You are here: BP HOME > KBS > 042 Candrasūtra > fulltext
042 Candrasūtra

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
042 Candrasūtra
    Click to Expand/Collapse Option Complete text
Click to Expand/Collapse Option
Back to library
42. Candrasūtra; śer rab sna tshogs ka 
zla ba’i mdo | 
(282b6) || rgya gar skad du | tsandrasūtra | bod skad du | zla ba’i mdo | ’phags pa dkon mchog gsum la gus pas phyag (7) ’tshal lo || 
’di skad bdag gis thos pa dus gcig na | bcom ldan ’das mñan yod rgyal byed tshal mgon med zas sbyin gyi kun dga’ ra ba na bźugs so || 
de nas de’i tshe lha’i bu zla ba | lha ma yin gyi dbaṅ po sgra gcan ’dzin gyis bzuṅ nas | de nas lha’i bu zla bas bcom (283a1) ldan ’das rjes su dran pa yid la byas te | de’i dus su tshigs su bcad pa ’di gsol to || 
saṅs rgyas dpa’ po de la ’dud || 
thams cad myur du grol bar gyis || 
bdag ’di’i kha ru bcug pas na || 
bdag ni khyed la skyabs su ’gro || 
de nas bcom (2) ldan ’das kyis lha’i bu zla ba’i ched du lha ma yin gyi dbaṅ po sgra gcan ’dzin la tshigs su bcad pa bka’ stsal pa | saṅs rgyas ’jig rten la brtse bas || 
dgra bcom de bźin gśegs pa la || 
zla ba skyabs su soṅ bas na || 
sgra gcan ’dzin gyis zla ba thoṅ || 
de nas (3) lha ma yin gyi dbaṅ po sgra gcan ’dzin gyis | lha’i bu zla ba grol bar byas nas | sṅar gyi gzugs bźin du gaṅ su źig gis lha ma yin gyi dbaṅ po thags bzaṅs ris kyi druṅ du soṅ źiṅ soṅ nas | sems mi dga’ źiṅ yi mug pas ba spu laṅs par gyur pas phyogs gcig tu ’dug go || 
(4) phyogs gcig tu ’dug nas yaṅ lha ma yin gyi dbaṅ po sgra gcan ’dzin la | lha ma yin gyi dbaṅ po thags bzaṅs ris kyis tshigs su bcad ba smras pa | ci phyir yid ni skrag par gyur || 
sgra gcan ’dzin gyis zla ba thoṅ || 
gzugs kyi rnam ’gyur kun du ṅan || 
ci phyir ’jigs pas (5) ’di ru lhags || 
sgra gcan ’dzin gyis smras pa | saṅs rgyas tshigs bcad thos nas ni || 
zla ba bdag gis ma btaṅ na || 
mgo bo tshal pa bdun ’gas śiṅ || 
’tsho ba la ni bde ba med || 
zla ba’i mdo rdzogs sho || 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login