de’i tshe de’i dus na tshe daṅ ldan pa ri’i kun dga’ bo nad dam po sdug bsṅal bas gzir to ||
de nas tshe daṅ ldan (7) pa kun dga’ bo bcom ldan ’das ga la ba der soṅ źiṅ ñe bar soṅ nas bcom ldan ’das la phyag byas nas phyogs gcig tu ’dug go ||
phyogs gcig tu ’dug nas yaṅ tshe daṅ ldan pa kun dga’ bos bcom ldan ’das la ’di skad ces gsol to ||
btsun pa tshe daṅ ldan pa ri’i kun dga’ bo (276b1) nad dam po sdug bsṅal bas gzir to ||
btsun pa bcom ldan ’das legs par mdzad du gsol | dge sloṅ tshe daṅ ldan pa ri’i kun dga’ bo ga la ba der gśegs la rjes su brtse bas gśegs par źu | de nas bcom ldan ’das kyis tshe daṅ ldan pa kun dga’ bo la bka’ stsal pa | der (2) yaṅ kun dga’ bo khyod dge sloṅ ri’i kun dga’ bo’i thad du soṅ la ’du śes bcu bśad par gyis śig | rnam par śes pa daṅ ldan pa’i gnas su smra bar gyis śig | gźan yaṅ dge sloṅ ri’i kun dga’ bos ’du śes bcu thos nas nad kyis gzir ba’i gnas rnams la so sor rig par (3) ’gyur ro ||
bcu gaṅ źe na | mi rtag pa’i ’du śes daṅ | bdag med pa’i ’du śes daṅ | mi gtsaṅ ba’i ’du śes daṅ | par du gcod pa’i ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pa’i ’du śes daṅ | ’jig rten thams cad la (4) mṅon par mi dga’ ba’i ’du śes daṅ | ’du byed thams cad la mi rtag pa’i ’du śes daṅ ||
’byuṅ ba daṅ rṅubs pa rjes su dran pa’i ’du śes so ||
mi rtag pa’i ’du śes du źe na | ’di ni tshe daṅ ldan pa kun dga’ bo ||
dgon pa ’am | śiṅ druṅ ṅam | khaṅ pa stoṅ par soṅ la ’di ni so sor rig (5) par bya’o ||
gzugs mi rtag pa daṅ | tshor ba mi rtag pa daṅ | ’du śes mi rtag pa daṅ | ’du byed mi rtag pa daṅ | rnam par śes pa mi rtag pa ste ’di rnams la ñe bar len pa’i phuṅ po lṅa po mi rtag par blta bar bya’o ||
de la mi rtag pa’i ’du śes ston cig | kun dga’ bo bdag med pa’i ’du (6) śes du źe na | ’di ni dge sloṅ kun dga’ bo ||
dgon pa ’am | śiṅ druṅ ṅam | khaṅ pa stoṅ par soṅ la ’di ni so sor rig par bya’o ||
mig bdag med pa daṅ | gzugs bdag med pa daṅ | rna ba bdag med pa daṅ | sgra bdag med pa daṅ | sna bdag med pa daṅ | dri bdag med pa daṅ | lce (7) bdag med pa daṅ | ro bdag med pa daṅ | lus bdag med pa daṅ | reg bya bdag med pa daṅ | yid bdag med pa daṅ | chos bdag med pa ste | ’di rnams ni naṅ gi drug daṅ phyi’i skye mched drug bdag med pa’o ||
bdag med pa la lta źiṅ bsam par bya’o ||
kun dga’ bo bdag med pa ’di rnams ston (277a1) cig | kun dga’ bo mi gtsaṅ ba’i ’du śes ni dge sloṅ kun dga’ bo ’di ni lus ’di ñid la spyi gtsug nas ’og gi rkaṅ mthil gyi bar gyi | pags pa’i phyi śun gyi bar gaṅ bar rnam pa sna tshogs pa’i mi gtsaṅ ba so sor brtag par bya’o ||
lus ’di la skra daṅ | ba spu daṅ | (2) sen mo daṅ | so daṅ | pags pa’i phyi śun daṅ | śa daṅ | chu ba daṅ | rus pa daṅ | rkaṅ mar daṅ | mkhal ma daṅ | sñiṅ daṅ | mcher pa daṅ | glo ba daṅ | sul maṅ daṅ | pho ba daṅ | rgyu ma daṅ | rgyu ma’i gñe ma daṅ | lgaṅ pa daṅ | rtug pa daṅ | mkhris pa daṅ | bad kan (3) daṅ | tshigs daṅ | khrag daṅ | rdul daṅ | tshil daṅ | mchi ma daṅ | źag daṅ | mchil ma daṅ | snabs daṅ | chu ser daṅ | gcin daṅ | glad pa ste mi gtsaṅ ba’i rdzas sum cu rtsa gñis so ||
lus ’di la mi gtsaṅ bar blta bar bya’o ||
kun dga’ bo mi gtsaṅ ba ’di rnams (4) bstan par gyis śig | kun dga’ bo bar du gcod pa rnams du źe na | dge sloṅ kun dga’ bo ’di ni dgon pa’am | śiṅ druṅ ṅam | khaṅ stoṅ du soṅ ste ’di rnams so sor brtag par bya’o ||
lus ’di ni sdug bsṅal maṅ ba daṅ | bar du gcod pa maṅ ba ste | lus ’di la rnam pa du ma’i (5) nad ’byuṅ ṅo ||
’di lta ste | mig gi nad daṅ | rna ba’i nad daṅ | sna’i nad daṅ | lce’i nad daṅ | lus kyi nad daṅ | mgo bo’i nad daṅ | rna ba’i naṅ gi nad daṅ | kha’i nad daṅ | so’i nad daṅ | glo daṅ | dbugs mi bde ba daṅ | pin so’i nad daṅ | tsha rims daṅ | lto ba’i nad daṅ | (6) brgyal ba daṅ | gźogs phyed na ba daṅ | gzer ba daṅ | gsud pa daṅ | mdze daṅ | śa ’bras daṅ | ’brum bu phra mo daṅ | gcoṅ nad daṅ | brjed byed kyi nad daṅ | bas ldags daṅ | g-yan pa daṅ | lus za ba daṅ | raśka sa daṅ | bi tsar tsi ka daṅ | khrag mkhris daṅ | ma dhu (7) me ha daṅ | a~M ga daṅ | si la ka daṅ | mtshan mar rdol ba daṅ | mkhris pa ’khrugs pa’i nad daṅ | bad kan ’khrugs pa’i nad daṅ | rluṅ ’khrugs pa’i nad daṅ | ’dus pa’i nad daṅ | dus su zas yi khar mi ’oṅ ba’i nad daṅ | mi mñam pa’i nad ’khrugs pa daṅ | a u pa ka smri (277b1) ka’i nad daṅ | las kyi rnam par smin pa’i nad daṅ | graṅ ba daṅ | dro ba daṅ | bkres rdab daṅ | skom pa daṅ | ’khru ba daṅ | chu nad ste | lus kyi nad ’di rnams ni bar du gcod par blta źiṅ bsgom par bya’o ||
kun dga’ bo ’di ni bar du gcod par bstan par bya’o ||
(2) kun dga’ bo spoṅ ba’i ’du śes rnams du źe na | dge sloṅ kun dga’ bo ’di ni ’dod pa las ksyesa pa ste | mi gnas par dor bar bya’o ||
rnam par gźig pa daṅ | goms par mi byed pa daṅ | mi bsgom par ’gro ba daṅ | rnam par ’tshe ba’i rnam rtog las skyes pa daṅ | (3) mi gnas pa ste dor bar bya’o ||
rnam par gźig pa daṅ | goms par mi byed pa daṅ | mi bsgom par ’gro ba ste skyes śiṅ skyes pa’i sdig pa mi dge ba’i chos mi gnas pa ste dor bar bya’o ||
rnam par gźig pa daṅ | goms par mi byed pa daṅ | mi bsgom par ’gro ba ste | kun (4) dga’ bo ’di ni spoṅ ba’i ’du śes so ||
kun dga’ bo ’dod chags daṅ bral ba’i ’du śes du źe na | dge sloṅ kun dga’ bo ’di ni dgon pa ’am | śiṅ druṅ ṅam | khaṅ stoṅ du soṅ ste so sor brtag par bya’o ||
’di ni źi ba daṅ | gya nom pa gaṅ ’di ni ’dus byas thams cad gnas (5) pa daṅ | skye ba daṅ | bsgyur pa daṅ | sred pa zad pa daṅ | ’gog pa daṅ | mya ṅan las ’das pa’o ||
kun dga’ bo ’di ni ’gog pa’i ’du śes so ||
kun dga’ bo ’jig rten thams cad la mṅon par mi dga’ ba’i ’du śes du źe na | dge sloṅ kun dga’ bo ’di ni (6) gaṅ źig ’jig rten pa thabs daṅ ñe bar skye ba daṅ | rtog pa daṅ | gnas pa daṅ | bag la ñal ba bor te dga’ ba mi bskyed par ro ||
kun dga’ bo ’di ni ’jig rten thams cad la mṅon par mi dga’ ba’i ’du śes su bstan par bya’o ||
kun dga’ bo ’du byed thams cad mi (7) rtag pa’i ’du śes du źe na | dge sloṅ kun dga’ bo ’di ni ’du byed thams cad la źen pa med pa daṅ | spoṅ ba daṅ | skyug bro ba ste | kun dga’ bo ’di ni ’du byed thams cad mi rtag pa’i ’du śes su bstan par bya’o ||
kun dga’ bo dbugs rṅubs pa daṅ dbyuṅ ba rjes su dran pa (278a1) du źe na | dge sloṅ kun dga’ bo ||
dgon pa’am | śiṅ druṅ ṅam | khaṅ stoṅ du soṅ ste ’dug la skyil kruṅ bcas te lus draṅ por bsraṅs la kha gyen du bltas la rjes su dran ciṅ gnas par bya’o ||
de nas dbugs thuṅ ṅu phyuṅ na dbugs thuṅ ṅu phyuṅ ṅo sñam du yaṅ (2) dag par śes so ||
dbugs riṅ du rṅubs pa’am thuṅ ṅu rṅubs na rṅubs so sñam du yaṅ dag par śes so ||
dbugs riṅ du phyuṅ na dbugs riṅ du mthoṅ ṅo sñam du yaṅ dag par śes so ||
dbugs thuṅ ba’am thuṅ ṅu phyuṅ na dbugs thuṅ ṅu phyuṅ ṅo sñam du yaṅ dag par śes so ||
(3) dbugs thuṅ ba’am thuṅ ṅu rgyus na thuṅ ṅu blta ba daṅ yaṅ dag par śes so ||
lus kyi thams cad yaṅ dag par myoṅ źiṅ dbugs thuṅ ṅu rgyus so źes bslab par byas te | lus kyi yaṅ dag par myoṅ źiṅ blta źiṅ bslab par bya’o ||
lus kyi ’du byed śin tu sbyaṅs nas dbugs thuṅ (4) ṅu rṅubs na rṅubs pa la blta źiṅ bslab par bya’o sñam du yaṅ dag par śes so ||
gñis ka mthoṅ źiṅ lus kyi ’du byed yaṅ dag par sbyaṅs śiṅ rluṅ thuṅ ṅu phyuṅ ṅo ||
źes gnas śiṅ bslab par bya’o ||
gñis ka mthoṅ źiṅ lus kyi ’du byed la blta źiṅ gnas par bslab par (5) bya’o ||
dga’ ba yaṅ dag par myoṅ źiṅ dbugs thuṅ ṅu rgyus so sñam du bslab par bya’o ||
dga’ ba yaṅ dag par myoṅ źiṅ blta źiṅ bslab par bya’o ||
bde ba yaṅ dag par myoṅ źiṅ dbugs thuṅ ṅu rgyus so sñam du bslab par bya’o ||
bde ba yaṅ dag par myoṅ źiṅ blta źiṅ bslab (6) par bya’o ||
sems kyi ’du byed yaṅ dag par myoṅ źiṅ dbugs thuṅ ṅu rgyus so sñam du bslab par bya’o ||
sems kyi ’du byed yaṅ dag par myoṅ źiṅ blta źiṅ bslab par bya’o ||
gñis ka mthoṅ źiṅ sems kyi ’du byed yaṅ dag par myoṅ źiṅ dbugs thuṅ ṅu rgyus na rgyus so sñam du bslab (7) par bya’o ||
gñis ka mthoṅ źiṅ sems kyi ’du byed yaṅ dag par sbyaṅs so sñam du bslab par bya’o ||
sems yaṅ dag par myoṅ na dbugs thuṅ ṅu rṅubs na rṅubs so źes bslab par bya’o ||
sems yaṅ dag par myoṅ źiṅ yaṅ dag par sbyaṅs so sñam du bslab par bya’o ||
sems mṅon (278b1) par dga’ ba bskyed pa daṅ dbugs thuṅ ṅu rgyus pa na rgyus so źes bslab par bya’o ||
sems mṅon par dga’ ba bskyed pa daṅ śin tu sbyaṅs so sñam du bslab par bya’o ||
sems źi gnas la gnas pas dbugs thuṅ ṅu rgyus na rgyus so sñam du bslab par bya’o ||
sems (2) źi gnas la gnas pas lhag mthoṅ du gnas par bslab par bya’o ||
sems rnam par grol bas dbugs thuṅ ṅu rgyus na rgyus so źes bslab par bya’o ||
sems rnam par grol bas lhag mthoṅ la gnas par bslab par bya’o ||
mi rtag par rjes su lta bas dbugs thuṅ ṅu (3) rgyus na rgyus so sñam du bslab par bya’o ||
mi rtag par rjes su lta bas lhag mthoṅ la gnas par bslab par bya’o ||
’dod chags daṅ bral bar rjes su lta bas dbugs thuṅ ṅu rgyus na rgyus so sñam du bslab par bya’o ||
’dod chags daṅ bral bar rjes su lta bas lhag mthoṅ la (4) gnas par bslab par bya’o ||
’gog pa la rjes su lta bas dbugs thuṅ ṅu rgyus na rgyus so sñam du bslab par bya’o ||
’gog pa la rjes su lta bas lhag mthoṅ la gnas par bslab par bya’o ||
so sor spoṅ ba rjes su lta bas dbugs thuṅ du rgyus na rgyus so sñam du bslab par bya’o ||
so (5) sor spoṅ bar rjes su lta bas lhag mthoṅ la gnas par bslab par bya’o ||
kun dga’ bo dbugs rṅubs pa daṅ dbyuṅ ba rjes su dran pa ’di bśad par bya’o ||
der yaṅ kun dga’ bo khyed ri’i kun dga’ bo’i gnas su soṅ la | ’du śes bcu po ’di bśad par bya’o ||
gnas (6) gźan yaṅ yod de dge sloṅ ri’i kun dga’ bos ’du śes bcu po ’di thos na de’i nad thams cad źi bar ’gyur ro ||
de nas yaṅ tshe daṅ ldan pa kun dga’ bos bcom ldan ’das las mñan te | tshe daṅ ldan pa ri’i kun dga’ bo’i gnas su soṅ nas | tshe daṅ ldan pa ri’i (7) kun dga’ bo la | ’du śes bcu so sor bśad do ||
de nas tshe daṅ ldan pa ri’i kun dga’ bos ’du śes bcu po ’di rnams thos nas de’i nad thams cad źi bar gyur to ||
de’i nad thams cad źi nas tshe daṅ ldan pa ri’i kun dga’ bo laṅs te | tshe daṅ ldan pa (279a1) ri’i kun dga’ bo’i nad phyis med par gyur to ||
