’o bsten par mi bya’o gźan du na brtson ’grus brtsams śiṅ dran pa daṅ (138a1) śes bźin daṅ yaṅ ldan par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de de bźin no bde bar gśegs pa de de bźin te | bcom ldan ’das nor bu rin (2) po che chen po gaṅ lags pa de dag la dgra maṅ ṅo ||
de ci’i slad du źe na | bcom ldan ’das ’di lta ste | rñed par dka’ źiṅ rin che ba’i slad du ste de dag dbyig lags pas na de’i slad du de dag la dgra maṅ bar ’gyur ro ||
de bźin du bcom ldan ’das śes rab kyi pha rol (3) tu phyin pa ’di la yaṅ phal cher bar du gcod pa maṅ du ’byuṅ ṅo ||
bcom ldan ’das de la gaṅ dag bar du gcod pa’i dbaṅ gis le lo can du ’gyur źiṅ | gaṅ dag śes rab kyi pha rol tu phyin pa ’di mi ’dzin par sems pa daṅ mi ’chaṅ ba daṅ mi klog pa daṅ kun chub par mi (4) bgyid pa daṅ rab tu ’don par mi bgyid pa daṅ mi ston pa daṅ ñe bar mi ston pa daṅ luṅ ’bogs par mi bgyid pa daṅ kha ton du mi bgyid pa daṅ yi ger mi ’dri ba daṅ chuṅ ṅu na yi ger ’drir mi ’jug par yaṅ sems pa’i byaṅ chub sems dpa’ de dag ni | bdud kyis byin gyis brlabs pa (5) lags pa daṅ bcom ldan ’das de dag ni theg pa la gsar du źugs pa lags pa daṅ de dag blo chuṅ ba lags pa daṅ blo dman pa lags pa daṅ blo źan pa lags pa daṅ | bcom ldan ’das de dag ni blo phyin ci log lags śiṅ de dag gi sems chos rgya chen po rgya chen po dag la mi ’jug (6) par yaṅ rig par bgyi’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | gaṅ dag śes rab kyi pha rol tu phyin pa ’di mi ’dzin par sems pa daṅ mi ’chaṅ ba daṅ | mi (7) klog pa daṅ kun chub par mi byed pa daṅ rab tu ’don par mi byed pa daṅ mi ston pa daṅ ñe bar mi ston pa daṅ luṅ ’bogs par mi byed pa daṅ kha ton du mi byed pa daṅ yi ger mi ’dri ba daṅ chuṅ ṅu na yi gar ’drir mi ’jug par yaṅ sems pa’i byaṅ chub sems dpa’ de dag ni | rab ’byor bdud kyis (138b1) byin gyis brlabs par rig par bya ste rab ’byor byaṅ chub sems dpa’ de dag theg pa la gsar du źugs pa yin no de dag ni blo chuṅ ba rnams yin no de dag ni blo dman pa rnams yin no de dag ni blo źan pa rnams yin no ||
rab ’byor de dag ni blo phyin ci log pa rnams yin no de (2) dgra ni chos rgya chen po rgya chen po dag la sems mi ’jug par ’gyur ro ||
rab ’byor ’di ltar yaṅ bdud kyi las ’byuṅ bar ’gyur źiṅ bdud kyi ñes pa daṅ bar du gcod par byed pa maṅ du ’byuṅ mod kyi de lta na yaṅ rab ’byor gaṅ dag śes rab kyi pha rol tu phyin pa ’di ’dzin par sems (3) śiṅ ’chaṅ ba daṅ klog pa daṅ kun chub par byed pa daṅ rab tu ’don par byed pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa daṅ yi ger ’dri ba daṅ chuṅ ṅu na yi ger ’drir ’jug par sems na yaṅ | rab ’byor de ni saṅs rgyas kyi mthu daṅ saṅs rgyas kyi (4) byin gyi rlabs daṅ saṅs rgyas kyis yoṅs su bzuṅ bas | de dag ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don par byed pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa daṅ yi ger ’dri ba daṅ chuṅ ṅu na yi ger ’drir ’jug (5) par rig par bya’o ||
de ci’i phyir źe na | ’di la bdud sdig can yaṅ bar chad bya ba’i phyir brtson pa cher byed pa de bźin gśegs pa dgra bcom pa yaṅ dag par rdzogs pa’i saṅs rgyas kyaṅ yoṅs su bzuṅ ba’i phyir brtson pa cher mdzad do ||
’phags pa śes rab kyi pha rol tu (6) phyin pa brgyad stoṅ pa las bdud kyi las kyi le’u źes bya ste bcu gcig pa’o || ||
śes rab kyi pha rol tu phyin pa brgyad stoṅ pa | bam po bcu gñis pa | de nas yaṅ bcom ldan ’das kyis tshe daṅ ldan pa rab ’byor la bka’ stsal pa | rab ’byor ’di lta (7) ste | dper na bud med ’ga’ źig la bu maṅ du yod de | lṅa ’am bcu ’am | ñi śu ’am sum cu ’am | bźi bcu ’am lṅa bcu ’am | brgya ’am stoṅ ṅam brgya stoṅ yod la | de dag thams cad kyi ma na bar gyur na | de dag bdag cag gi ma ci nas srog gi bar chad du mi ’gyur ba (139a1) daṅ | bdag cag gi ma ci nas yun riṅ du ’tsho bar ’gyur ba daṅ | bdag cag gi ma ci nas lus ma ruṅ bar mi ’gyur ba daṅ | bdag cag gi ma ci nas yun riṅ du gnas par ’gyur ba daṅ | bdag cag gi ma ci nas ñam ñes par mi ’gyur ba daṅ | (2) bdag cag gi ma la ci nas sdug bsṅal gyi tshor ba mi ’byuṅ ba daṅ | ’di la rig par mi gnas pa med pa daṅ | lus la yid du mi ’oṅ ba mi ’byuṅ bar ’bad ciṅ rtsol lo ||
de ci’i phyir źe na | ’dis ni bdag cag bskyed de ’di ni dka’ ba byed pa bdag cag gi srog sbyin (3) pa ’jig rten kun tu ston pa yin no sñam pas ’di la sdug bsṅal gyi tshor ba ’am sdug bsṅal gyi reg pa gaṅ yaṅ ’byuṅ ṅa re źes bu de dag ma de la bde bar sbyar ba thams cad kyis legs par gzuṅ bas ’dzin legs par sba bas ’dzin legs par sba bas sbed legs par bcos pas ’chos śiṅ | ’di’i (4) mig gam rna ba ’am sna ’am lce ’am lus sam yid la rluṅ ṅam mkhris pa ’am bad kan nam ’dus pa ’am sbraṅ bu ’am śa sbraṅ ṅam sdig sbrul lam mi ’am mi ma yin pa ’am kun tu ’bab pa ’am ñam thag pa ’am ye ’drog gam mi ’dod pa ’byuṅ ba lus la ’byuṅ ṅa re źes de ltar bu de dag (5) gis ma de la bsams te | bde bar sbyar ba thams cad kyis ’di ni bdag cag gi ma skyed pa dga’ ba byed pa ’di ni bdag cag gi srog sbyin par byed pa ’jig rten ston pa’o źes ’chos śiṅ bdag ger byed sbed par byed do ||
rab ’byor de bźin du de bźin gśegs pa dgra bcom (6) pa yaṅ dag par rdzogs pa’i saṅs rgyas rnams kyaṅ śes rab kyi pha rol tu phyin pa ’di la dgoṅs te | gaṅ dag de dag yi ger ’dri ba daṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton (7) byed pa de dag thams cad kyaṅ de bźin gśegs pa dgra bcom pa yaṅ dag par rdzogs pa’i saṅs rgyas kyi mthu daṅ byin gyi rlabs daṅ dgoṅs pa las ’gyur ro ||
’jig rten gyi khams gźan daṅ gźan dag na de bźin gśegs pa dgra bcom pa yaṅ dag par rdzogs pa’i (139b1) saṅs rgyas gaṅ ji sñed cig skye bo maṅ po la phan pa daṅ skye bo maṅ pho la bde ba daṅ ’jig rten la thugs brtse ba daṅ skye bo phal bo che’i don daṅ phan pa daṅ bde ba daṅ lha daṅ mi rnams daṅ sems can thams cad la thugs brtse ba dag thugs brtse ba’i phyir da ltar bźugs te ’tsho (2) źeṅ gźes pa de dag thams cad kyaṅ śes rab kyi pha rol tu phyin pa ’di ñid la dgoṅs te | śes rab kyi pha rol tu phyin pa ’di ci nas kyaṅ riṅ du gnas par ’gyur ba daṅ ci nas kyaṅ śes rab kyi pha rol tu phyin pa ’di’i miṅ ’jig par mi ’gyur ba daṅ ci nas kyaṅ śes rab kyi (3) pha rol tu phyin pa ’di ’chad pa daṅ | yi ger ’dri ba daṅ slob pa la bdud sdig can nam bdud kyi ris kyi lha dag par chad byed par mi ’gyur bar mdzad do ||
rab ’byor de ltar de bźin gśegs pa dag bcom pa yaṅ dag par rdzogs pa’i saṅs rgyas rnams kyaṅ śes (4) rab kyi pha rol tu phyin pa ’di ’chos śiṅ bdag gir mdzad de sbed do ||
de ci’i phyir źe na | ’di ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi yum ste skyed pa’o thams cad mkhyen pa ñid ston pa’o ’jig rten kun tu ston pa’o ||
rab (5) ’byor de bźin gśegs pa dgra bcom pa yaṅ dag par rdzogs pa’i saṅs rgyas rnams ni ’di las skyes te | rab ’byor śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la thams cad mkhyen pa’i ye śes skyed (6) par byed pa’o ston par byed pa’o ||
de ltar ’jig rten ’di kun tu ston pa’o ||
rab ’byor de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thams cad mkhyen pa ñid ni ’di las skyes so ||
rab ’byor ’das pa’i dus na de bźin gśegs (7) pa dgra bcom pa yaṅ dag par rdzogs pa’i saṅs rgyas gaṅ su dag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa de dag thams cad kyaṅ śes rab kyi pha rol tu phyin pa ’di ñid la brten nas bla na med pa yaṅ dag par rdzogs pa’i byaṅ chub (140a1) mṅon par rdzogs par saṅs rgyas so ||
rab ’byor phyi ma ma ’oṅs pa’i dus na ’byuṅ bar ’gyur ba’i de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag bla na med pa yaṅ dag par rdzogs pa’i byaṅ chub mṅon par rdzogs (2) par ’tshaṅ rgya ba de dag thams cad kyaṅ śes rab kyi pha rol tu phyin pa ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
rab ’byor da ltar gyi dus na ’jig rten gyi khams gźal du med ciṅ graṅs (3) med pa’i phyogs bcu’i ’jig rten gyi khams na | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag skye po maṅ po la phan pa daṅ skye bo maṅ po la bde ba daṅ ’jig rten la thugs brtse ba daṅ skye bo phal po che’i don daṅ phan pa daṅ bde ba daṅ (4) lha daṅ mi rnams daṅ sems can thams cad la thugs brtse ba dag thugs brtse ba’i phyir bźugs te ’tsho źiṅ gźes pa dag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa de dag thams cad kyaṅ śes rab kyi pha rol tu phyin pa ’di ñid la (5) brten nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
rab ’byor da ltar de bźin gśegs pa dgra bcom pa yaṅ dag par rdzogs pa’i saṅs rgyas bla na med pa yaṅ dag par rdzogs pa’i byaṅ chub mṅon par rdzogs pa’i (6) saṅs rgyas pa yaṅ śes rab kyi pha rol tu phyin pa ’di ñid la brten nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
rab ’byor de ltar na śes rab kyi pha rol tu phyin pa ’di ni de bźin gśegs pa dgra bcom pa yaṅ dag par rdzogs (7) pa’i saṅs rgyas rnams skyed par byed pa ste de ltar na ’di ni ’jig rten kun tu ston par byed pa’o ||
de nas bcom ldan ’das la tshe daṅ ldan pa rab ’byor gyis ’di skad ces gsol te ||
bcom ldan ’das kyis gaṅ ’di skad du śes rab kyi pha rol tu phyin pa ni de bźin gśegs (140b1) pa dgra bcom pa yaṅ dag par rdzogs pa’i saṅs rgyas rnams la ’jig rten ’di ston pa’o źes bka’ stsal na | bcom ldan ’das ci ltar śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten sṅan pa lags (2) bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis ’jig rten du gsuṅs pa gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor phuṅ po (3) lṅa rnams ni de bźin gśegs pas ’jig rten du gsuṅs te | lṅa gaṅ źe na | ’di lta ste gzugs daṅ tshor ba daṅ ’du śes daṅ ’du byed rnams daṅ rnam par śes pa ste rab ’byor phuṅ po ’di lṅa ni de bźin gśegs pas ’jig rten źes gsuṅs so ||
rab ’byor gyis (4) gsol pa | bcom ldan ’das de bźin gśegs pa la śes rab kyi pha rol tu phyin pas phuṅ po lṅa ci ltar bstan bcom ldan ’das śes rab kyi pha rol tu phyin pas ci źig bstan | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces (5) bka’ stsal to ||
rab ’byor mi ’jig rab tu mi ’jig pas na phuṅ po lṅa ’jig rten no źes de bźin gśegs pa rnams la śes rab kyi pha rol tu phyin pas bstan to ||
de ci’i phyir mi ’jig rab tu mi ’jig ces bstan ce na | rab ’byor phuṅ po lṅa rnams ni ṅo bo ñid med pas na (6) stoṅ pa ñid kyi ṅo bo ñid do ||
rab ’byor stoṅ pa ñid ni ’jig pa ’am rab tu ’jig pa ma yin te rab ’byor de ltar śes rab kyi pha rol tu phyin pa ’di de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten ’di ston pa’o ||
rab ’byor (7) mtshan ma med pa ’am smon pa med pa ’am mṅon par ’du mi byed pa ’am mi skye ba ’am dṅos po med pa’am chos kyi dbyiṅs mi ’jig rab tu mi ’jig pa | rab ’byor de ltar śes rab kyi pha rol tu phyin pa ’di de bźin gśegs pa dgra bcom pa yaṅ dag par rdzogs pa’i saṅs rgyas (141a1) rnams la ’jig rten ’di ston pa’o ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med sems can graṅs med pa’o źes yaṅ dag pa ji lta ba bźin du rab tu mkhyen to ||
rab ’byor (2) ji ltar na de bźin gśegs pas śes rab kyi pha rol tu phyin pa ’di la brten te | sems can gźal du med sems can graṅs med pa’o źes yaṅ dag pa ci lta ba bźin du rab tu mkhyen ce na | rab ’byor sems can ṅo bo ñid med pa’i phyir | sems can gźal du med (3) sems can graṅs med pa’o źes de bźin gśegs pas yaṅ dag pa ci lta ba bźin du rab tu mkhyen to ||
rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med sems can graṅs med pa rnams yaṅ dag pa ci (4) lta ba bźin du rab tu mkhyen to ||
rab ’byor gźan yaṅ sems can dṅos po med pa’i phyir de bźin gśegs pas sems can gźal du med sems can graṅs med pa dag gi sems kyi spyod pa de dag kyaṅ rab tu mkhyen te | rab ’byor de ltar de bźin gśegs pas (5) śes rab kyi pha rol tu phyin pa ’di la brten nas sems can gźal du med graṅs med pa dag gi sems kyi spyod pa gźal du med graṅs med pa rnams yaṅ dag pa ji lta ba bźin du rab tu mkhyen to ||
rab ’byor de ltar śes rab kyi pha rol tu phyin pa ni de bźin gśegs pa (6) dgra bcom pa yaṅ dag par rdzogs pa’i saṅs rgyas rnams la ’jig rten ’di ston pa’o ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten te sems can gźal du med graṅs med pa dag gi sems bsdus pa rnams sems bsdus pa’o (7) źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med graṅs med pa dag gi sems bsdus pa rnams sems bsdus pa’o źes yaṅ dag pa ci lta ba bźin du rab tu (141b1) mkhyen ce na | de bsdus pa daṅ bcas pa zad pa ñid du daṅ zad pa yaṅ ma zad pa ñid du yaṅ dag pa ci lta ba bźin du rab tu mkhyen te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems (2) bsdus pa rnams sems bsdus pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems g-yeṅs pa rnams sems g-yeṅs pa’o (3) źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems g-yeṅs pa rnams sems g-yeṅs pa’o źes yaṅ dag pa ci lta ba bźin du rab tu (4) mkhyen ce na | rab ’byor chos ñid las sems g-yeṅs pa’i sems de dag ni mtshan ñid med pa sems de dag ni mi zad pa rnam par mi zad pa ma g-yeṅs par sems de dag yaṅ dag pa ji lta ba bźin du rab tu mkhyen te | rab ’byor de ltar de bźin gśegs pas śes (5) rab kyi pha rol tu phyin pa ’di la brten nas sems can gźal du med pa dag gi sems g-yeṅs pa rnams sems g-yeṅs pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten te | (6) sems can gźal du med graṅs med pa dag gi sems gźal du med pa mi zad pa la sems gźal du med pa mi zad pa’o źes yaṅ dag pa ci lta ba bźin du rab tu mkhyen to ||
rab ’byor ci ltar na de bźin gśegs pas śes rab kyi pha rol tu phyin pa ’di la brten nas sems (7) can gźal du med graṅs med pa dag gi sems gźal du med ciṅ mi zad pa la sems gźal du med ciṅ mi zad pa’o źes yaṅ dag pa ci lta ba bźin du rab tu mkhyen ce na | rab ’byor gaṅ gis de ltar nam mkha’ bźin du gźal du med ciṅ mi zad pas na sems gźal du med ciṅ (142a1) mi zad par yaṅ dag pa ji lta ba bźin du rab tu śes pa de’i sems de ni de bźin gśegs pas byin gyis brlabs ’gag pa med pa skye ba med pa gnas pa med pa rten med pa gźal du med pa mi zad pa yin te | rab ’byor de ltar de bźin gśegs pas śes rab (2) kyi pha rol tu phyin pa ’di la brten nas sems can gźal du med graṅs med pa dag gi sems gźal du med ciṅ mi zad pa la sems gźal du med ciṅ mi zad pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol (3) tu phyin pa ’di la brten nas sems can gźal du med pa dag gi kun nas ñon moṅs par gyur pa’i sems rnams kun nas ñon moṅs par gyur pa’i sems so śes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu (4) phyin pa ’di la brten nas sems can gźal du med pa dag gi kun nas ñon moṅs par gyur pa’i sems rnams kun nas ñon moṅs par gyur pa’i sems so źes yaṅ dag pa ci lta ba bźin du rab tu mkhyen ce na | rab ’byor sems de dag ni kun nas ñon moṅs pas kun nas (5) ñon moṅs par gyur pa ma yin źiṅ brdar btags pa med pa ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems kun nas ñon moṅs par gyur pa dag sems kun nas ñon moṅs par gyur (6) pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems kun nas ñon moṅs par ma gyur pa rnams sems kun nas ñon moṅs par ma gyur (7) pa’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems kun nas ñon moṅs par ma gyur pa rnams sems kun nas ñon moṅs par ma gyur pa’o (142b1) źes yaṅ dag pa ci lta ba bźin du rab tu mkhyen ce na | rab ’byor sems de dag raṅ bźin gyis ’od gsal ba ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems kun (2) nas ñon moṅs par ma gyur pa rnams sems kun nas ñon moṅs par ma gyur pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med (3) pa dag gi sems gnas pa rnams sems gnas pa’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems gnas pa rnams sems gnas pa’o (4) źes yaṅ dag pa ci lta ba bźin du rab tu mkhyen ce na | rab ’byor sems de dag ni gźi med pa la gnas pa ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems gnas pa rnams sems gnas (5) pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rab tu bzuṅ ba rnams sems rab tu bzuṅ pa’o źes yaṅ dag pa ji lta ba bźin du (6) rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rab tu bzuṅ ba rnams sems rab tu bzuṅ ba’o źes yaṅ dag pa ci lta ba bźin du rab tu mkhyen ce na | rab ’byor sems de (7) dag ni bzuṅ ba ma yin źiṅ rab tu gzuṅ bar bya ba ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rab tu bzuṅ ba rnams sems rab tu bzuṅ ba’o źes yaṅ dag pa ci lta ba bźin du (143a1) rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa daṅ bcas pa rnams sems zag pa daṅ bcas pa’o źes yaṅ dag pa ci lta ba bźin du rab tu (2) mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa daṅ bcas pa rnams sems zag pa daṅ bcas pa’o źes yaṅ dag pa ci lta ba bźin du rab tu mkhyen ce na | rab ’byor sems (3) de dag ni ṅo bo ñid med ciṅ med pa daṅ ’dra ba yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa daṅ bcas pa rnams sems zag pa daṅ bcas pa’o źes yaṅ dag pa ji lta ba bźin (4) du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa med pa rnams sems zag pa med pa’o źes yaṅ dag pa ji lta ba bźin du rab tu mkhyen to ||
rab ’byor (5) ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa med pa rnams sems zag pa med pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni dṅos po med par gźol (6) ba lhun gyis grub pa ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems zag pa med pa rnams sems zag pa med pa’o źes yaṅ dag pa ji lta ba bźin du rab tu mkhyen to ||
rab ’byor gźan (7) yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems ’dod chags daṅ bcas pa rnams sems ’dod chags daṅ bcas pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas (143b1) śes rab kyi pha rol tu phyin pa ’di la brten nas sems can gźal du med pa dag gi sems ’dod chags daṅ bcas pa rnams sems ’dod chags daṅ bcas pa’o źes yaṅ dag pa ji lta ba bźin du rab tu mkhyen ce na | rab ’byor sems kyi ’dod chags daṅ bcas pa gaṅ yin pa de (2) ni sems kyi yaṅ dag pa ci lta ba ñid ma yin sems kyi yaṅ dag pa ci lta ba ñid gaṅ yin pa de ni ’dod chags daṅ bcas pa’i sems ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems ’dod (3) chags daṅ bcas pa rnams sems ’dod chags daṅ bcas pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems ’dod chags daṅ (4) bral ba rnams sems ’dod chags daṅ bral ba’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems ’dod chags daṅ bral ba rnams sems ’dod (5) chags daṅ bral ba’o źes yaṅ dag pa ji lta ba bźin du rab tu mkhyen ce na | rab ’byor sems kyi bral ba gaṅ yin pa de ni sems kyi ’dod chags daṅ bcas pa ñid ma yin ’dod chags daṅ bral ba’i sems kyi yaṅ dag pa ci lta ba ñid gaṅ yin pa de ni sems kyi ’dod chags daṅ bcas (6) pa ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems ’dod chags daṅ bral ba rnams sems ’dod chags daṅ bral ba’o źes yaṅ dag pa ji lta ba bźin du rab tu mkhyen to ||
rab (7) ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems źe sdaṅ daṅ bcas pa rnams sems źe sdaṅ daṅ bcas pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs (144a1) pas śes rab kyi pha rol tu phyin pa ’di la brten nas sems can gźal du med pa dag gi sems źe sdaṅ daṅ bcas pa rnams sems źe sdaṅ daṅ bcas pa’o źes yaṅ dag pa ji lta ba bźin du rab tu mkhyen ce na | rab ’byor sems kyi źe sdaṅ daṅ bcas pa gaṅ yin pa de ni sems kyi (2) yaṅ dag pa ji lta ba ñid ma yin rab ’byor sems kyi yaṅ dag pa ci lta ba ñid gaṅ yin pa de ni sems kyi źe sdaṅ daṅ bcas pa ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems źe sdaṅ daṅ bcas (3) pa rnams sems źe sdaṅ daṅ bcas pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems źe sdaṅ daṅ bral ba rnams sems źe sdaṅ daṅ bral (4) ba’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems źe sdaṅ daṅ bral ba rnams la sems źe sdaṅ daṅ bral ba’o źes yaṅ dag pa ji lta ba bźin du (5) rab tu mkhyen ce na | rab ’byor sems kyi bral ba gaṅ yin pa de ni źe sdaṅ daṅ bcas pa ma yin źe sdaṅ daṅ bral ba’i sems kyi yaṅ dag pa ci lta ba ñid gaṅ yin pa de ni sems źe sdaṅ daṅ bcas pa ma yin te | rab ’byor de ltar de bźin gśegs pas śes rab kyi pha rol tu phyin pa (6) ’di la brten nas sems can gźal du med pa dag gi sems źe sdaṅ daṅ bral ba rnams sems źe sdaṅ daṅ bral ba’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can (7) gźal du med pa dag gi sems gti mug daṅ bcas pa rnams sems gti mug daṅ bcas pa’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems (144b1) gti mug daṅ bcas pa rnams sems gti mug daṅ bcas pa’o źes yaṅ dag pa ci lta ba bźin du rab tu mkhyen ce na | rab ’byor sems kyi gti mug daṅ bcas pa gaṅ yin pa de ni sems kyi yaṅ dag pa ñid ci lta ba bźin ma yin sems kyi yaṅ dag pa ci lta ba ñid (2) gaṅ yin pa de ni sems kyi gti mug daṅ bcas pa ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems gti mug daṅ bcas pa rnams sems gti mug daṅ bcas pa’o źes (3) yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems gti mug daṅ bral ba rnams sems gti mug daṅ bral ba’o źes yaṅ dag pa ci lta ba bźin (4) du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med bdag gi sems gti mug daṅ bral ba rnams sems gti mug daṅ bral ba’o źes yaṅ dag pa ci lta ba bźin du rab tu mkhyen ce na | rab ’byor (5) sems kyi bral ba gaṅ yin pa de ni sems kyi gti mug daṅ bcas pa ma yin gti mug daṅ bral ba’i sems kyi yaṅ dag pa ci lta ba ñid gaṅ yin pa de ni sems kyi gti mug daṅ bcas pa ma yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas (6) sems can gźal du med pa dag gi sems gti mug daṅ bral ba rnams sems gti mug daṅ bral ba’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag (7) gi sems rgya chen po ma yin pa rnams sems rgya chen po ma yin pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rgya chen po ma yin pa rnams (145a1) sems rgya chen po ma yin pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni kun nas sloṅ ba daṅ mi ldan pa kun nas sloṅ ba med par gtogs pa’o ||
rab ’byor de ltar de bźin gśegs pas śes rab kyi pha rol tu phyin pa ’di la (2) brten nas sems can gźal du med pa dag gi sems rgya chen po ma yin pa rnams sems rgya chen po ma yin pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal | (3) du med pa dag gi sems rgya chen po rnams sems rgya chen po’o źes yaṅ dag pa ji lta ba bźin du rab tu mkhyen te | rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rgya chen po rnams sems rgya chen (4) po’o źes yaṅ dag pa ji lta ba bźin du rab tu mkhyen ce na | rab ’byor sems de dag ni mi ’bri sems de dag ni mi ’phel źiṅ | sems rnams bral ba med pa’i phyir sems de dag ni rnam par bral ba med pa ste | rab ’byor de ltar de bźin gśegs pas śes rab kyi pha rol tu (5) phyin pa ’di la brten nas sems can gźal du med pa dag gi sems rgya chen po rnams sems rgya chen po’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi (6) sems chen por gyur pa ma yin pa rnams sems chen por gyur pa ma yin pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems chen por gyur pa ma (7) yin pa rnams sems chen por gyur pa ma yin pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni ’oṅ ba med pa ’gro ba med pa ma gtogs pa ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems (145b1) can gźal du med pa dag gi sems chen por gyur pa ma yin pa rnams sems chen por gyur pa ma yin pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du (2) med pa dag gi sems chen por gyur pa rnams sems chen por gyur pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems chen por gyur pa (3) rnams sems chen por gyur pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni mñam pa ñid kyis mñam pa yin te ṅo bo ñid kyis mñam pa’o ||
rab ’byor de ltar de bźin gśegs pas śes rab kyi pha rol tu phyin pa ’di la brten nas (4) sems can gźal du med pa dag gi sems chen por gyur pa rnams sems chen por gyur pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi (5) sems tshad ma med pa rnams sems tshad ma med pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems tshad ma med pa rnams sems tshad ma med (6) pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni rten med pas sems tshad ma med pa yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems tshad ma (7) med pa rnams sems tshad ma med pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du yod pa rnams sems bstan du yod pa’o (146a1) źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du yod pa rnams sems bstan du yod pa’o źes yaṅ dag pa ji lta ba bźin du rab (2) tu mkhyen ce na | rab ’byor sems de dag daṅ sems kyi ṅo bo ñid ni mñam par bstan pa yin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du yod pa rnams sems bstan du yod pa’o źes (3) yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du med pa rnams sems bstan du med pa’o źes yaṅ dag pa ji lta ba bźin du rab tu mkhyen to ||
(4) rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du med pa rnams sems bstan du med pa’o źes yaṅ dag pa ji lta ba bźin du rab tu mkhyen ce na | rab ’byor mtshan ñid med ciṅ don gyis dben pa yin pa’i phyir (5) sems de ni mi snaṅ ba ste spyan gsum ’am thams cad la snaṅ bar ma gyur pa’o ||
rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bstan du med pa rnams sems bstan du med pa’o źes yaṅ dag pa ji lta ba (6) bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa daṅ bcas pa rnams sems thogs pa daṅ bcas pa’o źes yaṅ dag pa ji lta ba bźin du rab tu mkhyen to ||
(7) rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa daṅ bcas pa rnams sems thogs pa daṅ bcas pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni med pa la (146b1) kun brtags pa ste stoṅ pa dmigs pa’i dbaṅ du gyur pa’o ||
rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa daṅ bcas pa rnams sems thogs pa daṅ bcas pa’o źes yaṅ dag pa ji lta (2) ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa med pa rnams sems thogs pa med pa’o źes yaṅ dag pa ji lta ba bźin du rab tu mkhyen to ||
rab (3) ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa med pa rnams sems thogs pa med pa’o źes yaṅ dag pa ji lta ba bźin du rab tu mkhyen ce na | rab ’byor sems de dag ni gñis su med par (4) gyur pa ma byuṅ bar kun tu byuṅ ba ste | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems thogs pa med pa rnams sems thogs pa med pa’o źes yaṅ dag pa ji lta ba bźin du rab tu mkhyen to ||
rab (5) ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bla na yod pa rnams sems bla na yod pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi (6) pha rol tu phyin pa ’di la brten nas sems can gźal du med pa dag gi sems bla na yod pa rnams sems bla na yod pa’o źes yaṅ dag pa ji lta ba bźin du rab tu mkhyen ce na | rab ’byor sems bla na yod pa yaṅ dag pa ci lta ba ñid gaṅ yin pa de la rlom sems med de | rab ’byor de ltar (7) de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bla na yod pa dag sems bla na yod pa’o źes yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin (147a1) pa ’di la brten nas sems can gźal du med pa dag gi sems bla na med pa rnams sems bla na med pa’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can (2) gźal du med pa dag gi sems bla na med pa rnams sems bla na med pa’o źes yaṅ dag pa ci lta ba bźin du rab tu mkhyen ce na | rab ’byor sems de dag ni sems rdul phra mo tsam yaṅ mi dmigs pa’i phyir spros pa med pa yin te | rab ’byor de ltar de bźin gśegs pas śes rab (3) kyi pha rol tu phyin pa ’di la brten nas sems can gźal du med pa dag gi sems bla na med pa rnams sems bla na med pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems (4) can gźal du med pa dag gi sems mñam par ma bźag pa rnams sems mñam par ma bźag pa’o źes yaṅ dag pa ji lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi (5) sems mñam par ma bźag pa rnams sems mñam par ma bźag pa’o źes yaṅ dag pa ci lta ba bźin du rab tu mkhyen ce na | rab ’byor sems de dag ni mi mñam pa daṅ mñam pas mi mñam par ’jug ciṅ de ltar sems mñam par ma bźag pa ste | rab ’byor de ltar de bźin (6) gśegs pas śes rab kyi pha rol tu phyin pa ’di la brten nas sems can gźal du med pa dag gi sems mñam par ma bźag pa rnams sems mñam par ma bźag pa’o źes yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi (7) pha rol tu phyin pa ’di la brten nas sems can gźal du med pa dag gi sems mñam par bźag pa rnams sems mñam par bźag pa’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la (147b1) brten nas sems can gźal du med pa dag gi sems mñam par bźag pa rnams sems mñam par bźag pa’o źes yaṅ dag pa ci lta ba bźin du rab tu mkhyen ce na | rab ’byor sems de dag ni mñam pa daṅ mñam pas mñam par ’jug ciṅ de ltar sems mñam par bźag pa de dag ni nam (2) mkha’ daṅ mtshuṅs te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems mñam par bźag pa rnams sems mñam par bźag pa’o źes yaṅ dag pa ci lta ba bźin du rab tu mkhyen to ||
(3) rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rnam par ma grol ba rnams sems rnam par ma grol ba’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin (4) gśegs pas śes rab kyi pha rol tu phyin pa ’di la brten nas sems can gźal du med pa dag gi sems rnam par ma grol ba rnams sems rnam par ma grol ba’o źes yaṅ dag pa ci lta ba bźin du rab tu mkhyen ce na | rab ’byor sems de dag ni raṅ bźin gyis rnam par grol ba ṅo bo (5) ñid med pa’i raṅ bźin te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rnam par ma grol ba rnams sems rnam par ma grol ba’o źes yaṅ dag pa ci lta ba bźin du rab tu mkhyen to ||
rab (6) ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rnam par grol ba rnams sems rnam par grol ba’o źes yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas (7) śes rab kyi pha rol tu phyin pa ’di la brten nas sems can gźal du med pa dag gi sems rnam par grol ba rnams sems rnam sar grol ba’o źes yaṅ dag pa ci lta ba bźin du rab tu mkhyen ce na | rab ’byor sems ni med pa yin pa’i phyir | sems ni de bźin gśegs (148a1) pas ’das par ma dmigs ma ’oṅs pa daṅ da ltar byuṅ bar ma dmigs te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems rnam par grol ba rnams sems rnam par grol ba’o źes yaṅ (2) dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas sesama can gźal du med pa dag gi sems bltar med pa rnams sems bltar med pa’o źes yaṅ dag pa ji lta ba bźin du rab tu mkhyen to ||
rab (3) ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźal du med pa dag gi sems bltar med pa rnams sems bltar med pa’o źes yaṅ dag pa ji lta ba bźin du rab tu mkhyen ce na | rab ’byor med pa’i phyir sems de bltar med pa daṅ ma byuṅ (4) ba’i phyir rnam par rig par bya ba ma yin pa daṅ yoṅs su ma grub pa’i phyir śes rab kyi mi gdaṅ lha’i mig gis kyaṅ bzuṅ du med na thams cad la mi snaṅ ba’i phyir śa’i mig gis lta ci smos te | rab ’byor de ltar de bźin gśegs pas śes rab kyi pha rol tu phyin pa ’di la brten nas sems can (5) gźal du med pa dag gi sems bltar med pa rnams sems bltar med pa’o źes yaṅ dag pa ji lta ba bźin du rab tu mkhyen to ||
rab ’byor de ltar śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten ’di ston pa’o ||
rab (6) ’byor gźan yaṅ de bźin gśegs pas śes rab kyi pha rol tu phyin pa ’di la brten nas sems can gźan daṅ gaṅ zag gźan gźal du med graṅs med pa dag gi phye ba daṅ btsums pa rnams phye ba daṅ btsums pa’o źes yaṅ dag pa ji lta ba bźin du rab tu mkhyen to ||
rab ’byor (7) ci ltar de bźin gśegs pas śes rab kyi pha rol tu phyin pa ’di la brten nas sems can gźan daṅ gaṅ zag gźan gźal du med graṅs med pa dag gi phye ba daṅ btsums pa rnams phye ba daṅ btsums pa’o źes yaṅ dag pa ji lta ba bźin du rab tu mkhyen ce na | rab ’byor de (148b1) dag skye ba thams cad ni gzugs la gnas śiṅ skye’o źes yaṅ dag pa ji lta ba bźin du rab tu mkhyen to ||
rab ’byor de bźin du de dag skye ba thams cad ni tshor ba daṅ ’du śes daṅ ’du byed rnams daṅ rnam par śes pa la gnas śiṅ skye’o źes yaṅ dag pa ji lta ba bźin du rab tu mkhyen (2) to ||
rab ’byor de la ci ltar de bźin gśegs pas phye ba daṅ btsums pa de rnams gzugs la gnas par rnam par mkhyen par ’gyur źiṅ | de bźin du ji ltar phye ba daṅ btsums pa de rnams tshor ba daṅ ’du śes daṅ ’du byed rnams daṅ rnam par śes pa la gnas par (3) rnam par mkhyen par ’gyur źe na | de bźin soṅ ba śi phan chad ’byuṅ ṅo źes bya ba ’di ni gzugs la rten pa’o ||
de bźin soṅ ba śi phan chad mi ’byuṅ ṅo źes bya ba ’di ni gzugs la rten pa’o ||
de bźin soṅ ba śi phan chad ’byuṅ ba yaṅ yin la mi ’byuṅ ba yaṅ yin no (4) źes bya ba ’di ni gzugs la rten pa’o ||
de bźin soṅ ba śi phan chad ’byuṅ ba yaṅ ma yin mi ’byuṅ ba yaṅ ma yin no źes bya ba ’di ni gzugs la rten pa’o ||
de bźin du tshor ba daṅ ’du śes daṅ ’du byed rnams la daṅ | de bźin soṅ ba śi phan chad ’byuṅ ṅo źes bya ba (5) ’di ni rnam par śes pa la rten pa’o ||
de bźin soṅ ba śi phan chad mi ’byuṅ ṅo źes bya ba ’di ni rnam par śes pa la rten pa’o ||
de bźin soṅ ba śi phan chad ’byuṅ ba yaṅ yin la mi ’byuṅ ba yin no źes bya ba ’di ni rnam par śes pa la rten pa’o ||
de bźin soṅ ba śi phan (6) chad ’byuṅ ba yaṅ ma yin mi ’byuṅ ba yaṅ ma yin no źes bya ba ’di ni rnam par śes pa la rten pa’o ||
bdag daṅ ’jig rten rtag pa źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
bdag daṅ ’jig rten mi rtag pa źes bya ba ’di ñid bden gyi (7) gźan ni gti mug go źes bya ba ’di ni gzugs la rten pa’o ||
bdag daṅ ’jig rten rtag pa yaṅ yin mi rtag pa yaṅ yin no źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
bdag daṅ ’jig rten rtag pa ñid kyaṅ ma yin mi rtag pa ñid kyaṅ ma (149a1) yin no źes bya ba ’di ñid bden gyi gźan ni gti mug go źes bya ba ’di ni gzugs la rton pa’o ||
de bźin du chor ba daṅ ’du śes daṅ ’du byed rnams daṅ | bdag daṅ ’jig rten ni rtag pa ste ’di ñid bden gyi gźan ni gti mug go źes bya ba ’di ni rnam par śes pa (2) la rten pa’o ||
bdag daṅ ’jig rten ni mi rtag pa ste ’di ñid bden gyi gźan ni gti mug go źes bya ba ’di ni rnam par śes pa la rten pa’o ||
bdag daṅ ’jig rten ni rtag pa yaṅ yin la mi rtag pa yaṅ yin no źes bya ba ’di ñid bden gyi gźan ni gti mug go źes bya ba ’di ni rnam par (3) śes pa la rten pa’o ||
bdag daṅ ’jig rten ni rtag pa ñid kyaṅ ma yin mi rtag pa ñid kyaṅ ma yin no źes bya ba ’di ñid bden gyi gźan ni gti mug go źes bya ba ’di ni rnam par śes pa la rten pa’o || ||
śes rab kyi pha rol tu phyin pa brgyad stoṅ pa | bam (4) po bcu gsum pa | bdag daṅ ’jig rten mtha’ daṅ bcas pa’o źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
bdag daṅ ’jig rten mtha’ med pa’o źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
(5) bdag daṅ ’jig rten mtha’ daṅ bcas pa yaṅ yin la mtha’ med ba yaṅ yin no źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
bdag daṅ ’jig rten mtha’ daṅ bcas pa ñid kyaṅ ma yin mtha’ med pa yaṅ ma yin no źes bya ba ’di ñid bden gyi (6) gźan ni gti mug go źes bya ba ’di ni gzugs la rten pa’o ||
de bźin du tshor ba daṅ ’du śes daṅ ’du byed rnams daṅ | bdag daṅ ’jig rten mtha’ daṅ bcas pa’o źes bya ba ’di ñid bden gyi gźan ni gti mug go źes bya ba ’di ni rnam par śes pa la rten pa’o ||
bdag daṅ ’jig (7) rten mtha’ med pa’o źes bya ba ’di ñid bden gyi gźan ni gti mug go źes bya ba ’di ni rnam par śes pa la rten pa’o ||
bdag daṅ ’jig rten mtha’ daṅ bcas pa yaṅ yin la mtha’ med pa yaṅ yin no źes bya ba ’di ñid bden gyi gźan ni gti mug go źes bya ba ’di ni rnam par śes pa la (149b1) rten pa’o ||
bdag daṅ ’jig rten mtha’ daṅ bcas pa ñid kyaṅ ma yin mtha’ med pa yaṅ ma yin no źes bya ba ’di ñid bden gyi gźan ni gti mug go źes bya ba ’di ni rnam par śes pa la rten pa’o ||
srog de ni lus de’o źes bya ba ’di ñid bden gyi gźan ni gti mug go źes bya ba (2) ’di ni gzugs la rten pa’o ||
srog kyaṅ gźan la lus kyaṅ gźan no źes bya ba ’di ñid bden gyi gźan ni gti mug go źes bya ba ’di ni gzugs la rten pa’o ||
de bźin du tshor ba daṅ ’du śes daṅ ’du byed rnams daṅ | srog de ni lus de’o źes bya ba ’di ñid bden gyi (3) gźan ni gti mug go źes bya ba ’di ni rnam par śes pa la rten pa’o ||
srog kyaṅ gźan la lus kyaṅ gźan no źes bya ba ’di ñid bden gyi gźan ni gti mug go źes bya ba ’di ni rnam par śes pa la rten pa ste | rab ’byor de ltar de bźin gśegs pa dgra bcom pa yaṅ dag par (4) rdzogs pa’i saṅs rgyas kyis śes rab kyi pha rol tu phyin pa ’di la brten nas sems can gźan daṅ gaṅ zag gźan gźal du med graṅs med pa dag gi phye ba daṅ btsums pa de dag gzugs la rten par rnam par mkhyen par gyur to ||
de bźin du phye ba daṅ btsums pa de dag tshor ba daṅ (5) ’du śes daṅ ’du byed rnams daṅ rnam par śes pa la rten par rnam par mkhyen par gyur to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la rten nas sems can gźan daṅ gaṅ zag gźan gźal du med graṅs med pa dag gi phye ba daṅ btsums pa de dag (6) yaṅ dag pa ci lta ba bźin du rab tu mkhyen to ||
rab ’byor ci ltar de bźin gśegs pas śes rab kyi pha rol tu phyin pa ’di la brten nas sems can gźan daṅ gaṅ zag gźan gźal du med graṅs med pa dag gi phye ba daṅ btsums pa de dag yaṅ dag pa ci lta ba bźin du rab tu mkhyen (7) ce na | rab ’byor ’di la de bźin gśegs pas gzugs mkhyen to ||
rab ’byor de bźin gśegs pas gzugs ci ltar mkhyen ce na | rab ’byor de bźin gśegs pas de bźin ñid ci lta ba de bźin du gzugs mkhyen te | rab ’byor de ltar de bźin gśegs (150a1) pas gzugs mkhyen to ||
de bźin du tshor ba daṅ ’du śes daṅ ’du byed rnams te | rab ’byor ’di la de bźin gśegs pas rnam par śes pa mkhyen to ||
rab ’byor ci ltar de bźin gśegs pas rnam par śes pa mkhyen ce na | rab ’byor de bźin (2) gśegs pas de bźin ñid ci lta ba de bźin du rnam par śes pa mkhyen te | rab ’byor de ltar de bźin gśegs pas rnam par śes pa mkhyen to ||
rab ’byor de ltar de bźin gśegs pas śes rab kyi pha rol tu phyin pa ’di la brten nas sems can gźan daṅ gaṅ zag gźan (3) gźal du med graṅs med pa dag gi phye ba daṅ btsums pa yaṅ dag pa’i lta ba bźin du rab tu mkhyen to ||
rab ’byor de ltar na de bźin gśegs pas de bźin ñid la de bźin gśegs pa’i de bźin ñid daṅ phuṅ po’ii de bźin ñid daṅ phye ba daṅ btsums pa’i de bźin ñid du ’dogs (4) par mdzad do ||
rab ’byor phuṅ po’i de bźin ñid gaṅ yin pa de ñid ni ’jig rten gyi de bźin ñid kyaṅ yin no ||
de ci’i phyir źe na | rab ’byor de bźin gśegs pas phuṅ po lṅa ni ’jig rten no źes miṅ du gsuṅs te | rab ’byor de lta bas na phuṅ po’i de bźin ñid gaṅ (5) yin pa de ni ’jig rten gyi de bźin ñid do ||
’jig rten gyi de bźin ñid gaṅ yin pa de ni chos thams cad kyi de bźin ñid do ||
chos thams cad kyi de bźin ñid gaṅ yin pa de ni rgyun du źugs pa’i ’bras bu’i de bźin ñid do ||
rgyun du źugs pa’i ’bras bu’i de bźin ñid gaṅ yin (6) pa de ni lan cig phyir ’oṅ ba’i ’bras bu’i de bźin ñid do ||
lan cig phyir ’oṅ ba’i ’bras bu’i de bźin ñid gaṅ yin pa de ni phyir mi ’oṅ ba’i ’bras bu’i de bźin ñid do ||
phyir mi ’oṅ ba’i ’bras bu’i de bźin ñid gaṅ yin pa de ni dgra bcom pa’i ’bras bu’i de bźin ñid do ||
dgra (7) bcom pa’i ’bras bu’i de bźin ñid gaṅ yin pa de ni raṅ saṅs rgyas kyi de bźin ñid do ||
raṅ saṅs rgyas kyi de bźin ñid gaṅ yin pa de ni de bźin gśegs pa’i de bźin ñid de | rab ’byor de ltar na de bźin gśegs pa’i de bźin ñid daṅ phuṅ po’i de bźin ñid daṅ chos (150b1) thams cad kyi de bźin ñid daṅ ’phags pa ñan thos daṅ raṅ saṅs rgyas thams cad kyi de bźin ñid ’di ni de bźin ñid gcig pa dṅos po daṅ dṅos po med pa du ma daṅ bral ba ste | gcig pa ma yin pa’i phyir daṅ tha dad pa ma yin pa’i phyir daṅ mi zad pa’i phyir daṅ ’gyur ba med (2) pa’i phyir daṅ gñis su med pa’i phyir daṅ gñis su byar med pa’i phyir ro ||
rab ’byor de ltar de bźin gśegs pas śes rab kyi pha rol tu phyin pa ’di la brten nas de bźin ñid ’di mṅon par rdzogs par saṅs rgyas so ||
rab ’byor de ltar na śes rab kyi pha rol tu phyin pa (3) ’di de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten ’di ston pa’o ||
rab ’byor de ltar na de bźin gśegs pa ’jig rten ’di la ’jig rten yaṅ dag par ston pa yin te | de ltar na yaṅ ’jig rten ’di kun tu ston par gyur (4) pa’o ||
rab ’byor de ltar śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi yum daṅ skyed byed daṅ skyed par mdzad pa’o ||
rab ’byor de ltar de bźin gśegs pas de bźin ñid mṅon par rdzogs par saṅs rgyas nas (5) ’jig rten gyi de bźin ñid mkhyen to ||
ma log pa’i de bźin ñid mkhyen to ||
gźan ma yin pa’i de bźin ñid mkhyen to ||
rab ’byor de ltar de bźin gśegs pas de bźin ñid mṅon par rdzogs par saṅs rgyas pas na de bźin gśegs pa źes bya’o ||
gnas brtan (6) rab ’byor gyis gsol pa | bcom ldan ’das de bźin ñid ni zab ste bcom ldan ’das de bźin ñid de las saṅs rgyas bcom ldan ’das rnams kyi byaṅ chub rab tu ’byed ciṅ rab tu ston to ||
bcom ldan ’das gźan su źig ’di la mos par ’gyur te ’di la phyir mi ldog pa’i (7) byaṅ chub sems dpa’ sems dpa’ chen po ’am dgra bcom pa brnag pa yoṅs su rdzogs pa ’am gaṅ zag lta ba phun sum tshogs pa rnams so ||
bcom ldan ’das de lta bu mchog tu zab pa’i gnas ’di dag ni de bźin gśegs pas mṅon par rdzogs par saṅs rgyas nas gsuṅs (151a1) so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | de bźin gśegs pas mchog tu zab pa’i gnas ’di dag mṅon par rdzogs par saṅs rgyas (2) nas bśad de | rab ’byor ’di ltar de bźin gśegs pas gaṅ mṅon par rdzogs par saṅs rgyas pa’i de bźin ñid ’di ni mi zad pa ste mṅon par rdzogs par saṅs rgyas nas mi zad pa la mi zad pa ñid du bstan to ||
de nas lha rnams kyi dbaṅ po brgya byin la sogs pa ’dod (3) pa na spyod pa’i lha’i bu rnams daṅ tshaṅs ris kyi lha’i bu ñi khri dag bcom ldan ’das ga la ba der doṅ ste ltags nas bcom ldan ’das kyi źabs la mgo bos phyag ’tshal te phyogs gcig tu ’khod do ||
phyogs gcig tu ’khod nas bcom ldan ’das la ’dod pa na spyod pa daṅ gzugs na spyod (4) pa’i lha’i bu de dag gis ’di skad ces gsol to ||
bcom ldan ’das chos zab mo dag rab tu bśad na | bcom ldan ’das ’di la mtshan ñid ji ltar bźag | bcom ldan ’das kyis bka’ stsal pa | lha’i bu dag stoṅ pa’o źes ’di la mtshan ñid gźag go ||
lha’i bu dag stoṅ pa’o źes ’di la mtshan ñid gźag go ||
lha’i bu dag (5) mtshan ma med pa’o ||
smon pa med pa’o źes ’di la mtshan ñid bźag go ||
lha’i bu dag skye ba med pa’o ||
kun nas ñon moṅs pa med pa’o ||
rnam par byaṅ ba med pa’o ||
mya ṅan las ’das pa’o chos kyi dbyiṅs so ||
de bźin (6) ñid do źes ’di la mtshan ñid bźag go ||
de ci’i phyir źe na | lha’i bu dag mtshan ñid ’di dag ni mi gnas pa mtshan ñid ’di dag ni nam mkha’ daṅ ba dra ba’o ||
lha’i bu dag mtshan ñid ’di dag ni de bźin gśegs pa dgra bcom pa yaṅ dag par rdzogs pa’i saṅs rgyas kyis ma bźag ste | (7) mtshan ñid ’di dag ni gzugs su bgrad pa ma yin no ||
tshor ba daṅ ’du śes daṅ ’du byed rnams daṅ rnam par śes par bgad pa ma yin no ||
mtshan ñid ’di dag ni gzugs la rten pa ma yin no ||
tshor ba daṅ ’du śes daṅ ’du byed rnams daṅ rnam par śes pa la rten pa ma (151b1) yin no ||
mtshan ñid ’di dag ni lha ’am mi ’am mi ma min pa dag gis ma gźag go ||
mtshan ñid ’di dag ni lha daṅ mi daṅ lha ma yin du bcas pa’i ’jig rten gyis bskyod mi nus so ||
de ci’i phyir źe na | lha daṅ mi daṅ lha ma yin du bcas pa’i ’jig rten yaṅ mtshan ñid ’di (2) dag kho nar zad do ||
mtshan ñid ’di dag ni gaṅ gis kyaṅ lag gis bźag pa ma yin no ||
lha’i bu dag gaṅ źig ’di skad du nam mkha’ ’di sus bźag ces zer na | lha’i bu dag ci de yaṅ dag par smra bas smra ba yin nam | de skad ces bka’ stsal pa daṅ | bcom ldan ’das (3) la ’dod pa na spyod pa daṅ gzugs na spyod pa’i lha’i bu de dag gis ’di skad ces gsol to ||
bcom ldan ’das nam mkha’ ni sus kyaṅ ma bźag go ||
de ci’i slad du źe na | bcom ldan ’das nam mkha’ ni ’dus ma bgyis pa lags te nam mkha’ ni sus kyaṅ ma bźag go ||
de (4) nas bcom ldan ’das kyis ’dod pa na spyod pa daṅ gzugs na spyod pa’i lha’i bu de dag la bka’ stsal pa | lha’i bu dag de de bźin no de de bźin te | de bźin gśegs pa rnams byuṅ yaṅ ruṅ de bźin gśegs pa rnams ma byuṅ yaṅ ruṅ ste mtshan ñid ’di dag ni de bźin du gnas (5) so ||
de ci’i phyir źe na | ji ltar ’di dag gnas pa de ltar yaṅ dag par de bźin gśegs pas mṅon par rdzogs par saṅs rgyas nas bśad de de bas na lha’i bu dag de bźin gśegs pa de bźin gśegs pa źes bya’o ||
de nas bcom ldan ’das la tshe daṅ ldan pa rab ’byor (6) gyis ’di skad ces gsol to ||
bcom ldan ’das mtshan ñid zab mo ’di dag de bźin gśegs pas mṅon par rdzogs par saṅs rgyas so ||
’di lta ste śes rab kyi pha rol tu byin pa ni de bźin gśegs pa rnams kyi chags pa ma mchis pa’i ye śes so ||
chags pa ma (7) mchis pa’i ye śes kyi slad du śes rab kyi pha rol tu phyin pa ni de bźin gśegs pa’i spyod yul lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | rab (152a1) ’byor de ltar śes rab kyi pharol tu phyin pa ’di ni de bźin gśegs pa dgra bcom pa yaṅ dag par rdzogs pa’i saṅs rgyas la ’jig rten ’di yaṅ dag par ston pa yin no ||
rab ’byor ci ltar de bźin gśegs pa dgra bcom pa yaṅ dag par rdzogs pa’i saṅs (2) rgyas rnams śes rab kyi pha rol tu phyin pa’i chos ’di la brten ciṅ gnas pa de kho na bźin du chos de dag la mi gnas pas rtag tu gnas pa yin źiṅ de bźin du yaṅ de bźin gśegs pas mṅon par rdzogs par saṅs rgyas te des na de dag chos kho na la brten ciṅ gnas so ||
chos (3) la bkur stir mdzad do ||
rab ’byor śes rab kyi pha rol tu phyin pa ’di ni chos rnams kyi chos ñid yin te | de’i phyir de bźin gśegs pa dgra bcom pa yaṅ (4) dag par rdzogs pa’i saṅs rgyas rnams śes rab kyi pha rol tu phyin pa la bkur stir mdzad do bla mar mdzad do rjed par mdzad do mchod par mdzad do ri mor mdzad do bsñen bkur mdzad do ||
de ci’i phyir źe na | rab ’byor śes rab kyi pha rol tu phyin pa ’di las de bźin (5) gśegs pa dgra bcom pa yaṅ dag par rdzogs pa’i saṅs rgyas rnams kyi thams cad mkhyen pa ñid rab tu ’byed par ’gyur te | de bźin gśegs pa dgra bcom pa yaṅ dag par rdzogs pa’i saṅs rgyas rnams ni byas pa śes śiṅ byas pa tshor ba yin no ||
rab ’byor yaṅ gaṅ źig (6) ’di skad du de bźin gśegs pa ni byas pa śes śiṅ byas pa tshor ba’o źes zer na yaṅ dag par smra bas smra ba’o ||
byas pa śes śiṅ byas pa tshor ba’o źes zer na yaṅ dag par smra bas smra ba’o źes bya ba | rab ’byor ci ltar de bźin gśegs pa byas pa śes śiṅ byas pa tshor ba (7) yin źe na | rab ’byor gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas theg pa gaṅ daṅ gaṅ gis gśegs pa daṅ sgrub pa gaṅ daṅ gaṅ gis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i theg pa de dag (152b1) ñid daṅ sgrub pa de dag ñid byas pa śes śiṅ byas pa tshor ba de ñid kyis de bźin gśegs pas rjes su ’dzin ciṅ rjes su skyoṅ ste | rab ’byor ’di ni de bźin gśegs pa’i byas ba śes śiṅ byas pa tshor ba yin par rig par bya’o ||
rab ’byor gźan yaṅ de bźin gśegs pas (2) chos thams cad ma byas pa ma byas pa’o źes mṅon par rdzogs par saṅs rgyas so ||
’gyur ba med par ’gyur ba med pa’o źes mṅon par rdzogs par saṅs rgyas so ||
mṅon par ’dus ma byas pa’o mṅon par ’dus ma byas pa’o źes mṅon par rdzogs par saṅs rgyas te | rab (3) ’byor ’di yaṅ de bźin gśegs pa’i byas pa śes śiṅ byas pa tshor bar rig par bya’o ||
rab ’byor śes rab kyi pha rol tu phyin pa la brten nas chos thams cad la de bźin gśegs pa dgra bcom pa yaṅ dag par rdzogs pa’i saṅs rgyas kyi ye śes ’jug ste | rab ’byor (4) rnam graṅs ’dis kyaṅ śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten ’di yaṅ dag par ston pa’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di (5) skad ces gsol to ||
bcom ldan ’das gaṅ gi tshe chos thams cad śes pa po daṅ mthoṅ ba po med pa yin pa de’i tshe | bcom ldan ’das ci ltar śes rab kyi pha rol tu phyin pa de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten (6) ’di yaṅ dag par ston pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal te ||
rab ’byor khyod de bźin gśegs pa dgra bcom pa yaṅ dag par rdzogs pa’i saṅs rgyas la don ’di lta bu źu bar bya ba daṅ (7) ’dri bar bya ba sems pa gaṅ yin pa de ni legs so legs so ||
rab ’byor khyod gaṅ ’di skad du chos thams cad śes pa po med pa mthoṅ ba po med pa’o źes zer ba ni rab ’byor de de bźin no de de bźin te | chos thams cad ni śes pa po daṅ mthoṅ ba po med pa yin no ||
rab ’byor ci (153a1) ltar chos thams cad śes pa po daṅ mthoṅ ba po med pa yin źe na | rab ’byor chos thams cad ni stoṅ pa’o ||
rab ’byor chos thams cad ni mi gnas pa’o ||
rab ’byor de ltar na chos thams cad śes pa po daṅ mthoṅ ba po med pa’o ||
rab ’byor de ltar (2) na chos de dag thams cad ni śes rab kyi pha rol tu phyin pa la brten nas de bźin gśegs pas mṅon par rdzogs par saṅs rgyas so ||
rab ’byor de ltar na yaṅ śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la (3) ’jig rten ’di yaṅ dag par ston pa yin no ||
gzugs ma mthoṅ ba daṅ tshor ba daṅ ’du śes daṅ ’du byed rnams daṅ rnam par śes pa ma mthoṅ ba’i phyir yaṅ dag par ston pa’o ||
rab ’byor de ltar śes rab kyi pha rol tu phyin pa ni de bźin gśegs pa dgra bcom pa yaṅ dag (4) par rdzogs pa’i saṅs rgyas rnams la ’jig rten ’di yaṅ dag par ston pa yin no ||
rab ’byor gyis gsol pa | bcom ldan ’das ci ltar gzugs ma mthoṅ ba lags | ci ltar tshor ba daṅ ’du śes daṅ ’du byed rnams daṅ | bcom ldan ’das ci ltar rnam par śes (5) pa ma mthoṅ ba lags | bcom ldan ’das kyis bka’ stsal pa | rab ’byor gal te gzugs la dmigs pa’i rnam par śes pa mi skye ba de ltar na gzugs mi mthoṅ ba yin no ||
de bźin du gal te tshor ba daṅ ’du śes daṅ ’du byed rnams daṅ | rab ’byor gal te rnam (6) par śes pa la dmigs pa’i sems mi skyed pa de ltar na rnam par śes pa mi mthoṅ ba yin no ||
rab ’byor gzugs mi mthoṅ ba gaṅ yin pa daṅ | tshor ba daṅ ’du śes daṅ ’du byed rnams gaṅ yin pa daṅ | rab ’byor rnam par śes pa mi mthoṅ ba gaṅ yin pa de ltar de (7) bźin gśegs pas ’jig rten gzigs pa yin no ||
rab ’byor de ltar śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams la ’jig rten ’di yaṅ dag par ston pa’o ||
rab ’byor yaṅ ci ltar śes rab kyi pha (153b1) rol tu phyin pas ’jig rten yaṅ dag par ston ce na | de ltar ’jig rten stoṅ pa’o ||
de ltar ’jig rten brjod pa’o ||
de ltar ’jig rten śes par byed pa’o ||
de ltar ’jig rten mthoṅ par mdzad do ||
de ltar ’jig rten bsam gyis mi khyab pa daṅ de ltar ’jig rten źi ba daṅ (2) de ltar ’jig rten dben pa daṅ de ltar ’jig rten rnam par dag pa’o źes ’jig rten brjod do ||
de ltar śes par byed do ||
de ltar ’jig rten mthoṅ bar mdzad pas so ||
’phags pa śes rab kyi pha rol tu phyin pa brgyad stoṅ pa las ’jig rten yaṅ dag par ston pa źes bya ba’i (3) le’u ste bcu gñis pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa ’di ni zab bo ||
bcom ldan ’das kye ma śes rab kyi pha rol tu phyin pa ’di ni bgyi ba chen pos (4) ñe bar gnas so ||
bcom ldan ’das kyi ma śes rab kyi pha rol tu phyin pa ’di ni bgyi ba bsam gyis mi khyab pa daṅ bgyi ba mñam pa ma mchis pa daṅ bgyi ba gźal du ma mchis pa daṅ bgyi ba graṅs ma mchis pa daṅ bgyi ba mi mñam pa daṅ mñam pas ñe bar gnas so ||
bcom (5) ldan ’das kyis bka’ stsal pa | rab ’byor de de bźin no de de bźin te | rab ’byor śes rab kyi pha rol tu phyin pa ’di ni bya ba chen pos ñe bar gnas so ||
rab ’byor śes rab kyi pha rol tu phyin pa ’di ni bya ba bsam gyis mi khyab pa daṅ bya ba mñam pa med pa daṅ bya ba gźal du med pa (6) daṅ bya ba graṅs med pa daṅ bya ba mi mñam pa daṅ mñam pas ñe bar gnas so ||
rab ’byor ci ltar śes rab kyi pha rol tu phyin pa ’di bya ba bsam gyis mi khyab pas ñe bar gnas źe na | rab ’byor de bźin gśegs pa ñid daṅ saṅs rgyas ñid daṅ raṅ byuṅ ñid daṅ thams cad mkhyen pa (7) ñid ni bsam gyis mi khyab bo ||
rab ’byor de ltar na śes rab kyi pha rol tu phyin pa ’di ni bya ba bsam gyis mi khyab pas ñe bar gnas te ’di ni sems kyis bsam par mi nus so ||
de ci’i phyir źe na | ’di la sems sam sems pa ’am sems las byuṅ ba’i chos mi ’jug pa’i (154a1) phyir ro ||
rab ’byor ci ltar śes rab kyi pha rol tu phyin pa ’di bya ba mñam pa med pas ñe bar gnas źe na | rab ’byor de bźin gśegs pas de bźin gśegs pa ñid daṅ saṅs rgyas ñid daṅ raṅ byuṅ ñid daṅ thams cad mkhyen pa ñid ni bsam pa ’am mñam (2) par mi nus so ||
rab ’byor de ltar na śes rab kyi pha rol tu phyin pa ’di ni bya ba mñam pa med pas ñe bar gnas so ||
rab ’byor ci ltar na śes rab kyi pha rol tu phyin pa ’di bya ba gźal du med pas ñe bar gnas źe na | rab ’byor de bźin gśegs pa ñid daṅ saṅs rgyas ñid (3) daṅ raṅ byuṅ ñid daṅ thams cad mkhyen pa ñid ni gźal du med pa yin te | rab ’byor de ltar na śes rab kyi pha rol tu phyin pa ’di ni bya ba gźal du med pas ñe bar gnas so ||
rab ’byor ci ltar na śes rab kyi pha rol tu phyin pa ’di bya ba graṅs med pas ñe bar gnas źe na | rab (4) ’byor de bźin gśegs pa ñid daṅ saṅs rgyas ñid daṅ raṅ byuṅ ñid daṅ thams cad mkhyen pa ñid ni graṅs med pa yin te | rab ’byor de ltar na śes rab kyi pha rol tu phyin pa ’di ni bya ba graṅs med pas ñe bar gnas so ||
rab ’byor ci ltar na śes rab kyi pha rol tu phyin pa (5) ’di ni bya ba mi mñam pa daṅ mñam pas ñe bar gnas źe na | rab ’byor de bźin gśegs pa ñid daṅ saṅs rgyas ñid daṅ raṅ byuṅ ñid daṅ thams cad mkhyen pa ñid rnams la mñam pa yaṅ med na lhag pa lta ci smos | rab ’byor de ltar na śes rab kyi pha rol tu phyin pa ’di (6) bya ba mi mñam pa daṅ mñam pas ñe bar gnas so ||
gnas brtan rab ’byor gyis gsol pa | bcom ldan ’das ci lags de bźin gśegs pa ñid bsam gyis mi khyab pa mñam pa ma mchis gźal du ma mchis pa graṅs ma mchis mi mñam pa daṅ mñam pa lags sam | (7) de bźin du saṅs rgyas ñid daṅ de bźin du raṅ byuṅ ñid daṅ de bźin du thams cad mkhyen pa ñid bsam gyis mi khyab pa mñam pa ma mchis pa gźal du ma mchis pa mi mñam pa daṅ mñam pa lags sam | ’on te gzugs kyaṅ bsam gyis mi khyab pa mñam pa ma mchis (154b1) pa gźal du ma mchis pa graṅs ma mchis pa mi mñam pa daṅ mñam pa lags | de bźin du tshor ba daṅ ’du śes daṅ ’du byed rnams daṅ | ’on te rnam par śes pa yaṅ bsam gyis mi khyab pa mñam pa ma mchis pa gźal du ma mchis pa graṅs ma mchis pa mi mñam pa daṅ mñam (2) pa lags | ’on te chos thams cad kyaṅ bsam gyis mi khyab pa mñam pa ma mchis gźal du ma mchis pa graṅs ma mchis pa mi mñam pa daṅ mñam pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal (3) to ||
rab ’byor de de bźin ni de de bźin te | rab ’byor gzugs kyaṅ bsam gyis mi khyab pa mñam pa med pa gźal du med pa graṅs med pa mi mñam pa daṅ mñam pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa yaṅ bsam gyis (4) mi khyab pa mñam pa med pa gźal du med pa graṅs med pa mi mñam pa daṅ mñam pa’o ||
rab ’byor de bźin du chos thams cad kyaṅ bsam gyis mi khyab pa mñam pa med pa gźal du med pa graṅs med pa mi mñam pa daṅ mñam pa’o ||
de ci’i phyir źe na | rab ’byor (5) gzugs kyi chos ñid gaṅ yin pa de la ni sems med sems pa med sems las byuṅ ba’i chos rnams med pas sñam du med do ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa’i chos ñid gaṅ yin pa de la ni sems med sems pa med sems las (6) byuṅ ba’i chos rnams med pas sñam du med do ||
rab ’byor chos thams cad kyi chos ñid gaṅ yin pa de la ni sems med sems pa med sems las byuṅ ba’i chos rnams med pas sñam du med do ||
rab ’byor de ltar na gzugs kyaṅ bsam gyis mi khyab pa mñam pa med pa’o ||
rab (7) ’byor de bźin du tshor ba daṅ ’du śes daṅ ’du byed rnams daṅ rnam par śes pa yaṅ bsam gyis mi khyab pa mñam pa med pa’o ||
rab ’byor de bźin du chos thams cad kyaṅ bsam gyis mi khyab pa mñam pa med pa’o ||
rab ’byor gzugs kyaṅ gźal du med pa’o ||
rab (155a1) ’byor de bźin du tshor ba daṅ ’du śes daṅ ’du byed rnams daṅ rnam par śes pa yaṅ gźal du med pa’o ||
rab ’byor chos thams cad kyaṅ gźal du med pa’o ||
de ci’i phyir źe na | rab ’byor gzugs kyi tshad ma mi śes so ||
rab ’byor de bźin du tshor (2) ba daṅ ’du śes daṅ ’du byed rnams daṅ rnam par śes pa’i tshad ma mi śes te | rab ’byor chos thams cad kyi yaṅ tshad ma mi śes so ||
rab ’byor ci’i phyir gzugs kyi tshad ma rab tu mi śe’o | de bźin du tshor pa daṅ ’du śes daṅ ’du byed rnams daṅ | rab ’byor ci’i phyir rnam par (3) śes pa’i tshad ma rab tu mi śes | rab ’byor ci’i phyir chos thams cad kyi yaṅ tshad ma rab tu mi śes źe na | rab ’byor gzugs la tshad ma med do ||
rab ’byor de bźin du tshor ba daṅ ’du śes daṅ ’du byed rnams daṅ | rnam par śes pa la tshad ma med de | rab ’byor chos thams (4) cad la yaṅ tshad ma med do ||
rab ’byor ci’i phyir gzugs la tshad ma med | rab ’byor ci’i phyir de bźin du tshor ba daṅ ’du śes daṅ ’du byed rnams daṅ | rab ’byor ci’i phyir rnam par śes pa la tshad ma med | rab ’byor ci’i phyir chos thams cad la tshad ma med ce na | rab ’byor chos (5) thams cad ni tshad ma med pa yin pa’i phyir ro ||
rab ’byor gzugs kyaṅ graṅs med pa’o ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa yaṅ graṅs med pa’o ||
rab ’byor chos thams cad kyaṅ graṅs med pa ste | bgraṅ ba las ’das pa ñid (6) yin pa’i phyir ro ||
rab ’byor gzugs kyaṅ mi mñam pa daṅ mñam pa’o ||
rab ’byor de bźin du tshor ba daṅ ’du śes daṅ ’du byed rnams daṅ | rnam par śes pa yaṅ mi mñam pa daṅ mñam pa’o ||
rab ’byor de bźin du chos thams cad kyaṅ mi mñam pa daṅ mñam pa ste | (7) rab ’byor chos thams cad ni nam mkha’ daṅ mñam pa’i phyir ro ||
rab ’byor de ci sñam du sems ci nam mkha’ la mñam pa ’am graṅs sam tshad ma ’am sñom pa ’am sems sam sems pa ’am sems las byuṅ ba’i chos gaṅ yaṅ yod dam | rab ’byor gyis gsol pa | bcom (155b1) ldan ’das de ni ma lags so ||
bcom ldan ’das kyis bka’ stsal pa | rab ’byor de kho na bźin du rnam graṅs ’dis chos ’di thams cad kyaṅ bsam gyis mi khyab pa mñam pa med pa gźal du med pa graṅs med pa mi mñam pa daṅ mñam pa ste | rab ’byor ’di dag ni de (2) bźin gśegs pa’i chos yin no ||
rab ’byor rnam graṅs ’dis kyaṅ chos thams cad kyaṅ bsam gyis mi khyab mñam pa med gźal du med graṅs med mi mñam pa daṅ mñam pa ste | rab ’byor de bźin gśegs pa’i chos ’di dag ni sems daṅ bral ba’i phyir (3) bsam gyis mi khyab bo ||
sñom pa las yaṅ dag par ’das pa’i phyir mñam pa med pa’o ||
rab ’byor bsam gyis mi khyab pa daṅ mñam pa med pa źes bya ba ’di ni rnam par śes par gyur pa’i chos kyi tshig bla dgas so ||
gźal du med pa daṅ bgraṅ du med pa daṅ (4) mi mñam pa daṅ mñam pa źes bya ba yaṅ de bźin te | rab ’byor gźal du med pa bgraṅ du med pa daṅ mi mñam pa daṅ mñam pa źes bya ba ni | mñam pa daṅ graṅs daṅ tshad ma daṅ bral ba’i phyir te | de bźin gśegs pa’i chos rnams gźal du med pa daṅ bgraṅ du med (5) pa daṅ mi mñam pa daṅ mñam pa yin no ||
chos ’di dag ni nam mkha’ daṅ mñam pa daṅ bgraṅ du med pa daṅ gźal du med pa ñid kyis na mi mñam pa daṅ mñam pa daṅ bgraṅ du med pa daṅ gźal du med pa yin no ||
kye ma chos ’di dag ni nam mkha’ daṅ mñam pas mi mñam (6) pa daṅ mñam par mi ’jug pa yin te | rab ’byor de bas na chos ’di dag ni mñam pa med pa źes rjod do ||
nam mkha’ bsam gyis mi khyab pa’i phyir chos ’di dag bsam gyis mi khyab pa’o ||
nam mkha’ mñam pa med pa’i phyir chos ’di dag mñam pa med pa’o ||
nam (7) mkha’ gźal du med pa’i phyir chos ’di dag gźal du med pa’o ||
nam mkha’ graṅs med pa’i phyir chos ’di dag graṅs med pa’o ||
nam mkha’ mi mñam pa daṅ mñam pa’i phyir chos ’di dag mi mñam pa daṅ mñam pa’o ||
bcom ldan ’das kyis bsam gyis mi (156a1) khyab pa daṅ mñam pa med pa daṅ gźal du med pa daṅ graṅs med pa daṅ mi mñam pa daṅ mñam pa ’di dag bśad pa na yaṅ | dge sloṅ lṅa brgya len pa med par zag pa las sems rnam par grol lo ||
dge sloṅ ma ñis stoṅ yaṅ len pa med par zag pa (2) las sems rnam par grol lo ||
dge bsñen pa drug stoṅ yaṅ chos rnams la chos kyi mig rdul med ciṅ dri ma daṅ bral ba rnam par dag go | dge bsñen ma sum stoṅ yaṅ chos rnams la chos kyi mig rdul med ciṅ dri ma daṅ bral bar rnam par dag go ||
byaṅ chub sems dpa’ ñi (3) khris kyaṅ mi skye ba’i chos la bzod pa thob par gyur to ||
de dag kyaṅ bskal pa bzaṅ po ’di ñid la bcom ldan ’das kyis bla na med pa yaṅ dag par rdzogs pa’i byaṅ chub tu luṅ bstan to ||
dge bsñen daṅ dge bsñen ma gaṅ dag chos rnams la chos kyi mig rdul med ciṅ dri (4) ma daṅ bral ba rnam par dag pa de dag kyaṅ bcom ldan ’das kyis luṅ bstan te | de dag kyaṅ len pa med par zag pa las sems rnam par grol bar ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes (5) rab kyi pha rol tu phyin pa ni zab ste | bcom ldan ’das kye ma śes rab kyi pha rol tu phyin pa ’di ni bgyi ba chen pos ñe bar gnas pa lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor (6) de de bźin no de de bźin te | rab ’byor śes rab kyi pha rol tu phyin pa ni zab bo ||
rab ’byor śes rab kyi pha rol tu phyin pa ’di ni bya ba chen pos ñe bar gnas so ||
de ci’i phyir źe na | rab ’byor ’di ni thams cad mkhyen pa ñid daṅ yaṅ dag par ldan no ||
’di ni raṅ (7) saṅs rgyas kyi sa daṅ yaṅ dag par ldan no ||
’di ni ñan thos kyi sa daṅ yaṅ dag par ldan no ||
rab ’byor ’di lta ste dper na | rgyal po rgyal rigs spyi bo nas dbaṅ bskur ba yul gyi mi la mthu daṅ | brtson ’grus thob pa’i rgyal po bya ba gaṅ źig yin pa daṅ groṅ khyer gyi (156b1) bya ba gaṅ yin pa daṅ ljoṅs kyi bya ba gaṅ yin pa de dag thams cad ni blon po daṅ ’brel bar ’gyur te | de’i phyir rgyal po ni brtson pa chuṅ źiṅ khur bor bar ’gyur ro ||
rab ’byor de bźin du gaṅ saṅs rgyas kyi chos sam raṅ saṅs rgyas kyi chos sam ñan thos kyi chos (2) kyaṅ ruṅ ste | de dag thams cad ni śes rab kyi pha rol tu phyin pa daṅ yaṅ dag par ldan pas śes rab kyi pha rol tu phyin pa ñid de la bya ba byed do ||
rab ’byor rnam graṅs ’dis na śes rab kyi pha rol tu phyin pa ’di ni bya ba chen pos ñe bar gnas so ||
gzugs la (3) yoṅs su mi ’dzin ciṅ mṅon par ma źen par bya ba’i phyir daṅ de bźin du tshor ba daṅ ’du śes daṅ ’du byed rnams daṅ | rnam par śes pa la yoṅs su mi ’dzin ciṅ mṅon par ma źen par bya ba’i phyir daṅ | rgyun tu źugs pa’i ’bras bu la yoṅs su mi ’dzin ciṅ mṅon (4) par ma źen par bya ba’i phyir daṅ de bźin du lan cig phyir ’oṅ ba’i ’bras bu daṅ phyir mi ’oṅ pa’i ’bras bu daṅ dgra bcom pa la yoṅs su mi ’dzin ciṅ mṅon par ma źen par bya ba’i phyir daṅ | raṅ byaṅ chub la yoṅs su mi ’dzin ciṅ mṅon par ma źen par bya ba’i phyir daṅ | (5) thams cad mkhyen pa ñid la yoṅs su mi ’dzin ciṅ mṅon par ma źen par bya ba’i phyir śes rab kyi pha rol tu phyin pa ñe bar gnas so ||
rab ’byor gyis gsol pa | bcom ldan ’das ci ltar na thams cad mkhyen pa ñid la yoṅs su mi ’dzin ciṅ mṅon par ma źen par bgyi ba’i slad (6) du śes rab kyi pha rol tu phyin pa ñe bar gnas pa lags | bcom ldan ’das kyis bka’ stsal pa | rab ’byor de ci sñam du sems | gaṅ la yoṅs su ’dzin pa ’am mṅon par źen par byed pa dgra bcom pa ñid ci khyod kyis yaṅ dag par rjes su mthoṅ ṅam | rab ’byor (7) gyis gsol pa | bcom ldan ’das de ni ma lags te | bcom ldan ’das gaṅ la yoṅs su ’dzin pa ’am mṅon par źen par ’gyur ba dgra bcom pa ñid kyi chos de lta bu ni bdag gis yaṅ dag par rjes su ma mthoṅ ṅo ||
bcom ldan ’das kyis bka’ stsal pa | rab ’byor de de (157a1) bźin no de de bźin te | rab ’byor ṅas kyaṅ de bźin gśegs pa ñid yaṅ dag par rjes su ma mthoṅ ste | rab ’byor ṅas de bźin gśegs pa ñid de yaṅ dag par rjes su ma mthoṅ bas yoṅs su ’dzin par mi byed mṅon par źen par mi byed do ||
rab ’byor de (2) lta bas na thams cad mkhyen pa ñid la yaṅ yoṅs su ’dzin pa med ciṅ mṅon par źen pa med do ||
rab ’byor gyis gsol pa ||
bcom ldan ’das theg pa la gsar du źugs pa dge ba’i rtsa ba chuṅ ba’i byaṅ chub sems dpa’ sems dpa’ chen po dag bcom ldan ’das (3) thams cad mkhyen pa ñid la yaṅ yoṅs su mi ’dzin ciṅ mṅon par źen pa med do źes bgyi ba’i bstan pa ’di thos na | dṅaṅ źiṅ kun tu skrag pa kun tu skrag pa daṅ ldan par ’gyur du mchi’o ||
bcom ldan ’das ’on kyaṅ byaṅ chub sems dpa’ sems dpa’ chen po gaṅ (4) rgyu phun sum tshogs pa sṅon gyi rgyal ba la bgyi ba bgyis pa daṅ yun riṅ po nas dge ba’i rtsa ba bskrun par gyur pa de dag gis ni śes rab kyi pha rol tu phyin pa zab mo ’di thos na mos par ’gyur ro ||
bcom ldan ’das kyis bka’ stsal pa | rab ’byor de de bźin no de de bźin (5) te | de nas bcom ldan ’das la ’dod pa na spyod pa daṅ gzugs na spyod pa’i lha’i bu rnams gyis ’di skad ces gsol to ||
bcom ldan ’das śes rab kyi pha rol tu phyin pa ni zab ciṅ blta dka’ ba rtogs par dka’ ba lags te | bcom ldan ’das gaṅ dag śes rab (6) kyi pha rol tu phyin pa zab mo ’di thos nas mos par ’gyur ba’i byaṅ chub sems dpa’ de dag ni sṅon gyi rgyal ba la bgyi ba bgyis pa yun riṅ por dge ba’i rtsa ba bskrun pa’o ||
bcom ldan ’das gal te stoṅ gsum gyi stoṅ chen po’i ’jig rten gyi khams dag na sems can ji sñed (7) mchis pa de dag thams cad kyis dad pa’i rjes su ’braṅ ba’i sa la bskal pa’am bskal ba bas lhag par spyad pa daṅ | gaṅ gis śes rab kyi pha rol tu phyin pa zab mo ’di la ñi ma gcig tsam yaṅ bzod ciṅ sred de tshol ba daṅ sems pa daṅ ’jal ba daṅ ñe bar rtog pa daṅ (157b1) ñe bar sems par bgyid na | bcom ldan ’das ’di ñid de dag bas mchog tu ’gyur ro ||
de skad ces gsol pa daṅ | bcom ldan ’das kyis ’dod pa na spyod pa daṅ gzugs na spyod pa’i lha’i bu rnams la bka’ stsal pa | lha’i bu dag gal te rigs kyi bu ’am rigs kyi (2) bu mo gaṅ dag śes rab kyi pha rol tu phyin pa zab mo ’di ñan na lha’i bu dag des ni ches myur bar mya ṅan las ’da’ ba’i bar du re bar bya ste | dad pas rjes su ’braṅ ba’i sa la bskal pa bas lhag par spyod pa de dag gis ni ma yin no ||
de nas ’dod pa na spyod pa’i (3) lha’i bu daṅ gzugs na spyod pa’i lha’i bu de rnams kyis bcom ldan ’das la ’di skad ces gsol to ||
bcom ldan ’das ’di lta ste śes rab kyi pha rol tu phyin pa ’di ni pha rol tu phyin pa chen po’o źes gsol nas bcom ldan ’das kyi źabs la mgo bos phyag ’tshal te bcom (4) ldan ’das la lan gsum bskor ba byas nas bcom ldan ’das kyi druṅ nas mchi’o ||
de dag ha caṅ yaṅ mi riṅ ba źig tu phyin nas mi snaṅ bar gyur te | ’dod pa na spyod pa’i lha’i bu rnams ni ’dod pa’i khams su gnas par gyur gzugs na spyod (5) pa’i lha’i bu rnams ni tshaṅs pa’i ’jig rten du gnas par gyur to ||
’phags pa śes rab kyi pha rol tu phyin pa brgyad stoṅ pa las bsam gyis mi khyab pa’i le’u źes bya ba ste bcu gsum pa’o || ||
de nas bcom ldan ’das la tshe daṅ ldan pa rab ’byor (6) gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ thos pa daṅ lhan cig kho nar śes rab kyi pha rol tu phyin pa zab mo ’di ’chad pa thos la mos śiṅ mi ’god kun tu mi źum rnam par mi gnas mi rmoṅs the tshom mi za som ñi mi za bar (7) śes rab kyi pha rol tu phyin pa la mṅon par dga’ na bcom ldan ’das de gaṅ nas śi ’phos nas gaṅ du skye bar ’gyur ba lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ thos pa daṅ lhan cig kho nar śes rab (158a1) kyi pha rol tu phyin pa zab mo ’di ’chad pa thos la mos śiṅ mi ’goṅ kun tu mi źum rnam par mi gnas mi rmoṅs the tshom mi za som ñi mi za bar blta ba daṅ mñam pa la mṅon par dga’ bar ’gyur źiṅ śes rab kyi pha rol tu phyin pa zab mo ’di ’dzin ciṅ bsgom par ’gyur (2) te śes rab kyi pha rol tu phyin pa daṅ ldan pa’i yid la byed pa mi spoṅ źiṅ yid phyir phyogs par mi byed gzuṅ ba daṅ bcaṅ ba daṅ klag pa daṅ kun chub par bya ba daṅ rab tu gdon pa’i phyir ’dun pa bskyed par ’gyur rjes su ’draṅ źiṅ phyi bźin ’gro bar ’gyur chos smra ba mi gtoṅ bar ’gyur (3) te | rab ’byor ’di lta ste dper na ba be’u gźon nu yod pa be’u mi gtoṅ ba de bźin du rab ’byor byaṅ chub sems dpa’ sems dpa’ chen po gaṅ źig śes rab kyi pha rol tu phyin pa zab mo ’di thos nas | ci srid du śes rab kyi pha rol tu phyin pa ’di lus la thogs pa ’am glegs bam (4) du chud par ma gyur pa de srid du chos smra ba mi gtoṅ bar ’gyur ba’i byaṅ chub sems dpa’ sems dpa’ chen po de ni rab ’byor mi dag gi naṅ nas śi ’phos nas mir skyes pa yin no ||
rab ’byor gyis gsol pa | bcom ldan ’das yon tan ’di dag daṅ ldan pa’i byaṅ chub sems (5) dpa’ sems dpa’ chen po saṅs rgyas kyi źiṅ gźan nas śi ’phos nas ’dir skyes par gyur pa mchis sam | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po saṅs rgyas bcom ldan ’das gźan dag la bsñen bkur byas śiṅ (6) yoṅs su źus yoṅs su dris la yoṅs su dri ba byas te saṅs rgyas kyi źiṅ gźan de dag nas śi ’phos nas ’dir skyes pa yaṅ yod de de yaṅ yon tan ’di dag ñid daṅ ldan par rig par bya’o ||
rab ’byor gźan yaṅ byaṅ chub sems dpa’ sems dpa’ chen po dga’ ldan gyi lha (7) dag gi naṅ nas śi ’phos nas ’dir skyes pa de yaṅ yon tan de dag ñid daṅ ldan par rig par bya ste | gaṅ gis byaṅ chub sems dpa’ sems dpa’ chen po byams pa la bsñen bkur byas śiṅ śes rab kyi pha rol tu phyin pa ’di las brtsams te | yoṅs su źus śiṅ (158b1) yoṅs su dris la yoṅs su dri ba byas pa de yaṅ yon tan ’di dag daṅ ldan par rig par bya’o ||
rab ’byor yaṅ byaṅ chub sems dpa’ gaṅ gis śes rab kyi pha rol tu phyin pa zab mo ’di thos nas sṅon gyi mthar yaṅ yoṅs su ma źus śiṅ yoṅs su ma dris yoṅs su dri ba ma byas (2) pa de ni mi ñid kyi naṅ du skyes na yaṅ śes rab kyi pha rol tu phyin pa zab mo ’di bśad pa la nem nur du ’gyur rmoṅs par ’gyur sems źum par ’gyur te | rab ’byor byaṅ chub sems dpa’ de ni sṅon gyi mthar yaṅ yoṅs su mi dri ba’i raṅ bźin du gyur par rig par bya’o ||
(3) de ci’i phyir źe na | ’di ltar de ni śes rab kyi pha rol tu phyin pa zab mo ’di bśad pa la nem nur du gyur rmoṅs par gyur sems źum pa ñid du gyur pa’i phyir ro ||
rab ’byor gźan yaṅ byaṅ chub sems dpa’ gaṅ gis sṅon gyi mthar yaṅ śes rab kyi pha rol tu phyin pa (4) zab mo ’di ñid ñi ma gcig gam gñis sam gsum ’am bźi’am lṅa tsam du thos par ’gyur te | bsñen bkur byas nas yoṅs su źus śiṅ yoṅs su dris la yoṅs su dri ba byas pa de ni dus re źig dad pa yin te slar yaṅ stor bar ’gyur źiṅ yoṅs su dri bas ’phrogs par (5) ’gyur ro ||
de ci’i phyir źe na | rab ’byor de ni ’di ltar yin te gaṅ gis śes rab kyi pha rol tu phyin pa zab mo ’di sṅon yoṅs su ma źus yaṅ dag par yoṅs su ma dris yaṅ dag par yoṅs su dri bar ma byas śiṅ rjes su ma ’braṅs par gyur pa de ni | śes rab kyi pha rol tu (6) phyin pa zab mo ’di mñan par bya ba’i phyir res ’ga’ ni ’dun pas rjes su ’braṅ bar ’gyur res ’ga’ ni ’dun par mi ’gyur ba de phyir źiṅ g-yeṅs pa daṅ źum par ’gyur de’i blo rgod par ’gyur źiṅ ras bal gyi ’da’ ba bźin du ’gyur te | byaṅ chub sems dpa’ ’di ni (7) theg pa la yaṅ dag par źugs nas riṅ po ma lon źiṅ theg pa la gsar du źugs te ’oṅs par rig par bya’o ||
byaṅ chub sems dpa’ de ni dad pa de daṅ daṅ ba de daṅ ’dun pa de rab tu gtoṅ bar ’gyur te | ’di lta ste śes rab kyi pha rol tu phyin pa zab mo ’di rjes su ’dzin (159a1) par mi ’gyur rjes su ’jug par mi ’gyur rjes su sten par mi ’gyur bas de ñan thos kyi sa ’am raṅ saṅs rgyas kyi sa ’am de sa gñis las gaṅ yaṅ ruṅ ba’i sa gcig tu re bar bya’o ||
rab ’byor ’di lta ste dper na rgya mtsho chen por źugs pa’i gru chag pa na (2) gaṅ dag der śiṅ ṅam spaṅ leb la mi ’dzin tam śi ba’i ro la mi ’ju na rab ’byor de ni chu’i pha rol gyi ’gram du ma phyin par chu’i naṅ du ’chi ba’i dus byed par ’gyur ro źes rig par bya’o ||
rab ’byor yaṅ gaṅ dag rgya mtsho chen por źugs pa’i gru chag pa na der śiṅ ṅam spaṅ leb (3) bam śi ba’i ro la ’ju na rab ’byor de ni chus dus byed par mi ’gyur źiṅ bde bar pha rol gyi ’gram du phyin par ’gyur te ma smas ma snad par skam sa la gnas par ’gyur ro źes rig par bya’o ||
rab ’byor de bźin du byaṅ chub sems dpa’ dad pa tsam daṅ dga’ ba tsam daṅ (4) daṅ pa tsam daṅ ’dun pa tsam daṅ ldan yaṅ des śes rab kyi pha rol tu phyin pa lam brten na rab ’byor de ni lam gyi bar mdor rnam par ’jig par ’gyur te | thams cad mkhyen pa ñid ma thob par ñan thos ñid dam raṅ saṅs rgyas ñid du gnas par ’gyur ro źes de ltar rig par bya’o ||
(5) rab ’byor yaṅ byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dad pa yod pa daṅ bzod pa yod pa daṅ sred pa yod pa daṅ ’dun pa yod pa daṅ brtson ’grus yod pa daṅ bag byed pa yod pa daṅ mos (6) pa yod pa daṅ lhag pa’i bsam pa yod pa daṅ gtoṅ ba yod pa daṅ gus par byed pa yod pa daṅ dga’ ba yod pa daṅ mgu ba yod pa daṅ daṅ ba yod pa daṅ rab tu dga’ ba yod pa daṅ brtson pa mi gtoṅ ba yod pa de dag gal te śes rab kyi pha rol tu phyin pa la rten par byed na | de ltar na (7) de dag gi dad pa de daṅ bzod pa de daṅ sred pa de daṅ ’dun pa de daṅ brtson ’grus de daṅ bag byed pa de daṅ mos pa de daṅ lhag pa’i bsam pa de daṅ gtoṅ ba de daṅ gus par byed pa de daṅ dga’ ba de daṅ mgu ba de daṅ daṅ ba de daṅ rab tu dga’ ba de daṅ brtson pa mi gtoṅ ba de dag kyaṅ śes (159b1) rab kyi pha rol tu phyin pa thob nas thams cad mkhyen pa la gnas par ’gyur ro ||
rab ’byor ’di lta ste dper na bud med dam skyes pa yaṅ ruṅ bum pa so ma btaṅ bas chu chu na rab ’byor de’i bum pa de ni yun riṅ por mi thub ste de ni myur ba ñid du chag ciṅ źig par ’gyur bar rig (2) par bya’o ||
de ci’i phyir źe na | ’di ltar bum pa so ma btaṅ ba’i phyir de ni mthar sa ñid du ’gyur ro ||
rab ’byor de bźin du byaṅ chub sems dpa’ sems dpa’ chen po la la źig bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar daṅ (3) pa yod pa daṅ bzod pa yod pa daṅ sred pa yod pa daṅ ’dun pa yod pa daṅ brtson ’grus yod pa daṅ bag byed pa yod pa daṅ mos pa yod pa daṅ | lhag pa’i bsam pa yod pa daṅ gtoṅ ba yod pa daṅ gus par byed pa yod pa daṅ dga’ ba yod pa daṅ rab tu dga’ ba yod pa (4) daṅ daṅ ba yod pa daṅ yid dga’ ba yod pa daṅ brtson pa mi gtoṅ ba yod du zin kyaṅ de śes rab kyi pha rol tu phyin pa daṅ thabs mkhas pas yoṅs su ma bzuṅ bar gyur na rab ’byor byaṅ chub sems dpa’ de ni lam gyi bar ma dor rnam par ’jig par ’gyur bar rig par bya’o ||
(5) rab ’byor byaṅ chub sems dpa’i lam gyi bar ma dor rnam par ’jig pa gaṅ źe na | ñan thos kyi sa ’am raṅ saṅs rgyas kyi sa’o ||
rab ’byor ’di lta ste dper na bud med dam skyes pa yaṅ ruṅ ste bum pa legs par so btaṅ bas ’bab chu’am rdziṅ bu’am lteṅ ka ’am mtsho (6) ’am khron pa ’am de ma yin pa’i chu’i gźi gźan las chu bcus te | des chu de khyer na rab ’byor bum pa des ni bde bar khyim du phyin par ’gyur bar rig par bya’o ||
de ci’i phyir źe na | rab ’byor ’di ltar bum pa so legs par btaṅ ba’i phyir ro ||
rab ’byor de bźin (7) du byaṅ chub sems dpa’ sems dpa’ chen po gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar daṅ pa yod bzod pa yod sred pa yod ’dun pa yod brtson ’grus yod bag byed pa yod mos pa yod lhag pa’i bsam pa yod gtoṅ ba (160a1) yod gus par byed pa yod dga’ ba yod rab tu dga’ ba yod daṅ pa yod yid dga’ ba yod brtson pa mi gtoṅ ba yaṅ yod la | de śes rab kyi pha rol tu phyin pa daṅ thabs mkhas pas yoṅs su bzuṅ bar gyur na rab ’byor byaṅ chub sems dpa’i sems dpa’ (2) chen po de ni lam gyi bar mdor rnam par ’jig par mi ’gyur te ma smas ma snaṅ par thams cad mkhyen pa ñid la gnas par ’gyur bar rig par bya’o || ||
śes rab kyi pha rol tu phyin pa brgyad stoṅ pa | bam po bcu bźi pa | rab ’byor ’di lta ste (3) dper na skyes bu śes rab ’chal ba’i raṅ bźin can źig rgya mtsho’i gru mig tshags ma byas śiṅ ma bcos pa bciṅ ṅa bciṅs nas riṅ du lon pa źig chu’i naṅ du draṅs nas der rdzas bskyas te gaṅ źiṅ khal gyis non pa’i naṅ du źugs par gyur na | rab ’byor gru de ni ’di lta ste (4) ’di lta bur ’jig pa’i chos can du ’gyur te chu’i pha rol du ma rgal bar de’i rdzas kyaṅ gźan du ’gyur la gru de yaṅ gźan du ’gro bar rig par bya ste | de ltar ded dpon thabs mi mkhas pa ’chal ba’i śes rab can de nor chen po daṅ bral ba daṅ phrad par ’gyur te rin po che’i ’byuṅ (5) gnas chen po las yoṅs su ñams par ’gyur ro ||
rab ’byor de bźin du byaṅ chub sems dpa’ la la źig bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dad pa yod bzod pa yod sred pa yod ’dun pa yod brtson ’grus yod bag byed pa (6) yod mos pa yod lhag pa’i bsam pa yod gtoṅ ba yod gus par byed pa yod dga’ rab yod mgu ba yod daṅ ba yod rab tu dga’ ba yod brtson pa mi gtoṅ ba yod kyaṅ | de śes rab kyi pha rol tu phyin pas yoṅs su ma bzuṅ źiṅ thabs mkhas pa daṅ bral bar gyur na rab ’byor (7) byaṅ chub sems dpa’ de ni thams cad mkhyen pa’i rin po che’i ’byuṅ gnas ma thob pa ñid du bar mdor chud zos śiṅ yi gsod par ’gyur te | raṅ gi don chen po las yoṅs su ñams par ’gyur źiṅ gźan gyi don chen po’i rin po che’i phuṅ po las yoṅs su ñams par (160b1) ’gyur te | ’di lta ste | thams cad mkhyen pa’i don chen po’i rin po che’i ’byuṅ gnas las yoṅs su ñams par ’gyur bar rig par bya’o ||
rab ’byor yaṅ byaṅ chub sems dpa’i bar ma dor chud za ba gaṅ źe na | ’di lta ste ñan thos kyi sa ’am raṅ saṅs rgyas (2) kyi sa’o ||
rab ’byor ’di lta ste dper na ded dpon mkhas pa’i raṅ bźin can gyis rgya mtshor ’jug pa’i gru bciṅ ba legs par bciṅs mig tshags bya ba lags par byas nas bcos par bya ba legs par bcos te chu’i naṅ du draṅs nas rdzas bskyas te gaṅ bar byas (3) nas legs par bśams śiṅ mthun pa’i rluṅ daṅ sbyar te de gaṅ du ’gro bar ’dod pa’i phyogs su mthar gyis soṅ na | rab ’byor gru de ni chus ’jig par mi ’gyur gyi gru de ni gaṅ du ’gro bar bya ba’i phyogs der phyin par ’gyur źiṅ ded dpon de yaṅ rñed pa chen po ’di lta ste (4) ’jig rten gyi rin po che dag daṅ ldan par ’gyur ro źes rig par bya’o ||
rab ’byor de bźin du byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dad pa yod bzod pa yod sred pa yod ’dun (5) pa yod brtson ’grus yod bag byed pa yod mos pa yod lhag pa’i bsam pa yod gtoṅ ba yod gus par byed pa yod dga’ ba yod mgu ba yod daṅ ba yod rab tu dga’ ba yod brtson pa mi gtoṅ ba yaṅ yod la | de śes rab kyi pha rol tu phyin pas yoṅs su bzuṅ źiṅ thabs (6) mkhas pa daṅ ma bral bar gyur na rab ’byor byaṅ chub sems dpa’ sems dpa’ chen po de ni bar ma dor chud zos bar mi ’gyur źiṅ yi gsod par mi ’gyur te | byaṅ chub sems dpa’ sems dpa’ chen po de ni bla na med pa yaṅ dag par rdzogs pa’i byaṅ chub la gnas par (7) ’gyur bar rig par bya’o ||
de ci’i phyir źe na | rab ’byor de ni ’di ltar yin te byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dad pa yod bzod pa yod sred pa yod ’dun pa yod (161a1) brtson ’grus yod bag byed pa yod mos pa yod lhag pa’i bsam pa yod gtoṅ ba yod gus par byed pa yod dga’ ba yod mgu ba yod daṅ ba yod rab tu dga’ ba yod brtson pa mi gtoṅ ba yaṅ yod la | de’i chos ’di dag śes rab kyi pha rol tu phyin pas yoṅs su (2) bzuṅ źiṅ thabs mkhas pa daṅ ma bral na de ni gaṅ gis thams cad mkhyen pa ñid du ’gyur ba’i chos mṅon du byed ciṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ dag par źugs par ’gyur ba ma gtogs par ñan thos kyi sa ’am raṅ (3) saṅs rgyas kyi sar mi sgrub bo ||
rab ’byor ’di lta ste dper na | skyes bu ’ga’ źig skyes nas lo brgya ñi śu lon pa źig rgan po rgas śiṅ ’khogs par gyur la | de’i lus la rluṅ las gyur pa ’am mkhris pa las gyur pa ’am bad kan las gyur pa ’am ’dus pa las gyur (4) pa’i nad ’ga’ źig gis btab na rab ’byor de ji sñam du sems skyes bu de yaṅ ma brten par khri las ldaṅ nus sam | rab ’byor gyis gsol pa bcom ldan ’das de ni ma lags so ||
bcom ldan ’das kyis bka’ stsal pa | rab ’byor gal te skyes bu de khri las ldaṅ (5) nus par gyur kyaṅ da rgas pa de daṅ nad des bcom pas rgyaṅ grags gcig srid dam rgyaṅ grags gñis srid du ’gro ba’i stobs med do ||
gal te skyes bu de khri las ldaṅ nus kyaṅ ’gro bar bya bar stobs med do ||
rab ’byor de bźin du byaṅ chub sems dpa’ sems dpa’ (6) chen pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dad pa yod pa daṅ bzod pa yod pa daṅ sred pa yod pa daṅ ’dun pa yod pa daṅ brtson ’grus yod pa daṅ bag byed pa yod pa daṅ mos pa yod pa daṅ lhag pa ji bsam pa yod pa daṅ gtoṅ (7) ba yod pa daṅ gus par byed pa yod pa daṅ dga’ ba yod pa daṅ mgu ba yod pa daṅ daṅ ba yod pa daṅ rab tu dga’ ba yod pa daṅ brtson pa mi gtoṅ pa yod par gyur kyaṅ | de śes rab kyi pha rol tu phyin pas yoṅs su ma bzuṅ źiṅ thabs mkhas pa daṅ bral bar gyur pas la la (161b1) źig bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya ba la yaṅ dag par źugs su zin kyaṅ rab ’byor yaṅ ’di ltar byaṅ chub sems dpa’ de ni bar ma dor chud zos śiṅ yi gsod par ’gyur te | ’di lta ste ñan thos kyi sa ’am raṅ saṅs (2) rgyas kyi sa la gnas par ’gyur bar rig par bya’o ||
de ci’i phyir źe na | de ni ’di ltar śes rab kyi pha rol tu phyin pas yoṅs su ma bzuṅ ba daṅ thabs mkhas pa daṅ bral ba’i phyir ro ||
rab ’byor ’di lta ste dper na skyes bu skyes nas lo brgya ñi śu lon par gyur pa rgan (3) po rgas śiṅ ’khogs pa de ñid kyi lus la rluṅ las gyur pa ’am mkhris pa las gyur pa ’am bad kan las gyur pa ’am ’dus pa las gyur pa’i nad ’ga’ źig gis btab ste de’i g-yas daṅ g-yon gyi phyogs gñis nas skyes bu stobs daṅ ldan pa gñis kyis legs par brten (4) źiṅ ’jur bcug ciṅ legs par bzuṅ nas de la ’di skad du kye skyes bu khyod gaṅ du ’gro bar bya ba’i gnas der khyod kyis ma phyin gyi bar du khyod bdag cag gñis kyis brten pas lam du bar ma dor rdeg ’chos pa’i ’jigs par mi ’gyur gyis | khyod gaṅ du ’gro ’dod pa der (5) soṅ śig ces bsgo na khri de las ldaṅ nus par ’gyur ro ||
rab ’byor de bźin du byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya ba la dad pa yod pa daṅ bzod pa yod pa daṅ sred pa yod (6) pa daṅ ’dun pa yod pa daṅ brtson ’grus yod pa daṅ bag byed pa yod pa daṅ mos pa yod pa daṅ lhag pa’i bsam pa yod pa daṅ gtoṅ pa yod pa daṅ gus par byed pa yod pa daṅ dga’ ba yod pa daṅ mgu ba yod pa daṅ daṅ pa yod pa daṅ rab tu dga’ ba yod pa daṅ brtson pa mi (7) gtoṅ ba yod par gyur la ||
de śes rab kyi pha rol tu phyin pas yoṅs su bzuṅ źiṅ thabs mkhas pa daṅ ma bral bar gyur na ||
rab ’byor byaṅ chub sems dpa’ sems dpa’ chen po de ni bar ma dor chud zos par mi ’gyur yi g-yod par mi ’gyur te | byaṅ chub sems (162a1) dpa’ sems dpa’ chen po de ni ’di lta ste de’i gnas nas bla na med pa yaṅ dag par rdzogs pa’i byaṅ chub kyi gnas rjes su thob nus par rig par bya’o ||
’phags pa śes rab kyi pha rol tu phyin pa brgyad stoṅ pa las dpe’i le’u źes bya ba ste bcu bźi (2) pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po las daṅ po pas śes rab kyi pharol tu phyin pa la ji ltar gnas par bgyi ci ltar bslab (3) par bgyi | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ salemasa dpa’ chen po las daṅ po pa śes rab kyi pha rol tu phyin pa la slob par ’dod pas dge ba’i (4) bśes gñen dag la bsñen par bya bsten par bya bsñen bkur bya’o ||
gaṅ dag śes rab kyi pha rol tu phyin pa ’di la ’doms śiṅ rjes su ston par ’gyur ba daṅ gaṅ dag śes rab kyi pha rol tu phyin pa’i don ’di luṅ ’bogs pa de dag ni rab ’byor byaṅ chub sems dpa’ sems dpa’ chen (5) po de’i dge ba’i bśes gñen du rig par bya’o ||
de la ’di skad du rigs kyi bu khyod tshur śog sbyin pa’i pha rol tu phyin pa la rnal ’byor du gyis śig | de bźin du tshul khrims kyi pha rol tu phyin pa daṅ bzod pa’i pha rol tu phyin pa daṅ brtson ’grus kyi pha rol tu phyin pa daṅ bsam gtan (6) gyi pha rol tu phyin pa daṅ śes rab kyi pha rol tu phyin pa la rnal ’byor du gyis śig | rigs kyi bu khyod sbyin pa gaṅ daṅ gaṅ ñid byin pa de dag thams cad bla na med pa yaṅ dag par rdzogs pa’i byaṅ chub tu yoṅs su bsṅos śig | rigs kyi bu khyod kyis bla na med pa yaṅ dag par (7) rdzogs pa’i byaṅ chub gzugs su ma sñems śig | de bźin du tshor bar ma yin ’du śes su ma yin ’du byed rnams su ma yin rigs kyi bu khyod bla na med pa yaṅ dag par rdzogs pa’i byaṅ chub rnam par śes par ma sñems śig | de ci’i phyir źe na | rigs kyi bu khyod thams cad (162b1) mkhyen pa ñid ni mi bsñems pa’o ||
de bźin du khyod tshul khrims gaṅ daṅ gaṅ ñid sruṅ ba daṅ | de bźin du sbyar te rigs kyi bu khyod bzod pa gaṅ daṅ gaṅ ñid sgrub pa daṅ rigs kyi bu khyod brtson ’grus gaṅ daṅ gaṅ ñid rtsom pa daṅ rigs kyi bu khyod bsam gtan gaṅ daṅ gaṅ ñid (2) la mñam par ’jog pa daṅ rigs kyi bu khyod śes rab gaṅ daṅ gaṅ ñid yoṅs su sbyoṅ bar byed pa de dag thams cad bla na med pa yaṅ dag par rdzogs pa’i byaṅ chub tu yoṅs su bsṅos śig | rigs kyi bu khyod bla na med pa yaṅ dag par rdzogs pa’i byaṅ chub la gzugs sam sñems (3) śig | de bźin du tshor bar ma yin ’du śes su ma yin ’du byed rnams su ma yin rigs kyi bu khyod bla na med pa yaṅ dag par rdzogs pa’i byaṅ chub la rnam par śes par ma sñems śig | de ci’i phyir źe na | rigs kyi bu thams cad mkhyen pa ñid ni mi bsñems pa’o ||
rigs (4) kyi bu khyod ñan thos kyi sa ’am raṅ saṅs rgyas kyi sa la ’dod par ma byed cig ces śes rab kyi pha rol tu phyin pa’i don du ’bogs te | rab ’byor de ltar byaṅ chub sems dpa’ sems dpa’ chen po las daṅ po pa dge ba’i bśes gñen dag gis mthar gyis śes rab kyi pha rol tu (5) phyin pa la gźug par bya’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar yaṅ dag par źugs śiṅ de lta bu’i ṅo bo’i sbyin pa la brten de (6) lta bu’i ṅo bo’i tshul khrims daṅ da lta bu’i ṅo bo’i bzod pa daṅ de lta bu’i ṅo bo’i brtson ’grus daṅ de lta bu’i ṅo bo’i bsam gtan daṅ de lta bu’i ṅo bo’i śes rab la brten nas yoṅs su mya ṅan las ’das pa la raṅ dbaṅ du gyur pa lags kyaṅ yoṅs su mya ṅan las ’das pa mi ’tshal gyi | (7) ’on kyaṅ sems can gyi khams śin tu sdug bsṅal ba mthoṅ nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal te ’khor bar skrag par mi bgyid pa ni dka’ ba bgyid pa lags so ||
de skad ces gsol pa daṅ | bcom ldan ’das (163a1) kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | rab ’byor byaṅ chub sems dpa’ sems dpa’ chen po gaṅ ’jig rten la phan pa’i phyir źugs pa daṅ ’jig rten la bde ba’i phyir daṅ ’jig rten la sñiṅ brtse (2) ba’i phyir źugs pa daṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | ’jig rten gyi skyob par ’gyur bar bya’o ’jig rten gyi skyabs su ’gyur bar bya’o ’jig rten gyi gnas su ’gyur bar bya’o ’jig rten gyi dpuṅ gñen du ’gyur bar (3) bya’o ’jig rten gyi gliṅ du ’gyur bar bya’o ’jig rten gyi snaṅ bar ’gyur bar bya’o ’jig rten gyi yoṅs su ’dren par ’gyur bar bya’o ’jig rten gyi rten du ’gyur bar bya’o sñam ste | de lta bu’i ṅo bo’i bla na med pa yaṅ dag par rdzogs pa’i byaṅ chub tu brtson ’grus rtsom pa de dka’ ba byed pa (4) yin no ||
rab ’byor ci ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi skyob par ’gyur źe na | rab ’byor ’khor ba na spyod pa’i ’jig rten gyi sdug bsṅal ji sñed yod pa (5) de dag las de skyob par byed ciṅ sdug bsṅal de dag spaṅ ba’i phyir ’bad par byed la brtson ’grus rtsom pa ste | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten (6) gyi skyob par ’gyur ro ||
rab ’byor ci ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi skyabs su ’gyur źe na | rab ’byor sems can gaṅ skye ba’i chos can rga ba’i chos can na (7) ba’i chos can ’chi ba’i chos can mya ṅan daṅ smre sṅags ’don pa daṅ sdug bsṅal ba daṅ yid mi bde ba daṅ ’khrug pa’i chos can gyis sems can de dag skye ba daṅ rga ba daṅ na ba daṅ ’chi ba daṅ mya ṅan daṅ smre sṅags ’don pa daṅ sdug bsṅal ba daṅ yid mi bde ba daṅ ’khrug pa las (163b1) yoṅs su thar bar byed pa ste | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi skyabs su ’gyur ro ||
rab ’byor ci ltar na byaṅ chub sems dpa’ sems (2) dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi gnas su ’gyur źe na | rab ’byor gaṅ de bźin gśegs pa dgra bcom pa yaṅ dag par rdzogs pa’i saṅs rgyas sbyor ba med par bya ba’i phyir sems can rnams (3) la chos ston te | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi gnas su ’gyur ro ||
rab ’byor gyis gsol pa | bcom ldan ’das ci ltar na (4) sbyor ba ma mchis pa lags | bcom ldan ’das kyis bka’ stsal pa | rab ’byor gzugs kyi ’brel pa med pa gaṅ yin pa de ni gzugs kyi sbyor ba med pa’o ||
gzugs kyi sbyor ba med pa gaṅ yin pa de ni gzugs kyi ’brel pa med pa’o ||
gzugs kyi (5) ’brel pa med pa gaṅ yin pa de ni gzugs kyi skye ba med pa daṅ ’gag pa med pa’o ||
gzugs kyi skye ba med pa daṅ ’gag pa med pa gaṅ yin pa de ni gzugs kyi sbyor ba med pa’o ||
gaṅ gzugs la sbyor ba med pa ’di ni gzugs kyi ’brel ba med pa’o gzugs kyi ’brel (6) pa med pa ’di ni gzugs kyi sbyor ba med pa’o ||
de bźin du tshor ba daṅ ’du śes daṅ ’du byed rnams daṅ | rab ’byor rnam par śes pa’i ’brel pa med pa gaṅ yin pa de ni rnam par śes pa’i sbyor ba med pa’o ||
rnam par śes pa’i sbyor ba med pa gaṅ yin pa de ni rnam (7) par śes pa’i ’brel pa med pa’o ||
rnam par śes pa’i ’brel pa med pa gaṅ yin pa de ni rnam par śes pa’i skye ba med pa daṅ ’gag pa med pa’o ||
rnam par śes pa’i skye ba med pa daṅ ’gag pa med pa gaṅ yin pa de ni rnam par śes pa’i sbyor ba med pa’o ||
rnam (164a1) par śes pa’i sbyor ba med pa gaṅ yin pa ’di ni rnam par śes pa’i ’brel pa med pa’o ||
rnam par śes pa’i ’brel pa med pa ’di ni rnam par śes pa’i sbyor ba med pa’o ||
rab ’byor de ltar na chos thams cad ni sbyor ba med pa ’brel pa med pa’o źes rnam par (2) śes pas mthoṅ bas sbyor ba med par ’gyur ro ||
rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi gnas su ’gyur ro ||
rab ’byor ci ltar na | (3) byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi dpuṅ gñen du ’gyur źe na | rab ’byor gzugs kyi pha rol gaṅ yin pa de ni gzugs ma yin rab ’byor pha rol ci lta bar (4) gzugs kyaṅ de bźin te | de bźin du tshor ba daṅ ’du śes daṅ ’du byed rnams daṅ rab ’byor rnam par śes pa’i pha rol gaṅ yin pa de ni rnam par śes pa ma yin rab ’byor pha rol ci lta ba bźin du rnam par śes pa ’aṅ de bźin te | rab ’byor gzugs daṅ tshor ba daṅ ’du (5) śes daṅ ’du byed rnams daṅ rnam par śes pa’i pha rol ci lta ba chos thams cad kyaṅ de bźin no ||
rab ’byor gyis gsol pa | bcom ldan ’das gal te gzugs daṅ tshor ba daṅ ’du śes daṅ ’du byed rnams daṅ rnam par śes pa’i pha rol ci lta ba chos thams cad kyaṅ (6) de bźin no ||
bcom ldan ’das byaṅ chub sems dpa’ sems dpa’ chen po dag gis chos thams cad mṅon par rdzogs par saṅs rgyas pa ñid ma lags sam | de ci’i slad du źe na | bcom ldan ’das ’di la rnam par rtog pa gaṅ yaṅ ma mchis pa’i slad du’o ||
bcom (7) ldan ’das kyis bka’ stsal pa | rab ’byor de de bźin no de de bźin te | pha rol gaṅ yin pa de la rnam par rtog pa gaṅ yaṅ med de rab ’byor rnam par rtog pa med pa’i phyir byaṅ chub sems dpa’ sems dpa’ chen po dag gis chos thams cad mṅon par rdzogs par saṅs (164b1) rgyas pa ñid yin te | rab ’byor ’di yaṅ byaṅ chub sems dpa’ sems dpa’ chen po rnams kyi mchog tu dka’ ba byed pa yin no ||
gaṅ de ltar chos thams cad la ṅes par sems śiṅ mṅon du yaṅ mi byed źum par yaṅ ni byed par | ’di ltar bdag cag gis chas (2) ’di dag mṅon par rdzogs par saṅs rgyas par bya’o ||
’di ltar bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas chos ’di dag bstan par bya’o ||
rab tu bśad par bya’o sñam na | rab ’byor de ltar na byaṅ chub sems dpa’ sems (3) dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi dpuṅ gñen du ’gyur ro ||
rab ’byor ci ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs (4) par saṅs rgyas nas ’jig rten gyi gliṅ du ’gyur źe na | rab ’byor ’di lta ste dper na ’bab chu ’am rgya mtsho dag gi naṅ na phyogs gaṅ chus yoṅs su bskor bar gyur pa ni gliṅ źes bya’o ||
rab ’byor de bźin du gzugs ni sṅon gyi mtha’ daṅ phyi ma’i mtha’ yoṅs su chad (5) pa’o ||
de bźin du tshor ba daṅ ’du śes daṅ ’du byed rnams daṅ rab ’byor de bźin du rnam par śes pa ni sṅon gyi mtha’ daṅ phyi ma’i mtha’ yoṅs su chad pa ste | rab ’byor yoṅs su chad pa ’dis chos thams cad sṅon gyi mtha’ daṅ phyi ma’i mtha’ yoṅs su chad pa yin no ||
(6) rab ’byor chos thams cad kyi yoṅs su chad pa gaṅ yin pa ’di ni źi ba’o ’di ni gya nom pa’o ’di ni yoṅs su mya ṅan las ’das pa’o ||
’di ni ci lta ba bźin no ’di ni phyin ci mi log pa ste | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par (7) rdzogs pa’i byaṅ chub mṅon par rdzogs par saṅs rgyas nas ’jig rten gyi gliṅ du ’gyur ro ||
rab ’byor ci ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi snaṅ bar ’gyur źe na | (165a1) rab ’byor ’di la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas dus riṅ por ma rig pa’i sgo ṅa’i sbubs daṅ liṅ tog gis yoṅs su khebs pa’i sems can mun pas zil gyis non pa (2) rnams śes rab kyis snaṅ bar byed ciṅ mi śes pa’i mun pa mun nag thams cad sel bar byed de | rab ’byor de ltar na byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi snaṅ (3) bar ’gyur ro ||
rab ’byor ci ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi yoṅs su ’dren par ’gyur źe na | rab ’byor ’di la byaṅ chub sems dpa’ sems (4) dpa’ chen po dag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas gzugs raṅ bźin gyis skye ba med pa daṅ ’gag pa med par chos ston to ||
de bźin du tshor ba daṅ ’du śes daṅ ’du byed rnams daṅ rnam par śes pa raṅ bźin gyis (5) skye ba med pa daṅ ’gag pa med par chos ston to ||
so so’i skye bo’i chos rnams kyaṅ raṅ bźin gyis skye ba med pa daṅ ’gag pa med par chos ston to ||
ñan thos kyi chos rnams kyaṅ raṅ bźin gyis skye ba med pa daṅ ’gag pa med par chos ston to ||
raṅ saṅs rgyas (6) kyi chos rnams kyaṅ raṅ bźin gyis skye ba med pa daṅ ’gag pa med par chos ston to ||
byaṅ chub sems dpa’i chos rnams kyaṅ raṅ bźin gyis skye ba med pa daṅ ’gag pa med par chos ston to ||
saṅs rgyas kyi chos rnams kyaṅ raṅ bźin gyis skye ba med pa daṅ ’gag pa (7) med par chos ston to ||
chos thams cad kyaṅ raṅ bźin gyis skye ba med pa daṅ ’gag pa med par chos ston to ||
rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig (165b1) rten gyi yoṅs su ’dren par ’gyur ro ||
rab ’byor ji ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi rten du ’gyur źe na | rab ’byor ’di la byaṅ chub sems dpa’ (2) sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten la gzugs ni nam mkha’i rten can no źes chos ston par ’gyur | de bźin du tshor ba daṅ ’du śes daṅ ’du byed rnams daṅ rnam par śes pa yaṅ (3) nam mkha’i rten can no źes chos ston par ’gyur ro ||
rab ’byor de bźin du chos thams cad kyaṅ nam mkha’i rten can ’gro ba med pa ’oṅ ba med pa nam mkha’ daṅ mtshuṅs pa ste | ci ltar nam mkha’ ’oṅ ba med pa ’gro ba med pa ma byas pa rnam par mi ’gyur ba mṅon par (4) ’dus ma byas pa mi gnas pa yaṅ dag par mi gnas pa rnam par mi gnas pa ma skyes pa ma ’gags pa de bźin du rab ’byor chos thams cad kyaṅ ’oṅ ba med pa ’gro ba med pa ma byas pa rnam par mi ’gyur ba mṅon par ’dus ma byas pa mi gnas pa yaṅ dag par mi gnas (5) pa rnam par mi gnas pa ma skyes pa ma ’gags pa | nam mkha’ daṅ mtshuṅs pa’i phyir rnam par mi rtog pa’o ||
de ci’i phyir źe na | rab ’byor gzugs kyi stoṅ pa ñid gaṅ yin pa de ni ’oṅ ba ’am ’gro ba med do ||
de bźin du tshor ba daṅ ’du śes daṅ ’du byed (6) rnams daṅ rab ’byor rnam par śes pa’i stoṅ pa ñid gaṅ yin pa de ni ’oṅ ba’am ’gro ba med de | rab ’byor de bźin du chos thams cad kyi stoṅ pa ñid ni ’oṅ ba ’am ’gro ba med do ||
de ci’i phyir źe na | rab ’byor chos thams cad ni stoṅ pa ñid kyi rten can te de dag rten (7) de las mi ’da’o ||
rab ’byor chos thams cad ni mtshan ma med pa’i rten can te de dag rten de las mi ’da’o ||
rab ’byor chos thams cad ni smon pa med pa’i rten can te de dag rten de las mi ’da’o ||
rab ’byor chos thams cad ni mṅon par ’du mi byed pa’i rten can te (166a1) de dag rten de las mi ’da’o ||
rab ’byor chos thams cad ni ’byuṅ ba med pa’i rten can te de dag rten de las mi ’da’o ||
rab ’byor chos thams cad ni skye ba med pa’i rten can te de dag rten de las mi ’da’o ||
rab ’byor chos thams cad ni dṅos po med pa’i (2) rten can te de dag rten de las mi ’da’o ||
rab ’byor chos thams cad ni rmi lam gyi rten can te de dag rten de las mi ’da’o ||
rab ’byor chos thams cad ni bdag gi rten can te de dag rten de las mi ’da’o ||
rab ’byor chos thams cad ni mu med pa’i rten can te de dag rten de (3) las mi ’da’o ||
rab ’byor chos thams cad ni źi ba’i rten can te de dag rten de las mi ’da’o ||
rab ’byor chos thams cad ni mya ṅan las ’das pa’i rten can te de dag rten de las mi ’da’o ||
rab ’byor chos thams cad ni dbyuṅ du med pa’i rten can te de dag rten de las mi (4) ’da’o ||
rab ’byor chos thams cad ni ’oṅ ba med pa’i rten can te de dag rten de las mi ’da’o ||
rab ’byor chos thams cad ni ’gro ba med pa’i rten can te de dag rten de las mi ’da’o ||
rab ’byor chos thams cad ni mi g-yo ba’i rten can te de dag rten de las mi ’da’o ||
(5) rab ’byor chos thams cad ni gzugs kyi rten can te de dag rten de las mi ’da’o ||
rab ’byor de bźin du chos thams cad ni tshor ba daṅ ’du śes daṅ ’du byed rnams daṅ rnam par śes pa’i rten can te de dag rten de las mi ’da’o ||
rab ’byor chos thams cad ni dgra (6) bcom pa daṅ raṅ saṅs rgyas ñid daṅ bla na med pa yaṅ dag par rdzogs pa’i byaṅ chub kyi rten can te de dag rten de las mi ’da’o ||
de bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas (7) chos thams cad ni nam mkha’i rten can no źes chos ston to ||
rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’jig rten gyi rten du ’gyur ba yin no ||
rab ’byor (166b1) gyis gsol pa | bcom ldan ’das śes rab kyi pha rol tu phyin pa zab mo ’di su dag gis ’tshal bar ’gyur | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po sṅon gyi de bźin gśegs pa dgra bcom pa yaṅ dag (2) par rdzogs pa’i saṅs rgyas rnams kyi druṅ du spyad par gyur pa dge ba’i rtsa ba yoṅs su smin pa gaṅ yin pa’i byaṅ chub sems dpa’ sems dpa’ chen po de dag gis śes rab kyi pha rol tu phyin pa zab mo ’di śes par ’gyur bar rig par bya’o ||
rab ’byor gyis gsol (3) ba | bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di ’tshal bar ’gyur ba de dag gi ṅo bo ñid ji lta bu lags | bcom ldan ’das kyis bka’ stsal pa | rab ’byor byaṅ chub sems dpa’ sems (4) dpa’ chen po gaṅ dag śes rab kyi pha rol tu phyin pa zab mo ’di śes par ’gyur ba de dag ni ’dul ba las byuṅ ba dben pa’i raṅ bźin can no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po de dag ci lta bu’i rten (5) can kho nar ’gyur ba daṅ rten de dag ñid mṅon par rdzogs par saṅs rgyas nas sems can dag la yaṅ rten ’di ñid ston par ’gyur źiṅ de dag de ltar sems can rnams kyi rten du ’gyur ba lags sam | de skad ces gsol pa daṅ | bcom ldan ’das kyis tshe daṅ ldan pa (6) rab ’byor la ’di skad ces bka’ stsal to ||
rab ’byor de de bźin no de de bźin te | rab ’byor byaṅ chub sems dpa’ sems dpa’ chen po de dag ni ’di lta bu’i rten can du ’gyur ba daṅ rten ’di dag mṅon par rdzogs par saṅs rgyas nas sems can dag la rten ’di dag (7) ston par ’gyur źiṅ | de dag de ltar sems can rnams kyi rten du ’gyur te | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can gźal du med pa graṅs (167a1) med pa dag gi rten du ’gyur ro ||
rab ’byor gyis gsol pa | bcom ldan ’das sems can gźal du ma mchis graṅs ma mchis pa dag yoṅs su mya ṅan las bzla’o źes | go cha ’di bgos pa’i byaṅ chub sems dpa’ sems dpa’ chen po ni (2) dka’ ba bgyid pa lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | sems can gźal du med graṅs med pa dag yoṅs su mya ṅan las bzla’o źes (3) gaṅ gis go cha ’di bgos pa’i byaṅ chub sems dpa’ sems dpa’ chen po ni dka’ ba byed pa’o ||
rab ’byor gźan yaṅ byaṅ chub sems dpa’ sems dpa’ chen po go cha chen po bgos pa’i go cha de ni gzugs daṅ ’brel pa yaṅ ma yin gzugs kyi don du ’brel ba yaṅ ma yin (4) de bźin du tshor ba daṅ ’du śes daṅ ’du byed rnams daṅ rnam par śes pa daṅ ’drel pa yaṅ ma yin rnam par śes pa’i don du ’brel ba yaṅ ma yin | ñan thos kyi sa daṅ ’brel pa yaṅ ma yin ñan thos kyi sa’i don du ’brel pa yaṅ ma yin | raṅ saṅs rgyas kyi sa daṅ ’brel pa (5) yaṅ ma yin raṅ saṅs rgyas kyi sa’i don du ’brel ba yaṅ ma yin | saṅs rgyas kyi sa daṅ ’brel pa yaṅ ma yin saṅs rgyas kyi sa’i don du ’brel pa yaṅ ma yin no ||
de ci’i phyir źe na | rab ’byor kye ma byaṅ chub sems dpa’ sems dpa’ chen po go cha chen po bgos pa’i go cha ’di (6) ni chos thams cad daṅ ma ’brel pa’o ||
rab ’byor gyis gsol pa | bcom ldan ’das ’di ltar byaṅ chub sems dpa’ sems dpa’ chen po go cha chen po bgos pa śes rab kyi pha rol tu phyin pa zab mo la de ltar spyod pa des gnas gsum la re bar mi bgyi ste | gsum gaṅ źe na | (7) ’di lta ste ñan thos kyi sa ’am raṅ saṅs rgyas kyi sa ’am saṅs rgyas kyi sa’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor khyod don gyi dbaṅ ci źig mthoṅ na ’di skad du ’di ltar byaṅ chub sems dpa’ (167b1) sems dpa’ chen po go cha chen po bgos pa śes rab kyi pha rol tu phyin pa zab mo la de ltar spyod pa des gnas gsum la re bar mi bya ste | gsum gaṅ źe na ’di lta ste ñan thos kyi sa ’am raṅ saṅs rgyas kyi sa ’am saṅs rgyas kyi sa’o źes zer | rab ’byor byaṅ chub sems (2) dpa’ sems dpa’ chen po go cha chen po bgos pa śes rab kyi pha rol tu phyin pa zab mo la de ltar spyod pa de ñan thos kyi sa ’am raṅ saṅs rgyas kyi sa la re ba ’di ni gnas med ciṅ go skabs med do ||
’on kyaṅ gaṅ gis sems can thams cad kyi don du go cha chen po bgos pa ’di ni (3) saṅs rgyas kyi sa ñid la re bar bya’o ||
rab ’byor gyis gsol pa | bcom ldan ’das śes rab kyi pha rol tu phyin pa ni zab ste | de ni sus kyaṅ bsgom par bgyi ba ma lags de ni gaṅ gis kyaṅ bsgoms par ma gyur gaṅ gis kyaṅ sgom par mi byed gaṅ gis kyaṅ (4) sgom par mi ’gyur bsgom par bgyi ba yaṅ cuṅ zad ma mchis gaṅ du bsgom par bgyi ba yaṅ ma mchis so ||
de ci’i slad du źe na | bcom ldan ’das śes rab kyi pha rol tu phyin pa la chos gaṅ yaṅ yoṅs su grub pa ma mchis pa’i slad du’o ||
bcom ldan ’das ’di lta ste (5) śes rab kyi pha rol tu phyin pa sgom pa ’di ni nam mkha’ bsgom pa lags so ||
bcom ldan ’das ’di lta ste śes rab kyi pha rol tu phyin pa sgom pa ’di ni chos thams cad mi bsgom pa lags so ||
bcom ldan ’das ’di lta ste śes rab kyi pha rol tu phyin pa sgom pa ’di ni ma chags (6) pa bsgom pa lags so ||
bcom ldan ’das ’di lta ste śes rab kyi pha rol tu phyin pa sgom pa ’di ni mtha’ las pa bsgom pa lags so ||
bcom ldan ’das ’di lta ste śes rab kyi pha rol tu phyin pa sgom pa ’di ni dṅos po ma mchis pa bsgom pa lags so ||
bcom ldan (7) ’das ’di lta ste śes rab kyi pha rol tu phyin pa sgom pa ’di ni yoṅs su gzuṅ ba ma mchis pa bsgom pa lags so ||
de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te ||
(168a1) rab ’byor de lta bas na śes rab kyi pha rol tu phyin pa zab mo’i gnas pas gnas pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub las phyir mi ldog par brtag par bya’o ||
rab ’byor ’di ltar byaṅ chub (2) sems dpa’ sems dpa’ chen po śes rab kyi pha rol tu phyin pa zab mo ’di la mṅon par chags par mi byed pa daṅ | ’di ltar gźan gyis smras pa daṅ gźan gyis bgros pa dag la mṅon par chags par mi byed pa daṅ | ’di ltar byaṅ chub sems dpa’ sems (3) dpa’ chen po pha rol gyi dad pa’i phyir mi ’braṅ ba daṅ | rab ’byor ’di ltar byaṅ chub sems dpa’ sems dpa’ chen po śes rab kyi pha rol tu phyin pa zab mo ’di bśad pa la mi ’god kun tu mi źum mi dṅaṅ kun tu mi skrag kun tu skrag pa daṅ ldan par mi ’gyur | nem nur mi (4) byed the tshom mi za rmoṅs par mi ’gyur źiṅ | rtogs par byed mos par byed de śes rab kyi pha rol tu phyin pa mthoṅ ba daṅ thos par dga’ bas na rab ’byor ’dis sṅon gyi mthar yaṅ śes rab kyi pha rol tu phyin pa yoṅs su dris par rig par bya’o ||
de ci’i phyir źe na | rab (5) ’byor ’di ltar śes rab kyi pha rol tu phyin pa zab mo ’di bśad pa la mi dṅaṅ kun tu mi skrag kun tu skrag pa daṅ mi ldan pa’i phyir ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di (6) bśad pa la mi dṅaṅ kun tu mi skrag kun tu skrag pa daṅ ldan par mi ’gyur na | bcom ldan ’das rnam pa gaṅ gis des śes rab kyi pha rol tu phyin pa bye brag tu brtags pa lags | bcom ldan ’das kyis bka’ stsal pa | rab ’byor thams cad mkhyen pa ñid la gźol ba’i (7) rgyud kyis byaṅ chub sems dpa’ sems dpa’ chen pos śes rab kyi pha rol tu phyin pa bye brag tu brtags pa yin no ||
rab ’byor gyis gsol pa | bcom ldan ’das ci ltar thams cad mkhyen pa ñid la gźol ba’i rgyud bye brag tu brtags pa lags | bcom ldan ’das kyis (168b1) bka’ stsal pa | rab ’byor nam mkha’ la gźol ba’i rgyud daṅ rab ’byor nam mkha’ la ’bab pa daṅ rab ’byor nam mkha’ la phyogs pa’i rgyud kyis thams cad mkhyen pa ñid la gźol ba’i rgyud bye brag tu brtags pa yin no ||
rab ’byor yaṅ thams cad mkhyen pa ñid la gźol (2) ba’i rgyud kyis bye brag tu brtags pa gaṅ yin pa de ni bye brag tu brtags pa’o ||
de ci’i phyir źe na | rab ’byor thams cad mkhyen pa ñid ni gźal du med pa’o ||
rab ’byor thams cad mkhyen pa ñid ni tshad ma med pa’o ||
rab ’byor gźal du med pa daṅ tshad ma med pa (3) gaṅ yin pa de ni gzugs ma yin tshor ba ma yin ’du śes ma yin ’du byed rnams ma yin rnam par śes pa ma yin | thob pa ma yin mṅon par rtogs pa ma yin khoṅ du chud pa ma yin lam ma yin lam gyi ’bras bu ma yin ye śes ma yin rnam par śes pa ma yin skye ba ma yin ’jig (4) pa ma yin ’byuṅ pa ma yin ’grib pa ma yin ’gag pa ma yin sgom pa ma yin rnam par sgom pa ma yin te | sus kyaṅ ma byas gaṅ nas kyaṅ ma ’oṅs gaṅ du yaṅ mi ’gro yul gaṅ du yaṅ mi gnas phyogs gaṅ du yaṅ mi gnas te | gźan du na gźal du med pa tshad med pa źes bya ba de lta bu’i (5) graṅs su ’gro’o ||
nam mkha’ gźal du med pa’i phyir thams cad mkhyen pa ñid gźal du med pa ste | gźal du med pa gaṅ yin pa de ni sus kyaṅ mṅon par rdzogs par ’chaṅ rgya bar mi nus te gzugs kyis ma yin tshor bsam yin ’du śes kyis ma yin ’du byed rnams kyis (6) ma yin rnam par śes pas ma yin | sbyin pa’i pha rol tu phyin pas ma yin tshul khrims kyi pha rol tu phyin pas ma yin bzod pa’i pha rol tu phyin pas ma yin brtson ’grug kyi pha rol tu phyin pas ma yin bsam gtan gyi pha rol tu phyin pas ma yin te | śes rab kyi pha rol tu phyin (7) pas mṅon par rdzogs par ’tshaṅ rgya bar mi nus so ||
de ci’i phyir źe na | rab ’byor gzugs ñid thams cad mkhyen pa ñid do ||
de bźin du tshor ba ñid daṅ ’du śes ñid daṅ ’du byed ñid rnams daṅ rab ’byor rnam par śes pa ñid ni thams cad mkhyen pa ñid do ||
(169a1) rab ’byor sbyin pa’i pha rol tu phyin pa ñid ni thams cad mkhyen pa ñid do ||
de bźin du tshul khrims kyi pha rol tu phyin pa ñid daṅ bzod pa’i pha rol tu phyin pa ñid daṅ brtson ’grus kyi pha rol tu phyin pa ñid daṅ bsam gtan gyi pha rol tu phyin pa ñid daṅ rab ’byor (2) śes rab kyi pha rol tu phyin pa ñid ni thams cad mkhyen pa ñid do ||
de nas lha rnams kyi dbaṅ po brgya byin ’dod pa na spyod pa’i lha’i bu rnams daṅ bcas pa daṅ mi mjed kyi bdag po tshaṅs pa yaṅ gzugs na spyod pa’i lha’i bu rnams daṅ bcas te bcom ldan ’das ga la ba der (3) doṅ ste lhags nas bcom ldan ’das kyi źabs la mgo bos phyag ’tshal te | bcom ldan ’das la lan gsum bskor ba byas nas phyogs gcig tu ’khod do ||
phyogs gcig tu ’khod pa daṅ lha rnams kyi dbaṅ po brgya byin ’dod pa na spyod pa’i lha’i bu rnams daṅ bcas (4) pa daṅ mi mjed kyi bdag po tshaṅs pa yaṅ gzugs na spyod pa’i lha’i bu rnams daṅ bcas pas bcom ldan ’das la ’di skad ces gsol to ||
bcom ldan ’das śes rab kyi pha rol tu phyin pa ni zab pa’o ||
bcom ldan ’das śes rab kyi pha rol tu phyin pa ni gtiṅ dpag dka’ (5) ba’o ||
bcom ldan ’das śes rab kyi pha rol tu phyin pa ni blta dka’ ba’o ||
bcom ldan ’das śes rab kyi pha rol tu phyin pa ni rtogs par dka’ ste | don gyi dbaṅ ’di gzigs nas kyaṅ de bźin gśegs pa dgra bcom pa yaṅ dag par rdzogs pa’i saṅs rgyas (6) bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas byaṅ chub kyi sñiṅ po la bźugs pa na | brtson pa chuṅ ba la thugs gźol bar mdzad de chos bstan pa la gźol bar ma mdzad do ||
de skad ces gsol pa daṅ | bcom ldan ’das (7) kyis lha rnams kyi dbaṅ po brgya byin daṅ ’dod pa na spyod pa’i lha’i bu rnams daṅ mi mjed kyi bdag po tshaṅs pa daṅ gzugs na spyod pa’i lha’i bu rnams la ’di skad ces bka’ stsal to ||
lha’i bu dag de de bźin te de de bźin no ||
lha’i bu dag kye ma śes rab kyi pha rol tu phyin pa ’di (169b1) ni zab pa’o ||
lha’i bu dag śes rab kyi pha rol tu phyin pa ’di ni gtiṅ dpag dka’ ba’o ||
lha’i bu dag śes rab kyi pha rol tu phyin pa ’di ni blta dka’ ba’o ||
lha’i bu dag śes rab kyi pha rol tu phyin pa ’di ni rtogs par dka’ ste | don gyi dbaṅ ’di gzigs nas kyaṅ de (2) bźin gśegs pa dgra bcom pa yaṅ dag par rdzogs pa’i saṅs rgyas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas ma thag tu byaṅ chub kyi sñiṅ po la bźugs pa na | kye ma chos zab mo ’di ṅas mṅon par rdzogs par saṅs rgyas so sñam pas brtson (3) pa chuṅ ba la thugs gźol bar mdzad de chos bstan pa la gźol bar ma mdzad do ||
gaṅ du sus kyaṅ mṅon par rdzogs par saṅs ma rgyas su yaṅ mṅon par rdzogs par ’tshaṅ rgya bar mi ’gyur su yaṅ mṅon par rdzogs par ’tshaṅ mi rgya ba ’di ni chos kyi zab pa yin no ||
nam (4) mkha’ zab pa’i phyir chos ’di zab bo ||
bdag zab pa’i phyir chos ’di zab bo ||
chos thams cad ’oṅ ba med pa’i phyir chos ’di zab bo ||
chos thams cad ’gro ba med pa’i phyir ṅas mṅon par rdzogs par saṅs rgyas pa’i chos ’di zab pa yin no ||
de skad ces bka’ (5) stsal pa daṅ | bcom ldan ’das la lha rnams kyi dbaṅ po brgya byin daṅ ’dod pa na spyod pa’i lha’i bu dag daṅ mi mjed kyi bdag po tshaṅs pa daṅ gzugs na spyod pa’i lha’i bu dag gis ’di skad ces gsol to ||
bcom ldan ’das ṅo mtshar to bde bar gśegs pa rmad du byuṅ ba’o ||
(6) bcom ldan ’das chos ’di ni ’jig rten thams cad daṅ mi mthun par bstan te | bcom ldan ’das chos thams cad mi bzuṅ ba’i slad du chos ’di bstan pa lags na ’jig rten dag ni ’dzin pa la spyod do ||
’phags pa śes rab kyi pha rol tu phyin pa brgyad stoṅ pa las lha’i (7) le’u źes bya ste bco lṅa pa’o || ||
śes rab kyi pha rol tu phyin pa brgyad stoṅ pa | bam po bco lṅa pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kye ma chos bstan pa ’di ni chos thams cad (170a1) dmigs su ma mchis pa ste | bcom ldan ’das chos ’di ni gaṅ la yaṅ thogs pa ma mchis so ||
bcom ldan ’das kye ma nam mkha’ daṅ mtshuṅs pas gnas thams cad dmigs su ma mchis pa’i slad du chos ’di ni thogs pa ma mchis pa’i mtshan ñid do ||
(2) bcom ldan ’das kye ma gñis su ma mchis pa’i slad du chos ’di ni mtshuṅs pa ma mchis pa’i mtshan ñid do ||
bcom ldan ’das kye ma rgol ba ma mchis pa’i slad du chos ’di ni do zla ma mchis pa’i mtshan ñid do ||
bcom ldan ’das kye ma mṅon par grub pa ma mchis pa’i slad (3) du chos ’di ni gnas pa ma mchis pa’o ||
bcom ldan ’das kye ma skye ba thams cad skye ba ma mchis pa’i slad du chos ’di ni ’byuṅ ba ma mchis pa’o ||
bcom ldan ’das kye ma lam thams cad mi dmigs pa’i slad du chos ’di ni lam ma mchis pa’o ||
de nas lha rnams (4) kyi dbaṅ po brgya byin daṅ mi mjed kyi bdag po tshaṅs pa daṅ ’dod pa na spyod pa daṅ gzugs na spyod pa’i lha’i bu de dag gis bcom ldan ’das la ’di skad ces gsol to ||
bcom ldan ’das kye ma bcom ldan ’das kyi ñan thos ’phags pa gnas brtan rab ’byor ’di (5) ni rjes su mthun par skyes pa lags so ||
de ci’i slad du źe na | bcom ldan ’das gnas brtan rab ’byor ’di ni ’di ltar chos gaṅ daṅ gaṅ kho nar ston pa’i chos de daṅ de ñid stoṅ pa ñid las brtsams te ston pa’i slad du’o ||
de nas tshe daṅ ldan pa rab ’byor gyis lha rnams kyi (6) dbaṅ po brgya byin daṅ mi mdzad kyi bdag po tshaṅs pa daṅ ’dod pa na spyod pa daṅ gzugs na spyod pa’i lha’i bu de dag la ’di skad ces smras so ||
lha’i bu dag gaṅ ’di skad du gnas brtan rab ’byor ’di ni de bźin gśegs pa’i rjes su mthun par skyes so źes smras pa ni | ma skyes (7) pa’i phyir gnas brtan rab ’byor ni de bźin gśegs pa’i rjes su mthun par skyes te | gnas brtan rab ’byor de ni de bźin gśegs pa’i de bźin ñid kyi rjes su soṅ ba’o ||
ci ltar de bźin gśegs pa’i de bźin ñid ’oṅ ba yaṅ med soṅ ba yaṅ med pa de bźin du (170b1) gnas brtan rab ’byor gyi de bźin ñid ’oṅ ba yaṅ med soṅ ba yaṅ med de | de ltar na gnas brtan rab ’byor ni de bźin gśegs pa’i de bźin ñid kyi rjes su soṅ ba’o ||
gnas brtan rab ’byor ni daṅ po ñid nas de bźin gśegs pa’i de bźin ñid kyi rjes su soṅ ba ste | de ci’i (2) phyir źe na | de bźin gśegs pa’i de bźin ñid gaṅ yin pa de ni chos thams cad kyi de bźin ñid do ||
chos thams cad kyi de bźin ñid gaṅ yin pa de ni de bźin gśegs pa’i de bźin ñid do ||
de bźin gśegs pa’i de bźin ñid gaṅ yin pa daṅ chos thams cad kyi de (3) bźin ñid gaṅ yin pa de ni gnas brtan rab ’byor gyi de bźin ñid do ||
gnas brtan rab ’byor ni de bźin ñid de’i rjes su soṅ ba ste | de bas na de bźin gśegs pa’i rjes su skyes so ||
de bźin gśegs pa’i de bźin ñid de yaṅ de bźin ñid ma yin te | de bźin (4) ñid de’i rjes su soṅ ba’o ||
de ltar na gnas brtan rab ’byor ni de bźin gśegs pa’i rjes su skyes pa’o ||
de bźin gśegs pa’i de bźin ñid kyi gnas pa gaṅ yin pa’i gnas pa des gnas brtan rab ’byor ni de bźin gśegs pa’i rjes su skyes pa’o ||
ci ltar de (5) bźin gśegs pa’i de bźin ñid ’gyur ba med pa daṅ rnam par ’gyur ba med pa daṅ rtog pa med pa daṅ rnam par rtog pa med pa de bźin du | gnas brtan rab ’byor gyi de bźin ñid kyaṅ ’gyur ba med pa daṅ rnam par ’gyur ba med pa daṅ rtog pa med pa daṅ rnam par rtog pa med pa’o ||
(6) de ltar na gnas brtan rab ’byor yaṅ de bźin ñid des ’gyur ba med pa rnam par ’gyur ba med pa rtog pa med pa rnam par rtog pa med pas de bźin gśegs pa’i rjes su skyes so ||
ci ltar de bźin gśegs pa’i de bźin ñid ’gyur ba med rnam par ’gyur ba med rtog pa med (7) rnam par rtog pa med de gaṅ la yaṅ thogs pa med pa de bźin du | chos thams cad kyi de bźin ñid kyaṅ ’gyur ba med rnam par ’gyur ba med rtog pa med rnam par rtog pa med de gaṅ la yaṅ thogs pa med do ||
de ci’i phyir źe na | de bźin gśegs pa’i de bźin ñid (171a1) gaṅ yin pa daṅ chos thams cad kyi de bźin ñid gaṅ yin pa’i de bźin ñid ’di ni gcig ste gñis su med ciṅ gñis su byar med do ||
gñis su med pa’i de bźin ñid ni gaṅ du yaṅ de bźin ñid ma yin gaṅ las kyaṅ de bźin ñid ma yin gaṅ gi yaṅ de bźin (2) ñid ma yin te | gaṅ gi phyir de ni gaṅ gi yaṅ de bźin ñid ma yin pa des na de bźin ñid de ni gñis su med pa ste gñis su med pa’i de bźin ñid ni gñis su byar med do ||
de ltar na gnas brtan rab ’byor ni ma byas pa’i de bźin ñid kyis de bźin gśegs pa’i rjes su (3) skyes te | ma byas pa’i de bźin ñid gaṅ yin pa de ni nam yaṅ de bźin ñid ma yin par mi ’gyur ro ||
gaṅ gi phyir de nam yaṅ de bźin ñid ma yin par mi ’gyur ba de’i phyir de bźin ñid de ni gñis su med de gñis su med pa’i de bźin ñid ni gñis su byar med do | (4) de ltar na gnas brtan rab ’byor ni de bźin gśegs pa’i rjes su skyes so ||
ci ltar de bźin gśegs pa’i de bźin ñid rnam pa thams cad du chos thams cad la mi rtog rnam par mi rtog pa de bźin du gnas brtan rab ’byor gyi de bźin ñid kyaṅ thams cad du thams cad (5) chos la mi rtog rnam par mi rtog go ||
de bźin du de bźin gśegs pa daṅ rab ’byor ni de bźin ñid kyis mṅon par sprul pa ste | ’di gñi ga yaṅ bskal pa ma yin źiṅ tha mi dad pa ste | tha dad par byed pa mi dmigs pa’i phyir ro ||
de ltar na gnas brtan rab (6) ’byor ni de bźin gśegs pa’i rjes su skyes so ||
ji ltar de bźin gśegs pa’i de bźin ñid ni chos thams cad kyi de bźin ñid las gźan ma yin pa de bźin du rab ’byor gyi de bźin ñid kyaṅ chos tams cad kyi de bźin ñid las gźan ma yin la chos thams cad kyi de (7) bźin ñid las gźan ma yin pa gaṅ yin pa gaṅ yin pa de ni gaṅ gi yaṅ de bźin ñid ma yin par ni ’gyur te | de bźin ñid de ñid ni chos thams cad kyi de bźin ñid do ||
de bźin ñid de la gnas brtan rab ’byor gyis gźan ma yin pa’i de bźin ñid kyis rjes su soṅ bar khas (171b1) blaṅs te | ’dir ’ga’ źig ’ga’ źig tu rjes su soṅ bar khas blaṅs pa yaṅ med do ||
de ltar na gnas brtan rab ’byor ni de bźin gśegs pa’i rjes su skyes so ||
ci ltar de bźin gśegs pa’i de bźin ñid ’das pa ma yin ma ’oṅs pa ma yin da ltar byuṅ ba (2) ma yin pa de bźin du | chos thams cad kyi de bźin ñid kyaṅ ’das pa ma yin ma ’oṅs pa ma yin da ltar byuṅ ba ma yin te de ltar na gnas brtan rab ’byor de bźin ñid de’i rjes su soṅ bas de bźin gśegs pa’i rjes su skyes pa źes bya’o ||
de bźin gśegs pa’i de bźin (3) ñid kyis kyaṅ de bźin ñid kyi rjes su soṅ ba ste | de bźin gśegs pa’i de bźin ñid kyis ’das pa’i de bźin ñid kyi rjes su soṅ ṅo ||
’das pa’i de bźin ñid kyis de bźin gśegs pa’i de bźin ñid kyi rjes su soṅ ṅo ||
de bźin gśegs pa’i de bźin ñid kyis ma (4) ’oṅs pa’i de bźin ñid kyi rjes su soṅ ṅo ||
ma ’oṅs pa’i de bźin ñid kyis de bźin gśegs pa’i de bźin ñid kyi rjes su soṅ ṅo ||
de bźin gśegs pa’i de bźin ñid kyis da ltar byuṅ ba’i de bźin ñid kyi rjes su soṅ ṅo ||
de ltar byuṅ ba’i de bźin ñid kyis de bźin (5) gśegs pa’i de bźin ñid kyi rjes su soṅ ṅo ||
de bźin gśegs pa’i de bźin ñid kyis ’das pa daṅ ma ’oṅs pa daṅ da ltar byuṅ ba’i de bźin ñid kyi rjes su soṅ ṅo ||
’das pa daṅ ma ’oṅs pa daṅ da ltar byuṅ ba’i de bźin ñid kyis de bźin gśegs pa’i de bźin ñid kyi (6) rjes su soṅ ste | de ltar na gnas brtan rab ’byor gyi de bźin ñid daṅ ’das pa daṅ ma ’oṅs pa daṅ da ltar byuṅ ba’i de bźin ñid daṅ de bźin gśegs pa’i de bźin ñid ’di ni gñis su byar med do ||
de bźin du chos thams cad kyi de bźin ñid daṅ rab ’byor gyi de bźin (7) ñid ’di ni gñis su med de gñis su byar med do ||
bcom ldan ’das byaṅ chub sems dpar gyur pa’i de bźin ñid gaṅ yin pa de ñid ni bcom ldan ’das bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i de bźin ñid de de bźin ñid gaṅ gis (172a1) byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur pa na yaṅ de bźin gśegs pa’i miṅ ’thob par ’gyur ba de ni de bźin ñid ’di yin no ||
de bźin gśegs pa’i de bźin ñid ’di (2) bstan pa de’i tshe na yaṅ de bźin gśegs pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba bźin du sa chen po ’di rnam par ’gyur ba drug daṅ ltas chen po bcu brgyad du ’gul rab tu ’gul kun tu rab tu ’gul | g-yos rab tu g-yos kun tu (3) rab tu g-yos | ldeg rab tu ldeg kun tu rab tu ldeg | ’khrugs rab tu ’khrugs kun tu rab tu ’khrugs | chem chem rab tu chem chem kun tu rab tu chem chem | ’ur ’ur rab tu ’ur ’ur kun tu rab tu ’ur ’ur ro ||
gźan yaṅ gnas brtan rab ’byor gyis lha’i bu de dag (4) la smras pa lha’i bu dag de ltar na gnas brtan rab ’byor ni de bźin gśegs pa’i rjes su skyes so ||
gźan yaṅ gnas brtan rab ’byor ni gzugs kyi rjes su ma skyes te | tshor ba’i ma yin ’du śes gyi ma yin ’du byed rnams kyi ma yin rnam par śes pa’i rjes su ma skyes so ||
rgyun (5) tu źugs pa’i ’bras bu’i rjes su ma skyes te | lan cig phyir ’oṅ ba’i ’bras bu’i ma yin phyir mi ’oṅ ba’i ’bras bu’i ma yin dgra bcom pa’i ’bras bu’i rjes su ma skyes so ||
raṅ saṅs rgyas ñid kyi rjes su ma skyes saṅs rgyas ñid kyi rjes su ma skyes so ||
de ci’i phyir źe na | ’di (6) ltar gaṅ gis rjes su skye ba daṅ gaṅ rjes su skye ba’i chos de dag ni yaṅ dag par yod pa ma yin źiṅ ñe bar mi dmigs so ||
de ltar na gnas brtan rab ’byor ni de bźin gśegs pa’i rjes su skyes so ||
de nas bcom ldan ’das la tshe daṅ ldan pa ś ri’i bus ’di skad ces gsol (7) to ||
bcom ldan ’das ’di lta ste de bźin ñid ’di ni spyod pa zab mo lags so ||
de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te | ś ri’i bu ’di lta ste de bźin ñid ’di ni spyad pa zab (172b1) mo yin no ||
de bźin ñid bstan pa ’di bśad pa na yaṅ dge sloṅ sum brgya len pa med par zag pa las sems rnam par grol lo ||
dge sloṅ ma lṅa brgya chos rnams la chos kyi mig rdul med ciṅ dri ma daṅ bral ba rnam par dag go ||
lha’i bu lṅa stoṅ sṅon yoṅs su sbyaṅ ba byas pa (2) dag gis mi skye ba’i chos la bzod pa thob par gyur to ||
byaṅ chub sems dpa’ drug cu len pa med par zag pa las sems rnam par grol lo ||
de nas tshe daṅ ldan pa ś ri’i bus byaṅ chub sems dpa’ de rnams len pa med par zag pa rnams las sems rnam par grol bar (3) śes nas bcom ldan ’das la ’di skad ces gsol to ||
bcom ldan ’das byaṅ chub sems dpa’ ’di rnams len pa med par zag pa rnams las sems rnam par grol ba’i rgyu ni gaṅ lags rkyen ni gaṅ lags | bcom ldan ’das kyis bka’ stsal pa | ś ri’i bu byaṅ chub sems (4) dpa’ ’di dag gis ni saṅs rgyas lṅa brgya la bsñen bkur byas śiṅ thams cad du yaṅ sbyin pa byin tshul khrims bsruṅs bzod pa bsgrubs brtson ’grus brtsams bsam gtan dag bskyed de de dag kyaṅ śes rab kyi pha rol tu phyin pas yoṅs su ma bzuṅ źiṅ thabs mkhas pa daṅ bral bar gyur (5) to ||
ś ri’i bu ’di ltar yaṅ byaṅ chub sems dpa’ ’di dag gi lam stoṅ pa ñid dam mtshan ma med pa la spyod pa ’am smon pa med pa yin mod kyi | de ltar na yaṅ de dag thabs mkhas pa daṅ mi ldan pa’i phyir yaṅ dag pa’i mtha’ mṅon du byas nas ñan thos kyi sar ṅes par byuṅ gi saṅs (6) rgyas kyi sar ni ma yin no ||
ś ri’i bu ’di lta ste dper na ’dab chags bya źig gi lus dpag tshad brgya ba ’am dpag tshad ñis brgya ba ’am dpag tshad sum brgya pa ’am dpag tshad bźi brgya pa ’am dpag tshad lṅa brgya pa tsam du gyur pa źig yod de | de sum cu rtsa gsum pa’i lha’i naṅ (7) na ’dug pa las ’dzam bu’i gliṅ ’dir ’gro’o sñam du sems śiṅ ś ri’i bu ’dab chags bya de ’dab ma ma skyes pa ’am ’dab ma byi bar gyur pa ’am ’dab ma bcad par gyur la | des ’dzam bu’i gliṅ ’dir gnas par bya’o sñam du bsams te sum cu rtsa gsum pa’i lha’i ris nas (173a1) bdag ñid mchoṅs te ’dab chags bya de de nas lhuṅ ba daṅ | nam mkha’i bar snaṅ la gnas pa’i bar der ’di sñam du kye ma’o bdag phyir sum cu rtsa gsum pa’i lha’i naṅ du gnas par bya’o sñam du sems na ś ri’i bu de ci sñam du sems ci ’dab chags bya des phyir sum cu (2) rtsa gsum pa’i lha’i naṅ na gnas par nus sam | tshe daṅ ldan pa ś ri’i bus gsol pa | bcom ldan ’das de ni ma lags so ||
bcom ldan ’das kyis bka’ stsal pa | ś ri’i bu gal te yaṅ ’di sñam du kye ma bdag ni ma smas ma snad par ’dzam bu’i gliṅ du gnas par bya’o sñam na | (3) ś ri’i bu de ci sñam du sems ci ’dab chags bya de ma smas ma snad par ’dzam bu’i gliṅ du gnas par ’gyur ram | ś ri’i bus gsol pa | bcom ldan ’das de ni ma lags so ||
bcom ldan ’das de ’dzam bu’i gliṅ du ltuṅ nas smas śiṅ snad par ’gyur te | de ’gum pa (4) ’am ’bum pa la thug pa tsam gyi sdug bsṅal du ’gyur ro ||
de ci’i slad du źe na | bcom ldan ’das de ni ’di ltar lags te | gaṅ gi lus kyaṅ chen por gyur pa daṅ ’dab ma yaṅ ma mchis par gyur pa daṅ mthon po źig nas kyaṅ lhuṅ bar gyur pa’i slad du’o ||
de skad ces (5) gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin ni de de bźin te | ś ri’i bu byaṅ chub sems dpa’ sems dpa’ chen po gaṅ bla na med pa yaṅ dag par rdzogs pa’i byaṅ chub tu sems bskyed nas bskal pa gaṅ (6) g’i kluṅ gi bye ma sñed du gnas śiṅ sbyin pa byin tshul khrims bsruṅs bzod pa bsgruṅs brtson ’grus brtsams bsam gtan la mñam par bźag ste | de rgya cher yaṅ dag par źugs par gyur ciṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar de’i sems (7) cher bskyed par gyur kyaṅ gal te śes rab kyi pha rol tu phyin pa ’di sa yoṅs su ma zin ciṅ thabs mkhas pa daṅ bral bar gyur na ’di ltar ñan thos kyi sa ’am raṅ saṅs rgyas kyi sar ltuṅ ṅo ||
ś ri’i bu gźan yaṅ byaṅ chub sems dpa’ ’das pa daṅ ma ’oṅs pa daṅ da ltar byuṅ ba’i (173b1) saṅs rgyas bcom ldan ’das rnams kyi tshul khrims de daṅ tiṅ ṅe ’dzin de daṅ śes rab de daṅ rnam par grol ba de daṅ rnam par grol ba’i ye śes gzigs pa de la mtshan ma’i tshul gyis sems śiṅ ’dzin par byed pa des ni de bźin gśegs pa dgra bcom pa yaṅ dag par (2) rdzogs pa’i saṅs rgyas rnams kyi tshul khrims mi śes mi mthoṅ ste | tiṅ ṅe ’dzin ma yin śes rab ma yin rnam par grol ba ma yin de bźin gśegs pa dgra bcom pa yaṅ dag par rdzogs pa’i saṅs rgyas rnams kyi rnam par grol ba’i ye śes gzigs pa mi śes (3) mi mthoṅ ṅo ||
des ma śes ma mthoṅ bas stoṅ pa ñid kyi sgra ñan ciṅ des sgra de la mtshan mar byed de des sgra de mtshan mar byas nas bla na med pa yaṅ dag par rdzogs pa’i byaṅ chub tu yoṅs su bsṅo bar ’dod pa de’i phyir ’di ni ñan thos kyi sa ’am raṅ saṅs rgyas kyi sa la gnas (4) par ’gyur bar rig par bya’o ||
de ci’i phyir źe na | ś ri’i bu gaṅ śes rab kyi pha rol tu phyin pas yoṅs su ma bzuṅ źiṅ thabs mkhas pa daṅ bral bar gyur pa de ni ’di ltar ’gyur ro ||
ś ri’i bus gsol pa | bcom ldan ’das kyis ci ltar bśad pa’i don bdag gi (5) ’tshal ba ltar na byaṅ chub sems dpa’ gaṅ bsod nams kyi tshogs śin tu maṅ po daṅ ldan du lags kyaṅ | śes rab kyi pha rol tu phyin pas yoṅs su ma bzuṅ la thabs mkhas pa daṅ bral źiṅ dge ba’i bśes gñen daṅ mi ldan par gyur na | de bla na med pa yaṅ dag par rdzogs pa’i (6) byaṅ chub ’thob pa la the tshom du ’gyur ro ||
bcom ldan ’das de lta bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal bas śes rab kyi pha rol tu phyin pa bsgom par bgyi źiṅ thabs mkhas pa (7) la yaṅ brtson par bgyi’o ||
de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu de de bźin no de de bźin te | ś ri’i bu byaṅ chub sems dpa’ sems dpa’ chen po gaṅ śes rab kyi pha rol tu phyin pas (174a1) yoṅs su ma bzuṅ źiṅ thabs mkhas pa daṅ bral ba ni bsod nams kyi tshogs maṅ pa daṅ ldan na yaṅ dge ba’i bśes gñen daṅ bral bar gyur na bla na med pa yaṅ dag par rdzogs pa’i byaṅ chub ’thob pa ni the tshom du ’gyur ro ||
ś ri’i bu de lta bas na byaṅ chub (2) sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas śes rab kyi pha rol tu phyin pa la bsgom par bya źiṅ thabs mkhas pa daṅ yaṅ ldan par bya’o ||
de nas lha rnams kyi dbaṅ po brgya byin ’dod pa na spyod pa’i (3) lha’i bu rnams daṅ bcas pa daṅ mi mjed kyi bdag po tshaṅs pa gzugs na spyod pa’i lha’i bu rnams daṅ bcas pas bcom ldan ’das la ’di skad ces gsol to ||
bcom ldan ’das śes rab kyi pha rol tu phyin pa ’di ni zab bo ||
bcom ldan ’das bla na med pa yaṅ dag par (4) rdzogs pa’i byaṅ chub ni ’byuṅ bar dka’o ||
bcom ldan ’das bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba śin tu ’byuṅ bar dka’o ||
de nas bcom ldan ’das kyis lha rnams kyi dbaṅ po brgya byin la sogs pa ’dod pa na spyod pa’i lha’i bu (5) rnams daṅ mi mjed kyi bdag po tshaṅs pa la sogs pa gzugs na spyod pa’i lha’i bu rnams la bka’ stsal pa | lha’i bu dag de de bźin no de de bźin te | lha’i bu dag śes rab kyi pha rol tu phyin pa ’di ni zab bo ||
bla na med pa yaṅ dag par rdzogs pa’i byaṅ chub kyaṅ ’byuṅ bar dka’ (6) ste | śes rab ’chal ba daṅ brtson ’grus dman pa daṅ mos pa dman pa daṅ thabs mi mkhas pa daṅ sdig pa’i grogs po la sten pa rnams kyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba śin tu ’byuṅ bar dka’o ||
de nas bcom ldan (7) ’das la tshe daṅ ldan pa rab ’byor gyis ’di skad ces gsol to ||
gaṅ bcom ldan ’das kyis ’di skad du bla na med pa yaṅ dag par rdzogs pa’i byaṅ chub ’byuṅ bar dka’o ||
bla na med pa yaṅ dag par rdzogs pa’i byaṅ chub mṅon par ’tshaṅ rgya ba ’byuṅ bar śin tu dka’o źes (174b1) bka’ stsal na | gaṅ la cuṅ zad kyaṅ mṅon par rdzogs par ’tshaṅ rgya bar bgyi ba ma mchis na | bcom ldan ’das ci ltar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ’byuṅ bar dka’ źiṅ bla na med pa yaṅ dag par rdzogs pa’i byaṅ chub (2) mṅon par rdzogs par ’tshaṅ rgya ba śin tu ’byuṅ bar dka’ ba lags | de ci’i slad du źe na | bcom ldan ’das chos thams cad stoṅ pa lags pa’i slad du chos gaṅ mṅon par rdzogs par ’tshaṅ rgya bar nus pa’i chos de gaṅ yaṅ ma mchis so ||
bcom ldan ’das (3) ’di ltar chos thams cad ni stoṅ pa ste | bcom ldan ’das chos gaṅ spaṅ bar bgyi ba’i slad du chos bstan pa’i chos de yaṅ ma mchis so ||
de bźin du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba gaṅ lags pa daṅ mṅon par ’tshaṅ rgya bar (4) bgyi ba gaṅ lags pa daṅ ’tshal ba gaṅ lags pa daṅ ’tshal bar bgyi ba gaṅ lags pa’i chos de dag thams cad ni stoṅ pa’o ||
bcom ldan ’das rnam graṅs ’dis kyaṅ bdag ni ’di sñam du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ni (5) ’byuṅ bar sla ba lags te ’byuṅ bar dka’ ba ni ma lags so źes sems so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’byuṅ ba med pa’i phyir bla na med pa yaṅ dag par rdzogs pa’i byaṅ chub ’byuṅ (6) bar dka’o ||
rab ’byor yaṅ dag pa ma yin pa’i phyir bla na med pa yaṅ dag par rdzogs pa’i byaṅ chub ’byuṅ bar dka’o ||
rab ’byor rnam par mi rtog pa’i phyir bla na med pa yaṅ dag par rdzogs pa’i byaṅ chub ni ’byuṅ bar dka’o ||
rab ’byor rnam par ma bsgrubs pa’i phyir (7) bla na med pa yaṅ dag par rdzogs pa’i byaṅ chub ’byuṅ bar dka’o ||
bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ni mchog tu ’byuṅ bar dka’o ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan (175a1) pa rab ’byor stoṅ pa źes bya ba’i rnam graṅs ’dis kyaṅ bla na med pa yaṅ dag par rdzogs pa’i byaṅ chub ’byuṅ bar dga’o ||
bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba mchog tu ’byuṅ bar dka’o ||
de ci’i phyir źe na | (2) tshe daṅ ldan pa rab ’byor nam mkha’ ’di sñam du bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o sñam du mi sems so ||
tshe daṅ ldan pa rab ’byor de bźin du chos ’di dag kyaṅ mṅon par rdzogs par ’tshaṅ rgya bar bya ba ma yin no ||
(3) de ci’i phyir źe na | tshe daṅ ldan pa rab ’byor chos thams cad ni nam mkha’ daṅ mtshuṅs pa’i phyir ro ||
tshe daṅ ldan pa rab ’byor gal te bla na med pa yaṅ dag par rdzogs pa’i byaṅ chub ’byuṅ bar slar zin na byaṅ chub sems dpa’ gaṅ g’i kluṅ gi bye ma sñed bla na med pa yaṅ (4) dag par rdzogs pa’i byaṅ chub las phyir mi ldog par ’gyur pa źig na | tshe daṅ ldan pa rab ’byor ’di ltar byaṅ chub sems dpa’ gaṅ g’i kluṅ gi bye ma sñed bla na med pa yaṅ dag par rdzogs pa’i byaṅ chub las phyir ldog ste | tshe daṅ ldan pa rab ’byor de bas na bla na med pa (5) yaṅ dag par rdzogs pa’i byaṅ chub ’byuṅ bar dka’ źiṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba mchog tu ’byuṅ bar dka’o źes de ltar rig par bya’o ||
de skad ces smas pa daṅ | tshe daṅ ldan pa rab ’byor gyis tshe daṅ ldan pa ś ri’i (6) bu la ’di skad ces smras so ||
tshe daṅ ldan pa ś ri’i bu yaṅ ci gzugs gaṅ yin pa bla na med pa yaṅ dag par rdzogs pa’i byaṅ chub las phyir ldog gam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci bla na (7) med pa yaṅ dag par rdzogs pa’i byaṅ chub las gaṅ phyir ldog pa’i chos de gzugs las gźan na yod dam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu gaṅ ci tshor ba daṅ ’du śes daṅ ’du byed rnams daṅ (175b1) rnam par śes pa gaṅ yin pa bla na med pa yaṅ dag par rdzogs pa’i byaṅ chub las phyir ldog gam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci bla na med pa yaṅ dag par rdzogs pa’i byaṅ chub las (2) gaṅ phyir ldog pa’i chos de tshor ba daṅ ’du śes daṅ ’du byed rnams las gźan na yod dam rnam par śes pa las gźan na yod dam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ca gzugs kyi (3) de bźin ñid gaṅ yin pa de bla na med pa yaṅ dag par rdzogs pa’i byaṅ chub las phyir ldog gam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci tshor ba’i de bźin ñid daṅ ’du śes kyi de bźin ñid daṅ ’du byed (4) rnams kyi de bźin ñid gaṅ yin pa daṅ rnam par śes pa’i de bźin ñid gaṅ yin pa de bla na med pa yaṅ dag par rdzogs pa’i byaṅ chub las phyir ldog gam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci bla na (5) med pa yaṅ dag par rdzogs pa’i byaṅ chub las gaṅ phyir ldog pa’i chos de gzugs kyi de bźin ñid las gźan na yod dam | ś ri’i bus smras pa che daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gaṅ bla na med pa yaṅ dag par (6) rdzogs pa’i byaṅ chub las phyir ldog pa’i chos de tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid las gźan na yod dam rnam par śes pa’i de bźin ñid las gźan na yod dam | ś ri’i bus smras pa tshe daṅ ldan pa rab ’byor de ni ma yin no ||
(7) rab ’byor gyis smras pa | tshe daṅ ldan pa ś ri’i bu yaṅ ci gzugs gaṅ yin pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa (176a1) ś ri’i bu yaṅ ci tshor ba daṅ ’du śes daṅ ’du byed rnams daṅ rnam par śes pa gaṅ yin pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis (2) smras pa tshe daṅ ldan pa ś ri’i bu yaṅ ci gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos de gzugs las gźan na yod dam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ (3) ldan pa ś ri’i bu yaṅ ci gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos de tshor ba daṅ ’du śes daṅ ’du byed rnams las gźan na yod dam rnam par śes pa las gźan na yod dam | ś ri’i bus smras pa tshe daṅ ldan pa rab (4) ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gzugs kyi de bźin ñid gaṅ yin pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am | ś ri’i bus smras pa tshe daṅ ldan pa rab ’byor de ni ma yin no ||
(5) rab ’byor gyis smras pa tshe daṅ ldan pa ś ri’i bu yaṅ ci tshor pa’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid daṅ rnam par śes pa’i de bźin ñid gaṅ yin pa bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am | ś (6) ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos gaṅ yin pa de gzugs kyi de bźin ñid las gźan na yod dam | ś ri’i (7) bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos gaṅ yin pa de tshor ba’i de bźin ñid daṅ ’du śes kyi de bźin ñid daṅ ’du byed (176b1) rnams kyi de bźin ñid las gźan na yod dam rnam par śes pa’i de bźin ñid las gźan na yod dam | ś ri’i bus smas pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gzugs gaṅ yin pa bla na med pa yaṅ dag (2) par rdzogs pa’i byaṅ chub tu rig par bya ’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci tshor ba daṅ ’du śes daṅ ’du byed rnams daṅ rnam par śes pa gaṅ yin pa bla na med pa yaṅ dag (3) par rdzogs pa’i byaṅ chub tu rig par bya ’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gzugs las gźan pa’i chos gaṅ yin pa de bla na med pa yaṅ dag par rdzogs pa’i byaṅ chub tu rig (4) par bya’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor byis smas pa tshe daṅ ldan pa ś ri’i bu yaṅ ci tshor ba daṅ ’du śes daṅ ’du byed rnams las gźan pa daṅ rnam par śes pa las gźan pa’i chos gaṅ yin pa de bla na med pa yaṅ dag par (5) rdzogs pa’i byaṅ chub tu rig par bya’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gzugs kyi de bźin ñid gaṅ yin pa bla na med pa yaṅ dag par rdzogs pa’i byaṅ chub tu rig par bya’am | ś ri’i bus (6) smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid daṅ rnam par śes pa’i de bźin ñid gaṅ yin pa bla na med pa yaṅ dag par rdzogs pa’i byaṅ chub tu (7) rig par bya ’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci gzugs kyi de bźin ñid las gźan pa’i chos gaṅ yin pa de bla na med pa yaṅ dag par rdzogs pa’i byaṅ chub tu rig par bya ’am | ś ri’i bus (177a1) smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ ci tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid las gźan pa daṅ rnam par śes pa’i de bźin ñid las gźan pa’i chos gaṅ yin (2) pa de bla na med pa yaṅ dag par rdzogs pa’i byaṅ chub tu rig par bya’am | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu de ci sñam du sems de bźin ñid bla na med pa yaṅ dag par rdzogs pa’i byaṅ chub las phyir ldog (3) gam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu de ci sñam du sems gaṅ bla na med pa yaṅ dag par rdzogs pa’i byaṅ chub las phyir ldog pa’i chos de de bźin ñid la yod dam | ś ri’i bus smras pa tshe daṅ (4) ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu yaṅ gaṅ źig chos ñid de ñid la mi gnas pa’i tshul gyis gnas pa bla na med pa yaṅ dag par rdzogs pa’i byaṅ chub las gaṅ phyir ldog pa’i chos de gaṅ yin | ś ri’i bu gaṅ źig de bźin ñid (5) du gyur ba’i chos de yaṅ gaṅ yin | tshe daṅ ldan pa ś ri’i bu ci de bźin ñid phyir ldog par ’gyur ba yaṅ yod dam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu de ltar bden pa ñid daṅ gnas pa ñid du chos thams cad (6) dmigs su med pa la bla na med pa yaṅ dag par rdzogs pa’i byaṅ chub las phyir ldog par ’gyur ba’i chos de gaṅ yin | de skad ces smras pa daṅ tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
chos kyi tshul gyi rnam pa gaṅ źig tshe daṅ ldan pa gnas (7) brtan rab ’byor gyis bśad pa ltar na bla na med pa yaṅ dag par rdzogs pa’i byaṅ chub las gaṅ phyir ldog pa’i chos de gaṅ yaṅ med do ||
tshe daṅ ldan pa rab ’byor byaṅ chub sems dpa’i theg pa pa’i gaṅ zag gsum po gaṅ dag yin pa ’di dag ni de bźin gśegs pas gsuṅs (177b1) pa yin na | ci ltar tshe daṅ ldan pa rab ’byor gyis bstan pa ltar na ni gsum po dag gi rnam par gźag pa yod par mi ’gyur gyi | theg pa gcig kho nar ’gyur te ’di lta ste saṅs rgyas kyi theg pa byaṅ chub sems dpa’i theg pa’o ||
de nas tshe daṅ ldan pa byams ma’i bu gaṅ pos tshe daṅ ldan pa ś (2) ri’i bu la ’di skad ces smras so ||
tshe daṅ ldan pa ś ri’i bu yaṅ ci tshe daṅ ldan pa gnas brtan rab ’byor ñan thos kyi theg pa can nam raṅ saṅs rgyas kyi theg pa can nam theg pa chen po pa’i byaṅ chub sems dpa’ gcig kyaṅ yod par khas mi len nam | re źig gnas brtan tshe daṅ ldan pa rab ’byor (3) ’di la dri dgos so ||
de nas tshe daṅ ldan pa ś ri’i bus tshe daṅ ldan pa gnas brtan rab ’byor la ’di skad ces smras so ||
tshe daṅ ldan pa rab ’byor yaṅ ci khyod ñan thos kyi theg pa can nam raṅ saṅs rgyas kyi theg pa can nam theg pa chen po pa’i byaṅ chub sems dpa’ gcig kyaṅ yod par khas (4) mi len nam | rab ’byor gyis smras pa tshe daṅ ldan pa ś ri’i bu yaṅ ci de bźin ñid kyi de bźin ñid gaṅ yin pa de la ñan thos kyi theg pa can nam raṅ saṅs rgyas kyi theg pa can nam theg pa chen po pa’i byaṅ chub sems dpa’ gcig kyaṅ yaṅ dag par rjes su mthoṅ ṅam | ś ri’i bus smras pa | (5) tshe daṅ ldan pa rab ’byor de ni ma yin te de bźin ñid kyaṅ re źig rnam pa gsum du dmigs su med na byaṅ chub sems dpa’ lta ci smos | rab ’byor gyis smras pa tshe daṅ ldan pa ś ri’i bu yaṅ ci de bźin ñid rnam pa gcig tu yaṅ dmigs su yod dam | ś ri’i bus smras pa tshe daṅ ldan pa rab (6) ’byor de ni ma yin no ||
rab ’byor gyis smras pa tshe daṅ ldan pa ś ri’i bu ci khyod kyis de bźin ñid la byaṅ chub sems dpa’i chos gcig kyaṅ yaṅ dag par rjes su mthoṅ ṅam | ś ri’i bus smras pa tshe daṅ ldan pa rab ’byor de ni ma yin no ||
rab ’byor gyis smras pa tshe daṅ ldan pa ś ri’i bu de ltar (7) bden pa ñid daṅ gnas pa ñid du byaṅ chub sems dpa’i chos de yaṅ dmigs su med na khyod ci’i phyir ’di sñam du ’di ni ñan thos kyi theg pa can ’di ni raṅ saṅs rgyas kyi theg pa can ’di ni theg pa chen po pa’o sñam du sems | ś ri’i bu de ltar byaṅ chub sems dpa’ sems dpa’ chen po de bźin ñid (178a1) la rab tu rnam par ’byed pa rnams khyad par med pa daṅ bye brag med pa daṅ tha dad du byar med pa ñid thos nas | byaṅ chub sems dpa’ sems dpa’ chen po gaṅ sems mi ’goṅ kun tu mi źum phyir phyogs par mi ’gyur na | byaṅ chub sems dpa’ sems dpa’ chen po ’di ni (2) byaṅ chub tu ṅes par ’byuṅ bar rig par bya’o ||
de nas bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | rab ’byor ’di ltar de bźin gśegs pa’i mthu daṅ saṅs rgyas kyi byin gyi rlabs kyis khyod de skad du smra (3) par spobs pa de ni rab ’byor legs so legs so ||
de ltar byaṅ chub sems dpa’ de dag de bźin ñid rab tu rnam par ’byed pa rnams khyad par med pa daṅ bye brag med pa daṅ tha dad du bya ba med par thos nas | byaṅ chub sems dpa’ sems dpa’ chen po sems mi ’goṅ kun tu mi (4) źum phyir mi phyogs na | rab ’byor byaṅ chub sems dpa’ sems dpa’ chen po de ni byaṅ chub la ṅes par ’byuṅ bar rig par bya’o ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub gaṅ gis byaṅ chub sems dpa’ (5) sems dpa’ chen po ’di ṅes par ’byuṅ bar ’gyur | bcom ldan ’das kyis bka’ stsal pa | ś ri’i bu bla na med pa yaṅ dag par rdzogs pa’i byaṅ chub kyis byaṅ chub sems dpa’ sems dpa’ chen po ’di ṅes par ’byuṅ bar ’gyur ro ||
de nas bcom ldan ’das la tshe daṅ ldan (6) pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’tshal bas ci ltar gnas par bgyi ci ltar bslab par bgyi | bcom ldan ’das kyis bka’ stsal pa | (7) rab ’byor byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas | sems can thams cad la mñam par gnas par bya sems can thams cad la sems mñam pa bskyed par bya ste mi mñam pa med pa’i sems kyis (178b1) gźan la dmigs par bya | byams pa’i sems kyis gźan la dmigs par bya | phan pa’i sems kyis gźan la dmigs par bya | dge ba’i sems kyis gźan la dmigs par bya | ṅa rgyal bcag pa’i sems kyis gźan la dmigs par bya | khoṅ khro ba med pa’i sems (2) kyis gźan la dmigs par bya ’tshe ba med pa’i sems kyis gźan la dmigs par bya | tho ’tsham pa med pa’i sems kyis gźan la dmigs par bya | sems can thams cad la mar ’du śes pa ñe bar bźag pa daṅ phar ’du śes pa daṅ bur ’du śes pa daṅ bu mor ’du śes pa ñe bar (3) bźag ste gźan la dmigs par bya’o ||
rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas sems can thams cad la de ltar gnas par bya de ltar bslab par bya ste | bdag (4) sems can thams cad kyi mgon du gyur par bya’o ||
bdag ñid kyaṅ sdig pa thams cad las ldog pa la gnas par bya | sbyin pa sbyin par bya tshul khrims bsruṅ bar bya bzod pa bsgom par bya brtson ’grus brtsam par bya bsam gtan la mñam par gźag par bya śes rab kyis yoṅs (5) su rgyas par bya | rten ciṅ ’brel par ’byuṅ ba lugs daṅ mthun pa daṅ lugs daṅ mthun pa ma yin pa blta bar bya | gźan dag kyaṅ de la yaṅ dag par bskul ba daṅ de’i bsṅags pa brjod pa daṅ de la rjes su mthun pas dga’ bar bya’o ||
de bźin du bden pa nas byaṅ chub sems (6) dpa’i skyon med par ’jug pa’i bar daṅ sems can rnams yoṅs su smin pa la gnas nas gźan dag kyaṅ de la yaṅ dag par bskul ba daṅ de’i bsṅags pa brjod pa daṅ de la rjes su mthun pas dga’ bar bya’o ||
de ltar ’dod ciṅ de ltar slob pa ni sgrib pa med pa’i tshul nas dam pa’i chos gnas pa (7) daṅ sgrib pa med pa’i raṅ bźin gyi bar du ’gyur ro ||
’phags pa śes rab kyi pha rol tu phyin pa brgyad stoṅ pa las de bźin ñid kyi le’u źes bya ste bcu drug pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (179a1) phyir mi ldog pa’i byaṅ chub sems dpa’ sems dpa’ chen po’i rnam pa gaṅ dag lags rtags gaṅ dag lags mtshan ma gaṅ dag lags | bcom ldan ’das ci ltar bdag gis phyir mi ldog pa’i byaṅ chub sems dpa’ sems dpa’ chen po lags par ’tshal bar bgyi | (2) bcom ldan ’das kyis bka’ stsal pa | rab ’byor so so’i skye bo’i sa gaṅ yin pa daṅ ñan thos kyi sa gaṅ yin pa daṅ raṅ saṅs rgyas kyi sa gaṅ yin pa daṅ saṅs rgyas kyi sa gaṅ yin ’di ni de bźin ñid kyis źes bya ste | ’di dag thams cad kyi de bźin ñid la gñis su med ciṅ gñis su (3) byar med de rtog pa med la rnam par rtog pa med pa’o ||
de bźin ñid de daṅ chos ñid de la ’jug pa daṅ de bźin ñid la gnas śiṅ de bźin ñid la mi rtog rnam par mi rtog ste | de ltar ’jug ciṅ de ltar źugs pa ni de bźin ñid ci lta ba bźin thos nas de las kyaṅ soṅ nas ’di ltar ma yin no (4) źes nem nur mi byed yid gñis mi byed the tshom mi byed rmoṅs par mi byed de ’on kyaṅ ’di ni de bźin te de kho na ltar yin no źes mos par byed khoṅ du chud par byed do ||
ci thod thod smra bar mi ’gyur gyi don daṅ ldan pa’i tshig tu smra ste don daṅ mi ldan pa ma yin źiṅ pha rol gyis byas pa dag daṅ ma byas (5) pa la mi lha ste | rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub las phyir mi ldog par gzuṅ par bya’o ||
rab ’byor gźan yaṅ phyir mi ldog pa’i byaṅ chub (6) sems dpa’ sems dpa’ chen po ni dge sbyoṅ daṅ bram ze khyed ’di dag ni śes par bya ba śes so ||
blta bar bya ba mthoṅ ṅo źes dge sbyoṅ daṅ bram ze gźan dag gi ṅor mi lta źiṅ | lha gźan dag la phyag mi ’tshal lha gźan dag la me tog gam bdug pa ’am dri ’am phreṅ ba ’am (7) byug pa ’am phye ma ’am gos sam gdugs sam rgyal mtshan nam dril bu ’am ba dan dag gam mar me dag sbyin par mi sems śiṅ lta gźan dag la mi rten te | rab ’byor rnam pa de dag daṅ rtags de dag daṅ mtshan ma de dag daṅ yaṅ ldan pa’i byaṅ chub sems dpa’ sems (179b1) dpa’ chen po ni bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor yaṅ phyir mi ldog pa’i byaṅ chub sems dpa’ sems dpa’ chen po de dag ni ṅan soṅ du mi skye źiṅ bud med kyi dṅos po yaṅ yoṅs su mi ’dzin to ||
rab ’byor gźan yaṅ (2) phyir mi ldog pa’i byaṅ chub sems dpa’ sems dpa’ chen po ni | dge ba bcu’i las kyi lam rnams yaṅ dag par blaṅs nas gnas te | de bdag ñid kyaṅ srog gcod pa spaṅs śiṅ gźan yaṅ srog gcod pa spoṅ ba la yaṅ dag par ’god do ||
bdag ñid kyaṅ ma byin par len (3) pa spaṅs śiṅ gźan yaṅ ma byin par len pa spoṅ ba la yaṅ dag par ’god do ||
bdag ñid kyaṅ ’dod pas log par spyod pa spaṅs pa yin źiṅ gźan yaṅ ’dod pas log par spyod pa spoṅ ba la yaṅ dag par ’god do ||
bdag ñid kyaṅ ’bru’i chaṅ daṅ bcos pa’i chaṅ bag (4) med pa’i gnas spaṅs śiṅ gźan yaṅ ’bru’i chaṅ daṅ bcos pa’i chaṅ bag med pa’i gnas spoṅ ba la yaṅ dag par ’god do ||
bdag ñid kyaṅ brdzun du smra ba spaṅs śiṅ gźan yaṅ brdzun du smra ba spoṅ ba la yaṅ dag par ’god do ||
bdag ñid kyaṅ phra ma smra ba spaṅs śiṅ gźan yaṅ (5) phra ma smra ba spoṅ ba la yaṅ dag par ’god do ||
bdag ñid kyaṅ tshig rtsub mo smra ba spaṅs śiṅ gźan yaṅ tshig rtsub mo smra ba spoṅ ba la yaṅ dag par ’god do ||
bdag ñid kyaṅ tshig kyal pa smra ba spaṅs śiṅ gźan yaṅ tshig kyal pa smra ba spoṅ ba la yaṅ dag par ’god do ||
bdag (6) ñid kyaṅ brnab sems spaṅs śiṅ gźan yaṅ brnab sems spyod pa la yaṅ dag par ’god do ||
bdag ñid kyaṅ gnod sems spaṅs śiṅ gźan yaṅ gnod sems spoṅ ba la yaṅ dag par ’god do ||
bdag ñid kyaṅ log par lta ba spaṅs śiṅ gźan yaṅ log par lta ba spoṅ ba la (7) yaṅ dag par ’god do ||
rab ’byor de ltar phyir mi ldog pa’i byaṅ chub sems dpa’ sems dpa’ chen po ni bdag ñid kyaṅ dge ba bcu’i las kyi lam rnams yaṅ dag par blaṅs nas gnas śiṅ gźan yaṅ dge ba bcu’i las kyi lam rnams la yaṅ dag par ston yaṅ dag par (180a1) ’god yaṅ dag par gzeṅs stod yaṅ dag par rab tu dga’ bar byed brtan par byed de de rmi lam du yaṅ mi dge ba bcu’i las kyi lam rnams gcig gam maṅ du yaṅ ruṅ ste thams cad nas thams cad rnam pa thams cad kyi thams cad du mi ’byuṅ źiṅ sems kyis kyaṅ kun (2) tu mi spyod do ||
rab ’byor yaṅ phyir mi ldog pa’i byaṅ chub sems dpa’ sems dpa’ chen po de’i rmi lam du yaṅ dge ba bcu’i las kyi lam rnams mṅon du ’gyur te | rab ’byor rnam pa de dag daṅ rtags de dag daṅ mtshan ma de dag daṅ yaṅ ldan pa’i byaṅ chub sems daṅ sems dpa’ (3) chen po ni bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni chos gaṅ daṅ gaṅ kun chub par byed pa daṅ sbyin par byed pa de daṅ de ñid sems la kun chub (4) par byed ciṅ sbyin par byed de | bdag gis chos ’di sems can thams cad kyi don daṅ phan pa daṅ bde ba’i phyir sbyin par bya ste chos bstan pa ’dis kyaṅ sems can thams cad chos kyi bsam pa yoṅs su rdzogs par gyur cig ces chos kyi sbyin pa de yaṅ sems can thams cad la thun (5) moṅ du byed de | rab ’byor rnam pa de dag daṅ rtags de dag daṅ mtshan ma de dag daṅ yaṅ ldan pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub (6) sems dpa’ sems dpa’ chen po ni chos zab mo bśad pa la nem nur mi byed yid gñis mi byed the tshom mi byed rmoṅs par mi ’gyur ro ||
de phan pa’i tshig daṅ ldan par ’gyur tshig ran par ’gyur tshig ’jam par ’gyur | rmugs pa daṅ gñid chud par ’gyur ro ||
bag la (7) ñal med par ’gyur | de ’oṅ ṅam ’gro ba na yaṅ sems ma ’khrul bar ’gro źiṅ ’oṅ ṅo ||
de dran pa ñe bar gźag ciṅ ’gro | dran pa ñe bar gźag ciṅ ’oṅ | de rkaṅ pa sa la ’deg pa bul bar mi byed rkaṅ pa sa la ’jog pa bul bar mi byed | bde ba ñid du ’deg bde bar (180b1) ’jog rkaṅ pa sa la gya tshom du mi ’degs rkaṅ pa sa la gya tshom du mi ’jog de mthoṅ bźin dus phyogs su gom pa ’dor ro ||
rab ’byor yaṅ phyir mi ldog pa’i byaṅ chub sems dpa’ sems dpa’ chen po de’i lus la chos gos yoṅs su loṅs spyad pa yaṅ śig med par ’gyur te (2) kun tu spyod pa gzob par ’gyur gnod pa ñuṅ bar ’gyur skyon ñuṅ bar ’gyur ro ||
sems can gźan dag gi lus la srin bu’i rigs stoṅ phrag brgyad cu dag gaṅ yod pa de dag kyaṅ de’i lus la thams cad nas thams cad rnam pa thams cad du thams cad mi ’byuṅ ṅo ||
de ci’i (3) phyir źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po’i dge ba’i rtsa ba de dag ni ’jig rten thams cad las mṅon par ’phags pa yin no ||
ci lta ci ltar dge ba’i rtsa ba de dag rnam par ’phel ba de lta de ltar byaṅ chub sems dpa’ sems (4) dpa’ chen po de yaṅ lus yoṅs su dag pa yoṅs su ’dzin to ||
ṅag yoṅs su dag pa daṅ sems yoṅs su dag pa yoṅs su ’dzin to ||
rab ’byor gyis gsol pa | bcom ldan ’das yaṅ byaṅ chub sems dpa’ sems dpa’ chen po’i sems yoṅs su dag pa gaṅ (5) lags par rig par bgyi | bcom ldan ’das kyis bka’ stsal pa | rab ’byor ci lta ci ltar byaṅ chub sems dpa’ sems dpa’ chen po’i dge ba’i rtsa ba de dag rnam par ’phel ba de lta de ltar byaṅ chub sems dpa’ sems dpa’ chen po sems la bya ba ñuṅ ba yoṅs su ’dzin to ||
(6) sems g-yo med pa daṅ sems sgyu med pa daṅ sems gya gyu med pa daṅ sems yon po med pa yoṅs su ’dzin to ||
rab ’byor sems rnam par dag pa gaṅ yin pa des ñan thos daṅ raṅ saṅs rgyas kyi sa las ’das par ’gyur te | rab ’byor ’di ni byaṅ chub sems dpa’ sems(7) dpa’ chen po’i sems yoṅs su dag par rig par bya’o ||
rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
(181a1) rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni rñed pa daṅ bkur sti daṅ tshigs su bcad pa la lhur mi byed do ||
chos gos daṅ bsod sñoms daṅ mal stan daṅ na ba’i gsos sman daṅ yo byad dag la lhur byed pa ma yin no ||
(2) phrag dog daṅ ser sna maṅ ba ma yin no ||
chos zab mo dag bśad na yaṅ dag par mi źum źiṅ blo brtan par ’gyur blo zab par ’gyur ri mor byas te gźan las chos ñan ciṅ ri mor byas te gźan las chos gaṅ ñan pa de dag thams cad kyaṅ śes rab kyi pha rol tu phyin pa daṅ sbyor bar (3) byed do ||
’jig rten gyi bzo’i gnas daṅ las kyi gnas ci sñed yod pa de dag thams cad kyaṅ śes rab kyi pha rol tu phyin pa la brten nas chos ñid daṅ sbyor bar byed de | gaṅ chos kyi dbyiṅs daṅ mi sbyor ba’i chos gaṅ yaṅ yaṅ dag par rjes su mi mthoṅ ste thams cad kyaṅ (4) de daṅ ldan par yaṅ dag par mthoṅ ṅo ||
rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan (5) yaṅ gal te bdud sdig can des sems can dmyal ba chen po brgyad mṅon par sprul te | sems can dmyal ba chen po de re rer yaṅ byaṅ chub sems dpa’ brgya phrag maṅ po dag daṅ byaṅ chub sems dpa’ stoṅ phrag maṅ po dag daṅ byaṅ chub sems dpa’ brgya stoṅ phrag maṅ po dag (6) mṅon par sprul te | phyir mi ldog pa’i byaṅ chub sems dpa’ sems dpa’ chen po la ’di skad ces zer te de bźin gśegs pas byaṅ chub sems dpa’ sems dpa’ chen po gaṅ dag phyir mi ldog par luṅ bstan pa de dag ni sems can dmyal ba chen po brgyad po ’di dag tu (7) skyes te | khyod kyaṅ phyir mi ldog par luṅ bstan pas khyod kyaṅ sems can dmyal ba chen po brgyad po ’di dag tu skye bar ’gyur gyis ’di ltar khyod kyis byaṅ chub kyi sems de phyir bśags par gyis śig so sor spoṅs śig sems can dmyal ba brgyad po der skyes na khyod la saṅs (181b1) rgyas kyis ci źig bya | de ltar byas na khyod mtho ris kyi ’jig rten du ’gro bar ’gyur ro źes zer ba de lta na yaṅ gal te byaṅ chub sems dpa’ sems dpa’ chen po’i sems mi ’khrug mi g-yo źiṅ | ’di sñam du gaṅ phyir mi ldog pa’i byaṅ chub sems dpa’ sems dpa’ chen po ṅan ’gro (2) rnams su skye ba ’di ni gnas ma yin źiṅ go skabs med do sñam du śes na | rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar (3) bya’o ||
rab ’byor gźan yaṅ bdud sdig can dge sbyoṅ gi cha byad du phyir mi ldog pa’i byaṅ chub sems dpa’ sems dpa’ chen po’i gan du ’oṅs nas ’di skad ces zer te gaṅ khyod kyis sṅon thos pa de phyir bśags par gyis śig gaṅ khyod kyis sṅon yoṅs su bzuṅ ba de so sor (4) spoṅs śig gal te khyod kyis ’di phyir bśags śiṅ gal te khyod kyis ’di so sor spaṅs pa de lta na da khyod kyi gan du yaṅ daṅ yaṅ du ñe bar ’oṅ ṅo ||
gaṅ khyod kyis de ltar thos pa ’di ni saṅs rgyas kyi bka’ ma yin te ’di ni sñan dṅags byed pas raṅ bzor byas pa’o ||
yaṅ (5) gaṅ ṅa ’chad pa ’di ni saṅs rgyas kyis bśad pa ste ’di ni saṅs rgyas kyi bka’o źes zer ba de thos nas gal te byaṅ chub sems dpa’ ’khrug ciṅ g-yo na | rab ’byor byaṅ chub sems dpa’ ’di ni de bźin gśegs pa dag gis luṅ ma bstan pa ste | byaṅ chub sems dpa’ ’di ni (6) bla na med pa yaṅ dag par rdzogs pa’i byaṅ chub tu ṅes pa ma yin źiṅ ’di ni phyir mi ldog pa’i khams la gnas pa ma yin par rig par bya’o ||
rab ’byor yaṅ gal te byaṅ chub sems dpa’ sems dpa’ chen po bdud sdig can las tshig ’di dag thos nas kyaṅ mi ’khrug mi g-yo źiṅ (7) de chos ñid la rton te mi skye ba ñid daṅ mi ’gag pa ñid daṅ mṅon par ’du mi byed pa ñid la rton ciṅ gźan gyi dad pa’i phyir mi ’gro ste | rab ’byor dper na dge sloṅ dgra bcom pa zag pa zad pa gźan gyi dad pa’i phyir mi ’braṅ ste chos ñid la mṅon sum du byed ciṅ bdud sdig can (182a1) gyis mi ’phrogs pa de bźin du | rab ’byor phyir mi ldog pa’i byaṅ chub sems dpa’ sems dpa’ chen po yaṅ ñan thos kyi theg pa daṅ raṅ saṅs rgyas kyi theg pa can gyi gaṅ zag dag gis mi brdzi ba yin te ñan thos kyi sa ’am raṅ saṅs rgyas kyi sar phyir mi (2) ldog pa’i chos can du ’gyur ro ||
thams cad mkhyen pa ñid du ṅes śiṅ rdzogs pa’i byaṅ chub la gźol bar ’gyur ro ||
rab ’byor yaṅ byaṅ chub sems dpa’ sems dpa’ chen po de gaṅ gi tshe phyir mi ldog pa’i khams la gnas par gyur pa de’i tshe gźan gyi driṅ la mi ’jog (3) par ’gyur ba yin no ||
rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po ni yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o || ||
(4) śes rab kyi pha rol tu phyin pa brgyad stoṅ pa | bam po bcu drug pa | rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po’i gan du la la ’oṅs nas ’di skad ces zer te byaṅ chub sems dpa’i spyod pa ’di ni ’khor ba’i spyod pa yin te khyod ’di (5) ñid du sdug bsṅal mthar phyuṅ la phyir ’khor ba na spyod pa’i sdug bsṅal daṅ yid mi bde ba dag myoṅ bar ma byed cig | kye ma ma la re źig ’di ñid du khyod kyi phuṅ po ’di mṅon par grub par mi ’gyur bar yaṅ khyod phuṅ po gźan yoṅs su gzuṅ bar sems pa lta ga la srid ces zer ba (6) la gal te de mi ’khrug mi g-yo na | bdud sdig can bdag ñid der ’oṅs nas de la ’di skad du byaṅ chub sems dpa’ sems dpa’ chen po gaṅ dag gis bskal pa gaṅ g’i kluṅ gi bye ma sñed du saṅs rgyas bcom ldan ’das dag la chos gos daṅ bsod sñoms daṅ mal stan daṅ (7) sñun kyi gsos sman daṅ yo byad dag gis rim gror byas pa daṅ saṅs rgyas bcom ldan ’das gaṅ g’i kluṅ gi bye ma sñed dag gi druṅ du tshaṅs par spyod pa spyad pa daṅ | saṅs rgyas bcom ldan ’das gaṅ g’i kluṅ gi bye ma sñed dag la bsñen bkur byas śiṅ byaṅ chub sems dpa’i (182b1) theg pa ’di ñid kyi phyir ci ltar byaṅ chub sems dpa’ sems dpa’ chen po dag gis gnas par bya źes yoṅs su źus yoṅs su bris yoṅs su dri ba byas te | ci ltar byaṅ chub sems dpa’ sems dpa’ chen pos gnas par bya ba de ltar de bźin gśegs pa de dag gis bstan (2) pa de bźin du gnas de bźin du spyad de bźin du rnal ’byor du byas kyaṅ de dag gis da duṅ bla na med pa yaṅ dag par rdzogs pa’i byaṅ chub mṅon par rdzogs par saṅs ma rgyas te | de ltar gdams pa daṅ rjes su bstan pa la gnas śiṅ de ltar bslabs pas kyaṅ thams (3) cad mkhyen pa ñid rjes su ma thob na | yaṅ khyod kyis bla na med pa yaṅ dag par rdzogs pa’i byaṅ chub mṅon par thob par ga la ’gyur źes byas nas | gal te de lta bus kyaṅ mi ’khrug mi g-yo na ||
bdud sdig can gyis sa phyogs de ñid du dge sloṅ dag mṅon par sprul nas (4) ’di skad ces zer te | ’di ltar dge sloṅ dgra bcom pa zag pa zad pa gaṅ dag yin pa ’di dag ni byaṅ chub tu źugs par gyur pa las da ltar dgra bcom pa ñid thob ciṅ dgra bcom pa ñid la gnas pa yin na | khyod kyis bla na med pa yaṅ dag par rdzogs pa’i byaṅ chub thob par (5) ga la ’gyur źes gal te byaṅ chub sems dpa’ sems dpa’ chen po la de skad bśad de skad bstan kyaṅ sems mi ’khrug mi g-yo na | byaṅ chub sems dpa’ sems dpa’ chen po de bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
(6) gal te byaṅ chub sems dpa’ sems dpa’ chen po de lta bu’i ’bral par byed pa’i tshig rnams gźan las thos nas sems chos ñid las yoṅs su ñams par mi ’gyur de’i yid phyir ldog par mi ’gyur de’i sems gźan du mi ’gyur źiṅ bdud kyi las de dag thams cad de ltar śes na (7) rab ’byor byaṅ chub sems dpa’ sems dpa’ chen po gaṅ de ltar pha rol tu phyin pa dag la spyod pa de dag thams cad mkhyen pa ñid mi ’thob par ’gyur ba ’di ni gnas ma yin źiṅ go skabs med do ||
byaṅ chub sems dpa’ sems dpa’ chen po de ltar spyod ciṅ de ltar slob ste de (183a1) bźin gśegs pas ci ltar gsuṅs pa’i spyod pa de daṅ ma bral ba daṅ pha rol tu phyin pa daṅ ldan pa’i yid la byed pa de dag daṅ ma bral ba la bdud sdig can gyis glags rñed par ’gyur pa de ni gnas ma yin źiṅ go skabs med do ||
gal te byaṅ chub sems (2) dpa’ sems dpa’ chen po de bdud kyi las rnams khoṅ du chud ciṅ ’bral bar byed pa’i tshig rnams gźan las thos nas yoṅs su mi ñams de’i yid phyir mi ldog sems gźan du mi ’gyur te | bdud kyi las de dag de ltar śes na rab ’byor rnam pa de dag daṅ rtags de dag daṅ (3) mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ byaṅ chub sems dpa’ sems dpa’ chen po phyir mi ldog pa ni gzugs kyi ’du śes (4) mṅon par ’du byed pa ma yin gzugs kyi ’du śes skyed pa ma yin | de bźin du tshor ba’i ’du śes ma yin ’du śes kyi ’du śes ma yin ’du byed rnams kyi ’du śes ma yin rnam par śes pa’i ’du śes mṅon par ’du byed pa ma yin rnam par śes pa’i ’du śes skyed pa ma yin (5) no ||
de ci’i phyir źe na | ’di ltar phyir mi ldog pa’i byaṅ chub sems dpa’ sems dpa’ chen po ni raṅ gi mtshan ñid kyis stoṅ pas chos rnams la byaṅ chub sems dpa’i skyon med par ’jug ste chos de yaṅ mi dmigs śiṅ mṅon par ’du mi byed mi skyed do ||
de bas na (6) mi skye ba’i ye śes kyi bzod pa thob pa źes bya ste | rab ’byor rnam pa de dag daṅ rtags de dbaṅ ṅa mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
(7) rab ’byor gźan yaṅ byaṅ chub sems dpa’ sems dpa’ chen po’i druṅ du bdud sdig can dge sloṅ gi cha byad du bsgyur te ñe bar ’oṅs nas ’di ltar byaṅ chub sems dpa’ sems dpa’ chen po’i ’dun pa zlog par byed do | ’di lta ste thams cad mkhyen pa ñid de (183b1) ni nam mkha’ daṅ mtshuṅs so ||
’di lta ste thams cad mkhyen pa ñid ces bya ba’i chos ’di ni med pa’o ||
’di lta ste thams cad mkhyen pa ñid ces bya ba’i chos ’di ni yod pa ma yin pa ste su źig de la śes par ’gyur su źig de la mṅon par rdzogs par ’tshaṅ rgya bar ’gyur (2) des gaṅ yaṅ ṅes par mi ’byuṅ ste | gaṅ mṅon par rdzogs par ’tshaṅ rgya ba daṅ gaṅ mṅon par rdzogs par ’tshaṅ rgya bar bya ba daṅ gaṅ śes par byed pa daṅ gaṅ śes par bya ba’i chos de dag thams cad nam mkha’ daṅ mtshuṅs te khyod ni don med par ñon moṅs so ||
(3) ’di lta ste bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o źes bya ba de ni bdud kyi las su bstan te | ’di ni saṅs rgyas kyis bśad pa ma yin no źes zer źiṅ gaṅ ’bral bar byed pa ’di ni bdud kyi las yin no źes rigs kyi bu ’am rigs (4) kyi bu mo des de ltar śes par bya ste de ltar bsam par bya de ltar rig par bya ste | de ltar bsams nas de la sems brtan par bya’o ||
sems mi g-yo ba daṅ sems mi ’phrogs par bya’o ||
rab ’byor rnam pa de dag daṅ rtags de dag daṅ mtshan ma de dag daṅ ldan pa’i (5) byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po de ni ñan thos daṅ raṅ saṅs rgyas kyi sa dag las (6) ldog ciṅ thams cad mkhyen pa ñid la ’jug par ’gyur ba yin no ||
de dag ’dod na bsam gtan daṅ po la sñoms par ’jug go ||
de bźin du gñis pa daṅ de bźin du gsum pa daṅ de bźin du bsam gtan bźi pa la sñoms par ’jug ste de bsam gtan bźi po de dag la gnas śiṅ (7) bsam gtan la yoṅs su ’dris par byed do ||
de bsam gtan dag la sñoms par ’jug kyaṅ bsam gtan gyi dbaṅ gis mi skye źiṅ yaṅ de ñid ’dod pa na spyod pa’i chos rnams la gnas par byed de | rab ’byor ’di yaṅ phyir mi ldog pa’i byaṅ chub sems dpa’ sems dpa’ chen (184a1) po’i phyir mi ldog pa’i mtshan ñid du rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ chen po ni miṅ ched cher byed pa ma yin | grags pa daṅ sgra daṅ tshigs su bcad pa ched cher byed pa ma yin te miṅ la chags par mi byed do ||
(2) de sems mi ’khrug ciṅ sems can thams cad la phan pa’i sems su ’gyur te | de ’gro ba daṅ ’oṅ ba na sems ’khrul pas mi ’gro sems ’khrul par mi ’oṅ ste dran bźin du ’oṅ dran bźin du ’gro’o ||
de gal te khyim na gnas na yaṅ ’dod pa rnams la ’dod pa la mṅon par chags pa’am (3) bsam pa lhag par cher mi ’byuṅ ste | de skyo bar ’du śes pas ’dod pa la yoṅs su spyod ciṅ de skrag par ’du śes pas ’dod pa la yoṅs su spyod do ||
rab ’byor ’di lta ste dper na | skyes bu źig chom rkun gyi gnas dgon pa’i naṅ du soṅ ste zas kyi bya ba byed na skrag pa’i ’du śes (4) kyis zas kyi bya ba byed ciṅ ’gro bar ’du śes pas zas kyi bya ba byed de | bdag chom rkun gyi gnas dgon pa ’di nas ci tsam na ’da’ sñam du de ltar ’du śes pas riṅs thabs su zas za ba de bźin du | rab ’byor phyir mi ldog pa’i byaṅ chub sems dpa’ sems dpa’ chen po yaṅ (5) khyim na gnas na ’dod pa gaṅ daṅ gaṅ dag la yoṅs su spyod pa’i ’dod pa de daṅ de dag la don du mi gñer ba ñid daṅ mi brkam pa ñid daṅ ma chags pa ñid du yoṅs su spyod do ||
’dod pa’i yon tan lṅa po dga’ ba’i raṅ bźin can bde ba’i raṅ bźin can de dag la don du mi gñer ba ñid (6) du ’gyur ro ||
de dag khyim na gnas na mñam pa daṅ mi mñam pas ’tsho bar mi byed de chos ’ba’ źig gis ’tsho bar byed ciṅ chos ma yin pas mi ’tsho’o ||
’chi bar gyur kyaṅ sla’i gźan la gnod pa mi byed do ||
de ci’i phyir źe na | ’di ltar skyes bu dam pa skyes bu chen (7) po skyes bu mchog skyes bu mchog rab skyes bu mdzes pa skyes bu khyu mchog skyes bu rgya che ba skyes bu gtso bo skyes bu skyes mchog skyes bu gces pa skyes bu pad mo skyes bu pad ma dkar po skyes bu caṅ śes skyes bu glaṅ po che skyes bu seṅ ge skyes bu gdul bya’i kha lo sgyur ba dag gis ni (184b1) sems can thams cad bde ba’i mchog la gzuṅ bar bya ba yin no ||
rab ’byor de ltar byaṅ chub sems dpa’ sems dpa’ chen po de dag khyim na gnas te | ’di ltar śes rab kyi pha rol tu phyin pa’i stobs bskyed pa thob pa’i phyir ro ||
rab ’byor rnam pa de dag daṅ rtags (2) de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po la gnod (3) sbyin chen po lag na rdo rje rtag par phyi bźin ’braṅ bar ’gyur te | de thub par dka’ źiṅ mi daṅ mi ma yin pa dag gis ’da’ bar bya mi nus par ’gyur ro ||
sems can thams cad kyis bsñen dka’ bar ’gyur ro ||
de sems mi g-yeṅ bar ’gyur dbaṅ po ma tshaṅ bar (4) mi ’gyur te | dbaṅ po yoṅs su rdzogs par ’gyur źiṅ dbaṅ po yoṅs su ma rdzogs par mi ’gyur skyes bu khyu mchog gi dbaṅ po daṅ ldan par ’gyur te skyes bu dam pa ma yin par mi ’gyur | de bud med dag dbaṅ du bya ba’i sṅags kyi rigs daṅ rtsi daṅ rig pa daṅ sman (5) la sogs pa de dag thams cad thams cad kyi thams cad du mi sbyor te | ’tsho ba yoṅs su dag par ’gyur log pas ’tsho bar mi ’gyur ro ||
rtsod pa daṅ rgol bar smra ba’i daṅ tshul can du mi ’gyur lta ba draṅ por ’gyur ba dag la mi stoṅ gźan la mi smod de | de yon tan (6) de dag daṅ gźan dag daṅ yaṅ ldan par ’gyur ro ||
de skyes pa daṅ bud med dag la khyod kyi bu phor ’gyur ro źe ’am bu mor ’gyur ro źes luṅ mi ston te de la de lta bu la sogs pa’i kun ston pa’i ñes pa de lta bu’i ṅo bo mi ’byuṅ ṅo ||
rab ’byor rnam pa de dag daṅ rtags de (7) dag daṅ mtshan ma de dag daṅ yaṅ ldan na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ rnam pa gaṅ dag daṅ rtags gaṅ dag daṅ mtshan ma gaṅ dag daṅ ldan pa’i byaṅ chub (185a1) sems dpa’ sems dpa’ chen po bla na med pa yaṅ dag par rdzogs pa’i byaṅ chub las phyir mi ldog par rig par bya ba’i byaṅ chub sems dpa’ sems dpa’ chen po phyir mi ldog pa’i rnam pa gaṅ yin pa daṅ rtags gaṅ yin pa daṅ mtshan ma gaṅ yin pa’i rnam pa de dag daṅ (2) rtags de dag daṅ mtshan ma de dag bstan par bya’o ||
yaṅ de dag gaṅ źe na ’di lta ste de dag phuṅ po daṅ skye mched daṅ khams daṅ rten ciṅ ’brel bar ’byuṅ ba’i sbyor ba daṅ rjes su sbyor ba la brtson par mi gnas so ||
de dag ni ’du ’dzi la dga’ ba’i gtam gyi sbyor ba daṅ (3) rjes su sbyor ba la brtson par mi gnas so ||
rgyal po’i gtam gyi sbyor ba daṅ rjes su sbyor ba la brtson par mi gnas so ||
rkun po’i gtam gyi sbyor ba daṅ rjes su sbyor ba la brtson par mi gnas so ||
dmag gi gtam gyi sbyor ba daṅ rjes su sbyor ba la brtson par mi (4) gnas | thab mo’i gtam gyi sbyor ba daṅ rjes su sbyor ba la brtson par mi gnas | groṅ daṅ groṅ khyer daṅ groṅ rdal daṅ ljoṅs daṅ yul ’khor daṅ rgyal po’i pho braṅ ’khor gyi gtam gyi sbyor ba daṅ rjes su sbyor ba la brtson par mi gnas | bdag gi gtam gyi sbyor ba daṅ (5) rjes su sbyor ba la brtson par mi gnas | blon po daṅ blon po chen po’i gtam gyi sbyor ba daṅ rjes su sbyor ba la brtson par mi gnas | skyes pa daṅ bud med daṅ ma niṅ gi gtam gyi sbyor ba daṅ rjes su sbyor ba la brtson par mi gnas | bźon pa daṅ skyed mos tshal daṅ (6) gtsug lag khaṅ daṅ gźal yas khaṅ daṅ mtshe’u daṅ mtsho daṅ lteṅ ka daṅ rdziṅ daṅ nags tshal daṅ kun dga’i rab daṅ ri’i gtam gyi sbyor ba daṅ rjes su sbyor ba la brtson par mi gnas | gnod sbyin daṅ srin po daṅ yi dgas daṅ śa za daṅ lus srul po daṅ grul bum gyi (7) gtam gyi sbyor ba daṅ rjes su sbyor ba la brtson par mi gnas | zas daṅ btuṅ ba daṅ gos daṅ rgyan daṅ spos daṅ phreṅ ba daṅ byug pa’i gtam gyi sbyor ba daṅ rjes su sbyor ba la brtson par mi gnas | sraṅ daṅ lam gyi bźi mdo daṅ dpoṅ sa daṅ tshoṅ ’dus daṅ bu bza’i gtam (185b1) gyi sbyor ba daṅ rjes su sbyor ba la brtson par mi gnas | glu daṅ gar daṅ | sñan pa brjod pa daṅ bro brduṅ ba daṅ rol mo mkhan gyi gtam gyi sbyor ba daṅ rjes su sbyor ba la brtson par mi gnas | rgya mtsho daṅ chu bo daṅ gliṅ gi gtam gyi sbyor ba daṅ rjes su sbyor ba la brtson par mi (2) gnas | chos daṅ ’gal ba’i gtam gyi sbyor ba daṅ rjes su sbyor ba la brtson par mi gnas | so so’i skye bo la dga’ ba’i gtam gyi sbyor ba daṅ rjes su sbyor ba la brtson par mi gnas te | gźan du na śes rab kyi pha rol tu phyin pa’i gtam gyi sbyor ba daṅ rjes su sbyor ba (3) la brtson par gnas śiṅ thams cad mkhyen pa daṅ ldan pa’i yid la byed pa dag daṅ ma bral bar ’gyur te | de dag ni thab mo daṅ mtshaṅ ’dru ba daṅ rtsod pa daṅ rgol ba’i gtam gyi sbyor ba daṅ rjes su sbyor ba la brtson par mi gnas | de dag ni chos ’dod pa kho nar ’gyur (4) te chos ma yin par ’dod par mi ’gyur | de dag ni mi ’byed pa rjod pa smra bar ’gyur te ’byed pa rjod pa smra bar mi ’gyur de dag ni mdza’ bar ’dod pa yin te mi mdza’i bar ’dod pa ma yin de dag ni chos smra bar ’gyur te chos ma yin pa smra bar mi ’gyur de dag ni de bźin (5) gśegs pa mthoṅ ba kho nar ’dod pas re bar byed de ’jig rten gyi khams gźan dag na gaṅ de bźin gśegs pa dgra bcom pa yaṅ dag par rdzogs pa’i saṅs rgyas bźugs te ’tsho źiṅ gźes pa de dag gi druṅ du ñe bar skye bar bya ba’i phyir sems bskyed ciṅ de dag ’dod (6) na der ñe bar skyes te | de dag de ltar de bźin gśegs pa la blta ba daṅ de bźin gśegs pa la bsñen bkur bya ba daṅ mi bral bar ’gyur ro ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po dag ni ’dod pa na spyod pa’i lha dag las (7) śi ’phos pa daṅ gzugs na spyod pa’i lha dag las śi ’phos pa daṅ gzugs med pa na spyod pa’i lha dag las śi ’phos nas ’dzam bu’i gliṅ gi yul gyi dbus ’di ñid kyi naṅ na | mi dag sgyu rtsal la mkhas pa sñan dṅags la mkhas pa sṅags dag la mkhas pa rig (186a1) pa dag la mkhas pa bstan bcos dag la mkhas pa mtshan ma dag la mkhas pa chos kyi don la mkhas pa dag yod par skye ste | mtha’ ’khob kyi skye bo dag tu skye ba ni ñuṅ | phal cher yul gyi dbus su skye’o ||
gaṅ dag mtha’ ’khob kyi skye bo’i naṅ du skyes pa de dag kyaṅ groṅ khyer chen po’i (2) naṅ du skyes te | de dag la yaṅ yon tan ’di dag yod do ||
rab ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor (3) gźan yaṅ phyir mi ldog pa’i byaṅ chub sems dpa’ sems dpa’ chen po ’di sñam du bdag phyir mi ldog pa ’am phyir mi ldog pa ma yin pa sñam du mi sems te | de ni ’di ltar raṅ gi sa la the tshom mi skye som ñi mi byed de kun tu źum par yaṅ mi ’gyur ro ||
rab ’byor ’di lta ste dper na rgyun du źugs pa ni (4) raṅ gis rgyun du źugs pa’i ’bras bu la nem nur mi byed the tshom mi za ba de bźin du | rab ’byor phyir mi ldog pa’i byaṅ chub sems dpa’ sems dpa’ chen po yaṅ raṅ gi byaṅ chub sems dpa’i sa la nem nur mi byed the tshom mi za som ñir mi byed de raṅ gi sa la de kun tu źum par mi ’gyur ro ||
(5) bdud kyi las skyes śiṅ byuṅ ba rnams kyaṅ myur du rig ciṅ de dag bdud kyi las skyes śiṅ byuṅ ba rnams kyi dbaṅ du mi ’gro’o ||
rab ’byor ’di lta ste dper na skyes bu źig gis mtshams med pa byas nas ’chi ka’i gnas skabs kyi bar du mtshams med pa’i sems de daṅ mi ’bral bar ’gyur te | (6) sems de bsal ba ’am gnan par mi nus śiṅ ’chi ka’i dus kyi bar du de’i sems de rjes su ’braṅ ṅo ||
rab ’byor de bźin du phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i sems kyaṅ gnas par ’gyur źiṅ raṅ gi phyir mi ldog pa’i sa las mi bskyod par ’gyur (7) te | de lha daṅ mi daṅ lha ma yin du bcas pa’i ’jig rten gyis kyaṅ bskyod pa ’am bsgrul bar mi nus so ||
bdud kyi las skyes śiṅ byuṅ ba dag kyaṅ rig par byed de bdud kyi las skyes śiṅ byuṅ ba dag gi dbaṅ du mi ’gro ste de raṅ gi sa la nem nur mi byed ciṅ the tshom mi byed pas tshe ’phos na yaṅ ñan (186b1) thos kyi sems daṅ raṅ saṅs rgyas kyi sems mi skye’o ||
de tshe ’phos na yaṅ ’di sñam du sems te bdag ni mṅon par rdzogs par ’tshaṅ mi rgya bar mi ’gyur te | bdag ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o sñam nas da raṅ gi sa la gnas śiṅ de gźan gyi (2) driṅ mi ’jog par ’gyur raṅ gi sa la mi brdzi bar ’gyur ro ||
de ci’i phyir źe na | de ni ’di ltar mi ’phrogs pa’i sems daṅ mi ’phrogs pa’i ye śes kyis gnas pa daṅ ldan par ’gyur ba’i phyir ro ||
gal te yaṅ bdud sdig can saṅs rgyas kyi cha byad kyis ñe bar ’oṅs te der ñe bar ’oṅs nas (3) ’di skad zer te khyod ’di ñid du dgra bcom pa ñid mṅon sum du gyis śig khyod ni bla na med pa yaṅ dag par rdzogs pa’i byaṅ chub tu luṅ ma bstan te | rnam pa gaṅ dag daṅ rtags gaṅ dag daṅ mtshan ma gaṅ dag daṅ ldan na byaṅ chub sems dpa’ sems dpa’ chen po bla na med pa yaṅ dag par rdzogs (4) pa’i byaṅ chub mṅon par rdzogs par ’tshaṅ rgya ba’i rnam pa de dag med rtags de dag med mtshan ma de dag med de dag yod pa ma yin na ci khyod de la spyod dam źes zer la | gal te yaṅ byaṅ chub sems dpa’ sems dpa’ chen po’i sems gźan du gyur na | rab ’byor byaṅ chub sems dpa’ (5) sems dpa’ chen po ’di ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ ma bstan par rig par bya’o ||
gal te yaṅ ’di sñam du kye ma ’di ni bdud sdig can yin te saṅs rgyas kyi cha (6) byad du mṅon par sprul nas ’oṅs pa ’am bdud kyi byin gyis brlabs pa’am bdud kyis sprul pa źig yin te | ’di ni de bźin gśegs pa ma yin no de bźin gśegs pa dgra bcom pa yaṅ dag par rdzogs pa’i saṅs rgyas kyis ci skad gsuṅs pa de ni de bźin te | gźan du ma (7) yin no źes sems sam | gal te de ’di sñam du so sor rtog ciṅ ’di sñam du sems te kye ma ’di ni bdud sdig can gyis saṅs rgyas su byin gyis brlabs te bdag bla na med pa yaṅ dag par rdzogs pa’i byaṅ chub las dpral bar ’dod do sñam la | rab ’byor gal te bdud sdig can phyir log na (187a1) byaṅ chub sems dpa’ sems dpa’ chen po ’di ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ bstan pa ste | byaṅ chub sems dpa’ sems dpa’ chen po ’di ni phyir mi (2) ldog pa’i byaṅ chub sems dpa’i sa la gnas par rig par bya’o ||
rab ’byor gal te byaṅ chub sems dpa’ sems dpa’ chen po la rnam pa ’di dag daṅ rtags ’di dag daṅ mtshan ma ’di dag yod na rab ’byor ji ltar de la yon tan ’di dag yod pa daṅ sbyar na kye ma byaṅ chub sems dpa’ (3) sems dpa’ chen po ’di ni gdon mi za bar sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis luṅ bstan pa ste | byaṅ chub sems dpa’ sems dpa’ chen po ’di ni phyir mi ldog pa’i byaṅ chub sems dpa’i sa la gnas pa yin par rig par bya’o ||
de (4) ci’i phyir źe na | de ni ’di ltar phyir mi ldog pa’i byaṅ chub sems dpa’ sems dpa’ chen po’i rnam pa de dag daṅ rtags de dag daṅ mtshan ma de dag yod pa’i phyir te | raṅ ’byor rnam pa de dag daṅ rtags de dag daṅ mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med (5) pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni dam pa’i chos yoṅs su gzuṅ ba’i phyir bdag kyaṅ yoṅs su gtoṅ bar byed srog kyaṅ yoṅs su gtoṅ bar byed do ||
de’i phyir rab ’byor (6) byaṅ chub sems dpa’ sems dpa’ chen po phyir mi ldog pa ni dam pa’i chos yoṅs su gzuṅ ba’i phyir śin tu brtson par byed de | saṅs rgyas bcom ldan ’das ’das pa daṅ ma byon pa daṅ da ltar byuṅ ba rnams la dga’ ba daṅ gus pa daṅ saṅs rgyas bcom ldan ’das rnams chos kyi sku’o źes chos la (7) dga’ ba daṅ gus pa’i phyir dam pa’i chos yoṅs su ’dzin par byed de | ’di ni saṅs rgyas bcom ldan ’das ’das pa ’ba’ źig gi dam pa’i chos yoṅs su gzuṅ ba ma yin gyi saṅs rgyas bcom ldan ’das da ltar byuṅ ba rnams kyi dam pa’i chos yoṅs su gzuṅ ba yaṅ ’di ñid yin ma byon pa’i saṅs (187b1) rgyas bcom ldan ’das rnams kyi dam pa’i chos yoṅs su bzuṅ ba yaṅ ’di ñid yin te | de la bdag kyaṅ ma byon pa’i saṅs rgyas bcom ldan ’das de rnams kyi graṅs su bgraṅ bar gtogs pa des na bdag kyaṅ bla na med pa yaṅ dag par rdzogs pa’i byaṅ chub de la luṅ bstan te ’di ni bdag gi yaṅ (2) dam pa’i chos yoṅs su bzuṅ ba’o sñam ste don gyi dbaṅ ’di mthoṅ nas dam pa’i chos yoṅs su gzuṅ ba’i phyir bdag ñid yoṅs su gtoṅ ba dag byed do ||
srog yoṅs su gtoṅ ba dag kyaṅ byed de de la źum par mi ’gyur le lo mi byed do ||
rab ’byor rnam pa de dag daṅ rtags de dag daṅ (3) mtshan ma de dag daṅ ldan pa’i byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni de bźin gśegs pa dgra (4) bcom pa yaṅ dag par rdzogs pa’i saṅs rgyas chos ston pa la nem nur med the tshom mi za’o ||
rab ’byor gyis gsol ba | bcom ldan ’das ci de bźin gśegs pa kho na chos ston pa la nem nur ma mchis śiṅ the tshom mi ’tshal ba lags kyi ñan thos lam lags sam | bcom ldan ’das (5) kyis bka’ stsal pa | rab ’byor ñan thos chos ston pa la yaṅ nem nur mi byed ciṅ the tshom mi za’o ||
de ci’i phyir źe na | ’di ltar byaṅ chub sems dpa’ sems dpa’ chen po des mi skye ba’i chos la bzod pa thob pas na de’i phyir de chos thams cad kyi chos ñid daṅ mi ’gal bar ñan te | thos nas (6) kyaṅ nem nur mi byed the tshom mi za ste | rab ’byor yon tan de dag daṅ ldan pa’i byaṅ chub sems dpa’ sems dpa’ chen po ni phyir mi ldog pa yin no ||
rab ’byor ’di dag kyaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las phyir (7) mi ldog pa’i rnam pa daṅ rtags daṅ mtshan mar rig par bya’o ||
’phags pa śes rab kyi pha rol tu phyin pa brgyad stoṅ pa las | phyir mi ldog pa’i rnam pa daṅ rtags daṅ mtshan ma’i le’u źes bya ba ste bcu bdun pa’o || ||
(188a1) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po yon tan chen po’i tshogs daṅ ldan pa daṅ bcom ldan ’das byaṅ chub sems dpa’ sems dpa’ chen po yon tan tshad (2) ma mchis pa daṅ ldan pa daṅ bcom ldan ’das byaṅ chub sems dpa’ sems dpa’ chen po yon tan dpag tu ma mchis pa daṅ ldan pa ni ṅo mtshar to ||
de skad ces gsol ba daṅ bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te de de (3) bźin no ||
de ci’i phyir źe na | rab ’byor byaṅ chub sems dpa’ sems dpa’ chen po phyir mi ldog pas ni ye śes mtha’ yas mu med pa rab tu ’thob ste ñan thos daṅ raṅ saṅs rgyas thams cad kyis mi ’phrogs pa yin no ||
rab ’byor gyis gsol pa | bcom ldan ’das ni phyir mi (4) ldog pa’i byaṅ chub sems dpa’ sems dpa’ chen po’i rnam pa daṅ rtags daṅ mtshan ma dag bskal pa gaṅ g’i kluṅ gi bye ma sñed du ston kyaṅ spyod de | de’i slad du bcom ldan ’das byaṅ chub sems dpa’ sems dpa’ chen po la śes rab kyi pha rol tu phyin pa daṅ ldan pa’i gnas zab mo zab (5) mo dag bstan du gsol | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor khyod gnas zab mo zab mo dag las brtsams nas śes par bya bar ’dod pa legs so legs so ||
rab ’byor zab ces bya ba de (6) ni stoṅ pa ñid kyi tshig bla dgas so ||
rab ’byor ’di lta ste zab ces bya ba de ni mtshan ma med pa daṅ smon pa med pa daṅ mṅon par ’du mi byed pa daṅ ma byuṅ ba daṅ ma skyes pa daṅ dṅos po med pa daṅ ’dod chags daṅ bral ba daṅ ’gog pa daṅ mya ṅan las ’das pa daṅ bral bar gyur pa’i tshig bla (7) dgas so ||
rab ’byor gyis gsol pa | bcom ldan ’das ’di chos de dag ’ba’ źig gi tshig bla dgas lags kyi chos thams cad kyi yaṅ ma lags sam | bcom ldan ’das kyis bka’ stsal pa | rab ’byor ’di ni chos thams cad kyi yaṅ tshig bla dgas so ||
de ci’i phyir źe na | (188b1) rab ’byor gzugs ni zab bo ||
rab ’byor de bźin du tshor ba daṅ ’du śes daṅ | ’du byed rnams daṅ rnam par śes pa ni zab bo ||
rab ’byor gzugs ci ltar zab | rab ’byor de bźin du tshor ba daṅ ’du śes daṅ ’du byed rnams daṅ rab ’byor rnam par śes pa ci ltar zab ce na | (2) rab ’byor de bźin ñid ci lta ba de bźin du gzugs zab bo ||
de bźin du tshor ba daṅ ’du śes daṅ ’du byed rnams daṅ | rab ’byor de bźin ñid ci lta bde bźin du rnam par śes pa zab bo ||
rab ’byor de la gzugs kyi de bźin ñid ci lta ba de bźin du gzugs zab bo ||
de (3) bźin du tshor ba’i de bźin ñid daṅ ’du śes kyi de bźin ñid daṅ ’du byed rnams kyi de bźin ñid ci lta ba daṅ rab ’byor de la rnam par śes pa’i de bźin ñid ci lta ba de bźin du rnam par śes pa zab bo ||
rab ’byor gaṅ la gzugs med pa ’di ni gzugs kyi zab pa ñid do ||
rab (4) ’byor de bźin du gaṅ la tshor ba med pa daṅ ’du śes med pa daṅ ’du byed rnams med pa daṅ | rnam par śes pa med pa ’di ni | tshor ba daṅ ’du śes daṅ | ’du byed rnams daṅ rnam par śes pa zab pa ñid do ||
rab ’byor gyis gsol pa | bcom ldan ’das ci srid du thabs źib mos (5) gzugs las kyaṅ bzlog la mya ṅan las ’das pa yaṅ bstan pa daṅ | de bźin du tshor ba daṅ ’du śes daṅ ’du byed rnams daṅ ci srid du thabs źib mos rnam par śes ba las kyaṅ bzlog la mya ṅan las ’das pa yaṅ bstan pa ni ṅo mtshar to ||
bcom ldan ’das kyis bka’ stsal pa | rab (6) ’byor śes rab kyi pha rol tu phyin pa daṅ ldan pa’i gnas zab mo zab mo ’di dag gaṅ źig sems par ’gyur ’jal bar ’gyur ṅes par rtog par ’gyur te | bdag gis śes rab kyi pha rol tu phyin pa las ci ltar bstan pa de bźin du gnas par bya’o ||
bdag gis śes rab kyi pha rol tu phyin (7) pa las ci ltar bśad pa de bźin du bslab par bya’o ||
bdag gis śes rab kyi pha rol tu phyin pa las ci ltar ñe bar bstan pa de bźin du bsgrub par bya’o ||
de bźin du sgrub par byed pa daṅ de bźin du ñe bar sems pa daṅ de bźin du ñe bar yoṅs su rtog par de bźin du rab tu sbyor bar byed pa daṅ (189a1) de bźin du rtsol ba daṅ de bźin du ’bad par byed pas | ñin gcig tsam yaṅ ’di la rnal ’byor du byed na byaṅ chub sems dpa’ sems dpa’ chen po des ñi ma gcig po de la las ci tsam byed par ’gyur źe na | rab ’byor ’di lta ste dper na | skyes bu ’dod chags (2) la spyod pa rnam par rtog pa la spyod pa la la źig yod la skyes bu ’dod chags la spyod pa rnam par rtog pa la spyod pa des | bud med gzugs bzaṅ ba mdzes pa blta na sdug pa źig daṅ dus btab par gyur la | bud med de yaṅ gźan gyis yoṅs su zin pa źig yin te | bdag ñid khyim nas (3) ’byuṅ źiṅ ’oṅ ba’i dbaṅ med na | rab ’byor de ci sñam du sems skyes bu de’i rnam par rtog pa ci lta bu daṅ ldan pa dag ’byuṅ bar ’gyur | rab ’byor gyis gsol pa | bcom ldan ’das skyes bu de’i rnam par rtog pa ni bud med daṅ ldan pa kho na ’byuṅ ste de ni mchi’o ||
de mchis nas de daṅ lhan (4) cig ’di ltar spyad par bya’o ||
’di ltar dga’ bar bya’o ’di ltar rtse bar bya’o ’di ltar rab tu rnam par spyod par bya’o sñam mo ||
bcom ldan ’das kyis bka’ stsal pa | rab ’byor de ci sñam du sems skyes bu de la ñi ma ’das kyi bar du rnam par rtog pa ci sñed cig ’byuṅ | rab ’byor gyis gsol (5) pa | bcom ldan ’das gdugs ’das kyi bar du skyes bu de la rnam par rtog pa maṅ po źig ’byuṅ bar ’gyur ro ||
bcom ldan ’das kyis bka’ stsal pa | rab ’byor skyes bu de la ñi ma ’das kyi bar du rnam par rtog pa ci sñed cig ’byuṅ ba | rab ’byor byaṅ chub sems dpa’ sems (6) dpa’ chen pos bskal pa de sñed du ’khor ba la rgyab kyis phyogs par byed pa daṅ ’dor ba daṅ mthar ’byin par byed do ||
gaṅ śes rab kyi pha rol tu phyin pa ’di la ci ltar bźag pa daṅ ci ltar bśad pa daṅ ci ltar ñe bar bstan pa daṅ ci ltar bstan pa daṅ ci ltar ṅes par bstan pa ltar ’di la gnas (7) pa daṅ slob pa daṅ rtogs pa daṅ ñe bar sems pa daṅ rnal ’byor du byed pa ni | ñes pa gaṅ dag gis byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las ldog par ’gyur ba’i ñes pa de dag kyaṅ rnam par spoṅ ṅo ||
rab ’byor de ltar byaṅ chub (189b1) sems dpa’ sems dpa’ chen po śes rab kyi pha rol tu phyin pa’i rnal ’byor la brtson par byed ciṅ de lta bu’i gnas pa ’dis gnas pa de ni ’di lta ste | śes rab kyi pha rol tu phyin pa daṅ ldan pa’i yid la byed pa ’dis ñin gcig pa las de sñed byed do ||
byaṅ chub sems dpa’ gaṅ (2) śes rab kyi pha rol tu phyin pa daṅ bral bas bskal pa gaṅ g’i kluṅ gi bye ma sñed du ’dug ste sbyin pa byin pa daṅ | byaṅ chub sems dpa’ sems dpa’ chen po gaṅ śes rab kyi pha rol tu phyin pa la ñin gcig tsam yaṅ rnal ’byor du byed na ’di ñid de bas khyad par du ’phags so ||
rab ’byor (3) gźan yaṅ byaṅ chub sems dpa’ gaṅ bskal pa gaṅ g’i kluṅ gi bye ma sñed du ’dug ste rgyun du źugs pa dag la sbyin pa sbyin par byed ciṅ rab tu ’jog pa daṅ | de bźin du lan cig phyir ’oṅ ba daṅ | phyir mi ’oṅ ba daṅ dgra bcom pa dag la yaṅ sbyin pa sbyin par byed ciṅ rab tu ’jog (4) pa daṅ | raṅ saṅs rgyas dag la sbyin pa sbyin par byed ciṅ rab tu ’jog pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams la sbyin pa sbyin par byed ciṅ rab tu ’jog par byed la | śes rab kyi pha rol tu phyin pa daṅ bral ba daṅ | byaṅ (5) chub sems dpa’ sems dpa’ chen po gaṅ śes rab kyi pha rol tu phyin pa las ci ltar ñe bar bstan pa daṅ ci ltar bstan pa daṅ ci ltar ṅes par ston pa de bźin du ñin gcig tsam yaṅ rnal ’byor du byed na byaṅ chub sems dpa’ sṅa ma de bas byaṅ chub sems dpa’ sems dpa’ chen po ’di ñid bsod (6) nams ches maṅ du skyed do ||
rab ’byor gźan yaṅ byaṅ chub sems dpa’ gaṅ bskal pa gaṅ g’i kluṅ gi bye ma sñed du ’dug ciṅ rgyun du źugs pa dag nas yaṅ dag par rdzogs pa’i saṅs rgyas rnams kyi bar la sbyin pa sbyin par byed ciṅ rab tu ’jog pa daṅ | tshul khrims yoṅs su (7) rdzogs par byed par gyur la | śes rab kyi pha rol tu phyin pa daṅ bral bar gyur pa daṅ | byaṅ chub sems dpa’ sems dpa’ chen po śes rab kyi pha rol tu phyin pa la gnas pa gaṅ źig yid la byed pa de las laṅs te chos ston na | rab ’byor byaṅ chub sems dpa’ sṅa ma de bas byaṅ chub sems dpa’ (190a1) sems dpa’ chen po ’di ñid bsod nams ches maṅ du skyed do ||
rab ’byor gźan yaṅ byaṅ chub sems dpa’ gaṅ bskal pa gaṅ g’i kluṅ gi bye ma sñed du ’dug ciṅ rgyun du źugs pa dag nas yaṅ dag par rdzogs pa’i saṅs rgyas rnams kyi bar la sbyin pa sbyin par byed (2) ciṅ rab tu ’jog pa daṅ | tshul khrims kyaṅ yoṅs su rdzogs par byed par gyur | bzod pa daṅ yaṅ ldan par gyur la | śes rab kyi pha rol tu phyin pa daṅ bral ba daṅ | byaṅ chub sems dpa’ sems dpa’ chen po śes rab kyi pha rol tu phyin pa la gnas pa gaṅ źig yid la byad (3) pa de las laṅs te chos kyi sbyin pa sbyin par byed na rab ’byor byaṅ chub sems dpa’ sṅa ma de bas byaṅ chub sems dpa’ sems dpa’ chen po ’di ñid bsod nams ches maṅ du skyed do ||
rab ’byor gźan yaṅ byaṅ chub sems dpa’ gaṅ bskal pa gaṅ g’i kluṅ gi bye ma sñed du ’dug ciṅ rgyun tu (4) źugs pa dag nas yaṅ dag par rdzogs pa’i saṅs rgyas kyi bar la sbyin pa sbyin par byed ciṅ rab tu ’jog pa daṅ | tshul khrims yoṅs su rdzogs par byed par gyur pa daṅ | bzod pa daṅ yaṅ ldan pa daṅ brtson ’grus brtsams pa daṅ bsam gtan dag daṅ byaṅ chub kyi phyogs kyi chos (5) rnams la rnal ’byor du byed la śes rab kyi pha rol tu phyin pa daṅ bral ba daṅ | rab ’byor yaṅ byaṅ chub sems dpa’ sems dpa’ chen po gaṅ źig gis de ltar chos kyi sbyin pa byin nas bla na med pa yaṅ dag par rdzogs pa’i byaṅ chub tu yoṅs su bsṅo na | rab ’byor byaṅ chub sems dpa’ (6) sṅa ma bas byaṅ chub sems dpa’ sems dpa’ chen po gaṅ ’di ñid bsod nams ches maṅ du skyed do ||
rab ’byor gźan yaṅ byaṅ chub sems dpa’ sems dpa’ chen po gaṅ de ltar chos kyi sbyin pa sbyin par byed ciṅ śes rab kyi pha rol tu phyin pa las gsuṅs pa’i yoṅs su bsṅo bas bla na med (7) pa yaṅ dag par rdzogs pa’i byaṅ chub tu yoṅs su bsṅo na de bas ’di bsod nams ches maṅ du skyed do ||
rab ’byor gźan yaṅ byaṅ chub sems dpa’ sems dpa’ chen po gaṅ de ltar chos kyi sbyin pa byin la śes rab kyi pha rol tu phyin pa las gsuṅs pa’i yoṅs su bsṅo bas | bla na (190b1) med pa yaṅ dag par rdzogs pa’i byaṅ chub tu yoṅs su bsṅo źiṅ gaṅ gis yoṅs su bsṅos nas kyaṅ naṅ du yaṅ dag ’jog la rnal ’byor du mi byed pa daṅ | rab ’byor yaṅ byaṅ chub sems dpa’ sems dpa’ chen po gaṅ źig de ltar chos kyi sbyin pa sbyin par byed ciṅ śes rab kyi pha rol tu (2) phyin pa las gsuṅs pa’i yoṅs su bsṅo bas bla na med pa yaṅ dag par rdzogs pa’i byaṅ chub tu yoṅs su bsṅo la yoṅs su bsṅos nas kyaṅ yaṅ naṅ du yaṅ dag ’jog la rnal ’byor du byed de | naṅ du yaṅ dag ’jog la rnal ’byor du byed pa na yaṅ naṅ du yaṅ dag ’jog pa de śes (3) rab kyi pha rol tu phyin pas yoṅs su zin ciṅ śes rab kyi pha rol tu phyin pa daṅ ma bral bar byed pa’i byaṅachuba sems dpa’ sems dpa’ chen po ’di ni ches bsod nams maṅ skye do ||
rab ’byor gyis gsol pa | bcom ldan ’das gaṅ gi tshe bcom ldan ’das kyis mṅon par (4) ’dus byas pa ni rnam par rtog pa’o źes gsuṅs pa de’i tse ci ltar na bsod nams maṅ du ces bgyi | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i bsod nams mṅon par ’du byed ’di (5) yaṅ da ltar ston pa kho nar snaṅ ṅo ||
sñiṅ po med pa ñid du snaṅ ṅo ||
rab ’byor yaṅ byaṅ chub sems dpa’ sems dpa’ chen po ci lta ci ltar ’di ltar chos thams cad la so sor rtog pa de lha de ltar rab ’byor byaṅ chub sems dpa’ (6) sems dpa’ chen po śes rab kyi pha rol tu phyin pa daṅ ma bral bar ’gyur ro ||
rab ’byor yaṅ byaṅ chub sems dpa’ sems dpa’ chen po ci lta ci ltar śes rab kyi pha rol tu phyin pa daṅ ma bral bar gyur pa de lta de ltar bsod nams gźal du med graṅs med pa skyed do ||
rab ’byor gyis (7) gsol pa | bcom ldan ’das gźal du ma mchis pa daṅ graṅs ma mchis pa la tha dad du bgyi ba ci mchis bye brag ci mchis | bcom ldan ’das kyis bka’ stsal pa | rab ’byor gźal du med ba źes bya ba ni gaṅ la tshad ma mi ’jug pa’o ||
rab ’byor graṅs med pa (191a1) źes bya ba ni gaṅ bgraṅ bas zad par mi nus pa’o ||
rab ’byor gyis gsol pa | bcom ldan ’das gaṅ gis gzugs kyaṅ gźal du ma mchis par ’gyur ba’i rnam graṅs mchis sam | de bźin du tshor ba daṅ ’du śes daṅ ’du byed rnams daṅ bcom ldan (2) ’das gaṅ gas rnam par śes pa yaṅ gźal du ma mchis par ’gyur ba’i rnam graṅs mchis sam | bcom ldan ’das kyis bka’ stsal pa | rab ’byor gyis gaṅ ’di skad du bcom ldan ’das gaṅ gis gzugs kyaṅ gźal du med par ’gyur ba’i rnam graṅs yod dam | de (3) bźin du tshor ba daṅ ’du śes daṅ ’du byed rnams daṅ | bcom ldan ’das gaṅ gis rnam par śes pa yaṅ gźal du med par ’gyur ba’i rnam graṅs yod dam źes smras pa ni | rab ’byor rnam graṅs gaṅ gis gzugs ñid gźal du med par ’gyur ba’i rnam graṅs yod do ||
(4) de bźin du tshor ba ñid daṅ ’du śes ñid daṅ ’du byed rnams ñid daṅ rab ’byor rnam graṅs gaṅ gis rnam par śes pa ñid kyaṅ gźal du med par ’gyur ba’i rnam graṅs yod do ||
rab ’byor gyis gsol pa | bcom ldan ’das yaṅ gźal du ma mchis pa źes bgyi ba ’di gaṅ gi ni (5) bla dgas lags | bcom ldan ’das kyis bka’ stsal pa | rab ’byor gźal du med pa źes bya ba ’di ni stoṅ pa ñid kyi tshig bla dgas so ||
gźal du med pa źes bya ba ’di ni mtshan ma med pa’i tshig bla dgas so ||
rab ’byor gźal du med pa źes bya ba ’di ni smon pa med pa’i tshig (6) bla dgas so ||
rab ’byor gyis gsol pa | bcom ldan ’das ci gźal du ma mchis pa źes bgyi ba ’di stoṅ pa ñid ’ba’ źig gi tshig bla dgas daṅ | bcom ldan ’das gźal du ma mchis pa źes bgyi ba ’di mtshan ma ma mchis pa ñid daṅ smon pa ma mchis pa ñid ’ba’ źig gi tshig (7) bla dgas lags te chos gźan dag gi ma lags sam | bcom ldan ’das kyis bka’ stsal pa | rab ’byor ’di ci sñam du sems ṅas chos thams cad stoṅ pa’o źes ma bśad dam | rab ’byor gyis gsol pa | bcom ldan ’das de bźin gśegs pas chos thams cad stoṅ pa ñid do (191b1) źes bka’ stsal to ||
bcom ldan ’das kyis bka’ stsal pa | rab ’byor stoṅ pa ñid gaṅ dag yin pa de dag ni ma zad pa yaṅ yin la stoṅ pa ñid gaṅ yin pa de na gźal du med pa yaṅ yin no ||
rab ’byor de lta bas na chos ’di dag ni don la bye brag gam tha dad du bya (2) bar mi dmigs te | rab ’byor de dag ni mṅon par brjod pa’o źes de bźin gśegs pas bstan ciṅ brjod do ||
gźal du med pa źes bya ba ’am graṅs med pa źes bya ba ’am mi zad pa źes bya ba ’am stoṅ pa źes bya ba ’am mtshan ma med pa źes bya ba ’am smon pa med pa źes bya (3) ba ’am mṅon par ’du mi byed pa źes bya ba’am mi ’byuṅ pa źes bya ba’am mi skye ba źes bya ba ’am dṅos po med pa źes bya ba ’am ’dod chags daṅ bral ba źes bya ba’am ’gog pa źes bya ba ’am mya ṅan las ’das pa źes bya ba ’di ni | rab ’byor bstan pa mṅon par bsgrub pa bśad par (4) de bźin gśegs pa dgra bcom pa yaṅ dag par rdzogs pa’i saṅs rgyas kyis gsuṅs so ||
rab ’byor gyis gsol pa | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis chos thams cad kyi chos ñid kyi bar ’di yaṅ bstan la (5) chos thams cad kyi chos ñid de yaṅ brjod du ma mchis pa ṅo mtshar to ||
bcom ldan ’das bdag gis ci ltar bcom ldan ’das kyis gsuṅs pa’i don ’tshal ba ltar na | bcom ldan ’das de ltar chos thams cad kyaṅ brjod du ma mchis pa lags so ||
bcom ldan ’das (6) kyis bka’ stsal pa | de de bźin no rab ’byor de de bźin te | rab ’byor chos thams cad kyaṅ brjod du med pa’o ||
de ci’i phyir źe na | rab ’byor chos thams cad kyi stoṅ pa ñid gaṅ yin pa de ni brjod du mi nus pa’i phyir ro ||
rab ’byor gyis gsol pa | bcom ldan (7) ’das yaṅ ci brjod du ma mchis pa’i don la ’phel ba ’am yoṅs su ’grib pa mchis sam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das gal te brjod du ma mchis pa’i don la ’phel ba ma mchis yoṅs su (192a1) ’grib pa ma mchis na ni sbyin pa’i pha rol tu phyin pa la yaṅ ’phel ba ma mchis yoṅs su ’grib pa yaṅ ma mchis par ’gyur ro ||
de bźin du tshul khrims kyi pha rol tu phyin pa daṅ bzod pa’i pha rol tu phyin pa daṅ brtson ’grus kyi pha rol tu phyin pa daṅ bsam gtan gyi pha rol tu phyin pa daṅ (2) śes rab kyi pha rol tu phyin pa la yaṅ bcom ldan ’das ’phel ba ma mchis yoṅs su ’grib pa yaṅ ma mchis par ’gyur ro ||
bcom ldan ’das gal te pha rol tu phyin pa drug po ’di rnams la ’phel ba ma mchis yoṅs su ’grib pa ma mchis na | bcom ldan ’das ji ltar rnam par (3) mi ’phel ba’i pha rol tu phyin pa drug po rnams kyi stobs kyis byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba ’am ci ltar bla na med pa yaṅ dag par rdzogs pa’i byaṅ chub tu ñe bar ’gyur bcom ldan ’das pha (4) rol tu phyin pa yoṅs su rdzogs par ma bgyis par ni byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ñe bar mi ’gyur ro ||
bcom ldan ’das kyis bka’ stsal pa | rab ’byor de de bźin te | de de bźin no ||
rab ’byor yaṅ pha (5) rol tu phyin pa’i don la ’phel ba ’am yoṅs su ’grib pa yaṅ med mod kyi | rab ’byor ’on kyaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgoms pa thabs mkhas pa ni ’di sñam du sbyin pa’i pha rol tu phyin pa ’di ni (6) rnam par ’phel lo sbyin pa’i pha rol tu phyin pa ’di ni yoṅs su ’grib bo źes bya bar mi sems kyi | ’on kyaṅ de ’di sñam du ’di lta ste sbyin pa’i pha rol tu phyin pa źes bya ba ’di ni miṅ tsam mo źes bsams nas | de sbyin pa sbyin par byed ciṅ yid la byed pa de dag daṅ sems bskyed pa de dag (7) daṅ dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅo ste bla na med pa yaṅ dag par rdzogs pa’i byaṅ chub ci lta ba de bźin du yoṅs su bsṅo’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ (192b1) śes rab kyi pha rol tu phyin pa la bsgom pa thabs mkhas pa ni ’di sñam du tshul khrims kyi pha rol tu phyin pa ’di ni rnam par ’phel lo ||
tshul khrims kyi pha rol tu phyin pa ’di ni yoṅs su ’grib bo źes mi sems kyi ’on kyaṅ de ’di sñam du ’di lta ste tshul khrims kyi pha rol tu phyin pa źes (2) bya ba ’di ni miṅ tsam mo źes bsams nas de tshul khrims yaṅ dag par blaṅs te gnas śiṅ yid la byed pa de dag daṅ sems bskyed pa de dag daṅ dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅo ste bla na med pa yaṅ dag par rdzogs pa’i byaṅ chub ci lta ba de (3) bźin du yoṅs su bsṅo’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgom pa thabs mkhas pa ni ’di sñam du bzod pa’i pha rol tu phyin pa ’di ni rnam par ’phel lo ||
bzod pa’i pha (4) rol tu phyin pa ’di ni yoṅs su ’grib bo źes mi sems kyi | ’on kyaṅ de ’di sñam du ’di lta ste bzod pa’i pha rol tu phyin pa źes bya ba ’di ni miṅ tsam mo sñam nas de bzod pa sgrub ciṅ yid la byed pa de dag daṅ sems bskyed pa de dag daṅ dge ba’i rtsa ba de dag bla na med pa yaṅ dag par rdzogs pa’i (5) byaṅ chub tu yoṅs su bsṅo ste bla na med pa yaṅ dag par rdzogs pa’i byaṅ chub ci lta ba de bźin du yoṅs su bsṅo’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgom pa thabs mkhas pa ni ’di sñam du brtson (6) ’grus kyi pha rol tu phyin pa ’di ni rnam par ’phel lo ||
brtson ’grus kyi pha rol tu phyin pa ’di ni yoṅs su ’grib bo źes bya bar mi sems kyi | ’on kyaṅ de ’di sñam du ’di lta ste brtson ’grus kyi pha rol tu phyin pa źes bya ba ’di ni miṅ tsam mo źes pa sems nas de brtson ’grus rtsom źiṅ yid (7) la byed pa de dag daṅ sems bskyed pa de dag daṅ dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅo ste bla na med pa yaṅ dag par rdzogs pa’i byaṅ chub ci lta ba de bźin du yoṅs su bsṅo’o ||
rab ’byor gźan yaṅ byaṅ chub sems dpa’ sems dpa’ (193a1) chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgom pa thabs mkhas pa ni ’di sñam du bsam gtan gyi pha rol tu phyin pa ’di ni rnam par ’phel lo ||
bsam gtan gyi pha rol tu phyin pa ’di ni yoṅs su ’grib bo źes bya bar mi sems kyi ’on (2) kyaṅ de ’di sñam du ’di lta ste bsam gtan gyi pha rol tu phyin pa źes bya ba ’di ni miṅ tsam mo źes bsams nas de bsam gtan dag la yaṅ mñam par gźog la yid la byed pa de dag daṅ sems bskyed pa de dag daṅ dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su (3) bsṅo ste | bla na med pa yaṅ dag par rdzogs pa’i byaṅ chub ci lta ba de bźin du yoṅs su bsṅo’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa la bsgom pa thabs mkhas pa ni ’di sñam du (4) śes rab kyi pha rol tu phyin pa ’di ni rnam par ’phel lo ||
śes rab kyi pha rol tu phyin pa ’di ni yoṅs su ’grib bo źes bya bar mi sems kyi | ’on kyaṅ de ’di sñam du ’di lta ste śes rab kyi pha rol tu phyin pa ’di ni miṅ tsam mo źes bsams nas | de śes rab kyi pha rol tu phyin pa la (5) spyod śes rab kyi pha rol tu phyin pa la sgom źiṅ yid la byed pa de dag daṅ sems bskyed pa de dag daṅ dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅo ste | bla na med pa yaṅ dag par rdzogs pa’i byaṅ chub ci lta ba de bźin du yoṅs su bsṅo’o ||
de (6) nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bla na med pa yaṅ dag par rdzogs pa’i byaṅ chub ces bgyi ba ’di yaṅ gaṅ lags | bcom ldan ’das kyis bka’ stsal pa | rab ’byor bla na med pa yaṅ dag par rdzogs pa’i byaṅ chub ces (7) bya ba ’di ni de bźin ñid do ||
rab ’byor de bźin ñid ni rnam par ’phel ba ’am yoṅs su ’grib pa med do ||
gal te byaṅ chub sems dpa’ sems dpa’ chen po yid la byed pa de dag daṅ ldan pas rgyun mi ’chad par maṅ du gnas na de ltar na de bla na med pa yaṅ dag par rdzogs pa’i byaṅ chub (193b1) tu ñe ba yin no ||
rab ’byor de ltar brjod du med pa’i don la ’phel bar yaṅ mi ’gyur yoṅs su ’grib par yaṅ mi ’gyur ro ||
yid la byed pa de dag gis yoṅs su mi ’grib bo ||
rab ’byor de ltar pha rol tu phyin pa la ’phel bar yaṅ mi ’gyur yoṅs su ’grib par yaṅ mi ’gyur ro | (2) rab ’byor de ltar chos thams cad la yaṅ ’phel bar yaṅ mi ’gyur yoṅs su ’grib par yaṅ mi ’gyur ro ||
rab ’byor de ltar byaṅ chub sems dpa’ sems dpa’ chen po yid la byed pa de lta bu dag gis gnas na bla na med pa yaṅ dag par rdzogs pa’i byaṅ chub tu ñe ba yin no ||
’phags (3) pa śes rab kyi pha rol tu phyin pa brgyad stoṅ pa las stoṅ pa ñid kyi le’u źes bya ste bcwa brgyad pa’o ||
| śes rab kyi pha rol tu phyin pa brgyad stoṅ pa | bam po bcu bdun pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
(4) bcom ldan ’das yaṅ ci sems bskyed pa daṅ po sa byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am ’on te sems bskyed pa slad mas byaṅ chub sems dpa’ sems dpa’ chen po bla na med pa yaṅ dag par rdzogs pa’i (5) byaṅ chub mṅon par rdzogs par ’tshaṅ rgya | bcom ldan ’das sems bskyed pa sṅa ma ni sems bskyed pa slad ma daṅ mi ’grogs sems bskyed pa slad ma yaṅ sems bskyed pa sṅa ma daṅ mi ’grogs na | bcom ldan ’das ci ltar byaṅ chub sems dpa’ sems dpa’ chen po’i dge ba’i rtsa ba (6) rnams sogs par ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ci sñam du sems ’bru mar gyi mar me ’bar ba’i me lce daṅ po phog pas sñiṅ po de tshig gam ’on te me lce phyi ma phog pas sñiṅ po de tshig par (7) ’gyur | rab ’byor gyis gsol pa | bcom ldan ’das de ni ma lags so ||
bcom ldan ’das me lce daṅ po phog pas sñiṅ po de tshig pa ma lags me lce daṅ po byuṅ ba lam brten par yaṅ sñiṅ po de mi ’tshig go ||
bcom ldan ’das me lce slad ma phog pas kyaṅ sñiṅ po dam tshig ste (194a1) me lce slad ma phog pa lam brten par yaṅ sñiṅ po de mi ’tshig go ||
bcom ldan ’das kyis bka’ stsal pa | rab ’byor ’di ci sñam du sems ci sñiṅ po de yaṅ tshig gam | rab ’byor gyis gsol pa | bcom ldan ’das tshig lags so ||
bde bar gśegs (2) pa tshig lags so ||
bcom ldan ’das kyis bka’ stsal pa | rab ’byor de bźin du sems bskyed pa daṅ pos kyaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya sems bskyed pa daṅ po la ma brten par yaṅ bla na (3) med pa yaṅ dag par rdzogs pa’i byaṅ chub mṅon par rdzogs pa’i ’tshaṅ mi rgya’o ||
sems bskyed pa phyi mas kyaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya sems bskyed pa phyi ma lam brten par yaṅ bla na med pa yaṅ dag par rdzogs pa’i byaṅ chub mṅon par (4) rdzogs par ’tshaṅ mi rgya’o ||
sems bskyed pa de dag gis kyaṅ ma yin sems bskyed pa de dag las gźan bas kyaṅ mṅon par rdzogs par ’tshaṅ mi rgya ste | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ yaṅ (5) rgya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das rten ciṅ ’brel bar ’byuṅ ba ’di zab pa lags te | bcom ldan ’das sems bskyed pa daṅ pos byaṅ chub sems dpa’ sems dpa’ chen (6) po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya la | sems bskyed pa daṅ po la ma brten par yaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya | sems bskyed pa slad mas kyaṅ byaṅ chub sems dpa’ sems (7) dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgyal | sems bskyed pa slad ma lam brten par yaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya | sems (194b1) bskyed pa de dag gis kyaṅ ma lags sems bskyed pa de ma lags pa gźan las kyaṅ mṅon par rdzogs par ’tshaṅ mi rgya ste | byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ ’gyur ro ||
de skad (2) ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ci sñam du sems ci sems gaṅ ’gags pa de phyir ’byuṅ bar ’gyur ram | rab ’byor gyis gsol pa | bcom ldan ’das de ni ma lags so ||
bcom (3) ldan ’das kyis bka’ stsal pa | rab ’byor ’di ci sñam du sems ci sems gaṅ ’byuṅ ba de ’gag pa’i chos can yin nam | rab ’byor gyis gsol pa | bcom ldan ’das ’gag pa’i chos can lags so ||
bcom ldan ’das kyis bka’ stsal pa | rab ’byor ’di ci sñam du (4) sems ci sems gaṅ ’gag pa’i chos can de ’gag par ’gyur ram | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems ci sems gaṅ ma byuṅ ba de ’gag pa’i chos can yin nam | rab (5) ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems ci sems gaṅ źig ’gog pa’i chos can ma yin pa de ’gag par ’gyur ram | rab ’byor gyis gsol pa | bcom ldan ’das de ni (6) ma lags so ||
bcom ldan ’das kyis bka’ stsal pa | rab ’byor ’di ci sñam du sems ci sems gaṅ mi ’byuṅ ma ’gags pa’i chos can de ’gag par ’gyur ram | rab ’byor gyis gsol pa | bcom ldan ’das de ni ma lags so ||
bcom ldan ’das kyis (7) bka’ stsal pa | rab ’byor ’di ji sñam du sems ci chos gaṅ raṅ bźin gyis ṅo bo ñid ’gags pa ñid kyi chos de ’gag par ’gyur ram | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du (195a1) sems | ci chos rnams kyi chos ñid gaṅ yin pa de ’gag par ’gyur ram | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems de bźin ñid ci lta ba de kho na bźin (2) du gnas par ’gyur ram | rab ’byor gyis gsol pa | bcom ldan ’das de bźin ñid ci lta ba de kho na bźin du gnas par ’gyur ro ||
bcom ldan ’das kyis bka’ stsal pa | rab ’byor ’di ci sñam du sems | gal te de bźin ñid ji lta ba de bźin du gnas na ni de’i tshe (3) ther zug ma yin par mi ’gyur ram | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems de bźin ñid zab pa ma yin nam | rab ’byor gyis gsol pa | bcom ldan ’das zab po ||
(4) bcom ldan ’das kyis bka’ stsal pa | rab ’byor ’di ci sñam du sems de bźin ñid la sems yod dam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de ci sñam du sems sems de de bźin ñid yin (5) nam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems de bźin ñid las gźan na sems yod dam | rab ’byor gyis gsol pa | bcom ldan ’das de ni ma lags so ||
(6) bcom ldan ’das kyis bka’ stsal pa | rab ’byor khyod kyis de bźin ñid yaṅ dag par rjes su mthoṅ ṅam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems | gaṅ de ltar spyod (7) pa de zab mo la spyod dam | rab ’byor gyis gsol pa | bcom ldan ’das gaṅ de ltar spyod pa de ci la yaṅ mi spyod do ||
de ci’i slad du źe na | ’di ltar de la kun tu spyod pa de dag mi ’jug ciṅ kun tu spyod pa med do ||
bcom ldan ’das kyis bka’ stsal pa | rab ’byor byaṅ (195b1) chub sems dpa’ sems dpa’ chen po gaṅ śes rab kyi pha rol tu phyin pa la spyod pa de ci la spyod | rab ’byor gyis gsol pa | bcom ldan ’das don dam pa la spyod do ||
bcom ldan ’das kyis bka’ stsal pa | rab ’byor ’di ci sñam du sems | byaṅ chub sems dpa’ sems (2) dpa’ chen po gaṅ don dam pa la spyod pa de mtshan ma la spyod dam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems | ci des mtshan ma de rnam par ma bśig gam | rab ’byor gyis (3) gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems ci byaṅ chub sems dpa’ sems dpa’ chen po śes rab kyi pha rol tu phyin pa la spyod pas mtshan ma rnam par bśig par ’gyur ram | rab ’byor gyis gsol pa | (4) bcom ldan ’das byaṅ chub sems dpa’ sems dpa’ chen po de byaṅ chub sems dpa’i spyad pa spyod pa na | ci ltar bdag gis ’di ñid du mtshan ma spaṅs pa thob par ’gyur sñam du mi sbyor te | gal te thob par ’gyur na ni saṅs rgyas kyi chos thams cad ma rdzogs pas na ñan thos su ’gyur ro ||
(5) bcom ldan ’das mtshan ñid gaṅ lags daṅ mtshan ma gaṅ lags pa’i mtshan ma de yaṅ ’tshal la mtshan ma de med pa la yaṅ yoṅs su ’dris par bgyid pa ’di ni byaṅ chub sems dpa’ sems dpa’ chen po ’thabs mkhas pa’o ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad (6) ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po gaṅ rnam par thar pa’i sgo stoṅ pa ñid daṅ mtshan ma med pa daṅ smon pa med pa gsum rmi lam na sgom na ci de’i śes rab kyi pha rol tu phyin pa rnam par ’phel bar ’gyur ram | rab ’byor gyis smras pa | tshe daṅ ldan (7) pa ś ri’i bu gal te ñin par bsgoms pas rnam par ’phel na ni rmi lam na yaṅ rnam par ’phel lo ||
de ci’i phyir źe na | tshe daṅ ldan pa ś ri’i bu rmi lam daṅ ñin par ni rnam par mi rtog pa’o źes bcom ldan ’das kyis gsuṅs te | tshe daṅ ldan pa ś ri’i bu gal te byaṅ chub sems dpa’ sems (196a1) dpa’ chen po śes rab kyi pha rol tu phyin pa rñed pa de ñin gcig bźin du śes rab kyi pha rol tu phyin pa la spyod na de’i tshe śes rab kyi pha rol tu phyin pa la goms pa’i byaṅ chub sems dpa’ sems dpa’ chen po de’i rmi lam na yaṅ śes rab kyi pha rol tu phyin pa rgyas par ’gyur ro ||
ś (2) ri’i bus smras pa | tshe daṅ ldan pa rab ’byor gaṅ yaṅ skyes pa ’am bud med gaṅ rmi lam na dge ba ’am mi dge ba’i las śig byed na ci de’i las sogs pa ’am ñe bar sogs par ’gyur ram | rab ’byor gyis smras pa | ci ltar bcom ldan ’das kyis chos thams cad rmi lam lta bu’i źes (3) gsuṅs pa de ltar na las de sogs pa ’am ñe bar sogs par mi ’gyur ro ||
tshe daṅ ldan pa ś ri’i bu de ste yaṅ skyes bu des da nas rnam par rtog ciṅ gsad par ’du śes bskyed na las de sogs pa ’am ñe bar sogs par ’gyur ro ||
tshe daṅ ldan pa ś ri’i bu yaṅ ci ltar rmi lam na srog gcod (4) pa byas nas rnam par rtog ciṅ gsad par ’du śes bskyed nas gal te sad nas kyaṅ ’di ltar rnam par rtog ste | a la la bsad do legs par bsad do śin tu bsad do ṅas bsad do sñam du gaṅ de ltar rtog ciṅ bsod par ’du śes bskyed na ni tshe daṅ ldan pa ś ri’i bu las de sogs pa ’am ñe bar (5) sogs par ’gyur ro ||
ś ri’i bus smras pa | tshe daṅ ldan pa rab ’byor gal te skyes bu de sad nas kyaṅ ’di ltar rnam par rtog ciṅ | gsad pa’i ’du śes bskyed de a la la bsad do legs par bsad do śin tu bsad do ṅas bsad do sñam du rnam par rtog ciṅ gsod par ’du śes bskyed na (6) de bźin du las de sogs pa’am ñe bar sogs par ’gyur na | saṅs rgyas bcom ldan ’das kyaṅ zad pa’i ’du śes kyi rnam par rtog pa bskyed par mdzad pas de’i yaṅ las de sogs pa ’am ñe bar sogs par ’gyur ram | rab ’byor gyis smras pa | tshe daṅ ldan pa ś ri’i bu de ni ma yin no ||
de (7) ci’i phyir źe na | de bźin gśegs pa ni rtog pa daṅ rnam par rtog pa thams cad daṅ bral ba yin te | ’di lta ste nam mkha’ lta bu ñid do ||
tshe daṅ ldan pa ś ri’i bu de bźin du dmigs pa med par las mi skye dmigs pa med par sems mi skye ste | tshe daṅ ldan pa ś ri’i bu de lta bas na (196b1) las ni dmigs pa daṅ bcas pa ñid du skye’i dmigs pa med par ma yin no ||
sems ni dmigs pa daṅ bcas pa ñid du skye’i dmigs pa med par ma yin no ||
tshe daṅ ldan pa ś ri’i bu mthoṅ ba daṅ thos pa daṅ rtogs pa daṅ rnam par śes pa’i chos rnams la blo ’jug ste de la blo la la ni (2) kun nas ñon moṅs pa yoṅs su ’dzin blo la la ni rnam par byaṅ ba yoṅs su ’dzin te | tshe daṅ ldan pa ś ri’i bu de lta bas na sems pa ni dmigs pa daṅ bcas par skye’i dmigs pa med par ma yin no ||
sems ni dmigs pa daṅ bcas par skye’i dmigs pa med par ma yin no ||
(3) ś ri’i bus smras pa | tshe daṅ ldan pa rab ’byor gaṅ gi tshe dmigs pa thams cad dben no źes bcom ldan ’das kyis bka’ stsal na | tshe daṅ ldan pa rab ’byor de’i tshe ci’i phyir sems pa dmigs pa daṅ bcas par skye’i dmigs pa med par mi skye | rab ’byor gyis smras pa | tshe (4) daṅ ldan pa ś ri’i bu mtshan mar byas nas dmigs pa rnams med pa ñid la dmigs par byas nas dmigs pa daṅ bcas par sems pa skye’i dmigs pa med par ni ma yin no ||
tshe daṅ ldan pa ś ri’i bu sems pa ni dben pa ste mtshan ma yaṅ dben pa’o ||
de bźin du ma rig pa’i rkyen (5) gyis ’du byed rnams kyaṅ dben pa’o ||
’du byed kyi rkyen gyis rnam par śes pa yaṅ dben pa’o źes bya ba nas skye ba’i rkyen gyis rga śi yaṅ źes bya ba’i bar du yaṅ dben pa’o ||
tshe daṅ ldan pa ś ri’i bu de bźin du dmigs pa de dag thams cad ni dben pa’o ||
sems pa yaṅ mtshan (6) mas dben pa ste ’jig rten gyi tha sñad la brten nas dmigs pa daṅ bcas pa’i sems skye’o ||
ś ri’i bus smras pa | tshe daṅ ldan pa rab ’byor gaṅ gi tshe byaṅ chub sems dpa’ sems dpa’ chen po gaṅ rmi lam na sbyin pa sbyin par byed ciṅ sbyin pa de yaṅ bla na med pa yaṅ dag par rdzogs (7) pa’i byaṅ chub tu yoṅs su bsṅo na ci de’i tshe sbyin pa de yoṅs su bsṅos pa źes bya ’am | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po byams pa ’di mṅon du ’dug na | ’di ni bar du mchod par bla na med pa yaṅ dag par rdzogs pa’i byaṅ chub (197a1) tu de bźin gśegs pas luṅ bstan te don ’di lus kyis mṅon sum du byed pa yin gyis ’di la dris śig daṅ ’dis don ’di’i lan ldon par ’gyur ro ||
de nas tshe daṅ ldan pa ś ri’i bus byaṅ chub sems dpa’ sems dpa’ chen po byams pa la ’di skad ces smras so ||
(2) tshe daṅ ldan pa byams pa gnas brtan rab ’byor ’di skad du byaṅ chub sems dpa’ sems dpa’ chen po byams pa ’di don ’di’i lan ldon no źes zer na tshe daṅ ldan pa ma pham pa don ’di’i lan lon cig | de nas byaṅ chub sems dpa’ sems dpa’ chen po byams pas tshe daṅ ldan pa rab ’byor la (3) ’di skad ces smras so ||
tshe daṅ ldan pa rab ’byor gaṅ ’di skad du byaṅ chub sems dpa’ sems dpa’ chen po byams pa ’di don ’di’i lan ldon no źes zer na tshe daṅ ldan pa rab ’byor ci byams pa źes bya ba’i miṅ gaṅ yin pa de don ’di’i lan ldon tam | de ste gzugs lan ldon tam | de (4) ste tshor ba daṅ ’du śes daṅ ’du byed rnams daṅ rnam par śes pa lan ldon tam | de ste kha dog lan ldon tam | de ste dbyibs lan ldon tam | de ste gzugs kyi stoṅ pa ñid gaṅ yin pa de lan ldon tam | de bźin du tshor ba daṅ ’du śes daṅ ’du byed rnams daṅ rnam par śes pa’i stoṅ pa (5) ñid gaṅ yin pa de lan ldon | tshe daṅ ldan pa rab ’byor gzugs kyi stoṅ pa ñid gaṅ yin pa des ni lan ldon mi nus so ||
de bźin du tshor ba daṅ ’du śes daṅ ’du byed rnams daṅ | tshe daṅ ldan pa rab ’byor rnam par śes pa’i stoṅ pa ñid gaṅ yin pa des ni lan ldon mi nus so ||
tshe (6) daṅ ldan pa rab ’byor chos gaṅ lan ldon par byed pa’i chos de yaṅ bdag gis yaṅ dag par rjes su ma mthoṅ ṅo ||
chos gaṅ la lan glan bar bya ba’i chos de yaṅ bdag gis yaṅ dag par rjes su ma mthoṅ ṅo ||
chos gaṅ gis lan glan par bya ba’i chos de yaṅ bdag gis yaṅ (7) dag par rjes su ma mthoṅ ṅo ||
chos gaṅ bla na med pa yaṅ dag par rdzogs pa’i byaṅ chub tu luṅ bstan pa’i chos de yaṅ bdag gis yaṅ dag par rjes su ma mthoṅ ṅo ||
de nas tshe daṅ ldan pa ś ri’i bus byaṅ chub sems dpa’ sems dpa’ chen po byams pa la ’di skad ces smras so ||
(197b1) tshe daṅ ldan pa byams pa chos ’di dag gaṅ ci ltar tshig gis bstan pa de bźin du khyod kyis mṅon sum du byas sam | byams pas smras pa | tshe daṅ ldan pa ś ri’i bu chos ’di dag ci ltar tshig gis bstan pa de bźin du bdag gis mṅon sum du ma byas te | tshe daṅ ldan pa (2) ś ri’i bu ci ltar tshig gis brjod pa ’am sems kyis bsams pa’i chos de dag kyaṅ de ltar bdag gis mi śes mi dmigs yaṅ dag par rjes su ma mthoṅ ṅo ||
tshe daṅ ldan pa ś ri’i bu ’on kyaṅ ci ltar lus kyis reg tu med pa daṅ tshig gis brjod du med pa daṅ yid kyis bsam du (3) med pa de bźin du chos thams cad kyaṅ ṅo bo ñid med pa’i phyir raṅ bźin med pa’o ||
de nas tshe daṅ ldan pa ś ri’i bu ’di sñam du e ma byaṅ chub sems dpa’ sems dpa’ chen po byams pa ’di ni śes rab zab ste | ci ltar yaṅ śes rab kyi pha rol tu phyin pa la yun riṅ por spyad pa ltar ston (4) to sñam du sems so ||
de nas bcom ldan ’das kyis tshe daṅ ldan pa ś ri’i bu la bka’ stsal pa | ś ri’i bu khyod ci’i phyir ’di sñam du e ma byaṅ chub sems dpa’ sems dpa’ chen po byams pa ’di ni śes rab zab bo sñam du sems | ś ri’i bu khyod chos gaṅ daṅ ldan pas dgra (5) bcom pa źes rab tu dbye ba’i chos de yaṅ khyod kyis yaṅ dag par rjes su mthoṅ ṅam | ś ri’i bus gsol pa | bcom ldan ’das de ni ma lags so ||
bcom ldan ’das kyis bka’ stsal pa | ś ri’i bu de bźin du byaṅ chub sems dpa’ sems dpa’ chen po śes rab kyi pha rol tu (6) phyin pa la spyod pa ni ’di sñam du chos ’di bla na med pa yaṅ dag par rdzogs pa’i byaṅ chub tu luṅ bstan to ||
chos ’di bla na med pa yaṅ dag par rdzogs pa’i byaṅ chub tu luṅ ston par ’gyur ro ||
chos ’di bla na med pa yaṅ dag par rdzogs pa’i byaṅ chub tu luṅ ston to ||
chos ’di bla na (7) med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar ’gyur ro sñam du mi sems te | byaṅ chub sems dpa’ sems dpa’ chen po de ltar spyod na śes rab kyi pha rol tu phyin pa la spyod do ||
de spyod pa na mi dṅaṅ kun tu mi skrag | kun tu skrag pa daṅ ldan par (198a1) mi ’gyur ro ||
stobs bskyed pa rñed pa’i phyir ṅa mṅon par rdzogs par ’tshaṅ mi rgya bar mi ’gyur sñam du de ltar de rnal ’byor du byed de gal te de ltar spyad na śes rab kyi pha rol tu phyin pa la spyod do ||
ś ri’i bu gźan yaṅ byaṅ chub sems dpa’ sems dpa’ chen po (2) gcan gzan gyi dgon pa’i naṅ du soṅ na dṅaṅ bar mi bya kun tu skrag par mi bya kun tu skrag pa daṅ ldan par mi bya’o ||
de ci’i phyir źe na | ’di ltar des sems can thams cad kyi don du thams cad yoṅs su btaṅ ba yin no ||
des sems ’di ltar bskyed par bya ste gal te bdag (3) gcan gzan gyis zos na de dag la ’di ltar sbyin pa de byin par gyur pa daṅ bdag gi sbyin pa’i pha rol tu phyin pa yaṅ yoṅs su rdzogs par ’gyur ro ||
bdag bla na med pa yaṅ dag par rdzogs pa’i byaṅ chub tu yaṅ ñe bar ’gyur gyis ci ltar bdag bla na med pa yaṅ dag par rdzogs pa’i (4) byaṅ chub mṅon par rdzogs par saṅs rgyas pa’i saṅs rgyas kyi źiṅ der byol soṅ gi skye gnas su soṅ ba’i sems can de dag thams cad nas thams cad rnam pa thams cad du thams cad mi ’byuṅ źiṅ śes par mi ’gyur te lha’i ñe bar loṅs spyad pa daṅ yoṅs su loṅs spyod pa daṅ ldan (5) par ’gyur ba de ltar bya’o sñam mo ||
ś ri’i bu gźan yaṅ byaṅ chub sems dpa’ sems dpa’ chen po chom rkun gyi dgon pa’i naṅ du soṅ na dṅaṅ bar mi bya kun tu skrag par mi bya kun tu skrag pa daṅ ldan par mi bya’o ||
de ci’i phyir źe na | byaṅ chub sems dpa’ sems dpa’ chen (6) po ni bdog pa thams cad yoṅs su gtoṅ ba’i dge ba’i rtsa ba la mṅon par dga’ ba yin te | byaṅ chub sems dpa’ sems dpa’ chen pos lus kyaṅ rab tu bor źiṅ yo byad daṅ ñe bar mkho ba thams cad yoṅs su gtaṅ bar bya dgos pa’i phyir ro ||
des sems ’di ltar bskyed par bya ste (7) gal te bdag gi yo byad daṅ ñe bar mkho ba thams cad phrogs na sems can de dag la sbyin pa de dag byin par gyur cig | gal te ’ga’ źig gis bdag gi srog gcod na ni bdag gis de la gnod sems daṅ khro ba daṅ źe sdaṅ bskyed par mi bya ste de dag la yaṅ bdag gis lus daṅ ṅag daṅ (198b1) yid kyis gnod par mi bya’o ||
de ltar na de’i tshe bdag gi sbyin pa’i pha rol tu phyin pa daṅ tshul khrims kyi pha rol tu phyin pa daṅ bzod pa’i pha rol tu phyin pa yoṅs su rdzogs par ’gyur bas bdag bla na med pa yaṅ dag par rdzogs pa’i byaṅ chub tu ñe bar ’gyur ro ||
ci ltar bdag bla na med (2) pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na chom rkun gyi dgon pa thams cad nas thams cad rnam pa thams cad du thams cad mi ’byuṅ bar ’gyur źiṅ śes par mi ’gyur ba de ltar bya źiṅ de ltar bsgrub bo ||
ci ltar bdag bla na med (3) pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ der ñes pa de dag daṅ gźan dag kyaṅ thams cad nas thams cad rnam pa thams cad du thams cad mi ’byuṅ źiṅ mi śes pa de ltar saṅs rgyas kyi źiṅ yoṅs su dag par bya ba’i phyir ’bad do sñam mo ||
(4) ś ri’i bu gźan yaṅ byaṅ chub sems dpa’ sems dpa’ chen po chus dgon par ’gyur ba’i naṅ du soṅ na dṅaṅ bar mi bya kun tu skrag par mi bya kun tu skrag pa daṅ ldan par mi bya’o ||
de ci’i phyir źe na | byaṅ chub sems dpa’ sems dpa’ chen po na mi dṅaṅ kun tu mi skrag (5) pa’i chos can yin no ||
des ’di ltar sems bskyed par bya ste | bdag gis sems can thams cad kyi sred pa thams cad gcad pa’i phyir bslab par bya’o ||
gal te bdag skom pas ’chi ba’i dus byed par gyur na yi dgas kyi ’jig rten du skye bar ’gyur ro sñam du byaṅ (6) chub sems dpa’ sems dpa’ chen pos dṅaṅ bar mi bya kun tu skrag par mi bya kun tu skrag pa daṅ ldan par mi bya’o ||
’on kyaṅ kye ma sems can ’di dag ni bsod nams chuṅ ba ste | ’di ltar ’jig rten ’di na chus dgon par gyur pa ’di lta bu dag snaṅ ṅo sñam du sems can thams cad kyi (7) thad du sñiṅ rje chen po’i sems bskyed do ||
ci ltar bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na chus dgon par gyur pa thams cad nas thams cad rnam pa thams cad du thams cad mi ’byuṅ źiṅ mi śes pa de ltar bdag (199a1) gis bya’o ||
ci ltar sems can thams cad yan lag brgyad daṅ ldan pa’i chu rñed par ’gyur pa de ltar bsod nams la gzuṅ bar bya’o ||
ci ltar de’i tshe bdag gi brtson ’grus kyi pha rol tu phyin pa yoṅs su rdzogs par ’gyur ba de ltar sems can thams (2) cad kyi phyir brtson ’grus brtan par brtsam par bya’o sñam mo ||
ś ri’i bu gźan yaṅ byaṅ chub sems dpa’ sems dpa’ chen po bkres pa’i dgon pa’i naṅ du soṅ na dṅaṅ bar mi bya kun tu skrag par mi bya kun tu skrag pa daṅ ldan par mi bya ste | des ’di ltar go cha bgo bar bya’o ||
(3) ci ltar bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ der bkres pa’i dgon pa ’di lta bu dag thams cad nas thams cad rnam pa thams cad du thams cad mi ’byuṅ źiṅ mi śes pa daṅ sems can de dag thams cad skyid pa (4) daṅ bde ba daṅ ldan pa daṅ bde ba thams cad daṅ phrad par ’gyur ba de ltar brtson ’grus brtan par brtsam mo ||
de ltar bdag gis saṅs rgyas kyi źiṅ yoṅs su sbyaṅ bar bya’o ||
ci ltar sems can de dag gi bsam pa gaṅ daṅ gaṅ yin pa daṅ gaṅ daṅ gaṅ ñid yid kyis bsams pa de daṅ (5) de ñid ’grub par ’gyur ba de ltar bya ste | ’di lta ste dper na sum cu rtsa gsum gyi lha rnams kyi yid kyis bsams pa tsam gyis thams cad ’byuṅ bar ’gyur ba de bźin du sems can de rnams kyi yid kyis bsams pa tsam gyis de dag thams cad ’grub par ’gyur ba daṅ yid la bsams pa (6) thams cad ’byuṅ bar bya’o ||
ci ltar dus de’i tshe bdag gi bsam gtan gyi pha rol tu phyin pa yoṅs su rdzogs par ’gyur ba de ltar sems can thams cad kyi ched du raṅ gi sems yoṅs su dag pa la ’bad par bya’o sñam pas | ci ltar sems can de dag gi chos kyi bsam pa yoṅs su (7) rdzogs par ’gyur ba daṅ sems can thams cad kyi ’tsho ba’i yo byad thams cad dus thams cad du rnam pa thams cad ma tshaṅ bar mi ’gyur ba de ltar brtson ’grus brtan par brtsam mo ||
ś ri’i bu gźan yaṅ byaṅ chub sems dpa’ sems dpa’ chen po nad kyi dgon par gyur pa’i naṅ du soṅ (199b1) na dṅaṅ bar mi bya kun tu skrag pa daṅ ldan par mi bya ste | des ’di ltar ñe bar brtag par bya bsam par bya gźal bar bya ste ’di la chos ’ga’ źig na bar byed pa yaṅ med chos ’ga’ źig na ba źes bya ba yaṅ med do źes des stoṅ pa ñid du brtag par bya ste dṅaṅ (2) bar mi bya kun tu skrag par mi bya kun tu skrag pa daṅ ldan par mi bya’o ||
ś ri’i bu byaṅ chub sems dpa’ sems dpa’ chen po ni | sems ’di ltar bskyed par mi bya ste yun riṅ mo źig na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar (3) ’gyur ro sñam du de ltar sems bskyed par mi bya źiṅ dṅaṅ bar mi bya bun tu skrag par mi bya kun tu skrag pa daṅ ldan par mi bya’o ||
de ci’i phyir źe na | sems kyi skad cig ’di tsam pa gaṅ yin pa de ni sṅon med pa’i mtha’ ma ste ’di lta ste mtha’ med pa’o ||
ś ri’i bu byaṅ chub (4) sems dpa’ sems dpa’ chen po des ’di ltar dka’ ba’i ’du śes bskyed par mi bya ste | sṅon med pa’i mtha’ ma ’di ni maṅ źiṅ yun riṅ ba’o sṅon med pa’i mtha’ ma ’di ni sems kyi skad cig ma gcig daṅ ldan pa ste ’di lta ste mtha’ med pa’o sñam mo ||
ś ri’i bu de ltar byaṅ chub (5) sems dpa’ sems dpa’ chen pos yun riṅ mo źig gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro źes dṅaṅ bar mi bya kun tu skrag bar mi bya kun tu skrag pa daṅ ldan par mi bya’o ||
ś ri’i bu byaṅ chub sems dpa’ sems dpa’ chen po (6) gaṅ ’jigs pa mi bzad pa ’di dag daṅ gźan dag mthoṅ źiṅ thos pa daṅ rtogs pa daṅ rnam par śes pa dag la mi dṅaṅ kun tu mi skrag kun tu skrag pa daṅ ldan par mi ’gyur na | ś ri’i bu rigs kyi bu’am rigs kyi bu mo de bla na med pa yaṅ dag par rdzogs pa’i byaṅ chub mṅon par rdzogs (7) par ’tshaṅ rgya ba’i skal pa yod par śes par bya’o ||
ś ri’i bu de ltar byaṅ chub sems dpa’ sems dpa’ chen pos go cha chen po bgo bgos te | ci ltar bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ der sems (200a1) can thams cad kyi nad rnams thams cad nas thams cad rnam pa thams cad du thams cad mi ’byuṅ ba daṅ mi śes par ’gyur ba de ltar bya źiṅ de ltar brtson ’grus brtan pa brtsam par bya’o ||
ci ltar de bźin gśegs pas gsuṅs pa smra bar ’gyur ba daṅ ci ltar (2) gsuṅs pa bźin byed par ’gyur ba de ltar bya źiṅ ci ltar dus de’i tshe śes rab kyi pha rol tu phyin pa yaṅ bdag la yoṅs su rdzogs par ’gyur ba de ltar sems can thams cad kyi don du śes rab kyi pha rol tu phyin pa la yoṅs su ’dris par bya’o ||
de nas ’khor der gaṅ g’i lha mo źes (3) bya ba’i bud med cig ’dus par gyur te ’dug pa de stan las laṅs te bla gos phrag pa gcig tu gzar nas pus mo g-yas pa’i lha ṅa sa la btsugs te bcom ldan ’das ga la ba de logs su thal mo sbyar te phyag ’tshal nas bcom ldan ’das la ’di skad ces gsol to ||
bcom ldan (4) ’das pa dag ni gnas ’di la mi dṅaṅ kun tu mi skrag kun tu skrag pa daṅ ldan par mi bgyid de | mi dṅaṅ kun tu mi skrag par sems can thams cad la chos bstan par bgyi’o ||
de nas de’i tshe bcom ldan ’das kyis ’dzum pa gser gyi kha dog lta bu mdzad de | ’od des ’jig (5) rten gyi khams mtha’ yas mu med pa khyab par byas nas tshaṅs pa’i ’jig rten gyi bar du mṅon par byuṅ ste slar log nas bcom ldan ’das la lan gsum bskor ba byas te bcom ldan ’das kyi dbu’i gtsug tu nub par gyur to ||
bcom ldan ’das kyis ’jum pa mdzad ma thag tu de (6) nas bud med des gser gyi me tog dag blaṅs te | gser gyi me tog gis bcom ldan ’das la gtoṅ ciṅ mṅon par gtor la mṅon par rab tu gtor to ||
de nas gser gyi me tog de dag chags pa med par bar snaṅ gi nam mkha’ la ’dug par gyur to ||
de nas tshe daṅ (7) ldan pa kun dga’ bo stan las laṅs te bla gos phrag pa gcig tu gzar nas pus mo g-yas pa’i lha ṅa sa la btsugs te | bcom ldan ’das ga la ba de logs su thal mo sbyar te phyag ’tshal nas bcom ldan ’das la ’di skad ces gsol to ||
bcom ldan ’das de bźin (200b1) gśegs pa dgra bcom pa yaṅ dag par rtogs pa’i saṅs rgyas ni rgyu ma mchis rkyen ma mchis par ’dzum par mi mdzad na ’dzum pa mdzad pa’i rgyu gaṅ lags rkyen gaṅ lags | de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad (2) ces bka’ stsal to ||
kun dga’ bo sriṅ mo gaṅ g’i lha mo ’di ma ’oṅs pa’i dus na gser gyi me tog ces bya ba de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa bde bar gśegs pa ’jig rten mkhyen pa skyes bu (3) gdul bya’i kha lo sgyur ba bla na med pa lha daṅ mi rnams kyi ston pa saṅs rgyas bcom ldan ’das ’jig rten du ’byuṅ bar ’gyur te | bskal pa skar ma lta bu la bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
kun dga’ bo sriṅ mo (4) gaṅ g’i lha mo ’di ni bud med kyi lus bsgyur te skyes pa’i lus thob nas | ’di nas śi ’phos nas mi bskyed pa de bźin gśegs pa dgra bcom pa yaṅ dag par rdzogs pa’i saṅs rgyas pa’i saṅs rgyas kyi źiṅ mṅon par dga’ ba’i ’jig rten gyi khams su skye bar ’gyur ro ||
(5) der skyes nas kyaṅ mi bskyod pa de bźin gśegs pa dgra bcom pa yaṅ dag par rdzogs pa’i saṅs rgyas kyi druṅ du tshaṅs par spyad pa spyod par ’gyur ro ||
de nas śi ’phos nas de bźin gśegs pa dag blta ba daṅ ma bral bar saṅs rgyas kyi źiṅ nas saṅs rgyas kyi źiṅ du ’gro bar (6) ’gyur ro ||
de nas kyaṅ gaṅ nas saṅs rgyas bcom ldan ’das rnams daṅ ma bral ba’i saṅs rgyas kyi źiṅ nas saṅs rgyas kyi źiṅ du ’gro ste de daṅ de dag tu ’gro bar ’gyur ro ||
kun dga’ bo ’di lta ste dper na ’khor los sgyur ba’i rgyal po khaṅ bzaṅ nas khaṅ bzaṅ du ’gro ba (7) daṅ | de nam ’tsho’i bar du rkaṅ pa’i mthil gyis sa la mi reg par ’gro ste ’chi ka’i bar du yaṅ rkaṅ pa’i mthi las lam reg par ’chi ba’i dus byed pa de bźin du kun dga’ bo sriṅ mo gaṅ g’i lha mo ’di yaṅ saṅs rgyas kyi źiṅ nas saṅs rgyas kyi źiṅ du ’gro bar ’gyur te | de (201a1) yaṅ bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas kyi bar du saṅs rgyas bcom ldan ’das rnams daṅ mi ’bral bar ’gyur ro ||
de nas tshe daṅ ldan pa kun dga’ bo ’di sñam du sems te mi bskyod pa de bźin gśegs pa (2) dgra bcom pa yaṅ dag par rdzogs pa’i saṅs rgyas kyi druṅ na byaṅ chub sems dpa’ sems dpa’ chen po gaṅ ’khod pa de dag ni de bźin gśegs pa ’dus pa ñid du rig par bya’o sñam mo ||
de nas bcom ldan ’das kyis tshe daṅ ldan pa kun dga’ bo’i sems kyi rtog pa (3) thugs kyis mkhyen nas tshe daṅ ldan pa kun dga’ bo la ’di skad ces bka’ stsal to ||
kun dga’ bo de de bźin no de de bźin te | byaṅ chub sems dpa’ sems dpa’ chen po de dag ni ’dam las rgal ba yin te mi bskyod pa de bźin gśegs pa dgra bcom pa yaṅ dag (4) par rdzogs pa’i saṅs rgyas kyi źiṅ na tshaṅs par spyad pa spyod do ||
kun dga’ bo byaṅ chub sems dpa’ sems dpa’ chen po de dag ni byaṅ chub yoṅs su ’grub pa la ñe bar sen par rig par bya’o ||
kun dga’ bo yaṅ gser gyi me tog de bźin gśegs pa dgra bcom pa (5) yaṅ dag par rdzogs pa’i saṅs rgyas de’i ñan thos kyi dge ’dun ni tshad yod par mi ’gyur ro ||
de ci’i phyir źe na | kun dga’ bo gaṅ dag la tshad ma med pa’i ñan thos de sñed dag der ’byuṅ bar ’gyur te ’on kyaṅ gźal du med pa daṅ bgraṅ du med pa źes bya ba de lta bu’i graṅs su (6) ’gro bar ’gyur ro ||
kun dga’ bo yaṅ de’i tshe de’i dus na saṅs rgyas kyi źiṅ der gcan gzan gyi dgon pa mi ’byuṅ chom rkun gyi dgon pa mi ’byuṅ chu’i dgon pa mi ’byuṅ mu ge’i dgon pa mi ’byuṅ nad kyi dgon pa mi ’byuṅ ste | kun dga’ bo ma legs par ’gyur ba’i dgon pa (7) de dag daṅ ma legs pa gźan dag kyaṅ saṅs rgyas kyi źiṅ der thams cad nas thams cad rnam pa thams cad du thams cad mi ’byuṅ źiṅ mi śes par ’gyur ro ||
kun dga’ bo yaṅ gser gyi me tog de bźin gśegs pa dgra bcom pa yaṅ dag par rdzogs pa’i saṅs rgyas bla (201b1) na med pa yaṅ dag par rdzogs pa’i byaṅ chub mṅon par rdzogs par saṅs rgyas pa na | ’jigs pa mi bzad pa’i dgon pa ’di lta bu’i ṅo bo dag de’i tshe thams cad nas thams cad rnam pa thams cad du thams cad mi ’byuṅ źiṅ mi śes par ’gyur ro ||
de skad ces bka’ (2) stsal pa daṅ | bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das sriṅ mo gaṅ g’i lha mo ’dis de bźin gśegs pa gaṅ gi druṅ du daṅ po bla na med pa yaṅ dag par rdzogs pa’i byaṅ chub tu sems bskyed pa’i dge ba’i rtsa ba (3) bskyed | de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo sriṅ mo gaṅ g’i lha mo ’dis ni mar me mdzad de bźin gśegs pa dgra bcom pa yaṅ dag par rdzogs pa’i saṅs rgyas (4) kyi druṅ du bla na med pa yaṅ dag par rdzogs pa’i byaṅ chub tu daṅ po sems bskyed pa’i dge ba’i rtsa ba bskyed do ||
de yaṅ mar me mdzad de bźin gśegs pa dgra bcom pa yaṅ dag par rdzogs pa’i saṅs rgyas la bla na med pa yaṅ dag par rdzogs pa’i byaṅ chub don du gñer ba’i yid (5) kyis gser gyi me tog gis gtor nas yoṅs su bsṅos te | ṅas mar me mdzad de bźin gśegs pa dgra bcom pa yaṅ dag par rdzogs pa’i saṅs rgyas la gaṅ gi tshe ud pa la lṅas gtor ciṅ ṅas mi skye ba’i chos la bzod pa yaṅ thob bo ||
de nas mar me mdzad de (6) bźin gśegs pa dgra bcom pa yaṅ dag par rdzogs pa’i saṅs rgyas kyis ṅa la bram ze’i khye’u khyod ma ’oṅs pa’i dus na śkya thub pa źes bya ba de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ rkaṅ par ldan pa bde bar gśegs pa ’jig rten mkhyen (7) pa skyes bu gdul bya’i kha lo sgyur ba ba na med pa lha daṅ mi rnams kyi ston pa saṅs rgyas bcom ldan ’das su ’gyur ro źes bla na med pa yaṅ dag par rdzogs pa’i byaṅ chub tu luṅ bstan te | de’i tshe sriṅ mo ’dis ṅa luṅ bstan pa thos nas kye ma ma la bram ze’i khye’u ’di ci ltar (202a1) bla na med pa yaṅ dag par rdzogs pa’i byaṅ chub tu luṅ bstan pa de bźin du bdag kyaṅ bla na med pa yaṅ dag par rdzogs pa’i byaṅ chub tu luṅ bstan na ci ma ruṅ sñam du sems skyes so ||
kun dga’ bo de ltar sriṅ mo ’dis mar me mdzad de bźin gśegs (2) pa dgra bcom pa yaṅ dag par rdzogs pa’i saṅs rgyas kyi druṅ du bla na med pa yaṅ dag par rdzogs pa’i byaṅ chub tu daṅ po sems bskyed pa’i dge ba’i rtsa ba bskyed do ||
de skad ces bka’ stsal pa daṅ | bcom ldan ’das la tshe daṅ ldan pa kun dga’ bos ’di skad ces (3) gsol to ||
bcom ldan ’das e ma sriṅ mo gaṅ g’i lha mo ’di ni yoṅs su sbyaṅ ba bgyis śiṅ mthar phyin par bgyis pa lags te | bla na med pa de yaṅ dag par rdzogs pa’i byaṅ chub tu luṅ bstan pa’o ||
de skad ces gsol pa daṅ | bcom ldan ’das kyis tshe daṅ (4) ldan pa kun dga’ bo la ’di skad ces bka’ stsal to ||
de de bźin no kun dga’ bo de de bźin te | ci ltar smras pa bźin no ||
e ma’o sriṅ mi gaṅ g’i lha mo ’di ni yoṅs su sbyaṅ ba byas śiṅ mthar phyin par byas pa yin te bla na med pa yaṅ dag par rdzogs pa’i byaṅ chub (5) tu luṅ bstan pa’o ||
’phags pa śes rab kyi pha rol tu phyin pa brgyad stoṅ pa las sriṅ mo gaṅ g’i lha mo’i le’u źes bya ste bcu dgu ba’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (6) byaṅ chub sems dpa’ sems dpa’ chen po śes rab kyi pha rol tu phyin pa la spyod pas ci ltar stoṅ pa ñid la yoṅs su ’dris par bgyi ci ltar stoṅ pa ñid kyi tiṅ ṅe ’dzin la sñoms par ’jug par bgyi | bcom ldan ’das kyis bka’ stsal pa | rab ’byor ’di la byaṅ chub sems (7) dpa’ sems dpa’ chen po śes rab kyi pha rol tu phyin pa la spyod pas gzugs stoṅ pa’o sñam du so sor brtag par bya ste | de bźin du tshor ba daṅ ’du śes daṅ ’du byed rnams daṅ rnam par śes pa stoṅ pa’o źes so sor brtag par bya’o ||
ci ltar so sor rtog pa na chos ñid de la (202b1) chos ñid kyis raṅ bźin yod pa yin no źes yaṅ dag par rjes su mi mthoṅ ba de ltar mi g-yeṅ ba’i sems kyi rgyud kyis so sor brtag par bya ste chos ñid de yaṅ yaṅ dag par rjes su ma mthoṅ bas yaṅ dag pa’i mtha’ mṅon sum du mi byed do ||
de skad ces bka’ stsal pa (2) daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kyis gaṅ ’di skad du byaṅ chub sems dpa’ sems dpa’ chen pos stoṅ pa ñid mṅon sum du mi bya’o źes gsuṅs na | bcom ldan ’das byaṅ chub sems dpa’ sems (3) dpa’ chen po tiṅ ṅe ’dzin de la gnas na ci ltar stoṅ pa ñid mṅon sum du mi bgyid | bcom ldan ’das kyis bka’ stsal pa | rab ’byor ’di ltar byaṅ chub sems dpa’ sems dpa’ chen po ni rnam pa thams cad kyi mchog daṅ ldan pa’i stoṅ pa ñid la rtog mod kyi mṅon sum du (4) bya’o sñam du yaṅ mi rtog la mṅon sum du bya ba yin no sñam du yaṅ mi rtog gi yoṅs su ’dris par bya’o sñam du rtog go ||
’di ni yoṅs su ’dris par bya ba’i dus yin te mṅon sum du bya ba’i dus ni ma yin no sñam du rtog ciṅ bdag gis śes rab kyi pha rol tu phyin pa yoṅs su gzuṅ bar (5) yaṅ ’gyur la mṅon sum du yaṅ mi bya’o sñam pas mñam par ma bźag pa ñid du dmigs pa la sems ñe bar ’dogs te | bar skabs der byaṅ chub sems dpa’ sems dpa’ chen po byaṅ chub kyi phyogs kyi chos rnams las yoṅs su ñams par mi ’gyur źiṅ zag pa zad par yaṅ mi (6) byed la ’di la yoṅs su ’dris par yaṅ byed do ||
gaṅ gi tshe na byaṅ chub sems dpa’ sems dpa’ chen po rnam par thar pa’i sgo stoṅ pa ñid kyi tiṅ ṅe ’dzin la gnas pa de’i tshe na byaṅ chub sems dpa’ sems dpa’ chen pos mtshan ma med pa’i tiṅ ṅe ’dzin la gnas par bya ste mtshan ma med (7) pa mṅon sum du yaṅ mi bya’o ||
de ci’i phyir źe na | de ltar dge ba’i rtsa ba brtan pa yoṅs su bskyed pa’i chos daṅ ldan pa’i byaṅ chub sems dpa’ sems dpa’ chen pos ni ’di yoṅs su ’dris par bya ba’i dus yin gyi mṅon sum du bya ba’i dus ni ma yin no sñam du rab tu btag par bya ste | śes (203a1) rab kyi pha rol tu phyin pas kyaṅ yoṅs su bzuṅ la yaṅ dag pa’i mtha’ yaṅ mṅon sum du mi byed do ||
rab ’byor ’di lta ste dper na skyes bu rab tu dpa’ bar gyur pa | śin tu brtson ’grus daṅ ldan par gyur pa | brtan źiṅ gnas par gyur pa | gzugs (2) bzaṅ bar gyur pa | mdzes par gyur pa | rab tu blta na sdug par gyur pa | yon tan maṅ po daṅ ldan par gyur pa | yon tan mchog daṅ ldan par gyur pa | tshul khrims daṅ dbaṅ phyug mchog daṅ thos pa daṅ gtoṅ ba la sogs pa’i yon tan daṅ ldan par gyur pa | yid gźuṅs (3) bar gyur pa smra nus par gyur pa lan ldon nus par gyur ba spobs pa phun sum tshogs par gyur pa sgrub pa phun sum tshogs pa daṅ ldan par gyur pa dus śes par gyur pa yul śes par gyur pa gnas śes par gyur pa ’phoṅ skyen pa’i mthar phyin par gyur pa mtshon cha maṅ po zlog par gyur pa mtshon cha (4) sra ba zlog par gyur pa sgyu rtsal thams cad la rab tu mkhas par gyur pa śin tu yoṅs su rdzogs pas bzo’i gnas thams cad kyi śin tu mthar phyin par gyur pa | dran pa daṅ ldan par gyur pa blo gros daṅ ldan par gyur pa rtogs pa daṅ ldan par gyur pa mos pa daṅ ldan par gyur pa lugs daṅ (5) ldan par gyur pa bstan bcos thams cad la ’jigs pa med par gyur pa | mdza’ bo daṅ ldan par gyur pa nor daṅ ldan par gyur pa dpuṅ daṅ ldan par gyur pa | yan lag ma tshaṅ ba med par gyur pa dbaṅ po yoṅs su tshaṅ bar gyur pa yo byad thams cad phun sum tshogs par gyur (6) pa ’khor phun sum tshogs par gyur pa skye bo maṅ po la yaṅ phaṅs śiṅ yid du ’oṅ bar gyur par gos pa gaṅ daṅ gaṅ ñid ci rtsom pa de daṅ de dag thams cad la sgrol nus par gyur pa rigs pas tha sñad du byed pa ’ga’ źig yod la | de la thams cad du yaṅ rñed pa che bar gyur pa ste de rñed (7) pa chen po de daṅ ldan pas skye bo maṅ po la ’ged par byed bkur stir bya ba la bkur stir byed bla mar bya ba la bla mar byed ri mor bya ba la ri mor byed mchod par bya ba la mchod par byed na | rab ’byor ’di ci sñam du sems | ci skyes bu de de’i gźi las dga’ ba daṅ mgu ba daṅ raṅs pa daṅ yid (203b1) bde ba cher skye ’am | rab ’byor gyis gsol pa | bcom ldan ’das de de bźin no bde bar gśegs pa de de bźin no ||
bcom ldan ’das kyis bka’ stsal pa | rab ’byor yaṅ skyes bu de phun sum tshogs pa chen po de daṅ ldan nas pha ma daṅ bu daṅ chuṅ ma rnams khrid de (2) tshogs pa ’ga’ źig daṅ ldan pas | ’brog dgon pa chen po ’jigs pa chen po byis pa rnams la sdigs mor ruṅ ba spu ziṅ źes byed pa der źugs par gyur la | de der phyin nas pha ma daṅ bu daṅ chuṅ ma de dag la bdag gis khyed ’brog dgon pa ’jigs pa mi bzad pa chen po ’di nas ñe źo (3) med ciṅ bde legs su myur du bsgral te myur du thar bar bya yis ma ’jigs śig ma ’jigs śig ces mi ’jigs pa bstabs la | rab ’byor yaṅ ’brog dgon pa de na skyes bu de la phyir rgol ba daṅ mi mdza’ ba maṅ po źig byuṅ bar gyur na | rab ’byor de ci sñam du sems phyir (4) rgol ba daṅ mi mdza’ ba de dag ñe bar gnas pas | skyes bu dpa’ bo phyir mi ldog pa lta ba daṅ brtson ’grus daṅ stobs daṅ ldan pa śes rab daṅ ldan pa śin tu mñes gśin pa mdzaṅs pa brtan pa tshogs chen po daṅ ldan pa de | pha ma daṅ bu daṅ chuṅ ma de dag bor te ’brog (5) dgon pa ’jigs pa chen po mi bzad pa de las bdag gcig pu byuṅ ste | ’gro bar sems sam | rab ’byor gyis gsol ba | bcom ldan ’das de ni ma lags so ||
de ci’i slad du źe na | bcom ldan ’das ’di ltar skyes bu de’i pha ma daṅ bu daṅ chuṅ ma de dag yoṅs (6) su mi ’thor te | de naṅ daṅ phyi’i dpuṅ gi tshogs daṅ yaṅ ldan la ’brog dgon pa de na phyir rgol ba daṅ mi mdza’ ba de dag la phyir rgol ba gźan de bas ches maṅ ba ches dpa’ ba go mtshon ches sra ba ches rlabs che ba dag mchis pas sruṅ bas na de’i slad du de’i phyir rgol ba mi mdza’ ba (7) klan ka tshol ba glags lta ba glags tshol ba dag gis glags mi rñed de | bcom ldan ’das de’i slad du skyes bu stobs daṅ ldan pa de ma snad ma smas par pha ma daṅ bu daṅ chuṅ ma daṅ bdag ñid kyaṅ ’brog dgon pa ’jigs pa chen po mi bzad pa de las ’byuṅ nus te | bde ba ’am (204a1) bde legs su myur du groṅ ṅam groṅ khyer ram groṅ rdal gyi bar du phyin par ’gyur ro ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de bźin du byaṅ chub sems dpa’ sems dpa’ (2) chen po sems can thams cad la phan pa daṅ sñiṅ brtse ba’i byams pa la gnas pa sñiṅ rje la gnas pa dga’ ba la gnas pa btaṅ sñoms la gnas pa thabs mkhas pa daṅ śes rab kyi pha rol tu phyin pas yoṅs su bzuṅ ba yaṅ dge ba’i rtsa ba rnams yaṅ dag par rdzogs pa’i saṅs rgyas kyis gnaṅ (3) ba’i yoṅs su bsṅo bas yoṅs su bsṅos nas ’di ltar yaṅ rnam par thar pa’i sgo stoṅ pa ñid daṅ mtshan ma med pa daṅ smon pa med pa’i tiṅ ṅe ’dzin la ’jug pa de lta na yaṅ ñan thos kyi sa ’am raṅ saṅs rgyas kyi sa la yaṅ dag pa’i mtha’ gaṅ yaṅ mṅon sum du mi byed do ||
de ci’i phyir źe (4) na | ’di ltar ’di’i yoṅs su ’dzin par byed pa ni mchog tu stobs daṅ ldan źiṅ mchog tu brtan pa yin te | ’di lta ste śes rab kyi pha rol tu phyin pa daṅ thabs mkhas pa’o ||
des na ’di’i sems can thams cad yoṅs su ma btaṅ ba yin źiṅ des na ’dis dge źiṅ bde bar bla (5) na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar nus so ||
rab ’byor gaṅ gi tshe byaṅ chub sems dpa’ sems dpa’ chen po sems can thams cad kyi druṅ na byams pa’i sems dmigs par byed ciṅ dmigs par byas nas de dag la byams pa’i mchog gis ñe bar (6) ’brel bar byed pa de’i tshe byaṅ chub sems dpa’ sems dpa’ chen po ñon moṅs pa’i phyogs daṅ bdud kyi phyogs las śin tu ’das śiṅ | ñan thos kyi sa daṅ raṅ saṅs rgyas kyi sa las śin tu ’das te de tiṅ ṅe ’dzin de la gnas so ||
rab ’byor de zag pa zad pa mthoṅ kyaṅ pha (7) rol tu phyin pa’i mchog stoṅ pa ñid la yoṅs su ’dris par byed do ||
rab ’byor gaṅ gi tshe byaṅ chub sems dpa’ sems dpa’ chen po rnam par thar ba’i sgo stoṅ pa ñid kyi tiṅ ṅe ’dzin la gnas pa de’i tshe byaṅ chub sems dpa’ sems dpa’ chen po bar der mtshan ma med pa’i tiṅ ṅe ’dzin la (204b1) mi gnas te des mtshan ma med pa’i tiṅ ṅe ’dzin mṅon sum du byas pa ma yin no ||
rab ’byor ’di lta ste dper na ’dab chags bya ni nam mkha’ bar snaṅ la rgyu yaṅ sa la mi ltuṅ źiṅ gnas ci la yaṅ mi rten par ’dug ste nam mkha’ bar snaṅ ñid la gnas kyaṅ de la yaṅ mi rten mi gnas so ||
(2) rab ’byor de bźin du byaṅ chub sems dpa’ sems dpa’ chen po stoṅ pa ñid la gnas pas gnas śiṅ stoṅ pa ñid la yoṅs su ’dris par yaṅ byed do ||
mtshan ma med pa la gnas pas gnas śiṅ mtshan ma med pa la yoṅs su ’dris par yaṅ byed do ||
smon pa med pa la gnas (3) pas gnas śiṅ smon pa med pa la yoṅs su ’dris par yaṅ byed de | saṅs rgyas kyi chos rnams yoṅs su ma rdzogs par stoṅ pa ñid daṅ mtshan ma med pa daṅ smon pa med par yaṅ mi ltuṅ ṅo ||
rab ’byor ’di lta ste dper na ’phoṅ gi slob dpon stobs daṅ ldan pa mda’i mtshon la legs (4) par bslabs pa śin tu mthar phyin pa des mda’ steṅ du ’phaṅs te mda’ ’phaṅs nas de mda’ gźan dag gis slar bzlog nas mda’ des la mi ltuṅ bar ’dzin te | mda’ sṅa ma de la mda’ phyi ma rgyud mar ’phaṅs pas sa la ltuṅ du mi ster te | kye ma mda’ de sa la lhuṅ yaṅ sla sñam (5) du ’dod pa ma byuṅ ba de srid du mda’ des la mi ltuṅ ṅo ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs mkhas pas yoṅs su bzuṅ pa de ni ci srid du bla na med pa yaṅ dag par rdzogs pa’i byaṅ chub tu dge ba’i rtsa ba de dag (6) yoṅs su smin pa daṅ śin tu yoṅs su smin par ma gyur pa de srid du yaṅ dag pa’i mtha’ dam pa de mṅon sum du mi byed do ||
gaṅ gi tshe bla na med pa yaṅ dag par rdzogs pa’i byaṅ chub tu dge ba’i rtsa ba de dag yoṅs su smin ciṅ śin tu smin par gyur pa de’i tshe yaṅ dag pa’i mtha’ dam pa mṅon (7) sum du byed do ||
rab ’byor de lta bas na byaṅ chub sems dpa’ sems dpa’ chen po śes rab kyi pha rol tu phyin pa la spyad par bya śes rab kyi pha rol tu phyin pa la bsgom par bya | de ltar chos zab mo de dag gi chos ñid so sor brtag ciṅ ñe bar bsam par bya ste mṅon sum du ni mi (205a1) bya’o || ||
śes rab kyi pha rol tu phyin pa brgyad stoṅ pa | bam po bco brgyad pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ (2) sems dpa’ chen po gaṅ stoṅ pa ñid la spyod stoṅ pa ñid la gnas stoṅ pa ñid kyi tiṅ ṅe ’dzin la mñam par ’jog la yaṅ dag pa’i mtha’ yaṅ mṅon sum du mi bgyid pa ni dka’ ba bgyid pa lags so ||
bcom ldan ’das byaṅ chub sems dpa’ sems dpa’ chen po de ni śin tu dka’ ba (3) bgyid pa lags te | bcom ldan ’das de ni ṅo mtshar to bde bar gśegs pa de ni śin tu ṅo mtshar che’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | byaṅ chub (4) sems dpa’ sems dpa’ chen po gaṅ stoṅ pa ñid la spyod ciṅ stoṅ pa ñid la gnas te stoṅ pa ñid kyi tiṅ ṅe ’dzin la mñam par gźog ciṅ yaṅ dag pa’i mtha’ yaṅ mṅon sum du mi byed pa ni dka’ ba byed pa yin no ||
byaṅ chub sems dpa’ sems dpa’ chen po de ni śin tu dka’ ba byed (5) pa yin no ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen pos sems can thams cad yoṅs su ma btaṅ ste | de la bdag gis sems can de dag thams cad thar bar bya’o źes bya ba de lta bu’i raṅ bźin can gyi smon lam gyi khyad par de dag ’byuṅ bar (6) ’gyur ro ||
gaṅ gi tshe byaṅ chub sems dpa’ sems dpa’ chen po ’di ltar sems can thams cad bdag gis yoṅs su mi gtaṅ ṅo ||
bdag gis ’di dag thams cad yoṅs su thar bar bya’o źes sems mṅon par bsgrub ciṅ | rnam par thar ba’i sgo stoṅ pa ñid kyi tiṅ ṅe ’dzin (7) mṅon par sgrub pa daṅ rnam par thar pa’i sgo mtshan ma med pa’i tiṅ ṅe ’dzin mṅon par sgrub pa daṅ rnam par thar ba’i sgo smon pa med pa’i tiṅ ṅe ’dzin mṅon par sgrub pa de’i tshe byaṅ chub sems dpa’ sems dpa’ chen po ni thabs mkhas pa daṅ ldan par rig par bya ste | de ni saṅs rgyas kyi chos (205b1) yoṅs su ma rdzogs par bar ma dor yaṅ dag pa’i mtha’ mṅon sum du mi byed do ||
de ci’i phyir źe na | ’di ltar de ni thabs mkhas pas sruṅ bar byed do ||
des sems can thams cad yoṅs su ma btaṅ pa gaṅ yin pa de ñid de’i sems bskyed pa yin te de ltar sems bskyed pa de daṅ (2) thabs mkhas pa de daṅ ldan pa de ni bar ma dor yaṅ dag pa’i mtha’ mṅon sum du mi byed do ||
rab ’byor gźan yaṅ na ma byaṅ chub sems dpa’ sems dpa’ chen po zab mo’i gnas su gyur pa ’di lta ste rnam par thar pa’i sgo stoṅ pa ñid kyi tiṅ ṅe ’dzin daṅ rnam par thar pa’i sgo mtshan ma med (3) pa’i tiṅ ṅe ’dzin daṅ rnam par thar pa’i sgo smon pa med pa’i tiṅ ṅe ’dzin ’di dag la so sor rtog pa ’am | so sor rtog par ’dod par grub na | des ’di ltar sems mṅon par bsgrub par bya ste | sems can ’di dag ni yun riṅ por sems can du ’du śes pas dmigs pa la (4) spyod de bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas dmigs pa’i la ba can gyis dmigs pa’i lta ba spaṅ ba’i phyir sems can de dag la chos bstan te sñam du bsams nas rnam par thar pa’i sgo stoṅ pa ñid kyi tiṅ ṅe ’dzin la mñam par gźog ciṅ yaṅ dag (5) pa’i mtha’ yaṅ mṅon sum du mi byed do rnam par thar pa’i sgo mtshan ma med pa’i tiṅ ṅe ’dzin la mñam par gźog ciṅ yaṅ dag pa’i mtha’ yaṅ mṅon sum du mi byed do ||
rnam par thar pa’i sgo smon pa med pa’i tiṅ ṅe ’dzin la mñam par gźog ciṅ yaṅ dag pa’i mtha’ yaṅ mṅon sum du mi (6) byed do ||
de ltar byaṅ chub sems dpa’ sems dpa’ chen po sems bskyed pa ’di daṅ thabs mkhas pa ’di daṅ ldan na bar ma dor yaṅ dag pa’i mtha’ mṅon sum du mi byed ciṅ byams pa’i tiṅ ṅe ’dzin las kyaṅ ñams par mi ’gyur sñiṅ rje las ma yin dga’ ba las ma yin btaṅ sñoms kyi tiṅ (7) ṅe ’dzin las kyaṅ yoṅs su ñams par mi ’gyur ro ||
de ci’i phyir źe na | thabs mkhas pas yoṅs su bzuṅ bas byaṅ chub sems dpa’ sems dpa’ chen po chos dkar po dag gis rgya cher rnam par ’phel te de’i daṅ ba la sogs pa’i dbaṅ po yaṅ śin tu rno bar ’gyur | stobs daṅ (206a1) byaṅ chub kyi yan lag daṅ lam rnams kyaṅ ’thob par ’gyur ro ||
rab ’byor gźan yaṅ byaṅ chub sems dpa’ sems dpa’ chen po ’di sñam du sems te sems can ’di dag ni yun riṅ por chos kyi ’du śes kyis dmigs pa la spyod de | bla na med pa yaṅ dag par (2) rdzogs pa’i byaṅ chub mṅon par rdzogs par saṅs rgyas nas dmigs par lta ba can de dag gi dmigs pa’i lta ba spaṅ bar bya ba’i phyir chos bstan to sñam du bsams nas sems can thams cad kyi phyir rnam par thar pa’i sgo stoṅ pa ñid kyi tiṅ ṅe ’dzin la mñam par gźog go ||
de sems bskyed (3) pa de daṅ thabs mkhas pa sṅa ma de daṅ ldan pas rnam par thar ba’i sgo stoṅ pa ñid kyi tiṅ ṅe ’dzin la mñam par ’jog ciṅ yaṅ dag pa’i mtha’ yaṅ mṅon sum du mi byed do ||
byams pa daṅ sñiṅ rje daṅ dga’ ba daṅ btaṅ sñoms kyi tiṅ ṅe ’dzin las kyaṅ ñams par mi ’gyur ro ||
de ci’i (4) phyir źe na | thabs mkhas pas yoṅs su bzuṅ ba’i byaṅ chub sems dpa’ sems dpa’ chen po ni chos dkar po dag gis rgya cher rnam par ’phel te de’i dad pa la sogs pa’i dbaṅ po yaṅ śin tu rno bar ’gyur | stobs daṅ byaṅ chub kyi yan lag daṅ lam rnams kyaṅ ’thoṅ bar (5) ’gyur ro ||
rab ’byor gźan yaṅ byaṅ chub sems dpa’ sems dpa’ chen po ’di sñam du sems te | sems can ’di dag ni yun riṅ por mtshan ma’i ’du śes kyis mtshan ma la spyod de bla na med pa yaṅ dag par rdzogs pa’i byaṅ chub mṅon par rdzogs par saṅs rgyas (6) nas de dag la mtshan ma’i ’du śes spaṅ ba’i phyir chos bstan to sñam ste sems can thams cad kyi phyir rnam par thar pa’i sgo mtshan ma med pa’i tiṅ ṅe ’dzin la mñam par gźog go ||
de sems bskyed pa de daṅ thabs mkhas pa sṅa ma de daṅ ldan pas rnam par thar pa’i sgo mtshan ma (7) med pa’i tiṅ ṅe ’dzin la mñam par gźog ciṅ yaṅ dag pa’i mtha’ yaṅ mṅon sum du mi byed la | byams pa daṅ sñiṅ rje daṅ dga’ ba daṅ btaṅ sñoms daṅ tiṅ ṅe ’dzin thams cad las kyaṅ yoṅs su ñams par mi ’gyur ro ||
de ci’i phyir źe na | thabs mkhas pas (206b1) yoṅs su bzuṅ bas byaṅ chub sems dpa’ sems dpa’ chen po chos dkar po dag gis rgya cher rnam par ’phel te de’i dad pa la sogs pa’i dbaṅ po yaṅ śin tu rno bar ’gyur | stobs daṅ byaṅ chub kyi yan lag daṅ lam rnams kyaṅ ’thob par ’gyur ro ||
rab ’byor gźan yaṅ (2) byaṅ chub sems dpa’ sems dpa’ chen po ’di sñam du sems te | sems can ’di dag ni yun riṅ por rtag par ’du śes pa daṅ bde bar ’du śes pa dad pa dag tu ’du śes pa daṅ sdug par ’du śes pas phyin ci log pa ste | ci nas bdag bla na med pa yaṅ dag par rdzogs pa’i (3) byaṅ chub mṅon par rdzogs par saṅs rgyas nas rtag par ’du śes pa daṅ bde bar ’du śes pa daṅ bdag tu ’du śes pa daṅ sdug par ’du śes pas phyin ci log tu gyur pa spaṅ ba’i phyir ’di thams cad ni mi rtag pa ste ’di ni rtag pa ma yin no ’di thams cad ni sdug bsṅal ba ste ’di ni bde ba (4) ma yin no ’di thams cad ni bdag med pa ste ’di ni bdag daṅ bcas pa ma yin no ’di thams cad ni mi sdug pa yin te ’di ni sdug pa ma yin no źes chos bstan par ’gyur ba de ltar bya’o ||
de sems bskyed pa de daṅ ldan źiṅ thabs mkhas pa sṅa ma daṅ śes rab kyi pha rol tu phyin pas yoṅs (5) su bzuṅ bas saṅs rgyas kyi chos rnams yoṅs su ma rdzogs par bar ma dor yaṅ dag pa’i mtha’ mṅon sum du mi byed do ||
de bźin du rnam par thar pa’i sgo smon pa med pa’i tiṅ ṅe ’dzin la mñam par bźag ste gnas śiṅ yaṅ dag pa’i mtha’ mṅon sum du mi byed | byams pa daṅ (6) sñiṅ rje daṅ dga’ ba daṅ btaṅ sñoms las kyaṅ yoṅs su ñams par mi ’gyur ro ||
de ci’i phyir źe na | thabs mkhas pas yoṅs su zin pa’i byaṅ chub sems dpa’ sems dpa’ chen po ni chos dkar po dag gis rgya cher rnam par ’phel te de’i dad pa la sogs pa’i dbaṅ po yaṅ śin tu (7) rno bar ’gyur ro ||
stobs daṅ byaṅ chub kyi yan lag daṅ lam rnams kyaṅ ’thob par ’gyur ro ||
rab ’byor byaṅ chub sems dpa’ sems dpa’ chen po gaṅ la la sems bskyed pa ’di skyed par byed de ’di ltar sems can ’di dag ni yun riṅ por dmigs pa la spyad par gyur ciṅ da ltar yaṅ (207a1) dmigs pa la spyod | mtshan ma’i ’du śes la spyad par gyur ciṅ da ltar yaṅ mtshan ma’i ’du śes la spyod | phyin ci log la spyad par gyur ciṅ da ltar yaṅ phyin ci log la spyod | ril por ’du śes pa la spyad par gyur ciṅ da ltar yaṅ ril por ’du śes pa la spyod | yaṅ (2) dag pa ma yin pa’i ’du śes la spyad par gyur ciṅ da ltar yaṅ yaṅ dag pa ma yin pa’i ’du śes la spyod | log par lta ba la spyad par gyur ciṅ da ltar yaṅ log par lta ba la spyod do ||
ci ltar ’di dag la ñes pa ’di dag thams cad nas thams cad rnam pa thams cad du thams cad mi (3) ’byuṅ źiṅ | mi śes pa de ltar bya’o źes de ltar sems can thams cad la sems te | byaṅ chub sems dpa’ sems dpa’ chen po de dran pa’i śes pa de daṅ sems bskyed pa de lta bu daṅ ldan źiṅ thabs mkhas pa daṅ yaṅ ldan śes rab kyi pha rol tu phyin pas kyaṅ yoṅs su (4) bzuṅ bas | de ltar chos zab mo ’di dag gi mas ñid la ’di ltar stoṅ pa ñid dam mtshan ma med pa’am smon pa med pa ’am mṅon par ’du mi byed pa ’am mi ’byuṅ ba ’am mi skye ba ’am dṅos po med par so sor rtog go ||
rab ’byor byaṅ chub sems dpa’ sems dpa’ chen po (5) gaṅ de ltar śes pa’i chos daṅ ldan pa ni mṅon par ’du mi byed par ltuṅ ba ’am khams gsum pa daṅ lhan cig gnas par ’gyur ba ni gnas ma yin źiṅ go skabs med do ||
rab ’byor byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon (6) par rdzogs par ’tshaṅ rgya bar ’dod pas byaṅ chub sems dpa’ sems dpa’ chen po la ’di skad ces byaṅ chub sems dpa’ sems dpa’ chen po stoṅ pa ñid mṅon sum du mi byed pa daṅ mtshan ma med pa mṅon sum du mi byed pa daṅ smon pa med pa mṅon sum du mi byed pa daṅ mṅon par (7) ’du mi byed pa mṅon sum du mi byed pa daṅ ’byuṅ ba med pa mṅon sum du mi byed pa daṅ skye ba med pa mṅon sum du mi byed pa daṅ dṅos po med pa yaṅ mṅon sum du mi byed la śes rab kyi pha rol tu phyin pa la yaṅ sgom par byed pas chos ’di dag la yoṅs su ’dris par bya ba ni gaṅ yin źiṅ (207b1) sems gaṅ dag mṅon par bsgrub pa na sems ci lta bu’i raṅ bźin du mṅon par bsgrub par bya źes dri bar bya’o ||
gal te rab ’byor byaṅ chub sems dpa’ sems dpa’ chen po la byaṅ chub sems dpa’ sems dpa’ chen pos de skad dris pa na | ’di skad du byaṅ chub sems dpa’ (2) sems dpa’ chen pos stoṅ pa ñid yid la bya’o ||
mtshan ma med pa daṅ smon pa med pa daṅ mṅon par ’du mi byed pa daṅ mi ’byuṅ ba daṅ mi skye ba daṅ dṅos po med pa ñid daṅ byaṅ chub sems dpa’ sems dpa’ chen pos yid la bya’o źes luṅ ston ciṅ | gal te sems can thams cad (3) yoṅs su mi gtoṅ ba’i sems de ñe bar mi ston tam thabs mkhas pa luṅ mi ston no | rab ’byor byaṅ chub sems dpa’ sems dpa’ chen po ’di ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub (4) las phyir mi ldog pa ñid du luṅ ma bstan par rig par bya’o ||
de ci’i phyir źe na | phyir mi ldog pa’i byaṅ chub sems dpa’ sems dpa’ chen po’i ’dres pa’i chos gaṅ yin pa’i chos de mi ston rab tu mi ’byed ñe bar mi ston rab tu mi śes dris kyaṅ luṅ mi ston lan mi ldon ciṅ phyir mi (5) ldog pa’i byaṅ chub sems dpa’ sems dpa’ chen po’i sa gaṅ yin pa’i sa la mi gnon pa’i phyir ro ||
rab ’byor gyis gsol ba | bcom ldan ’das yaṅ byaṅ chub sems dpa’ sems dpa’ chen po rnam graṅs gaṅ gis phyir mi ldog par ’gyur ba’i rnam graṅs mchis sam | (6) bcom ldan ’das kyis bka’ stsal pa | rab ’byor rnam graṅs gaṅ gis byaṅ chub sems dpa’ sems dpa’ chen po phyir mi ldog par ’gyur ba’i rnam graṅs yod de | gal te byaṅ chub sems dpa’ sems dpa’ chen pos śes rab kyi pha rol tu phyin pa ’di thos kyaṅ ruṅ ma thos kyaṅ ruṅ ste (7) de ltar śes śiṅ de ltar lan ldon na phyir mi ldog pa’i byaṅ chub sems dpa’ sems dpa’ chen por rig par bya’o ||
rab ’byor gyis gsol pa | bcom ldan ’das de’i slad du byaṅ chub tu spyod pa maṅ yaṅ gaṅ de ltar lan ldon pa ni ñuṅ ṅo ||
bcom ldan ’das kyis bka’ stsal pa | (208a1) rab ’byor ’di ltar byaṅ chub sems dpa’ sems dpa’ chen po gaṅ phyir mi ldog pa’i ye śes kyi sar luṅ bstan pa de dag ni ñuṅ ste yaṅ gaṅ luṅ bstan par gyur pa de dag ni de ltar lan ldon to ||
byaṅ chub sems dpa’ sems dpa’ chen po de daṅ de dag ni dge ba’i rtsa ba ’bar (2) bskyed par rig par bya’o ||
byaṅ chub sems dpa’ sems dpa’ chen po de daṅ de dag ni lha daṅ mi daṅ lha ma yin du bcas pa’i ’jig rten gyis mi ’phrogs pa’o ||
rab ’byor yaṅ gal te byaṅ chub sems dpa’ sems dpa’ chen po rmi lam gyi naṅ na yaṅ chos thams cad rmi lam ltar yaṅ dag (3) par lta źiṅ mṅon sum du yaṅ mi byed na | rab ’byor ’di yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ byaṅ chub sems dpa’ sems dpa’ chen po rmi lam gyi naṅ na yaṅ ñan thos kyi sa ’am raṅ (4) saṅs rgyas kyi sa ’am khams gsum la ’dod pa med ciṅ phan yon gyi sems mi skyed na | rab ’byor ’di yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ byaṅ chub sems dpa’ sems (5) dpa’ chen po rmi lam gyi naṅ na yaṅ ’khor brgya phrag du ma daṅ stoṅ phrag du ma daṅ brgya stoṅ phrag du ma daṅ bye ba brgya phrag du ma daṅ bye ba stoṅ phrag du ma daṅ bye ba brgya stoṅ phrag du ma daṅ bye ba khrag khrig brgya stoṅ phrag du ma’i ’khor gyi dbus su chuṅ ciṅ ’khor gyi dkyil ’khor gyi khyams na ’dug nas dge sloṅ gi dge ’dun (6) gyis yoṅs su bskor ciṅ byaṅ chub sems dpa’i dge ’dun gyis mdun du bdar nas bdag ñid de bźin gśegs pa dgra bcom pa yaṅ dag par rdzogs par saṅs rgyas nas chos ston par mthoṅ na | rab ’byor ’di yaṅ phyir mi ldog pa’i byaṅ chub sems dpa’ sems dpa’ chen po’i phyir (7) mi ldog pa’i mtshan ñid du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i rmi lam na yaṅ bdag ñid nam mkha’ la mṅon par ’phags te sems can dag la chos ston pa daṅ | ’od ’dom gaṅ bar kun tu śes śiṅ phyogs gźan dag tu soṅ ste (208b1) ’jig rten gyi khams gźan der saṅs rgyas kyi mdzad pa mdzad nas der yaṅ dge sloṅ dag mṅon par sprul ciṅ chos ston te rab ’byor ’di ltar yaṅ rmi lam gyi naṅ na yaṅ phyir mi ldog pa’i byaṅ chub sems dpa’ sems dpa’ chen por kun tu śes na | rab ’byor ’di yaṅ phyir (2) mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i rmi lam na yaṅ mi dṅaṅ kun tu mi skrag kun tu skrag pa daṅ ldan par mi ’gyur te | groṅ la gnod (3) pa ’am groṅ khyer la gnod pa’am groṅ rdal la gnod pa ’am ljoṅs su gnod pa ’am yul ’khor du gnod pa ’am ’brog me śor ba’i gnod pa byuṅ ṅam | gcan gzan nam ri dgas sam de ma yin pa ri dgas kyi rigs phra mo gźan dag mthoṅ ba daṅ | mgo gcod pa ñe bar (4) gnas pa ’am de ma yin pa gźan gaṅ yaṅ ruṅ ba’i ’jigs pa chen po mi bzad pa daṅ sdug bsṅal ba daṅ yid mi bde ba dag byuṅ ba daṅ | sems can gźan dgag sdug bsṅal ba daṅ yid mi bde ba daṅ | ’jigs pa chen po mi bzad pa dag mthoṅ yaṅ de la ’jigs pa mi (5) bzad pa skye bar mi ’gyur mi dṅaṅ kun tu mi skrag kun tu skrag pa daṅ ldan par mi byed de | de nas de gñid kyis log pa las sad de de laṅs ma thag tu ’di sñam du sems te | khams gsum ’di dag thams cad ni rmi lam lta bu ste bdag bla na med pa yaṅ dag par rdzogs pa’i byaṅ chub (6) mṅon par rdzogs par saṅs rgyas nas de ltar gaṅ yaṅ dag par ston pas chos bstan par bya’o sñam na | rab ’byor ’di yaṅ phyir mi ldog pa’i byaṅ chub sems dpa’i sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ (7) sems dpa’ chen po’i rmi lam gyi naṅ na dmyal ba pa’i sems can rnams mthoṅ ba na ’di sñam du sems te | ci ltar bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ du ṅan soṅ thams cad thams cad nas thams cad rnam pa thams (209a1) cad du thams cad mi ’byuṅ bar ’gyur ba de ltar bya’o sñam na | rab ’byor ’di yaṅ phyir mi ldog pa’i byaṅ chub sems dpa’ sems dpa’ chen po ’di’i ṅan soṅ rnam par dag pa’i mtshan ñid du rig par bya’o ||
rab ’byor de la phyir mi ldog pa’i byaṅ chub sems dpa’ (2) sems dpa’ chen po de’i bla na med pa yaṅ dag par rdzogs par saṅs rgyas pa’i saṅs rgyas kyi źiṅ du ṅan soṅ thams cad thams cad nas thams cad rnam pa thams cad du thams cad ’byuṅ bar mi ’gyur bar ci ltar śes źe na | rab ’byor gal te byaṅ chub sems dpa’ sems dpa’ chen po (3) rmi lam gyi naṅ na dmyal bar gtogs pa ’am byol soṅ daṅ yi dgas su gtogs pa’i sems can dag mthoṅ nas dran pa rñed par ’gyur te de dran pa de rñed nas ’di sñam du sems te | ci ltar bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas (4) pa’i saṅs rgyas kyi źiṅ na ṅan soṅ thams cad thams cad nas thams cad rnam pa thams cad du thams cad mi ’byuṅ ba de ltar bya’o sñam pa ’di ni rab ’byor de ltar byaṅ chub sems dpa’ sems dpa’ chen po’i ṅan soṅ yoṅs su dag pa’i mchan ñid du rig par bya ste | rab ’byor ’di (5) yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ byaṅ chub sems dpa’ sems dpa’ chen pos rmi lam gyi naṅ du groṅ khyer tshig pa daṅ groṅ tshig par gyur pa rmis te de rmi lam de las sad nas ’di (6) sñam du sems to | ci ltar ṅas rmi lam gyi naṅ du rnam pa gaṅ daṅ rtags gaṅ daṅ mtshan ma gaṅ dag mthoṅ ba’i rnam pa gaṅ daṅ rtags gaṅ daṅ mtshan ma gaṅ dag gis byaṅ chub sems dpa’ sems dpa’ chen po phyir mi ldog par gzuṅ bar bya ba’i rnam pa de dag daṅ rtags de dag daṅ (7) mtshan ma de dag ṅa la yod na | bden pa de daṅ bden pa’i tshig des groṅ khyer tshig pa daṅ groṅ tshig pa ’di ñe bar źi bar gyur cig bsil bar gyur cig med par gyur cig ces byas na | rab ’byor gal te groṅ tshig pa daṅ groṅ khyer tshig pa de ñe bar źi ba daṅ bsil ba daṅ med par gyur na (209b1) ni rab ’byor byaṅ chub sems dpa’ sems dpa’ chen po de sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu phyir mi ldog par luṅ bstan par rig par bya’o ||
gal te ñe bar ma źi bsil bar ma (2) gyur med par ma soṅ na rab ’byor byaṅ chub sems dpa’ sems dpa’ chen po de bla na med pa yaṅ dag par rdzogs pa’i byaṅ chub tu luṅ ma bstan par rig par bya’o ||
rab ’byor yaṅ gal te mes tshig pa de khyim nas khyim | sraṅ nas sraṅ du thal te | sraṅ gźan gaṅ yaṅ ruṅ ba ’am | (3) khyim gźan gaṅ yaṅ ruṅ bar soṅ nas tshig ste ñe bar ma źi bsil bar ma gyur med par ma soṅ na | rab ’byor de ni byaṅ chub sems dpa’ sems dpa’ chen po des chos stoṅ pa ñid daṅ śes rab ’chal par ’gyur ba daṅ mthun pa’i las ñe bar bsags par rig par bya ste des na ’di la mthoṅ (4) pa’i chos la ’byuṅ bar ’gyur ba daṅ rjes su mthun pa ñid kyi las rnam par smin pa yin pas chos spoṅ ba de ñid las lhag ma daṅ bcas pa’i las rnam par smin pa yin no ||
rab ’byor byaṅ chub sems dpa’ sems dpa’ chen po phyir mi ldog pa’i mtshan ñid kyi rgyu ni de yin rkyen ni de yin te | (5) rab ’byor ’di yaṅ byaṅ chub sems dpa’ sems dpa’ chen po’i bla na med pa yaṅ dag par rdzogs pa’i byaṅ chub las phyir mi ldog par gzuṅ bar bya’o ||
rab ’byor gźan yaṅ rnam pa gaṅ dag daṅ rtags gaṅ dag daṅ mtshan ma gaṅ dag gis phyir mi ldog pa’i byaṅ chub sems dpa’ sems dpa’ (6) chen por gzuṅ bar bya ba’i rnam pa de dag daṅ rtags de dag daṅ mtshan ma de dag bstan par bya yis de legs par rab tu ñon la yid la zuṅ śig daṅ ṅas khyod la bśad do ||
de nas tshe daṅ ldan pa rab ’byor gyis bcom ldan ’das la legs so źes gsol nas bcom ldan ’das kyi ltar ñan pa (7) daṅ | bcom ldan ’das kyis ’di skad ces bka’ stsal to ||
rab ’byor gal te skyes pa ’am bud med dam khye’u ’am bu mo la la mi ma yin pas zin ciṅ babs par gyur na der byaṅ chub sems dpa’ sems dpa’ chen po ’oṅs nas byin gyi rlabs ’di ltar bsam par bya ste | gal (210a1) teṅ sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub tu luṅ bstan pa yin źiṅ bdag bla na med pa yaṅ dag par rdzogs pa’i byaṅ chub mṅon par rdzogs paRa ’tshaṅ rgya ba’i don du (2) bsam pa yoṅs su dag la | ci ltar bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod de | bla na med pa yaṅ dag par rdzogs pa’i byaṅ chub la bdag gi yid la byed pa yoṅs su dag ciṅ | bdag ñan thos kyi sems daṅ raṅ saṅs (3) rgyas kyi sems daṅ bral ba des na bdag gis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par bya ba yin la | bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ba ma yin źiṅ bdag bla na med pa yaṅ dag (4) par rdzogs pa’i byaṅ chub mṅon par rdzogs par ’tshaṅ rgya bar ’gyur ba kho na yin pa daṅ | yaṅ ’jig rten gyi khams gźal du med graṅs med pa de dag na saṅs rgyas bcom ldan ’das gaṅ dag bźugs te ’tsho źiṅ gźes pa’i de bźin gśegs pa dgra bcom pa yaṅ dag par rdzogs pa’i (5) saṅs rgyas de dag la ma mkhyen pa ’am ma gzigs pa ’am thugs su ma chud pa ’am mṅon sum du ma mdzad pa’am | mṅon par rdzogs par saṅs ma rgyas pa ci yaṅ med de | ci ltar saṅs rgyas bcom ldan ’das de dag gis bdag gi bsam pa mkhyen pa ltar bdag bla na med pa (6) yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur na | bden pa ’di daṅ bden pa’i tshig ’dis skyes pa ’am bud med dam khye’u ’am bu mo ’di mi ma yin pa’i gdon gyis zin ciṅ non pa de soṅ śig ces byas la byaṅ chub sems dpa’ sems dpa’ chen pos gal te (7) de skad smras pa daṅ mi ma yin pa de ma soṅ na ni rab ’byor byaṅ chub sems dpa’ sems dpa’ chen po ’di sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub tu luṅ ma bstan par rig par bya’o ||
rab ’byor yaṅ (210b1) gal te byaṅ chub sems dpa’ sems dpa’ chen pos de skad smras pa na mi ma yin pa de soṅ na ni rab ’byor byaṅ chub sems dpa’ sems dpa’ chen po ’di sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub (2) tu luṅ bstan par rig par bya’o ||
’phags pa śes rab kyi pha rol tu phyin pa brgyad stoṅ pa las thabs mkhas pa la spyod pa’i le’u źes bya ste ñi śu pa’o || ||
rab ’byor yaṅ de la byaṅ chub sems dpa’ sems dpa’ chen po tshig ’di skad du smra bar ’gyur te | (3) bden pa daṅ bden pa’i tshig gaṅ gis bdag sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub tu luṅ bstan na | bden pa daṅ bden pa’i tshig des mi ma yin pa ’di soṅ śig ces byas na rab (4) ’byor de la bdud sdig can mi ma yin pa de ’gro bar bya ba’i phyir brtson par byed do ||
de ci’i phyir źe na | der byaṅ chub sems dpa’ sems dpa’ chen po theg pa la źugs nas riṅ po ma lonana pa de’i gam na śin tu stobs daṅ ldan pa daṅ śin tu gzi brjid daṅ ldan pa’i bdud sdig can (5) ci ltar mi ma yin pa ’di ’gro bar ’gyur sñam pas ’bad par byed do ||
de ltar mi ma yin pa de bdud kyi byin gyi rlabs kyis ’gro bar ’gyur la | de ltar na yaṅ byaṅ chub sems dpa’ sems dpa’ chen po de ’di sñam du mi ma yin pa ’gro ba ni ṅa’i mthu’o sñam du sems kyi yaṅ (6) ’di ltar bdud kyi mthus mi ma yin pa ’gro’o sñam du mi śes so ||
de brtson pa de tsam źig byed par ’gyur te de brtson pa des byaṅ chub sems dpa’ sems dpa’ chen po gźan dag la brñas par byed rṅan can byed stiṅ bar byed ’phya bar byed smod par byed par ’gyur te | da ni ljon (7) gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ bstan to źes de de tsam gyis phyi phyir ṅa rgyal skyed par ’gyur ṅa rgyal yaṅ dag par bskyed par ’gyur ṅa rgyal ’phel bar byed par ’gyur ṅa rgyal yaṅ (211a1) dag par ’phel bar ’gyur ṅa rgyal rton par byed par ’gyur ṅa rgyal ñe bar rton par byed par ’gyur ṅa rgyal rgyas par byed par ’gyur ṅa rgyal ñe bar rgyas par byed par ’gyur ṅa rgyal ’byuṅ bar byed par ’gyur ro ||
de ṅa rgyal daṅ che ba’i ṅa rgyal daṅ ṅa rgyal las kyaṅ (2) ṅa rgyal daṅ mṅon pa’i ṅa rgyal daṅ log pa’i ṅa rgyal des thams cad mkhyen pa ñid rgyaṅ riṅ du byed par ’gyur | bla na med pa saṅs rgyas kyi ye śes daṅ raṅ byuṅ gi ye śes daṅ thams cad mkhyen pa’i ye śes rgyaṅ riṅ du byed par ’gyur | bla na med pa yaṅ dag par rdzogs pa’i byaṅ (3) chub rgyaṅ riṅ du byed par ’gyur ro ||
de lta bu’i tshul gyis dge ba’i bśes gñen dge ba’i chos can mos pa rgya che ba lhag pa’i bsam pa phun sum tshogs pa thabs mkhas pa phyir mi ldog pa’i chos daṅ ldan pa’i byaṅ chub sems dpa’ sems dpa’ chen po de lta bu dag mthoṅ na mṅon (4) pa’i ṅa rgyal bskyed nas brñas par byed ciṅ de lta bu’i tshul gyis dge ba’i bśes gñen mi bsñen mi bsten bsñen bkur mi byed mi ’dri źiṅ bdud kyis ’chiṅ ba de ñid sra bar byed de | de ni sa gñis su rig par bya ste ’di lta ste ñan thos kyi sa ’am raṅ saṅs rgyas kyi sa’o ||
rab ’byor de (5) ltar bden pa’i byin gyi rlabs kyis bdud sdig can byaṅ chub sems dpa’ sems dpa’ chen po theg pa la źugs nas riṅ por ma lon pa dad pa chuṅ ba thos pa ñuṅ ba dge ba’i bśes gñen daṅ bral ba śes rab kyi pha rol tu phyin pas yoṅs su ma zin ciṅ thabs mkhas pa daṅ bral pa la bla na med pa (6) yaṅ dag par rdzogs pa’i byaṅ chub kyi bar chad byed de | rab ’byor ’di yaṅ byaṅ chub sems dpa’ sems dpa’ chen po’i bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ chen po la miṅ ston pas kyaṅ bdud kyi las su ’gyur ro ||
rab ’byor (7) ci ltar byaṅ chub sems dpa’ sems dpa’ chen po la miṅ ston pas kyaṅ bdud kyi las su ’gyur źe na | rab ’byor ’di la bdud sdig can byaṅ chub sems dpa’ sems dpa’ chen po’i miṅ ston pa daṅ miṅ byin gyis brlabs pas kyaṅ ñe bar ’oṅ bar ’gyur te | gźan gaṅ yaṅ ruṅ ba daṅ (211b1) gźan gaṅ yaṅ ruṅ ba’i cha byad du ’oṅs nas ’di skad du khyod ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ bstan to ||
de ci’i phyir źe na | khyod kyi miṅ ni ’di źes bya khyod kyi ma’i (2) miṅ ni ’di źes bya khyod kyi pha’i miṅ ni ’di źes bya khyed kyi spun zla’i miṅ ni ’di źes bya khyod kyi sriṅ mo’i miṅ ni ’di źes bya | khyod kyi grogs po daṅ blon po daṅ ñe du daṅ snag gi gñen mtshams kyi miṅ ni ’di źes bya’o źes ma mes daṅ pha mes gñi ga’i rabs bdun tshun chad kyi miṅ brjod ciṅ (3) khyod ni phyogs ga ge mo źig tu skyes te groṅ ṅam groṅ khyer ram groṅ rdal ga ge mo źig tu skyes nas ga ge mo źig tu skyes so źes zer źiṅ | gal te raṅ bźin gyis rtul ba źig yin te | de la ’di skad du khyod sṅon yaṅ de bźin du rtul por gyur to źes zer ro ||
gal te raṅ bźin gyis (4) dbaṅ po rno ba źig na de’i phyir de la ’di skad du khyod sṅon yaṅ dbaṅ po rnon por gyur to źes zer ro ||
gal te dgon pa pa źig yin nam gal te bsod sñoms pa źig yin nam gal te phyag dar khrod pa źig yin nam | gal te zas phyis mi len pa źig yin nam gal te stan gcig (5) pa źig yin nam | gal te gźi ji bźin pa źig yin nam | gal te chos gos gsum pa źig yin nam gal te dur khrod pa źig yin nam gal te śiṅ druṅ ba źig yin nam | gal te cog bu pa źig yin nam gal te bla gab med pa źig yin nam gal te phyiṅ ba pa źig yin (6) nam | gal te ’dod pa ñuṅ źiṅ chog śes pa rab tu dben pa źig yin nam gal te rkaṅ pa skud pa daṅ bral ba źig yin nam gal te ’jam por smra źiṅ tshig ñuṅ ba źig yin na | de la bdud sdig can tshe ’di’i yon tan de daṅ de dag gis ’di skad du khyod ni sṅon yaṅ yon tan ’di daṅ (7) ’di dag daṅ yaṅ ldan par gyur te | khyod ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de rnams kyis bla na med pa yaṅ dag par rdzogs pa’i byaṅ chub tu phyir mi ldog pa’i byaṅ chub sems dpa’i sa la ṅes par luṅ bstan to ||
de ci’i phyir (212a1) źe na | ’di ltar khyod la sbyaṅs pa’i yon tan ’di lta bu ’di dag yod kyis khyod ni gdon mi za bar sṅon yaṅ sbyaṅs pa’i yon tan ’di dag daṅ ldan par gyur to źes bsgo bar byed de | de ltar de sṅon gyi miṅ bstan pa de daṅ miṅ la rten pa daṅ da ltar gyi sbyaṅs pa’i (2) yon tan daṅ yo byad bsñuṅs pa des rlom sems skyed par ’gyur te de ’di sñam du bdag ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub tu luṅ bstan te | ’di ltar yon tan ’di dag ni bdag la (3) yod do sñam pa daṅ | de la bdud sdig can ’di skad du khyod ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu phyir mi ldog par luṅ bstan to ||
de ci’i phyir źe na | ’di ltar khyod la sbyaṅs (4) pa’i yon tan de lta bu de dag yod do źes zer ro ||
rab ’byor yaṅ de la bdud sdig can ras ’ga’ ni dge sloṅ gi cha byad du ’oṅ bar sems res ’ga’ ni dge sloṅ ma’i cha byad du ’oṅ bar sems | res ’ga’ ni dge bsñen gyi cha byad res ’ga’ ni dge bsñen ma’i cha byad res ’ga’ ni bram ze’i (5) cha byad res ’ga’ ni khyim bdag gi cha byad res ’ga’ ni ma’i cha byad res ’ga’ ni pha’i cha byad res ’ga’ ni spun zla’i cha byad res ’ga’ ni sriṅ mo’i cha byad res ’ga’ ni grogs po daṅ blon po daṅ ñe du daṅ snag gi gñen mtshams kyi cha byad du ’oṅ bar ’gyur te | ’oṅs nas ’di skad du khyod ni (6) sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu phyir mi ldog pa’i sa la luṅ bstan to ||
de ci’i phyir źe na | ’di ltar khyod la phyir mi ldog pa’i byaṅ chub sems dpa’ sems dpa’ chen po’i yon (7) tan gaṅ yin pa’i sbyaṅs pa’i yon tan de lta bu de dag yod do źes zer ro ||
rab ’byor yaṅ ṅas phyir mi ldog pa’i byaṅ chub sems dpa’ sems dpa’ chen po dag gi yon tan bstan pa daṅ rnam pa daṅ rtags daṅ mtshan ma gaṅ dag bstan pa de dag de la med na | rab ’byor de la byaṅ chub sems (212b1) dpa’ sems dpa’ chen po gźan gyis kye ma byaṅ chub sems dpa’ sems dpa’ chen po ’di ni bdud kyi byin gyis brlabs pa’o źes rig par bya’o ||
de ci’i phyir źe na | phyir mi ldog pa’i byaṅ chub sems dpa’ sems dpa’ chen po rnams kyi rnam pa gaṅ yin pa daṅ rtags gaṅ (2) yin pa daṅ | mtshan ma gaṅ yin pa de dag de la med pa’i phyir ro ||
rab ’byor yaṅ byaṅ chub sems dpa’ sems dpa’ chen po de byin gyi rlabs de lta bus mṅon pa’i ṅa rgyal skyed par ’gyur te | mṅon pa’i ṅa rgyal bskyed nas ṅa rgyal gyi zil gyis non ciṅ kheṅs pas zil (3) gyis non bdud kyi byin gyi rlabs kyis zil gyis non pas | de byaṅ chub sems dpa’ sems dpa’ chen po gźan dag la brñas par ’gyur rṅan can byed par ’gyur stiṅ bar ’gyur ’phya bar ’gyur smod par ’gyur te | rab ’byor ’di yaṅ byaṅ chub sems dpa’ sems dpa’ (4) chen pos bdud kyi byin gyi rlabs kyis bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ chen pos miṅ bstan pa daṅ miṅ luṅ bstan pas bdud kyi las su rig par bya’o ||
rab ’byor ci ltar byaṅ chub sems dpa’ sems dpa’ (5) chen pos miṅ bstan pa daṅ miṅ luṅ bstan pas bdud kyi las su rig par bya źe na | rab ’byor ’di la bdud sdig can dge sloṅ gi cha byad du ’oṅs nas byaṅ chub sems dpa’ sems dpa’ chen po la ’di skad du luṅ ston te | des gaṅ sems kyis e ma bdag bla na med pa (6) yaṅ dag par rdzogs pa’i byaṅ chub tu mṅon par rdzogs par saṅs rgyas pa’i miṅ ni ’di źes bya bar gyur cig ces miṅ gi rjes su ’braṅ la sems kyis rjes su brtags śiṅ rjes su dpyad pa bźin du khyod bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i miṅ ’di (7) źes bya ba de lta bur ’gyur ro źes de ñid kyi miṅ luṅ ston to ||
de la byaṅ chub sems dpa’ śes rab ’chal pa’i raṅ bźin can thabs la mi mkhas pa ’di sñam du sems te | ci ltar bdag gis e ma bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i (213a1) miṅ ’di źes bya bar gyur cig ces miṅ gi rjes su ’braṅ la rjes su brtags śiṅ rjes su dpyad pa de ltar dge sloṅ ’dis bstan to sñam źiṅ | des ’di ltar bdag gis rjes su bsams pa’i miṅ gaṅ yin pa daṅ bdud sdig can de ñid dam bdud kyi ris kyi lha dag gis mṅon par sprul (2) pa daṅ bdud kyi byin gyis brlabs pa’i dge sloṅ gis miṅ gaṅ brjod pa de gñi ga la ci ltar bdag gi sems bskyed pa byuṅ ba daṅ dge sloṅ ’dis bdag gi miṅ ci skad du bstan pa gñis miṅ mtshuṅs so źes brtags nas | bdag ni sṅon gyi de bźin gśegs pa dgra bcom pa yaṅ dag par (3) rdzogs pa’i saṅs rgyas de dag gis miṅ gis bla na med pa yaṅ dag par rdzogs pa’i byaṅ chub tu luṅ bstan to sñam du sems par ’gyur źiṅ | rab ’byor ṅas phyir mi ldog pa’i byaṅ chub sems dpa’ sems dpa’ chen po dag gi rnam pa daṅ rtags daṅ mtshan ma gaṅ dag bstan pa de dag (4) de la med ciṅ de dag daṅ bral bar gyur la | miṅ bstan pa daṅ miṅ luṅ bstan pa des de rlom sems skyed par ’gyur źiṅ | des rlom sems bskyed nas bdag ni bla na med pa yaṅ dag par rdzogs pa’i byaṅ chub tu luṅ bstan gyi ’di dag ni bla na med pa yaṅ dag par rdzogs pa’i byaṅ chub tu (5) luṅ ma bstan to źes byaṅ chub sems dpa’ sems dpa’ chen po gźan dag la brñas par byed do de ltar brñas pa’i sems de daṅ ṅa rgyal daṅ che ba’i ṅa rgyal daṅ ṅa rgyal las kyaṅ ṅa rgyal daṅ log pa’i ṅa rgyal daṅ mṅon pa’i ṅa rgyal des byaṅ chub sems dpa’ sems dpa’ chen po gźan dag (6) la brñas pas thams cad mkhyen pa ñid rgyaṅ riṅ du byed ciṅ saṅs rgyas kyi ye śes rgyaṅ riṅ du byed par ’gyur ro ||
de śes rab kyi pha rol tu phyin pas yoṅs su ma bzuṅ źiṅ thabs mkhas pa daṅ bral ba dge ba’i bśes gñen daṅ bral ba sdig pa’i grogs pos yoṅs su zin pa des ñan thos (7) kyi sa’am raṅ saṅs rgyas kyi sa ’am sa gñis po de las sa gaṅ yaṅ ruṅ ba gcig tu re bar bya’o ||
gal te yaṅ yun riṅ mo daṅ śin tu yun riṅ mor sbyaṅs śiṅ dul bar gyur nas śes rab kyi pha rol tu phyin pa ’di la rten te bla na med pa yaṅ dag par rdzogs pa’i byaṅ chub mṅon par rdzogs par (213b1) ’tshaṅ rgya bar ’dod par gyur la | gal te de dge ba’i bśes gñen dag la sten ciṅ dge ba’i bśes gñen dag gi thad du rtag par ’gro bar gyur na lus yoṅs su grub pa de ñid kyis sems bskyed pa de dag la rnam par smod par ’gyur byaṅ bar byed par ’gyur gnod par ’gyur ’dor bar (2) ’gyur so sor ’chags par ’gyur ba de lta na yaṅ de’i saṅs rgyas kyi sa rñed par dka’ bar ’gyur ro ||
de ci’i phyir źe na | rab ’byor byaṅ chub sems dpa’ sems dpa’ chen po’i rlom sems kyi ltuṅ ba’i gnas ni ’di sñed du ches lci ste | rab ’byor ’di lta ste dper na dge sloṅ (3) ñan thos kyi theg pa can gyi ñan thos kyi sa la rtsa ba’i ltuṅ ba bźi lci ba yin te de las ltuṅ ba gźan daṅ gźan gaṅ yaṅ ruṅ ba ’ga’ źig byuṅ na dge sloṅ ma yin dge sbyoṅ ma yin śkya’i sras po ma yin no ||
ltuṅ ba bźi po de dag pas kyaṅ rlom sems daṅ brñas pa’i sems bskyed (4) pa de ches lci ste ’di lta ste byaṅ chub sems dpa’ sems dpa’ chen po’i mir bstan pa las brñas pa’i mi dge ba chen po’i sems bskyed pa byuṅ pa ’di ni ltuṅ ba de dag pas sems bskyed pa ches lci bar rig par bya’o ||
rab ’byor rtsa ba’i ltuṅ ba bźi po lta źog gi rab ’byor mtshams (5) med pa’i las lṅa po de dag pas kyaṅ gaṅ ’di byaṅ chub sems dpa’ sems dpa’ chen po’i miṅ ston pas rlom sems daṅ ldan pa’i sems bskyed pa byuṅ ba’i sems bskyed pa ’di ni ches lci ste mtshams med pa’i las lṅa po’i ltuṅ ba de dag pas kyaṅ sems bskyed pa ’di ches lci bar rig (6) par bya’o ||
rab ’byor de ltar miṅ bstan pa de lta bus kyaṅ bdud kyi las phra mo phra ba dag ’byuṅ bar ’gyur te de dag byaṅ chub sems dpa’ sems dpa’ chen pos rtogs par bya’o ||
rtogs nas rnam par spaṅ bar bya źiṅ gźan dag kyaṅ khoṅ du chud par byed du gźug ciṅ spoṅ du (7) gźug go ||
rab ’byor gźan yaṅ bdud sdig can byaṅ chub sems dpa’ sems dpa’ chen po’i druṅ du ’oṅs nas dben pa’i yon tan gyis sku la ciṅ dran par byed do ||
rab ’byor ci ltar bdud sdig can byaṅ chub sems dpa’ sems dpa’ chen po’i druṅ du ’oṅs nas dben pa’i (214a1) yon tan gyis skul źiṅ dran par byed ce na | rab ’byor ’di la bdud sdig can byaṅ chub sems dpa’ sems dpa’ chen po’i druṅ du ’oṅ źiṅ ’oṅs nas ’di skad du de bźin gśegs pa ni dben pa’i bsṅags pa gsuṅ gis | dgon pa daṅ nags ’dab daṅ ri’i phug (2) daṅ dur khrod daṅ sog ma’i phuṅ po la sogs pa’i naṅ du gnas par bya’o źes zer te | rab ’byor ’di lta ste dgon pa daṅ bas mtha’ daṅ yul mi med pa daṅ nags ’dab daṅ ri’i phug daṅ dur khrod daṅ sog ma’i phuṅ po la sogs pa’i gnas mal sna tshogs ni byaṅ chub sems dpa’ (3) sems dpa’ chen po’i dben pa’o źes ṅa mi smra’o ||
rab ’byor gyis gsol pa | bcom ldan ’das yaṅ gal te dgon pa daṅ bas mtha’ daṅ yul mi med pa daṅ nags ’dab daṅ ri’i phug daṅ dur khrod daṅ sog ma’i phuṅ po la sogs pa’i gnas mal sna tshogs na gnas pa las byaṅ (4) chub sems dpa’ sems dpa’ chen po’i dben pa gźan gaṅ lags | bcom ldan ’das yaṅ byaṅ chub sems dpa’ sems dpa’ chen po’i dben pa gźan ci lta bu lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ (5) stsal to ||
rab ’byor gal te byaṅ chub sems dpa’ sems dpa’ chen po ñan thos daṅ ldan pa’i yid la byed pa dag gis dben par gyur raṅ saṅs rgyas daṅ ldan pa’i yid la byed pa de dag gis dben par gyur na | de ltar na byaṅ chub sems dpa’ sems dpa’ chen po dben par gnas (6) pa yin no ||
de groṅ gi naṅ na gnas kyaṅ śes rab kyi pha rol tu phyin pa daṅ thabs mkhas pa daṅ sems can thams cad la byams pa daṅ sñiṅ rje chen po’i gnas pas gnas te | gnas pa ’dis gnas pa de ni dben pa ñid du gnas pa yin no ||
rab ’byor yaṅ ṅas byaṅ chub sems (7) dpa’ sems dpa’ chen po la ñan thos daṅ raṅ saṅs rgyas daṅ ldan pa’i yid la byed pa dag gis dben pa ’di gnaṅ ste | byaṅ chub sems dpa’ sems dpa’ chen po dben pa ’dis gnas pas ñin mtshan ’da’ bar byed na dben par gnas pa yin no ||
gal te byaṅ chub sems dpa’ (214b1) sems dpa’ chen po dgon pa daṅ nags ’dab daṅ ri’i phug daṅ dur khrod daṅ bas mtha’i gnas mal dag na gnas pa ’dis gnas na byaṅ chub sems dpa’ sems dpa’ chen po dben par gnas pa yin no ||
rab ’byor gaṅ yaṅ bdud sdig can gyis dgon pa daṅ nags ’dab daṅ (2) ri’i phug daṅ dur khrod daṅ bas mtha’i gnas mal du gnas pa’i dben pa ñe bar bstan pa’i dben pa des de ñan thos daṅ Raṅa saṅs rgyas daṅ ldan pa’i yid la byed pa dag daṅ ’dres pa ñid du gyur pas śes rab kyi pha rol tu phyin pa la mṅon par mi brtson ciṅ thams cad mkhyen pa’i ye (3) śes yoṅs su rdzogs par mi byed de de ltar ’dres par gnas pas gnas śiṅ | de ltar yid la byed pa yoṅs su ma dag pas gnas pas lus daṅ ṅag daṅ yid kyi las kyi mtha’ yoṅs su ma dag par ’gyur ro ||
lus daṅ ṅag daṅ yid kyi las kyi mtha’ yoṅs su ma dag pas na | (4) byaṅ chub sems dpa’ sems dpa’ chen po de ma yin pa gźan dag groṅ gi naṅ na gnas kyaṅ ñin thos daṅ raṅ saṅs rgyas daṅ ldan pa’i yid la byed pa dag daṅ ma ’dres śiṅ śes rab daṅ thabs daṅ sñiṅ rje chen po la gnas pas gnas pa dag la brñas par sems śiṅ | dgon pa na gnas kyaṅ (5) de’i lus daṅ ṅag daṅ yid kyi las kyi mtha’ yoṅs su ma dag ciṅ ’dres par gnas pa ñid la gnas par ’gyur te dben par gnas pa ma yin la śes rab daṅ thabs daṅ sñiṅ rje chen po la gnas pas gnas pa groṅ na gnas pa lus daṅ ṅag daṅ yid kyi las yoṅs su dag par spyod pa ñan thos daṅ raṅ saṅs (6) rgyas daṅ ldan pa’i yid la byed pa dag gis dben par gyur pa ñan thos daṅ raṅ saṅs rgyas daṅ ldan pa’i yid la byed pa dag daṅ ma ’dres pa de dag la | des brñas pas bsam gtan daṅ tiṅ ṅe ’dzin daṅ sñoms par ’jug pa daṅ rnam par thar pa daṅ mṅon par śes pa rnams thob par mi ’gyur źiṅ de’i (7) de dag yoṅs su rdzogs par mi ’gyur ro ||
de ci’i phyir źe na | ’di ltar de thabs mi mkhas pa yin pa’i phyir ro ||
rab ’byor gaṅ yaṅ byaṅ chub sems dpa’ sems dpa’ chen po ’brog dgon pa dpag tshad brgya ba gcan gzan daṅ ri dgas daṅ bya’i tshogs med pa ri dgas daṅ gcan (215a1) gzan phra mo daṅ gnod sbyin daṅ srin po rjes su rgyu ba med pa chom rkun med pa’i dgon pa ’jigs pa mi bzad pa daṅ ’tshe ba med pa dag na | lo ’am lo brgya ’am lo stoṅ ṅam lo bye ba ’am lo bye ba brgya ’am lo bye ba stoṅ ṅam lo bye ba brgya stoṅ ṅam lo bye ba khrag khrig brgya stoṅ (2) ṅam de bas kyaṅ lhag par gnas śiṅ byaṅ chub sems dpa’ sems dpa’ chen po de dben pa gaṅ du lhag pa’i bsam pas yaṅ dag par źugs śiṅ lhag pa’i bsam pa phun sum tshogs pas gnas pa ṅas bstan pa’i dben pa ’di mi śes na byaṅ chub sems dpa’ thabs mi mkhas pa de mi (3) śes pas dgon pa lhur byed ciṅ gnas te dben pa de la rten pa daṅ źen pa daṅ chags pa daṅ lhag par chags pa daṅ ldan na | rab ’byor byaṅ chub sems dpa’ sems dpa’ chen po des de tsam gyis ṅa’i sems mgu bar byas pa ma yin no ||
de ci’i phyir źe na | rab ’byor dben (4) pa ’dis gnas pa ni byaṅ chub sems dpa’ sems dpa’ chen po rnams kyi dben par ṅas bstan pa gaṅ yin pa’i dben pa de la mi snaṅ ṅo ||
de ltar bdud sdig can ’oṅs nas steṅ gi bar snaṅ gi nam mkha’ la ’dug ste de la ’di skad du rigs kyi bu legs so legs so ||
de (5) bźin gśegs pas byaṅ chub sems dpa’ sems dpa’ chen po’i dben pa bstan pa ni ’di yin te rigs kyi bu khyod dben pa ’di ñid kyis gnas par gyis śig daṅ | de ltar na rigs kyi bu khyod myur du bla na med pa yaṅ dag par rdzogs pa’i byaṅ chub mṅon par rdzogs par saṅs (6) rgyas par ’gyur ro źes smra bar ’gyur źiṅ | de yaṅ dgon pa’i dben pa des | groṅ gi naṅ du źugs pa’i byaṅ chub sems dpa’ sems dpa’ chen po gźan des pa dge sloṅ tshaṅs par spyod pa daṅ bcas pa dge ba’i chos can ñan thos daṅ raṅ saṅs rgyas daṅ ldan pa’i yid la byed pa (7) dag daṅ ma ’dres pa lus daṅ ṅag daṅ yid kyi las kyi mtha’ daṅ ’tsho ba yoṅs su dag pa dag la | brñas par byed ciṅ de ’di skad du kye ma tshe daṅ ldan pa ’di dag ni ’dres par gnas pas gnas par byed de dben par gnas pa ma yin no ||
kye ma tshe daṅ ldan pa ’di dag ni kun tu (215b1) ’dres par gnas pas gnas par byed de dben par gnas pas gnas pa ma yin no źes smra bar ’gyur źiṅ byaṅ chub sems dpa’ sems dpa’ chen po’i dben par gnas pas gnas pa gaṅ yin pa de dag la ’dres par gnas pas rtsod par byed kun tu ’dres par gnas pas rtsod par (2) byed par ’gyur ro ||
gaṅ ’dres par gnas pas gnas pa de dag la ni de dben par gnas pas kun tu spyod pa yin no źes zer ciṅ de la gus pa skyed par ’gyur la gaṅ la gus pa skyed par ’os pa de la ni ṅa rgyal skyed par ’gyur ro ||
de ci’i phyir źe na | rab ’byor gnas pa gaṅ (3) gis bdag gnas pa ’di dag ni gnas pa yin te bdag ni mi ma yin bdag gis bskul ciṅ bdag ni mi ma yin pa dag gis dran par byas pa yin na | groṅ gi naṅ na gnas pa su źig la mi ma yin pa dag skul bar byed groṅ gi naṅ na gnas pa su źig la mi ma yin pa de dag dran par byed par ’gyur (4) sñam nas de ltar de gaṅ zag byaṅ chub sems dpa’i theg pa can dag la brñas par byed de | rab ’byor ’di ni byaṅ chub sems dpa’ gdol par rig par bya’o ||
byaṅ chub sems dpa’ sun ’byin par rig par bya’o ||
byaṅ chub sems dpa’i gzugs brñan du rig par bya’o ||
byaṅ chub sems (5) dpa’ bcos bur rig par bya’o ||
byaṅ chub sems dpa’i sred ra rig par bya ste | dge sbyoṅ gi cha byad du bcos par chom rkun pa’o ||
gaṅ zag byaṅ chub sems dpa’i theg pa can gyi naṅ na chom rkun pa’o ||
lha daṅ bcas pa’i ’jig rten gyi chom rkun pa yin te | rab ’byor yaṅ gaṅ zag (6) de lta bu’i raṅ bźin can ni bsñen par mi bya gus par mi bya ba sñen bkur mi bya’o ||
de ci’i phyir źe na | gaṅ zag de lta bu ni mṅon pa’i ṅa rgyal can du ltuṅ bar rig par bya ste | de lta bu ’dis yaṅ gźan mthu chuṅ ba theg pa la źugs nas riṅ por ma lon pa dag la sun ’byin par byed de gaṅ (7) zag de lta bu ni rnam par ma dag pa’i chos can du rig par bya gaṅ zag de lta bu ni slob dpon daṅ mi ldan par rig par bya’o ||
gaṅ zag de lta bu ni ’phags pa’i chos daṅ mi ldan par rig par bya’o ||
rab ’byor yaṅ byaṅ chub sems dpa’ sems dpa’ chen po gaṅ gis sems can thams cad yoṅs su (216a1) ma btaṅ thams cad mkhyen pa ñid yoṅs su ma btaṅ bla na med pa yaṅ dag par rdzogs pa’i byaṅ chub yoṅs su ma btaṅ ba’i byaṅ chub sems dpa’ sems dpa’ chen po lhag pa’i bsam pas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par (2) ’dod ciṅ sems can thams cad kyi don bya bar ’dod pa des | gaṅ zag de lta bu bsñen par mi bya gus par mi bya bsñen bkur mi bya ba ste | rab ’byor ’on kyaṅ ’di ltar sems can thams cad kyi don du mṅon par brtson pas bdud kyi las de dag daṅ gźan yaṅ śes par bya ba’i phyir rtag (3) tu sems skyo bar bya’o ||
lam ma thob pa’i sems can thams cad la la mñe bar bstan pa’i don du yid mi skrag pa daṅ khams gsum pa daṅ ma ’dres par bya ste | der yaṅ re śig byams pa’i yid daṅ sñiṅ rje’i yid kyis sñiṅ rje chen po bskyed de sñiṅ brtse ba ñe bar bzuṅ nas | (4) yaṅ dag par źugs pa’i sems can rnams la dga’ ba’i sems daṅ | mi dmigs pa’i chos ñid kyis chos rnams la btaṅ sñoms pas ’di ltar ci nas bdud kyi las kyi ñes pa thams cad thams cad nas thams cad rnam pa thams cad du thams cad gtan mi ’byuṅ mi skye ba de ltar (5) bya źiṅ gal te de lta bu byuṅ na yaṅ myur du slad pa de ltar bslab bo źes sems bskyed par bya ste | ’di yaṅ byaṅ chub sems dpa’ sems dpa’ chen po rnams kyi raṅ gi mṅon par śes pas pha rol gnon pa yin par rig par bya ste | rab ’byor ’di yaṅ byaṅ chub sems dpa’ sems dpa’ (6) chen pos dben pa’i yon tan gyis bdud kyi las su rig par bya’o ||
’phags pa śes rab kyi pha rol tu phyin pa brgyad stoṅ pa las bdud kyi las kyi le’u źes bya ste ñi śu rtsa gcig pa’o || ||
śes rab kyi pha rol tu phyin pa brgyad stoṅ pa | bam po bcu dgu pa | de nas (7) yaṅ bcom ldan ’das kyis tshe daṅ ldan pa rab ’byor la bka’ stsal pa | rab ’byor ’di la byaṅ chub sems dpa’ sems dpa’ chen po lhag pa’i bsam pa la yaṅ dag par źugs śiṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas | daṅ po ñid du dge (216b1) ba’i bśes gñen dag la bsñen par bya gus par bya bsñen bkur bya’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po lhag pa’i bsam pa la yaṅ dag par źugs śiṅ bla na med pa yaṅ dag par rdzogs pa’i byaṅ chub mṅon par rdzogs (2) par ’tshaṅ rgya bar ’tshal bas | daṅ po kho nar dge ba’i bśes gñen gaṅ dag la bsñen par bgyi ba daṅ gus par bgyi ba daṅ bsñen bkur bgyi ba’i byaṅ chub sems dpa’ sems dpa’ chen po’i dge ba’i bśes gñen de dag gaṅ lags par ’tshal bar bgyi | de skad ces (3) gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor saṅs rgyas bcom ldan ’das ñid daṅ | phyir mi ldog par gyur pa’i byaṅ chub sems dpa’ sems dpa’ chen po gaṅ yin pa byaṅ chub sems dpa’i spyod pa la mkhas (4) pa gaṅ dag pha rol tu phyin pa ’di dag legs par ’doms śiṅ rjes su ston pa de dag daṅ | gaṅ dag śes rab kyi pha rol tu phyin pa ’di ston ciṅ ñe bar ston pa de dag ni rab ’byor byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor śes (5) rab kyi pha rol tu phyin pa ñid byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor pha rol tu phyin pa drug po thams cad ñid byaṅ chub sems dpa’ sems dpa’ chen po’i dge ba’i bśes gñen du rig par bya ste | pha rol tu phyin pa drug po ñid ni ston pa’o (6) pha rol tu phyin pa drug ni lam mo ||
pha rol tu phyin pa drug ni snaṅ ba’o ||
pha rol tu phyin pa drug ni sgron ma’o ||
pha rol tu phyin pa drug ni ’od do ||
pha rol tu phyin pa drug ni skyob pa’o ||
pha rol tu phyin pa drug ni skyabs so ||
pha rol tu phyin pa drug ni gnas so ||
pha rol tu phyin pa drug ni (7) dpuṅ gñen no ||
pha rol tu phyin pa drug ni gliṅ ṅo ||
pha rol tu phyin pa drug ni ma’o ||
pha rol tu phyin pa drug ni pa’o ||
pha rol tu phyin pa drug ni śes pa daṅ rtogs pa daṅ bla na med pa yaṅ dag par rdzogs par byaṅ chub pa’i don du gnas par gyur pa’o | de ci’i phyir źe na | rab ’byor (217a1) śes rab kyi pha rol tu phyin pa ni ’di lab rten pa yin te ’di lta ste pha rol tu phyin pa drug po rnams la’o ||
rab ’byor ’oṅs pa’i dus kyi de bźin gśegs pa dgra bcom pa yaṅ dag dar rdzogs pa’i saṅs rgyas gaṅ dag bla na med pa yaṅ dag par rdzogs pa’i byaṅ chub mṅon par rdzogs (2) par saṅs rgyas nas yoṅs su mya ṅan las ’das pa’i saṅs rgyas bcom ldan ’das de dag gi thams cad mkhyen pa ñid kyaṅ ’di lta ste pha rol tu phyin pa drug po ’di dag las skyes so ||
rab ’byor ma ’oṅs pa’i dus na ’byuṅ pa’i de bźin gśegs pa dgra bcom pa yaṅ dag par rdzogs pa’i saṅs (3) rgyas gaṅ dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i saṅs rgyas bcom ldan ’das de dag gi thams cad mkhyen pa ñid kyaṅ ’di lta ste pha rol tu phyin pa drug po ’di dag las skye’o ||
rab ’byor ’jig rten gyi khams gźal du med graṅs med (4) dpag tu med bsam gyis mi khyab pa dag na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag de ltar bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas bźugs te ’tsho źiṅ gźes la chos ston pa’i saṅs rgyas bcom ldan (5) ’das de dag gi thams cad mkhyen pa ñid kyaṅ ’di lta ste pha rol tu phyin pa drug po ’di dag las skyes so ||
rab ’byor da ltar de bźin gśegs pa dgra bcom pa yaṅ dag par rdzogs pa’i saṅs rgyas de yaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i (6) ṅa’i thams cad mkhyen pa yaṅ rab ’byor ’di lta ste pha rol tu phyin pa drug po ’di dag las skyes so ||
de ci’i phyir źe na | rab ’byor pha rol tu phyin pa dug po ’di dag gi naṅ na byaṅ chub kyi phyogs kyi chos sum cu rtsa bdun rnams ’dus śiṅ | tshaṅs pa’i gnas bźi daṅ bsdu ba’i dṅos po bźi daṅ saṅs (7) rgyas kyi chos ci sñed yod pa ste | saṅs rgyas kyi ye śes daṅ raṅ byuṅ gi ye śes daṅ bsam gyis mi khyab pa’i ye śes daṅ gźal du med pa’i yi ges daṅ graṅs med pa’i ye śes daṅ mñam pa med pa’i ye śes daṅ mi mñam pa daṅ mñam pa’i ye śes daṅ thams cad mkhyen pa’i ye śes de dag thams (217b1) cad pha rol tu phyin pa drug gi naṅ na ’dus pa’i phyir ro ||
rab ’byor de lta bas na pha rol tu phyin pa drug po ’di dag ñid byaṅ chub sems dpa’ sems dpa’ chen po’i dge ba’i bśis gñen no ||
pha rol tu phyin pa drug po ’di ñid ston pa’o ||
pha rol tu phyin pa drug ni lam mo ||
pha rol (2) tu phyin pa drug ni snaṅ ba’o ||
pha rol tu phyin pa drug ni sgron ma’o ||
pha rol tu phyin pa drug ni ’od do ||
pha rol tu phyin pa drug ni skyob pa’o ||
pha rol tu phyin pa drug ni skyabs so ||
pha rol tu phyin pa drug ni gnas so ||
pha rol tu phyin pa drug ni dpuṅ gñen no ||
pha rol tu phyin pa drug (3) ni gliṅ ṅo ||
pha rol tu phyin pa drug ni ma’o ||
pha rol tu phyin pa drug ni pha’o ||
pha rol tu phyin pa drug ni śes pa daṅ rtogs pa daṅ thams cad mkhyen pa ñid daṅ bla na med pa yaṅ dag par rdzogs pa’i byaṅ chub thob par bya ba’i don du gnas par ’gyur ba’o ||
nam byaṅ chub sems dpa’ sems (4) dpa’ chen po pha rol tu phyin pa drug la slob pa na lan ldon mi nus pa thams cad la yaṅ de phan ’dogs par ’gyur ba yin no ||
rab ’byor yaṅ pha rol tu phyin pa drug po ’di dag la slob par ’dod pa’i byaṅ chub sems dpa’ sems dpa’ chen po śes rab kyi pha rol tu phyin pa ’di ñid mñan (5) par bya gzuṅ bar bya bcaṅ bar bya klag par bya kun chub par bya rab tu gdon par bya bstan par bya ñe bar bstan par bya luṅ dpog par bya kha ton du bya don daṅ chos daṅ tshul gyis ñe bar yoṅs su brtag par bya ñe bar bsam par bya ’dri bar bya yoṅs su ’dri bar bya’o ||
de ci’i phyir źe na | śes rab kyi pha rol (6) tu phyin pa ’di ni pha rol tu phyin pa drug po ’di dag gi sṅon du ’gro ba’o ’dren pa’o rab tu ’dren pa’o yaṅ dag par ston pa’o kun tu sñon pa’o skyed pa’o ma ma’o ||
de ci’i phyir źe na | śes rab kyi pha rol tu phyin pa daṅ bral na pha rol tu phyin pa lṅa ni mi snaṅ źiṅ pha rol tu phyin pa źes bya ba’i miṅ yaṅ thob par mi ’gyur ro ||
(7) rab ’byor de lta bas na byaṅ chub sems dpa’ sems dpa’ chen po gźan gyi driṅ mi ’jog par ’gro bar ’dod ciṅ byaṅ chub sems dpa’ sems dpa’ chen po gźan gyi drid mi ’jog pa la gnas par ’dod pas śes rab kyi pha rol tu phyin pa ’di ñid la bslab par bya’o ||
rab ’byor gyis gsol pa | (218a1) bcom ldan ’das śes rab kyi pha rol tu phyin pa’i mtshan ñid gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor śes rab kyi pha ral tu phyin pa ni chags pa med pa’i mtshan ñid do ||
rab ’byor (2) gyis gsol ba | bcom ldan ’das rnam graṅs gaṅ daṅ chags pa ma mchis pa’i mtshan ñid gaṅ gis śes rab kyi pha rol tu phyin pa mchis par ’gyur ba’i chags pa ma mchis pa’i mtshan ñid de ñid kyis chos thams cad mchis par ’gyur ba’i rnam graṅs mchis sam | bcom ldan ’das (3) kyis bka’ stsal pa | rab ’byor de de bźin no de de bźin te | rab ’byor rnam graṅs gaṅ daṅ chags pa med pa’i mtshan ñid gaṅ gis śes rab kyi pha rol tu phyin pa yod par ’gyur ba’i chags pa med pa’i mtshan ñid de ñid kyis chos thams cad yod par ’gyur ba’i rnam graṅs yod do ||
(4) de ci’i phyir źe na | rab ’byor chos thams cad ni dben pa’o ||
rab ’byor chos thams cad ni stoṅ pa sta | rab ’byor de lta bas na chags pa med pa’i mtshan ñid gaṅ gis śes rab kyi pha rol tu phyin pa dben pa daṅ stoṅ par ’gyur ba’i chags pa med pa’i mtshan ñid de ñid kyis chos thams (5) cad ni dben pa daṅ stoṅ pa’o ||
rab ’byor gyis gsol pa | bcom ldan ’das gal te chos thams cad dben pa daṅ chos thams cad stoṅ pa lags na | bcom ldan ’das ci ltar sems can rnams kun nas ñon moṅs par rab tu śes par ’gyur bcom ldan ’das ci ltar sems can (6) rnams rnam par byaṅ ba rab tu śes par ’gyur | bcom ldan ’das dben pa ni kun nas ñon moṅs par mi ’gyur bcom ldan ’das dben pa ni rnam par byaṅ bar mi ’gyur ro ||
bcom ldan ’das stoṅ pa ni kun nas ñon moṅs par mi ’gyur bcom ldan ’das stoṅ pa ni rnam par byaṅ bar (7) mi ’gyur ro ||
bcom ldan ’das dben pa ’am stoṅ pa ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgyal bcom ldan ’das dben pa daṅ stoṅ pa ñid las gźan na yaṅ gaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa (218b1) ’am mṅon par rdzogs par ’tshaṅ rgya bar ’gyur ba ’am mṅon par rdzogs par ’tshaṅ rgya ba’i chos de dmigs su ma mchis na | bcom ldan ’das bśad pa ’di’i don bdag gis ci ltar ’tshal bar bgyi | bcom ldan ’das bstan du gsol | bde bar gśegs pa bstan du gsol | de (2) skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de ci sñam du sems sems can rnams yun riṅ po nas ṅar ’dzin pa dṅaṅ yir ’dzin pa la spyod dam | rab ’byor gyis gsol pa | bcom ldan ’das de de bźin no ||
(3) bde bar gśegs pa de de bźin te | sems can rnams ni yun riṅ po nas ṅar ’dzin pa daṅ ṅa yir ’dzin pa la spyod do ||
bcom ldan ’das kyis bka’ stsal pa | rab ’byor de ci sñam du sems ci ṅar ’dzin pa daṅ ṅa yir ’dzin pa stoṅ pa yin nam | rab ’byor gyis gsol pa | bcom ldan (4) ’das stoṅ pa lags so ||
bde bar gśegs pa stoṅ pa lags so ||
bcom ldan ’das kyis bka’ stsal pa | rab ’byor de ci sñam du sems ṅar ’dzin pa daṅ ṅa yir ’dzin pas sems can rnams ’khor ba na ’khor ram | rab ’byor gyis gsol pa | bcom ldan ’das de de bźin no ||
(5) bde bar gśegs pa de de bźin te | ṅar ’dzin pa daṅ ṅa yir ’dzin pas sems can rnams ’khor ba na ’khor ro ||
bcom ldan ’das kyis bka’ stsal pa | rab ’byor de ltar na sems can rnams kun nas ñon moṅs par rab tu śes so ||
ci ltar sems can rnams ’dzin pa daṅ mṅon (6) par chags pa de ltar kun nas ñon moṅs par ’gyur gyi | ’di la su yaṅ kun nas ñon moṅs par ’gyur ba ni med do ||
rab ’byor ci ltar ’dzin pa med pa daṅ mṅon par chags pa med pa de ltar ṅar ’dzin pa daṅ ṅa yir ’dzin pa rab tu mi śes te | rab ’byor de ltar na sems can rnams (7) rnam par byaṅ bar rab tu śes so ||
ci ltar sems can rnams la ’dzin pa med ciṅ mṅon par chags pa med pa de ltar rnam par byaṅ bar ’gyur gyi | ’di la su yaṅ rnam par byaṅ bar ’gyur ba ci med do ||
rab ’byor byaṅ chub sems dpa’ sems dpa’ chen po de ltar spyod na śes rab kyi (219a1) pha rol tu phyin pa la spyod do ||
rab ’byor de ltar chos thams cad dben źiṅ chos thams cad stoṅ pa la sems can rnams kun nas ñon moṅs pa daṅ rnam par byaṅ bar rab tu śes so ||
rab ’byor gyis gsol pa | bcom ldan ’das ’di ltar chos thams cad dben (2) źiṅ chos thams cad stoṅ pa la sems can rnams kun nas ñon moṅs pa daṅ rnam par byaṅ ba yaṅ rab tu śes pa ’di ni ṅo mtshar to ||
bcom ldan ’das byaṅ chub sems dpa’ sems dpa’ chen po de ltar spyod na śes rab kyi pha rol tu phyin pa la spyod do ||
bcom ldan ’das byaṅ chub sems (3) dpa’ sems dpa’ chen po de ltar spyod na gzugs la mi spyod de | tshor pa la ma lags ’du śes la ma lags ’du byed rnams la ma lags rnam par śes pa la mi spyod do ||
bcom ldan ’das byaṅ chub sems dpa’ sems dpa’ chen po de ltar spyod na lha daṅ mi daṅ lha ma yin du bcas (4) pa’i ’jig rten gyis mi brdzi bar ’gyur ro ||
bcom ldan ’das byaṅ chub sems dpa’ sems dpa’ chen po de ltar spyod na gaṅ zag ñan thos kyi theg pa can daṅ raṅ saṅs rgyas kyi theg pa can thams cad kyi spyod pa zil gyis gnon te zil gyis mi non pa’i gnas kyaṅ ’thob bo ||
de ci’i slad du źe na | (5) bcom ldan ’das saṅs rgyas ñid daṅ de bźin gśegs pa ñid daṅ raṅ ’byuṅ ñid daṅ thams cad mkhyen pa ñid ni zil gyis mi non pa lags te ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa daṅ ldan pa yid la bgyid pa’i gnas pa ’das kyaṅ (6) gnas te ñin mtshan ’da’ bar bgyid na bla na med pa yaṅ dag par rdzogs pa’i byaṅ chub la ñe bar ’gyur źiṅ myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de skad ces gsol pa daṅ | bcom ldan ’das kyis tshe daṅ ldan pa rab ’byor (7) la ’di skad ces bka’ stsal to ||
rab ’byor de de bźin no de de bźin te | rab ’byor byaṅ chub sems dpa’ sems dpa’ chen po de ltar spyod na śes rab kyi pha rol tu phyin pa la spyod do ||
byaṅ chub sems dpa’ sems dpa’ chen po de ltar spyod na gzugs la mi spyod de | de bźin du (219b1) tshor ba la ma yin ’du śes la ma yin ’du byed rnams la ma yin rnam par śes pa la mi spyod do ||
rab ’byor byaṅ chub sems dpa’ sems dpa’ chen po de ltar spyod na lha daṅ mi daṅ lha ma yin du bcas pa’i ’jig rten dag yis mi brdzi bar ’gyur ro ||
rab ’byor byaṅ chub sems dpa’ sems (2) dpa’ chen po de ltar spyod na gaṅ zag ñan thos kyi theg pa can daṅ raṅ saṅs rgyas kyi theg pa can thams cad kyi spyod pa zil gyis gnon te zil gyis mi non pa’i gnas kyaṅ ’thob par ’gyur ro ||
de ci’i phyir źe na | rab ’byor saṅs rgyas ñid daṅ de bźin gśegs pa ñid daṅ raṅ byuṅ ñid daṅ (3) thams cad mkhyen pa ñid ni zil gyis mi gnon pa’o ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa daṅ ldan pa’i yid la byed pa’i gnas pa ’dis kyaṅ gnas te ñin mtshan ’da’ bar byed na bla na med pa yaṅ dag par rdzogs pa’i byaṅ chub la ñe bar gyur pa yin (4) te myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
rab ’byor yaṅ gal te ’dzam bu’i gliṅ na sems can ci steṅ yod pa de dag thams cad kyis sṅa phyi med par mi’i lus thob par gyur la mi’i lus thob nas bla na med pa yaṅ dag par rdzogs pa’i byaṅ (5) chub tu sems bskyed de bla na med pa yaṅ dag par rdzogs pa’i byaṅ chub tu sems bskyed nas ci srid ’tsho’i bar du gnas śiṅ ci srid ’tsho’i bar du gnas nas ci srid ’tsho’i bar du de bźin gśegs pa thams cad la bkur stir byed bla mar byed rjed par byed mchod par byed ri mor byed bsñen bkur byed (6) ciṅ | de bźin du sems can thams cad la sbyin pa byin la sbyin pa de yaṅ bla na med pa yaṅ dag par rdzogs pa’i byaṅ chub tu yoṅs su bsṅo na rab ’byor de ci sñam du sems byaṅ chub sems dpa’ sems dpa’ chen po de dag de’i gźi las bsod nams maṅ du skyed dam | rab ’byor gyis gsol (7) pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ stsal pa | rab ’byor de bas kyaṅ byaṅ chub sems dpa’ sems dpa’ chen po gaṅ chuṅ ṅu na ñin gcig tsam yaṅ śes rab kyi pha rol tu phyin pa daṅ ldan pa’i yid la byed pas gnas na rigs kyi bu (220a1) ’am rigs kyi bu mo de ches bsod nams maṅ du skyed do ||
de ci’i phyir źe na | rab ’byor ci lta ci ltar byaṅ chub sems dpa’ sems dpa’ chen po śes rab kyi pha rol tu phyin pa daṅ ldan pa’i yid la byed pas ñin mtshan du gnas pa de lta de ltar sems can thams cad kyi sbyin (2) pa’i gnas su ’gyur ro ||
de ci’i phyir źe na | rab ’byor de ni ’di ltar byaṅ chub sems dpa’ sems dpa’ chen po de’i byams pa daṅ ldan pa’i sems de lta bu ni saṅs rgyas bcom ldan ’das ma gtogs par sems can gźan dag la med do ||
de ci’i phyir źe na | rab ’byor de bźin (3) gśegs pa ni gaṅ zag zla med pa’o ||
rab ’byor de bźin gśegs pa ni dpe med pa’o ||
rab ’byor de bźin gśegs pa dag bcom pa yaṅ dag par rdzogs pa’i saṅs rgyas ni bsam gyis mi khyab pa’i chos rnams daṅ ldan pa’o ||
rab ’byor ci ltar na rigs kyi bu ’am rigs kyi bu mo (4) des de sñed kyi bsod nams mṅon par bsgrub ce na | rab ’byor byaṅ chub sems dpa’ sems dpa’ chen po de śes rab ci lta bu daṅ ldan par gyur pas sems can thams cad gsad par bya bar ’gyur ba lta bur mthoṅ ste | ṅes de’i tshe na sñiṅ rje chen po yoṅs su gzuṅ bar gyur ciṅ des lha’i (5) mig gis bltas pa daṅ sems can gźal du med bgraṅ du med tshad gzuṅ du med pa dpag tu med pa rnams mtshams med pa’i las rnams daṅ ldan par gyur par mthoṅ źiṅ | mi khom par gyur pa daṅ | rnam par ñams pa daṅ lta ba’i dra bas khebs pa daṅ lam ma rñed pa daṅ mi khom par (6) gyur pa gźan dag kyaṅ mthoṅ la dal ba chud gson pa dag mthoṅ nas | de’i dus na de skyo ba chen po skyes te des sems can de dag thams cad la byams pa chen po de daṅ sñiṅ rje chen po des khyab par byas nas | bdag ni sems can ’di dag thams cad kyi mgon du gyur par bya źiṅ bdag gis sems (7) can ’di dag thams cad sdug bsṅal las thar bar bya’o sñam du yid la byas par ’gyur ba daṅ | mtshan ma dag gam gźan dag lhan cig mi gnas par ’gyur ba’i śes rab de lta bu daṅ ldan par ’gyur ro ||
rab ’byor ’di yaṅ byaṅ chub sems dpa’ sems dpa’ chen po’i bla na med pa yaṅ dag (220b1) par rdzogs pa’i byaṅ chub mṅon par rdzogs par ’tshaṅ rgya bar bya ba la śes rab kyi snaṅ ba chen po’o ||
rab ’byor ’di ltar gnas pas gnas pa’i byaṅ chub sems dpa’ sems dpa’ chen po ni ’jig rten thams cad kyi sbyin gnas su yoṅs su ’dzin ciṅ bla na maṅ pa yaṅ dag par rdzogs pa’i byaṅ (2) chub las phyir mi ldog go ||
sbyin pa po daṅ sbyin pa’i bdag po gaṅ dag gis chos gos daṅ bsod sñoms daṅ mal cha daṅ nad kyi gsos sman daṅ yo byad rnams la śes rab kyi pha rol tu phyin pa ’di la sems rab tu ña bar bźag pas yoṅs su spyod na | sbyin pa po daṅ sbyin pa’i bdag po rnams kyi (3) sbyin pa daṅ yon rnam par sbyoṅ bas de dag thams cad mkhyen pa ñid du ñe bar ’gyur ro ||
rab ’byor de lta bas na byaṅ chub sems dpa’ sems dpa’ chen po yul ’khor gyi bsod sñoms ’bras bu yod par loṅs spyod par ’dod pa daṅ sems can thams cad la lam ston par ’dod pa daṅ (4) rgya cher snaṅ bar byed ’dod pa daṅ sems can ’khor ba na gnas pa rnams ’khor ba las thar bar byed ’dod pa daṅ sems can thams cad kyi mig rnam par sbyoṅ bar ’dod pas śes rab kyi pha rol tu phyin pa daṅ ldan pa’i yid la byed pa ’dis gnas par bya’o ||
gal te yid la byed pa (5) ’dis gnas par ’dod na des śes rab kyi pha rol tu phyin pa daṅ ldan pa’i yid la byed pa śes par bya’o ||
de ci’i phyir źe na | gaṅ źig ’di dag śes par bya bar sems pa de ñid de’i yid la byed par ’gyur te | de las gźan śes rab kyi pha rol tu phyin pa daṅ bral ba’i yid (6) la byed pa’i skabs dbye bar mi bya’o ||
ci ltar ’di śes rab kyi pha rol tu phyin pa daṅ ldan pa’i yid la byed pas ñin mtshan zad par ’gyur ba de ltar bya’o ||
rab ’byor ’di lta ste dper na nor bu rin po che śes pa la gnas pa’i skyes bu ’ga’ źig gis nor bu rin po che’i rigs śes (7) pas sṅon ma rñed pa’i nor bu rin po che chen po źig rñed par gyur la | des nor bu rin po che chen po de rñed pas dga’ ba daṅ rab tu dga’ ba che źiṅ yaṅs pa daṅ ldan pa gyur pa las | de’i nor bu rin po che chen po de yaṅ stor ba daṅ de de’i gźi las sdug bsṅal ba daṅ yid mi (221a1) bde ba chen po daṅ ldan par ’gyur te | de ’di ltar kye ma bdag ni nor bu rin po che chen po de daṅ bral lo źes rtag tu rgyun mi ’chad par nor bu rin po che chen po daṅ bral ba’i yid la byed pa ’byuṅ źiṅ de ltar nor bu rin po che chen po da ’am de ma yin pa gźan de daṅ yon tan (2) ’dra źiṅ rigs mthun pa rñed par gyur gyi bar du skyes bu de nor bu rin po che chen po de mi brjed do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa’i nor bu rin po che chen po las yoṅs su ñams pas kyaṅ nor bu rin po che chen po las yoṅs su (3) ñams pa nor bu rin po che chen po la rin po cher ’du śes pa ltar | śes rab kyi pha rol tu phyin pa yid la byed pa daṅ ldan źiṅ śes rab kyi pha rol tu phyin pa yid la byed pa daṅ ma bral pas thams cad mkhyen pa’i sems kyis ci srid du de ’am gźan rñed par gyur pa de srid du btsal bar bya źiṅ | (4) de srid du des śes rab kyi pha rol tu phyin pa’i nor bu rin po che chen po rñed pa daṅ ldan pa’i yid la byed pa daṅ thams cad mkhyen pa ñid kyi nor bu rin po che chen po rñed pa daṅ ldan pa’i yid la byed pa daṅ mi ’brel bar ’gyur bar bya’o ||
rab ’byor gyis gsol pa | bcom ldan ’das gaṅ yaṅ (5) bcom ldan ’das kyis chos thams cad daṅ yid la bgyid pa thams cad ni ṅo bo ñid daṅ bral ba daṅ stoṅ par gsuṅs lags na | bcom ldan ’das ci ltar na byaṅ chub sems dpa’ sems dpa’ chen po de śes rab kyi pha rol tu phyin pa daṅ ldan pa’i yid la bgyid pa daṅ thams cad mkhyen (6) pa ñid daṅ ldan pa’i yid la bgyid pa daṅ ma bral bar ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te byaṅ chub sems dpa’ sems dpa’ chen po ’di sñam du chos thams cad ni raṅ bźin gyis (7) dben pa’o chos thams cad ni raṅ bźin gyis stoṅ pa’o źes yid la byed na | de ltar yid la byed pa de ni śes rab kyi pha rol tu phyin pa daṅ ldan pa’i yid la byed pa daṅ thams cad mkhyen pa daṅ ldan pa’i yid la byed pa daṅ ma bral ba yin no ||
de ci’i phyir źe na | rab ’byor śes rab kyi pha (221b1) rol tu phyin pa ni stoṅ pa ste de ni mi ’phel mi ’grib bo ||
rab ’byor gyis gsol pa | bcom ldan ’das gal te śes rab kyi pha rol tu phyin pa stoṅ pa ste de mi ’phel mi ’grib na bcom ldan ’das de ci ltar byaṅ chub sems dpa’ sems dpa’ chen po ’phel ba ma mchis pa’i śes rab (2) kyi pha rol tu phyin pas byaṅ chub tu bsgrub par ’gyur | ci ltar na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab (3) ’byor yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni ’phel ba ’am ’grib pa med do ||
rab ’byor ci ltar śes rab kyi pha rol tu phyin pa stoṅ pas de ’phel ba daṅ ’grib pa med do ||
rab ’byor de bźin du byaṅ chub sems dpa’ sems dpa’ (4) chen po yaṅ stoṅ pas de ’phel ba med ciṅ ’grib pa med do ||
rab ’byor gaṅ gi phyir ci ltar śes rab kyi pha rol tu phyin pa stoṅ pas de ’phel ba med ciṅ ’grib pa med pa yin la rab ’byor de bźin du byaṅ chub sems dpa’ sems dpa’ chen po stoṅ pas de ’phel ba med ciṅ ’grib pa med pa (5) yin pa de’i phyir byaṅ chub sems dpa’ sems dpa’ chen po byaṅ chub kyi phyir yaṅ dag par sgrub ciṅ de ltar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor gal te de skad du bśad pa la byaṅ chub sems dpa’ sems dpa’ chen po mi (6) dṅaṅ kun tu mi skrag kun tu skrag pa daṅ mi ldan źiṅ źum par ma gyur na rab ’byor byaṅ chub sems dpa’ sems dpa’ chen po de śes rab kyi pha rol tu phyin pa ’di la spyod par rig par bya’o ||
rab ’byor gyis gsol pa | bcom ldan ’das yaṅ ci śes rab kyi pha rol tu phyin pa śes (7) rab kyi pha rol tu phyin pa la spyod dam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci śes rab kyi pha rol tu phyin pa’i stoṅ pa ñid gaṅ lags pa de śes rab kyi pha rol tu phyin pa la spyod dam | bcom (222a1) ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci śes rab kyi pha rol tu phyin pa’i stoṅ pa ñid las gźan na gaṅ śes rab kyi pha rol tu phyin pa la spyod pa’i chos de ’ga’ yaṅ dmigs sam | (2) bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci stoṅ pa ñid śes rab kyi pha rol tu phyin pa la spyod dam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis (3) gsol pa | bcom ldan ’das yaṅ ci śes rab kyi pha rol tu phyin pa la spyod pa’i chos ’ga’ yaṅ stoṅ pa ñid ’di la dmigs sam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci stoṅ pa ñid la (4) stoṅ pa ñid spyod dam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci gzugs śes rab kyi pha rol tu phyin pa la spyod dam | bcom ldan ’das kyis bka’ stsal pa | rab ’byor de ni ma yin no ||
(5) rab ’byor gyis gsol pa | bcom ldan ’das yaṅ ci tshor ba daṅ ’du śes daṅ ’du byed rnams daṅ bcom ldan ’das yaṅ ci rnam par śes pa śes rab kyi pha rol tu phyin pa la spyod dam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol (6) pa | bcom ldan ’das yaṅ ci gzugs las gźan na gaṅ śes rab kyi pha rol tu phyin pa la spyod pa’i chos de ’ga’ yaṅ dmigs sam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan ’das yaṅ ci tshor ba daṅ (7) ’du śes daṅ ’du byed rnams las gźan daṅ rnam par śes pa las gźan na gaṅ śes rab kyi pa rol tu phyin pa la spyod pa’i chos de ’ga’ yaṅ dmigs sam | bcom ldan ’das kyis bka’ stsal pa | rab ’byor de ni ma yin no ||
rab ’byor gyis gsol pa | bcom ldan (222b1) ’das ’o na ci ltar byaṅ chub sems dpa’ sems dpa’ chen po śes rab kyi pha rol tu phyin pa la spyod par ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor yaṅ ci gaṅ źig śes rab kyi pha rol tu (2) phyin pa la spyod pa’i chos de khyod kyis yaṅ dag par rjes su mthoṅ ṅam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor śes rab kyi pha rol tu phyin pa gaṅ la byaṅ chub sems dpa’ sems dpa’ chen po spyod (3) pa’i śes rab kyi pha rol tu phyin pa de khyod kyis yaṅ dag par rjes su mthoṅ ṅam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de ci sñam du sems chos ’ga’ źig dmigs su med pa’i chos de yaṅ (4) dag par rjes su mthoṅ ṅam | chos de ñid skyes pa ’am skye bar ’gyur ba ’am skye ba ’am ’gags pa ’am ’gag par ’gyur ba ’am ’gag pa yin nam ci | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor (5) de ltar na byaṅ chub sems dpa’ sems dpa’ chen po’i mi skye ba’i chos la bzod pa ni de lta bu’i ṅo bo yin te | rab ’byor de lta bu’i ṅo bo’i bzod pa daṅ ldan pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub tu luṅ bstan par ’gyur ro ||
rab (6) ’byor byaṅ chub sems dpa’ sems dpa’ chen po ni de bźin gśegs pa’i mi ’jigs pa’i lam ’di bsgrubs nas | de ltar spyod ciṅ de ltar brtson te de ltar ’bad na saṅs rgyas kyi ye śes bla na med pa daṅ ye śes chen po daṅ thams cad mkhyen pa’i ye śes daṅ ded dpon chen po’i ye (7) śes thob par mi ’gyur ba ’di ni gnas med do ||
rab ’byor gyis gsol pa | bcom ldan ’das chos thams cad kyi mi skye ba’i chos ñid gaṅ lags pa de bla na med pa yaṅ dag par rdzogs pa’i byaṅ chub tu luṅ bstan par ’gyur ram | bcom ldan ’das kyis bka’ stsal pa | (223a1) rab ’byor de ni ma yin no ||
rab ’byor gyis gsol pa | bcom ldan ’das ’o na da chos gaṅ la bla na med pa yaṅ dag par rdzogs pa’i byaṅ chub tu luṅ bstan pa lags | bcom ldan ’das kyis bka’ stsal pa | rab ’byor yaṅ ci khyod kyis chos gaṅ bla na med (2) pa yaṅ dag par rdzogs pa’i byaṅ chub tu luṅ bstan pa’i chos de yaṅ dag par rjes su mthoṅ ṅam | rab ’byor gyis gsol pa | bcom ldan ’das de ni ma lags te | bcom ldan ’das chos gaṅ bla na med pa yaṅ dag par rdzogs pa’i byaṅ chub tu luṅ bstan pa daṅ luṅ ston par ’gyur ba daṅ (3) luṅ ston pa’i chos de ni bdag gis yaṅ dag par rjes su ma mthoṅ ṅo ||
bcom ldan ’das chos gaṅ mṅon par rdzogs par saṅs rgyas pa ’am chos gaṅ mṅon par rdzogs par saṅs rgyas par bgyi ba ’am chos gaṅ gis mṅon par rdzogs par ’tshaṅ rgya bar ’gyur ba’i chos de yaṅ (4) bdag gis yaṅ dag par rjes su ma mthoṅ ṅo ||
de ci’i slad du źe na | bcom ldan ’das chos thams cad dmigs su ma mchis pa’i bdag ’di sñam du chos ’di ni mṅon par rdzogs par ’tshaṅ rgya’o chos ’di ni mṅon par rdzogs par ’tshaṅ rgya bar bgyi’o chos ’dis ni mṅon par rdzogs (5) par saṅs rgyas so źes mi sems pa’i slad du’o ||
’phags pa śes rab kyi pha rol tu phyin pa brgyad stoṅ pa las dge ba’i bśes gñen gyi le’u źes bya ste ñi śu rtsa gñis pa’o || ||
yaṅ de’i tshe lha rnams kyi dbaṅ po brgya byin ’khor de ñid du ’dus par gyur nas (6) ’dug go ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ’di ni zab bo ||
kye ma bcom ldan ’das śes rab kyi pha rol tu phyin pa ’di ni blta dka’ źiṅ rtogs par dka’ ba’o ||
de skad ces (7) gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | kau śi ka śes rab kyi pha rol tu phyin pa ’di ni zab bo ||
kau śi ka śes rab kyi pha rol tu phyin pa ’di ni blta dka’ źiṅ rtogs par (223b1) dka’ ba ste | nam mkha’ zab pa’i phyir śes rab kyi pha rol tu phyin pa ’di zab bo ||
śes rab kyi pha rol tu phyin pa ’di dben pa’i phyir blta dka’ ba’o ||
stoṅ pa’i phyir rtogs par dka’o ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis (2) ’di skad ces gsol to ||
bcom ldan ’das gaṅ dag śes rab kyi pha rol tu phyin pa zab mo ’di ñan bar ’gyur źiṅ thos nas kyaṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ yi ger (3) ’dri bar ’gyur ba’i sems can de dag ni ṅan ṅon gyi dge ba’i rtsa ba daṅ ldan pa ma lags so ||
de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | kau śi ka gaṅ dag śes rab (4) kyi pha rol tu phyin pa zab mo ’di ñan par ’gyur źiṅ thos nas kyaṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur ba’i sems can de dag ni ṅan ṅon gyi dge ba’i rtsa ba (5) daṅ ldan pa ma yin no ||
kau śi ka ’dzam bu’i gliṅ na sems can ci sñed yod pa de dag thams cad dge ba bcu’i las kyi lam la bkod par gyur na kau śi ka de ci sñam du sems ci sems can de dag yaṅ de’i gźi las bsod nams maṅ du skyed dam | brgya byin gyis gsol pa | bcom (6) ldan ’das maṅ ṅo ||
bde bar gśegs pa maṅ ṅo ||
bcom ldan ’das kyis bka’ stsal pa | kau śi ka rigs kyi bu’am rigs kyi bu mo ’di de bas bsod nams maṅ du skyed de | gaṅ śes rab kyi pha rol tu phyin pa ’di ñan pa daṅ thos nas kyaṅ ’dzin pa daṅ ’chaṅ ba daṅ klog pa daṅ kun (7) chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ bton byed pa daṅ yi ger ’dri bar ’gyur ba ste | gau śi ka rigs kyi bu’am rigs kyi bu mo gaṅ źig śes rab gyi pha rol tu phyin pa zab mo ’di ñan par ’gyur źiṅ thos nas kyaṅ ’dzin pa daṅ ’chaṅ ba daṅ klog pa (224a1) daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur de dge ba’i rtsa ba gaṅ daṅ ldan par ’gyur ba’i bsod nams kyi phuṅ po ’di la sṅa ma ’dzam bu’i gliṅ gi sems can thams cad kyi (2) tshul khrims las byuṅ ba’i bsod nams kyi phuṅ pos brgya’i char yaṅ ñe bar mi ’gro | stoṅ gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba stoṅ gi char yaṅ bye ba brgya stoṅ gi char yaṅ bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ (3) ñe bar mi ’gro’o ||
bgraṅ bar yaṅ dper yaṅ dpes bstan par bya bar yaṅ gźir yaṅ rgyur yaṅ mi bzod do ||
de nas dge sloṅ gźan źig gis lha rnams kyi dbaṅ po brgya byin la ’di skad ces smras so ||
kau śi ka rigs kyi bu ’am rigs kyi bu mo gaṅ śes rab kyi pha rol tu phyin (4) pa zab mo ’di ñan pa daṅ thos nas kyaṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur ba des khyod zil gyis mnan to ||
de skad ces smras pa daṅ | lha rnams kyi dbaṅ (5) po brgya byin gyis dge sloṅ de la ’di skad ces smras so ||
’phags pa rigs kyi bu ’am rigs kyi bu mo des sems bskyed pa gcig gis kyaṅ bdag zil gyis mnan na | gaṅ śes rab kyi pha rol tu phyin pa zab mo ’di ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ (6) rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri bar ’gyur bas lta yaṅ ci smos | gaṅ gis thos nas kyaṅ ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha (7) ton byed pa daṅ yi ger bris te de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du byed pa lta yaṅ ci smos te | byaṅ chub sems dpa’ sems dpa’ chen po de daṅ de dag ni lha daṅ mi daṅ lha ma yin du bcas pa’i ’jig rten zil gyis gnon ciṅ ’gro bar ’gyur ro ||
(224b1) byaṅ chub sems dpa’ sems dpa’ chen po de dag ni lha daṅ mi daṅ lha ma yin du bcas pa’i ’jig rten ’ba’ źig zil gyis gnon ciṅ ’gro bar ma zad kyi | gaṅ yaṅ rgyun tu źugs pa daṅ lan cig phyir ’oṅ ba daṅ phyir mi ’oṅ ba daṅ dgra bcom pa daṅ raṅ saṅs rgyas de dag (2) thams cad kyaṅ zil gyis gnon ciṅ ’gro bar ’gyur ro ||
byaṅ chub sems dpa’ sems dpa’ chen po de dag ni rgyun tu źugs pa daṅ lan cig phyir ’oṅ ba daṅ phyir mi ’oṅ ba daṅ | dgra bcom pa daṅ raṅ saṅs rgyas rnams ’ba’ źig zil gyis gnon ciṅ ’gro bar ma zad kyi | gaṅ (3) yaṅ byaṅ chub sems dpa’ sems dpa’ chen po sbyin pa’i bdag po chen po dag śes rab kyi pha rol tu phyin pa daṅ thabs mkhas pa daṅ bal ba de dag thams cad kyaṅ zil gyis gnon ciṅ ’gro bar ’gyur ro ||
byaṅ chub sems dpa’ sems dpa’ chen po de dag ni byaṅ chub (4) sems dpa’ sems dpa’ chen po’i sbyin pa’i bdag po chen po ’ba’ źig zil gyis gnon ciṅ ’gro bar ma zad kyi | gaṅ yaṅ byaṅ chub sems dpa’ sems dpa’ chen po tshul khrims yoṅs su dag ciṅ tshul khrims kyi phuṅ po ma ñams pa daṅ skyon med pa daṅ ’dren mar ma (5) gyur pa daṅ yoṅs su rdzogs pa daṅ yoṅs su dag pa daṅ lhad ma źugs pa’i tshul khrims kyi phuṅ po daṅ ldan la | śes rab kyi pha rol tu phyin pa daṅ thabs mkhas pa daṅ bral ba de dag thams cad kyaṅ zil gyis gnon ciṅ ’gro bar ’gyur ro ||
byaṅ chub sems dpa’ sems dpa’ (6) chen po de dag ni byaṅ chub sems dpa’ sems dpa’ chen po tshul khrims kyi phuṅ po mñams pa skyon med pa ’dren mar ma gyur pa yoṅs su rdzogs pa yoṅs su dag pa lhad ma źugs pa daṅ ldan pa dag ’ba’ źig zil gyis gnon ciṅ ’gro bar ma zad kyi | gaṅ yaṅ byaṅ chub sems (7) dpa’ sems dpa’ chen po bzod pa phun sum tshogs bźi pa phun sum tshogs pa chuṅ ṅu na sdoṅ dum mes tshig pa la yaṅ gnod pa’i sems mi bskyed la | śes rab kyi pha rol tu phyin pa daṅ thabs mkhas pa daṅ bral ba de dag thams cad kyaṅ zil gyis gnon ciṅ ’gro bar ’gyur ro ||
(225a1) byaṅ chub sem dpa’ sems dpa’ chen po de dag ni byaṅ chub sems dpa’ sems dpa’ chen po bzod pa phun sum tshogs pa źi ba phun sum tshogs pa sems khoṅ khro ba med pa dag ’ba’ źig zil gyis gnon ciṅ ’gro bar ma zad kyi gaṅ yaṅ byaṅ chub sems dpa’ (2) sems dpa’ chen po brtson ’grus brtsams pa sñom pa med pa le lo med pa ma źum pa’i lus daṅ ṅag daṅ yid kyi las kyi mtha’ daṅ ldan la | śes rab kyi pha rol tu phyin pa daṅ thabs mkhas pa daṅ bral ba de dag thams cad kyaṅ zil gyis gnon ciṅ ’gro bar ’gyur ro ||
byaṅ chub (3) sems dpa’ sems dpa’ chen po de dag ni byaṅ chub sems dpa’ sems dpa’ chen po brtson ’grus brtsams pa sñom pa med pa le lo med pa ma źum pa’i lus daṅ ṅag daṅ yid kyi las kyi mtha’ daṅ ldan pa dag ’ba’ źig zil gyis gnon ciṅ ’gro bar ma zad kyi | gaṅ yaṅ byaṅ chub (4) sems dpa’ sems dpa’ chen po bsam gtan la dga’ źiṅ bsam gtan la mos pa bsam gtan gyi stobs can bsam gtan daṅ ldan pa bsam gtan la gnas pa bsam gtan la dbaṅ ba | śes rab kyi pha rol tu phyin pa daṅ thabs mkhas pa daṅ bral ba de dag thams cad kyaṅ zil (5) gyis gnon ciṅ ’gro bar ’gyur ro ||
byaṅ chub sems dpa’ sems dpa’ chen po śes rab kyi pha rol tu phyin pa ci ltar bstan pa la spyod pa’i byaṅ chub sems dpa’ sems dpa’ chen po de dag ni lha daṅ mi daṅ lha ma yin du bcas pa’i ’jig rten thams cad zil gyis gnon ciṅ ’gro bar ’gyur (6) ro ||
ñan thos kyi theg pa can daṅ raṅ saṅs rgyas kyi theg pa can thams cad daṅ thabs mi mkhas pa’i byaṅ chub sems dpa’ sems dpa’ chen po rnams zil gyis gnon par ’gyur te de dag ni zil gyis mi gnon par ’gyur ro ||
de ci’i phyir źe na | byaṅ chub sems dpa’ sems (7) dpa’ chen po gaṅ śes rab kyi pha rol tu phyin pa ci ltar bstan pa la spyod ciṅ śes rab kyi pha rol tu phyin pa’i rjes su ’jug na byaṅ chub sems dpa’ sems dpa’ chen po ’di ni thams cad mkhyen pa’i gduṅ mi gcad par bya ba’i phyir źugs pa yin no ||
byaṅ chub sems dpa’ sems dpa’ (225b1) chen po ’di ni de bźin gśegs pa rnams rgyaṅ riṅ du mi byed par ’gyur ro ||
byaṅ chub sems dpa’ sems dpa’ chen po ’di de ltar nan tan byed na byaṅ chub kyi sñiṅ por yun mi riṅ bar ’gro bar ’gyur ro ||
byaṅ chub sems dpa’ sems dpa’ chen po ’di śes rab kyi pha rol tu phyin (2) pa la de ltar slob na sems can ñon moṅs pa’i ’dam du byiṅ ba rnams ’byin par ’gyur ro ||
byaṅ chub sems dpa’ sems dpa’ chen po ’di de ltar slob na byaṅ chub sems dpa’i bslab pa la slob pa yin te ñan thos kyi bslab pa la mi slob bo ||
raṅ saṅs rgyas kyi bslab pa la mi (3) slob bo ||
byaṅ chub sems dpa’ sems dpa’ chen po de ltar śes rab kyi pha rol tu phyin pa la slob pa’i druṅ du ’jig rten skyoṅ ba rgyal po chen po bźi ’oṅs nas ’di skad ces | rigs kyi bu khyod myur du byaṅ chub sems dpa’i bslab pa la slobs śig | la gor slobs śig daṅ gaṅ khyod (4) byaṅ chub kyi sñiṅ po la ’dug nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas blaṅ bar bya ba’i lhuṅ bzed bźi po ni ’di dag yin no źes smra bar ’gyur ro ||
byaṅ chub sems dpa’ sems dpa’ chen po ci ltar bstan pa’i śes rab kyi pha rol tu phyin (5) pa la de ltar slob pa’i druṅ du ’jig rten skyoṅ ba rgyal po chen po bźi ’ba’ źig mchi bar sems par yaṅ ma zad de | bcom ldan ’das bdag kyaṅ byaṅ chub sems dpa’ sems dpa’ chen po de’i druṅ du mchi bar sems na lha’i bu gźan dag lta ci smos | byaṅ chub sems dpa’ sems (6) dpa’ chen po de de bźin gśegs pa dgra bcom pa yaṅ dag par rdzogs pa’i saṅs rgyas dag gis kyaṅ rtag tu dgoṅs par ’gyur ro ||
byaṅ chub sems dpa’ sems dpa’ chen po de ltar śes rab kyi pha rol tu phyin pa la spyod pa ni ’jig rten gyi sdug bsṅal ba daṅ pha rol gyi gnod pa (7) gaṅ yaṅ duṅ ba dag ’byuṅ ba de dag daṅ gźan dag thams cad nas thams cad rnam pa thams cad du thams cad ’byuṅ bar mi ’gyur te | bcom ldan ’das ’di yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe ’di’i yon tan lags so ||
(226a1) de nas tshe daṅ ldan pa kun dga’ bo ’di sñam du sems te | ci lha rnams kyi dbaṅ po brgya byin ’di bdag ñid kyi spobs pas sgra’am ’on te saṅs rgyas kyi mthus smra sñam mo ||
de nas saṅs rgyas kyi mthus lha rnams kyi dbaṅ po brgya byin gyis tshe daṅ ldan pa kun dga’ bo’i (2) sems kyi rtog pa sems kyis śes nas tshe daṅ ldan pa kun dga’ bo la ’di skad ces smras so ||
’phags pa kun dga’ bo ’di ni saṅs rgyas kyi mthur rig par bya’o ||
’phags pa kun dga’ bo ’di ni saṅs rgyas kyi byin gyi rlabs su rig par bya ste | ’phags pa kun dga’ bo bdag (3) ni byaṅ chub sems dpa’ sems dpa’ chen po las brtsams te smra mi nus so ||
de nas bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo ci ltar lha rnams kyi dbaṅ po brgya byin gyis smras pa | de de bźin no de de bźin te | ’di (4) ni de bźin gśegs pa’i mthu’o ||
’di ni de bźin gśegs pa’i byin gyis brlabs kyis lha rnams kyi dbaṅ po brgya byin gyis bśad pa yin no ||
’phags pa śes rab kyi pha rol tu phyin pa brgyad stoṅ pa las brgya byin gyi le’u źes bya ste ñi śu gsum pa’o || ||
(5) śes rab kyi pha rol tu phyin pa brgyad stoṅ pa | bam po ñi śu ba | de nas yaṅ bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo yaṅ gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la sloṅ ba daṅ (6) śes rab kyi pha rol tu phyin pa la rnal ’byor du byed pa daṅ śes rab kyi pha rol tu phyin pa sgom pa de’i tshe | kun dga’ bo gaṅ dag stoṅ gsum gyi stoṅ chen po’i ’jig rten gyi khams kyi bdud sdig can de dag thams cad ’di ltar the tshom za bar ’gyur te | byaṅ chub sems dpa’ sems dpa’ (7) chen po ’di ci bar ma dor ñan thos kyis ’am raṅ saṅs rgyas kyi sa la yaṅ dag pa’i mtha’ mṅon sum du byed dam ’on te bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur sñam mo ||
kun dga’ bo gźan yaṅ gaṅ gi tshe byaṅ chub sems dpa’ sems (226b1) dpa’ chen po śes rab kyi pha rol tu phyin pa la gnas pas gnas pa de’i tshe | gaṅ bdud sdig can de dag mya ṅan gyi zug rṅus zug par ’gyur ro ||
kun dga’ bo gźan yaṅ gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ śes rab (2) kyi pha rol tu phyin pa la rnal ’byor du byed pa de’i tshe bdud sdig can de dag byaṅ chub sems dpa’ sems dpa’ chen po la ’tshe bar byed de | ci nas byaṅ chub sems dpa’ sems dpa’ chen po ’di źum par ’gyur ba daṅ spu ziṅ źes byed par ’gyur ba daṅ des bla na med pa yaṅ dag (3) par rdzogs pa’i byaṅ chub tu de’i sems bskyed pa gcig tsam yaṅ zad par ’gyur sñam ste ’jigs pa dag kyaṅ ’byin ciṅ phyogs daṅ phyogs su skar mda’ ltuṅ ba daṅ me thar ba lta bu dag kyaṅ gtoṅ źiṅ ston to ||
kun dga’ bo de la byaṅ chub sems dpa’ sems dpa’ chen po thams (4) cad kyi druṅ du bdud sdig can ’tshe bar sems śiṅ mi ’oṅ ste | ’on kyaṅ kha cig gi druṅ du ni ’oṅ kha cig gi druṅ du ni mi ’oṅ ṅo ||
kun dga’ bos gsol pa | bcom ldan ’das byaṅ chub sems dpa’ sems dpa’ chen po ci lta bu’i druṅ du bdud sdig can ’tshe bar sems śiṅ (5) mchi | bcom ldan ’das kyis bka’ stsal pa | kun dga’ bo byaṅ chub sems dpa’ sems dpa’ chen po gaṅ gis sṅon gyi mthar yaṅ śes rab kyi pha rol tu phyin pa bśad pa la mos pa’i sems ma bskyed par gyur na | kun dga’ bo byaṅ chub sems dpa’ sems dpa’ chen (6) po de la bdud sdig can ’tshe bar sems śiṅ ’oṅ ste | glags kyaṅ rñed par ’gyur ro ||
kun dga’ bo gźan yaṅ byaṅ chub sems dpa’ gaṅ śes rab kyi pha rol tu phyin pa zab mo ’di bśad pa la ’di śes rab kyi pha rol tu phyin pa yin nam ma yin sñam du the tshom za bar ’gyur yid (7) gñis skye bar ’gyur te | kun dga’ bo de ltar the tshom skyes pa’i byaṅ chub sems dpa’ sems dpa’ chen po la yaṅ bdud sdig can la tshe bar sems śiṅ ’oṅ ste de la glags rñed par ’gyur ro ||
kun dga’ bo gźan yaṅ ’di la byaṅ chub sems dpa’ sems dpa’ chen po dge ba’i (227a1) bśes gñen daṅ bral źiṅ sdig pa’i grogs pos yoṅs su zin par gyur na de zab mo zab mo’i gnas śes rab kyi pha rol tu phyin pa bśad pa la mi ñan te ma mñan pas mi śes so mi śes pas ci ltar śes rab kyi pha rol tu phyin pa la bsgom par bya źes mi ’dri ste | kun (2) dga’ bo byaṅ chub sems dpa’ sems dpa’ chen po ’di la’aṅ bdud sdig can ’tshe bar sems śiṅ ’oṅ ste de la glags kyaṅ rñed par ’gyur ro ||
kun dga’ bo gźan yaṅ byaṅ chub sems dpa’ sems dpa’ chen po gaṅ źig dam pa’i chos ma yin pa yoṅs su ’dzin pa la sbyor ba la (3) brten par ’gyur te | ’di ni bdag gi grogs po don thams cad la yaṅ ṅa mi ’dor ba | bdag gi grogs po byaṅ chub sems dpa’ sems dpa’ chen po gźan maṅ du yod mod kyi de dag ni bdag gi bsam pa rdzogs par mi byed de | ’di ni bdag daṅ mthun pa’i grogs rñed pa (4) yin te ’dis bdag gi bsam pa yoṅs su rdzogs par byed do sñam na | kun dga’ bo byaṅ chub sems dpa’ sems dpa’ chen po ’di la yaṅ bdud sdig can ’tshe bar sems śiṅ ’oṅ ste glags kyaṅ rñed par ’gyur ro ||
kun dga’ bo gźan yaṅ byaṅ chub sems dpa’ sems dpa’ (5) chen po gaṅ śes rab kyi pha rol tu phyin pa zab mo ’di bśad pa na byaṅ chub sems dpa’ sems dpa’ chen po gźan la ’di skad ces zer te | kye ma śes rab kyi pha rol tu phyin pa ’di ni zab ste khyod la ’di mñan pas ci źig bya | ji ltar mdo sde gźan dag tu de bźin gśegs pas (6) bśad pa de ltar ’dir brtson par byas pa na ni ma yin te | bdag gis ni ’di’i gtiṅ mi rñed ro mi myoṅ na khyod la ’di mñan pa ’am bris pas ci źig bya źes byaṅ chub sems dpa’ sems dpa’ chen po gźan dag kyaṅ de ltar ’bral bar byed de | kun dga’ bo byaṅ chub sems dpa’ (7) sems dpa’ chen po ’di la yaṅ bdud sdig can ’tshe bar sems śiṅ ’oṅ ste glags kyaṅ rñed par ’gyur ro ||
kun dga’ bo gźan yaṅ gaṅ gi tshe byaṅ chub sems dpas byaṅ chub sems dpa’ gźan dag la brñas par byed ciṅ bdag ni dben par gnas pas gnas te gźan dag ni (227b1) dben par gnas pas mi gnas so ||
gźan dag la ni dben par gnas pa med do sñam na kun dga’ bo de’i tshe bdud sdig can dga’ mgu yi raṅs par ’gyur źiṅ rab tu dga’ ba daṅ raṅs pa daṅ yid bde ba skye ste | kun tu tshim pa skye źiṅ sems tshim par gyur la rab tu dga’ ba skye bar (2) ’gyur ro ||
de ci’i phyir źe na | ’di ni bla na med pa yaṅ dag par rdzogs pa’i byaṅ chub rgyaṅ riṅ du byed do sñam mo ||
kun dga’ bo gźan yaṅ gaṅ gi tshe byaṅ chub sems dpa’ sems dpa’ chen po’i miṅ nas smos pa ’am rus nas smos pa ’am sbyaṅs pa’i yon tan yoṅs su brjod pa (3) de’i tshe de tsam gyis de ma yin pa’i byaṅ chub sems dpa’ sems dpa’ chen po des pa dge ba’i chos can gźan dag la brñas par byed de | de la yaṅ yon tan de dag med de phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i yon (4) tan gaṅ yin pa de dag daṅ rnam pa de dag daṅ rtags de dag daṅ mtshan ma de dag med do ||
de dag de la med bźin du de phyir mi ldog pa’i yon tan rnams la ñon moṅs pa skyed de ’di lta ste ṅa gaṅ la snaṅ ba’i chos de dag la khyed mi snaṅ ṅo źes bdag la stod ciṅ gźan la smod do ||
(5) de la bdud sdig can ’di sñam du sems te | bdud kyi gnas stoṅs par mi ’gyur źiṅ sems can dmyal ba chen po źig par mi ’gyur | byol soṅ gi skye gnas daṅ yi dgas kyi yul daṅ lha ma yin gyi tshogs źig par mi ’gyur ba lta sñam nas | bdud sdig can gyis ci (6) ltar byaṅ chub sems dpa’ sems dpa’ chen po de dag ’di ltar rñed pa daṅ bkur ltis non pa’i raṅ bźin can du ’gyur źiṅ | tshig btsun par ’gyur ba daṅ tshig btsun pa des skye bo maṅ pos ’dzin par ’gyur źiṅ de dag la skye bo maṅ po yaṅ mñan pa daṅ dad par bya sñam du sems pa (7) de ltar byin gyis rlob ste | mthoṅ ṅam thos nas kyaṅ de dag gi rjes su byed par ’gyur źiṅ de dag mthoṅ ba daṅ thos pa’i rjes su byed pa na de bźin ñid du mi slob de bźin ñid du mi sgrub de bźin ñid du rnal ’byor du mi byed par ’gyur ro ||
de dag de ltar de bźin ñid la mi slob ciṅ de (228a1) bźin ñid la mi sgrub de bźin ñid la rnal ’byor du mi byed pas ñon moṅs pa rnam par ’phel bar ’gyur ro ||
de dag de ltar sems kyi rgyud phyin ci log pas lus daṅ ṅag daṅ yid kyi las gaṅ daṅ gaṅ byed pa de dag thams cad mi ’dod pa daṅ mi sdug pa daṅ mi dga’ (2) ba daṅ yid du mi ’oṅ bar ’gyur ro ||
de ltar sems can dmyal ba chen po de dag źig par mi ’gyur ro ||
byol soṅ gi skye gnas daṅ yi dgas kyi yul daṅ lha ma yin gyi tshogs daṅ bdud kyi gnas rnams źig par mi ’gyur ro ||
kun dga’ bo don gyi dbaṅ ’di yaṅ mthoṅ nas (3) bdud sdig can dga’ mgu yi raṅs śiṅ rab tu dga’ ba daṅ tshim pa daṅ yid bde ba skye bar ’gyur ro ||
kun dga’ bo gźan yaṅ gaṅ gi tshe byaṅ chub sems dpa’ sems dpa’ chen po gaṅ zag ñan thos kyi theg pa can daṅ lhan cig ’thab par byed | rtsod par byed ’gyed par byed gśe (4) źiṅ spyo bar byed gnod par sems śir źe sdaṅ skyed na | de’i tshe bdud sdig can ’di sñam du sems te kye ma rigs kyi bu ’di ni thams cad mkhyen pa ñid rgyaṅ riṅ du byed par ’gyur te | thams cad mkhyen pa ñid las śin tu rgyaṅ riṅ bar gnas par ’gyur ro sñam mo ||
gal te yaṅ gaṅ zag (5) byaṅ chub sems dpa’i theg pa can | gaṅ zag byaṅ chub sems dpa’i theg pa can gźan daṅ lhan cig ’thab par byed rtsod par byed ’gyed par byed gśe źiṅ spyo bar byed gnod par sems śiṅ źe sdaṅ skyed na | de la bdud sdig can śin tu dga’ mgu yi raṅs śiṅ rab tu dga’ ba daṅ chim pa (6) daṅ yid bde ba skye bar ’gyur te | de ’di sñam du sems te byaṅ chub sems dpa’ ’di gñi ga yaṅ thams cad mkhyen pa ñid las rgyaṅ riṅ du gnas par ’gyur ro sñam mo ||
kun dga’ bo gźan yaṅ byaṅ chub sems dpa’ sems dpa’ chen po luṅ ma bstan pa gaṅ byaṅ chub sems dpa’ sems (7) dpa’ chen po luṅ bstan pa daṅ lhan cig ’thab par byed rtsod par byed ’gyed par byed gśe źiṅ spyo bar byed gnod par sems śiṅ źe sdaṅ skyed la sems la gnod par byed na byaṅ chub sems dpa’ sems dpa’ chen po des gal te thams cad mkhyen pa ñid ma btaṅ na sems bskyed pa de sñed kyi (228b1) bskal bar go cha bgo dgos so ||
de skad ces bka’ stsal pa daṅ | bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das sems bskyed pa de dag la ṅes par ’byuṅ ba cuṅ zad cig mchis sam ’on te bskal pa de sñed du byaṅ chub sems (2) dpa’ sems dpa’ chen po des gdon mi ’tshal bar go cha bgo ’tshal ba lags | bcom ldan ’das kyis bka’ stsal pa | kun dga’ bo gaṅ zag ñan thos kyi theg pa can daṅ raṅ saṅs rgyas kyi theg pa can daṅ gaṅ zag byaṅ chub sems dpa’i theg pa can dag la ṅas ṅes par ’byuṅ ba (3) daṅ bcas pa’i chos bstan to ||
de la kun dga’ bo gaṅ zag byaṅ chub sems dpa’i theg pa can gaṅ źig gaṅ zag byaṅ chub sems dpa’i theg pa can daṅ lhan cig ’thabs śiṅ rtsod de bkye nas gśe źiṅ spyos gnod par bsams źe sdaṅ bskyed nas so sor bśags par mi byed phyis sdom par (4) mi ’dzin khon du ’dzin ciṅ khon du bzuṅ nas ’dug na | kun dga’ bo gaṅ zag de la ṅes par ’byuṅ ba yod par ṅa mi smra ste kun dga’ bo gaṅ zag des phyir bskal pa de sñed du gdon mi za bar go cha bgo dgos so ||
kun dga’ bo yaṅ gaṅ zag byaṅ chub sems dpa’i theg pa can gaṅ | gaṅ zag (5) byaṅ chub sems dpa’i theg pa can daṅ lhan cig ’thabs śiṅ rtsod de bkye nas gśe źiṅ spyos gnod par bsams źe sdaṅ bskyed nas so sor bśags par byed so sor bśags par byas nas phyir kyaṅ sdom pa ’dzin la sems ’di ltar bskyed de ci nas bdag gis sems can thams cad kyi rtsod pa (6) gcad pa bya ba yin bsal bar bya ba yin rab tu źi bar bya ba yin na | bdag ñid rtsod par byed pa daṅ smras pa la bdag slar smra ba ni rñed pa ṅan pa rñed pa yin no ||
ṅan pa rñed de legs par ma rñed do ||
bdag gis ci nas sems can thams cad kyi jam pa lta bur ’gyur bar bya ba yin la | (7) bdag pha rol la khyod ces tshig drag tu smra ba ’am | tshig rtsub pos lan ldon źiṅ smra ba ’di ni bdag gis smra bar mi bya ste | ’thab ciṅ rtsod pa daṅ ’gyed pa rnams la bdag ni glen pa daṅ ’on pa daṅ lkug pa daṅ ’dra bar bya’o ||
pha rol gyis ṅan du smras pa daṅ ṅan du brjod pa daṅ ṅan du zer (229a1) ba rnams smra ba thos kyaṅ gźan gyi druṅ du ṅan sems su mi bya’o ||
pha rol gyi ñes pa daṅ skyon bdag gis śes par bya ba ’di ni bdag la legs pa ma yin te bdag gi cha ma yin no ||
bdag gis gźan gyi ñes pa daṅ skyon mñan to sñam du bsam pa ’di ni bdag gi cha (2) ma yin no sñam mo ||
de ci’i phyir źe na | bdag gis lhag pa’i bsam pa ’khrug par bya ba ma yin no ||
ci nas bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can thams cad bde ba’i yo byad thams cad kyis bde bar bya ba daṅ yoṅs (3) su mya ṅan las ’da’ bar bya ba źes bya ba de bdag gis gnod sems bskyed pa yin nam bdag daṅ gźan dag ’gras pa na yaṅ bdag gis gźan la gnod sems mi bya ba źes bya ba de bdag ’khrugs par gyur pa yin nam | ’di ni bdag gis bya ba ma yin te bdag gis ni brtul ba brtan pas (4) pha rol gnon par bya źiṅ srog gi bar chad byed pa la yaṅ bdag ’khrug par mi bya ba daṅ bźin la khro gñer ’byuṅ bar mi bya’o sñam pa ’di ni kun dga’ bo byaṅ chub sems dpa’ sems dpa’ chen po de’i ṅes par ’byuṅ ba yin par ṅas bśad do ||
kun dga’ bo byaṅ chub sems dpa’ (5) sems dpa’ chen pos gaṅ zag ñan thos kyi theg pa can rnams kyi druṅ du yaṅ de ltar gnas par bya ste | ci ltar sems can su’i druṅ du yaṅ ’khrug par mi ’gyur ba de ltar sems can thams cad kyi druṅ du gnas par bya’o ||
kun dga’ bo byaṅ chub sems dpa’ sems dpa’ chen pos gaṅ (6) zag byaṅ chub sems dpa’i theg pa can gźan dag gis druṅ du ci ltar gnas par bya źe na | kun dga’ bo ’di lta ste ston pa la ci lta ba de bźin du ste | byaṅ chub sems dpa’ sems dpa’ chen po ’di dag ni ṅa’i ston pa’o źes de ltar gnas par bya’o ||
byaṅ chub sems dpa’ sems (7) dpa’ chen po ’di dag ni bdag daṅ theg pa gcig la źugs pa’o ||
byaṅ chub sems dpa’ sems dpa’ chen po ’di dag ni bdag daṅ lam gcig tu źugs pa’o ||
byaṅ chub sems dpa’ sems dpa’ chen po ’di dag ni bdag daṅ bsam pa mthun pa’o ||
byaṅ chub sems dpa’ (229b1) sems dpa’ chen po ’di dag ni bdag daṅ theg pa mthun pa la yaṅ dag par źugs pa ste | gaṅ la ’di dag gis bslab par bya ba de la bdag gis kyaṅ bslab par bya’o ||
’di dag gis ci ltar bslab par bya ba de bźin du bdag gis kyaṅ de ltar bslab par bya’o ||
gal te ’di (2) dag las kha cig ’dres par gnas pas gnas par gyur na yaṅ bdag gis ni ’dres par gnas pas gnas par mi bya’o ||
gal te yaṅ ’di dag thams cad mkhyen pa daṅ ldan pa’i yid la byad pas ma ’dres par gnas pas gnas na bdag gis kyaṅ de bźin du bslab par bya’o ||
kun (3) dga’ bo byaṅ chub sems dpa’ sems dpa’ chen po de ltar thams cad mkhyen pa ñid la slob pa na bla na med pa yaṅ dag par rdzogs pa’i byaṅ chub la par chad med par ’gyur te | myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
’phags (4) pa śes rab kyi pha rol tu phyin pa brgyad stoṅ pa las mṅon pa’i ṅa rgyal gyi le’u źes bya ste | ñi śu bźi pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das yaṅ byaṅ chub sems dpa’ sems dpa’ (5) chen po gaṅ la bslabs na thams cad mkhyen pa ñid la slob pa lags | bcom ldan ’das kyis bka’ stsal pa | rab ’byor gal te byaṅ chub sems dpa’ sems dpa’ chen po zad pa la slob na thams cad mkhyen pa ñid la slob bo ||
de bźin du ’byuṅ ba med pa daṅ ’gog (6) pa med pa daṅ skye ba med pa daṅ dṅos po med pa daṅ dben pa daṅ ’dod chags daṅ bral ba daṅ nam mkha’ daṅ chos kyi dbyiṅs daṅ | rab ’byor gal te byaṅ chub sems dpa’ sems dpa’ chen po mya ṅan las ’das pa la slob na thams cad mkhyen pa ñid la slob bo ||
rab ’byor gyis (7) gsol pa | bcom ldan ’das ci’i slad du byaṅ chub sems dpa’ sems dpa’ chen po zad pa la slob na thams cad mkhyen pa ñid la slob pa lags | de bźin du ’byuṅ ba ma mchis pa daṅ ’gag pa ma mchis pa daṅ skye ba ma mchis pa daṅ dṅos po ma mchis pa daṅ dben pa daṅ (230a1) ’dod chags daṅ bral ba daṅ nam mkha’ daṅ chos kyi dbyiṅs daṅ mya ṅan las ’das pa la slob na thams cad mkhyen pa ñid la slob pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab (2) ’byor gaṅ ’di skad du ci’i phyir byaṅ chub sems dpa’ sems dpa’ chen po zad pa la slob na thams cad mkhyen pa ñid la slob | de bźin du ’byuṅ ba med pa daṅ ’gag pa med pa daṅ skye ba med pa daṅ dṅos po mod pa daṅ dben pa daṅ ’dod chags daṅ bral ba daṅ nam mkha’ daṅ chos kyi (3) dbyiṅs daṅ mya ṅan las ’das pa la slob na thams cad mkhyen pa ñid la slob par ’gyur źes zer ba | rab ’byor de ci sñam du sems ci de bźin gśegs pa’i de bźin ñid gaṅ yin pa daṅ de bźin ñid gaṅ gis de bźin gśegs pa de bźin gśegs pa’o źes rab tu ’byed pa de (4) zad par ’gyur ram | rab ’byor gyis gsol pa | bcom ldan ’das de ni ma lags so ||
de ci’i slad du źe na | bcom ldan ’das zad pa ni zad par mi ’gyur te bcom ldan ’das zad pa ni mi zad pa lags so ||
bcom ldan ’das kyis bka’ stsal pa | rab ’byor de (5) ji sñam du sems de bźin gśegs pa’i de bźin ñid gaṅ yin pa daṅ de bźin ñid gaṅ gis de bźin gśegs pa de bźin gśegs pa’o źes rab tu ’byed pa de ’byuṅ bar ’gyur ba ’am ’gag par ’gyur ba ’am skye bar ’gyur ba ’am dṅos por ’gyur ba ’am dben par ’gyur ba ’am (6) rnam par ’jig par ’gyur ba ’am ’dod chags daṅ bral bar ’gyur ba ’am nam mkhar ’gyur ba ’am chos kyi dbyiṅs su ’gyur ba yin nam | gsol pa bcom ldan ’das de ni ma lags so ||
bcom ldan ’das kyis bka’ stsal pa | rab ’byor de ji sñam du sems ||
de bźin (7) gśegs pa’i de bźin ñid gaṅ yin pa daṅ de bźin ñid gaṅ gis de bźin gśegs pa de bźin gśegs pa’o źes rab tu ’byed pa de mya ṅan las ’da’ bar ’gyur ram | gsol pa bcom ldan ’das de ni ma lags so ||
bcom ldan ’das kyis bka’ stsal pa | rab ’byor de’i (230b1) phyir byaṅ chub sems dpa’ sems dpa’ chen po de ltar slob na de bźin ñid mi zad pa’o źes de ltar slob ste | rab ’byor byaṅ chub sems dpa’ sems dpa’ chen po de ltar slob na thams cad mkhyen pa ñid la slob bo ||
rab ’byor byaṅ chub sems dpa’ sems dpa’ chen po de ltar (2) slob na śes rab kyi pha rol tu phyin pa la slob bo ||
saṅs rgyas kyi sa la slob bo ||
mi ’jigs bdag la slob bo ||
saṅs rgyas kyi chos thams cad la slob bo ||
thams cad mkhyen pa’i ye śes la slob bo ||
rab ’byor byaṅ chub sems dpa’ (3) sems dpa’ chen po de ltar slob na bslab pa thams cad kyi pha rol tu phyin pa rjes su thob par ’gyur ro ||
rab ’byor byaṅ chub sems dpa’ sems dpa’ chen po de ltar slob na bdud dam bdud kyi ’khor tam bdud kyi ris kyi lha dag gis brdzi bar mi nus so ||
rab ’byor byaṅ chub (4) sems dpa’ sems dpa’ chen po de ltar slob na myur du phyir mi ldog pa’i chos ñid rjes su thob par ’gyur ro ||
rab ’byor byaṅ chub sems dpa’ sems dpa’ chen po de ltar slob na myur du byaṅ chub kyi sñiṅ po la ’dug par ’gyur ro ||
rab ’byor byaṅ chub sems dpa’ sems (5) dpa’ chen po de ltar slob na raṅ gi spyod yul la slob bo ||
rab ’byor byaṅ chub sems dpa’ sems dpa’ chen po de ltar slob na mgon por ’gyur ba’i chos dag la slob bo ||
byams pa chen po la slob bo ||
sñiṅ rje chen po la slob bo ||
dga’ ba chen po la slob bo ||
btaṅ (6) sñoms chen po la slob bo ||
rab ’byor byaṅ chub sems dpa’ sems dpa’ chen po de ltar slob na chos kyi ’khor lo lan gsum du bzlas pa rnam pa bcu gñis su rab tu bskor ba la slob bo ||
rab ’byor byaṅ chub sems dpa’ sems dpa’ chen po de ltar slob na sems can gyi khams (7) bre bar mi bya’o źes slob bo ||
rab ’byor byaṅ chub sems dpa’ sems dpa’ chen po de ltar slob na de bźin gśegs pa’i gduṅ rgyud mi ’chad par bya ba la slob bo ||
rab ’byor byaṅ chub sems dpa’ sems dpa’ chen po de ltar slob na bdud rtsi’i dbyiṅs kyi sgo dbye’o (231a1) źes slob bo ||
rab ’byor bslab pa rgya chen po ’di ni sems stobs źan pas slob mi nus śiṅ bslab pa ’di la mthu chuṅ ṅus bslab par mi nus so ||
de ci’i phyir źe na | rab ’byor gaṅ bslab pa ’di la slob pa de dag ni sems can thams cad kyi mthun (2) pa thun moṅ ṅo ||
rab ’byor de dag ni sems can thams cad kyi mgon no ||
gaṅ bslab pa ’di la slob pa de dag ni sems can thams cad las mṅon par ’phags pa rjes su thob par ’dod pa yin te | rab ’byor byaṅ chub sems dpa’ sems dpa’ chen po de ltar slob pa ni (3) sems can dmyal ba dag tu mi skye byol soṅ gi skye gnas dag tu mi skye yi dgas kyi yul rnams su mi skye lha ma yin gyi lus su mi skye mtha’ ’khob kyi skye bo’i naṅ du mi skye gdol pa’i rigs su mi skye bya ba’i rigs su mi skye rṅon pa daṅ ña ba daṅ chom rkun pa daṅ śan pa’i rigs su mi skye ste | de (4) lta bu’i rigs ṅan pa las ṅan pa rten ṅan pa’i rigs gźan du yaṅ mi skye’o ||
rab ’byor byaṅ chub sems dpa’ sems dpa’ chen po de ltar slob pa ni loṅ bar mi ’gyur ’on par mi ’gyur źar bar mi ’gyur rdum por mi ’gyur sgur por mi ’gyur ’theṅ por mi ’gyur źa bor mi ’gyur (5) grum por mi ’gyur lkug par mi ’gyur dig par mi ’gyur rna ba mi gsal bar mi ’gyur yan lag ñams par mi ’gyur yan lag ma tshaṅ bar mi ’gyur yan lag mi sdug par mi ’gyur mdog mi sdug par mi ’gyur dbyibs mi sdug par mi ’gyur dbaṅ po ñams par mi ’gyur dbaṅ po (6) ma tshaṅ bar mi ’gyur te | dbaṅ po’i rnam pa thams cad yoṅs su rdzogs par ’gyur ro ||
dbyaṅs phun sum tshogs par ’gyur ro ||
rab ’byor byaṅ chub sems dpa’ sems dpa’ chen po de ltar slob pa ni srog gcod par mi ’gyur ma byin par len par mi ’gyur ’dod pa la log (7) par spyod par mi ’gyur brdzun du smra bar mi ’gyur phra ma smra bar mi ’gyur tshig rtsub mo smra bar mi ’gyur tshig kyal pa smra bar mi ’gyur brnab sems can du mi ’gyur gnod sems can du mi ’gyur log par lta ba can du mi ’gyur log par ’tsho bas ’tsho bar mi byed do ||
rab ’byor byaṅ chub (231b1) sems dpa’ sems dpa’ chen po de ltar slob pa ni lha tshe riṅ po’i naṅ du mi skye tshul khrims ’chal pa yoṅs su mi ’dzin yaṅ dag pa ma yin pa’i chos yoṅs su mi ’dzin bsam gtan daṅ sñoms par ’jug pa’i dbaṅ gis mi skye’o ||
de ci’i phyir źe na | de la byaṅ chub sems (2) dpa’ sems dpa’ chen po thabs mkhas pa gaṅ daṅ ldan pas lha tshe riṅ po’i naṅ du skye bar mi ’gyur ba’i thabs mkhas pa de la yod do ||
rab ’byor thabs mkhas pa de yaṅ gaṅ źe na | ’di lta ste śes rab kyi pha rol tu phyin pa ’di ñid la byaṅ chub sems dpa’ sems dpa’ chen (3) po ci ltar thabs mkhas pa daṅ ldan pa ’dis bsam gtan la yaṅ sñoms par ’jog la bsam gtan gyi dbaṅ gis skye bar mi ’gyur ba de ltar thabs mkhas pa ’di la rnal ’byor du byed do ||
rab ’byor byaṅ chub sems dpa’ sems dpa’ chen po de ltar slob pa ni stobs (4) yoṅs su dag par ’gyur mi ’jigs pa yoṅs su dag par ’gyur sags rgyas kyi chos thams cad yoṅs su dag par ’gyur te de dag rjes su thob par ’gyur ro ||
tshe daṅ ldan pa rab ’byor gyis gsol pa | bcom ldan ’das gaṅ gi tshe chos thams cad raṅ bźin gyis yoṅs (5) su dag pa ñid lags na | bcom ldan ’das de’i tshe byaṅ chub sems dpa’ sems dpa’ chen po chos gaṅ gis stobs yoṅs su dag par ’gyur mi ’jigs pa yoṅs su dag par ’gyur saṅs rgyas kyi chos yoṅs su dag par ’gyur ba rjes su thob par ’gyur | de skad ces (6) gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no de de bźin te | de ci’i phyir źe na | rab ’byor chos thams cad ni raṅ bźin gyis yoṅs su dag pa yin te | rab ’byor de ltar chos thams cad raṅ (7) bźin gyis yoṅs su dag pa la byaṅ chub sems dpa’ sems dpa’ chen po śes rab kyi pha rol tu phyin pa la slob pa dag mi źum mi ’goṅ na rab ’byor de ni śes rab kyi pha rol tu phyin pa’o ||
rab ’byor byis pa so so’i skye bo dag chos ’di dag de ltar ma śes ma mthoṅ bas chos rnams kyi (232a1) chos ñid mi śes mi mthoṅ ste | rab ’byor sems can de dag gi phyir byaṅ chub sems dpa’ sems dpa’ chen po ’bad ciṅ brtson ’grus rtsom ste | bdag kho nas mi śes pa’i sems can rnams śes par bya’o bdag kho nas mi mthoṅ pa’i sems can rnams | (2) mthoṅ bar bya’o źes bslab pa ’di la slob bo ||
bslab pa ’di la slob pa’i byaṅ chub sems dpa’ sems dpa’ chen po ni stobs rnams rjes su thob par ’gyur mi ’jigs pa rnams rjes su thob par ’gyur ro ||
saṅs rgyas kyi chos thams cad rjes su thob par ’gyur ro ||
rab ’byor (3) byaṅ chub sems dpa’ sems dpa’ chen po de ltar slob pa ni sems can pha rol daṅ gaṅ zag pha rol dag gi sems kyi spyod pa daṅ g-yo ba rnams yaṅ dag pa ji lta ba bźin du rab tu śes te yaṅ dag pa ji lta ba bźin du rab tu śes pas pha rol gyi sems kyi spyod pa śes pa’i pha rol tu ’gro’o ||
(4) rab ’byor ’di lta ste dper na sa chen po’i sa’i phyogs gaṅ na rdo ba med pa daṅ gaṅ na gser daṅ sa le sbram daṅ dṅul dag ’byuṅ ba de lta bu ni ñuṅ gi | sa chen po’i sa phyogs gaṅ na ba tshwa can daṅ grams daṅ rtswa daṅ sdoṅ dum daṅ tsher ma sna tshogs kyis gaṅ ba de lta bu ni ches maṅ ṅo ||
rab (5) ’byor de bźin du sems can gyi ris na gaṅ dag ’di lta ste śes rab kyi pha rol tu phyin pa thams cad mkhyen pa ñid kyi bslab pa la slob pa’i byaṅ chub sems dpa’ sems dpa’ chen po ni ñuṅ ṅo ||
sems can gyi ris na gaṅ ñan thos daṅ raṅ saṅs rgyas kyi bslab pa la slob pa’i sems can (6) de dag ni ches maṅ ṅo ||
rab ’byor gźan yaṅ ’di lta ste dper na sems can gyi ris na ’khor los sgyur ba’i rgyal po’i srid thob par ’gyur ba’i las yaṅ dag par blaṅs te gnas pa’i sems can de dag ni ñuṅ gi | sems can gyi ris na gaṅ mkhar gyi rgyal po’i srid thob par ’gyur (7) ba’i las yaṅ dag par blaṅs te gnas pa’i sems can de dag ni ches maṅ ṅo ||
rab ’byor de bźin du sems can gyi ris na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o źes lam chen po ’di lta ste śes rab kyi pha rol tu phyin pa’i lam du (232b1) źugs pa’i byaṅ chub sems dpa’ sems dpa’ chen po de dag ni ñuṅ ṅo ||
sems can gyi ris na gaṅ ñan thos daṅ raṅ saṅs rgyas kyi lam du źugs pa’i sems can de dag ni ches maṅ ṅo ||
rab ’byor gźan yaṅ ’di lta ste dper na sems can gyi ris na gaṅ dag brgya byin ñid du (2) ’gyur ba’i las yaṅ dag par blaṅs te gnas pa’i sems can de dag ni ñuṅ ṅo ||
sems can gyi ris na gaṅ dag lha’i ’jig rten du skye bar ’gyur ba’i las yaṅ dag par blaṅs te gnas pa’i sems can de dag ni ches maṅ ṅo ||
rab ’byor de bźin du sems can gyi ris na gaṅ daṅ | (3) śes rab kyi pha rol tu phyin pa’i bslab pa la slob pa’i byaṅ chub sems dpa’ sems dpa’ chen po de dag ni ñuṅ ṅo ||
rab ’byor sems can gyi ris na gaṅ ñan thos daṅ raṅ saṅs rgyas kyi bslab pa la slob pa’i sems can de dag ni ches maṅ ṅo ||
rab ’byor gźan yaṅ ’di lta (4) ste dper na sems can gyi ris na gaṅ tshaṅs pa ñid du ’gyur ba’i las yaṅ dag par blaṅs te gnas pa’i sems can de dag ni ñuṅ ṅo ||
sems can gyi ris na gaṅ dag tshaṅs pa’i ’khor du skye bar ’gyur ba’i las yaṅ dag par blaṅs te gnas pa’i sems can de dag ni ches (5) maṅ ṅo ||
rab ’byor de bźin du sems can gyi ris na gaṅ bla na med pa yaṅ dag par rdzogs pa’i byaṅ chub las phyir mi ldog pa’i byaṅ chub sems dpa’ sems dpa’ chen po de dag ni ñuṅ ṅo ||
rab ’byor sems can gyi ris na gaṅ bla na med pa yaṅ dag par rdzogs pa’i byaṅ (6) chub las phyir ldog par ’gyur ba’i byaṅ chub sems dpa’ sems dpa’ chen po de dag ni ches maṅ ṅo ||
rab ’byor de lta bas na sems can gyi ris na gaṅ bla na med pa yaṅ dag par rdzogs pa’i byaṅ chub tu yaṅ dag par źugs pa’i sems can de dag ni ñuṅ ṅo ||
rab ’byor (7) ñaṅ ba de dag bas kyaṅ gaṅ de bźin ñid du sgrub pa’i sems can de dag ni ches ñuṅ ṅo ||
rab ’byor de bźin ñid du bsgrub pa ches ñuṅ pa de dag pas kyaṅ gaṅ śes rab kyi pha rol tu phyin pa la rnal ’byor du byed pa de dag ni chas ñuṅ ṅo ||
rab ’byor gaṅ śes rab kyi pha rol tu phyin pa (233a1) la rnal ’byor du byed pa ñuṅ ba de dag pas kyaṅ byaṅ chub sems dpa’ sems dpa’ chen po gaṅ bla na med pa yaṅ dag par rdzogs pa’i byaṅ chub las phyir mi ldog pa de dag ni ches ñuṅ ṅo ||
rab ’byor de lta bas na byaṅ chub sems dpa’ sems dpa’ chen pos ñuṅ ba (2) bas kyaṅ ches ñuṅ ba phyir mi ldog pa’i byaṅ chub sems dpa’ sems dpa’ chen po de dag gi graṅs su bgraṅ bar ’dod pas śes rab kyi pha rol tu phyin pa ’di ñid la bslab par bya’o rnal ’byor du bya’o ||
rab ’byor gźan yaṅ byaṅ chub sems dpa’ sems dpa’ chen po de ltar (3) śes rab kyi pha rol tu phyin pa’i slob pa na thab daṅ ldan pa’i sems mi skye the tshom daṅ ldan pa’i sems mi skye phrag dog daṅ ldan pa’i sems mi skye ser sna daṅ ldan pa’i sems mi skye tshul khrims ’chal pa daṅ ldan pa’i sems mi skye gnod sems daṅ ldan pa’i sems mi skye le lo daṅ ldan (4) pa’i sems mi skye g-yeṅ ba daṅ ldan pa’i sems mi skye ’chal ba’i śes rab daṅ ldan pa’i sems mi skye’o ||
rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la slob pas pha rol tu phyin pa thams cad yaṅ dag par bzuṅ bar ’gyur ro ||
pha (5) rol tu phyin pa thams cad yoṅs su bzuṅ bar ’gyur ro ||
pha rol tu phyin pa thams cad mchog tu bzuṅ bar ’gyur ro ||
pha rol tu phyin pa thams cad rjes su soṅ bar ’gyur ro ||
pha rol tu phyin pa thams cad naṅ du ’dus par ’gyur ro ||
rab ’byor ’di lta ste dper na | ’jig (6) tshogs la lta ba’i naṅ du lta ba drug cu rtsa gñis ’dus par ’gyur te ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la slob pa der pha rol tu phyin pa thams cad naṅ du ’dus par ’gyur ro ||
rab ’byor ’di lta ste dper na | skyes bu’i (7) srog gi dbaṅ po’i naṅ du dbaṅ po thams cad ’dus par ’gyur ro ||
rab ’byor de bźin du śes rab kyi pha rol tu phyin pa la slob na byaṅ chub sems dpa’ sems dpa’ chen po’i dge ba’i chos thams cad naṅ du ’dus par ’gyur ro ||
rab ’byor ’di lta ste dper na | skyes bu’i srog (233b1) gi dbaṅ po ’gags na dbaṅ po thams cad ’gag par ’gyur ro ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la slob na mi śes pa ’gag ba daṅ mi dge ba’i chos thams cad ’gag par ’gyur źiṅ pha rol tu phyin pa thams (2) cad naṅ du ’dus śiṅ yoṅs su ’dzin par ’gyur ro ||
rab ’byor de lta bas na byaṅ chub sems dpa’ sems dpa’ chen po pha rol tu phyin pa thams cad yoṅs su gzuṅ bar ’dod pas śes rab kyi pha rol tu phyin pa la bslab par bya’o ||
rab ’byor byaṅ chub sems dpa’ sems (3) dpa’ chen po śes rab kyi pha rol tu phyin pa la slob na sems can thams cad kyi mchog tu slob bo ||
de ci’i phyir źe na | bsod nams kyi mchog ñid yin pa’i phyir ro ||
rab ’byor de ci sñam du sems ci stoṅ gsum gyi stoṅ chen po’i ’jig rten gyi khams na yod pa’i sems can (4) ci sñed sems can du bsdu bas kun tu bsdus pa de dag thams cad maṅ ba yin nam | rab ’byor gyis gsol pa | bcom ldan ’das ’dzam bu’i gliṅ gi sems can yaṅ maṅ ba lags na stoṅ gsum gyi stoṅ chen po’i ’jig rten gyi khams kyi sems can thams cad lta ci (5) smros | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gcig gis ci srid ’tsho’i bar du ’dug ciṅ sems can de dag thams cad la gos daṅ zas daṅ mal cha daṅ na ba’i gsos sman daṅ yo byad daṅ ñe bar phan pa thams cad (6) kyis rim gror byas na | rab ’byor ’di ci sñam du sems ci byaṅ chub sems dpa’ sems dpa’ chen po de de’i gźi las bsod nams maṅ du skyed dam | rab ’byor gyis gsol pa | bcom ldan ’das maṅ ṅo bde bar gśegs pa maṅ ṅo ||
bcom ldan ’das kyis bka’ (7) stsal pa | rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di la chuṅ ṅu na se gol gtogs pa srid du sgom na de bas ches bsod nams maṅ du skyed do ||
de ci’i phyir źe na | rab ’byor byaṅ chub sems dpa’ sems dpa’ chen po’i śes rab (234a1) kyi pha rol tu phyin pa ni don de ltar che ste śes rab kyi pha rol tu phyin pa ni byaṅ chub sems dpa’ sems dpa’ chen po’i bla na med pa yaṅ dag par rdzogs pa’i byaṅ chub thob par byed pa’o ||
rab ’byor de lta bas na byaṅ chub sems dpa’ sems dpa’ chen po bla na med (2) pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa daṅ sems can thams cad kyi naṅ na bla na med par ’gyur bar ’dod pa daṅ sems can mgon med pa thams cad kyi mgon du ’gyur bar ’dod pa daṅ saṅs rgyas kyi yul rjes su thob par ’dod pa daṅ (3) saṅs rgyas kyi khyu mchog tu ’gyur ba rjes su thob par ’dod pa daṅ saṅs rgyas kyi rnam par rol pas rtse bar ’dod pa daṅ saṅs rgyas kyi seṅ ge’i sgra sgrogs par ’dod pa daṅ saṅs rgyas kyi phun sum tshogs pa rjes su thob par ’dod pa daṅ stoṅ gsum gyi stoṅ chen po’i ’jig rten gyi khams su (4) chos kyi gtam byed pas ’dod pa’i byaṅ chub sems dpa’ sems dpa’ chen pos śes rab kyi pha rol tu phyin pa ’di la bslab par bya’o ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la slob pa na des gaṅ ma bslabs par ’gyur ba’i phun sum tshogs (5) pa de dag ṅas yaṅ dag par rjes su ma mthoṅ ṅo ||
rab ’byor gyis gsol pa | bcom ldan ’das yaṅ ci ñan thos kyi phun sum tshogs pa yaṅ byaṅ chub sems dpa’ sems dpa’ chen po des bslab pa lags sam | bcom ldan ’das kyis bka’ stsal pa | rab ’byor ñan thos (6) kyi phun sum tshogs pa yaṅ byaṅ chub sems dpa’ sems dpa’ chen po des bslab par ’gyur te | rab ’byor byaṅ chub sems dpa’ sems dpa’ chen po ni ñan thos kyi phun sum tshogs pa la yaṅ gnas par bya’o źes mi slob pa dag la ñan thos kyi phun sum tshogs pa yod par ’gyur ro (7) źes mi slob ste de ltar slob par ni mi byed do ||
rab ’byor yaṅ ñan thos kyi yon tan gaṅ dag yin pa de dag kyaṅ yaṅ dag par śes te de la gnas pa ni ma yin no ||
de ltar rnam par dpyod par byed kyi gnas par ni mi byed de bdag gis ñan thos kyi yon tan ’di dag bśad par bya’o rab tu (234b1) bstan par bya’o źes slob bo ||
rab ’byor byaṅ chub sems dpa’ sems dpa’ chen po de ltar slob na lha daṅ mi daṅ lha ma yin du bcas pa’i ’jig rten gyi sbyin pa’i gnas su ’gyur ro ||
rab ’byor byaṅ chub sems dpa’ sems dpa’ chen po de ltar slob na de las gźan pa’i sbyin pa’i gnas ñan (2) thos daṅ ldan pa daṅ raṅ saṅs rgyas daṅ ldan pa de dag thams cad zil gyis gnon te de thams cad mkhyen pa ñid la ñe bar ’gyur ro ||
rab ’byor byaṅ chub sems dpa’ sems dpa’ chen po de ltar slob pa ni śes rab kyi pha rol tu phyin pa mi ’dor te śes rab kyi pha rol tu phyin pa la spyod (3) ciṅ śes rab kyi pha rol tu phyin pa’i gnas pa daṅ ma bral ba yin no ||
rab ’byor byaṅ chub sems dpa’ sems dpa’ chen po de ltar spyod na thams cad mkhyen pa ñid las yoṅs su mi ñams pa’i chos can du rig par bya’o ||
ñan thos kyi sa daṅ raṅ saṅs rgyas kyi sa ’aṅ riṅ du (4) byed do ||
bla na med pa yaṅ dag par rdzogs pa’i byaṅ chub la ñe bar ’gyur ro ||
gal te yaṅ de ’di sñam du ’di ni śes rab kyi pha rol tu phyin pa ste | gaṅ źig thams cad mkhyen pa ’di ñid thob par byed pa yin no sñam du sems śiṅ de ltar śes na śes rab kyi pha rol tu phyin pa (5) la mi spyod do ||
de ste śes rab kyi pha rol tu phyin pa ’di yaṅ yaṅ dag par mi śes te | ’di ni śes rab kyi pha rol tu phyin pa’o ’di’i śes rab kyi pha rol tu phyin pa’o śes rab kyi pha rol tu phyin pa ’di ni thams cad mkhyen pa ñid thob pa’o źes rab ’byed gal te de ltar yaṅ byaṅ chub (6) sems dpa’ sems dpa’ chen pos yaṅ dag par mi śes yaṅ dag par rjes su mi mthoṅ na | rab ’byor de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa yin no ||
’phags pa śes rab kyi pha rol tu phyin pa brgyad stoṅ pa las (7) bslab pa’i le’u źes bya ste ñi śu lṅa pa’o || ||
śes rab kyi pha rol tu phyin pa brgyad stoṅ pa | bam po ñi śu gcig pa | de nas lha rnams kyi dbaṅ po brgya byin ’di sñam du sems te byaṅ chub sems dpa’ sems dpa’ chen po’i spyod pa ñid kyis kyaṅ re źig sems (235a1) can thams cad ’di ltar zil gyis gnon na gaṅ gi tshe bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur pas lta ci smos | sems can gaṅ dag thams cad mkhyen pa ñid du sems ’jug pa de dag ni rñed pa legs (2) par rñed pa yin sems can de dag ni ’tsho ba yaṅ legs par ’tsho ba yin na | yaṅ gaṅ gis bla na med pa yaṅ dag par rdzogs pa’i byaṅ chub tu sems bskyed pa lta ci smos | sems can dam pa gaṅ bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ (3) rgya bar ’gyur ba’i sems can de dag ni ’dod par bya ba’o ||
de nas lha rnams kyi dbaṅ po brgya byin gyis me tog man d ra ba dag mṅon par sprul nas me tog sñim par thogs te de bźin gśegs pa dgra bcom pa yaṅ dag par rdzogs pa’i saṅs rgyas la gtor nas tshig tu yaṅ (4) ’di skad ces smras so ||
byaṅ chub sems dpa’i theg pa pa’i gaṅ zag gaṅ dag gis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te mṅon par rdzogs par saṅs rgyas nas ’khor ba’i rgya mtsho chen pos khyer par gyur pa’i sems can thams cad (5) pha rol gyi ’gram rdzogs pa’i saṅs rgyas kyi sa la mñam par gźag par bgyi’o źes bla na med pa yaṅ dag par rdzogs pa’i byaṅ chub tu sems bskyed pa de dag gis ’tshal ba daṅ yoṅs su bsams pa daṅ yoṅs su bzuṅ ba’i sems bskyed pa de rnams ’byor bar gyur cig | de dag (6) gi saṅs rgyas kyi chos de dag ñid yoṅs su rdzogs par gyur cig | thams cad mkhyen pa ñid daṅ ldan pa’i chos de dag ñid yoṅs su rdzogs par gyur cig raṅ byuṅ gi chos de dag nid yoṅs su rdzogs par gyur cig mi ’phrogs pa’i chos de dag ñid yoṅs su rdzogs par gyur cig | (7) bcom ldan ’das bdag ni byaṅ chub sems dpa’ sems dpa’ chen po sñiṅ rje chen po daṅ ldan pa gaṅ yin pa de dag bla na med pa yaṅ dag par rdzogs pa’i byaṅ chub las slar ldog pa’i sems bskyed pa gcig kyaṅ mi skye’o ||
bcom ldan ’das bdag ni byaṅ chub sems dpa’i theg pa (235b1) pa’i gaṅ zag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ dag par źugs pa gaṅ yin pa de dag de las slar ldog par sems bskyed pa gcig kyaṅ mi skye ste | sems can rnams kyi ’khor ba na spyod pa’i sdug bsṅal rnams yaṅ dag (2) par mthoṅ bas bla na med pa yaṅ dag par rdzogs pa’i byaṅ chub tu smon lam rgya cher skyed par ’gyur ro ||
de ci’i slad du źe na | gaṅ dag sems bskyed pa ’di lta bu ’di dag daṅ ldan te ci ltar bdag rgal bas sems can rnams bsgral bar bgyi grol bas grol bar bgyi dbugs (3) phyuṅ bas dbugs dbyuṅ bar bgyi yoṅs su mya ṅan las ’das pas yoṅs su mya ṅan las bzla bar bgyi’o źes de lta bu’i sems bskyed pa de dag gis gnas pa de dag ni | sñiṅ rje chen po de don du ’tshal ba daṅ sman par ’tshal ba daṅ lha daṅ mi daṅ lha ma yin du bcas pa’i ’jig (4) rten la sñiṅ brtse bas sñiṅ brtse bar bgyid pa lags so ||
bcom ldan ’das gaṅ byaṅ chub sems dpa’ sems dpa’ chen po theg pa la daṅ por źugs pa de dag gi sems bskyed pa de dag la rjes su yi raṅ ba daṅ byaṅ chub sems dpa’i spyad pa spyod pa rnams kyi sems bskyed pa de (5) dag la yaṅ rjes su yi raṅ ba daṅ phyir mi ldog pa’i byaṅ chub sems dpa’ sems dpa’ chen po rnams kyi phyir mi ldog pa’i chos ñid la yaṅ rjes su yi raṅ ba daṅ skye ba gcig gis thogs pa’i byaṅ chub sems dpa’ sems dpa’ chen po rnams kyi skye ba gcig gis thogs pa’i chos ñid la (6) yaṅ rjes su yi raṅ bar bgyid na | bcom ldan ’das rigs kyi bu ’am rigs kyi bu mo de bsod nams ci tsam źig skyed par ’gyur | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka yaṅ ri rab (7) ri’i rgyal po sraṅ graṅs su bcal ba’i tshad ni gzuṅ bar nus kyi | kau śi ka rigs kyi bu’am rigs kyi bu mo byaṅ chub sems dpa’ sems dpa’ chen po’i rjes su yi raṅ ba daṅ ldan pa’i sems bskyed pa de’i bsod nams kyi tshad ni gzuṅ bar mi nus so ||
kau śi ka yaṅ gliṅ chen po (236a1) bźi pa’i ’jig rten gyi khams sraṅ graṅs su bcal ba’i tshad ni gzuṅ bar nus kyi | kau śi ka rjes su yi raṅ ba daṅ ldan pa’i sems bskyed pa de’i bsod nams kyi tshad ni gzuṅ bar mi nus so ||
kau śi ka yaṅ stoṅ spyi phud kyi ’jig rten gyi khams sraṅ graṅs su (2) bcal ba’i tshad ni gzuṅ bar nus kyi | kau śi ka rjes su yi raṅ ba daṅ ldan pa’i sems bskyed pa de’i bsod nams kyi tshad ni gzuṅ bar mi nus so ||
kau śi ka yaṅ stoṅ gñis pa bar ma’i ’jig rten gyi khams sraṅ graṅs su bcal ba’i tshad ni gzuṅ bar nus kyi | kau śi ka rjes su yi raṅ (3) ba daṅ ldan pa’i sems bskyed pa de’i bsod nams kyi tshad ni gzuṅ bar mi nus so ||
kau śi ka yaṅ stoṅ gsum gyi stoṅ chen po’i ’jig rten gyi khams sraṅ graṅs su bcal ba’i tshad ni gzuṅ bar nus kyi | kau śi ka rigs kyi bu’am rigs kyi bu mo byaṅ chub sems dpa’ sems dpa’ chen (4) po’i rjes su yi raṅ ba daṅ ldan pa’i sems bskyed pa de’i bsod nams kyi tshad ni gzuṅ bar mi nus so ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das sems can gaṅ dag byaṅ chub (5) sems dpa’ sems dpa’ chen po sems daṅ po bskyed pa nas bzuṅ ste bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i bar rnams kyi rjes su yi raṅ ba daṅ ldan pa’i sems bskyed pa’i bsod nams de ltar gźal du ma mchis pa lags par mi ñan ma (6) ’tshal ma mthoṅ rjes su yi raṅ bar mi sems pa de dag ni bdud kyis byin gyis brlabs par rig par bgyi’o ||
bcom ldan ’das sems can gaṅ byaṅ chub sems dpa’ sems dpa’ chen po rnams kyi sems bskyed pa ’di la rjes su yi raṅ bar mi bgyid pa de dag ni bdud kyi phyogs su gyur pa (7) lags so ||
bcom ldan ’das sems can gaṅ byaṅ chub sems dpa’ sems dpa’ chen po rnams kyi sems bskyed pa ’di la rjes su yi raṅ bar mi bgyid pa de dag ni bdud kyi gnas nas śi ’phos pa lags so ||
de ci’i slad du źe na | bcom ldan ’das gaṅ gis sems bskyed pa (236b1) ’di dag mṅon par bsgrubs pa daṅ | sems bskyed pa ’di dag bla na med pa yaṅ dag par rdzogs pa’i byaṅ chub tu yoṅs su bsṅos pa’am sems bskyed pa ’di dag la rjes su yi raṅ bar bgyis pa de dag gis ni bdud kyi gnas rnam par ’jig par bgyid pa lags so ||
bcom (2) ldan ’das byaṅ chub sems dpa’ sems dpa’ chen po gaṅ dag gis bla na med pa yaṅ dag par rdzogs pa’i byaṅ chub tu sems bskyed pa’i byaṅ chub sems dpa’ sems dpa’ chen po de dag gis sems bskyed pa de dag ni rjes su yi raṅ bar bgyi ba lags so ||
bcom ldan ’das (3) gaṅ gis de bźin gśegs pa yoṅs su ma btaṅ ba daṅ | chos yoṅs su ma btaṅ ba daṅ dge ’dun yoṅs su ma btaṅ ba’i rigs kyi bu ’am rigs kyi bu mo de dag gis sems bskyed pa ’di la rjes su yi raṅ bar bgyi’o ||
de skad ces gsol pa daṅ | bcom ldan ’das kyis (4) lha rnams kyi dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | kau śi ka rigs kyi bu ’am rigs kyi bu mo gaṅ dag gis de bźin gśegs pa yoṅs su ma btaṅ ba daṅ chos yoṅs su ma btaṅ ba daṅ dge ’dun yoṅs su ma btaṅ ba de dag gis (5) sems bskyed pa ’di dag la rjes su yi raṅ bar bya’o ||
kau śi ka rigs kyi bu ’am rigs kyi bu mo byaṅ chub sems dpa’i theg pa pa’am raṅ saṅs rgyas kyi theg pa pa ’am ñan thos kyi theg pa pa gaṅ dag gis sems bskyed pa ’di la rjes su yi raṅ bar byas na de dag myur du de bźin (6) gśegs pa dgra bcom pa yaṅ dag par rdzogs pa’i saṅs rgyas rnams mñes par byed par ’gyur gyi mi mñes par byed par mi ’gyur ro ||
de skad ces bka’ stsal pa daṅ | bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom (7) ldan ’das de de bźin no bde bar gśegs pa de de bźin te | rigs kyi bu ’am rigs kyi bu mo byaṅ chub sems dpa’i theg pa pa ’am raṅ sags rgyas kyi theg pa pa ’am ñan thos kyi theg pa pa gaṅ dag gis sems bskyed pa ’di dag la rjes su yi raṅ ba de dag ni śin tu myur bar de (237a1) bźin gśegs pa dgra bcom pa yaṅ dag par rdzogs pa’i saṅs rgyas rnams mñes par bgyid par ’gyur gyi mi mñes par bgyid par mi ’gyur ro ||
de ltar rjes su yi raṅ ba daṅ ldan pa’i sems bskyed pa’i dge ba’i rtsa ba de dag gis gaṅ daṅ gaṅ du skye bar (2) gyur pa de daṅ der bkur stir bgyis par ’gyur bla mar bgyis par ’gyur rjed par bgyis par ’gyur mchod par bgyis par ’gyur ri mor bgyis par ’gyur bsñen bkur bgyis par ’gyur te | de dag yid du mi ’oṅ ba’i gzugs mthoṅ bar mi ’gyur de dag yid du mi ’oṅ ba’i sgra thos (3) par mi ’gyur de dag yid du mi ’oṅ ba’i dri snom par mi ’gyur de dag yid du mi ’oṅ ba’i ro yoṅs su myoṅ bar mi ’gyur de dag yid du mi ’oṅ ba’i reg bya la reg par mi ’gyur ro ||
de dag ṅan soṅ du mi skye bar rig par bgyi ste de dag mtho ris su skye bar rig par bgyi’o ||
de ci’i (4) slad du źe na | ’di ltar rigs kyi bu ’am rigs kyi bu mo de dag gis sems can gźal du med pa daṅ graṅs med pa’i dge ba’i rtsa ba sems can thams cad bde bar byed pa la rjes su yi raṅ ba’i slad du’o ||
bcom ldan ’das gaṅ gis ’dun pa bskyed de gaṅ zag byaṅ (5) chub sems dpa’i theg pa can rnams kyi sems bskyed pa de dag la rjes su yi raṅ bar bgyis pa de dag gi sems bskyed pa de dag kyaṅ rnam par ’phel bas bla na med pa yaṅ dag par rdzogs pa’i byaṅ chub thob par bgyid par ’gyur ro ||
de dag kyaṅ bla na med pa yaṅ dag par rdzogs pa’i (6) byaṅ chub mṅon par rdzogs par saṅs rgyas nas sems can gźal du ma mchis graṅs ma mchis pa rnams yoṅs su mya ṅan las ’da’ bar bgyid par ’gyur ro ||
bcom ldan ’das kyis bka’ stsal pa | kau śi ka de bźin gśegs pa’i mthus khyod kyis tshig ci skad smras pa de de (7) bźin no de de bźin te | kau śi ka rigs kyi bu ’am rigs kyi bu mo gaṅ gis gaṅ zag byaṅ chub sems dpa’i theg pa pa rnams kyi sems bskyed pa de dag la rjes su yi raṅ ba byas na | kau śi ka rnam graṅs ’dis rigs kyi bu ’am rigs kyi bu mo des gaṅ zag byaṅ chub sems (237b1) dpa’i theg pa pa rnams kyi sems bskyed pa de dag la rjes su yi raṅ bar byas pas sems can gźal du med bgraṅ du med pa dag gi dge ba’i rtsa ba la rjes su yi raṅ bar ’gyur bskyed pa daṅ mṅon par bsgrubs par ’gyur ro ||
rab ’byor gyis gsol pa | bcom ldan ’das (2) sems sgyu ma lta bu ci ltar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ci sñam du sems khyod (3) kyis sems sgyu ma lta bur yaṅ dag par rjes su mthoṅ ṅam | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ci sñam du sems khyod kyis sgyu ma yaṅ dag par rjes su mthoṅ ṅam | rab ’byor (4) gyis gsol pa | bcom ldan ’das de ni ma lags te bcom ldan ’das bdag gis sems sgyu ma lta bu daṅ sgyu ma yaṅ yaṅ dag par rjes su ma mthoṅ ṅo ||
bcom ldan ’das kyis bka’ stsal pa | rab ’byor ’di ci sñam du sems sgyu ma daṅ sems sgyu ma lta bu yaṅ yaṅ dag (5) par rjes su ma mthoṅ ba gaṅ yin pa khyod kyis ci sgyu ma ’am sems sgyu ma lta bu las gźan na chos gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos de yaṅ dag par rjes su mthoṅ ṅam ||
rab ’byor gyis gsol pa | bcom ldan (6) ’das de ni ma lags te bcom ldan ’das bdag gis sgyu ma ’am sems sgyu ma lta bu las gźan na chos gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos de yaṅ dag par rjes su ma mthoṅ ṅo ||
bcom ldan ’das bdag gis (7) sgyu ma ’am sems sgyu ma lta bu las gźan du chos de yaṅ dag par rjes su ma mthoṅ na mchis pa’o źe’am ma mchis pa’o źes chos gaṅ źig brjod par bgyi | chos śin tu dben pa de ni mchis pa’o źe ’am ma mchis pa’o źes rtogs su ma mchis te | chos gaṅ śin tu (238a1) dben pa de ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya’o ||
de ci’i slad du źe na | bcom ldan ’das chos ma mchis pa ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya’o ||
(2) bcom ldan ’das de lta bas na śes rab kyi pha rol tu phyin pa ni śin tu dben pa lags la | chos gaṅ śin tu dben pa’i chos de ni bsgom par bgyi ba ma lags te des ni chos gaṅ yaṅ thob par bgyid pa’am spoṅ par bgyid pa ma lags na | bcom ldan ’das ci ltar śes (3) kyi pha rol tu phyin pa śin tu dben pa la brten nas byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur | bcom ldan ’das bla na med pa yaṅ dag par rdzogs pa’i byaṅ chub kyaṅ śin tu dben pa lags (4) te | bcom ldan ’das gaṅ gi tshe śes rab kyi pha rol tu phyin pa śin tu dben pa lags la bla na med pa yaṅ dag par rdzogs pa’i byaṅ chub kyaṅ śin tu dben pa lags na | bcom ldan ’das de’i tshe ci ltar dben pas dben pa mṅon par rdzogs par ’tshaṅ rgya bar ’gyur | de skad (5) ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so legs so ||
rab ’byor de de bźin no de de bźin te | rab ’byor śes rab kyi pha rol tu phyin pa ni śin tu dben pa’o ||
bla na med pa yaṅ dag (6) par rdzogs pa’i byaṅ chub kyaṅ śin tu dben pa yin te | rab ’byor gaṅ gi phyir śes rab kyi pha rol tu phyin pa śin tu dben pa de ñid kyi phyir bla na med pa yaṅ dag par rdzogs pa’i byaṅ chub śin tu dben pa mṅon par rdzogs par ’chaṅ rgya’o ||
rab ’byor gal te byaṅ chub sems dpa’ (7) sems dpa’ chen pos śes rab kyi pha rol tu phyin pa śin tu dben pa’o źes yaṅ dag par śes na de śes rab kyi pha rol tu phyin pa ma yin no ||
rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la brten nas bla na med pa yaṅ dag par rdzogs pa’i (238b1) byaṅ chub mṅon par rdzogs par ’tshaṅ rgya ste | rab ’byor śes rab kyi pha rol tu phyin pa la brten nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba yaṅ med do ||
dben pas dben pa mṅon par rdzogs par ’tshaṅ mi rgya mod kyi | (2) byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ yaṅ rgya ste śes rab kyi pha rol tu phyin pa lam brten par yaṅ mṅon par rdzogs par ’tshaṅ mi rgya’o ||
rab ’byor gyis gsol pa | bcom ldan ’das ci ltar (3) bdag gis bcom ldan ’das kyis bka’ stsal pa’i don ’tshal ba de ltar na | bcom ldan ’das byaṅ chub sems dpa’ sems dpa’ chen po ni don zab mo la spyod do ||
bcom ldan ’das kyis bka’ stsal pa | rab ’byor de de bźin no de de bźin te | rab ’byor byaṅ chub (4) sems dpa’ sems dpa’ chen po don zab mo la spyod do ||
rab ’byor byaṅ chub sems dpa’ sems dpa’ chen po gaṅ don zab mo la yaṅ spyod la | ’di lta ste ñan thos kyi sa ’am raṅ saṅs rgyas kyi sar don de mṅon sum du mi byed pa ni dka’ ba byed pa yin no ||
rab ’byor (5) gyis gsol pa | bcom ldan ’das ci ltar bdag gis bcom ldan ’das kyis bka’ stsal pa’i don ’tshal ba de ltar na byaṅ chub sems dpa’ sems dpa’ chen po dka’ ba bgyid pa caṅ ma lags so ||
de ci’i slad du źe na | bcom ldan ’das ’di ltar gaṅ źig mṅon sum (6) du bgyid pa’i chos de ñid kyaṅ mi dmigs gaṅ mṅon du bgyi ba’i chos de yaṅ mi dmigs gaṅ gis mṅon sum du bgyi ba’i chos de yaṅ mi dmigs pa’i slad du’o ||
bcom ldan ’das gal te ’di skad bśad pa la byaṅ chub sems dpa’ sems dpa’ chen po mi źum mi ’goṅ (7) kun tu mi źum yid phyir phyogs par mi ’gyur mi dṅaṅ kun tu mi skrag kun tu skrag pa daṅ ldan par mi ’gyur na śes rab kyi pha rol tu phyin pa la spyod do ||
gal te spyod do sñam du yaṅ dag par rjes su mi mthoṅ na śes rab kyi pha rol tu phyin pa la spyod do ||
gal te bdag bla na med pa (239a1) yaṅ dag par rdzogs pa’i byaṅ chub tu ñe bar gyur to sñam du de ltar yaṅ yaṅ dag par rjes su mi mthoṅ na śes rab kyi pha rol tu phyin pa la spyod do ||
gal te bdag gis ñan thos daṅ raṅ saṅs rgyas kyi sa rgyaṅ riṅ du bsriṅs so sñam du de ltar yaṅ de mi sems na śes rab kyi (2) pha rol tu phyin pa la spyod do ||
bcom ldan ’das ’di lta ste dper na nam mkha’ ni ’di sñam du bdag kha cig daṅ ni ñe’o kha cig daṅ ni riṅ ṅo źes sñam du mi sems so ||
de ci’i slad du źe na | bcom ldan ’das nam mkha’ la rnam par rtog pa ma mchis pa’i slad du ste | (3) bcom ldan ’das de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ bdag ni bla na med pa yaṅ dag par rdzogs pa’i byaṅ chub daṅ ñe bar gyur te ñan thos kyi sa daṅ raṅ saṅs rgyas kyi sa ni bdag daṅ rgyaṅ riṅ ṅo sñam du mi sems so ||
(4) de ci’i slad du źe na | bcom ldan ’das śes rab kyi pha rol tu phyin pa la rnam par rtog pa ma mchis pa’i slad du’o ||
bcom ldan ’das ’di lta ste dper na sgyu ma’i skyes bu ni ’di sñam du sgyu ma byed pa ni bdag daṅ ñe’i yaṅ skye po’i tshogs gźan ’dus pa ’di ni bdag daṅ rgyaṅ riṅ (5) ṅo źes mi sems so ||
de ci’i slad du źe na | bcom ldan ’das sgyu ma’i skyes bu la rnam par rtog pa ma mchis pa’i slad du ste | bcom ldan ’das de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ ’di sñam du bdag ni bla na med pa (6) yaṅ dag par rdzogs pa’i byaṅ chub daṅ ñe bar gyur te ñan thos kyis daṅ raṅ saṅs rgyas kyis ni bdag daṅ rgyaṅ riṅ ṅo źes mi sems so ||
de ci’i slad du źe na | bcom ldan ’das śes rab kyi pha rol tu phyin pa la rnam par rtog pa ma mchis pa’i slad du’o ||
bcom ldan ’das ’di lta (7) ste dper na gzugs brñan ni ’di sñam du dmigs pa gaṅ gis gzugs brñan ’byuṅ ba de ni bdag daṅ ñe ba yin gyi yaṅ gaṅ dag me loṅ ṅam snod chus bkaṅ ba de’i druṅ du ñe bar ma ’oṅs pa de dag ni bdag daṅ rgyaṅ riṅ ṅo źes mi sems so ||
de ci’i slad du źe na | bcom ldan (239b1) ’das gzugs brñan la rnam par rtog pa ma mchis pa’i slad du ste | bcom ldan ’das de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ ’di sñam du bdag ni bla na med pa yaṅ dag par rdzogs pa’i byaṅ chub daṅ ñe bar gyur te ñan (2) thos kyis daṅ raṅ saṅs rgyas kyi sa ni bdag daṅ rgyaṅ riṅ po źes mi sems so ||
de ci’i slad du źe na | bcom ldan ’das śes rab kyi pha rol tu phyin pa la rnam par rtog pa ma mchis pa’i slad du’o ||
bcom ldan ’das ’di lta ste dper na de bźin gśegs pa ni su la yaṅ sdug pa’am mi (3) sdug pa mi mṅa’o ||
de ci’i slad du źe na | de bźin gśegs pas rtog pa daṅ rnamaka par rtog pa thams cad spaṅs pa’i slad du ste | bcom ldan ’das de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ su la yaṅ sdug pa ’am (4) mi sdug pa ma mchis so ||
de ci’i slad du źe na | bcom ldan ’das śes rab kyi pha rol tu phyin pa la rnam par rtog pa ma mchis pa ñid kyi slad du’o ||
bcom ldan ’das ci ltar de bźin gśegs pas rtog pa daṅ rnam par rtog pa thams cad spaṅs pa de bźin du | bcom ldan (5) ’das śes rab kyi pha rol tu phyin pa yaṅ rtog pa daṅ rnam par rtog pa thams cad spaṅs pa lags so ||
bcom ldan ’das ’di lta ste dper na de bźin gśegs pa dgra bcom pa yaṅ dag par rdzogs pa’i saṅs rgyas kyi sa sprul pa gaṅ mṅon par sprul pa de ’di sñam du bdag ni bla na (6) med pa yaṅ dag par rdzogs pa’i byaṅ chub daṅ ñe bar gyur te ñan thos daṅ raṅ saṅs rgyas kyis ni bdag daṅ rgyaṅ riṅ ṅo źes mi sems so ||
de ci’i slad du źe na | bcom ldan ’das sprul pa la rnam par rtog pa ma mchis pa’i slad du ste | bcom ldan ’das de bźin du byaṅ chub (7) sems dpa’ sems dpa’ chen po śes rab kyi pha rol tu phyin pa la spyod pa yaṅ ’di sñam du bdag ni bla na med pa yaṅ dag par rdzogs pa’i byaṅ chub daṅ ñe bar gyur te ñan thos kyi sa daṅ raṅ saṅs rgyas kyis ni bdag daṅ rgyaṅ riṅ ṅo źes mi sems so ||
de ci’i slad du źe na | bcom ldan (240a1) ’das śes rab kyi pha rol tu phyin pa la rnam par rtog pa ma mchis pa’i slad du’o ||
bcom ldan ’das ’di lta ste dper na sprul pa de bgyi ba gaṅ bgyi ba’i slad du sprul pa’i bgyi ba de yaṅ bgyid la sprul pa de yaṅ rnam par rtog pa ma mchis so ||
de ci’i slad du źe na | (2) sprul pa de la rnam par rtog pa ma mchis pa’i slad du ste | bcom ldan ’das de bźin du byaṅ chub sems dpa’ sems dpa’ chen po yaṅ bgyi ba gaṅ bgyi ba’i slad du śes rab kyi pha rol tu phyin pa ’di bsgom par bgyi ba de yaṅ bgyid la śes rab kyi pha rol tu phyin pa de yaṅ rnam par rtog pa ma (3) mchis so ||
de ci’i slad du źe na | bcom ldan ’das śes rab kyi pha rol tu phyin pa la rnam par rtog pa ma mchis pa’i slad du’o ||
bcom ldan ’das ’di lta ste dper na śiṅ mkhan mkhas pa ’am śiṅ mkhan gyi slob mas śiṅ las bgyis pa’i skyes pa ’am bud med kyi ’khrul ’khor (4) sbyar ba bgyis na | de bgyi ba gaṅ bgyi ba’i slad du bgyis pa’i bgyi ba de bgyid kyaṅ śiṅ gi tshogs de ni rnam par rtog pa ma mchis so ||
de ci’i slad du źe na | bcom ldan ’das śiṅ gi tshogs de la rnam par rtog pa ma mchis pa’i slad du ste | bcom ldan ’das de bźin du byaṅ chub (5) sems dpa’ sems dpa’ chen po yaṅ bgyi ba gaṅ bgyi ba’i slad du śes rab kyi pha rol tu phyin pa ’di bsgom pa bgyi ba de yaṅ bgyid la śes rab kyi pha rol tu phyin pa de yaṅ rnam par rtog pa ma mchis so ||
de ci’i slad du źe na | bcom ldan ’das śes rab kyi pha rol tu phyin pa la (6) rnam par rtog pa ma mchis pa’i slad du’o ||
’phags pa śes rab kyi pha rol tu phyin pa brgyad stoṅ pa las sgyu ma lta bu’i le’u źes bya ste ñi śu drug pa’o || ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab (7) ’byor kye ma byaṅ chub sems dpa’ sems dpa’ chen po gaṅ śes rab kyi pha rol tu phyin pa la spyod pa ni sñiṅ po la spyod do ||
de skad ces smras pa daṅ ||
tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu kye ma byaṅ chub sems dpa’ (240b1) sems dpa’ chen po gaṅ śes rab kyi pha rol tu phyin pa la spyod pa ni sñiṅ pa ma yin pa la spyod pa’o ||
de nas ’dod pa na spyod pa’i lha’i bu stoṅ phrag maṅ po rnams ’di sñam du sems te gaṅ dag bla na med pa yaṅ dag par rdzogs pa’i byaṅ chub tu sems bskyed nas mṅon par bsgrub (2) pa’i sems can de dag ni phyag bya pa yin no ||
gaṅ dag śes rab kyi pha rol phyin pa zab mo ’di la spyod ciṅ de ltar spyod kyaṅ ’di lta ste ñan thos kyi sa ’am raṅ saṅs rgyas kyi sar yaṅ dag pa’i mtha’ mṅon sum du mi byed pa daṅ gaṅ chos rnams kyi chos ñid la spyod kyaṅ chos ñid mṅon sum (3) du mi byed pa’i rnam graṅs ’dis kyaṅ byaṅ chub sems dpa’ sems dpa’ chen po rnams dka’ ba byed pa yin par rig par bya’o ||
de nas tshe daṅ ldan pa rab ’byor gyis ’dod pa na spyod pa’i lha’i bu stoṅ phrag maṅ po de dag gi sems kyi rtog pa sems kyis śes nas ’dod pa na spyod pa’i lha’i (4) bu stoṅ phrag maṅ po de dag la smras pa | lha’i bu dag gaṅ dag yaṅ dag pa’i mtha’ de mṅon sum du mi byed pa’i byaṅ chub sems dpa’ sems dpa’ chen po de dag ni dka’ ba byed pa ma yin gyi | lha’i bu rnams gaṅ gi tshe sems can gźal du med graṅs med pa rnams yoṅs su mya ṅan (5) las bzla bar bya’o ||
sñam du go cha bgos pa’i byaṅ chub sems dpa’ sems dpa’ chen po de dag ni dka’ ba dbye pa yin mchog tu dka’ ba byed pa yin te | sems can rnams ni dben pa’i phyir sems can de dag kyaṅ śin tu yaṅ dag par med de yaṅ dag par med pas dmigs su (6) med do ||
de bźin du gdul bar bya ba rnams śin tu yaṅ dag par med de yaṅ dag par med pas de dag dmigs su med do ||
de ltar na byaṅ chub sems dpa’ sems dpa’ chen po rnams sems can rnams gdul bar bya’o sñam nas bla na med pa yaṅ dag par rdzogs pa’i byaṅ chub (7) tu mṅon par rdzogs par ’tshaṅ rgya bar yaṅ dag par źugs pa’o ||
lha’i bu dag gaṅ sems can rnams gdul bar bya’o sñam du sems pa de ni nam mkha’ gdul bar bya’o sñam du sems pa’o ||
de ci’i phyir źe na | lha’i bu dag nam mkha’ dben pa’i phyir sems can (241a1) rnams dben par rig par bya’o ||
lha’i bu dag byaṅ chub sems dpa’ sems dpa’ chen po gaṅ sems can rnams yaṅ dag par med ciṅ dmigs su med pa rnams kyi phyir go cha bgos na rnam graṅs ’dis dka’ ba byed pa yin no ||
lta’i bu dag gaṅ sems (2) can rnams kyi phyir go cha bgo bar bya’o sñam du sems pa de ni nam mkha’ daṅ lhan cig rtsod par ba’o sñam du sems pa’o ||
byaṅ chub sems dpa’ sems dpa’ chen pos sems can rnams kyi phyir go cha ’di bgos pa yin no ||
de yaṅ sems can de dag kyaṅ śin tu dmigs pa med (3) par de bźin gśegs pa dgra bcom pa yaṅ dag par rdzogs pa’i saṅs rgyas kyis gsuṅs te de yaṅ sems can dben pa’i phyir de ltar rig par bya’o ||
de ltar gdul bar bya ba dben pa’i phyir byaṅ chub sems dpa’ dben par rig par bya’o ||
gal te ’di ltar bśad (4) pa ’di la byaṅ chub sems dpa’ sems dpa’ chen po źum par ma gyur na lha’i bu dag byaṅ chub sems dpa’ sems dpa’ chen po de ni śes rab kyi pha rol tu phyin pa la spyod pa yin par rig par bya’o ||
de ci’i phyir źe na | sems can dben pa’i phyir gzugs dben par rig par bya’o ||
(5) de bźin du sems can dben pa’i phyir tshor ba daṅ ’du śes daṅ ’du byed rnams dben pa daṅ sems can dben pa’i phyir rnam par śes pa dben par rig par bya’o ||
de bźin du sems can dben pa’i phyir chos thams cad kyi bar du dben par rig par bya’o ||
lha’i bu dag de ltar na chos (6) thams cad dben pa ñid du blta’o ||
lha’i bu dag de ltar chos thams cad dben pa ñid du bśad pa la byaṅ chub sems dpa’ sems dpa’ chen po źum par mi byed na | ’di ltar źum par mi byed pa de’i phyir śes rab kyi pha rol tu phyin pa la spyod pa’o ||
de nas bcom ldan ’das kyis (7) mkhyen bźin du tshe daṅ ldan pa rab ’byor la bka’ stsal pa | rab ’byor ci’i phyir de ltar chos thams cad dben pa ñid du bśad pa la byaṅ chub sems dpa’ sems dpa’ chen po źum par mi byed | rab ’byor gyis gsol pa | bcom ldan ’das dben pa’i slad du źum par mi bgyid do ||
(241b1) bcom ldan ’das rgyu ’dis byaṅ chub sems dpa’ sems dpa’ chen po chos thams cad dben pa ñid du bśad pa la źum par mi bgyid do ||
bcom ldan ’das chos gaṅ la yaṅ źum par ’gyur ba ma mchis so ||
de ci’i slad du źe na | bcom ldan ’das gaṅ źum par ’gyur ba’i (2) chos de dag ni gaṅ yaṅ dmigs su ma mchis te | bcom ldan ’das chos gaṅ gis chos gaṅ źum par ’gyur ba’i chos de yaṅ dmigs su ma mchis so ||
bcom ldan ’das kyis bka’ stsal pa | rab ’byor de de bźin no de de bźin te | rab ’byor ’on kyaṅ gal te de skad (3) du brjod pa daṅ bśad pa daṅ bstan pa daṅ de ltar ñe bar bstan pa la byaṅ chub sems dpa’ sems dpa’ chen po źum par mi ’gyur | bag mi cha bag tsha ba daṅ mi ldan kun tu mi źum yaṅ dag par mi źum yid phyir phyogs par mi byed bcom źiṅ phyir phyogs par mi byed | mi dṅaṅ kun tu (4) mi skrag kun tu skrag pa daṅ mi ldan na | śes rab kyi pha rol tu phyin pa la spyod pa’o ||
rab ’byor gyis gsol pa | bcom ldan ’das de de bźin no ||
bde bar gśegs pa de de bźin te | bcom ldan ’das gal te byaṅ chub sems dpa’ sems dpa’ chen po de ltar spyod na (5) śes rab kyi pha rol tu phyin pa la spyod do ||
de ltar spyod pa’i byaṅ chub sems dpa’ sems dpa’ chen po la dbaṅ po daṅ bcas pa’i lha rnams daṅ tshaṅs pa daṅ bcas pa daṅ skye dgu’i bdag po daṅ bcas pa daṅ dbaṅ ldan daṅ bcas pa daṅ draṅ sreṅ daṅ bcas pa daṅ skyes pa daṅ bud med kyi (6) tshogs rnams kyis rgyaṅ ma nas thal mo sbyar te phyag ’tshal bar ’gyur ro ||
bcom ldan ’das kyis bka’ stsal pa | rab ’byor de ltar spyod pa’i byaṅ chub sems dpa’ sems dpa’ chen po la dbaṅ po daṅ bcas pa’i lha rnams daṅ tshaṅs pa daṅ bcas pa daṅ skye dgu’i bdag po daṅ (7) bcas pa daṅ dbaṅ ldan daṅ bcas pa daṅ draṅ sroṅ daṅ bcas pa daṅ skyes pa daṅ bud med kyi tshogs rnams ’ba’ źig rgyaṅ ma nas thal mo sbyar te phyag ’tshal bar ’gyur bar ma zad kyi | rab ’byor tshaṅs ris kyi lha rnams daṅ tshaṅs pa mdun na ’don daṅ | tshaṅs pa kun ’khor daṅ (242a1) tshaṅs pa chen po daṅ | ’od chuṅ daṅ tshad med ’od daṅ ’od gsal daṅ | dge chuṅ daṅ tshad med dge daṅ dge rgyas daṅ | sprin med daṅ bsod nams ’phal daṅ ’bras bu che ba daṅ | ’du śes med pa’i sems can rnams daṅ | mi che ba daṅ mi gduṅ ba daṅ gya nom (2) snaṅ daṅ śin tu mthoṅ daṅ ’og min gyi lha gaṅ dag yod pa de dag kyaṅ rab ’byor byaṅ chub sems dpa’ sems dpa’ chen po śes rab kyi pha rol tu phyin pa ñid la spyod pa la phyag ’tshal bar ’gyur ro ||
rab ’byor yaṅ ’jig rten gyi khams gźal du med graṅs med pa dag na de bźin (3) gśegs pa dgra bcom pa yaṅ dag par rdzogs pa’i saṅs rgyas gaṅ dag da ltar bźugs te ’tsho źiṅ gźes pa’i saṅs rgyas bcom ldan ’das de dag kyaṅ śes rab kyi pha rol tu phyin pa la de ltar spyod pa’i byaṅ chub sems dpa’ sems dpa’ chen po la saṅs rgyas kyi spyan gyis (4) gzigs te | rab ’byor de dag gis byaṅ chub sems dpa’ sems dpa’ chen po śes rab kyi pha rol tu phyin pa la spyod pa de la phan ’dogs śiṅ dgoṅs par mdzad do ||
rab ’byor yaṅ byaṅ chub sems dpa’ sems dpa’ chen po gaṅ dag śes rab kyi pha rol tu phyin pa la spyod pa (5) de dag la de bźin gśegs pa dgra bcom pa yaṅ dag par rdzogs pa’i saṅs rgyas rnams phan ’dogs śiṅ dgoṅs par mdzad de | rab ’byor byaṅ chub sems dpa’ sems dpa’ chen po de daṅ de dag ni bla na med pa yaṅ dag par rdzogs pa’i byaṅ chub las phyir mi ldog par gzuṅ bar (6) bya’o ||
de dag la bdud dam gźan dag gi bar chad ’byuṅ bar mi ’gyur ro ||
de ci’i phyir źe na | rab ’byor stoṅ gsum gyi stoṅ chen po’i ’jig rten gyi khams na sems can ci sñed yod pa de dag thams cad bdud sdig can du gyur la bdud sdig can de dag re res kyaṅ de sñed kyi bdud kyi (7) sde mṅon par sprul kyaṅ rab ’byor bdud sdig can de dag gis byaṅ chub sems dpa’ sems dpa’ chen po saṅs rgyas kyis dgoṅs śiṅ śes rab kyi pha rol tu phyin pa la spyod pa de la bla na med pa yaṅ dag par rdzogs pa’i byaṅ chub las bar chad bya bar mi nus so ||
rab ’byor yaṅ stoṅ (242b1) gsum gyi stoṅ chen po’i ’jig rten gyi khams kyi sems can thams cad bdud sdig can du gyur pa lta źog | rab ’byor stoṅ gsum gyi stoṅ chen po’i ’jig rten gyi khams gaṅ g’i kluṅ gi bye ma sñed dag na sems can ci sñed yod pa de dag thams cad kyaṅ bdud sdig can du gyur (2) bdud sdig can de dag re res kyaṅ bdud kyi sde de sñed mṅon par sprul kyaṅ rab ’byor bdud sdig can de dag gis byaṅ chub sems dpa’ sems dpa’ chen po saṅs rgyas kyis dgoṅs śiṅ śes rab kyi pha rol tu phyin pa la spyod pa de la bla na med pa yaṅ dag par rdzogs pa’i byaṅ chub las bar (3) chad bya bar mi nus so ||
rab ’byor byaṅ chub sems dpa’ sems dpa’ chen po chos gñis daṅ ldan na | bdud sdig can rnams sam bdud kyi ris kyi lha rnams kyis de’i tshe thub par dka’ ba yin te | gñis po gaṅ źe na | ’di lta ste des sems can thams cad yoṅs su (4) ma btaṅ ba yin | des chos thams cad stoṅ pa ñid du rtogs pa yin te | rab ’byor chos de gñis daṅ ldan pa’i byaṅ chub sems dpa’ sems dpa’ chen po ni bdud sdig can rnams sam bdud kyi ris kyi lha rnams kyis thub par dka’ ba yin no ||
rab ’byor byaṅ chub sems (5) dpa’ sems dpa’ chen po chos gñis po gźan daṅ ldan na bdud sdig can rnams sam bdud kyi ris kyi lha rnams kyis thub par dka’ ba yin te | gñis po gaṅ źe na | ’di lta ste | ci skad du smras pa de bźin byed pa yin | saṅs rgyas bcom ldan ’das rnams kyis dgoṅs (6) pa yin te ||
rab ’byor byaṅ chub sems dpa’ sems dpa’ chen po chos de gñis daṅ ldan pa ni bdud sdig can rnams sam bdud kyi ris kyi lha rnams kyis thub par dka’ ba yin no ||
rab ’byor de ltar spyod pa’i byaṅ chub sems dpa’ sems dpa’ chen po la lha rnams kyaṅ ñe bar ’oṅ (7) bar sems par ’gyur | ñe bar ’oṅs nas kyaṅ yoṅs su ’dri bar sems | yoṅs su dri bar bya bar sems | bsñen bkur bya bar sems so ||
de la spro ba yaṅ skyed par byed de | rigs kyi bu khyod myur du bla na med pa yaṅ dag par rdzogs pa’i byaṅ chub mṅon par rdzogs par (243a1) ’tshaṅ rgya bar ’gyur gyis | rigs kyi bu khyod de lta bas na ’di lta ste | śes rab kyi pha rol tu phyin pa’i gnas pa’i gnas pa ’di ñid kyis gnas par bya’o ||
de ci’i phyir źe na | rigs kyi bu khyod da ltar gnas pa de ñid kyis gnas śiṅ de ltar spyod na sems (2) can mgon med pa rnams kyi mgon du ’gyur | sems can skyob pa med pa rnams kyi skyob par ’gyur | sems can skyabs med pa rnams kyi skyabs su ’gyur | sems can gnas med pa rnams kyi gnas su ’gyur | sems can dpuṅ gñen med pa rnams kyi dpuṅ gñen du ’gyur | (3) sems can gliṅ med pa rnams kyi gliṅ du ’gyur | sems can ldoṅs pa rnams kyi snaṅ bar ’gyur | sems can yoṅs su ’dren pa med pa rnams kyi yoṅs su ’dren par ’gyur | sems can rten med pa rnams kyi rten du ’gyur | sems can lam las rab tu ñams pa rnams daṅ (4) ṅes par ’byuṅ ba med pa rnams kyi lam gyi dam pa daṅ ṅes par ’byuṅ bar ’gyur ro źes | lha’i bu de dag de ltar byaṅ chub sems dpa’ sems dpa’ chen po de la spro ba skyed do ||
de ci’i phyir źe na | rab ’byor ’jig rten gyi khams gźal du med pa bgraṅ du med pa dag na saṅs (5) rgyas bcom ldan ’das gaṅ dag ñan thos kyi dge ’dun gyis yoṅs su bskor ciṅ byaṅ chub sems dpa’i dge ’dun gyis mdun du byas nas bźugs te ’tsho źiṅ gźes pa’i saṅs rgyas bcom ldan ’das de dag kyaṅ śes rab kyi pha rol tu phyin pa’i gnas pa ’dis gnas pa’i byaṅ (6) chub sems dpa’ sems dpa’ chen po śes rab kyi pha rol tu phyin pa la spyod ciṅ ’di lta bu’i raṅ bźin gyi yon tan ’di dag daṅ ldan pa ste ’di lta ste śes rab kyi pha rol tu phyin pa la gnas pa’i yon tan daṅ ldan pa’i miṅ daṅ rus daṅ stobs daṅ kha dog daṅ gzugs yoṅs su sgrogs (7) pa’i tshul gyis chos ston ciṅ byaṅ chub sems dpa’ sems dpa’ chen po de la ched du brjod pa yaṅ ched du rjod pa mdzad do ||
rab ’byor ’di lta ste dper na da ltar ṅa ñid byaṅ chub sems dpa’ sems dpa’ chen po rin po che’i tog daṅ byaṅ chub sems dpa’ sems dpa’ chen po gtsug (243b1) phud can daṅ byaṅ chub sems dpa’ sems dpa’ chen po gźan gaṅ dag da ltar de bźin gśegs pa dgra bcom pa yaṅ dag par rdzogs pa’i saṅs rgyas mi bskyod pa’i druṅ na tshaṅs par spyad pa spyod pa dag gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul (2) gyis chos ston ciṅ ched du brjod pa yaṅ ched du rjod pa daṅ de bźin du rab ’byor saṅs rgyas bcom ldan ’das de dag kyaṅ da ltar da’i saṅs rgyas kyi źiṅ na byaṅ chub sems dpa’ sems dpa’ chen po gaṅ dag chaṅs par spyad pa spyod ciṅ śes rab kyi pha rol tu phyin pa’i gnas pa ’dis gnas (3) pa’i byaṅ chub sems dpa’ sems dpa’ chen po de dag gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod do ||
rab ’byor gyis gsol pa | bcom ldan ’das ci saṅs rgyas bcom ldan ’das de (4) dag byaṅ chub sems dpa’ sems dpa’ chen po thams cad kyi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod dam | bcom ldan ’das kyis bka’ stsal pa | rab ’byor de ni ma yin te | rab (5) ’byor saṅs rgyas bcom ldan ’das de dag byaṅ chub sems dpa’ sems dpa’ chen po thams cad kyi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa ma yin no ||
rab ’byor ’on kyaṅ saṅs rgyas (6) bcom ldan ’das de dag ni gaṅ dag phyir mi ldog pa’i byaṅ chub sems dpa’ sems dpa’ chen po chags pa thams cad daṅ bral ba de dag gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod do ||
rab ’byor (7) gyis gsol pa | bcom ldan ’das saṅs rgyas bcom ldan ’das kyis byaṅ chub sems dpa’ sems dpa’ chen po phyir mi ldog pa rnams ma gtogs par de ma lags pa’i byaṅ chub sems dpa’ sems dpa’ chen po gźan gyi miṅ daṅ rus daṅ stobs daṅ kha dog daṅ gzugs yoṅs (244a1) su sgrogs pa’i tshul gyis chos ston ciṅ ched du brjod pa yaṅ ched du rjod par mdzad pa mchis sam | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po phyir mi ldog pa rnams ma gtogs par saṅs rgyas bcom ldan (2) ’das de dag gaṅ gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa’i gaṅ zag byaṅ chub sems dpa’i theg pa pa gñen po’i stobs can de dag ni yod do ||
de dag kyaṅ gaṅ źe na | gaṅ da ltar de bźin (3) gśegs pa dgra bcom pa yaṅ dag par rdzogs pa’i saṅs rgyas mi bskyod pa’i byaṅ chub sems dpa’i spyod pa’i rjes su slob pa’i tshul du byaṅ chub sems dpa’i spyad pa spyod ciṅ rjes su slob pa’i tshul du gnas pa rnams te | rab ’byor ’di dag ni byaṅ chub sems dpa’ sems dpa’ chen po phyir (4) mi ldog pa rnams ma gtogs par saṅs rgyas bcom ldan ’das de dag gis gaṅ gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa’i byaṅ chub sems dpa’i theg pa ba’i gaṅ zag yin no ||
rab ’byor (5) yaṅ gaṅ dag byaṅ chub sems dpa’ sems dpa’ chen po rin po che’i tog gi byaṅ chub sems dpa’i spyod pa’i rjes su slob pa’i tshul du byaṅ chub sems dpa’i spyad pa spyod ciṅ de rjes su slob pa’i tshul du gnas pa rnams te | rab ’byor ’di dag kyaṅ byaṅ chub sems dpa’ sems (6) dpa’ chen po phyir mi ldog pa rnams ma gtogs par saṅs rgyas bcom ldan ’das de dag gaṅ gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa yin no ||
rab ’byor gźan yaṅ byaṅ chub sems (7) dpa’ sems dpa’ chen po gaṅ dag śes rab kyi pha rol tu phyin pa la spyod ciṅ chos thams cad mi skye ba’o źes de ltar mos la da duṅ mi skye ba’i chos la bzod pa ma thob par gyur pa daṅ | chos thams cad źi ba’o źes mos la chos thams cad la phyir mi ldog pa’i dbaṅ thob ciṅ non par (244b1) ma gyur ba ste saṅs rgyas bcom ldan ’das de dag gis ni gnas pa ’dis gnas pa’i byaṅ chub sems dpa’ sems dpa’ chen po de dag gi yaṅ miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod do ||
rab (2) ’byor gźan yaṅ saṅs rgyas bcom ldan ’das de dag gis byaṅ chub sems dpa’ sems dpa’ chen po gaṅ dag gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa de dag ni ñan thos kyi sa daṅ raṅ saṅs (3) rgyas kyis spaṅs pa yin źiṅ | de dag gis ni saṅs rgyas kyi sa ñid la re bar bya ste | de dag kyaṅ bla na med pa yaṅ dag par rdzogs pa’i byaṅ chub tu luṅ ston par ’gyur ro ||
de ci’i phyir źe na | rab ’byor saṅs rgyas bcom ldan ’das de dag gis byaṅ chub sems dpa’ sems (4) dpa’ chen po gaṅ dag de ltar śes rab kyi pha rol tu phyin pa la spyod pa de dag gi miṅ daṅ rus daṅ stobs daṅ kha dog daṅ gzugs yoṅs su sgrogs pa’i tshul gyis chos ston ciṅ ched du brjod pa yaṅ ched du rjod pa de dag kyaṅ phyir mi ldog pa ñid la gnas par ’gyur ro ||
rab ’byor gźan (5) yaṅ byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di bśad pa thos nas mos par byed ciṅ rmoṅs par mi ’gyur nem nur mi byed the tshom mi za ste | ci ltar de bźin gśegs pa dgra bcom pa yaṅ dag par rdzogs pa’i saṅs rgyas kyis bśad (6) pa de bźin no źes mos nas rgyas par mñan ciṅ ’di sñam du bdag gis śes rab kyi pha rol tu phyin pa ’di de bźin gśegs pa dgra bcom pa yaṅ dag par rdzogs pa’i saṅs rgyas mi bskyod pa daṅ gaṅ dag de’i saṅs rgyas kyi źiṅ na tshaṅs par spyad pa spyod pa’i gaṅ zag byaṅ chub sems (7) dpa’i theg pa pa de dag gi thad nas rgyas par ñan te sñam du sems skyed par ’gyur ro ||
de dag gi thad nas kyaṅ śes rab kyi pha rol tu phyin pa ’di ñid mñan nas mos par ’gyur te de dag kyaṅ śes rab kyi pha rol tu phyin pa ’di la mos pa na ji ltar de bźin gśegs pas gsuṅs pa de (245a1) bźin du mos te de ltar mos pas phyir mi ldog pa ñid la gnas par ’gyur ro ||
rab ’byor de ltar śes rab kyi pha rol tu phyin pa’i chul ’di thos pa yaṅ byad pa maṅ ba yin par bstan na | gaṅ dag mos par byed ciṅ mos nas kyaṅ de bźin ñid kyi don du gnas śiṅ de bźin (2) ñid kyi don du sgrub pa daṅ de bźin ñid kyi don du gnas śiṅ de bźin ñid kyi don du bsgrubs nas kyaṅ | de bźin ñid la gnas par gyur pa daṅ thams cad mkhyen pa ñid la gnas par gyur nas chos ston pa lta smos kyaṅ ci dgos | rab ’byor gyis gsol pa | bcom ldan ’das (3) gaṅ gi tshe de bźin ñid ma gtogs par chos gźan dmigs su ma mchis na bcom ldan ’das de’i tshe chos gaṅ źig de bźin ñid la gnas par ’gyur | gaṅ źig bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur gaṅ źig chos ’di (4) ston par ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ ’di skad du gaṅ gi tshe de bźin ñid ma gtogs par chos gźan gaṅ yaṅ dmigs su med na de’i tshe chos gaṅ źig de bźin ñid (5) la gnas par ’gyur gaṅ źig bla na med pa yaṅ dag par rdzogs pa’i byaṅ chub mṅon par rdzogs par ’chaṅ rgya bar ’gyur gaṅ źig chos ’di ston par ’gyur źes smras pa ni | rab ’byor de bźin ñid ma gtogs par chos gźan gaṅ de bźin ñid la gnas par ’gyur ba’i chos gaṅ (6) yaṅ dmigs su med do ||
rab ’byor re źig de bźin ñid de ñid dmigs su med na gaṅ de bźin ñid la gnas par ’gyur ba lta ci smos | rab ’byor de bźin ñid bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya ste | rab ’byor gaṅ bla na med pa (7) yaṅ dag par rdzogs pa’i byaṅ chub mṅon par rdzogs par saṅs rgyas pa ’am mṅon par rdzogs par ’tshaṅ rgya bar ’gyur ba ’am mṅon par rdzogs par ’tshaṅ rgya ba’i chos de ni gaṅ yaṅ dmigs su med do ||
rab ’byor de bźin ñid ni chos mi ston to ||
rab ’byor chos gaṅ bstan (245b1) par bya ba’i chos de yaṅ dmigs su med do ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ni zab bo ||
bcom ldan ’das gaṅ dag bla na med pa yaṅ dag par rdzogs pa’i byaṅ chub mṅon par (2) rdzogs par ’tshaṅ rgya bar ’tshal ba’i byaṅ chub sems dpa’ sems dpa’ chen po dag ni dka’ ba bgyid pa lags so ||
de ci’i slad du źe na | bcom ldan ’das de bźin ñid la chos gaṅ yaṅ gnas pa ma mchis la bla na med pa yaṅ dag par rdzogs pa’i byaṅ chub mṅon par rdzogs par (3) ’tshaṅ rgya ba’i chos kyaṅ gaṅ yaṅ ma mchis chos ston pa yaṅ gaṅ yaṅ ma mchis pa daṅ ’di la de źum par mi ’gyur nem nur mi bgyid rmoṅs par yaṅ mi ’gyur ba’i slad du’o ||
de nas tshe daṅ ldan pa rab ’byor gyis lha rnams kyi dbaṅ po brgya byin la ’di skad ces smras so ||
kau śi ka gaṅ (4) ’di skad du gaṅ dag chos zab mo ’di lta bu bśad pa la nem nur mi byed pa daṅ rmoṅs par mi ’gyur ba’i byaṅ chub sems dpa’ sems dpa’ chen po dag ni dka’ ba byed pa’o źes zer ba | kau śi ka chos thams cad stoṅ pa na ’di la su źig nem nur byed ciṅ rmoṅs par ’gyur | brgya byin gyis (5) smras pa | ’phags pa rab ’byor gyis gaṅ daṅ gaṅ bśad pa de daṅ de ni stoṅ pa ñid las brtsams te bśad pas ci la yaṅ thogs pa med do ||
’di lta ste dper na bar snaṅ la mda’ ’phaṅs na ci la yaṅ thogs pa med do ||
de bźin du ’phags pa rab ’byor gyis chos bstan (6) pa yaṅ ci la yaṅ thogs pa med do ||
de nas bcom ldan ’das la lha rnams kyi dbaṅ po brgya byin gyis ’di skad ces gsol to ||
bcom ldan ’das gaṅ yaṅ bdag gis gnas brtan rab ’byor las brtsams te ’di skad du bśad ciṅ ’di skad du bstan pa de bźin gśegs pas (7) gsuṅs pa bźin smra ba lags sam chos smra ba ’am chos daṅ rjes su mthun pa’i chos luṅ bstan pas luṅ ston pa lags sam | de skad ces gsol pa daṅ | bcom ldan ’das kyis lha rnams kyi dbaṅ po brgya byin la ’di skad ces bka’ stsal to ||
kau śi ka gaṅ khyod kyis de ltar (246a1) bśad pa de de bźin no ||
kau śi ka de de bźin te | ’di skad du bśad ciṅ ’di skad du bstan pa de ni de bźin gśegs pas gsus pa bźin smra ba yin no ||
chos kyi rjes su mthun pa’i chos luṅ bstan pas luṅ ston pa yin no ||
(2) de ci’i phyir źe na | kau śi ka gnas brtan rab ’byor gaṅ daṅ gaṅ spobs par ’gyur ba de daṅ de ni kau śi ka stoṅ pa ñid las brtsams te spobs so ||
de ci’i phyir źe na | kau śi ka gnas brtan rab ’byor ni śes rab kyi pha rol tu phyin pa yaṅ re źig yaṅ dag par rjes su mi mthoṅ źiṅ (3) mi dmigs na gaṅ śes rab kyi pha rol tu phyin pa la spyod pa lta ga la yod | byaṅ chub ñid kyaṅ re źig mi dmigs na gaṅ byaṅ chub mṅon par rdzogs par ’tshaṅ rgya bar ’gyur ba lta ci smos | thams cad mkhyen pa ñid kyaṅ re źig mi dmigs na yaṅ gaṅ thams cad mkhyen pa ñid (4) thob par ’gyur ba lta ga la yod | de bźin ñid kyaṅ re źig mi dmigs na yaṅ gaṅ de bźin gśegs par ’gyur ba lta ga la yod | mi skye ba ñid kyaṅ re źig mi dmigs na yaṅ gaṅ mi skye ba mṅon sum du byed par ’gyur ba lta ga la yod | byaṅ chub sems dpa’ ñid (5) kyaṅ re źig mi dmigs na yaṅ gaṅ byaṅ chub mṅon par rdzogs par ’tshaṅ rgya bar ’gyur ba lta ga la yod | stobs ñid kyaṅ re źig mi dmigs na yaṅ gaṅ stobs daṅ ldan par ’gyur ba lta ga la yod | mi ’jigs pa ñid kyaṅ re źig mi dmigs na yaṅ gaṅ mi ’jigs (6) par ’gyur ba lta ga la yod | chos kho na re źig mi dmigs na yaṅ gaṅ chos ston par ’gyur ba lta ga la yod | kau śi ka gnas brtan rab ’byor ni chos thams cad dben par gnas pa daṅ chos thams cad mi dmigs par gnas pas gnas so ||
kau śi ka yaṅ gnas brtan (7) rab ’byor gyi chos thams cad dben par gnas pa daṅ chos thams cad dmigs su med par gnas pa’i gnas pa gaṅ yin pa ’dis ni | kau śi ka byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ gnas pa’i brgya’i char yaṅ ñe bar mi ’gro’o ||
stoṅ (246b1) gi char yaṅ brgya stoṅ gi char yaṅ bye ba’i char yaṅ bye ba brgya’i char yaṅ bye ba stoṅ gi char yaṅ bye ba brgya stoṅ gi char yaṅ ñe bar mi ’gro’o ||
bye ba khrag khrig brgya stoṅ gi char yaṅ ñe bar mi ’gro’o ||
graṅs su yaṅ ñe bar mi ’gro’o ||
bgraṅ bar yaṅ dper yaṅ dpes bstan pa ñe (2) bar yaṅ rten du yaṅ rgyur yaṅ mi bzod do ||
ko śi ka byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i gnas pa’i gnas pa gaṅ yin pa’i gnas pa ’di ni | de bźin gśegs pa’i gnas pa ma gtogs par de ma yin pa’i gnas pa gźan thams cad zil (3) gyis gnon to ||
kau śi ka ’di ni gnas pa de dag thams cad pas mchog ces bya’o dam pa źes bya’o gtso bo źes bya’o rab ces bya’o mchog rab ces bya’o gya nom pa źes bya’o bla ma źes bya’o bla na med pa źes bya’o goṅ na med pa źes bya’o mñam pa med pa źes bya’o me mñam pa daṅ mñam pa źes (4) bya’o ||
byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ gnas pa’i gnas pa gaṅ yin pa ’dis ni ñan thos daṅ raṅ saṅs rgyas kyi gnas pa thams cad zil gyis gnon to ||
kau śi ka de lta bas na sems can thams cad kyi mchog tu phyin par ’dod pa daṅ (5) dam par phyin par ’dod pa daṅ gtso bor phyin par ’dod pa daṅ rab tu phyin par ’dod pa daṅ mchog rab tu phyin par ’dod pa daṅ gya nom par phyin par ’dod pa daṅ bla mar phyin par ’dod pa daṅ bla na med par phyin par ’dod pa daṅ | goṅ na med par phyin par ’dod pa daṅ mñam pa med par phyin par ’dod pa daṅ mi (6) mñam pa daṅ mñam par phyin par ’dod pa’i rigs kyi bu ’am rigs kyi bu mos chub sems dpa’ sems dpa’ chen po gaṅ dag śes rab kyi pha rol tu phyin pa la spyod ciṅ gnas pa’i gnas ’dis gnas par bya’o ||
’phags pa śes rab kyi pha rol tu phyin pa brgyad stoṅ pa las sñiṅ po’i le’u źes bya ste ñi (7) śu rtsa bdun pa’o || ||
śes rab kyi pha rol tu phyin pa brgyad stoṅ pa | bam po ñi śu gñis pa | de nas de’i tshe lha’i bu gźan źig sum cu rtsa gsum pa’i lha rnams daṅ lhan cig me tog man d ra ba daṅ | man d ra ba chen po thogs nas bcom ldan ’das ga la ba (247a1) de logs su doṅ ṅo ||
de’i tshe na dge sloṅ brgya phrag drug cu ’khor der ’dus te ’khod par gyur nas de dag kyaṅ stan las laṅs te bla gos phrag pa gcig tu gzar nas pus mo g-yas pa’i lha ṅa sa la btsugs te bcom ldan ’das gaṅ na ba der logs su thal mo sbyar te (2) phyag ’tshal ba daṅ | saṅs rgyas kyi mthus dge sloṅ de dag gi sñim par me tog man d ra ba daṅ man d ra ba chen pos gaṅ bar gyur nam de dag gis me tog man d ra ba daṅ man d ra ba chen po de dag gis de bźin gśegs pa dgra bcom pa yaṅ dag par rdzogs pa’i saṅs rgyas la gtor (3) mṅon par gtor mṅon par rab tu gtor nas tshig ’di skad ces kyaṅ gsol to ||
bcom ldan ’das bdag cag gis śes rab kyi pha rol tu phyin pa ’di spyad par bgyi’o ||
bcom ldan ’das bdag cag gis ni śes rab kyi pha rol tu phyin pa’i gnas pa bla na med pa ’dis (4) gnas par bgyi’o ||
de nas bcom ldan ’das de’i tshe ’dzum pa mdzad do ||
’di ni chos ñid yin te gaṅ gi tshe saṅs rgyas bcom ldan ’das rnams ’dzum pa mdzad pa de’i tshe ’od zer kha dog sna tshogs pa kha dog du ma ’di lta ste sṅon po daṅ ser po daṅ dmar po daṅ dkar po daṅ (5) btsod ka daṅ śel daṅ dṅul daṅ gser gyi kha dog rnams bcom ldan ’das kyi źal gyi sgo nas byuṅ ste | de dag gis ’jig rten gyi khams mtha’ yas mu med pa thug pa med pa kun tu snaṅ bar byas nas gyen du tshaṅs pa’i ’jig rten man chad du mṅon par ’phags te slar log nas (6) bcom ldan ’das la lan gsum bskor ba byas te bcom ldan ’das kyi dbu’i gtsug tu nub par gyur to ||
de nas tshe daṅ ldan pa kun dga’ bo stan las laṅs te bla gos phrag pa gcig tu gzar te pus mo g-yas pa’i lha ṅa sa la btsugs nas bcom ldan ’das ga la ba de logs su thal (7) sbyar te phyag ’atsala nas bcom ldan ’das la ’di skad ces gsol to ||
rgyu ma mchis rkyen ma mchis par de bźin gśegs pa dgra bcom pa yaṅ dag par rdzogs pa’i saṅs rgyas ’dzum pa mi mdzad na | bcom ldan ’das ’dzum pa mdzad pa’i rgyu gaṅ lags rkyen gaṅ (247b1) lags | de skad ces gsol pa daṅ bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo ma ’oṅs pa’i dus na bskal pa skar ma lta bu la dge sloṅ brgya phrag drug cu po ’di dag bla na med pa yaṅ dag par rdzogs pa’i byaṅ chub (2) mṅon par rdzogs par ’tshaṅ rgya bar ’gyur te mṅon par rdzogs par saṅs rgyas nas kyaṅ sems can rnams la chos ston par ’gyur ro ||
thams cad kyaṅ miṅ gcig par ’gyur te ’di lta ste me tog bkram pa źes bya ba de bźin gśegs pa dgra bcom pa yaṅ dag par rdzogs pa’i (3) saṅs rgyas ston pa rnams ’jig rten du ’byuṅ bar ’gyur ro ||
kun dga’ bo yaṅ de bźin gśegs pa dgra bcom pa yaṅ dag par rdzogs pa’i saṅs rgyas me tog bkram pa źes bya ba de dag gi ñan thos kyi dge ’dun de dag thams cad mñam par ’gyur ro ||
de bźin gśegs pa (4) dgra bcom pa yaṅ dag par rdzogs pa’i saṅs rgyas me tog bkram pa źes bya ba de dag thams cad kyi tshe’i tshad kyaṅ bskal pa stoṅ phrag ñi śur mñam par ’gyur ro ||
de dag thams cad so so’i gsuṅ rab kyaṅ rgyas par ’gyur te lha daṅ mi’i naṅ du yaṅs śiṅ rgya che bar ’gyur ro ||
de (5) dag thams cad so so’i dam pa’i chos kyaṅ bskal pa stoṅ phrag ñi śu’i bar du mñam par gnas par ’gyur ro ||
de dag thams cad groṅ daṅ groṅ khyer daṅ groṅ rdal daṅ ljoṅs daṅ yul ’khor daṅ pho braṅ ’khor gaṅ daṅ gaṅ nas mṅon par ’byuṅ bar ’gyur pa daṅ | mṅon par byuṅ (6) nas kyaṅ gaṅ daṅ gaṅ du chos gyi ’khor lo skor bar ’gyur ba daṅ rab tu bskor nas kyaṅ gaṅ daṅ gaṅ du gnas par ’gyur ba daṅ | gaṅ daṅ gaṅ nas gaṅ daṅ gaṅ du ’jug pa daṅ | gaṅ daṅ gaṅ gis gaṅ daṅ gaṅ nas ’byuṅ bar ’gyur ba de daṅ de nas de daṅ der ’jug pa daṅ ’byuṅ (7) ba daṅ gnas pa de dag la me tog kha dog rnam pa lṅa daṅ ldan pa’i me tog gi char rab tu ’bab par ’gyur ro ||
kun dga’ bo de lta bas na gnas pa mchog gis gnas par ’dod pa’i byaṅ chub sems dpa’ sems dpa’ chen pos kyaṅ śes rab kyi pha rol tu phyin pa’i gnas pas gnas (248a1) par bya’o ||
kun dga’ bo de bźin gśegs pa’i gnas pas gnas par ’dod pas kyaṅ śes rab kyi pha rol tu phyin pa’i gnas pas gnas par bya’o ||
kun dga’ bo byaṅ chub sems dpa’ sems dpa’ chen po gaṅ su dag śes rab kyi pha rol tu phyin pa la spyod (2) pa de dag ni mi las śi ’phos te ’dir skyes pa ’am dga’ ldan gyi lha’i ris nas śi ’phos nas mi’i naṅ du skyes par rtogs par bya’o ||
de ci’i phyir źe na | ’di ltar mi rnams daṅ dga’ ldan gyi lha rnams na śes rab kyi pha rol tu phyin pa ’di rgyas par rab tu spyod do ||
kun dga’ (3) bo yaṅ gaṅ śes rab kyi pha rol tu phyin pa ’di la spyod pa’i byaṅ chub sems dpa’ sems dpa’ chen po de dag ni de bźin gśegs pas gzigs par rig par bya’o ||
gaṅ śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu (4) ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ | chuṅ ṅu na yi ger ’dri ba daṅ bzuṅ bcaṅs klags kun chub par byas rab tu bton bstan ñe bar bstan luṅ phog kha ton du byas | chuṅ ṅu na yi ger bris nas kyaṅ byaṅ chub sems dpa’ sems (5) dpa’ chen po rnams la ’doms śiṅ rjes su ston pa daṅ | yaṅ dag par ston pa daṅ | yaṅ dag par ’god pa daṅ | yaṅ dag par gzeṅs stod pa daṅ | rab tu dga’ bar byed pa’i byaṅ chub sems dpa’ sems dpa’ chen po de dag ni kun dga’ bo de bźin gśegs pa (6) dgra bcom pa yaṅ dag par rdzogs pa’i saṅs rgyas rnams la dge ba’i rtsa ba bskyed pa yin par rig par bya’o ||
gaṅ dag śes rab kyi pha rol tu phyin pa ’di la slob pa de dag ni ñan thos daṅ raṅ saṅs rgyas ’ba’ źig gi druṅ du dge ba’i rtsa ba bskyed pa ma yin gyi kun dga’ bo yaṅ (7) byaṅ chub sems dpa’ sems dpa’ chen po de dag gis de bźin gśegs pa dgra bcom pa yaṅ dag par rdzogs pa’i saṅs rgyas rnams la gdon mi za bar dge ba’i rtsa ba bskyed pa yin no ||
kun dga’ bo gaṅ dag śes rab kyi pha rol tu phyin pa ’di la slob ciṅ skrag par mi byed (248b1) pa daṅ | gaṅ dag śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’don pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ chuṅ ṅu na yi ger ’dri ba daṅ de ltar don daṅ chos ñid daṅ tshul gyis rjes su (2) rtogs par byed pa’i byaṅ chub sems dpa’ sems dpa’ chen po de dag ni kun dga’ bo ṅes par de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mṅon sum du gyur pa yin par rtogs par bya’o ||
kun dga’ bo gaṅ dag śes rab kyi pha rol tu (3) phyin pa ’di la smod par mi byed ’gal bar mi byed ’khrug par mi byed ’jig par mi byed spoṅ bar mi byed ’gog par mi byed gnod par bya bar mi sems na | byaṅ chub sems dpa’ sems dpa’ chen po de dag kyaṅ sṅon gyi rgyal ba dag la bya ba byas pa yin par rig par bya’o ||
kun (4) dga’ bo ’di ltar yaṅ gal te byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub tu smon pa slu bar mi ’gyur ba de lta bas na byaṅ chub sems dpa’ sems dpa’ chen pos de bźin gśegs pa dgra bcom pa yaṅ dag par rdzogs pa’i saṅs rgyas (5) rnams kyi thad du dge ba’i rtsa ba bskyed pas ñan thos daṅ raṅ saṅs rgyas kyi don du rnam par smin pa sgrub par mi byed kyi kun dga’ bo ’on kyaṅ byaṅ chub sems dpa’ sems dpa’ chen po des ni phal cher śes rab kyi pha rol tu phyin pa la spyad par bya ba yin no ||
kun dga’ bo de lta bas na śes rab kyi (6) pha rol tu phyin pa ’di ci nas nub par mi ’gyur bar khyod la gtad do rjes su gtad do ||
yi ge tsam yaṅ nub par mi ’gyur bar zuṅ śig choṅs śig kun chub par gyis śig rab tu thon cig yun riṅ por gnas par gyis śig | kun dga’ bo khyod kyis gal te śes rab kyi (7) pha rol tu phyin pa ma gtogs par chos gaṅ ṅas mṅon sum du bśad pa’i chos bśad pa de dag thams cad bzuṅ nas | phyis rnam par chud gzan tam phyis btaṅ ṅam brjed par byas na kun dga’ bo khyod de tsam gyis ṅas ñes par brtsi bar mi ’gyur gyi | kun dga’ bo yaṅ ’di ltar (249a1) khyod kyis śes rab kyi pha rol tu phyin pa daṅ ldan pa’i tshig gi yan lag kyaṅ ruṅ ste chud gzan tam btaṅ ṅam brjed par byas na kun dga’ bo khyod kyis de tsam du ṅa la ñes pa byas par ’gyur te khyod kyis ṅa’i sems kyaṅ mgu bar ma byas so ||
kun dga’ bo yaṅ (2) khyod kyis gal te śes rab kyi pha rol tu phyin pa bzuṅ nas phyis chud gzan ciṅ btaṅ ste brjed par byas na khyod kyis ṅa la bkur stir ma byas bla mar ma byas rjed par ma byas mchod par ma byas ri mor ma byas bsñen bkur ma byas so ||
kun dga’ bo gaṅ dag ’das pa daṅ ma ’oṅs pa daṅ da ltar byuṅ ba’i (3) saṅs rgyas bcom ldan ’das de dag la yaṅ kun dga’ bo khyod kyis bkur stir ma byas bla mar ma byas rjed par ma byas mchod par ma byas ri mor ma byas bsñen bkur ma byas pa yin no ||
kun dga’ bo gal te khyod kyis śes rab kyi pha rol tu phyin pa bzuṅ nas phyis chud gzan ciṅ (4) btaṅ ste brjed par byas na kun dga’ bo khyod kyis de tsam du ṅa la ñes pa byas par ’gyur te khyod kyi ṅa’i sems kyaṅ mgu bar ma byas so ||
de ci’i phyir źe na | kun dga’ po śes rab kyi pha rol tu phyin pa ’di ni ’das pa daṅ ma ’oṅs pa daṅ da ltar byuṅ ba’i de bźin gśegs pa (5) dgra bcom pa yaṅ dag par rdzogs pa’i saṅs rgyas rnams kyi yum ste bskyed pa ’byin pa thams cad mkhyen pa ñid thob par byed pa yin par de bźin gśegs pa dgra bcom pa yaṅ dag par rdzogs pa’i saṅs rgyas kyis gsuṅs so ||
kun dga’ bo de lta bas na śes rab kyi pha rol tu phyin pa (6) ’di ci nas kyaṅ nub par mi ’gyur par khyod la gtad do rjes su gtad do ||
kun dga’ bo śes rab kyi pha rol tu phyin pa ’di gzuṅ bar bya’o ||
kun dga’ bo śes rab kyi pha rol tu phyin pa ’di bcaṅ bar bya’o ||
kun dga’ bo śes rab kyi pha rol tu phyin pa ’di klag par bya’o ||
kun (7) dga’ bo śes rab kyi pha rol tu phyin pa ’di kun chub par bya’o ||
kun dga’ bo śes rab kyi pha rol tu phyin pa ’di rab tu gdon par bya’o ||
kun dga’ bo śes rab kyi pha rol tu phyin pa ’di bstan par bya’o ||
kun dga’ bo śes rab kyi pha rol tu phyin pa ’di ñe bar bstan par bya’o ||
(249b1) kun dga’ bo śes rab kyi pha rol tu phyin pa ’di luṅ dpog par bya’o ||
kun dga’ bo śes rab kyi pha rol tu phyin pa ’di kha ton du bya’o ||
kun dga’ bo śes rab kyi pha rol tu phyin pa ’di bri bar bya ste | kun dga’ bo śes rab kyi pha rol tu phyin pa ’di bsgom par bya | kun dga’ (2) bo khyod kyis śes rab kyi pha rol tu phyin pa ’di legs par yid la bya ba daṅ legs par zin par bya ba daṅ legs par kun chub par bya ba daṅ legs par rab tu gdon par bya ste | yi ge daṅ tshig daṅ gsal byed śin tu gsal bas yig ’bru daṅ ṅes pa’i tshig bzaṅ por gzuṅ bar (3) bya’o ||
de ci’i phyir źe na | kun dga’ bo ’das pa daṅ ma ’oṅs pa daṅ da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi chos kyi sku yin no źes chos ñid de tshad mar bya’o ||
kun dga’ bo da ltar bźugs te ’tsho źiṅ gźes (4) pa’i de bźin gśegs pa ṅa la khyod kyis ci ltar de daṅ des phan par sems pa daṅ dga’ ba daṅ gus pa daṅ | dge bar bya ba ’am bde bar gnas par bya ba ’am dbul ba’am bsam par bya bar sems pa de bźin du kun dga’ bo khyod kyis phan par sems pa de daṅ dga’ ba de daṅ gus (5) pa de daṅ yon tan daṅ ldan pa des śes rab kyi pha rol tu phyin pa ’di gzuṅ bar bya bcaṅ bar bya klag par bya kun chub par bya rab tu gdon par bya bstan par bya ñe bar bstan par bya | luṅ dpog par bya kha don du bya bri bar bya bsgom par bya bkur stir bya bla mar bya brjed par bya mchod par bya (6) ri mor bya bsñen bkur bya ste | kun dga’ bo de ltar na khyod kyis ṅa daṅ byaṅ chub sems dpa’ sems dpa’ chen po de dag kyaṅ mchod par ’gyur źiṅ ’das pa daṅ ma ’oṅs ba daṅ da ltar byuṅ ba’i saṅs rgyas bcom ldan ’das rnams kyi druṅ du yaṅ dga’ ba daṅ dad pa daṅ gus pa bskyed pa (7) yin no ||
kun dga’ bo gal te de bźin gśegs pa ṅa la khyod dga’ ba daṅ yid du ’oṅ ba yogs su mi gtoṅ na kun dga’ bo khyod kyis ci nas tshig gcig kyaṅ chud ma zos śiṅ ma nub par ’gyur ba de ltar śes rab kyi pha rol tu phyin pa ’di la khyod dga’ ba daṅ yid du ’oṅ ba yoṅs (250a1) su mi gtaṅ bar gyis śig | kun dga’ bo śes rab kyi pha rol tu phyin pa ’di yoṅs su gtad pa la brtsams te ṅas khyod la maṅ du bśad na bskal pa ’am bskal pa las lhag pa ’am bskal pa brgya ’am bskal pa stoṅ ṅam bskal pa bye ba brgya ’am bye ba stoṅ (2) ṅam bskal pa bye ba phrag brgya stoṅ ṅam bskal pa bye ba khrag khrig brgya stoṅ ṅam de bas kyaṅ lhag par yod mod kyi | kun dga’ bo mdor na ci ltar khyod kyi ston pa ṅa yin pa de ltar śes rab kyi pha rol tu phyin pa yaṅ ston pa yin no ||
kun dga’ bo ci ltar ’das pa daṅ ma (3) ’oṅs ba daṅ da ltar byuṅ ba’i saṅs rgyas bcom ldan ’das rnams lha daṅ mi daṅ lha ma yin du bcas pa’i ’jig rten rnams kyi ston pa yin pa de ltar śes rab kyi pha rol tu phyin pa yaṅ lha daṅ mi daṅ lha ma yin du bcas pa’i ’jig rten rnams kyi ston pa yin no ||
kun dga’ bo de lta bas (4) na śes rab kyi pha rol tu phyin pa ni tshad med pa yin te lha daṅ mi daṅ lha ma yin du bcas pa’i ’jig rten rnams la phan pa daṅ bde bar bya ba’i phyir tshad med pa’i yoṅs su gtad pas śes rab kyi pha rol tu phyin pa ’di khyod la yoṅs su gtad do rjes su gtad do ||
kun dga’ bo gaṅ (5) gis de bźin gśegs pa yoṅs su ma btaṅ ba daṅ chos yoṅs su ma btaṅ ba daṅ dge ’dun yoṅs su ma btaṅ ba daṅ ’das pa daṅ ma ’oṅs pa daṅ da ltar byuṅ ba’i saṅs rgyas bcom ldan ’das rnams kyi byaṅ chub yoṅs su ma btaṅ ba des śes rab kyi pha rol tu phyin pa yoṅs su mi (6) gtaṅ bar bya ste ’di ni ṅa’i rjes su bstan pa’o ||
kun dga’ bo gaṅ la la źig śes rab kyi pha rol tu phyin pa ’di ’dzin pa daṅ ’chaṅ ba daṅ klog pa daṅ kun chub par byed pa daṅ rab tu ’dan pa daṅ ston pa daṅ ñe bar ston pa daṅ luṅ ’bogs pa daṅ kha ton du byed pa daṅ ’dri ba daṅ | sgom (7) par byed pa des ’das pa daṅ ma ’oṅs pa daṅ da ltar byuṅ ba’i saṅs rgyas bcom ldan ’das rnams kyi byaṅ chub rjes su yoṅs su gzuṅ bar ’gyur ro ||
kun dga’ bo gaṅ la la źig gis śes rab kyi pha rol tu phyin pa ’di rab tu ’jig pa’i tshe rjes su gzuṅ na des ’das pa daṅ ma ’oṅs (250b1) pa daṅ da ltar byuṅ ba’i saṅs rgyas bcom ldan ’das rnams kyi byaṅ chub rjes su yoṅs su gzuṅ bar ’gyur ro ||
de ci’i phyir źe na | kun dga’ bo saṅs rgyas bcom ldan ’das rnams kyi byaṅ chub ni śes rab kyi pha rol tu phyin pa las skyes so ||
kun dga’ bo gaṅ dag ’das pa’i dus su (2) byuṅ par gyur pa’i de bźin gśegs pa dgra bcom pa yaṅ dag par rdzogs par saṅs rgyas pa’i saṅs rgyas bcom ldan ’das de dag gi bla na med pa yaṅ dag par rdzogs pa’i byaṅ chub kyaṅ kun dga’ bo śes rab kyi pha rol tu phyin pa las skyes so ||
kun dga’ bo gaṅ dag ma ’oṅs (3) pa’i dus na ’byuṅ ba’i de bźin gśegs pa dgra bcom pa yaṅ dag par rdzogs par saṅs rgyas pa’i saṅs rgyas bcom ldan ’das de dag gi bla na med pa yaṅ dag par rdzogs pa’i byaṅ chub kyaṅ kun dga’ bo śes rab kyi pha rol tu phyin pa las skyes so ||
kun dga’ bo gaṅ dag ’jig (4) rten gyi khams gźal du med graṅs med pa thams cad na de bźin gśegs pa dgra bcom pa yaṅ dag par rdzogs par saṅs rgyas pa da ltar bźugs te ’tsho źiṅ gźes pa’i saṅs rgyas bcom ldan ’das de dag gi bla na med pa yaṅ dag par rdzogs pa’i byaṅ chub kyaṅ kun dga’ bo (5) śes rab kyi pha rol tu phyin pa ’di las skyes so ||
kun dga’ bo ṅa’i bla na med pa yaṅ dag par rdzogs pa’i byaṅ chub kyaṅ śes rab kyi pha rol tu phyin pa ’di las skyes so ||
kun dga’ bo de lta bas na byaṅ chub sems dpa’ sems dpa’ chen po bla na med pa yaṅ dag par rdzogs (6) pa’i byaṅ chub mṅon par rdzogs par saṅs rgyas par ’dod pa daṅ pha rol tu phyin pa drug la slob par ’dod pas kyaṅ śes rab kyi pha rol tu phyin pa ’di ñid mñan par bya gzuṅ bar bya bcaṅ bar bya glag par bya kun chub par bya rab tu gdon par bya bstan par bya ñe bar bstan par bya luṅ dpog (7) par bya kha ton du bya bri bar bya śes rab kyi pha rol tu phyin pa ’di ñid la bslab par bya rnal ’byor du bya’o ||
de ci’i phyir źe na | kun dga’ bo śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi yum ste skyed pa ’byin pa’o ||
kun dga’ bo byaṅ (251a1) chub sems dpa’ sems dpa’ chen po gaṅ dag pha rol tu phyin pa drug po rnams la bslabs pas bla na med pa yaṅ dag par rdzogs pa’i byaṅ chub tu ṅes par byuṅ bar gyur pa daṅ ṅes par ’byuṅ bar ’gyur pa daṅ ṅes par ’byuṅ bar ’gyur ba de dag thams cad kyaṅ kun (2) dga’ bo śes rab kyi pha rol tu phyin pa la brten nas pha rol tu phyin pa drug las bslabs pa yin no ||
de dag thams cad kyaṅ śes rab kyi pha rol tu phyin pa ’di ñid la brten nas pha rol tu phyin pa drug las skyes so ||
de ci’i phyir źe na | kun dga’ bo pha rol tu phyin pa thams cad (3) ni śes rab kyi pha rol tu phyin pa las skyes te bla na med pa yaṅ dag par rdzogs pa’i byaṅ chub thob par byed pa yin no ||
kun dga’ bo de lta bas na śes rab kyi pha rol tu phyin pa ’di ci nas kyaṅ nub par mi ’gyur par lan gñis su khyod la yoṅs su gtad do rjes su gtad do ||
(4) kun dga’ bo ’di lta ste | śes rab kyi pha rol tu phyin pa ’di ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi chos kyi mdzod mi zad pa’o ||
de ci’i phyir źe na | kun dga’ bo ’das pa’i dus kyi thog ma med pa’i ’khor bar sems can (5) rnams la saṅs rgyas bcom ldan ’das rnams kyis chos bśad pa gaṅ yin pa de dag thams cad ni ’di lta ste śes rab kyi pha rol tu phyin pa’i chos kyi mdzod ’di ñid las bśad do ||
kun dga’ bo saṅs rgyas bcom ldan ’das gaṅ dag ma ’oṅs pa’i dus kyi dpag tu med pa’i (6) ’khor bar bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas nas sems can rnams la chos ston par ’gyur ba’i saṅs rgyas bcom ldan ’das de dag kyaṅ ’di lta ste śes rab kyi pha rol tu phyin pa’i chos kyi mdzod ’di ñid las ’chad do ||
(7) kun dga’ bo gaṅ da ltar ’jig rten gyi khams gźal du med graṅs med pa dag na saṅs rgyas bcom ldan ’das gaṅ dag bźugs te ’tsho źiṅ gźes la chos ston pa’i saṅs rgyas bcom ldan ’das de dag kyaṅ kun dga’ bo ’di lta ste śes rab kyi pha rol tu phyin pa’i chos kyi (251b1) mdzod ’di ñid las rab tu ’byed par ’gyur ro ||
kun dga’ bo de lta bas na ’di lta ste śes rab kyi pha rol tu phyin pa’i mdzod ’di dag ni mi zad pa’i chos kyi mdzod do ||
kun dga’ bo gal te khyod kyis gaṅ zag ñan thos kyi theg pa pa rnams la ñan thos kyi sa’i chos bśad (2) par gyur la | chos de bśad pa na yaṅ stoṅ gsum gyi stoṅ chen po’i ’jig rten gyi khams na sems can gaṅ dag yod pa de dag thams cad dgra bcom pa ñid mṅon sum du byas par gyur na | de lta na yaṅ ṅa’i ñan thos chos kyi ’khor lo bskor ciṅ rjes su bskor nas chos rje (3) ston pa khyod kyis ñan thos kyi bya ba byas par mi ’gyur ro ||
kun dga’ bo gal te khyod kyis byaṅ chub sems dpa’ sems dpa’ chen po la śes rab kyi pha rol tu phyin pa daṅ ldan pa’i chos gcig tsam yaṅ bśad dam rab tu bstan na | de ltar na da’i ñan thos kyi chos kyi (4) ’khor lo bskor ciṅ rjes su bskor nas chos ston pa khyod kyis ṅa mgu ba byas par ’gyur gyi sra gyi chos bśad pa des ni ma yin no ||
gaṅ gis stoṅ gsum gyi stoṅ chen po’i ’jig rten gyi khams dag na sems can gaṅ dag ci sñed yod pa de dag thams cad dgra bcom pa ñid thob par (5) byas na | kun dga’ bo de ci sñam du sems dgra bcom pa de dag gi sbyin pa las byaṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya ba’i dṅos po daṅ bsgoms pa las byuṅ ba’i bsod nams bya ba’i dṅos po’i bsod nams kyi phuṅ po de maṅ ba yin (6) nam | kun dga’ bos gsol pa | bcom ldan ’das maṅ ṅo | bde bar gśegs pa maṅ ṅo ||
bcom ldan ’das kyis bka’ stsal pa | kun dga’ bo ñan thos kyi theg pa pa’i gaṅ zag de dag pas gaṅ byaṅ chub sems dpa’ sems dpa’ chen po śes rab kyi pha (7) rol tu phyin pa daṅ ldan pa’i chos ston pa de bsod nams ches maṅ du skyed do ||
kun dga’ bo de bas kyaṅ byaṅ chub sems dpa’ sems dpa’ chen po gaṅ byaṅ chub sems dpa’ sems dpa’ chen po gźan la chuṅ ṅu na ñi ma gcig tsam yaṅ śes rab kyi pha rol tu phyin pa daṅ ldan pa’i (252a1) chos ston na de bsod nams ches maṅ du skyed do ||
kun dga’ bo ñi ma gcig lta źog gi chuṅ ṅu na sṅa dro tsam ’am | kun dga’ bo sṅa dro chos ston pa lta źog chuṅ ṅu na chu tshod gcig tsam ’am | kun dga’ bo chu tshod gcig lta źog chuṅ ṅu na yud tsam ’am | (2) kun dga’ bo yud tsam lta źog thaṅ gcig gam | kun dga’ bo thaṅ gcig lta źog chuṅ ṅu na skad cig gcig tsam du yaṅ ste | kun dga’ bo byaṅ chub sems dpa’ sems dpa’ chen po gaṅ skad cig daṅ thaṅ cig daṅ yud tsam du yaṅ byaṅ chub sems dpa’ sems dpa’ chen po (3) gźan la śes rab kyi pha rol tu phyin pa daṅ ldan pa’i chos ston na ’di ni de bas bsod nams ches maṅ du skyed do ||
kun dga’ bo byaṅ chub sems dpa’ sems dpa’ chen po de’i chos kyi sbyin pa ’dis ni ñan thos daṅ raṅ saṅs rgyas kyi theg pa pa’i gaṅ zag thams cad kyi dge ba’i rtsa ba zil gyis (4) gnon to ||
kun dga’ bo de lta bu’i dge ba’i rtsa ba daṅ ldan pa’i byaṅ chub sems dpa’ sems dpa’ chen po daṅ de lta bu’i dge ba’i rtsa ba la sems pa’i byaṅ chub sems dpa’ sems dpa’ chen po de dag ni bla na med pa yaṅ dag par rdzogs pa’i byaṅ chub las phyir ldog pa ni (5) kun dga’ bo gnas med skabs med de ’di ni gnas ma yin no ||
de nas bcom ldan ’das kyis de’i tshe ci lta bu’i rdzu ’phrul mṅon par ’du mdzad pa mṅon par ’du mdzad pas dge sloṅ daṅ dge sloṅ ma daṅ dge bsñen daṅ dge bsñen ma’i ’khor bźi daṅ lha daṅ klu daṅ gnod sbyin (6) daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa de dag thams cad kyis saṅs rgyas kyi mthus de bźin gśegs pa dgra bcom pa yaṅ dag par rdzogs pa’i saṅs rgyas mi bskyod pa dge sloṅ gi dge ’dun gyis yoṅs su (7) bskor ciṅ byaṅ chub sems dpa’i tshogs kyis mdun du byas pa mi bskyod pa rgya mtsho lta bu zab pa | ’khor byaṅ chub sems dpa’ sems dpa’ chen po bsam gyis mi khyab pa’i yon tan daṅ ldan pa daṅ | dgra bcom pa thams cad kyaṅ zag pa zad pa ñon moṅs pa med pa (252b1) dbaṅ du gyur pa sems śin tu rnam par grol ba śes rab śin tu rnam par grol ba caṅ śes pa glaṅ po chen po bya ba byas pa byed pa byas pa khur bor ba raṅ gi don rjes su thob pa srid par sbyor ba yoṅs su zad pa yaṅ dag par kun śes pas sems śin tu rnam par grol ba sems thams (2) cad kyi dbaṅ dam pa’i pha rol tu son pa rnams kyis yoṅs su bskor ciṅ mdun du bdar te chos ston pa mthoṅ bar ’gyur ba de ltar rdzu ’phrul mṅon par ’du mdzad pa mṅon par ’du mdzad do ||
de nas bcom ldan ’das kyis rdzu ’phrul mṅon par ’du mdzad pa de dag slar brtul to ||
(3) bcom ldan ’das kyis rdzu ’phrul mṅon par ’du mdzad pa de slar brtul nas bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mi bskyod pa yaṅ mi snaṅ bar gyur | byaṅ chub sems dpa’ sems dpa’ chen po de dag daṅ ñan thos chen po (4) de dag daṅ saṅs rgyas kyi źiṅ de dag thams cad ’khor bźi po de dag lha daṅ klu daṅ gnod sbyin daṅ dri za daṅ lha ma yin daṅ nam mkha’ ldiṅ daṅ mi ’am ci daṅ lto ’phye chen po daṅ mi daṅ mi ma yin pa de dag gi mig lam du mi snaṅ bar gyur to ||
de ci’i phyir źe na | de bźin gśegs (5) pa dgra bcom pa yaṅ dag par rdzogs pa’i saṅs rgyas kyis rdzu ’phrul mṅon par ’du mdzad pa de brtul bar gyur pas de dag thams cad de dag gi mig lam du mi snaṅ bar gyur to ||
de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo de (6) ltar chos thams cad ni mig lam du yaṅ snaṅ bar mi ’gyur te chos rnams la chos rnams snaṅ bar mi ’gyur chos rnams kyis chos rnams mi mthoṅ chos rnams kyis chos rnams mi śes so ||
de ci’i phyir źe na | kun dga’ bo chos thams cad ni śes pa po ma yin mthoṅ ba po ma yin dgos pa byed (7) nus pa ma yin no ||
de ci’i phyir źe na | kun dga’ bo nam mkha’ byed pa med pa’i phyir chos thams cad byed pa med pa’o ||
kun dga’ bo chos thams cad ni sgyu ma’i skyes bu ltar bsam gyis mi khyab pa’o ||
kun dga’ bo chos thams cad ni dṅos po med pa’i phyir tshor ba (253a1) po ma yin no ||
kun dga’ bo byaṅ chub sems dpa’ sems dpa’ chen po de ltar spyod na śes rab kyi pha rol tu phyin pa la spyod ciṅ chos gaṅ la yaṅ mṅon par chags pa med do ||
kun dga’ bo byaṅ chub sems dpa’ sems dpa’ chen po de ltar slob na (2) śes rab kyi pha rol tu phyin pa la slob bo ||
bslab pa thams cad kyi dam pa’i pha rol tu phyin pa’i byaṅ chub chen po rjes su thob par ’dod pa’i byaṅ chub sems dpa’ sems dpa’ chen pos śes rab kyi pha rol tu phyin pa la bslab par bya’o ||
de ci’i phyir źe na | kun dga’ bo (3) bslab pa ’di dag ni bslab pa thams cad kyi mchog ces bya’o ||
bla na med pa źes bya’o ||
goṅ na med pa źes bya’o ||
mñam pa med pa źes (4) bya’o ||
mi mñam pa daṅ mñam pa źes bya’o ||
’jig rten thams cad phan pa thob par byed pa’o ||
’jig rten thams cad bde ba thob par byed pa’o ||
mgon med pa rnams kyi mgon du ’gyur ba’o ||
saṅs rgyas kyis gnaṅ źiṅ saṅs rgyas kyis bsṅags pa ste | kun (5) dga’ bo bslab pa ’di la bslabs śiṅ bslab pa ’di la gnas nas de bźin gśegs pa dgra bcom pa yaṅ dag par rdzogs pa’i saṅs rgyas rnams kyis stoṅ gsum gyi stoṅ chen po’i ’jig rten gyi khams ’di źabs kyi mthe bo gcig gis bteg ste slar bźag kyaṅ saṅs rgyas (6) bcom ldan ’das de dag ’di sñam du stoṅ gsum gyi stoṅ chen po’i ’jig rten gyi khams ’di bteg pa ’am bźag par mi dgoṅs so ||
de ci’i phyir źe na | śes rab kyi pha rol tu phyin pa ni gźal du med graṅs med pa’i yon tan daṅ ldan te | kun dga’ bo saṅs rgyas (7) bcom ldan ’das kyis śes rab kyi pha rol tu byin pa’i bslab pa ’di la bslabs nas ’das pa daṅ ma ’oṅs pa daṅ da ltar byuṅ ba’i chos rnams la chags pa med pa ñid rjes su brñes so ||
kun dga’ bo ’das pa daṅ ma ’oṅs pa daṅ da ltar byuṅ ba’i dus kyi bslab pa ci sñed yod (253b1) pa’i bslab pa de dag thams cad las kun dga’ bo śes rab gyi pha rol tu phyin pa’i bslab pa ’di ni mchog ces bya’o ||
bla na med pa źes (2) bya’o ||
goṅ na med pa źes bya’o ||
mñam pa med pa źes bya’o ||
mi mñam pa daṅ mñam pa źes bya’o ||
kun dga’ bo śes rab kyi pha rol tu phyin pa ni tshad ma med pa’o ||
kun dga’ bo śes rab kyi pha rol tu phyin pa ni mi zad pa’o ||
de ci’i phyir źe na | śes rab (3) kyi pha rol tu phyin pa med pa ñid yin pa’i phyir ro ||
kun dga’ bo gaṅ śes rab kyi pha rol tu phyin pa’i tshad ma ’am zad pa ’am mtha’ ma bzud bar sems pa de ni nam mkha’i tshad ma ’am zad pa ’am mtha’ ma bzuṅ bar sems so ||
de ci’i phyir źe na | kun dga’ bo śes rab (4) kyi pha rol tu phyin pa ni tshad ma med pa’o ||
kun dga’ bo śes rab kyi pha rol tu phyin pa ni mi zad pa’o ||
kun dga’ bo śes rab kyi pha rol tu phyin pa ni mtha’ ma med pa’o ||
kun dga’ bo ṅas śes rab kyi pha rol tu phyin pa’i tshad ma’am zad pa ’am mtha’ ma ni ma bśad de | kun (5) dga’ bo yaṅ miṅ gi tshogs daṅ tshig gi tshogs daṅ yi ge’i tshogs rnams la ni tshad ma daṅ ’brel ba yod kyi kun dga’ bo śes rab kyi pha rol tu phyin pa la ni tshad ma daṅ ’brel pa med do ||
de ci’i phyir źe na | kun dga’ bo miṅ gi tshogs daṅ tshig gi tshogs daṅ yi ge’i tshogs ni (6) śes rab kyi pha rol tu phyin pa ma yin te | kun dga’ bo śes rab kyi pha rol tu phyin pa ni tshad ma daṅ ldan pa ma yin no ||
kun dga’ bo śes rab kyi pha rol tu phyin pa ni tshad med pa’o ||
kun dga’ bos gsol pa | bcom ldan ’das yaṅ ci’i slad du bcom ldan ’das kyis (7) śes rab kyi pha rol tu phyin pa’i tshad ma ma gsuṅs | bcom ldan ’das kyis bka’ stsal pa | kun dga’ bo śes rab kyi pha rol tu phyin pa mi zad pa’i phyir de bźin gśegs pas tshad ma ma bstan to ||
kun dga’ bo śes rab kyi pha rol tu phyin pa dben pa’i phyir de bźin (254a1) gśegs pas tshad ma ma brjod do ||
kun dga’ bo dben pa’i chos la dben pa dmigs su med na de’i tshad ma lta ga la yod | kun dga’ bo de bźin du śes rab kyi pha rol tu phyin pa gźal du med pa’i phyir tshad ma med ciṅ tshad med pa yin no ||
kun (2) dga’ bo ’das pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag byuṅ bar gyur pa de dag kyaṅ kun dga’ bo śes rab kyi pha rol tu phyin pa ’di ñid kyis rab tu phye ba yin yaṅ kun dga’ bo śes rab kyi pha rol tu phyin pa ’di zad pa ’am (3) yoṅs su zad par ’gyur ba ma yin no ||
kun dga’ bo ma ’oṅs pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’byuṅ bar ’gyur ba de dag kyaṅ kun dga’ bo śes rab kyi pha rol tu phyin pa ’di ñid kyis rab tu (4) ’byed par ’gyur yaṅ kun dga’ bo śes rab kyi pha rol tu phyin pa ’di zad pa ’am yoṅs su zad par ’gyur ba ma yin no ||
kun dga’ bo da ltar gźal du med graṅs med pa’i ’jig rten gyi khams na de bźin gśegs pa dgra bcom pa yaṅ dag par rdzogs pa’i saṅs rgyas (5) gaṅ dag bźugs te ’tsho źiṅ gźes pa de dag kyaṅ kun dga’ bo śes rab kyi pha rol tu phyin pa ’di ñid kyis rab tu phye ba yin yaṅ kun dga’ bo śes rab kyi pha rol tu phyin pa ’di zad pa ’am yoṅs su zad par ’gyur ba ma yin no ||
kun dga’ bo da ltar de bźin gśegs pa dgra bcom (6) pa yaṅ dag par rdzogs pa’i saṅs rgyas pa yaṅ kun dga’ bo śes rab kyi pha rol tu phyin pa ’di ñid gyis rab tu phye ba yin yaṅ kun dga’ bo śes rab kyi pha rol tu phyin pa ’di zad pa ’am yoṅs su zad par ’gyur ba ma yin no ||
de ci’i phyir źe na | kun dga’ bo gaṅ śes rab kyi pha rol (7) tu phyin pa zad par bya bar sems pa de ni nam mkha’ zad par bya bar sems te | kun dga’ bo de lta bas na śes rab kyi pha rol tu phyin pa ’di ni mi zad pa’o ||
de nas tshe daṅ ldan pa rab ’byor ’di sñam du sems te de bźin gśegs pas gsuṅs pa’i gnas ’di ni zab mo źig yin (254b1) gyis de bźin gśegs pa la bdag gis gnas ’di źu’o sñam mo ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa mi bas pa lags sam | bcom ldan ’das kyis bka’ stsal pa | (2) rab ’byor śes rab kyi pha rol tu phyin pa ni mi zad pa ste ’di lta ste nam mkha’ mi zad pa’i phyir chos thams cad skye ba med pa’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen pos śes rab kyi pha rol tu phyin pa ci ltar mṅon par bsgrub (3) par bgyi | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen pos gzugs zad pa med pa ñid gyis śes rab kyi pha rol tu phyin pa mṅon par bsgrub par bya’o ||
rab ’byor de bźin du byaṅ chub sems dpa’ sems dpa’ chen (4) pos tshor ba daṅ ’du śes daṅ ’du byed rnams daṅ rnam par śes pa zad pa med pa ñid kyis śes rab kyi pha rol tu phyin pa mṅon par bsgrub par bya ste | rab ’byor de ltar byaṅ chub sems dpa’ sems dpa’ chen pos śes rab kyi pha rol tu phyin pa mṅon par bsgrub par bya’o ||
(5) rab ’byor byaṅ chub sems dpa’ sems dpa’ chen pos ma rig pa mi zad pa ñid kyis śes rab kyi pha rol tu phyin pa mṅon par bsgrub par bya’o ||
rab ’byor de bźin du byaṅ chub sems dpa’ sems dpa’ chen pos ’du byed mi zad pa daṅ rnam par śes pa mi zad pa daṅ miṅ (6) daṅ gzugs mi zad pa daṅ skye mched drug mi zad pa daṅ reg pa mi zad pa daṅ tshor ba mi zad pa daṅ sred pa mi zad pa daṅ len pa mi zad pa daṅ srid pa mi zad pa daṅ skye ba mi zad pa daṅ rga śi mi zad pa daṅ mya ṅan daṅ smre sṅags ’don pa daṅ sdug bsṅal ba daṅ yid mi bde ba daṅ ’khrug (7) pa mi zad pa ñid kyis śes rab kyi pha rol tu phyin pa mṅon par bsgrub par bya’o ||
rab ’byor ’di ni byaṅ chub sems dpa’ sems dpa’ chen po’i rten ciṅ ’brel par ’byuṅ ba la rnam par lta ba mtha’ gñis spaṅs pa’o ||
rab ’byor de ltar rnam par lta ba’i byaṅ chub sems (255a1) dpa’ sems dpa’ chen po ni rten ciṅ ’brel par ’byuṅ ba mtha’ daṅ dbus med par rnam par lta ste | rab ’byor gaṅ rten ciṅ ’brel bar ’byuṅ ba la de ltar lta ba ’di ni byaṅ chub sems dpa’ sems dpa’ chen po byaṅ chub kyi sñiṅ po la ’dug pa’i ma ’dres (2) pa’i chos so ||
rab ’byor byaṅ chub sems dpa’ sems dpa’ chen po gaṅ de ltar rten ciṅ ’brel bar ’byuṅ pa la lta ba ni thams cad mkhyen pa’i ye śes thob par ’gyur ro ||
rab ’byor byaṅ chub sems dpa’ sems dpa’ chen po gaṅ la la mi zad pa mṅon par bsgrub pa (3) ’dis śes rab kyi pha rol tu phyin pa la spyod ciṅ rten ciṅ ’brel par ’byuṅ ba la rnam par lta na de ni ñan thos kyi sa ’am raṅ saṅs rgyas kyi sa la gnas par mi ’gyur te ’on kyaṅ thams cad mkhyen pa ñid la gnas par ’gyur ro ||
rab ’byor byaṅ chub sems dpa’ sems (4) dpa’ chen po gaṅ su dag bla na med pa yaṅ dag par rdzogs pa’i byaṅ chub las phyir ldog pa de dag thams cad ni yid la byed pa ’di daṅ thabs mkhas pa ’di la ma brten pas mi śes so ||
ci ltar byaṅ chub sems dpa’ sems dpa’ chen po śes rab kyi pha rol tu phyin pa la (5) spyod pas mi zad pa mṅon par bsgrub pas śes rab kyi pha rol tu phyin pa mṅon par bsgrub par bya ci ltar mi zad pa mṅon par bsgrub pas śes rab kyi pha rol tu phyin pa la rten ciṅ ’brel par ’byuṅ ba la rnam par blta źe na | rab ’byor byaṅ chub sems dpa’ sems dpa’ chen po (6) gaṅ su dag bla na med pa yaṅ dag par rdzogs pa’i byaṅ chub las phyir log pa daṅ phyir ldog pa daṅ phyir ldog par ’gyur ba de dag thams cad ni thabs mkhas pa ’di la ma brten pas phyir log go phyir ldog go phyir ldog par ’gyur ro ||
rab ’byor byaṅ chub sems dpa’ sems dpa’ (7) chen po gaṅ su dag bla na med pa yaṅ dag par rdzogs pa’i byaṅ chub las phyir ma log pa daṅ phyir mi ldog pa daṅ phyir ldog par mi ’gyur ba de dag thams cad ni śes rab kyi pha rol tu phyin pa ’di la brten nas phyir ma log go phyir mi ldog go phyir ldog par mi ’gyur ro ||
de ltar (255b1) byaṅ chub sems dpa’ sems dpa’ chen po śes rab kyi pha rol tu phyin pa la spyod pas mi zad pa mṅon par bsgrub pas śes rab kyi pha rol tu phyin pa la mṅon par bsgrub par bya’o ||
de ltar mi zad pa mṅon par bsgrubs pas śes rab kyi pha rol tu phyin pa la rten ciṅ ’brel par (2) ’byuṅ ba la rnam par lta’o ||
rab ’byor yaṅ byaṅ chub sems dpa’ sems dpa’ chen po de ltar rten ciṅ ’brel par ’byuṅ ba la rnam par lta bas chos gaṅ yaṅ rgyu med par ’byuṅ bar yaṅ dag par rjes su mi mthoṅ ṅo ||
chos gaṅ yaṅ rtag pa ’am brtan pa ’am ther zug (3) pa ’am rnam par ’gyur ba med pa’i chos can du yaṅ dag par rjes su mi mthoṅ ṅo ||
chos gaṅ yaṅ byed pa po ’am tshor ba bor yaṅ dag par rjes su mi mthoṅ ṅo ||
rab ’byor ’di ni byaṅ chub sems dpa’ sems dpa’ chen po śes rab kyi pha rol tu phyin pa la mi zad par mṅon (4) par bsgrub pas mṅon par sgrub ciṅ śes rab kyi pha rol tu phyin pa la spyod ciṅ rten ciṅ ’brel par ’byuṅ ba la rnam par lta ba yin no ||
rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa mi zad pa mṅon par bsgrub pas mṅon par (5) sgrub pa rten ciṅ ’brel bar ’byuṅ ba la rnam par lta ba de’i tshe rab ’byor byaṅ chub sems dpa’ sems dpa’ chen po gzugs yaṅ dag par rjes su mi mthoṅ | de bźin du tshor ba ma yin ’du śes ma yin ’du byed rnams ma yin rnam par śes pa yaṅ yaṅ dag par rjes (6) su mi mthoṅ | ma rig pa yaṅ yaṅ dag par rjes su mi mthoṅ | de bźin du ’du byed rnams ma yin rnam par śes pa ma yin miṅ daṅ gzugs ma yin skye mched drug ma yin reg pa ma yin tshor ba ma yin sred pa ma yin len pa ma yin srid pa yin skye ba ma yin rga śi ma yin (7) mya ṅan daṅ smre sṅags ’don pa daṅ sdug bsṅal ba daṅ yid mi bde ba daṅ ’khrug pa yaṅ yaṅ dag par rjes su mi mthoṅ ṅo ||
saṅs rgyas kyi źiṅ ’di’o źes yaṅ yaṅ dag par rjes su mi mthoṅ saṅs rgyas kyi źiṅ gźan yin no źes yaṅ dag par rjes su mi mthoṅ chos gaṅ (256a1) gis saṅs rgyas kyi źiṅ ’di ’am gźan no źes yaṅ dag par rjes su mi mthoṅ par ’gyur ba’i chos de yaṅ yaṅ dag par rjes su mi mthoṅ ste | rab ’byor ’di ni byaṅ chub sems dpa’ sems dpa’ chen po rnams kyi śes rab kyi pha rol tu phyin pa’o ||
(2) rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa de’i tshe bdud sdig can śin tu mya ṅan gyi zug rṅu daṅ ldan par ’gyur ro ||
rab ’byor ’di lta ste dper na mi źig pha ma ’chi ba’i dus byas par gyur na śin tu mya ṅan gyi zug (3) rṅu daṅ ldan par ’gyur ba de bźin du rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa de’i tshe bdud sdig can yaṅ śin tu mya ṅan gyi zug rṅu daṅ ldan par ’gyur ro ||
rab ’byor gyis gsol pa | bcom ldan ’das (4) ci bdud sdig can gcig cig śin tu mya ṅan gyi zug rṅu daṅ ldan par ’gyur ram ’on te bdud sdig can maṅ po śin tu mya ṅan gyi zug rṅu daṅ ldan par ’gyur ram ’on te stoṅ gsum gyi stoṅ chen po’i ’jig rten gyi khams na bdud sdig can ci sñed mchis pa de dag thams cad kyaṅ de’i tshe śin tu (5) mya ṅan gyi zug rṅu daṅ ldan par ’gyur | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa’i gnas pas gnas pa de’i tshe stoṅ (6) gsum gyi stoṅ chen po’i ’jig rten gyi khams na bdud sdig can ci sñed yod pa de dag thams cad śin tu mya ṅan gyi zug rṅu daṅ ldan par ’gyur te | raṅ raṅ gi stan la yaṅ ñams mi dga’ bar ’gyur ro ||
de ci’i phyir źe na | byaṅ chub sems dpa’ sems dpa’ chen po (7) śes rab kyi pha rol tu phyin pa la gnas pas gnas pa la ni lha daṅ mi daṅ lha ma yin du bcas pa’i ’jig rten gyis bdag cag gis ’di bzuṅ la thob tsam mo sñam pa daṅ | bla na med pa yaṅ dag par rdzogs pa’i byaṅ chub las slar bzlog par bya’o sñam pa’i glags rñed par mi ’gyur (256b1) gtiṅ rñed par mi ’gyur ro ||
rab ’byor de lta bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par byaṅ chub par ’dod pas śes rab kyi pha rol tu phyin pa la spyad par bya’o ||
de ci’i phyir źe na | rab ’byor byaṅ chub sems (2) dpa’ sems dpa’ chen po śes rab kyi pha rol tu phyin pa la spyod pas ni sbyin pa’i pha rol tu phyin pa bsgom pa yoṅs su rdzogs par ’gyur | de bźin du tshul khrims kyi pha rol tu phyin pa daṅ bzod pa’i pha rol tu phyin pa daṅ brtson ’grus kyi pha rol tu phyin pa daṅ bsam gtan (3) gyi pha rol tu phyin pa bsgom pa yoṅs su rdzogs par ’gyur ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni pha rol tu phyin pa drug po thams cad bsgom pa yoṅs su rdzogs par ’gyur ro ||
thabs mkhas pa thams (4) cad bsgom pa yoṅs su rdzogs par ’gyur te | byaṅ chub sems dpa’ sems dpa’ chen po śes rab kyi pha rol tu phyin pa la spyod pa des ni bdud kyi las gaṅ cuṅ zad ’byuṅ bar ’gyur ba de dag thams cad ’byuṅ ba’i tshe rab tu śes par ’gyur te rab tu śes nas rnam par spoṅ (5) bar ’gyur ro ||
rab ’byor thabs mkhas pa thams cad yoṅs su gzuṅ bar ’dod pa’i byaṅ chub sems dpa’ sems dpa’ chen pos śes rab kyi pha rol tu phyin pa la spyad par bya’o ||
śes rab kyi pha rol tu phyin pa bsgom par bya’o ||
rab ’byor gaṅ gi tshe byaṅ chub sems (6) dpa’ sems dpa’ chen po śes rab kyi pha rol tu phyin pa la spyod ciṅ śes rab kyi pha rol tu phyin pa mṅon par sgrub par byed pa de’i tshe rab ’byor byaṅ chub sems dpa’ sems dpa’ chen pos ’jig rten gyi khams gźal du med graṅs med pa dag na saṅs rgyas bcom ldan ’das (7) gaṅ dag bźugs te ’tsho źiṅ gźes pa de dag la de dag gi thams cad mkhyen pa ñid kyaṅ ’di lta ste | śes rab kyi pha rol tu phyin pa ’di las skyes so sñam du bsam par bya’o ||
de ltar bsams nas byaṅ chub sems dpa’ sems dpa’ chen po des yaṅ sems ’di ltar (257a1) bskyed par bya ste | ci ltar saṅs rgyas bcom ldan ’das de dag gis chos gaṅ dag rjes su brñes pa de bźin du bdag gis kyaṅ chos de dag kyaṅ rjes su thob par bya’o sñam ste | rab ’byor de ltar byaṅ chub sems dpa’ sems dpa’ chen po śes rab kyi (2) pha rol tu phyin pa la spyod pas ñin gcig ’das kyi bar la tha na se gol gtogs pa srid tsam du yaṅ sems bskyed pa ’di dag bskyed par bya mṅon par bsgrub par bya’o ||
rab ’byor gaṅ yaṅ dmigs pa daṅ bcas pa’i byaṅ chub sems dpa’ sems dpa’ chen po gaṅ gis bskal (3) pa gaṅ g’i kluṅ gi bye ma sñed du sbyin pa byin pa’i byaṅ chub sems dpa’ sems dpa’ chen po dmigs pa can de bas ni byaṅ chub sems dpa’ sems dpa’ chen po gaṅ gis ñi ma gcig ’das kyi bar la śes rab kyi pha rol tu phyin pa ’di chuṅ ṅu na se gol gtogs pa gcig tsam (4) du mṅon par sgrub na bsod nams chos maṅ du bskyed de | byaṅ chub sems dpa’ sems dpa’ chen po ’di ni phyir mi ldog pa’i sa la gnas par ’gyur ro ||
byaṅ chub sems dpa’ sems dpa’ chen po gaṅ ñin gcig ’das kyi bar la chuṅ ṅu na se gol gtogs pa srid tsam yaṅ (5) śes rab kyi pha rol tu phyin pa ’di la spyod ciṅ sems bskyed pa ’di bskyed pa de de bźin gśegs pas dgoṅs par rig par bya na | gaṅ sems bskyed pa ’di ñin thog thag rjes su ’jug par byed pa lta ci smos | rab ’byor byaṅ chub sems dpa’ sems dpa’ chen po de bźin gśegs (6) pas dgoṅs pas ’gro ba gaṅ źig la re bar bya źe na | rab ’byor byaṅ chub sems dpa’ sems dpa’ chen po de bźin gśegs pas dgoṅs pas ni bla na med pa yaṅ dag par rdzogs pa’i byaṅ chub ma gtogs par ’gro ba gźan du dogs par mi bya ste de ni skal pa med pa daṅ ṅan (7) soṅ rnams su skye bar mi ’gyur gyi mtho ris su skye bar re bar bya’o ||
der yaṅ de bźin gśegs pa rnams daṅ mi ’bral bar ’gyur źiṅ de bźin gśegs pa daṅ ma bral ba’i saṅs rgyas kyi źiṅ du skye bar ’gyur te sems can yoṅs su smin par byed par ’gyur ro ||
rab ’byor (257b1) byaṅ chub sems dpa’ sems dpa’ chen po gaṅ gis chuṅ ṅu na se gol gtogs pa gcig tsam du yaṅ śes rab kyi pha rol tu phyin pa la spyod de | śes rab kyi pha rol tu phyin pa la mṅon par sgrub ciṅ sems bskyed pa ’di skyed par byed pa’i yon tan ’di dag daṅ phan yon ’di dag (2) yin na | gaṅ źig sems bskyed pa ’di ñin thog thag rjes su ’jug par byed pa lta ci smos | rab ’byor ’di lta ste dper na de bźin gśegs pa dgra bcom pa yaṅ dag par rdzogs pa’i saṅs rgyas mi bskyed pa’i druṅ na da ltar byaṅ chub sems dpa’ sems dpa’ chen po (3) spos kyi glaṅ po źes bya ba tshaṅs par spyad pa spyod pa bźin no ||
’phags pa śes rab kyi pha rol tu phyin pa brgyad stoṅ pa las me tog bkram pa’i le’u źes bya ste ñi śu rtsa brgyad pa’o || ||
rab ’byor gźan yaṅ byaṅ chub sems dpa’ sems dpa’ chen (4) po śes rab kyi pha rol tu phyin pa la ’di ltar rjes su rig par bya ste | chos thams cad chags pa med pa’i phyir śes rab kyi pha rol tu phyin par rjes su rig par bya’o ||
chos thams cad dbyer mi phyed pa’i phyir śes rab kyi pha rol tu phyin par rjes su rig par bya’o ||
chos thams (5) cad ’byuṅ ba med pa’i phyir śes rab kyi pha rol tu phyin par rjes su rig par bya’o ||
chos thams cad ’gyur ba med par mñam pa’i phyir śes rab kyi pha rol tu phyin par rjes su rig par bya’o ||
chos thams cad bdag med pa daṅ rnam par rig pa med par śes rab kyis rjes su (6) rtogs pas śes rab kyi pha rol tu phyin par rjes su rig par bya’o ||
chos thams cad miṅ tsam daṅ tha sñad gdags pa tsam gyis brjod pa’i phyir śes rab kyi pha rol tu phyin par rjes su rig par bya’o ||
tha sñad gdags pa yaṅ gaṅ la yaṅ ma yin gaṅ gis kyaṅ ma yin gaṅ (7) yaṅ tha sñad gdags pa med do ||
chos thams cad tha sñad med pa brjod du med pa smrar med pa’i tshig med pa’i phyir śes rab kyi pha rol tu phyin par rjes su rig par bya’o ||
chos thams cad tshad ma med pa’i phyir śes rab kyi pha rol tu phyin par rjes su rig par bya’o ||
(258a1) gzugs tshad ma med pa’i phyir śes rab kyi pha rol tu phyin par rjes su rig par bya’o ||
de bźin du tshor ba tshad ma med pa daṅ ’du śes tshad ma med pa daṅ ’du byed rnams tshad ma med pa daṅ rnam par śes pa tshad ma med pa’i phyir śes rab kyi pha rol tu phyin par (2) rjes su rig par bya’o ||
chos thams cad mtshan ma med pa’i phyir śes rab kyi pha rol tu phyin par rjes su rig par bya’o ||
chos thams cad ṅes par ’byed pa’i phyir śes rab kyi pha rol tu phyin par rjes su rig par bya’o ||
chos thams cad raṅ bźin gyis yoṅs su (3) dag pa’i phyir śes rab kyi pha rol tu phyin par rjes su rig par bya’o ||
chos thams cad tshig med pa’i phyir śes rab kyi pha rol tu phyin par rjes su rig par bya’o ||
chos thams cad ’gog pa med pas spaṅ bar bya ba mñam pa’i phyir śes rab kyi pha rol tu phyin par rjes su rig par bya’o ||
(4) chos thams cad mya ṅan las ’das pa thob ciṅ de bźin ñid daṅ mñam pa’i phyir śes rab kyi pha rol tu phyin par rjes su rig par bya’o ||
chos thams cad mi ’oṅ mi ’gro mi śes mi skye śin tu mi skye ba’i phyir śes rab kyi pha rol tu phyin par rjes su rig par bya’o ||
bdag (5) daṅ gźan du mi lta ba’i phyir śes rab kyi pha rol tu phyin par rjes su rig par bya’o ||
chos thams cad ’phags pa dgra bcom pa raṅ bźin gyis yoṅs su dag pa’i phyir śes rab kyi pha rol tu phyin par rjes su rig par bya’o ||
chos thams cad khur bor źeṅ khur mi khyer ba’i phyir (6) śes rab kyi pha rol tu phyin par rjes su rig par bya’o ||
chos thams cad yul med ciṅ phyogs med pa’i phyir śes rab kyi pha rol tu phyin par rjes su rig par bya’o ||
de ci’i phyir źe na | rab ’byor gzugs ni raṅ bźin gyi ṅo bo ñid kyis yul daṅ phyogs med pa’o ||
rab ’byor (7) de bźin du tshor ba daṅ ’du śes daṅ ’du byed rnams daṅ rnam par śes pa ni raṅ bźin gyi ṅo bo ñid kyis yul daṅ phyogs med pa’o ||
chos thams cad ’gog pa rab tu sim par byed pa’i phyir śes rab kyi pha rol tu phyin par rjes su rig par bya’o ||
dga’ ba med ciṅ dga’ ba daṅ bral (258b1) ba med pa’i phyir śes rab kyi pha rol tu phyin par rjes su rig par bya’o ||
’dod chags pa med ciṅ ’dod chags daṅ bral ba med pa’i phyir śes rab kyi pha rol tu phyin par rjes su rig par bya’o ||
de ci’i phyir źe na | rab ’byor gzugs ni de kho na daṅ bcas (2) pa’i ṅo bo ñid kyis na ’dod chags par mi byed ’dod chags daṅ bral bar mi byed do ||
rab ’byor de bźin du tshor ba daṅ ’du śes daṅ ’du byed rnams daṅ rnam par śes pa ni de kho na daṅ bcas pa’i ṅo bo ñid kyis na ’dod chags par mi byed ’dod chags daṅ bral bar mi byed do ||
rab (3) bźin gyis yoṅs su dag pa’i phyir śes rab kyi pha rol tu phyin par rjes su rig par bya’o ||
chos thams cad chags pa daṅ ma chags pa’i źen pa daṅ bral ba’i phyir śes rab kyi pha rol tu phyin par rjes su rig par bya’o ||
saṅs rgyas kyi ye śes khoṅ du chud pas chos thams cad byaṅ (4) chub po źes śes rab kyi pha rol tu phyin par rjes su rig par bya’o ||
chos thams cad stoṅ pa ñid daṅ mtshan ma med pa daṅ smon pa med pa’i phyir śes rab kyi pha rol tu phyin par rjes su rig par bya’o ||
byams pa chen po sṅon du ’gro bas chos thams cad sman lta bu’o źes śes rab (5) kyi pha rol tu phyin par rjes su rig par bya’o ||
chos thams cad byams pa la gnas pa daṅ sñiṅ rje la gnas pa daṅ dga’ ba la gnas pa daṅ btaṅ sñoms la gnas pa’i phyir śes rab kyi pha rol tu phyin par rjes su rig par bya’o ||
chos thams cad tshaṅs par gyur pas źe sdaṅ (6) mi bskyed ciṅ źe sdaṅ thams cad mi len pa’i phyir śes rab kyi pha rol tu phyin par rjes su rig par bya’o ||
chos thams cad smon pa med pa’i phyir daṅ khoṅ khro ba med pa’i phyir śes rab kyi pha rol tu phyin par rjes su rig par bya’o ||
rgya mtsho mu med pa’i phyir śes rab kyi pha rol (7) tu phyin pa mu med par rjes su rig par bya’o ||
nam mkha’ mu med pa’i phyir śes rab kyi pha rol tu phyin pa mu med par rjes su rig par bya’o ||
ri rab sna tshogs pa ñid kyi phyir śes rab kyi pha rol tu phyin pa sna tshogs par rjes su rig par bya’o ||
gzugs mu med pa’i phyir (259a1) śes rab kyi pha rol tu phyin pa mu med par rjes su rig par bya’o ||
de bźin du tshor ba daṅ ’du śes daṅ ’du byed rnams daṅ rnam par śes pa mu med pa’i phyir śes rab kyi pha rol tu phyin pa mu med par rjes su rig par bya’o ||
ñi ma’i ’od zer gyi dkyil ’khor (2) mu med par snaṅ pa’i phyir śes rab kyi pha rol tu phyin pa mu med par rjes su rig par bya’o ||
sgra thams cad mu med pa’i phyir śes rab kyi pha rol tu phyin pa mu med par rjes su rig par bya’o ||
saṅs rgyas kyi chos thams cad yaṅ dag par sgrub pa mu med pa’i phyir śes rab kyi pha (3) rol tu phyin pa mu med par rjes su rig par bya’o ||
sems can gyi khams thams cad kyi bsod nams daṅ ye śes kyi tshogs mu med pa’i phyir śes rab kyi pha rol tu phyin pa mu med par rjes su rig par bya’o ||
sa’i khams mu med pa’i phyir śes rab kyi pha rol tu phyin pa mu (4) med par rjes su rig par bya’o ||
de bźin du chu’i khams daṅ me’i khams daṅ rluṅ gi khams daṅ nam mkha’i khams daṅ rnam par śes pa’i khams mu med pa’i phyir śes rab kyi pha rol tu phyin pa mu med par rjes su rig par bya’o ||
dge ba daṅ mi dge ba’i chos bsags pa (5) tshad med pa’i phyir śes rab kyi pha rol tu phyin pa tshad med par rjes su rig par bya’o ||
chos thams cad bsags pa tshad med pa’i phyir śes rab kyi pha rol tu phyin pa tshad med par rjes su rig par bya’o ||
chos thams cad kyi tiṅ ṅe ’dzin mu med pa thob pa’i phyir śes rab kyi pha rol (6) tu phyin pa mu med par rjes su rig par bya’o ||
saṅs rgyas kyi chos thams cad mu med pa’i phyir śes rab kyi pha rol tu phyin pa mu med par rjes su rig par bya’o ||
chos thams cad mu med pa’i phyir śes rab kyi pha rol tu phyin pa mu med par rjes su rig par bya’o ||
stoṅ pa ñid (7) mu med pa’i phyir śes rab kyi pha rol tu phyin pa mu med par rjes su rig par bya’o ||
sems daṅ sems las byuṅ ba mu med pa’i phyir śes rab kyi pha rol tu phyin pa mu med par rjes su rig par bya’o ||
sems kyi spyod pa mu med pa’i phyir śes rab kyi pha rol tu phyin pa mu med par (259b1) rjes su rig par bya’o ||
dge ba daṅ mi dge ba’i chos tshad med pa’i phyir śes rab kyi pha rol tu phyin pa tshad med par rjes su rig par bya’o ||
seṅ ge’i sgra sgrogs pa’i phyir śes rab kyi pha rol tu phyin par rjes su rig par bya’o ||
chos thams cad ’khrugs pa med pa’i phyir śes (2) rab kyi pha rol tu phyin pa ’khrug pa med par rjes su rig par bya’o ||
de ci’i phyir źe na | rab ’byor gzugs ni rgya mtsho daṅ mtshuṅs pa’o ||
de bźin du rab ’byor tshor ba daṅ ’du śes daṅ ’du byed rnams daṅ rnam par śes pa ni rgya mtsho daṅ mtshuṅs pa’o ||
gzugs (3) ni nam mkha’ daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni nam mkha’ daṅ mtshuṅs pa’o ||
gzugs ni ri rab sna tshogs daṅ mtshuṅs pa’o ||
de bźin du tshor ba daṅ ’du śes daṅ | ’du byed rnams daṅ (4) rnam par śes pa ni ri rab sna tshogs daṅ mtshuṅs pa’o ||
gzugs ni mu med pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni mu med pa daṅ mtshuṅs pa’o ||
gzugs ni ñi ma’i dkyil ’khor gyi ’od zer ’byuṅ ba daṅ (5) mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni ñi ma’i dkyil ’khor gyi ’od zer ’byuṅ ba daṅ mtshuṅs pa’o ||
gzugs ni sgra thams cad mu med pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams (6) daṅ rnam par śes pa ni sgra thams cad mu med pa daṅ mtshuṅs pa’o ||
gzugs ni saṅs rgyas kyi chos thams cad yaṅ dag par sgrub pa mu med pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni saṅs rgyas kyi chos thams cad (7) yaṅ dag par sgrub pa mu med pa daṅ mtshuṅs pa’o ||
gzugs ni sems can gyi khams thams cad kyi bsod nams daṅ ye śes kyi tshogs mu med pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni sems can gyi khams (260a1) thams cad kyi bsod nams daṅ ye śes kyi tshogs mu med pa daṅ mtshuṅs pa’o ||
gzugs ni sa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni sa daṅ mtshuṅs pa’o ||
gzugs ni chu daṅ mtshuṅs pa’o ||
(2) de bźin du tshor ba daṅ ’du śes daṅ ’du byed rnams daṅ rnam par śes pa ni chu daṅ mtshuṅs pa’o ||
gzugs ni me daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni me daṅ mtshuṅs pa’o ||
gzugs ni rluṅ daṅ mtshuṅs pa’o ||
(3) de bźin du tshor ba daṅ ’du śes daṅ ’du byed rnams daṅ rnam par śes pa ni rluṅ daṅ mtshuṅs pa’o ||
gzugs ni nam mkha’ daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni nam mkha’ daṅ mtshuṅs pa’o ||
gzugs (4) ni rnam par śes pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni rnam par śes pa daṅ mtshuṅs pa’o ||
gzugs ni dge pa daṅ mi dge ba’i chos bsags pa daṅ bral ba’o ||
de bźin du tshor ba daṅ ’du śes daṅ ’du (5) byed rnams daṅ rnam par śes pa ni dge ba daṅ mi dge ba’i chos bsags pa daṅ bral ba’o ||
gzugs ni chos thams cad bsags pa daṅ bral ba’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni chos thams cad bsags pa daṅ bral (6) ba’o ||
gzugs ni chos thams cad tiṅ ṅe ’dzin mu med pa daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni chos thams cad tiṅ ṅe ’dzin mu med pa daṅ mtshuṅs pa’o ||
gzugs ni bral ba ste gzugs kyi ṅo bo ñid daṅ gzugs (7) kyi de bźin ñid ni saṅs rgyas kyi chos so ||
de bźin du tshor ba daṅ ’du śes daṅ ’du byed rnams daṅ rnam par śes pa ni bral ba ste rnam par śes pa’i ṅo bo ñid daṅ rnam par śes pa’i de bźin ñid ni saṅs rgyas kyi chos so ||
gzugs ni chos thams cad mu med pa’i chos (260b1) ñid do ||
de bźin du tshor ba daṅ ’du śes daṅ ’du byed rnams daṅ rnam par śes pa ni chos thams cad mu med pa’i chos ñid do ||
gzugs ni stoṅ pa mu med pa’i chos ñid do ||
de bźin du tshor ba daṅ ’du śes daṅ ’du byed rnams daṅ rnam par śes pa ni stoṅ pa mu (2) med pa’i chos ñid do ||
gzugs ni sems daṅ sems las byuṅ ba mu med pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni sems daṅ sems las byuṅ ba mu med pa’o ||
gzugs ni sems kyi spyod pa las byuṅ ba’o ||
de bźin (3) du tshor ba daṅ ’du śes daṅ ’du byed rnams daṅ rnam par śes pa ni sems kyi spyod pa las byuṅ ba’o ||
gzugs ni dge ba daṅ mi dge ba daṅ mi dmigs pa’i bar du’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni dge ba daṅ mi dge ba daṅ mi (4) dmigs pa’i bar du’o ||
gzugs ni seṅ ge’i sgra daṅ mtshuṅs pa’o ||
de bźin du tshor ba daṅ ’du śes daṅ ’du byed rnams daṅ rnam par śes pa ni seṅ ge’i sgra daṅ mtshuṅs pa’o ||
gzugs ni ’khrug pa med pa’o ||
de bźin du tshor ba daṅ ’du śes daṅ ’du byed (5) rnams daṅ rnam par śes pa ni ’khrug pa med pa’o ||
rab ’byor de ltar na byaṅ chub sems dpa’ sems dpa’ chen pos śes rab kyi pha rol tu phyin par rjes su rig par bya’o ||
rab ’byor gaṅ gi tshe byaṅ chub sems dpa’ sems dpa’ chen pos śes rab kyi pha rol tu phyin (6) pa de ltar rjes su rig par byed pa daṅ rnam par dpyod pa daṅ ’jug pa daṅ rtogs par byed pa daṅ sems pa daṅ ’jal ba daṅ ñe bar rtog pa daṅ | sgyu daṅ g-yo thams cad rnam par spaṅs pa’i yid la byed pa daṅ le lo thams cad rnam par spaṅs pa’i yid la byed pa daṅ (7) rlom sems thams cad rnam par spaṅs pa’i yid la byed pa daṅ bdag stoṅ pa rnam par spaṅs pa’i yid la byed pa daṅ gźan la smod pa rnam par spaṅs pa’i yid la byed pa daṅ bdag tu ’du śes rnam par spaṅs pa’i yid la byed pa daṅ sems can du ’du śes rnam par (261a1) spaṅs pa’i yid la byed pa daṅ rñed pa daṅ bkur sti daṅ tshigs su bcad pa rnam par spaṅs pa’i yid la byed pa daṅ sgrib pa lṅa rnam par spaṅs pa’i yid la byed pa daṅ phrag dog daṅ ser sna rnam par spaṅs pa yid la byed pa daṅ skye bo thams cad spaṅs pa’i yid (2) la byed pa dag gis sgom par ’gyur ba de’i tshe de la yon tan thams cad yoṅs su rdzogs pa daṅ saṅs rgyas kyi źiṅ bla na med pa daṅ saṅs rgyas kyi chos rnams yoṅs su rdzogs pa rñed dka’ bar mi ’gyur ro ||
’phags pa śes rab kyi pha rol tu phyin pa brgyad stoṅ pa (3) las rjes su rig pa’i le’u źes bya ste ñi śu rtsa dgu pa’o || ||
śes rab kyi pha rol tu phyin pa brgyad stoṅ pa | bam po ñi śu gsum pa | rab ’byor gźan yaṅ śes rab kyi pha rol tu phyin pa ’di ci ltar byaṅ chub sems dpa’ sems dpa’ chen po (4) rtag tu ṅu gaṅ da ltar de bźin gśegs pa dgra bcom pa yaṅ dag par rdzogs pa’i saṅs rgyas sgra dbyaṅ ma mi zad par sgrogs pa’i druṅ du na tshaṅs par spyad pa spyod pa des yoṅs su btsal ba de bźin du yoṅs su btsal bar bya’o ||
de skad ces bka’ stsal pa daṅ | bcom (5) ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po rtag tu ṅus śes rab kyi pha rol tu phyin pa de chol ba na ci ltar yoṅs su btsal lags | de skad ces gsol pa daṅ | bcom ldan ’das (6) kyis tshe daṅ ldan pa rab ’byor la ’di skad ces bka’ stsal to ||
byaṅ chub sems dpa’ sems dpa’ chen po rtag tu ṅu sṅon śes rab kyi pha rol tu phyin pa yoṅs su tshol ba na lus la ched cher mi byed srog la mi lta rñed pa daṅ bkur sti daṅ tshigs su bcad pa dag la mi gnas par yoṅs (7) su btsal bas yoṅs su btsal to ||
des śes rab kyi pha rol tu phyin pa yoṅs su tshol źiṅ ’brog dgon pa źig tu phyin pa na bar snaṅ las | rigs kyi bu śar phyogs su soṅ źig daṅ śes rab kyi pha rol tu phyin pa thos par ’gyur gyis | ci ltar lus ṅal ba yid la byed pa mi skyed (261b1) pa daṅ gñid daṅ rmugs pa yid la byed pa mi skyed pa daṅ bza’ ba yid la byed pa mi skyed pa daṅ btuṅ ba yid la byed pa mi skyed pa daṅ mtshan mo yid la byed pa mi skyed pa daṅ ñin mo yid la byed pa mi skyed pa daṅ graṅ ba yid la byed pa mi skyed pa daṅ tsha ba yid la byed pa mi skyed pa de ltar (2) soṅ źig | naṅ ṅam phyi rol gaṅ la yaṅ sems smon par ma byed cig rigs kyi bu g-yon du ma lta bar soṅ źig | g-yas su ma yin śar du ma yin lho ru ma yin nub tu ma yin byaṅ du ma yin steṅ du ma yin ’og tu ma yin phyogs mtshams su yaṅ ma lta bar soṅ źig | rigs (3) kyi bu ci ltar bdag las ma g-yos śiṅ ’jig tshogs las kyaṅ ma yin pa daṅ ci ltar gzugs las kyaṅ ma g-yos pa daṅ ci ltar tshor ba daṅ ’du śes daṅ ’du byed rnams daṅ ci ltar rnam par śes pa las kyaṅ ma g-yos pa de ltar soṅ źig | gaṅ ’di las g-yos pa de ni rnam (4) par ñams par ’gyur ro ||
ci las ñams par ’gyur źe na | saṅs rgyas kyi chos rnams las ñams par ’gyur ro ||
gaṅ saṅs rgyas kyi chos rnams las ñams par ’gyur ba de ni ’khor pa la spyod do ||
gaṅ ’khor ba la spyod pa de ni śes rab kyi pha rol tu phyin pa la (5) mi spyod de des śes rab kyi pha rol tu phyin pa rjes su mi ’thob bo źes bya ba’i sgra thos par gyur to ||
de skad ces smras pa daṅ | byaṅ chub sems dpa’ sems dpa’ chen po rtag tu dus sgra de la ’di skad ces de bźin du bya’o ||
de ci’i phyir źe na | ṅa ni sems can thams cad la (6) snaṅ bar byed ’dod pa daṅ saṅs rgyas kyi chos thams cad sgrub par ’dod pa’i phyir ro źes smras so ||
de skad ces smras pa daṅ | sgra des byaṅ chub sems dpa’ sems dpa’ chen po rtag tu ṅu la ’di skad ces rigs kyi bu rtag tu ṅu legs so legs so źes smras so ||
de nas (7) byaṅ chub sems dpa’ sems dpa’ chen po rtag tu ṅus yaṅ sgra thos te | rigs kyi bu khyod kyis stoṅ pa ñid daṅ mtshan ma med pa daṅ smon pa med par chos thams cad la mos pa bskyed la śes rab kyi pha rol tu phyin pa yoṅs su btsal par bya’o ||
khyod kyis mtshan ma yoṅs (262a1) su spaṅ ba daṅ dṅos po yoṅs su spaṅ ba daṅ sems can du lta ba yoṅs su spaṅ bar bya’o ||
rigs kyi bu khyod kyis sdig pa’i grogs po dag yoṅs su spaṅ bar bya’o ||
dge ba’i bśes gñen gaṅ chos thams cad stoṅ pa ñid daṅ mtshan ma med pa (2) daṅ smon pa med pa daṅ ma byuṅ ba daṅ ma skyes pa daṅ ma ’gags pa daṅ dṅos po med par chos rnams ston pa dag la khyod kyis bsñen par bya gus par bya bsñen bkur bya’o ||
rigs kyi bu khyod kyis de ltar bsgrubs na riṅ po mi thogs par śes rab kyi pha rol tu phyin pa glegs bam du (3) chud pa ’am dge sloṅ chos smra ba’i lus la yod pa thos par ’gyur te | rigs kyi bu gaṅ las śes rab kyi pha rol tu phyin pa ’di thos pa de la khyod kyis ston par ’du śes bskyed par bya źiṅ khyod kyis byas pa gzo ba daṅ byas pa tshor bar bya ste | gaṅ las śes rab kyi pha (4) rol tu phyin pa ’di thos pa ’di ni bdag gi dge ba’i bśes gñen yin te ’di bdag gis thos pas myur du bla na med pa yaṅ dag par rdzogs pa’i byaṅ chub las phyir mi ldog par ’gyur | de bźin gśegs pa dgra bcom pa yaṅ dag par rdzogs pa’i saṅs rgyas rnams la bsñen par (5) ’gyur źiṅ | saṅs rgyas kyi źiṅ de bźin gśegs pa daṅ ma bral ba rnams su skye bar ’gyur ro ||
mi khom pa rnams spoṅ bar ’gyur ro ||
dal ba phun sum tshogs pa spyad pa thob par ’gyur ro ||
rigs kyi bu phan yon ’di rnams khyod kyis yoṅs su rtogs la dge sloṅ chos (6) smra ba la ston pa yin par ’du śes bskyed par bya’o ||
rigs kyi bu khyod kyis ’jig rten gyi zaṅ ziṅ daṅ ldan pa’i sems kyi rgyud kyis dge sloṅ chos smra ba’i phyi bźin ’braṅ bar mi bya’i khyod kyis dge sloṅ chos smra ba la chos don du gñer ba daṅ chos la gus par bya bas phyi bźin ’braṅ bar (7) bya’o ||
khyod kyis bdud kyi las rnams kyaṅ rtogs par bya ste | rigs kyi bu bdud sdig can ni byaṅ chub sems dpa’ sems dpa’ chen po rnams la gzugs daṅ sgra daṅ dri daṅ ro daṅ reg pa dag bsñen pa daṅ bsten pa daṅ spyad par bya ba’i phyir ñe bar sgrub ste | de dag chos sma ba des zil (262b1) gyis mnan nas thabs mkhas pas ’grogs śiṅ sten pa daṅ bsñen par byed pa yaṅ yod de rigs kyi bu khyod kyis dge sloṅ chos smra ba de la ma dad pa skyed par mi bya’o ||
gźan du na sems ’di ltar bskyed par bya ste bdag ni thabs mkhas pa de mi śes kyi ’di ni thabs mkhas (2) pa rab tu śes so ||
’di ni sems can gdul ba’i tshul gyis sems can rnams kyi dge ba’i rtsa ba yoṅs su gzuṅ ba’i phyir chos ’di dag la brten ciṅ ’grogs te bsñen par byed kyi byaṅ chub sems dpa’ sems dpa’ chen po rnams ni gaṅ la yaṅ chags pa ’am sgrib pa med (3) kyis | skad cig de ñid la rigs kyi bu khyod ñid kyis chos rnams kyi yaṅ dag pa’i tshul so sor brtag par bya’o ||
rigs kyi bu chos rnams kyi yaṅ dag pa’i tshul gaṅ źe na | ’di lta ste chos thams cad kun nas ñon moṅs pa ma yin rnam par byaṅ ba ma yin no ||
de ci’i (4) phyir źe na | chos thams cad ni ṅo bo ñid kyis stoṅ pa’o ||
chos thams cad ni sems can med pa srog med pa gsob med pa skyes bu med pa gaṅ zag med pa sgyu ma lta bu rmi lam lta bu sgra brñan lta bu mig yor lta bu ste | rigs kyi bu khyod kyis chos thams cad kyi yaṅ dag (5) pa’i tshul de ltar rtog ciṅ chos smra ba’i rjes su ’braṅ na riṅ por mi thogs par śes rab kyi pha rol tu phyin pa la ṅes par ’byuṅ bar ’gyur ro ||
rigs kyi bu gźan yaṅ khyod kyis bdud kyi las la sems śig | rigs kyi bu gal te chos smra ba dag śes rab kyi pha rol tu phyin pa (6) don du gñer ba’i rigs kyi bu la brñas par byed ciṅ mi sems na de la rigs kyi bu khyod kyis phyir bsṅo bar mi bya ste | gźan du na chos don du gñer tha ñid daṅ chos la gus par byed pa ñid daṅ yid mi skyo bas dge sloṅ chos smra ba’i phyi bźin ’braṅ bar bya’o źes de skad kyaṅ thos so ||
(7) de nas byaṅ chub sems dpa’ sems dpa’ chen po rtag tu dus sgra de las rjes su bstan pa ’di blaṅs nas śar phyogs ga la ba der soṅ ba daṅ | riṅ por ma phyin par de ’di sñam du sems te bdag gis sgra de la ci srid du ’gro bar bya ba ma dres so sñam du bsams nas des phyogs de (263a1) ñid du ṅu źiṅ cho ṅes ’debs te de mya ṅan byed la smre śiṅ ’dug ste | de ’di sñam du sa phyogs ’di ñid du ñin źag gcig gi bar du ñin mtshan ’da’ bar bya’o ||
ñin mtshan gñis sam gsum mam bźi ’am lṅa ’am drug gam ñin mtshan bdun yaṅ ’da’ (2) bar bya ste | śes rab kyi pha rol tu phyin pa thos par ma gyur gyi bar du | lus dal ba yid la byed pa mi skyed rmugs pa daṅ gñid yid la byed pa mi skyed bza’ ba yid la byed pa mi skyed btuṅ ba yid la byed pa mi skyed mtshan mor yid la byed pa mi skyed ñin mor yid la byed pa (3) mi skyed graṅ ba yid la byed pa mi skyed tsha ba yid la byed pa mi skyed do sñam du bsams so ||
rab ’byor ’di lta ste dper na skyes bu la la źig bu gcig pu ’chi ba’i dus byas na sdug bsṅal ba daṅ yid mi bde ba chen po daṅ ldan par ’gyur te | de bu’i mya ṅan gyi bu gcig pu yid la (4) byed pa ñid ma gtogs par yid la byed pa gźan gaṅ yaṅ mi ’byuṅ ste | rab ’byor de bźin du byaṅ chub sems dpa’ sems dpa’ chen po rtag tu ṅus yaṅ de’i tshe bdag gis nam śes rab kyi pha rol tu phyin pa thos par ’gyur sñam pa ma gtogs par yid la byed pa gźan (5) gaṅ yaṅ ma byuṅ ṅo ||
rab ’byor de nas byaṅ chub sems dpa’ sems dpa’ chen po rtag tu ṅu de ltar gduṅ źiṅ ’dug pa’i mdun du de bźin gśegs pa’i gzugs śig bźugs nas legs so źes bya ba byin te ’di skad du | rigs kyi bu khyod kyis tshig de skad smra ba (6) legs so legs so ||
ci ltar khyod kyis da ltar yoṅs su btsal ba de bźin du rigs kyi bu sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ sṅon byaṅ chub sems dpa’ spyad pa spyod pa na śes rab kyi pha rol tu phyin pa yoṅs su (7) btsal to ||
rigs kyi bu de’i phyir khyod kyis brtson ’grus ’di ñid daṅ spro ba ’di ñid daṅ don du gñer ba ’di ñid daṅ ’dod pa ’di lta bu ñid kyis rjes su ’braṅ źiṅ śar phyogs ñid du soṅ śig daṅ | rigs kyi bu ’di nas dpag tshad lṅa brgya na spos daṅ ldan pa źes bya ba’i groṅ khyer rin po che (263b1) sna bdun gyi raṅ bźin gyi ra ba rim pa bdun gyis bskor ba | ’obs rim pa bdun daṅ śiṅ ta li ’phreṅ ba rim pa bdun gyis yoṅs su bskor ba | chur dpag tshad bcu gñis źeṅ du dpag tshad bcu gñis yod pa ’byor ba rgyas pa bde ba lo legs pa skye bo maṅ po daṅ mis gaṅ (2) ba | bar gyi tshoṅ khaṅ gi phreṅ ba ri mo sna tshogs su bris pa lta bur blta na sdug pa phigs par gyur pa mñam źiṅ mtshuṅs pa | skye bo daṅ khyogs kyi bźon pa daṅ rkaṅ gis ’gro ba’i gnas ’dzer dog med par gnas pa lṅa brgya dag gis legs par bsgrubs pa | groṅ khyer gyi (3) khor yug tu źol gyi phyir rin po che sna bdun gyi raṅ bźin gyis bskor la | rin po che sna bdun gyi raṅ bźin gyi ra ba de dag gi mda’ yab rnams ni ’dzam bu’i chu bo’i gser las byas pa | mtho źiṅ tshad daṅ ldan pa mda’ yab thams cad kyi rtse mo las kyaṅ rin po che sna bdun gyi (4) raṅ bźin gyi śiṅ skyes te | rin po che sna tshogs bkra ba’i śiṅ thog gi ’bras bu chags pa | mda’ yab las śiṅ skyes pa thams cad las kyaṅ rin po che’i raṅ bźin gyi thag gu byuṅ bas mda’ yab gñis pa’i śiṅ gźan daṅ ’brel pa thams cad daṅ ldan pa’i groṅ khyer de gser (5) gyi dril bu g-yer ka’i dra bas khebs te | dril bu g-yer ka’i dra ba de dag la rluṅ gis btab na sgra ’jam źiṅ sñan pa yid du ’oṅ ba dag ’byuṅ ba ’di lta ste | dper na yan lag lṅa daṅ ldan pa’i rol mo sna tshogs pa | rol mo mkhan mkhas pas brduṅs śiṅ blaṅs na sgra (6) ’jam źiṅ sñan pa yid du ’oṅ ba dag ’byuṅ ba de bźin du | dril bu g-yer ka’i dra ba de dag la rluṅ gis btab na sgra ’jam źiṅ sñan pa yid du ’oṅ ba dag ’byuṅ ste | sgra des sems can de dag rtse dga’ źiṅ dga’ mgur spyod do ||
groṅ khyer de khor yug tu ’obs chu rjes su (7) mthun par ’bab pa’i tshul yoṅs su gaṅ źiṅ | chu ha caṅ yaṅ mi graṅ ba ha caṅ mi dro bas gaṅ bdag yod do ||
chu de dag ñid la sems can rnams kyi sṅon gyi las kyi rnam par smin pas grub pa | rin po che sna bdun rnam par bkra źiṅ blta na sdug pa’i gru dag yod de | der (264a1) sems can dag źugs nas rtse ’ga’ źiṅ dga’ mgur spyod do ||
chu de dag thams cad kyaṅ ud pa la daṅ ku mu da daṅ pad ma dkar po dag gis khebs pa | me tog gi rigs che źiṅ bzaṅ la dri bzaṅ po’i ṅad daṅ ldan pa gźan dag gis kyaṅ khebs te | stoṅ (2) gsum gyi stoṅ chen po’i ’jig rten gyi khams na yod pa’i me tog gi rigs las de na med pa gaṅ yaṅ med do ||
groṅ khyer de’i naṅ na skyed mos tshal lṅa brgya yod de | thams cad kyaṅ rin po che sna bdun gyi raṅ bźin rnam par bkra źiṅ blta na sdug pa śa stag ste | skyed mos tshal de (3) dag re re na yaṅ rdziṅ bu khor yug tu rgyaṅ grags kyi tshad tsam lta brgya lṅa brgya yod de | rdziṅ bu de dag thams cad nas rin po che sna bdun gyi raṅ bźin gyi me tog ud pa la daṅ ku mu da deṅ pad ma dkar po rnam par bkra źiṅ blta na sdug pa dag skyes te de dag gis chu de khebs śiṅ | ud (4) pa la daṅ ku mu da daṅ pad ma dkar po bzaṅ po de dag thams cad kyaṅ chu źeṅ du śiṅ rta’i ’khor lo tsam ste | dri bzaṅ ba sṅon po kha dog sṅon po sṅon por ston pa sṅon por snaṅ ba | ser po kha dog ser po ser por ston pa ser por snaṅ ba | dmar po kha dog dmar po dmar por (5) ston pa dmar por snaṅ ba | dkar po kha dog dkar po dkar por ston pa dkar por snaṅ ba dag yod do ||
rdziṅ bu de dag thams cad na ṅaṅ ṅur daṅ khruṅ khruṅ daṅ k randa daṅ sa ra sa sgra ’byin pa dag yod do ||
skyed mos tshal de dag thams cad kyaṅ ṅa yir bya ba med ciṅ yoṅs su ’dzin (6) pa med de | ’di ltar yun riṅ por sems can de dag śes rab kyi pha rol tu phyin pa la spyod ciṅ | saṅs rgyas kyi tshul la gus par byed pa rjes su ’gro ba’i thos pa daṅ sems pa legs par rtogs pa | yun riṅ por chos zab mo la mos pa’i sems can de dag ñid kyi sṅon gyi (7) las kyi rnam par smin pas grub pa yin no ||
ṅa la rigs kyi bu groṅ khyer spos daṅ ldan pa de’i dbus kyi bźi mdo na byaṅ chub sems dpa’ sems dpa’ chen po chos ’phags kyi khaṅ pa rin po che sna bdun las byas pa khor yug tu dpag tshad kyi tshad tsam | rnam par bkra źiṅ blta na (264b1) sdug pa rab rim pa bdun daṅ ta la’i phreṅ ba rim pa bdun gyis yoṅs su bskor ba źig yod de | khaṅ pa de na khaṅ pa’i loṅs spyad pa daṅ ñe bar loṅs spyad pa daṅ | yoṅs su loṅs spyod pa dag rtag tu dga’ ba źes bya ba’i skyed mos tshal daṅ mya ṅan med ces bya ba daṅ mya ṅan (2) bral źes bya ba daṅ me tog sna tshogs pa źes bya ba’i skyed mos tshal daṅ skyed mos tshal bźi yod de | skyed mos tshal de dag re re na yaṅ ’di lta ste | rdziṅ bu bzaṅ po źes bya ba daṅ bzaṅ mchog ces bya ba daṅ dga’ ba źes bya ba daṅ dga’ mchog ces bya ba daṅ bde ba źes bya ba daṅ (3) bde mchog ces bya ba daṅ ṅes pa źes bya ba daṅ mi ’bab pa ces bya ba brgyad brgyad yod de | yaṅ rdziṅ bu de dag gi ṅos gcig ni gser gyi raṅ bźin | ṅos gñis pa ni dṅul gyi raṅ bźin | ṅos gsum pa ni bai dUrya’i raṅ bźin | ṅos bźi pa ni śel gyi raṅ bźin | ’og (4) gi sa gźi ni kar ge ta na’i raṅ bźin la gser gyi bye ma bdal ba ste | rdziṅ bu de dag re re la yaṅ them skas them pa rin po che’i raṅ bźin sna tshogs rnam pa tha dad pas brgyan pa brgyad brgyad yod de | them skas de dag thams cad kyi bar nas kyaṅ ’dzam bu’i chu bo’i gser gyi śiṅ (5) ljon pa dag skyes so ||
rdziṅ bu de dag thams cad kyi chu ni me tog ud pa la daṅ ku mud daṅ pad ma dkar po sna tshogs kyis khebs śiṅ ṅaṅ ṅur daṅ khruṅ khruṅ daṅ k ra nda daṅ sa ra sa rnams sgaṅ ’byin to ||
rdziṅ bu de dag gi khor yug tu me tog gi śiṅ rnam pa sna tshogs skyes te me tog gi (6) śiṅ de dag la rluṅ gis bskyod pa daṅ | me tog rnams rdziṅ bu’i naṅ du ltuṅ bas rdziṅ bu de dag thams cad kyi chu yaṅ tsan dan gyi drir phyogs śiṅ kha dog daṅ ldan dri daṅ ldan ro daṅ ldan reg daṅ ldan no ||
de nas byaṅ chub sems dpa’ sems dpa’ chen po chos ’phags ’khor daṅ (7) bcas pa bud med drug khri brgyad stoṅ daṅ lhan cig tu ’dod pa’i yon tan lṅa daṅ ldan źiṅ dbaṅ du gyur te | rtse dga’ źiṅ dga’ mgur spyod do ||
groṅ khyer de na sems can skyes pa daṅ bud med gaṅ gźan dag ’khod pa de dag thams cad kyaṅ skyed mos tshal lam rdziṅ bu dag na (265a1) rtag tu dga’ źiṅ ’dod pa’i yon tan lṅa daṅ ldan nas dbaṅ du gyur te rtse dga’ źiṅ dga’ mgur spyod do ||
yaṅ byaṅ chub sems dpa’ sems dpa’ chen po chos ’phags de dus de srid du ’khor rnams daṅ lhan cig tu rtse dga’ źiṅ dga’ mgur spyod par byed ciṅ (2) de na dus gsum du śes rab kyi pha rol tu phyin pa ston to ||
sems can gaṅ dag groṅ khyer spos ldan na ’khod pa de dag kyaṅ groṅ khyer gyi dbus kyi bźi mdor byaṅ chub sems dpa’ sems dpa’ chen po chos ’phags kyi khri gser gyi rkaṅ pa daṅ dṅul gyi rkaṅ pa daṅ bai dUrya’i rkaṅ (3) pa daṅ śel gyi rkaṅ pa btsugs pa | śiṅ bal btiṅ bstan par tshaṅs can btiṅ ba steṅ sñiṅ po can du byas pa ka śi ka’i gos btiṅ ba ’phaṅ du rgyaṅ grags phyed yod pa bśams te | steṅ gi bar snaṅ la yaṅ gos kyi bla re mu tig gis brgyan pa bres pa la ci ’di legs par (4) gnas sam sñam pa | legs par gnas pa sna tshogs pa rnam par smin pas lhan cig tu mñam par rab tu ’dzin par byed ciṅ sa phyogs de khor yug tu yaṅ me tog kha dog sna lṅa pa dag mṅon par gtor rab tu gtor yaṅ dag par gtor bar byed la | ci ltar yaṅ ’di (5) chos kyi bsam pa rnam par dag pa daṅ | byaṅ chub sems dpa’ sems dpa’ chen po chos ’phags chos la gus pas | sa phyogs de yaṅ dri daṅ bdug pa sna tshogs kyis śin tu bdug par byed do ||
de la byaṅ chub sems dpa’ sems dpa’ chen po chos ’phags ’dug (6) nas śes rab kyi pha rol tu phyin pa ston te | rigs kyi bu sems can de dag ni de ltar chos la gus par byed ciṅ chos rnams la rten pa daṅ | dad pa daṅ ldan pas dad pa daṅ dad pa skyed pas byaṅ chub sems dpa’ sems dpa’ chen po chos ’phags kyi druṅ du śes rab kyi pha rol (7) tu phyin pa ñan to ||
de na gaṅ dag ñan pa’i lha daṅ mi srog chags brgya phrag maṅ po | srog chags stoṅ phrag maṅ po | srog chags brgya stoṅ phrag maṅ po tshogs pa de dag las la la ni luṅ ’bogs | la la ni kha ton byed | la la ni yi ger ’dri | la la ni tshul bźi (265b1) yid la byed pas rtogs par byed do ||
sems can de dag thams cad kyaṅ log par mi ltuṅ ba’i chos can te | bla na med pa yaṅ dag par rdzogs pa’i byaṅ chub las phyir mi ldog pa yin no ||
rigs kyi bu khyod byaṅ chub sems dpa’ sems dpa’ chen po chos ’phags de’i (2) druṅ du soṅ śig daṅ de las śes rab kyi pha rol tu phyin pa thos par ’gyur ro ||
rigs kyi bu de ni yun riṅ po nas khyod kyi dge ba’i bśes gñen yin te | bla na med pa yaṅ dag par rdzogs pa’i byaṅ chub yaṅ dag par ston pa | yaṅ dag par ’dzin du ’jug pa | yaṅ dag par gzeṅs (3) stod pa | yaṅ dag par rab tu dga’ bar byed pa yin no ||
rigs kyi bu des kyaṅ sṅon da ltar khyod ci ltar tshol ba de bźin du śes rab kyi pha rol tu phyin pa yoṅs su btsal gyis | rigs kyi bu khyod ñin mtshan du yid la byed pa rgyun ma bcad par bskyed pas soṅ śig daṅ | (4) riṅ po mi thogs par śes rab kyi pha rol tu phyin pa thos par ’gyur ro źes gsuṅs so ||
de nas byaṅ chub sems dpa’ sems dpa’ chen po rtag tu dus de thos nas dga’ mgu yi raṅs | rab tu mgu źiṅ dga’ ba daṅ yid bde ba skyes par gyur pa ’di lta ste | dper na skyes bu (5) mde’u dug can źig gis phog na yid la byed pa gźan mi skyed kyi | gaṅ bdag zug rṅu ’di sgrol ciṅ bdag sdug bsṅal ’di las thar par byed pa zug rṅu ’byin pa’i snan pa bdag gis nam rñed sñam sems pa de bźin du | byaṅ chub sems dpa’ sems dpa’ chen po (6) rtag tu ṅus yaṅ de’i tshe gaṅ bdag la śes rab kyi pha rol tu phyin pa de thos par byed ciṅ chos gaṅ thos nas bdag gi dmigs pa yid la byed pa spoṅ bar ’gyur pa’i rigs kyi bu de bdag gis rnam mthoṅ sñam sems pa ma gtogs par chos gaṅ yaṅ yid la mi byed do ||
de nas (7) byaṅ chub sems dpa’ sems dpa’ chen po rtag tu ṅus phyogs de ñid du ’dug pa na | byaṅ chub sems dpa’ sems dpa’ chen po chos ’phags de śes rab kyi pha rol tu phyin pa ston pa thos so ||
thos nas kyaṅ chos thams cad la mi gnas pa’i ’du śes bskyed nas de tiṅ ṅe ’dzin (266a1) gyi sgo du ma mṅon du gyur pa ’di lta ste | chos thams cad kyi ṅo bo ñid la lta ba źes bya ba’i tiṅ ṅe ’dzin daṅ | chos thams cad kyi ṅo bo ñid mi dmigs pa źes bya ba’i tiṅ ṅe ’dzin daṅ | chos thams cad kyi ṅo bo ñid śes pa las ṅes par ’byuṅ ba (2) źes bya ba’i tiṅ ṅe ’dzin daṅ | chos thams cad tha dad pa med pa źes bya ba’i tiṅ ṅe ’dzin daṅ | chos thams cad ’gyur ba med par mthoṅ ba źes bya ba’i tiṅ ṅe ’dzin daṅ | chos thams cad snaṅ bar byed pa źes bya ba’i tiṅ ṅe ’dzin daṅ | chos thams cad mun pa daṅ (3) bral ba źes bya ba’i tiṅ ṅe ’dzin daṅ | chos thams cad mi śes pa sel ba źes bya ba’i tiṅ ṅe ’dzin daṅ | chos thams cad rnam par bsal ba źes bya ba’i tiṅ ṅe ’dzin daṅ | chos thams cad mi dmigs pa źes bya ba’i tiṅ ṅe ’dzin daṅ | me tog bkram pa źes bya ba’i (4) tiṅ ṅe ’dzin daṅ | chos thams cad bdag gi dṅos po mi sgrub pa źes bya ba’i tiṅ ṅe ’dzin daṅ | sgyu ma rnam par spaṅs ba źes bya ba’i tiṅ ṅe ’dzin daṅ | me loṅ gi dkyil ’khor snaṅ bsgrub pa źes bya ba’i tiṅ ṅe ’dzin daṅ | sems can thams cad kyi sgra sgrub pa źes bya ba’i tiṅ (5) ṅe ’dzin daṅ | rdul med pa źes bya ba’i tiṅ ṅe ’dzin daṅ | sems can thams cad mṅon par dga’ ba źes bya ba’i tiṅ ṅe ’dzin daṅ | sems can thams cad kyi sgra la mkhas pa’i rjes su soṅ ba źes bya ba’i tiṅ ṅe ’dzin daṅ | sgra daṅ tshig daṅ yig ’bru sna tshogs mṅon par sgrub (6) pa źes bya ba’i tiṅ ṅe ’dzin daṅ | kheṅs pa med pa źes bya ba’i tiṅ ṅe ’dzin daṅ | raṅ bźin gyis tha sñad med pa źes bya ba’i tiṅ ṅe ’dzin daṅ | sgrib pa med pa’i rnam par thar pa thob pa źes bya ba’i tiṅ ṅe ’dzin daṅ | rdul daṅ bral ba źes bya ba’i tiṅ ṅe ’dzin daṅ | miṅ (7) daṅ ṅes pa’i tshig daṅ yig ’bru źes bya ba’i tiṅ ṅe ’dzin daṅ | chos thams cad la rnam par blta ba źes bya ba’i tiṅ ṅe ’dzin daṅ | chos thams cad yul daṅ bral ba źes bya ba’i tiṅ ṅe ’dzin daṅ | chos thams cad la sgrib pa med pa’i mtha’ źes bya ba’i tiṅ ṅe ’dzin daṅ | nam (266b1) mkha’ daṅ mtshuṅs pa źes bya ba’i tiṅ ṅe ’dzin daṅ | rdo rje lta bu źes bya ba’i tiṅ ṅe ’dzin daṅ | gzugs kyi rdul sel ba źes bya ba’i tiṅ ṅe ’dzin daṅ | phun sum tshogs pa źes bya ba’i tiṅ ṅe ’dzin daṅ | rgyal pa thob pa źes bya ba’i tiṅ ṅe ’dzin daṅ | phyir mi (2) ldog pa’i mig ces bya ba’i tiṅ ṅe ’dzin daṅ | chos kyi dbyiṅs su ṅes pa źes bya ba’i tiṅ ṅe ’dzin daṅ | chos kyi dbyiṅs las ṅes par ’byuṅ ba źes bya ba’i tiṅ ṅe ’dzin daṅ | dbugs ’byin pa sbyin pa źes bya ba’i tiṅ ṅe ’dzin daṅ | seṅ ge mṅon par sgrogs pa źes (3) bya ba’i tiṅ ṅe ’dzin daṅ | sems can thams cad zil gyis gnon pa źes bya ba’i tiṅ ṅe ’dzin daṅ | rdul daṅ rnam par bral ba źes bya ba’i tiṅ ṅe ’dzin daṅ | kun nas ñon moṅs pa med pa źes bya ba’i tiṅ ṅe ’dzin daṅ | pad ma bkod pa źes bya ba’i tiṅ ṅe ’dzin (4) daṅ | nem nur gcod pa źes bya ba’i tiṅ ṅe ’dzin daṅ | sñiṅ po thams cad kyi rjes su soṅ ba źes bya ba’i tiṅ ṅe ’dzin daṅ | chos thams cad las mṅon par ’phags pa źes bya ba’i tiṅ ṅe ’dzin daṅ | mṅon par śes pa daṅ stobs daṅ mi ’jigs pa thob pa źes bya ba’i (5) tiṅ ṅe ’dzin daṅ | chos thams cad la ṅes par ’bigs pa źes bya ba’i tiṅ ṅe ’dzin daṅ | chos thams cad kyi ’byor pa’i phyag rgya źes bya ba’i tiṅ ṅe ’dzin daṅ | chos thams cad kyi ’byor pa rgya mtsho źes bya ba’i tiṅ ṅe ’dzin daṅ | chos thams cad bye brag med par lta (6) ba źes bya ba’i tiṅ ṅe ’dzin daṅ | lta bar gyur pa’i thibs po thams cad rnam par spoṅ ba źes bya ba’i tiṅ ṅe ’dzin daṅ | mun pa daṅ bral ba źes bya ba’i tiṅ ṅe ’dzin daṅ | chos thams cad mtshan ma daṅ bral ba źes bya ba’i tiṅ ṅe ’dzin daṅ | chags pa thams cad las (7) rnam par grol ba źes bya ba’i tiṅ ṅe ’dzin daṅ | le lo thams cad daṅ bral ba źes bya ba’i tiṅ ṅe ’dzin daṅ | chos zab mo’i ’oṅ byed pa źes bya ba’i tiṅ ṅe ’dzin daṅ | ri rab ’dra ba źes bya ba’i tiṅ ṅe ’dzin daṅ | mi ’phrogs pa źes bya ba’i tiṅ ṅe ’dzin daṅ | bdud kyi dkyil (267a1) ’khor rnam par sel bar byed pa źes bya ba’i tiṅ ṅe ’dzin daṅ | ’jig rten gsum la mṅon par ma chags pa źes bya ba’i tiṅ ṅe ’dzin daṅ | ’od zer sgrub pa źes bya ba’i tiṅ ṅe ’dzin daṅ | de bźin gśegs pa mthoṅ ba źes bya ba’i tiṅ ṅe ’dzin daṅ (2) de bźin gśegs pa thams cad mthoṅ ba źes bya ba’i tiṅ ṅe ’dzin te | tiṅ ṅe ’dzin de dag la gnas pas phyogs bcu’i ’jig rten gyi khams na saṅs rgyas bcom ldan ’das gźal du med graṅs med pa dag byaṅ chub sems dpa’ sems dpa’ chen po dag la śes rab gyi pha (3) rol tu phyin pa ’di ñid rab tu ston pa dag mthoṅ ste | de bźin gśegs pa de dag gis legs so źes bya ba byin nas dbugs dbyuṅ ba mdzad de | tshig ’di skad ces rigs kyi bu ṅed kyis kyaṅ sṅon byaṅ chub sems dpa’i spyad pa spyod pa na śes rab kyi pha rol tu phyin pa (4) ’di bźin du yoṅs su btsal te | yoṅs su tshol pa na yaṅ gaṅ ’dir khyod kyis thob pa’i tiṅ ṅe ’dzin ’di lta bu ñid dag thob ste | tiṅ ṅe ’dzin ’di dag thob nas śes rab kyi pha rol tu phyin pa la rtogs par khoṅ du chud par gyur te | phyir mi ldog pa’i saṅs rgyas kyi chos la (5) gnas par gyur to ||
ṅed kyis tiṅ ṅe ’dzin ’di dag gi ṅo bo ñid daṅ raṅ bźin la bltas na | gaṅ mñam par bźag par bya ba ’am ldaṅ bar bya ba’am | gaṅ byaṅ chub tu spyad par bya ba ’am | gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (6) rgya bar bya ba’i chos de gaṅ yaṅ yaṅ dag par rjes su ma mthoṅ ṅo ||
rigs kyi bu ’di ni śes rab kyi pha rol tu phyin pa de yin te chos gaṅ gis kyaṅ rlom sems sam | rlom sems med par mi byed pa la gnas nas | ṅed kyis ’di ’dra ba’i lus gser gyi kha dog lta bu thob ste | (7) skyes bu chen po’i mtshan sum cu rtsa gñis daṅ | dpe byad bzaṅ po brgyad cu daṅ ’od ’dom gaṅ ba daṅ saṅs rgyas kyi ye śes daṅ | saṅs rgyas kyi śes rab bsam gyis mi khyab pa bla na med pa daṅ | saṅs rgyas kyi tiṅ ṅe ’dzin bla na med pa daṅ | saṅs rgyas kyi chos kyi yon tan (267b1) thams cad kyi pha rol tu phyin pa rjes su thob ste | yon tan gyi pha rol tu phyin pa de la re źig de bźin gśegs pa dag gis kyaṅ tshad gzuṅ ba ’am | mtha’ bstan par mi nus na | ñan thos daṅ raṅ saṅs rgyas dag gis lta ci smos | rigs kyi bu de lta bas na khyod kyis (2) chos ’di dag ñid la rab tu don du gñer pa daṅ ’dod pas gus pa mchog tu bskyed par bya ste | rigs kyi bu don du gñer ba daṅ ’dod pa la ni bla na med pa yaṅ dag par rdzogs pa’i byaṅ chub rñed par dka’ ba ma yin no ||
rigs kyi bu khyod kyis dge ba’i bśes gñen (3) la śin tu gus pa bskyed par bya’o || phaṅs par bya’o || rab tu daṅ bar bya’o ||
dge ba’i bśes gñen gyis yoṅs su zin pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o źes (4) kyaṅ gsuṅs so ||
de nas de bźin gśegs pa de dag la byaṅ chub sems dpa’ sems dpa’ chen po rtag tu dus ’di skad ces bdag gi dge ba’i bśes gñen gaṅ lags źes gsol to ||
de dag gis de la ’di skad ces rigs kyi bu khyod yun riṅ po nas byaṅ chub sems (5) dpa’ sems dpa’ chen po chos ’phags kyis bla na med pa yaṅ dag par rdzogs pa’i byaṅ chub tu yoṅs su smin par byas śiṅ yoṅs su bzuṅ ste | śes rab kyi pha rol tu phyin pa daṅ thabs mkhas pa daṅ saṅs rgyas kyi chos rnams la bslabs so ||
rigs kyi bu de ni khyod kyi dge ba’i (6) bśes gñen yoṅs su ’dzin pa yin te | byas pa śes pa daṅ byas pa tshor bas des bsgo ba daṅ des byas pa bźin du zuṅ śigrigs kyi bu gal te khyod kyis byaṅ chub sems dpa’ sems dpa’ chen po chos ’phags la bskal pa gcig gam bskal pa gñis sam bskal pa (7) gsum mam bskal pa brgya ’am bskal pa stoṅ ṅam | bskal pa brgya stoṅ ṅam de las lhag par yaṅ mgo la thod bźin du thogs śiṅ | bde ba’i yo byad thams cad kyis rim gror byas te | stoṅ gsum gyi stoṅ chen po’i ’jig rten gyi khams na gzugs daṅ sgra daṅ dri daṅ ro daṅ (268a1) reg pa ci sñed yod pa de dag thams cad phul yaṅ rigs kyi bu khyod rigs kyi bu de’i byas pa de’i byas pa de ñid la lan lon pa ma yin no ||
de ci’i phyir źe na | rigs kyi bu rigs kyi bu de’i mthus khyod kyis ’di lta bu’i tiṅ ṅe ’dzin rnams rñed par gyur te | śes rab gyi (2) pha rol tu phyin pa daṅ thabs mkhas pa thos śiṅ śes rab kyi pha rol tu phyin par thob par gyur to źes bka’ stsal to ||
de nas de bźin gśegs pa de dag gis byaṅ chub sems dpa’ sems dpa’ chen po rtag tu ṅu dbugs byuṅ nas mi snaṅ bar gyur to ||
rigs kyi bu de yaṅ (3) tiṅ ṅe ’dzin de dag las laṅs te | yaṅs nas yaṅ ’di sñam du sems so ||
de bźin gśegs pa de dag gaṅ nas byon de bźin gśegs pa de dag gaṅ du bźud sñam ste | de de bźin gśegs pa de dag ma mthoṅ bas rab tu gduṅ źiṅ mi dga’ bar gyur to ||
yaṅ (4) de ’di sñam du sems te | ’phags pa byaṅ chub sems dpa’ sems dpa’ chen po chos ’phags ni gzuṅs thob pa | mṅon par śes pa lṅa daṅ ldan pa | sṅon gyi rgyal ba rnams la lhag par bya ba byas pa ste | bdag gi dge ba’i bśes gñen yaṅ dag par yoṅs su ’dzin (5) pa | yun riṅ po nas des bdag gi don byas pa yin gyis | bdag byaṅ chub sems dpa’ sems dpa’ chen po chos ’phags kyi druṅ du mṅon par soṅ ste ñe bar phyin nas | de bźin gśegs pa de dag gaṅ nas byon | de bźin gśegs pa de dag gaṅ du bźud ces (6) don ’di ñid dri’o sñam mo ||
de nas byaṅ chub sems dpa’ sems dpa’ chen po rtag tu ṅu byaṅ chub sems dpa’ sems dpa’ chen po chos ’phags la dga’ ba daṅ dad pa daṅ ri mo daṅ gus par bya ba ñe bar bźag ste | ñe bar bźag nas ’di sñam du | bdag gis ci lta bu’i (7) bkur stir bya bas byaṅ chub sems dpa’ sems dpa’ chen po chos ’phags de’i druṅ du ’gro bar bya | bdag ni dbul te | gaṅ gis byaṅ chub sems dpa’ sems dpa’ chen po chos ’phags la bdag gis bkur stir bya ba’i gos sam | rin po che ’am gser ram nor bu (268b1) ’am mu tig gam bai dUrya ’am duṅ ṅam man śel lam byi ru ’am dṅul lam me tog gam bdug pa ’am dri ’am phreṅ ba ’am byug pa ’am phye ma ’am chos gos sam gdugs sam rgyal mtshan nam dril bu ’am ba dan de lta bu yaṅ bdag la ci yaṅ med na | bdag ’di bźin du (2) byaṅ chub sems dpa’ sems dpa’ chen po chos ’phags kyi druṅ du soṅ na ni bdag gis mi rigs pa byas par ’gyur te | bdag dga’ ba ’am raṅs pa yaṅ mi skye’o sñam du bsams so ||
de nas byaṅ chub sems dpa’ sems dpa’ chen po rtag tu ṅu de lta bu’i yon tan dag daṅ | (3) bla ma la gus pa yid la byed pa daṅ ldan pas soṅ nas | mthar gyis groṅ khyer gźan źig tu phyin par gyur to ||
de nas byaṅ chub sems dpa’ sems dpa’ chen po dag tu ṅu groṅ bar gyi sraṅ ga la ba der soṅ ste | de’i groṅ bar gyi dbus su phyin nas de ’di sñam du | ’di (4) ltar bdag gi lus btsoṅs la | de’i rin gyis byaṅ chub sems dpa’ sems dpa’ chen po chos ’phags la bkur stir bya’o ||
yun riṅ po nas bdag gi lus stoṅ źig ciṅ zad de ’gags par btsoṅs so ||
’khor ba dpag tu med pa na ’dod pa’i rgyu daṅ ’dod (5) pa’i gźis yaṅ daṅ yaṅ sems can dmyal ba’i sdug bsṅal dpag tu med pa dag myoṅ yaṅ | ’di lta bu’i chos kyi phyir ram ’di lta bu’i sems can chen po la bkur sti bya ba’i phyir ma yin no sñam du bsams so ||
de nas byaṅ chub sems dpa’ sems dpa’ chen po rtag (6) tu ṅus groṅ bar gyi tshoṅ ’dus kyi dbus su ’dug ste | mi su ’dod mi su ’dod | mi su ño bar ’dod ces sgra bsgrags śiṅ skad kyis bos so ||
de nas bdud sdig can gyis ’di sñam du | byaṅ chub sems dpa’ sems dpa’ chen po rtag tu ṅu ’di ni chos ’dod pa’i phyir bdag ñid (7) btsoṅs nas byaṅ chub sems dpa’ sems dpa’ chen po chos ’phags la bkur sti byed ciṅ | ci ltar byaṅ chub sems dpa’ sems dpa’ chen pos śes rab kyi pha rol tu phyin pa la spyad na myur du bla na med pa yaṅ dag par rdzogs pa’i byaṅ chub yoṅs su rdzogs par ’gyur źes (269a1) śes rab kyi pha rol tu phyin pa daṅ thabs la mkhas pa yoṅs su ’dri bar ’gyur te | des thos pa rgya mtsho rjes su thob par ’gyur | bdud daṅ bdud kyi ris kyi lha dag gis mi thub par ’gyur | yon tan thams cad kyi pha rol tu phyin pa rjes su thob par ’gyur | der (2) sems can maṅ po dag gi don byed par ’gyur | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | de daṅ gźan dag kyaṅ ṅa’i yul las ’da’ bar byed par ’gyur gyis | bdag gis ’di’i bar chad bya’o sñam du bsams so ||
de (3) nas bdud sdig can gyis ci nas bram ze daṅ khyim bdag de dag gis byaṅ chub sems dpa’ sems dpa’ chen po rtag tu ṅus mi su ’dod mi su ’dod mi su ño bar ’dod ces zer ba’i sgra ci ltar mi thos par ’gyur ba de ltar yoṅs su bsgribs so ||
de nas byaṅ chub sems dpa’ sems (4) dpa’ chen po rtag tu ṅu gaṅ gi tshe bdag ño ba ma rñed pa de’i tshe | phyogs gcig tu soṅ nas ṅus te mchi ma phyuṅ nas ’di skad du bdag gi lus btsoṅs la byaṅ chub sems dpa’ sems dpa’ chen po chos ’phags la bkur sti bya sñam na | lus ño ba yaṅ bdag gis ma rñed de kye ma (5) bdag ni thob pa ṅan pa thob bo źes smras so ||
de nas lha rnams kyi dbaṅ po brgya byin gyis ’di sñam du | ’di ltar byaṅ chub sems dpa’ sems dpa’ chen po rtag tu ṅu ’di lta ste chos ’dod pa’i phyir bdag gi lus yoṅs su gtaṅ bar lhag pa’i bsam pa phun sum tshogs pa yin nam ma yin pa (6) byaṅ chub sems dpa’ sems dpa’ chen po rtag tu ṅu bdag gis sad par bya’o sñam du bsams so ||
de nas lha rnams kyi dbaṅ po brgya byin bram ze’i khye’u’i cha byad du mṅon par sprul nas | byaṅ chub sems dpa’ sems dpa’ chen po rtag tu ṅu ga la ba der soṅ ste ’oṅs nas | byaṅ chub (7) sems dpa’ sems dpa’ chen po rtag tu ṅu la ’di skad ces smras so ||
rigs kyi bu ’di ltar khyod yid mi dga’ źiṅ gduṅ la mchi ma byuṅ źiṅ gnas pa ci ñes | de la rtag tu ṅus ’di skad ces smras so ||
bram ze’i khye’u ṅa’i lus btsoṅ bar ’dod na lus ’di ño ba yaṅ ma rñed do ||
(269b1) brgya byin bram ze’i khye’u’i gzugs can gyis smras pa | rigs kyi bu khyod ci’i phyir bdag ñid ’tshoṅ bar ’dod | rtag tu ṅus de la smras pa | bram ze’i khye’u ṅa ni chos ’dod pa’i phyir bdag ñid btsoṅs te | chos la mchod par bya bar ’dod ciṅ | ’phags pa byaṅ chub (2) sems dpa’ sems dpa’ chen po chos ’phags la yaṅ bkur sti bya bar ’dod na | lus ño ba de ṅas ma rñed nas de la ṅa ’di sñam du sems so ||
kye ma ṅa ni bsod nams chuṅ bas ’di ltar lus btsoṅs te | śes rab kyi pha rol tu phyin pa la mchod pa bya ba daṅ | ’phags (3) pa byaṅ chub sems dpa’ sems dpa’ chen po chos ’phags la yaṅ bkur sti bya sñam na | bdag gi lus ño ba yaṅ ma rñed do sñam mo ||
de nas bram ze’i khye’u des byaṅ chub sems dpa’ sems dpa’ chen po rtag tu du la ’di skad ces smras so ||
rigs kyi bu ṅa la mis ni bya ba med kyi ’on (4) kyaṅ ṅa mchod sbyin źig byed de | der mi’i sñiṅ daṅ khrag daṅ rus pa daṅ rkaṅ dag ṅa la dgos na rin gyis ñon byin cig ces byas pa daṅ | de nas byaṅ chub sems dpa’ sems dpa’ chen po rtag tu du ’di sñam du sems te | gaṅ bdag gis bram ze’i khye’u ’di bdag gi sñiṅ daṅ khrag (5) daṅ rus pa daṅ rkaṅ ño ba rñed pa ’di ni bdag gis rñed pa’i mchog legs par rñed do ||
bdag gi lus ni śes rab kyi pha rol tu phyin pa daṅ thabs mkhas pa daṅ saṅs rgyas kyi chos rnams yoṅs su rdzogs par ’gyur ro sñam nas | de sems dga’ ba daṅ sems bde ba daṅ sems (6) rab tu dga’ bar gyur nas | bram ze’i khye’u de la ’di skad ces smras so ||
bram ze’i khye’u ṅa’i lus ’di las khyod gaṅ daṅ gaṅ ’dod pa sbyin no ||
des de la ’di skad smras so ||
rigs kyi bu khyod rin du ci ’dod pa sbyin no źes byas pa daṅ | des de la ’di skad ces smras so ||
bram (7) ze’i khye’u khyod kyis gaṅ yoṅs su btaṅ ba de ṅa la byin cig | de nas byaṅ chub sems dpa’ sems dpa’ chen po rtag tu ṅu mtshon rnon po thogs nas lag pa g-yas pa phug ste | khrag gzags so ||
brla g-yas pa śa med par btogs nas rus pa gcog tu rtsig pa’i druṅ du soṅ ṅo | (270a1) de nas tshoṅ dpon gyi bu mo źig khaṅ pa’i yaṅ thog na ’dug pa des byaṅ chub sems dpa’ sems dpa’ chen po rtag tu ṅu khrag maṅ po ’dzag pa daṅ | brla śa med par btogs nas rus pa gcog tu rtsig pa’i druṅ du soṅ ba mthoṅ nas | de ’di sñam du sems te | (2) rigs kyi bu ’di ci’i phyir bdag ñid la bdag ñid ’di lta bu’i na tsha byed pa | bdag rigs kyi bu de’i druṅ du soṅ ste dri’o sñam mo ||
de nas tshoṅ dpon gyi bu mo de byaṅ chub sems dpa’ sems dpa’ chen po rtag tu ṅu ga la ba der soṅ ste phyin nas | byaṅ chub sems dpa’ sems dpa’ (3) chen po rtag tu ṅu la ’di skad ces smras so ||
rigs kyi bu khyod ci’i phyir bdag ñid la ’di lta bu’i na tsha dag byed | khrag daṅ rus pa daṅ rkaṅ ’dis ci źig bya | rtag tu ṅus de la smras pa | bu mo bram ze’i khye’u ’di la lus btsoṅs te | śes rab kyi pha rol tu phyin pa la mchod (4) par bya’o ||
’phags pa byaṅ chub sems dpa’ sems dpa’ chen po chos ’phags la yaṅ bkur sti bya’o ||
de nas tshoṅ dpon gyi bu mo des byaṅ chub sems dpa’ sems dpa’ chen po rtag tu ṅu la ’di skad ces smras so ||
rigs kyi bu khyod ’di ltar bdag gi sñiṅ daṅ khrag daṅ (5) rus pa daṅ rkaṅ yaṅ btsoṅs te | rigs kyi bu de la bkur stir bya bar ’dod pa khyod la yon tan gyi rigs sam | yon tan gyi khyad par ci źig ’grub par ’gyur | des bu mo de la ’di skad ces bu mo rigs kyi bu de ni gaṅ la ṅas bslab par bya ba’i śes rab kyi pha rol tu phyin pa daṅ | (6) thabs mkhas pa dag ston par ’gyur te | de la ṅas bslabs na bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can thams cad kyi rten du ’gyur | lus gser gyi kha dog lta bu yaṅ thob par ’gyur | skyes bu chen po’i mtshan sum cu rtsa (7) gñis daṅ | dpe byad bzaṅ po brgyad cu daṅ ’od ’dom gaṅ ba daṅ ’od zer mtha’ yas pa daṅ byams pa chen po daṅ sñiṅ rje chen po daṅ dga’ ba chen po daṅ btaṅ sñoms chen po daṅ mi ’jigs pa bźi rab tu thob par ’gyur | so so yaṅ dag par rig pa bźi rab tu thob par ’gyur | (270b1) saṅs rgyas kyi chos ma ’dres pa bco brgyad kyaṅ rab tu thob par ’gyur | mṅon par śes pa lṅa bsam gyis mi khyab pa daṅ | tshul khrims rnam par dag pa bsam gyis mi khyab pa daṅ | tiṅ ṅe ’dzin rnam par dag pa bsam gyis mi khyab pa daṅ | śes rab rnam par dag pa (2) bsam gyis mi khyab pa daṅ | de bźin gśegs pa’i stobs bcu rab tu thob par ’gyur | bla na med pa’i saṅs rgyas kyi ye śes kyaṅ mṅon par rdzogs par ’tshaṅ rgya bar ’gyur | gaṅ gis sems can thams cad la kun tu bgo bśa’ bya ba’i bla na med pa’i chos rin po che (3) yaṅ rab tu ’thob par ’gyur ro źes smras so ||
de nas tshoṅ dpon gyi bu mo des byaṅ chub sems dpa’ sems dpa’ chen po rtag tu ṅu la ’di skad ces rigs kyi bu khyod kyis ’di ltar chos rgya chen po phul du byuṅ ba ’di dag yoṅs su brjod pa ni ṅo mtshar te | rigs kyi bu chos kyi don (4) ’di lta bu re re’i phyir yaṅ bskal ba gaṅ g’i kluṅ gi bye ma sñed du lus yoṅs su gtaṅ bar bya ba yin na maṅ po’i phyir lta ci smos te | de tsam du khyod kyis chos ’di dag rgya che źiṅ phul du byuṅ ba yoṅs su brjod pa ci lta phar bdag kyaṅ ’dod ciṅ bzod do ||
de lta na yaṅ rigs kyi bu khyod (5) gaṅ daṅ gaṅ gis byaṅ chub sems dpa’ sems dpa’ chen po chos ’phags la bkur sti bya ba’i gser ram | nor bu ’am mu tig gam bai durya ’am dṅul lam mu s ra gal pa ’am lo hi t ra ka ’am śel lam me tog gam bdug pa ’am dri ’am phreṅ ba ’am byug pa ’am phye ma ’am (6) gos sam gdugs sam rgyal mtshan nam dril bu ’am ba dan nam mar me khyod la ci dgos pa de daṅ de khyod la sbyin gyis bdag ñid la ’di lta bu’i sdug bsṅal ma byed cig | bdag kyaṅ khyed daṅ ’grogs te ’phags pa byaṅ chub sems dpa’ sems dpa’ chen po chos ’phags ga (7) la ba der doṅ la | bdag kyaṅ khyod daṅ lhan cig tu ’di lta ste | de lta bu’i chos de dag thob par bya ba’i phyir dge ba’i rtsa ba bskyed par bya’o źes smras so ||
de nas lha rnams kyi dbaṅ po brgya byin gyis bram ze’i khye’u’i cha byad mi snaṅ bar byas nas | bdag ñid kyi lus su byaṅ (271a1) chub sems dpa’ sems dpa’ chen po rtag tu ṅu’i mdun du ’dug nas ’di skad ces rigs kyi bu khyod de lta bu’i yid ma la brtan pa daṅ | de lta bu’i chos don du gñer pa ’di ni legs so legs so ||
sṅon gyi de bźin gśegs pa dgra bcom pa yaṅ dag par (2) rdzogs pa’i saṅs rgyas dag gis kyaṅ sṅon byaṅ chub sems dpa’i spyad pa spyod pa na | śes rab kyi pha rol tu phyin pa daṅ thabs mkhas pa yoṅs su źus pas chos rin po che śin tu thob nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
rigs kyi bu ṅa (3) la sñiṅ daṅ khrag daṅ rus pa daṅ rkaṅ gis bya ba med kyi | ṅa khyod sad pa’i phyir ’dir ’oṅs kyis | rigs kyi bu khyod kyis mchog sloṅs śig | rigs kyi bu khyod la mchog ci lta bu źig sbyin par bya źes smras so ||
des de la smras pa | brgya byin saṅs rgyas kyi chos bla na med pa dag bdag (4) la stsol cig | brgya byin gyis smras pa | rigs kyi bu yul ’di la ni ṅa’i nus pa yod pa ma yin te | yaṅ yul ’di saṅs rgyas bcom ldan ’das rnams kyi yul du gyur pa yin gyis | mchog gźan sloṅs śig | rtag tu ṅus smras pa | bdag gi lus yoṅs su rdzogs (5) par bya ba’i gnas ’di la ni lha’i dbaṅ po brgya byin khyod brtson pa chuṅ bar gyis śig | lha’i dbaṅ po ṅa’i lus ’di la bdag ñid kyis bden pa’i byin gyi rlabs bya’o ||
lha’i dbaṅ po bden pa gaṅ gis bdag bla na med pa yaṅ dag par rdzogs pa’i byaṅ chub las phyir mi ldog par de bźin (6) gśegs pa dgra bcom pa yaṅ dag par rdzogs pa’i saṅs rgyas rnams kyis luṅ bstan ciṅ | bdag gi lhag pa’i bsam pa g-yo med par mkhyen na | bden pa de daṅ bden pa’i tshig des bdag gi lus sṅon gyi ci lta ba bźin du gyur cig ces byas pa daṅ | de nas skad cig (7) thaṅ cig yud tsam de la saṅs rgyas kyi mthu daṅ | lhag pa’i bsam pa yoṅs su dag pas byaṅ chub sems dpa’ sems dpa’ chen po rtag tu ṅu’i lus sṅon gyi ci lta ba bźin du gnas pa daṅ | nad med pa daṅ gnod pa med par gyur to ||
de nas lha rnams kyi dbaṅ po brgya byin (271b1) daṅ | bdud sdig can yaṅ spobs pa med par gyur te | byaṅ chub sems dpa’ sems dpa’ chen po rtag tu ṅu la lan glan par spobs pa ma skyes nas de ñid du mi snag bar gyur to ||
de nas tshoṅ dpon gyi bu mo des byaṅ chub sems dpa’ sems dpa’ chen po rtag tu ṅu la ’di skad ces (2) smras so ||
rigs kyi bu khyod tshur śog | bdag gi khyim gaṅ na yod pa der ’doṅ ṅo ||
bdag gis pha ma’i druṅ nas nor blaṅs te | ’di lta ste chos ’dod pa’i phyir gaṅ gis śes rab kyi pha rol tu phyin pa de yaṅ mchod par bya ba daṅ | ’phags pa byaṅ chub sems dpa’ (3) sems dpa’ chen po chos ’phags de la yaṅ bkur stir bya ba khyod la sbyin no ||
de nas byaṅ chub sems dpa’ sems dpa’ chen po rtag tu ṅu tshoṅ dpon gyi bu mo de daṅ ’grogs nas | de’i raṅ gi khyim gaṅ na yod pa der doṅ ste phyin nas sgo druṅ du bsdad do ||
de nas tshoṅ dpon gyi bu (4) mo de raṅ gi khyim du phyin nas pha ma la ’di skad ces smras so ||
yab yum gser daṅ dṅul daṅ rin po che daṅ nor bu daṅ gos daṅ me tog daṅ bdug pa daṅ dri daṅ phreṅ ba daṅ byug pa daṅ phye ma daṅ chos gos daṅ gdugs daṅ rgyal mtshan daṅ dril bu daṅ ba dan daṅ rol mo’i yo byad sna tshogs (5) dag bdag la stsol cig | bdag kyaṅ khyed kyis stsal pa’i g-yog mo bu mo lṅa brgya ’di dag daṅ lhan cig dgyer gsol | byaṅ chub sems dpa’ sems dpa’ chen po rtag tu ṅu daṅ bdag cag ’grogs te | byaṅ chub sems dpa’ sems dpa’ chen po chos ’phags kyi (6) druṅ du mchod pa bgyi ba’i slad du mchi’o ||
de yaṅ bdag cag la chos ston par ’gyur źiṅ des bdag gis kyaṅ saṅs rgyas kyi chos rnams rñed par ’gyur ro ||
de nas bu mo de’i pha mas bu mo de la ’di skad ces smras so ||
bu mo byaṅ chub sems dpa’ sems dpa’ chen po rtag tu (7) ṅu źes bya ba de su źig de da lta gaṅ na ’dug | bu mos smras pa | rigs kyi bu de de lta’o skol gyi sgo druṅ na mchis te | rigs kyi bu de ni lhag pa’i bsam pas bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar yaṅ dag par źugs pa ’di lta ste | (272a1) sems can thams cad ’khor ba’i sdug bsṅal dpag tu ma mchis pa las thar bar bgyi bar ’tshal bas de chos ’tshal ba’i slad du bdag ñid btsoṅs la śes rab kyi pha rol tu phyin pa la mchod pa bgyi bar ’tshal | ’phags pa byaṅ chub sems dpa’ (2) sems dpa’ tshan po chos ’phags la yaṅ bkur sti bgyi bar ’tshal na | de’i lus ño ba ’ga’ yaṅ ma rñed ciṅ ma rñed pas sdug bsṅal źiṅ yid mi bde nas mi dga’ bar sems śiṅ mchi ma phyuṅ nas mchis pa daṅ | lha rnams kyi dbaṅ po brgya byin bram ze’i khyi’u’i gzugs su (3) bsgyur bas smras pa | rigs kyi bu khyod sdug bsṅal ba daṅ yid mi bde bas mi dga’ bar sems śiṅ mchi ma phyuṅ nas gnas pa ci ñes | des de la smras pa | bdag ñid ’tshoṅ bar ’dod na bdag gi de ño ba yaṅ ma rñed do ||
bram ze’i khye’u’i gzugs kyi brgya byin gyis smras pa | (4) rigs kyi bu khyod gaṅ gi phyir lus ’tshoṅ bar ’dod ces bgyis pa daṅ | rtag tu ṅus smras pa | śes rab kyi pha rol tu phyin pa la mchod par bya ba daṅ | ’phags pa byaṅ chub sems dpa’ sems dpa’ chen po chos ’phags de la yaṅ bkur sti bya’o ||
ṅa’i saṅs rgyas kyi chos (5) rnams ni de la rag las pas ’di lta ste | chos ’dod pa’i phyir ro źes bgyis pa daṅ | bram ze’i khye’u’i gzugs kyi brgya byin gyis smras pa | rigs kyi bu khyod ni ṅa mi ’dod de | ’on kyaṅ ṅa mchod sbyin źig byed pa der mi’i sñiṅ daṅ khrag daṅ rus pa daṅ rkaṅ dag dgos so źes (6) bgyis pa daṅ | rigs kyi bu des yi ma bsad par de la ’di skad du sbyin no źes smras nas | de mtshon rnon po thogs te bdag gi lag pa phug nas khrag gzags | brla śa med par btogs te rus pa gcog tu rtsig pa’i druṅ du soṅ nas phyogs gcig tu ’dug ste | rus pa daṅ rkaṅ (7) sbyin no sñam nas rigs kyi bu de khrag gzags pa bdag khaṅ pa’i yaṅ thog na mchis pas mthoṅ ste | de la bdag ’di sñam du bgyid do ||
mi ’di ci’i slad du ’di lta bur bdag ñid la na tsha dag bgyid sñam ste | de’i thaṅ du bdag mchis nas ’di skad du bgyis so ||
rigs kyi bu (272b1) ’di ltar bdag ñid kyis lus kyi khrag gzags pa ’dis ci źig bya źes bgyis pa daṅ | de bdag la ’di skad ces mchi ste | bu mo bram ze’i khye’u ’di la khrag daṅ sñiṅ daṅ rus pa daṅ rkaṅ sbyin no ||
de ci’i phyir źe na | ṅa ni dbul te ṅa la nor gźan ci yaṅ med do źes (2) mchi’o ||
bdag gis khyod la nor gyis ci źig bya źes bgyis pa daṅ | de bdag la ’di skad du | ’di lta ste | chos ’dod pa’i phyir śes rab kyi pha rol tu phyin pa la mchod par bya’o ||
’phags pa byaṅ chub sems dpa’ sems dpa’ chen po chos ’phags la yaṅ bkur (3) stir bya’o źes mchi nas | bdag gis de la ’di skad ces bgyis te rigs kyi bu des khyod la yon tan gyi rigs sam yon tan gyi khyad par ci źig ’byuṅ bar ’gyur | de bdag la ’di skad du saṅs rgyas kyi yon tan bsam gyis mi khyab pa brjod pa daṅ | saṅs rgyas kyi chos (4) gźal byar med pa rnams rab tu ston par ’gyur ro ||
’di lta bu’i saṅs rgyas kyi chos rnams de las ’byuṅ bar ’gyur ro źes bdag la mchi ste | saṅs rgyas kyi yon tan bsam gyis mi khyab pa de dag thos nas | bdag kyaṅ dga’ ba daṅ rab tu mgu ba chen po skyes nas ’di (5) sñam du bgyid de | rigs kyi bu ’di śin tu chos ’dod pa’i phyir ’di lta bur gaṅ raṅ gi lus kyi bar du yaṅ mi gnas par spro ba ni dka’ ba bgyid pa ste ṅo mtshar to ||
rigs kyi bu ’di ni chos ’dod pa’i phyir bdag ñid kyaṅ yoṅs su gtod na | bdag cag la loṅs spyod gaṅ dag maṅ źiṅ rgya (6) che ba dag yod na | ci’i phyir bdag cag chos la mchod pa mi bgyid | ’di lta bu’i gnas dag la smon lam ci.i’i phyir mi gdab sñam nas | rigs kyi bu de la bdag gis ’di skad ces bgyis so ||
rigs kyi bu khyod bdag ñid la ’di lta bu’i srog ’phrog pa’i tshul gyi na tsha dag ma byed (7) cig | khyod don gaṅ gis ’phags pa byaṅ chub sems dpa’ sems dpa’ chen po chos ’phags la bkur stir bya ba daṅ | bla mar bya ba’i nor maṅ po dag bdag gis pha ma las blaṅs te bdag kyaṅ khyod daṅ ’grogs te byaṅ chub sems dpa’ sems dpa’ chen po chos ’phags ga la ba der (273a1) mchi’o ||
bdag gis kyaṅ rigs kyi bu de la mchod par bgyi’o ||
gaṅ khyod kyis yoṅs su brjod pa ’di lta ste | saṅs rgyas kyi chos bla na med pa de lta bu’i chos dag bdag gis kyaṅ rdzogs par bgyi’o źes bgyis na | yab yum gyis dkor gyi phuṅ po chen po (2) de bdag la stsal ba gnaṅ bar mdzad du gsol | bdag gis kyaṅ rigs kyi bu de daṅ lhan cig tu ’phags pa byaṅ chub sems dpa’ sems dpa’ chen po chos ’phags la mchod par bgyi’o || ||
śes rab kyi pha rol tu phyin pa brgyad stoṅ pa | bam po ñi śu bźi (3) pa | de nas bu mo de’i pha mas bu mo de la ’di skad ces smras so ||
rigs kyi bu de’i dka’ ba’i gnas dag khyod kyis bstan pa las na chos de dag ni gcig tu ṅes par bsam gyis mi khyab pa ’jig rten thams cad las khyad par du ’phags pa sems can thams cad bde ba thob par byed pa’i (4) bar ni ṅo mtshar to ||
rigs kyi bu gaṅ dag de dag gi phyir de lta bu’i dka’ ba’i gnas dag la spo bar byed na khyod ṅed kyis gnaṅ gis | bu mo ṅed kyaṅ khyod daṅ lhan cig tu byaṅ chub sems dpa’ sems dpa’ chen po chos ’phags blta ba daṅ phyag bya ba daṅ bsñen bkur bya ba daṅ (5) mchod pa byed du ’gro yis ṅed ’gro ba’i go skabs phye śig | de nas tshoṅ dpon gyi bu mo de byaṅ chub sems dpa’ sems dpa’ chen po chos ’phags la mchod par bya ba daṅ | bkur stir bya ba’i phyir chas te raṅ gi pha ma la rig par byas nas ’di skad ces | yab yum ci skad gsuṅs (6) pa de bźin du mdzod cig daṅ bdag ni dge ba’i phyogs gaṅ gi yaṅ bar chad mi bgyid do źes smras nas tshoṅ dpon gyi bu mo de | byaṅ chub sems dpa’ sems dpa’ chen po chos ’phags lam chod pa daṅ bkur stir bya ba’i phyir chas par gyur to ||
de nas tshoṅ dpon gyi bu mo des śiṅ rta (7) lṅa brgya yaṅ rgyan gyis brgyan | bu mo lṅa brgya de dag kyaṅ rgyan gyis brgyan to ||
rgyan gyis brgyan nas me tog tha dad pa kha dog sa chogs pa dag daṅ gos kha dog sna tshogs thogs | bdug pa daṅ de daṅ phreṅ ba daṅ byug pa daṅ phye ma daṅ chos gos daṅ gdugs daṅ rgyal mtshan daṅ dril (273b1) bu daṅ ba dan dag thogs | rin po che sna tshogs rnam pa tha dad pa dag daṅ rin po che sna tshogs rnam pa tha dad pa’i raṅ bźin gyi me tog dag kyaṅ thogs | bza’ ba daṅ bca’ ba daṅ myaṅ ba maṅ po pha mas kyaṅ thogs nas byaṅ chub sems dpa’ sems dpa’ chen po rtag tu ṅu daṅ śiṅ rta gcig (2) tu lhan cig tu źugs te | bu mo lṅa brgya śiṅ rta lṅa brgya’i naṅ du źugs pa de dag gis yoṅs su bskor ciṅ mdun du bdar nas pham la sogs pa ’khor maṅ po daṅ śar phyogs ga la ba der logs su doṅ ste mthar gyis soṅ ba daṅ | byaṅ chub sems dpa’ sems dpa’ chen po (3) rtag tu ṅus rgyaṅ riṅ mo źig nas groṅ khyer spos ldan rin po che sna bdun rnam par bkra ba blta na sdug pa las byas pa | rin po che sna bdun gyi raṅ bźin gyi rab rim bdun gyis bskor ba | rta babs bdun yod pa | ’obs rim bdun par ta la’i phreṅ ba rim bdun gyis yoṅs su bskor (4) ba | chur dpag tshad bcu gñis źiṅ du dpag tshad bcu gñis yod pa | ’byor ciṅ rgyas pa bde ba lo legs pa mi daṅ skye bo maṅ pos gaṅ ba | bar gyi tshoṅ khaṅ gi phreṅ ba ri mo sna tshogs su bris pa lta bu blta na sdug pa phigs par gyur pa mñam źiṅ mtshuṅs pa | skye bo daṅ (5) khyogs kyi bźon pa daṅ rkaṅ gis ’gro ba’i gnas ’dzer dog med par gnas pa lṅa brgya dag gis legs par bsgrubs pa | groṅ khyer de’i dbus kyi bźi mṅon byaṅ chub sems dpa’ sems dpa’ chen po chos ’phags chos kyi khri la ’dug nas ’khor brgya phrag du ma daṅ ’khor stoṅ phrag (6) du ma daṅ ’khor brgya stoṅ phrag du mas yoṅs su bskor ciṅ mdun du byas nas chos ston pa mthoṅ ste | mthoṅ ma thag tu de ’di lta bu’i bde ba thob pa ’di lta ste | dper na dge sloṅ bsam gtan daṅ po rtse gcig tu yid la byed pas sñoms par źugs pa bźin no ||
de mthoṅ (7) nas ’di sñam du sems te bdag śiṅ rta’i naṅ du źugs bźin du byaṅ chub sems dpa’ sems dpa’ chen po chos ’phags kyi druṅ du ’gro ba ni bdag gi mchi’o sñam nas śiṅ rta las babs so ||
de nas śiṅ rta de las babs pa daṅ gźan tshoṅ dpon gyi bu mo de daṅ bu mo lṅa brgya po de (274a1) dag kyaṅ mñam du śiṅ rta las babs so ||
de nas byaṅ chub sems dpa’ sems dpa’ chen po rtag tu ṅu tshoṅ dpon gyi bu mo la sogs pa bu mo lṅa brgyas yoṅs su bskor ciṅ mdun du bdar te mchod pa’i bkod pa tshad med pa daṅ byaṅ chub sems dpa’ sems dpa’ chen (2) po chos ’phags ga la ba der doṅ ṅo ||
yaṅ de’i tshe byaṅ chub sems dpa’ sems dpa’ chen po chos ’phags kyis śes rab kyi pha rol tu phyin pa’i khaṅ pa brtsegs pa rin po che sna bdun gyi raṅ bźin las byas pa tsan dan dmar pos brgyan ciṅ mu tig gi dra bas g-yogs pa źig byed du (3) bcug ste | khaṅ pa brtsegs pa de’i gru bźir nor bu rin po che bźags par gyur te de dag sgron ma’i bya ba byed do ||
bdug spos kyi snod dṅul las byas pa bźi yaṅ phyogs bźir btags te ’di lta ste śes rab kyi pha rol tu phyin pa la mchod pa bya ba’i phyir a ga ru nag po ’ba’ źig gis (4) bdug par byed do ||
khaṅ pa brtsegs pa de’i dbus su rin po che sna bdun las byas pa’i khri bźi btsugs te de’i steṅ du rin po che’i sgrom bźi bźag nas de’i naṅ du śes rab kyi pha rol tu phyin pa gser gyi glegs bam la bai dUrya bźu bas bris pa bcug ste khaṅ pa brtsegs pa de yaṅ dar gyi chun (5) po sna tshogs rnam pa tha dad pa ’phyaṅ bas brgyan to ||
de nas byaṅ chub sems dpa’ sems dpa’ chen po rtag tu ṅu tshoṅ dpon gyi bu mo la sogs te bu mo lṅa brgya daṅ bcas pas khaṅ pa brtsegs pa de mchod pa’i bkod pa tshad med pas brgyan pa mthoṅ źiṅ de na lha stoṅ phrag du ma dag kyaṅ mthoṅ (6) ste | lha rnams kyi dbaṅ po brgya byin yaṅ lha’i me tog man d ra ba daṅ lha’i tsan dan gyi phye ma daṅ lha’i gser gyi phye ma daṅ lha’i dṅul gyi phye ma dag gis | khaṅ pa brtsegs pa de la ’thor mṅon par ’thor mṅon par rab tu ’thor bar mthoṅ ṅo lha’i sil sñan dag kyaṅ thos so | (7) mthoṅ źiṅ thos nas byaṅ chub sems dpa’ sems dpa’ chen po rtag tu ṅus lha rnams kyi dbaṅ po brgya byin la ’di skad ces smras so ||
lha’i dbaṅ po khyod lha stoṅ phrag du ma dag daṅ lhan cig rin po che’i khaṅ pa brtsegs pa ’di la ci’i phyir lha’i me tog man d ra ba daṅ lha’i tsan dan (274b1) gyi phye ma daṅ lha’i gser gyi phye ma daṅ lha’i dṅul gyi phye ma dag gis ’thor źiṅ mṅon par ’thor mṅon par rab tu ’thor lha’i sil sñan ’di dag kyaṅ lha rnams par snaṅ la ci’i phyir rduṅ | de skad ces smras pa daṅ lha rnams kyi dbaṅ po brgya byin gyis byaṅ chub sems dpa’ sems dpa’ (2) chen po rtag tu ṅu la ’di skad ces smras so ||
rigs kyi bu ’di ni śes rab kyi pha rol tu phyin pa byaṅ chub sems dpa’ sems dpa’ chen po rnams kyi yul daṅ yoṅs su ’dren pa yin te | ’di la bslabs pas byaṅ chub sems dpa’ sems dpa’ chen po dag yon tan thams cad kyi pha rol (3) tu phyin par rjes su ’gro ba daṅ | saṅs rgyas kyi chos thams cad daṅ rnam pa thams cad mkhyen pa ñid kyaṅ myur du thob par ’gyur pa yin na khyod mi śes sam | de skad ces smras pa daṅ byaṅ chub sems dpa’ sems dpa’ chen po rtag tu ṅus lha rnams kyi dbaṅ po brgya byin la (4) ’di skad ces smras so ||
kau śi ka śes rab kyi pha rol tu phyin pa byaṅ chub sems dpa’ sems dpa’ chen po rnams kyi yum daṅ yoṅs su ’dren pa de gaṅ na bźugs | brgya byin gyis smras pa | rigs kyi bu de ni khaṅ pa brtsegs pa ’di’i naṅ na gser gyi glegs bam la bai dUrya bźu (5) pas bris pa ’phags pa byaṅ chub sems dpa’ sems dpa’ chen po chos ’phags kyis rgya rim bdun gyis rgyas btab nas bźag ste ṅed kyis khyod la bstan par dka’o ||
de nas byaṅ chub sems dpa’ sems dpa’ chen po rtag tu ṅu tshoṅ dpon gyi bu mo la sogs te | bu mo lṅa (6) brgya dag daṅ lhan cig tu de dag gis me tog daṅ phreṅ ba’i chun po daṅ gos rin po che daṅ bdug pa daṅ dri daṅ phreṅ ba daṅ byug pa daṅ | phye ma daṅ chos gos daṅ gdugs daṅ rgyal mtshan daṅ dril bu daṅ ba dan dag daṅ gser daṅ dṅul las byas pa’i me tog gaṅ dag thogs te | (7) ’oṅs pa’i tshogs pa de dag gis | śes rab kyi pha rol tu phyin pa la mchod pa byas te ’di lta ste ’phags pa byaṅ chub sems dpa’ sems dpa’ chen po chos ’phags la mchod pa’i phyir de dag las gźan daṅ gźan ches so sor bźag go ||
de nas byaṅ chub sems (275a1) dpa’ sems dpa’ chen po rtag tu ṅu daṅ tshoṅ dpon gyi bu mo la sogs pa bu mo lṅa brgya dag gis me tog daṅ bdug pa daṅ dri daṅ phreṅ ba daṅ byug pa daṅ phye ma daṅ chos gos daṅ gdugs daṅ rgyal mtshan daṅ dril bu daṅ ba dan daṅ tsan dan gyi phye ma daṅ gser daṅ dṅul (2) las byas pa’i me tog daṅ lha’i rol mo rnams kyis | śes rab kyi pha rol tu phyin pa la sṅar mchod pa byas nas byaṅ chub sems dpa’ sems dpa’ chen po chos ’phags ga la ba der soṅ ste phyin nas chos la mchod pa ñid kyi phyir byaṅ chub sems dpa’ sems dpa’ chen po chos ’phags (3) la me tog daṅ bdug pa dri daṅ phreṅ ba daṅ byug pa daṅ phye ma daṅ chos gos daṅ gdugs daṅ rgyal mtshan daṅ dril bu daṅ ba dan dag daṅ tsan dan gyi phye ma daṅ gser daṅ dṅul las byas pa’i me tog dag gis gtor mṅon par gtor mṅon par rab tu gtor to ||
lha’i sil sñan dag kyaṅ (4) yaṅ dag par rab tu dkrol lo ||
de nas me tog de dag byaṅ chub sems dpa’ sems dpa’ chen po chos ’phags kyi spyi bo’i steṅ na me tog gi khaṅ pa brtsegs pa źig tu gyur to ||
gser daṅ dṅul las byas pa’i me tog daṅ kha dog sna tshogs pa’i me tog de dag nam mkha’ la (5) gźal med khaṅ ’dra bar ’dug par gyur to ||
de’i chos gos daṅ gos rin po che de dag kyaṅ bar snaṅ la rin po che sna tshogs kyi sprin gyi dkyil ’khor ’dra bar ’dug par gyur to ||
byaṅ chub sems dpa’ sems dpa’ chen po rtag tu ṅu daṅ tshoṅ dpon gyi bu mo la sogs pa bu mo lṅa brgya (6) de dag gis byaṅ chub sems dpa’ sems dpa’ chen po chos ’phags kyi rdzu ’phrul gyi cho ’phrul de lta bu mthoṅ ste | mthoṅ nas de nas de dag ’di sñam du sems te ṅo mtshar to ||
’di ltar byaṅ chub sems dpa’ sems dpa’ chen po chos ’phags ’di rdzu ’phrul che źiṅ ’di ltar mthu (7) che la ’di ltar gzi brjid che ste | rigs kyi bu ’di byaṅ chub sems dpa’i spyad pa spyod pa ñid na yaṅ rdzu ’phrul rnam par ’phrul pa ’di ’dra na bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i tshe ci ’dra bar ’gyur sñam mo ||
de nas tshoṅ dpon gyi (275b1) bu mo la sogs pa bu mo lṅa brgya de dag gis byaṅ chub sems dpa’ sems dpa’ chen po chos ’phags la dga’ ba bskyed nas tshogs pa de dag thams cad daṅ lhag pa’i bsam pas bla na med pa yaṅ dag par rdzogs pa’i byaṅ chub tu sems bskyed de | ’di skad du dge ba’i rtsa (2) ba ’dis bdag cag ma ’oṅs pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas su gyur cig | byaṅ chub sems dpa’i spyad pa spyod pa na yaṅ byaṅ chub sems dpa’ sems dpa’ chen po chos ’phags kyis chos gaṅ thob par gyur pa ’di lta bu’i (3) chos rnams thob par gyur cig | ci ltar byaṅ chub sems dpa’ sems dpa’ chen po chos ’phags bkur stir byed pa daṅ bla mar byed pa de bźin du śes rab kyi pha rol tu phyin pa la bkur stir byed pa daṅ bla mar byed par śog cig | byaṅ chub sems dpa’ sems dpa’ chen po chos (4) ’phags ci ltar yaṅ dag par ston pa bźin du bdag cag kyaṅ skye bo maṅ po la yaṅ dag par ston par gyur cig | ci ltar byaṅ chub sems dpa’ sems dpa’ chen po chos ’phags ’di śes rab kyi pha rol tu phyin pa daṅ thabs mkhas pa daṅ ldan źiṅ yoṅs su rdzogs pa de (5) bźin du bdag cag kyaṅ śes rab kyi pha rol tu phyin pa daṅ thabs la mkhas pa daṅ ldan źiṅ yoṅs su rdzogs par śog cig ces smras so ||
de nas byaṅ chub sems dpa’ sems dpa’ chen po rtag tu ṅu daṅ tshoṅ dpon gyi bu mo la sogs pa bu mo lṅa brgya de dag gis śes rab kyi pha rol tu phyin (6) pa la mchod pa byas byaṅ chub sems dpa’ sems dpa’ chen po chos ’phags la yaṅ bkur sti byas te | byaṅ chub sems dpa’ sems dpa’ chen po chos ’phags kyi rkaṅ pa la mgo bo rnams kyis mṅon du phyag ’tshal nas źes byed ciṅ thal mo sbyar te phyogs gcig tu ’dug go ||
(7) phyogs gcig tu ’dug nas byaṅ chub sems dpa’ sems dpa’ chen po chos ’phags la byaṅ chub sems dpa’ sems dpa’ chen po rtag tu ṅus ’di skad ces smras so ||
rigs kyi bu ’di na bdag śes rab kyi pha rol tu phyin pa ’di tshol źiṅ ’brog dgon par phyin pa na | rigs kyi (276a1) bu śar phyogs su soṅ źig daṅ śes rab kyi pha rol tu phyin pa thos par ’gyur ro źes sgra thos te bdag gis sgra de las yaṅ dag par bstan pa de thos nas śar phyogs ga la ba de logs su mchis nas ’di sñam du bsams te | bdag gis sgra de la ci srid cig tu mchi bar (2) bgyi su’i druṅ du śes rab kyi pha rol tu phyin pa mñan ciṅ rñed par ’gyur ba yaṅ dag par ’gro ba sgra thos pa la bdag gis ma dris so sñam ste des bdag yid mi bde źiṅ śin tu gduṅ bar gyur nas | sa phyogs de ñid du ñin mtshan bdun ’das te de ltar śin tu gduṅ bas zas la sems (3) pa ni ma byuṅ gi gźan du na śes rab kyi pha rol tu phyin pa ’ba’ źig yid la bgyis te ci srid cig tu mchi bar bgyi ba daṅ śes rab kyi pha rol tu phyin pa ’di su las mñan pa rñed par ’gyur ba sgra de las ma dris so sñam pa daṅ | de nas bdag gi mdun du de bźin gśegs pa’i sku źig byuṅ (4) ste de ’di skad du rigs kyi bu khyod ’di nas dpag tshad lṅa brgyar rim gyis soṅ daṅ | groṅ khyer spos ldan źes bya ba de na bya ba de na byaṅ chub sems dpa’ sems dpa’ chen po chos ’phags śes rab kyi pha rol tu phyin pa ston ciṅ ’chad pa mthoṅ bar ’gyur ro źes gsuṅs te | de nas bdag (5) dga’ ba daṅ rab tu dga’ ba rgya chen po daṅ ldan par gyur te bdag dga’ ba daṅ rab tu dga’ ba rgya chen po de ñid kyis khyab par gyur nas sa phyogs de nas ma bskyod par khyod kyis śes rab kyi pha rol tu phyin pa ston pa thos so ||
de bdag gis thos pa na tiṅ ṅe ’dzin gyi sgo maṅ po skyes par gyur (6) to ||
bdag de na mchis pa na phyogs bcu’i ’jig rten gyi khams kyi saṅs rgyas bcom ldan ’das rnams kyis dbugs dbyuṅ ba mdzad pa legs so źes bya ba byin te rigs kyi bu legs so legs so ||
khyod kyi tiṅ ṅe ’dzin ’di dag ni śes rab kyi pha rol tu phyin pa las skyes pa yin (7) te | ’di la gnas pas ṅed kyis kyaṅ saṅs rgyas kyi chos rnams kyaṅ yoṅs su rdzogs par byas so źes de bźin gśegs pa de dag gis bdag la śin tu legs par bstan yaṅ dag par ’dzin du bcug yaṅ dag par gzeṅs bstod yaṅ dag par dga’ bar mdzad nas mi snaṅ bar gyur to ||
(276b1) bdag kyaṅ de nas tiṅ ṅe ’dzin de las laṅs nas ’di sñam du bsams te de bźin gśegs pa de dag gaṅ nas byon de bźin gśegs pa de dag gaṅ du bźud sñam mo ||
de nas yaṅ bdag gis ’di sñam du byaṅ chub sems dpa’ sems dpa’ chen po ’phags pa chos ’phags ni (2) gzuṅs thob pa mṅon par śes pa lṅa daṅ ldan pa sṅon gyi rgyal ba dag la bgyi ba bgyis pa dge ba’i rtsa ba bskrun pa śes rab kyi pha rol tu phyin pa daṅ thabs mkhas pa la śin tu bslabs pa yin te | de bdag la de bźin gśegs pa de dag gaṅ nas byon pa daṅ de bźin gśegs pa de (3) dag gaṅ du bźud pa’i don ’di ji lta ba bźin du stan par ’gyur ro sñam du bsams te | bdag gis de bźin gśegs pa’i sku’i sgra thos pa las ci ltar gdams pa de ltar śar phyogs ga la ba der mchis te mchis nas kyaṅ rgyaṅ riṅ mo źig nas bdag gis ’phags pa chos ston pa (4) mthoṅ ste mthoṅ ma thag tu bdag la | dper na dge sloṅ bsam gtan daṅ bo la sñoms par źugs pa rtse gcig par yid la byed pa’i bde ba de lta bu skyes par gyur to ||
rigs kyi bu khyod la bdag de bźin gśegs pa de dag gaṅ nas byon de bźin gśegs pa de dag gaṅ du (5) bźud ces ’dri na | rigs kyi bu ci nas bdag de bźin gśegs pa de dag byon pa daṅ bźud pa ’tshal ciṅ de bźin gśegs pa mthoṅ ba daṅ mi ’bral bar ’gyur bar de bźin gśegs pa de dag byon pa daṅ bźud pa bdag la bśad du gsol ||
’phags pa śes rab kyi (6) pha rol tu phyin pa brgyad stoṅ pa las rtag tu ṅu’i le’u źes bya ste sum cu pa’o || ||
de skad ces smras pa daṅ | byaṅ chub sems dpa’ sems dpa’ chen po chos ’phags kyis byaṅ chub sems dpa’ sems dpa’ chen po rtag tu du la ’di skad ces smras so ||
(7) rigs kyi bu de bźin gśegs pa de dag ni gaṅ nas kyaṅ ma byon gaṅ du yaṅ ma bźud ciṅ de bźin ñid las ma g-yos te | de bźin ñid gaṅ yin pa de ni de bźin gśegs pa’o ||
rigs kyi bu mi skye ba la ’oṅ ba ’am ’gro ba med de mi skye ba gaṅ yin pa de ni de bźin gśegs (277a1) pa’o ||
rigs kyi bu yaṅ dag pa’i mtha’ la ni ’oṅ ba’am ’gro ba śes pa med de yaṅ dag pa’i mtha’ gaṅ yin pa de ni de bźin gśegs pa’o ||
rigs kyi bu stoṅ pa ñid la ’oṅ ba ’am ’gro ba śes pa med de stoṅ pa ñid gaṅ yin pa de ni de bźin gśegs pa’o ||
(2) rigs kyi bu ci lta ba bźin la ni ’oṅ ba ’am ’gro ba śes pa med de ci lta ba bźin gaṅ yin pa de ni de bźin gśegs pa’o ||
rigs kyi bu ’dod chags daṅ bral ba la ni ’oṅ ba ’am ’gro ba śes pa med de ’dod chags daṅ bral ba gaṅ yin pa de ni de bźin gśegs pa’o ||
rigs kyi (3) bu ’gog pa la ni ’oṅ ba ’am ’gro ba śes pa med de ’gog pa gaṅ yin pa de ni de bźin gśegs pa’o ||
rigs kyi bu nam mkha’i khams la ni ’oṅ ba’am ’gro ba śes pa med de nam mkha’i khams gaṅ yin pa de ni de bźin gśegs pa’o ||
rigs kyi bu chos de dag las de bźin (4) gśegs pa gźan na med de rigs kyi bu chos ’di dag gi de bźin ñid gaṅ yin pa daṅ chos thams cad kyi de bźin ñid gaṅ yin pa daṅ de bźin gśegs pa’i de bźin ñid gaṅ yin pa ’di dag na de bźin ñid gcig ste rigs kyi bu de bźin ñid la ni gñis su byar med do ||
(5) rigs kyi bu de bźin ñid gcig ste ’di lta ste med pa’i phyir gñis sam gsum du bgraṅ ba las ’das pa’o ||
rigs kyi bu ’di lta ste dper na | skyes bus sos ka’i zla ba tham sos ka’i tsha ba ñi ma guṅ gi dus la bab pa’i tshe smig rgyu g-yo ba mthoṅ ba la ’dir chub tuṅ ṅo sñam nas de (6) gaṅ du chu mthoṅ ba de daṅ der rgyug na | rigs kyi bu de ci sñam du sems śar phyogs kyi rgya mtsho chen po ’am lho phyogs sam nub phyogs sam byaṅ phyogs las chu de gaṅ nas ’oṅs chu de gaṅ du soṅ | rtag tu ṅus smas pa rigs kyi bu smig rgyu la chu ma mchis na ’oṅ ba ’am ’gro ba śes pa (7) ltag la mchis te rigs kyi bu skyes bu de ñi mas gduṅs śiṅ byis pa’i raṅ bźin can śes rab ’chal ba’i raṅ bźin can gyis smig rgyu ba mthoṅ nas chu ma mchis pa la chur ’du śes skyes kyi yaṅ de la chu ni raṅ bźin gyis ma mchis so ||
chos ’phags kyis smras pa | rigs kyi bu de de (277b1) bźin no de de bźin te | de bźin du rigs kyi bu gaṅ su dag de bźin gśegs pa la gzugs sam sgrar mṅon par chags pa de dag ni de bźin gśegs pa la byon pa ’am bźud par rtog go | gaṅ de bźin gśegs pa la byon pa’am bźud par rtog pa de dag (2) thams cad ni byis pa’i raṅ bźin can śes rab ’chal ba’i raṅ bźin can źes bya ste dper na skyes bu de ñid chu med pa la chur ’du śes bskyed pa bźin no ||
de ci’i phyir źe na | de bźin gśegs pa ni gzugs kyi skur mi blta ste de bźin gśegs pa ni chos kyi sku’o ||
rigs (3) kyi bu chos ñid ni ’oṅ ba ’am ’gro ba med de rigs kyi bu de bźin du de bźin gśegs pa rnams la byon pa ’am bźud pa med do ||
rigs kyi bu ’di lta ste dper na sgyu ma byed pas sprul pa’i glaṅ po che’i tshogs sam rta’i tshogs sam dpuṅ bu chuṅ gi tshogs la ’oṅ ba ’am ’gro (4) ba med do ||
rigs kyi bu de bźin du de bźin gśegs pa la yaṅ byon pa ’am bźud pa med do ||
rigs kyi bu ’di lta ste dper na | skyes bu gñid kyis log pa’i rmi lam du de bźin gśegs pa gcig gam gñis sam gsum mam bźi ’am lṅa ’am drug gam (5) bdun nam brgyad dam dgu ’am bcu ’am ñi śu ’am sum cu ’am bźi bcu ’am lṅa bcu ’am brgya ’am de las lhag pa źig mthoṅ ba las sad pa daṅ | des de bźin gśegs pa gcig kyaṅ ma mthoṅ na | rigs kyi bu de ci sñam du sems | de bźin gśegs pa (6) de dag gaṅ nas byon | de bźin gśegs pa de dag gaṅ du bźud | rtag tu ṅus smras pa | rigs kyi bu rmi lam la chos gaṅ yaṅ yoṅs su grub par śes pa mi gda’o ||
rmi lam ni brdzun te yaṅ dag pa ma lags so ||
chos ’phags kyis smras pa | rigs (7) kyi bu de de bźin te | chos thams cad ni bcom ldan ’das kyis rmi lam lta bu’o źes gsuṅs so ||
rigs kyi bu gaṅ su dag de bźin gśegs pas chos thams cad rmi lam lta bur yaṅ dag pa ci lta ba bźin du bstan pa mi śes pa de dag ni de bźin gśegs pa la miṅ gi (278a1) sku daṅ gzugs kyi skur mṅon par źen par byed de | de ltar chos ñid mi śes pas de bźin gśegs pa la byon pa daṅ bźud par rtog go ||
gaṅ dag de bźin gśegs pa la byon pa daṅ bźud par rtog pa’i byis pa so so’i skye bo de dag thams cad ni ’khor ba ’gro (2) ba drug po ’di dag thams cad du doṅ ba ’doṅ pa ’doṅ bar ’gyur ba’o ||
de dag thams cad ni śes rab kyi pha rol tu phyin pa las rgyaṅ riṅ du gyur pa’o ||
de dag thams cad ni saṅs rgyas kyi chos las rgyaṅ riṅ du gyur pa’o ||
rigs kyi bu yaṅ gaṅ dag chos thams cad rmi lam lta bu la de bźin (3) gśegs pas chos thams cad rmi lam lta bu’o źes yaṅ dag pa ci lta ba bźin du bstan pa śes pa de dag ni chos gaṅ la yaṅ ’oṅ ba’am ’gro ba’am | skye ba ’am | ’gag par mi rtog go ||
gaṅ dag chos gaṅ la yaṅ ’oṅ ba’am | ’gro ba ’am skye ba ’am | ’gag par mi rtog (4) pa de dag ni de bźin gśegs pa’i chos ñid du rab tu śes so ||
gaṅ dag de bźin gśegs pa’i chos ñid du rab tu śes pa de dag ni de bźin gśegs pa la byon pa’am bźud par mi rtog go ||
gaṅ dag de bźin gśegs pa’i chos ñid de lta bu rab tu śes pa de dag ni bla na (5) med pa yaṅ dag par rdzogs pa’i byaṅ chub la ñe bar spyod pa ste | de śes rab kyi pha rol tu phyin pa la spyod pa’o ||
bcom ldan ’das kyi ñan thos de dag ni yul ’khor gyi bsod sñoms don yod par za ba ste | de daṅ de dag ni ’jig rten gyi sbyin gnas so ||
rigs kyi bu ’di lta (6) ste | dper na rgya mtsho chen po’i naṅ na rin po che dag yod pa ni śar phyogs nas kyaṅ ma ’oṅs | lho nas ma yin | nub nas ma yin | byaṅ nas ma yin | phyogs mtshams nas ma yin | steṅ daṅ ’og nas ma yin | phyogs bcu gaṅ nas kyaṅ ma ’oṅs mod kyi ’on kyaṅ sems can (7) dag gi dge ba’i rtsa ba la brten nas rgya mtsho chen po’i naṅ nas rin po che dag ’byuṅ ste | de dag kyaṅ rgyu med par ’byuṅ ba ma yin gyi | rgyu daṅ | rkyen daṅ | gźi la rag las pa yin te brten nas ’byuṅ ṅo ||
rin po che de dag ’gag pa yaṅ phyogs bcu’i ’jig rten gaṅ (278b1) du yaṅ mi ’pho med kyi ’on kyaṅ rkyen de dag yod na rin po che dag rab tu ’byed do ||
rkyen de dag med na rin po che de dag rab tu dbye ba yaṅ med par ’gyur ro ||
rigs kyi bu de bźin du de bźin gśegs pa de dag gi sku yoṅs su grub pa yaṅ phyogs bcu’i ’jig rten (2) gaṅ nas kyaṅ ma byon phyogs bcu’i ’jig rten gaṅ du yaṅ ma bźud do ||
saṅs rgyas bcom ldan ’das de dag gi sku rgyu med pa yaṅ ma yin te sṅon gyi spyad pas yoṅs su grub pa yin pas rgyu la rag las pa rkyen la rag las pa | sṅon gyi phrin las rnam par smin pa las byuṅ ba yin źiṅ (3) de ni phyogs bcu’i ’jig rten gyi khams gaṅ na yaṅ yod pa ma yin no ||
’on kyaṅ rkyen rnams yod na sku mṅon par ’grub par ’gyur te | rkyen de dag med na sku mṅon par grub pa yaṅ mi snaṅ ṅo ||
rigs kyi bu ’di lta ste | dper na pi baṅ gi sgra byuṅ ba yaṅ gaṅ (4) nas kyaṅ ma ’oṅs ’gags pa yaṅ gaṅ du yaṅ mi ’gro gaṅ na yaṅ mi ’pho ste | rgyu daṅ rkyen tshogs pa la brten nas byuṅ ba rgyu la rag las pa rkyen la rag las pa | ’di lta ste | pi baṅ gi khog pa la brten pa gas pa la brten rgyud la brten yu ba la brten śiṅ bu la brten rgyud (5) rten la brten mi de las skyes pa’i rtsol ba la brten nas ’di ltar pi baṅ de las sgra ’byuṅ ste | rgyu la rag las pa rkyen la rag las pa’i sgra de yaṅ pi baṅ gi khog pa las ma byuṅ ba gas pa las ma byuṅ rgyud las ma byuṅ yu ba las ma byuṅ śiṅ bu las ma byuṅ rgyud rten las ma (6) byuṅ mi de las skyes pa’i rtsol ba las sgra ma byuṅ mod kyi | ’on kyaṅ de dag thams cad ’dus pa las kyaṅ sgrar gdags so ||
sgra de ’gags pa yaṅ gaṅ du yaṅ mi ’gro’o ||
de bźin du rigs kyi bu saṅs rgyas bcom ldan ’das rnams kyi sku yoṅs su ’grub pa (7) yaṅ rgyu la rag las pa rkyen la rag las pa dge ba’i rtsa ba’i sbyor ba du mas yoṅs su grub pa yin te | rgyu gcig gis ma yin rkyen gcig gis ma yin dge ba’i rtsa ba gcig gis saṅs rgyas kyi sku rab tu dbye ba ma yin te rgyu med pa yaṅ ma yin no ||
rgyu daṅ rkyen maṅ po (279a1) tshogs pa las byuṅ ba yin te de ni gaṅ nas kyaṅ ma byon to ||
rgyu daṅ rkyen tshogs pa med kyaṅ gaṅ du yaṅ mi bźud de rigs kyi bu khyod kyis de bźin gśegs pa de dag byon pa daṅ bźud pa de ltar blta’o ||
rigs kyi bu chos thams cad kyi chos ñid kyis khyod kyis (2) ’di bźin du khoṅ du chud par gyis śig | rigs kyi bu khyod gaṅ tshun chad de ltar de bźin gśegs pa daṅ | chos thams cad skye ba med pa daṅ | ’gag pa med par śes pa de tshun chad khyod bla na med pa yaṅ dag par rdzogs pa’i byaṅ chub tu ṅes par ’gyur źiṅ | śes rab kyi (3) pha rol tu phyin pa daṅ thabs mkhas pa la ṅes par spyod par ’gyur ro ||
yaṅ de bźin gśegs pa rnams byon pa daṅ bźud pa med pa ’di bśad pa’i tshes g-yo ba chen po byuṅ ste | stoṅ gsum gyi stoṅ chen po’i ’jig rten gyi khams ’di thams cad ltas chen po bcwa brgyad daṅ (4) rnam pa drug tu g-yos pa ’di lta ste | ’gul rab tu ’gul kun tu rab tu ’gul | g-yos rab tu g-yos kun tu rab tu g-yos | ldeg rab tu ldeg kun tu rab tu ldeg | ’khrugs rab tu ’khrugs kun tu rab tu ’khrugs | chem chem rab tu chem chem kun tu rab tu chem (5) chem | ’ur ’ur rab tu ’ur ’ur kun tu rab tu ’ur ’ur te | bdud kyi gnas thams cad kyaṅ dkrogs śiṅ spa bkod par gyur to ||
stoṅ gsum gyi stoṅ chen po’i ’jig rten gyi khams na rtswa daṅ śiṅ gel ba daṅ sman daṅ nags tshal ci sñed yod pa de dag thams cad byaṅ chub (6) sems dpa’ sems dpa’ chen po chos ’phags ga la ba de logs su rab tu ’dud par gyur to ||
dus ma yin pa’i me tog dag kyaṅ steṅ gi bar snaṅ las ’thor źiṅ me tog gi char chen po dag kyaṅ bab bo ||
lha rnams kyi dbaṅ po brgya byin daṅ | rgyal po chen po bźi dag (7) kyaṅ byaṅ chub sems dpa’ sems dpa’ chen po chos ’phags daṅ | byaṅ chub sems dpa’ sems dpa’ chen po rtag tu ṅu dag gi phyogs su lha’i tsan dan gyi phye ma daṅ lha’i me tog dag gis ’thor mṅon par ’thor mṅon par rab tu ’thor źiṅ | tshig ’di skad ces rigs (279b1) kyi bu legs so legs so ||
rigs kyi bu khyod kyi mthus deṅ bdag cag gis kyaṅ sems can gaṅ ’jig tshogs la lta ba’i sa la gnas pa lta ba daṅ bcas pa thams cad la mṅon par źen pa’i ’jig rten thams cad daṅ mi mthun pa don dam pa las byuṅ ba’i gtam (2) bstan pa thos so źes zer ro ||
de nas byaṅ chub sems dpa’ sems dpa’ chen po chos ’phags la byaṅ chub sems dpa’ sems dpa’ chen po rtag tu ṅus ’di skad ces smras so ||
rigs kyi bus chen po g-yos pa ’jig rten du byuṅ ba ’di’i rgyu gaṅ lags rkyen gaṅ (3) lags | byaṅ chub sems dpa’ sems dpa’ chen po chos ’phags kyis smras pa | rigs kyi bu de bźin gśegs pa rnams kyi mi byon mi bźud pa bstan pa ’di khyod kyis dris te bdag gis bstan pas srog chags stoṅ phrag brgyad mi skye ba’i chos la bzod pa thob (4) par gyur pa daṅ | srog chags khrag khrig phrag brgyad cu bla na med pa yaṅ dag par rdzogs pa’i byaṅ chub tu sems bskyed pa daṅ | srog chags drug khri bźi stoṅ rnams la chos kyi mig rdul med ciṅ dri ma med pa rnam par dag par gyur to ||
de nas byaṅ chub sems dpa’ (5) sems dpa’ chen po rtag tu ṅu dga’ ba daṅ raṅs pa mchog tu rgya chen po daṅ ldan par gyur te | gaṅ bdag gis śes rab kyi pha rol tu phyin pa daṅ de bźin gśegs pa rnams byon pa daṅ bźud pa med pa’i bstan pa ’di dris pas sems can ’di sñed cig gi don byas par gyur pa ni bdag (6) gis rñed pa mchog tu legs par rñed do ||
’di ñid kyis bdag bla na med pa yaṅ dag par rdzogs pa’i byaṅ chub yoṅs su ’grub par bya ba’i dge ba’i rtsa ba mchog thob par gyur pas bla na med pa yaṅ dag par rdzogs pa’i byaṅ chub la bdag slar yaṅ the tshom mi ’jug go ||
bdag ni the (7) tshom med par de bźin gśegs pa dgra bcom pa yaṅ dag par rdzogs pa’i saṅs rgyas su ’gyur ro sñam pa daṅ | de dga’ ba daṅ raṅs pa de daṅ ldan pas ta la bdun tsam du nam mkha’ la ’phags nas ta la bdun tsam na ’dug ste | ’di ltar bdag nam mkha’ la ’dug nas (280a1) byaṅ chub sems dpa’ sems dpa’ chen po chos ’phags la bkur sti bya’o sñam du sems so ||
de nas lha rnams kyi dbaṅ po brgya byin gyis byaṅ chub sems dpa’ sems dpa’ chen po rtag tu ṅu mṅon par ’phags pa mthoṅ ste de’i sems sems kyis śes (2) nas de la lha’i me tog man d ra ba dag byin te | ’di skad du rigs kyi bu khyod kyis lha’i me tog ’di dag gis byaṅ chub sems dpa’ sems dpa’ chen po ches ’phags la bkur sti byed pas bkur stir gyis śig | rigs kyi bu ’di ni ṅas khyod yoṅs su gzuṅ ba yin te | rigs (3) kyi bu khyod kyi mthus deṅ srog chags stoṅ phrag maṅ po’i don byas te | rigs kyi bu gaṅ sems can thams cad kyi phyir ci ltar khyod spro bar byed pa de ltar bskal pa gźal du med graṅs med par spro bar byed ciṅ khur chen po khyer bar byed pa’i sems can de dag ni rñed par dka’o (4) źes smras so ||
de nas byaṅ chub sems dpa’ sems dpa’ chen po rtag tu ṅus lha rnams kyi dbaṅ po brgya byin gyi druṅ nas me tog man d ra ba de dag blaṅs te | byaṅ chub sems dpa’ sems dpa’ chen po chos ’phags la gtor mṅon par gtor mṅon par rab tu gtor nas (5) bdag gi lus kyis byaṅ chub sems dpa’ sems dpa’ chen po chos ’phags la mṅon par bkab ste tshig ’di skad ces | rigs kyi bu deṅ slan chad khyod kyi rim gro daṅ źam riṅ bgyi ba’i slad du bdag gi lus khyod la dbul lo źes smras te | des bdag gi lus phul (6) nas byaṅ chub sems dpa’ sems dpa’ chen po chos ’phags kyi mdun du thal mo sbyar te ’dug go ||
de nas tshoṅ dpon gyi bu mo de daṅ bu mo lṅa brgya de dag gis byaṅ chub sems dpa’ sems dpa’ chen po rtag tu ṅu la ’di skad ces | rigs kyi bu bdag cag kyaṅ khyod la lus (7) ’bul gyis bdag cag kyaṅ dge ba’i rtsa ba ’dis chos de dag thob par gyur cig | khyod ñid daṅ lhan cig tu yaṅ daṅ yaṅ saṅs rgyas bcom ldan ’das rnams daṅ | byaṅ chub sems dpa’ rnams la bkur stir bgyi bla mar bgyi de dag daṅ ñe bar gyur par bgyi’o źes smras so ||
(280b1) de nas byaṅ chub sems dpa’ sems dpa’ chen po rtag tu ṅus tshoṅ dpon gyi bu mo la sogs pa bu mo lṅa brgya la ’di skad ces smras so ||
bu mo dag gal te khyed ṅa la lhag pa’i bsam pas gnas par byed na ṅa la lhag pa’i bsam pas bdag ñid byin cig daṅ de ltar na bu mo khyed (2) ṅas blaṅ ṅo ||
bu mo de dag gis smras pa | khyod la lhag pa’i bsam pa thag pa nas khyod kyi rjes su mthun par ’jug go | khyod la lhag pa’i bsam pas ci ’dod pa bya bar bdag ñid ’bul lo ||
de nas byaṅ chub sems dpa’ sems dpa’ chen po rtag tu ṅus tshoṅ (3) dpon gyi bu mo la sogs pa bu mo lṅa brgya de dag rgyan thams cad kyis brgyan te | śiṅ rta lṅa brgya yaṅ brgya na nas thams cad byaṅ chub sems dpa’ sems dpa’ chen po chos ’phags la rim gro daṅ źam riṅ bya ba’i phyir phul te | rigs kyi bu bdag ni g-yog mo ’di dag (4) ’bul źiṅ śiṅ rta lṅa brgya ’di dag kyaṅ yoṅs su loṅs spyad pa’i phyir khyod la ’bul lo ||
de nas lha rnams kyi dbaṅ po brgya byin gyis rigs kyi bu de la legs so źes bya ba phyin te | rigs kyi bu legs so legs so ||
rigs kyi bu de ltar byaṅ chub sems dpa’ sems (5) dpa’ chen po dag gis ’byor pa thams cad yoṅs su gtaṅ bar bya’o ||
yoṅs su gtoṅ ba’i sems de lta bus byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de ltar na (6) chos smra bdag la mchod pa byas nas śes rab kyi pha rol tu phyin pa daṅ thabs mkhas pa ñan nus te rigs kyi bu sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ sṅon byaṅ chub sems dpa’i spyad pa spyod pa na ’di lta bu’i (7) tshul daṅ ’di lta bu’i gtoṅ ba la gnas nas bla na med pa yaṅ dag par rdzogs pa’i byaṅ chub yaṅ dag par bsgrubs te | śes rab kyi pha rol tu phyin pa daṅ thabs mkhas pa yoṅs su dris so ||
de nas byaṅ chub sems dpa’ sems dpa’ chen po chos ’phags (281a1) kyis tshoṅ dpon gyi bu mo la sogs pa bu mo lṅa brgya po de dag daṅ śiṅ rta lṅa brgya po de dag byaṅ chub sems dpa’ sems dpa’ chen po rtag tu ṅu’i dge ba’i rtsa ba yoṅs su bkaṅ ba’i phyir blaṅs te blaṅs nas rigs kyi bu rtag tu ṅu la slar byin no ||
de nas (2) byaṅ chub sems dpa’ sems dpa’ chen po chos ’phags stan las laṅs te bdag gi khyim du źugs pa daṅ ñi ma nub par gyur to ||
de nas byaṅ chub sems dpa’ sems dpa’ chen po rtag tu ṅu ’di sñam du ’di ltar bdag chos ’dod pa’i phyir ’oṅs la ’dug pa ’am ñal bar (3) byed pa ni bdag gi mi cha la ’di ni ma legs kyis byaṅ chub sems dpa’ sems dpa’ chen po chos ’phags bdag gzuṅ ba’i phyir ’di lta ste chos ston du phyir ma byuṅ gi bar du bdag ’greṅ ba daṅ ’chag pa’i spyod lam gñis kyis dus ’da’ bar bya’o źes sems par gyur (4) to ||
de nas byaṅ chub sems dpa’ sems dpa’ chen po chos ’phags lo bdun gyi bar du tiṅ ṅe ’dzin gcig la sñoms par źugs par gyur ciṅ byaṅ chub sems dpa’i tiṅ ṅe ’dzin stoṅ phrag gźal du med graṅs med pa dag daṅ śes rab kyi pha rol tu phyin (5) pa daṅ thabs mkhas pa las byuṅ ba la gnas par gyur to ||
byaṅ chub sems dpa’ sems dpa’ chen po rtag tu ṅu yaṅ lo bdun gyi bar du gñid daṅ rmugs pa med par spyod lam rnam pa gñis kyis dus ’da’ bar byed de | lo bdun gyi bar du ’dod pa’i (6) rtog pa ma byuṅ | gnod sems kyi rtog pa ma byuṅ | rnam par ’tshe ba’i rtog pa ma byuṅ | ro la brkam pa ma yin sems kyi rnam par rtog pa ma byuṅ ste | gźan du na byaṅ chub sems dpa’ sems dpa’ chen po chos ’phags tiṅ ṅe ’dzin las nam ldaṅ bar ’gyur | bdag (7) cag gis kyaṅ khri gaṅ la rigs kyi bu de ’dug nas chos ston par ’gyur ba byaṅ chub sems dpa’ sems dpa’ chen po chos ’phags kyi chos kyi khri bśam na bdag gis sa phyogs ’di chag chag ma btab kyis | sa phyogs gaṅ du byaṅ chub sems dpa’ (281b1) sems dpa’ chen po chos ’phags śes rab kyi pha rol tu phyin pa daṅ thabs mkhas pa rab tu ston pa ’gyur ba der legs par byug par bya me tog sna tshogs mṅon par dgram mo sñam mo ||
tshoṅ dpon gyi bu mo la sogs pa bu mo lṅa brgya de dag kyaṅ byaṅ chub sems (2) dpa’ sems dpa’ chen po rtag tu ṅu’i rjes su slob ciṅ spyod lam gñis kyis dus ’da’ bar byed de | bya ba thams cad kyaṅ de’i rjes su ’jug go ||
de nas byaṅ chub sems dpa’ sems dpa’ chen po rtag tu ṅus lha’i sgra dag las byaṅ chub sems dpa’ (3) sems dpa’ chen po chosa’aphagasa da ste źag bdun na tiṅ ṅe ’dzin ’di las ldaṅ ste laṅs nas groṅ khyer gyi dbus su ’dug ste chos ston par ’gyur ro źes thos so ||
de nas byaṅ chub sems dpa’ sems dpa’ chen po rtag tu ṅus lha’i sgra de thos (4) pa daṅ | dga’ mgu yi raṅs rab tu dga’ mgu źiṅ bde ba daṅ | yid bde ba skyes te | tshoṅ dpon gyi bu mo la sogs pa bu mo lṅa brgya daṅ lhan cig tu sa phyogs de phyags nas chos kyi khri rin po che sna bdun gyi raṅ bźin bśams so ||
de (5) nas bu mo de dag gis raṅ raṅ gi bla gos lus las phud de bla gos lṅa brgya po de dag stan gaṅ la byaṅ chub sems dpa’ sems dpa’ chen po chos ’phags ’dug nas chos ston par ’gyur ba der btiṅ ṅo ||
de ltar byaṅ chub sems dpa’ sems dpa’ (6) chen po chos ’phags kyi chos kyi stan bśams pa la bu mo de dag thams cad dga’ mgu yi raṅs rab tu dga’ źiṅ mgu ba daṅ | yid bde ba skyes par gyur to ||
de nas byaṅ chub sems dpa’ sems dpa’ chen po rtag tu ṅus phyogs der chag chag (7) gdab par ’dod na | ci nas kyaṅ bdud sdig can gyis byaṅ chub sems dpa’ sems dpa’ chen po rtag tu ṅu de chu ma rñed nas sems mi dga’ źiṅ sdug bsṅal te | yid mi bde bar gyur ciṅ | sems gźan du ’gyur ba daṅ | gaṅ gis de’i dge ba’i (282a1) rtsa ba nub par ’gyur ba daṅ | mchod pa de yaṅ mi mdzes par bya ba’i phyir gaṅ gis sa phyogs der chag chag ’debs pa’i chu de thams cad kyaṅ mi snaṅ ba ñid du byas pas kun tu chu btsal na ma rñed do ||
de nas byaṅ chub sems dpa’ (2) sems dpa’ chen po rtag tu ṅu ’di sñam du ma la bdag gi lus phug la khrag gis sa phyogs ’di chag chag gdab bo ||
de ci’i phyir źe na | sa phyogs ’di ni rdul che ste sa phyogs ’di nas rdul gyi khams byuṅ bas byaṅ chub sems dpa’ sems dpa’ (3) chen po chos ’phags kyi lus la phog na mi ruṅ gis bdag gi lus gdon mi za bar ’jig pa’i chos can ’dis ci źig bya | bdag gi lus ’di lta bu’i bya ba la źig pa ni sla’i nus pa med pa’i bya ba la ’dod pa’i rgyu daṅ ’dod pa’i gźis yaṅ daṅ yaṅ du (4) ’khor bar ’khor źiṅ | bdag gi lus stoṅ phrag maṅ po de lta bu’i gnas su źig pa ni ’di lta bu’i gnas sam | chos yoṅs su gzuṅ ba’i phyir ni ma yin te | ’dod pa de lta bu’i chos can la źig pa yin no sñam du bsams so ||
de nas byaṅ chub (5) sems dpa’ sems dpa’ chen po rtag tu ṅus de ltar bsams nas mtshon rnon po blaṅs te | bdag gi lus kun tu phug nas raṅ gi khrag gis sa phyogs de thams cad du chag chag btab bo ||
byaṅ chub sems dpa’ sems dpa’ chen po rtag tu ṅu’i rjes su (6) slob pa tshoṅ dpon gyi bu mo la sogs pa bu mo lṅa brgya de dag thams cad kyis kyaṅ mtshon rnon po blaṅs te | raṅ raṅ gi lus phug nas raṅ raṅ gi khrag gis sa phyogs de thams cad du chag chag btab ste | de dag la bdud sdig can des dge ba’i rtsa ba’i bar chad (7) bya ba’i glags gaṅ du rñed par ’gyur ba byaṅ chub sems dpa’ sems dpa’ chen po rtag tu ṅu daṅ bu mo de dag thams cad sems gźan du gyur pa med do ||
de nas lha rnams kyi dbaṅ po brgya byin ’di sñam du sems te | byaṅ chub sems dpa’ sems dpa’ (282b1) chen po rtag tu ṅu ’di tsam du chos ’dod pa daṅ | ci tsam du yi dam la brtan pa daṅ | ci tsam du go cha chen po bgos pa daṅ | lus daṅ srog daṅ loṅs spyod rnams la mi lta ba daṅ | bla na med pa yaṅ dag par rdzogs pa’i byaṅ chub rtogs par bya ba’i phyir ’di (2) lta ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’khor ba’i sdug bsṅal yoṅs su dpag tu med pa las sems can thams cad thar bar bya’o sñam du lhag pa’i bsam pa la źugs pa ni ṅo mtshar to sñam mo ||
(3) de nas lha rnams kyi dbaṅ po brgya byin gyis khrag de dag thams cad lha’i tsan dan gyi chur byin gyis brlabs te | lha’i tsan dan gyi chu dri dam pa rgya che ba bsam gyis mi khyab pa daṅ ldan pa de’i dris sa phyogs de kho ra khor yug tu dpag tshad lṅa brgya tshaṅ bar (4) yoṅs su khyab bo ||
de nas lha rnams kyi dbaṅ po brgya byin gyis byaṅ chub sems dpa’ sems dpa’ chen po rtag tu ṅu la ’di skad ces | rigs kyi bu legs so legs so ||
rigs kyi bu khyod kyi brtson ’grus bsam gyis mi khyab pa legs so ||
(5) khyod kyi chos ’dod pa daṅ chos yoṅs su tshol ba yaṅ legs te | rigs kyi bu sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ lhag pa’i bsam pa ’di lta bu daṅ | brtson ’grus ’di lta bu daṅ | chos ’dod (6) pa ’di lta bus bla na med pa yaṅ dag par rdzogs pa’i byaṅ chub yaṅ dag par bsgrubs so źes smras so ||
de nas byaṅ chub sems dpa’ sems dpa’ chen po rtag tu ṅu ’di sñam du sems te | bdag gis byaṅ chub sems dpa’ sems dpa’ chen po chos (7) ’phags kyis chos kyi stan ni btiṅ sa phyogs ’di phyag dar ni legs par byas | chag chag ni lags par btab na bdag gis me tog gaṅ dag gis sa phyogs ’dir gtor bar bya ba daṅ | byaṅ chub sems dpa’ sems dpa’ chen po chos ’phags chos ’chad (283a1) ciṅ chos kyi stan la ’dug pa la gtor bar bya ba’i me tog de dag gaṅ nas rñed par ’gyur sñam mo ||
de nas lha rnams kyi dbaṅ po brgya byin gyis byaṅ chub sems dpa’ sems dpa’ chen po rtag tu ṅu la ’di skad ces | rigs kyi bu lha’i (2) me tog man d ra ba ’di dag loṅ la khyod kyis sa phyogs ’di dag tu me tog bkram par gyis śig | byaṅ chub sems dpa’ sems dpa’ chen po chos ’phags chos ston ciṅ chos kyi khril ’dug pa la yaṅ gtor cig ces smras nas | des de la lha’i me tog (3) man d ra ba lha’i kha la stoṅ byin no ||
de nas byaṅ chub sems dpa’ sems dpa’ chen po rtag tu ṅus me tog de dag blaṅs te | me tog kha cig gis ni sa phyogs der me tog bkram pa byas so ||
me tog kha cig gis ni byaṅ chub sems dpa’ sems dpa’ (4) chen po chos ’phags la gtor to ||
de nas byaṅ chub sems dpa’ sems dpa’ chen po chos ’phags lo bdun ’das pa daṅ tiṅ ṅe ’dzin de las laṅs te | chos kyi stan gaṅ na yod pa der ’oṅs nas stan btiṅ ba la ’dug ste | ’khor brgya stoṅ phrag du mas yoṅs (5) su bskor ciṅ mdun gyis bltas nas śes rab kyi pha rol tu phyin pa ston to ||
de nas byaṅ chub sems dpa’ sems dpa’ chen po rtag tu ṅus byaṅ chub sems dpa’ sems dpa’ chen po chos ’phags mthoṅ ma thag tu ’di lta ste | dper na bsam gtan daṅ po (6) la sñoms par źugs pa’i dge sloṅ rtse gcig tu yid la byed pa bźin du bde ba de lta bu thob bo ||
de la byaṅ chub sems dpa’ sems dpa’ chen po chos ’phags śes rab kyi pha rol tu phyin pa ston pa ni ’di yin te | ’di lta ste chos thams cad mñam pa ñid (7) pas śes rab kyi pha rol tu phyin pa mñam pa ñid do ||
chos thams cad dben pa ñid pas śes rab kyi pha rol tu phyin pa dben pa ñid do ||
chos thams cad g-yo ba med pa ñid pas śes rab kyi pha rol tu phyin pa g-yo ba med pa ñid do ||
chos thams cad (283b1) rlom pa med pa ñid pas śes rab kyi pha rol tu phyin pa rlom pa med pa ñid do ||
chos thams cad kheṅs pa med pa ñid pas śes rab kyi pha rol tu phyin pa kheṅs pa med pa ñid do ||
chos thams cad ro gcig pa ñid pas śes rab kyi pha rol tu phyin pa ro gcig (2) pa ñid do ||
chos thams cad mu med pa ñid pas śes rab kyi pha rol tu phyin pa mu med pa ñid do ||
chos thams cad skye ba med pa ñid pas śes rab kyi pha rol tu phyin pa skye ba med pa ñid do ||
chos thams cad ’gag pa med pa ñid pas śes rab kyi pha rol tu phyin (3) pa ’gag pa med pa ñid do ||
nam mkha’ mu med pa ñid pas śes rab kyi pha rol tu phyin pa mu med pa ñid do ||
rgya mtsho mu med pa ñid pas śes rab kyi pha rol tu phyin pa mu med pa ñid do ||
ri rab sna tshogs pa ñid pas śes rab kyi pha rol tu phyin pa sna tshogs pa ñid (4) do ||
nam mkha’ rtog pa med pa ñid pas śes rab kyi pha rol tu phyin pa rtog pa med pa ñid do ||
gzugs mu med pa ñid pas śes rab kyi pha rol tu phyin pa mu med pa ñid do ||
de bźin du tshor ba daṅ | ’du śes daṅ | ’du byed rnams daṅ | rnam (5) par śes pa mu med pa ñid pas śes rab kyi pha rol tu phyin pa mu med pa ñid do ||
sa’i khams mu med pa ñid pas śes rab kyi pha rol tu phyin pa mu med pa ñid do ||
de bźin du chu’i khams daṅ | me’i khams daṅ | rluṅ gi khams mu med pa ñid pas śes (6) rab kyi pha rol tu phyin pa mu med pa ñid do ||
nam mkha’i khams mu med pa ñid pas śes rab kyi pha rol tu phyin pa mu med pa ñid do ||
rnam par śes pa’i khams mu med pa ñid pas śes rab kyi pha rol tu phyin pa mu med pa ñid do ||
rdo rje lta bu’i chos mñam (7) pa ñid pas śes rab kyi pha rol tu phyin pa mñam pa ñid do ||
chos thams cad ma ’dres pa ñid pas śes rab kyi pha rol tu phyin pa ma ’dres pa ñid do ||
chos thams cad dmigs su med pa ñid pas śes rab kyi pha rol tu phyin pa dmigs su med pa ñid do ||
chos (284a1) thams cad rnam par ’jig pa mñam pa ñid pas śes rab kyi pha rol tu phyin pa rnam par ’jig pa mñam pa ñid do ||
chos thams cad byed pa med pa ñid pas śes rab kyi pha rol tu phyin pa byed pa med pa ñid do ||
chos thams cad bsam gyis mi khyab pa (2) ñid pas śes rab kyi pha rol tu phyin pa bsam gyis mi khyab pa ñid du rig par bya’o źes bya ba yin no ||
de nas byaṅ chub sems dpa’ sems dpa’ chen po rtag tu ṅu de ltar ’dug bźin du de’i tshe chos thams cad mñam pa ñid ces bya ba’i tiṅ ṅe ’dzin gyi rgyal po skyes (3) par gyur to ||
chos thams cad dben pa źes bya ba’i tiṅ ṅe ’dzin daṅ | chos thams cad g-yo ba med pa źes bya ba’i tiṅ ṅe ’dzin daṅ | chos thams cad rlom pa med pa źes bya ba’i tiṅ ṅe ’dzin daṅ | chos thams cad kheṅs pa med pa źes bya ba’i tiṅ ṅe ’dzin daṅ | (4) chos thams cad ro gcig pa źes bya ba’i tiṅ ṅe ’dzin daṅ | chos thams cad mu med pa źes bya ba’i tiṅ ṅe ’dzin daṅ | chos thams cad skye ba med pa źes bya ba’i tiṅ ṅe ’dzin daṅ | chos thams cad ’gag pa med pa źes bya ba’i tiṅ ṅe ’dzin daṅ | nam mkha’ mu med pa (5) źes bya ba’i tiṅ ṅe ’dzin daṅ | rgya mtsho mu med pa źes bya ba’i tiṅ ṅe ’dzin daṅ | ri rab sna tshogs pa źes bya ba’i tiṅ ṅe ’dzin daṅ | nam mkha’ rtog pa med pa źes bya ba’i tiṅ ṅe ’dzin daṅ | gzugs mu med pa źes bya ba’i tiṅ ṅe ’dzin daṅ | de bźin du tshor ba (6) daṅ ’du śes daṅ ’du byed rnams daṅ rnam par śes pa mu med pa źes bya ba’i tiṅ ṅe ’dzin daṅ | sa’i khams mu med pa źes bya ba’i tiṅ ṅe ’dzin daṅ | de bźin du chu’i khams daṅ me’i khams daṅ rluṅ gi khams mu med pa źes bya ba’i tiṅ ṅe ’dzin daṅ | nam mkha’i (7) khams mu med pa źes bya ba’i tiṅ ṅe ’dzin daṅ | rnam par śes pa’i khams mu med pa źes bya ba’i tiṅ ṅe ’dzin daṅ | rdo rje lta bu źes bya ba’i tiṅ ṅe ’dzin daṅ | chos thams cad ma ’dres pa źes bya ba’i tiṅ ṅe ’dzin daṅ | chos thams cad dmigs su med pa (284b1) źes bya ba’i tiṅ ṅe ’dzin daṅ | chos thams cad rnam par ’jig pa mñam pa ñid ces bya ba’i tiṅ ṅe ’dzin daṅ | chos thams cad byed pa med pa źes bya ba’i tiṅ ṅe ’dzin daṅ | chos thams cad bsam gyis mi khyab pa źes bya ba’i tiṅ ṅe ’dzin te | byaṅ chub (2) sems dpa’ sems dpa’ chen po rtag tu ṅus de lta bu la sogs pa’i tiṅ ṅe ’dzin gyi sgo brgya stoṅ phrag drug cu rab tu thob par gyur to ||
’phags pa śes rab kyi pha rol tu phyin pa brgyad stoṅ pa las chos ’phags kyi le’u źes bya ste sum cu rtsa gcig pa’o || ||
(3) rab ’byor byaṅ chub sems dpa’ sems dpa’ chen po rtag tu ṅus tiṅ ṅe ’dzin gyi sgo brgya stoṅ phrag drug cu thob ma thag tu | śar phyogs daṅ lho phyogs daṅ nub phyogs daṅ byaṅ phyogs daṅ mtshams daṅ ’og daṅ steṅ gi phyogs daṅ phyogs bcu’i ’jig rten stoṅ gsum (4) gyi stoṅ chen po’i ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das gaṅ g’i kluṅ gi bye ma sñed dag dge sloṅ gi dge ’dun gyis yoṅs su bskor ciṅ byaṅ chub sems dpa’i tshogs kyis mdun du byas te tshul ’di lta bu ñid daṅ miṅ ’di (5) ñid daṅ yi ge ’di ñid kyis śes rab kyi pha rol tu phyin pa ’di ’chad pa mthoṅ ṅo ||
’di lta ste dper na | da ltar ṅa stoṅ gsum gyi stoṅ chen po’i ’jig rten gyi khams ’di na chos ston pa dge sloṅ gi dge ’dun gyis yoṅs su bskor ciṅ | byaṅ chub sems (6) dpa’i tshogs gyis mdun du byas te tshul ’di ñid daṅ miṅ ’di ñid daṅ yi ge ’di ñid kyis śes rab kyi pha rol tu phyin pa ’di ’chad pa bźin no ||
de maṅ du thos pa bsam gyis mi khyab pa daṅ thos pa rgya mtsho daṅ ldan par gyur te | gar skyes pa thams cad du yaṅ nam (7) yaṅ saṅs rgyas daṅ bral bar ma gyur to ||
skye ba thams cad du yaṅ gaṅ daṅ gaṅ du saṅs rgyas bcom ldan ’das rnams mṅon sum du ’gyur ba de daṅ de dag tu skyes te | tha na rmi lam na yaṅ saṅs rgyas bcom ldan ’das dag daṅ mi ’bral bar ’gyur ro ||
(285a1) ṅes mi khom pa thams cad ni spaṅs dal ba phun sum tshogs pa ni bsgrubs so ||
de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo rnam graṅs ’dis kyaṅ śes rab kyi pha rol tu phyin pa ’di byaṅ chub (2) sems dpa’ sems dpa’ chen po rnams kyi thams cad mkhyen pa’i ye śes sgrub pa yin par rig par bya’o ||
kun dga’ bo de lta bas na byaṅ chub sems dpa’ sems dpa’ chen po thams cad mkhyen pa’i ye śes thob par ’dod pa dag gis śes rab kyi pha rol tu (3) phyin pa ’di la spyad par bya’o ||
śes rab kyi pha rol tu phyin pa ’di mñan par bya gzuṅ bar bya bcaṅ bar bya klag par bya | kun chub par bya rab tu gdon par bya bstan par bya ñe bar bstan par bya | luṅ dpog par bya kha ton du bya bri bar bya de bźin gśegs pa’i byin gyi (4) rlabs kyis glegs bam chen po la yi ge gsal źiṅ rab tu gsal pa legs par bris te | me tog daṅ bdug pa daṅ dri daṅ | phreṅ ba daṅ byug pa daṅ | phye ma daṅ rol mo daṅ | na bza’ daṅ gdugs daṅ | rgyal mtshan daṅ dril bu daṅ | ba dan daṅ khor (5) khor yug tu mar me’i phreṅ ba daṅ mchod pa rnam pa maṅ pos | bkur stir bya bla mar bya rjed par bya mchod par bya ri mor bya bsñen bkur bya ste kun dga’ bo ’di ni ṅa’i rjes su bstan pa’o ||
de ci’i phyir źe na | śes rab kyi pha rol tu phyin pa ’di las thams cad (6) mkhyen pa’i ye śes yoṅs su rdzogs par ’gyur ro ||
kun dga’ bo ’di ji sñam du sems de bźin gśegs pa khyod kyi ston pa yin nam | kun dga’ bos gsol pa | bcom ldan ’das bdag gi ston pa lags so ||
bde bar gśegs pa bdag gi ston (7) pa lags so ||
de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo khyod kyi ston pa de bźin gśegs pa la kun dga’ bo khyod kyis lus kyi las byams pa yid du ’oṅ ba daṅ ṅag gi (285b1) las byams pa yid du ’oṅ ba daṅ yid kyi las byams pa yid du ’od pas rim gror byas te | de lta bas na kun dga’ bod ltar ṅa bźugs te ’tsho źiṅ gźes pa’i sku ’di la ci ltar khyod kyis dga’ ba daṅ daṅ ba daṅ dad pa daṅ ri mor byas pa kun dga’ bo de ltar ṅa ’das nas (2) śes rab kyi pha rol tu phyin pa ’di la yaṅ byos śig | kun dga’ bo ci nas śes rab kyi pha rol tu phyin pa ’di nub par mi ’gyur źiṅ ci nas khyod skyes bu tha mar mi ’gyur bar kun dga’ bo khyod la lan gñis lan gsum du yoṅs su gtad do rjes su yoṅs su gtad do ||
kun (3) dga’ bo śes rab kyi pha rol tu phyin pa ’di ’jig rten na ci srid du rab tu spyod pa de srid du de bźin gśegs pa bźugs par rig par bya’o ||
kun dga’ bo de srid du de bźin gśegs pa chos ston par rig par bya’o ||
kun dga’ bo gaṅ śes rab kyi pha rol tu phyin pa ’di (4) ñan pa daṅ ’dzin pa daṅ ’chaṅ ba daṅ klog pa daṅ kun chub par byed pa daṅ | rab tu gdon pa daṅ ston pa daṅ ñe bar ston pa daṅ luṅ ’bogs pa daṅ kha ton byed pa daṅ yi ger ’dri ba daṅ | me tog daṅ bdug pa daṅ dri daṅ phreṅ ba daṅ byug pa daṅ phye ma daṅ na bza’ daṅ gdugs daṅ rgyal (5) mtshan daṅ dril bu daṅ ba dan dag daṅ khor yug tu mar me’i phreṅ ba daṅ mchod pa rnam pa maṅ po dag gis | bkur stir byed bla mar byed rjed par byed mchod par byed ri mor byed bsñen bkur byed pa’i sems can de dag ni saṅs rgyas mthoṅ ba daṅ dam pa’i chos ñan pa daṅ dge ’dun la rim (6) gro byed pa daṅ ma bral bar rig par bya’o ||
kun dga’ bo sems can de dag ni de bźin gśegs pa’i druṅ na spyod par rig par bya’o ||
bcom ldan ’das dgyes śiṅ de skad ces bka’ stsal pa daṅ | byaṅ chub sems dpa’ sems dpa’ chen po byams pa la sogs pa daṅ tshe daṅ (7) ldan pa rab ’byor daṅ tshe daṅ ldan pa ś ri’i bu daṅ tshe daṅ ldan pa kun dga’ bo daṅ lha rnams kyi dbaṅ po brgya byin daṅ lha daṅ mi daṅ lha ma yin daṅ dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||
’phags pa (286a1) śes rab kyi pha rol tu phyin pa brgyad stoṅ pa las yoṅs su gtad pa’i le’u źes bya ste sum cu rtsa gñis pa’o || ||
bcom ldan ’das ma ’phags pa śes rab kyi pha rol tu phyin pa brgyad stoṅ pa rdzogs so || ||
(2) rgya gar gyi mkhan po śkya se na daṅ dzñ na siddhi daṅ źu chen gyi lo tstsha ba ban de dharma t śi la la sogs pas bsgyur ciṅ źus te gtan la phab | slad kyis dbaṅ phyug dam pa’i mṅa’ bdag bod kyi dpal lha btsan po bkra śis lha sde btsan gyi bkas | rgya gar gyi mkhan po su bh (3) śi ta daṅ | sgra bsgyur gyi lo tstsha ba dge sloṅ rin chen bzaṅ pos ’grel pa daṅ mthun par bsgyur | slad kyis rgya gar gyi mkhan po pandi ta chen po di pam ka ra śri dzñ na daṅ | źu chen gyi lo tstsha ba dge sloṅ rin chen bzaṅ pos yul dbus kyi ’grel pa daṅ gtugs nas (4) bcos śiṅ źus te gtan la phab | yaṅ slad kyis kyi smad gñe thaṅ na mo cher | pandi ta chen po di pam ka ra śri dzñ na daṅ | lo tstsha ba ’bro ma rgyal ba’i ’byuṅ gnas gñis kyis brgyad stoṅ pa bśad pa’i dus su che loṅ źig gtan la phab | phyis ra sgreṅ gtsug lag khaṅ du (5) lo tstsha ba ’bro ma rgyal ba’i ’byuṅ gnas kyis rgya gar gyi mdo gsum daṅ gtugs nas lan gñis gtan la phab | slad kyis yaṅ lo tstsha ba de ñid kyis bśad pa mdzad ciṅ phran tshegs kyaṅ gtan la phab | dus phyis lo tstsha ba chen po śkya’i dge sloṅ blo ldan śes rab (6) kyis kha che’i dpe daṅ yul dbus kyi dpe du ma bsags nas gtan la phab || ||
http://www2.hf.uio.no/common/apps/permlink/permlink.php?app=polyglotta&context=ctext&uid=54c9e374-4b8e-11e6-98cc-0050569f23b2
